TITUS
Text collection: AV 
Atharva-Veda
Text: ShS 
Atharva-Veda Saṃhitā

Śaunaka Recension


On the basis of the editions
Gli inni dell' Atharvaveda (Saunaka),
trasliterazione a cura di Chatia Orlandi,
Pisa 1991
and
Atharva Veda Sanhita,
herausgegeben von R. Roth und W.D. Whitney,
Berlin 1856
entered by Vladimir Petr und Petr Vavroušek,
Praha 1996;
TITUS version by Jost Gippert,
Frankfurt a.M., 31.1.1997 / 28.2.1998 / 21.6.1998 / 20.10.1999 / 1.6.2000 / 26.10.2003 / 7.12.2008 / 21.4.2012




[Numbering of books 11 and 15 realigned with Roth-Whitney's edition by Arlo Griffiths, Leiden, June 2000. J.G.]

[26.10.2003: Instances of final -h (instead of -ḥ) and of ks (instead of kṣ) corrected. J.G.]




Book: 1 
1
Hymn: 1 


Verse: 1 
Halfverse: a    
triṣaptā́ḥ pariyánti víśvā rūpā́ṇi bíbʰrataḥ /
Halfverse: c    
vācás pátir bálā téṣāṃ tanvò adyá dadʰātu me //1//

Verse: 2 
Halfverse: a    
púnar éhi vacas pate devéna mánasā sahá /
Halfverse: c    
vásoṣ pate ramaya máyy evā́stu máyi śrutám //2//

Verse: 3 
Halfverse: a    
ihaívā́bʰí tanūbʰé ā́rtnī iva jyáyā /
Halfverse: c    
vācás pátir yacʰatu máyy evā́stu máyi śrutám //3//

Verse: 4 
Halfverse: a    
úpahūto vācás pátir úpāsmā́n vācáspátir hvayatām /
Halfverse: c    
sáṃ śruténa gamemahi mā́ śruténa rādʰiṣi //4//

Hymn: 2 
Verse: 1 
Halfverse: a    
vidmā́ śarásya pitáraṃ parjányaṃ bʰū́ridʰāyasam /
Halfverse: c    
vidmó ṣv àsya mātáraṃ pr̥tʰivī́ṃ bʰū́rivarpasam //1//

Verse: 2 
Halfverse: a    
jyā̀ke pári ṇo namā́śmānaṃ tanvàṃ kr̥dʰi /
Halfverse: c    
vīḍúr várīyó 'rātīr ápa dvéṣāṃsy ā́ kr̥dʰi //2//

Verse: 3 
Halfverse: a    
vr̥kṣáṃ yád gā́vaḥ pariṣasvajānā́ anuspʰuráṃ śaráṃ árcanty r̥bʰúm /
Halfverse: c    
śárum asmád yāvaya didyúm indra //3//

Verse: 4 
Halfverse: a    
yátʰā dyā́ṃ ca pr̥tʰivī́ṃ cāntás tíṣṭʰati téjanam /
Halfverse: c    
evā́ rógaṃ cāsrāváṃ cāntás tiṣṭʰatu múñja ít //4//

Hymn: 3 
Verse: 1 
Halfverse: a    
vidmā́ śarásya pitáraṃ parjányaṃ śatávr̥ṣṇyaṃ /
Halfverse: c    
ténā te tanvè3 śáṃ karaṃ pr̥tʰivyā́ṃ te niṣécanaṃ bahíṣ ṭe astu bā́l íti //1//

Verse: 2 
Halfverse: a    
vidmā́ śarásya pitáraṃ mitráṃ śatávr̥ṣṇyaṃ /
Halfverse: c    
ténā te tanvè3 śáṃ karaṃ pr̥tʰivyā́ṃ te niṣécanaṃ bahíṣ ṭe astu bā́l íti //2//

Verse: 3 
Halfverse: a    
vidmā́ śarásya pitáraṃ váruṇaṃ śatávr̥ṣṇyaṃ /
Halfverse: c    
ténā te tanvè3 śáṃ karaṃ pr̥tʰivyā́ṃ te niṣécanaṃ bahíṣ ṭe astu bā́l íti //3//

Verse: 4 
Halfverse: a    
vidmā́ śarásya pitáraṃ candráṃ śatávr̥ṣṇyaṃ /
Halfverse: c    
ténā te tanvè3 śáṃ karaṃ pr̥tʰivyā́ṃ te niṣécanaṃ bahíṣ ṭe astu bā́l íti //4//

Verse: 5 
Halfverse: a    
vidmā́ śarásya pitáraṃ sū́ryaṃ śatávr̥ṣṇyaṃ /
Halfverse: c    
ténā te tanvè3 śáṃ karaṃ pr̥tʰivyā́ṃ te niṣécanaṃ bahíṣ ṭe astu bā́l íti //5//

Verse: 6 
Halfverse: a    
yád āntréṣu gavīnyór yád vastā́v ádʰi sáṃśritam /
Halfverse: c    
evā́ te mū́traṃ mucyatāṃ bahír bā́l íti sarvakám //6//

Verse: 7 
Halfverse: a    
prá te bʰinadmi méhanaṃ vártraṃ veśantyā́ iva /
Halfverse: c    
evā́ te mū́traṃ mucyatāṃ bahír bā́l íti sarvakám //7//

Verse: 8 
Halfverse: a    
víṣitaṃ te vastibiláṃ samudrásyodadʰér iva /
Halfverse: c    
evā́ te mū́traṃ mucyatāṃ bahír bā́l íti sarvakám //8//

Verse: 9 
Halfverse: a    
yátʰeṣukā́ parā́patad ávasr̥ṣṭā́dʰi dʰánvanaḥ /
Halfverse: c    
evā́ te mū́traṃ mucyatāṃ bahir bā́l íti sarvakám //9//

Hymn: 4 
Verse: 1 
Halfverse: a    
ambáyo yanty ádʰvabʰir jāmáyo adʰvarīyatā́m /
Halfverse: c    
pr̥ñcatī́r mádʰunā páyaḥ //1//

Verse: 2 
Halfverse: a    
amū́r yā́ úpa sū́rye yā́bʰir sū́ryaḥ sahá /
Halfverse: c    
tā́ no hinvantv adʰvarám //2//

Verse: 3 
Halfverse: a    
apó devī́r úpa hvaye yátra gā́vaḥ píbanti naḥ /
Halfverse: c    
síndʰubʰyaḥ kártvaṃ havíḥ //3//

Verse: 4 
Halfverse: a    
apsv à1ntár amŕ̥tam apsú bʰeṣajám /
Halfverse: c    
apā́m utá práśastibʰir áśvā bʰávatʰa vājíno gā́vo bʰavatʰa vājínīḥ //4//

Hymn: 5 
Verse: 1 
Halfverse: a    
ā́po ṣṭʰā́ mayobʰúvas tā́ na ūrjé dadʰātana /
Halfverse: c    
mahé ráṇāya cákṣase //1//

Verse: 2 
Halfverse: a    
vaḥ śivátamo rásas tásya bʰājayatehá naḥ /
Halfverse: c    
uśatī́r iva mātáraḥ //2//

Verse: 3 
Halfverse: a    
tásmā áraṃ gamāma vo yásya kṣáyāya jínvatʰa /
Halfverse: c    
ā́po janáyatʰā ca naḥ //3//

Verse: 4 
Halfverse: a    
ī́śānā vā́ryāṇāṃ kṣáyantīś carṣaṇīnā́m /
Halfverse: c    
apó yācāmi bʰeṣajám //4//

Hymn: 6 
Verse: 1 
Halfverse: a    
śáṃ no devī́r abʰíṣṭaya ā́po bʰavantu pītáye /
Halfverse: c    
śáṃ yór abʰí sravantu naḥ //1//

Verse: 2 
Halfverse: a    
apsú me sómo abravīd antár víśvāni bʰeṣajā́ /
Halfverse: c    
agníṃ ca viśváśaṃbʰuvam //2//

Verse: 3 
Halfverse: a    
ā́paḥ pr̥ṇītá bʰeṣajáṃ várūtʰaṃ tanvè3 máma /
Halfverse: c    
jyók ca sū́ryaṃ dr̥śé //3//

Verse: 4 
Halfverse: a    
śáṃ na ā́po dʰanvanyā̀3ḥ śám u santv anūpyā̀ḥ /
Halfverse: c    
śáṃ naḥ kʰanitrímā ā́paḥ śám u yā́ḥ kumbʰá ā́bʰr̥tāḥ /
Halfverse: e    
śivā́ naḥ santu vā́rṣikīḥ //4//

Hymn: 7 
Verse: 1 
Halfverse: a    
stuvānám agna ā́ vaha yātudʰā́naṃ kimīdínam /
Halfverse: c    
tváṃ deva vanditó hantā́ dásyor babʰū́vitʰa //1//

Verse: 2 
Halfverse: a    
ā́jyasya parameṣṭʰin jā́tavedas tánūvaśin /
Halfverse: c    
ágne taulásya prā́śāna yātudʰā́nān lāpaya //2//

Verse: 3 
Halfverse: a    
lapantu yātudʰā́nā attríṇo kimīdínaḥ /
Halfverse: c    
átʰedám agne no havír índraś ca práti haryatam //3//

Verse: 4 
Halfverse: a    
agníḥ pū́rva ā́ rabʰatāṃ préndro nudatu bāhumā́n /
Halfverse: c    
brávītu sárvo yātumā́n ayám asmī́ty étya //4//

Verse: 5 
Halfverse: a    
páśyāma te vīryàṃ jātavedaḥ prá ṇo brūhi yātudʰā́nān nr̥cakṣaḥ /
Halfverse: c    
tváyā sárve páritaptāḥ purástāt ā́ yantu prabruvāṇā́ úpedám //5//

Verse: 6 
Halfverse: a    
ā́ rabʰasva jātavedo 'smā́kā́rtʰāya jajñiṣe /
Halfverse: c    
dūtó no agne bʰūtvā́ yātudʰā́nān lāpaya //6//

Verse: 7 
Halfverse: a    
tvám agne yātudʰā́nān úpabaddʰām̐ ihā́ vaha /
Halfverse: c    
átʰaiṣām índro vájreṇā́pi śīrṣā́ṇi vr̥ścatu //7//

Hymn: 8 
Verse: 1 
Halfverse: a    
idáṃ havír yātudʰā́nān nādī́ pʰénam ivā́ vahat /
Halfverse: c    
idáṃ strī́ púmān ákar ihá stuvatāṃ jánaḥ //1//

Verse: 2 
Halfverse: a    
ayáṃ stuvāná ā́gamad imáṃ sma práti haryata /
Halfverse: c    
bŕ̥haspate váśe labdʰvā́gnīṣomā vidʰyatam //2//

Verse: 3 
Halfverse: a    
yātudʰā́nasya somapa jahí prajā́ṃ náyasva ca /
Halfverse: c    
stuvānásya pātaya páram ákṣy utā́varam //3//

Verse: 4 
Halfverse: a    
yátraiṣām agne jánimāni véttʰa gúhā satā́m attríṇāṃ jātavedaḥ /
Halfverse: c    
tā́ṃs tváṃ bráhmaṇā vāvr̥dʰānó jahy èṣāṃ śatatárham agne //4//

Hymn: 9 
Verse: 1 
Halfverse: a    
asmín vásu vásavo dʰārayantv índraḥ pūṣā́ váruṇo mitró agníḥ /
Halfverse: c    
imám ādityā́ utá víśve ca devā́ úttarasmin jyótiṣi dʰārayantu //1//

Verse: 2 
Halfverse: a    
asyá devāḥ pradíśi jyótir astu sū́ryo agnír utá híraṇyam /
Halfverse: c    
sapátnā asmád ádʰare bʰavantūttamáṃ nā́kam ádʰi rohayemám //2//

Verse: 3 
Halfverse: a    
yénéndrāya samábʰaraḥ páyāṃsy uttaména bráhmaṇā jātavedaḥ /
Halfverse: c    
téna tvám agna ihá vardʰayemáṃ sajātā́nāṃ śraíṣṭʰya ā́ dʰehy enam //3//

Verse: 4 
Halfverse: a    
aíṣāṃ yajñám utá várco dade 'háṃ rāyás póṣam utá cittā́ny agne /
Halfverse: c    
sapátnā asmád ádʰare bʰavantūttamáṃ nā́kam ádʰi rohayemám //4//

Hymn: 10 
Verse: 1 
Halfverse: a    
ayáṃ devā́nām ásuro rājati váśā satyā́ váruṇasya rā́jñaḥ /
Halfverse: c    
tátas pári bráhmaṇā śā́śadāna ugrásya manyór úd imáṃ nayāmi //1//

Verse: 2 
Halfverse: a    
námas te rajan varuṇāstu manyáve víśvaṃ hy ùgra nicikéṣi drugdʰám /
Halfverse: c    
sahásram anyā́n prá suvāmi sākáṃ śatáṃ jīvāti śarádas távāyám //2//

Verse: 3 
Halfverse: a    
yád uváktʰā́nr̥tam jihváyā vr̥jináṃ bahú /
Halfverse: c    
rā́jñas tvā satyádʰarmaṇo muñcā́mi váruṇād ahám //3//

Verse: 4 
Halfverse: a    
muñcā́mi tvā vaiśvānarā́d arṇavā́n mahatás pári /
Halfverse: c    
sajātā́n ugrehā́ vada bráhma cā́pa cikīhi naḥ //4//

Hymn: 11 
Verse: 1 
Halfverse: a    
váṣaṭ te pūṣann asmínt sū́tāv aryamā́ hótā kr̥ṇotu vedʰā́ḥ /
Halfverse: c    
sísratāṃ nā́ry r̥táprajātā párvāṇi jihatāṃ sūtavā́ u //1//

Verse: 2 
Halfverse: a    
cátasro diváḥ pradíśaś cátasro bʰū́myā utá /
Halfverse: c    
devā́ gárbʰaṃ sám airayan táṃ vy ū̀rṇuvantu sū́tave //2//

Verse: 3 
Halfverse: a    
sūṣā́ vy ūrṇotu yóniṃ hāpayāmasi /
Halfverse: c    
śratʰáyā sūṣaṇe tvám áva tváṃ biṣkale sr̥ja //3//

Verse: 4 
Halfverse: a    
néva māṃsé pī́vasi néva majjásv ā́hatam /
Halfverse: c    
ávaitu pŕ̥śni śévalaṃ súne jarā́yv áttavé 'va jarā́yu padyatām //4//

Verse: 5 
Halfverse: a    
te bʰinadmi méhanaṃ yóniṃ gavī́nike /
Halfverse: c    
mātáraṃ ca putráṃ ca kumāráṃ jarā́yuṇā́va jarā́yu padyatām //5//

Verse: 6 
Halfverse: a    
yátʰā vā́to yátʰā máno yátʰā pátanti pakṣíṇaḥ /
Halfverse: c    
evā́ tváṃ daśamāsya sākáṃ jarā́yuṇā patā́va jarā́yu padyatām //6//

Hymn: 12 
Verse: 1 
Halfverse: a    
jarāyujáḥ pratʰamá usríyo vŕ̥ṣā vātābʰrajā́ stanáyann eti vr̥ṣṭyā́ /
Halfverse: c    
no mr̥ḍāti tanvà r̥jugó ruján ékam ójas tredʰā́ vicakramé //1//

Verse: 2 
Halfverse: a    
áṅgeaṅge śocíṣā śiśriyāṇáṃ namasyántas tvā havíṣā vidʰema /
Halfverse: c    
aṅkā́nt samaṅkā́n havíṣā vidʰema ágrabʰīt párvāsyā grábʰītā //2//

Verse: 3 
Halfverse: a    
muñcá śīrṣaktyā́ utá kāsá enaṃ páruṣparur āvivéśā asya /
Halfverse: c    
abʰrajā́ vātajā́ yáś ca śúṣmo vánaspátīnt sacatāṃ párvatāṃś ca //3//

Verse: 4 
Halfverse: a    
śáṃ me párasmai gā́trāya śám astv ávarāya me /
Halfverse: c    
śáṃ me catúrbʰyo áṅgebʰyaḥ śám astu tanvè3 máma //4//

Hymn: 13 
Verse: 1 
Halfverse: a    
námas te astu vidyúte námas te stanayitnáve /
Halfverse: c    
námas te astv áśmane yénā dūḍā́śe ásyasi //1//

Verse: 2 
Halfverse: a    
námas te pravato napād yátas tápaḥ samū́hasi /
Halfverse: c    
mr̥ḍáyā nas tanū́bʰyo máyas tokébʰyas kr̥dʰi //2//

Verse: 3 
Halfverse: a    
právato napān náma evā́stu túbʰyaṃ námas te hetáye tápuṣe ca kr̥ṇmaḥ /
Halfverse: c    
vidmá te dʰā́ma paramáṃ gúhā yát samudré antár níhitāsi nā́bʰiḥ //3//

Verse: 4 
Halfverse: a    
yā́ṃ tvā devā́ ásr̥janta víśva íṣuṃ kr̥ṇvānā́ ásanāya dʰr̥ṣṇúm /
Halfverse: c    
sā́ no mr̥ḍa vidátʰe gr̥ṇānā́ tásyai te námo astu devi //4//

Hymn: 14 
Verse: 1 
Halfverse: a    
bʰágam asyā várca ā́diṣy ádʰi vr̥kṣā́d iva srájam /
Halfverse: c    
mahā́budʰna iva párvato jyók pitŕ̥ṣv āstām //1//

Verse: 2 
Halfverse: a    
eṣā́ te rājan kanyā̀ vadʰū́r dʰūyatām yama /
Halfverse: c    
sā́ mātúr badʰyatāṃ gr̥hé 'tʰo bʰrā́tur átʰo pitúḥ //2//

Verse: 3 
Halfverse: a    
eṣā́ te kulapā́ rājan tā́m u te pári dadmasi /
Halfverse: c    
jyók pitŕ̥ṣv āsātā ā́ śīrṣṇáḥ śamópyāt //3//

Verse: 4 
Halfverse: a    
ásitasya te bráhmaṇā kaśyápasya gáyasya ca /
Halfverse: c    
antaḥkośám iva jāmáyó 'pi nahyāmi te bʰágam //4 //

Hymn: 15 
Verse: 1 
Halfverse: a    
sáṃ sáṃ sravantu síndʰavaḥ sáṃ vā́tāḥ sáṃ patatríṇaḥ /
Halfverse: c    
imáṃ yajñáṃ pradívo me juṣantāṃ saṃsrāvyèṇa havíṣā juhomi //1//

Verse: 2 
Halfverse: a    
ihaívá hávam ā́ yāta ma ihá saṃsrāvaṇā utémáṃ vardʰayatā giraḥ /
Halfverse: c    
ihaítu sárvo yáḥ paśúr asmín tiṣṭʰatu yā́ rayíḥ //2//

Verse: 3 
Halfverse: a    
nadī́nāṃ saṃsrávanty útsāsaḥ sádam ákṣitāḥ /
Halfverse: c    
tébʰir me sárvaiḥ saṃsrāvaír dʰánaṃ sáṃ srāvayāmasi //3//

Verse: 4 
Halfverse: a    
sarpíṣaḥ saṃsrávanti kṣīrásya codakásya ca /
Halfverse: c    
tébʰir me sárvaiḥ saṃsrāvaír dʰánaṃ sáṃ srāvayāmasi //4//

Hymn: 16 
Verse: 1 
Halfverse: a    
'māvāsyā̀3ṃ rā́trim udástʰur vrājám attríṇaḥ /
Halfverse: c    
agnís turī́yo yātuhā́ asmábʰyam ádʰi bravat //1//

Verse: 2 
Halfverse: a    
sī́sāyā́dʰy āha váruṇaḥ sī́sāyāgnír úpāvati /
Halfverse: c    
sī́saṃ ma índraḥ prā́yacʰat tád aṅgá yātucā́tanam //2//

Verse: 3 
Halfverse: a    
idáṃ víṣkandʰaṃ sahata idáṃ bādʰate attríṇaḥ /
Halfverse: c    
anéna víśvā sasahe yā́ jātā́ni piśācyā́ḥ //3//

Verse: 4 
Halfverse: a    
yádi no gā́ṃ háṃsi yády áśvaṃ yádi pū́ruṣam /
Halfverse: c    
táṃ tvā sī́sena vidʰyāmo yátʰā 'so ávīrahā //4//

Hymn: 17 
Verse: 1 
Halfverse: a    
amū́r yā́ yánti yoṣíto hirā́ lóhitavāsasaḥ /
Halfverse: c    
abʰrā́tara iva jāmáyas tíṣṭʰantu hatávarcasaḥ //1//

Verse: 2 
Halfverse: a    
tíṣṭʰāvare tíṣṭʰa para utá tváṃ tiṣṭʰa madʰyame /
Halfverse: c    
kaniṣṭʰikā́ ca tíṣṭʰati tiṣṭʰād íd dʰamánir mahī́ //2//

Verse: 3 
Halfverse: a    
śatásya dʰamánīnāṃ sahásrasya hirā́ṇām /
Halfverse: c    
ástʰur ín madʰyamā́ imā́ḥ sākám ántā araṃsata //3//

Verse: 4 
Halfverse: a    
pári vaḥ síkatāvatī dʰanū́r br̥haty àkramīt /
Halfverse: c    
tíṣṭʰateláyatā kam //4//

Hymn: 18 
Verse: 1 
Halfverse: a    
nír lakṣmyàṃ lalāmyà1ṃ nír árātiṃ suvāmasi /
Halfverse: c    
átʰa yā́ bʰadrā́ tā́ni naḥ prajā́yā árātiṃ nayāmasi //1//

Verse: 2 
Halfverse: a    
nír áraṇiṃ savitā́ sāviṣak padór nír hástayor váruṇo mitró aryamā́ /
Halfverse: c    
nír asmábʰyam ánumatī rárāṇā prémā́ṃ devā́ asāviṣuḥ saúbʰagāya //2//

Verse: 3 
Halfverse: a    
yát ta ātmáni tanvā̀ṃ gʰorám ásti yád kéśeṣu praticákṣaṇe /
Halfverse: c    
sárvaṃ tád vācā́pa hanmo vayáṃ devás tvā savitā́ sūdayatu //3//

Verse: 4 
Halfverse: a    
ríśyapadīṃ vŕ̥ṣadatīṃ goṣedʰā́ṃ vidʰamā́m utá /
Halfverse: c    
vilīḍʰyàṃ lalāmyà1ṃ tā́ asmán nāśayāmasi //4//

Hymn: 19 
Verse: 1 
Halfverse: a    
mā́ no vidan vivyādʰíno abʰivyādʰíno vidan /
Halfverse: c    
ārā́c cʰaravyā̀ asmád víṣūcīr indra pātaya //1//

Verse: 2 
Halfverse: a    
víṣvañco asmác cʰáravaḥ patantu astā́ cāsyā̀ḥ /
Halfverse: c    
daivīr manuṣyesavo mámāmitrān vidʰyata //2//

Verse: 3 
Halfverse: a    
naḥ svó áraṇaḥ sajātá utá níṣṭyo asmā́m̐ abʰidā́sati /
Halfverse: c    
rudráḥ śaravyàyaitā́n mámāmítrān vidʰyatu //3//

Verse: 4 
Halfverse: a    
yáḥ sapátno 'sapatno yáś ca dviṣán cʰápāti naḥ /
Halfverse: c    
devā́s táṃ sárve dʰūrvantu bráhma várma mámā́ntaram //4//

Hymn: 20 
Verse: 1 
Halfverse: a    
ádārasr̥d bʰavatu deva somāsmín yajñé maruto mr̥ḍátā naḥ /
Halfverse: c    
mā́ no vidad abʰibʰā́ áśastir mā́ no vidad vr̥jinā́ dvéṣyā yā́ //1//

Verse: 2 
Halfverse: a    
adyá sényo vadʰó 'gʰāyū́nām udī́rate /
Halfverse: c    
yuváṃ táṃ mitrāvaruṇāv asmád yāvayataṃ pári //2//

Verse: 3 
Halfverse: a    
itáś ca yád amútaś ca yád vadʰáṃ varuṇa yāvaya /
Halfverse: c    
mahác cʰárma yacʰa várīyo yāvayā vadʰám //3//

Verse: 4 
Halfverse: a    
śāsá ittʰā́ mahā́m̐ asy amitrasāhó astr̥táḥ /
Halfverse: c    
yásya hanyáte sákʰā jīyáte kadā́ caná //4//

Hymn: 21 
Verse: 1 
Halfverse: a    
svastidā́ viśā́ṃ pátir vr̥trahā́ vimr̥dʰó vaśī́ /
Halfverse: c    
vŕ̥ṣéndraḥ purá etu náḥ somapā́ abʰayaṃkaráḥ //1//

Verse: 2 
Halfverse: a    
na índra mŕ̥dʰo jahi nīcā́ yacʰa pr̥tanyatáḥ /
Halfverse: c    
adʰamáṃ gamayā támo asmā́m̐ abʰidā́sati //2//

Verse: 3 
Halfverse: a    
rákṣo mŕ̥dʰo jahi vr̥trásya hánū ruja /
Halfverse: c    
manyúm indra vr̥trahann amítrasyābʰidā́sataḥ //3//

Verse: 4 
Halfverse: a    
ápendra dviṣató máno 'pa jíjyāsato vadʰám /
Halfverse: c    
mahác cʰárma yacʰa várīyo yāvayā vadʰám //4//

Hymn: 22 
Verse: 1 
Halfverse: a    
ánu sū́ryam úd ayatāṃ hr̥ddyotó harimā́ ca te /
Halfverse: c    
róhitasya várṇena téna tvā pári dadʰmasi //1//

Verse: 2 
Halfverse: a    
pári tvā róhitair várṇair dīrgʰāyutvā́ya dadʰmasi /
Halfverse: c    
yátʰāyám arapā́ ásad átʰo áharito bʰúvat //2//

Verse: 3 
Halfverse: a    
yā́ róhiṇīr devatyā̀3 gā́vo yā́ utá róhiṇīḥ /
Halfverse: c    
rūpáṃrūpaṃ váyovayas tā́bʰiṣ ṭvā pári dadʰmasi //3//

Verse: 4 
Halfverse: a    
śúkeṣu te harimā́ṇaṃ ropaṇā́kāsu dadʰmasi /
Halfverse: c    
átʰo hā́ridraveṣu te harimā́ṇaṃ dadʰmasi //4//

Hymn: 23 
Verse: 1 
Halfverse: a    
naktaṃjātā́si oṣadʰe rā́me kŕ̥ṣṇe ásikni ca /
Halfverse: c    
idáṃ rajani rajaya kilā́saṃ palitáṃ ca yát //1//

Verse: 2 
Halfverse: a    
kilā́saṃ ca palitáṃ ca nír itó nāśayā pŕ̥ṣat /
Halfverse: c    
ā́ tvā svó viśatāṃ várṇaḥ párā śuklā́ni pātaya //2//

Verse: 3 
Halfverse: a    
ásitaṃ te praláyanam āstʰā́nam ásitaṃ táva /
Halfverse: c    
ásiknī asy oṣadʰe nír itó nāśayā pŕ̥ṣat //3//

Verse: 4 
Halfverse: a    
astʰijásya kilā́sasya tanūjásya ca yát tvací /
Halfverse: c    
dū́ṣyā kr̥tásya bráhmaṇā lákṣma śvetám anīnaśam //4//

Hymn: 24 
Verse: 1 
Halfverse: a    
suparṇó jātáḥ pratʰamás tásya tváṃ pittám āsitʰa /
Halfverse: c    
tád āsurī́ yudʰā́ jitā́ rūpáṃ cakre vánaspátīn //1//

Verse: 2 
Halfverse: a    
āsurī́ cakre pratʰamédáṃ kilāsabʰeṣajám idáṃ kilāsanā́śanam /
Halfverse: c    
ánīnaśat kilā́saṃ sárūpām akarat tvácam //2//

Verse: 3 
Halfverse: a    
sárūpā nā́ma te mātā́ sárūpo nā́ma te pitā́ /
Halfverse: c    
sarūpakŕ̥t tvám oṣadʰe sā́ sárūpam idáṃ kr̥dʰi //3//

Verse: 4 
Halfverse: a    
śyāmā́ sarūpaṃkáraṇī pr̥tʰivyā́ ádʰy údbʰr̥tā /
Halfverse: c    
idám ū ṣu prá sādʰaya púnā rūpā́ṇi kalpaya //4//

Hymn: 25 
Verse: 1 
Halfverse: a    
yád agnír ā́po ádahat pravíśya yátrā́kr̥ṇvan dʰarmadʰŕ̥to námāṃsi /
Halfverse: c    
tátra ta āhuḥ paramáṃ janítraṃ naḥ saṃvidvā́n pári vr̥ṅgdʰi takman //1//

Verse: 2 
Halfverse: a    
yády arcír yádi vā́si śocíḥ śakalyeṣí yádi te janítram /
Halfverse: c    
hrū́ḍur nā́māsi haritasya deva naḥ saṃvidvā́n pári vr̥ṅgdʰi takman //2//

Verse: 3 
Halfverse: a    
yádi śokó yádi vābʰiśokó yádi rā́jño váruṇasyā́si putráḥ /
Halfverse: c    
hrū́ḍur nā́māsi haritasya deva naḥ saṃvidvā́n pári vr̥ṅgdʰi takman //3//

Verse: 4 
Halfverse: a    
námaḥ śītā́ya takmáne námo rūrā́ya śocíṣe kr̥ṇomi /
Halfverse: c    
anyedyúr ubʰayadyúr abʰyéti tŕ̥tīyakāya námo astu takmáne //4//

Hymn: 26 
Verse: 1 
Halfverse: a    
ārè3 'sā̀v asmád astu hetír devāso asat /
Halfverse: c    
āré áśmā yám ásyatʰa //1//

Verse: 2 
Halfverse: a    
sákʰāsā́v asmábʰyam astu rātíḥ sákʰéndro bʰágaḥ /
Halfverse: c    
savitā́ citrárādʰāḥ //2//

Verse: 3 
Halfverse: a    
yūyám naḥ pravato napān márutaḥ sū́ryatvacasaḥ /
Halfverse: c    
śárma yacʰatʰa saprátʰāḥ //3//

Verse: 4 
Halfverse: a    
suṣūdáta mr̥ḍáta mr̥ḍáyā nas tanū́bʰyo /
Halfverse: c    
máyas tokébʰyas kr̥dʰí //4//

Hymn: 27 
Verse: 1 
Halfverse: a    
amū́ḥ pāré pr̥dākvàs triṣaptā́ nírjarāyavaḥ /
Halfverse: c    
tā́sām jarā́yubʰir vayám akṣyā̀v ápi vyayāmasy agʰāyóḥ paripantʰínaḥ //1//

Verse: 2 
Halfverse: a    
víṣūcy etu kr̥ntatī́ pínākam iva bíbʰratī /
Halfverse: c    
víṣvak punarbʰúvā mánó 'samr̥ddʰā agʰāyávaḥ //2//

Verse: 3 
Halfverse: a    
bahávaḥ sám aśakan nā́rbʰakā́ abʰí dādʰr̥ṣuḥ /
Halfverse: c    
veṇór ádgā ivābʰító 'samr̥ddʰā agʰāyávaḥ //3//

Verse: 4 
Halfverse: a    
prétaṃ pādau prá spʰurataṃ váhataṃ pr̥ṇató gr̥hā́n /
Halfverse: c    
indrāny ètu pratʰamā́jītā́muṣitā puráḥ //4//

Hymn: 28 
Verse: 1 
Halfverse: a    
úpa prā́gād devó agnī́ rakṣohā́mīvacā́tanaḥ /
Halfverse: c    
dáhann ápa dvayāvíno yātudʰā́nān kimīdínaḥ //1//

Verse: 2 
Halfverse: a    
práti daha yātudʰā́nān práti deva kimīdínaḥ /
Halfverse: c    
pratī́cīḥ kr̥ṣṇavartane sáṃ daha yātudʰānyàḥ //2//

Verse: 3 
Halfverse: a    
yā́ śaśā́pa śápanena yā́gʰáṃ mū́ram ādadʰé /
Halfverse: c    
yā́ rásasya háraṇāya jātám ārebʰé tokám attu sā́ //3//

Verse: 4 
Halfverse: a    
putrám attu yātudʰānī́ḥ svásāram utá naptyàm /
Halfverse: c    
ádʰā mitʰó vikeśyò3 gʰnatāṃ yātudʰānyò3 tr̥hyantām arāyyàḥ //4//

Hymn: 29 
Verse: 1 
Halfverse: a    
abʰīvarténa maṇínā yénéndro abʰivavr̥dʰé /
Halfverse: c    
ténāsmā́n brahmaṇas pate 'bʰí rāṣṭrā́ya vardʰaya //1//

Verse: 2 
Halfverse: a    
abʰivŕ̥tya sapátnān abʰí yā́ no árātayaḥ /
Halfverse: c    
abʰí pr̥tanyántaṃ tiṣṭʰābʰí no durasyáti //2//

Verse: 3 
Halfverse: a    
abʰí tvā deváḥ savitā́bʰí ṣómo avīvr̥dʰat /
Halfverse: c    
abʰí tvā víśvā bʰūtā́ny abʰīvartó yátʰā́sasi //3//

Verse: 4 
Halfverse: a    
abʰīvartó abʰibʰaváḥ sapatnakṣáyaṇo maṇíḥ /
Halfverse: c    
rāṣṭrā́ya máhyaṃ badʰyatāṃ sapátnebʰyaḥ parābʰúve //4//

Verse: 5 
Halfverse: a    
úd asaú sū́ryo agād úd idáṃ māmakáṃ vácaḥ /
Halfverse: c    
yátʰāháṃ śatruhó 'sāny asapatnáḥ sapatnahā́ //5//

Verse: 6 
Halfverse: a    
sapatnakṣáyaṇo vŕ̥ṣābʰíraṣṭro viṣāsahíḥ /
Halfverse: c    
yátʰāhám eṣā́ṃ vīrā́ṇāṃ virā́jāni jánasya ca //6//

Hymn: 30 
Verse: 1 
Halfverse: a    
víśve devā vásavo rákṣatemám utā́dityā́ jāgr̥tá yūyám asmín /
Halfverse: c    
mémáṃ sánābʰir utá vā́nyánābʰir mémáṃ prā́pat paúruṣeyo vadʰó yáḥ //1//

Verse: 2 
Halfverse: a    
vo devāḥ pitáro ca putrā́ḥ sácetaso me śr̥ṇutedám uktám /
Halfverse: c    
sárvebʰyo vaḥ pári dadāmy etáṃ svasty ènaṃ jaráse vahātʰa //2//

Verse: 3 
Halfverse: a    
devā diví ṣṭʰá pr̥tʰivyā́ṃ antárikṣa óṣadʰīṣu paśúṣv apsv à1ntáḥ /
Halfverse: c    
kr̥ṇuta jarásam ā́yur asmaí śatám anyā́n pári vr̥ṇaktu mr̥tyū́n //3//

Verse: 4 
Halfverse: a    
yéṣāṃ prayājā́ utá vānuyājā́ hutábʰāgā ahutā́daś ca devā́ḥ /
Halfverse: c    
yéṣāṃ vaḥ páñca pradíśo víbʰaktās tā́n vo asmaí satrasádaḥ kr̥ṇomi //4//

Hymn: 31 
Verse: 1 
Halfverse: a    
ā́śānām āśāpālébʰyaś catúrbʰyo amŕ̥tebʰyaḥ /
Halfverse: c    
idáṃ bʰūtásyā́dʰyakṣebʰyo vidʰéma havíṣā vayám //1//

Verse: 2 
Halfverse: a    
ā́śānām āśāpālā́ś catvā́ra stʰána devāḥ /
Halfverse: c    
no nírr̥tyāḥ pā́śebʰyo muñcátā́ṃhasoaṃhasaḥ //2//

Verse: 3 
Halfverse: a    
ásrāmas tvā havíṣā yajāmy áśloṇas tvā gʰr̥téna juhomi /
Halfverse: c    
ā́śānām āśāpālás turī́yo deváḥ naḥ subʰūtám ehá vakṣat //3//

Verse: 4 
Halfverse: a    
svastí mātrá utá pitré no astu svastí góbʰyo jágate púruṣebʰyaḥ /
Halfverse: c    
víśvam subʰūtám suvidátraṃ no astu jyóg evá dr̥śema sū́ryam //4//

Hymn: 32 
Verse: 1 
Halfverse: a    
idáṃ janā́so vidátʰa mahád bráhma vadiṣyati /
Halfverse: c    
tát pr̥tʰivyā́ṃ no diví yéna prāṇánti vīrúdʰaḥ //1//

Verse: 2 
Halfverse: a    
antárikṣa āsāṃ stʰā́ma śrāntasádām iva /
Halfverse: c    
āstʰā́nam asyá bʰūtásya vidúṣ ṭád vedʰáso //2//

Verse: 3 
Halfverse: a    
yád ródasī réjamāne bʰū́miś ca nirátakṣatam /
Halfverse: c    
ārdráṃ tád adyá sarvadā́ samudrásyeva śrotyā́ḥ //3//

Verse: 4 
Halfverse: a    
víśvam anyā́m abʰīvā́ra tád anyásyām ádʰi śritám /
Halfverse: c    
divé ca viśvávedase pr̥tʰivyaí cākaraṃ námaḥ //4//

Hymn: 33 
Verse: 1 
Halfverse: a    
híraṇyavarṇāḥ śúcayaḥ pāvakā́ yā́su jātáḥ savitā́ yā́sv agníḥ /
Halfverse: c    
yā́ agníṃ gárbʰaṃ dadʰiré suvárṇās tā́ na ā́paḥ śáṃ syonā́ bʰavantu //1//

Verse: 2 
Halfverse: a    
yā́sāṃ rā́jā váruṇo yā́ti mádʰye satyānr̥té avapáśyan jánānām /
Halfverse: c    
yā́ agníṃ gárbʰaṃ dadʰiré suvárṇās tā́ na ā́paḥ śáṃ syonā́ bʰavantu //2//

Verse: 3 
Halfverse: a    
yā́sāṃ devā́ diví kr̥ṇvánti bʰakṣáṃ yā́ antárikṣe bahudʰā́ bʰavanti /
Halfverse: c    
yā́ agníṃ gárbʰaṃ dadʰiré suvárṇās tā́ na ā́paḥ śáṃ syonā́ bʰavantu //3//

Verse: 4 
Halfverse: a    
śivéna cákṣuṣā paśyatāpaḥ śiváyā tanvópa spr̥śata tvácaṃ me /
Halfverse: c    
gʰr̥taścútaḥ śúcayo yā́ḥ pāvakā́s tā́ na ā́paḥ śáṃ syonā́ bʰavantu //4//

Hymn: 34 
Verse: 1 
Halfverse: a    
iyáṃ vīrún mádʰujātā mádʰunā tvā kʰanāmasi /
Halfverse: c    
mádʰor ádʰi prájātāsi sā́ no mádʰumatas kr̥dʰi //1//

Verse: 2 
Halfverse: a    
jihvā́yā ágre mádʰu me jihvāmūlé madʰū́lakam /
Halfverse: c    
máméd áha krátāv áso máma cittám upā́yasi //2//

Verse: 3 
Halfverse: a    
mádʰuman me nikrámaṇaṃ mádʰuman me parā́yaṇam /
Halfverse: c    
vācā́ vadāmi mádʰumad bʰūyā́saṃ mádʰusaṃdr̥śaḥ //3//

Verse: 4 
Halfverse: a    
mádʰor asmi mádʰutaro madúgʰān mádʰumattaraḥ /
Halfverse: c    
mā́m ít kíla tváṃ vánāḥ śā́kʰāṃ mádʰumatīm iva //4//

Verse: 5 
Halfverse: a    
pári tvā paritatnúnekṣúṇāgām ávidviṣe /
Halfverse: c    
yátʰā mā́ṃ kamíny áso yátʰā mán nā́pagā ásaḥ //5//

Hymn: 35 
Verse: 1 
Halfverse: a    
yád ā́badʰnan dākṣāyaṇā́ híraṇyaṃ śatā́nīkāya sumanasyámānāḥ /
Halfverse: c    
tát te badnāmy ā́yuṣe várcase bálāya dīrgʰāyutvā́ya śatáśāradāya //1//

Verse: 2 
Halfverse: a    
naínaṃ rákṣāṃsi piśācā́ḥ sahante devā́nām ójaḥ pratʰamajám hy ètát /
Halfverse: c    
bíbʰarti dākṣāyaṇáṃ híraṇyaṃ jīvéṣu kr̥ṇute dīrgʰám ā́yuḥ //2//

Verse: 3 
Halfverse: a    
apā́ṃ téjo jyótir ójo bálaṃ ca vánaspátīnām utá vīryā̀ṇi /
Halfverse: c    
índra ivendriyā́ṇy ádʰi dʰārayāmo asmín tád dákṣamāṇo bibʰarad dʰíraṇyam //3//

Verse: 4 
Halfverse: a    
sámānāṃ māsā́m r̥túbʰiṣ ṭvā vayáṃ saṃvatsarásya páyasā piparmi /
Halfverse: c    
indrāgnī́ víśve devā́s 'nu manyantām áhr̥ṇīyamānāḥ //4//




Book: 2 
2
Hymn: 1 


Verse: 1 
Halfverse: a    
venás tát paśyat paramáṃ gúhā yád yátra víśvaṃ bʰávaty ékarūpam /
Halfverse: c    
idáṃ pŕ̥śnir aduhaj jā́yamānāḥ svarvído abʰy ànūṣata vrā́ḥ //1//

Verse: 2 
Halfverse: a    
prá tád voced amŕ̥tasya vidvā́n gandʰarvó dʰā́ma paramáṃ gúhā yát /
Halfverse: c    
trī́ṇi padā́ni níhitā gúhāsya yás tā́ni véda pitúṣ pitā́sat //2//

Verse: 3 
Halfverse: a    
naḥ pitā́ janitā́ utá bándʰur dʰā́māni veda bʰúvanāni víśvā /
Halfverse: c    
devā́nāṃ nāmadʰá éka evá táṃ saṃpraśnáṃ bʰúvanā yanti sárvā //3//

Verse: 4 
Halfverse: a    
pári dyā́vāpr̥tʰivī́ sadyá āyam úpātiṣṭʰe pratʰamajā́m r̥tásya /
Halfverse: c    
vā́cam iva vaktári bʰuvaneṣṭʰā́ dʰāsyúr eṣá nanv è3ṣó agníḥ //4//

Verse: 5 
Halfverse: a    
pári víśvā bʰúvanāny āyam r̥tásya tántuṃ vítataṃ dr̥śé kám /
Halfverse: c    
yátra devā́ amŕ̥tam ānaśānā́ḥ samāné yónāv ádʰy aírayanta //5//

Hymn: 2 
Verse: 1 
Halfverse: a    
divyó gandʰarvó bʰúvanasya yás pátir éka evá namasyò vikṣv ī́ḍyaḥ /
Halfverse: c    
táṃ tvā yaumi bráhmaṇā divya deva námas te astu diví te sadʰástʰam //1//

Verse: 2 
Halfverse: a    
diví spr̥ṣṭó yajatáḥ sū́ryatvag avayātā́ háraso daívyasya /
Halfverse: c    
mr̥ḍā́t gandʰarvó bʰúvanasya yás pátir éka evá namasyàḥ suśévāḥ //2//

Verse: 3 
Halfverse: a    
anavadyā́bʰiḥ sám u jagma ābʰir apsarā́sv ápi gandʰarvá āsīt /
Halfverse: c    
samudrá āsāṃ sádanaṃ ma āhur yátaḥ sadyá ā́ ca párā ca yánti //3//

Verse: 4 
Halfverse: a    
ábʰriye dídyun nákṣatriye yā́ viśvā́vasuṃ gandʰarváṃ sácadʰve /
Halfverse: c    
tā́bʰyo vo devīr náma ít kr̥ṇomi //4//

Verse: 5 
Halfverse: a    
yā́ḥ klandā́s támiṣīcayo 'kṣákāmā manomúhaḥ /
Halfverse: c    
tā́bʰyo gandʰarvábʰyo 'psarā́bʰyo 'karam námaḥ //5//

Hymn: 3 
Verse: 1 
Halfverse: a    
adó yád avadʰā́vaty avatkám ádʰi párvatāt /
Halfverse: c    
tát te kr̥ṇomi bʰeṣajáṃ súbʰeṣajaṃ yátʰā́sasi //1//

Verse: 2 
Halfverse: a    
ā́d aṅgā́ kuvíd aṅgā́ śatáṃ yā́ bʰeṣajā́ni te /
Halfverse: c    
téṣām asi tvám uttamám anāsrāvám árogaṇam //2//

Verse: 3 
Halfverse: a    
nīcaíḥ kʰananty ásurā arusrā́ṇam idáṃ mahát /
Halfverse: c    
tád āsrāvásya bʰeṣajáṃ tád u rógam anīnaśat //3//

Verse: 4 
Halfverse: a    
upajī́kā úd bʰaranti samudrā́d ádʰi bʰeṣajám /
Halfverse: c    
tád āsrāvásya bʰeṣajáṃ tád u rógam aśīśamat //4//

Verse: 5 
Halfverse: a    
arusrā́ṇam idáṃ mahát pr̥tʰivyā́ ádʰy údbʰr̥tam /
Halfverse: c    
tád āsrāvásya bʰeṣajáṃ tád u rógam anīnaśat //5//

Verse: 6 
Halfverse: a    
śáṃ no bʰavantv apá óṣadʰayaḥ śivā́ḥ /
Halfverse: c    
índrasya vájro ápa hantu rakṣása ārā́d vísr̥ṣṭā íṣavaḥ patantu rakṣásām //6//

Hymn: 4 
Verse: 1 
Halfverse: a    
dīrgʰāyutvā́ya br̥hatṃ ráṇāyā́riṣyanto dákṣamāṇāḥ sádaivá /
Halfverse: c    
maṇíṃ viṣkandʰadū́ṣaṇaṃ jaṅgiḍáṃ bibʰr̥mo vayám //1//

Verse: 2 
Halfverse: a    
jaṅgiḍó jambʰā́d viśarā́d víṣkandʰād abʰiśócanāt /
Halfverse: c    
maṇíḥ sahásravīryaḥ pári ṇaḥ pātu viśvátaḥ //2//

Verse: 3 
Halfverse: a    
ayáṃ víṣkandʰaṃ sahate 'yáṃ bādʰaté attríṇaḥ /
Halfverse: c    
ayáṃ no viśvábʰeṣajo jaṅgiḍáḥ pātv áṃhasaḥ //3//

Verse: 4 
Halfverse: a    
devaír datténa maṇínā jaṅgiḍéna mayobʰúvā /
Halfverse: c    
víṣkandʰaṃ sárvā rákṣāṃsi vyāyāmé sahāmahe //4//

Verse: 5 
Halfverse: a    
śaṇáś ca jaṅgiḍáś ca víṣkandʰād abʰí rakṣatām /
Halfverse: c    
áraṇyād anyá ā́bʰr̥taḥ kr̥ṣyā́ anyó rásebʰyaḥ //5//

Verse: 6 
Halfverse: a    
kr̥tyādū́ṣir ayáṃ maṇír átʰo arātidū́ṣiḥ /
Halfverse: c    
átʰo sáhasvān jaṅgiḍáḥ prá ṇa ā́yuṃṣi tāriṣat //6//

Hymn: 5 
Verse: 1 
Halfverse: a    
índra juṣásva prá vahā́ yāhi śūra háribʰyām /
Halfverse: c    
píbā sutásya matér ihá madʰóś cakānáś cā́rur mádāya //1//

Verse: 2 
Halfverse: a    
índra jaṭʰáraṃ navyó pr̥ṇásva mádʰor divó /
Halfverse: c    
asyá sutásya svà1r ṇópa tvā mádāḥ suvā́co aguḥ //2//

Verse: 3 
Halfverse: a    
índras turāṣā́ṇ mitró vr̥tráṃ jagʰā́na yatī́r /
Halfverse: c    
bibʰéda valáṃ bʰŕ̥gur sasahe śátrūn máde sómasya //3//

Verse: 4 
Halfverse: a    
ā́ tvā viśantu sutā́sa indra pr̥ṇásva kukṣī́ viḍḍʰí śakra dʰiyéhy ā́ naḥ /
Halfverse: c    
śrudʰī́ hávaṃ gíro me juṣasvéndra svayúgbʰir mátsvehá mahé ráṇāya //4//

Verse: 5 
Halfverse: a    
índrasya prá vocaṃ vīryā̀ṇi yā́ni cakā́ra pratʰamā́ni vajrī́ /
Halfverse: c    
áhann áhim ánu apás tatarda prá vakṣáṇā abʰinat párvatānām //5//

Verse: 6 
Halfverse: a    
áhann áhiṃ párvate śiśriyāṇáṃ tváṣṭāsmai vájraṃ svaryàṃ tatakṣa /
Halfverse: c    
vāśrā́ iva dʰenávaḥ syándamānā áñjaḥ samudrám áva jagmur ā́paḥ //6//

Verse: 7 
Halfverse: a    
vr̥ṣāyámāṇo avr̥ṇīta sómaṃ tríkadrukeṣu apibat sutásya /
Halfverse: c    
ā́ sā́yakaṃ magʰávādatta vájram áhann enaṃ pratʰamajā́m áhīnām //7//

Hymn: 6 
Verse: 1 
Halfverse: a    
sámās tvāgna r̥távo vardʰayantu saṃvatsarā́ ŕ̥ṣayo yā́ni satyā́ /
Halfverse: c    
sáṃ divyéna dīdihi rocanéna víśvā ā́ māhi pradíśaś cátasraḥ //1//

Verse: 2 
Halfverse: a    
sáṃ cedʰyásvāgne prá ca vardʰayemám úc ca tiṣṭʰa mahaté saúbʰagāya /
Halfverse: c    
mā́ te riṣann upasattā́ro agne brahmā́ṇas te yaśásaḥ santu mā́nyé //2//

Verse: 3 
Halfverse: a    
tvā́m agne vr̥ṇate brāhmaṇā́ imé śivó agne saṃváraṇe bʰavā naḥ /
Halfverse: c    
sapatnahā́gne abʰimātijíd bʰava své gáye jāgr̥hy áprayucʰan //3//

Verse: 4 
Halfverse: a    
kṣatréṇāgne svéna sáṃ rabʰasva mitréṇāgne mitradʰā́ yatasva /
Halfverse: c    
sajātā́nāṃ madʰyameṣṭʰā́ rā́jñām agne vihávyo dīdihīhá //4//

Verse: 5 
Halfverse: a    
áti ního áti sŕ̥dʰó 'ty ácittīr áti dvíṣaḥ /
Halfverse: c    
víśvā hy àgne duritā́ tára tvám átʰāsmábʰyaṃ sahávīraṃ rayíṃ dāḥ //5//

Hymn: 7 
Verse: 1 
Halfverse: a    
agʰádviṣṭā devájātā vīrúc cʰapatʰayópanī /
Halfverse: c    
ā́po málam iva prā́ṇaikṣīt sárvān mác cʰapátʰām̐ ádʰi //1//

Verse: 2 
Halfverse: a    
yáś ca sāpatnáḥ śapátʰo jāmyā́ḥ śapátʰaś ca yáḥ /
Halfverse: c    
brahmā́ yán manyutáḥ śápāt sárvaṃ tán no adʰaspadám //2//

Verse: 3 
Halfverse: a    
divó mū́lam ávatataṃ pr̥tʰivyā́ ádʰy úttatam /
Halfverse: c    
téna sahásrakāṇḍena pári ṇaḥ pāhi viśvátaḥ //3//

Verse: 4 
Halfverse: a    
pári mā́ṃ pári me prajā́ṃ pári ṇaḥ pāhi yád dʰánam /
Halfverse: c    
árātir no mā́ tārīn mā́ nas tāriśúr abʰímātayaḥ //4//

Verse: 5 
Halfverse: a    
śaptā́ram etu śapátʰo yáḥ suhā́rt téna naḥ sahá /
Halfverse: c    
cákṣurmantrasya durhā́rdaḥ pr̥ṣṭī́r ápi śr̥ṇīmasi //5//

Hymn: 8 
Verse: 1 
Halfverse: a    
úd agātāṃ bʰágavatī vicŕ̥tau nā́ma tā́rake /
Halfverse: c    
kṣetriyásya muñcatām adʰamáṃ pā́śam uttamám //1//

Verse: 2 
Halfverse: a    
ápeyáṃ rā́try ucʰatv ápocʰantv abʰikŕ̥tvarīḥ /
Halfverse: c    
vīrút kṣetriyanā́śany ápa kṣetriyám ucʰatu //2//

Verse: 3 
Halfverse: a    
babʰrór árjunakāṇḍasya yávasya te palālyā́ tílasya tilapiñjyā́ /
Halfverse: c    
vīrút kṣetriyanā́śany ápa kṣetriyám ucʰatu //3//

Verse: 4 
Halfverse: a    
námas te lā́ṅgalebʰyo náma īṣāyugébʰyaḥ /
Halfverse: c    
vīrút kṣetriyanā́śany ápa kṣetriyám ucʰatu //4//

Verse: 5 
Halfverse: a    
námaḥ sanisrasākṣébʰyo námaḥ saṃdeśyèbʰyaḥ /
Halfverse: c    
námaḥ kṣétrasya pátaye vīrút kṣetriyanā́śany ápa kṣetriyám ucʰatu //5//

Hymn: 9 
Verse: 1 
Halfverse: a    
dáśavr̥kṣa muñcémáṃ rákṣaso grā́hyā ádʰi yaínaṃ jagrā́ha párvasu /
Halfverse: c    
átʰo enam vanaspate jīvā́nāṃ lokám ún naya //1//

Verse: 2 
Halfverse: a    
ā́gād úd agād ayáṃ jīvā́nāṃ vrā́tam ápy agāt /
Halfverse: c    
ábʰūd u putrā́ṇāṃ pitā́ nr̥ṇā́ṃ ca bʰágavattamaḥ //2//

Verse: 3 
Halfverse: a    
ádʰītīr ádʰy agād ayám ádʰi jīvapurā́ agān /
Halfverse: c    
śatáṃ hy àsya bʰiṣájaḥ sahásram utá vīrúdʰaḥ //3//

Verse: 4 
Halfverse: a    
devā́s te cītím avidan brahmā́ṇa utá vīrúdʰaḥ /
Halfverse: c    
cītíṃ te víśve devā́ ávidan bʰū́myām ádʰi //4//

Verse: 5 
Halfverse: a    
yáś cakā́ra níṣ karat evá súbʰiṣaktamaḥ /
Halfverse: c    
evá túbʰyaṃ bʰeṣajā́ni kr̥ṇávad bʰiṣájā śúciḥ //5//

Hymn: 10 
Verse: 1 
Halfverse: a    
kṣetriyā́t tvā nírr̥tyā jāmiśaṃsā́d druhó muñcāmi váruṇasya pā́śāt /
Halfverse: c    
anāgásaṃ bráhmaṇā tvā kr̥ṇomi śivé te dyā́vāpr̥tʰivī́ ubʰé stām //1//

Verse: 2 
Halfverse: a    
śáṃ te agníḥ sahā́dbʰír astu śáṃ sómaḥ sahaúṣadʰībʰiḥ /
Halfverse: c    
evā́háṃ tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásaṃ bráhmaṇā tvā kr̥ṇomi śivé te dyā́vāpr̥tʰivī́ ubʰé stām //2//

Verse: 3 
Halfverse: a    
śám te vā́to antárikṣe váyo dʰāc cʰáṃ te bʰavántu pradíśaś cátasraḥ /
Halfverse: c    
evā́háṃ tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásaṃ bráhmaṇā tvā kr̥ṇomi śivé te dyā́vāpr̥tʰivī́ ubʰé stām //3//

Verse: 4 
Halfverse: a    
imā́ yā́ devī́ḥ pradíśaś cátasro vā́tapatnīr abʰí sū́ryo vicáṣṭe /
Halfverse: c    
evā́háṃ tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásaṃ bráhmaṇā tvā kr̥nomi śivé te dyā́vāpr̥tʰivī́ ubʰé stām //4//

Verse: 5 
Halfverse: a    
tā́su tvāntár jarásy ā́ dadʰā́mi prá yákṣma etu nírr̥tiḥ parācaíḥ /
Halfverse: c    
evā́háṃ tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásaṃ bráhmaṇā tvā kr̥ṇomi śivé te dyā́vāpr̥tʰivī́ ubʰé stām //5//

Verse: 6 
Halfverse: a    
ámuktʰā yákṣmād duritā́d avadyā́d druháḥ pā́śād grā́hyāś cód amuktʰāḥ /
Halfverse: c    
evā́háṃ tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásaṃ bráhmaṇā tvā kr̥ṇomi śivé te dyā́vāpr̥tʰivī́ ubʰé stām //6//

Verse: 7 
Halfverse: a    
áhā árātim ávidaḥ syonám ápy abʰūr bʰadré sukr̥tásya loké /
Halfverse: c    
evā́háṃ tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásaṃ bráhmaṇā tvā kr̥ṇomi śivé te dyā́vāpr̥tʰivī́ ubʰé stām //7//

Verse: 8 
Halfverse: a    
sū́ryam r̥táṃ támaso grā́hyā ádʰi devā́ muñcánto asr̥jan nír énasaḥ /
Halfverse: c    
evā́hám tvā́ṃ kṣetriyā́n nírr̥tyā jāmiśaṃsā́d druhó muñcāmi váruṇasya pā́śāt /
Halfverse: e    
anāgásam bráhmaṇā tvā kr̥ṇomi śivé te dyā́vāpr̥tʰivī́ ubʰé stām //8//

Hymn: 11 
Verse: 1 
Halfverse: a    
dū́ṣyā dū́ṣir asi hetyā́ hetír asi menyā́ menír asi /
Halfverse: c    
āpnuhí śréyāṃsam áti samáṃ krāma //1//

Verse: 2 
Halfverse: a    
sraktyó 'si pratiṣaró 'si pratyabʰicáraṇo 'si /
Halfverse: c    
āpnuhí śréyāṃsam áti samáṃ krāma //2//

Verse: 3 
Halfverse: a    
práti tám abʰí cara 'smā́n dvéṣṭi yáṃ vayáṃ dviṣmáḥ /
Halfverse: c    
āpnuhí śréyāṃsam áti samáṃ krāma //3//

Verse: 4 
Halfverse: a    
sūrír asi varcodʰā́ asi tanūpā́no 'si /
Halfverse: c    
āpnuhí śréyāṃsam áti samáṃ krāma //4//

Verse: 5 
Halfverse: a    
śukró 'si bʰrājó 'si svàr asi jyótir asi /
Halfverse: c    
āpnuhí śréyāṃsam áti samáṃ krāma //5//

Hymn: 12 
Verse: 1 
Halfverse: a    
dyā́vāpr̥tʰivī́ urv à1ntárikṣaṃ kṣétrasya pátny urugāyó 'dbʰutaḥ /
Halfverse: c    
utāntárikṣam urú vā́tagopaṃ ihá tapyantāṃ máyi tapyámāne //1//

Verse: 2 
Halfverse: a    
idáṃ devāḥ śr̥ṇuta yajñíyā stʰá bʰarádvājo máhyam uktʰā́ni śaṃsati /
Halfverse: c    
pā́śe baddʰó durité yujyatāṃ asmā́kaṃ mána idáṃ hinásti //2//

Verse: 3 
Halfverse: a    
idám indra śr̥ṇuhi somapa yát tvā hr̥dā́ śócatā jóhavīmi /
Halfverse: c    
vr̥ścā́mi táṃ kúliśeneva vr̥kṣáṃ asmā́kaṃ mána idáṃ hinásti //3//

Verse: 4 
Halfverse: a    
aśītíbʰis tisŕ̥bʰiḥ sāmagébʰir ādityébʰir vásubʰir áṅgirobʰiḥ /
Halfverse: c    
iṣṭāpūrtám avatu naḥ pitr̥̄ṇā́m ā́múṃ dade hárasā daívyena //4//

Verse: 5 
Halfverse: a    
dyā́vāpr̥tʰivī ánu mā́ dīdʰītʰāṃ víśve devāso ánu mā́ rabʰadʰvam /
Halfverse: c    
áṅgirasaḥ pítaraḥ sómyāsaḥ pāpám ā́ r̥cʰatv apakāmásya kartā́ //5//

Verse: 6 
Halfverse: a    
átīva maruto mányate no bráhma níndiṣat kriyámāṇam /
Halfverse: c    
tápūṃṣi tásmai vr̥jinā́ni santu brahmadvíṣaṃ dyaúr abʰisáṃtapāti //6//

Verse: 7 
Halfverse: a    
saptá prāṇā́n aṣṭaú manyás tā́ṃs te vr̥ścāmi bráhmaṇā /
Halfverse: c    
áyā yamásya sā́danam agnídūto áraṃkr̥taḥ //7//

Verse: 8 
Halfverse: a    
ā́ dadʰāmi te padáṃ sámiddʰe jātávedasi /
Halfverse: c    
agníḥ śárīraṃ veveṣṭv ásuṃ vā́g ápi gacʰatu //8//

Hymn: 13 
Verse: 1 
Halfverse: a    
āyurdā́ agne jarásaṃ vr̥ṇānó gʰr̥tápratīko gʰr̥tápr̥ṣṭʰo agne /
Halfverse: c    
gʰr̥táṃ pītvā́ mádʰu cā́ru gávyaṃ pitéva putrā́n abʰí rakṣatād imám //1//

Verse: 2 
Halfverse: a    
pári dʰatta dʰattá no várcasemám jarā́mr̥tyuṃ kr̥ṇuta dīrgʰám ā́yuḥ /
Halfverse: c    
bŕ̥haspátiḥ prā́yacʰad vā́sa etát sómāya rā́jñe páridʰātavā́ u //2//

Verse: 3 
Halfverse: a    
párīdáṃ vā́so adʰitʰāḥ svastáyé 'bʰūr gr̥ṣṭīnā́m abʰiśastipā́ u /
Halfverse: c    
śatáṃ ca jī́va śarádaḥ purūcī́ rāyáś ca póṣam upasáṃvyayasva //3//

Verse: 4 
Halfverse: a    
éhy áśmānam ā́ tiṣṭʰā́śmā bʰavatu te tanū́ḥ /
Halfverse: c    
kr̥ṇvántu víśve devā́ ā́yuṣṭe śarádaḥ śatám //4//

Verse: 5 
Halfverse: a    
yásya te vā́saḥ pratʰamavāsyà1ṃ hárāmas táṃ tvā víśve 'vantu devā́ḥ /
Halfverse: c    
táṃ tvā bʰrā́taraḥ suvŕ̥dʰā várdʰamānam ánu jāyantāṃ bahávaḥ sújātam //5//

Hymn: 14 
Verse: 1 
Halfverse: a    
niḥsālā́ṃ dʰr̥ṣṇúṃ dʰiṣáṇam ekavādyā́m jigʰatsvàm /
Halfverse: c    
sárvāś cáṇḍasya naptyò nāśáyāmaḥ sadā́nvāḥ //1//

Verse: 2 
Halfverse: a    
nír vo goṣṭʰā́d ajāmasi nír ákṣān nír upānaśā́t /
Halfverse: c    
nír vo magundyā duhitaro gr̥hébʰyaś cātayāmahe //2//

Verse: 3 
Halfverse: a    
asaú adʰarā́d gr̥hás tátra santv arāyyàḥ /
Halfverse: c    
tátra sédir ny ùcyatu sárvāś ca yātudʰānyàḥ //3//

Verse: 4 
Halfverse: a    
bʰūtapátir nír ajatv índraś cetáḥ sadā́nvāḥ /
Halfverse: c    
gr̥hásya budʰná ā́sīnās índro vájreṇā́dʰi tiṣṭʰatu //4//

Verse: 5 
Halfverse: a    
yádi stʰá kṣetriyā́ṇāṃ yádi púruṣeṣitāḥ /
Halfverse: c    
yádi stʰá dásyubʰyo jātā́ náśyatetáḥ sadā́nvāḥ //5//

Verse: 6 
Halfverse: a    
pári dʰā́māny āsām āśúr gā́ṣṭʰām ivāsaram /
Halfverse: c    
ájaiṣaṃ sárvān ājī́n vo náśyatetáḥ sadā́nvāḥ //6//

Hymn: 15 
Verse: 1 
Halfverse: a    
yátʰā dyaúś ca pr̥tʰivī́ ca bibʰītó ríṣyataḥ /
Halfverse: c    
evā́ me prāṇa mā́ bibʰeḥ //1//

Verse: 2 
Halfverse: a    
yátʰā́haś ca rā́trī ca bibʰītó ríṣyataḥ /
Halfverse: c    
evā́ me prāṇa mā́ bibʰeḥ //2//

Verse: 3 
Halfverse: a    
yátʰā sū́ryaś ca candráś ca bibʰītó ríṣyataḥ /
Halfverse: c    
evā́ me prāṇa mā́ bibʰeḥ //3//

Verse: 4 
Halfverse: a    
yátʰā bráhma ca kṣatráṃ ca bibʰītó ríṣyataḥ /
Halfverse: c    
evā́ me prāṇa mā́ bibʰeḥ //4//

Verse: 5 
Halfverse: a    
yátʰā satyáṃ cā́nr̥taṃ ca bibʰītó ríṣyataḥ /
Halfverse: c    
evā́ me prāṇa mā́ bibʰeḥ //5//

Verse: 6 
Halfverse: a    
yátʰā bʰūtáṃ ca bʰávyaṃ ca bibʰītó ríṣyataḥ /
Halfverse: c    
evā́ me prāṇa mā́ bibʰeḥ //6//

Hymn: 16 
Verse: 1 
Halfverse: a    
prā́ṇāpānau mr̥tyór pātaṃ svā́hā //1//

Verse: 2 
Halfverse: a    
dyā́vāpr̥tʰivī úpaśrutyā pātaṃ svā́hā //2//

Verse: 3 
Halfverse: a    
sū́rya cákṣuṣā pāhi svā́hā //3//

Verse: 4 
Halfverse: a    
ágne vaiśvānara víśvair devaíḥ pāhi svā́hā //4//

Verse: 5 
Halfverse: a    
víśvambʰara víśvena bʰárasā pāhi svā́hā //5//

Hymn: 17 
Verse: 1 
Halfverse: a    
ójo 'sy ójo me dāḥ svā́hā /1//

Verse: 2 
Halfverse: a    
sáho 'si sáho me dāḥ svā́hā //2//

Verse: 3 
Halfverse: a    
bálam asi bálaṃ dāḥ svā́hā //3//

Verse: 4 
Halfverse: a    
ā́yur asy ā́yur me dāḥ svā́ha //4//

Verse: 5 
Halfverse: a    
śrótram asi śrótraṃ me dāḥ svā́ha //5//

Verse: 6 
Halfverse: a    
cákṣur asi cákṣur me dāḥ svā́ha //6//

Verse: 7 
Halfverse: a    
paripā́ṇam asi paripā́ṇaṃ me dāḥ svā́ha //7//

Hymn: 18 
Verse: 1 
Halfverse: a    
bʰrātr̥vyakṣáyaṇam asi bʰrātr̥vyacā́tanaṃ me dāḥ svā́ha //1//

Verse: 2 
Halfverse: a    
sapatnakṣáyaṇam asi sapatnacā́tanaṃ me dāḥ svā́ha //2//

Verse: 3 
Halfverse: a    
arāyakṣáyaṇam asy arāyacā́tanaṃ me dāḥ svā́ha //3//

Verse: 4 
Halfverse: a    
piśācakṣáyaṇam asi piśācacā́tanaṃ me dāḥ svā́ha //4//

Verse: 5 
Halfverse: a    
sadānvākṣáyaṇam asi sadānvācā́tanaṃ me dāḥ svā́ha //5//

Hymn: 19 
Verse: 1 
Halfverse: a    
ágne yát te tápas téna táṃ práti tapa yò3 'smā́n dvéṣṭi yáṃ vayáṃ dviṣmáḥ //1//

Verse: 2 
Halfverse: a    
ágne yát te háras téna táṃ práti hara yò3 'smā́n dvéṣṭi yáṃ vayáṃ dviṣmáḥ //2//

Verse: 3 
Halfverse: a    
ágne yát te 'rcís téna táṃ práty arca yò3 'smā́n dvéṣṭi yáṃ vayáṃ dviṣmáḥ //3//

Verse: 4 
Halfverse: a    
ágne yát te śocís téna táṃ práti śoca yò3 'smā́n dvéṣṭi yáṃ vayáṃ dviṣmáḥ //4//

Verse: 5 
Halfverse: a    
ágne yát te téjas téna tám atejásaṃ kr̥ṇu yò3 'smā́n dvéṣṭi yáṃ vayáṃ dviṣmáḥ //5//

Hymn: 20 
Verse: 1 
Halfverse: a    
vā́yo yát te tápas téna táṃ práti tapa yò3 'smā́n dvéṣṭi yáṃ vayáṃ dviṣmáḥ //1//

Verse: 2 
Halfverse: a    
vā́yo yát te háras téna táṃ práti hara yò3 'smā́n dvéṣṭi yáṃ vayáṃ dviṣmáḥ //2//

Verse: 3 
Halfverse: a    
vā́yo yát te 'rcís téna táṃ práty arca yò3 'smā́n dvéṣṭi yáṃ vayáṃ dviṣmáḥ //3//

Verse: 4 
Halfverse: a    
vā́yo yát te śocís téna táṃ práti śoca yò3 'smā́n dvéṣṭi yáṃ vayáṃ dviṣmáḥ //4//

Verse: 5 
Halfverse: a    
vā́yo yát te téjas téna tám atejásaṃ kr̥ṇu yò3 'smā́n dvéṣṭi yáṃ vayáṃ dviṣmáḥ //5//

Hymn: 21 
Verse: 1 
Halfverse: a    
sū́rya yát te tápas téna táṃ práti tapa yò3 'smā́n dvéṣṭi yáṃ vayáṃ dviṣmáḥ //1//

Verse: 2 
Halfverse: a    
sū́rya yát te háras téna táṃ práti hara yò3 'smā́n dvéṣṭi yáṃ vayáṃ dviṣmáḥ //2//

Verse: 3 
Halfverse: a    
sū́rya yát te 'rcís téna táṃ práty arca yò3 'smā́n dvéṣṭi yáṃ vayáṃ dviṣmáḥ //3//

Verse: 4 
Halfverse: a    
sū́rya yát te śocís téna táṃ práti śoca yò3 'smā́n dvéṣṭi yáṃ vayáṃ dviṣmáḥ //4//

Verse: 5 
Halfverse: a    
sū́rya yát te téjas téna tám atejásaṃ kr̥ṇu yò3 'smā́n dvéṣṭi yáṃ vayáṃ dviṣmáḥ //5//

Hymn: 22 
Verse: 1 
Halfverse: a    
cándra yát te tápas téna táṃ práti tapa yò3 'smā́n dvéṣṭi yáṃ vayáṃ dviṣmáḥ //1//

Verse: 2 
Halfverse: a    
cándra yát te háras téna táṃ práti hara yò3 'smā́n dvéṣṭi yáṃ vayáṃ dviṣmáḥ //2//

Verse: 3 
Halfverse: a    
cándra yát te 'rcís téna táṃ práty arca yò3 'smā́n dvéṣṭi yáṃ vayáṃ dviṣmáḥ //3//

Verse: 4 
Halfverse: a    
cándra yát te śocís téna táṃ práti śoca yò3 'smā́n dvéṣṭi yáṃ vayáṃ dviṣmáḥ //4//

Verse: 5 
Halfverse: a    
cándra yát te téjas téna tám atejásaṃ kr̥ṇu yò3 'smā́n dvéṣṭi yáṃ vayáṃ dviṣmáḥ //5//

Hymn: 23 
Verse: 1 
Halfverse: a    
ā́po yád vas tápas téna táṃ prati tapata yò3 'smā́n dvéṣṭi yáṃ vayáṃ dviṣmáḥ //1//

Verse: 2 
Halfverse: a    
ā́po yád vas háras téna táṃ prati harata yò3 'smā́n dvéṣṭi yáṃ vayáṃ dviṣmáḥ //2//

Verse: 3 
Halfverse: a    
ā́po yád vas 'rcís téna táṃ prati arcata yò3 'smā́n dvéṣṭi yáṃ vayáṃ dviṣmáḥ //3//

Verse: 4 
Halfverse: a    
ā́po yád vas śocís téna táṃ prati śocata yò3 'smā́n dvéṣṭi yáṃ vayáṃ dviṣmáḥ //4//

Verse: 5 
Halfverse: a    
ā́po yád vas téjas téna tám atejásaṃ kr̥ṇuta yò3 'smā́n dvéṣṭi yáṃ vayáṃ dviṣmáḥ //5//

Hymn: 24 
Verse: 1 
Halfverse: a    
śérabʰaka śérabʰa púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //1//

Verse: 2 
Halfverse: a    
śévr̥dʰaka śévr̥dʰa púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //2//

Verse: 3 
Halfverse: a    
mrókā́numroka púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //3//

Verse: 4 
Halfverse: a    
sárpā́nusarpa púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //4//

Verse: 5 
Halfverse: a    
jū́rṇi púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //5//

Verse: 6 
Halfverse: a    
úpabde púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //6//

Verse: 7 
Halfverse: a    
árjuni púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //7//

