TITUS
Text: Hit. 
Hitopadeśa

(Extracts)


On the basis of the edition
The Hitopadeśa by Nārāyaṇa,
edited by Peter Petersen,
Bombay 1887.
transliterated by Veda Varidhi P. Ramanujan;
transliteration commissioned by Lars Martin Fosse;
proofreading by Lars Martin Fosse;
corrections by Matthias Ahlborn;
TITUS version by Jost Gippert,
Frankfurt a/M, 7.11.97 / 28.2.1998 / 21.6.1998 / 15.3.2000 / 1.6.2000 / 3.12.2008 / 21.4.2012



[Different from the original encoding, compound members are separated by a hyphen, vowel sandhi by an underline stroke, and other sandhi changes including avagraha by a plus sign in the transcription. A transliterative rendering of each sentence was added.]

[For easy reference, the text was arranged in chapters and sentences: J.G.]



Book: (1) 
Mitralābhaḥ

Chapter: 1 
1


Sentence: 1    aham ekadā dakṣiṇāraṇye caran apaśyam \
   aham ekadā dakṣiṇa-araṇye caran apaśyam \

Sentence: 2    eko vr̥ddʰo vyāgʰraḥ snātaḥ kuśahastaḥ sarastīre brūte \
   eko+ vr̥ddʰo+ vyāgʰraḥ snātaḥ kuśa-hastaḥ saras-tīre brūte \

Sentence: 3    bʰo bʰoḥ pāntʰāḥ \
   bʰo+ bʰoḥ pāntʰāḥ \

Sentence: 4    idaṃ suvarṇakaṅkaṇaṃ gr̥hyatām \
   idaṃ+ suvarṇa-kaṅkaṇaṃ+ gr̥hyatām \

Sentence: 5    tato lobʰākr̥ṣṭena kena=cit pāntʰenāvalocitam \
   tato+ lobʰa-ākr̥ṣṭena kena=cit pāntʰena_avalocitam \

Sentence: 6    bʰāgyenaitad api sambʰavati \
   bʰāgyena_etad+ api sambʰavati \

Sentence: 7    kiṃ tv asmin artʰasandehe pravr̥ttir na vidʰiḥ \
   kiṃ+ tv+ asmin+ artʰa-sandehe pravr̥ttir+ na vidʰiḥ \

Sentence: 8    yataḥ \
   yataḥ \



Strophe: 5 
Verse: a    aniṣṭād iṣṭalābʰe 'pi
   an-iṣṭād+ iṣṭa-lābʰe+ +api

Verse: b    nāyatir jāyate śubʰā \
   na_āyatir+ jāyate śubʰā \

Verse: c    yatrāsti viṣasamsargo
   yatra_asti viṣa-samsargo+

Verse: d    'mr̥taṃ tad api mr̥tyave \\ 5 \\
   +amr̥taṃ+ tad+ api mr̥tyave \\ 5 \\
Strophe:   Verse:  


Sentence: 9    kiṃ tu sarvārtʰārjane pravr̥ttiḥ sandeha eva \
   kiṃ+ tu sarva-artʰa-arjane pravr̥ttiḥ sandeha+ eva \

Sentence: 10    tatʰā coktam \
   tatʰā ca_uktam \



Strophe: 6 
Verse: a    na hi samśayam āruhya
   na hi samśayam āruhya

Verse: b    naro bʰadrāṇi paśyati \
   naro+ bʰadrāṇi paśyati \

Verse: c    samśayaṃ punar āruhya
   samśayaṃ+ punar+ āruhya

Verse: d    yadi jīvati paśyati \\ 6 \\
   yadi jīvati paśyati \\ 6 \\
Strophe:   Verse:  


Sentence: 11    tan nirūpayāmi tāvat \
   tan+ nirūpayāmi tāvat \

Sentence: 12    prakāśaṃ brūte \
   prakāśaṃ+ brūte \

Sentence: 13    kva tat kaṅkaṇam \
   kva tat kaṅkaṇam \

Sentence: 14    vyāgʰro hastaṃ prasārya darśayati \
   vyāgʰro+ hastaṃ+ prasārya darśayati \

