TITUS
Brandane
Part No. 30
Previous part

Chapter: 30     
Verse: 2219     DOe dit al was ghedaen,
Verse: 2220     Ghinghen si ten zeyle saen

Verse: 2221     Ende trockent an den maste
Verse: 2222     Ende bondent vele vaste;

Verse: 2223     Den ancker cabel sneden si ontwee
Verse: 2224     Ende voeren vroylic vp die zee Manuscript page: 192b  [192b]

Verse: 2225     Ende quamen saen te hant
Verse: 2226     Ghesont tote in haer lant.

Verse: 2227     Den bouc nam sente Brandaen
Verse: 2228     Ende alle die moonken saen

Verse: 2229     Ende ghinghen met hem scone
Verse: 2230     In den monster vrome.

Verse: 2231     Doe quamen hem ieghen
Verse: 2232     Vele goede Gods deghen,

Verse: 2233     Broeders ende papen,
Verse: 2234     Alsose God hadde ghescapen,

Verse: 2235     Ende ontfinghen die heeren
Verse: 2236     Met wel groeter eeren.

Verse: 2237     Dien bouc heeft hi vp gheheuen,
Verse: 2238     Daer dat wonder in was bescreuen.

Verse: 2239     Doe quam een inghel van Gode
Verse: 2240     Ende dede zijns heeren ghebode.

Verse: 2241     "Sijt willecomme, Brandaen;
Verse: 2242     Dine vaert es vuldaen.

Verse: 2243     Nu zijt vp erderike
Verse: 2244     Also langhe als hu [= u] ghelike,

Verse: 2245     Ende alstu hier niet mee wils zijn,
Verse: 2246     So vaert ten hemele int sitten dijn."


Next part


This text is part of the TITUS edition of Brandane.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.