TITUS
Ramayana
Part No. 521
Previous part

Chapter: 14 
Adhyāya 14


Verse: 1 
Halfverse: a    tataḥ sa sacivaiḥ sārdʰaṃ   ṣaḍbʰir nityaṃ balotkaṭaiḥ
   tataḥ sa sacivaiḥ sārdʰaṃ   ṣaḍbʰir nityaṃ bala_utkaṭaiḥ /
Halfverse: c    mahodaraprahastābʰyāṃ   mārīcaśukasāraṇaiḥ
   mahā_udara-prahastābʰyāṃ   mārīca-śuka-sāraṇaiḥ /1/

Verse: 2 
Halfverse: a    dʰūmrākṣeṇa ca vīreṇa   nityaṃ samaragr̥dʰnunā
   dʰūmra_akṣeṇa ca vīreṇa   nityaṃ samara-gr̥dʰnunā /
Halfverse: c    vr̥taḥ saṃprayayau śrīmān   krodʰāl lokān dahann iva
   vr̥taḥ saṃprayayau śrīmān   krodʰāl lokān dahann iva /2/

Verse: 3 
Halfverse: a    purāṇi sa nadīḥ śailān   vanāny upavanāni ca
   purāṇi sa nadīḥ śailān   vanāny upavanāni ca /
Halfverse: c    atikramya muhūrtena   kailāsaṃ girim āviśat
   atikramya muhūrtena   kailāsaṃ girim āviśat /3/

Verse: 4 
Halfverse: a    taṃ niviṣṭaṃ girau tasmin   rākṣasendraṃ niśamya tu
   taṃ niviṣṭaṃ girau tasmin   rākṣasa_indraṃ niśamya tu /
Halfverse: c    rājño bʰrātāyam ity uktvā   gatā yatra dʰaneśvaraḥ
   rājño bʰrātā_ayam ity uktvā   gatā yatra dʰana_īśvaraḥ /4/

Verse: 5 
Halfverse: a    gatvā tu sarvam ācakʰyur   bʰrātus tasya viniścayam
   gatvā tu sarvam ācakʰyur   bʰrātus tasya viniścayam /
Halfverse: c    anujñātā yayuś caiva   yuddʰāya dʰanadena te
   anujñātā yayuś caiva   yuddʰāya dʰanadena te /5/

Verse: 6 
Halfverse: a    tato balasya saṃkṣobʰaḥ   sāgarasyeva vardʰataḥ
   tato balasya saṃkṣobʰaḥ   sāgarasya_iva vardʰataḥ /
Halfverse: c    abʰūn nairr̥tarājasya   giriṃ saṃcālayann iva
   abʰūn nairr̥ta-rājasya   giriṃ saṃcālayann iva /6/

Verse: 7 
Halfverse: a    tato yuddʰaṃ samabʰavad   yakṣarākṣasasaṃkulam
   tato yuddʰaṃ samabʰavad   yakṣa-rākṣasa-saṃkulam /
Halfverse: c    vyatʰitāś cābʰavaṃs tatra   sacivās tasya rakṣasaḥ
   vyatʰitāś ca_abʰavaṃs tatra   sacivās tasya rakṣasaḥ /7/

Verse: 8 
Halfverse: a    taṃ dr̥ṣṭvā tādr̥śaṃ sainyaṃ   daśagrīvo niśācaraḥ
   taṃ dr̥ṣṭvā tādr̥śaṃ sainyaṃ   daśagrīvo niśā-caraḥ /
Halfverse: c    harṣān nādaṃ tataḥ kr̥tvā   roṣāt samabʰivartata
   harṣān nādaṃ tataḥ kr̥tvā   roṣāt samabʰivartata /8/

Verse: 9 
Halfverse: a    ye tu te rākṣasendrasya   sacivā gʰoravikramaḥ
   ye tu te rākṣasa_indrasya   sacivā gʰora-vikramaḥ /
Halfverse: c    te sahasraṃ sahasrāṇām   ekaikaṃ samayodʰayan
   te sahasraṃ sahasrāṇām   eka_ekaṃ samayodʰayan /9/

Verse: 10 
Halfverse: a    tato gadābʰiḥ parigʰair   asibʰiḥ śaktitomaraiḥ
   tato gadābʰiḥ parigʰair   asibʰiḥ śakti-tomaraiḥ /
Halfverse: c    vadʰyamāno daśagrīvas   tat sainyaṃ samagāhata
   vadʰyamāno daśagrīvas   tat sainyaṃ samagāhata /10/

Verse: 11 
Halfverse: a    tair niruccʰvāsavat tatra   vadʰyamāno daśānanaḥ
   tair niruccʰvāsavat tatra   vadʰyamāno daśa_ānanaḥ /
Halfverse: c    varṣamāṇair iva gʰanair   yakṣendraiḥ saṃnirudʰyata
   varṣamāṇair iva gʰanair   yakṣa_indraiḥ saṃnirudʰyata /11/

Verse: 12 
Halfverse: a    sa durātmā samudyamya   kāladaṇḍopamāṃ gadām
   sa durātmā samudyamya   kāla-daṇḍa_upamāṃ gadām /
Halfverse: c    praviveśa tataḥ sainyaṃ   nayan yakṣān yamakṣayam
   praviveśa tataḥ sainyaṃ   nayan yakṣān yama-kṣayam /12/

Verse: 13 
Halfverse: a    sa kakṣam iva vistīrṇaṃ   śuṣkendʰanasamākulam
   sa kakṣam iva vistīrṇaṃ   śuṣka_indʰana-samākulam /
Halfverse: c    vātenāgnir ivāyatto   'dahat sainyaṃ sudāruṇam
   vātena_agnir iva_āyatto_   _adahat sainyaṃ sudāruṇam /13/