Verse: 8 
Halfverse: a    
bʰárūji púnar vo yantu yātávaḥ púnar hetíḥ kimīdinaḥ /
Halfverse: c    
yásya stʰá tám atta vo prā́hait tám atta svā́ māṃsā́ny atta //8//

Hymn: 25 
Verse: 1 
Halfverse: a    
śáṃ no devī́ pr̥śniparṇy áśaṃ nírr̥tyā akaḥ /
Halfverse: c    
ugrā́ kaṇvajámbʰanī tā́m abʰakṣi sáhasvatīm //1//

Verse: 2 
Halfverse: a    
sáhamāneyáṃ pratʰamā́ pr̥śniparṇy àjāyata /
Halfverse: c    
táyāháṃ durṇā́mnāṃ śíro vr̥ścā́mi śakúner iva //2//

Verse: 3 
Halfverse: a    
arā́yam asr̥kpā́vānaṃ yáś ca spʰātíṃ jíhīrṣati /
Halfverse: c    
garbʰādáṃ káṇvaṃ nāśaya pŕ̥śniparṇi sáhasva ca //3//

Verse: 4 
Halfverse: a    
girím enām̐ ā́ veśaya káṇvān jīvitayópanān /
Halfverse: c    
tā́ṃs tváṃ devi pŕ̥śniparṇy agnír ivānudáhann ihi //4//

Verse: 5 
Halfverse: a    
párāca enān prá ṇuda káṇvān jīvitayópanān /
Halfverse: c    
támāṃsi yátra gácʰanti tát kravyā́do ajīgamam //5//

Hymn: 26 
Verse: 1 
Halfverse: a    
ehá yantu paśávo pareyúr vāyúr yéṣāṃ sahacāráṃ jujóṣa /
Halfverse: c    
tváṣṭā yéṣāṃ rūpadʰeyāni védāsmín tā́n goṣṭʰé savitā́ yacʰatu //1//

Verse: 2 
Halfverse: a    
imáṃ goṣṭʰáṃ paśávaḥ sáṃ sravantu bŕ̥haspátir ā́ nayatu prajānán /
Halfverse: c    
sinīvālī́ nayatv ā́gram eṣām ājagmúṣo anumate yacʰa //2//

Verse: 3 
Halfverse: a    
sáṃ sáṃ sravantu paśávaḥ sám áśvāḥ sám u pū́ruṣāḥ /
Halfverse: c    
sáṃ dʰānyàsya yā́ spʰātíḥ saṃsrāvyèṇa havíṣā juhomi //3//

Verse: 4 
Halfverse: a    
sáṃ siñcāmi gávāṃ kṣīrám sám ā́jyena bálam rásam /
Halfverse: c    
sáṃsiktā asmā́kaṃ vīrā́ dʰruvā́ gā́vo máyi gópatau //4//

Verse: 5 
Halfverse: a    
ā́ harāmi gávāṃ kṣīrám ā́hārṣaṃ dʰānyà1ṃ rásam /
Halfverse: c    
ā́hr̥tā asmā́kaṃ vīrā́ ā́ pátnīr idám ástakam //5//

Hymn: 27 
Verse: 1 
Halfverse: a    
néc cʰátruḥ prā́śaṃ jayāti sáhamānābʰibʰū́r asi /
Halfverse: c    
prā́śaṃ prátiprāśo jahy arasā́n kr̥nv oṣadʰe //1//

Verse: 2 
Halfverse: a    
suparṇás tvā́nv avindat sūkarás tvākʰanan nasā́ /
Halfverse: c    
prā́śaṃ prátiprāśo jahy arasā́n kr̥ṇv oṣadʰe //2//

Verse: 3 
Halfverse: a    
índro ha cakre tvā bāhā́v ásurebʰya stárītave /
Halfverse: c    
prā́śaṃ prátiprāśo jahy arasā́n kr̥ṇv oṣadʰe //3//

Verse: 4 
Halfverse: a    
pāṭā́m índro vy ā̀śnād ásurebʰya stárītave /
Halfverse: c    
prā́śaṃ prátiprāśo jahy arasā́n kr̥ṇv oṣadʰe //4//

Verse: 5 
Halfverse: a    
táyāháṃ śátrūnt sākṣe índraḥ sālāvr̥kā́m̐ iva /
Halfverse: c    
prā́śaṃ prátiprāśo jahy arasā́n kr̥ṇv oṣadʰe //5//

Verse: 6 
Halfverse: a    
rúdra jálāṣabʰeṣaja nī́laśikʰaṇḍa kármakr̥t /
Halfverse: c    
prā́śaṃ prátiprāśo jahy arasā́n kr̥ṇv oṣadʰe //6//

Verse: 7 
Halfverse: a    
tásya prā́śaṃ tváṃ jahi na indrābʰidā́sati /
Halfverse: c    
ádʰi no brūhi śáktibʰiḥ prāśí mā́m úttaraṃ kr̥dʰi //7//

Hymn: 28 
Verse: 1 
Halfverse: a    
túbʰyam evá jariman vardʰatām ayám mémám anyé mr̥tyávo hiṃsiṣuḥ śatáṃ /
Halfverse: c    
mātéva putráṃ prámanā upástʰe mitrá enaṃ mitríyāt pātv áṃhasaḥ //1//

Verse: 2 
Halfverse: a    
mitrá enaṃ váruṇo riśā́dā jarā́mr̥tyuṃ kr̥ṇutāṃ saṃvidānaú /
Halfverse: c    
tád agnír hótā vayúnāni vidvā́n víśvā devā́nāṃ jánimā vivakti //2//

Verse: 3 
Halfverse: a    
tvám īśiṣe paśūnā́m pā́rtʰivānāṃ jātā́ utá janítrāḥ /
Halfverse: c    
mémáṃ prāṇó hāsīn mo apānó mémáṃ mitrā́ vadʰiṣur amítrāḥ //3//

Verse: 4 
Halfverse: a    
dyaúṣ ṭvā pitā́ pr̥tʰivī́ mātā́ jarā́mr̥tyuṃ kr̥ṇutāṃ saṃvidāné /
Halfverse: c    
yátʰā jī́vā áditer upástʰe prāṇāpānā́bʰyāṃ gupitáḥ śatáṃ hímāḥ //4//

Verse: 5 
Halfverse: a    
imám agné ā́yuṣe várcase naya priyáṃ réto varuṇa mitra rājan /
Halfverse: c    
mātévāsmā adite śárma yacʰa víśve devā jarádaṣṭir yátʰā́sat //5//

Hymn: 29 
Verse: 1 
Halfverse: a    
pā́rtʰivasya ráse devā bʰágasya tanvò3 bále /
Halfverse: c    
āyuṣyàm asmā́ agníḥ sū́ryo várca ā́ dʰād bŕ̥haspátiḥ //1//

Verse: 2 
Halfverse: a    
ā́yur asmaí dʰehi jātavedaḥ prajā́ṃ tvaṣṭar adʰinídʰehi asmaí /
Halfverse: c    
rāyás póṣaṃ savitar ā́ suvāsmaí śatáṃ jīvā́ti śarádas távāyám //2//

Verse: 3 
Halfverse: a    
āśī́r ṇa ū́rjam utá sauprajāstváṃ dákṣaṃ dʰattaṃ dráviṇaṃ sácetasau /
Halfverse: c    
jáyam kṣétrāṇi sáhasāyám indra kr̥ṇvānó anyā́n ádʰarānt sapátnān //3//

Verse: 4 
Halfverse: a    
índreṇa dattó váruṇena śiṣṭó marúdbʰir ugráḥ práhito no ā́gan /
Halfverse: c    
eṣá vāṃ dyāvāpr̥tʰivī upástʰe mā́ kṣudʰan mā́ tr̥ṣat //4//

Verse: 5 
Halfverse: a    
ū́rjam asmā ūrjasvatī dʰattaṃ páyo asmai payasvatī dʰattam /
Halfverse: c    
ū́rjam asmaí dyā́vapr̥tʰivī́ adʰātāṃ víśve devā́ marúta ū́rjam ā́paḥ //5//

Verse: 6 
Halfverse: a    
śivā́bʰiṣ ṭe hŕ̥dayaṃ tarpayāmy anamīvó modiṣīṣṭʰāḥ suvárcāḥ /
Halfverse: c    
savāsínau pibatāṃ mantʰám etám aśvíno rūpáṃ paridʰā́ya māyā́m //6//

Verse: 7 
Halfverse: a    
índra etā́ṃ sasr̥je viddʰó ágra ūrjā́ṃ svadʰā́m ajárāṃ sā́ ta eṣā́ /
Halfverse: c    
táyā tváṃ jīva śarádaḥ suvárcā mā́ ta ā́ susród bʰiṣájas te akran //7//

Hymn: 30 
Verse: 1 
Halfverse: a    
yátʰedáṃ bʰū́myā ádʰi tŕ̥ṇaṃ vā́to matʰāyáti /
Halfverse: c    
evā́ matʰnāmi te máno yátʰā mā́ṃ kāmíny áso yátʰā mán nā́pagā ásaḥ //1//

Verse: 2 
Halfverse: a    
sáṃ cén náyātʰo aśvinā kāmínā sáṃ ca vákṣatʰaḥ /
Halfverse: c    
sáṃ vāṃ bʰágāso agmata sáṃ cittā́ni sám u vratā́ //2//

Verse: 3 
Halfverse: a    
yát suparṇā́ vivakṣávo anamīvā́ vivakṣávaḥ /
Halfverse: c    
tátra me gacʰatād dʰávaṃ śalyá iva kúlmalaṃ yátʰā //3//

Verse: 4 
Halfverse: a    
yád ántaraṃ tád bā́hyaṃ yád bā́hyaṃ tád ántaram /
Halfverse: c    
kanyā̀nāṃ viśvárūpāṇāṃ máno gr̥bʰāyauṣadʰe //4//

Verse: 5 
Halfverse: a    
éyám agan pátikāmā jánikāmo 'hám ā́gamam /
Halfverse: c    
áśvaḥ kánikradad yátʰā bʰágenāháṃ sahā́gamam //5//

Hymn: 31 
Verse: 1 
Halfverse: a    
índrasya yā́ mahī́ dr̥ṣát krímer víśvasya tárhaṇī /
Halfverse: c    
táyā pinaṣmi sáṃ krímīn dr̥ṣádā kʰálvām̐ iva //1//

Verse: 2 
Halfverse: a    
dr̥ṣṭám adŕ̥ṣṭam atr̥ham átʰo kurū́rum atr̥ham /
Halfverse: c    
algáṇḍūnt sárvān cʰalúnān krímīn vácasā jambʰayāmasi //2//

Verse: 3 
Halfverse: a    
algáṇḍūn hanmi mahatā́ vadʰéna dūnā́ ádūnā arasā́ abʰūvan /
Halfverse: c    
śiṣṭā́n áśiṣṭān tirāmi vācā́ yátʰā krímīṇāṃ nákir ucʰíṣātai //3//

Verse: 4 
Halfverse: a    
ánvāntryaṃ śī́rṣaṇyà1m átʰo pā́rṣṭeyaṃ krímīn /
Halfverse: c    
avaskaváṃ vyadʰvaráṃ krímīn vácasā jambʰayāmasi //4//

Verse: 5 
Halfverse: a    
krímayaḥ párvateśu váneṣv óṣadʰīṣu paśúṣv apsv à1ntáḥ /
Halfverse: c    
asmā́kaṃ tanvàm āviviśúḥ sárvaṃ tád dʰanmi jánima krímīṇām //5//

Hymn: 32 
Verse: 1 
Halfverse: a    
udyánn ādityáḥ krímīn hantu nimrócan hantu raśmíbʰiḥ /
Halfverse: c    
antáḥ krímayo gávi //1//

Verse: 2 
Halfverse: a    
viśvárūpaṃ caturakṣáṃ krímiṃ sāráṅgam árjunam /
Halfverse: c    
śr̥ṇā́my asya pr̥ṣṭī́r ápi vr̥ścāmi yác cʰíraḥ //2//

Verse: 3 
Halfverse: a    
atrivád vaḥ krimayo hanmi kaṇvaváj jamadagnivát /
Halfverse: c    
agástyasya bráhmaṇā sáṃ pinaṣmy aháṃ krímīn //3//

Verse: 4 
Halfverse: a    
ható rā́jā krímīṇām utaíṣāṃ stʰapátir hatáḥ /
Halfverse: c    
ható hatámātā krímir hatábʰrātā hatásvasā //4//

Verse: 5 
Halfverse: a    
hatā́so asya veśáso hatā́saḥ páriveśasaḥ /
Halfverse: c    
átʰo kṣullakā́ iva sárve krímayo hatā́ḥ //5//

Verse: 6 
Halfverse: a    
prá te śr̥ṇāmi śŕ̥ṅge yā́bʰyāṃ vitudāyási /
Halfverse: c    
bʰinā́dmi te kuṣúmbʰaṃ yás te viṣadʰā́naḥ //6//

Hymn: 33 
Verse: 1 
Halfverse: a    
akṣī́bʰyāṃ te nā́sikābʰyāṃ kárṇābʰyāṃ cʰúbukād ádʰi /
Halfverse: c    
yákṣmaṃ śīrṣaṇyàṃ mastíṣkāj jihvā́yā vr̥hāmi te //1//

Verse: 2 
Halfverse: a    
grīvā́bʰyas ta uṣṇíhābʰyaḥ kī́kasābʰyo anūkyā̀t /
Halfverse: c    
yákṣmaṃ doṣanyà1m áṃsābʰyāṃ bāhúbʰyāṃ vr̥hāmi te //2//

Verse: 3 
Halfverse: a    
hŕ̥dayāt te pári klomnó hálīkṣṇāt pārśvā́bʰyām /
Halfverse: c    
yákṣmaṃ mátasnābʰyāṃ plīhnó yaknás te vr̥hāmasi //3//

Verse: 4 
Halfverse: a    
āntrébʰyas te gúdābʰyo vaniṣṭʰór udárād ádʰi /
Halfverse: c    
yákṣmaṃ kukṣíbʰyām plāśér nā́bʰyā vr̥hāmi te //4//

Verse: 5 
Halfverse: a    
ūrúbʰyāṃ te aṣṭʰīvádbʰyāṃ pā́rṣṇibʰyāṃ prápadābʰyām /
Halfverse: c    
yákṣmaṃ bʰasadyà1ṃ śróṇibʰyāṃ bʰā́sadaṃ bʰáṃsaso vr̥hāmi te //5//

Verse: 6 
Halfverse: a    
astʰíbʰyas te majjábʰyaḥ snā́vabʰyo dʰamánibʰyaḥ /
Halfverse: c    
yákṣmam pāṇíbʰyām aṅgúlibʰyo nakʰébʰyo vr̥hāmi te //6//

Verse: 7 
Halfverse: a    
áṅgeaṅge lómnilomni yás te párvaṇiparvaṇi /
Halfverse: c    
yákṣmaṃ tvacasyàṃ te vayáṃ kaśyápasya vībarhéṇa víṣvañcaṃ vr̥hāmasi //7//

Hymn: 34 
Verse: 1 
Halfverse: a    
ī́śe paśupátiḥ paśūnā́m cátuṣpadām utá dvipádām /
Halfverse: c    
níṣkrītaḥ yajñíyaṃ bʰāgám etu rāyás póṣā yájamānaṃ sacantām //1//

Verse: 2 
Halfverse: a    
pramuñcánto bʰúvanasya réto gātúṃ dʰatta yájamānāya devāḥ /
Halfverse: c    
upā́kr̥taṃ śaśamānáṃ yád ástʰāt priyám devā́nām ápy etu pā́tʰaḥ //2//

Verse: 3 
Halfverse: a    
badʰyámānam ánu dī́dʰyānā anvaíkṣanta mánasā cákṣuṣā ca /
Halfverse: c    
agníṣ ṭā́n ágre prá mumoktu devó viśvákarmā prajáyā saṃrarāṇáḥ //3//

Verse: 4 
Halfverse: a    
grāmyā́ḥ paśávo viśvárūpā vírūpāḥ sánto bahudʰaíkarūpāḥ /
Halfverse: c    
vāyúṣ ṭā́n ágre prá mumoktu deváḥ prajā́patiḥ prajáyā saṃrarāṇáḥ //4//

Verse: 5 
Halfverse: a    
prajānántaḥ práti gr̥hṇantu pū́rve prāṇám áṅgebʰyaḥ páry ācárantam /
Halfverse: c    
dívaṃ gacʰa práti tiṣṭʰā śárīraiḥ svargáṃ yāhi patʰíbʰir devayā́naiḥ //5//

Hymn: 35 
Verse: 1 
Halfverse: a    
bʰakṣáyanto vásūny ānr̥dʰúr yā́n agnáyo anvátapyanta dʰíṣṇyāḥ /
Halfverse: c    
yā́ téṣām avayā́ dúriṣṭiḥ svìṣṭiṃ nas tā́ṃ kr̥ṇavad viśvákarmā //1//

Verse: 2 
Halfverse: a    
yajñápatim ŕ̥ṣayaḥ énasāhur nírbʰaktaṃ prajā́ anutapyámānam /
Halfverse: c    
matʰavyā̀nt stokā́n ápa yā́n rarā́dʰa sáṃ naṣ ṭébʰiḥ sr̥jatu viśvákarmā //2//

Verse: 3 
Halfverse: a    
adānyā́nt somapā́n mányamāno yajñásya vidvā́nt samayé dʰī́raḥ /
Halfverse: c    
yád énaś cakr̥vā́n baddʰá eṣá táṃ viśvakarman prá muñcā svastáye //3//

Verse: 4 
Halfverse: a    
gʰorā́ ŕ̥ṣayo námo astv ebʰyaś cákṣur yád eṣāṃ mánasaś ca satyám /
Halfverse: c    
bŕ̥haspátaye mahiṣa dyumánn námo víśvakarman námas te pāhy à1smā́n //4//

Verse: 5 
Halfverse: a    
yajñásya cákṣuḥ prábʰr̥tir múkʰaṃ ca vācā́ śrótreṇa mánasā juhomi /
Halfverse: c    
imáṃ yajñáṃ vítataṃ viśvákarmaṇā́ devā́ yantu sumanasyámānāḥ //5//

Hymn: 36 
Verse: 1 
Halfverse: a    
ā́ no agne sumatíṃ saṃbʰaló gamed imā́ṃ kumārī́ṃ sahá no bʰágena /
Halfverse: c    
juṣṭā́ varéṣu sámaneṣu valgúr oṣáṃ pátyā saúbʰagam astu asyaí //1//

Verse: 2 
Halfverse: a    
sómajuṣṭaṃ bráhmajuṣṭam aryamnā́ sáṃbʰr̥taṃ bʰágam /
Halfverse: c    
dʰātúr devásya satyéna kr̥ṇómi pativédanam //2//

Verse: 3 
Halfverse: a    
iyám agne nā́rī pátim videṣṭa sómo rā́jā subʰágāṃ kr̥ṇóti /
Halfverse: c    
súvānā putrā́n máhiṣī bʰavāti gatvā́ pátiṃ subʰágā rājatu //3//

Verse: 4 
Halfverse: a    
yátʰākʰaró magʰavaṃś cā́rur eṣá priyó mr̥gā́ṇāṃ suṣádā babʰū́va /
Halfverse: c    
evā́ bʰágasya juṣṭéyám astu nā́rī sáṃpriyā pátyā́virādʰayantī //4//

Verse: 5 
Halfverse: a    
bʰágasya nā́vam ā́ roha pūrṇā́m ánupadasvatīm /
Halfverse: c    
táyopaprátāraya varáḥ pratikāmyàḥ //5//

Verse: 6 
Halfverse: a    
ā́ krandaya dʰanapate varám ā́manasaṃ kr̥ṇu /
Halfverse: c    
sárvaṃ pradakṣiṇáṃ kr̥ṇu varáḥ pratikāmyàḥ //6//

Verse: 7 
Halfverse: a    
idáṃ híraṇyaṃ gúlgulv ayám aukṣó atʰo bʰágaḥ /
Halfverse: c    
eté pátibʰyas tvā́m aduḥ pratikāmā́ya véttave //7
Halfverse: e    
ā́ te nayatu savitā́ nayatu pátir yáḥ pratikāmyàḥ /
Halfverse: g    
tvám asyai dʰehi oṣadʰe //8//



Book: 3 
3
Hymn: 1 


Verse: 1 
Halfverse: a    
agnír naḥ śátrūn práty etu vidvā́n pratidáhann abʰíśastim árātim /
Halfverse: c    
sénāṃ mohayatu páreṣāṃ nírhastāṃś ca kr̥ṇavaj jātávedāḥ //1//

Verse: 2 
Halfverse: a    
yūyám ugrā́ maruta īdŕ̥śe stʰābʰí préta mr̥ṇáta sáhadʰvam /
Halfverse: c    
ámīmr̥ṇan vásavo nātʰitā́ imé agnír hy èṣāṃ dūtáḥ pratyétu vidvā́n //2//

Verse: 3 
Halfverse: a    
amitrasenā́ṃ magʰavann asmā́n cʰatrūyatī́m abʰí /
Halfverse: c    
yuváṃ tā́m indra vr̥trahann agníś ca dahataṃ práti //3//

Verse: 4 
Halfverse: a    
prásūta indra pravátā háribʰyāṃ prá te vájraḥ pramr̥ṇánn etu śátrūn /
Halfverse: c    
jahí pratī́co anū́caḥ párāco víṣvak satyáṃ kr̥ṇuhi cittám eṣām //4//

Verse: 5 
Halfverse: a    
índra sénāṃ mohayāmítrāṇām /
Halfverse: c    
agnér vā́tasya dʰrā́jyā tā́n víṣūco nāśaya //5//

Verse: 6 
Halfverse: a    
índraḥ sénāṃ mohayatu marúto gʰnantv ójasā /
Halfverse: c    
cákṣūṃsy agnír ā́ dattāṃ púnar etu párājitā //6//

Hymn: 2 
Verse: 1 
Halfverse: a    
agnír no dūtáḥ prátyetu vidvā́n pratidáhann abʰíśastim árātim /
Halfverse: c    
cittā́ni mohayatu páreṣāṃ nírhastāṃś ca kr̥ṇavaj jātávedāḥ //1//

Verse: 2 
Halfverse: a    
ayám agnír amūmuhad yā́ni cittā́ni vo hr̥dí /
Halfverse: c    
vo dʰamatv ókasaḥ prá vo dʰamatu sarvátaḥ //2//

Verse: 3 
Halfverse: a    
índra cittā́ni moháyann arvā́ṅ ā́kūtyā cara /
Halfverse: c    
agnér vā́tasya dʰrā́jyā tā́n víṣūco nāśaya //3//

Verse: 4 
Halfverse: a    
vy ā̀kūtaya eṣām itā́tʰo cittā́ni muhyata /
Halfverse: c    
átʰo yád adyaíṣāṃ hr̥dí tád eṣāṃ pári nír jahi //4//

Verse: 5 
Halfverse: a    
amī́ṣāṃ cittā́ni pratimoháyantī gr̥hāṇā́ṅgāny apve párehi /
Halfverse: c    
abʰí préhi nír daha hr̥tsú śókair grā́hyāmítrāṃs támasā vidʰya śátrūn //5//

Verse: 6 
Halfverse: a    
asaú yā́ sénā marutaḥ páreṣām asmā́n aíty abʰy ójasā spárdʰamānā /
Halfverse: c    
tā́m vidʰyata támasā́pavratena yátʰaiṣām anyó anyáṃ jānā́t //6//

Hymn: 3 
Verse: 1 
Halfverse: a    
ácikradat svapā́ ihá bʰuvad ágne vy àcasva ródasī urūcī́ /
Halfverse: c    
yuñjántu tvā marúto viśvávedasa ā́múṃ naya námasā rātáhavyam //1//

Verse: 2 
Halfverse: a    
dūré cit sántam aruṣā́sa índram ā́ cyāvayantu sakʰyā́ya vípram /
Halfverse: c    
yád gāyatrī́ṃ br̥hatī́m arkám asmai sautrāmaṇyā́ dádʰr̥ṣanta devā́ḥ //2//

Verse: 3 
Halfverse: a    
adbʰyás tvā rā́ja váruṇo hvayatu sómas tvā hvayatu párvatebʰyaḥ /
Halfverse: c    
índras tvā hvayatu viḍbʰyá ābʰyáḥ śyenó bʰūtvā́ víśa ā́ patemā́ḥ //3// {4}

Verse: 4 
Halfverse: a    
śyenó havyáṃ nayatv ā́ párasmād anyakṣetré áparuddʰaṃ cárantam /
Halfverse: c    
aśvínā pántʰāṃ kr̥ṇutāṃ sugáṃ ta imáṃ sajātā abʰisáṃviśadʰvam //4// {5}

Verse: 5 
Halfverse: a    
hváyantu tvā pratijanā́ḥ práti mitrā́ avr̥ṣata /
Halfverse: c    
indrāgnī́ víśve devā́s te viśí kṣémam adīdʰaran //5// {6}

Verse: 6 
Halfverse: a    
yás te hávaṃ vivádat sajātó yáś ca níṣṭyaḥ /
Halfverse: c    
ápāñcam indra táṃ kr̥tvā́tʰemám ihā́va gamaya //6// {7}

Hymn: 4 
Verse: 1 
Halfverse: a    
ā́ tvā gan rāṣtráṃ sahá várcasód ihi prā́ṅ viśā́ṃ pátir ekarā́ṭ tváṃ rāja /
Halfverse: c    
sárvās tvā rājan pradíśo hvayantūpasádyo namasyò bʰavehá //1//

Verse: 2 
Halfverse: a    
tvā́ṃ víśo vr̥ṇatāṃ rājyā̀ya tvā́m imā́ḥ pradíśaḥ páñca devī́ḥ /
Halfverse: c    
várṣman rāṣṭrásya kakúdi śrayasva táto na ugró bʰajā vásūni //2//

Verse: 3 
Halfverse: a    
ácʰa tvā yantu havínaḥ sajātā́ agnír dūtó ajiráḥ sáṃ carātai /
Halfverse: c    
jāyā́ḥ putrā́ḥ sumánaso bʰavantu bahúṃ balíṃ práti paśyāsā ugráḥ //3//

Verse: 4 
Halfverse: a    
aśvínā tvā́gre mitrā́váruṇobʰā́ víśvé devā́ marútas tvā́ hvayantu /
Halfverse: c    
ádʰā máno vasudéyāya kr̥ṇuṣva táto na ugró bʰajā vásūni //4//

Verse: 5 
Halfverse: a    
ā́ prá drava paramásyāḥ parāvátaḥ śivé te dyā́vāpr̥tʰivī́ ubʰé stām /
Halfverse: c    
tád ayáṃ rā́jā váruṇas tátʰāha tvāyám ahvat upedám éhi //5//

Verse: 6 
Halfverse: a    
índrendra manuṣyā̀3ḥ párehi sáṃ hy ájñāstʰā váruṇaiḥ saṃvidānáḥ /
Halfverse: c    
tvāyám ahvat své sadʰástʰe devā́n yakṣat u kalpayad víśaḥ //6//

Verse: 7 
Halfverse: a    
patʰyā̀ revátīr bahudʰā́ vírūpāḥ sárvāḥ saṃgátya várīyas te akran /
Halfverse: c    
tā́s tvā sárvāḥ saṃvidānā́ hvayantu daśamī́m ugráḥ sumánā vaśehá //7//

Hymn: 5 
Verse: 1 
Halfverse: a    
ā́yám agan parṇamaṇír balī́ bálena pramr̥ṇánt sapátnān /
Halfverse: c    
ójo devā́nāṃ páya óṣadʰīnāṃ várcasā jinvantv áprayāvan //1//

Verse: 2 
Halfverse: a    
máyi kṣatráṃ parṇamaṇe máyi dʰārayatād rayím /
Halfverse: c    
aháṃ rāṣṭrásyābʰīvargé nijó bʰūyāsam uttamáḥ //2//

Verse: 3 
Halfverse: a    
yáṃ nidadʰúr vánaspátau gúhyaṃ devā́ḥ priyáṃ maṇím /
Halfverse: c    
tám asmábʰyaṃ sahā́yuṣā devā́ dadatu bʰártave //3//

Verse: 4 
Halfverse: a    
sómasya parṇáḥ sáha ugrám ā́gann índreṇa dattó váruṇena śiṣṭáḥ /
Halfverse: c    
táṃ priyāsaṃ bahú rócamāno dīrgʰāyutvā́ya śatáśāradāya //4//

Verse: 5 
Halfverse: a    
ā́ mārukṣat parṇamaṇír mahyā́ ariṣṭatā́taye /
Halfverse: c    
yátʰāhám uttaró 'sāny aryamṇá utá saṃvídaḥ //5//

Verse: 6 
Halfverse: a    
dʰī́vāno ratʰakārā́ḥ karmā́rā manīṣíṇaḥ /
Halfverse: c    
upastī́n parṇa máhyaṃ tvaṃ sárvān kr̥ṇv abʰíto jánān //6//

Verse: 7 
Halfverse: a    
rā́jāno rājakŕ̥taḥ sūtā́ grāmaṇyàś ca /
Halfverse: c    
upastī́n parṇa máhyaṃ tváṃ sárvān kr̥ṇv abʰíto jánān //7//

Verse: 8 
Halfverse: a    
parṇó 'si tanūpā́naḥ sáyonir vīró vīréṇa máyā /
Halfverse: c    
saṃvatsarásya téjasā téna badʰnāmi tvā maṇe //8//

Hymn: 6 
Verse: 1 
Halfverse: a    
púmān puṃsáḥ párijāto 'śvattʰáḥ kʰadirā́d ádʰi /
Halfverse: c    
hantu śátrūn māmakā́n yā́n aháṃ dvéṣmi ca mā́m //1//

Verse: 2 
Halfverse: a    
tā́n aśvattʰa níḥ śr̥ṇīhi śátrūn vaibādʰadódʰataḥ /
Halfverse: c    
índreṇa vr̥tragʰnā́ medī́ mitréṇa váruṇena ca //2//

Verse: 3 
Halfverse: a    
yátʰāśvattʰa nirábʰano 'ntár mahaty àrṇavé /
Halfverse: c    
evā́ tā́nt sárvān nír bʰaṅgdʰi yā́n aháṃ dvéṣmi ca mā́m //3//

Verse: 4 
Halfverse: a    
yáḥ sáhamānaś cárasi sāsahāná iva r̥ṣabʰáḥ /
Halfverse: c    
ténāśvattʰa tváyā vayáṃ sapátnānt sahiṣīmahi //4//

Verse: 5 
Halfverse: a    
sinā́tv enān nírr̥tir mr̥tyóḥ pā́śair amokyaíḥ /
Halfverse: c    
áśvattʰa śátrūn māmakā́n yā́n aháṃ dvéṣmi ca mā́m //5//

Verse: 6 
Halfverse: a    
yátʰāśvattʰa vānaspatyā́n āróhan kr̥ṇuṣé 'dʰarān /
Halfverse: c    
evā́ me śátror mūrdʰā́naṃ víṣvag bʰinddʰi sáhasva ca //6//

Verse: 7 
Halfverse: a    
'dʰarā́ñcaḥ prá plavantāṃ cʰinnā́ naúr iva bándʰanāt /
Halfverse: c    
vaibādʰápraṇuttānāṃ púnar asti nivártanam //7//

Verse: 8 
Halfverse: a    
praíṇān nude mánasā prá citténotá bráhmaṇā /
Halfverse: c    
praíṇān vr̥kṣásya śā́kʰayāśvattʰásya nudāmahe //8//

Hymn: 7 
Verse: 1 
Halfverse: a    
hariṇásya ragʰuṣyádó 'dʰi śīrṣáṇi bʰeṣajám /
Halfverse: c    
kṣetriyáṃ viṣā́ṇayā viṣūcī́nam anīnaśat //1//

Verse: 2 
Halfverse: a    
ánu tvā hariṇó vŕ̥ṣā padbʰíś catúrbʰir akramīt /
Halfverse: c    
víṣāṇe ṣya guṣpitáṃ yád asya kṣetriyáṃ hr̥dí //2//

Verse: 3 
Halfverse: a    
adó yád avarócate cátuṣpakṣam iva cʰadíḥ /
Halfverse: c    
ténā te sárvaṃ kṣetriyám áṅgebʰyo nāśayāmasi //3//

Verse: 4 
Halfverse: a    
amū́ diví subʰáge vicŕ̥tau nā́ma tā́rake /
Halfverse: c    
kṣetriyásya muñcatām adʰamáṃ pā́śam uttamám //4//

Verse: 5 
Halfverse: a    
ā́pa íd vā́ u bʰeṣajī́r ā́po amīvacā́tanīḥ /
Halfverse: c    
ā́po víśvasya bʰeṣajī́s tā́s tvā muñcantu kṣetriyā́t //5//

Verse: 6 
Halfverse: a    
yád āsutéḥ kriyámānāyāḥ kṣetriyáṃ tvā vyānaśé /
Halfverse: c    
védāháṃ tásya bʰeṣajáṃ kṣetriyáṃ nāśayāmi tvát //6//

Verse: 7 
Halfverse: a    
apavāsé nákṣatrāṇām apavāsá uṣásām utá /
Halfverse: c    
ápāsmát sárvaṃ durbʰūtám ápa kṣetriyám ucʰatu //7//

Hymn: 8 
Verse: 1 
Halfverse: a    
ā́ yātu mitrá r̥túbʰiḥ kálpamānaḥ saṃveśáyan pr̥tʰivī́m usríyābʰiḥ /
Halfverse: c    
átʰāsmábʰyam váruṇo vāyúr agnír br̥hád rāṣṭráṃ saṃveśyàm dadʰātu //1//

Verse: 2 
Halfverse: a    
dʰātā́ rātíḥ savitédáṃ juśantām índras tváṣṭā práti haryantu me vácaḥ /
Halfverse: c    
huvé devī́m áditiṃ śū́raputrāṃ sajātā́nāṃ madʰyameṣṭʰā́ yátʰā́sāni //2//

Verse: 3 
Halfverse: a    
huvé sómaṃ savitā́raṃ námobʰir víśvān ādityā́m̐ ahám uttaratvé /
Halfverse: c    
ayám agnír dīdāyad dīrgʰám evá sajātaír iddʰó 'pratibruvadbʰiḥ //3//

Verse: 4 
Halfverse: a    
ihéd asātʰa paró gamātʰéryo gopā́ḥ puṣṭapátir va ā́jat /
Halfverse: c    
asmaí kā́māyópa kāmínīr víśve vo devā́ upasáṃyantu //4//

Verse: 5 
Halfverse: a    
sáṃ vo mánāṃsi sáṃ vratā́ sám ā́kūtīr namāmasi /
Halfverse: c    
amī́ vívratā stʰána tā́n vaḥ sáṃ namayāmasi //5//

Verse: 6 
Halfverse: a    
aháṃ gr̥bʰṇāmi mánasā mánāṃsi máma cittám ánu cittébʰir éta /
Halfverse: c    
máma váśeṣu hŕ̥dayāni vaḥ kr̥ṇomi máma yātám ánuvartmāna éta //6//

Hymn: 9 
Verse: 1 
Halfverse: a    
karśápʰasya viśapʰásya dyaúḥ pitā́ pr̥tʰivī́ mātā́ /
Halfverse: c    
yátʰābʰicakrá devā́s tátʰā́pa kr̥ṇutā púnaḥ //1//

Verse: 2 
Halfverse: a    
aśreṣmā́ṇo adʰārayan tátʰā tán mánunā kr̥tám /
Halfverse: c    
kr̥ṇómi vádʰri víṣkandʰaṃ muṣkābarhó gávām iva //2//

Verse: 3 
Halfverse: a    
piśáṅge sū́tre kʰŕ̥galaṃ tád ā́ badʰnanti vedʰásaḥ /
Halfverse: c    
śravasyúṃ śúṣmaṃ kābaváṃ vádʰriṃ kr̥ṇvantu bandʰúraḥ //3//

Verse: 4 
Halfverse: a    
yénā śravasyavaś cáratʰa devā́ ivāsuramāyáyā /
Halfverse: c    
śúnāṃ kapír iva dū́ṣaṇo bándʰurā kābavásya ca //4//

Verse: 5 
Halfverse: a    
dúṣṭyai tvā bʰatsyā́mi dūṣayiṣyā́mi kābavám /
Halfverse: c    
úd āśávo rátʰā iva śapátʰebʰiḥ sariṣyatʰa //5//

Verse: 6 
Halfverse: a    
ékaśataṃ víṣkandʰāni víṣṭʰitā pr̥tʰivī́m ánu /
Halfverse: c    
téṣāṃ tvā́m ágre új jaharur maṇíṃ viṣkandʰadū́ṣaṇam //6//

Hymn: 10 
Verse: 1 
Halfverse: a    
pratʰamā́ ha vy ùvāsa sā́ dʰenúr abʰavad yamé /
Halfverse: c    
sā́ naḥ páyasvatī duhām úttarāmuttarām sámām //1//

Verse: 2 
Halfverse: a    
yā́ṃ devā́ḥ pratinándanti rā́trim dʰenúm upāyatī́m /
Halfverse: c    
saṃvatsarásya yā́ pátnī sā́ no astu sumaṅgalī́ //2//

Verse: 3 
Halfverse: a    
saṃvatsarásya pratimā́ṃ yā́ṃ tvā rātry upā́smahe /
Halfverse: c    
sā́ na ā́yuṣmatīṃ prajā́ṃ rāyás póṣeṇa sáṃ sr̥ja //3//

Verse: 4 
Halfverse: a    
iyám evá sā́ yā́ pratʰamā́ vyaúcʰad āsv ítarāsu carati práviṣṭā /
Halfverse: c    
mahā́nto asyāṃ mahimā́no antár vadʰū́r jigāya navagáj jánitrī //4//

Verse: 5 
Halfverse: a    
vānaspatyā́ grā́vāṇo gʰóṣam akrata havíṣ kr̥ṇvántaḥ parivatsarī́ṇam /
Halfverse: c    
ékāṣṭake suprajásaḥ suvī́rā vayáṃ syāma pátayo rayīṇā́m //5//

Verse: 6 
Halfverse: a    
íḍāyās padáṃ gʰr̥távat sarīsr̥páṃ jā́tavedaḥ práti havyā́ gr̥bʰāya /
Halfverse: c    
grāmyā́ḥ paśávo viśvárūpās téṣāṃ saptānā́ṃ máyi rántir astu //6//

Verse: 7 
Halfverse: a    
ā́ puṣṭé ca póṣe ca rā́tri devā́nāṃ sumataú syāma /
Halfverse: c    
pūrṇā́ darve párā pata súpūrṇā púnar ā́ pata /
Halfverse: e    
sárvān yajñā́nt saṃbʰuñjatī́ṣam ū́rjaṃ na ā́ bʰara //7//

Verse: 8 
Halfverse: a    
ā́yám agant saṃvatsaráḥ pátir ekāṣṭake táva /
Halfverse: c    
sā́ na ā́yuṣmatīṃ prajā́ṃ rāyás póṣeṇa sáṃ sr̥ja //8//

Verse: 9 
Halfverse: a    
r̥tū́n yaja r̥tupátīn ārtavā́n utá hāyanā́n /
Halfverse: c    
sámāḥ saṃvatsarā́n mā́sān bʰūtásya pátaye yaje //9//

Verse: 10 
Halfverse: a    
r̥túbʰyaṣ ṭvārtavébʰyo mādbʰyáḥ saṃvatsarébʰyaḥ /
Halfverse: c    
dʰātré vidʰātré samŕ̥dʰe bʰūtásya pátaye yaje //10//

Verse: 11 
Halfverse: a    
íḍayā júhvato vayáṃ devā́n gʰr̥távatā yaje /
Halfverse: c    
gr̥hā́n álubʰyato vayáṃ saṃ viśemópa gómataḥ //11//

Verse: 12 
Halfverse: a    
ekāṣṭakā́ tápasā tapyámānā jajā́na gárbʰaṃ mahimā́nam índram /
Halfverse: c    
téna devā́ vy àsahanta śátrūn hantā́ dásyūnām abʰavac cʰácīpátiḥ //12//

Verse: 13 
Halfverse: a    
índraputre sómaputre duhitā́si prajā́pateḥ /
Halfverse: c    
kā́mān asmā́kaṃ pūraya práti gr̥hṇāhi no havíḥ //13//

Hymn: 11 
Verse: 1 
Halfverse: a    
muñcā́mi tvā havíṣā jī́vanāya kám ajñātayakṣmā́d utá rājayakṣmā́t /
Halfverse: c    
grā́hir jagrā́ha yády etád enaṃ tásyā indrāgnī prá mumuktam enam //1//

Verse: 2 
Halfverse: a    
yádi kṣitā́yur yádi páreto yádi mr̥tyór antikáṃ evá /
Halfverse: c    
tám ā́ harāmi nírr̥ter upástʰād áspārśam enaṃ śatáśāradāya //2//

Verse: 3 
Halfverse: a    
sahasrākṣéṇa śatávīryeṇa śatā́yuṣā havíṣā́hārṣam enam /
Halfverse: c    
índro yátʰainaṃ śarádo náyāty áti víśvasya duritásya pārám //3//

Verse: 4 
Halfverse: a    
śatáṃ jīva śarádo várdʰamānaḥ śatáṃ hemantā́n cʰatám u vasantā́n /
Halfverse: c    
śatáṃ te índro agníḥ savitā́ bŕ̥haspátiḥ śatā́yuṣā havíṣā́hārṣam enam //4//

Verse: 5 
Halfverse: a    
prá viśataṃ prāṇāpānāv anaḍvā́hāv iva vrajám /
Halfverse: c    
vy ànyé yantu mr̥tyávo yā́n āhúr ítarān cʰatám //5//

Verse: 6 
Halfverse: a    
ihaívá staṃ prāṇāpānau mā́pa gātam itó yuvám /
Halfverse: c    
śárīram asyā́ṅgāni jaráse vahataṃ púnaḥ //6//

Verse: 7 
Halfverse: a    
jarā́yai tvā pári dadāmi jarā́yai dʰuvāmi tvā /
Halfverse: c    
jarā́ tvā bʰadrā́ neṣṭa vy ànyé yantu mr̥tyávo yā́n āhúr ítarān cʰatám //7//

Verse: 8 
Halfverse: a    
abʰí tvā jarimā́hita gā́m ukṣáṇam iva rájjvā /
Halfverse: c    
yás tvā mr̥tyúr abʰyádʰatta jā́yamānaṃ supāśáyā /
Halfverse: e    
táṃ te satyásya hástābʰyām úd amuñcad bŕ̥haspátiḥ //8//

Hymn: 12 
Verse: 1 
Halfverse: a    
ihaívá dʰruvā́ṃ minomi śā́lāṃ kṣéme tiṣṭʰāti gʰr̥tám ukṣámāṇā /
Halfverse: c    
tā́ṃ tvā śāle sárvavīrāḥ suvī́rā áriṣṭavīrā úpa sáṃ carema //1//

Verse: 2 
Halfverse: a    
ihaívá dʰruvā́ práti tiṣṭʰa śālé 'śvāvatī gómatī sūnŕ̥tāvatī /
Halfverse: c    
ū́rjasvatī gʰr̥távatī páyasvaty úc cʰrayasva mahaté saúbʰagāya //2//

Verse: 3 
Halfverse: a    
dʰaruṇy àsi śāle br̥hácʰandāḥ pū́tidʰānyā /
Halfverse: c    
ā́ tvā vatsó gamed ā́ kumārá ā́ dʰenávaḥ sāyám āspándamānāḥ //3//

Verse: 4 
Halfverse: a    
imā́ṃ śā́lāṃ savitā́ vāyúr índro bŕ̥haspátir minotu prajānán /
Halfverse: c    
ukṣántūdrā́ marúto gʰr̥téna bʰágo no rā́jā kr̥ṣíṃ tanotu //4//

Verse: 5 
Halfverse: a    
mā́nasya patni śaraṇā́ syonā́ devī́ devébʰir nímitāsy ágre /
Halfverse: c    
tŕ̥ṇaṃ vásānā sumánā asas tvám átʰāsmábʰyaṃ sahávīraṃ rayíṃ dāḥ //5//

Verse: 6 
Halfverse: a    
r̥téna stʰū́ṇām ádʰi roha vaṃśogró virā́jann ápa vr̥ṅkṣva śátrūn /
Halfverse: c    
mā́ te riṣann upasattā́ro gr̥hā́ṇāṃ śāle śatáṃ jīvema śarádaḥ sárvavīrāḥ //6//

Verse: 7 
Halfverse: a    
émā́m kumārás táruṇa ā́ vatsó jágatā sahá /
Halfverse: c    
émā́m parisrútaḥ kumbʰá ā́ dadʰnáḥ kaláśair aguḥ //7//

Verse: 8 
Halfverse: a    
pūrṇáṃ nāri prá bʰara kumbʰám etáṃ gʰr̥tásya dʰā́rām amŕ̥tena sáṃbʰr̥tām /
Halfverse: c    
imā́ṃ pātŕ̥̄n amŕ̥tena sám aṅgdʰīṣṭāpūrtám abʰí rakṣāty enām //8//

Verse: 9 
Halfverse: a    
imā́ ā́paḥ prá bʰarāmy ayakṣmā́ yakṣmanā́śanīḥ /
Halfverse: c    
gr̥hā́n úpa prá sīdāmy amŕ̥tena sahā́gnínā //9//

Hymn: 13 
Verse: 1 
Halfverse: a    
yád adáḥ saṃprayatī́r áhāv ánadatā haté /
Halfverse: c    
tásmād ā́ nadyò3 nā́ma stʰa tā́ vo nā́māni sindʰavaḥ //1//

Verse: 2 
Halfverse: a    
yát préṣitā váruṇenā́c cʰī́bʰam samávalgata /
Halfverse: c    
tád āpnod índro vo yatī́s tásmād ā́po ánu ṣṭʰana //2//

Verse: 3 
Halfverse: a    
apakāmáṃ syándamānā ávīvarata vo kam /
Halfverse: c    
índro vaḥ śáktibʰir devīs tásmād vā́r nā́ma vo hitám //3//

Verse: 4 
Halfverse: a    
ékaḥ vo devó 'py atiṣṭʰat syándamānā yatʰāvaśám /
Halfverse: c    
úd āniṣur mahī́r íti tásmād udakám ucyate //4//

Verse: 5 
Halfverse: a    
ā́po bʰadrā́ gʰr̥tám íd ā́pa āsann agnī́ṣómau bibʰraty ā́pa ít tā́ḥ /
Halfverse: c    
tīvró ráso madʰupŕ̥cām araṃgamá ā́ prāṇéna sahá várcasā gamet //5//

Verse: 6 
Halfverse: a    
ā́d ít paśyāmy utá śr̥ṇomy ā́ gʰóṣo gacʰati vā́ṅ māsām /
Halfverse: c    
mánye bʰejānó amŕ̥tasya tárhi híraṇyavarṇā átr̥paṃ yadā́ vaḥ //6//

Verse: 7 
Halfverse: a    
idáṃ va āpo hŕ̥dayam ayáṃ vatsá r̥tāvarīḥ /
Halfverse: c    
ihéttʰám éta śakvarīr yátredáṃ veśáyāmi vaḥ //7//

Hymn: 14 
Verse: 1 
Halfverse: a    
sáṃ vo goṣṭʰéna suṣádā sáṃ rayyā́ sáṃ súbʰūtyā /
Halfverse: c    
áharjātasya yán nā́ma ténā vaḥ sáṃ sr̥jāmasi //1//

Verse: 2 
Halfverse: a    
sáṃ vaḥ sr̥jatv aryamā́ sáṃ pūṣā́ sáṃ bŕ̥haspátiḥ /
Halfverse: c    
sám índro dʰanaṃjayó máyi puṣyata yád vásu //2//

Verse: 3 
Halfverse: a    
saṃjagmānā́ ábibʰyuṣīr asmín goṣṭʰé karīṣíṇīḥ /
Halfverse: c    
bíbʰratīḥ somyáṃ mádʰv anamīvā́ upétana //3//

Verse: 4 
Halfverse: a    
ihaívá gāva étanehó śákeva puṣyata /
Halfverse: c    
ihaívótá prá jāyadʰvaṃ máyi saṃjñā́nam astu vaḥ //4//

Verse: 5 
Halfverse: a    
śivó vo goṣṭʰó bʰavatu śāriśā́keva puṣyata /
Halfverse: c    
ihaívótá prá jāyadʰvaṃ máyā vaḥ sáṃ sr̥jāmasi //5//

Verse: 6 
Halfverse: a    
máyā gāvo gópatinā sacadʰvam ayáṃ vo goṣṭʰá ihá poṣayiṣṇúḥ /
Halfverse: c    
rāyás póṣeṇa bahulā́ bʰávantīr jīvā́ jī́vantīr úpa vaḥ sadema //6//

Hymn: 15 
Verse: 1 
Halfverse: a    
índram aháṃ vaṇíjaṃ codayāmi na aítu puraetā́ no astu /
Halfverse: c    
nudánn árātiṃ paripantʰínaṃ mr̥gáṃ ī́śāno dʰanadā́ astu máhyam //1//

Verse: 2 
Halfverse: a    
pántʰāno bahávo devayā́nā antarā́ dyā́vāpr̥tʰivī́ saṃcáranti /
Halfverse: c    
juṣantāṃ páyasā gʰr̥téna yátʰā krītvā́ dʰánam āhárāṇi //2//

Verse: 3 
Halfverse: a    
idʰménāgna icʰámāno gʰr̥téna juhómi havyáṃ tárase bálāya /
Halfverse: c    
yā́vad ī́śe bráhmaṇā vándamāna imā́ṃ dʰíyaṃ śataséyāya devī́m //3//

Verse: 4 
Halfverse: a    
imā́m agne śaráṇiṃ mīmr̥ṣo no yám ádʰvānam ágāma dūrám /
Halfverse: c    
śunáṃ no astu prapaṇó vikráyaś ca pratipaṇáḥ pʰalínaṃ kr̥ṇotu /
Halfverse: e    
idáṃ havyáṃ saṃvidānaú juṣetʰāṃ śunáṃ no astu caritám úttʰitaṃ ca //4//

Verse: 5 
Halfverse: a    
yéna dʰánena prapaṇáṃ cárāmi dʰánena devā dʰánam icʰámānaḥ /
Halfverse: c    
tán me bʰū́yo bʰavatu mā́ kánīyó 'gne sātagʰnó devā́n havíṣā ṣedʰa //5//

Verse: 6 
Halfverse: a    
yéna dʰánena prapaṇáṃ cárāmi dʰánena devā dʰánam icʰámānaḥ /
Halfverse: c    
tásmin ma índro rúcim ā́ dadʰātu prajā́patiḥ savitā́ sómo agníḥ //6//

Verse: 7 
Halfverse: a    
úpa tvā námasā vayáṃ hótar vaiśvānara stumáḥ /
Halfverse: c    
naḥ prajā́sv ātmásu góṣu prāṇéṣu jāgr̥hi //7//

Verse: 8 
Halfverse: a    
viśvā́hā te sádam íd bʰaremā́śvāyeva tíṣṭʰate jātavedaḥ /
Halfverse: c    
rāyás póṣeṇa sám iṣā́ mádanto mā́ te agne prátiveśā riṣāma //8//

Hymn: 16 
Verse: 1 
Halfverse: a    
prātár agníṃ prātár índram havāmahe prātár mitrā́váruṇā prātár aśvínā /
Halfverse: c    
prātár bʰágaṃ pūṣáṇaṃ bráhmaṇas pátiṃ prātáḥ sómam utá rudráṃ havāmahe //1//

Verse: 2 
Halfverse: a    
prātarjítaṃ bʰágam ugrám havāmahe vayáṃ putrám áditer vidʰartā́ /
Halfverse: c    
ādʰráś cid yáṃ mányamānas turáś cid rā́jā cid yáṃ bʰágaṃ bʰakṣī́ty ā́ha //2//

Verse: 3 
Halfverse: a    
bʰága práṇetar bʰága sátyarādʰo bʰágemā́ṃ dʰíyam úd avā dádan naḥ /
Halfverse: c    
bʰága prá ṇo janaya góbʰir áśvair bʰága prá nŕ̥bʰir nr̥vántaḥ syāma //3//

Verse: 4 
Halfverse: a    
utédā́nīṃ bʰágavantaḥ syāmotá prapitvá utá mádʰye áhnām /
Halfverse: c    
utóditau magʰavant sū́ryasya vayáṃ devā́nāṃ sumataú syāma //4//

Verse: 5 
Halfverse: a    
bʰága evá bʰágavām̐ astu devás ténā vayáṃ bʰágavantaḥ syāma /
Halfverse: c    
táṃ tvā bʰaga sárva íj johavīmi no bʰaga puraetā́ bʰavehá //5//

Verse: 6 
Halfverse: a    
sám adʰvarā́yoṣáso namanta dadʰikrā́veva śúcaye padā́ya /
Halfverse: c    
arvācīnáṃ vasuvídaṃ bʰágaṃ me rátʰam ivā́śvā vājína ā́ vahantu //6//

Verse: 7 
Halfverse: a    
áśvāvatīr gómatīr na uṣā́so vīrávatīḥ sádam ucʰantu bʰadrā́ḥ /
Halfverse: c    
gʰr̥táṃ dúhānā viśvátaḥ prápītā yūyáṃ pāta svastíbʰiḥ sádā naḥ //7//

Hymn: 17 
Verse: 1 
Halfverse: a    
sī́rā yuñjanti kaváyo yugā́ tanvate pŕ̥tʰak /
Halfverse: c    
dʰī́rā devéṣu sumnayaú //1//

Verse: 2 
Halfverse: a    
yunákta sī́rā yugā́ tanota kr̥té yónau vapatehá bī́jam /
Halfverse: c    
virā́jaḥ śnúṣṭiḥ sábʰarā asan no nédīya ít sr̥ṇyàḥ pakvám ā́ yavan //2//

Verse: 3 
Halfverse: a    
lā́ṅgalaṃ pavīrávat suśī́maṃ somasátsaru /
Halfverse: c    
úd íd vapatu gā́m áviṃ prastʰā́vad ratʰavā́hanaṃ pī́barīṃ ca prapʰarvyàm //3//

Verse: 4 
Halfverse: a    
índraḥ sī́tāṃ gr̥hṇātu tā́ṃ pūṣā́bʰí rakṣatu /
Halfverse: c    
sā́ naḥ páyasvatī duhām úttarāmuttarāṃ sámām //4//

Verse: 5 
Halfverse: a    
śunáṃ supʰālā́ tudantu bʰū́miṃ śunáṃ kīnā́śā ánu yantu vāhā́n /
Halfverse: c    
śúnāsīrā havíṣā tóśamānā supippalā́ óṣadʰīḥ kartam asmaí //5//

Verse: 6 
Halfverse: a    
śunáṃ vāhā́ḥ śunáṃ náraḥ śunáṃ kr̥ṣatu lā́ṅgalam /
Halfverse: c    
śunáṃ varatrā́ badʰyantāṃ śunám áṣṭrām úd iṅgaya //6//

Verse: 7 
Halfverse: a    
śúnāsīrehá sma me juṣetʰām /
Halfverse: c    
yád diví cakrátʰuḥ páyas ténémā́m úpa siñcatam //7//

Verse: 8 
Halfverse: a    
sī́te vándāmahe tvārvā́cī subʰage bʰava /
Halfverse: c    
yátʰā naḥ sumánā áso yátʰā naḥ supʰalā́ bʰúvaḥ //8//

Verse: 9 
Halfverse: a    
gʰr̥téna sī́tā mádʰunā sámaktā víśvair devaír ánumatā marúdbʰiḥ /
Halfverse: c    
sā́ naḥ sīte páyasābʰyā́vavr̥tsvórjasvatī gʰr̥távat pínvamānā //9//

Hymn: 18 
Verse: 1 
Halfverse: a    
imā́ṃ kʰanāmy óṣadʰiṃ vīrúdʰāṃ bálavattamām /
Halfverse: c    
yáyā sapátnīṃ bā́dʰate yáyā saṃvindáte pátim //1//

Verse: 2 
Halfverse: a    
úttānaparṇe súbʰage dévajūte sáhasvati /
Halfverse: c    
sapátnīṃ me párā ṇuda pátiṃ me kévalaṃ kr̥dʰi //2//

Verse: 3 
Halfverse: a    
nahí te nā́ma jagrā́ha asmín ramase pátau /
Halfverse: c    
párām evá parāvátaṃ sapátnīṃ gamayāmasi //3//

Verse: 4 
Halfverse: a    
úttarāhám uttara úttaréd úttarābʰyaḥ /
Halfverse: c    
adʰáḥ sapátnī yā́ mámā́dʰarā sā́dʰarābʰyaḥ //4//

Verse: 5 
Halfverse: a    
ahám asmi sáhamānā́tʰo tvám asi sāsahíḥ /
Halfverse: c    
ubʰé sáhasvatī bʰūtvā́ sapátnīṃ me sahāvahai //5//

Verse: 6 
Halfverse: a    
abʰí te 'dʰāṃ sáhamānām úpa te 'dʰāṃ sáhīyasīm /
Halfverse: c    
mā́m ánu prá te máno vatsáṃ gaúr iva dʰāvatu patʰā́ vā́r iva dʰāvatu //6//

Hymn: 19 
Verse: 1 
Halfverse: a    
sáṃśitaṃ ma idáṃ bráhma sáṃśitaṃ vīryà1ṃ bálam /
Halfverse: c    
sáṃśitaṃ kṣatrám ajáram astu jiṣṇúr yéṣām asmi puróhitaḥ //1//

Verse: 2 
Halfverse: a    
sám ahám eṣā́ṃ rāṣṭráṃ syāmi sám ójo vīryà1ṃ bálam /
Halfverse: c    
vr̥ścā́mi śátrūṇāṃ bāhū́n anéna havíṣā ahám //2//

Verse: 3 
Halfverse: a    
nīcaíḥ padyantām ádʰare bʰavantu naḥ sūríṃ magʰávānaṃ pr̥tanyā́n /
Halfverse: c    
kṣiṇā́mi bráhmaṇāmítrān ún nayāmi svā́n ahám //3//

Verse: 4 
Halfverse: a    
tī́kṣṇīyāṃsaḥ paraśór agnés tīkṣṇátarā utá /
Halfverse: c    
índrasya vájrāt tī́kṣṇīyāṃso yéṣām ásmi puróhitaḥ //4//

Verse: 5 
Halfverse: a    
eṣā́m ahám ā́yudʰā sáṃ syāmy eṣā́ṃ rāṣṭráṃ suvī́raṃ vardʰayāmi /
Halfverse: c    
eṣā́m kṣatrám ajáram astu jiṣṇv èṣā́ṃ cittáṃ víśve 'vantu devā́ḥ //5//

Verse: 6 
Halfverse: a    
úd dʰarṣantāṃ magʰavan vā́jināny úd vīrā́ṇāṃ jáyatām etu gʰóṣaḥ /
Halfverse: c    
pŕ̥tʰag gʰóṣā ululáyaḥ ketumánta úd īratām /
Halfverse: e    
devā́ índrajyeṣṭʰā marúto yantu sénayā //6//

Verse: 7 
Halfverse: a    
prétā jáyatā nara ugrā́ vaḥ santu bāhávaḥ /
Halfverse: c    
tīkṣṇéṣavo 'baládʰanvano hatogrā́yudʰā abalā́n ugrábāhavaḥ //7//

Verse: 8 
Halfverse: a    
ávasr̥ṣṭā párā pata śáravye bráhmasaṃśite /
Halfverse: c    
jáya amítrān prá padyasva jahy èṣāṃ váraṃvaraṃ mā́mī́ṣāṃ moci káś caná //8//

Hymn: 20 
Verse: 1 
Halfverse: a    
ayáṃ te yónir r̥tvíyo yáto jātó árocatʰāḥ /
Halfverse: c    
táṃ jānánn agna ā́ rohā́dʰā no vardʰaya rayím //1//

Verse: 2 
Halfverse: a    
ágne ácʰā vadehá naḥ pratyáṅ naḥ sumánā bʰava /
Halfverse: c    
prá ṇo yacʰa viśāṃ pate dʰanadā́ asi nas tvám //2//

Verse: 3 
Halfverse: a    
prá ṇo yacʰatv aryamā́ prá bʰágaḥ prá bŕ̥haspátiḥ /
Halfverse: c    
prá devī́ḥ prótá sūnŕ̥tā rayíṃ devī́ dadʰātu me //3//

Verse: 4 
Halfverse: a    
sómaṃ rā́jānam ávase 'gníṃ gīrbʰír havāmahe /
Halfverse: c    
ādityám víṣṇum sū́ryaṃ brahmā́ṇaṃ ca bŕ̥haspátim //4//

Verse: 5 
Halfverse: a    
tváṃ no agne agníbʰir bráhma yajñáṃ vardʰaya /
Halfverse: c    
tváṃ no deva dā́tave rayíṃ dā́nāya codaya //5//

Verse: 6 
Halfverse: a    
indravāyū́ ubʰā́v ihá suhávehá havāmahe /
Halfverse: c    
yátʰā naḥ sárva íj jánaḥ sáṃgatyāṃ sumánā asad dā́nakāmaś ca no bʰúvat //6//

Verse: 7 
Halfverse: a    
aryamáṇaṃ bŕ̥haspátim índraṃ dā́nāya codaya /
Halfverse: c    
vā́taṃ víṣṇuṃ sárasvatīṃ savitā́raṃ ca vājínam //7//

Verse: 8 
Halfverse: a    
vā́jasya prasavé sáṃ babʰūvimemā́ ca víśvā bʰúvanāni antáḥ /
Halfverse: c    
utā́ditsantaṃ dāpayatu prajānán rayíṃ ca naḥ sárvavīraṃ yacʰa //8//

Verse: 9 
Halfverse: a    
duhrā́m me páñca pradíṣo duhrā́m urvī́r yatʰābalám /
Halfverse: c    
prā́peyaṃ sárvā ā́kūtīr mánasā hŕ̥dayena ca //9//

Verse: 10 
Halfverse: a    
gosániṃ vā́cam udeyaṃ várcasā mābʰyúdihi /
Halfverse: c    
ā́ rundʰāṃ sarváto vāyús tváṣṭā póṣaṃ dadʰātu me //10//

Hymn: 21 
Verse: 1 
Halfverse: a    
agnáyo apsv à1ntár vr̥tré púruṣe áśmasu /
Halfverse: c    
āvivéśóṣadʰīr vánaspátīṃs tébʰyo agníbʰyo hutám astv etát //1//

Verse: 2 
Halfverse: a    
yáḥ sóme antár góṣv antár ā́viṣṭo váyaḥsu mr̥géṣu /
Halfverse: c    
āvivéśa dvipádo yás cátuṣpadas tébʰyo agníbʰyo hutám astv etát //2//

Verse: 3 
Halfverse: a    
índreṇa sarátʰaṃ yā́ti devó vaiśvānará utá viśvadāvyàḥ /
Halfverse: c    
yáṃ jóhavīmi pŕ̥tanāsu sāsahíṃ tébʰyo agníbʰyo hutám astv etát //3//

Verse: 4 
Halfverse: a    
devó viśvā́d yám u kā́mam āhúr yáṃ dātā́raṃ pratigr̥hṇántam āhúḥ /
Halfverse: c    
dʰī́raḥ śakráḥ paribʰū́r ádābʰyas tébʰyo agníbʰyo hutám astv etát //4//

Verse: 5 
Halfverse: a    
yáṃ tvā hótāraṃ mánasābʰí saṃvidús tráyodaśa bʰauvanā́ḥ páñca mānavā́ḥ /
Halfverse: c    
varcodʰáse yaśáse sūnŕ̥tāvate tébʰyo agníbʰyo hutám astv etát //5//

Verse: 6 
Halfverse: a    
ukṣā́nnāya vaśā́nnāya sómapr̥ṣṭʰāya vedʰáse /
Halfverse: c    
vaiśvānarájyeṣṭʰebʰyas tébʰyo agníbʰyo hutám astv etát //6//

Verse: 7 
Halfverse: a    
dívaṃ pr̥tʰivī́m ánv antárikṣam vidyútam anusaṃcáranti /
Halfverse: c    
dikṣv à1ntár vā́te antás tébʰyo agníbʰyo hutám astv etát //7//

Verse: 8 
Halfverse: a    
híraṇyapāṇiṃ savitā́ram índraṃ bŕ̥haspátiṃ váruṇaṃ mitrám agním /
Halfverse: c    
víśvān devā́n áṅgiraso havāmahe imáṃ kravyā́daṃ śamayantv agním //8//

Verse: 9 
Halfverse: a    
śāntó agníḥ kravyā́c cʰāntáḥ puruṣaréṣaṇaḥ /
Halfverse: c    
átʰo viśvadāvyà1s táṃ kravyā́dam aśīśamam //9//

Verse: 10 
Halfverse: a    
párvatāḥ sómapr̥ṣṭʰā ā́pa uttānaśī́varīḥ /
Halfverse: c    
vā́taḥ parjánya ā́d agnís kravyā́dam aśīśaman //10//

Hymn: 22 
Verse: 1 
Halfverse: a    
hastivarcasáṃ pratʰatāṃ br̥hád yáśo ádityā yát tanvàḥ saṃbabʰū́va /
Halfverse: c    
tát sarve sám adur máhyam etád víśve devā́ áditiḥ sajóṣāḥ //1//

Verse: 2 
Halfverse: a    
mitráś ca váruṇaś céndro rudráś ca cetatu /
Halfverse: c    
devā́so viśvádʰāyasas māñjantu várcasā //2//

Verse: 3 
Halfverse: a    
yéna hastī́ várcasā saṃbabʰū́va yéna rā́jā manuṣyèsv apsv à1ntáḥ /
Halfverse: c    
yéna devā́ devátām ágra ā́yan téna mā́m adyá várcasā́gne varcasvínaṃ kr̥ṇu //3//

Verse: 4 
Halfverse: a    
yát te várco jātavedo br̥hád bʰávaty ā́huteḥ /
Halfverse: c    
yā́vat sū́ryasya várca āsurásya ca hastínaḥ /
Halfverse: e    
tā́van me aśvínā várca ā́ dʰattāṃ púṣkarasrajā //4//

Verse: 5 
Halfverse: a    
yā́vac cátasraḥ pradíśaś cákṣur yā́vat samaśnuté /
Halfverse: c    
tā́vat samaítv indriyáṃ máyi tád dʰastivarcasám //5//

Verse: 6 
Halfverse: a    
hastī́ mr̥gā́ṇāṃ suṣádām atiṣṭʰā́vān babʰū́va /
Halfverse: c    
tásya bʰágena várcasābʰí ṣiñcāmi mā́m ahám //6//

Hymn: 23 
Verse: 1 
Halfverse: a    
yéna vehád babʰū́vitʰa nāśáyāmasi tát tvát /
Halfverse: c    
idáṃ tád anyátra tvád ápa dūré dadʰmasi //1//

Verse: 2 
Halfverse: a    
ā́ te yóniṃ gárbʰa etu púmān bā́ṇa iveṣudʰím /
Halfverse: c    
ā́ vīró 'tra jāyatāṃ putrás te dáśamāsyaḥ //2//

Verse: 3 
Halfverse: a    
púmāṃsaṃ putráṃ janaya táṃ púmān ánu jāyatām /
Halfverse: c    
bʰávāsi putrā́ṇāṃ mātā́ jātā́nāṃ janáyāś ca yā́n //3//

Verse: 4 
Halfverse: a    
yā́ni badrā́ṇi bī́jāny r̥ṣabʰā́ janáyanti ca /
Halfverse: c    
taís tváṃ putráṃ vindasva sā́ prasū́r dʰénukā bʰava //4//

Verse: 5 
Halfverse: a    
kr̥ṇómi te prājāpatyám ā́ yóniṃ gárbʰa etu te /
Halfverse: c    
vindásva tváṃ putráṃ nāri yás túbʰyaṃ śám ásac cʰám u tásmai tvám bʰáva //5//

Verse: 6 
Halfverse: a    
yā́sām dyaúḥ pitā́ pr̥tʰivī́ mātā́ samudró mū́laṃ vīrúdʰāṃ babʰū́va /
Halfverse: c    
tā́s tvā putravídyāya daívīḥ prā́vantv óṣadʰayaḥ //6//

Hymn: 24 
Verse: 1 
Halfverse: a    
páyasvatīr óṣadʰayaḥ páyasvan māmakáṃ vácaḥ /
Halfverse: c    
átʰo páyasvatīnām ā́ bʰare 'háṃ sahasraśáḥ //1//

Verse: 2 
Halfverse: a    
védāháṃ páyasvantaṃ cakā́ra dʰānyàm bahú /
Halfverse: c    
saṃbʰŕ̥tvā nā́ma devás táṃ vayáṃ havāmahe yóyo áyajvano gr̥hé //2//

Verse: 3 
Halfverse: a    
imā́ yā́ḥ páñca pradíśo mānavī́ḥ páñca kr̥ṣṭáyaḥ /
Halfverse: c    
vr̥ṣṭé śā́paṃ nadī́r ivehá spʰātíṃ samā́vahān //3//

Verse: 4 
Halfverse: a    
úd útsaṃ śatádʰāraṃ sahásradʰāram ákṣitam /
Halfverse: c    
evā́smā́kedáṃ dʰānyàṃ sahásradʰāram ákṣitam //4//

Verse: 5 
Halfverse: a    
śátahasta samā́hara sáhasrahasta sáṃ kira /
Halfverse: c    
kr̥tásya kāryàsya cehá spʰātíṃ samā́vaha //5//

Verse: 6 
Halfverse: a    
tisró mā́trā gandʰarvā́ṇāṃ cátasro gr̥hápatnyāḥ /
Halfverse: c    
tā́sāṃ yā́ spʰātimáttamā táyā tvābʰí mr̥śāmasi //6//

Verse: 7 
Halfverse: a    
upoháś ca samūháś ca kṣattā́rau te prajāpate /
Halfverse: c    
tā́v ihā́ vahatāṃ spʰātíṃ bahúṃ bʰūmā́nam ákṣitam //7//

Hymn: 25 
Verse: 1 
Halfverse: a    
uttudás tvót tudatu mā́ dʰr̥tʰāḥ śáyane své /
Halfverse: c    
íṣuḥ kā́masya yā́ bʰīmā́ táyā vidʰyāmi tvā hr̥dí //1//

Verse: 2 
Halfverse: a    
ādʰī́parṇāṃ kā́maśalyām íṣuṃ saṃkalpákulmalām /
Halfverse: c    
tā́ṃ súsaṃnatāṃ kr̥tvā́ kā́mo vidʰyatu tvā hr̥dí //2//

Verse: 3 
Halfverse: a    
yā́ plīhā́naṃ śoṣáyati kā́masyéṣuḥ súsaṃnatā /
Halfverse: c    
prācī́napakṣā vyòṣā táyā vidʰyāmi tvā hr̥dí //3//

Verse: 4 
Halfverse: a    
śucā́ viddʰā́ vyòṣayā śúṣkāsyābʰí sarpa /
Halfverse: c    
mr̥dúr nímanyuḥ kévalī priyavādíny ánuvratā //4//

Verse: 5 
Halfverse: a    
ā́jāmi tvā́janyā pári mātúr átʰo pitúḥ /
Halfverse: c    
yátʰā máma krátāv áso máma cittám upā́yasi //5//

Verse: 6 
Halfverse: a    
vy àsyai mitrāvaruṇau hr̥dáś cittā́ny asyatam /
Halfverse: c    
átʰainām akratúṃ kr̥tvā́ mámaivá kr̥ṇutaṃ váśe //6//

Hymn: 26 
Verse: 1 
Halfverse: a    
yè3 'syā́ṃ stʰá prā́cyāṃ diśí hetáyo nā́ma devā́s téṣāṃ vo agnír iṣavaḥ /
Halfverse: c    
no mr̥ḍata 'dʰi brūta tébʰyo vo námas tébʰyo vaḥ svā́hā //1//

Verse: 2 
Halfverse: a    
yè3 'syā́ṃ stʰá dákṣiṇāyāṃ diśy àviṣyávo nā́ma devā́s téṣāṃ vaḥ kā́ma íṣavaḥ /
Halfverse: c    
no mr̥ḍata 'dʰi brūta tébʰyo vo námas tébʰyo vaḥ svā́hā //2//

Verse: 3 
Halfverse: a    
yè3 'syā́ṃ stʰá pratī́cyāṃ diśí vairājā́ nā́ma devā́s téṣāṃ va ā́pa íṣavaḥ /
Halfverse: c    
no mr̥ḍata 'dʰi brūta tébʰyo vo námas tébʰyo vaḥ svā́hā //3//

Verse: 4 
Halfverse: a    
yè3 'syā́ṃ stʰódīcyāṃ diśí pravídʰyanto nā́ma devā́s téṣāṃ vo vā́ta íṣavaḥ /
Halfverse: c    
no mr̥ḍata 'dʰi brūta tébʰyo vo námas tébʰyo vaḥ svā́hā //4//

Verse: 5 
Halfverse: a    
yè3 'syā́ṃ stʰá dʰruvā́yāṃ diśí nilimpā́ nā́ma devā́s téṣāṃ va óṣadʰīr íṣavaḥ /
Halfverse: c    
no mr̥ḍata 'dʰi brūta tébʰyo vo námas tébʰyo vaḥ svā́hā //5//