Sentence: 15    pāntʰo 'vadat \
   pāntʰo+ +avadat \

Sentence: 16    katʰaṃ tvayi viśvāsaḥ \
   katʰaṃ+ tvayi viśvāsaḥ \

Sentence: 17    vyāgʰra uvāca \
   vyāgʰra+ uvāca \

Sentence: 18    idānīm apy ahaṃ snātaśīlo dātā vr̥ddʰo galitanakʰadantaḥ katʰaṃ na viśvāsabʰūmiḥ \
   idānīm apy+ ahaṃ+ snāta-śīlo+ dātā vr̥ddʰo+ galita-nakʰa-dantaḥ katʰaṃ+ na viśvāsa-bʰūmiḥ \

Sentence: 19    yataḥ \
   yataḥ \


Strophe: 7 
Verse: a    ijyādʰyayanadānāni
   ijyā-adʰyayana-dānāni

Verse: b    tapaḥ satyaṃ dʰr̥tiḥ kṣamā \
   tapaḥ satyaṃ+ dʰr̥tiḥ kṣamā \

Verse: c    alobʰa iti mārgo 'yaṃ
   a-lobʰa+ iti mārgo+ +ayaṃ+

Verse: d    dʰarmasyāṣṭavidʰaḥ smr̥taḥ \\ 7 \\
   dʰarmasya_aṣṭa-vidʰaḥ smr̥taḥ \\ 7 \\

Strophe: 8  
Verse: a    tatra pūrvaś caturvargo
   tatra pūrvaś+ catur-vargo+

Verse: b    dambʰārtʰo 'pi hi sevyate \
   dambʰa-artʰo+ +api hi sevyate \

Verse: c    uttaras tu caturvargo
   uttaras+ tu catur-vargo+

Verse: d    mahātmasu ca tiṣṭʰati \\ 8 \\
   mahā-ātmasu ca tiṣṭʰati \\ 8 \\
Strophe:   Verse:  


Sentence: 20    mama caitāvāṃl lobʰaviraho yena svahastagatam api svarṇakaṅkaṇaṃ yasmai kasmai=cid dātum iccʰāmi \
   mama ca_etāvāṃl+ lobʰa-viraho+ yena sva-hasta-gatam api svarṇa-kaṅkaṇaṃ+ yasmai kasmai=cid+ dātum iccʰāmi \

Sentence: 21    kiṃ tu vyāgʰro hi mānuṣaṃ kʰādatīti lokāpavādo durnivāraḥ \
   kiṃ+ tu vyāgʰro+ hi mānuṣaṃ+ kʰādati_iti loka-apavādo+ dur-nivāraḥ \

Sentence: 22    yataḥ \
   yataḥ \



Strophe: 9 
Verse: a    gatānugatiko lokaḥ
   gata-anugatiko+ lokaḥ

Verse: b    kuṭṭanīm upadeśinīm \
   kuṭṭanīm upadeśinīm \

Verse: c    pramāṇayati no dʰarmaṃ
   pramāṇayati no dʰarmaṃ+

Verse: d    yatʰā gogʰnam upadvijam \\ 9 \\
   yatʰā gogʰnam upadvijam \\ 9 \\
Strophe:   Verse:  


Sentence: 23    mayā ca dʰarmaśāstrāṇy adʰītāni \
   mayā ca dʰarma-śāstrāṇy+ adʰītāni \

Sentence: 24    śr̥ṇu \
   śr̥ṇu \



Strophe: 10 
Verse: a    prāṇā yatʰātmano 'bʰīṣṭā
   prāṇā+ yatʰā_ātmano+ +abʰīṣṭā+

Verse: b    bʰūtānām api te tatʰā \
   bʰūtānām api te tatʰā \

Verse: c    ātmaupamyena bʰūtānāṃ
   ātmā-aupamyena bʰūtānāṃ+

Verse: d    dayāṃ kurvanti sādʰavaḥ \\ 10 \\
   dayāṃ+ kurvanti sādʰavaḥ \\ 10 \\
Strophe:   Verse:  


Sentence: 25    aparaṃ ca \
   aparaṃ+ ca \



Strophe: 11 
Verse: a    daridrān bʰara kaunteya
   daridrān bʰara kaunteya

Verse: b    mā prayaccʰeśvare dʰanam \
   mā prayaccʰa_īśvare dʰanam \

Verse: c    vyādʰitasyauṣadʰaṃ patʰyaṃ
   vyādʰitasya_auṣadʰaṃ+ patʰyaṃ+

Verse: d    nirujasya kim auṣadʰam \\ 11 \\
   ni-rujasya kim auṣadʰam \\ 11 \\
Strophe:   Verse:  


