TITUS
Ramayana
Part No. 526
Previous part

Chapter: 19 
Adhyāya 19


Verse: 1 
Halfverse: a    atʰa jitvā maruttaṃ sa   prayayau rākṣasādʰipaḥ
   atʰa jitvā maruttaṃ sa   prayayau rākṣasa_adʰipaḥ /
Halfverse: c    nagarāṇi narendrāṇāṃ   yuddʰakāṅkṣī daśānanaḥ
   nagarāṇi nara_indrāṇāṃ   yuddʰa-kāṅkṣī daśa_ānanaḥ /1/

Verse: 2 
Halfverse: a    sa samāsādya rājendrān   mahendravaruṇopamān
   sa samāsādya rāja_indrān   mahā_indra-varuṇa_upamān /
Halfverse: c    abravīd rākṣasendras tu   yuddʰaṃ me dīyatām iti
   abravīd rākṣasa_indras tu   yuddʰaṃ me dīyatām iti /2/

Verse: 3 
Halfverse: a    nirjitāḥ smeti vā brūta   eṣo hi mama niścayaḥ
   nirjitāḥ sma_iti vā brūta   eṣo hi mama niścayaḥ /
Halfverse: c    anyatʰā kurvatām evaṃ   mokṣo vo nopapadyate
   anyatʰā kurvatām evaṃ   mokṣo vo na_upapadyate /3/

Verse: 4 
Halfverse: a    tatas tu bahavaḥ prājñāḥ   pārtʰivā dʰarmaniścayāḥ {!}
   tatas tu bahavaḥ prājñāḥ   pārtʰivā dʰarmaniścayāḥ / {!}
Halfverse: c    nirjitāḥ smety abʰāṣanta   jñātvā varabalaṃ ripoḥ
   nirjitāḥ sma_ity abʰāṣanta   jñātvā vara-balaṃ ripoḥ /4/

Verse: 5 
Halfverse: a    duṣyantaḥ suratʰo gādʰir   gayo rājā purūravāḥ
   duṣyantaḥ suratʰo gādʰir   gayo rājā purūravāḥ /
Halfverse: c    ete sarve 'bruvaṃs tāta   nirjitāḥ smeti pārtʰivāḥ
   ete sarve_abruvaṃs tāta   nirjitāḥ sma_iti pārtʰivāḥ /5/

Verse: 6 
Halfverse: a    atʰāyodʰyāṃ samāsādya   rāvaṇo rākṣasādʰipaḥ
   atʰa_ayodʰyāṃ samāsādya   rāvaṇo rākṣasa_adʰipaḥ /
Halfverse: c    suguptām anaraṇyena   śakreṇevāmarāvatīm
   suguptām anaraṇyena   śakreṇa_iva_amarāvatīm /6/

Verse: 7 
Halfverse: a    prāha rājānam āsādya   yuddʰaṃ me saṃpradīyatām
   prāha rājānam āsādya   yuddʰaṃ me saṃpradīyatām /
Halfverse: c    nirjito 'smīti vā brūhi   mamaitad iha śāsanam
   nirjito_asmi_iti vā brūhi   mama_etad iha śāsanam /7/

Verse: 8 
Halfverse: a    anaraṇyaḥ susaṃkruddʰo   rākṣasendram atʰābravīt
   anaraṇyaḥ susaṃkruddʰo   rākṣasa_indram atʰa_abravīt /
Halfverse: c    dīyate dvandvayuddʰaṃ te   rākṣasādʰipate mayā
   dīyate dvandva-yuddʰaṃ te   rākṣasa_adʰipate mayā /8/

Verse: 9 
Halfverse: a    atʰa pūrvaṃ śrutārtʰena   sajjitaṃ sumahad dʰi yat
   atʰa pūrvaṃ śruta_artʰena   sajjitaṃ sumahadd^hi yat /
Halfverse: c    niṣkrāmat tan narendrasya   balaṃ rakṣovadʰodyatam
   niṣkrāmat tan nara_indrasya   balaṃ rakṣo-vadʰa_udyatam /9/

Verse: 10 
Halfverse: a    nāgānāṃ bahusāhasraṃ   vājinām ayutaṃ tatʰā
   nāgānāṃ bahu-sāhasraṃ   vājinām ayutaṃ tatʰā /
Halfverse: c    mahīṃ saṃcʰādya niṣkrāntaṃ   sapadātiratʰaṃ kṣaṇāt
   mahīṃ saṃcʰādya niṣkrāntaṃ   sapadāti-ratʰaṃ kṣaṇāt /10/

Verse: 11 
Halfverse: a    tad rāvaṇabalaṃ prāpya   balaṃ tasya mahīpateḥ
   tad rāvaṇa-balaṃ prāpya   balaṃ tasya mahī-pateḥ /
Halfverse: c    prāṇaśyata tadā rājan   havyaṃ hutam ivānale
   prāṇaśyata tadā rājan   havyaṃ hutam iva_anale /11/

Verse: 12 
Halfverse: a    so 'paśyata narendras tu   naśyamānaṃ mahad balam
   so_apaśyata nara_indras tu   naśyamānaṃ mahad balam /
Halfverse: c    mahārṇavaṃ samāsādya   yatʰā pañcāpagā jalam
   mahā_arṇavaṃ samāsādya   yatʰā pañca_āpagā jalam /12/

Verse: 13 
Halfverse: a    tataḥ śakradʰanuḥprakʰyaṃ   dʰanur vispʰārayan svayam
   tataḥ śakra-dʰanuḥ-prakʰyaṃ   dʰanur vispʰārayan svayam /
Halfverse: c    āsadāda narendrās taṃ   rāvaṇaṃ krodʰamūrcʰitaḥ
   āsadāda nara_indrās taṃ   rāvaṇaṃ krodʰa-mūrcʰitaḥ /13/