Verse: 6 
Halfverse: a    
yè3 'syā́ṃ stʰórdʰvā́yāṃ diśy ávasvanto nā́ma devā́s téṣāṃ vo bŕ̥haspátir íṣavaḥ /
Halfverse: c    
no mr̥ḍata 'dʰi brūta tébʰyo vo námas tébʰyo vaḥ svā́hā //6//

Hymn: 27 
Verse: 1 
Halfverse: a    
prā́cī díg agnír ádʰipatir asitó rakṣitā́dityā́ íṣavaḥ /
Halfverse: c    
tébʰyo námó 'dʰipatibʰyo námo rakṣitŕ̥bʰyo náma íṣubʰyo náma ebʰyo astu /
Halfverse: e    
yò3 'smā́n dvéṣṭi yáṃ vayáṃ dviṣmás táṃ vo jámbʰe dadʰmaḥ //1//

Verse: 2 
Halfverse: a    
dákṣiṇā díg índro 'dʰipatis tíraścirājī rakṣitā́ pitára íṣavaḥ /
Halfverse: c    
tébʰyo námo 'dʰipatibʰyo námo rakṣitŕ̥bʰyo náma íṣubʰyo náma ebʰyo astu /
Halfverse: e    
yò3 'smā́n dvéṣṭi yáṃ vayáṃ dviṣmás táṃ vo jámbʰe dadʰmaḥ //2//

Verse: 3 
Halfverse: a    
pratī́cī díg váruṇó 'dʰipatiḥ pŕ̥dākū rakṣitā́nnam íṣavaḥ /
Halfverse: c    
tébʰyo námo 'dʰipatibʰyo námo rakṣitŕ̥bʰyo náma íṣubʰyo náma ebʰyo astu /
Halfverse: e    
yò3 'smā́n dvéṣṭi yáṃ vayáṃ dviṣmás táṃ vo jámbʰe dadʰmaḥ //3//

Verse: 4 
Halfverse: a    
údīcī dík sómó 'dʰipatiḥ svajó rakṣitā́śánir íṣavaḥ /
Halfverse: c    
tébʰyo námo 'dʰipatibʰyo námo rakṣitŕ̥bʰyo náma íṣubʰyo náma ebʰyo astu /
Halfverse: e    
yò3 'smā́n dvéṣṭi yáṃ vayáṃ dviṣmás táṃ vo jámbʰe dadʰmaḥ //4//

Verse: 5 
Halfverse: a    
dʰruvā́ díg víṣṇur ádʰipatiḥ kalmā́ṣagrīvo rakṣitā́ vīrúdʰa íṣavaḥ /
Halfverse: c    
tébʰyo námo 'dʰipatibʰyo námo rakṣitŕ̥bʰyo náma íṣubʰyo náma ebʰyo astu /
Halfverse: e    
yò3 'smā́n dvéṣṭi yáṃ vayám dviṣmás táṃ vo jámbʰe dadʰmaḥ //5//

Verse: 6 
Halfverse: a    
ūrdʰvā́ díg bŕ̥haspátir ádʰipatiḥ śvitró rakṣitā́ varṣám íṣavaḥ /
Halfverse: c    
tébʰyo námo 'dʰipatibʰyo námo rakṣitŕ̥bʰyo náma íṣubʰyo náma ebʰyo astu /
Halfverse: e    
yò3 'smā́n dvéṣṭi yáṃ vayáṃ dviṣmás táṃ vo jámbʰe dadʰmaḥ //6//

Hymn: 28 
Verse: 1 
Halfverse: a    
ékaikayaiṣā́ sŕ̥ṣṭyā sáṃ babʰūva yátra gā́ ásr̥janta bʰūtakŕ̥to viśvárūpāḥ /
Halfverse: c    
yátra vijā́yate yamíny apartúḥ sā́ paśū́n kṣiṇāti ripʰatī́ rúśatī //1//

Verse: 2 
Halfverse: a    
eṣā́ paśū́nt sáṃ kṣiṇāti kravyā́d bʰūtvā́ vyádvarī /
Halfverse: c    
utaínāṃ brahmáṇe dadyāt tátʰā syonā́ śivā́ syāt //2//

Verse: 3 
Halfverse: a    
śivā́ bʰava púruṣebʰyo góbʰyo áśvebʰyaḥ śivā́ /
Halfverse: c    
śivā́smaí sárvasmai kṣétrāya śivā́ na ihaídʰi //3//

Verse: 4 
Halfverse: a    
ihá púṣṭir ihá rása ihá sahasrasā́tamā bʰava /
Halfverse: c    
paśū́n yamini poṣaya //4//

Verse: 5 
Halfverse: a    
yátrā suhā́rdaḥ sukŕ̥to mádanti vihā́ya rógaṃ tanvà1ḥ svā́yāḥ /
Halfverse: c    
táṃ lokáṃ yamíny abʰisáṃbabʰūva sā́ no mā́ hiṃsīt púruṣān paśū́ṃś ca //5//

Verse: 6 
Halfverse: a    
yátrā suhā́rdāṃ sukŕ̥tām agnihotrahútām yátra lokáḥ /
Halfverse: c    
táṃ lokáṃ yamíny abʰisáṃbabʰūva sā́ no mā́ hiṃsīt púruṣān paśū́ṃś ca //6//

Hymn: 29 
Verse: 1 
Halfverse: a    
yád rā́jāno vibʰájanta iṣṭāpūrtásya ṣoḍaśám yamásyāmī́ sabʰāsádaḥ /
Halfverse: c    
ávis tásmāt prá muñcati dattáḥ śitipā́t svadʰā́ //1//

Verse: 2 
Halfverse: a    
sárvān kā́mān pūrayaty ābʰávan prabʰávan bʰávan /
Halfverse: c    
ākūtipró 'vir dattáḥ śitipā́nn nópa dasyati //2//

Verse: 3 
Halfverse: a    
dádāti śitipā́dam áviṃ lokéna sáṃmitam /
Halfverse: c    
nā́kam abʰyā́rohati yátra śulkó kriyáte abaléna bálīyase //3//

Verse: 4 
Halfverse: a    
páñcāpūpaṃ śitipā́dam áviṃ lokéna sáṃmitam /
Halfverse: c    
pradātópa jīvati pitr̥̄ṇā́ṃ loké 'kṣitam //4//

Verse: 5 
Halfverse: a    
páñcāpūpaṃ śitipā́dam áviṃ lokéna sáṃmitam /
Halfverse: c    
pradātópa jīvati sūryāmāsáyor ákṣitam //5//

Verse: 6 
Halfverse: a    
íreva nópa dasyati samudrá iva páyo mahát /
Halfverse: c    
devaú savāsínāv iva śitipā́n nópa dasyati //6//

Verse: 7 
Halfverse: a    
idáṃ kásmā adāt kā́maḥ kā́māyādāt /
Halfverse: c    
kā́mo dātā́ kā́maḥ pratigrahītā́ kā́maḥ samudrám ā́ viveśa /
Halfverse: e    
kā́mena tvā práti gr̥hṇāmi kā́maitát te //7//

Verse: 8 
Halfverse: a    
bʰū́miṣ ṭvā práti gr̥hṇātv antárikṣam idáṃ mahát /
Halfverse: c    
mā́háṃ prāṇéna mā́tmánā mā́ prajáyā pratigŕ̥hya rādʰiṣi //8//

Hymn: 30 
Verse: 1 
Halfverse: a    
sáhr̥dayaṃ sāṃmanasyám ávidveṣaṃ kr̥ṇomi vaḥ /
Halfverse: c    
anyó anyám abʰí haryata vatsáṃ jātám ivāgʰnyā́ //1//

Verse: 2 
Halfverse: a    
ánuvrataḥ pitúḥ putró mātrā́ bʰavatu sáṃmanāḥ /
Halfverse: c    
jāyā́ pátye mádʰumatīṃ vā́caṃ vadatu śantivā́m //2//

Verse: 3 
Halfverse: a    
mā́ bʰrā́tā bʰrā́taraṃ dvikṣan mā́ svásāram utá svásā /
Halfverse: c    
samyáñcaḥ sávratā bʰūtvā́ vā́caṃ vadata bʰadráyā //3//

Verse: 4 
Halfverse: a    
yéna devā́ viyánti ca vidviṣáte mitʰáḥ /
Halfverse: c    
tát kr̥ṇmo bráhma vo gr̥hé saṃjñā́naṃ púruṣebʰyaḥ //4//

Verse: 5 
Halfverse: a    
jyā́yasvantaś cittíno mā́ yauṣṭa saṃrādʰáyantaḥ sádʰurāś cárantaḥ /
Halfverse: c    
anyó anyásmai valgú vádanta éta sadʰrīcī́nān vaḥ sáṃmanasas krṇomi //5//

Verse: 6 
Halfverse: a    
samānī́ prapā́ sahá vo 'nnabʰāgáḥ samāné yóktre sahá vo yunajmi /
Halfverse: c    
samyáñco 'gníṃ saparyatārā́ nā́bʰim ivābʰítaḥ //6//

Verse: 7 
Halfverse: a    
sadʰrīcī́nān vaḥ sáṃmanasas kr̥ṇomy ékaśnuṣṭīnt saṃvánanena sárvān /
Halfverse: c    
devā́ ivāmŕ̥taṃ rákṣamāṇāḥ sāyáṃprātaḥ saumanasó vo astu //7//

Hymn: 31 
Verse: 1 
Halfverse: a    
devā́ jarásāvr̥tan tvám agne árātyā /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //1//

Verse: 2 
Halfverse: a    
vy ā́rtyā pávamāno śakráḥ pāpakr̥tyáyā /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //2//

Verse: 3 
Halfverse: a    
grāmyā́ḥ paśáva āraṇyaír vy ā́pas tŕ̥ṣṇayāsaran /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //3//

Verse: 4 
Halfverse: a    
vī̀3 dyā́vāpr̥tʰivī́ itó pántʰāno díśaṃdiśam /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //4//

Verse: 5 
Halfverse: a    
tváṣṭā duhitré vahatúṃ yunaktī́tīdáṃ víśvaṃ bʰúvanaṃ yāti /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //5//

Verse: 6 
Halfverse: a    
agníḥ prāṇā́nt sáṃ dadʰāti candráḥ prāṇéna sáṃhitaḥ /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //6//

Verse: 7 
Halfverse: a    
prāṇéna viśvátovīryaṃ devā́ḥ sū́ryaṃ sám airayan /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //7//

Verse: 8 
Halfverse: a    
ā́yuṣmatām āyuṣkŕ̥tāṃ prāṇéna jīva mā́ mr̥tʰāḥ /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //8//

Verse: 9 
Halfverse: a    
prāṇéna prāṇatā́ṃ prā́ṇehaívá bʰava mā́ mr̥tʰāḥ /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //9//

Verse: 10 
Halfverse: a    
úd ā́yuṣā sám ā́yuṣód óṣadʰīnāṃ rásena /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //10//

Verse: 11 
Halfverse: a    
ā́ parjányasya vr̥ṣṭyód astʰāmāmŕ̥tā vayám /
Halfverse: c    
vy à1háṃ sárveṇa pāpmánā yákṣmeṇa sám ā́yuṣā //11//



Book: 4 
4
Hymn: 1 


Verse: 1 
Halfverse: a    
bráhma jajñānáṃ pratʰamáṃ purástād sīmatáḥ surúco vená āvaḥ /
Halfverse: c    
budʰnyā̀ upamā́ asya viṣṭʰā́ḥ satáś ca yónim ásataś ca vaḥ //1//

Verse: 2 
Halfverse: a    
iyáṃ pítryā rā́ṣṭry etv ágre pratʰamā́ya janúṣe bʰuvaneṣṭʰā́ḥ /
Halfverse: c    
tásmā etáṃ surúcaṃ hvārám ahyaṃ gʰarmáṃ śrīṇantu pratʰamā́ya dʰāsyáve //2//

Verse: 3 
Halfverse: a    
prá jajñé vidvā́n asya bándʰur víśvā devā́nāṃ jánimā vivakti /
Halfverse: c    
bráhma bráhmaṇa új jabʰāra mádʰyān nicaír uccaíḥ svadʰā́ abʰí prá tastʰau //3//

Verse: 4 
Halfverse: a    
vidáḥ pr̥tʰivyā́ r̥tastʰā́ mahī́ kṣémaṃ ródasī askabʰāyat /
Halfverse: c    
mahā́n mahī́ áskabʰāyad jātó dyā́ṃ sádma pā́rtʰivaṃ ca rájaḥ //4//

Verse: 5 
Halfverse: a    
bʰudʰnyā́d āṣṭra janúṣo 'bʰy ágram bŕ̥haspátir devátā tásya samrā́ṭ /
Halfverse: c    
áhar yác cʰukráṃ jyótiṣo jániṣṭā́tʰa dyumánto vasantu víprāḥ //5//

Verse: 6 
Halfverse: a    
nūnáṃ tád asya kāvyó hinoti mahó devásya pūrvyásya dʰā́ma /
Halfverse: c    
eṣá jajñe bahúbʰiḥ sākám ittʰā́ pū́rve árdʰe víṣite sasán //6//

Verse: 7 
Halfverse: a    
'tʰarvāṇaṃ pitáraṃ devábandʰuṃ bŕ̥haspátiṃ námasā́va ca gácʰāt /
Halfverse: c    
tváṃ víśveṣāṃ janitā́ yátʰā́saḥ kavír devó dábʰāyat svadʰā́vān //7//

Hymn: 2 
Verse: 1 
Halfverse: a    
ātmadā́ baladā́ yásya víśva upā́sate praśíṣaṃ yásya devā́ḥ /
Halfverse: c    
yò3 'syéśe dvipádo yáś cátuṣpadaḥ kásmai devā́ya havíṣā vidʰema //1//

Verse: 2 
Halfverse: a    
yáḥ prāṇató nimiṣató mahitvaíko rā́jā jágato babʰū́va /
Halfverse: c    
yásya cʰāyā́mŕ̥taṃ yásya mr̥tyúḥ kásmai devā́ya havíṣā vidʰema //2//

Verse: 3 
Halfverse: a    
yáṃ krándasī ávataś caskabʰāné bʰiyásāne ródasī áhvayetʰām /
Halfverse: c    
yásyāsaú pántʰā rájaso vimā́naḥ kásmai devā́ya havíṣā vidʰema //3//

Verse: 4 
Halfverse: a    
yásya dyaúr urvī́ pr̥tʰivī́ ca mahī́ yásyādá urv àntárikṣam /
Halfverse: c    
yásyāsaú sū́ro vítato mahitvā́ kásmai devā́ya havíṣā vidʰema //4//

Verse: 5 
Halfverse: a    
yásya víśve himávanto mahitvā́ samudré yásya rasā́m íd āhúḥ /
Halfverse: c    
imā́ś ca pradíśo yásya bāhū́ kásmai devā́ya havíṣā vidʰema //5//

Verse: 6 
Halfverse: a    
ā́po ágre víśvam āvan gárbʰaṃ dádʰānā amŕ̥tā r̥tajñā́ḥ /
Halfverse: c    
yā́su devī́ṣv ádʰi devá ā́sīt kásmai devā́ya havíṣā vidʰema //6//

Verse: 7 
Halfverse: a    
hiraṇyagarbʰáḥ sám avartatā́gre bʰūtásya jātáḥ pátir éka āsīt /
Halfverse: c    
dādʰāra pr̥tʰivī́m utá dyā́ṃ kásmai devā́ya havíṣā vidʰema //7//

Verse: 8 
Halfverse: a    
ā́po vatsáṃ janáyantīr gárbʰam ágre sám airayan /
Halfverse: c    
tásyotá jā́yamānasyólba āsīd dʰiraṇyáyaḥ kásmai devā́ya havíṣā vidʰema //8//

Hymn: 3 
Verse: 1 
Halfverse: a    
úd itás tráyo akraman vyāgʰráḥ púruṣo vŕ̥kaḥ /
Halfverse: c    
hírug gʰí yánti síndʰavo hírug devó vánaspátir híruṅ namantu śátravaḥ //1//

Verse: 2 
Halfverse: a    
páreṇaitu patʰā́ vŕ̥kaḥ paraméṇotá táskaraḥ /
Halfverse: c    
páreṇa datvátī rájjuḥ páreṇāgʰāyúr arṣatu //2//

Verse: 3 
Halfverse: a    
akṣyaù ca te múkʰaṃ ca te vyā́gʰra jambʰayāmasi /
Halfverse: c    
ā́t sárvān viṃśatíṃ nakʰā́n //3//

Verse: 4 
Halfverse: a    
vyāgʰráṃ datvátāṃ vayáṃ pratʰamáṃ jambʰayāmasi /
Halfverse: c    
ā́d u ṣṭenám átʰo áhiṃ yātudʰā́nam átʰo vŕ̥kam //4//

Verse: 5 
Halfverse: a    
adyá stená ā́yati sáṃpiṣṭo ápāyati /
Halfverse: c    
patʰā́m apadʰvaṃsénaitv índro vájreṇa hantu tám //5//

Verse: 6 
Halfverse: a    
mūrṇā́ mr̥gásya dántā ápiśīrṇā u pr̥ṣṭáyaḥ /
Halfverse: c    
nimrúk te godʰā́ bʰavatu nīcā́yac cʰaśayúr mr̥gáḥ //6//

Verse: 7 
Halfverse: a    
yát saṃyámo yamo yamo yán saṃyámaḥ /
Halfverse: c    
indrajā́ḥ somajā́ ātʰarvaṇám asi vyāgʰrajámbʰanam //7//

Hymn: 4 
Verse: 1 
Halfverse: a    
yā́ṃ tvā gandʰarvó ákʰanad váruṇāya mr̥tábʰraje /
Halfverse: c    
tā́ṃ tvā vayáṃ kʰanāmasy óṣadʰiṃ śepahárṣaṇīm //1//

Verse: 2 
Halfverse: a    
úd uṣā́ úd u sū́rya úd idáṃ māmakáṃ vácaḥ /
Halfverse: c    
úd ejatu prajā́patir vŕ̥ṣā śúṣmeṇa vājínā //2//

Verse: 3 
Halfverse: a    
yátʰā sma te viróhato 'bʰítaptam ivā́nati /
Halfverse: c    
tátas te śúṣmavattaram iyáṃ kr̥ṇotv óṣadʰiḥ //3//

Verse: 4 
Halfverse: a    
úc cʰúṣmaúṣadʰīnāṃ sā́rā r̥ṣabʰā́ṇām /
Halfverse: c    
sáṃ puṃsā́m indra vŕ̥ṣṇyam asmín dʰehi tanūvaśin //4//

Verse: 5 
Halfverse: a    
apā́ṃ rásaḥ pratʰamajó 'tʰo vánaspátīnām /
Halfverse: c    
utá sómasya bʰrā́tāsy utā́rśám asi vŕ̥ṣṇyam //5//

Verse: 6 
Halfverse: a    
adyā́gne adyá savitar adyá devi sarasvati /
Halfverse: c    
adyā́syá brahmaṇas pate dʰánur ivā́ tānayā pásaḥ //6//

Verse: 7 
Halfverse: a    
ā́háṃ tanomi te páso ádʰi jyā́m iva dʰánvani /
Halfverse: c    
krámasvárśa iva rohítam ánavaglāyatā sádā //7//

Verse: 8 
Halfverse: a    
áśvasyāśvatarásyājásya pétvasya ca /
Halfverse: c    
átʰa r̥ṣabʰásya vā́jās tā́n asmín dʰehi tanūvaśin //8//

Hymn: 5 
Verse: 1 
Halfverse: a    
sahásraśr̥ṅgo vr̥ṣabʰó yáḥ samudrā́d udā́carat /
Halfverse: c    
ténā sahasyènā vayáṃ jánānt svāpayāmasi //1//

Verse: 2 
Halfverse: a    
bʰū́miṃ vā́to áti vāti nā́ti paśyati káś caná /
Halfverse: c    
stríyaś ca sárvāḥ svāpáya śúnaś céndrasakʰā cáran //2//

Verse: 3 
Halfverse: a    
proṣṭʰeśayā́s talpeśayā́ nā́rīr yā́ vahyaśī́varīḥ /
Halfverse: c    
stríyo yā́ḥ púṇyagandʰayas tā́ḥ sárvāḥ svāpayāmasi //3//

Verse: 4 
Halfverse: a    
éjadejad ajagrabʰaṃ cákṣuḥ prāṇám ajagrabʰam /
Halfverse: c    
áṅgāny ajagrabʰaṃ sárvā rā́trīṇām atiśarvaré //4//

Verse: 5 
Halfverse: a    
ā́ste yáś cárati yáś ca tíṣṭʰan vipáśyati /
Halfverse: c    
téṣāṃ sáṃ dadʰmo ákṣīṇi yátʰedáṃ harmyáṃ tátʰā //5//

Verse: 6 
Halfverse: a    
sváptu mātā́ sváptu pitā́ sváptu śvā́ sváptu viśpátiḥ /
Halfverse: c    
svápantv asyai jñātáyaḥ sváptv ayám abʰíto jánaḥ //6//

Verse: 7 
Halfverse: a    
svápna svapnābʰikáraṇena sárvaṃ svāpayā jánam /
Halfverse: c    
otsūryám anyā́nt svāpáyāvyuṣáṃ jāgr̥tād ahám índra ivā́riṣṭo ákṣitaḥ //7//

Hymn: 6 
Verse: 1 
Halfverse: a    
brāhmaṇó jajñe pratʰamó dáśaśīrṣo dáśāsyaḥ /
Halfverse: c    
sómaṃ pratʰamáḥ papau cakārārasáṃ viṣám //1//

Verse: 2 
Halfverse: a    
yā́vatī dyā́vāpr̥tʰivī́ varimṇā́ yā́vat saptá síndʰavo vitaṣṭʰiré /
Halfverse: c    
vā́caṃ viṣásya dū́ṣaṇīṃ tā́m itó nír avādiṣam //2//

Verse: 3 
Halfverse: a    
suparṇás tvā garútmān víṣa pratʰamám āvayat /
Halfverse: c    
nā́mīmado nā́rūrupa utā́smā abʰavaḥ pitúḥ //3//

Verse: 4 
Halfverse: a    
yás ta ā́syat páñcāṅgurir vakrā́c cid ádʰi dʰánvanaḥ /
Halfverse: c    
apaskambʰásya śalyā́n nír avocam aháṃ viṣám //4//

Verse: 5 
Halfverse: a    
śalyā́d viṣáṃ nír avocam prā́ñjanād utá parṇadʰéḥ /
Halfverse: c    
apāṣṭʰā́c cʰŕ̥ṅgāt kúlmalān nír avocam ahám viṣám //5//

Verse: 6 
Halfverse: a    
arasás ta iṣo śalyó 'tʰo te arasáṃ viṣám /
Halfverse: c    
utā́rasásya vr̥kṣásya dʰánuṣ ṭe arasārasám //6//

Verse: 7 
Halfverse: a    
ápīṣan ádihan ā́syan avā́sr̥jan /
Halfverse: c    
sárve te vádʰrayaḥ kr̥tā́ vádʰrir viṣagiríḥ kr̥táḥ //7//

Verse: 8 
Halfverse: a    
vádʰrayas te kʰanitā́ro vádʰris tvám asy oṣadʰe /
Halfverse: c    
vádʰriḥ párvato girír yáto jātám idáṃ viṣám //8//

Hymn: 7 
Verse: 1 
Halfverse: a    
vā́r idám vārayātai varaṇā́vatyām ádʰi /
Halfverse: c    
tátrāmŕ̥tasyā́siktaṃ ténā te vāraye viṣám //1//

Verse: 2 
Halfverse: a    
arasáṃ prācyàṃ viṣám arasáṃ yád udīcyàm /
Halfverse: c    
átʰedám adʰarācyàṃ karambʰéṇa kalpate //2//

Verse: 3 
Halfverse: a    
karambʰáṃ kr̥tvā́ tiryàṃ pībaspākám udāratʰím /
Halfverse: c    
kṣudʰā́ kíla tvā duṣṭano jakṣivā́nt rūrupaḥ //3//

Verse: 4 
Halfverse: a    
te mádaṃ madāvati śarám iva pātayāmasi /
Halfverse: c    
prá tvā carúm iva yéṣantaṃ vácasā stʰāpayāmasi //4//

Verse: 5 
Halfverse: a    
pári grā́mam ivā́citaṃ vácasā stʰāpayāmasi /
Halfverse: c    
tíṣṭʰā vr̥kṣá iva stʰā́mny ábʰrikʰāte rūrupaḥ //5//

Verse: 6 
Halfverse: a    
pavástais tvā páry akrīṇan dūrśébʰir ajínair utá /
Halfverse: c    
prakrī́r asi tvám oṣadʰé 'bʰrikʰāte rūrupaḥ //6//

Verse: 7 
Halfverse: a    
ánāptā vaḥ pratʰamā́ yā́ni kármāṇi cakriré /
Halfverse: c    
vīrā́n no átra mā́ dabʰan tád va etát puró dadʰe //7//

Hymn: 8 
Verse: 1 
Halfverse: a    
bʰūtó bʰūtéṣu páya ā́ dadʰāti bʰūtā́nām ádʰipatir babʰūva /
Halfverse: c    
tásya mr̥tyúś carati rājasū́yaṃ rā́jā ánu manyatām idáṃ //1//

Verse: 2 
Halfverse: a    
abʰí préhi mā́pa vena ugráś cettā́ sapatnahā́ /
Halfverse: c    
ā́ tiṣṭʰa mitravardʰana túbʰyam devā́ ádʰi bruvan //2//

Verse: 3 
Halfverse: a    
ātíṣṭʰantaṃ pári víśve abʰūṣaṃ cʰríyaṃ vásānaś carati svárociḥ /
Halfverse: c    
mahát tád vŕ̥ṣṇo ásurasya nā́mā́ viśvárūpo amŕ̥tāni tastʰau //3//

Verse: 4 
Halfverse: a    
vyāgʰró ádʰi vaíyāgʰre kramasva díśo mahī́ḥ /
Halfverse: c    
víśas tvā sárvā vāñcʰantv ā́po divyā́ḥ páyasvatīḥ //4//

Verse: 5 
Halfverse: a    
yā́ ā́po divyā́ḥ páyasā mádanty antárikṣa utá pr̥tʰivyā́m /
Halfverse: c    
tā́sāṃ tvā sárvāsām apā́m abʰí ṣiñcāmi várcasā //5//

Verse: 6 
Halfverse: a    
abʰí tvā várcasāsicann ā́po divyā́ḥ páyasvatīḥ /
Halfverse: c    
yátʰā́so mitravárdʰanas tátʰā tvā savitā́ karat //6//

Verse: 7 
Halfverse: a    
enā́ vyāgʰráṃ pariṣasvajānā́ḥ siṃháṃ hinvanti mahaté saúbʰagāya /
Halfverse: c    
samudráṃ na subʰúvas tastʰivā́ṃsaṃ marmr̥jyánte dvīpínam apsv à1ntáḥ //7//

Hymn: 9 
Verse: 1 
Halfverse: a    
éhi jīváṃ trā́yamāṇaṃ párvatasyāsy ákṣyam /
Halfverse: c    
víśvebʰir devaír dattáṃ paridʰír jī́vanāya kám //1//

Verse: 2 
Halfverse: a    
paripā́ṇaṃ púruṣāṇāṃ paripā́ṇaṃ gávāṃ asi /
Halfverse: c    
áśvānām árvatām paripā́ṇāya tastʰiṣe //2//

Verse: 3 
Halfverse: a    
utā́si paripā́ṇam yātujámbʰanam āñjana /
Halfverse: c    
utā́mŕ̥tasya tváṃ vettʰā́tʰo asi jīvabʰójanam átʰo haritabʰeṣajám //3//

Verse: 4 
Halfverse: a    
yásyāñjana prasárpasy áṅgamaṅgam páruṣparuḥ /
Halfverse: c    
táto yákṣmaṃ bādʰasa ugró madʰyamaśī́r iva //4//

Verse: 5 
Halfverse: a    
naínaṃ prā́pnoti śapátʰo kr̥tyā́ nā́bʰiśócanam /
Halfverse: c    
naínaṃ víṣkandʰam aśnute yás tvā bíbʰarty āñjana //5//

Verse: 6 
Halfverse: a    
asanmantrā́d duṣvápnyād duṣkr̥tā́c cʰámalād utá /
Halfverse: c    
durhā́rdaś cákṣuṣo gʰorā́t tásmān naḥ pāhy āñjana //6//

Verse: 7 
Halfverse: a    
idáṃ vidvā́n āñjana satyáṃ vakṣyāmi nā́nr̥tam /
Halfverse: c    
sanéyam áśvaṃ gā́m ahám ātmā́naṃ táva pūruṣa //7//

Verse: 8 
Halfverse: a    
tráyo dāsā́ ā́ñjanasya takmā́ balā́sa ā́d áhiḥ /
Halfverse: c    
várṣiṣṭʰaḥ párvatānāṃ trikakún nā́ma te pitā́ //8//

Verse: 9 
Halfverse: a    
yád ā́ñjanaṃ traikakudám jātáṃ himávatas pári /
Halfverse: c    
yātū́ṃś ca sárvāñ jambʰáyat sárvāś ca yātudʰānyàḥ //9//

Verse: 10 
Halfverse: a    
yádi vā́si traikakudáṃ yádi yāmunám ucyáse /
Halfverse: c    
ubʰé te bʰadré nā́mnī tā́bʰyāṃ naḥ pāhy āñjana //10//

Hymn: 10 
Verse: 1 
Halfverse: a    
vā́tāj jātó antárikṣād vidyúto jyótiṣas pári /
Halfverse: c    
no hiraṇyajā́ḥ śaṅkʰáḥ kŕ̥śanaḥ pātv áṃhasaḥ //1//

Verse: 2 
Halfverse: a    
agrató rocanā́nāṃ samudrā́d ádʰi jajñiṣé /
Halfverse: c    
śaṅkʰéna hatvā́ rákṣāṃsy attríṇo ṣahāmahe //2//

Verse: 3 
Halfverse: a    
śaṅkʰénā́mīvām ámatiṃ śaṅkʰénotá sadā́nvāḥ /
Halfverse: c    
śaṅkʰó no viśvábʰeṣajaḥ kŕ̥śanaḥ pātv áṃhasaḥ //3//

Verse: 4 
Halfverse: a    
diví jātáḥ samudrajáḥ sindʰutás páry ā́bʰr̥taḥ /
Halfverse: c    
no hiraṇyajā́ḥ śaṅkʰá āyuṣpratáraṇo maṇíḥ //4//

Verse: 5 
Halfverse: a    
samudrā́j jātó maṇír vr̥trā́j jātó divākaráḥ /
Halfverse: c    
asmā́nt sarvátaḥ pātu hetyā́ devāsurébʰyaḥ //5//

Verse: 6 
Halfverse: a    
híraṇyānām éko 'si sómāt tvám ádʰi jajñiṣe /
Halfverse: c    
rátʰe tvám asi darśatá iṣudʰaú rocanás tváṃ prá ṇa ā́yūṃṣi tāriṣat //6//

Verse: 7 
Halfverse: a    
devā́nām ástʰi kŕ̥śanaṃ babʰūva tád ātmanvác caraty apsv à1ntáḥ /
Halfverse: c    
tát te badʰnāmy ā́yuṣe várcase bálāya dīrgʰāyutvā́ya śatáśāradāya kārśanás tvābʰí rakṣatu //7//

Hymn: 11 
Verse: 1 
Halfverse: a    
anaḍvā́n dādʰāra pr̥tʰivī́m utá dyā́m anaḍvā́n dādʰārorv à1ntárikṣam /
Halfverse: c    
anaḍvā́n dādʰāra pradíśaḥ ṣáḍ urvī́r anaḍvā́n víśvaṃ bʰúvanam ā́ viveśa //1//

Verse: 2 
Halfverse: a    
anaḍvā́n índraḥ paśúbʰyo caṣṭe trayā́ṃ cʰakró mimīte ádʰvanaḥ /
Halfverse: c    
bʰūtáṃ bʰaviṣyád bʰúvanā dúhānaḥ sárvā devā́nām carati vratā́ni //2//

Verse: 3 
Halfverse: a    
índro jātó manuṣyèṣv antár gʰarmás taptáś carati śóśucānaḥ /
Halfverse: c    
suprajā́ḥ sánt udāré sarṣad nā́śnīyā́d anaḍúho vijānán //3//

Verse: 4 
Halfverse: a    
anaḍvā́n duhe sukr̥tásya loká aínaṃ pyāyayati pávamānaḥ purástāt /
Halfverse: c    
parjányo dʰā́rā marúta ū́dʰo asya yajñáḥ páyo dákṣiṇā dóho asya //4//

Verse: 5 
Halfverse: a    
yásya neśe yajñápatir yajñó nā́sya dāteśe pratigrahītā́ /
Halfverse: c    
viśvajíd viśvabʰŕ̥d viśvákarmā gʰarmáṃ no brūta yatamáś cátuṣpāt //5//

Verse: 6 
Halfverse: a    
yéna devā́ḥ svàr āruruhúr hitvā́ śárīram amŕ̥tasya nā́bʰim /
Halfverse: c    
téna geṣma sukr̥tásya lokáṃ gʰarmásya vraténa tápasā yaśasyávaḥ //6//

Verse: 7 
Halfverse: a    
índro rūpéṇāgnír váhena prajā́patiḥ parameṣṭʰī́ virā́ṭ /
Halfverse: c    
viśvā́nare akramata vaiśvānaré akramatānadúhy akramata /
Halfverse: e    
'dr̥ṃhayata 'dʰārayata //7//

Verse: 8 
Halfverse: a    
mádʰyam etád anaḍúho yátraiṣá váha ā́hitaḥ /
Halfverse: c    
etā́vad asya prācī́naṃ yā́vān pratyáṅ samā́hitaḥ //8//

Verse: 9 
Halfverse: a    
védānadúho dóhān saptā́nupadasvataḥ /
Halfverse: c    
prajā́ṃ ca lokáṃ cāpnoti tátʰā saptar̥ṣáyo viduḥ //9//

Verse: 10 
Halfverse: a    
padbʰíḥ sedím avakrā́mann írāṃ jáṅgʰābʰir utkʰidán /
Halfverse: c    
srámeṇānaḍvā́n kīlā́laṃ kīnā́śaś cābʰí gacʰataḥ //10//

Verse: 11 
Halfverse: a    
dvā́daśa vā́ etā́ rā́trīr vrátyā āhuḥ prajā́pateḥ /
Halfverse: c    
tátrópa bráhma véda tád vā́ anaḍúho vratám //11//

Verse: 12 
Halfverse: a    
duhé sāyáṃ duhé prātár duhé madʰyáṃdinaṃ pári /
Halfverse: c    
dóhā asya saṃyánti tā́n vidmā́nupadasvataḥ //12//

Hymn: 12 
Verse: 1 
Halfverse: a    
róhaṇy asi róhaṇy astʰnáś cʰinnásya róhaṇī /
Halfverse: c    
roháyedám arundʰati //1//

Verse: 2 
Halfverse: a    
yát te riṣṭáṃ yát te dyuttám ásti péṣṭraṃ ta ātmáni /
Halfverse: c    
dʰātā́ tád bʰadráyā púnaḥ sáṃ dadʰat páruṣā páruḥ //2//

Verse: 3 
Halfverse: a    
sáṃ te majjā́ majñā́ bʰavatu sám u te páruṣā páruḥ /
Halfverse: c    
sáṃ te māṃsásya vísrastaṃ sám ástʰy ápi rohatu //3//

Verse: 4 
Halfverse: a    
majjā́ majñā́ sáṃ dʰīyatāṃ cármaṇā cárma rohatu /
Halfverse: c    
ásr̥k te ástʰi rohatu māṃsáṃ māṃséna rohatu //4//

Verse: 5 
Halfverse: a    
lóma lómnā sáṃ kalpayā tvacā́ sáṃ kalpayā tvácam /
Halfverse: c    
ásr̥k te ástʰi rohatu cʰinnáṃ sáṃ dʰehy oṣadʰe //5//

Verse: 6 
Halfverse: a    
út tiṣṭʰa préhi prá drava rátʰaḥ sucakráḥ /
Halfverse: c    
supavíḥ sunā́bʰiḥ práti tiṣṭʰordʰváḥ //6//

Verse: 7 
Halfverse: a    
yádi kartáṃ patitvā́ saṃśaśré yádi vā́smā práhr̥to jagʰā́na /
Halfverse: c    
r̥bʰū́ rátʰasyevā́ṅgāni sáṃ dadʰat páruṣā páruḥ //7//

Hymn: 13 
Verse: 1 
Halfverse: a    
utá devā ávahitaṃ dévā ún nayatʰā púnaḥ /
Halfverse: c    
utā́gaś cakrúṣaṃ devā dévā jīváyatʰā púnaḥ //1//

Verse: 2 
Halfverse: a    
dvā́v imaú vā́tau vāta ā́ síndʰor ā́ parāvátaḥ /
Halfverse: c    
dákṣaṃ te anyá āvā́tu vy ànyó vātu yád rápaḥ //2//

Verse: 3 
Halfverse: a    
ā́ vāta vāhi bʰeṣajáṃ vāta vāhi yád rápaḥ /
Halfverse: c    
tváṃ viśvabʰeṣaja devā́nāṃ dūtá ī́yase //3//

Verse: 4 
Halfverse: a    
trā́yantām imáṃ devā́s trā́yantāṃ marútāṃ gaṇā́ḥ /
Halfverse: c    
trā́yantāṃ víśvā bʰūtā́ni yátʰāyám arapā́ ásat //4//

Verse: 5 
Halfverse: a    
ā́ tvāgamaṃ śáṃtātibʰir átʰo ariṣṭátātibʰiḥ /
Halfverse: c    
dákṣaṃ ta ugrám ā́bʰāriṣaṃ párā yákṣmaṃ suvāmi te //5//

Verse: 6 
Halfverse: a    
ayáṃ me hásto bʰágavān ayáṃ me bʰágavattaraḥ /
Halfverse: c    
ayáṃ me viśvábʰeṣajo 'yáṃ śivā́bʰimarśanaḥ //6//

Verse: 7 
Halfverse: a    
hástābʰyāṃ dáśaśākʰābʰyāṃ jihvā́ vācáḥ purogavī́ /
Halfverse: c    
anāmayitnúbʰyāṃ hástābʰyāṃ tā́bʰyāṃ tvābʰí mr̥śāmasi //7//

Hymn: 14 
Verse: 1 
Halfverse: a    
ajó hy àgnér ájaniṣṭa śókāt apaśyaj janitā́ram ágre /
Halfverse: c    
téna devā́ devátām ágrā āyan téna róhān ruruhur médʰyāsaḥ //1//

Verse: 2 
Halfverse: a    
krámadʰvam agnínā nā́kam úkʰyān hásteṣu bíbʰrataḥ /
Halfverse: c    
divás pr̥ṣṭʰáṃ svàr gatvā́ miśrā́ devébʰir ādʰvam //2//

Verse: 3 
Halfverse: a    
pr̥ṣṭʰā́t pr̥tʰivyā́ ahám antárikṣam ā́ruham antárikṣād dívam ā́ruham /
Halfverse: c    
divó nā́kasya pr̥ṣṭʰā́t svà1r jyótir agām ahám //3//

Verse: 4 
Halfverse: a    
svà1r yánto nā́pekṣanta ā́ dyā́ṃ rohanti ródasī /
Halfverse: c    
yajñáṃ viśvátodʰāraṃ súvidvāṃso viteniré //4//

Verse: 5 
Halfverse: a    
ágne préhi pratʰamó devátānāṃ cákṣur devā́nām utá mā́nuṣānām /
Halfverse: c    
íyakṣamāṇā bʰŕ̥gubʰiḥ sajóṣāḥ svàr yantu yájamānāḥ svastí //5//

Verse: 6 
Halfverse: a    
ajám anajmi páyasā gʰr̥téna divyáṃ suparnáṃ payasáṃ br̥hántam /
Halfverse: c    
téna geṣma sukr̥tásya lokáṃ svàr āróhanto abʰí nā́kam uttamám //6//

Verse: 7 
Halfverse: a    
páñcaudanaṃ pañcábʰir aṅgúlibʰir dárvyóddʰara pañcadʰaítám odanám /
Halfverse: c    
prā́cyāṃ diśí śíro ajásya dʰehi dákṣiṇāyāṃ diśí dákṣiṇaṃ dʰehi pārśvám //7//

Verse: 8 
Halfverse: a    
pratī́cyāṃ diśí bʰasádam asya dʰehy úttarasyāṃ diśy úttaraṃ dʰehi pārśvám /
Halfverse: c    
ūrdʰvā́yāṃ diśy à1jásyā́nūkaṃ dʰehi diśí dʰruvā́yāṃ dʰehi pājasyàm antárikṣe madʰyató mádʰyam asya //8//

Verse: 9 
Halfverse: a    
śr̥tám ajáṃ śr̥táyā prórṇuhi tvacā́ sárvair áṅgaiḥ sáṃbʰr̥taṃ viśvárūpam /
Halfverse: c    
út tisṭʰetó abʰi nā́kam uttamáṃ padbʰíś catúrbʰiḥ práti tiṣṭʰa dikṣú //9//

Hymn: 15 
Verse: 1 
Halfverse: a    
samútpatantu pradíśo nábʰasvatīḥ sám abʰrā́ṇi vā́tajūtāni yantu /
Halfverse: c    
mahar̥ṣabʰásya nádato nábʰasvato vāśrā́ ā́paḥ pr̥tʰivī́ṃ tarpayantu //1//

Verse: 2 
Halfverse: a    
sám īkṣayantu taviṣā́ḥ sudā́navo 'pā́ṃ rásā óṣadʰībʰiḥ sacantām /
Halfverse: c    
varṣásya sárgā mahayantu bʰū́miṃ pŕ̥tʰag jāyantām óṣadʰayo viśvárūpāḥ //2//

Verse: 3 
Halfverse: a    
sám īkṣayasva gā́yato nábʰāṃsy apā́m végāsaḥ pŕ̥tʰag úd vijantām /
Halfverse: c    
varṣásya sárgā mahayantu bʰū́miṃ pŕ̥tʰag jāyantām vīrúdʰo viśvárūpāḥ //3//

Verse: 4 
Halfverse: a    
gaṇā́s tvópa gāyantu mā́rutāḥ parjanya gʰoṣíṇaḥ pŕ̥tʰak /
Halfverse: c    
sárgā varṣásya várṣato várṣantu pr̥tʰivī́m ánu //4//

Verse: 5 
Halfverse: a    
úd īrayata marutaḥ samudratás tveṣó arkó nábʰa út pātayātʰa /
Halfverse: c    
mahar̥ṣabʰásya nádato nábʰasvato vāśrā́ ā́paḥ pr̥tʰivī́ṃ tarpayantu //5//

Verse: 6 
Halfverse: a    
abʰí kranda stanáyārdáyodadʰíṃ bʰū́miṃ parjanya páyasā sám aṅdʰi /
Halfverse: c    
tváyā sr̥ṣṭáṃ bahulám aítu varṣám āśāraiṣī́ kr̥śágur etv ástam //6//

Verse: 7 
Halfverse: a    
sáṃ vo 'vantu sudā́nava útsā ajagarā́ utá /
Halfverse: c    
marúdbʰiḥ prácyutā megʰā́ várṣantu pr̥tʰivī́m ánu //7//

Verse: 8 
Halfverse: a    
ā́śāmāśāṃ dyotatāṃ vā́tā vāntu diśódiśaḥ /
Halfverse: c    
marúdbʰiḥ prácyutā megʰā́ḥ sáṃ yantu pr̥tʰivī́m ánu //8//

Verse: 9 
Halfverse: a    
ā́po vidyúd abʰráṃ varṣáṃ sáṃ vo 'vantu sudā́nava útsā ajagarā́ utá /
Halfverse: c    
marúdbʰiḥ prácyutā megʰā́ḥ prā́vantu pr̥tʰivī́m ánu //9//

Verse: 10 
Halfverse: a    
apā́m agnís tanū́bʰiḥ saṃvidānó óṣadʰīnām adʰipā́ babʰū́va /
Halfverse: c    
no varṣáṃ vanutāṃ jātávedāḥ prāṇáṃ prajā́bʰyo amŕ̥taṃ divás pári //10//

Verse: 11 
Halfverse: a    
prajā́patiḥ salilā́d ā́ samudrā́d ā́pa īráyann udadʰím ardayāti /
Halfverse: c    
prá pyāyatāṃ vŕ̥ṣṇo áśvasya réto 'rvā́n eténa stanayitnúnéhi //11//

Verse: 12 
Halfverse: a    
apó niṣiñcánn ásuraḥ pitā́ naḥ śvásantu gárgarā apā́ṃ varuṇā́va nī́cīr apáḥ sr̥ja /
Halfverse: c    
vádantu pŕ̥śnibāhavo maṇḍū́kā íriṇā́nu //12//

Verse: 13 
Halfverse: a    
saṃvatsaráṃ śaśayānā́ brāhmaṇā́ vratacāríṇaḥ /
Halfverse: c    
vā́cam parjányajinvitāṃ prá maṇdū́kā avādiṣuḥ //13//

Verse: 14 
Halfverse: a    
upaprávada maṇḍūki varṣáṃ ā́ vada tāduri /
Halfverse: c    
mádʰye hradásya plavasva vigŕ̥hya catúraḥ padáḥ //14//

Verse: 15 
Halfverse: a    
kʰaṇvakʰā́3i kʰaimakʰā́3i mádʰye taduri /
Halfverse: c    
varṣáṃ vanudʰvaṃ pitaro marútāṃ mána icʰata //15//

Verse: 16 
Halfverse: a    
mahā́ntaṃ kóśam úd acābʰí ṣiñca savidyutáṃ bʰavatu vā́tu vā́taḥ /
Halfverse: c    
tanvátāṃ yajñáṃ bahudʰā́ vísr̥ṣṭā ānandínīr óṣadʰayo bʰavantu //16//

Hymn: 16 
Verse: 1 
Halfverse: a    
br̥hán eṣām adʰiṣṭʰātā́ antikā́d iva paśyati /
Halfverse: c    
stāyán mányate cárant sárvaṃ devā́ idáṃ viduḥ //1//

Verse: 2 
Halfverse: a    
yás tíṣṭʰati cárati yáś ca vañcati nilā́yaṃ cárati yáḥ pratáṅkam /
Halfverse: c    
dvaú saṃniṣádya yán mantráyete rā́jā tád veda váruṇas tr̥tī́yaḥ //2//

Verse: 3 
Halfverse: a    
utéyáṃ bʰū́mir váruṇasya rā́jña utā́saú dyaúr br̥hatī́ dūréantā /
Halfverse: c    
utó samudraú váruṇasya kukṣī́ utā́smínn álpa udaké nílīnaḥ //3//

Verse: 4 
Halfverse: a    
utá dyā́m atisárpāt parástān mucyātai váruṇasya rā́jñaḥ /
Halfverse: c    
divá spáśaḥ prá carantīdám asya sahasrākṣā́ áti paśyanti bʰū́mim //4//

Verse: 5 
Halfverse: a    
sárvaṃ tád rā́jā váruṇo caṣṭe yád antarā́ ródasī yát parástāt /
Halfverse: c    
sáṃkʰyātā asya nimíṣo jánānām akṣā́n iva śvagʰnī́ minoti tā́ni //5//

Verse: 6 
Halfverse: a    
te pā́śā varuṇa saptásapta tredʰā́ tíṣṭʰanti víṣitā rúṣantaḥ /
Halfverse: c    
cʰinántu sárve ánr̥taṃ vádantaṃ yáḥ satyavādy áti táṃ sr̥jantu //6//

Verse: 7 
Halfverse: a    
śaténa pā́śair abʰí dʰehi varuṇainaṃ mā́ te mocy anr̥tavā́ṅ nr̥cakṣaḥ /
Halfverse: c    
ā́stāṃ jālmá udáraṃ śraṃśayitvā́ kóśa ivābandʰáḥ parikr̥tyámānaḥ //7//

Verse: 8 
Halfverse: a    
yáḥ samābʰyò3 váruṇo vyābʰyò3 yáḥ saṃdeśyò3 váruṇo videśyò /
Halfverse: c    
daivó váruṇo yáś ca mā́nuṣaḥ //8//

Verse: 9 
Halfverse: a    
taís tvā sárvair abʰí ṣyāmi pā́śair asāv āmuṣyāyaṇāmuṣyāḥ putra /
Halfverse: c    
tā́n u te sárvān anusáṃdiśāmi //9//

Hymn: 17 
Verse: 1 
Halfverse: a    
ī́śāṇāṃ tvā bʰeṣajā́nām újjeṣa ā́ rabʰāmahe /
Halfverse: c    
cakré sahásravīryam sárvasmā oṣadʰe tvā //1//

Verse: 2 
Halfverse: a    
satyajítaṃ śapatʰayā́vanīṃ sáhamānāṃ punaḥsarā́m /
Halfverse: c    
sárvāḥ sám ahvy óṣadʰīr itó naḥ pārayād íti //2//

Verse: 3 
Halfverse: a    
yā́ śaśā́pa śápanena yā́gʰáṃ mū́ram ādadʰé /
Halfverse: c    
yā́ rásasya háraṇāya jātám ārebʰé tokám attu sā́ //3//

Verse: 4 
Halfverse: a    
yā́ṃ te cakrúr āmé pā́tre yā́ṃ cakrúr nīlalohité /
Halfverse: c    
āmé māṃsé kr̥tyā́ṃ yā́ṃ cakrús táyā kr̥tyākŕ̥to jahi //4//

Verse: 5 
Halfverse: a    
daúṣvapnyaṃ daúrjīvityaṃ rákṣo abʰvàm arāyyàḥ /
Halfverse: c    
durṇā́mnīḥ sárvā durvā́cas tā́ asmán nāśayāmasi //5//

Verse: 6 
Halfverse: a    
kṣudʰāmāráṃ tr̥ṣṇāmārám agótām anapatyátām /
Halfverse: c    
ápāmārga tváyā vayáṃ sárvaṃ tád ápa mr̥jmahe //6//

Verse: 7 
Halfverse: a    
tr̥ṣṇāmāráṃ kṣudʰāmāráṃ átʰo akṣaparājayám /
Halfverse: c    
ápāmārga tváyā vayáṃ sárvaṃ tád ápa mr̥jmahe //7//

Verse: 8 
Halfverse: a    
apāmārgá óṣadʰīnāṃ sárvāsām éka íd vaśī́ /
Halfverse: c    
téna te mr̥jma ā́stʰitam átʰa tvám agadáś cara //8//

Hymn: 18 
Verse: 1 
Halfverse: a    
samáṃ jyótiḥ sū́ryeṇā́hnā rā́trī samā́vatī /
Halfverse: c    
kr̥ṇomi satyám ūtáye 'rasā́ḥ santu kŕ̥tvarīḥ //1//

Verse: 2 
Halfverse: a    
devāḥ kr̥tyā́ṃ kr̥tvā́ hárād áviduṣo gr̥hám /
Halfverse: c    
vatsó dʰārúr iva mātáraṃ táṃ pratyág úpa padyatām //2//

Verse: 3 
Halfverse: a    
amā́ kr̥tvā́ pāpmā́naṃ yás ténānyáṃ jígʰāṃsati /
Halfverse: c    
áśmānas tásyāṃ dagdʰā́yāṃ bahulā́ḥ pʰáṭ karikrati //3//

Verse: 4 
Halfverse: a    
sáhasradʰāman víśikʰān vígrīvāṃ cʰāyayā tvám /
Halfverse: c    
práti sma cakrúṣe kr̥tyā́ṃ priyā́ṃ priyā́vate hara //4//

Verse: 5 
Halfverse: a    
anáyāhám óṣadʰyā sárvāḥ kr̥tyā́ adūduṣam /
Halfverse: c    
yā́ṃ kṣétre cakrúr yā́ṃ góṣu yā́ṃ te púruṣeṣu //5//

Verse: 6 
Halfverse: a    
yáś cakā́ra śaśā́ka kártuṃ śaśré pā́dam aṅgúrim /
Halfverse: c    
cakā́ra bʰadrám asmábʰyam ātmáne tápanam sáḥ //6//

Verse: 7 
Halfverse: a    
apāmārgó 'pa mārṣṭu kṣetriyáṃ śapátʰaś ca yáḥ /
Halfverse: c    
ápā́ha yātudʰānī́r ápa sárvā arāyyàḥ //7//

Verse: 8 
Halfverse: a    
apamŕ̥jya yātudʰā́nān ápa sárvā arāyyàḥ /
Halfverse: c    
ápāmārga tváyā vayáṃ sárvaṃ tád ápa mr̥jmahe //8//

Hymn: 19 
Verse: 1 
Halfverse: a    
utó asy ábandʰukr̥d utó asi jāmikŕ̥t /
Halfverse: c    
utó kr̥tyākŕ̥taḥ prajā́ṃ nadám ivā́ cʰindʰi vā́rṣikam //1//

Verse: 2 
Halfverse: a    
brāhmaṇéna páryuktāsi káṇvena nārṣadéna /
Halfverse: c    
sénevaiṣi tvíṣīmatī tátra bʰayám asti yátra prāpnóṣy oṣadʰe //2//

Verse: 3 
Halfverse: a    
ágram eṣy óṣadʰīnāṃ jyótiṣevābʰidīpáyan /
Halfverse: c    
utá trātā́si pā́kasyā́tʰo hantā́si rakṣásaḥ //3//

Verse: 4 
Halfverse: a    
yád adó devā́ ásurāṃs tváyā́gre nirákurvata /
Halfverse: c    
tátas tvám ádʰy oṣadʰe 'pāmārgó ajāyatʰāḥ //4//

Verse: 5 
Halfverse: a    
vibʰindatī́ śatáśākʰā vibʰindán nā́ma te pitā́ /
Halfverse: c    
pratyág bʰindʰi tváṃ táṃ asmā́ṃ abʰidā́sati //5//

Verse: 6 
Halfverse: a    
ásad bʰū́myāḥ sám abʰavat tád yā́m eti mahád vyácaḥ /
Halfverse: c    
tád vaí táto vidʰūpāyát pratyák kartā́ram r̥cʰatu //6//

Verse: 7 
Halfverse: a    
pratyáṅ saṃbabʰū́vitʰa pratīcī́napʰalas tvám /
Halfverse: c    
sárvān mác cʰapátʰām ádʰi várīyo yāvayā vadʰám //7//

Verse: 8 
Halfverse: a    
śaténa pári pāhi sahásreṇābʰí rakṣā /
Halfverse: c    
índras te vīrudʰāṃ pata ugrá ojmā́nam ā́ dadʰat //8//

Hymn: 20 
Verse: 1 
Halfverse: a    
ā́ paśyati práti paśyati párā paśyati páśyati /
Halfverse: c    
dívam antárikṣam ā́d bʰū́miṃ sárvaṃ tád devi paśyati //1//

Verse: 2 
Halfverse: a    
tisró dívas tisráḥ pr̥tʰivī́ḥ ṣáṭ cemā́ḥ pradíśāḥ pŕ̥tʰak /
Halfverse: c    
tváyāháṃ sárvā bʰūtā́ni páśyāni devy oṣadʰe //2//

Verse: 3 
Halfverse: a    
divyásya suparṇásya tásya hāsi kanī́nikā /
Halfverse: c    
sā́ bʰū́mim ā́ rurohitʰa vahyáṃ śrāntā́ vadʰū́r iva //3//

Verse: 4 
Halfverse: a    
tā́ṃ me sahasrākṣó devó dákṣiṇe hásta ā́ dadʰat /
Halfverse: c    
táyāháṃ sárvaṃ paśyāmi yáś ca śūdrá utā́ryaḥ //4//

Verse: 5 
Halfverse: a    
āvíṣ kr̥ṇuṣva rūpā́ni mā́tmā́nam ápa gūhatʰāḥ /
Halfverse: c    
átʰo sahasracakṣo tváṃ práti paśyāḥ kimīdínaḥ //5//

Verse: 6 
Halfverse: a    
darśáya yātudʰā́nān darśáya yātudʰānyàḥ /
Halfverse: c    
piśācā́nt sárvān darśayéti tvā́ rabʰa oṣadʰe //6//

Verse: 7 
Halfverse: a    
kaśyápasya cákṣur asi śunyā́ś ca caturakṣyā́ḥ /
Halfverse: c    
vīdʰré sū́ryam iva sárpantaṃ mā́ piśācáṃ tirás karaḥ //7//

Verse: 8 
Halfverse: a    
úd agrabʰaṃ paripā́ṇād yātudʰā́naṃ kimīdínam /
Halfverse: c    
ténāháṃ sárvaṃ paśyāmy utá śūdrám utā́ryam //8//

Verse: 9 
Halfverse: a    
antárikṣeṇa pátati dívam yáś ca atisárpati /
Halfverse: c    
bʰū́miṃ mányate nātʰáṃ táṃ piśācám prá darśaya //9//

Hymn: 21 
Verse: 1 
Halfverse: a    
ā́ gā́vo agmann utá bʰadrám akrant sī́dantu goṣṭʰé raṇáyantv asmé /
Halfverse: c    
prajā́vatīḥ pururū́pā ihá syur índrāya pūrvī́r uṣáso dúhānāḥ //1//

Verse: 2 
Halfverse: a    
índro yájvane gr̥ṇaté ca śíkṣata úpéd dadāti sváṃ muṣāyati /
Halfverse: c    
bʰū́yobʰūyo rayím íd asya vardʰáyann abʰinné kʰilyé dadʰāti devayúm //2//

Verse: 3 
Halfverse: a    
tā́ naśanti dabʰāti táskaro nā́sām āmitró vyatʰír ā́ dadʰarṣati /
Halfverse: c    
devā́ṃś ca yā́bʰir yájate dádāti ca jyóg ít tā́bʰiḥ sacate gópatiḥ sahá //3//

Verse: 4 
Halfverse: a    
tā́ árvā reṇúkakāṭo 'śnute saṃskr̥tatrám úpa yanti tā́ abʰí /
Halfverse: c    
urugāyám ábʰayaṃ tásya tā́ ánu gā́vo mártasya caranti yájvanaḥ //4//

Verse: 5 
Halfverse: a    
gā́vo bʰágo gā́va índro ma icʰād gā́va sómasya pratʰamásya bʰakṣáḥ /
Halfverse: c    
imā́ yā́ gā́vaḥ janāsa índra icʰā́mi hr̥dā́ mánasā cid índram //5//

Verse: 6 
Halfverse: a    
yūyáṃ gāvo medayatʰa kr̥śáṃ cid aśrīráṃ cit kr̥ṇutʰā suprátīkam /
Halfverse: c    
bʰadráṃ gr̥háṃ kr̥ṇutʰa bʰadravāco br̥hád vo váya ucyate sabʰā́su //6//

Verse: 7 
Halfverse: a    
prajā́vatīḥ sūyávase ruśántīḥ śuddʰā́ apáḥ suprapāṇé píbantīḥ /
Halfverse: c    
mā́ va stená īśata mā́gʰáśaṃsaḥ pári vo rudrásya hetír vr̥ṇaktu //7//

Hymn: 22 
Verse: 1 
Halfverse: a    
imám indra vardʰaya kṣatríyaṃ me imáṃ viśā́m ekavr̥ṣáṃ kr̥ṇu tvám /
Halfverse: c    
nír amítrān akṣṇuhy asya sárvāṃs tā́n randʰayāsmā ahamuttaréṣu //1//

Verse: 2 
Halfverse: a    
émáṃ bʰaja grā́me áśveṣu góṣu níṣ ṭáṃ bʰaja amítro asyá /
Halfverse: c    
várṣma kṣatrā́ṇām ayám astu rā́jéndra śátruṃ randʰaya sárvam asmaí //2//

Verse: 3 
Halfverse: a    
ayám astu dʰánapatir dʰánānām ayáṃ viśā́ṃ viśpátir astu rā́jā /
Halfverse: c    
asmínn indra máhi várcāṃsi dʰehy avarcásaṃ kr̥ṇuhi śátrum asya //3//

Verse: 4 
Halfverse: a    
asmaí dyāvāpr̥tʰivī bʰū́ri vāmáṃ duhātʰāṃ gʰarmadúgʰe ivá dʰenū́ /
Halfverse: c    
ayáṃ rā́jā priyá índrasya bʰūyāt priyó gávām óṣadʰīnāṃ paśūnā́m //4//

Verse: 5 
Halfverse: a    
yunájmi ta uttarā́vantam índraṃ yéna jáyanti parājáyante /
Halfverse: c    
yás tvā kárad ekavr̥ṣáṃ jánānām utá rā́jñām uttamáṃ mānavā́nām //5//

Verse: 6 
Halfverse: a    
úttaras tvám ádʰare te sapátnā ca rājan prátiśatravas te /
Halfverse: c    
ekavr̥ṣá índrasakʰā jigīvā́ṃ cʰatrūyatā́m ā́ bʰarā bʰójanāni //6//

Verse: 7 
Halfverse: a    
siṃhápratīko víśo addʰi sárvā vyāgʰrápratīkó 'va bādʰasva śátrūn /
Halfverse: c    
ekavr̥ṣá índrasakʰā jigīvā́ṃ cʰatrūyatā́m ā́ kʰidā bʰójanāni //7//

Hymn: 23 
Verse: 1 
Halfverse: a    
agnér manve pratʰamásya prácetasaḥ pā́ñcajanyasya bahudʰā́ yám indʰáte /
Halfverse: c    
víśoviśaḥ praviśivā́ṃsam īmahe no muñcatv áṃhasaḥ //1//

Verse: 2 
Halfverse: a    
yátʰā havyáṃ váhasi jātavedo yátʰā yajñáṃ kalpáyasi prajānán /
Halfverse: c    
evā́ devébʰyaḥ sumatíṃ na ā́ vaha no muñcatv áṃhasaḥ //2//

Verse: 3 
Halfverse: a    
yā́manyāmann úpayuktaṃ váhiṣṭʰaṃ kármaṅkarmann ā́bʰagam agním īḍe /
Halfverse: c    
rakṣoháṇaṃ yajñavŕ̥dʰaṃ gʰr̥tā́hutaṃ no muñcatv áṃhasaḥ //3//

Verse: 4 
Halfverse: a    
sújātaṃ jātávedasam agníṃ vaiśvānaráṃ vibʰúm /
Halfverse: c    
havyavā́haṃ havāmahe no muñcatv áṃhasaḥ //4//

Verse: 5 
Halfverse: a    
yéna ŕ̥ṣayo balám ádyotayan yujā́ yénā́surāṇām áyuvanta māyā́ḥ /
Halfverse: c    
yénāgnínā paṇī́n índro jigā́ya no muñcatv áṃhasaḥ //5//

Verse: 6 
Halfverse: a    
yéna devā́ amŕ̥tam anvávindan yénaúṣadʰīr mádʰumatīr ákr̥ṇvan /
Halfverse: c    
yéna devā́ḥ svà1r ā́bʰarant no muñcatv áṃhasaḥ //6//

Verse: 7 
Halfverse: a    
yásyedáṃ pradíśi yád virócate yáj jātáṃ janitavyàṃ ca kévalam /
Halfverse: c    
staúmy agníṃ nātʰitó johavīmi no muñcatv áṃhasaḥ //7//

Hymn: 24 
Verse: 1 
Halfverse: a    
índrasya manmahe śáśvad íd asya manmahe vr̥tragʰná stómā úpa memá ā́guḥ /
Halfverse: c    
dāśúṣaḥ sukŕ̥to hávam éti no muñcatv áṃhasaḥ //1//

Verse: 2 
Halfverse: a    
ugrī́ṇām ugrábāhur yayúr dānavā́nāṃ bálam ārurója /
Halfverse: c    
yéna jitā́ḥ síndʰavo yéna gā́vaḥ no muñcatv áṃhasaḥ //2//

Verse: 3 
Halfverse: a    
yáś carṣaṇipró vr̥ṣabʰáḥ svarvíd yásmai grā́vāṇaḥ pravádanti nr̥mṇám /
Halfverse: c    
yásyādʰvaráḥ saptáhotā mádiṣṭʰaḥ no muñcatv áṃhasaḥ //3//

Verse: 4 
Halfverse: a    
yásya vaśā́sa r̥ṣabʰā́sa ukṣáṇo yásmai mīyánte sváravaḥ svarvíde /
Halfverse: c    
yásmai śukráḥ pávate bráhmaśumbʰitaḥ no muñcatv áṃhasaḥ //4//

Verse: 5 
Halfverse: a    
yásya júṣṭiṃ somínaḥ kāmáyante yáṃ hávanta íṣumantaṃ gáviṣṭau /
Halfverse: c    
yásminn arkáḥ śiśriyé yásminn ójaḥ no muñcatv áṃhasaḥ //5//

Verse: 6 
Halfverse: a    
yáḥ pratʰamáḥ karmakŕ̥tyāya jajñé yásya vīryàm pratʰamásyā́nubuddʰam /
Halfverse: c    
yénódyato vájro 'bʰyā́yatā́hiṃ no muñcatv áṃhasaḥ //6//

Verse: 7 
Halfverse: a    
yáḥ saṃgrāmā́n nayati sáṃ yudʰé vaśī́ yáḥ puṣṭā́ni saṃsr̥játi dvayā́ni /
Halfverse: c    
staúmī́ndraṃ nātʰitó johavīmi no muñcatv aṃhasaḥ //7//

Hymn: 25 
Verse: 1 
Halfverse: a    
vāyóḥ savitúr vidátʰāni manmahe yā́v ātmanvád viśátʰo yaú ca rákṣatʰaḥ /
Halfverse: c    
yaú víśvasya paribʰū́ babʰūvátʰus taú no muñcatam áṃhasaḥ //1//

Verse: 2 
Halfverse: a    
yáyoḥ sáṃkʰyātā várimā pā́rhivāni yā́bʰyāṃ rájo yupitám antárikṣe /
Halfverse: c    
yáyoḥ prāyáṃ nā́nv ānaśe káś caná taú no muñcatam áṃhasaḥ //2//

Verse: 3 
Halfverse: a    
táva vraté viśante jánāsas tváyy údite prérate citrabʰāno /
Halfverse: c    
yuváṃ vāyo savitā́ ca bʰúvanāni rakṣatʰas taú no muñcatam áṃhasaḥ //3//

Verse: 4 
Halfverse: a    
ápetó vāyo savitā́ ca duṣkr̥tám ápa rákṣāṃsi śímidāṃ ca sedʰatam /
Halfverse: c    
sáṃ hy ūrjáyā sr̥játʰaḥ sáṃ bálena taú no muñcatam áṃhasaḥ //4//

Verse: 5 
Halfverse: a    
rayíṃ me póṣaṃ savitótá vāyús tanū́ dákṣam ā́ suvatāṃ suśévam /
Halfverse: c    
ayakṣmátātiṃ máha ihá dʰattaṃ taú no muñcatam áṃhasaḥ //5//

Verse: 6 
Halfverse: a    
prá sumatíṃ savitar vāya ūtáye máhasvantaṃ matsaráṃ mādayātʰaḥ /
Halfverse: c    
arvā́g vāmásya praváto yacʰataṃ taú no muñcatam áṃhasaḥ //6//

Verse: 7 
Halfverse: a    
upá śréṣṭʰā na āśíṣo deváyor dʰā́mann astʰiran /
Halfverse: c    
staúmi deváṃ savitā́raṃ ca vāyúṃ taú no muñcatam áṃhasaḥ //7//

Hymn: 26 
Verse: 1 
Halfverse: a    
manvé vāṃ dyāvāpr̥tʰivī subʰojasau sácetasau ápratʰetʰām ámitā yójanāni /
Halfverse: c    
pratiṣṭʰé hy ábʰavataṃ vásūnāṃ no muñcatam áṃhasaḥ //1//

Verse: 2 
Halfverse: a    
pratiṣṭʰé hy ábʰavataṃ vásūnāṃ právr̥ddʰe devī subʰage urūcī /
Halfverse: c    
dyā́vāpr̥tʰivī bʰávataṃ me syoné no muñcatam áṃhasaḥ //2//

Verse: 3 
Halfverse: a    
asantāpé sutápasau huve 'hám urvī́ gambʰīré kavíbʰir namasyè /
Halfverse: c    
dyā́vāpr̥tʰivī bʰávataṃ me syoné no muñcatam áṃhasaḥ //3//

Verse: 4 
Halfverse: a    
amŕ̥taṃ bibʰr̥tʰó havī́ṃṣi srotyā́ bibʰr̥tʰó manuṣyā̀n /
Halfverse: c    
dyā́vāpr̥tʰivī bʰávataṃ me syoné no muñcatam áṃhasaḥ //4//

Verse: 5 
Halfverse: a    
usríyā bibʰr̥tʰó vánaspátīn yáyor vāṃ víśvā bʰúvanāny antáḥ /
Halfverse: c    
dyā́vāpr̥tʰivī bʰávataṃ me syoné no muñcatam áṃhasaḥ //5//

Verse: 6 
Halfverse: a    
kīlā́lena tarpáyatʰo gʰr̥téna yā́bʰyām r̥té kíṃ caná śaknuvánti /
Halfverse: c    
dyā́vāpr̥tʰivī bʰávataṃ me syoné no muñcatam áṃhasaḥ //6//

Verse: 7 
Halfverse: a    
yán médám abʰiśócati yénayena kr̥táṃ paúruṣeyān daívāt /
Halfverse: c    
staúmi dyā́vāpr̥tʰivī́ nātʰitó johavīmi no muñcatam áṁhasaḥ //7//

Hymn: 27 
Verse: 1 
Halfverse: a    
marútāṃ manve ádʰi me bruvantu prémáṃ vā́jaṃ vā́jasāte avantu /
Halfverse: c    
āśū́n iva suyámān ahva ūtáye no muñcantv áṃhasaḥ //1//

Verse: 2 
Halfverse: a    
útsam ákṣitaṃ vyácanti sádā āsiñcánti rásam óṣadʰīṣu /
Halfverse: c    
puró dadʰe marútaḥ pŕ̥śnimātr̥̄ṃs no muñcantv áṃhasaḥ //2//

Verse: 3 
Halfverse: a    
páyo dʰenūnā́ṃ rásam óṣadʰīnāṃ javám árvatāṃ kavayo ínvatʰa /
Halfverse: c    
śagmā́ bʰavantu marúto naḥ syonā́s no muñcantv áṃhasaḥ //3//

Verse: 4 
Halfverse: a    
apáḥ samudrā́d dívam úd vahanti divás pr̥tʰivī́m abʰí sr̥jánti /
Halfverse: c    
adbʰír ī́śānā marútaś caranti no muñcantv áṃhasaḥ //4//

Verse: 5 
Halfverse: a    
kīlā́lena tarpáyanti gʰr̥téna váyo médasā saṃsr̥jánti /
Halfverse: c    
adbʰír ī́śānā marúto varṣáyanti no muñcantv áṃhasaḥ //5//

Verse: 6 
Halfverse: a    
yádī́d idáṃ maruto mā́rutena yádi devā daívyenedŕ̥g ā́ra /
Halfverse: c    
yūyám īśidʰve vasavas tásya níṣkr̥tes no muñcantv áṃhasaḥ //6//

Verse: 7 
Halfverse: a    
tigmám ánīkam viditáṃ sáhasvan mā́rutaṃ śárdʰaḥ pŕ̥tanāsūgrám /
Halfverse: c    
staúmi marúto nātʰitó johavīmi no muñcantv áṃhasaḥ //7//

Hymn: 28 
Verse: 1 
Halfverse: a    
bʰávāśarvau manvé vāṃ tásya vittaṃ yáyor vām idáṃ pradíśi yád virócate /
Halfverse: c    
yā́v asyéśātʰe dvipádo yaú cátuṣpadas taú no muñcatam áṃhasaḥ //1//

Verse: 2 
Halfverse: a    
yáyor abʰyabʰvá utá yád dūré cid yaú viditā́v iṣubʰŕ̥tām ásiṣṭʰau /
Halfverse: c    
yā́v asyéśatʰe dvipádo yaú cátuṣpadas taú no muñcatam áṃhasaḥ //2//

Verse: 3 
Halfverse: a    
sahasrākṣaú vr̥trahánā huveháṃ dūrégavyūtī stuvánn emy ugraú /
Halfverse: c    
yā́v asyéśatʰe dvipádo yaú cátuṣpadas taú no muñcatam áṃhasaḥ //3//

Verse: 4 
Halfverse: a    
yā́v ārebʰā́tʰe bahú sākám ágre prá céd ásrāṣṭram abʰibʰā́ṃ jáneṣu /
Halfverse: c    
yā́v asyéśatʰe dvipádo yaú cátuṣpadas taú no muñcatam áṃhasaḥ //4//

Verse: 5 
Halfverse: a    
yáyor vadʰā́n nā́papádyate káś canā́ntár devéṣūtá mā́nuṣeṣu /
Halfverse: c    
yā́v asyéśatʰe dvipádo yaú cátuṣpadas taú no muñcatam áṃhasaḥ //5//

Verse: 6 
Halfverse: a    
yáḥ kr̥tyākŕ̥n mūlakŕ̥d yātudʰā́no tásmin dʰattaṃ vájram ugraú /
Halfverse: c    
yā́v asyéśatʰe dvipádo yaú cátuṣpadas taú no muñcatam áṃhasaḥ //6//

Verse: 7 
Halfverse: a    
ádʰi no brūtaṃ pŕ̥tanāsūgrau sáṃ vájreṇa sr̥jataṃ yáḥ kimīdī́ /
Halfverse: c    
staúmi bʰavāśarvaú nātʰitó johavīmi taú no muñcatam áṃhasaḥ //7//

