TITUS
Brandane
Part No. 26
Previous part

Chapter: 26     
Verse: 2069     Do versach sente Brandaen
Verse: 2070     
Eenen cleenen man saen;

Verse: 2071     
Die bouc seit ons dat,
Verse: 2072     
Dat hi vlootte vp een blat;

Verse: 2073     
Die man was cume
Verse: 2074     
Also groet als een dume.

Verse: 2075     
In die luchter hant zijn
Verse: 2076     
So voerde hi een napkijn;

Verse: 2077     
In dandre een greffeel bloot,
Verse: 2078     
Dat ne was no bore groot;

Verse: 2079     
Daer mede was hem vele wee:
Verse: 2080     
Hi stac tgreffeel in die zee

Verse: 2081     
Ende liet drupen int napkijn,
Verse: 2082     
Dien hi hadde in de hant zijn.

Verse: 2083     
Ende doe hijt vol hadde ghedaen
Verse: 2084     
Goet hijt weder hute [= ute] saen;

Verse: 2085     
Aldus hi mat ende hute [= ute] ghoet.
Verse: 2086     
Hoert hier wonder groot.

Verse: 2087     
Doe vraechde hem sente Brandaen
Verse: 2088     
Waer omme dat hijt heeft ghedaen.

Verse: 2089     
Hi sprac: "ic mete dese zee,
Verse: 2090     
Hets mi vorscepen emmermee,

Verse: 2091     
Ofte ics vulmeten mach
Verse: 2092     
Tote voer den domsdach.'

Verse: 2093     
Doe sprac Brandaen, die heere:
Verse: 2094     
"Du en vulmeeste nemmermeere."

Verse: 2095     
Die cleene man andwoerde vp dat,
Verse: 2096     
Daer hi vp dien blade zat:

Verse: 2097     
"Niet te meer dan ic vulmeten mach
Verse: 2098     
Die zee voer den domsdach, Manuscript page: 191c  [191c]

Verse: 2099     
Niet te meer moghedi bescauwen
Verse: 2100     
Al dat wonder en trauwen,

Verse: 2101     
Dat God heeft laten gheweerden
Verse: 2102     
Int water ende vp der eerden

Verse: 2103     
Entie di noch verholen zijn.
Verse: 2104     
Dine gheestelike kindre fijn,

Verse: 2105     
Die zijn thuus sonder troost.
Verse: 2106     
God die dicken heeft verloost,

Verse: 2107     
Bidden si dor sine ghenaden
Verse: 2108     
Dat Hi hu [= u] behoede van scaden.

Verse: 2109     
Gods inghel moete behoeden di.
Verse: 2110     
Niet langher willic hu [= u] zijn bi."


Next part



This text is part of the TITUS edition of Brandane.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.