Verse: 14 
Halfverse: a    tato bāṇaśatāny aṣṭau   pātayām āsa mūrdʰani
   tato bāṇa-śatāny aṣṭau   pātayām āsa mūrdʰani /
Halfverse: c    tasya rākṣasarājasya   ikṣvākukulanandanaḥ
   tasya rākṣasa-rājasya   ikṣvāku-kula-nandanaḥ /14/

Verse: 15 
Halfverse: a    tasya bāṇāḥ patantas te   cakrire na kṣataṃ kva cit
   tasya bāṇāḥ patantas te   cakrire na kṣataṃ kvacit /
Halfverse: c    vāridʰārā ivābʰrebʰyaḥ   patantyo nagamūrdʰani
   vāri-dʰārā iva_abʰrebʰyaḥ   patantyo naga-mūrdʰani /15/

Verse: 16 
Halfverse: a    tato rākṣasarājena   kruddʰena nr̥patis tadā
   tato rākṣasa-rājena   kruddʰena nr̥patis tadā /
Halfverse: c    talena bʰihato mūrdʰni   sa ratʰān nipapāta ha
   talena bʰihato mūrdʰni   sa ratʰān nipapāta ha /16/

Verse: 17 
Halfverse: a    sa rājā patito bʰūmau   vihvalāṅgaḥ pravepitaḥ
   sa rājā patito bʰūmau   vihvala_aṅgaḥ pravepitaḥ /
Halfverse: c    vajradagdʰa ivāraṇye   sālo nipatito mahān
   vajra-dagdʰa iva_araṇye   sālo nipatito mahān /17/

Verse: 18 
Halfverse: a    taṃ prahasyābravīd rakṣa   ikṣvākuṃ pr̥tʰivīpatim
   taṃ prahasya_abravīd rakṣa   ikṣvākuṃ pr̥tʰivī-patim /
Halfverse: c    kim idānīṃ tvayā prāptaṃ   pʰalaṃ māṃ prati yudʰyatā
   kim idānīṃ tvayā prāptaṃ   pʰalaṃ māṃ prati yudʰyatā /18/

Verse: 19 
Halfverse: a    trailokye nāsti yo dvandvaṃ   mama dadyān narādʰipa
   trailokye na_asti yo dvandvaṃ   mama dadyān nara_adʰipa /
Halfverse: c    śaṅke pramatto bʰogeṣu   na śr̥ṇoṣi balaṃ mama
   śaṅke pramatto bʰogeṣu   na śr̥ṇoṣi balaṃ mama /19/

Verse: 20 
Halfverse: a    tasyaivaṃ bruvato rājā   mandāsur vākyam abravīt
   tasya_evaṃ bruvato rājā   manda_asur vākyam abravīt /
Halfverse: c    kiṃ śakyam iha kartuṃ vai   yat kālo duratikramaḥ
   kiṃ śakyam iha kartuṃ vai   yat kālo duratikramaḥ /20/

Verse: 21 
Halfverse: a    na hy ahaṃ nirjito rakṣas   tvayā cātmapraśaṃsinā
   na hy ahaṃ nirjito rakṣas   tvayā ca_ātma-praśaṃsinā /
Halfverse: c    kāleneha vipanno 'haṃ   hetubʰūtas tu me bʰavān
   kālena_iha vipanno_ahaṃ   hetu-bʰūtas tu me bʰavān /21/

Verse: 22 
Halfverse: a    kiṃ tv idānīṃ mayā śakyaṃ   kartuṃ prāṇaparikṣaye
   kiṃ tv idānīṃ mayā śakyaṃ   kartuṃ prāṇa-parikṣaye /
Halfverse: c    ikṣvākuparibʰāvitvād   vaco vakṣyāmi rākṣasa
   ikṣvāku-paribʰāvitvād   vaco vakṣyāmi rākṣasa /22/

Verse: 23 
Halfverse: a    yadi dattaṃ yadi hutaṃ   yadi me sukr̥taṃ tapaḥ
   yadi dattaṃ yadi hutaṃ   yadi me sukr̥taṃ tapaḥ /
Halfverse: c    yadi guptāḥ prajāḥ samyak   tatʰā satyaṃ vaco 'stu me
   yadi guptāḥ prajāḥ samyak   tatʰā satyaṃ vaco_astu me /23/

Verse: 24 
Halfverse: a    utpatsyate kule hy asminn   ikṣvākūṇāṃ mahātmanām
   utpatsyate kule hy asminn   ikṣvākūṇāṃ mahātmanām /
Halfverse: c    rājā paramatejasvī   yas te prāṇān hariṣyati
   rājā parama-tejasvī   yas te prāṇān hariṣyati /24/

Verse: 25 
Halfverse: a    tato jaladʰarodagras   tāḍito devadundubʰiḥ
   tato jala-dʰara_udagras   tāḍito deva-dundubʰiḥ /
Halfverse: c    tasminn udāhr̥te śāpe   puṣpavr̥ṣṭiś ca kʰāc cyutā
   tasminn udāhr̥te śāpe   puṣpa-vr̥ṣṭiś ca kʰāc cyutā /25/

Verse: 26 
Halfverse: a    tataḥ sa rājā rājendra   gataḥ stʰānaṃ triviṣṭapam
   tataḥ sa rājā rāja_indra   gataḥ stʰānaṃ triviṣṭapam /
Halfverse: c    svargate ca nr̥pe rāma   rākṣasaḥ sa nyavartata
   svar-gate ca nr̥pe rāma   rākṣasaḥ sa nyavartata /26/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.