Hymn: 29 
Verse: 1 
Halfverse: a    
manvé vāṃ mitrāvaruṇāv r̥tāvr̥dʰau sácetasau drúhvaṇo yaú nudétʰe /
Halfverse: c    
prá satyā́vānam ávatʰo bʰáreṣu taú no muñcatam áṃhasaḥ //1//

Verse: 2 
Halfverse: a    
sácetasau drúhvaṇo yaú nudétʰe prá satyā́vānam ávatʰo bʰáreṣu /
Halfverse: c    
yaú gácʰatʰo nr̥cákṣasau babʰrúṇā sutáṃ taú no muñcatam áṃhasaḥ //2//

Verse: 3 
Halfverse: a    
yā́v áṅgirasam ávatʰo yā́v agástiṃ mítrāvaruṇā jamádagnim áttrim /
Halfverse: c    
yaú kaśyápam ávatʰo yaú vásiṣṭʰaṃ taú no muñcatam áṃhasaḥ //3//

Verse: 4 
Halfverse: a    
yaú śyāvā́śvam ávatʰo vādʰryaśváṃ mítrāvaruṇā purumīḍʰám áttrim /
Halfverse: c    
yaú vimadám ávatʰo saptávadʰriṃ taú no muñcatam áṃhasaḥ //4//

Verse: 5 
Halfverse: a    
yaú bʰarádvājam ávatʰo yaú gáviṣṭʰiraṃ viśvā́mitraṃ varuṇa mitra kútsam /
Halfverse: c    
yaú kakṣī́vantam ávatʰo prótá káṇvaṃ taú no muñcatam áṃhasaḥ //5//

Verse: 6 
Halfverse: a    
yaú médʰātitʰim ávatʰo yaú triśókaṃ mítrāvaruṇāv uśánām kāvyáṃ yaú /
Halfverse: c    
yaú gótamam ávatʰo prótá múgdalaṃ taú no muñcatam áṃhasaḥ //6//

Verse: 7 
Halfverse: a    
yáyo rátʰaḥ satyávartma rjúraśmir mitʰuyā́ cárantam abʰiyā́ti dūṣáyan /
Halfverse: c    
staúmi mitrā́váruṇau nātʰitó johavīmi tau no muñcatam áṃhasaḥ //7//

Hymn: 30 
Verse: 1 
Halfverse: a    
aháṃ rudrébʰir vásubʰiś carāmy ahám ādityaír utá viśvádevaiḥ /
Halfverse: c    
aháṃ mitrā́várunobʰā́ bibʰarmy ahám indrāgnī́ ahám aśvínobʰā́ //1//

Verse: 2 
Halfverse: a    
aháṃ rā́ṣṭrī saṃgámanī vásūnāṃ cikitúṣī pratʰamā́ yajñíyānām /
Halfverse: c    
tā́ṃ devā́ vy àdadʰuḥ purutrā́ bʰū́ristʰātrāṃ bʰū́ry āveśáyantaḥ //2//

Verse: 3 
Halfverse: a    
ahám evá svayám idáṃ vadāmi júṣṭaṃ devā́nām utá mā́nuṣāṇām /
Halfverse: c    
yáṃ kāmáye tántam ugráṃ kr̥ṇomi táṃ brahmā́ṇaṃ tám ŕ̥ṣiṃ táṃ sumedʰā́m //3//

Verse: 4 
Halfverse: a    
máyā 'nnam atti vipáśyati yáḥ prāṇáti īm śr̥ṇóty uktám /
Halfverse: c    
amantávo mā́ṃ úpa kṣiyanti śrudʰí śruta śruddʰéyaṃ te vadāmi //4//

Verse: 5 
Halfverse: a    
aháṃ rudrā́ya dʰánur ā́ tanomi brahmadvíṣe śárave hántavā́ u /
Halfverse: c    
aháṃ jánāya samádaṃ kr̥ṇomi ahám dyā́vāpr̥tʰivī́ ā́ viveśa //5//

Verse: 6 
Halfverse: a    
aháṃ sómam āhanásaṃ bibʰarmy aháṃ tváṣṭāram utá pūṣáṇaṃ bʰágam /
Halfverse: c    
aháṃ dadʰāmi dráviṇā havíṣmate suprāvyā̀3 yájamānāya sunvaté //6//

Verse: 7 
Halfverse: a    
aháṃ suve pitáram asya mūrdʰán máma yónir apsv à1ntáḥ samudré /
Halfverse: c    
táto tiṣṭʰe bʰúvanāni víśvotā́mū́ṃ dyā́ṃ varṣmáṇópa spr̥śāmi //7//

Verse: 8 
Halfverse: a    
ahám evá vā́taiva prá vāmy ārábʰamāṇā bʰúvanāni víśvā /
Halfverse: c    
paró divā́ pará enā́ pr̥tʰivyaítā́vatī mahimnā́ sáṃ babʰūva //8//

Hymn: 31 
Verse: 1 
Halfverse: a    
tváyā manyo sarátʰam ārujánto hárṣamāṇā hr̥ṣitā́so marutvan /
Halfverse: c    
tigméṣava ā́yudʰā saṃśíśānā úpa prá yantu náro agnírūpāḥ //1//

Verse: 2 
Halfverse: a    
agnír iva manyo tviṣitáḥ sahasva senānī́r naḥ sahure hūtá edʰi /
Halfverse: c    
hatvā́ya śátrūn bʰajasva véda ójo mímāno mŕ̥dʰo nudasva //2//

Verse: 3 
Halfverse: a    
sáhasva manyo abʰímātim asmaí ruján mr̥ṇán pramr̥ṇán préhi śátrūn /
Halfverse: c    
ugráṃ te pā́jo nanv ā́ rurudʰre vaśī́ váśaṃ nayāsā ekaja tvám //3//

Verse: 4 
Halfverse: a    
éko bahūnā́m asi manya īḍitā́ víśaṃviśam yuddʰā́ya sáṃ śiśādʰi /
Halfverse: c    
ákr̥ttaruk tváyā yujā́ vayáṃ dyumántaṃ gʰóṣam vijayā́ya kr̥ṇmasi //4//

Verse: 5 
Halfverse: a    
vijeṣakŕ̥d índra ivānavabravò 'smā́kaṃ manyo adʰipā́ bʰavehá /
Halfverse: c    
priyáṃ te nā́ma sahure gr̥ṇīmasi vidmā́ tám útsaṃ yáta ābabʰū́tʰa //5//

Verse: 6 
Halfverse: a    
ā́bʰūtyā sahajā́ vajra sāyaka sáho bibʰarṣi sahabʰūte úttaram /
Halfverse: c    
krátvā no manyo sahá medy èdʰi mahādʰanásya puruhūta saṃsŕ̥ji //6//

Verse: 7 
Halfverse: a    
sáṃsr̥ṣṭaṃ dʰánam ubʰáyaṃ samā́kr̥tam asmábʰyaṃ dʰattāṃ váruṇaś ca manyúḥ /
Halfverse: c    
bʰíyo dádʰānā hŕ̥dayeṣu śátravaḥ párājitāso ápa layantām //7//

Hymn: 32 
Verse: 1 
Halfverse: a    
yás te manyó 'vidʰad vajra sāyaka sáha ójaḥ puṣyati víśvam ānuṣák /
Halfverse: c    
sāhyā́ma dā́sam ā́ryaṃ tváyā yujā́ vayáṃ sáhaskr̥tena sáhasā sáhasvatā //1//

Verse: 2 
Halfverse: a    
manyúr índro manyúr evā́sa devó manyúr hótā váruṇo jātávedāḥ /
Halfverse: c    
manyúṃ víśa īḍate mā́nuṣīr yā́ḥ pahí no manyo tápasā sajóṣāḥ //2//

Verse: 3 
Halfverse: a    
abʰī́hi manyo tavásas távīyān tápasā yujā́ jahi śátrūn /
Halfverse: c    
amitrahā́ vr̥trahā́ dasyuhā́ ca víśvā vásūny ā́ bʰarā tváṃ naḥ //3//

Verse: 4 
Halfverse: a    
tváṃ manyo abʰíbʰūtyojāḥ svayaṃbʰū́r bʰā́mo abʰimātiṣāháḥ /
Halfverse: c    
viśvácarṣaṇiḥ sáhuriḥ sáhīyān asmā́sv ójaḥ pŕ̥tanāsu dʰehi //4//

Verse: 5 
Halfverse: a    
abʰāgáḥ sánn ápa páreto asmi táva krátvā taviṣásya pracetaḥ /
Halfverse: c    
táṃ tvā manyo akratúr jihīḍāháṃ svā́ tanū́r baladā́vā na éhi //5//

Verse: 6 
Halfverse: a    
ayáṃ te asmy úpa na éhy arvā́ṅ pratīcīnáḥ sahure viśvadāvan /
Halfverse: c    
mányo vajrinn abʰí na ā́ vavr̥tsva hánāva dásyūṃr utá bodʰy āpéḥ //6//

Verse: 7 
Halfverse: a    
abʰí préhi dakṣiṇató bʰavā 'dʰā vr̥trā́ṇi jaṅgʰanāva bʰū́ri /
Halfverse: c    
juhómi te dʰarúṇaṃ mádʰvo ágram ubʰā́v upāṃśú pratʰamā́ pibāva //7//

Hymn: 33 
Verse: 1 
Halfverse: a    
ápa naḥ śóśucad agʰám ágne śuśugdʰy ā́ rayím /
Halfverse: c    
ápa naḥ śóśucad agʰám //1//

Verse: 2 
Halfverse: a    
sukṣetriyā́ sugātuyā́ vasūyā́ ca yajāmahe /
Halfverse: c    
ápa naḥ śóśucad agʰám //2//

Verse: 3 
Halfverse: a    
prá yád bʰándiṣṭʰa eṣāṃ prā́smā́kāsaś ca sūráyaḥ /
Halfverse: c    
ápa naḥ śóśucad agʰám //3//

Verse: 4 
Halfverse: a    
prá yát te agne sūráyo jā́yemahi prá te vayám /
Halfverse: c    
ápa naḥ śóśucad agʰám //4//

Verse: 5 
Halfverse: a    
prá yád agnéḥ sáhasvato viśváto yánti bʰānávaḥ /
Halfverse: c    
ápa naḥ śóśucad agʰám //5//

Verse: 6 
Halfverse: a    
tváṃ viśvatomukʰa viśvátaḥ paribʰū́r asi /
Halfverse: c    
ápa naḥ śóśucad agʰám //6//

Verse: 7 
Halfverse: a    
dvíṣo no viśvatomukʰā́ti nāvéva pāraya /
Halfverse: c    
ápa naḥ śóśucad agʰám //7//

Verse: 8 
Halfverse: a    
naḥ síndʰum iva nāvā́ti parṣa svastáye /
Halfverse: c    
ápa naḥ śóśucad agʰám //8//

Hymn: 34 
Verse: 1 
Halfverse: a    
bráhmāsya śīrṣám br̥hád asya pr̥ṣṭʰáṃ vāmadevyám udáram odanásya /
Halfverse: c    
cʰándāṃsi pakṣaú múkʰam asya satyáṃ viṣṭārī́ jātás tápaso'dʰi yajñáḥ //1//

Verse: 2 
Halfverse: a    
anastʰā́ḥ pūtā́ḥ pávanena śuddʰā́ḥ śúcayaḥ śúcim ápi yanti lokám /
Halfverse: c    
naíṣāṃ śiśnáṃ prá dahati jātávedāḥ svargé loké bahú straíṇam eṣām //2//

Verse: 3 
Halfverse: a    
viṣṭāríṇam odanáṃ pácanti naínān ávartiḥ sacate kadā́ caná /
Halfverse: c    
ā́ste yamá úpa yāti devā́nt sám gandʰarvaír madate somyébʰiḥ //3//

Verse: 4 
Halfverse: a    
viṣṭāríṇam odanám pácanti naínān yamáḥ pári muṣṇāti rétaḥ /
Halfverse: c    
ratʰī́ ha bʰūtvā́ ratʰayā́na īyate pakṣī́ ha bʰūtvā́ti dívaḥ sám eti //4//

Verse: 5 
Halfverse: a    
eṣá yajñā́nāṃ vítato váhiṣṭʰo viṣṭāríṇaṃ paktvā́ dívam ā́ viveśa /
Halfverse: c    
āṇḍī́kaṃ kúmudaṃ sáṃ tanoti bísaṃ śālū́kaṃ śápʰako mulālī́ /
Halfverse: e    
etā́s tvā dʰā́rā úpa yantu sárvāḥ svargé loké mádʰumat pínvamānā úpa tvā tiṣṭʰantu puṣkaríṇīḥ sámantāḥ //5//

Verse: 6 
Halfverse: a    
gʰr̥táhradā mádʰukūlāḥ súrodakāḥ kṣīréṇa pūrṇā́ udakéna dadʰnā́ /
Halfverse: c    
etā́s tvā dʰā́rā úpa yantu sárvāḥ svargé loké mádʰumat pínvamānā úpa tvā tiṣṭʰantu puṣkaríṇīḥ sámantāḥ //6//

Verse: 7 
Halfverse: a    
catúraḥ kumbʰā́ṃś caturdʰā́ dadāmi kṣīréṇa pūrnā́m̐ udakéna dadʰnā́ /
Halfverse: c    
etā́s tvā dʰā́rā úpa yantu sárvāḥ svargé loké mádʰumat pínvamānā úpa tvā tiṣṭʰantu puṣkaríṇīḥ sámantāḥ //7//

Verse: 8 
Halfverse: a    
imám odanáṃ dadʰe brāhmaṇéṣu viṣṭāríṇaṃ lokajítaṃ svargám /
Halfverse: c    
me mā́ kṣeṣṭa svadʰáyā pínvamāno viśvárūpā dʰenúḥ kāmadúgʰā me astu //8//

Hymn: 35 
Verse: 1 
Halfverse: a    
yám odanáṃ pratʰamajā́ r̥tásya prajā́patis tápasā brahmáṇé 'pacat /
Halfverse: c    
lokā́nāṃ vídʰr̥tir nā́bʰiréṣāt ténaudanénā́ti tarāṇi mr̥tyúm //1//

Verse: 2 
Halfverse: a    
yénā́taran bʰūtakŕ̥tó 'ti mr̥tyúṃ yám anvávindan tápasā śrámeṇa /
Halfverse: c    
yáṃ papā́ca brahmáṇe bráhma pū́rvaṃ ténaudanénā́ti tarāṇi mr̥tyúm //2//

Verse: 3 
Halfverse: a    
dādʰā́ra pr̥tʰivī́ṃ viśvábʰojasaṃ antárikṣam ā́pr̥ṇād rásena /
Halfverse: c    
ástabʰnād dívam ūrdʰvó mahimnā́ tenaudanénā́ti tarāṇi mr̥tyúm //3//

Verse: 4 
Halfverse: a    
yásmān mā́sā nírmitās triṃśádarāḥ saṃvatsaró yásmān nírmito dvā́daśāraḥ /
Halfverse: c    
ahorātrā́ yáṃ pariyánto nā́pús ténaudanénā́ti tarāṇi mr̥tyúm //4//

Verse: 5 
Halfverse: a    
yáḥ prāṇadáḥ prāṇadávān babʰū́va yásmai lokā́ gʰr̥távantaḥ kṣáranti /
Halfverse: c    
jyótiṣmatīḥ pradíśo yásya sárvās ténaudanénā́ti tarāṇi mr̥tyúm //5//

Verse: 6 
Halfverse: a    
yásmāt pakvā́d amŕ̥taṃ saṃbabʰū́va gāyatryā́ ádʰipatir babʰū́va /
Halfverse: c    
yásmin védā níhitā viśvárūpās ténaudanénā́ti tarāṇi mr̥tyúm //6//

Verse: 7 
Halfverse: a    
áva bādʰe dviṣántaṃ devapīyúṃ sapátnā 'pa te bʰavantu /
Halfverse: c    
brahmaudanáṃ viśvajítaṃ pacāmi śr̥ṇvántu me śraddádʰānasya devā́ḥ //7//

Hymn: 36 
Verse: 1 
Halfverse: a    
tā́nt satyaújāḥ prá dahatv agnír vaiśvānaró vŕ̥ṣā /
Halfverse: c    
no durasyā́d dípsāc cā́tʰo no arātiyā́t //1//

Verse: 2 
Halfverse: a    
no dipsā́d ádipsato dípsato yáś ca dípsati /
Halfverse: c    
vaiśvānarásya dáṃṣṭrayor agnér ápi dadʰāmi tám //2//

Verse: 3 
Halfverse: a    
āgaré mr̥gáyante pratikrośé 'māvāsyè /
Halfverse: c    
kravyā́do anyā́n dípsataḥ sárvāṃs tā́nt sáhasā sahe //3//

Verse: 4 
Halfverse: a    
sáhe piśācā́nt sáhasaíṣāṃ dráviṇaṃ dade /
Halfverse: c    
sárvān durasyató hanmi sáṃ ma ā́kūtir r̥dyatām //4//

Verse: 5 
Halfverse: a    
devā́s téna hā́sante sū́ryeṇa mimate javám /
Halfverse: c    
nadī́ṣu párvateṣu sáṃ taíḥ paśúbʰir vide //5//

Verse: 6 
Halfverse: a    
tápano asmi piśācā́nām vyāgʰró gómatām iva /
Halfverse: c    
śvā́naḥ siṃhám iva dr̥ṣṭvā́ vindante nyáñcanam //6//

Verse: 7 
Halfverse: a    
piśācaíḥ sáṃ śaknomi stenaíḥ vanargúbʰiḥ /
Halfverse: c    
piśācā́s tásmān naśyanti yám aháṃ grā́mam āviśé //7//

Verse: 8 
Halfverse: a    
yáṃ grā́mam āviśáta idám ugráṃ sáho máma /
Halfverse: c    
piśācā́s tásmān naśyanti pāpám úpa jānate //8//

Verse: 9 
Halfverse: a    
krodʰáyanti lapitā́ hastínaṃ maśákā iva /
Halfverse: c    
tā́n aháṃ manye dúrhitān jáne álpaśayūn iva //9//

Verse: 10 
Halfverse: a    
abʰí táṃ nírr̥tir dʰattām áśvam iva aśvābʰidʰā́nyā /
Halfverse: c    
malvó máhyaṃ krúdʰyati u pā́śān mucyate //10//

Hymn: 37 
Verse: 1 
Halfverse: a    
tváyā pū́rvam átʰarvāṇo jagʰnū́ rákṣāṃsy oṣadʰe /
Halfverse: c    
tváyā jagʰāna kaśyápas tváyā káṇvo agástyaḥ //1//

Verse: 2 
Halfverse: a    
tváyā vayám apsaráso gandʰarvā́ṃs cātayāmahe /
Halfverse: c    
ájaśr̥ṅgy ája rákṣaḥ sárvān gandʰéna nāśaya //2//

Verse: 3 
Halfverse: a    
nadī́ṃ yantv apsaráso 'pā́ṃ tārám avaśvasám /
Halfverse: c    
gulgulū́ḥ pī́lā nalady aù3kṣágandʰiḥ pramandanī́ /
Halfverse: e    
tát páretāpsarasaḥ prátibuddʰā abʰūtana //3//

Verse: 4 
Halfverse: a    
yátrāśvattʰā́ nyagródʰā mahāvr̥kṣā́ḥ śikʰaṇḍínaḥ /
Halfverse: c    
tát páretāpsarasaḥ prátibuddʰā abʰūtana //4//

Verse: 5 
Halfverse: a    
yátra vaḥ preṅkʰā́ háritā árjunā utá yátrāgʰātā́ḥ karkaryàḥ saṃvádanti /
Halfverse: c    
tát páretāpsarasaḥ prátibuddʰā abʰūtana //5//

Verse: 6 
Halfverse: a    
éyám agann óṣadʰīnāṃ vīrúdʰām vīryā̀vatī /
Halfverse: c    
ajaśr̥ṅgy àrāṭakī́ tīkṣṇaśr̥ṅgī́ vyr̥̀ṣatu //6//

Verse: 7 
Halfverse: a    
ānŕ̥tyataḥ śikʰaṇḍíno gandʰarvásyāpsarāpatéḥ /
Halfverse: c    
bʰinádmi muṣkā́v ápi yāmi śépaḥ //7//

Verse: 8 
Halfverse: a    
bʰīmā́ índrasya hetáyaḥ śatáṃ r̥ṣṭī́r ayasmáyīḥ /
Halfverse: c    
tā́bʰir haviradā́n gandʰarvā́n avakādā́n vyr̥̀ṣatu //8//

Verse: 9 
Halfverse: a    
bʰīmā́ índrasya hetáyaḥ śatáṃ r̥ṣṭī́r hiraṇyáyīḥ /
Halfverse: c    
tā́bʰir haviradā́n gandʰarvā́n avakādā́n vyr̥̀ṣatu //9//

Verse: 10 
Halfverse: a    
avakādā́n abʰiśocā́n apsú jyotaya māmakā́n /
Halfverse: c    
piśācā́nt sárvān oṣadʰe prá mr̥ṇīhi sáhasva ca //10//

Verse: 11 
Halfverse: a    
śvévaíkaḥ kapír ivaíkaḥ kumāráḥ sarvakeśakáḥ /
Halfverse: c    
priyó dr̥śá iva bʰūtvā́ gandʰarváḥ sacate stríyas /
Halfverse: e    
tám itó nāśayāmasi bráhmaṇā vīryā̀vatā //11//

Verse: 12 
Halfverse: a    
jāyā́ íd vo apsaráso gándʰarvāḥ pátayo yuyám /
Halfverse: c    
ápa dʰāvatāmartyā mártyān mā́ sacadʰvam //12//

Hymn: 38 
Verse: 1 
Halfverse: a    
udbʰindatī́ṃ saṃjáyantīm apsarā́ṃ sādʰudevínīm /
Halfverse: c    
gláhe kr̥tā́ni kr̥ṇvānā́m apsarā́ṃ tā́m ihá huve //1//

Verse: 2 
Halfverse: a    
vicinvatī́m ākirántīm apsarā́ṃ sādʰudevínīm /
Halfverse: c    
gláhe kr̥tā́ni gr̥hṇānā́m apsarā́ṃ tā́m ihá huve //2//

Verse: 3 
Halfverse: a    
yā́yaiḥ parinŕ̥tyaty ādádānā kr̥táṃ gláhāt /
Halfverse: c    
sā́ naḥ kr̥tā́ni sīṣatī́ prahā́m āpnotu māyáyā /
Halfverse: e    
sā́ naḥ páyasvaty aítu mā́ no jaiṣur idáṃ dʰánam //3//

Verse: 4 
Halfverse: a    
yā́ akṣéṣu pramódante śúcaṃ kródʰaṃ ca bíbʰratī /
Halfverse: c    
ānandínīṃ pramodínīm apsarā́ṃ tā́m ihá huve //4//

Verse: 5 
Halfverse: a    
sū́ryasya raśmī́n ánu yā́ḥ sañcáranti márīcīr yā́ anusañcáranti /
Halfverse: c    
yā́sām r̥ṣabʰó dūrató vājínīvānt sadyáḥ sárvān lokā́n paryéti rákṣan /
Halfverse: e    
na aítu hómam imáṃ jusāṇò3 'ntárikṣeṇa sahá vājínīvān //5//

Verse: 6 
Halfverse: a    
antárikṣena sahá vājinīvan karkī́ṃ vatsā́m ihá rakṣa vājin /
Halfverse: c    
imé te stokā́ bahulā́ éhy arvā́ṅ iyáṃ te karkī́há te máno 'stu //6//

Verse: 7 
Halfverse: a    
antárikṣeṇa sahá vājinīvan karkī́ṃ vatsā́m ihá rakṣa vājin /
Halfverse: c    
ayáṃ gʰāsó ayáṃ vrajá ihá vatsā́ṃ badʰnīmaḥ /
Halfverse: e    
yatʰānāmá va īśmahe svā́hā //7//

Hymn: 39 
Verse: 1 
Halfverse: a    
pr̥tʰivyā́m agnáye sám anamant ārdʰnot /
Halfverse: c    
yátʰā pr̥tʰivyā́m agnáye samánamann evā́ máhyaṃ saṃnámaḥ sáṃ namantu //1//

Verse: 2 
Halfverse: a    
pr̥tʰivī́ dʰenús tásyā agnír vatsáḥ /
Halfverse: c    
sā́ me 'gnínā vatsénéṣam ū́rjaṃ kā́maṃ duhām /
Halfverse: e    
ā́yuḥ pratʰamáṃ prajā́ṃ póṣaṃ rayíṃ svā́hā //2//

Verse: 3 
Halfverse: a    
antárikṣe vāyáve sám anamant ārdʰnot /
Halfverse: c    
yátʰāntárikṣe vāyáve samánamann evā́ máhyaṃ saṃnámaḥ sáṃ namantu //3//

Verse: 4 
Halfverse: a    
antárikṣaṃ dʰenús tásyā vatsáḥ /
Halfverse: c    
sā́ me vāyúnā vatsénéṣam ū́rjaṃ kā́maṃ duhām /
Halfverse: e    
ā́yuḥ pratʰamáṃ prajā́ṃ póṣaṃ rayíṃ svā́hā //4//

Verse: 5 
Halfverse: a    
divyā̀dityā́ya sám anamant ārdʰnot /
Halfverse: c    
yátʰā divyā̀dityā́ya samánamann evā́ máhyaṃ saṃnámaḥ sáṃ namantu //5//

Verse: 6 
Halfverse: a    
dyaúr dʰenús tásyā ādityó vatsáḥ /
Halfverse: c    
sā́ ma ādityéna vatsénéṣam ū́rjaṃ kā́maṃ duhām /
Halfverse: e    
ā́yuḥ pratʰamáṃ prajā́ṃ póṣaṃ rayíṃ svā́hā //6//

Verse: 7 
Halfverse: a    
dikṣú candrā́ya sám anamant ārdʰnot /
Halfverse: c    
yátʰā dikṣú candrā́ya samánamann evā́ máhyaṃ saṃnámaḥ sáṃ namantu //7//

Verse: 8 
Halfverse: a    
díśo dʰenávas tā́sāṃ candró vatsáḥ /
Halfverse: c    
tā́ me candréṇa vatsénéṣam ū́rjaṃ kā́maṃ duhām ā́yuḥ pratʰamáṃ prajā́ṃ pósaṃ rayíṃ svā́hā //8//

Verse: 9 
Halfverse: a    
agnā́v agníś carati práviṣṭa ŕ̥ṣīṇām putró abʰiśastipā́ u /
Halfverse: c    
namaskāréṇa námasā te juhomi mā́ devā́nāṃ mitʰuyā́ karma bʰāgám //9//

Verse: 10 
Halfverse: a    
hr̥dā́ pūtám mánasā jātavedo víśvāni deva vayúnāni vidvā́n /
Halfverse: c    
saptā́syā̀ni táva jātavedas tébʰyo juhomi juṣasva havyám //10//

Hymn: 40 
Verse: 1 
Halfverse: a    
purástāj júhvati jātavedaḥ prā́cyā diśó 'bʰidā́santy asmā́n /
Halfverse: c    
agním r̥tvā́ párāñco vyatʰantāṃ pratyág enān pratisaréṇa hanmi //1//

Verse: 2 
Halfverse: a    
dakṣiṇató júhvati jātavedo dákṣiṇāyā diśó 'bʰidā́santy asmā́n /
Halfverse: c    
yamáṃ r̥tvā́ párāñco vyatʰantāṃ pratyág enā pratisaréṇa hanmi //2//

Verse: 3 
Halfverse: a    
paścā́j júhvati jātavedaḥ pratī́cyā diśó 'bʰidā́santy asmā́n /
Halfverse: c    
váruṇam r̥tvā́ párāñco vyatʰantāṃ pratyág enān pratisaréṇa hanmi //3//

Verse: 4 
Halfverse: a    
uttarató júhvati jātaveda údīcyā diśó 'bʰidā́santy asmā́n /
Halfverse: c    
sómam r̥tvā́ párāñco vyatʰantāṃ pratyág enān pratisaréṇa hanmi //4//

Verse: 5 
Halfverse: a    
'dʰástāj júhvati jātaveda údīcyā diśó 'bʰidā́santy asmā́n /
Halfverse: c    
bʰū́mim r̥tvā́ párāñco vyatʰantāṃ pratyág enān pratisaréṇa hanmi //5//

Verse: 6 
Halfverse: a    
yè3 'ntárikṣāj júhvati jātavedo vyadʰvā́yā diśó 'bʰidā́santy asmā́n /
Halfverse: c    
vāyúm r̥tvā́ párāñco vyatʰantāṃ pratyág enān pratisaréṇa hanmi //6//

Verse: 7 
Halfverse: a    
upáriṣṭāj júhvati jātaveda ūrdʰvā́yā diśó 'bʰidā́santy asmā́n /
Halfverse: c    
sū́ryam r̥tvā́ párāñco vyatʰantāṃ pratyág enān pratisaréṇa hanmi //7//

Verse: 8 
Halfverse: a    
diśā́m antardeśébʰyo júhvati jātavedaḥ sárvābʰyo digbʰyó 'bʰidā́santi asmā́n /
Halfverse: c    
bráhma rtvā́ párāñco vyatʰantāṃ pratyág enān pratisaréṇa hanmi //8//



Book: 5 
5
Hymn: 1 


Verse: 1 
Halfverse: a    
ŕ̥dʰaṅmantro yóniṃ ābabʰū́vamŕ̥tāsur várdʰamānaḥ sujánmā /
Halfverse: c    
ádabdʰāsur bʰrā́jamānó 'heva tritó dʰartā́ dādʰāra trī́ṇi //1//

Verse: 2 
Halfverse: a    
ā́ dʰármāṇi pratʰamáḥ sasā́da táto vápūṃṣi kr̥ṇuṣe purū́ṇi /
Halfverse: c    
dʰāsyúr yóniṃ pratʰamá ā́ viveśā́ vā́cam ánuditāṃ cikéta //2//

Verse: 3 
Halfverse: a    
yás te śókāya tanvàṃ riréca kṣárad dʰíraṇyaṃ śúcayó 'nu svā́ḥ /
Halfverse: c    
átrā dadʰete amŕ̥tāni nā́māsmé vástrāṇi víśa érayantām //3//

Verse: 4 
Halfverse: a    
prá yád eté prataráṃ pūrvyáṃ gúḥ sádaḥsada ātíṣṭʰanto ajuryám /
Halfverse: c    
kavíḥ śuṣásya mātárā rihāṇé jāmyaí dʰúryaṃ pátim erayetʰām //4//

Verse: 5 
Halfverse: a    
tád ū ṣú te mahát pr̥tʰujman námaḥ kavíḥ kā́vyena kr̥ṇomi /
Halfverse: c    
yát samyáñcāv abʰiyántāv abʰí kṣā́m átrā mahī́ ródʰacakre vāvr̥dʰéte //5//

Verse: 6 
Halfverse: a    
saptá maryā́dāḥ kaváyas tatakṣus tā́sām íd ékām abʰy àṃhuró gāt /
Halfverse: c    
āyór ha skambʰá upamásya nīḍé patʰā́ṃ visargé dʰarúṇeṣu tastʰau //6//

Verse: 7 
Halfverse: a    
utā́mŕ̥tāsur vráta emi kr̥nvánn ásur ātmā́ tanvà1s tát sumádguḥ /
Halfverse: c    
utá śakró rátnaṃ dádʰāty ūrjáyā yát sácate havirdā́ḥ //7//

Verse: 8 
Halfverse: a    
utá putráḥ pitáraṃ kṣatrám īḍe jyeṣṭʰáṃ maryā́dam ahvayant svastáye /
Halfverse: c    
dárśan tā́ varuṇa yā́s te viṣṭʰā́ āvárvratataḥ kr̥ṇavo vápūṃṣi //8//

Verse: 9 
Halfverse: a    
ardʰám ardʰéna páyasā pr̥ṇakṣy ardʰéna śuṣma vardʰase amura /
Halfverse: c    
áviṃ vr̥dʰāma śagmíyaṃ sákʰāyaṃ váruṇaṃ putrám ádityā iṣirám /
Halfverse: e    
kaviśastā́ny asmai vápūṃṣy avocāma ródasī satyavā́cā //9//

Hymn: 2 
Verse: 1 
Halfverse: a    
tád íd āsa bʰúvaneṣu jyéṣṭʰam yáto yajñá ugrás tveṣánr̥mṇaḥ /
Halfverse: c    
sadyó jajñānó riṇāti śátrūn ánu yád enaṃ mádanti víśva ū́māḥ //1//

Verse: 2 
Halfverse: a    
vavr̥dʰānáḥ śávasā bʰū́ryojāḥ śátrur dāsā́ya bʰiyásaṃ dadʰāti /
Halfverse: c    
ávyanac ca vyanác ca sásni sáṃ te navanta prábʰr̥tā mádeṣu //2//

Verse: 3 
Halfverse: a    
tvé krátum ápi pr̥ñcanti bʰū́ri dvír yád eté trír bʰavanty ū́māḥ /
Halfverse: c    
svadóḥ svā́dīyaḥ svādúnā sr̥jā sám adáḥ mádʰu mádʰunābʰí yodʰīḥ //3//

Verse: 4 
Halfverse: a    
yádi cin tvā dʰánā jáyantaṃ ráṇeraṇe anumádanti viprāḥ /
Halfverse: c    
ójīyaḥ śuṣmint stʰirám ā́ tanuṣva mā́ tvā dabʰan durévāsaḥ kaśókāḥ //4//

Verse: 5 
Halfverse: a    
tváyā vayáṃ śāśadmahe ráṇeṣu prapáśyanto yudʰényāni bʰū́ri /
Halfverse: c    
codáyāmi ta ā́yudʰā vácobʰiḥ sáṃ te śiśāmi bráhmaṇā váyāṃsi //5//

Verse: 6 
Halfverse: a    
tád dadʰiṣé 'vare páre ca yásminn ā́vitʰā́vasā duroṇé /
Halfverse: c    
ā́ stʰāpayata mātáraṃ jigatnúm áta invata kárvarāṇi bʰū́ri //6//

Verse: 7 
Halfverse: a    
stuṣvá varṣman puruvártmānaṃ sám ŕ̥bʰvāṇam inátamam āptám āptyā́nām /
Halfverse: c    
ā́ darśati śávasā bʰū́ryojāḥ prá sakṣati pratimā́naṃ pr̥tʰivyā́ḥ //7//

Verse: 8 
Halfverse: a    
imā́ bráhma br̥háddivaḥ kr̥ṇavad índrāya śūṣám agriyáḥ svarṣā́ḥ /
Halfverse: c    
mahó gotrásya kṣayati svarā́jā túraś cid víśvam arṇavat tápasvān //8//

Verse: 9 
Halfverse: a    
evā́ mahā́n br̥háddivo átʰarvā́vocat svā́ṃ tanvà1m índram evá /
Halfverse: c    
svásārau mātaríbʰvarī aripré hinvánti caine śávasā vardʰáyanti ca //9//

Hymn: 3 
Verse: 1 
Halfverse: a    
mámāgne várco vihavéṣv astu vayáṃ tvéndʰānās tanvàm puṣema /
Halfverse: c    
máhyaṃ namantāṃ pradíśaś cátasras tváyā́dʰyakṣeṇa pŕ̥tanā jayema //1//

Verse: 2 
Halfverse: a    
ágne manyúṃ pratinudán páreṣāṃ tváṃ no gopā́ḥ pári pāhi viśvátaḥ /
Halfverse: c    
ápāñco yantu nivátā durasyávo 'maíṣāṃ cittáṃ prabúdʰāṃ neśat //2//

Verse: 3 
Halfverse: a    
máma devā́ vihavé santu sárva índravanto marúto víṣṇur agníḥ /
Halfverse: c    
mámāntárikṣam urúlokam astu máhyaṃ vā́taḥ pavatāṃ kā́māyāsmaí //3//

Verse: 4 
Halfverse: a    
máhyaṃ yajantāṃ máma yā́nīṣṭā́kūtiḥ satyā́ mánaso me astu /
Halfverse: c    
éno mā́ gāṃ katamác canāháṃ víśve devā́ abʰí rakṣantu mehá //4//

Verse: 5 
Halfverse: a    
máyi devā́ dráviṇam ā́ yajantāṃ máyi āśī́r astu máyi deváhūtiḥ /
Halfverse: c    
daivā́ hótāraḥ saniṣan na etád áriṣṭāḥ syāma tanvā̀ suvī́rāḥ //5//

Verse: 6 
Halfverse: a    
daívīḥ ṣaḍ urvīr urú naḥ kr̥ṇota víśve devāsa ihá mādayadʰvam /
Halfverse: c    
mā́ no vidad abʰibʰā́ áśastir mā́ no vidad vr̥jinā́ dvéṣyā yā́ //6//

Verse: 7 
Halfverse: a    
tísro devīr máhi naḥ śárma yacʰata prajā́yai nas tanvè3 yác ca puṣṭám /
Halfverse: c    
mā́ hāsmahi prajáyā mā́ tanū́bʰir mā́ radʰāma dviṣaté soma rājan //7//

Verse: 8 
Halfverse: a    
uruvyácā no mahiṣáḥ śárma yacʰatv asmín háve puruhūtáḥ purukṣú /
Halfverse: c    
naḥ prajā́yai haryaśva mr̥ḍéndra mā́ no rīriṣo mā́ párā dāḥ //8//

Verse: 9 
Halfverse: a    
dʰātā́ vidʰātā́ bʰúvanasya yás pátir deváḥ savitā́bʰimātiṣāháḥ /
Halfverse: c    
ādityā́ rudrā́ aśvínobʰā́ devā́ḥ pāntu yájamānaṃ nirr̥tʰā́t //9//

Verse: 10 
Halfverse: a    
naḥ sapátnā ápa bʰavantv indrāgníbʰyām áva bādʰāmaha enān /
Halfverse: c    
ādityā́ rudrā́ uparispŕ̥śo na ugráṃ cettā́ram adʰirājám akrata //10//

Verse: 11 
Halfverse: a    
arvā́ñcam índram amúto havāmahe gojíd dʰanajíd aśvajíd yáḥ /
Halfverse: c    
imáṃ no yajñáṃ vihavé śr̥ṇotv asmā́kam abʰūr haryaśva medī́ //11//

Hymn: 4 
Verse: 1 
Halfverse: a    
giríṣv ájāyatʰā vīrúdʰāṃ bálavattamaḥ /
Halfverse: c    
kúṣṭʰéhi takmanāśana takmā́naṃ nāśáyann itáḥ //1//

Verse: 2 
Halfverse: a    
suparṇasúvane giraú jātáṃ himávatas pári /
Halfverse: c    
dʰánair abʰí śrutvā́ yanti vidúr takmanā́śanam //2//

Verse: 3 
Halfverse: a    
aśvattʰó devasádanas tr̥tī́yasyām itó diví /
Halfverse: c    
tátrāmŕ̥tasya cákṣaṇaṃ devā́ḥ kúṣṭʰam avanvata //3//

Verse: 4 
Halfverse: a    
hiraṇyáyī naúr acarad dʰíraṇyabandʰanā diví /
Halfverse: c    
tátrāmŕ̥tasya púṣpaṃ devā́ḥ kúṣṭʰam avanvata //4//

Verse: 5 
Halfverse: a    
hiraṇyáyāḥ pántʰāna āsann áritrāṇi hiraṇyáyā /
Halfverse: c    
nā́vo hiraṇyáyīr āsan yā́bʰiḥ kúṣṭʰaṃ nirā́vahan //5//

Verse: 6 
Halfverse: a    
imáṃ me kuṣṭʰa pū́ruṣaṃ tám ā́ vaha táṃ níṣ kuru /
Halfverse: c    
tám u me agadáṃ kr̥dʰi //6//

Verse: 7 
Halfverse: a    
devébʰyo ádʰi jātó 'si sómasyāsi sákʰā hitáḥ /
Halfverse: c    
prāṇā́ya vyānā́ya cákṣuṣe me asmaí mr̥ḍa //7//

Verse: 8 
Halfverse: a    
údaṅ jātó himávataḥ prācyā́ṃ nīyase jánam /
Halfverse: c    
tátra kúṣṭʰasya nā́māny uttamā́ni bʰejire //8//

Verse: 9 
Halfverse: a    
uttamó nā́ma kuṣṭʰasy uttamó nā́ma te pitā́ /
Halfverse: c    
yákṣmaṃ ca sárvaṃ nāśáya takmā́naṃ cārasáṃ kr̥dʰi //9//

Verse: 10 
Halfverse: a    
śīrṣāmayáṃ upahatyā́m akṣyós tanvò3 rápaḥ /
Halfverse: c    
kúṣṭʰas tát sárvaṃ níṣ karad daívaṃ samaha vŕ̥ṣṇyam //10//

Hymn: 5 
Verse: 1 
Halfverse: a    
rā́trī mātā́ nábʰaḥ pitā́ryamā́ te pitāmaháḥ /
Halfverse: c    
silācī́ nā́ma vā́ asi sā́ devā́nām asi svásā //1//

Verse: 2 
Halfverse: a    
yás tvā píbati jī́vati trā́yase púruṣaṃ tvám /
Halfverse: c    
bʰartrī́ śáśvatām ási jánānāṃ ca nyáñcanī //2//

Verse: 3 
Halfverse: a    
vr̥kṣáṃvr̥kṣam ā́ rohasi vr̥ṣaṇyántīva kanyálā /
Halfverse: c    
jáyantī pratyātíṣṭʰantī spáraṇī nā́ma vā́ asi //3//

Verse: 4 
Halfverse: a    
yád daṇḍéna yád íṣvā yád vā́rur hárasā kr̥tám /
Halfverse: c    
tásya tvám asi níṣkr̥tiḥ sémáṃ níṣ kr̥dʰi pū́ruṣam //4//

Verse: 5 
Halfverse: a    
bʰadrā́t plakṣā́n nís tiṣṭʰasy aśvattʰā́t kʰadirā́d dʰavā́t /
Halfverse: c    
bʰadrā́n nyagródʰāt parṇā́t sā́ na éhy arundʰati //5//

Verse: 6 
Halfverse: a    
híraṇyavarṇe súbʰage sū́ryavarṇe vápuṣṭame /
Halfverse: c    
rutáṃ gacʰāsi niṣkr̥te níṣkr̥tir nā́ma vā́ asi //6//

Verse: 7 
Halfverse: a    
híraṇyavarṇe súbʰage śúṣme lómaśavakṣane /
Halfverse: c    
apā́m asi svásā lākṣe vā́to hātmā́ babʰūva te //7//

Verse: 8 
Halfverse: a    
silācī́ nā́ma kānīnó 'jababʰru pitā́ táva /
Halfverse: c    
áśvo yamásya yáḥ śyāvás tásya hāsnā́sy ukṣitā́ //8//

Verse: 9 
Halfverse: a    
áśvasyāsnáḥ sáṃpatitā sā́ vr̥kṣā́m̐ abʰí siṣyade /
Halfverse: c    
sarā́ patatriṇī bʰūtvā́ sā́ na éhy arundʰati //9//

Hymn: 6 
Verse: 1 
Halfverse: a    
bráhma jajñānáṃ pratʰamáṃ purástād sīmatáḥ surúco vená āvaḥ /
Halfverse: c    
budʰnyā̀ upamā́ asya viṣṭʰā́ḥ satáś ca yónim ásataś ca vaḥ //1//

Verse: 2 
Halfverse: a    
ánāptā vaḥ pratʰamā́ yā́ni kármāṇi cakriré /
Halfverse: c    
vīrā́n no átra mā́ dabʰan tád va etát puró dadʰe //2//

Verse: 3 
Halfverse: a    
sahásradʰāra evá te sám asvaran divó nā́ke mádʰujihvā asaścátaḥ /
Halfverse: c    
tásya spáśo ni miṣanti bʰū́rṇayaḥ padépade pāśínaḥ santi sétave //3//

Verse: 4 
Halfverse: a    
páry ū ṣú prá dʰanvā vā́jasātaye pári vr̥trā́ṇi sakṣáṇiḥ /
Halfverse: c    
dviṣás tád ádʰy arṇavéneyase sanisrasó nā́māsi trayodaśó mā́sa índrasya gr̥háḥ //4//

Verse: 5 
Halfverse: a    
nv è3ténārātsīr asau svā́hā /
Halfverse: c    
tigmā́yudʰau tigmáhetī suśévau sómārudrāv ihá mr̥ḍataṃ naḥ //5//

Verse: 6 
Halfverse: a    
ávaiténārātsīr asau svā́hā /
Halfverse: c    
tigmā́yudʰau tigmáhetī suśévau sómārudrāv ihá mr̥ḍataṃ naḥ //6//

Verse: 7 
Halfverse: a    
ápaiténārātsīr asau svā́hā /
Halfverse: c    
tigmā́yudʰau tigmáhetī suśévau sómārudrāv ihá mr̥ḍataṃ naḥ //7//

Verse: 8 
Halfverse: a    
mumuktám asmā́n duritā́d avadyā́j juṣétʰām yajñám amŕ̥tam asmā́su dʰattam //8//

Verse: 9 
Halfverse: a    
cákṣuṣo hete mánaso hete bráhmaṇo hete tápasaś ca hete /
Halfverse: c    
menyā́ menír asy amenáyas santu 'smā́m̐ abʰyagʰāyánti //9//

Verse: 10 
Halfverse: a    
yò3 'smā́ṃś cákṣuṣā mánasā cíttyā́kūtyā ca agʰāyúr abʰidā́sāt /
Halfverse: c    
tváṃ tā́n agne menyā́menī́n kr̥ṇu svā́hā //10//

Verse: 11 
Halfverse: a    
índrasya gr̥hó 'si /
Halfverse: c    
táṃ tvā prá padye táṃ tvā prá viśāmi sárvaguḥ sárvapūruṣaḥ sárvātmā sárvatanūḥ sahá yán 'sti téna //11//

Verse: 12 
Halfverse: a    
índrasya śármāsi /
Halfverse: c    
táṃ tvā prá padye táṃ tvā prá viśāmi sárvaguḥ sárvapūruṣaḥ sárvātmā sárvatanūḥ sahá yán 'sti téna //12//

Verse: 13 
Halfverse: a    
índrasya vármāsi /
Halfverse: c    
táṃ tvā prá padye táṃ tvā prá viśāmi sárvaguḥ sárvapūruṣaḥ sárvātmā sárvatanūḥ sahá yán 'sti téna //13//

Verse: 14 
Halfverse: a    
índrasya várūtʰam asi /
Halfverse: c    
táṃ tvā prá padye táṃ tvā prá viśāmi sárvaguḥ sárvapūruṣaḥ sárvātmā sárvatanūḥ sahá yán 'sti téna //14//

Hymn: 7 
Verse: 1 
Halfverse: a    
ā́ no bʰara mā́ pári ṣṭʰā arāte mā́ no rakṣīr dákṣiṇāṃ nīyámānām /
Halfverse: c    
námo vīrtsā́yā ásamr̥ddʰaye námo astv árātaye //1//

Verse: 2 
Halfverse: a    
yám arāte purodʰatsé púruṣaṃ parirāpíṇam /
Halfverse: c    
námas te tásmai kr̥ṇmo mā́ vaníṃ vyatʰayīr máma //2//

Verse: 3 
Halfverse: a    
prá ṇo vanír devákr̥tā dívā náktaṃ ca kalpatām /
Halfverse: c    
árātim anuprémo vayáṃ námo astv árātaye //3//

Verse: 4 
Halfverse: a    
sárasvatīm ánumatim bʰágam yánto havāmahe /
Halfverse: c    
vā́cam juṣṭā́ṃ mádʰumatīm avādiṣaṃ devā́nāṃ deváhūtiṣu //4//

Verse: 5 
Halfverse: a    
yáṃ yā́cāmy aháṃ vācā́ sárasvatyā manoyújā /
Halfverse: c    
śraddʰā́ tám adyá vindatu dattā́ sómena babʰrúṇā //5//

Verse: 6 
Halfverse: a    
mā́ vaníṃ mā́ vā́caṃ no vī́rtsīr ubʰā́v indrāgnī́ ā́ bʰaratāṃ no vásūni /
Halfverse: c    
sárve no adyá dítsantó 'rātiṃ práti haryata //6//

Verse: 7 
Halfverse: a    
paró 'pehy asamr̥ddʰe te hetím nayāmasi /
Halfverse: c    
véda tvāháṃ nimī́vantīṃ nitudántīm arāte //7//

Verse: 8 
Halfverse: a    
utá nagnā́ bóbʰuvatī svapnayā́ sacase jánam /
Halfverse: c    
árāte cittám vī́rtsanty ā́kūtim púruṣasya ca //8//

Verse: 9 
Halfverse: a    
yā́ mahatī́ mahónmānā víśvā ā́śā vyānaśé /
Halfverse: c    
tásyai hiraṇyakeśyaí nírr̥tyā akaraṃ námaḥ //9//

Verse: 10 
Halfverse: a    
híraṇyavarṇā subʰágā híraṇyakaśipur mahī́ /
Halfverse: c    
tásyai híraṇyadrāpayé 'rātyā akaraṃ námaḥ //10//

Hymn: 8 
Verse: 1 
Halfverse: a    
vaikaṅkaténedʰména devébʰya ā́jyaṃ vaha /
Halfverse: c    
ágne tā́m ihá mādaya sárva ā́ yantu me hávam //1//

Verse: 2 
Halfverse: a    
indrā́ yāhi me hávam idáṃ kariṣyāmi tác cʰr̥ṇu /
Halfverse: c    
imá aindrā́ atisarā́ ā́kūtiṃ sáṃ namantu me /
Halfverse: e    
tébʰiḥ śakema vīryà1ṃ jā́tavedas tánūvaśin //2//

Verse: 3 
Halfverse: a    
yád asā́v amúto devā adeváḥ sáṃś cíkīrṣati /
Halfverse: c    
mā́ tásyāgnír havyáṃ vākṣīd dʰávaṃ devā́ asya mópa gúr mámaivá hávam étana //3//

Verse: 4 
Halfverse: a    
áti dʰāvatātisarā índrasya vácasā hata /
Halfverse: c    
áviṃ vŕ̥ka iva matʰnīta vo jī́van mā́ moci prānám asyā́pi nahyata //4//

Verse: 5 
Halfverse: a    
yám amī́ purodadʰiré brahmā́ṇam ápabʰūtaye /
Halfverse: c    
índra te adʰaspadáṃ táṃ práty asyāmi mr̥tyáve //5//

Verse: 6 
Halfverse: a    
yádi preyúr devapurā́ bráhma vármāṇi cakriré /
Halfverse: c    
tanūpā́naṃ paripā́ṇaṃ kr̥ṇvānā́ yád upociré sárvaṃ tád arasáṃ kr̥dʰi //6//

Verse: 7 
Halfverse: a    
yā́n asā́v atisarā́ṃś cakā́ra kr̥ṇávac ca yā́n /
Halfverse: c    
tváṃ tā́n indra vr̥trahan pratī́caḥ púnar ā́ kr̥dʰi yátʰāmúṃ tr̥ṇáhāṃ jánam //7//

Verse: 8 
Halfverse: a    
yátʰéndra udvā́canaṃ labdʰvā́ cakré adʰaspadám /
Halfverse: c    
kr̥ṇvé 'hám ádʰarān tátʰā amū́ñ cʰaśvatī́bʰyaḥ sámābʰyaḥ //8//

Verse: 9 
Halfverse: a    
átrainān indra vr̥trahann ugró mármaṇi vidʰya /
Halfverse: c    
átraivaínān abʰí tiṣṭʰéndra medy à1háṃ táva /
Halfverse: e    
ánu tvendrā́ rabʰāmahe syā́ma sumataú táva //9//

Hymn: 9 
Verse: 1 
Halfverse: a    
divé svā́hā //1//

Verse: 2 
Halfverse: a    
pr̥tʰivyaí svā́hā //2//

Verse: 3 
Halfverse: a    
antárikṣāya svā́hā //3//

Verse: 4 
Halfverse: a    
antárikṣāya svā́hā //4//

Verse: 5 
Halfverse: a    
divé svā́hā //5//

Verse: 6 
Halfverse: a    
pr̥tʰivyaí svā́hā //6//

Verse: 7 
Halfverse: a    
sū́ryo me cákṣur vā́taḥ prāṇó 'ntárikṣam ātmā́ pr̥tʰivī́ śárīram /
Halfverse: c    
astr̥tó nā́māhám ayám asmi ātmā́naṃ dadʰe dyā́vāpr̥tʰivī́bʰyāṃ gopītʰā́ya //7//

Verse: 8 
Halfverse: a    
úd ā́yur úd bálam út kr̥tám út kr̥tyā́m ún manīṣā́m úd indriyám /
Halfverse: c    
ā́yuṣkr̥d ā́yuṣpatnī svádʰāvantau gopā́ me staṃ gopāyátaṃ /
Halfverse: e    
ātmasádau me staṃ mā́ hiṃsiṣṭam //8//

Hymn: 10 
Verse: 1 
Halfverse: a    
aśmavarmá me 'si prā́cyā diśó 'gʰāyúr abʰidā́sāt /
Halfverse: c    
etát r̥cʰāt //1//

Verse: 2 
Halfverse: a    
aśmavarmá me 'si dákṣiṇāyā diśó 'gʰāyúr abʰidā́sāt /
Halfverse: c    
etát r̥cʰāt //2//

Verse: 3 
Halfverse: a    
aśmavarmá me 'si pratī́cyā diśó 'gʰāyúr abʰidā́sāt /
Halfverse: c    
etát r̥cʰāt //3//

Verse: 4 
Halfverse: a    
aśmavarmá me 'si módīcyā diśó 'gʰāyúr abʰidā́sāt /
Halfverse: c    
etát r̥cʰāt //4//

Verse: 5 
Halfverse: a    
aśmavarmá me 'si dʰruvā́yā diśó 'gʰāyúr abʰidā́sāt /
Halfverse: c    
etát r̥cʰāt //5//

Verse: 6 
Halfverse: a    
aśmavarmá me 'si mordʰvā́yā diśó 'gʰāyúr abʰidā́sāt /
Halfverse: c    
etát r̥cʰāt //6//

Verse: 7 
Halfverse: a    
aśmavarmá me 'si diśā́m antardeśébʰyo 'gʰāyúr abʰidā́sāt /
Halfverse: c    
etát r̥cʰāt //7//

Verse: 8 
Halfverse: a    
br̥hatā́ mána úpa hvaye mātaríśvanā prāṇāpānaú /
Halfverse: c    
sū́ryāc cákṣur antárikṣāc cʰrótraṃ pr̥tʰivyā́ḥ śárīram /
Halfverse: e    
sárasvatyā vā́cam úpa hvayāmahe manoyújā //8//

Hymn: 11 
Verse: 1 
Halfverse: a    
katʰáṃ mahé ásurāyābravīr ihá katʰáṃ pitré háraye tveṣánr̥mṇaḥ /
Halfverse: c    
pŕ̥śniṃ varuṇa dákṣiṇāṃ dadāvā́n púnarmagʰa tváṃ mánasācikitsīḥ //1//

Verse: 2 
Halfverse: a    
kā́mena púnarmagʰo bʰavāmi sáṃ cakṣe káṃ pŕ̥śnim etā́m úpāje /
Halfverse: c    
kéna tvám atʰarvan kā́vyena kéna jāténāsi jātávedāḥ //2//

Verse: 3 
Halfverse: a    
satyám aháṃ gabʰīráḥ kā́vyena satyáṃ jāténāsmi jātávedāḥ /
Halfverse: c    
me dāsó nā́ryo mahitvā́ vratáṃ mīmāya yád aháṃ dʰariṣyé //3//

Verse: 4 
Halfverse: a    
tvád anyáḥ kavítaro medʰáyā dʰī́rataro varuṇa svadʰāvan /
Halfverse: c    
tváṃ tā́ víśvā bʰúvanāni vettʰa cin tváj jáno māyī́ bibʰāya //4//

Verse: 5 
Halfverse: a    
tváṃ hy àṅgá varuṇa svadʰāvan víśvā véttʰa jánima supraṇīte /
Halfverse: c    
kíṃ rájasa enā́ paró anyád asty enā́ kíṃ páreṇā́varam amura //5//

Verse: 6 
Halfverse: a    
ékaṃ rájasa enā́ paró anyád ásty enā́ pará ékena durṇáśaṃ cid arvā́k /
Halfverse: c    
tát te vidvā́n varuṇa prá bravīmy adʰóvacasaḥ paṇáyo bʰavantu nīcaír dāsā́ úpa sarpantu bʰū́mim //6//

Verse: 7 
Halfverse: a    
tváṃ hy àṅgá varuṇa brávīṣi púnarmagʰeṣv avadyā́ni bʰū́ri /
Halfverse: c    
ṣú paṇī́m̐r abʰy etā́vato bʰūn mā́ tvā vocann arādʰásaṃ jánāsaḥ //7//

Verse: 8 
Halfverse: a    
mā́ vocann arādʰásaṃ jánāsaḥ púnas te pŕ̥śniṃ jaritar dadāmi /
Halfverse: c    
stotráṃ me víśvam ā́ yāhi śácībʰir antár víśvāsu mā́nuṣīṣu dikṣú //8//

Verse: 9 
Halfverse: a    
ā́ te stotrā́ṇy údyatāni yantv antár víśvāsu mā́nuṣīṣu dikṣú /
Halfverse: c    
dehí me yán me ádatto ási yújyo me saptápadaḥ sákʰāsi //9//

Verse: 10 
Halfverse: a    
samā́ nau bándʰur varuṇa samā́ jā́ védāháṃ tád yán nāv eṣā́ samā́ jā́ /
Halfverse: c    
dádāmi tád yát te ádatto ásmi yújyas te saptápadaḥ sákʰāsmi //10//

Verse: 11 
Halfverse: a    
devó devā́ya gr̥ṇaté vayodʰā́ vípro víprāya stuvaté sumedʰā́ḥ /
Halfverse: c    
ájījano varuṇa svadʰāvann átʰarvāṇaṃ pitáraṃ devábandʰum /
Halfverse: e    
tásmā u rā́dʰaḥ kr̥ṇuhi supraśastáṃ sákʰā no asi paramáṃ ca bándʰuḥ //11//

Hymn: 12 
Verse: 1 
Halfverse: a    
sámiddʰo adyá mánuṣo duroṇé devó devā́n yajasi jātavedaḥ /
Halfverse: c    
ā́ ca váha mitramahaś cikitvā́n tváṃ dūtáḥ kavír asi prácetāḥ //1//

Verse: 2 
Halfverse: a    
tánūnapāt patʰá r̥tásya yā́nān mádʰvā samañjánt svadayā sujihva /
Halfverse: c    
mánmāni dʰībʰír utá yajñám r̥ndʰán devatrā́ ca kr̥ṇuhy adʰvarám naḥ //2//

Verse: 3 
Halfverse: a    
ājúhvāna ī́ḍyo bándyaś cā́ yāhy agne vásubʰiḥ sajóṣāḥ /
Halfverse: c    
tváṃ devā́nām asi yahva hótā enān yakṣīṣitó yájīyān //3//

Verse: 4 
Halfverse: a    
prācī́naṃ barhíḥ pradíśā pr̥tʰivyā́ vástor asyā́ vr̥jyate ágre áhnām /
Halfverse: c    
vy ù pratʰate vitaráṃ várīyo devébʰyo áditaye syonám //4//

Verse: 5 
Halfverse: a    
vyácasvatīr urviyā́ śrayantāṃ pátibʰyo jánayaḥ śúmbʰamānāḥ /
Halfverse: c    
dévīr dvāro br̥hatī́r viśvaminvā devébʰyo bʰavata suprāyaṇā́ḥ //5//

Verse: 6 
Halfverse: a    
ā́ suṣváyantī yajaté upā́ke uṣā́sānáktā sadatāṃ yónau /
Halfverse: c    
divyé yóṣaṇe br̥hatī́ surukmé ádʰi śríyaṃ śukrapíśaṃ dádʰāne //6//

Verse: 7 
Halfverse: a    
daívyā hótārā pratʰamā́ suvā́cā mímānā yajñáṃ mánuṣo yájadʰyai /
Halfverse: c    
pracodáyantā vidátʰeṣu kārū́ prācī́naṃ jyótiḥ pradíśā diśántā //7//

Verse: 8 
Halfverse: a    
ā́ no yajñáṃ bʰā́ratī tū́yam etv íḍā manuṣvád ihá cetáyantī /
Halfverse: c    
tisró devī́r barhír édáṃ syonáṃ sárasvatīḥ svápasaḥ sadantām //8//

Verse: 9 
Halfverse: a    
imé dyā́vāpr̥tʰivī́ jánitrī rūpaír ápiṃśad bʰúvanāni víśvā /
Halfverse: c    
tám adyá hotar iṣitó yájīyān deváṃ tváṣṭāram ihá yakṣi vidvā́n //9//

Verse: 10 
Halfverse: a    
upā́vasr̥ja tmányā samañján devā́nāṃ pā́tʰa r̥tutʰā́ havī́ṃṣi /
Halfverse: c    
vánaspátiḥ śamitā́ devó agníḥ svádantu havyáṃ mádʰunā gʰr̥téna //10//

Verse: 11 
Halfverse: a    
sadyó jātó vy àmimīta yajñám agnír devā́nām abʰavat purogā́ḥ /
Halfverse: c    
asyá hótuḥ praśíṣy r̥tásya vācí svā́hākr̥taṃ havír adantu devā́ḥ //11//

Hymn: 13 
Verse: 1 
Halfverse: a    
dadír máhyaṃ váruṇo diváḥ kavír vácobʰir ugraír riṇāmi te viṣám /
Halfverse: c    
kʰātám ákʰātam utá saktám agrabʰam íreva dʰánvan jajāsa te viṣám //1//

Verse: 2 
Halfverse: a    
yát te ápodakaṃ viṣáṃ tát ta etā́sv agrabʰam /
Halfverse: c    
gr̥hṇā́mi te madʰyamám uttamáṃ rásam utā́vamám bʰiyásā neśad ā́d u te //2//

Verse: 3 
Halfverse: a    
vŕ̥ṣā me rávo nábʰasā tanyatúr ugréṇa te vácasā bādʰa ā́d u te /
Halfverse: c    
aháṃ tám asya nŕ̥bʰir agrabʰam rásaṃ támasa iva jyótir úd etu sū́ryaḥ //3//

Verse: 4 
Halfverse: a    
cákṣuṣā te cákṣur hanmi viṣéṇa hanmi te viṣám /
Halfverse: c    
áhe mriyásva mā́ jīvīḥ pratyág abʰy ètu tvā viṣám //4//

Verse: 5 
Halfverse: a    
kaírāta pŕ̥śna úpatr̥ṇya bábʰra ā́ me śr̥ṇutā́sitā álīkāḥ /
Halfverse: c    
mā́ me sákʰyuḥ stāmā́nam ápi ṣṭʰātāśrāváyanto viṣé ramadʰvam //5//

Verse: 6 
Halfverse: a    
asitásya taimātásya babʰrór ápodakasya ca /
Halfverse: c    
sātrāsāhásyāháṃ manyór áva jyā́m iva dʰánvano muñcāmi rátʰām̐ iva //6//

Verse: 7 
Halfverse: a    
ā́ligī ca víligī ca pitā́ ca matā́ ca /
Halfverse: c    
vidmá vaḥ sarváto bándʰv árasāḥ kíṃ kariṣyatʰa //7//

Verse: 8 
Halfverse: a    
urugū́lāyā duhitā́ jātā́ dāsy ásiknyā /
Halfverse: c    
pratáṅkaṃ dadrúṣīṇāṃ sárvāsām arasám viṣám //8//

Verse: 9 
Halfverse: a    
karṇā́ śvāvít tád abravīd girér avacarantikā́ /
Halfverse: c    
yā́ḥ kā́ś cemā́ḥ kʰanitrímās tā́sām arasátamaṃ viṣám //9//

Verse: 10 
Halfverse: a    
tābúvaṃ tābúvaṃ gʰét tvám asi tābúvam /
Halfverse: c    
tābúvenārasáṃ viṣám //10//

Verse: 11 
Halfverse: a    
tastúvaṃ tastúvaṃ gʰét tvám asi tastúvam /
Halfverse: c    
tastúvenārasáṃ viṣám //11//

Hymn: 14 
Verse: 1 
Halfverse: a    
suparṇás tvā́nv avindat sūkarás tvākʰanan nasā́ /
Halfverse: c    
dípsauṣadʰe tváṃ dípsantam áva kr̥tyākŕ̥taṃ jahi //1//

Verse: 2 
Halfverse: a    
áva jahi yātudʰā́nān áva kr̥tyākŕ̥taṃ jahi /
Halfverse: c    
átʰo asmā́n dípsati tám u tváṃ jahy oṣadʰe //2//

Verse: 3 
Halfverse: a    
riśyasyeva parīśāsáṃ parikŕ̥tya pári tvacáḥ /
Halfverse: c    
kr̥tyā́ṃ kr̥tyākŕ̥te devā niṣkám iva práti muñcata //3//

Verse: 4 
Halfverse: a    
púnaḥ kr̥tyā́ṃ kr̥tyākŕ̥te hastagŕ̥hya párā ṇaya /
Halfverse: c    
samakṣám asma ā́ dʰehi yátʰā kr̥tyākŕ̥tam hánat //4//

Verse: 5 
Halfverse: a    
kr̥tyā́ḥ santu kr̥tyākŕ̥te śapátʰaḥ śapatʰīyaté /
Halfverse: c    
sukʰó rátʰa iva vartatāṃ kr̥tyā́ kr̥tyākŕ̥taṃ púnaḥ //5//

Verse: 6 
Halfverse: a    
yádi strī́ yádi púmān kr̥tyā́ṃ cakā́ra pāpmáne /
Halfverse: c    
tā́m u tásmai nayāmasy áśvam ivāśvābʰidʰā́nyā //6//

Verse: 7 
Halfverse: a    
yádi vā́si devákr̥tā yádi púruṣaiḥ kr̥tā́ /
Halfverse: c    
tā́ṃ tvā púnar ṇayāmasī́ndreṇa sayújā vayám //7//

Verse: 8 
Halfverse: a    
ágne pr̥tanāṣāṭ pŕ̥tanāḥ sahasva /
Halfverse: c    
púnaḥ kr̥tyā́ṃ kr̥tyākŕ̥te pratiháraṇena harāmasi //8//

Verse: 9 
Halfverse: a    
kŕ̥tavyadʰani vídya táṃ yáś cakā́ra tám íj jahi /
Halfverse: c    
tvā́m ácakruṣe vayáṃ vadʰā́ya sáṃ śiśīmahi //9//

Verse: 10 
Halfverse: a    
putrá iva pitáraṃ gacʰa svajá ivābʰíṣṭʰito daśa /
Halfverse: c    
bandʰám ivāvakrāmī́ gacʰa kŕ̥tye kr̥tyākŕ̥taṃ púnaḥ //10//

Verse: 11 
Halfverse: a    
úd eṇī́va vāraṇy àbʰiskándʰaṃ mr̥gī́va /
Halfverse: c    
kr̥tyā́ kartā́ram r̥cʰatu //11//

Verse: 12 
Halfverse: a    
íṣvā ŕ̥jīyaḥ patatu dyā́vāpr̥tʰivī táṃ práti /
Halfverse: c    
sā́ táṃ mr̥gám iva gr̥hṇatu kr̥tyā́ kr̥tyākŕ̥taṃ púnaḥ //12//

Verse: 13 
Halfverse: a    
agnír ivaitu pratikū́lam anukū́lam ivodakám /
Halfverse: c    
sukʰó rátʰa iva vartatāṃ kr̥tyā́ kr̥tyākŕ̥taṃ púnaḥ //13//

Hymn: 15 
Verse: 1 
Halfverse: a    
ékā ca me dáśa ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //1//

Verse: 2 
Halfverse: a    
dvé ca me viṃśatíś ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //2//

Verse: 3 
Halfverse: a    
tisráś ca me triṃśác ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //3//

Verse: 4 
Halfverse: a    
cátasraś ca me catvāriṃśác ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //4//

Verse: 5 
Halfverse: a    
páñca ca me pañcāśác ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //5//

Verse: 6 
Halfverse: a    
ṣáṭ ca me ṣaṣṭíś ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //6//

Verse: 7 
Halfverse: a    
saptá ca me saptatíś ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //7//

Verse: 8 
Halfverse: a    
aṣṭá ca me 'śītíś ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //8//

Verse: 9 
Halfverse: a    
náva ca me navatíś ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //9//

Verse: 10 
Halfverse: a    
dáśa ca me śatáṃ ca me 'pavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //10//

Verse: 11 
Halfverse: a    
śatáṃ ca me sahásraṃ cāpavaktā́ra oṣadʰe /
Halfverse: c    
ŕ̥tajāta ŕ̥tāvari mádʰu me madʰulā́ karaḥ //11//

Hymn: 16 
Verse: 1 
Halfverse: a    
yády ekavr̥ṣó 'si sr̥jā́rasó 'si //1//

Verse: 2 
Halfverse: a    
yádi dvivr̥ṣó 'si sr̥jā́rasó 'si //2//

Verse: 3 
Halfverse: a    
yádi trivr̥ṣó 'si sr̥jā́rasó 'si //3//

Verse: 4 
Halfverse: a    
yádi caturvr̥ṣó 'si sr̥jā́rasó 'si //4//

Verse: 5 
Halfverse: a    
yádi pañcavr̥ṣó 'si sr̥jā́rasó 'si //5//

Verse: 6 
Halfverse: a    
yádi ṣaḍvr̥ṣó 'si sr̥jā́rasó 'si //6//

Verse: 7 
Halfverse: a    
yádi saptavr̥ṣó 'si sr̥jā́rasó 'si //7//

Verse: 8 
Halfverse: a    
yády aṣṭavr̥ṣó 'si sr̥jā́rasó 'si //8//

Verse: 9 
Halfverse: a    
yádi navavr̥ṣó 'si sr̥jā́rasó 'si //9//

Verse: 10 
Halfverse: a    
yádi daśavr̥ṣó 'si sr̥jā́rasó 'si //10//

Verse: 11 
Halfverse: a    
yády ekādaśó 'si 'podako 'si //11//

Hymn: 17 
Verse: 1 
Halfverse: a    
'vadán pratʰamā́ brahmakilbiṣé 'kūpāraḥ saliló mātariśvā /
Halfverse: c    
vīḍúharās tápa ugráṃ mayobʰū́r ā́po devī́ḥ pratʰamajā́ r̥tásya //1//

Verse: 2 
Halfverse: a    
sómo rā́jā pratʰamó brahmajāyā́ṃ púnaḥ prā́yacʰad áhr̥ṇīyamānaḥ /
Halfverse: c    
anvartitā́ váruṇo mitrá āsīd agnír hótā hastagŕ̥hyā́ nināya //2//

Verse: 3 
Halfverse: a    
hástenaivá grāhyà ādʰír asyā brahmajāyéti céd ávocat /
Halfverse: c    
dūtā́ya prahéyā tastʰa eṣā́ tátʰā rāṣṭráṃ gupitáṃ kṣatríyasya //3//

Verse: 4 
Halfverse: a    
yā́m āhús tā́rakaiṣā́ vikeśī́ti ducʰúnāṃ grā́mam avapádyamānām /
Halfverse: c    
sā́ brahmajāyā́ dunoti rāṣṭráṃ yátra prā́pādi śaśá ulkuṣī́mān //4//

Verse: 5 
Halfverse: a    
brahmacārī́ carati véviṣad víṣaḥ devā́nāṃ bʰavaty ékam áṅgam /
Halfverse: c    
téna jāyā́m ánv avindad bŕ̥haspátiḥ sómena nītā́ṃ juhvà1ṃ devāḥ //5//

Verse: 6 
Halfverse: a    
devā́ vā́ etásyām avadanta pū́rve saptar̥ṣáyas tápasā niṣedúḥ /
Halfverse: c    
bʰīmā́ jāyā́ brāhmaṇásyā́panītā durdʰā́ṃ dadʰāti paramé vyòman //6//

Verse: 7 
Halfverse: a    
gárbʰā avapádyante jágad yác cāpalupyáte /
Halfverse: c    
vīrā́ tr̥hyánte mitʰó brahmajāyā́ hinasti tā́n //7//

Verse: 8 
Halfverse: a    
utá yát pátayo dáśa striyā́ḥ pū́rve ábrāhmaṇāḥ /
Halfverse: c    
brahmā́ ced dʰástam ágrahīt evá pátir ekadʰā́ //8//

Verse: 9 
Halfverse: a    
brāhmaṇá evá pátir rājanyò3 vaíśyaḥ /
Halfverse: c    
tát sū́ryaḥ prabruvánn eti pañcábʰyo mānavébʰyaḥ //9//

Verse: 10 
Halfverse: a    
púnar vaí devā́ adaduḥ púnar manuṣyā̀ adaduḥ /
Halfverse: c    
rā́jānaḥ satyáṃ gr̥hṇānā́ brahmajāyā́ṃ púnar daduḥ //10//

Verse: 11 
Halfverse: a    
punardā́ya brahmajāyā́ṃ kr̥tvā́ devaír nikilbiṣám /
Halfverse: c    
ū́rjaṃ pr̥tʰivyā́ bʰaktvórugāyám úpāsate //11//

Verse: 12 
Halfverse: a    
nā́sya jāyā́ śatavāhī́ kalyāṇī́ tálpam ā́ śaye /
Halfverse: c    
yásmin rāṣṭré nirudʰyáte brahmajāyā́cittyā //12//

