TITUS
Hitopadesa
Part No. 13
Previous part

Chapter: 13 
13


Sentence: 1    kasmimś cit tarau vāyasadampatī nivasataḥ\
   kasmimś+ cit tarau vāyasa-dampatī nivasataḥ\

Sentence: 2    tayoś cāpatyāni tarukoṭarāvastʰitena kr̥ṣṇasarpeṇa kʰāditāni \
   tayoś+ ca_apatyāni taru-koṭara-avastʰitena kr̥ṣṇa-sarpeṇa kʰāditāni \

Sentence: 3    tataḥ punaḥ garbʰavatī vāyasī brūte \
   tataḥ punaḥ garbʰavatī vāyasī brūte \

Sentence: 4    svāmin tyajyatām ayaṃ taruḥ \
   svāmin tyajyatām ayaṃ+ taruḥ \

Sentence: 5    atraivāsmāt kr̥ṣṇasarpād āvayoḥ santatir na bʰaviṣyati \
   atra_eva_asmāt kr̥ṣṇa-sarpād+ āvayoḥ santatir+ na bʰaviṣyati \


Sentence: 6    yataḥ \
   yataḥ \



Strophe: 107 
Verse: a    duṣṭā bʰāryā śaṭʰaṃ mitraṃ
   duṣṭā bʰāryā śaṭʰaṃ+ mitraṃ+

Verse: b    bʰr̥tyaś cottaradāyakaḥ \
   bʰr̥tyaś+ ca_uttara-dāyakaḥ \

Verse: c    sasarpe ca gr̥he vāso
   sa-sarpe ca gr̥he vāso+

Verse: d    mr̥tyur eva na samśayaḥ \\ 107 \\
   mr̥tyur+ eva na samśayaḥ \\ 107 \\
Strophe:   Verse:  


Sentence: 7    vāyaso brūte \
   vāyaso+ brūte \

Sentence: 8    priye na bʰetavyam \
   priye na bʰetavyam \

Sentence: 9    vāraṃ vāraṃ mayaitasya mahāparādʰaḥ soḍʰaḥ \
   vāraṃ+ vāraṃ+ mayā_etasya mahā-aparādʰaḥ soḍʰaḥ \

Sentence: 10    vāyasy āha \
   vāyasy+ āha \

Sentence: 11    katʰam anena balavatā sārdʰaṃ bʰavān vigrahītuṃ samartʰaḥ \
   katʰam anena balavatā sārdʰaṃ+ bʰavān vigrahītuṃ+ samartʰaḥ \

Sentence: 12    vāyaso 'bravīt \
   vāyaso+ +abravīt \

Sentence: 13    alam anayāśaṅkayā \
   alam anayā_āśaṅkayā \


Sentence: 14    yataḥ \
   yataḥ \



Strophe: 108 
Verse: a    buddʰir yasya balaṃ tasya
   buddʰir+ yasya balaṃ+ tasya

Verse: b    nirbuddʰes tu kuto balam \
   nir-buddʰes+ tu kuto+ balam \

Verse: c    paśya simho madonmattaḥ
   paśya simho+ mada-unmattaḥ

Verse: d    śaśakena nipātitaḥ \\ 108 \\
   śaśakena nipātitaḥ \\ 108 \\
Strophe:   Verse:  


Sentence: 15    vāyasy āha\
   vāyasy+ āha\

Sentence: 16    katʰam etat \
   katʰam etat \

Sentence: 17    vāyasaḥ katʰayati \
   vāyasaḥ katʰayati \


Sentence: 18    asti mandarābʰidʰāne parvate durdānto nāma simhaḥ \
   asti mandara-abʰidʰāne parvate dur-dānto nāma simhaḥ \

Sentence: 19    sa ca sarvadā paśuvadʰaṃ vidadʰāna evāste \
   sa+ ca sarvadā paśu-vadʰaṃ+ vidadʰāna+ eva_āste \

Sentence: 20    tataḥ sarvaiḥ paśubʰiḥ militvā simho vijñaptaḥ \
   tataḥ sarvaiḥ paśubʰiḥ militvā simho+ vijñaptaḥ \

Sentence: 21    kim iti sarvapaśūccʰedaḥ kriyate \
   kim iti sarva-paśu-uccʰedaḥ kriyate \

Sentence: 22    vayam eva bʰavadāhārārtʰaṃ pratyaham ekaikaṃ paśuṃ ḍʰaukayāmaḥ \
   vayam eva bʰavad-āhāra-artʰaṃ+ praty-aham eka-ekaṃ+ paśuṃ+ ḍʰaukayāmaḥ \

Sentence: 23    simhenoktam \
   simhena_uktam \

Sentence: 24    evam astu \
   evam astu \

Sentence: 25    tataḥ prabʰr̥ty ekaikaṃ paśuṃ dadantaḥ samāsate \
   tataḥ prabʰr̥ty+ eka-ekaṃ+ paśuṃ+ dadantaḥ samāsate \

Sentence: 26    atʰa kadā=cid vr̥ddʰaśaśa kasya kasyacid vāraḥ \
   atʰa kadā=cid+ vr̥ddʰa-śaśa kasya kasyacid+ vāraḥ \

