TITUS
Novum Testamentum graece
Part No. 172
Previous part

Chapter: 2 
Verse: 1    Καὶ ὑμᾶς ὄντας νεκροὺς τοῖς παραπτώμασιν καὶ ταῖς ἁμαρτίαις ὑμῶν,
Verse: 2    ἐν αἷς ποτε περιεπατήσατε κατὰ τὸν αἰῶνα τοῦ κόσμου τούτου, κατὰ τὸν ἄρχοντα τῆς ἐξουσίας τοῦ ἀέρος, τοῦ πνεύματος τοῦ νῦν ἐνεργοῦντος ἐν τοῖς υἱοῖς τῆς ἀπειϑείας·
Verse: 3    ἐν οἷς καὶ ἡμεῖς πάντες ἀνεστράϕημέν ποτε ἐν ταῖς ἐπιϑυμίαις τῆς σαρκὸς ἡμῶν, ποιοῦντες τὰ ϑελήματα τῆς σαρκὸς καὶ τῶν διανοιῶν, καὶ ἤμεϑα τέκνα ϕύσει ὀργῆς ὡς καὶ οἱ λοιποί·
Verse: 4    ὁ δὲ ϑεὸς πλούσιος ὢν ἐν ἐλέει, διὰ τὴν πολλὴν ἀγάπην αὐτοῦ ἣν ἠγάπησεν ἡμᾶς,
Verse: 5    καὶ ὄντας ἡμᾶς νεκροὺς τοῖς παραπτώμασιν συνεζωοποίησεν τῷ Χριστῷ χάριτί ἐστε σεσῳσμένοι
Verse: 6    καὶ συνήγειρεν καὶ συνεκάϑισεν ἐν τοῖς ἐπουρανίοις ἐν Χριστῷ ᾽Ιησοῦ,
Verse: 7    ἵνα ἐνδείξηται ἐν τοῖς αἰῶσιν τοῖς ἐπερχομένοις τὸ ὑπερβάλλον πλοῦτος τῆς χάριτος αὐτοῦ ἐν χρηστότητι ἐϕ' ἡμᾶς ἐν Χριστῷ ᾽Ιησοῦ.
Verse: 8    τῇ γὰρ χάριτί ἐστε σεσῳσμένοι διὰ πίστεως· καὶ τοῦτο οὐκ ἐξ ὑμῶν, ϑεοῦ τὸ δῶρον·
Verse: 9    οὐκ ἐξ ἔργων, ἵνα μή τις καυχήσηται.
Verse: 10    αὐτοῦ γάρ ἐσμεν ποίημα, κτισϑέντες ἐν Χριστῷ ᾽Ιησοῦ ἐπὶ ἔργοις ἀγαϑοῖς οἷς προητοίμασεν ὁ ϑεὸς ἵνα ἐν αὐτοῖς περιπατήσωμεν.
Verse: 11    Διὸ μνημονεύετε ὅτι ποτὲ ὑμεῖς τὰ ἔϑνη ἐν σαρκί, οἱ λεγόμενοι ἀκροβυστία ὑπὸ τῆς λεγομένης περιτομῆς ἐν σαρκὶ χειροποιήτου,
Verse: 12    ὅτι ἦτε τῷ καιρῷ ἐκείνῳ χωρὶς Χριστοῦ, ἀπηλλοτριωμένοι τῆς πολιτείας τοῦ ᾽Ισραὴλ καὶ ξένοι τῶν διαϑηκῶν τῆς ἐπαγγελίας, ἐλπίδα μὴ ἔχοντες καὶ ἄϑεοι ἐν τῷ κόσμῳ.
Verse: 13    νυνὶ δὲ ἐν Χριστῷ ᾽Ιησοῦ ὑμεῖς οἵ ποτε ὄντες μακρὰν ἐγενήϑητε ἐγγὺς ἐν τῷ αἵματι τοῦ Χριστοῦ.
Verse: 14    Αὐτὸς γάρ ἐστιν ἡ εἰρήνη ἡμῶν, ὁ ποιήσας τὰ ἀμϕότερα ἓν καὶ τὸ μεσότοιχον τοῦ ϕραγμοῦ λύσας, τὴν ἔχϑραν, ἐν τῇ σαρκὶ αὐτοῦ,
Verse: 15    τὸν νόμον τῶν ἐντολῶν ἐν δόγμασιν καταργήσας, ἵνα τοὺς δύο κτίσῃ ἐν αὑτῷ εἰς ἕνα καινὸν ἄνϑρωπον ποιῶν εἰρήνην,
Verse: 16    καὶ ἀποκαταλλάξῃ τοὺς ἀμϕοτέρους ἐν ἑνὶ σώματι τῷ ϑεῷ διὰ τοῦ σταυροῦ, ἀποκτείνας τὴν ἔχϑραν ἐν αὐτῷ.
Verse: 17    καὶ ἐλϑὼν εὐηγγελίσατο εἰρήνην ὑμῖν τοῖς μακρὰν καὶ εἰρήνην τοῖς ἐγγύς·
Verse: 18    ὅτι δι' αὐτοῦ ἔχομεν τὴν προσαγωγὴν οἱ ἀμϕότεροι ἐν ἑνὶ πνεύματι πρὸς τὸν πατέρα.
Verse: 19    ἄρα οὖν οὐκέτι ἐστὲ ξένοι καὶ πάροικοι, ἀλλὰ ἐστὲ συμπολῖται τῶν ἁγίων καὶ οἰκεῖοι τοῦ ϑεοῦ,
Verse: 20    ἐποικοδομηϑέντες ἐπὶ τῷ ϑεμελίῳ τῶν ἀποστόλων καὶ προϕητῶν, ὄντος ἀκρογωνιαίου αὐτοῦ Χριστοῦ ᾽Ιησοῦ,
Verse: 21    ἐν ᾧ πᾶσα οἰκοδομὴ συναρμολογουμένη αὔξει εἰς ναὸν ἅγιον ἐν κυρίῳ,
Verse: 22    ἐν ᾧ καὶ ὑμεῖς συνοικοδομεῖσϑε εἰς κατοικητήριον τοῦ ϑεοῦ ἐν πνεύματι.

Next part


This text is part of the TITUS edition of Novum Testamentum graece.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.