Verse: 13 
Halfverse: a    
vikarṇáḥ pr̥tʰúśirās tásmin véśmani jāyate /
Halfverse: c    
yásmin rāṣṭré nirudʰyáte brahmajāyā́cittyā //13//

Verse: 14 
Halfverse: a    
nā́sya kṣattā́ niṣkágrīvaḥ sūnā́nām ety agratáḥ /
Halfverse: c    
yásmin rāṣṭré nirudʰyáte brahmajāyā́cittyā //14//

Verse: 15 
Halfverse: a    
nā́sya śvetáḥ kr̥ṣṇakárṇo dʰurí yuktó mahīyate /
Halfverse: c    
yásmin rāṣṭré nirudʰyáte brahmajāyā́cittyā //15//

Verse: 16 
Halfverse: a    
nā́sya kṣétre puṣkaríṇī nāṇḍī́kaṃ jāyate bísam /
Halfverse: c    
yásmin rāṣṭré nirudʰyáte brahmajāyā́cittyā //16//

Verse: 17 
Halfverse: a    
nā́smai pŕ̥śniṃ duhanti 'syā dóham upā́sate /
Halfverse: c    
yásmin rāṣṭré nirudʰyáte brahmajāyā́cittyā //17//

Verse: 18 
Halfverse: a    
nā́sya dʰenúḥ kalyāṇī́ nā́naḍvā́nt sahate dʰúram /
Halfverse: c    
víjānir yátra brahmaṇó rā́triṃ vásati pāpáyā //18//

Hymn: 18 
Verse: 1 
Halfverse: a    
naítā́ṃ te devā́ adadus túbʰyaṃ nr̥pate áttave /
Halfverse: c    
mā́ brāhmaṇásya rājanya gā́ṃ jigʰatso anādyā́m //1//

Verse: 2 
Halfverse: a    
akṣádrugdʰo rājanyàḥ pāpá ātmaparājitáḥ /
Halfverse: c    
brāhmaṇásya gā́m adyād adyá jīvā́ni mā́ śváḥ //2//

Verse: 3 
Halfverse: a    
ā́viṣṭitāgʰáviṣā pr̥dākū́r iva cármaṇā /
Halfverse: c    
sā́ brāhmaṇásya rājanya tr̥ṣṭaíṣā́ gaúr anādyā́ //3//

Verse: 4 
Halfverse: a    
nír vaí kṣatráṃ náyati hanti várco 'gnír ivā́rabdʰo dunoti sárvam /
Halfverse: c    
brāhmaṇáṃ mányate ánnam evá viṣásya pibati taimātásya //4//

Verse: 5 
Halfverse: a    
enaṃ hánti mr̥dúṃ mányamāno devapīyúr dʰánakāmo cittā́t /
Halfverse: c    
sáṃ tásyéndro hŕ̥daye 'gním indʰe ubʰé enaṃ dviṣṭo nábʰasī cárantam //5//

Verse: 6 
Halfverse: a    
brāhmaṇó hiṃsitavyò3 'gníḥ priyátanor iva /
Halfverse: c    
sómo hy àsya dāyādá índro asyābʰiśastipā́ḥ //6//

Verse: 7 
Halfverse: a    
śatā́pāṣṭʰāṃ girati tā́ṃ śaknoti niḥkʰídam /
Halfverse: c    
ánnaṃ brahmáṇām malváḥ svādv à1dmī́ti mányate //7//

Verse: 8 
Halfverse: a    
jihvā́ jyā́ bʰávati kúlmalaṃ vā́ṅ nāḍīkā́ dántās tápasābʰídigdʰāḥ /
Halfverse: c    
tébʰir brahmā́ vidʰyati devapīyū́n hr̥dbalaír dʰánurbʰir devájūtaiḥ //8//

Verse: 9 
Halfverse: a    
tīkṣṇéṣavo brāhmaṇā́ hetimánto yā́m ásyanti śaravyā̀3ṃ sā́ mŕ̥ṣā /
Halfverse: c    
anuhā́ya tápasā manyúnā cotá durā́d áva bʰindanty enam //9//

Verse: 10 
Halfverse: a    
sahásram árājann ā́san daśaśatā́ utá /
Halfverse: c    
brāhmaṇásya gā́ṃ jagdʰvā́ vaitahavyā́ḥ párābʰavan //10//

Verse: 11 
Halfverse: a    
gaúr evá tā́n hanyámānā vaitahavyā́m̐ ávātirat /
Halfverse: c    
késaraprābandʰāyāś caramā́jām ápeciran //11//

Verse: 12 
Halfverse: a    
ékaśataṃ tā́ janátā yā́ bʰū́mir vyàdʰūnuta /
Halfverse: c    
prajā́ṃ hiṃsitvā́ brā́hmaṇīm asaṃbʰavyáṃ párābʰavan //12//

Verse: 13 
Halfverse: a    
devapīyúś carati mártyeṣu garagīrṇó bʰavaty ástʰibʰūyān /
Halfverse: c    
brāhmaṇáṃ devábandʰuṃ hinásti pitr̥yā́ṇam ápy eti lokám //13//

Verse: 14 
Halfverse: a    
agnír vaí naḥ padavāyáḥ sómo dāyādá ucyate /
Halfverse: c    
hantā́bʰíśasténdras tátʰā tád vedʰáso viduḥ //14//

Verse: 15 
Halfverse: a    
íṣur iva digdʰā́ nr̥pate pr̥dākū́r iva gopate /
Halfverse: c    
sā́ brāhmaṇásyéṣur gʰorā́ táyā vidʰyati pī́yataḥ //15//

Hymn: 19 
Verse: 1 
Halfverse: a    
atimātrám avardʰanta nód iva dívam aspr̥śan /
Halfverse: c    
bʰŕ̥guṃ hiṃsitvā́ sŕ̥ñjayā vaitahavyā́ḥ párābʰavan //1//

Verse: 2 
Halfverse: a    
br̥hátsāmānam āṅgirasám ā́rpayan brāhmaṇáṃ jánāḥ /
Halfverse: c    
pétvas téṣām ubʰayā́dam ávis tokā́ny āvayat //2//

Verse: 3 
Halfverse: a    
brāhmaṇáṃ pratyáṣṭʰīvan vāsmiñ cʰulkám īṣiré /
Halfverse: c    
asnás te mádʰye kulyā́yāḥ kéśān kʰā́danta āsate //3//

Verse: 4 
Halfverse: a    
brahmagavī́ pacyámānā yā́vat sā́bʰí vijáṅgahe /
Halfverse: c    
téjo rāṣṭrásya nír hanti vīró jāyate vŕ̥ṣā //4//

Verse: 5 
Halfverse: a    
krūrám asyā āśásanaṃ tr̥ṣṭáṃ piśitám asyate /
Halfverse: c    
kṣīráṃ yád asyāḥ pīyáte tád vaí pitŕ̥ṣu kílbiṣam //5//

Verse: 6 
Halfverse: a    
ugró rā́jā mányamāno brāhmaṇáṃ jígʰatsati /
Halfverse: c    
párā tát sicyate rāṣṭráṃ brāhmaṇó yátra jīyáte //6//

Verse: 7 
Halfverse: a    
aṣṭā́padī caturakṣī́ cátuḥśrotrā cáturhanuḥ /
Halfverse: c    
dvyā̀syā dvíjihvā bʰūtvā́ sā́ rāṣṭrám áva dʰūnute brahmajyásya //7//

Verse: 8 
Halfverse: a    
tád vaí rāṣṭrám ā́ sravati nā́vaṃ bʰinnā́m ivodakám /
Halfverse: c    
brahmā́ṇaṃ yátra híṃsanti tád rāṣṭráṃ hanti ducʰúnā //8//

Verse: 9 
Halfverse: a    
táṃ vr̥kṣā́ ápa sedʰanti cʰāyā́ṃ no mópa íti /
Halfverse: c    
brāhmaṇásya sád dʰánam abʰí nārada mányate //9//

Verse: 10 
Halfverse: a    
viṣám etád devákr̥taṃ rā́jā váruṇo 'bravīt /
Halfverse: c    
brāhmaṇásya gā́ṃ jagdʰvā́ rāstré jāgāra káś caná //10//

Verse: 11 
Halfverse: a    
návaivá tā́ navatáyo yā́ bʰū́mir vyàdʰūnuta /
Halfverse: c    
prajā́ṃ hiṃsitvā́ brā́hmaṇīm asaṃbʰavyáṃ párābʰavan //11//

Verse: 12 
Halfverse: a    
yā́m mr̥tā́yānubadʰnánti kūdyàṃ padayópanīm /
Halfverse: c    
tád vaí brahmajya te devā́ upastáraṇam abruvan //12//

Verse: 13 
Halfverse: a    
áśrūṇi kŕ̥pamānasya yā́ni jītásya vāvr̥túḥ /
Halfverse: c    
táṃ vaí brahmajya te devā́ apā́ṃ bʰāgám adʰārayan //13//

Verse: 14 
Halfverse: a    
yéna mr̥táṃ snapáyanti śmáśrūṇi yénondáte /
Halfverse: c    
táṃ vaí brahmajya te devā́ apā́ṃ bʰāgám adʰārayan //14//

Verse: 15 
Halfverse: a    
varṣáṃ maitrāvaruṇáṃ brahmajyám abʰí varṣati /
Halfverse: c    
nā́smai sámitiḥ kalpate mitráṃ nayate váśam //15//

Hymn: 20 
Verse: 1 
Halfverse: a    
uccaírgʰoṣo dundubʰíḥ satvanāyán vānaspatyáḥ sáṃbʰr̥ta usr̥íyābʰiḥ /
Halfverse: c    
vā́caṃ kṣuṇuvānó damáyant sapátnānt siṃhá iva jeṣyánn abʰí taṃstanīhi //1//

Verse: 2 
Halfverse: a    
siṃhá ivāstānīd druváyo víbaddʰo 'bʰikrándann r̥ṣabʰó vāsitā́m iva /
Halfverse: c    
vŕ̥ṣā tváṃ vádʰrayas te sapátnā aindrás te śúṣmo abʰimātiṣāháḥ //2//

Verse: 3 
Halfverse: a    
vŕ̥ṣeva yūtʰé sáhasā vidānó gavyánn abʰí ruva saṃdʰanājit /
Halfverse: c    
śucā́ vidʰya hŕ̥dayaṃ páreṣāṃ hitvā́ grā́mān prácyutā yantu śátravaḥ //3//

Verse: 4 
Halfverse: a    
saṃjáyan pŕ̥tanā ūrdʰvámāyur gŕ̥hyā gr̥hṇānó bahudʰā́ cakṣva /
Halfverse: c    
daívīṃ vā́caṃ dundubʰa ā́ gurasva vedʰā́ḥ śátrūṇām úpa bʰarasva védaḥ //4//

Verse: 5 
Halfverse: a    
dundubʰér vā́caṃ práyatāṃ vádantīm āśr̥ṇvatī́ nātʰitā́ gʰóṣabuddʰā /
Halfverse: c    
nā́rī putráṃ dʰāvatu hastagŕ̥hyāmitrī́ bʰītā́ samaré vadʰā́nām //5//

Verse: 6 
Halfverse: a    
pū́rvo dundubʰe prá vadāsi vā́caṃ bʰū́myāḥ pr̥ṣṭʰé vada rócamānaḥ /
Halfverse: c    
amitrasenā́m abʰijáñjabʰāno dyumád vada dundubʰe sūnŕ̥tāvat //6//

Verse: 7 
Halfverse: a    
antarémé nábʰasī gʰóṣo astu pŕ̥tʰak te dʰvanáyo yantu śī́bʰam /
Halfverse: c    
abʰí kranda stanáyotpípānaḥ ślokakŕ̥n mitratū́ryāya svardʰī́ //7//

Verse: 8 
Halfverse: a    
dʰībʰíḥ kr̥táḥ prá vadāti vā́cam úd dʰarṣaya sátvanām ā́yudʰāni /
Halfverse: c    
índramedī sátvano hvayasva mitraír amítrām̐ áva jaṅgʰanīhi //8//

Verse: 9 
Halfverse: a    
saṃkrándanaḥ pravadó dʰr̥ṣṇúṣeṇaḥ pravedakŕ̥d bahudʰā́ grāmagʰoṣī́ /
Halfverse: c    
śríyo vanvanó vayúnāni vidvā́n kīrtím bahúbʰyo hara dvirājé //9//

Verse: 10 
Halfverse: a    
śréyaḥketo vasujít sáhīyānt saṃgrāmajít sáṃśito bráhmaṇāsi /
Halfverse: c    
aṃśū́n iva grā́vādʰiṣávaṇe ádrir gavyán dundubʰé'dʰi nr̥tya védaḥ //10//

Verse: 11 
Halfverse: a    
śátrūṣāṇ nīṣā́d abʰimātiṣāhó gavéṣaṇaḥ sáhamāna udbʰít /
Halfverse: c    
vāgvī́va mántraṃ prá bʰarasva vā́cam sā́ṃgrāmajityāyéṣam úd vadehá //11//

Verse: 12 
Halfverse: a    
acyutacyút samádo gámiṣṭʰo mŕ̥dʰo jétā puraetā́yodʰyáḥ /
Halfverse: c    
índreṇa guptó vidátʰā nicikyad dʰr̥ddyótano dviṣatā́ṃ yāhi śī́bʰam //12//

Hymn: 21 
Verse: 1 
Halfverse: a    
víhr̥dayaṃ vaimanasyáṃ vádāmítreṣu dundubʰe /
Halfverse: c    
vidveṣáṃ káśmaśaṃ bʰayám amítreṣu dadʰmasy áva enān dundubʰe jahi //1//

Verse: 2 
Halfverse: a    
udvépamānā mánasā cákṣuṣā hŕ̥dayena ca /
Halfverse: c    
dʰā́vantu bíbʰyato 'mítrāḥ pratrāsénā́jye huté //2//

Verse: 3 
Halfverse: a    
vānaspatyáḥ sáṃbʰr̥ta usríyābʰir viśvágotryaḥ /
Halfverse: c    
pratrāsám amítrebʰyo vadā́jyenābʰígʰāritaḥ //3//

Verse: 4 
Halfverse: a    
yátʰā mr̥gā́ḥ saṃvijánta āraṇyā́ḥ púruṣād ádʰi /
Halfverse: c    
evá tváṃ dundubʰe 'mítrān abʰí kranda prá trāsayā́tʰo cittā́ni mohaya //4//

Verse: 5 
Halfverse: a    
yátʰā vŕ̥kād ajāváyo dʰā́vanti bahú bíbʰyatīḥ /
Halfverse: c    
evá tváṃ dundubʰe 'mítrān abʰí kranda prá trāsayā́tʰo cittā́ni mohaya //5//

Verse: 6 
Halfverse: a    
yátʰā śyenā́t patatríṇaḥ saṃvijánte áhardivi siṃhásya stanátʰor yátʰā /
Halfverse: c    
evá tváṃ dundubʰe 'mítrān abʰí kranda prá trāsayā́tʰo cittā́ni mohaya //6//

Verse: 7 
Halfverse: a    
párāmítrān dundubʰínā hariṇásyājínena ca /
Halfverse: c    
sárve devā́ atitrasan saṃgrāmásyéṣate //7//

Verse: 8 
Halfverse: a    
yaír índraḥ prakrī́ḍate padgʰoṣaíś cʰāyáyā sahá /
Halfverse: c    
taír amítrās trasantu no 'mī́ yánty anīkaśáḥ //8//

Verse: 9 
Halfverse: a    
jyāgʰoṣā́ dundubʰáyo 'bʰí krośantu yā́ díśaḥ /
Halfverse: c    
sénāḥ párājitā yatī́r amítrāṇām anīkaśáḥ //9//

Verse: 10 
Halfverse: a    
ā́ditya cákṣur ā́ datsva márīcayó 'nu dʰāvata /
Halfverse: c    
patsaṅgínīr ā́ sajantu vígate bāhuvīryè //10//

Verse: 11 
Halfverse: a    
yūyám ugrā́ marutaḥ pr̥śnimātara índreṇa yujā́ prá mr̥nīta śátrūn /
Halfverse: c    
sómo rā́jā váruṇo rā́jā mahādevá utá mr̥tyúr índraḥ //11//

Verse: 12 
Halfverse: a    
etā́ devasenā́ḥ sū́ryaketavaḥ sácetasaḥ /
Halfverse: c    
amítrān no jayantu svā́hā //12//

Hymn: 22 
Verse: 1 
Halfverse: a    
agnís takmā́nam ápa bādʰatām itáḥ sómo grā́vā váruṇaḥ pūtádakṣāḥ /
Halfverse: c    
védir barhíḥ samídʰaḥ śóśucānā ápa dvéṣāṃsy amuyā́ bʰavantu //1//

Verse: 2 
Halfverse: a    
ayáṃ víśvān háritān kr̥ṇóṣy uccʰocáyann agnír ivābʰidunván /
Halfverse: c    
ádʰā takmann arasó bʰūyā́ ádʰā nyàṅṅ adʰarā́n párehi //2//

Verse: 3 
Halfverse: a    
yáḥ paruṣáḥ pāruṣeyó 'vadʰvaṃsá ivāruṇáḥ /
Halfverse: c    
takmā́naṃ viśvadʰāvīryādʰarā́ñcaṃ párā suvā //3//

Verse: 4 
Halfverse: a    
adʰarā́ñcam prá hiṇomí námaḥ kr̥tvā́ takmáne /
Halfverse: c    
śakambʰarásya muṣṭihā́ púnar etu mahāvr̥ṣā́n //4//

Verse: 5 
Halfverse: a    
óko asya mū́javanta óko asya mahāvr̥ṣā́ḥ /
Halfverse: c    
yā́vaj jātás takmaṃs tā́vān asi bálhikeṣu nyocaráḥ //5//

Verse: 6 
Halfverse: a    
tákman vyā̀la gada vyàṅga bʰū́ri yāvaya /
Halfverse: c    
dāsī́ṃ niṣṭákvarīm icʰa tā́m vájreṇa sám arpaya //6//

Verse: 7 
Halfverse: a    
tákman mū́javato gacʰa bálhikān parastarā́m /
Halfverse: c    
śūdrā́m icʰa prapʰarvyà1ṃ tā́ṃ takman vī́va dʰūnuhi //7//

Verse: 8 
Halfverse: a    
mahāvr̥ṣā́n mū́javato bándʰv addʰi parétya /
Halfverse: c    
praítā́ni takmáne brūmo anyakṣetrā́ṇi vā́ imā́ //8//

Verse: 9 
Halfverse: a    
anyakṣetré ramase vaśī́ sán mr̥ḍayāsi naḥ /
Halfverse: c    
ábʰūd u prā́rtʰas takmā́ gamiṣyati bálhikān //9//

Verse: 10 
Halfverse: a    
yát tváṃ śītó 'tʰo rūráḥ sahá kāsā́vepayaḥ /
Halfverse: c    
bʰīmā́s te takman hetáyas tā́bʰiḥ sma pári vr̥ṅgdʰi naḥ //10//

Verse: 11 
Halfverse: a    
mā́ smaitā́nt sákʰīn kurutʰā balā́saṃ kāsám udyugám /
Halfverse: c    
mā́ smā́to'rvā́ṅ aíḥ púnas tát tvā takmann úpa bruve //11//

Verse: 12 
Halfverse: a    
tákman bʰrā́trā balā́sena svásrā kā́sikayā sahá /
Halfverse: c    
pāpmā́ bʰrā́tr̥vyeṇa sahá gácʰāmúm áraṇaṃ jánam //12//

Verse: 13 
Halfverse: a    
tŕ̥tīyakaṃ vitr̥tīyáṃ sadandím utá śāradám /
Halfverse: c    
takmā́naṃ śītáṃ rūráṃ graíṣmaṃ nāśaya vā́rṣikam //13//

Verse: 14 
Halfverse: a    
gandʰā́ribʰyo mū́javadbʰyó 'ṅgebʰyo magádʰebʰyaḥ /
Halfverse: c    
praiṣyán jánam iva śevadʰíṃ takmā́naṃ pári dadmasi //14//

Hymn: 23 
Verse: 1 
Halfverse: a    
óte me dyā́vāpr̥tʰivī́ ótā devī́ sárasvatī /
Halfverse: c    
ótau ma índraś cāgníś ca krímiṃ jambʰayatām íti //1//

Verse: 2 
Halfverse: a    
asyéndra kumārásya krímīn dʰanapate jahi /
Halfverse: c    
hatā́ víśvā árātaya ugréṇa vácasā máma //2//

Verse: 3 
Halfverse: a    
akṣyaù parisárpati nā́se parisárpati /
Halfverse: c    
datā́ṃ mádyaṃ gácʰati táṃ krímiṃ jambʰayāmasi //3//

Verse: 4 
Halfverse: a    
sárūpau dvaú vírūpau dvaú kr̥ṣṇaú dvaú róhitau dvaú /
Halfverse: c    
babʰrúś ca babʰrúkarṇaś ca gŕ̥dʰraḥ kókaś ca hatā́ḥ //4//

Verse: 5 
Halfverse: a    
krímayaḥ śitikákṣā kr̥ṣṇā́ḥ śitibā́havaḥ /
Halfverse: c    
ca viśvárūpās tā́n krímīn jambʰayāmasi //5//

Verse: 6 
Halfverse: a    
út purástāt sū́rya eti viśvádr̥ṣṭo adr̥ṣṭahā́ /
Halfverse: c    
dr̥ṣṭā́ṃś ca gʰnánn adŕ̥ṣṭāṃś ca sárvāṃś ca pramr̥ṇán krímīn //6//

Verse: 7 
Halfverse: a    
yévāṣāsaḥ káṣkaṣāsa ejatkā́ḥ śipavitnukā́ḥ /
Halfverse: c    
dr̥ṣṭā́ṃś ca hanyátāṃ krímir utā́dŕ̥ṣṭaś ca hanyatām //7//

Verse: 8 
Halfverse: a    
ható yévāṣaḥ krímīṇāṃ ható nadanimótá /
Halfverse: c    
sárvān maṣmaṣā́karaṃ dr̥ṣádā kʰálvām̐ iva //8//

Verse: 9 
Halfverse: a    
triśīrṣā́ṇaṃ trikakúdaṃ krímiṃ sāráṅgam árjunam /
Halfverse: c    
śr̥ṇā́my asya pr̥ṣṭī́r ápi vr̥ścāmi yác cʰíraḥ //9//

Verse: 10 
Halfverse: a    
atrivád vaḥ krimayo hanmi kaṇvaváj jamadagnivát /
Halfverse: c    
agástyasya bráhmaṇā sáṃ pinaṣmy aháṃ krímīn //10//

Verse: 11 
Halfverse: a    
ható rā́jā krímīṇām utaíṣāṃ stʰapátir hatáḥ /
Halfverse: c    
ható hatámātā krímir hatábʰrātā hatásvasā //11//

Verse: 12 
Halfverse: a    
hatā́so asya veśáso hatā́saḥ páriveśasaḥ /
Halfverse: c    
átʰo kṣullakā́ iva sárve krímayo hatā́ḥ //12//

Verse: 13 
Halfverse: a    
sárveṣāṃ ca krímīṇāṃ sárvāsāṃ ca krimī́nām /
Halfverse: c    
bʰinádmy áśmanā śíra dáhāmy agnínā múkʰam //13//

Hymn: 24 
Verse: 1 
Halfverse: a    
savitā́ prasavā́nām ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́m pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //1//

Verse: 2 
Halfverse: a    
agnír vánaspátīnām ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //2//

Verse: 3 
Halfverse: a    
dyā́vāpr̥tʰivī́ dātr̥̄ṇā́m ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //3//

Verse: 4 
Halfverse: a    
váruṇo 'pā́m ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //4//

Verse: 5 
Halfverse: a    
mitrā́váruṇau vr̥ṣṭyā́dʰipatī taú māvatām /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //5//

Verse: 6 
Halfverse: a    
marútaḥ párvatānām ádʰipatayas māvantu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //6//

Verse: 7 
Halfverse: a    
sómo vīrúdʰām ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //7//

Verse: 8 
Halfverse: a    
vāyúr antárikṣasyā́dʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //8//

Verse: 9 
Halfverse: a    
sū́ryaś cákṣuṣām ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //9//

Verse: 10 
Halfverse: a    
candrámā nákṣatrāṇām ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //10//

Verse: 11 
Halfverse: a    
índro divó 'dʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //11//

Verse: 12 
Halfverse: a    
marútāṃ pitā́ paśūnā́m ádʰipatiḥ māvatu /
Halfverse: c    
asmín bráhmaṇy asmín kármaṇy asyā́m purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //12//

Verse: 13 
Halfverse: a    
mr̥tyúḥ prajā́nām ádʰipatiḥ māvatu /
Halfverse: c    
asmín bráhmaṇy asmín kármaṇy asyā́m purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //13//

Verse: 14 
Halfverse: a    
yamáḥ pitr̥̄ṇā́m ádʰipatiḥ māvatu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //14//

Verse: 15 
Halfverse: a    
pitáraḥ páre te māvantu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //15//

Verse: 16 
Halfverse: a    
tatā́ ávare te māvantu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratisṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //16//

Verse: 17 
Halfverse: a    
tatás tatāmahā́s te māvantu /
Halfverse: c    
asmín bráhmaṇy asmín kármaṇy asyā́ṃ purodʰā́yām asyā́ṃ pratiṣṭʰā́yām asyā́ṃ /
Halfverse: e    
cíttyām asyā́m ā́kūtyām asyā́m āśíṣy asyā́ṃ deváhūtyāṃ svā́hā //17//

Hymn: 25 
Verse: 1 
Halfverse: a    
párvatād divó yóner áṅgādaṅgāt samā́bʰr̥tam /
Halfverse: c    
śépo gárbʰasya retodʰā́ḥ sárau parṇám ivā́ dadʰat //1//

Verse: 2 
Halfverse: a    
yátʰeyáṃ pr̥tʰivī́ mahī́ bʰūtā́nāṃ gárbʰam ādadʰé /
Halfverse: c    
evā́ dadʰāmi te gárbʰaṃ tásmai tvā́m ávase huve //2//

Verse: 3 
Halfverse: a    
gárbʰaṃ dʰehi sinīvāli gárbʰaṃ dʰehi sarasvati /
Halfverse: c    
gárbʰaṃ te aśvínobʰā́ dʰattāṃ púṣkarasrajā //3//

Verse: 4 
Halfverse: a    
gárbʰaṃ te mitrā́váruṇau gárbʰam devó bŕ̥haspátiḥ /
Halfverse: c    
gárbʰaṃ ta índraś cāgníś ca gárbʰaṃ dʰātā́ dadʰātu te //4//

Verse: 5 
Halfverse: a    
víṣṇur yóniṃ kalpayatu tváṣṭā rūpā́ṇi piṃśatu /
Halfverse: c    
ā́ siñcatu prajā́patir dʰātā́ gárbʰaṃ dadʰātu te //5//

Verse: 6 
Halfverse: a    
yád véda rā́jā váruṇo yád devī́ sárasvatī /
Halfverse: c    
yád índro vr̥trahā́ véda tád garbʰakáraṇaṃ piba //6//

Verse: 7 
Halfverse: a    
gárbʰo asy óṣadʰīnāṃ gárbʰo vánaspátīnām /
Halfverse: c    
gárbʰo víśvasya bʰūtásya agne gárbʰam éhá dʰāḥ //7//

Verse: 8 
Halfverse: a    
ádʰi skanda vīráyasva gárbʰam ā́ dʰehi yónyām /
Halfverse: c    
vŕ̥ṣāsi vr̥ṣṇyāvan prajā́yai tvā́ nayāmasi //8//

Verse: 9 
Halfverse: a    
jihīṣva bārhatsāme gárbʰas te yónim ā́ śayām /
Halfverse: c    
áduṣ ṭe devā́ḥ putráṃ somapā́ ubʰayāvínam //9//

Verse: 10 
Halfverse: a    
dʰā́taḥ śréṣṭʰena rūpéṇāsyā́ nā́ryā gavīnyóḥ /
Halfverse: c    
púmāṃsaṃ putrám ā́ dʰehi daśamé māsí sū́tave //10//

Verse: 11 
Halfverse: a    
tváṣṭaḥ śréṣṭʰena rūpéṇāsyā́ nā́ryā gavīnyóḥ /
Halfverse: c    
púmāṃsaṃ putrám ā́ dʰehi daśamé māsí sū́tave //11//

Verse: 12 
Halfverse: a    
sávitaḥ śréṣṭʰena rūpéṇāsyā́ nā́ryā gavīnyóḥ /
Halfverse: c    
púmāṃsaṃ putrám ā́ dʰehi daśamé māsí sū́tave //12//

Verse: 13 
Halfverse: a    
prájāpate śréṣṭʰena rūpéṇāsyā́ nā́ryā gavīnyóḥ /
Halfverse: c    
púmāṃsaṃ putrám ā́ dʰehi daśamé māsí sū́tave //13//

Hymn: 26 
Verse: 1 
Halfverse: a    
yájūṃṣi yajñé samídʰaḥ svā́hāgníḥ pravidvā́n ihá vo yunaktu //1//

Verse: 2 
Halfverse: a    
yunáktu deváḥ savitā́ prajānánn asmín yajñé mahiṣáḥ svā́hā //2//

Verse: 3 
Halfverse: a    
índra uktʰāmadā́ny asmín yajñé pravidvā́n yunaktu suyújaḥ svā́hā //3//

Verse: 4 
Halfverse: a    
praiṣā́ yajñé nivídaḥ svā́hā śiṣṭā́ḥ pátnībʰir vahatehá yuktā́ḥ //4//

Verse: 5 
Halfverse: a    
cʰándāṃsi yajñé marutaḥ svā́hā mātéva putráṃ pipr̥tehá yuktā́ḥ //5//

Verse: 6 
Halfverse: a    
éyám agan barhíṣā prókṣaṇībʰir yajñáṃ tanvānā́ditiḥ svā́hā //6//

Verse: 7 
Halfverse: a    
víṣṇur yunaktu bahudʰā́ tápāṃsy asmín yajñé suyújaḥ svā́hā //7//

Verse: 8 
Halfverse: a    
tváṣṭā yunaktu bahudʰā́ rūpā́ asmín yajñé yunaktu suyújaḥ svā́hā //8//

Verse: 9 
Halfverse: a    
bʰágo yunaktvāśíṣo nv àsmā́ asmín yajñé pravidvā́n yunaktu suyújaḥ svā́hā //9//

Verse: 10 
Halfverse: a    
sómo yunaktu bahudʰā́ páyāṃsy asmín yajñé suyújaḥ svā́hā //10//

Verse: 11 
Halfverse: a    
índro yunaktu bahudʰā́ páyāṃsy asmín yajñé suyújaḥ svā́hā //11//

Verse: 12 
Halfverse: a    
áśvinā bráhmaṇā́ yātam arvā́ñcau vaṣaṭkāréṇa yajñáṃ vardʰáyantau /
Halfverse: c    
bŕ̥haspate bráhmaṇā́ yāhy arvā́ṅ yajñó ayáṃ svàr idáṃ yájamānāya svā́hā //12//

Hymn: 27 
Verse: 1 
Halfverse: a    
ūrdʰvā́ asya samídʰo bʰavanty ūrdʰvā́ śukrā́ śocī́ṣy agnéḥ /
Halfverse: c    
dyumáttamā suprátīkaḥ sásūnus tánūnápād ásuro bʰū́ripāṇiḥ //1//

Verse: 2 
Halfverse: a    
devó devéṣu deváḥ patʰó anakti mádʰvā gʰr̥téna //2//

Verse: 3 
Halfverse: a    
mádʰvā yajñám nakṣati praiṇānó nárāśáṃso agníḥ sukŕ̥d deváḥ savitā́ viśvávāraḥ //3//

Verse: 4 
Halfverse: a    
ácʰāyám eti śávasā gʰr̥tā́ cid ī́dāno váhnir námasā //4//

Verse: 5 
Halfverse: a    
agníḥ srúco adʰvaréṣu prayákṣu yakṣad asya mahimā́nam agnéḥ //5//

Verse: 6 
Halfverse: a    
tarī́ mandrā́su prayákṣu vásavaś cā́tiṣṭʰan vasudʰā́taraś ca //6//

Verse: 7 
Halfverse: a    
dvā́ro devī́r ánv asya víśve vratáṃ rakṣanti viśváhā //7//

Verse: 8 
Halfverse: a    
uruvyácasāgnér dʰā́mnā pátyamāne /
Halfverse: c    
ā́ suṣváyantī yajaté upā́ke uṣā́sānáktémáṃ yajñám avatām adʰvarám naḥ //8//

Verse: 9 
Halfverse: a    
daívā hótāra ūrdʰvám adʰvaráṃ no 'gnér jihváyābʰí gr̥nata gr̥nátā naḥ svìṣṭaye /
Halfverse: c    
tisró devī́r barhír édáṃ sadantām íḍā sárasvatī mahī́ bʰā́ratī gr̥ṇānā́ //9//

Verse: 10 
Halfverse: a    
tán nas turī́pam ádbʰutaṃ purukṣú /
Halfverse: c    
déva tvaṣṭā rāyás poṣaṃ ṣya nā́bʰim asya //10//

Verse: 11 
Halfverse: a    
vánaspaté 'va sr̥jā rárāṇaḥ /
Halfverse: c    
tmánā devébʰyo agnír havyáṃ śamitā́ svadayatu //11//

Verse: 12 
Halfverse: a    
agne svā́hā kr̥ṇuhi jātavedaḥ /
Halfverse: c    
índrāya yajñáṃ víśve devā́ havír idáṃ juṣantām //12//

Hymn: 28 
Verse: 1 
Halfverse: a    
náva prāṇā́n navábʰiḥ sáṃ mimīte dīrgʰāyutvā́ya śatáśāradāya /
Halfverse: c    
hárite trī́ṇi rajaté trī́ṇy áyasi trī́ṇi tápasā́viṣṭʰitāni //1//

Verse: 2 
Halfverse: a    
agníḥ sū́ryaś candrámā bʰū́mir ā́po dyaúr antárikṣaṃ pradíśo díśaś ca /
Halfverse: c    
ārtavā́ r̥túbʰiḥ saṃvidānā́ anéna trivŕ̥tā pārayantu //2//

Verse: 3 
Halfverse: a    
tráyaḥ póṣas trivŕ̥ti śrayantām anáktu pūṣā́ páyasā gʰr̥téna /
Halfverse: c    
ánnasya bʰūmā́ púruṣasya bʰūmā́ bʰūmā́ paśūnā́ṃ ta ihá śrayantām //3//

Verse: 4 
Halfverse: a    
imám ādityā vásunā sám ukṣatemám agne vardʰaya vavr̥dʰānáḥ /
Halfverse: c    
imám indra sáṃ sr̥ja vīryèṇāsmín trivŕ̥c cʰrayatāṃ poṣayiṣṇú //4//

Verse: 5 
Halfverse: a    
bʰū́miṣ ṭvā pātu háritena viśvabʰŕ̥d agníḥ pipartv áyasā sajóṣāḥ /
Halfverse: c    
vīrúdbʰiṣ ṭe árjunaṃ saṃvidānáṃ dákṣaṃ dadʰātu sumanasyámānam //5//

Verse: 6 
Halfverse: a    
tredʰā́ jātám jánmanedáṃ híraṇyam agnér ékaṃ priyátamaṃ babʰūva sómasyaíkaṃ hiṃsitásya párāpatat /
Halfverse: c    
apā́m ékaṃ vedʰásāṃ réta āhus tát te híraṇyaṃ trivŕ̥d astv ā́yuṣe //6//

Verse: 7 
Halfverse: a    
tryāyuṣáṃ jamádagneḥ kaśyápasya tryāyuṣám /
Halfverse: c    
tredʰā́mŕ̥tasya cákṣaṇaṃ trī́ṇy ā́yūṃṣi te 'karam //7//

Verse: 8 
Halfverse: a    
tráyaḥ suparṇā́s trivŕ̥tā yád ā́yann ekākṣarám abʰisaṃbʰū́ya śakrā́ḥ /
Halfverse: c    
práty auhan mr̥tyúm amŕ̥tena sākám antardádʰānā duritā́ni víśvā //8//

Verse: 9 
Halfverse: a    
divás tvā pātu háritaṃ mádʰyāt tvā pātv árjunam /
Halfverse: c    
bʰū́myā ayasmáyaṃ pātu prā́gād devapurā́ ayám //9//

Verse: 10 
Halfverse: a    
imā́s tisró devapurā́s tā́s tvā rakṣantu sarvátaḥ /
Halfverse: c    
tā́s tváṃ bíbʰrad varcasvy úttaro dviṣatā́ṃ bʰava //10//

Verse: 11 
Halfverse: a    
púraṃ devā́nām amŕ̥taṃ híraṇyam ābedʰé pratʰamó devó ágre /
Halfverse: c    
tásmai námo dáśa prā́cīḥ kr̥ṇomy ánu manyatāṃ trivŕ̥d ābádʰe me //11//

Verse: 12 
Halfverse: a    
ā́ tvā cr̥tatv aryamā́ pūṣā́ bŕ̥haspátiḥ /
Halfverse: c    
áharjātasya yán nā́ma téna tvā́ti cr̥tāmasi //12//

Verse: 13 
Halfverse: a    
r̥túbʰiṣ ṭvārtavaír ā́yuṣe várcase tvā /
Halfverse: c    
saṃvatsarásya téjasā téna sáṁhanu kr̥ṇmasi //13//

Verse: 14 
Halfverse: a    
gʰr̥tā́d úlluptam mádʰunā sámaktaṃ bʰūmidr̥ṃhám ácyutam pārayiṣṇú /
Halfverse: c    
bʰindát sapátnān ádʰarāṃś ca kr̥ṇvád ā́ roha mahaté saúbʰagāya //14//

Hymn: 29 
Verse: 1 
Halfverse: a    
purástād yuktó vaha jātavedó 'gne viddʰí kriyámāṇam yátʰedám /
Halfverse: c    
tváṃ bʰiṣág bʰeṣajásyāsi kartā́ tváyā gā́m áśvaṃ púruṣaṃ sanema //1//

Verse: 2 
Halfverse: a    
tátʰā tád agne kr̥ṇu jātavedo víśvebʰir devaíḥ sahá saṃvidānáḥ /
Halfverse: c    
no didéva yatamó jagʰā́sa yátʰā asyá paridʰíṣ pátāti //2//

Verse: 3 
Halfverse: a    
yátʰā asyá paridʰíṣ pátāti tátʰā tád agne kr̥ṇu jātavedaḥ /
Halfverse: c    
víśvebʰir devaír sahá saṃvidānáḥ //3//

Verse: 4 
Halfverse: a    
akṣyaù3 vidʰya hŕ̥dayaṃ vidʰya jihvā́ṃ tr̥nddʰi prá dató mr̥ṇīhi /
Halfverse: c    
piśācó asyá yatamó jagʰā́sā́gne yaviṣṭʰa práti śr̥ṇīhi //4//

Verse: 5 
Halfverse: a    
yád asya hr̥táṃ víhr̥taṃ yát párābʰr̥tam ātmáno jagdʰáṃ yatamát piśācaíḥ /
Halfverse: c    
tád agne vidvā́n púnar ā́ bʰara tváṃ śárīre māṃsám ásum érayāmaḥ //5//

Verse: 6 
Halfverse: a    
āmé súpakve śabále vípakve piśācó áśane dadámbʰa /
Halfverse: c    
tád ātmánā prajáyā piśācā́ yātayantām agadó 'yám astu //6//

Verse: 7 
Halfverse: a    
kṣiré mantʰé yatamó dadámbʰākr̥ṣṭapacyé áśane dʰānyè3 yáḥ /
Halfverse: c    
tád ātmánā prajáyā piśācā́ yātayantām agadó 'yám astu //7//

Verse: 8 
Halfverse: a    
apā́ṃ pā́ne yatamó dadámbʰa kravyā́d yātūnā́m śáyane śáyānam /
Halfverse: c    
tád ātmánā prajáyā piśācā́ yātayantām agadó 'yám astu //8//

Verse: 9 
Halfverse: a    
dívā náktaṃ yatamó dadámbʰa kravyā́d yātūnā́m śáyane śáyānam /
Halfverse: c    
tád ātmánā prajáyā piśācā́ yātayantām agadó 'yám astu //9//

Verse: 10 
Halfverse: a    
kravyā́dam agne rudʰiráṃ piśācáṃ manohánaṃ jahi jātavedaḥ /
Halfverse: c    
tám índro vājī́ vájreṇa hantu cʰináttu sómaḥ śíro asya dʰr̥ṣṇúḥ //10//

Verse: 11 
Halfverse: a    
sanā́d agne mr̥ṇasi yātudʰā́nān tvā rákṣāṃsi pŕ̥tanāsu jigyuḥ /
Halfverse: c    
sahámūrān ánu daha kravyā́do mā́ te hetyā́ mukṣata daívyāyāḥ //11//

Verse: 12 
Halfverse: a    
samā́hara jātavedo yád dʰr̥táṃ yát párābʰr̥tam /
Halfverse: c    
gā́trāṇy asya vardʰantām aṃśúr ivā́ pyāyatām ayám //12//

Verse: 13 
Halfverse: a    
sómasyeva jātavedo aṃśúr ā́ pyāyatām ayám /
Halfverse: c    
ágne virapśínaṃ médʰyam ayakṣmáṃ kr̥ṇu jī́vatu //13//

Verse: 14 
Halfverse: a    
etā́s te agne samídʰaḥ piśācajámbʰanīḥ /
Halfverse: c    
tā́s tváṃ juṣasva práti cainā gr̥hāṇa jātavedaḥ //14//

Verse: 15 
Halfverse: a    
tārṣṭāgʰī́r agne samídʰaḥ práti gr̥hṇāhy arcíṣā /
Halfverse: c    
jáhātu kravyā́d rūpáṃ asya māṃsáṃ jíhīrṣati //15//

Hymn: 30 
Verse: 1 
Halfverse: a    
āvátas ta āvátaḥ parāvátas ta āvátaḥ /
Halfverse: c    
ihaívá bʰava mā́ mā́ pū́rvān ánu gāḥ pitŕ̥̄n ásuṃ badʰnāmi te dr̥ḍʰám //1//

Verse: 2 
Halfverse: a    
yát tvābʰicerúḥ púruṣaḥ svó yád áraṇo jánaḥ /
Halfverse: c    
unmocanapramocané ubʰé vācā́ vadāmi te //2//

Verse: 3 
Halfverse: a    
yád dudróhitʰa śepiṣé striyaí puṃsé ácittyā /
Halfverse: c    
unmocanapramocané ubʰé vācā́ vadāmi te //3//

Verse: 4 
Halfverse: a    
yát énaso mātŕ̥kr̥tāc cʰéṣe pitŕ̥kr̥tāc ca yát /
Halfverse: c    
unmocanapramocané ubʰé vācā́ vadāmi te //4//

Verse: 5 
Halfverse: a    
yát te mātā́ yát te pitā́ jamír bʰrā́tā ca sárjataḥ /
Halfverse: c    
pratyák sevasva bʰeṣajáṃ jarádaṣṭiṃ kr̥ṇomi tvā //5//

Verse: 6 
Halfverse: a    
ihaídʰi puruṣa sárveṇa mánasā sahá /
Halfverse: c    
dūtaú yamásya mā́nu ádʰi jīvapurā́ ihi //6//

Verse: 7 
Halfverse: a    
ánuhūtaḥ púnar éhi vidvā́n udáyanaṃ patʰáḥ /
Halfverse: c    
āróhaṇam ākrámaṇaṃ jī́vatojīvató 'yanam //7//

Verse: 8 
Halfverse: a    
mā́ bibʰer mariṣyasi jarádaṣṭiṃ kr̥ṇomi tvā /
Halfverse: c    
nír avocam aháṃ yákṣmam áṅgebʰyo aṅgajvaráṃ táva //8//

Verse: 9 
Halfverse: a    
aṅgabʰedó aṅgajvaró yáś ca te hr̥dayāmayáḥ /
Halfverse: c    
yákṣmaḥ śyená iva prā́paptad vacā́ sāḍʰáḥ parastarā́m //9//

Verse: 10 
Halfverse: a    
ŕ̥ṣī bodʰapratībodʰā́v asvapnó yáś ca jā́gr̥viḥ /
Halfverse: c    
taú te prāṇásya goptā́rau dívā náktaṃ ca jāgr̥tām //10//

Verse: 11 
Halfverse: a    
ayám agnír upasádya ihá sū́rya úd etu te /
Halfverse: c    
udéhi mr̥tyór gambʰīrā́t kr̥ṣṇā́c cit támasas pári //11//

Verse: 12 
Halfverse: a    
námo yamā́ya námo astu mr̥tyáve námaḥ pitŕ̥bʰya utá náyanti /
Halfverse: c    
utpā́raṇasya véda tám agníṃ puró dadʰe 'smā́ ariṣṭátātaye //12//

Verse: 13 
Halfverse: a    
aítu prāṇá aítu mána aítu cákṣur átʰo bálam /
Halfverse: c    
śárīram asya sám vidāṃ tát padbʰyā́ṃ práti tiṣṭʰatu //13//

Verse: 14 
Halfverse: a    
prāṇénāgne cákṣuṣā sáṃ sr̥jemáṃ sám īraya tanvā̀3 sáṃ bálena /
Halfverse: c    
véttʰāmŕ̥tasya mā́ gān mā́ bʰū́migr̥ho bʰuvat //14//

Verse: 15 
Halfverse: a    
mā́ te prāṇá úpa dasan apānó 'pi dʰāyi te /
Halfverse: c    
sū́ryas tvā́dʰipatir mr̥tyór udā́yacʰatu raśmíbʰiḥ //15//

Verse: 16 
Halfverse: a    
ivám antár vadati jihvā́ baddʰā́ paniṣpadā́ /
Halfverse: c    
tváyā yákṣmam nír avocaṃ śatáṃ rópīś ca takmánaḥ //16//

Verse: 17 
Halfverse: a    
ayáṃ lokáḥ priyátamo devā́nām áparājitaḥ /
Halfverse: c    
yásmai tvám ihá mr̥tyáve diṣṭáḥ puruṣa jajñiṣé /
Halfverse: e    
ca tvā́nu hvayāmasi mā́ purā́ jaráso mr̥tʰāḥ //17//

Hymn: 31 
Verse: 1 
Halfverse: a    
yā́ṃ te cakrúr āmé pā́tre yā́ṃ cakrúr miśrádʰānye /
Halfverse: c    
āmé māṃsé kr̥tyā́ṃ yā́ṃ cakrúḥ púnaḥ práti harāmi tā́m //1//

Verse: 2 
Halfverse: a    
yā́ṃ te cakrúḥ kr̥kavā́kāv ajé yā́ṃ kurīríṇi /
Halfverse: c    
ávyāṃ te kr̥tyā́ṃ yā́m cakrúḥ púnaḥ práti harāmi tā́m //2//

Verse: 3 
Halfverse: a    
yā́ṃ te cakrúr ékaśapʰe paśūnā́m ubʰayā́dati /
Halfverse: c    
gardabʰé kr̥tyā́ṃ yā́ṃ cakrúḥ púnaḥ práti harāmi tā́m //3//

Verse: 4 
Halfverse: a    
yā́ṃ te cakrúr amūlā́yāṃ valagáṃ narācyā́m /
Halfverse: c    
kṣétre te kr̥tyā́ṃ yā́ṃ cakrúḥ púnaḥ práti harāmi tā́m //4//

Verse: 5 
Halfverse: a    
yā́ṃ te cakrúr gā́rhapatye pūrvāgnā́v utá duścítaḥ /
Halfverse: c    
śā́lāyāṃ kr̥tyā́ṃ yā́m cakrúḥ púnaḥ práti harāmi tā́m //5//

Verse: 6 
Halfverse: a    
yā́ṃ te cakrúḥ sabʰā́yāṃ yā́m cakrúr adʰidévane /
Halfverse: c    
akṣéṣu kr̥tyā́ṃ yā́ṃ cakrúḥ púnaḥ práti harāmi tā́m //6//

Verse: 7 
Halfverse: a    
yā́ṃ te cakrúḥ sénāyāṃ yā́ṃ cakrúr iṣvāyudʰé /
Halfverse: c    
dundubʰaú kr̥tyā́ṃ yā́ṃ cakrúḥ púnaḥ práti harāmi tā́m //7//

Verse: 8 
Halfverse: a    
yā́ṃ te kr̥tyā́m kū́pe 'vadadʰúḥ śmaśāné nicakʰnúḥ /
Halfverse: c    
sádmani kr̥tyā́m yā́ṃ cakrúḥ púnaḥ práti harāmi tā́m //8//

Verse: 9 
Halfverse: a    
yā́ṃ te cakrúḥ puruṣāstʰé agnaú sáṃkasuke ca yā́m /
Halfverse: c    
mrokáṃ nirdāháṃ kravyā́daṃ púnaḥ práti harāmi tā́m //9//

Verse: 10 
Halfverse: a    
ápatʰenā́ jabʰāraināṃ tā́ṃ patʰétáḥ prá hiṇmasi /
Halfverse: c    
ádʰīro maryādʰī́rebʰyaḥ sáṃ jabʰārā́cittyā //10//

Verse: 11 
Halfverse: a    
yáś cakā́ra śaśā́ka kártuṃ śaśré pā́dam aṅgúrim /
Halfverse: c    
cakā́ra bʰadrám asmábʰyam abʰagó bʰágavadbʰyaḥ //11//

Verse: 12 
Halfverse: a    
kr̥tyākŕ̥tam valagínaṃ mūlínaṃ śapatʰeyyàm /
Halfverse: c    
índras táṃ hantu mahatā́ vadʰénāgnír vidʰyatv astáyā //12//



Book: 6 
6
Hymn: 1 


Verse: 1 
Halfverse: a    
doṣó gāya br̥hád gāya dyumád dʰehi /
Halfverse: c    
ā́tʰarvaṇa stuhí deváṃ savitā́ram //1//

Verse: 2 
Halfverse: a    
tám u ṣṭuhi antáḥ síndʰau sūnúḥ /
Halfverse: c    
satyásya yúvānam ádrogʰavācaṃ suśévam //2//

Verse: 3 
Halfverse: a    
gʰā no deváḥ savitā́ sāviṣad amŕ̥tāni bʰū́ri /
Halfverse: c    
ubʰé suṣṭutī́ sugā́tave //3//

Hymn: 2 
Verse: 1 
Halfverse: a    
índrāya sómam r̥tvijaḥ sunótā́ ca dʰāvata /
Halfverse: c    
stotúr vácaḥ śr̥ṇávad dʰávaṃ ca me //1//

Verse: 2 
Halfverse: a    
ā́ yáṃ viśántī́ndavo váyo vr̥kṣám ándʰasaḥ /
Halfverse: c    
vírapśin mŕ̥dʰo jahi rakṣasvínīḥ //2//

Verse: 3 
Halfverse: a    
sunótā somapā́vne sómam índrāya vajríṇe /
Halfverse: c    
yúvā jétéśānaḥ puruṣṭutáḥ //3//

Hymn: 3 
Verse: 1 
Halfverse: a    
pātáṃ na indrāpūṣaṇā́ditiḥ pāntu marútaḥ /
Halfverse: c    
ápāṃ napāt sindʰavaḥ saptá pātana pā́tu no víṣṇur utá dyaúḥ //1//

Verse: 2 
Halfverse: a    
pātā́ṃ no dyā́vāpr̥tʰivī́ abʰíṣṭaye pā́tu grā́vā pā́tu sómo no áṃhasaḥ /
Halfverse: c    
pā́tu no devī́ subʰágā sárasvatī pā́tv agníḥ śivā́ asya pāyávaḥ //2//

Verse: 3 
Halfverse: a    
pātā́m no devā́śvínā śubʰás pátī uṣā́sānáktotá na uruṣyatām /
Halfverse: c    
ápāṃ napād ábʰihrutī gáyasya cid déva tvaṣṭar vardʰáya sarvátātaye //3//

Hymn: 4 
Verse: 1 
Halfverse: a    
tváṣṭā me daívyaṃ vácaḥ parjányo bráhmaṇas pátiḥ /
Halfverse: c    
putraír bʰrā́tr̥bʰir áditir pātu no duṣṭáraṃ trā́yamāṇaṃ sáhaḥ //1//

Verse: 2 
Halfverse: a    
áṃśo bʰágo váruṇo mitró aryamā́ditiḥ pā́ntu marútaḥ /
Halfverse: c    
ápa tásya dvéṣo gamed abʰihrúto yāvayac cʰátrum ántitam //2//

Verse: 3 
Halfverse: a    
dʰiyé sám aśvinā prā́vataṃ na uruṣyā́ ṇa urujmann áprayucʰan /
Halfverse: c    
dyaù3ṣ pítar yāváya ducʰúnā yā́ //3//

Hymn: 5 
Verse: 1 
Halfverse: a    
úd enam uttaráṃ nayā́gne gʰr̥ténāhuta /
Halfverse: c    
sám enaṃ várcasā sr̥ja prajáyā ca bahúṃ kr̥dʰi //1//

Verse: 2 
Halfverse: a    
índremáṃ prataráṃ kr̥dʰi sajātā́nām asad vaśī́ /
Halfverse: c    
rāyás póṣeṇa sáṃ sr̥ja jīvā́tave jaráse naya //2//

Verse: 3 
Halfverse: a    
yásya kr̥ṇmó havír gr̥hé tám agne vardʰayā tvám /
Halfverse: c    
tásmai sómo ádʰi bravad ayáṃ ca bráhmaṇas pátiḥ //3//

Hymn: 6 
Verse: 1 
Halfverse: a    
'smā́n brahmaṇas paté 'devo abʰimányate /
Halfverse: c    
sárvaṃ tám randʰayāsi me yájamānāya sunvaté //1//

Verse: 2 
Halfverse: a    
naḥ soma suśaṃsíno duḥśáṃsa ādídeśati /
Halfverse: c    
vájreṇāsya múkʰe jahi sáṃpiṣṭo ápāyati //2//

Verse: 3 
Halfverse: a    
naḥ somābʰidā́sati sánābʰir yáś ca níṣṭyaḥ /
Halfverse: c    
ápa tásya bálaṃ tira mahī́va dyaúr vadʰatmánā //3//

Hymn: 7 
Verse: 1 
Halfverse: a    
yéna somā́ditiḥ patʰā́ mitrā́ yánty adrúhaḥ /
Halfverse: c    
ténā 'vasā́ gahi //1//

Verse: 2 
Halfverse: a    
yéna soma sāhantyā́surān randʰáyāsi naḥ /
Halfverse: c    
ténā no ádʰi vocata //2//

Verse: 3 
Halfverse: a    
yéna devā ásurāṇām ójāṃsy ávr̥ṇīdʰvam /
Halfverse: c    
ténā naḥ śárma yacʰata //3//

Hymn: 8 
Verse: 1 
Halfverse: a    
yátʰā vr̥kṣáṃ líbujā samantáṃ pariṣasvajé /
Halfverse: c    
evā́ pári ṣvajasva mā́ṃ yátʰā mā́ṃ kāmíny áso yátʰā mán nā́pagā ásaḥ //1//

Verse: 2 
Halfverse: a    
yátʰā suparṇáḥ prapátan pakṣaú nihánti bʰū́myām /
Halfverse: c    
evā́ hanmi te máno yátʰā mā́ṃ kāmíny áso yátʰā mán nā́pagā ásaḥ //2//

Verse: 3 
Halfverse: a    
yátʰemé dyā́vāpr̥tʰivī́ sadyáḥ paryéti sū́ryaḥ /
Halfverse: c    
evā́ páry emi te máno yátʰā mā́m kāmíny áso yátʰā mán nā́pagā ásaḥ //3//

Hymn: 9 
Verse: 1 
Halfverse: a    
vā́ñcʰa me tanvà1ṃ pā́dau vā́ñcʰākṣyaù3 vā́ñcʰa saktʰyaù /
Halfverse: c    
akṣyaù vr̥ṣaṇyántyāḥ kéśā mā́ṃ te kā́mena śuṣyantu //1//

Verse: 2 
Halfverse: a    
máma tvā́ doṣaṇiśríṣaṃ kr̥ṇómi hr̥dayaśríṣam /
Halfverse: c    
yátʰā máma krátāv áso máma cittám upā́yasi //2//

Verse: 3 
Halfverse: a    
yā́sāṃ nā́bʰir āréhaṇaṃ hr̥dí saṃvánanaṃ kr̥tám gā́vo gʰr̥tásya mātáro 'mū́ṃ sáṃ vānayantu me //3//

Hymn: 10 
Verse: 1 
Halfverse: a    
pr̥tʰivyaí śrótrāya vánaspátibʰyo 'gnáyé 'dʰipataye svā́hā //1//

Verse: 2 
Halfverse: a    
prāṇā́yāntárikṣāya váyobʰyo vāyávé 'dʰipataye svā́hā //2//

Verse: 3 
Halfverse: a    
divé cákṣuṣe nákṣatrebʰyaḥ sū́ryāyā́dʰipataye svā́hā //3//

Hymn: 11 
Verse: 1 
Halfverse: a    
sámī́m aśvattʰá ā́rūḍʰas tátra puṃsúvanaṃ kr̥tám /
Halfverse: c    
tád vaí putrásya védanaṃ tát strīṣv ā́ bʰarāmasi //1//

Verse: 2 
Halfverse: a    
puṃsí vaí réto bʰavati tát striyā́m ánu ṣicyate /
Halfverse: c    
tád vaí putrásya védanaṃ tát prajā́patir abravīt //2//

Verse: 3 
Halfverse: a    
prajā́patir ánumatiḥ sinīvāly àcīkḷpat /
Halfverse: c    
straíṣūyam anyátra dádʰat púmāṃsam u dadʰat ihá //3//

Hymn: 12 
Verse: 1 
Halfverse: a    
pári dyā́m iva sū́ryó 'hīnāṃ jánimāgamam /
Halfverse: c    
rā́trī jágad ivānyád dʰaṃsā́t ténā te vāraye viṣám //1//

Verse: 2 
Halfverse: a    
yád brahmábʰir yád ŕ̥ṣibʰir yád devaír viditáṃ purā́ /
Halfverse: c    
yád bʰūtáṃ bʰávyam āsanvát ténā te vāraye viṣám //2//

Verse: 3 
Halfverse: a    
mádʰvā pr̥ñce nadyà1ḥ párvatā giráyo mádʰu /
Halfverse: c    
mádʰu páruṣṇī śī́pālā śám āsné astu śáṃ hr̥dé //3//

Hymn: 13 
Verse: 1 
Halfverse: a    
námo devavadʰébʰyo námo rājavadʰébʰyaḥ /
Halfverse: c    
átʰo víśyānāṃ vadʰā́s tébʰyo mr̥tyo námo 'stu te //1//

Verse: 2 
Halfverse: a    
námas te adʰivākā́ya parāvākā́ya te námaḥ /
Halfverse: c    
sumatyaí mr̥tyo te námo durmatyaí te idáṃ námaḥ //2//

Verse: 3 
Halfverse: a    
námas te yātudʰā́nebʰyo námas te bʰeṣajébʰyaḥ /
Halfverse: c    
námas te mr̥tyo mū́lebʰyo brāhmaṇébʰya idáṃ námaḥ //3//

Hymn: 14 
Verse: 1 
Halfverse: a    
astʰisraṃsáṃ parusraṃsám ā́stʰitam hr̥dayāmayám /
Halfverse: c    
balā́saṃ sárvaṃ nāśayāṅgeṣṭʰā́ yáś ca párvasu //1//

Verse: 2 
Halfverse: a    
nír balā́saṃ balāsínaḥ kṣiṇómi muṣkaráṃ yatʰā /
Halfverse: c    
cʰinádmy asya bándʰanaṃ mū́lam urvārvā́ iva //2//

Verse: 3 
Halfverse: a    
nír bálāsetáḥ prá patāśuṅgáḥ śiśukó yatʰā /
Halfverse: c    
átʰo íta iva hāyanó 'pa drāhy ávīrahā //3//

Hymn: 15 
Verse: 1 
Halfverse: a    
uttamó asy óṣadʰīnāṃ táva vr̥kṣā́ upastáyaḥ /
Halfverse: c    
upastír astu 'smā́kaṃ asmā́m̐ abʰidā́sati //1//

Verse: 2 
Halfverse: a    
sábandʰuś cā́sabandʰuś ca asmā́m̐ abʰidā́sati /
Halfverse: c    
téṣāṃ sā́ vr̥kṣā́ṇām ivāháṃ bʰūyāsam uttamáḥ //2//

Verse: 3 
Halfverse: a    
yátʰā sóma óṣadʰīnām uttamó havíṣāṃ kr̥táḥ /
Halfverse: c    
talā́śā vr̥kṣā́nām ivāháṃ bʰūyāsam uttamáḥ //3//

Hymn: 16 
Verse: 1 
Halfverse: a    
ā́bayo ánābayo rásas ta ugrá ābayo /
Halfverse: c    
ā́ te karambʰám admasi //1//

Verse: 2 
Halfverse: a    
viháhlo nā́ma te pitā́ madā́vatī nā́ma te mātā́ /
Halfverse: c    
hina tvám asi yás tvám ātmā́nam ā́vayaḥ //2//

Verse: 3 
Halfverse: a    
taúviliké 'velayā́vāyám ailabá ailayīt /
Halfverse: c    
babʰrúś ca babʰrúkarṇaś cā́pehi nír āla //3//

Verse: 4 
Halfverse: a    
alasā́lāsi pū́rva silā́ñjālāsy úttarā /
Halfverse: c    
nīlāgalasā́la //4//

Hymn: 17 
Verse: 1 
Halfverse: a    
yátʰeyám pr̥tʰivī́ mahī́ bʰūtā́nāṃ gárbʰam ādadʰé /
Halfverse: c    
evā́ te dʰriyatāṃ gárbʰo ánu sū́tuṃ sávitave //1//

Verse: 2 
Halfverse: a    
yátʰeyáṃ pr̥tʰivī́ mahī́ dādʰā́remā́n vánaspátīn /
Halfverse: c    
evā́ te dʰriyatāṃ gárbʰo ánu sū́tuṃ sávitave //2//

Verse: 3 
Halfverse: a    
yátʰeyáṃ pr̥tʰivī́ mahī́ dādʰā́ra párvatān girī́n /
Halfverse: c    
evā́ te dʰriyatāṃ gárbʰo ánu sū́tuṃ sávitave //3//

Verse: 4 
Halfverse: a    
yátʰeyáṃ pr̥tʰivī́ mahī́ dādʰā́ra víṣṭʰitaṃ jágat /
Halfverse: c    
evā́ te dʰriyatāṃ gárbʰo ánu sū́tuṃ sávitave //4//

Hymn: 18 
Verse: 1 
Halfverse: a    
īrṣyā́yā dʰrā́jiṃ pratʰamā́ṃ pratʰamásyā utā́parām /
Halfverse: c    
agníṃ hr̥dayyà1ṃ śókaṃ táṃ te nír vāpayāmasi //1//

Verse: 2 
Halfverse: a    
yátʰā bʰū́mir mr̥támanā mr̥tā́n mr̥támanastarā /
Halfverse: c    
yátʰotá mamrúṣo mána evérṣyór mr̥táṃ mánaḥ //2//

Verse: 3 
Halfverse: a    
adó yát te hr̥dí śritáṃ manaskáṃ patayiṣṇukám /
Halfverse: c    
tátas ta īrṣyā́ṃ muñcāmi nír ūṣmā́ṇaṃ dŕ̥ter iva //3//

Hymn: 19 
Verse: 1 
Halfverse: a    
punántu devajanā́ḥ punántu mánavo dʰiyā́ /
Halfverse: c    
punántu víśvā bʰūtā́ni pávamānaḥ punātu //1//

Verse: 2 
Halfverse: a    
pávamānaḥ punātu krátve dákṣāya jīváse /
Halfverse: c    
átʰo ariṣṭátātaye //2//

Verse: 3 
Halfverse: a    
ubʰā́bʰyāṃ deva savitaḥ pavítreṇa savéna ca /
Halfverse: c    
asmā́n punīhi cákṣase //3//

Hymn: 20 
Verse: 1 
Halfverse: a    
agnér ivā́sya dáhata eti śuṣmíṇa utéva mattó vilápann ápāyati /
Halfverse: c    
anyám asmád icʰatu káṃ cid avratás tápurvadʰāya námo astu takmáne //1//

Verse: 2 
Halfverse: a    
námo rudrā́ya námo astu takmáne námo rā́jñe váruṇāya tvíṣīmate /
Halfverse: c    
námo divé námaḥ pr̥tʰivyaí náma óṣadʰībʰyaḥ //2//

Verse: 3 
Halfverse: a    
ayáṃ abʰiśocayiṣṇúr víśvā rūpā́ṇi háritā kr̥ṇóṣi /
Halfverse: c    
tásmai te 'ruṇā́ya babʰráve námaḥ kr̥ṇomi ványāya takmáne //3//

Hymn: 21 
Verse: 1 
Halfverse: a    
imā́ yā́s tisráḥ pr̥tʰivī́s tā́sāṃ ha bʰū́mir uttamā́ /
Halfverse: c    
tā́sām ádʰi tvacó aháṃ bʰeṣajáṃ sám u jagrabʰam //1//

Verse: 2 
Halfverse: a    
śréṣṭʰam asi bʰeṣajā́nāṃ vásiṣṭʰaṃ vī́rudʰānām /
Halfverse: c    
sómo bʰága iva yā́meṣu devéṣu váruṇo yátʰā //2//

Verse: 3 
Halfverse: a    
révatīr ánādʰr̥ṣaḥ siṣāsávaḥ siṣāsatʰa /
Halfverse: c    
utá stʰá keśadŕ̥ṁhaṇīr átʰo ha keśavárdʰanīḥ //3//

Hymn: 22 
Verse: 1 
Halfverse: a    
kr̥ṣṇáṃ niyā́naṃ hárayaḥ suparṇā́ apó vásānā dívam út patanti /
Halfverse: c    
ā́vavr̥trant sádanād r̥tásyā́d íd gʰr̥téna pr̥tʰivī́ṃ vy ūduḥ //1//

Verse: 2 
Halfverse: a    
páyasvatīḥ kr̥ṇutʰāpá óṣadʰīḥ śivā́ yád éjatʰā maruto rukmavakṣasaḥ /
Halfverse: c    
ū́rjaṃ ca tátra sumatíṃ ca pinvata yátrā naro marutaḥ siñcátʰā mádʰu //2//

Verse: 3 
Halfverse: a    
udaprúto marútas tā́m̐ iyarta vr̥ṣṭír yā́ víśvā nivátas pr̥ṇā́ti /
Halfverse: c    
éjāti gláhā kanyèva tunnaíruṃ tundānā́ pátyeva jāyā́ //3//

Hymn: 23 
Verse: 1 
Halfverse: a    
sasrúṣīs tád apáso dívā náktaṃ ca sasrúṣīḥ /
Halfverse: c    
váreṇyakratur ahám apó devī́r úpa hvaye //1//

Verse: 2 
Halfverse: a    
ótā ā́paḥ karmaṇyā̀ muñcántv itáḥ práṇītaye /
Halfverse: c    
sadyáḥ kr̥ṇvantv étave //2//

Verse: 3 
Halfverse: a    
devásya savitúḥ savé kárma kr̥ṇvantu mā́nuṣāḥ /
Halfverse: c    
śáṃ no bʰavantv apá óṣadʰīḥ śivā́ḥ //3//

Hymn: 24 
Verse: 1 
Halfverse: a    
himávataḥ prá sravanti síndʰau samaha saṅgamáḥ /
Halfverse: c    
ā́po ha máhyaṃ tád devī́r dádan hr̥ddyótabʰeṣajám //1//

Verse: 2 
Halfverse: a    
yán me akṣyór ādidyóta pā́rṣṇyoḥ prápadoś ca yát /
Halfverse: c    
ā́pas tát sárvaṃ níṣ karan bʰiṣájāṃ súbʰiṣaktamāḥ //2//

Verse: 3 
Halfverse: a    
sindʰupatnīḥ síndʰurājñīḥ sárvā yā́ nadyà1 stʰána /
Halfverse: c    
dattá nas tásya bʰeṣajáṃ ténā vo bʰunajāmahai //3//

Hymn: 25 
Verse: 1 
Halfverse: a    
páñca ca yā́ḥ pañcāśác ca saṃyánti mányā abʰí /
Halfverse: c    
itás tā́ḥ sárvā naśyantu vākā́ apacítām iva //1//

Verse: 2 
Halfverse: a    
saptá ca yā́ḥ saptatíś ca saṃyánti graívyā abʰí /
Halfverse: c    
itás tā́ḥ sárvā naśyantu vākā́ apacítām iva //2//

Verse: 3 
Halfverse: a    
náva ca yā́ navatíś ca saṃyánti skándʰyā abʰí /
Halfverse: c    
itás tā́ḥ sárvā naśyantu vākā́ apacítām iva //3//

Hymn: 26 
Verse: 1 
Halfverse: a    
áva pāpmant sr̥ja vaśī́ sán mr̥dayāsi naḥ /
Halfverse: c    
ā́ bʰadrásya loké pā́pman dʰehy ávihrutam //1//

Verse: 2 
Halfverse: a    
naḥ pāpman jáhāsi tám u tvā jahimo vayám /
Halfverse: c    
patʰā́m ánu vyāvártane 'nyáṃ pāpmā́nu padyatām //2//

Verse: 3 
Halfverse: a    
anyátrāsmán ny ùcyatu sahasrākṣó ámartyaḥ /
Halfverse: c    
yáṃ dvéṣāma tám r̥cʰatu yám u dviṣmás tám íj jahi //3//

Hymn: 27 
Verse: 1 
Halfverse: a    
dévāḥ kapóta iṣitó yád icʰán dūtó nírr̥tyā idám ājagā́ma /
Halfverse: c    
tásmā arcāma kr̥ṇávāma níṣkr̥tiṃ śáṃ no astu dvipáde śáṃ cátuṣpade //1//

Verse: 2 
Halfverse: a    
śiváḥ kapóta iṣitó no astv anāgā́ devā́ḥ śakunó gr̥háṃ naḥ /
Halfverse: c    
agnír vípro juṣátām havír naḥ pári hetíḥ pakṣíṇī no vr̥ṇaktu //2//

Verse: 3 
Halfverse: a    
hetíḥ pakṣíṇī dabʰāty asmā́n āṣṭrī́ padáṃ kr̥ṇute agnidʰā́ne /
Halfverse: c    
śivó góbʰya utá púruṣebʰyo no astu mā́ no devā ihá hiṃsīt kapóta //3//

Hymn: 28 
Verse: 1 
Halfverse: a    
r̥cā́ kapótaṃ nudata praṇódam íṣaṃ mádantaḥ pári gā́ṃ nayāmaḥ /
Halfverse: c    
saṃlobʰáyanto duritā́ padā́ni hitvā́ na ū́rjaṃ prá padāt pátʰiṣṭʰaḥ //1//

Verse: 2 
Halfverse: a    
párīmé 'gním arṣata párīmé gā́m aneṣata /
Halfverse: c    
devéṣv akrata śrávaḥ imā́m̐ ā́ dadʰarṣati //2//

Verse: 3 
Halfverse: a    
yáḥ pratʰamáḥ pravátam āsasā́da bahúbʰyaḥ pántʰām anupaspaśānáḥ /
Halfverse: c    
'syéśe dvipádo yáś cátuṣpadas tásmai yamā́ya námo astu mr̥tyáve //3//

Hymn: 29 
Verse: 1 
Halfverse: a    
amū́n hetíḥ patatríṇī ny ètu yád úlūko vádati mogʰám etát /
Halfverse: c    
yád kapóta padám agnaú kr̥ṇóti //1//

Verse: 2 
Halfverse: a    
yaú te dūtaú nirr̥ta idám etó 'prahitau práhitau gr̥háṃ naḥ /
Halfverse: c    
kapotolūkā́bʰyām ápadaṃ tád astu //2//

Verse: 3 
Halfverse: a    
avairahatyā́yedám ā́ papatyāt suvīrátāyā idám ā́ sasadyāt /
Halfverse: c    
párāṅ evá párā vada párācīm ánu saṃvátam /
Halfverse: e    
yátʰā yamásya tvā gr̥hé 'rasáṃ praticā́kaśān ābʰū́kaṃ praticā́kaśān //3//

Hymn: 30 
Verse: 1 
Halfverse: a    
devā́ imáṃ mádʰunā sáṃyutaṃ yávaṃ sárasvatyām ádʰi maṇā́v acarkr̥ṣuḥ /
Halfverse: c    
índra āsīt sī́rapatiḥ śatákratuḥ kīnā́śā āsan marútaḥ sudā́navaḥ //1//

Verse: 2 
Halfverse: a    
yás te mádo 'vakeśó vikeśó yénābʰihásyaṃ púruṣaṃ kr̥ṇóṣi /
Halfverse: c    
ārā́t tvád anyā́ vánāni vr̥kṣi tváṃ śami śatávalśā roha //2//

Verse: 3 
Halfverse: a    
bŕ̥hatpalāśe súbʰage várṣavr̥ddʰa ŕ̥tāvari /
Halfverse: c    
mātéva putrébʰyo mr̥ḍa kéśebʰyaḥ śami //3//

