TITUS
Vetus Testamentum graece iuxta LXX interpretes
Part No. 772
Previous part

Chapter: 3 
Verse: 1  Τοῖς πᾶσιν χρόνος,
καὶ καιρὸς τῷ παντὶ πράγματι ὑπὸ τὸν οὐρανόν.
Verse: 2  καιρὸς τοῦ τεκεῖν καὶ καιρὸς τοῦ ἀποϑανεῖν,
καιρὸς τοῦ ϕυτεῦσαι καὶ καιρὸς τοῦ ἐκτῖλαι πεϕυτευμένον,
Verse: 3  καιρὸς τοῦ ἀποκτεῖναι καὶ καιρὸς τοῦ ἰάσασϑαι,
καιρὸς τοῦ καϑελεῖν καὶ καιρὸς τοῦ οἰκοδομῆσαι,
Verse: 4  καιρὸς τοῦ κλαῦσαι καὶ καιρὸς τοῦ γελάσαι,
καιρὸς τοῦ κόψασϑαι καὶ καιρὸς τοῦ ὀρχήσασϑαι,
Verse: 5  καιρὸς τοῦ βαλεῖν λίϑους καὶ καιρὸς τοῦ συναγαγεῖν λίϑους,
καιρὸς τοῦ περιλαβεῖν καὶ καιρὸς τοῦ μακρυνϑῆναι ἀπὸ περιλήμψεως,
Verse: 6  καιρὸς τοῦ ζητῆσαι καὶ καιρὸς τοῦ ἀπολέσαι,
καιρὸς τοῦ ϕυλάξαι καὶ καιρὸς τοῦ ἐκβαλεῖν,
Verse: 7  καιρὸς τοῦ ῥῆξαι καὶ καιρὸς τοῦ ῥάψαι,
καιρὸς τοῦ σιγᾶν καὶ καιρὸς τοῦ λαλεῖν,
Verse: 8  καιρὸς τοῦ ϕιλῆσαι καὶ καιρὸς τοῦ μισῆσαι,
καιρὸς πολέμου καὶ καιρὸς εἰρήνης.
Verse: 9  τίς περισσεία τοῦ ποιοῦντος ἐν οἷς αὐτὸς μοχϑεῖ;
Verse: 10  εἶδον σὺν τὸν περισπασμόν, ὃν ἔδωκεν ὁ ϑεὸς
τοῖς υἱοῖς τοῦ ἀνϑρώπου τοῦ περισπᾶσϑαι ἐν αὐτῷ.
Verse: 11  σὺν τὰ πάντα ἐποίησεν καλὰ ἐν καιρῷ αὐτοῦ
καί γε σὺν τὸν αἰῶνα ἔδωκεν ἐν καρδίᾳ αὐτῶν,
ὅπως μὴ εὕρῃ ὁ ἄνϑρωπος
τὸ ποίημα, ὃ ἐποίησεν ὁ ϑεός, ἀπ' ἀρχῆς καὶ μέχρι τέλους.
Verse: 12  ἔγνων ὅτι οὐκ ἔστιν ἀγαϑὸν ἐν αὐτοῖς
εἰ μὴ τοῦ εὐϕρανϑῆναι καὶ τοῦ ποιεῖν ἀγαϑὸν ἐν ζωῇ αὐτοῦ·
Verse: 13  καί γε πᾶς ὁ ἄνϑρωπος, ὃς ϕάγεται καὶ πίεται
καὶ ἴδῃ ἀγαϑὸν ἐν παντὶ μόχϑῳ αὐτοῦ,
δόμα ϑεοῦ ἐστιν.
Verse: 14  ἔγνων ὅτι πάντα, ὅσα ἐποίησεν ὁ ϑεός,
αὐτὰ ἔσται εἰς τὸν αἰῶνα·
ἐπ' αὐτῷ οὐκ ἔστιν προσϑεῖναι,
καὶ ἀπ' αὐτοῦ οὐκ ἔστιν ἀϕελεῖν,
καὶ ὁ ϑεὸς ἐποίησεν, ἵνα ϕοβηϑῶσιν ἀπὸ προσώπου αὐτοῦ.
Verse: 15  τὸ γενόμενον ἤδη ἐστίν,
καὶ ὅσα τοῦ γίνεσϑαι, ἤδη γέγονεν,
καὶ ὁ ϑεὸς ζητήσει τὸν διωκόμενον.
Verse: 16  Καὶ ἔτι εἶδον ὑπὸ τὸν ἥλιον τόπον τῆς κρίσεως,
ἐκεῖ ὁ ἀσεβής,
καὶ τόπον τοῦ δικαίου,
ἐκεῖ ὁ ἀσεβής.
Verse: 17  εἶπα ἐγὼ ἐν καρδίᾳ μου
Σὺν τὸν δίκαιον καὶ σὺν τὸν ἀσεβῆ κρινεῖ ὁ ϑεός,
ὅτι καιρὸς τῷ παντὶ πράγματι
καὶ ἐπὶ παντὶ τῷ ποιήματι.
Verse: 18  ἐκεῖ εἶπα ἐγὼ ἐν καρδίᾳ μου
περὶ λαλιᾶς υἱῶν τοῦ ἀνϑρώπου,
ὅτι διακρινεῖ αὐτοὺς ὁ ϑεός,
καὶ τοῦ δεῖξαι ὅτι αὐτοὶ κτήνη εἰσὶν καί γε αὐτοῖς.
Verse: 19  ὅτι συνάντημα υἱῶν τοῦ ἀνϑρώπου
καὶ συνάντημα τοῦ κτήνους,
συνάντημα ἓν αὐτοῖς·
ὡς ὁ ϑάνατος τούτου, οὕτως ὁ ϑάνατος τούτου,
καὶ πνεῦμα ἓν τοῖς πᾶσιν·
καὶ τί ἐπερίσσευσεν ὁ ἄνϑρωπος παρὰ τὸ κτῆνος;
οὐδέν, ὅτι τὰ πάντα ματαιότης.
Verse: 20  τὰ πάντα πορεύεται εἰς τόπον ἕνα·
τὰ πάντα ἐγένετο ἀπὸ τοῦ χοός,
καὶ τὰ πάντα ἐπιστρέϕει εἰς τὸν χοῦν·
Verse: 21  καὶ τίς οἶδεν πνεῦμα υἱῶν τοῦ ἀνϑρώπου
εἰ ἀναβαίνει αὐτὸ εἰς ἄνω,
καὶ πνεῦμα τοῦ κτήνους
εἰ καταβαίνει αὐτὸ κάτω εἰς γῆν;
Verse: 22  καὶ εἶδον ὅτι οὐκ ἔστιν ἀγαϑὸν
εἰ μὴ ὃ εὐϕρανϑήσεται ὁ ἄνϑρωπος
ἐν ποιήμασιν αὐτοῦ, ὅτι αὐτὸ μερὶς αὐτοῦ·
ὅτι τίς ἄξει αὐτὸν τοῦ ἰδεῖν ἐν ᾧ ἐὰν γένηται μετ' αὐτόν;

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.