TITUS
Atharva-Veda-Samhita (Saunaka)
Part No. 109
Previous part

Hymn: 7 
Verse: 1 
Halfverse: a    vā́r idám vārayātai varaṇā́vatyām ádʰi /
Halfverse: c    tátrāmŕ̥tasyā́siktaṃ ténā te vāraye viṣám //1//

Verse: 2 
Halfverse: a    arasáṃ prācyàṃ viṣám arasáṃ yád udīcyàm /
Halfverse: c    átʰedám adʰarācyàṃ karambʰéṇa ví kalpate //2//

Verse: 3 
Halfverse: a    karambʰáṃ kr̥tvā́ tiryàṃ pībaspākám udāratʰím /
Halfverse: c    kṣudʰā́ kíla tvā duṣṭano jakṣivā́nt sá ná rūrupaḥ //3//

Verse: 4 
Halfverse: a    ví te mádaṃ madāvati śarám iva pātayāmasi /
Halfverse: c    prá tvā carúm iva yéṣantaṃ vácasā stʰāpayāmasi //4//

Verse: 5 
Halfverse: a    pári grā́mam ivā́citaṃ vácasā stʰāpayāmasi /
Halfverse: c    tíṣṭʰā vr̥kṣá iva stʰā́mny ábʰrikʰāte ná rūrupaḥ //5//

Verse: 6 
Halfverse: a    pavástais tvā páry akrīṇan dūrśébʰir ajínair utá /
Halfverse: c    prakrī́r asi tvám oṣadʰé 'bʰrikʰāte ná rūrupaḥ //6//

Verse: 7 
Halfverse: a    ánāptā yé vaḥ pratʰamā́ yā́ni kármāṇi cakriré /
Halfverse: c    vīrā́n no átra mā́ dabʰan tád va etát puró dadʰe //7//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.