Hymn: 31 
Verse: 1 
Halfverse: a    
ā́yáṃ gaúḥ pŕ̥śnir akramīd ásadan mātáram puráḥ /
Halfverse: c    
pitáram ca prayánt svàḥ //1//

Verse: 2 
Halfverse: a    
antáś carati rocanā́ asyá prāṇā́d apānatáḥ /
Halfverse: c    
vy àkʰyan mahiṣáḥ svàḥ //2//

Verse: 3 
Halfverse: a    
triṃśád dʰā́mā rājati vā́k pataṅgó aśiśríyat /
Halfverse: c    
práti vástor áhar dyúbʰiḥ //3//

Hymn: 32 
Verse: 1 
Halfverse: a    
antardāvé juhuta sv ètád yātudʰānakṣáyaṇaṃ gʰr̥téna /
Halfverse: c    
ārā́d rákṣāṃsi práti daha tvám agne no gr̥hā́ṇām úpa tītapāsi //1//

Verse: 2 
Halfverse: a    
rudró vo grīvā́ áśarait piśācāḥ pr̥ṣṭī́r 'pi śr̥ṇātu yātudʰānāḥ /
Halfverse: c    
vīrúd vo viśvátovīryā yaména sám ajīgamat //2//

Verse: 3 
Halfverse: a    
ábʰayaṃ mitrāvaruṇāv ihā́stu no 'rcíṣāttríṇo nudataṃ pratī́caḥ /
Halfverse: c    
mā́ jñātā́raṃ mā́ pratiṣṭʰā́ṃ vidanta mitʰó vigʰnānā́ úpa yantu mr̥tyúm //3//

Hymn: 33 
Verse: 1 
Halfverse: a    
yásyedám ā́ rájo yújas tujé jánā návaṃ svàḥ /
Halfverse: c    
índrasya rántyaṃ br̥hát //1//

Verse: 2 
Halfverse: a    
nā́dʰr̥ṣa ā́ dadʰr̥ṣate dʰr̥ṣāṇó dʰr̥ṣitáḥ śávaḥ /
Halfverse: c    
purā́ yátʰā vyatʰíḥ śráva índrasya nā́dʰr̥ṣe śávaḥ //2//

Verse: 3 
Halfverse: a    
no dadātu tā́ṃ rayím urúṃ piśáṅgasaṃdr̥śam /
Halfverse: c    
índraḥ pátis tuvíṣṭamo jáneṣv ā́ //3//

Hymn: 34 
Verse: 1 
Halfverse: a    
prā́gnáye vā́cam īraya vr̥ṣabʰā́ya kṣitīnā́m /
Halfverse: c    
naḥ parṣad áti dvíṣaḥ //1//

Verse: 2 
Halfverse: a    
rákṣāṃsi nijū́rvaty agnís tigména śocíṣā /
Halfverse: c    
naḥ parṣad áti dvíṣaḥ //2//

Verse: 3 
Halfverse: a    
yáḥ párasyāḥ parāvátas tiró dʰánvātirócate /
Halfverse: c    
naḥ parṣad áti dvíṣaḥ //3//

Verse: 4 
Halfverse: a    
víśvābʰí vipáśyati bʰúvanā sáṃ ca páśyati /
Halfverse: c    
naḥ parṣad áti dvíṣaḥ //4//

Verse: 5 
Halfverse: a    
asyá pāré rájasaḥ śukró agnír ájāyata /
Halfverse: c    
naḥ parṣad áti dvíṣaḥ //5//

Hymn: 35 
Verse: 1 
Halfverse: a    
vaiśvānaró na ūtáya ā́ prá yātu parāvátaḥ /
Halfverse: c    
agnír naḥ suṣṭutī́r úpa //1//

Verse: 2 
Halfverse: a    
vaiśvānaró na ā́gamad imáṃ yajñáṃ sajū́r úpa /
Halfverse: c    
agnír uktʰéṣv áṃhasu //2//

Verse: 3 
Halfverse: a    
vaiśvānaró 'ṅgirasāṃ stómam uktʰáṃ ca cākḷpat /
Halfverse: c    
aíṣu dyumnáṃ svàr yamat //3//

Hymn: 36 
Verse: 1 
Halfverse: a    
r̥tā́vānaṃ vaiśvānarám r̥tásya jyótiṣas pátim /
Halfverse: c    
ájasraṃ gʰarmám īmahe //1//

Verse: 2 
Halfverse: a    
víśvā práti cākḷpa r̥tū́ṃr út sr̥jate vaśī́ /
Halfverse: c    
yajñásya váya uttirán //2//

Verse: 3 
Halfverse: a    
agníḥ páreṣu dʰā́masu kā́mo bʰūtásya bʰávyasya /
Halfverse: c    
samrā́d éko rājati //3//

Hymn: 37 
Verse: 1 
Halfverse: a    
úpa prā́gāt sahasrākṣó yuktvā́ śapátʰo rátʰam /
Halfverse: c    
śaptā́ram anvicʰán máma vŕ̥ka ivā́vimato gr̥hám //1//

Verse: 2 
Halfverse: a    
pári ṇo vr̥ṅgdʰi śapatʰa hradám agnír ivā dáhan /
Halfverse: c    
śaptā́ram átra no jahi divó vr̥kṣám ivāśániḥ //2//

Verse: 3 
Halfverse: a    
naḥ śápād áśapataḥ śápato yáś ca naḥ śápāt /
Halfverse: c    
śúne péṣṭram ivā́vakṣāmaṃ táṃ práty asyāmi mr̥tyáve //3//

Hymn: 38 
Verse: 1 
Halfverse: a    
siṁhé vyāgʰrá utá yā́ pŕ̥dākau tvíṣir agnaú brāhmaṇé sū́rye yā́ /
Halfverse: c    
índraṃ yā́ devī́ subʰágā jajā́na sā́ na aítu várcasā saṃvidānā́ //1//

Verse: 2 
Halfverse: a    
yā́ hastíni dvīpíni yā́ híraṇye tvíṣir apsú góṣu yā́ púruṣeṣu /
Halfverse: c    
índraṃ yā́ devī́ subʰágā jajā́na sā́ na aítu várcasā saṃvidānā́ //2//

Verse: 3 
Halfverse: a    
rátʰe akṣéṣv r̥ṣabʰásya vā́je vā́te parjánye váruṇasya śúṣme /
Halfverse: c    
índram yā́ devī́ subʰágā jajā́na sā́ na aítu várcasā saṃvidānā́ //3//

Verse: 4 
Halfverse: a    
rājanyè dundubʰā́v ā́yatāyām áśvasya vā́je púruṣasya māyaú /
Halfverse: c    
índram yā́ devī́ subʰágā jajā́na sā́ na aítu várcasā samvidānā́ //4//

Hymn: 39 
Verse: 1 
Halfverse: a    
yáśo havír vardʰatām índrajūtaṃ sahásravīryaṃ súbʰr̥taṃ sáhaskr̥tam /
Halfverse: c    
prasársrāṇam ánu dīrgʰā́ya cákṣase havíṣmantaṃ vardʰaya jyeṣṭʰátātaye //1//

Verse: 2 
Halfverse: a    
ácʰā na índraṃ yaśásaṃ yáśobʰir yaśasvínaṃ namasānā́ vidʰema /
Halfverse: c    
no rāsva rāṣṭrám índrajūtaṃ tásya te rātaú yaśásaḥ syāma //2//

Verse: 3 
Halfverse: a    
yaśā́ índro yaśā́ agnír yaśā́ḥ sómo ajāyata /
Halfverse: c    
yaśā́ víśvasya bʰūtásya ahám asmi yaśástamaḥ //3//

Hymn: 40 
Verse: 1 
Halfverse: a    
ábʰayaṃ dyāvāpr̥tʰivī ihā́stu 'bʰayaṃ sómaḥ savitā́ naḥ kr̥ṇotu /
Halfverse: c    
ábʰayaṃ no 'stūrv àntárikṣaṃ saptar̥ṣīṇā́ṃ ca havíṣā́bʰayaṃ no astu //1//

Verse: 2 
Halfverse: a    
asmaí grā́māya pradíśaś cátasra ū́rjaṃ subʰūtáṃ svastí savitā́ naḥ kr̥ṇotu /
Halfverse: c    
aśatrv índro ábʰayaṃ naḥ kr̥ṇotv anyátra rā́jñām abʰí yātu manyúḥ //2//

Verse: 3 
Halfverse: a    
anamitráṃ no adʰarā́d anamitráṃ na uttarā́t /
Halfverse: c    
índrānamitráṃ naḥ paścā́d anamitráṃ purás kr̥dʰi //3//

Hymn: 41 
Verse: 1 
Halfverse: a    
mánase cétase dʰiyá ā́kūtaya utá cíttaye /
Halfverse: c    
matyaí śrutā́ya cákṣase vidʰéma havíṣā vayám //1//

Verse: 2 
Halfverse: a    
apānā́ya vyānā́ya prāṇā́ya bʰū́ridʰāyase /
Halfverse: c    
sárasvatyā uruvyáce vidʰéma havíṣā vayám //2//

Verse: 3 
Halfverse: a    
mā́ no hāsiṣur ŕ̥ṣayo daívyā tanūpā́ nas tanvàs tanūjā́ḥ /
Halfverse: c    
ámartyā mártyāṃ abʰí naḥ sacadʰvam ā́yur dʰatta prataráṃ jīváse naḥ //3//

Hymn: 42 
Verse: 1 
Halfverse: a    
áva jyā́m iva dʰánvano manyúṃ tanomi te hr̥dáḥ /
Halfverse: c    
yátʰā sáṃmanasau bʰūtvā́ sákʰāyāv iva sácāvahai //1//

Verse: 2 
Halfverse: a    
sákʰāyāv iva sacāvahā áva manyúṃ tanomi te /
Halfverse: c    
adʰás te áśmano manyúm úpāsyāmasi gurúḥ //2//

Verse: 3 
Halfverse: a    
abʰí tiṣṭʰāmi te manyúṃ pā́rṣṇyā prápadena ca /
Halfverse: c    
yátʰāvaśó vā́diṣo máma cittam upā́yasi //3//

Hymn: 43 
Verse: 1 
Halfverse: a    
ayáṃ darbʰó vímanyukaḥ svā́ya cā́raṇāya ca /
Halfverse: c    
manyór vimanyukasyāyáṃ manyuśámana ucyate //1//

Verse: 2 
Halfverse: a    
ayáṃ bʰū́rimūlaḥ samudrám avatíṣṭʰati /
Halfverse: c    
darbʰáḥ pr̥tʰivyā́ úttʰito manyuśámana ucyate //2//

Verse: 3 
Halfverse: a    
te hanavyā̀ṃ śaráṇiṃ te múkʰyāṃ nayāmasi /
Halfverse: c    
yátʰāvaśó vā́diṣo máma cittám upā́yasi //3//

Hymn: 44 
Verse: 1 
Halfverse: a    
ástʰād dyaúr ástʰāt pr̥tʰivy ástʰād víśvam idáṃ jágat /
Halfverse: c    
ástʰur vr̥kṣā́ ūrdʰvásvapnās tíṣṭʰād rógo ayáṃ táva //1//

Verse: 2 
Halfverse: a    
śatáṃ yā́ bʰeṣajā́ni te sahásraṃ sáṃgatāni ca /
Halfverse: c    
śréṣṭʰam āsrāvabʰeṣajáṃ vásiṣṭʰaṃ roganā́śanam //2//

Verse: 3 
Halfverse: a    
rudrásya mū́tram asy amŕ̥tasya nā́bʰiḥ /
Halfverse: c    
viṣāṇakā́ nā́ma vā́ asi pitr̥̄ṇā́ṃ mū́lād úttʰitā vātīkr̥tanā́śanī //3//

Hymn: 45 
Verse: 1 
Halfverse: a    
paró 'pehi manaspāpa kím áśastāni śaṃsasi /
Halfverse: c    
párehi tvā kāmaye vr̥kṣā́ṃ vánāni sáṃ cara gr̥héṣu góṣu me mánaḥ //1//

Verse: 2 
Halfverse: a    
avaśásā niḥśásā yát parāśásopārimá jā́grato yát svapántaḥ /
Halfverse: c    
agnír víśvāny ápa duṣkr̥tā́ny ájuṣṭāny āré asmád dadʰātu //2//

Verse: 3 
Halfverse: a    
yád indra brahmaṇas paté 'pi mŕ̥ṣā cárāmasi /
Halfverse: c    
prácetā na āṅgirasó duritā́t pātv áṃhasaḥ //3//

Hymn: 46 
Verse: 1 
Halfverse: a    
jīvó 'si mr̥tó devā́nām amr̥tagarbʰó 'si svapna /
Halfverse: c    
varuṇānī́ te mātā́ yamáḥ pitā́rárur nā́māsi //1//

Verse: 2 
Halfverse: a    
vidmá te svapna janítraṃ devajāmīnā́ṃ putró 'si yamásya káraṇaḥ /
Halfverse: c    
ántako 'si mr̥tyúr asi táṃ tvā svapna tátʰā sáṃ vidma naḥ svapna duṣvápnyāt pāhi //2//

Verse: 3 
Halfverse: a    
yátʰā kalā́ṃ yátʰā śapʰáṃ yátʰarṇáṃ saṃnáyanti /
Halfverse: c    
evā́ duṣvápnyaṃ sárvaṃ dviṣaté sáṃ nayāmasi //3//

Hymn: 47 
Verse: 1 
Halfverse: a    
agníḥ prātaḥsavané pātv asmā́n vaiśvānaró viśvakŕ̥d viśváśaṃbʰūḥ /
Halfverse: c    
naḥ pāvakó dráviṇe dadʰātv ā́yuṣmantaḥ sahábʰakṣāḥ syāma //1//

Verse: 2 
Halfverse: a    
víśve devā́ marúta índro asmā́n asmín dvitī́ye sávane jahyuḥ /
Halfverse: c    
ā́yuṣmantaḥ priyám eṣāṃ vádanto vayáṃ devā́nāṃ sumataú syāma //2//

Verse: 3 
Halfverse: a    
idáṃ tr̥tī́yaṃ sávanaṃ kavīnā́m r̥téna camasám aírayanta /
Halfverse: c    
saudʰanvanā́ḥ svàr ānaśānā́ḥ svìṣṭiṃ no abʰí vásyo nayantu //3//

Hymn: 48 
Verse: 1 
Halfverse: a    
śyenó 'si gāyatrácʰandā ánu tvā́ rabʰe /
Halfverse: c    
svastí sáṃ vahāsyá yajñásyodŕ̥ci svā́hā //1//

Verse: 2 
Halfverse: a    
r̥bʰúr asi jágacʰandā ánu tvā́ rabʰe /
Halfverse: c    
svastí sáṃ vahāsyá yajñásyodŕ̥ci svā́hā //2//

Verse: 3 
Halfverse: a    
vŕ̥ṣāsi triṣṭúpcʰandā ánu tvā́ rabʰe /
Halfverse: c    
svastí sáṃ vahāsyá yajñásyodŕ̥ci svā́hā //3//

Hymn: 49 
Verse: 1 
Halfverse: a    
nahí te agne tanvàḥ krūrám ānáṃśa mártyaḥ /
Halfverse: c    
kapír babʰasti téjanaṃ sváṃ jarā́yu gaúr iva //1//

Verse: 2 
Halfverse: a    
meṣá iva vaí sáṃ ca corv àcyase yád uttaradrā́v úparaś ca kʰā́dataḥ /
Halfverse: c    
śīrṣṇā́ śíró 'psasā́pso ardáyann aṃśū́n babʰasti háritebʰir āsábʰiḥ //2//

Verse: 3 
Halfverse: a    
suparṇā́ vā́cam akratópa dyávy ākʰaré kŕ̥ṣṇā iṣirā́ anartiṣuḥ /
Halfverse: c    
yán niyánti úparasya níṣkr̥tiṃ purū́ réto dadʰire sūryaśritaḥ //3//

Hymn: 50 
Verse: 1 
Halfverse: a    
hatáṃ tardáṃ samaṅkám ākʰúm aśvinā cʰintáṃ śíro ápi pr̥ṣṭī́ḥ śr̥ṇītam /
Halfverse: c    
yávān néd ádān ápi nahyataṃ múkʰam átʰā́bʰayaṃ kr̥ṇutaṃ dʰānyā̀ya //1//

Verse: 2 
Halfverse: a    
tárda haí pátaṅga haí jábʰya hā́ úpakvasa /
Halfverse: c    
brahmévā́saṃstʰitaṃ havír ánadanta imā́n yávān áhiṃsanto apódita //2//

Verse: 3 
Halfverse: a    
tárdāpate vágʰāpate tŕ̥ṣṭajambʰā ā́ śr̥ṇota me /
Halfverse: c    
āraṇyā́ vyadvarā́ ca stʰá vyadvarā́s tā́nt sárvān jambʰayāmasi //3//

Hymn: 51 
Verse: 1 
Halfverse: a    
vāyóḥ pūtáḥ pavítreṇa pratyáṅ sómo áti drutáḥ /
Halfverse: c    
índrasya yújaḥ sákʰā //1//

Verse: 2 
Halfverse: a    
ā́po asmā́n mātáraḥ sūdayantu gʰr̥téna no gʰr̥tapvàḥ punantu /
Halfverse: c    
víśvaṃ ripráṃ praváhanti devī́r úd íd ābʰyaḥ śúcir ā́ pūtá emi //2//

Verse: 3 
Halfverse: a    
yát kíṃ cedáṃ varuṇa daívye jáne 'bʰidroháṃ manuṣyā̀3ś cáranti /
Halfverse: c    
ácittyā cét táva dʰárma yuyopimá mā́ nas tásmād énaso deva rīriṣaḥ //3//

Hymn: 52 
Verse: 1 
Halfverse: a    
út sū́ryo divá eti puró rákṣāṃsi nijū́rvan /
Halfverse: c    
ādityáḥ párvatebʰyo viśvádr̥ṣṭo adr̥ṣṭahā́ //1//

Verse: 2 
Halfverse: a    
gā́vo goṣṭʰé asadan mr̥gā́so avikṣata /
Halfverse: c    
ny ū̀3rmáyo nadī́naṃ ny àdŕ̥ṣṭā alipsata //2//

Verse: 3 
Halfverse: a    
āyurdádaṃ vipaścítaṃ śrutā́ṃ káṇvasya vīrúdʰam /
Halfverse: c    
ā́bʰāriṣaṃ viśvábʰeṣajīm asyā́dŕ̥ṣṭān śamayat //3//

Hymn: 53 
Verse: 1 
Halfverse: a    
dyaúś ca ma idáṃ pr̥tʰivī́ ca prácetasau śukró br̥hán dákṣiṇayā pipartu /
Halfverse: c    
ánu svadʰā́ cikitāṃ sómo agnír vāyúr naḥ pātu savitā́ bʰágaś ca //1//

Verse: 2 
Halfverse: a    
púnaḥ prāṇáḥ púnar ātmā́ na aítu púnaś cákṣuḥ púnar ásur na aítu /
Halfverse: c    
vaiśvānaró no ádabdʰas tanūpā́ antás tiṣṭʰāti duritā́ni víśvā //2//

Verse: 3 
Halfverse: a    
sáṃ várcasā páyasā sáṃ tanū́bʰir áganmahi mánasā sáṃ śivéna /
Halfverse: c    
tváṣṭā no átra várīyaḥ kr̥ṇotv ánu no mārṣṭu tanvò3 yád víriṣṭam //3//

Hymn: 54 
Verse: 1 
Halfverse: a    
idáṃ tád yujá úttaram índraṃ śumbʰāmy áṣṭaye /
Halfverse: c    
asyá kṣatráṃ śríyaṃ mahī́ṃ vr̥ṣṭír iva vardʰayā tŕ̥ṇam //1//

Verse: 2 
Halfverse: a    
asmaí kṣatrám agnīṣomāv asmaí dʰārayataṃ rayím /
Halfverse: c    
imáṃ rāṣṭrásyābʰīvargé kr̥ṇutám yujá úttaram //2//

Verse: 3 
Halfverse: a    
sábandʰuś cā́sabandʰuś ca asmā́m̐ abʰidā́sati /
Halfverse: c    
sárvaṃ táṃ randʰayāsi me yájamānāya sunvaté //3//

Hymn: 55 
Verse: 1 
Halfverse: a    
pántʰāno bahávo devayā́nā antarā́ dyā́vāpr̥tʰivī́ saṃcáranti /
Halfverse: c    
téṣām ájyāniṃ yatamó váhāti tásmai devāḥ pári dattehá sárve //1//

Verse: 2 
Halfverse: a    
grīṣmó hemantáḥ śíśiro vasantáḥ śarád varṣā́ḥ svité no dadʰāta /
Halfverse: c    
ā́ no góṣu bʰájatā́ prajā́yāṃ nivātá íd vaḥ śaraṇé syāma //2//

Verse: 3 
Halfverse: a    
idāvatsarā́ya parivatsarā́ya saṃvatsarā́ya kr̥ṇutā br̥hán námaḥ /
Halfverse: c    
téṣāṃ vayáṃ sumataú yajñíyānām ápi bʰadré sau manasé syāma //3//

Hymn: 56 
Verse: 1 
Halfverse: a    
mā́ no devā áhir vadʰīt sátokānt sahápuruṣān /
Halfverse: c    
sámyataṃ ṣparad vyā́ttaṃ sáṃ yaman námo devajanébʰyaḥ /

Verse: 2 
Halfverse: a    
námo 'stv asitā́ya námas tíraścirājaye /
Halfverse: c    
svajā́ya babʰráve námo námo devajanébʰyaḥ //2//

Verse: 3 
Halfverse: a    
sáṃ te hanmi datā́ datáḥ sám u te hánvā hánū /
Halfverse: c    
sáṃ te jihváyā jihvā́ṃ sám v āsnā́ha āsyàm //3//

Hymn: 57 
Verse: 1 
Halfverse: a    
idám íd vā́ u bʰeṣajám idáṃ rudrásya bʰeṣajám /
Halfverse: c    
yénéṣum ékatejanāṃ śatáśalyām apabrávat //1//

Verse: 2 
Halfverse: a    
jālāṣéṇābʰí ṣiñcata jālāṣéṇópa siñcata /
Halfverse: c    
jālāṣám ugráṃ bʰeṣajáṃ téna no mr̥ḍa jīváse //2//

Verse: 3 
Halfverse: a    
śáṃ ca no máyaś ca no mā́ ca naḥ kíṃ canā́mamat /
Halfverse: c    
kṣamā́ rápo víśvaṃ no astu bʰeṣajáṃ sárvaṃ no astu bʰeṣajám //3//

Hymn: 58 
Verse: 1 
Halfverse: a    
yaśásaṃ méndro magʰávān kr̥ṇotu yaśásaṃ dyā́vāpr̥tʰivī́ ubʰé imé /
Halfverse: c    
yaśásaṃ deváḥ savitā́ kr̥ṇotu priyó dātúr dákṣiṇāyā ihá syām //1//

Verse: 2 
Halfverse: a    
yátʰéndro dyā́vāpr̥tʰivyór yáśasvān yátʰā́pa óṣadʰīṣu yáśasvatīḥ /
Halfverse: c    
evā́ víśveṣu devéṣu vayáṃ sárveṣu yaśásaḥ syāma //2//

Verse: 3 
Halfverse: a    
yaśā́ índro yaśā́ agnír yaśā́ḥ sómo ajāyata /
Halfverse: c    
yaśā́ víśvasya bʰūtásyāhám asmi yaśástamaḥ //3//

Hymn: 59 
Verse: 1 
Halfverse: a    
anaḍúdbʰyas tváṃ pratʰamáṃ dʰenúbʰyas tvám arundʰati /
Halfverse: c    
ádʰenave váyase śárma yacʰa cátuṣpade //1//

Verse: 2 
Halfverse: a    
śárma yacʰatv óṣadʰiḥ sahá devī́r arundʰatī́ /
Halfverse: c    
kárat páyasvantaṃ goṣṭʰám ayakṣmā́m̐ utá pū́ruṣān //2//

Verse: 3 
Halfverse: a    
viśvárūpāṃ subʰágām acʰā́vadāmi jīvalā́m /
Halfverse: c    
sā́ no rudrásyāstā́ṃ hetíṃ dūráṃ nayatu góbʰyaḥ //3//

Hymn: 60 
Verse: 1 
Halfverse: a    
ayám ā́ yāty aryamā́ purástād víṣitastupaḥ /
Halfverse: c    
asyā́ icʰánn agrúvai pátim utá jāyā́m ajā́naye //1//

Verse: 2 
Halfverse: a    
áśramad iyám aryamann anyā́sāṃ sámanaṃ yatī́ /
Halfverse: c    
aṅgó nv àryamann asyā́ anyā́ḥ sámanam ā́yati //2//

Verse: 3 
Halfverse: a    
dʰātā́ dādʰāra pr̥tʰivī́m dʰātā́ dyā́m utá sū́ryam /
Halfverse: c    
dʰātā́syā́ agrúvai pátim dádʰātu pratikāmyàm //3//

Hymn: 61 
Verse: 1 
Halfverse: a    
máhyam ā́po mádʰumad érayantāṃ máhyaṃ sū́ro abʰaraj jyótiṣe kám /
Halfverse: c    
máhyaṃ devā́ utá víśve tapojā́ máhyaṃ deváḥ savitā́ vyáco dʰāt //1//

Verse: 2 
Halfverse: a    
aháṃ viveca pr̥tʰivī́m utá dyā́m ahám r̥tū́ṃr ajanayaṃ saptá sākám /
Halfverse: c    
aháṃ satyám ánr̥taṃ yád vádāmy aháṃ daívīṃ pári vā́cam víśaś ca //2//

Verse: 3 
Halfverse: a    
aháṃ jajāna pr̥tʰivī́m utá dyā́m ahám r̥tū́ṃr ajanayaṃ saptá síndʰūn /
Halfverse: c    
aháṃ satvám ánr̥taṃ yád vádāmi agnīṣomā́v ájuṣe sákʰāyā //3//

Hymn: 62 
Verse: 1 
Halfverse: a    
vaiśvānaró raśmíbʰir naḥ punātu vā́taḥ prāṇéneṣiró nábʰobʰiḥ /
Halfverse: c    
dyā́vāpr̥tʰivī́ páyasā páyasvatī r̥tā́varī yajñiye na punītām //1//

Verse: 2 
Halfverse: a    
vaiśvānarī́ṃ sūnŕ̥tām ā́ rabʰadʰvaṃ yásyā ā́śās tanvò vītápr̥ṣṭʰāḥ /
Halfverse: c    
táyā gr̥ṇántaḥ sadʰamā́deṣu vayáṃ syāma pátayo rayīnā́m //2//

Verse: 3 
Halfverse: a    
vaiśvānarī́ṃ várcasa ā́ rabʰadʰvaṃ śuddʰā́ bʰávantaḥ śúcayaḥ pāvakā́ḥ /
Halfverse: c    
ihéḍayā sadʰamā́daṃ mádanto jyók paśyema sū́ryam uccárantam //3//

Hymn: 63 
Verse: 1 
Halfverse: a    
yát te devī́ nírr̥tir ābabándʰa dā́ma grīvā́sv avimokyáṃ yát /
Halfverse: c    
tát te ṣyāmy ā́yuṣe várcase bálāyādomadám ánnam addʰi prásūtaḥ //1//

Verse: 2 
Halfverse: a    
námo 'stu te nirr̥te tigmatejo 'yasmáyān cr̥tā bandʰapāśā́n /
Halfverse: c    
yamó máhyam púnar ít tvā́m dadāti tásmai yamā́ya námo astu mr̥tyáve //2//

Verse: 3 
Halfverse: a    
ayasmáye drupadé bedʰiṣe ihā́bʰíhito mr̥tyúbʰir sahásram /
Halfverse: c    
yaména tváṃ pitŕ̥bʰiḥ saṃvidāná uttamáṃ nā́kam ádʰi rohayemám //3//

Verse: 4 
Halfverse: a    
sáṃsam íd yuvase vr̥ṣann ágne víśvāny aryá ā́ /
Halfverse: c    
iḍás padé sám idʰyase no vásūny ā́ bʰara //4//

Hymn: 64 
Verse: 1 
Halfverse: a    
sáṃ jānīdʰvaṃ sáṃ pr̥cyadʰvaṃ sáṃ vo mánāṃsi jānatām /
Halfverse: c    
devā́ bʰāgáṃ yátʰā pū́rve samjānānā́ upā́sate //1//

Verse: 2 
Halfverse: a    
samānó mántraḥ sámitiḥ samānī́ samānáṃ vratáṃ sahá cittám eṣām /
Halfverse: c    
samānéna vo havíṣā juhomi samānáṃ céto abʰisáṃviśadʰvam //2//

Verse: 3 
Halfverse: a    
samānī́ va ā́kūtiḥ samānā́ hŕ̥dayāni vaḥ /
Halfverse: c    
samānám astu vo mánaḥ yátʰā vaḥ súsahā́sati //3//

Hymn: 65 
Verse: 1 
Halfverse: a    
áva manyúr ávā́yatā́va bāhū́ manoyújā /
Halfverse: c    
párāśara tváṃ téṣām párāñcaṃ śúṣmam ardayā́dʰā no rayím ā́ kr̥dʰi //1//

Verse: 2 
Halfverse: a    
nírhastebʰyo nairhastám yáṃ devāḥ śárum ásyatʰa /
Halfverse: c    
vr̥ścā́mi śátrūṇāṃ bāhū́n anéna havíṣā 'hám //2//

Verse: 3 
Halfverse: a    
índraś cakāra pratʰamáṃ nairhastám ásurebʰyaḥ /
Halfverse: c    
jáyantu sátvāno máma stʰiréṇéndreṇa medínā //3//

Hymn: 66 
Verse: 1 
Halfverse: a    
nírhastaḥ śátrur abʰidā́sann astu sénābʰir yúdʰam āyánty asmā́n /
Halfverse: c    
sám arpayendra mahatā́ vadʰéna drā́tv eṣām agʰahāró víviddʰaḥ //1//

Verse: 2 
Halfverse: a    
ātanvānā́ āyácʰantó 'syanto ca dʰā́vatʰa /
Halfverse: c    
nírhastāḥ śatravaḥ stʰanéndro vo 'dyá párāśarīt //2//

Verse: 3 
Halfverse: a    
nírhastāḥ santu śátravó 'ṅgaiṣāṃ mlāpayāmasi /
Halfverse: c    
átʰaiṣām indra védāṃsi śataśó bʰajāmahai //3//

Hymn: 67 
Verse: 1 
Halfverse: a    
pári vártmāni sarváta índraḥ pūṣā́ ca sasratuḥ /
Halfverse: c    
múhyantv adyā́mū́ḥ sénā amitrāṇāṃ parastarā́m //1//

Verse: 2 
Halfverse: a    
mūḍʰā́ amítrāś caratāśīrṣā́ṇa ivā́hayaḥ /
Halfverse: c    
téṣāṃ vo agnímūḍʰānām índro hantu váraṃvaram //2//

Verse: 3 
Halfverse: a    
aíṣu nahya vŕ̥ṣājínaṃ hariṇásya bʰíyaṃ kr̥dʰi /
Halfverse: c    
párāṅ amítra éṣatv arvā́cī gaúr úpeṣatu //3//

Hymn: 68 
Verse: 1 
Halfverse: a    
ā́yám agant savitā́ kṣuréṇoṣṇéna vāya udakénéhi /
Halfverse: c    
ādityā́ rudrā́ vásava undantu sácetasaḥ sómasya rā́jño vapata prácetasaḥ //1//

Verse: 2 
Halfverse: a    
áditiḥ śmáśru vapatv ā́pa undantu várcasā /
Halfverse: c    
cíkitsatu prajā́patir dīrgʰāyutvā́ya cákṣase //2//

Verse: 3 
Halfverse: a    
yénā́vapat savitā́ kṣuréṇa sómasya rā́jño váruṇasya vidvā́n /
Halfverse: c    
téna brahmāṇo vapatedám asyá gómān áśvavān ayám astu prajā́vān //3//

Hymn: 69 
Verse: 1 
Halfverse: a    
girā́v aragárāṭeṣu híranye góṣu yád yáśaḥ /
Halfverse: c    
súrāyāṃ sicyámānāyāṃ kīlā́le mádʰu tán máyi //1//

Verse: 2 
Halfverse: a    
áśvinā sāragʰéṇa mádʰunāṅktaṃ śubʰas patī /
Halfverse: c    
yátʰā bʰárgasvatīṃ vā́cam āvádāni jánām̐ ánu //2//

Verse: 3 
Halfverse: a    
máyi várco átʰo yáśó 'tʰo yajñásya yát páyaḥ /
Halfverse: c    
tán máyi prajā́patir diví dyā́m iva dr̥ṃhatu //3//

Hymn: 70 
Verse: 1 
Halfverse: a    
yátʰā māṃsám yátʰā súrā yátʰākṣā́ adʰidévane /
Halfverse: c    
yátʰā puṃsó vr̥ṣaṇyatá striyā́ṃ nihanyáte mánaḥ /
Halfverse: e    
evā́ te agʰnye mánó 'dʰi vatsé hanyatām //1//

Verse: 2 
Halfverse: a    
yátʰā hastī́ hastinyā́ḥ padéna padám udyujé /
Halfverse: c    
yátʰā puṃsó vr̥ṣaṇyatá striyā́ṃ nihanyáte mánaḥ /
Halfverse: e    
evā́ te agʰnye mánó 'dʰi vatsé hanyatām //2//

Verse: 3 
Halfverse: a    
yátʰā pradʰír yátʰopadʰír yátʰā nábʰyaṃ pradʰā́v ádʰi /
Halfverse: c    
yátʰā puṃsó vr̥ṣaṇyatá striyā́ṃ nihanyáte mánaḥ /
Halfverse: e    
evā́ te agʰnye mánó 'dʰi vatsé hanyatām //3//

Hymn: 71 
Verse: 1 
Halfverse: a    
yád ánnam ádmi bahudʰā́ vírūpaṃ híraṇyam áśvam utá gā́m ajā́m ávim /
Halfverse: c    
yád evá kíṃ ca pratijagráhāhám agníṣ ṭád dʰótā súhutaṃ kr̥notu //1//

Verse: 2 
Halfverse: a    
yán hutám áhutam ājagā́ma dattáṃ pitŕ̥bʰir ánumataṃ manuṣyaíḥ /
Halfverse: c    
yásmān me mána úd iva rā́rajīty agníṣ ṭád dʰótā súhutaṃ kr̥ṇotu //2//

Verse: 3 
Halfverse: a    
yád ánnam ádmy ánr̥tena devā dāsyánn ádāsyann utá saṃgr̥ṇā́mi /
Halfverse: c    
vaiśvānarásya maható mahimnā́ śiváṃ máhyaṃ mádʰumad astv ánnam //3//

Hymn: 72 
Verse: 1 
Halfverse: a    
yátʰāsitáḥ pratʰáyate váśām ánu vápūṃṣi kr̥ṇvánn ásurasya māyáyā /
Halfverse: c    
evā́ te śépaḥ sáhasāyám arkó 'ṅgenā́ṅgaṃ sáṃsamakaṃ kr̥ṇotu //1//

Verse: 2 
Halfverse: a    
yátʰā pásas tāyādaráṃ vā́tena stʰūlabʰáṃ kr̥tám /
Halfverse: c    
yā́vat parasvátaḥ pásas tā́vat te vardʰatāṃ pásaḥ //2//

Verse: 3 
Halfverse: a    
yā́vad aṅgī́naṃ pā́rasvataṃ hā́stinaṃ gā́rdabʰam ca yát /
Halfverse: c    
yā́vad áśvasya vajínas tā́vat te vardʰatāṃ pásaḥ //3//

Hymn: 73 
Verse: 1 
Halfverse: a    
éhá yātu váruṇaḥ sómo agnír bŕ̥haspátir vásubʰir éhá yātu /
Halfverse: c    
asyá śríyam upasáṃyāta sárva ugrásya cettúḥ sáṃmanasaḥ sajātāḥ //1//

Verse: 2 
Halfverse: a    
vaḥ śúṣmo hŕ̥dayeṣv antár ā́kūtir yā́ vo mánasi práviṣṭā /
Halfverse: c    
tā́nt sīvayāmi havíṣā gʰr̥téna máyi sajātā ramátir vo astu //2//

Verse: 3 
Halfverse: a    
ihaívá sta mā́pa yātā́dʰy asmát pūṣā́ parástād ápatʰam vaḥ kr̥ṇotu /
Halfverse: c    
vā́stoṣ pátir ánu vo johavītu máyi sajātā ramátiḥ vo astu //3//

Hymn: 74 
Verse: 1 
Halfverse: a    
sáṃ vaḥ pr̥cyantāṃ tanvà1ḥ sáṃ mánāṃsi sám u vratā́ /
Halfverse: c    
sám vo 'yám bráhmaṇas pátir bʰágaḥ sáṃ vo ajīgamat //1//

Verse: 2 
Halfverse: a    
samjñápanaṃ vo mánasó 'tʰo samjñápanam hr̥dáḥ /
Halfverse: c    
átʰo bʰágasya yác cʰrāntáṃ téna sáṃjñapayāmi vaḥ //2//

Verse: 3 
Halfverse: a    
yátʰādityā́ vásubʰiḥ sambabʰūvúr marúdbʰir ugrā́ áhr̥ṇīyamānāḥ /
Halfverse: c    
evā́ triṇāmann áhr̥ṇīyamāna imā́n jánānt sáṃmanasas kr̥dʰīhá //3//

Hymn: 75 
Verse: 1 
Halfverse: a    
nír amúṃ nuda ókasaḥ sapátno yáḥ pr̥tanyáti /
Halfverse: c    
nairbādʰyèna havíṣéndra enaṃ párāśarīt //1//

Verse: 2 
Halfverse: a    
paramā́ṃ táṃ parāvátam índro nudatu vr̥trahā́ /
Halfverse: c    
yáto púnar ā́yati śaśvatī́bʰyaḥ sámābʰyaḥ //2//

Verse: 3 
Halfverse: a    
étu tisráḥ parāváta étu páñca jánām̐ áti /
Halfverse: c    
étu tisró 'ti rocanā́ yáto púnar ā́yati /
Halfverse: e    
śaśvatī́bʰyaḥ sámābʰyo yā́vat sū́ryo ásad diví //3//

Hymn: 76 
Verse: 1 
Halfverse: a    
enaṃ pariṣī́danti samādádʰati cákṣase /
Halfverse: c    
saṃpréddʰo agnír jihvā́bʰir úd etu hŕ̥dayād ádʰi //1//

Verse: 2 
Halfverse: a    
agnéḥ sāmtapanásyāhám ā́yuṣe padám ā́ rabʰe /
Halfverse: c    
addʰātír yásya páśyati dʰūmám udyántam āsyatáḥ //2//

Verse: 3 
Halfverse: a    
asya samídʰaṃ véda kṣatríyeṇa samā́hitām /
Halfverse: c    
nā́bʰihvāré padáṃ dadʰāti mr̥tyáve //3//

Verse: 4 
Halfverse: a    
naínaṃ gʰnanti paryāyíno sannā́m̐ áva gacʰati /
Halfverse: c    
agnér yáḥ kṣatríyo vidvā́n nā́ma gr̥hnā́ti ā́yuṣe //4//

Hymn: 77 
Verse: 1 
Halfverse: a    
ástʰād dyaúr ástʰāt pr̥tʰivy ástʰād víśvam idáṃ jágat /
Halfverse: c    
āstʰā́ne párvatā astʰu stʰā́mny áśvām̐ atiṣṭʰipam //1//

Verse: 2 
Halfverse: a    
udā́nat parā́yaṇaṃ udā́naṇ nyā́yanam /
Halfverse: c    
āvártanam nivártanaṃ gopā́ ápi táṃ huve //2//

Verse: 3 
Halfverse: a    
jā́tavedo vartaya śatáṃ te santv āvŕ̥taḥ /
Halfverse: c    
sahásraṃ ta upāvŕ̥tas tábʰir naḥ púnar ā́ kr̥dʰi //3//

Hymn: 78 
Verse: 1 
Halfverse: a    
téna bʰūténa havíṣāyám ā́ pyāyatāṃ púnaḥ /
Halfverse: c    
jāyā́m yā́m asmā ā́vākṣus tā́m rásenābʰí vardʰatām //1//

Verse: 2 
Halfverse: a    
abʰí vardʰatāṃ páyasābʰi rāṣṭréṇa vardʰatām /
Halfverse: c    
rayyā́ sahásravarcasemaú stām ánupakṣitau //2//

Verse: 3 
Halfverse: a    
tváṣṭā jāyā́m ajanayat tváṣṭāsyai tvā́ṃ pátim /
Halfverse: c    
tváṣṭā sahásram ā́yuṃṣi dīrgʰám ā́yuḥ kr̥ṇotu vām //3//

Hymn: 79 
Verse: 1 
Halfverse: a    
ayáṃ no nábʰasas pátiḥ saṃspʰā́no abʰí rakṣatu /
Halfverse: c    
ásamātim gr̥héṣu naḥ //1//

Verse: 2 
Halfverse: a    
tváṃ no nábʰasas pate ū́rjaṃ gr̥hésu dʰāraya /
Halfverse: c    
ā́ puṣṭám etv ā́ vásu //2//

Verse: 3 
Halfverse: a    
déva saṃspʰā́na sahasrāpoṣásyeśiṣe /
Halfverse: c    
tásya no rāsva tásya no dʰehi tásya te bʰaktivā́msaḥ syāma //3//

Hymn: 80 
Verse: 1 
Halfverse: a    
antárikṣeṇa patati víśvā bʰūtā́vacā́kaśat /
Halfverse: c    
śúno divyásya yán máhas ténā te havíṣā vidʰema //1//

Verse: 2 
Halfverse: a    
tráyaḥ kālakāñjā́ diví devā́ iva śritā́ḥ /
Halfverse: c    
tā́nt sárvān ahva ūtáye 'smā́ ariṣṭátātaye //2//

Verse: 3 
Halfverse: a    
apsú te jánma diví te sadʰástʰaṃ samudré antár mahimā́ te pr̥tʰivyā́m /
Halfverse: c    
śúno divyásya yán máhas ténā te havíṣā vidʰema //3//

Hymn: 81 
Verse: 1 
Halfverse: a    
yantā́si yácʰase hástāv ápa rákṣāṃsi sedʰasi /
Halfverse: c    
prajā́ṃ dʰánaṃ ca gr̥hṇānáḥ parihastó abʰūd ayám //1//

Verse: 2 
Halfverse: a    
párihasta dʰāraya yóniṃ gárbʰāya dʰā́tave /
Halfverse: c    
máryāde putrám ā́ dʰehi táṃ tvám ā́ gamayāgame //2//

Verse: 3 
Halfverse: a    
yáṃ parihastám ábibʰar áditiḥ putrakāmyā́ /
Halfverse: c    
tváṣṭā tám asyā ā́ badʰnād yátʰā putráṃ jánād //3//

Hymn: 82 
Verse: 1 
Halfverse: a    
āgácʰata ā́gatasya nā́ma gr̥hṇāmy āyatáḥ /
Halfverse: c    
índrasya vr̥tragʰnó vanve vāsavásya śatákratoḥ //1//

Verse: 2 
Halfverse: a    
yéna sūryā́ṃ sāvitrī́m aśvínohátuḥ patʰā́ /
Halfverse: c    
téna mā́m abravīd bʰágo jayā́m ā́ vahatād íti //2//

Verse: 3 
Halfverse: a    
yás te 'ṅkuśó vasudā́no br̥hánn indra hiraṇyáyaḥ /
Halfverse: c    
ténā janīyaté jāyā́ṃ máhyaṃ dʰehi śacīpate //3//

Hymn: 83 
Verse: 1 
Halfverse: a    
ápacitaḥ prá patata suparṇó vasatér iva /
Halfverse: c    
sū́ryaḥ kr̥ṇótu bʰeṣajáṃ candrámā 'pocʰatu //1//

Verse: 2 
Halfverse: a    
ény ékā śyény ékā kr̥ṣṇaíkā róhiṇī dvé /
Halfverse: c    
sárvāsām ágrabʰaṃ nā́mā́vīragʰnīr ápetana //2//

Verse: 3 
Halfverse: a    
asū́tikā rāmāyaṇy àpacít prá patiṣyati /
Halfverse: c    
glaúr itáḥ prá patiṣyati galuntó naśiṣyati //3//

Verse: 4 
Halfverse: a    
vīhí svā́m ā́hutiṃ juṣānó mánasā svā́hā mánasā yád idáṃ juhómi //4//

Hymn: 84 
Verse: 1 
Halfverse: a    
yásyās ta āsáni gʰoré juhómy eṣā́ṃ baddʰā́nām avasárjanāya kám /
Halfverse: c    
bʰū́mir íti tvābʰiprámanvate jánā nírr̥tir íti tvāháṃ pári veda sarvátaḥ //1//

Verse: 2 
Halfverse: a    
bʰū́te havíṣmatī bʰavaiṣá te bʰāgó asmā́su /
Halfverse: c    
muñcémā́n amū́n énasaḥ svā́hā //2//

Verse: 3 
Halfverse: a    
evó ṣv àsmán nirr̥te 'nehā́ tvám ayasmáyān cr̥tā bandʰapāśā́n /
Halfverse: c    
yamó máhyaṃ púnar ít tvā́ṃ dadāti tásmai yamā́ya námo astu mr̥tyáve //3//

Verse: 4 
Halfverse: a    
ayasmáye drupadé bedʰiṣa ihā́bʰíhito mr̥tyúbʰir sahásram /
Halfverse: c    
yaména tváṃ pitŕ̥bʰiḥ saṃvidāná uttamáṃ nā́kam ádʰi rohayemám //4//

Hymn: 85 
Verse: 1 
Halfverse: a    
varaṇó vārayātā ayáṃ devó vánaspátiḥ /
Halfverse: c    
yákṣmo asmínn ā́viṣṭas tám u devā́ avīvaran //1//

Verse: 2 
Halfverse: a    
índrasya vácasā vayáṃ mitrásya váruṇasya ca /
Halfverse: c    
devā́nāṃ sárveṣāṃ vācā́ yákṣmaṃ te vārayāmahe //2//

Verse: 3 
Halfverse: a    
yátʰā vr̥trá imā́ ā́pas tastámbʰa viśvádʰā yatī́ḥ /
Halfverse: c    
evā́ te agnínā yákṣmaṃ vaiśvānaréṇa vāraye //3//

Hymn: 86 
Verse: 1 
Halfverse: a    
vŕ̥ṣéndrasya vŕ̥ṣā divó vŕ̥sā pr̥tʰivyā́ ayám /
Halfverse: c    
vŕ̥ṣā víśvasya bʰūtásya tvám ekavr̥ṣó bʰava //1//

Verse: 2 
Halfverse: a    
samudrá īśe sravátām agníḥ pr̥tʰivyā́ vaśī́ /
Halfverse: c    
candrámā nákṣatrāṇām īśe tvám ekavr̥ṣó bʰava //2//

Verse: 3 
Halfverse: a    
samrā́ḍ asy ásurāṇāṃ kakún manuṣyā̀nām /
Halfverse: c    
devā́nām ardʰabʰā́g asi tvám ekavr̥ṣó bʰava //3//

Hymn: 87 
Verse: 1 
Halfverse: a    
ā́ tvāhārṣam antár abʰūr dʰruvás tiṣṭʰā́vicācalat /
Halfverse: c    
víśas tvā sárvā vāñcʰantu mā́ tvád rāṣṭrám ádʰi bʰraśat //1//

Verse: 2 
Halfverse: a    
ihaívaídʰi mā́pa cyoṣṭʰāḥ párvata ivā́vicācalat /
Halfverse: c    
índra ivehá dʰruvás tiṣṭʰehá rāṣṭrám u dʰāraya //2//

Verse: 3 
Halfverse: a    
índra etám adīdʰarat dʰruváṃ dʰruvéṇa havíṣā /
Halfverse: c    
tásmai sómo ádʰi bravad ayáṃ ca bráhmaṇas pátiḥ //3//

Hymn: 88 
Verse: 1 
Halfverse: a    
dʰruvā́ dyaúr dʰruvā́ pr̥tʰivī́ dʰruváṃ víśvam idáṃ jágat /
Halfverse: c    
dʰruvā́saḥ párvatā imé dʰruvó rā́jā viśā́m ayám //1//

Verse: 2 
Halfverse: a    
dʰruváṃ te rā́jā váruṇo dʰruvám devó bŕ̥haspátiḥ /
Halfverse: c    
dʰruváṃ ta índraś cā́gníś ca rāṣṭráṃ dʰārayatāṃ dʰruvám //2//

Verse: 3 
Halfverse: a    
dʰruvó 'cyutaḥ prá mr̥ṇīhi śátrūn cʰatrūyató 'dʰarān pādayasva /
Halfverse: c    
sárvā díśaḥ sáṃmanasaḥ sadʰrī́cīr dʰruvā́ya te sámitiḥ kalpatām ihá //3//

Hymn: 89 
Verse: 1 
Halfverse: a    
idáṃ yát preṇyáḥ śíro dattáṃ sómena vŕ̥ṣṇyam /
Halfverse: c    
tátaḥ pári prájātena hā́rdiṃ te śocayāmasi //1//

Verse: 2 
Halfverse: a    
śocáyāmasi te hā́rdiṃ śocáyāmasi te mánaḥ /
Halfverse: c    
vā́taṃ dʰūmá iva sadʰryà1ṅ mā́m evā́nv etu ye mánaḥ //2//

Verse: 3 
Halfverse: a    
máhyaṃ tvā mitrā́váruṇau máhyaṃ devī́ sárasvatī /
Halfverse: c    
máhyaṃ tvā mádʰyaṃ bʰū́myā ubʰā́v ántau sám asyatām //3//

Hymn: 90 
Verse: 1 
Halfverse: a    
yā́ṃ te rudrá íṣum ā́syad áṅgebʰyo hŕ̥dayāya ca /
Halfverse: c    
idáṃ tā́m adyá tvád vayáṃ víṣūcīṃ vr̥hāmasi //1//

Verse: 2 
Halfverse: a    
yā́s te śatáṃ dʰamánayó 'ṅgāny ánu víṣṭʰitāḥ /
Halfverse: c    
tā́sāṃ te sárvāsām vayáṃ nír viṣā́ṇi hvayāmasi //2//

Verse: 3 
Halfverse: a    
námas te rudrā́syate námaḥ prátihitāyai /
Halfverse: c    
námo visr̥jyámānāyai námo nípatitāyai //3//

Hymn: 91 
Verse: 1 
Halfverse: a    
imáṃ yávam aṣṭāyogaíḥ ṣadyogébʰir acarkr̥ṣuḥ /
Halfverse: c    
ténā te tanvò3 rápo 'pācī́nam ápa vyaye //1//

Verse: 2 
Halfverse: a    
nyà1g vā́to vāti nyàk tapati sū́ryaḥ /
Halfverse: c    
nīcī́nam agʰnyā́ duhe nyàg bʰavatu te rápaḥ //2//

Verse: 3 
Halfverse: a    
ā́pa íd vā́ u bʰeṣajī́r ā́po amīvacā́tanīḥ /
Halfverse: c    
ā́po víśvasya bʰeṣajī́s tā́s te kr̥ṇvantu bʰeṣajám //3//

Hymn: 92 
Verse: 1 
Halfverse: a    
vā́taraṁhā bʰava vājin yujámāna índrasya yāhi prasavé mánojavāḥ /
Halfverse: c    
yuñjántu tvā marúto viśvávedasa ā́ te tvástā patsú javáṃ dadʰātu //1//

Verse: 2 
Halfverse: a    
javás te arvan níhito gúhā yáḥ śyené vā́te utá 'carat párīttaḥ /
Halfverse: c    
téna tváṃ vājin bálavān bálenājíṃ jaya sámane parayiṣṇúḥ //2//

Verse: 3 
Halfverse: a    
tanū́ṣ ṭe vājin tanvà1ṃ náyantī vāmám asmábʰyaṃ dʰā́vatu śárma túbʰyam /
Halfverse: c    
áhruto mahó dʰarúṇāya devó divī́va jyótiḥ svám ā́ mimīyāt //3//

Hymn: 93 
Verse: 1 
Halfverse: a    
yamó mr̥tyúr agʰamāró nirr̥tʰó babʰrúḥ śarvó 'stā nī́laśikʰaṇḍaḥ /
Halfverse: c    
devajanā́ḥ sénayottastʰivā́ṃsas asmā́kaṃ pári vr̥ñjantu vīrā́n //1//

Verse: 2 
Halfverse: a    
mánasā hómair hárasā gʰr̥téna śarvā́yā́stra utá rā́jñe bʰavā́ya /
Halfverse: c    
namasyèbʰyo náma ebʰyaḥ kr̥ṇomy anyátrāsmád agʰáviṣā nayantu //2//

Verse: 3 
Halfverse: a    
trā́yadʰvaṃ no agʰáviṣābʰyo vadʰā́d víśve devā maruto viśvavedasaḥ /
Halfverse: c    
agnī́ṣómā váruṇaḥ pūtádakṣā vātāparjanyáyoḥ sumataú syāma //3//

Hymn: 94 
Verse: 1 
Halfverse: a    
sáṃ vo mánāṃsi sáṃ vratā́ sám ā́kūtīr namāmasi /
Halfverse: c    
amī́ vívratā stʰána tā́n vaḥ sáṃ namayāmasi //1//

Verse: 2 
Halfverse: a    
aháṃ gr̥bʰṇāmi mánasā mánāṃsi máma cittám ánu cittébʰir éta /
Halfverse: c    
máma váśeṣu hŕ̥dayāni vaḥ kr̥ṇomi máma yātám ánuvartmāna éta //2//

Verse: 3 
Halfverse: a    
óte me dyā́vāpr̥tʰivī́ ótā devī́ sárasvatī /
Halfverse: c    
ótau ma índraś cāgníś ca rdʰyā́smedáṃ sarasvati //3//

Hymn: 95 
Verse: 1 
Halfverse: a    
aśvattʰó devasádanas tr̥tī́yasyām itó diví /
Halfverse: c    
tátrāmŕ̥tasya cákṣaṇam devā́ḥ kúṣṭʰam avanvata //1//

Verse: 2 
Halfverse: a    
hiraṇyáyī naúr acarad dʰíraṇyabandʰanā diví /
Halfverse: c    
tátrāmŕ̥tasya púṣpaṃ devā́ḥ kúṣṭʰam avanvata //2//

Verse: 3 
Halfverse: a    
gárbʰo asy óṣadʰīnāṃ gárbʰo himávatām utá /
Halfverse: c    
gárbʰo víśvasya bʰūtásyemáṃ me agadáṃ kr̥dʰi //3//

Hymn: 96 
Verse: 1 
Halfverse: a    
yā́ óṣadʰayaḥ sómarājñīr bahvī́ḥ śatávicakṣaṇāḥ /
Halfverse: c    
bŕ̥haspátiprasūtās tā́ no muñcantv áṃhasaḥ //1//

Verse: 2 
Halfverse: a    
muñcántu śapatʰyā̀3d átʰo varuṇyā̀d utá /
Halfverse: c    
átʰo yamásya páḍvīṣād víśvasmād devakilbiṣā́t //2//

Verse: 3 
Halfverse: a    
yác cákṣuṣā mánasā yác ca vācópārimá jā́grato yát svapántaḥ /
Halfverse: c    
sómas tā́ni svadʰáyā naḥ punātu //3//

Hymn: 97 
Verse: 1 
Halfverse: a    
abʰibʰū́r yajñó abʰibʰū́r agnír abʰibʰū́ḥ sómo abʰibʰū́r índraḥ /
Halfverse: c    
abʰy àháṃ viśvāḥ pŕ̥tanā yátʰā́sāny evā́ vidʰemāgníhotrā idáṃ havíḥ //1//

Verse: 2 
Halfverse: a    
svadʰā́stu mitrāvaruṇā vipaścitā prajā́vat kṣatráṃ mádʰunehá pinvatam /
Halfverse: c    
bā́dʰetʰāṃ dūráṃ nírr̥tiṃ parācaíḥ kr̥táṃ cid énaḥ prá mumuktam asmát //2//

Verse: 3 
Halfverse: a    
imáṃ vīrám ánu harṣadʰvam ugrám índraṃ sakʰāyo ánu sáṃ rabʰadʰvam /
Halfverse: c    
grāmajítaṃ gojítaṃ vájrabāhuṃ jáyantam ájma pramr̥ṇántam ójasā //3//

Hymn: 98 
Verse: 1 
Halfverse: a    
índro jayāti párā jayātā adʰirājó rā́jasu rājayātai /
Halfverse: c    
carkŕ̥tya ī́ḍyo vándyaś copasádyo namasyś bʰavehá //1//

Verse: 2 
Halfverse: a    
tvám indrādʰirājáḥ śravasyús tváṃ bʰūr abʰíbʰūtir jánānām /
Halfverse: c    
tváṃ daívīr viśa imā́ rājā́yuṣmat kṣatrám ajáraṃ te astu //2//

Verse: 3 
Halfverse: a    
prā́cyā diśás tvám indrāsi rā́jotódīcyā diśó vr̥trahan cʰatruhó 'si /
Halfverse: c    
yátra yánti srotyā́s táj jitáṃ te dakṣiṇató vr̥ṣabʰá eṣi hávyaḥ //3//

Hymn: 99 
Verse: 1 
Halfverse: a    
abʰí tvendra várimataḥ purā́ tvāṃhūraṇā́d dʰuve /
Halfverse: c    
hváyāmy ugráṃ cettā́raṃ purúṇāmānam ekajám //1//

Verse: 2 
Halfverse: a    
adyá sényo vadʰó jígʰāṃsan na udī́rate /
Halfverse: c    
índrasya tátra bāhū́ samantáṃ pári dadmaḥ //2//

Verse: 3 
Halfverse: a    
pári dadma índrasya bāhū́ samantáṃ trātús trā́yatāṃ naḥ /
Halfverse: c    
déva savitaḥ sóma rājant sumánasaṃ kr̥ṇu svastáye //3//

Hymn: 100 
Verse: 1 
Halfverse: a    
devā́ aduḥ sū́ryo dyaúr adāt pr̥tʰivy àdāt /
Halfverse: c    
tisráḥ sárasvatir aduḥ sácittā viṣadū́ṣaṇam //1//

Verse: 2 
Halfverse: a    
yád vo devā́ upajīkā ā́siñcan dʰánvany udakám /
Halfverse: c    
téna deváprasūtenedáṃ dūṣayatā viṣám //2//

Verse: 3 
Halfverse: a    
ásurāṇāṃ duhitā́si sā́ devā́nām asi svásā /
Halfverse: c    
divás pr̥tʰivyā́ḥ sáṃbʰūtā sā́ cakartʰārasáṃ viṣám //3//

Hymn: 101 
Verse: 1 
Halfverse: a    
ā́ vr̥ṣāyasva śvasihi várdʰasva pratʰáyasva ca /
Halfverse: c    
yatʰāṅgáṃ vardʰatāṃ śépas téna yoṣítam íj jahi //1//

Verse: 2 
Halfverse: a    
yéna kr̥ṣáṃ vājáyanti yéna hinvánty ā́turam /
Halfverse: c    
ténāsyá brahmaṇas pate dʰánur ivā́ tānayā pásaḥ //2//

Verse: 3 
Halfverse: a    
ā́háṃ tanomi te páso ádʰi jyā́m iva dʰánvani /
Halfverse: c    
krámasva ŕ̥ṣa iva rohítam ánavaglāyatā sádā //3//

Hymn: 102 
Verse: 1 
Halfverse: a    
yátʰayáṃ vāhó aśvinā samaíti sáṃ ca vártate /
Halfverse: c    
evā́ mā́m abʰí te mánaḥ samaítu sáṃ ca vartatām //1//

Verse: 2 
Halfverse: a    
ā́háṃ kʰidāmi te máno rājāśváḥ pr̥ṣṭyā́m iva /
Halfverse: c    
reṣmácʰinnam yátʰā tŕ̥ṇaṃ máyi te veṣṭatāṃ mánaḥ //2//

Verse: 3 
Halfverse: a    
ā́ñjanasya madúgʰasya kúṣṭʰasya náladasya ca /
Halfverse: c    
turó bʰágasya hástābʰyām anuródʰanam úd bʰare //3//

Hymn: 103 
Verse: 1 
Halfverse: a    
saṃdā́naṃ vo bŕ̥haspátiḥ saṃdā́naṃ savitā́ karat /
Halfverse: c    
saṃdā́naṃ mitró aryamā́ saṃdā́naṃ bʰágo aśvínā //1//

Verse: 2 
Halfverse: a    
sám paramā́nt sám avamā́n átʰo sáṃ dyāmi madʰyamā́n /
Halfverse: c    
índras tā́n páry ahār dā́mnā tā́n agne sáṃ dyā tvám //2//

Verse: 3 
Halfverse: a    
amī́ yúdʰam āyánti ketū́n kr̥tvā́nīkaśáḥ /
Halfverse: c    
índras tā́n páry ahār dā́mna tā́n agne sáṃ dyā tvám //3//

Hymn: 104 
Verse: 1 
Halfverse: a    
ādā́nena saṃdā́nenāmítrān ā́ dyāmasi /
Halfverse: c    
apānā́ caiṣāṃ prāṇā́ ásunā́sūnt sám acʰidan //1//

Verse: 2 
Halfverse: a    
idám ādā́nam akaraṃ tápaséndreṇa sáṃśitam /
Halfverse: c    
amítrā 'tra naḥ sánti tā́n agna ā́ dyā tvám //2//

Verse: 3 
Halfverse: a    
aínān dyatām indrāgnī́ sómo rā́jā ca medínau /
Halfverse: c    
índro marútvān ādā́nam amítrebʰyaḥ kr̥ṇotu naḥ //3//

Hymn: 105 
Verse: 1 
Halfverse: a    
yátʰā máno manasketaíḥ parāpátaty āśumát /
Halfverse: c    
evā́ tváṃ kāse prá pata mánasó 'nu pravāyyàm //1//

Verse: 2 
Halfverse: a    
yátʰā bā́ṇaḥ súsaṃśitaḥ parāpátaty āśumát /
Halfverse: c    
evā́ tváṃ kāse prá pata pr̥tʰivyā́ ánu saṃvátam //2//

Verse: 3 
Halfverse: a    
yátʰā sū́ryasya raśmáyaḥ parāpátanty āśumát /
Halfverse: c    
evā́ tváṃ kāse prá pata samudrásyā́nu vikṣarám //3//

Hymn: 106 
Verse: 1 
Halfverse: a    
ā́yane te parā́yane dū́rvā rohantu puṣpíṇīḥ /
Halfverse: c    
útso tátra jā́yatām hradó puṇḍárīkavān //1//

Verse: 2 
Halfverse: a    
apā́m idáṃ nyáyanaṃ samudrásya nivéśanam /
Halfverse: c    
mádʰye hradásya no gr̥hā́ḥ parācī́nā múkʰā kr̥dʰi //2//

Verse: 3 
Halfverse: a    
himásya tvā jarā́yuṇā śā́le pári vyayāmasi /
Halfverse: c    
śītáhradā no bʰúvo 'gníṣ kr̥ṇotu bʰeṣajám //3//

Hymn: 107 
Verse: 1 
Halfverse: a    
víśvajit trāyamāṇā́yai pári dehi /
Halfverse: c    
trā́yamāṇe dvipā́c ca sárvaṃ no rákṣa cátuṣpāḍ yác ca naḥ svám //1//

Verse: 2 
Halfverse: a    
trā́yamāṇe viśvajíte pári dehi /
Halfverse: c    
víśvajid dvipā́c ca sárvaṃ no rákṣa cátuṣpāḍ yác ca naḥ svám //2//

Verse: 3 
Halfverse: a    
víśvajit kalyāṇyaí pári dehi /
Halfverse: c    
kályāṇi dvipā́c ca sárvaṃ no rákṣa cátuṣpāḍ yác ca naḥ svám //3//

Verse: 4 
Halfverse: a    
kályāṇi sarvavíde pári dehi /
Halfverse: c    
sárvavid dvipā́c ca sárvaṃ no rákṣa cátuṣpāḍ yác ca naḥ svám //4//

Hymn: 108 
Verse: 1 
Halfverse: a    
tváṃ no medʰe pratʰamā́ góbʰir áśvebʰir ā́ gahi /
Halfverse: c    
tváṃ sū́ryasya raśmíbʰis tvám no asi yajñiyā //1//

Verse: 2 
Halfverse: a    
medʰā́m aháṃ pratʰamā́ṃ bráhmaṇvatīṃ bráhmajūtām ŕ̥ṣiṣṭutām /
Halfverse: c    
prápītāṃ brahmacāríbʰir devā́nām ávase huve //2//

Verse: 3 
Halfverse: a    
yā́ṃ medʰā́m r̥bʰávo vidúr yā́ṃ medʰā́m ásurā vidúḥ /
Halfverse: c    
ŕ̥ṣayo bʰadrā́ṃ medʰā́ṃ yā́ṃ vidús tā́ṃ máyy ā́ veśayāmasi //3//

Verse: 4 
Halfverse: a    
yā́m ŕ̥ṣayo bʰūtakŕ̥to medʰā́ṃ medʰāvíno vidúḥ /
Halfverse: c    
táyā mā́m adyá medʰáyā́gne medʰāvínaṃ kr̥ṇu //4//

Verse: 5 
Halfverse: a    
medʰā́ṃ sāyáṃ medʰā́ṃ prātár medʰā́ṃ madʰyándinaṃ pári /
Halfverse: c    
medʰā́ṃ sū́ryasya raśmíbʰir vácasā́ veśayāmahe //5//

Hymn: 109 
Verse: 1 
Halfverse: a    
pippalī́ kṣiptabʰeṣajy ù3tā́tividdʰabʰeṣajī́ /
Halfverse: c    
tā́ṃ devā́ḥ sám akalpayann iyáṃ jī́vitavā́ álam //1//

Verse: 2 
Halfverse: a    
pippalyà1ḥ sám avadantāyatī́r jánanād ádʰi /
Halfverse: c    
yáṃ jīvám aśnávāmahai riṣyāti pū́ruṣaḥ //2//

Verse: 3 
Halfverse: a    
ásurās tvā ny àkʰanan devā́s tvód avapan púnaḥ /
Halfverse: c    
vātī́kr̥tasya bʰeṣajī́m átʰo kṣiptásya bʰeṣajī́m //3//

Hymn: 110 
Verse: 1 
Halfverse: a    
pratnó kám ī́ḍyo adʰvaréṣu sanā́c ca hótā návyaś ca sátsi /
Halfverse: c    
svā́m cāgne tanvàṃ piprā́yasvāsmábʰyaṃ ca saúbʰagam ā́ yajasva //1//

Verse: 2 
Halfverse: a    
jyeṣṭʰagʰnyā́ṃ jātó vicŕ̥tor yamásya mūlabárhaṇāt pári pāhy enam /
Halfverse: c    
áty enam neṣad duritā́ni víśvā dīrgʰāyutvā́ya śatáśāradāya //2//

Verse: 3 
Halfverse: a    
vyāgʰré 'hny ajaniṣṭa vīró nakṣatrajā́ jā́yamānaḥ suvī́raḥ /
Halfverse: c    
mā́ vadʰīt pitáraṃ várdʰamāno mā́ mātáraṃ prá minīj jánitrīm //3//

Hymn: 111 
Verse: 1 
Halfverse: a    
imám me agne púruṣam mumugdʰy ayáṃ baddʰáḥ súyato lā́lapīti /
Halfverse: c    
átó 'dʰi te kr̥ṇavad bʰāgadʰéyaṃ yadā́nunmaditó 'sati //1//

Verse: 2 
Halfverse: a    
agníṣ ṭe śamayatu yádi te mána údyatam /
Halfverse: c    
kr̥ṇomi vidvā́n bʰeṣajáṃ yátʰā́nunmaditó 'sasi //2//

Verse: 3 
Halfverse: a    
devainasā́d únmaditam únmattam rákṣasas pári /
Halfverse: c    
kr̥ṇomi vidvā́n bʰeṣajáṃ yadā́nunmaditó 'sati //3//

Verse: 4 
Halfverse: a    
púnas tvā dur apsarásaḥ púnar índraḥ púnar bʰágaḥ /
Halfverse: c    
púnas tvā dur víśve devā́ yátʰānunmaditó 'sasi //4//

Hymn: 112 
Verse: 1 
Halfverse: a    
mā́ jyeṣṭʰáṃ vadʰīd ayám agna eṣā́m mūlabárhaṇāt pári pāhy enam /
Halfverse: c    
grā́hyāḥ pā́śān cr̥ta prajānán túbʰyaṃ devā́ ánu jānantu víśve //1//

Verse: 2 
Halfverse: a    
ún muñca pā́śāṃs tvám agna eṣā́ṃ tráyas tribʰír útsitā yébʰir ā́san /
Halfverse: c    
grā́hyāḥ pā́śān cr̥ta prajānán pitāputraú mātáraṃ muñca sárvān //2//

Verse: 3 
Halfverse: a    
yébʰiḥ pā́śaiḥ párivitto víbaddʰó 'ṅgeaṅga ā́rpita útsitaś ca /
Halfverse: c    
mucyantaṃ vimúco sánti bʰrūṇagʰní pūṣan duritā́ni mr̥kṣva //3//

Hymn: 113 
Verse: 1 
Halfverse: a    
trité devā́ amr̥jataitád énas tritá enan manuṣyèṣu mamr̥je /
Halfverse: c    
táto yádi tvā grā́hir ānaśé tā́ṃ te devā́ bráhmaṇā nāśayantu //1//

Verse: 2 
Halfverse: a    
márīcīr dʰūmā́n prá viśā́nu pāpmann udārā́n gacʰotá nīhārā́n /
Halfverse: c    
nadī́naṃ pʰénām ánu tā́n naśya bʰrūṇagʰní pūṣan duritā́ni mr̥kṣva //2//

Verse: 3 
Halfverse: a    
dvādaśadʰā́ níhitaṃ tritásyā́pamr̥ṣṭam manuṣyainasā́ni /
Halfverse: c    
táto yádi tvā grā́hir ānaśé tā́ṃ te devā́ bráhmaṇā nāśayantu //3//

Hymn: 114 
Verse: 1 
Halfverse: a    
yád devā devahédanaṃ dévāsaś cakr̥ma vayám /
Halfverse: c    
ā́dityās tásmān no yuyám r̥tásya r̥téna muñcata //1//

Verse: 2 
Halfverse: a    
r̥tásya r̥ténādityā yájatrā muñcátehá naḥ /
Halfverse: c    
yajñáṃ yád yajñavāhasaḥ śikṣanto nópaśekimá //2//

Verse: 3 
Halfverse: a    
médasvatā yájamānāḥ srucā́jyāni júhvataḥ /
Halfverse: c    
akāmā́ viśve vo devāḥ śíkṣanto nópa śekima //3//

Hymn: 115 
Verse: 1 
Halfverse: a    
yád vidvā́mso yád ávidvāṃsa énāṃsi cakr̥mā́ vayám /
Halfverse: c    
yūyáṃ nas tásmān muñcata víśve devāḥ sajoṣasaḥ //1//

Verse: 2 
Halfverse: a    
yádi jā́grad yádi svápann éna enasyó 'karam /
Halfverse: c    
bʰūtáṃ tásmād bʰávyaṃ ca drupadā́d iva muñcatām //2//

Verse: 3 
Halfverse: a    
drupadā́d iva mumucānáḥ svinnáḥ snātvā́ málād iva /
Halfverse: c    
pūtáṃ pavítreṇevā́jyaṃ víśve śumbʰantu maínasaḥ //3//

Hymn: 116 
Verse: 1 
Halfverse: a    
yád yāmám cakrúr nikʰánanto ágre kā́rṣīvaṇā annavído vidyáyā /
Halfverse: c    
vaivasvaté rā́jani táj juhomy átʰa yajñíyaṃ mádʰumad astu 'nnam //1//

Verse: 2 
Halfverse: a    
vaivasvatáḥ kr̥ṇavad bʰāgadʰéyaṃ mádʰubʰāgo mádʰunā sáṃ sr̥jāti /
Halfverse: c    
mātúr yád éna iṣitáṃ na ā́gan yád pitā́ 'parāddʰo jihīdé //2//

Verse: 3 
Halfverse: a    
yádīdáṃ mātúr yádi pitúr naḥ pári bʰrā́tuḥ putrā́c cétasa éna ā́gan /
Halfverse: c    
yā́vanto asmā́n pitáraḥ sácante téṣāṃ sárveṣāṃ śivó astu manyúḥ //3//

Hymn: 117 
Verse: 1 
Halfverse: a    
apamítyam ápratīttaṃ yád ásmi yamásya yéna balínā cárāmi /
Halfverse: c    
idáṃ tád agne anr̥ṇó bʰavāmi tváṃ pā́śān vicŕ̥taṃ vettʰa sárvān //1//

Verse: 2 
Halfverse: a    
ihaívá sántaḥ práti dadma enaj jīvā́ jīvébʰyo harāma enat /
Halfverse: c    
apamítya dʰānyà1ṃ yáj jagʰásāhám idáṃ tád agne anr̥ṇó bʰavāmi //2//

Verse: 3 
Halfverse: a    
anr̥ṇā́ asmínn anr̥ṇā́ḥ párasmin tr̥tī́ye loké anr̥ṇā́ḥ syāma /
Halfverse: c    
devayā́nāḥ pitr̥yā́ṇaś ca lokā́ḥ sárvān patʰó anr̥ṇā́ ā́ kṣiyema //3//

