TITUS
Vetus Testamentum graece iuxta LXX interpretes
Part No. 628
Previous part

Chapter: 59 
Verse: 1  Εἰς τὸ τέλος· τοῖς ἀλλοιωϑησομένοις ἔτι, εἰς στηλογραϕίαν
τῷ Δαυιδ, εἰς διδαχήν,
Verse: 2  ὁπότε ἐνεπύρισεν
τὴν Μεσοποταμίαν Συρίας καὶ τὴν Συρίαν Σωβα,
καὶ ἐπέστρεψεν Ιωαβ καὶ ἐπάταξεν τὴν
ϕάραγγα τῶν ἁλῶν, δώδεκα χιλιάδας.
Verse: 3  ῾Ο ϑεός, ἀπώσω ἡμᾶς καὶ καϑεῖλες ἡμᾶς,
ὠργίσϑης καὶ οἰκτίρησας ἡμᾶς.
Verse: 4  συνέσεισας τὴν γῆν καὶ συνετάραξας αὐτήν·
ἴασαι τὰ συντρίμματα αὐτῆς, ὅτι ἐσαλεύϑη.
Verse: 5  ἔδειξας τῷ λαῷ σου σκληρά,
ἐπότισας ἡμᾶς οἶνον κατανύξεως.
Verse: 6  ἔδωκας τοῖς ϕοβουμένοις σε σημείωσιν
τοῦ ϕυγεῖν ἀπὸ προσώπου τόξου.
διάψαλμα.
Verse: 7  ὅπως ἂν ῥυσϑῶσιν οἱ ἀγαπητοί σου,
σῶσον τῇ δεξιᾷ σου καὶ ἐπάκουσόν μου.
Verse: 8  ὁ ϑεὸς ἐλάλησεν ἐν τῷ ἁγίῳ αὐτοῦ
᾽Αγαλλιάσομαι καὶ διαμεριῶ Σικιμα
καὶ τὴν κοιλάδα τῶν σκηνῶν διαμετρήσω·
Verse: 9  ἐμός ἐστιν Γαλααδ, καὶ ἐμός ἐστιν Μανασση,
καὶ Εϕραιμ κραταίωσις τῆς κεϕαλῆς μου,
Ιουδας βασιλεύς μου·
Verse: 10  Μωαβ λέβης τῆς ἐλπίδος μου,
ἐπὶ τὴν Ιδουμαίαν ἐκτενῶ τὸ ὑπόδημά μου,
ἐμοὶ ἀλλόϕυλοι ὑπετάγησαν.
Verse: 11  τίς ἀπάξει με εἰς πόλιν περιοχῆς;
τίς ὁδηγήσει με ἕως τῆς Ιδουμαίας;
Verse: 12  οὐχὶ σύ, ὁ ϑεός, ὁ ἀπωσάμενος ἡμᾶς;
καὶ οὐκ ἐξελεύσῃ, ὁ ϑεός, ἐν ταῖς δυνάμεσιν ἡμῶν.
Verse: 13  δὸς ἡμῖν βοήϑειαν ἐκ ϑλίψεως·
καὶ ματαία σωτηρία ἀνϑρώπου.
Verse: 14  ἐν δὲ τῷ ϑεῷ ποιήσομεν δύναμιν,
καὶ αὐτὸς ἐξουδενώσει τοὺς ϑλίβοντας ἡμᾶς. //

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.