TITUS
Atharva-Veda-Samhita (Saunaka)
Part No. 769

Hymn: 139 
Verse: 1 
Halfverse: a    ā́ nūnám aśvinā yuváṃ vatsásya gantam ávase /
Halfverse: c    prā́smai yacʰatam avr̥kám pr̥tʰú cʰardír yuyutáṃ yā́ árātayaḥ //1//

Verse: 2 
Halfverse: a    yád antárikṣe yád diví yát páñca mā́nuṣām̐ ánu /
Halfverse: c    nr̥mnáṃ tád dʰattam aśvinā //2//

Verse: 3 
Halfverse: a    yé vām dáṃsāṃsy aśvinā víprāsaḥ parimāmr̥śúḥ /
Halfverse: c    evét kāṇvásya bodʰatam //3//

Verse: 4 
Halfverse: a    ayáṃ vāṃ gʰarmó aśvinā stómena pári ṣicyate /
Halfverse: c    ayáṃ sómo mádʰumān vājinīvasū yéna vr̥tráṃ ciketatʰaḥ //4//

Verse: 5 
Halfverse: a    yád apsú yád vánaspátau yád óṣadʰīṣu purudaṃsasā kr̥tám /
Halfverse: c    téna māviṣṭam aśvinā //5//



Copyright TITUS Project, Frankfurt a/M, 1.1.2002. No parts of this document may be republished in any form without prior permission by the copyright holder.