Hymn: 118 
Verse: 1 
Halfverse: a    
yád dʰástābʰyāṃ cakr̥má kílbiṣāny akṣā́nāṃ gatnúm upalípsamānāḥ /
Halfverse: c    
ugraṃpaśyé ugrajítau tád adyā́psarásāv ánu dattām r̥ṇáṃ naḥ //1//

Verse: 2 
Halfverse: a    
úgraṃpaśye rā́ṣṭrabʰr̥t kílbiṣāṇi yád akṣávr̥ttam ánu dattam na etát /
Halfverse: c    
r̥ṇā́n no r̥ṇám értsamāno yamásya loké ádʰirajjur ā́yat //2//

Verse: 3 
Halfverse: a    
yásmā r̥ṇáṃ yásya jāyā́m upaími yáṃ yā́camāno abʰyaími devāḥ /
Halfverse: c    
vā́caṃ vādiṣur móttarāṃ mád dévapatnī ápsarasāv ádʰītam //3//

Hymn: 119 
Verse: 1 
Halfverse: a    
yád ádīvyann r̥ṇám aháṃ kr̥ṇómy ádāsyann agne utá saṃgr̥ṇā́mi /
Halfverse: c    
vaiśvānaró no adʰipā́ vásiṣṭʰa úd ín nayāti sukr̥tásya lokám //1//

Verse: 2 
Halfverse: a    
vaiśvānarā́ya práti vedayāmi yádi r̥ṇáṃ saṃgaró devátāsu /
Halfverse: c    
etā́n pā́śān vicŕ̥tam veda sárvān átʰa pakvéna sahá sáṃ bʰavema //2//

Verse: 3 
Halfverse: a    
vaiśvānaráḥ pavitā́ punātu yát saṃgarám abʰidʰā́vāmy āśā́m /
Halfverse: c    
ánājānan mánasā yā́camāno yát tátraíno ápa tát suvāmi //3//

Hymn: 120 
Verse: 1 
Halfverse: a    
yád antárikṣaṃ pr̥tʰivī́m utá dyā́m yán mātáraṃ pitáraṃ jihiṃsimá /
Halfverse: c    
ayáṃ tásmād gā́rhapatyo no agnír úd ín nayāti sukr̥tásya lokám //1//

Verse: 2 
Halfverse: a    
bʰū́mir mātā́ditir no janítraṃ bʰrā́tāntárikṣam abʰíśastyā naḥ /
Halfverse: c    
dyaúr naḥ pitā́ pítryāc cʰáṃ bʰavāti jāmím r̥tvā́ mā́va patsi lokā́t //2//

Verse: 3 
Halfverse: a    
yátrā suhā́rdaḥ sukŕ̥to mádanti vihā́ya rógaṃ tanvà1ḥ svā́yāḥ /
Halfverse: c    
áślonā áṅgair áhrutāḥ svargé tátra paśyema pitárau ca putrā́n //3//

Hymn: 121 
Verse: 1 
Halfverse: a    
viṣā́ṇā pā́śān ṣyā́dʰy asmád uttamā́ adʰamā́ vāruṇā́ /
Halfverse: c    
duṣvápnyaṃ duritáṃ ṣvāsmád átʰa gacʰema sukr̥tásya lokám //1//

Verse: 2 
Halfverse: a    
yád dā́ruṇi badʰyáse yác ca rájjvāṃ yád bʰū́myāṃ badʰyáse yác ca vācā́ /
Halfverse: c    
ayáṃ tásmād gā́rhapatyo no agnír úd ín nayāti sukr̥tásya lokám //2//

Verse: 3 
Halfverse: a    
úd agātāṃ bʰágavatī vicŕ̥tau nā́ma tā́rake /
Halfverse: c    
préhā́mŕ̥tasya yacʰatāṃ praítu baddʰakamócanam //3//

Verse: 4 
Halfverse: a    
jihīṣva lokám kr̥ṇu bandʰā́n muñcāsi báddʰakam /
Halfverse: c    
yónyā iva prácyuto gárbʰaḥ patʰáḥ sárvām̐ ánu kṣiya //4//

Hymn: 122 
Verse: 1 
Halfverse: a    
etáṃ bʰāgáṃ pári dadāmi vidvā́n víśvakarman pratʰamajā́ r̥tásya /
Halfverse: c    
asmā́bʰir dattáṃ jarásaḥ parástād ácʰinnaṃ tántum ánu sáṃ tarema //1//

Verse: 2 
Halfverse: a    
tatáṃ tántum ánv éke taranti yéṣāṃ dattáṃ pítryam ā́yanena /
Halfverse: c    
abandʰv éke dádataḥ prayácʰanto dā́tuṃ céc cʰíkṣānt svargá evá //2//

Verse: 3 
Halfverse: a    
anvā́rabʰetʰām anusáṃrabʰetʰām etáṃ lokáṃ śraddádʰānāḥ sacante /
Halfverse: c    
yád vāṃ pakváṃ páriviṣṭam agnaú tásya gúptaye dampatī sáṃ śrayetʰām //3//

Verse: 4 
Halfverse: a    
yajñám yántaṃ mánasā br̥hántam anvā́rohāmi tápasā sáyoniḥ /
Halfverse: c    
úpahūtā agne jarásaḥ parástāt tr̥tī́ye nā́ke sadʰamā́daṃ madema //4//

Verse: 5 
Halfverse: a    
śuddʰā́ḥ pūtā́ yoṣíto yajñíyā imā́ brahmáṇāṃ hásteṣu prapr̥tʰák sādayāmi /
Halfverse: c    
yátkāma idáṃ abʰiṣiñcā́mi vo 'háṃ índro marútvānt dadātu tán me //5//

Hymn: 123 
Verse: 1 
Halfverse: a    
etáṃ sadʰastʰāḥ pári vo dadāmi yáṃ śevadʰím āváhāj jātávedaḥ /
Halfverse: c    
anvāgantā́ yájamānaḥ svastí táṃ sma jānīta paramé vyòman //1//

Verse: 2 
Halfverse: a    
jānītá smainaṃ paramé vyòman dévāḥ sádʰastʰā vidá lokám átra /
Halfverse: c    
anvāgantā́ yájamānaḥ svastī́ṣṭāpūrtáṃ sma kr̥ṇutāvír asmai //2//

Verse: 3 
Halfverse: a    
dévāḥ pítaraḥ pítaro dévāḥ /
Halfverse: c    
ásmi asmi //3//

Verse: 4 
Halfverse: a    
pacāmi dadāmi /
Halfverse: c    
yaje dattā́n mā́ yūṣam //4//

Verse: 5 
Halfverse: a    
nā́ke rājan práti tiṣṭʰa tátraitát práti tiṣṭʰatu /
Halfverse: c    
viddʰí pūrtásya no rājant deva sumánā bʰava //5//

Hymn: 124 
Verse: 1 
Halfverse: a    
divó mā́m br̥ható antárikṣād apā́ṃ stokó abʰy àpaptad rásena /
Halfverse: c    
sám indriyéna páyasāhám agne cʰándobʰir yajñaíḥ sukŕ̥tāṃ kr̥téna //1//

Verse: 2 
Halfverse: a    
yádi vr̥kṣā́d abʰyápaptat pʰálaṃ tád yády antárikṣāt u vāyúr evá /
Halfverse: c    
yátrā́spr̥kṣat tanvò3 yác ca vā́sasa ā́po nudantu nírr̥tiṃ parācaíḥ //2//

Verse: 3 
Halfverse: a    
abʰyáñjanaṃ surabʰí sā́ sámr̥ddʰir híraṇyaṃ várcas tád u pūtrímam evá /
Halfverse: c    
sárvā pavítrā vítatā́dʰy asmát tán mā́ tārīn nírr̥tir árātiḥ //3//

Hymn: 125 
Verse: 1 
Halfverse: a    
vánaspate vīḍvàṅgo bʰūyā́ asmátsakʰā pratáraṇaḥ suvī́raḥ /
Halfverse: c    
góbʰiḥ sáṃnaddʰo asi vīḍáyasvāstʰātā́ te jayatu jétvāni //1//

Verse: 2 
Halfverse: a    
divás pr̥tʰivyā́ḥ páry ója údbʰr̥taṃ vánaspátibʰyaḥ páry ā́bʰr̥taṃ sáhaḥ /
Halfverse: c    
apā́m ojmā́naṃ pári góbʰir ā́vr̥tam indrasya vájraṃ haviṣā rátʰaṃ yaja //2//

Verse: 3 
Halfverse: a    
índrasyaújo marútām ánīkaṃ mitrásya gárbʰo váruṇasya nā́bʰiḥ /
Halfverse: c    
imā́ṃ no havyádātiṃ juṣāṇó déva ratʰa práti havyā́ gr̥bʰāya //3//

Hymn: 126 
Verse: 1 
Halfverse: a    
úpa śvāsaya pr̥tʰivī́m utá dyáṃ purutrā́ te vanvatāṃ víṣṭʰitam jágat /
Halfverse: c    
dundubʰe sajū́r índreṇa devaír dūrā́d dávīyo ápa sedʰa śátrūn //1//

Verse: 2 
Halfverse: a    
ā́ krandaya bálam ójo na ā́ dʰā abʰí ṣṭana duritā́ bā́dʰamānaḥ /
Halfverse: c    
ápa sedʰa dundubʰe ducʰúnām itá índrasya muṣṭír asi vīḍáyasva //2//

Verse: 3 
Halfverse: a    
prā́mū́ṃ jayābʰī́mé jayantu ketumád dundubʰír vāvadītu /
Halfverse: c    
sám áśvaparṇāḥ patantu no náro 'smā́kam indra ratʰíno jayantu //3//

Hymn: 127 
Verse: 1 
Halfverse: a    
vidradʰásya balā́sasya lóhitasya vanaspate /
Halfverse: c    
visálpakasyoṣadʰe móc cʰiṣaḥ piśitáṃ caná //1//

Verse: 2 
Halfverse: a    
yaú te balāsa tíṣṭʰataḥ kákṣe muṣkā́v ápaśritau /
Halfverse: c    
védāháṃ tásya bʰeṣajáṃ cīpúdrur abʰicákṣaṇam //2//

Verse: 3 
Halfverse: a    
áṅgyo yáḥ kárṇyo akṣyór visálpakaḥ /
Halfverse: c    
vr̥hāmo visálpakaṃ vidradʰáṃ hr̥dayāmayám /
Halfverse: e    
párā tám ájñātam yákṣmam adʰarā́ñcaṃ suvāmasi //3//

Hymn: 128 
Verse: 1 
Halfverse: a    
śakadʰū́maṃ nákṣatrāṇi yád rā́jānam ákurvata /
Halfverse: c    
bʰadrāhám asmai prā́yacʰan idáṃ rāṣṭrám ásād íti //1//

Verse: 2 
Halfverse: a    
bʰadrāháṃ no madʰyáṃdine bʰadrāháṃ sāyám astu naḥ /
Halfverse: c    
bʰadrāháṃ no áhnāṃ prātā́ rā́trī bʰadrāhám astu naḥ //2//

Verse: 3 
Halfverse: a    
ahorātrā́bʰyāṃ nákṣatrebʰyaḥ suryācandramásābʰyām /
Halfverse: c    
bʰadrāhám asmábʰyaṃ rājan cʰákadʰūma tváṃ kr̥dʰi //3//

Verse: 4 
Halfverse: a    
no bʰadrāhám ákaraḥ sāyáṃ náktam atʰo dívā /
Halfverse: c    
tásmai te nakṣatrarāja śákadʰūma sádā námaḥ //4//

Hymn: 129 
Verse: 1 
Halfverse: a    
bʰágena śāṃśapéna sākám índreṇa medínā /
Halfverse: c    
kr̥ṇómi bʰagínaṃ mā́pa drāntv árātayaḥ //1//

Verse: 2 
Halfverse: a    
yéna vr̥kṣā́m̐ abʰyábʰavo bʰágena várcasā sahá /
Halfverse: c    
téna bʰagínaṃ kr̥ṇv ápa drāntv árātayaḥ //2//

Verse: 3 
Halfverse: a    
andʰó yáḥ punaḥsaró bʰágo vr̥kṣéṣv ā́hitaḥ /
Halfverse: c    
téna bʰagínaṃ kr̥ṇv ápa drāntv árātayaḥ //3//

Hymn: 130 
Verse: 1 
Halfverse: a    
ratʰajítāṃ rātʰajiteyī́nām apsarásām ayáṃ smaráḥ /
Halfverse: c    
dévāḥ prá hiṇuta smarám asaú mā́m ánu śocatu //1//

Verse: 2 
Halfverse: a    
asaú me smaratād íti priyó me smaratād íti /
Halfverse: c    
dévāḥ prá hiṇuta smarám asaú mā́m ánu śocatu //2//

Verse: 3 
Halfverse: a    
yátʰā máma smárād asaú nā́múṣyāháṃ kadā́ caná /
Halfverse: c    
dévāḥ prá hiṇuta smarám asaú mā́m ánu śocatu //3//

Verse: 4 
Halfverse: a    
ún mādayata maruta úd antarikṣa mādaya /
Halfverse: c    
ágna ún mādayā tvám asaú mā́m ánu śocatu //4//

Hymn: 131 
Verse: 1 
Halfverse: a    
śīrṣató pattatá ādʰyò3 tirāmi te /
Halfverse: c    
dévāḥ prá hiṇuta smarám asaú mā́m ánu śocatu //1//

Verse: 2 
Halfverse: a    
ánumate 'nv idáṃ manyasvā́kute sám idáṃ námaḥ /
Halfverse: c    
dévāḥ prá hiṇuta smarám asaú mā́m ánu śocatu //2//

Verse: 3 
Halfverse: a    
yád dʰā́vasi triyojanáṃ pañcayojanám ā́śvinam /
Halfverse: c    
tátas tváṃ púnar ā́yasi putrā́ṇāṃ no asaḥ pitā́ //3//

Hymn: 132 
Verse: 1 
Halfverse: a    
yáṃ devā́ḥ smarám ásiñcann apsv àntáḥ śóśucānaṃ sahā́dʰyā́ /
Halfverse: c    
táṃ te tapāmi váruṇasya dʰármaṇā //1//

Verse: 2 
Halfverse: a    
yáṃ víśve devā́ḥ smarám ásiñcann apsv àntáḥ śóśucānaṃ sahā́dʰyā́ /
Halfverse: c    
táṃ te tapāmi váruṇasya dʰármaṇā //2//

Verse: 3 
Halfverse: a    
yám indrāṇī́ smarám ásiñcad apsv àntáḥ śóśucānaṃ sahā́dʰyā́ /
Halfverse: c    
táṃ te tapāmi váruṇasya dʰármaṇā //3//

Verse: 4 
Halfverse: a    
yám indrāgnī́ smarám ásiñcatām apsv àntáḥ śóśucānaṃ sahā́dʰyā́ /
Halfverse: c    
táṃ te tapāmi váruṇasya dʰármaṇā //4//

Verse: 5 
Halfverse: a    
yám mitrā́váruṇau smarám ásiñcatām apsv àntáḥ śóśucānaṃ sahā́dʰyā́ /
Halfverse: c    
táṃ te tapāmi váruṇasya dʰármaṇā //5//

Hymn: 133 
Verse: 1 
Halfverse: a    
imā́ṃ devó mékʰalām ābabándʰa yáḥ saṃnanā́ha u no yuyója /
Halfverse: c    
yásya devásya praśíṣā cárāmaḥ pārám icʰāt u no muñcāt //1//

Verse: 2 
Halfverse: a    
ā́hutāsy abʰíhuta ŕ̥ṣīṇām asy ā́yudʰam /
Halfverse: c    
pū́rvā vratásya prāśnatī́ vīragʰnī́ bʰava mekʰale //2//

Verse: 3 
Halfverse: a    
mr̥tyór aháṃ brahmacārī́ yád ásmi niryā́can bʰūtā́t púruṣaṃ yamā́ya /
Halfverse: c    
tám aháṃ bráhmaṇā tápasā śrámeṇānáyainaṃ mékʰalayā sināmi //3//

Verse: 4 
Halfverse: a    
śraddʰā́yā duhitā́ tápasó 'dʰi jātā́ svásā ŕ̥ṣīṇāṃ bʰūtakŕ̥tāṃ babʰū́va /
Halfverse: c    
sā́ no mekʰale matím ā́ dʰehi medʰā́m átʰo no dʰehi tápa indriyáṃ ca //4//

Verse: 5 
Halfverse: a    
yā́ṃ tvā pū́rve bʰūtakŕ̥ta ŕ̥ṣayaḥ paribedʰiré /
Halfverse: c    
sā́ tváṃ pári ṣvajasva mā́ṃ dīrgʰāyutvā́ya mekʰale //5//

Hymn: 134 
Verse: 1 
Halfverse: a    
ayáṃ vájras tarpayatām r̥tásyāvāsya r̥āṣṭrám ápa hantu jīvitám /
Halfverse: c    
śr̥ṇā́tu grīvā́ḥ prá śr̥ṇātūṣṇíhā vr̥trásyeva śácīpátiḥ //1//

Verse: 2 
Halfverse: a    
ádʰaro'dʰara úttarebʰyo gūḍʰáḥ pr̥tʰivyā́ mót sr̥pat /
Halfverse: c    
vájreṇā́vahataḥ śayām //2//

Verse: 3 
Halfverse: a    
jinā́ti tám ánvicʰa jinā́ti tám íj jahi /
Halfverse: c    
jinató vajra tváṃ sīmántam anváñcam ánu pātaya //3//

Hymn: 135 
Verse: 1 
Halfverse: a    
yád aśnā́mi bálaṃ kurva ittʰáṃ vájram ā́ dade /
Halfverse: c    
skandʰā́n amúṣya śātáyan vr̥trásyeva śácīpátiḥ //1//

Verse: 2 
Halfverse: a    
yát píbāmi sáṃ pibāmi samudrá iva saṃpibáḥ /
Halfverse: c    
prāṇā́n amúṣya saṃpā́ya sáṃ pibāmo amúṃ vayám //2//

Verse: 3 
Halfverse: a    
yád gírāmi sáṃ gírāmi samudrá iva saṃgiráḥ /
Halfverse: c    
prāṇā́n amúṣya saṃgī́rya sáṃ girāmo amúm vayám //3//

Hymn: 136 
Verse: 1 
Halfverse: a    
devī́ devyā́m ádʰi jātā́ pr̥tʰivyā́m asy oṣadʰe /
Halfverse: c    
tā́ṃ tvā nitatni kéśebʰyo dŕ̥ṃhaṇāya kʰanāmasi //1//

Verse: 2 
Halfverse: a    
dŕ̥ṃha pratnā́n janáyā́jātān jātā́n u várṣīyasas kr̥dʰi //2//

Verse: 3 
Halfverse: a    
yás te kéśo 'vapádyate sámūlo yáś ca vr̥ścáte /
Halfverse: c    
idáṃ táṃ viśvábʰeṣajyābʰí ṣiñcāmi vīrúdʰā //3//

Hymn: 137 
Verse: 1 
Halfverse: a    
yā́ṃ jamádagnir ákʰanad duhitré keśavárdʰanīm /
Halfverse: c    
tā́ṃ vītáhavya ā́bʰarad ásitasya gr̥hébʰyaḥ //1//

Verse: 2 
Halfverse: a    
abʰī́śunā méyā āsan vyāménānuméyāḥ /
Halfverse: c    
kéśā naḍā́ iva vardʰantāṃ śīrṣṇás te asitā́ḥ pári //2//

Verse: 3 
Halfverse: a    
dŕ̥ṃha mū́lam ā́graṃ yacʰa mádʰyaṃ yāmayauṣadʰe /
Halfverse: c    
kéśā naḍā́ iva vardʰantām śīrṣṇás te asitā́ḥ pári //3//

Hymn: 138 
Verse: 1 
Halfverse: a    
tváṃ vīrúdʰāṃ śréṣṭʰatamābʰiśrutā́sy oṣadʰe /
Halfverse: c    
imáṃ me adyá púruṣaṃ klībám opaśínaṃ kr̥dʰi //1//

Verse: 2 
Halfverse: a    
klībáṃ kr̥dʰy opaśínam átʰo kurīríṇaṃ kr̥dʰi /
Halfverse: c    
átʰāsyéndro grā́vabʰyām ubʰé bʰinattv āṇḍyaù //2//

Verse: 3 
Halfverse: a    
klī́ba klībáṃ tvākaraṃ vádʰre vádʰriṃ tvākaram árasārasáṃ tvākaram /
Halfverse: c    
kurī́ram asya śīrṣáṇi kúmbaṃ cādʰinídadʰmasi //3//

Verse: 4 
Halfverse: a    
te nādyaù devákr̥te yáyos tíṣṭʰati vŕ̥ṣṇyam /
Halfverse: c    
te bʰinadmi śámyayāmúṣyā ádʰi muṣkáyoḥ //4//

Verse: 5 
Halfverse: a    
yátʰā naḍám kaśípune stríyo bʰindánty áśmanā /
Halfverse: c    
evā́ bʰinadmi te śépo 'múṣyā ádʰi muṣkáyoḥ //5//

Hymn: 139 
Verse: 1 
Halfverse: a    
nyastikā́ rurohitʰa subʰagaṃkáraṇī máma /
Halfverse: c    
śatáṃ táva pratānā́s tráyastriṃśan nitānā́ḥ //
Halfverse: e    
táyā sahasraparṇyā́ hŕ̥dayaṃ śoṣayāmi te //1//

Verse: 2 
Halfverse: a    
śúṣyatu máyi te hŕ̥dayam átʰo śuṣyatv āsyàm /
Halfverse: c    
átʰo śuṣya mā́ṃ kā́menā́tʰo śúṣkāsyā cara //2//

Verse: 3 
Halfverse: a    
saṃvánanī samuṣpalā́ bábʰru kályāṇi sáṃ nuda /
Halfverse: c    
amū́ṃ ca mā́ṃ ca sáṃ nuda samānáṃ hŕ̥dayaṃ kr̥dʰi //3//

Verse: 4 
Halfverse: a    
yátʰodakám ápapuṣo 'paśúṣyaty āsyàm /
Halfverse: c    
evā́ śuṣya mā́ṃ kā́menā́tʰo śúṣkāsyā cara //4//

Verse: 5 
Halfverse: a    
yátʰā nakuló vicʰídya saṃdádʰāty áhiṃ púnaḥ /
Halfverse: c    
evā́ kā́masya vícʰinnaṃ sáṃ dʰehi vīryāvati //5//

Hymn: 140 
Verse: 1 
Halfverse: a    
yaú vyāgʰrā́v ávarūdʰau jígʰatsataḥ pitáraṃ mātáraṃ ca /
Halfverse: c    
taú dántaṃ brahmaṇas pate śivaú kr̥ṇu jātavedaḥ //1//

Verse: 2 
Halfverse: a    
vrīhím attaṃ yávam attam átʰo mā́ṣam átʰo tílam /
Halfverse: c    
eṣá vāṃ bʰāgó níhito ratnadʰéyāya dantau mā́ hiṃsiṣṭaṃ pitáram mātáraṃ ca //2//

Verse: 3 
Halfverse: a    
úpahūtau sayújau syonaú dántau sumaṅgálau /
Halfverse: c    
anyátra vāṃ gʰoráṃ tanvàḥ páraitu dantau mā́ hiṃsiṣṭaṃ pitáraṃ mātáraṃ ca //3//

Hymn: 141 
Verse: 1 
Halfverse: a    
vāyúr enāḥ samā́karat tváṣṭā póṣāya dʰriyatām /
Halfverse: c    
índra ābʰyo ádʰi bravad rudró bʰūmné cikitsatu //1//

Verse: 2 
Halfverse: a    
lóhitena svádʰitinā mitʰunáṃ kárṇayoḥ kr̥dʰi /
Halfverse: c    
ákartām aśvinā lákṣma tád astu prajáyā bahú //2//

Verse: 3 
Halfverse: a    
yátʰā cakrúr devāsurā́ yátʰā manuṣyā̀ utá /
Halfverse: c    
evā́ sahasrapoṣā́ya kr̥ṇutáṃ lákṣmāśvinā //3//

Hymn: 142 
Verse: 1 
Halfverse: a    
úc cʰrayasva bahúr bʰava svéna máhasā yava /
Halfverse: c    
mr̥ṇīhí víśvā pā́trāṇi mā́ tvā divyā́śánir vadʰīt //1//

Verse: 2 
Halfverse: a    
āśr̥ṇvántaṃ yávaṃ deváṃ yátra tvācʰāvádāmasi /
Halfverse: c    
tád úc cʰrayasva dyaúr iva samudrá ivaidʰy ákṣitaḥ //2//

Verse: 3 
Halfverse: a    
ákṣitās ta upasádó 'kṣitāḥ santu rāśáyaḥ /
Halfverse: c    
pr̥ṇánto ákṣitāḥ santv attā́raḥ santv ákṣitāḥ //3//



Book: 7 
7
Hymn: 1 


Verse: 1 
Halfverse: a    
dʰītī́ ánayan vācó ágraṃ mánasā 'vadann r̥tā́ni /
Halfverse: c    
tr̥tī́yena bráhmaṇā vāvr̥dʰānā́s turī́yeṇāmanvata nā́ma dʰenóḥ //1//

Verse: 2 
Halfverse: a    
veda putráḥ pitáraṃ mātáraṃ sūnúr bʰuvat bʰuvat púnarmagʰaḥ /
Halfverse: c    
dyā́m aurṇod antárikṣaṃ svàḥ idáṃ víśvam abʰavat ā́bʰarat //2//

Hymn: 2 
Verse: 1 
Halfverse: a    
átʰarvāṇaṃ pitáraṃ devábandʰuṃ mātúr gárbʰaṃ pitúr ásuṃ yúvānam /
Halfverse: c    
imáṃ yajñám mánasā cikéta prá ṇo vocas tám ihéhá bravaḥ //1//

Hymn: 3 
Verse: 1 
Halfverse: a    
ayā́ viṣṭʰā́ janáyan kárvarāṇi gʰŕ̥ṇir urúr várāya gātúḥ /
Halfverse: c    
pratyúdaid dʰarúṇaṃ mádʰvo ágraṃ sváyā tanvā̀ tanvàm airayata //1//

Hymn: 4 
Verse: 1 
Halfverse: a    
ékayā ca daśábʰiś ca suhute dvā́bʰyām iṣṭáye viṃśatyā́ ca /
Halfverse: c    
tisŕ̥bʰiś ca váhase triṃśátā ca viyúgbʰir vāya ihá tā́ muñca //1//

Hymn: 5 
Verse: 1 
Halfverse: a    
yajñéna yajñám ayajanta devā́s tā́ni dʰármāṇi pratʰamā́ny āsan /
Halfverse: c    
ha nā́kaṃ mahimā́naḥ sacanta yátra pū́rve sādʰyā́ḥ sánti devā́ḥ //1//

Verse: 2 
Halfverse: a    
yajñó babʰūva ā́ babʰūva prá jajñe u vāvr̥dʰe púnaḥ /
Halfverse: c    
devā́nām ádʰipatir babʰūva asmā́su dráviṇam ā́ dadʰātu //2//

Verse: 3 
Halfverse: a    
yád devā́ devā́n havíṣā 'yajantā́martyān mánasā́ martyena /
Halfverse: c    
mádema tátra paramé vyòman páśyema tád úditau sū́ryasya //3//

Verse: 4 
Halfverse: a    
yát púruṣeṇa havíṣā yajñáṃ devā́ átanvata /
Halfverse: c    
asti tásmād ójīyo yád vihávyenejiré //4//

Verse: 5 
Halfverse: a    
mugdʰā́ devā́ utá śúnā́ 'yajantotá gór áṅgaiḥ purudʰā́ 'yajanta /
Halfverse: c    
imáṃ yajñáṃ mánasā cikéta prá ṇo vocas tám ihéhá bravaḥ //5//

Hymn: 6 
Verse: 1 
Halfverse: a    
áditir dyaúr áditir antárikṣam áditir mātā́ pitā́ putráḥ /
Halfverse: c    
víśve devā́ áditir páñca jánā áditir jātám áditir jánitvam //1//

Verse: 2 
Halfverse: a    
mahī́m ū ṣú mātáraṃ suvratā́nām r̥tásya pátnīm ávase havāmahe /
Halfverse: c    
tuvikṣatrā́m ajárantīm urūcī́ṃ suśármāṇam áditiṃ supráṇītim //2//
{7}

Verse: 3_{1} 
Halfverse: a    
sutrā́māṇaṃ pr̥tʰivī́ṃ dyā́m anehásaṃ suśármāṇam áditiṃ supráṇītim /
Halfverse: c    
daívīṃ nā́vaṃ svaritrā́m ánāgaso ásravantīm ā́ ruhemā svastáye //1//

Verse: 4_{2} 
Halfverse: a    
vā́jasya prasavé mātáraṃ mahī́m áditiṃ nā́ma vácasā karāmahe /
Halfverse: c    
yásyā upástʰa urv àntárikṣaṃ sā́ naḥ śárma trivárūtʰaṃ yacʰāt //2//

Hymn: 7_{8} 
Verse: 1 
Halfverse: a    
díteḥ putrā́ṇām áditer akāriṣam áva devā́nāṃ br̥hatā́m anarmáṇām /
Halfverse: c    
téṣāṃ dʰā́ma gabʰiṣák samudríyaṃ naínān námasā paró asti káścaná //1//

Hymn: 8_{9} 
Verse: 1 
Halfverse: a    
bʰadrā́d ádʰi śréyaḥ préhi bŕ̥haspátiḥ puraetā́ te astu /
Halfverse: c    
átʰemám asyā́ vára ā́ pr̥tʰivyā́ āréśatruṃ kr̥ṇuhi sárvavīram //1//

Hymn: 9_{10} 
Verse: 1 
Halfverse: a    
prápatʰe patʰā́m ajaniṣṭa pūṣā́ prápatʰe diváḥ prápatʰe pr̥tʰivyā́ḥ /
Halfverse: c    
ubʰé abʰí priyátame sadʰástʰe ā́ ca párā ca carati prajānán //1//

Verse: 2 
Halfverse: a    
pūṣémā́ ā́śā ánu veda sárvāḥ asmā́m̐ ábʰayatamena neṣat /
Halfverse: c    
svastidā́ ā́gʰr̥ṇiḥ sárvavīró 'prayucʰan purá etu prajānán //2//

Verse: 3 
Halfverse: a    
pū́ṣan táva vraté vayáṃ riṣyema kadā́ caná /
Halfverse: c    
stotā́ras ta ihá smasi //3//

Verse: 4 
Halfverse: a    
pári pūṣā́ parástād dʰástaṃ dadʰātu dákṣiṇam /
Halfverse: c    
púnar no naṣṭám ā́jatu sáṃ naṣṭéna gamemahi //4//

Hymn: 10_{11} 
Verse: 1 
Halfverse: a    
yás te stánaḥ śaśayúr mayobʰū́r yáḥ sumnayúḥ suhávo yáḥ sudátraḥ /
Halfverse: c    
yéna víśvā púṣyasi vā́ryāṇi sárasvati tám ihá dʰā́tave kaḥ //1//

Hymn: 11_{12} 
Verse: 1 
Halfverse: a    
yás te pr̥tʰú stanayitnúr r̥ṣvó daívaḥ ketúr víśvam ābʰū́ṣatīdám /
Halfverse: c    
mā́ no vadʰīr vidyútā deva sasyáṃ mótá vadʰī raśmíbʰiḥ sū́ryasya //1//

Hymn: 12_{13} 
Verse: 1 
Halfverse: a    
sabʰā́ ca sámitiś cāvatāṃ prajā́pater duhitárau saṃvidāné /
Halfverse: c    
yénā saṃgácʰā úpa śikṣāc cā́ru vadāni pitaraḥ sáṃgateṣu //1//

Verse: 2 
Halfverse: a    
vidmá te sabʰe nā́ma naríṣṭā nā́ma vā́ asi /
Halfverse: c    
te ca sabʰāsádas te me santu sávācasaḥ //2//

Verse: 3 
Halfverse: a    
eṣā́m aháṃ samā́sīnānāṃ várco vijñā́nam ā́ dade /
Halfverse: c    
asyā́ḥ sárvasyāḥ saṃsádo mā́m indra bʰagínaṃ kr̥ṇu //3//

Verse: 4 
Halfverse: a    
yád vo mánaḥ párāgataṃ yád baddʰám ihá vehá /
Halfverse: c    
tád va ā́ vartayāmasi máyi vo ramatāṃ mánaḥ //4//

Hymn: 13_{14} 
Verse: 1 
Halfverse: a    
yátʰā sū́ryo nákṣatrāṇām udyáṃs téjāṃsy ādadé /
Halfverse: c    
evā́ strīṇā́ṃ ca puṃsā́ṃ ca dviṣatā́ṃ várca ā́ dade //1//

Verse: 2 
Halfverse: a    
yā́vanto sapátnānām āyántaṃ pratipáśyatʰa /
Halfverse: c    
udyánt sū́rya iva suptā́nāṃ dviṣatā́m várca ā́ dade //2//

Hymn: 14_{15} 
Verse: 1 
Halfverse: a    
abʰí tyáṃ deváṃ savitā́ram oṇyòḥ kavíkratum /
Halfverse: c    
árcāmi satyásavaṃ ratnadʰā́m abʰí priyáṃ matím //1//

Verse: 2 
Halfverse: a    
urdʰvā́ yásyāmátir bʰā́ ádidyutat sávīmani /
Halfverse: c    
híraṇyapāṇir amimīta sukrátuḥ kr̥pā́t svàḥ //2//

Verse: 3 
Halfverse: a    
sā́vīr deva pratʰamā́ya pitré varṣmā́ṇam asmai varimā́ṇam asmai /
Halfverse: c    
átʰāsmábʰyaṃ savitar vā́ryāṇi divódiva ā́ suvā bʰū́ri paśváḥ //3//

Verse: 4 
Halfverse: a    
dámūnā deváḥ savitā́ váreṇyo dádʰad rátnaṃ pitŕ̥bʰya ā́yūṃṣi /
Halfverse: c    
píbāt sómaṃ mamádad enam iṣṭé párijmā cit kramate asya dʰármaṇi //4//

Hymn: 15_{16} 
Verse: 1 
Halfverse: a    
tā́ṃ savitaḥ satyásavāṃ sucitrā́m ā́háṃ vr̥ṇe sumatíṃ viśvávārām /
Halfverse: c    
yā́m asya káṇvo áduhat prápīnāṃ sahásradʰārāṃ mahiṣó bʰágāya //1//

Hymn: 16_{17} 
Verse: 1 
Halfverse: a    
bŕ̥haspate sávitar vardʰáyainaṃ jyotáyainaṃ mahaté saúbʰagāya /
Halfverse: c    
sáṃśitaṃ cit saṃtaráṃ sáṃ śiśādʰi víśva enam ánu madantu devā́ḥ //1//

Hymn: 17_{18} 
Verse: 1 
Halfverse: a    
dʰātā́ dadʰātu no rayím ī́śāno jágatas pátiḥ /
Halfverse: c    
naḥ pūrṇéna yacʰatu //1//

Verse: 2 
Halfverse: a    
dʰātā́ dadʰātu dāśúṣe prā́cīṃ jīvā́tum ákṣitām /
Halfverse: c    
vayám devásya dʰīmahi sumatíṃ viśvárādʰasaḥ //2//

Verse: 3 
Halfverse: a    
dʰātā́ víśvā vā́ryā dadʰātu prajā́kāmāya dāśúṣe duroṇé /
Halfverse: c    
tásmai devā́ amŕ̥taṃ sáṃ vyayantu víśve devā́ áditiḥ sajóṣāḥ //3//

Verse: 4 
Halfverse: a    
dʰātā́ rātíḥ savitédáṃ juṣantāṃ prajā́patir nidʰípatir no agníḥ /
Halfverse: c    
tváṣṭā víṣṇuḥ prajáyā saṃrarāṇó yájamānāya dráviṇaṃ dadʰātu //4//

Hymn: 18_{19} 
Verse: 1 
Halfverse: a    
prá nabʰasva pr̥tʰivi bʰinddʰī̀3dáṃ divyáṃ nábʰaḥ /
Halfverse: c    
udnó divyásya no dʰātar ī́śāno ṣyā dŕ̥tim //1//

Verse: 2 
Halfverse: a    
gʰráṃs tatāpa himó jagʰāna prá nabʰatāṃ pr̥tʰivī́ jīrádānuḥ /
Halfverse: c    
ā́paś cid asmai gʰr̥tám ít kṣaranti yátra sómaḥ sádam ít tátra bʰadrám //2//

Hymn: 19_{20} 
Verse: 1 
Halfverse: a    
prajā́patir janayati prajā́ imā́ dʰātā́ dadʰātu sumanasyámānaḥ /
Halfverse: c    
saṃjānānā́ḥ sáṃmanasaḥ sáyonayo máyi puṣṭáṃ puṣṭapátir dadʰātu //1//

Hymn: 20_{21} 
Verse: 1 
Halfverse: a    
ánv adyá 'numatir yajñáṃ devéṣu manyatām /
Halfverse: c    
agníś ca havyavā́hano bʰávatāṃ dāśúṣe máma //1//

Verse: 2 
Halfverse: a    
ánv íd anumate tváṃ máṃsase śáṃ ca nas kr̥dʰi /
Halfverse: c    
júṣásva havyám ā́hutaṃ prajā́ṃ devi rarāsva naḥ //2//

Verse: 3 
Halfverse: a    
ánu manyatām anumányamānaḥ prajā́vantaṃ rayím ákṣīyamāṇam /
Halfverse: c    
tásya vayáṃ héḍasi mā́pi bʰūma sumr̥ḍīké asya sumataú syāma //3//

Verse: 4 
Halfverse: a    
yát te nā́ma suhávaṃ supraṇīté 'numate ánumataṃ sudā́nu /
Halfverse: c    
ténā no yajñáṃ pipr̥hi viśvavāre rayíṃ no dʰehi subʰage suvī́ram //4//

Verse: 5 
Halfverse: a    
émáṃ yajñám ánumatir jagāma sukṣetrátāyai suvīrátāyai sújātam /
Halfverse: c    
bʰadrā́ hy àsyāḥ prámatir babʰū́va sémám yajñám avatu devágopā //5//

Verse: 6 
Halfverse: a    
ánumatiḥ sárvam idáṃ babʰūva yát tíṣṭʰati cárati yád u ca víśvam éjati /
Halfverse: c    
tásyās te devi sumataú syāmā́numate ánu máṃsase naḥ //6//

Hymn: 21_{22} 
Verse: 1 
Halfverse: a    
saméta víśve vácasā pátiṃ divá éko vibʰū́r átitʰir jánānām /
Halfverse: c    
pūrvyó nū́tanam āvívāsat táṃ vartanír ánu vāvr̥ta ékam ít purú //1//

Hymn: 22_{23} 
Verse: 1 
Halfverse: a    
ayáṃ sahásram ā́ no dr̥śé kavīnā́ṃ matír jyótir vídʰarmaṇi //1//

Verse: 2 
Halfverse: a    
bradʰnáḥ samī́cīr uṣásaḥ sám airayan /
Halfverse: c    
arepásaḥ sácetasaḥ svásare manyumáttamāś cité góḥ //2//

Hymn: 23_{24} 
Verse: 1 
Halfverse: a    
daúṣvapnyam daúrjīvityaṃ rákṣo abʰvàm arāyyàḥ /
Halfverse: c    
durṇā́mnīḥ sárvā durvā́cas tā́ asmán nāśayāmasi //1//

Hymn: 24_{25} 
Verse: 1 
Halfverse: a    
yán na índro ákʰanad yád agnír víśve devā́ marúto yát svarkā́ḥ /
Halfverse: c    
tád asmábʰyaṃ savitā́ satyádʰarmā prajā́patir ánumatir yacʰāt //1//

Hymn: 25_{26} 
Verse: 1 
Halfverse: a    
yáyor ójasā skabʰitā́ rájāṃsi yaú vīryaír vīrátamā śáviṣṭʰā /
Halfverse: c    
yaú pátyete ápratītau sáhobʰir víṣṇum agan váruṇaṃ pūrváhūtiḥ //1//

Verse: 2 
Halfverse: a    
yásyedáṃ pradíśi yád virócate prá cā́nati ca cáṣṭe śácībʰiḥ /
Halfverse: c    
purā́ devásya dʰármaṇā sáhobʰir víṣṇum agan váruṇaṃ pūrváhūtiḥ //2//

Hymn: 26_{27} 
Verse: 1 
Halfverse: a    
víṣṇor kaṃ prā́ vocaṃ vīryā̀ṇi yáḥ pā́rtʰivāni vimamé rájāṃsi /
Halfverse: c    
áskabʰāyad úttaraṃ sadʰástʰaṃ vicakramāṇás tredʰórugāyáḥ //1//

Verse: 2 
Halfverse: a    
prá tád víṣṇu stavate vīryā̀ṇi mr̥gó bʰīmáḥ kucaró giriṣṭʰā́ḥ /
Halfverse: c    
parāváta ā́ jagamyāt párasyāḥ //2//

Verse: 3 
Halfverse: a    
yásyorúṣu triṣú vikrámaneṣv adʰikṣiyánti bʰúvanāni víśvā /
Halfverse: c    
urú viṣṇo kramasvorú kṣáyāya nas kr̥dʰi /
Halfverse: e    
gʰr̥táṃ gʰr̥tayone piba prápra yajñápatiṃ tira //3//

Verse: 4 
Halfverse: a    
idáṃ víṣṇur cakrame tredʰā́ dadʰe padā́ /
Halfverse: c    
sámūḍʰam asya paṃsuré //4//

Verse: 5 
Halfverse: a    
trī́ṇi padā́ cakrame víṣṇur gopā́ ádābʰyaḥ /
Halfverse: c    
itó dʰármāṇi dʰāráyan //5//

Verse: 6 
Halfverse: a    
víṣṇoḥ kármāṇi paśyata yáto vratā́ni paspaśé /
Halfverse: c    
índrasya yújyaḥ sákʰā //6//

Verse: 7 
Halfverse: a    
tád víṣṇoḥ paramáṃ padáṃ sádā paśyanti sūráyaḥ /
Halfverse: c    
divī́va cákṣur ā́tatam //7//

Verse: 8 
Halfverse: a    
divó viṣṇa utá pr̥tʰivyā́ mahó viṣṇa urór antárikṣāt /
Halfverse: c    
hástau pr̥ṇasva bahúbʰir vasavyaír āpráyacʰa dákṣiṇād ótá savyā́t //8//

Hymn: 27_{28} 
Verse: 1 
Halfverse: a    
íḍaivā́smā́m̐ ánu vastāṃ vraténa yásyāḥ padé punáte devayántaḥ /
Halfverse: c    
gʰr̥tápadī śákvarī sómapr̥ṣṭʰópa yajñám astʰita vaiśvadevī́ //1//

Hymn: 28_{29} 
Verse: 1 
Halfverse: a    
vedáḥ svastír drugʰaṇáḥ svastíḥ paraśúr védiḥ paraśúr naḥ svastí /
Halfverse: c    
haviṣkŕ̥to yajñiyā yajñákāmās te devā́so yajñám imáṃ juṣantām //1//

Hymn: 29_{30} 
Verse: 1 
Halfverse: a    
ágnāviṣṇū máhi tád vāṃ mahitvám pātʰó gʰr̥tásya gúhyasya nā́ma /
Halfverse: c    
dámedame saptá rátnā dádʰānau práti vāṃ jihvā́ gʰr̥tám ā́ caraṇyāt //1//

Verse: 2 
Halfverse: a    
ágnāviṣṇū máhi dʰā́ma priyám vāṃ vītʰó gʰr̥tásya gúhyā juṣāṇaú /
Halfverse: c    
dámedame suṣṭutyā́ vāvr̥dʰānaú práti vāṃ jihvā́ gʰr̥tám úc caraṇyāt //2//

Hymn: 30_{31} 
Verse: 1 
Halfverse: a    
svā́ktaṃ me dyā́vāpr̥tʰivī́ svā́ktaṃ mitró akar ayám /
Halfverse: c    
svā́ktaṃ me bráhmaṇas pátiḥ svā́ktaṃ savitā́ karat //1//

Hymn: 31_{32} 
Verse: 1 
Halfverse: a    
índrotíbʰir bahulā́bʰir no adyá yāvaccʰreṣṭʰā́bʰir magʰavan cʰūra jinva /
Halfverse: c    
no dvéṣṭy ádʰara sás padīṣṭa yám u dviṣmás tám u prāṇó jahātu //1//

Hymn: 32_{33} 
Verse: 1 
Halfverse: a    
úpa priyáṃ pánipnatam yúvānam āhutīvŕ̥dʰam /
Halfverse: c    
áganma bíbʰrato námo dīrgʰám ā́yuḥ kr̥ṇotu me //1//

Hymn: 33_{34} 
Verse: 1 
Halfverse: a    
sáṃ siñcantu marútaḥ sáṃ pūṣa sáṃ bŕ̥haspátiḥ /
Halfverse: c    
sáṃ māyám agníḥ siñcatu prajáyā ca dʰánena ca dīrgʰám ā́yuḥ kr̥ṇotu //1//

Hymn: 34_{35} 
Verse: 1 
Halfverse: a    
ágne jātā́n prá ṇudā me sapátnān práty ájātān jātavedo nudasva /
Halfverse: c    
adʰaspadáṃ kr̥ṇuṣva pr̥tanyávó 'nāgasas vayám áditaye syāma //1//

Hymn: 35_{36} 
Verse: 1 
Halfverse: a    
prā́nyā́nt sapátnānt sáhasā sáhasva práty ájātān jātavedo nudasva /
Halfverse: c    
idáṃ rāṣṭráṃ pipr̥hi saúbʰagāya víśva enam ánu madantu devā́ḥ //1//

Verse: 2 
Halfverse: a    
imā́ yā́s te śatáṃ hirā́ḥ sahásraṃ dʰamánīr utá /
Halfverse: c    
tā́sāṃ te sárvāsām ahám áśmanā bílam ápy adʰām //2//

Verse: 3 
Halfverse: a    
páraṃ yóner ávaraṃ te kr̥ṇomi mā́ tvā prajā́bʰí bʰūn mótá sū́tuḥ /
Halfverse: c    
asvà1ṃ tvā́prajasaṃ kr̥ṇomy áśmānaṃ te apidʰā́nam kr̥ṇomi //3//

Hymn: 36_{37} 
Verse: 1 
Halfverse: a    
akṣyaù nau mádʰusaṃkāśe ánīkam nau samáñjanam /
Halfverse: c    
antáḥ kr̥ṣṇuṣva mā́ṃ hr̥dí mána ín nau sahā́sati //1//

Hymn: 37_{38} 
Verse: 1 
Halfverse: a    
abʰí tvā mánujātena dádʰāmi máma vā́sasā /
Halfverse: c    
yā́tʰā́ 'so máma kévalo nā́nyā́sāṃ kīrtáyāś caná //1//

Hymn: 38_{39} 
Verse: 1 
Halfverse: a    
idám kʰanāmi bʰeṣajáṃ māṃpaśyám abʰirorudám /
Halfverse: c    
parāyató nivártanam āyatáḥ pratinándanam //1//

Verse: 2 
Halfverse: a    
yénā nicakrá āsurī́ndraṃ devébʰyas pári /
Halfverse: c    
ténā kurve tvā́m aháṃ yátʰā 'sāni súpriyā //2//

Verse: 3 
Halfverse: a    
pratī́cī sómam asi pratī́cī utá sū́ryam /
Halfverse: c    
pratī́cī víśvān devā́n tā́ṃ tvācʰā́vadāmasi //3//

Verse: 4 
Halfverse: a    
aháṃ vadāmi nét tváṃ sabʰā́yām áha tváṃ váda /
Halfverse: c    
máméd ásas tváṃ kévalo nā́nyā́sāṃ kīrtáyāś caná //4//

Verse: 5 
Halfverse: a    
yádi vā́si tirojanáṃ yádi nadyàs tiráḥi /
Halfverse: c    
iyáṃ ha máhyaṃ tvā́m óṣadʰir baddʰvéva nyā́nayat //5//

Hymn: 39_{40} 
Verse: 1 
Halfverse: a    
divyáṃ suparṇáṃ payasáṃ br̥hántam apā́ṃ gárbʰaṃ vr̥ṣabʰám óṣadʰīnām /
Halfverse: c    
abʰīpató vr̥ṣṭyā́ tarpáyantam ā́ no goṣṭʰé rayiṣṭʰā́ṃ stʰāpayāti //1//

Hymn: 40_{41} 
Verse: 1 
Halfverse: a    
yásya vratáṃ paśávo yánti sárve yásya vratá upatiṣṭʰanta ā́paḥ /
Halfverse: c    
yásya vraté puṣṭapátir níviṣṭas táṃ sárasvantam ávase havāmahe //1//

Verse: 2 
Halfverse: a    
ā́ pratyáñcaṃ dāśúṣe dāśváṃsaṃ sárasvantaṃ puṣṭapátiṃ rayiṣṭʰā́m /
Halfverse: c    
rāyás póṣaṃ śravasyúṃ vásānā ihá sádanaṃ rayīṇā́m //2//

Hymn: 41_{42} 
Verse: 1 
Halfverse: a    
áti dʰánvāny áty apás tatarda śyenó nr̥cákṣā avasānadarśáḥ /
Halfverse: c    
táran víśvāny ávarā rájaṃsī́ndreṇa sákʰyā śivá ā́ jagamyāt //1//

Verse: 2 
Halfverse: a    
śyenó nr̥cákṣā divyáḥ suparṇáḥ sahásrapāc cʰatáyonir vayodʰā́ḥ /
Halfverse: c    
no yacʰād vásu yát párābʰr̥tam asmā́kam astu pitŕ̥ṣu svadʰā́vat //2//

Hymn: 42_{43} 
Verse: 1 
Halfverse: a    
sómārudrā vr̥hataṃ viṣūcīm ámīvā yā́ no gáyam āvivéśa /
Halfverse: c    
bā́dʰetʰāṃ dūráṃ nírr̥tim parācaíḥ kr̥táṃ cid énaḥ prá mumuktam asmát //1//

Verse: 2 
Halfverse: a    
sómārudrā yuvám etā́ny asmád víśvā tanū́ṣu bʰeṣajā́ni dʰattam /
Halfverse: c    
áva syataṃ muñcátaṃ yán no ásat tanū́ṣu baddʰáṃ kr̥tám éno asmát //2//

Hymn: 43_{44} 
Verse: 1 
Halfverse: a    
śivā́s ta ékā áśivās ta ékāḥ sárvā bibʰarṣi sumanasyámānaḥ /
Halfverse: c    
tisró vā́co níhitā antár asmín tā́sām ékā papātā́nu gʰóṣam //1//

Hymn: 44_{45} 
Verse: 1 
Halfverse: a    
ubʰā́ jigyatʰur párā jayetʰe párā jigye kataráś canaínayoḥ /
Halfverse: c    
índraś ca viṣṇo yád ápaspr̥dʰetʰāṃ tredʰā́ sahásraṃ tád airayetʰām //1//

Hymn: 45_{46} 
Verse: 1 
Halfverse: a    
jánād viśvajanī́nāt sindʰutás páry ā́bʰr̥tam /
Halfverse: c    
dūrā́t tvā manya údbʰr̥tam īrṣyā́yā nā́ma bʰeṣajám //1//
{47}

Verse: 2_{1} 
Halfverse: a    
agnér ivāsya dáhato dāvásya dáhataḥ pŕ̥tʰak /
Halfverse: c    
etā́m etásyerṣyā́m udrā́gním iva śamaya //1//

Hymn: 46_{48} 
Verse: 1 
Halfverse: a    
sínīvāli pŕ̥tʰuṣṭuke yā́ devā́nām ási svásā /
Halfverse: c    
juṣásva havyám ā́hutaṃ prajā́ṃ devi didiḍḍʰi naḥ //1//

Verse: 2 
Halfverse: a    
yā́ subāhúḥ svaṅguríḥ suṣū́mā bahusū́varī /
Halfverse: c    
tásyai viśpátnyai havíḥ sinīvālyaí juhotana //2//

Verse: 3 
Halfverse: a    
yā́ viśpátnī́ndram ási pratī́cī sahásrastukābʰiyántī devī́ /
Halfverse: c    
víṣṇoḥ patni túbʰyaṃ rātā́ havī́ṃṣi pátiṃ devi rā́dʰase codayasva //3//

Hymn: 47_{49} 
Verse: 1 
Halfverse: a    
kuhū́ṃ devī́ṃ sukŕ̥taṃ vidmanā́pasam asmín yajñé suhávā johavīmi /
Halfverse: c    
sā́ no rayíṃ viśvávāraṃ yacʰād dádātu vīrám śatádāyam uktʰyàm //1//

Verse: 2 
Halfverse: a    
kuhū́r devā́nām amŕ̥tasya pátnī hávyā no asya havíṣo juṣeta /
Halfverse: c    
śr̥notu yajñám uśatī́ no adyá rāyás póṣaṃ cikitúṣī dadʰātu //2//

Hymn: 48_{50} 
Verse: 1 
Halfverse: a    
rākā́m aháṃ suhávā suṣṭutī́ huve śr̥ṇótu naḥ subʰágā bódʰatu tmánā /
Halfverse: c    
sī́vyatv ápaḥ sūcyā́cʰidyamānayā dádātu vīráṃ śatádāyam uktʰyàm //1//

Verse: 2 
Halfverse: a    
yā́s te rāke sumatáyaḥ supéśaso yā́bʰir dádāsi dāśúṣe vásūni /
Halfverse: c    
tā́bʰir no adyá sumánā upā́gahi sahasrāpoṣám subʰage rárāṇā //2//

Hymn: 49_{51} 
Verse: 1 
Halfverse: a    
devā́nāṃ pátnīr uśatī́r avantu naḥ prā́vantu nas tujáye vā́jasātaye /
Halfverse: c    
yā́ḥ pā́rtʰivāso yā́ apā́m ápi vraté tā́ no devīḥ suhávāḥ śárma yacʰantu //1//

Verse: 2 
Halfverse: a    
utá gnā́ vyantu devápatnīr indrāṇy àgnā́yy aśvínī rā́ṭ /
Halfverse: c    
ā́ ródasī varuṇānī́ śr̥ṇotu vyántu devī́r r̥túr jánīnām //2//

Hymn: 50_{52} 
Verse: 1 
Halfverse: a    
yátʰā vr̥kṣáṃ aśánir viśvā́hā hánty apratí /
Halfverse: c    
evā́hám adyá kitavā́n akṣaír badʰyāsam apratí //1//

Verse: 2 
Halfverse: a    
turā́ṇām áturāṇāṃ viśā́m ávarjuṣīṇām /
Halfverse: c    
samaítu viśváto bʰágo antarhastáṃ kr̥táṃ máma //2//

Verse: 3 
Halfverse: a    
ī́ḍe agníṃ svā́vasuṃ námobʰir ihá prasaktó cayat kr̥táṃ naḥ /
Halfverse: c    
rátʰair iva prá bʰare vājáyadbʰiḥ pradakṣiṇáṃ marútāṃ stómam r̥dʰyām //3//

Verse: 4 
Halfverse: a    
vayáṃ jayema tváyā yujā́ vŕ̥tam asmā́kam áṃśam úd ava bʰárebʰare /
Halfverse: c    
asmábʰyam indra várīyaḥ sugáṃ kr̥dʰi prá śátrūṇāṃ magʰavan vŕ̥ṣṇyā ruja //4//

Verse: 5 
Halfverse: a    
ájaiṣaṃ tvā sáṃlikʰitam ájaiṣam utá saṃrúdʰam /
Halfverse: c    
áviṃ vŕ̥ko yátʰā mátʰad evā́ matʰnāmi te kr̥tám //5//

Verse: 6 
Halfverse: a    
utá prahā́m átidīvā jayati kr̥tám iva śvagʰnī́ cinoti kālé /
Halfverse: c    
devákāmo dʰánam ruṇáddʰi sám ít táṃ rāyáḥ sr̥jati svadʰā́bʰiḥ //6//

Verse: 7 
Halfverse: a    
góbʰiṣ ṭaremā́matiṃ durévāṃ yávena kṣúdʰaṃ puruhūta víśve /
Halfverse: c    
vayáṃ rā́jasu pratʰamā́ dʰánāny áriṣṭāso vr̥janī́bʰir jayema //7//

Verse: 8 
Halfverse: a    
kr̥táṃ me dákṣiṇe háste jayó me savyá ā́hitaḥ /
Halfverse: c    
gojíd bʰūyāsam aśvajíd dʰanaṃjayó hiraṇyajít //8//

Verse: 9 
Halfverse: a    
ákṣāḥ pʰálavatīm dyúvaṃ dattá gā́ṃ kṣīríṇīm iva /
Halfverse: c    
sáṃ kr̥tásya dʰā́rayā dʰánuḥ snā́vneva nahyata //9//

Hymn: 51_{53} 
Verse: 1 
Halfverse: a    
bŕ̥haspátir naḥ pári pātu paścā́d utóttarasmād ádʰarād agʰayóḥ /
Halfverse: c    
índraḥ purástād utá madʰyató naḥ sákʰā sákʰibʰyo várīyaḥ kr̥ṇotu //1//

Hymn: 52_{54} 
Verse: 1 
Halfverse: a    
saṃjñā́naṃ naḥ svébʰiḥ saṃjñā́nam áraṇebʰiḥ /
Halfverse: c    
saṃjñā́nam aśvinā yuvám ihā́smā́su yacʰatam //1//

Verse: 2 
Halfverse: a    
sáṃ jānāmahai mánasā sáṃ cikitvā́ mā́ yuṣmahi mánasā daívyena /
Halfverse: c    
mā́ gʰóṣā út stʰur bahulé vinírhate méṣuḥ paptad índrasyā́hany ā́gate //2//

Hymn: 53_{55} 
Verse: 1 
Halfverse: a    
amutrabʰū́yād ádʰi yád yamásya bŕ̥haspate abʰíśaster ámuñcaḥ /
Halfverse: c    
práty auhatām aśvínā mr̥tyúm asmád devā́nām agne bʰiṣájā śácībʰiḥ //1//

Verse: 2 
Halfverse: a    
sáṃ krāmataṃ mā́ jahītaṃ śárīraṃ prāṇāpānaú te sayújāv ihá stām /
Halfverse: c    
śatáṃ jīva śarádo várdʰamāno 'gníṣ ṭe gopā́ adʰipā́ vásiṣṭʰaḥ //2//

Verse: 3 
Halfverse: a    
ā́yur yát te átihitaṃ parācaír apānáḥ prāṇáḥ púnar ā́ tā́v itām /
Halfverse: c    
agníṣ ṭád ā́hār nírr̥ter upástʰāt tád ātmáni púnar ā́ veśayāmi te //3//

Verse: 4 
Halfverse: a    
mémáṃ prāṇó hāsīn apānó 'vahā́ya párā gāt /
Halfverse: c    
saptarṣíbʰya enaṃ pári dadāmi enaṃ svastí jaráse vahantu //4//

Verse: 5 
Halfverse: a    
prá viṣataṃ prāṇāpānāv anaḍvā́hāv iva vrajám /
Halfverse: c    
ayáṃ jarimnáḥ śevadʰír áriṣṭa ihá vardʰatām //5//

Verse: 6 
Halfverse: a    
ā́ te prāṇáṃ suvāmasi párā yákṣmaṃ suvāmi te /
Halfverse: c    
ā́yur no viśváto dadʰad ayám agnír váreṇyaḥ //6//

Verse: 7 
Halfverse: a    
úd vayáṃ támasas pári róhanto nā́kam uttamám /
Halfverse: c    
deváṃ devatrā́ sū́ryam áganma jyótir uttamám //7//

Hymn: 54_{56} 
Verse: 1 
Halfverse: a    
ŕ̥caṃ sā́ma yajāmahe yā́bʰyāṃ kármāṇi kurváte /
Halfverse: c    
eté sádasi rājato yajñáṃ devéṣu yacʰataḥ //1//
{57}

Verse: 2 
Halfverse: a    
ŕ̥caṃ sā́ma yád áprākṣaṃ havír ójo yájur bálam /
Halfverse: c    
eṣá tásmān mā́ hiṃsīd védaḥ pr̥ṣṭáḥ śacīpate //1//

Hymn: 55 
Verse: 1 
Halfverse: a    
te pántʰāno 'va divó yébʰir víśvam aírayaḥ /
Halfverse: c    
tébʰiḥ sumnayā́ dʰehi no vaso //2//

Hymn: 56_{58} 
Verse: 1 
Halfverse: a    
tíraścirājer asitā́t pŕ̥dākoḥ pári sáṃbʰr̥tam /
Halfverse: c    
tát kaṅkáparvaṇo viṣám iyáṃ vīrúd anīnaśat //1//

Verse: 2 
Halfverse: a    
iyáṃ vīrún mádʰujātā madʰuścún madʰulā́ madʰū́ḥ /
Halfverse: c    
sā́ víhrutasya bʰeṣajy átʰo maśakajámbʰanī //2//

Verse: 3 
Halfverse: a    
yáto daṣṭáṃ yáto dʰītáṃ tátas te nír hvayāmasi /
Halfverse: c    
arbʰásya tr̥pradaṃśíno maśákasyārasáṃ viṣám //3//

Verse: 4 
Halfverse: a    
ayáṃ vakró víparur vyàṅgo múkʰāni vakrā́ vr̥jinā́ kr̥ṇóṣi /
Halfverse: c    
tā́ni tváṃ brahmaṇas pate iṣī́kām iva sáṃ namaḥ //4//

Verse: 5 
Halfverse: a    
arasásya śarkóṭasya nīcī́nasyopasárpataḥ /
Halfverse: c    
viṣáṃ hy àsyā́diṣy átʰo enam ajījabʰam //5//

Verse: 6 
Halfverse: a    
te bāhvór bálam asti śīrṣé nótá madʰyatáḥ /
Halfverse: c    
átʰa kíṃ pāpáyā 'muyā́ púcʰe bibʰarṣy arbʰakám //6//

Verse: 7 
Halfverse: a    
adánti tvā pipī́likā vr̥ścanti mayūryàḥ /
Halfverse: c    
sárve bʰala bravātʰa śā́rkoṭam arasáṃ viṣám //7//

Verse: 8 
Halfverse: a    
ubʰā́bʰyāṃ prahárasi púcʰena cāsyèna ca /
Halfverse: c    
āsyè3 te viṣáṃ kím u te pucʰadʰā́v asat //8//

Hymn: 57_{59} 
Verse: 1 
Halfverse: a    
yád āśásā vádato me vicukṣubʰé yád yā́camānasya cárato jánām̐ ánu /
Halfverse: c    
yád ātmáni tanvò me víriṣṭaṃ sárasvatī tád ā́ pr̥ṇad gʰr̥téna //1//

Verse: 2 
Halfverse: a    
saptá kṣaranti síśave marútvate pitré putrā́so ápy avīvr̥tann r̥tā́ni /
Halfverse: c    
ubʰé íd asyobʰé asya rājata ubʰé yatete ubʰé asya puṣyataḥ //2//

Hymn: 58_{60} 
Verse: 1 
Halfverse: a    
índrāvaruṇā sutapāv imáṃ sutáṃ sómaṃ pibataṃ mádyaṃ dʰr̥tavratau /
Halfverse: c    
yuvó rátʰo adʰvaró devávītaye práti svásaram úpa yātu pītáye //1//

Verse: 2 
Halfverse: a    
índrāvaruṇā madʰumattamasya vŕ̥ṣṇaḥ sómasya vr̥ṣaṇā́ vr̥ṣetʰām /
Halfverse: c    
idáṃ vām ándʰaḥ páriṣiktam āsádyāsmín barhíṣi mādayetʰām //2//

Hymn: 59_{61} 
Verse: 1 
Halfverse: a    
naḥ śapād áśapataḥ śápato yáś ca naḥ śápāt /
Halfverse: c    
vr̥kṣá iva vidyútā hatá ā́ mū́lād ánu śuṣyatu //1//

Hymn: 60_{62} 
Verse: 1 
Halfverse: a    
ū́rjaṃ bíbʰrad vasuvániḥ sumedʰā́ ágʰoreṇa cákṣuṣā mitríyeṇa /
Halfverse: c    
gr̥hā́n aími sumánā vándamāno rámadʰvam mā́ bibʰīta mát //1//

Verse: 2 
Halfverse: a    
imé gr̥hā́ mayobʰúva ū́rjasvantaḥ páyasvantaḥ /
Halfverse: c    
pūrṇā́ vāména tíṣṭʰantas no jānantv āyatáḥ //2//

Verse: 3 
Halfverse: a    
yéṣām adʰyéti pravásan yéṣu saumanasó bahúḥ /
Halfverse: c    
gr̥hā́n úpa hvayāmahe no jānantv āyatáḥ //3//

Verse: 4 
Halfverse: a    
úpahūtā bʰū́ridʰanāḥ sákʰāyaḥ svādúsaṃmudaḥ /
Halfverse: c    
akṣudʰyā́ atr̥ṣyā́ sta gŕ̥hā mā́smád bibʰītana //4//

Verse: 5 
Halfverse: a    
úpahūtā ihá gā́va úpahūtā ajāváyaḥ /
Halfverse: c    
átʰo ánnasya kīlā́la úpahūto gr̥héṣu //5//

Verse: 6 
Halfverse: a    
sūnŕ̥tāvantaḥ subʰágā írāvanto hasāmudā́ḥ /
Halfverse: c    
atr̥ṣyā́ akṣudʰyā́ sta gŕ̥hā mā́smád bibʰītana //6//

Verse: 7 
Halfverse: a    
ihaíva sta mā́nu gāta víśvā rūpā́ṇi puṣyata /
Halfverse: c    
aíṣyāmi bʰadréṇā sahá bʰū́yāṃso bʰavatā máyā //7//

Hymn: 61_{63} 
Verse: 1 
Halfverse: a    
yád agne tápasā tápa upatapyā́mahe tápaḥ /
Halfverse: c    
priyā́ḥ śrutásya bʰūyāsmā́yuṣmantaḥ sumedʰásaḥ //1//

Verse: 2 
Halfverse: a    
ágne tápas tapyāmaha úpa tapyāmahe tápaḥ /
Halfverse: c    
śrutā́ni śr̥ṇvántaḥ vayám ā́yuṣmantaḥ sumedʰásaḥ //2//

Hymn: 62_{64} 
Verse: 1 
Halfverse: a    
ayám agníḥ sátpatir vr̥ddʰávr̥ṣṇo ratʰī́va pattī́n ajayat puróhitaḥ /
Halfverse: c    
nā́bʰā pr̥tʰivyā́ṃ níhito dávidyutad adʰaspadáṃ kr̥ṇutāṃ pr̥tanyávaḥ //1//

Hymn: 63_{65} 
Verse: 1 
Halfverse: a    
pr̥tanājítaṃ sáhamānam agním uktʰyaír havāmahe paramā́t sadʰástʰāt /
Halfverse: c    
naḥ parṣad áti durgā́ṇi víśvā kṣā́mad devó 'ti duritā́ny agníḥ //1//

Hymn: 64_{66} 
Verse: 1 
Halfverse: a    
idáṃ yát kr̥ṣṇáḥ śakúnir abʰiniṣpátann ápīpatat /
Halfverse: c    
ā́po tásmāt sárvasmād duritā́t pāntv áṃhasaḥ //1//

Verse: 2 
Halfverse: a    
idáṃ yát kr̥ṣṇáḥ śakúnir avā́mr̥kṣan nirr̥te te múkʰena /
Halfverse: c    
agnír tásmād énaso gā́rhapatyaḥ prá muñcatu //2//

Hymn: 65_{67} 
Verse: 1 
Halfverse: a    
pratīcī́napʰalo tvám ápāmārga ruróhitʰa /
Halfverse: c    
sárvān mác cʰapátʰām ádʰi várīyo yavayā itáḥ //1//

Verse: 2 
Halfverse: a    
yád duṣkr̥táṃ yác cʰámalaṃ yád cerima pāpáyā /
Halfverse: c    
tváyā tád viśvatomukʰā́pāmārgā́pa mr̥jmahe //2//

Verse: 3 
Halfverse: a    
śyāvádatā kunakʰínā baṇḍéna yát sahā́simá /
Halfverse: c    
ápāmārga tváyā vayáṃ sárvaṃ tád ápa mr̥jmahe //3//

Hymn: 66_{68} 
Verse: 1 
Halfverse: a    
yády antárikṣe yádi vā́ta ā́sa yádi vr̥kṣéṣu yádi vólapeṣu /
Halfverse: c    
yád áśravan paśáva udyámānaṃ tád brā́hmaṇ púnar asmā́n upaítu //1//

Hymn: 67_{69} 
Verse: 1 
Halfverse: a    
púnar maitv indriyáṃ púnar ātmā́ dráviṇaṃ brā́hmaṇaṃ ca /
Halfverse: c    
púnar agnáyo dʰíṣṇyā yatʰāstʰāmá kalpayantām ihaívá //1//

Hymn: 68_{70} 
Verse: 1 
Halfverse: a    
sárasvati vratéṣu te divyéṣu devi dʰā́masu /
Halfverse: c    
juṣásva havyám ā́hutaṃ prajā́m devi rarāsva naḥ //1//

Verse: 2 
Halfverse: a    
idáṃ te havyáṃ gʰr̥távat sarasvatīdáṃ pitr̥̄ṇā́ṃ havír āsyà1ṃ yát /
Halfverse: c    
imā́ni ta uditā́ śámtamāni tébʰir vayáṃ mádʰumantaḥ syāma //2//
{71}

Verse: 3_{1} 
Halfverse: a    
śivā́ naḥ śáṃtamā bʰava sumr̥ḍīkā́ sarasvati /
Halfverse: c    
mā́ te yuyoma saṃdŕ̥śaḥ //1//

Hymn: 69_{72} 
Verse: 1 
Halfverse: a    
śáṃ no vā́to vātu śáṃ nas tapatu sū́ryaḥ /
Halfverse: c    
áhāni śáṃ bʰavantu naḥ śáṃ rā́trī práti dʰīyatāṃ /
Halfverse: e    
śáṃ uṣā́ no vy ùcʰatu //1//

Hymn: 70_{73} 
Verse: 1 
Halfverse: a    
yát kíṃ cāsaú mánasā yác ca vācā́ yajñaír juhóti havíṣā yájuṣā /
Halfverse: c    
tán mr̥tyúnā nírr̥tiḥ saṃvidānā́ purā́ satyā́d ā́hutiṃ hantv asya //1//

Verse: 2 
Halfverse: a    
yātudʰā́nā nírr̥tir ā́d u rákṣas asya gʰnantv ánr̥tena satyám /
Halfverse: c    
índreṣitā devā́ ā́jam asya matʰnantu mā́ tát sáṃ pādi yád asaú juhóti //2//

Verse: 3 
Halfverse: a    
ajirādʰirājaú śyenaú saṃpātínāv iva /
Halfverse: c    
ā́jyaṃ pr̥tanyató hatāṃ naḥ káścābʰyagʰāyáti //3//

Verse: 4 
Halfverse: a    
ápāñcau ta ubʰaú bāhū́ ápi nahyāmy āsyàm /
Halfverse: c    
agnér devásya manyúnā téna te 'vadʰiṣaṃ havíḥ //4//

Verse: 5 
Halfverse: a    
ápi nahyāmi te bāhū́ ápi nahyāmy āsyàm /
Halfverse: c    
agnér gʰorásya manyúnā téna 'vadʰiṣaṃ havíḥ //5//

Hymn: 71_{74} 
Verse: 1 
Halfverse: a    
pári tvāgne púraṃ vayáṃ vípraṃ sahasya dʰīmahi /
Halfverse: c    
dʰr̥ṣádvarṇaṃ divédive hantā́raṃ bʰaṅgurā́vataḥ //1//

Hymn: 72_{75} 
Verse: 1 
Halfverse: a    
út tiṣṭʰatā́va paśyaténdrasya bʰāgám r̥tvíyam /
Halfverse: c    
yádi śrātám juhótana yády áśrātaṃ mamáttana //1//

Verse: 2 
Halfverse: a    
śrātám havír ó ṣv ìndra prá yāhi jagā́ma sū́ro ádʰvano mádʰyam /
Halfverse: c    
pári tvāsate nidʰíbʰiḥ sákʰāyaḥ kulapā́ vrājapatím cárantam //2//
{76}

Verse: 3_{1} 
Halfverse: a    
śrātáṃ manya ū́dʰani śrātám agnaú súśr̥taṃ manye tád r̥táṃ návīyaḥ /
Halfverse: c    
mā́dʰyandinasya sávanasya dadʰnáḥ píbendra vajrin purukŕ̥j juṣāṇáḥ //1//

Hymn: 73_{77} 
Verse: 1 
Halfverse: a    
sámiddʰo agnír vr̥ṣaṇā ratʰī́ divás taptó gʰarmó duhyate vām iṣé mádʰu /
Halfverse: c    
vayáṃ vāṃ purudámāso aśvinā havāmahe sadʰamā́deṣu kārávaḥ //1//

Verse: 2 
Halfverse: a    
sámiddʰo agnír aśvinā taptó vāṃ gʰarmá ā́ gatam /
Halfverse: c    
duhyánte nūnáṃ vr̥ṣaṇehá dʰenávo dásrā mádanti vedʰásaḥ //2//