Verse: 14 
Halfverse: a    tais tu tasya mr̥dʰe 'mātyair   mahodaraśukādibʰiḥ
   tais tu tasya mr̥dʰe_amātyair   mahā_udara-śuka_ādibʰiḥ /
Halfverse: c    alpāvaśiṣṭās te yakṣāḥ   kr̥tā vātair ivāmbudāḥ
   alpa_avaśiṣṭās te yakṣāḥ   kr̥tā vātair iva_ambudāḥ /14/

Verse: 15 
Halfverse: a    ke cit tv āyudʰabʰagnāṅgāḥ   patitāḥ samarakṣitau
   kecit tv āyudʰa-bʰagna_aṅgāḥ   patitāḥ samara-kṣitau /
Halfverse: c    oṣṭʰān svadaśanais tīkṣṇair   daṃśanto bʰuvi pātitāḥ
   oṣṭʰān sva-daśanais tīkṣṇair   daṃśanto bʰuvi pātitāḥ /15/

Verse: 16 
Halfverse: a    bʰayād anyonyam āliṅgya   bʰraṣṭaśastrā raṇājire
   bʰayād anyonyam āliṅgya   bʰraṣṭa-śastrā raṇa_ajire /
Halfverse: c    niṣedus te tadā yakṣāḥ   kūlā janahatā iva
   niṣedus te tadā yakṣāḥ   kūlā jana-hatā iva /16/

Verse: 17 
Halfverse: a    hatānāṃ svargasaṃstʰānāṃ   yudʰyatāṃ pr̥tʰivītale
   hatānāṃ svarga-saṃstʰānāṃ   yudʰyatāṃ pr̥tʰivī-tale /
Halfverse: c    prekṣatām r̥ṣisaṃgʰānāṃ   na babʰūvāntaraṃ divi
   prekṣatām r̥ṣi-saṃgʰānāṃ   na babʰūva_antaraṃ divi /17/

Verse: 18 
Halfverse: a    etasminn antare rāma   vistīrṇabalavāhanaḥ
   etasminn antare rāma   vistīrṇa-bala-vāhanaḥ /
Halfverse: c    agamat sumahān yakṣo   nāmnā saṃyodʰakaṇṭakaḥ
   agamat sumahān yakṣo   nāmnā saṃyodʰa-kaṇṭakaḥ /18/

Verse: 19 
Halfverse: a    tena yakṣeṇa mārīco   viṣṇuneva samāhataḥ
   tena yakṣeṇa mārīco   viṣṇunā_iva samāhataḥ /
Halfverse: c    patitaḥ pr̥tʰivīṃ bʰeje   kṣīṇapuṇya ivāmbarāt
   patitaḥ pr̥tʰivīṃ bʰeje   kṣīṇa-puṇya iva_ambarāt /19/

Verse: 20 
Halfverse: a    prāptasaṃjño muhūrtena   viśramya ca niśācaraḥ
   prāpta-saṃjño muhūrtena   viśramya ca niśā-caraḥ /
Halfverse: c    taṃ yakṣaṃ yodʰayām āsa   sa ca bʰagnaḥ pradudruve
   taṃ yakṣaṃ yodʰayām āsa   sa ca bʰagnaḥ pradudruve /20/

Verse: 21 
Halfverse: a    tataḥ kāñcanacitrāṅgaṃ   vaidūryarajatokṣitam
   tataḥ kāñcana-citra_aṅgaṃ   vaidūrya-rajata_ukṣitam /
Halfverse: c    maryādāṃ dvārapālānāṃ   toraṇaṃ tat samāviśat
   maryādāṃ dvāra-pālānāṃ   toraṇaṃ tat samāviśat /21/

Verse: 22 
Halfverse: a    tato rāma daśagrīvaṃ   praviśantaṃ niśācaram
   tato rāma daśagrīvaṃ   praviśantaṃ niśā-caram /
Halfverse: c    sūryabʰānur iti kʰyāto   dvārapālo nyavārayat
   sūrya-bʰānur iti kʰyāto   dvāra-pālo nyavārayat /22/

Verse: 23 
Halfverse: a    tatas toraṇam utpāṭya   tena yakṣeṇa tāḍitaḥ
   tatas toraṇam utpāṭya   tena yakṣeṇa tāḍitaḥ /
Halfverse: c    rākṣaso yakṣasr̥ṣṭena   toraṇena samāhataḥ
   rākṣaso yakṣa-sr̥ṣṭena   toraṇena samāhataḥ /
Halfverse: e    na kṣitiṃ prayayau rāma   varāt salilayoninaḥ
   na kṣitiṃ prayayau rāma   varāt salila-yoninaḥ /23/

Verse: 24 
Halfverse: a    sa tu tenaiva taṃ yakṣaṃ   toraṇena samāhanat
   sa tu tena_eva taṃ yakṣaṃ   toraṇena samāhanat /
Halfverse: c    nādr̥śyata tadā yakṣo   bʰasma tena kr̥tas tu saḥ
   na_adr̥śyata tadā yakṣo   bʰasma tena kr̥tas tu saḥ /24/

Verse: 25 
Halfverse: a    tataḥ pradudruvuḥ sarve   yakṣā dr̥ṣṭvā parākramam
   tataḥ pradudruvuḥ sarve   yakṣā dr̥ṣṭvā parākramam /
Halfverse: c    tato nadīr guhāś caiva   viviśur bʰayapīḍitāḥ
   tato nadīr guhāś caiva   viviśur bʰaya-pīḍitāḥ /25/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.