TITUS
Atharva-Veda-Samhita (Saunaka)
Part No. 597
Previous part

Hymn: 9 
Verse: 1 
Halfverse: a    táṃ vo dasmám r̥tīṣáham vásor mandānám ándʰasaḥ /
Halfverse: c    abʰí vatsáṃ ná svásareṣu dʰenáva índraṃ gīrbʰír navāmahe //1//

Verse: 2 
Halfverse: a    dyukṣáṃ sudā́nuṃ táviṣībʰir ā́vr̥taṃ giríṃ ná purubʰójasam /
Halfverse: c    kṣumántaṃ vā́jaṃ śatínaṃ sahasríṇaṃ makṣū́ gómantam īmahe //2//

Verse: 3 
Halfverse: a    tát tvā yāmi suvī́ryaṃ tád bráhma pūrvácittaye /
Halfverse: c    yénā yátibʰyo bʰŕ̥gave dʰáne hité yéna práskaṇvam ā́vitʰa //3//

Verse: 4 
Halfverse: a    yénā samudrám ásr̥jo mahī́r apás tád indra vŕ̥ṣṇi te śávaḥ /
Halfverse: c    sadyáḥ só asya mahimā́ ná saṃnáśe yáṃ kṣoṇī́r anucakradé //4//

Next part


This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.