Sentence: 26    anyac ca \
   anyac+ ca \



Strophe: 12 
Verse: a    dātavyam iti yad dānaṃ
   dātavyam iti yad+ dānaṃ+

Verse: b    dīyate 'nupakāriṇe \
   dīyate+ +an-upakāriṇe \

Verse: c    deśe kāle ca pātre ca
   deśe kāle ca pātre ca

Verse: d    tad dānaṃ sātvikaṃ viduḥ \\ 12 \\
   tad+ dānaṃ+ sātvikaṃ+ viduḥ \\ 12 \\
Strophe:   Verse:  


Sentence: 27    tad atra sarasi snātvā suvarṇakaṅkaṇam idaṃ gr̥hāṇa \
   tad+ atra sarasi snātvā suvarṇa-kaṅkaṇam idaṃ+ gr̥hāṇa \

Sentence: 28    iti vacanarasāyanena sañjātaviśvāsas tato yāvad asau saraḥ snātuṃ praviśati tāvan mahāpaṅke nimagnaḥ palāyitum akṣamaḥ \
   iti vacana-rasāyanena sañjāta-viśvāsas+ tato+ yāvad+ asau saraḥ snātuṃ+ praviśati tāvan+ mahā-paṅke nimagnaḥ palāyitum a-kṣamaḥ \

Sentence: 29    taṃ dr̥ṣṭvā vadati ca \
   taṃ+ dr̥ṣṭvā vadati ca \

Sentence: 30    hā hā pāntʰa mahāpaṅke nimagno 'si \
   hā hā pāntʰa mahā-paṅke nimagno+ +asi \

Sentence: 31    tvām aham uttʰāpayāmi \
   tvām aham uttʰāpayāmi \

Sentence: 32    ity abʰidʰāya śanaiḥ śanair upakramya ca tena vyāgʰreṇa haste dʰr̥to 'cintayat \
   ity+ abʰidʰāya śanaiḥ śanair+ upakramya ca tena vyāgʰreṇa haste dʰr̥to+ +acintayat \



Strophe: 13 
Verse: a    na dʰarmaśāstraṃ paṭʰatīti kāraṇaṃ
   na dʰarma-śāstraṃ+ paṭʰati_iti kāraṇaṃ+

Verse: b    na cāpi vedādʰyayanaṃ durātmanaḥ \
   na ca_api veda-adʰyayanaṃ+ dur-ātmanaḥ \

Verse: c    svabʰāva evātra tatʰātiricyate
   sva-bʰāva+ eva_atra tatʰā_atiricyate

Verse: d    yatʰā prakr̥tyā madʰuraṃ gavāṃ payaḥ \\ 13 \\
   yatʰā prakr̥tyā madʰuraṃ+ gavāṃ+ payaḥ \\ 13 \\
Strophe:   Verse:  


Sentence: 33    kiṃ ca \
   kiṃ+ ca \



Strophe: 14 
Verse: a    avaśendriyacittānāṃ
   a-vaśa-indriya-cittānāṃ+

Verse: b    hastisnānam iva kriyā \
   hasti-snānam iva kriyā \

Verse: c    durbʰagābʰaraṇaprāyo
   dur-bʰagā_ābʰaraṇa-prāyo+

Verse: d    jñānabʰāraḥ kriyāṃ vinā \\ 14 \\
   jñāna-bʰāraḥ kriyāṃ+ vinā \\ 14 \\
Strophe:   Verse:  


Sentence: 34    tan na mayā bʰadraṃ kr̥taṃ yad atra mārātmake viśvāsaḥ kr̥taḥ \
   tan+ na mayā bʰadraṃ+ kr̥taṃ+ yad+ atra māra-ātmake viśvāsaḥ kr̥taḥ \

Sentence: 35    tatʰā hy uktam \
   tatʰā hy+ uktam \



Strophe: 15 
Verse: a    sarvasya hi parīkṣyante
   sarvasya hi parīkṣyante

Verse: b    svabʰāvā netare guṇāḥ \
   sva-bʰāvā+ na_itare guṇāḥ \

Verse: c    atītya hi guṇān sarvān
   atītya hi guṇān+ sarvān

Verse: d    svabʰāvo mūrdʰni vartate \\ 15 \\
   sva-bʰāvo+ mūrdʰni vartate \\ 15 \\
Strophe:   Verse:  


Sentence: 36    iti cintayan evāsau tena vyāgʰreṇa vyāpāditaḥ kʰāditaś ca \
   iti cintayan eva_asau tena vyāgʰreṇa vyāpāditaḥ kʰāditaś+ ca \



Next part


This text is part of the TITUS edition of Hitopadesa.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.