TITUS
Cimbrian Catechism (1842): Analysis
Part No. 10
Previous part

School: 10 
DE ZÉGHENE SCHULE
VON VIRTÙ TEOLOGALI


Sentence: 1    M. Bele saint de virtù, da méaror nóatent an ame Christian?
Sentence: 2    S. Di virtù da rüfent=sich Teologali, odar Divine.
Sentence: 3    M. Bibel sáint^sa de virtù Teologali?
Sentence: 4    S. Drai: Fede, Speranza, Carità.
Sentence: 5    M. Baz ist de Fede?
Sentence: 6    S. De Fede ist an virtù da kemmet von Gotte me Herren, vor bela biar cloben in Gott den Herren, un allez baz ear hat ga~màcht bicen sáindar Kerchen.
Sentence: 7    M. Machet an atten von dar Fede.
Sentence: 8a    S. Máindar Gott, ich clobe allez baz eüch hat ga~vállet zo máche=mar bicen, un clobe=z met álleme herzen, sichar sichar, un bölte entor sterben, bedar haben koana vorte az net asò sai, brumme ^2ar habet=z ga~líarnet iart, éarsta un síchara dabárot, da ^2ar möghet=ach net veeln, net líarnen kóame zo véelan.
Sentence: 8b       Ich clobe, bia iart sait hörtan ga~béest, un sait, un habet hörtan zo sáinan; un bia iart sait un Gott anlóan, un drai persúun galáiche, kóana von beeln ist net d'andar, Vater, un Sun, un Halgar Spirito.
Sentence: 8c       Ich clobe dar pai, bia iart ghebet allen baz se hábent=in ga~vúnnet, in Hümmel den gúuten, un de hella den pösen.
Sentence: 8d       Ich clobe, bia dar Sun von Gotte me Herren bat=sich incarnàrt un ga~màcht mann in dez püarorste laib von allen, von dar liben Vraun, vor arbot von me Halghen Spirito; hat ga~láidet, un ist ga~stórbet af z' Kréüze zo lösanüz von dar hellen, un ga~vínnen=üz in Hümmel; un bia drai taghe darnaach ^3ar ist auf ga~stànt von me tóade.
Sentence: 8e       Ich clobe vor lest alle di andarn dabárot, da clóbent=sich in de halghe Kercha cattolica romana, in bela ich bil sichar léeben un sterben.
Sentence: 9    M. Baz ist de Speranza?
Sentence: 10    S. De Sperenza ist an virtù, ba da hat=üz ga~schénket Gott dar Herre, da máchet=üz páiten in Hümmel, ba ear hat vor~hóacet den selben, da vólghent=me.
Sentence: 11    M. Machet an atten von dar Speránzen.
Sentence: 12    S. Máindar Gott, dez main herze séüftet zua eüch, máina éarsta un lédega galücke; un ga~màcht herze, tort ^2ar sait asò guut, un ga~sichart von eürme bóarte, da mak net veeln, ich páite sichar, vor baz da hat ga~láidet dar ünzar Herre Jesu Christ, vor~ghébenghe von main sünten, un hölfe zo süntan nimmar mear, un zo hálten=mich saldo starch in de bool dort allez main leban, un zo salvàrn main séela, hölfenten=mich bibel ich mak mit dar eür hölfe, bia ich vor~hóace zo tünan.
Sentence: 13    M. Baz ist de Carità?
Sentence: 14    S. De Carità ist an virtù ba da hat=üz ga~schénket Gott dar Herre, vor bela biar beln bool ime übar alle de dink, un dem' ünzarn próssimen bia üz andarn.
Sentence: 15    M. Machet an atten von dar Caritè.
Sentence: 16a    S. Máindar Gott met miar asò hérzelach un guut, ich bil=ach bool übar alle de dink, un bil=ach bool net káuma vor sobel bool, ba ^2ar hábet=mar voar hemmest ga~màcht, un páite noch vüar un vüar von eürn hänten; übar allez ich bil=ach bool brumme ^2ar sait an Gott, da meritáart zo kemman bool ga~belt ane koan oart, sáinten iart von eüch selbort alla de bool.
Sentence: 16b       Ich bil denne bool, vor eüch, allen den main próssimen, bia miar; un ich vánghe=se drin alle met allar macht von máinme herzen, brumme se' ga~láichent=ach eüch, un iart hábet=se ga~scháfet, un ga~löset von dar hellen: un dar pai ich bil bool allen den och, da hábent=mar ga~tànt unrech; un ich vor~ghíb=in allen vo' herzen ghearn, sobel bia ich mar günne az ^2ar mar iart vor~ghébet miar, píttenten=ach aan az ^2ar schenket=in sobel bool, un méaror och, bibel se' hábent=mar seü miar übel ga~táant, un ga~günnet.



Next part


This text is part of the TITUS edition of Cimbrian Catechism (1842): Analysis.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.