TITUS
Vikramacarita (BR)
Part No. 32
Previous part

Chapter: S24 
24. Story of the Twenty-fourth Statuette - sr
24. Story of the Twenty-fourth Statuette

Brief Recension of 24


Paragraph: 1 
Line: 1    punaḥ putrikayo 'ktam: rājann ākarṇaya.
Line: 2    ekasmin nagara eko vaṇig dʰanasaṃpanno rājamānyaḥ. tasyā 'vastʰo 'papannā;
Line: 3    tena cintitam: mama putrāṇām etadartʰaṃ kalaho bʰaviṣyati; tarhy asya dʰanasya
Line: 4    vinyāsaḥ kāryaḥ. tatas tāmrasya catvāraḥ saṃpuṭāḥ kr̥tāḥ; ekasmin palālam,
Line: 5    dvitīye 'stʰi, tr̥tīye mr̥ttikā, caturtʰe nirvāṇāṅgārakāḥ; evaṃ caturṣu saṃpuṭeṣu
Line: 6    nikṣiptam, mudrā kr̥tā. tataḥ putrān ity uktam: mama yuṣmākaṃ nai 'kaprītiḥ;
Line: 7    yuṣmākaṃ mayā vibʰajya dattaṃ gr̥hītavyam iti catvāraḥ saṃpuṭā darśitāḥ. atʰa
Line: 8    tair yatʰākṣiptaṃ dr̥ṣṭam; tataḥ sarvebʰyo darśitam; kenāpi na nirnītam. tato
Line: 9    vikramasamīpam āgatāḥ; rājñā 'pi na jñātam. tato bʰramanto-bʰramantaḥ pīṭʰa/stʰānaṃ
Line: 10    gatāḥ. tatra śālivāhaneno 'ktam: yasyā 'stʰi sa godʰanam; yasya mr̥ttikā
Line: 11    sa bʰūmim; yasyā 'ṅgārakāḥ sa suvarṇam; yasya palālaṃ sa dʰānyāni gr̥hṇātu.
Line: 12    sā vārttā vikrameṇā 'karṇitā; tataḥ śālivāhana āhūtaḥ; sa nā 'yātaḥ. paścād
Line: 13    rājā pīṭʰastʰānaṃ prati calitaḥ; yuddʰaṃ jātam. śālivāhanena śeṣasmaranaṃ
Line: 14    kr̥tam; tato 'nekaiḥ sarpai rājñaḥ sainyaṃ daṣṭam. tato rājñā sainyaṃ jīvayitum
Line: 15    abʰimāno dʰr̥taḥ; vāsukir ārādʰitaḥ. prasannena tenā 'mr̥takumbʰo dattaḥ. tato
Line: 16    mārge gaccʰate rājñe kenacid vipreṇa *svastiḥ kr̥tā; rājño 'ktam: bʰo yad iṣṭaṃ tad
Line: 17    yācitavyam. teno 'ktam: amr̥takumbʰo dātavyaḥ. rājño 'ktam: kas tvam? teno
Line: 18     'ktam: śālivāhanena preṣito 'smi. rājñā vicāritam: ayaṃ vairinā preṣitaḥ; yatʰā
Line: 19    tu vācā dattam, anyatʰā na karaṇīyam. uktaṃ ca:


Strophe: 1 
Verse: a    saṃsāre 'sāratāsāre vācā sārasamuccayaḥ;
Verse: b    vācā vicalitā yasya, sukr̥taṃ tena hāritam. \\1\\
Strophe:   Verse:  


Paragraph: 2 
Line: 1    ity uktvā 'mr̥takumbʰas tasmai viprāya dattaḥ.
Line: 2    putrikayo 'ktam: rājann īdr̥śam audāryaṃ yasya bʰavati, tenā 'tro 'paveṣṭavyam.

Line: 3    iti caturvim̐śatimī katʰā






Next part


This text is part of the TITUS edition of Vikramacarita (BR).

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.