TITUS
Atharva-Veda-Samhita (Saunaka)
Part No. 312
Previous part

Hymn: 139 
Verse: 1 
Halfverse: a    nyastikā́ rurohitʰa subʰagaṃkáraṇī máma /
Halfverse: c    śatáṃ táva pratānā́s tráyastriṃśan nitānā́ḥ //
Halfverse: e    táyā sahasraparṇyā́ hŕ̥dayaṃ śoṣayāmi te //1//

Verse: 2 
Halfverse: a    śúṣyatu máyi te hŕ̥dayam átʰo śuṣyatv āsyàm /
Halfverse: c    átʰo ní śuṣya mā́ṃ kā́menā́tʰo śúṣkāsyā cara //2//

Verse: 3 
Halfverse: a    saṃvánanī samuṣpalā́ bábʰru kályāṇi sáṃ nuda /
Halfverse: c    amū́ṃ ca mā́ṃ ca sáṃ nuda samānáṃ hŕ̥dayaṃ kr̥dʰi //3//

Verse: 4 
Halfverse: a    yátʰodakám ápapuṣo 'paśúṣyaty āsyàm /
Halfverse: c    evā́ ní śuṣya mā́ṃ kā́menā́tʰo śúṣkāsyā cara //4//

Verse: 5 
Halfverse: a    yátʰā nakuló vicʰídya saṃdádʰāty áhiṃ púnaḥ /
Halfverse: c    evā́ kā́masya vícʰinnaṃ sáṃ dʰehi vīryāvati //5//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.