TITUS
Atharva-Veda-Samhita (Saunaka)
Part No. 615
Previous part

Hymn: 27 
Verse: 1 
Halfverse: a    yád indrāháṃ yátʰā tvám ī́śīya vásva éka ít /
Halfverse: c    
stotā́ me góṣakʰā syāt //1//

Verse: 2 
Halfverse: a    
śíkṣeyam asmai dítseyaṃ śácīpate manīṣíṇe /
Halfverse: c    
yád aháṃ gópatiḥ syā́m //2//

Verse: 3 
Halfverse: a    
dʰenúṣ ṭa indra sūnŕ̥tā yájamānāya sunvaté /
Halfverse: c    
gā́m áśvaṃ pipyúṣī duhe //3//

Verse: 4 
Halfverse: a    
te vartā́sti rā́dʰasa índra devó mártyaḥ /
Halfverse: c    
yád dítsasi stutó magʰám //4//

Verse: 5 
Halfverse: a    
yajñá índram avardʰayad yád bʰū́miṃ vy àvartayat /
Halfverse: c    
cakrāṇá opaśáṃ diví //5//

Verse: 6 
Halfverse: a    
vāvr̥dʰānásya te vayáṃ víśvā dʰánāni jigyúṣaḥ /
Halfverse: c    
ūtím indrā́ vr̥ṇīmahe //6//

Next part



This text is part of the TITUS edition of Atharva-Veda-Samhita (Saunaka).

Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.