Sentence: 27    so 'cintayat \
   so+ +acintayat \



Strophe: 109 
Verse: a    trāsahetor vinītis tu
   trāsa-hetor+ vinītis+ tu

Verse: b    kriyate jīvitāśayā \
   kriyate jīvita-āśayā \

Verse: c    pañcatvaṃ ced gamiṣyāmi
   pañcatvaṃ+ ced+ gamiṣyāmi

Verse: d    kiṃ simhānunayena me \\ 109 \\
   kiṃ+ simha-anunayena me \\ 109 \\
Strophe:   Verse:  


Sentence: 28    tan mandaṃ mandam upagaccʰāmi \
   tan+ mandaṃ+ mandam upagaccʰāmi \

Sentence: 29    tataḥ simho 'pi kṣudʰā pīḍitaḥ kopāt tam uvāca \
   tataḥ simho+ +api kṣudʰā pīḍitaḥ kopāt tam uvāca \

Sentence: 30    kutas tvaṃ vila mbād āgato 'si \
   kutas+ tvaṃ+ vila mbād+ āgato+ +asi \

Sentence: 31    so 'bravīt \
   so+ +abravīt \

Sentence: 32    nāyaṃ mamāparādʰaḥ \
   na_ayaṃ+ mama_aparādʰaḥ \

Sentence: 33    patʰi simhāntareṇa balāddʰr̥taḥ san punar āgamanāya śapatʰaṃ kr̥tvā svāminaṃ nivedayitum atrāgato 'smi \
   patʰi simhāntareṇa balād+ +dʰr̥taḥ san punar+ āgamanāya śapatʰaṃ+ kr̥tvā svāminaṃ+ nivedayitum atra_āgato+ +asmi \

Sentence: 34    simhaḥ sakopam āha \
   simhaḥ sa-kopam āha \

Sentence: 35    satvaraṃ gatvā māṃ darśaya sa durātmā kvāste \
   sa-tvaraṃ+ gatvā māṃ+ darśaya sa+ dur-ātmā kva_āste \

Sentence: 36    tataḥ śaśakas taṃ gr̥hītvā gambʰīrakūpaṃ gataḥ \
   tataḥ śaśakas+ taṃ+ gr̥hītvā gambʰīra-kūpaṃ+ gataḥ \

Sentence: 37    atrāgatya paśyatu svāmīty uktvā tasmin kūpajale tasyaiva pratibimbaṃ darśitavān \
   atra_āgatya paśyatu svāmī_ity+ uktvā tasmin kūpa-jale tasya_eva prati-bimbaṃ+ darśitavān \

Sentence: 38    tato 'sau krodʰā dʰmāto darpāt tasyopary ātmānaṃ nikṣipya pañcatvaṃ gataḥ \
   tato+ +asau krodʰa-ā dʰmāto+ darpāt tasya_upary+ ātmānaṃ+ nikṣipya pañcatvaṃ+ gataḥ \

Sentence: 39    ato 'haṃ bravīmi \
   ato+ +ahaṃ+ bravīmi \

Sentence: 40    buddʰir yasyety ādi \
   buddʰir+ yasya_ity+ ādi \


Sentence: 41    vāyasy āha \
   vāyasy+ āha \

Sentence: 42    śrutaṃ mayā sarvam \
   śrutaṃ+ mayā sarvam \

Sentence: 43    yatʰākartavyaṃ brūhi \
   yatʰā-kartavyaṃ+ brūhi \

Sentence: 44    vāyaso 'vadat \
   vāyaso+ +avadat \

Sentence: 45    atrāsanne sarasi rājñaḥ putraḥ satatam āgatya snāti \
   atra_āsanne sarasi rājñaḥ putraḥ satatam āgatya snāti \

Sentence: 46    tadaṅgād avatāri taṃ kanakasūtraṃ cañcvā dʰr̥tvānīyāsmin koṭare dʰariṣyasi \
   tad-aṅgād+ avatāri taṃ+ kanaka-sūtraṃ+ cañcvā dʰr̥tvā_ānīya_asmin koṭare dʰariṣyasi \

Sentence: 47    atʰa kadā=cit snātuṃ jalaṃ praviṣṭe rājaputre vāyasyā tad anuṣṭʰitam \
   atʰa kadā=cit snātuṃ+ jalaṃ+ praviṣṭe rāja-putre vāyasyā tad+ anuṣṭʰitam \

Sentence: 48    atʰa kanakasūtrānusaraṇapravr̥ttaiḥ puruṣaiḥ koṭare nirūpyamāṇe kr̥ṣṇasarpo dr̥ṣṭo vyāpāditaś ca \
   atʰa kanaka-sūtra-anusaraṇa-pravr̥ttaiḥ puruṣaiḥ koṭare nirūpyamāṇe kr̥ṣṇa-sarpo+ dr̥ṣṭo+ vyāpāditaś+ ca \

Sentence: 49    ato 'haṃ bravīmi \
   ato+ +ahaṃ+ bravīmi \

Sentence: 50    upāyena hi yacśakyam ity ādi \
   upāyena hi yac+ +śakyam ity+ ādi \



Next part


This text is part of the TITUS edition of Hitopadesa.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.