TITUS
Atharva-Veda-Samhita (Saunaka)
Part No. 551
Previous part

Hymn: 35 
Verse: 1 
Halfverse: a    índrasya nā́ma gr̥hṇánta ŕ̥sayo jaṅgidáṃ daduḥ /
Halfverse: c    devā́ yáṃ cakrúr bʰeṣajám ágre viṣkandʰadū́ṣaṇam //1//

Verse: 2 
Halfverse: a    sá no rakṣatu jaṅgiḍó dʰanapāló dʰáneva /
Halfverse: c    devā́ yáṃ cakrúr brāhmaṇā́ḥ paripā́ṇam arātihám //2//

Verse: 3 
Halfverse: a    durhā́rdaḥ sáṃgʰoraṃ cákṣuḥ pāpakŕ̥tvānam ā́gamam /
Halfverse: c    tā́ṃs tváṃ sahasracakṣo pratībodʰéna nāśaya paripā́ṇo 'si jaṅgiḍáḥ //3//

Verse: 4 
Halfverse: a    pári mā diváḥ pári mā pr̥tʰivyā́ḥ páry antárikṣāt pári mā vīrúdbʰyaḥ /
Halfverse: c    pári mā bʰūtā́t pári motá bʰávyād diśódiśo jaṅgiḍáḥ pātv asmā́n //4//

Verse: 5 
Halfverse: a    yá r̥ṣṇávo devákr̥tā yá utó vavr̥té 'nyáḥ /
Halfverse: c    sárvāṃ stā́n viśvábʰeṣajo 'rasā́ṃ jaṅgiḍás karat //5//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.