Verse: 3 
Halfverse: a    
svā́hākr̥taḥ śúcir devéṣu yajñó aśvínoś camasó devapā́naḥ /
Halfverse: c    
tám u víśve amŕ̥tāso juṣāṇā́ gandʰarvásya práty āsnā́ rihanti //3//

Verse: 4 
Halfverse: a    
yád usríyāsv ā́hutaṃ gʰr̥táṃ páyo 'yáṃ vām aśvinā bʰāgá ā́ gatam /
Halfverse: c    
mā́dʰvī dʰartārā vidatʰasya satpatī taptáṃ gʰarmáṃ pibataṃ rocané diváḥ //4//

Verse: 5 
Halfverse: a    
taptó vāṃ gʰarmó nakṣatu sváhotā prá vām adʰvaryúś caratu páyasvān /
Halfverse: c    
mádʰor dugdʰásyāśvinā tanā́yā vītáṃ pātáṃ páyasa usriyāyāḥ //5//

Verse: 6 
Halfverse: a    
úpa drava páyasā godʰug oṣám ā́ gʰarmé siñca páya usríyāyāḥ /
Halfverse: c    
nā́kam akʰyat savitā́ váreṇyo 'nuprayā́ṇam uṣáso rājati //6//

Verse: 7 
Halfverse: a    
úpa hvaye sudúgʰāṃ dʰenúm etā́ṃ suhásto godʰúg utá dohad enām /
Halfverse: c    
śréṣṭʰaṃ saváṃ savitā́ sāviṣan no 'bʰī́ddʰo gʰarmás tád u ṣú prá vocat //7//

Verse: 8 
Halfverse: a    
hiṅkr̥ṇvatī́ vasupátnī vásūnāṃ vatsám icʰántī mánasā nyā́gan /
Halfverse: c    
duhā́m aśvíbʰyāṃ páyo agʰnyéyáṃ sā́ vardʰatāṃ mahaté saúbʰagāya //8//

Verse: 9 
Halfverse: a    
júṣṭo dámūnā átitʰir duroṇá imáṃ no yajñám úpa yāhi vidvā́n /
Halfverse: c    
víśvā agne abʰiyújo vihátya śatrūyatā́m ā́ bʰarā bʰójanāni //9//

Verse: 10 
Halfverse: a    
ágne śárdʰa mahaté saúbʰagāya táva dyumnā́ny uttamā́ni santu /
Halfverse: c    
sáṃ jāspatyáṃ suyámam ā́ kr̥ṇuṣva śatrūyatā́m abʰí tiṣṭʰā máhāṃsi //10//

Verse: 11 
Halfverse: a    
sūyavasā́d bʰágavatī bʰūyā́ ádʰā vayáṃ bʰágavantaḥ syāma /
Halfverse: c    
addʰí tŕ̥ṇam agʰnye viśvadā́nīṃ piba śuddʰám udakám ācárantī //11//

Hymn: 74_{78} 
Verse: 1 
Halfverse: a    
apacítāṃ lóhinīnāṃ kr̥ṣṇā́ mātéti śuśruma /
Halfverse: c    
múner devásya mū́lena sárvā vidʰyāmi tā́ ahám //1//

Verse: 2 
Halfverse: a    
vídʰyāmy āsāṃ pratʰamā́ṃ vidʰyāmi utá madʰyamā́m /
Halfverse: c    
idáṃ jagʰanyā̀m āsām ā́ cʰinadmi stúkām iva //2//

Verse: 3 
Halfverse: a    
tvāṣṭréṇāháṃ vácasā ta īrṣyā́m amīmadam /
Halfverse: c    
átʰo manyúṣ ṭe pate tám u te śamayāmasi //3//

Verse: 4 
Halfverse: a    
vraténa tváṃ vratapate sámakto viśvā́hā sumánā dīdihīhá /
Halfverse: c    
táṃ tvā vayáṃ jātavedaḥ sámiddʰaṃ prajā́vanta úpa sadema sárve //4//

Hymn: 75_{79} 
Verse: 1 
Halfverse: a    
prajā́vatīḥ sūyávase ruśántīḥ śuddʰā́ apáḥ suprapāṇé píbantīḥ /
Halfverse: c    
mā́ va stená īśata mā́gʰáśaṃsaḥ pári vo rudrásya hetír vr̥ṇaktu //1//

Verse: 2 
Halfverse: a    
padajñā́ stʰa rámatayaḥ sáṃhitā viśvánāmnīḥ /
Halfverse: c    
úpa devīr devébʰir éta /
Halfverse: e    
imáṃ goṣṭʰám idáṃ sádo gʰr̥ténāsmā́nt sám ukṣata //2//

Hymn: 76_{80} 
Verse: 1 
Halfverse: a    
ā́ susrásaḥ susráso ásatībʰyo ásattarāḥ /
Halfverse: c    
séhor arasátarā havaṇā́d víkledīyasīḥ //1//

Verse: 2 
Halfverse: a    
yā́ graívyā apacító 'tʰo yā́ upapakṣyā̀ḥ /
Halfverse: c    
vijā́mni yā́ apacítaḥ svayaṃsrásaḥ //2//

Verse: 3 
Halfverse: a    
yáḥ kī́kasāḥ praśr̥ṇā́ti talīdyàm avatíṣṭʰati /
Halfverse: c    
nír hās táṃ sárvaṃ jāyā́nyam yáḥ káś ca kakúdi śritáḥ //3//

Verse: 4 
Halfverse: a    
pakṣī́ jāyā́nyaḥ patati ā́ viśati pū́ruṣam /
Halfverse: c    
tád ákṣitasya bʰeṣajám ubʰáyoḥ súkṣatasya ca //4//
{81}

Verse: 5_{1} 
Halfverse: a    
vidmá vaí te jāyānya jā́naṃ yáto jāyānya jā́yase /
Halfverse: c    
katʰáṃ ha tátra tvám hano yásya kr̥ṇmó havír gr̥hé //1//

Verse: 6_{2} 
Halfverse: a    
dʰr̥ṣát piba kaláśe sómam indra vr̥trahā́ śūra samaré vásūnām /
Halfverse: c    
mā́dʰyandine sávana ā́ vr̥ṣasva rayiṣṭʰā́no rayím asmā́su dʰehi //2//

Hymn: 77_{82} 
Verse: 1 
Halfverse: a    
sā́ṃtapanā idáṃ havír márutas táj jujuṣṭana /
Halfverse: c    
asmā́kotī́ riśādasaḥ //1//

Verse: 2 
Halfverse: a    
no márto maruto durhr̥ṇāyús tiráś cittā́ni vasavo jígʰāṃsati /
Halfverse: c    
druháḥ pā́śān práti muñcatāṃ sás tápiṣṭʰena tápasā hantanā tám //2//

Verse: 3 
Halfverse: a    
samvatsarī́ṇā marútaḥ svarkā́ urúkṣayāḥ ságaṇā mā́nuṣāsaḥ /
Halfverse: c    
asmát pā́śān prá muñcantv énasas sāṃtapanā́ matsarā́ mādayiṣṇávaḥ //3//

Hymn: 78_{83} 
Verse: 1 
Halfverse: a    
te muñcāmi raśanā́ṃ yóktraṃ niyójanam /
Halfverse: c    
ihaívá tvám ájasra edʰy agne //1//

Verse: 2 
Halfverse: a    
asmaí kṣatrā́ṇi dʰāráyantam agne yunájmi tvā bráhmaṇā daívyena /
Halfverse: c    
dīdihy àsmábʰyaṃ dráviṇehá bʰadráṃ prémáṃ voco havirdā́m devátāsu //2//

Hymn: 79_{84} 
Verse: 1 
Halfverse: a    
yát te devā́ ákr̥ṇvan bʰāgadʰéyam ámāvāsye saṃvásanto mahitvā́ /
Halfverse: c    
ténā no yajñáṃ pipr̥hi viśvavāre rayíṃ no dʰehi subʰage suvī́ram //1//

Verse: 2 
Halfverse: a    
ahám evā́smy amāvāsyā̀3 mā́m ā́ vasanti sukŕ̥to máyīmé /
Halfverse: c    
máyi devā́ ubʰáye sādʰyā́ś céndrajyeṣṭʰāḥ sám agacʰanta sárve //2//

Verse: 3 
Halfverse: a    
ā́gan rā́trī saṅgámanī vásūnām ū́rjaṃ puṣṭáṃ vásv āveśáyantī /
Halfverse: c    
amāvāsyā̀yai havíṣā vidʰemórjaṃ dúhānā páyasā na ā́gan //3//

Verse: 4 
Halfverse: a    
ámāvāsye tvád etā́ny anyó víśvā rūpā́ṇi paribʰū́r jajāna /
Halfverse: c    
yátkāmās te juhumás tán no astu vayáṃ syāma pátayo rayiṇā́m //4//

Hymn: 80_{85} 
Verse: 1 
Halfverse: a    
pūrṇā́ paścā́d utá pūrṇā́ purástād únmadʰyataḥ paurṇamāsī́ jigāya /
Halfverse: c    
tásyāṃ devaíḥ saṃvásanto mahitvā́ nā́kasya pr̥ṣṭʰé sám iṣā́ madema //1//

Verse: 2 
Halfverse: a    
vr̥ṣabʰáṃ vājínaṃ vayáṃ paurṇamāsáṃ yajāmahe /
Halfverse: c    
no dadātv ákṣitāṃ rayím ánupadasvatīm //2//

Verse: 3 
Halfverse: a    
prájāpate tvád etā́ny anyó víśvā rūpā́ṇi paribʰū́r jajāna /
Halfverse: c    
yátkāmās te juhumás tán no astu vayáṃ syāma pátayo rayīṇā́m //3//

Verse: 4 
Halfverse: a    
paurṇamāsī́ pratʰamā́ yajñíyāsīd áhnāṃ rā́trīṇām atiśarvaréṣu /
Halfverse: c    
tvā́m yajñaír yajñiye ardʰáyanty amī́ te nā́ke sukŕ̥taḥ práviṣṭāḥ //4//

Hymn: 81_{86} 
Verse: 1 
Halfverse: a    
pūrvāparáṃ carato mayáyaitaú śíśū krī́ḍantau pári yāto 'rṇavám /
Halfverse: c    
víśvānyó bʰúvanā vicáṣṭa r̥tū́m̐r anyó vidádʰaj jāyase návaḥ //1//

Verse: 2 
Halfverse: a    
návonavo bʰavasi jā́yamānó 'hnāṃ ketúr uṣásām eṣy ágram /
Halfverse: c    
bʰāgáṃ devébʰyo dadʰāsy āyán prá candramas tirase dʰīrgʰám ā́yuḥ //2//

Verse: 3 
Halfverse: a    
sómasyāmśo yudʰāṃ paté 'nūno nā́ma vā́ asi /
Halfverse: c    
ánūnam darśa kr̥dʰi prajáyā ca dʰánena ca //3//

Verse: 4 
Halfverse: a    
darśó 'si darśató 'si sámagro 'si sámantaḥ /
Halfverse: c    
sámagraḥ sámanto bʰūyāsaṃ góbʰir áśvaiḥ prajáyā paśúbʰir gr̥haír dʰánena //4//

Verse: 5 
Halfverse: a    
yò3 'smā́n dvéṣṭi yáṃ vayáṃ dviṣmás tásya tváṃ prāṇénā́ pyāyasva /
Halfverse: c    
ā́ vayáṃ pyāsiṣīmahi góbʰir áśvaiḥ prajáyā paśúbʰir gr̥haír dʰánena //5//

Verse: 6 
Halfverse: a    
yáṃ devā́ aṃśúm āpyāyáyanti yám ákṣitam ákṣitā bʰakṣáyanti /
Halfverse: c    
ténāsmā́n índro váruṇo bŕ̥haspátir ā́ pyāyayantu bʰúvanasya gopā́ḥ //6//

Hymn: 82_{87} 
Verse: 1 
Halfverse: a    
abʰy àrcata suṣṭutíṃ gávyam ājím asmā́su bʰadrā́ dráviṇāni dʰatta /
Halfverse: c    
imáṃ yajñáṃ nayata devátā no gʰr̥tásya dʰā́rā mádʰumat pavantām //1//

Verse: 2 
Halfverse: a    
máyy ágre agníṃ gr̥hṇāmi sahá kṣatréṇa várcasā bálena /
Halfverse: c    
máyi prajā́ṃ máyy ā́yur dadʰāmi svā́hā máyy agním //2//

Verse: 3 
Halfverse: a    
ihaívā́gne ádʰy dʰārayā rayím mā́ tvā kran pū́rvacittā nikāríṇaḥ /
Halfverse: c    
kṣatréṇāgne suyámam astu túbʰyam upasattā́ vardʰatāṃ te ániṣṭr̥taḥ //3//

Verse: 4 
Halfverse: a    
ánv agnír uṣásām ágram akʰyad ánv áhāni pratʰamó jātávedāḥ /
Halfverse: c    
ánu sū́rya uṣáso ánu raśmī́n ánu dyā́vāpr̥tʰivī́ ā́ viveśa //4//

Verse: 5 
Halfverse: a    
práty agnír uṣásām ágram akʰyat práti áhāni pratʰamó jātávedāḥ /
Halfverse: c    
práti sū́ryasya purudʰā́ ca raśmī́n práti dyā́vāpr̥tʰivī́ ā́ tatāna //5//

Verse: 6 
Halfverse: a    
gʰr̥táṃ te agne divyé sadʰástʰe gʰr̥téna tvā́ṃ mánur adyā́ sám indʰe /
Halfverse: c    
gʰr̥táṃ te devī́r naptyà1 ā́ vahantu gʰr̥táṃ túbʰyaṃ duhratāṃ gā́vo agne //6//

Hymn: 83_{88} 
Verse: 1 
Halfverse: a    
apsú te rājan varuṇa gr̥hó hiraṇyáyo mitʰáḥ /
Halfverse: c    
táto dʰr̥távrato rā́jā sárvā dʰā́māni muñcatu //1//

Verse: 2 
Halfverse: a    
dā́mnodāmno rājann itó varuṇa muñca naḥ /
Halfverse: c    
yád ā́po agʰnyā́ íti váruṇéti yád ūcimá táto varuṇa muñca naḥ //2//

Verse: 3 
Halfverse: a    
úd uttamáṃ varuṇa pā́śam asmád ávādʰamáṃ madʰyamáṃ śratʰāya /
Halfverse: c    
ádʰā vayám āditya vraté tavā́nāgaso áditaye syāma //3//

Verse: 4 
Halfverse: a    
prā́smát pā́śān varuṇa muñca sárvān uttamā́ adʰamā́ vāruṇā́ /
Halfverse: c    
duṣvápnyaṃ duritáṃ ṣvāsmád átʰa gacʰema sukr̥tásya lokám //4//

Hymn: 84_{89} 
Verse: 1 
Halfverse: a    
anādʰr̥ṣyó jātávedā ámartyo virā́ḍ agne kṣatrabʰŕ̥d dīdihīhá /
Halfverse: c    
víśvā ámīvāḥ pramuñcán mā́nuṣībʰiḥ śivā́bʰir adyá pári pāhi no gáyam //1//

Verse: 2 
Halfverse: a    
índra kṣatrám abʰí vāmám ójó 'jāyatʰā vr̥ṣabʰa carṣaṇīnā́m /
Halfverse: c    
ápānudo jánam amitrayántam urúṃ devébʰyo akr̥ṇor u lokám //2//

Verse: 3 
Halfverse: a    
mr̥gó na bʰīmáḥ kucaró giriṣṭʰā́ḥ parāváta ā́ jagamyāt párasyāḥ /
Halfverse: c    
sr̥káṃ saṃśā́ya pavím indra tigmáṃ śátrūn tāḍʰi mŕ̥gʰo nudasva //3//

Hymn: 85_{90} 
Verse: 1 
Halfverse: a    
tyám ū ṣú vājínaṃ devájūtaṃ sáhovānaṃ tarutā́raṃ rátʰānām /
Halfverse: c    
áriṣṭanemiṃ pr̥tanājím āśúṃ svastáye tā́rkṣyam ihā́ huvema //1//

Hymn: 86_{91} 
Verse: 1 
Halfverse: a    
trātā́ram índram avitā́ram índraṃ hávehave suhávaṃ śū́ram índram /
Halfverse: c    
huvé nu śakráṃ puruhūtám índraṃ svastí na índro magʰávān kr̥ṇotu //1//

Hymn: 87_{92} 
Verse: 1 
Halfverse: a    
agnaú rudró apsv àntár óṣadʰīr vīrúdʰa āvivéśa /
Halfverse: c    
imā́víśvā bʰúvanāni cākḷpé tásmai rudrā́ya námo astv agnáye //1//

Hymn: 88_{93} 
Verse: 1 
Halfverse: a    
ápehy árir asy árir vā́ asi viṣé viṣám apr̥ktʰā viṣám íd vā́ apr̥ktʰāḥ /
Halfverse: c    
áhim evā́bʰyápehi táṃ jahi //1//

Hymn: 89_{94} 
Verse: 1 
Halfverse: a    
apó divyā́ acāyiṣam rásena sám apr̥kṣmahi /
Halfverse: c    
páyasvān agna ā́gamaṃ tám sáṃ sr̥ja várcasā //1//

Verse: 2 
Halfverse: a    
sáṃ māgne várcasā sr̥ja sáṃ prajáyā sám ā́yuṣā /
Halfverse: c    
vidyúr me asyá devā́ índro vidyāt sahá ŕ̥ṣibʰiḥ //2//

Verse: 3 
Halfverse: a    
idám āpaḥ prá vahatāvadyáṃ ca málaṃ ca yát /
Halfverse: c    
yác cābʰidudróhā́nr̥taṃ yác ca śepé abʰī́ruṇam //3//

Verse: 4 
Halfverse: a    
édʰo 'sy edʰiṣīyá samíd asi sám edʰiṣīya /
Halfverse: c    
téjo 'si téjo máyi dʰehi //4//

Hymn: 90_{95} 
Verse: 1 
Halfverse: a    
ápi vr̥śca purāṇavád vratáter iva guṣpitám /
Halfverse: c    
ójo dāsásya dambʰaya //1//

Verse: 2 
Halfverse: a    
vayáṃ tád asya sámbʰr̥taṃ vásv índrena bʰajāmahai /
Halfverse: c    
mlāpáyāmi bʰrajáḥ śibʰráṃ váruṇasya vraténa te //2//

Verse: 3 
Halfverse: a    
yátʰā śépo apā́yātai strīṣú cā́sad ánāvayāḥ /
Halfverse: c    
avastʰásya knadī́vataḥ śāṅkurásya nitodínaḥ /
Halfverse: e    
yád ā́tatam áva tát tanu yád úttataṃ tát tanu //3//

Hymn: 91_{96} 
Verse: 1 
Halfverse: a    
índraḥ sutrā́mā svávām̐ ávobʰiḥ sumr̥ḍīkó bʰavatu viśvávedāḥ /
Halfverse: c    
bā́dʰatāṃ dvéṣo ábʰayaṃ naḥ kr̥ṇotu suvī́ryasya pátayaḥ syāma //1//

Hymn: 92_{97} 
Verse: 1 
Halfverse: a    
sutrā́mā svávām̐ índro asmád ārā́c cid dvéṣaḥ sanutár yuyotu /
Halfverse: c    
tásya vayáṃ sumataú yajñíyasyā́pi bʰadré saumanasé syāma //1//

Hymn: 93_{98} 
Verse: 1 
Halfverse: a    
índreṇa manyúnā vayám abʰí ṣyāma pr̥tanyatáḥ /
Halfverse: c    
gʰnánto vr̥trā́ṇy apratí //1//

Hymn: 94_{99} 
Verse: 1 
Halfverse: a    
dʰruváṃ dʰruvéṇa havíṣā́va sómaṃ nayāmasi /
Halfverse: c    
yátʰā na índraḥ kévalīr víśaḥ sáṃmanasas kárat //1//

Hymn: 95_{100} 
Verse: 1 
Halfverse: a    
úd asya śyāvaú vitʰuraú gŕ̥dʰrau dyā́m iva petatuḥ /
Halfverse: c    
uccʰocanapraśocanáv asyóccʰócanau hr̥dáḥ //1//

Verse: 2 
Halfverse: a    
ahám enāv úd atiṣṭʰipaṃ gā́vau śrāntasádāv iva /
Halfverse: c    
kurkurā́v iva kū́jantāv udávantau vŕ̥kāv iva //2//

Verse: 3 
Halfverse: a    
ātodínau nitodínāv átʰo saṃtodínāv utá /
Halfverse: c    
ápi nahyāmy asya méḍʰraṃ itáḥ strī́ púmān jabʰā́ra //3//

Hymn: 96_{101} 
Verse: 1 
Halfverse: a    
ásadan gā́vaḥ sádané 'paptad vasatíṃ váyaḥ /
Halfverse: c    
āstʰā́ne párvatā astʰuḥ stʰā́mni vr̥kkā́v atiṣṭʰipam //1//

Hymn: 97_{102} 
Verse: 1 
Halfverse: a    
yád adyá tvā prayatí yajñé asmín hótaś cikitvann ávr̥ṇīmahīhá /
Halfverse: c    
dʰruvám ayo dʰruvám utā́ śaviṣṭʰaipravidvā́n yajñám úpa yāhi sómam //1//

Verse: 2 
Halfverse: a    
sám indra no mánasā neṣa góbʰiḥ sáṃ sūríbʰir harivant sáṃ svastyā́ /
Halfverse: c    
sáṃ bráhmaṇā deváhitaṃ yád ásti sáṃ devā́nāṃ sumataú yajñíyānām //2//

Verse: 3 
Halfverse: a    
yā́n ā́vaha uśató deva devā́ṃs tā́n préraya své agne sadʰástʰe /
Halfverse: c    
jakṣivā́ṃsaḥ papivā́ṃso mádʰūny asmaí dʰatta vasavo vásūni //3//

Verse: 4 
Halfverse: a    
sugā́ vo devāḥ sádanā akarma ājagmá sávane juṣāṇā́ḥ /
Halfverse: c    
váhamānā bʰáramāṇāḥ svā́ vásūni vásuṃ gʰarmáṃ dívam ā́ rohatā́nu //4//

Verse: 5 
Halfverse: a    
yájña yajñáṃ gacʰa yajñápatiṃ gacʰa /
Halfverse: c    
svā́ṃ yóniṃ gacʰa svā́hā //5//

Verse: 6 
Halfverse: a    
eṣá te yajñó yajñapate sahásūktavākaḥ /
Halfverse: c    
suvī́ryaḥ svā́hā //6//

Verse: 7 
Halfverse: a    
váṣaḍ dʰutébʰyo váṣaḍ áhutebʰyaḥ /
Halfverse: c    
dévā gātuvido gātúṃ vittvā́ gātúm ita //7//

Verse: 8 
Halfverse: a    
mánasas pata imáṃ no diví devéṣu yajñám /
Halfverse: c    
svā́hā diví svā́hā pr̥tʰivyā́ṃ svā́hāntárikṣe svā́hā vā́te dʰāṃ svā́hā //8//

Hymn: 98_{103} 
Verse: 1 
Halfverse: a    
sáṃ barhír aktáṃ havíṣā gʰr̥téna sám índreṇa vásunā sáṃ marúdbʰiḥ /
Halfverse: c    
sáṃ devaír viśvádevebʰir aktám índraṃ gacʰatu havíḥ svā́hā //1//

Hymn: 99_{104} 
Verse: 1 
Halfverse: a    
pári str̥ṇīhi pári dʰehi védiṃ mā́ jāmíṃ moṣīr amuyā́ śáyānām /
Halfverse: c    
hotr̥ṣádanam háritaṃ hiraṇyáyaṃ niṣkā́ eté yájamānasya loké //1//

Hymn: 100_{105} 
Verse: 1 
Halfverse: a    
paryā́varte duṣvápnyāt pāpā́t svápnyād ábʰūtyāḥ /
Halfverse: c    
bráhmāhám ántaraṃ kr̥ṇve párā svápnamukʰāḥ śúcaḥ //1//

Hymn: 101_{106} 
Verse: 1 
Halfverse: a    
yát svápne ánnam aśnā́mi prātár adʰigamyáte /
Halfverse: c    
sárvaṃ tád astu me śiváṃ nahí tád dr̥ṣyáte dívā //1//

Hymn: 102_{107} 
Verse: 1 
Halfverse: a    
namaskŕ̥tya dyā́vāpr̥tʰivī́bʰyām antárikṣāya mr̥tyáve /
Halfverse: c    
mekṣā́my ūrdʰvás tíṣṭʰan mā́ hiṃsiṣur īśvarā́ḥ //1//

Hymn: 103_{108} 
Verse: 1 
Halfverse: a    
asyā́ no druhó 'vadyávatyā ún neṣyati kṣatríyo vásya icʰán /
Halfverse: c    
yajñákāmaḥ u pū́rtikāmaḥ devéṣu vanute dīrgʰám ā́yuḥ //1//

Hymn: 104_{109} 
Verse: 1 
Halfverse: a    
káḥ pŕ̥śniṃ dʰenúṃ váruṇena dattā́m átʰarvane sudúgʰāṃ nítyavatsām /
Halfverse: c    
bŕ̥haspátinā sakʰyàṃ juṣaṇó yatʰāvaśáṃ tanvàḥ kalpayāti //1//

Hymn: 105_{110} 
Verse: 1 
Halfverse: a    
apakrā́man paúruṣeyād vr̥ṇānó daívyaṃ vácaḥ /
Halfverse: c    
práṇītīr abʰyā́vartasva víśvebʰiḥ sákʰibʰiḥ sahá //1//

Hymn: 106_{111} 
Verse: 1 
Halfverse: a    
yád ásmr̥ti cakr̥má kíṃ cid agna upārimá cáraṇe jātavedaḥ /
Halfverse: c    
tátaḥ pāhi tváṃ naḥ pracetaḥ śubʰé sákʰibʰyo amr̥tatvám astu naḥ //1//

Hymn: 107_{112} 
Verse: 1 
Halfverse: a    
áva divás tārayanti saptá sū́ryasya raśmáyaḥ /
Halfverse: c    
ā́paḥ samudríyā dʰā́rās tā́s śalyám asisrasan //1//

Hymn: 108_{113} 
Verse: 1 
Halfverse: a    
na stāyád dípsati na āvíḥ svó vidvā́n áraṇo no agne /
Halfverse: c    
pratī́cy etv áraṇī datvátī tā́n maíṣām agne vā́stu bʰūn ápatyam //1//

Verse: 2 
Halfverse: a    
naḥ suptā́n jā́grato vābʰidā́sāt tíṣṭʰato cárato jātavedaḥ /
Halfverse: c    
vaiśvānaréṇa sayújā sajóṣās tā́n pratī́co nír daha jātavedaḥ //2//

Hymn: 109_{114} 
Verse: 1 
Halfverse: a    
idám ugrā́ya babʰráve námo akṣéṣu tanūvaśī́ /
Halfverse: c    
gʰr̥téna káliṃ śikṣāmi no mr̥ḍātīdŕ̥śe //1//

Verse: 2 
Halfverse: a    
gʰr̥tám apsarā́bʰyo vaha tvám agne pāṃsū́n akṣébʰyaḥ síkatā apáś ca /
Halfverse: c    
yatʰābʰagáṃ havyádātiṃ juṣāṇā́ mádanti devā́ ubʰáyāni havyā́ //2//

Verse: 3 
Halfverse: a    
apsarásaḥ sadʰamā́daṃ madanti havirdʰā́nam antarā́ sū́ryaṃ ca /
Halfverse: c    
tā́ me hástau sáṃ sr̥jantu gʰr̥téna sapátnaṃ me kitavám randʰayantu //3//

Verse: 4 
Halfverse: a    
ādinaváṃ pratidī́vne gʰr̥ténāsmā́m̐ abʰí kṣara /
Halfverse: c    
vr̥kṣám ivāśányā jahi asmā́n pratidī́vyati //4//

Verse: 5 
Halfverse: a    
no dyuvé dʰánam idáṃ cakā́ra akṣā́ṇāṃ gláhanaṃ śéṣaṇaṃ ca /
Halfverse: c    
no devó havír idáṃ juṣāṇó gandʰarvébʰiḥ sadʰamā́daṃ madema //5//

Verse: 6 
Halfverse: a    
sáṃvasava íti vo nāmadʰéyam ugraṃpaśyā́ rāṣṭrabʰŕ̥to hy àkṣā́ḥ /
Halfverse: c    
tébʰyo va indavo havíṣā vidʰema vayáṃ syāma pátayo rayīṇā́m //6//

Verse: 7 
Halfverse: a    
devā́n yán nātʰitó huvé brahmacáryaṃ yád ūṣimá /
Halfverse: c    
akṣā́n yád babʰrū́n ālábʰe no mr̥ḍantv īdŕ̥śe //7//

Hymn: 110_{115} 
Verse: 1 
Halfverse: a    
ágna índraś ca dāśúṣe ható vr̥trā́ṇy apratí /
Halfverse: c    
ubʰā́ vr̥trahántamā //1//

Verse: 2 
Halfverse: a    
yā́bʰyām ájayant svà1r ágra evá yā́v ātastʰátur bʰúvanāni víśvā /
Halfverse: c    
prá carṣaṇī́vŕ̥ṣaṇā vájrabāhū agním índram vr̥traháṇā huve 'hám //2//

Verse: 3 
Halfverse: a    
úpa tvā devó agramīc camaséna bŕ̥haspátiḥ /
Halfverse: c    
índra gīrbʰír na ā́ viśa yájamānāya sunvaté //3//

Hymn: 111_{116} 
Verse: 1 
Halfverse: a    
índrasya kukṣír asi somadʰā́na ātmā́ devā́nām utá mā́nuṣāṇām /
Halfverse: c    
ihá prajā́ janaya yā́s ta āsú yā́ anyátrehá tā́s te ramantām //1//

Hymn: 112_{117} 
Verse: 1 
Halfverse: a    
śúmbʰanī dyā́vāpr̥tʰivī́ ántisumne máhivrate /
Halfverse: c    
ā́paḥ saptá susruvur devī́s tā́ no muñcantv áṃhasaḥ //1//

Verse: 2 
Halfverse: a    
muñcántu śapatʰyā̀3d átʰo varuṇyā̀d utá /
Halfverse: c    
átʰo yamásya páḍvīśād víśvasmād devakilbiṣā́t //2//

Hymn: 113_{118} 
Verse: 1 
Halfverse: a    
tŕ̥ṣṭike tŕ̥ṣṭavandana úd amū́ṃ cʰindʰi tr̥ṣṭike /
Halfverse: c    
yátʰā kr̥tádviṣṭā́so 'múṣmai śepyā́vate //1//

Verse: 2 
Halfverse: a    
tr̥ṣṭā́si tr̥ṣṭikā́ viṣā́ viṣātaky àsi /
Halfverse: c    
párivr̥ktā yátʰā́sasy r̥ṣabʰásya vaśéva //2//

Hymn: 114_{119} 
Verse: 1 
Halfverse: a    
ā́ te dade vakṣáṇābʰya ā́ te 'háṃ hŕ̥dayād dade /
Halfverse: c    
ā́ te múkʰasya sáṅkāśāt sárvaṃ te várca ā́ dade //1//

Verse: 2 
Halfverse: a    
prétó yantu vyā̀dʰyaḥ prā́nudʰyā́ḥ pró áśastayaḥ /
Halfverse: c    
agnī́ rakṣasvínīr hantu sómo hantu durasyatī́ḥ //2//

Hymn: 115_{120} 
Verse: 1 
Halfverse: a    
prá patetáḥ pāpi lakṣmi náśyetáḥ prā́mútaḥ pata /
Halfverse: c    
ayasmáyenāṅkéna dviṣaté tvā́ sajāmasi //1//

Verse: 2 
Halfverse: a    
yā́ lakṣmī́ḥ patayālū́r ájuṣṭābʰicaskánda vándaneva vr̥kṣám /
Halfverse: c    
anyátrāsmát savitas tā́m itó dʰā híraṇyahasto vásu no rárāṇaḥ //2//

Verse: 3 
Halfverse: a    
ékaśataṃ lakṣmyò3 mártyasya sākáṃ tanvā̀ janúṣó 'dʰi jātā́ḥ /
Halfverse: c    
tā́sāṃ pā́piṣṭʰā nír itáḥ prá hiṇmaḥ śivā́ asmábʰyaṃ jātavedo níyacʰa //3//

Verse: 4 
Halfverse: a    
etā́ enā vyā́karaṃ kʰilé gā́ víṣṭʰitā iva /
Halfverse: c    
rámantāṃ púṇyā lakṣmī́r yā́ḥ pāpī́s tā́ anīnaśam //4//

Hymn: 116_{121} 
Verse: 1 
Halfverse: a    
námo rūrā́ya cyávanāya nódanāya dʰr̥ṣṇáve /
Halfverse: c    
námaḥ śītā́ya pūrvakāmakŕ̥tvane //1//

Verse: 2 
Halfverse: a    
anyedyúr ubʰayadyúr abʰyétīmáṃ maṇḍū́kam /
Halfverse: c    
abʰy ètv avratáḥ //2//

Hymn: 117_{122} 
Verse: 1 
Halfverse: a    
ā́ mandraír indra háribʰir yāhí mayū́raromabʰiḥ /
Halfverse: c    
mā́ tvā cid yaman víṃ pāśíno 'ti dʰánveva tā́m̐ ihi //1//

Hymn: 118_{123} 
Verse: 1 
Halfverse: a    
mármāṇi te vármaṇā cʰādayāmi sómas tvā rā́jāmŕ̥tenā́nu vastām /
Halfverse: c    
urór várīyo váruṇas te kr̥ṇotu jáyantaṃ tvā́nu devā́ madantu //1//



Book: 8 
8
Hymn: 1 


Verse: 1 
Halfverse: a    
ántakāya mr̥tyáve námaḥ prānā́ apānā́ ihá te ramantām /
Halfverse: c    
ihā́yám astu púruṣaḥ sahā́sunā sū́ryasya bʰāgé amŕ̥tasya loké //1//

Verse: 2 
Halfverse: a    
úd enaṃ bʰágo agrabʰīd úd enaṃ sómo aṃśumā́n /
Halfverse: c    
úd enaṃ marúto devā́ úd indrāgnī́ svastáye //2//

Verse: 3 
Halfverse: a    
ihá 'sur ihá prāṇá ihā́yur ihá te mánaḥ /
Halfverse: c    
út tvā nírr̥tyāḥ pā́śebʰyo daívyā vacā́ bʰarāmasi //3//

Verse: 4 
Halfverse: a    
út krāmā́taḥ puruṣa mā́va pattʰā mr̥tyóḥ páḍvīṣam avamuñcámānaḥ /
Halfverse: c    
mā́ cʰittʰā asmā́l lokā́d agnéḥ sū́ryasya saṃdŕ̥śaḥ //4//

Verse: 5 
Halfverse: a    
túbʰyaṃ vā́taḥ pavatāṃ mātaríśvā túbʰyaṃ varṣantv amŕ̥tāny ā́paḥ /
Halfverse: c    
sū́ryas te tanvè3 śáṃ tapāti tvā́m mr̥tyúr dayatāṃ mā́ prá meṣṭʰāḥ //5//

Verse: 6 
Halfverse: a    
udyā́naṃ te puruṣa nā́vayā́naṃ jīvā́tuṃ te dákṣatātiṃ kr̥nomi /
Halfverse: c    
ā́ róhemám amŕ̥taṃ sukʰáṃ rátʰam átʰa jírvir vidátʰam ā́ vadāsi //6//

Verse: 7 
Halfverse: a    
mā́ te mánas tátra gān mā́ tiró bʰūn mā́ jīvébʰyaḥ prá mado mā́nu gāḥ pitŕ̥̄n /
Halfverse: c    
víśve devā́ abʰí rakṣantu tvehá //7//

Verse: 8 
Halfverse: a    
mā́ gatā́nām ā́ dīdʰītʰā náyanti parāvátam /
Halfverse: c    
ā́ roha támaso jyótir éhy ā́ te hástau rabʰāmahe //8//

Verse: 9 
Halfverse: a    
śyāmáś ca tvā mā́ śabálaś ca préṣitau yamásya yaú patʰirákṣī śvā́nau /
Halfverse: c    
arvā́ṅ éhi mā́ dīdʰyo mā́tra tiṣṭʰaḥ párāṅmanāḥ //9//

Verse: 10 
Halfverse: a    
maítáṃ pántʰām ánu bʰīmá eṣá yéna pū́rvaṃ néyátʰa táṃ bravīmi /
Halfverse: c    
táma etát puruṣa mā́ prá pattʰā bʰayáṃ parástād ábʰayaṃ te arvā́k //10// {1}

Verse: 11 
Halfverse: a    
rákṣantu tvāgnáyo apsv à1ntā́ rákṣatu tvā manuṣyā̀3 yám indʰáte /
Halfverse: c    
vaiśvānaró rakṣatu jātávedā divyás tvā mā́ prá dʰāg vidyútā sahá //11//

Verse: 12 
Halfverse: a    
mā́ tvā kravyā́d abʰí maṃstārā́t sáṃkasukāc cara rákṣatu tvā dyaú rákṣatu /
Halfverse: c    
pr̥tʰivī́ sū́ryaś ca tvā rákṣatāṃ candrámāś ca /
Halfverse: e    
antárikṣaṃ rakṣatu devahetyā́ḥ //12//

Verse: 13 
Halfverse: a    
bodʰáś ca tvā pratibodʰáś ca rakṣatām asvapnáś ca tvānavadrāṇáś ca rakṣatām /
Halfverse: c    
gopāyáṃś ca tvā jā́gr̥viś ca rakṣatām //13//

Verse: 14 
Halfverse: a    
tvā rakṣantu tvā gopāyantu tébʰyo námas tébʰyaḥ svā́hā //14//

Verse: 15 
Halfverse: a    
jīvébʰyas tvā samúde vāyúr índro dʰātā́ dadʰātu savitā́ trā́yamāṇaḥ /
Halfverse: c    
mā́ tvā prāṇó bálaṃ hāsīd ásuṃ 'nu hvayāmasi //15//

Verse: 16 
Halfverse: a    
mā́ tvā jambʰáḥ sáṃhanur mā́ támo vidan mā́ jihvā́ barhís pramayúḥ katʰā́ syāḥ /
Halfverse: c    
út tvādityā́ vásavo bʰarantū́d indrāgnī́ svastáye //16//

Verse: 17 
Halfverse: a    
út tvā dyaúr út pr̥tʰivy út prajā́patir agrabʰīt /
Halfverse: c    
út tvā mr̥tyór óṣadʰayaḥ sómarājñīr apīparan //17//

Verse: 18 
Halfverse: a    
ayáṃ devā ihaívā́stv ayáṃ mā́mútra gād itáḥ /
Halfverse: c    
imáṃ sahásravīryeṇa mr̥tyór út pārayāmasi //18//

Verse: 19 
Halfverse: a    
út tvā mr̥tyór apīparaṃ sáṃ dʰamantu vayodʰásaḥ /
Halfverse: c    
mā́ tvā vyastakeśyò3 mā́ tvāgʰarúdo rudan //19//

Verse: 20 
Halfverse: a    
ā́hārṣam ávidaṃ tvā púnar ā́gāḥ púnarṇavaḥ /
Halfverse: c    
sárvāṅga sárvaṃ te cákṣuḥ sárvam ā́yuś ca te 'vidam //20//

Verse: 21 
Halfverse: a    
vy àvāt te jyótir abʰūd ápa tvát támo akramīt /
Halfverse: c    
ápa tván mr̥tyúṃ nírr̥tim ápa yákṣmaṃ dadʰmasi //21// {2}

Hymn: 2 
Verse: 1 
Halfverse: a    
ā́ rabʰasvemā́m amŕ̥tasya śnúṣṭim ácʰidyamānā jarádaṣṭir astu te /
Halfverse: c    
ásuṃ ta ā́yuḥ púnar ā́ bʰarāmi rájas támo mópa mā́ prá meṣṭʰāḥ //1//

Verse: 2 
Halfverse: a    
jī́vatāṃ jyótir abʰyéhy arvā́ṅ ā́ tvā harāmi śatáśāradāya /
Halfverse: c    
avamuñcán mr̥tyupāśā́n áśastiṃ drā́gʰīya ā́yuḥ prataráṃ te dadʰāmi //2//

Verse: 3 
Halfverse: a    
vā́tāt te prānám avidaṃ sū́ryāc cákṣur aháṃ táva /
Halfverse: c    
yát te mánas tváyi tád dʰārayāmi sáṃ vitsvā́ṅgair váda jihváyā́lapan //3//

Verse: 4 
Halfverse: a    
prāṇéna tvā dvipádāṃ cátuṣpadām agním iva jātám abʰí sáṃ dʰamāmi /
Halfverse: c    
námas te mr̥tyo cákṣuṣe námaḥ prāṇā́ya te 'karam //4//

Verse: 5 
Halfverse: a    
ayáṃ jīvatu mā́ mr̥temáṃ sám īrayāmasi /
Halfverse: c    
kr̥ṇómy asmai bʰeṣajáṃ mŕ̥tyo mā́ púruṣaṃ vadʰīḥ //5//

Verse: 6 
Halfverse: a    
jīvalā́ṃ nagʰāriṣā́ṃ jīvantī́m óṣadʰīm ahám /
Halfverse: c    
trāyamāṇā́ṃ sáhamānāṃ sáhasvatīm ihá huve 'smā́ ariṣṭátātaye //6//

Verse: 7 
Halfverse: a    
ádʰi brūhi mā́ rabʰatʰāḥ sr̥jémáṃ távaivá sánt sárvahāyāḥ ihā́stu /
Halfverse: c    
bʰávāśarvau mr̥ḍátaṃ śárma yacʰatam apasídʰya duritáṃ dʰattam ā́yuḥ //7//

Verse: 8 
Halfverse: a    
asmaí mr̥tyo ádʰi brūhīmáṃ dayasvód itó 'yám etu /
Halfverse: c    
áriṣṭaḥ sárvāṅgaḥ suśrúj jarásā śatáhāyana ātmánā bʰújam aśnutām //8//

Verse: 9 
Halfverse: a    
devā́nāṃ hetíḥ pári tvā vr̥ṇaktu pāráyāmi tvā rájasa út tvā mr̥tyór apīparam /
Halfverse: c    
ārā́d agníṃ kravyā́daṃ nirū́haṃ jīvā́tave te paridʰíṃ dadʰāmi //9//

Verse: 10 
Halfverse: a    
yát te niyā́naṃ rajasáṃ mŕ̥tyo anavadʰarṣyàm /
Halfverse: c    
patʰá imáṃ tásmād rákṣanto bráhmāsmai várma kr̥ṇmasi //10// {3}

Verse: 11 
Halfverse: a    
kr̥ṇómi te prāṇāpānaú jarā́ṃ mr̥tyúṃ dīrgʰám ā́yuḥ svastí /
Halfverse: c    
vaivasvaténa práhitān yamadūtā́ṃś carató 'pa sedʰāmi sárvān //11//

Verse: 12 
Halfverse: a    
ārā́d árātiṃ nírr̥tiṃ paró grā́hiṃ kravyā́daḥ piśācā́n /
Halfverse: c    
rákṣo yát sárvaṃ durbʰūtáṃ tát táma ivā́pa hanmasi //12//

Verse: 13 
Halfverse: a    
agnéṣ ṭa prānám amŕ̥tād ā́yuṣmato vanve jātávedasaḥ /
Halfverse: c    
yátʰā ríṣyā amŕ̥taḥ sajū́r ásas tát te kr̥ṇomi tád u te sám r̥dʰyatām //13//

Verse: 14 
Halfverse: a    
śivé te stāṃ dyā́vāpr̥tʰivī́ asaṃtāpé abʰiśríyau /
Halfverse: c    
śáṃ te sū́rya ā́ tapatu śáṃ vā́to vātu te hr̥dé /
Halfverse: e    
śivā́ abʰí kṣarantu tvā́po divyā́ḥ páyasvatīḥ //14//

Verse: 15 
Halfverse: a    
śivā́s te santv óṣadʰaya út tvāhārṣam ádʰarasyā úttarāṃ pr̥tʰivī́m abʰí /
Halfverse: c    
tátra tvādityaú rakṣatāṃ sūryācandramásāv ubʰā́ //15//

Verse: 16 
Halfverse: a    
yát te vā́saḥ paridʰā́naṃ yā́ṃ nīvíṃ kr̥ṇuṣé tvám /
Halfverse: c    
śiváṃ te tanvè3 tát kr̥ṇmaḥ saṃsparśé 'drūkṣṇam astu te //16//

Verse: 17 
Halfverse: a    
yát kṣuréṇa marcáyatā sutejásā váptā vápasi keśaśmaśrú /
Halfverse: c    
śúbʰaṃ múkʰaṃ mā́ na ā́yuḥ prá moṣīḥ //17//

Verse: 18 
Halfverse: a    
śivaú te stāṃ vrīhiyavā́v abalāsā́v adomadʰaú /
Halfverse: c    
etaú yákṣmaṃ bādʰete etaú muñcato áṁhasaḥ //18//

Verse: 19 
Halfverse: a    
yád aśnā́si yát pibasi dʰānyàṃ kr̥ṣyā́ḥ páyaḥ /
Halfverse: c    
yád ādyà1ṃ yád anādyáṃ sárvaṃ te ánnam aviṣáṃ kr̥ṇomi //19//

Verse: 20 
Halfverse: a    
áhne ca tvā rā́traye cobʰā́bʰyāṃ pári dadmasi /
Halfverse: c    
arā́yebʰyo jigʰatsúbʰya imáṃ me pári rakṣata //20// {4}

Verse: 21 
Halfverse: a    
śatáṃ te 'yútaṃ hāyanā́n dvé yugé trī́ṇi catvā́ri kr̥ṇmaḥ /
Halfverse: c    
indrāgnī́ víśve devā́s 'nu manyantām áhr̥ṇīyamānāḥ //21//

Verse: 22 
Halfverse: a    
śaráde tvā hemantā́ya vasantā́ya grīṣmā́ya pári dadmasi /
Halfverse: c    
varṣā́ṇi túbʰyaṃ syonā́ni yéṣu várdʰanta óṣadʰīḥ //22//

Verse: 23 
Halfverse: a    
mr̥tyúr īśe dvipádāṃ mr̥tyúr īśe cátuṣpadām /
Halfverse: c    
tásmāt tvā́ṃ mr̥tyór gópater úd bʰarāmi mā́ bibʰeḥ //23//

Verse: 24 
Halfverse: a    
'riṣṭa mariṣyasi mariṣyasi mā́ bibʰeḥ /
Halfverse: c    
vaí tátra mriyante yanti adʰamáṃ támaḥ //24//

Verse: 25 
Halfverse: a    
sárvo vaí tátra jīvati gaúr áśvaḥ púruṣaḥ paśúḥ /
Halfverse: c    
yátredáṃ bráhma kriyáte paridʰír jī́vanāya kám //25//

Verse: 26 
Halfverse: a    
pári tvā pātu samānébʰyo 'bʰicārā́t sábandʰubʰyaḥ /
Halfverse: c    
ámamrir bʰavāmŕ̥to 'tijīvó mā́ te hāsiṣur ásavaḥ śárīram //26//

Verse: 27 
Halfverse: a    
mr̥tyáva ékaśataṃ yā́ nāṣṭrā́ atitāryā̀ḥ /
Halfverse: c    
muñcántu tásmāt tvā́ṃ devā́ agnér vaiśvānarā́d ádʰi //27//

Verse: 28 
Halfverse: a    
agnéḥ śárīram asi pārayiṣṇú rakṣohā́si sapatnahā́ /
Halfverse: c    
átʰo amīvacā́tanaḥ pūtúdrur nā́ma bʰeṣajám //28// {5}

Hymn: 3 
Verse: 1 
Halfverse: a    
rakṣoháṇaṃ vājínam ā́ jigʰarmi mitráṃ prátʰiṣṭʰam úpa yāmi śárma /
Halfverse: c    
śíśāno agníḥ krátubʰiḥ sámiddʰaḥ no dívā riṣáḥ pātu náktam //1//

Verse: 2 
Halfverse: a    
áyodaṃṣṭro arcíṣā yātudʰā́nān úpa spr̥śa jātavedaḥ sámiddʰaḥ /
Halfverse: c    
ā́ jihváyā mū́radevān rabʰasva kravyā́do vr̥ṣṭvā́pi dʰatsvāsán //2//

Verse: 3 
Halfverse: a    
ubʰóbʰayāvinn úpa dʰehi dáṃṣṭrau hiṃsráḥ śíśānó 'varaṃ páraṃ ca /
Halfverse: c    
utā́ntárikṣe pári yāhy agne jámbʰaiḥ sáṃ dʰehy abʰí yātudʰā́nān //3//

Verse: 4 
Halfverse: a    
ágne tvácaṃ yātudʰā́nasya bʰindʰi hiṃsrā́śánir hárasā hantv enam /
Halfverse: c    
prá párvāṇi jātavedaḥ śr̥ṇīhi kravyā́t kraviṣṇúr cinotv enam //4//

Verse: 5 
Halfverse: a    
yátredā́nīṃ páśyasi jātavedas tíṣṭʰantam agna utá cárantam /
Halfverse: c    
utā́ntárikṣe pátantaṃ yātudʰā́naṃ tám ástā vidʰya śárvā śíśānaḥ //5//

Verse: 6 
Halfverse: a    
yajñaír íṣūḥ saṃnámamāno agne ivācā́ śalyā́m̐ aśánibʰir dihānáḥ /
Halfverse: c    
tā́bʰir vidʰya hŕ̥daye yātudʰā́nān pratīcó bāhū́n práti bʰaṅgdʰy eṣām //6//

Verse: 7 
Halfverse: a    
utā́rabdʰānt spr̥nuhi jātaveda utā́rebʰāṇā́m̐ r̥ṣṭíbʰir yātudʰā́nān /
Halfverse: c    
ágne pū́rvo jahi śóśucāna āmā́daḥ kṣvíṅkās tám adantv énīḥ //7//

Verse: 8 
Halfverse: a    
ihá prá brūhi yatamáḥ agne yātudʰā́no idáṃ kr̥ṇoti /
Halfverse: c    
tám ā́ rabʰasva samídʰā yaviṣṭʰa nr̥cákṣasaś cákṣuṣe randʰayainam //8//

Verse: 9 
Halfverse: a    
tīkṣṇénāgne cákṣuṣā rakṣa yajñáṃ prā́ñcaṃ vásubʰyaḥ prá ṇaya pracetaḥ /
Halfverse: c    
hiṃsráṃ rákṣāṃsy abʰí śóśucānaṃ mā́ tvā dabʰan yātudʰā́nā nr̥cakṣaḥ //9//

Verse: 10 
Halfverse: a    
nr̥cákṣā rákṣaḥ pári paśya vikṣú tásya trī́ṇi práti śr̥ṇīhy ágrā /
Halfverse: c    
tásyāgne pr̥ṣṭī́r hárasā śr̥ṇīhi tredʰā́ mū́laṃ yātudʰā́nasya vr̥śca //10// {6}

Verse: 11 
Halfverse: a    
trír yātudʰā́naḥ prásitiṃ ta etv r̥táṃ agne ánr̥tena hánti /
Halfverse: c    
tám arcíṣā spʰūrjáyan jātavedaḥ samakṣám enam gr̥ṇaté yuṅgdʰi //11//

Verse: 12 
Halfverse: a    
yád agne adyá mitʰunā́ śápāto yád vācás tr̥ṣṭáṃ janáyanta rebʰā́ḥ /
Halfverse: c    
manyór mánasaḥ śaravyā̀3 jā́yate yā́ táyā vidʰya hŕ̥daye yātudʰā́nān //12//

Verse: 13 
Halfverse: a    
párā śr̥ṇīhi tápasā yātudʰā́nān párāgne rákṣo hárasā śr̥ṇīhi /
Halfverse: c    
párārcíṣā mū́radevān cʰr̥ṇīhi párāsutŕ̥paḥ śóśucataḥ śr̥ṇīhi //13//

Verse: 14 
Halfverse: a    
párādyá devā́ vr̥jináṃ śr̥ṇantu pratyág enaṃ śapátʰā yantu sr̥ṣṭā́ḥ /
Halfverse: c    
vācā́stenaṃ śárava r̥cʰantu márman víśvasyaitu prásitiṃ yātudʰā́naḥ //14//

Verse: 15 
Halfverse: a    
yáḥ paúruṣeyeṇa kravíṣā samaṅkté áśvyena paśúnā yātudʰā́naḥ /
Halfverse: c    
agʰnyā́yā bʰárati kṣīrám agne téṣāṃ śīrṣā́ṇi hárasā́pi vr̥śca //15//

Verse: 16 
Halfverse: a    
viṣáṃ gávāṃ yātudʰā́nā bʰarantām ā́ vr̥ścantām áditaye durévāḥ /
Halfverse: c    
páraiṇān deváḥ savitā́ dadātu párā bʰāgám óṣadʰīnāṃ jayantām //16//

Verse: 17 
Halfverse: a    
saṃvatsarī́ṇaṃ páya usríyāyās tásya mā́śīd yātudʰā́no nr̥cakṣaḥ /
Halfverse: c    
pīyū́ṣam agne yatamás títr̥psāt táṃ pratyáñcam arcíṣā vidʰya mármaṇi //17//

Verse: 18 
Halfverse: a    
sanā́d agne mr̥ṇasi yātudʰā́nān tvā rákṣāṃsi pŕ̥tanāsu jigyuḥ /
Halfverse: c    
sahámūrān ánu daha kravyā́do mā́ te hetyā́ mukṣata daívyāyāḥ //18//

Verse: 19 
Halfverse: a    
tváṃ no agne adʰarā́d udaktás tváṃ paścā́d utá rakṣā purástāt /
Halfverse: c    
práti tyé te ajárāsas tápiṣṭʰā agʰáśaṃsaṃ śóśucato dahantu //19//

Verse: 20 
Halfverse: a    
paścā́t purástād adʰarā́d utóttarā́t kavíḥ kā́vyena pári pāhy agne /
Halfverse: c    
sákʰā sákʰāyam ajáro jarimné ágne mártām̐ ámartyas tváṃ naḥ //20// {7}

Verse: 21 
Halfverse: a    
tád agne cákṣuḥ práti dʰehi rebʰé śapʰārújo yéna páśyasi yātudʰā́nān /
Halfverse: c    
atʰarvaváj jyótiṣā daívyena satyáṃ dʰū́rvantam acítaṃ nyòṣa //21//

Verse: 22 
Halfverse: a    
pári tvāgne púraṃ vayáṃ vípraṃ sahasya dʰīmahi /
Halfverse: c    
dʰr̥ṣádvarṇaṃ divédive hantā́raṃ bʰaṅgurā́vataḥ //22//

Verse: 23 
Halfverse: a    
viṣéṇa bʰaṅgurā́vataḥ práti sma rakṣáso jahi /
Halfverse: c    
ágne tigména śocíṣā tápuragrābʰir arcíbʰiḥ //23//

Verse: 24 
Halfverse: a    
jyótiṣā br̥hatā́ bʰāty agnír āvír víśvāni kr̥ṇute mahitvā́ /
Halfverse: c    
prā́devīr māyā́ḥ sahate durévāḥ śíśīte śŕ̥ṅge rákṣobʰyo viníkṣe //24//

Verse: 25 
Halfverse: a    
te śŕ̥ṅge ajáre jātavedas tigmáhetī bráhmasaṃśite /
Halfverse: c    
tā́bʰyāṃ durhā́rdam abʰidā́santaṃ kimīdínaṃ /
Halfverse: e    
pratyáñcam arcíṣā jātavedo nikṣva //25//

Verse: 26 
Halfverse: a    
agnī́ rákṣāṃsi sedʰati śukráśocir ámartyaḥ /
Halfverse: c    
śúciḥ pāvaká ī́ḍyaḥ //26// {8}

Hymn: 4 
Verse: 1 
Halfverse: a    
índrāsomā tápataṃ rákṣa ubjátaṃ ny àrpayataṃ vr̥ṣaṇā tamovŕ̥dʰaḥ /
Halfverse: c    
párā śr̥ṇītam acíto ny òṣataṃ hatáṃ nudétʰāṃ śiśītam attríṇaḥ //1//

Verse: 2 
Halfverse: a    
índrāsomā sám agʰáśaṃsam abʰy àgʰáṃ tápur yayastu carúr agnimā́m̐ iva /
Halfverse: c    
brahmadvíṣe kravyā́de gʰorácakṣase dvéṣo dʰattam anavāyáṃ kimīdine //2//

Verse: 3 
Halfverse: a    
índrāsomā duṣkŕ̥to vavré antár anārambʰaṇé támasi prá vidʰyatam /
Halfverse: c    
yáto naíṣāṃ púnar ékaś canódáyat tád vām astu sáhase manyumác cʰávaḥ //3//

Verse: 4 
Halfverse: a    
índrāsomā vartáyataṃ divó vadʰáṃ sáṃ pr̥tʰivyā́ agʰáśaṃsāya tárhaṇam /
Halfverse: c    
út takṣataṃ svaryàṃ1 párvatebʰyo yéna rákṣo vāvr̥dʰānáṃ nijū́rvatʰaḥ //4//

Verse: 5 
Halfverse: a    
índrāsomā vartáyataṃ divás páry agnitaptébʰir yuvám áśmahanmabʰiḥ /
Halfverse: c    
tápurvadʰebʰir ajárebʰir attríṇo párśāne vidʰyataṃ yántu nisvarám //5//

Verse: 6 
Halfverse: a    
índrāsomā pári vāṃ bʰūtu viśváta iyáṃ matíḥ kakṣyā́śveva vājinā /
Halfverse: c    
yā́ṃ vāṃ hótrāṃ parihinómi medʰáyemā́ bráhmāṇi nr̥pátī iva jinvatam //6//

Verse: 7 
Halfverse: a    
práti smaretʰāṃ tujáyadbʰir évair hatáṃ druhó rakṣáso bʰaṅgurā́vataḥ /
Halfverse: c    
índrāsomā duṣkŕ̥te mā́ sugáṃ bʰūd kadā́ cid abʰidā́sati druhúḥ //7//

Verse: 8 
Halfverse: a    
pā́kena mánasā cárantam abʰicáṣṭe ánr̥tebʰir vácobʰiḥ /
Halfverse: c    
ā́pa iva kāśinā sámgr̥bʰītā ásann astv ásataḥ indra vaktā́ //8//

Verse: 9 
Halfverse: a    
pākaśaṃsáṃ viháranta évair bʰadráṃ dūṣáyanti svadʰā́bʰiḥ /
Halfverse: c    
áhaye tā́n pradádātu sóma ā́ dadʰātu nírr̥ter upáṣṭʰe //9//

Verse: 10 
Halfverse: a    
no rásaṃ dípsati pitvó agne áśvānāṃ gávāṃ yás tanū́nām /
Halfverse: c    
ripú stená steyakŕ̥d dabʰrám etu ṣá hīyatāṃ tanvā̀3 tánā ca //10// {9}

Verse: 11 
Halfverse: a    
paráḥ astu tanvā̀3 tánā ca tisráḥ pr̥tʰivī́r adʰó astu víśvāḥ /
Halfverse: c    
práti śuṣyatu yáśo asya devā dívā dípsati yáś ca náktam //11//

Verse: 12 
Halfverse: a    
suvijñānáṃ cikitúṣe jánāya sác cā́sac ca vácasī paspr̥dʰāte /
Halfverse: c    
tásyor yát satyáṃ yatarád ŕ̥jīyas tád ít sómo 'vati hánty ásat //12//

Verse: 13 
Halfverse: a    
vā́ u sómo vr̥jináṃ hinoti kṣatríyam mitʰuyā́ dʰāráyantam /
Halfverse: c    
hánti rákṣo hánty ā́sad vádantam ubʰā́v índrasya prásitau śayāte //13//

Verse: 14 
Halfverse: a    
yádi vāhám ánr̥tadevo ásmi mógʰaṃ devā́m̐ apyūhé agne /
Halfverse: c    
kím asmábʰyaṃ jātavedo hr̥ṇīṣe drogʰavā́cas te nirr̥tʰáṃ sacantām //14//

Verse: 15 
Halfverse: a    
adyā́ murīya yádi yātudʰā́no ásmi yádi vā́yus tatápa púruṣasya /
Halfverse: c    
ádʰā vīraír daśábʰir yūyā mógʰaṃ yā́tudʰānéty ā́ha //15//

Verse: 16 
Halfverse: a    
mā́yātuṃ yā́tudʰānety ā́ha rakṣā́ḥ śícir asmī́ty ā́ha /
Halfverse: c    
índras táṃ hantu mahatā́ vadʰéna víśvasya jantór adʰamás padīṣṭa //16//

Verse: 17 
Halfverse: a    
prá yā́ jígāti kʰargáleva náktam ápa druhús tanvàṃ1 gū́hamānā /
Halfverse: c    
vavrám anantám áva sā́ padīṣṭia grā́vāṇo gʰnantu rakṣása upabdaíḥ //17//

Verse: 18 
Halfverse: a    
tiṣṭʰadʰvam maruto vikṣv ì3cʰáta gr̥bʰāyáta rakṣásaḥ sáṃ pinaṣṭan /
Halfverse: c    
váyo bʰūtvā́ patáyanti naktábʰir rípo dadʰiré devé adʰvaré //18//

Verse: 19 
Halfverse: a    
prá vartaya divó 'śmānam indra sómaśitaṃ magʰavant sáṃ śiśādʰi /
Halfverse: c    
prāktó apāktó adʰarā́d udaktó 'bʰí jahi rakṣásaḥ párvatena //19//

Verse: 20 
Halfverse: a    
etá u tyé patayanti śváyātava índraṃ dipsanti dipsávó 'dābʰyam /
Halfverse: c    
śíśīte śakráḥ píśunebʰyo vadʰáṃ nunáṃ sr̥jad aśániṃ yātumádbʰyaḥ //20// {10}

Verse: 21 
Halfverse: a    
índro yātūnā́m abʰavat parāśaró havirmátʰīnām abʰy ā̀3vívāsatām /
Halfverse: c    
abʰī́d u śakráḥ paraśúr yátʰā vánaṃ pā́treva bʰindánt satá etu rakṣásaḥ //21//

Verse: 22 
Halfverse: a    
úlūkayātuṃ śuśulū́kayātuṃ jahí śváyātum utá kókayātum /
Halfverse: c    
suparṇáyātum utá gŕ̥dʰrayātuṃ dr̥ṣádeva prá mr̥ṇa rákṣa indra //22//

Verse: 23 
Halfverse: a    
mā́ no rákṣo abʰí naḍ yātumā́vad ápocʰantu mitʰunā́ kimīdínaḥ /
Halfverse: c    
pr̥tʰivī́ naḥ pā́rtʰivāt pātv áṃhaso 'ntárikṣaṃ divyā́t pātv asmā́n //23//

Verse: 24 
Halfverse: a    
índra jahí púmāṃsaṃ yātudʰā́nam utá stríyaṃ māyáyā śā́śadānām /
Halfverse: c    
vígrīvāso mū́radevā r̥dantu mā́ dr̥śant sū́ryam uccárantam //24//

Verse: 25 
Halfverse: a    
práti cakṣva cakṣvéndraś ca soma jāgr̥tam /
Halfverse: c    
rákṣobʰyo vadʰám asyatam aśániṃ yātumádbʰyaḥ //25// {11}

Hymn: 5 
Verse: 1 
Halfverse: a    
ayáṃ pratisaró maṇír vīró vīrā́ya badʰyate /
Halfverse: c    
vīryàvānt sapatnahā́ śū́ravīraḥ paripā́ṇaḥ sumaṅgálaḥ //1//

Verse: 2 
Halfverse: a    
ayáṃ maṇíḥ sapatnahā́ suvī́raḥ sáhasvān vājī́ sáhamāna ugráḥ /
Halfverse: c    
pratyák kr̥tyā́ dūṣáyann eti vīráḥ //2//

Verse: 3 
Halfverse: a    
anénéndro maṇínā vr̥trám ahann anénā́surān párābʰāvayan manīṣī́ /
Halfverse: c    
anénājayad dyā́vāpr̥tʰivī́ ubʰé imé anénājayat pradíśaś cátasraḥ //3//

Verse: 4 
Halfverse: a    
ayáṃ srāktyó maṇíḥ pratīvartáḥ pratisaráḥ /
Halfverse: c    
ójasvān vimr̥dʰó vaśī́ asmā́n pātu sarvátaḥ //4//

Verse: 5 
Halfverse: a    
tád agnír āha tád u sóma āha bŕ̥haspátiḥ savitā́ tád índraḥ /
Halfverse: c    
me devā́ḥ puróhitāḥ pratī́cīḥ kr̥tyā́ḥ pratisaraír ajantu //5//

Verse: 6 
Halfverse: a    
antár dadʰe dyā́vāpr̥tʰivī́ utā́har utá sū́ryam /
Halfverse: c    
me devā́ḥ puróhitāḥ pratī́cīḥ kr̥tyā́ḥ pratisaraír ajantu //6//

Verse: 7 
Halfverse: a    
srāktyáṃ maṇíṃ jánā vármāṇi kr̥ṇváte /
Halfverse: c    
sū́rya iva dívam ārúhya kr̥tyā́ bādʰate vaśī́ //7//

Verse: 8 
Halfverse: a    
srāktyéna maṇínā ŕ̥ṣiṇeva manīṣíṇā /
Halfverse: c    
ájaiṣaṃ sárvāḥ pŕ̥tanā mŕ̥dʰo hanmi rakṣásaḥ //8//

Verse: 9 
Halfverse: a    
yā́ḥ kr̥tyā́ āṅgirasī́r yā́ḥ kr̥tyā́ āsurī́r yā́ḥ /
Halfverse: c    
kr̥tyā́ḥ svayáṃkr̥tā yā́ u cānyébʰir ā́bʰr̥tāḥ /
Halfverse: e    
ubʰáyīs tā́ḥ párā yantu parāváto navatíṃ nāvyā̀3 áti //9//

Verse: 10 
Halfverse: a    
asmaí maṇíṃ várma badʰnantu devā́ índro víṣṇuḥ savitā́ rudró agníḥ /
Halfverse: c    
prajā́patiḥ parameṣṭʰī́ virā́ḍ vaiśvānará ŕ̥ṣayaś ca sárve //10// {12}

Verse: 11 
Halfverse: a    
uttamó asy óṣadʰīnām anaḍvā́n jágatām iva vyāgʰráḥ śvápadām iva /
Halfverse: c    
yám aícʰāmā́vidāma táṃ pratispā́śanam ántitam //11//

Verse: 12 
Halfverse: a    
íd vyāgʰró bʰavaty átʰo siṃhó átʰo vŕ̥ṣā /
Halfverse: c    
átʰo sapatnakárśano bíbʰartīmáṃ maṇím //12//

Verse: 13 
Halfverse: a    
naínaṃ gʰnanty apsaráso gandʰarvā́ mártyāḥ /
Halfverse: c    
sárvā díśo rājati bíbʰartīmáṃ maṇím //13//

Verse: 14 
Halfverse: a    
kaśyápas tvā́m asr̥jata kaśyápas tvā sám airayat /
Halfverse: c    
ábibʰas tvéndro mā́nuṣe bíbʰrat saṃśreṣiṇé 'jayat /
Halfverse: e    
maṇíṃ sahásravīryaṃ várma devā́ akr̥ṇvata //14//

Verse: 15 
Halfverse: a    
yás tvā kr̥tyā́bʰir yás tvā dīkṣā́bʰir yajñaír yás tvā jígʰāṃsati /
Halfverse: c    
pratyák tvám indra táṃ jahi vájreṇa śatáparvaṇā //15//

Verse: 16 
Halfverse: a    
ayám íd vaí pratīvartá ójasvān saṃjayó maṇíḥ /
Halfverse: c    
prajā́ṃ dʰánaṃ ca rakṣatu paripā́ṇaḥ sumaṅgálaḥ //16//

Verse: 17 
Halfverse: a    
asapatnáṃ no adʰarā́d asapatnáṃ na uttarā́t /
Halfverse: c    
índrāsapatnáṃ naḥ paścā́j jyótiḥ śūra purás kr̥dʰi //17//

Verse: 18 
Halfverse: a    
várma me dyā́vāpr̥tʰivī́ vármā́har várma sū́ryaḥ /
Halfverse: c    
várma ma índraś cāgníś ca várma dʰātā́ dadʰātu me //18//

Verse: 19 
Halfverse: a    
aindrāgnáṃ várma bahuláṃ yád ugráṃ víśve devā́ nā́tivídʰyanti sárve /
Halfverse: c    
tán me tanvàṃ trāyatāṃ sarváto br̥hád ā́yuṣmāṃ jarádaṣṭir yátʰā́sāni //19//

Verse: 20 
Halfverse: a    
ā́ mārukṣad devamaṇír mahyā́ ariṣṭátātaye /
Halfverse: c    
imáṃ metʰím abʰisáṃviśadʰvaṃ tanūpā́naṃ trivárūtʰam ójase //20//

Verse: 21 
Halfverse: a    
asmínn índro dadʰātu nr̥mṇám imáṃ devāso abʰisáṃviśadʰvam /
Halfverse: c    
dīrgʰāyutvā́ya śatáśāradāyā́yuṣmān jarádaṣṭir yátʰā́sat //21//

Verse: 22 
Halfverse: a    
svastidā́ viśā́ṃ pátir vr̥trahā́ vimr̥dʰó vaśī́ /
Halfverse: c    
índro badʰnātu te maṇíṃ jigīvā́m̐ áparājitaḥ /
Halfverse: e    
somapā́ abʰayaṅkaró vŕ̥ṣā /
Halfverse: g    
tvā rakṣatu sarváto dívā náktaṃ ca viśvátaḥ //22// {13}

Hymn: 6 
Verse: 1 
Halfverse: a    
yaú te mātónmamā́rja jātā́yāḥ pativédanau /
Halfverse: c    
durṇā́mā tátra mā́ gr̥dʰad alíṃśa utá vatsápaḥ //1//

Verse: 2 
Halfverse: a    
palālānupalālaú śárkuṃ kókaṃ malimlucáṃ palī́jakam /
Halfverse: c    
āśréṣaṃ vavrívāsasam ŕ̥kṣagrīvaṃ pramīlínam //2//

Verse: 3 
Halfverse: a    
mā́ sáṃ vr̥to mópa sr̥pa ūrū́ mā́va sr̥po 'ntarā́ /
Halfverse: c    
kr̥ṇómy asyai bʰeṣajáṃ bajáṃ durṇāmacā́tanam //3//

Verse: 4 
Halfverse: a    
durṇā́mā ca sunā́mā cobʰā́ samvŕ̥tam icʰataḥ /
Halfverse: c    
arā́yān ápa hanmaḥ sunā́mā straíṇam icʰatām //4//

Verse: 5 
Halfverse: a    
yáḥ kr̥ṣṇáḥ keśy ásura stambajá utá túṇḍikaḥ /
Halfverse: c    
arā́yān asyā muṣkā́bʰyāṃ bʰáṃsasó 'pa hanmasi //5//

Verse: 6 
Halfverse: a    
anujigʰráṃ pramr̥śántaṃ kravyā́dam utá rerihám /
Halfverse: c    
arā́yāṃ cʰvakiṣkíṇo bajáḥ piṅgó anīnaśat //6//

Verse: 7 
Halfverse: a    
yás tvā svápne nipádyate bʰrā́tā bʰūtvā́ pitéva ca /
Halfverse: c    
bajás tā́nt sahatām itáḥ klībárūpāṃs tirītínaḥ //7//

Verse: 8 
Halfverse: a    
yás tvā svapántīṃ tsárati yás tvā dípsati jā́gratīm /
Halfverse: c    
cʰāyā́m iva prá tā́nt sū́ryaḥ parikrā́mann anīnaśat //8//

Verse: 9 
Halfverse: a    
yáḥ kr̥ṇóti mr̥távatsām ávatokām imā́ṃ stríyam /
Halfverse: c    
tám oṣadʰe tváṃ nāśayāsyā́ḥ kamálam añjivám //9//

Verse: 10 
Halfverse: a    
śā́lāḥ parinŕ̥tyanti sāyáṃ gardabʰanādínaḥ /
Halfverse: c    
kusū́lā ca kukṣilā́ḥ kakubʰā́ḥ karúmāḥ srímāḥ /
Halfverse: e    
tā́n oṣadʰe tváṃ gandʰéna viṣūcī́nān nāśaya //10// {14}

Verse: 11 
Halfverse: a    
kukúndʰāḥ kukírabʰāḥ kŕ̥ttīr dūrśā́ni bíbʰrati /
Halfverse: c    
klībā́ iva pranŕ̥tyanto váne kurváte gʰóṣaṃ tā́n itó nāśayāmasi //11//

Verse: 12 
Halfverse: a    
sū́ryaṃ títikṣanta ātápantam amúṃ diváḥ /
Halfverse: c    
arā́yān bastavāsíno durgándʰīṃl lóhitāsyān mákakān nāśayāmasi //12//

Verse: 13 
Halfverse: a    
ātmā́nam atimātrám áṃsa ādʰā́ya bíbʰrati /
Halfverse: c    
strīṇā́ṃ śroṇipratodína índra rákṣāṃsi nāśaya //13//

Verse: 14 
Halfverse: a    
pū́rve badʰvò3 yánti háste śŕ̥ṅgāni bíbʰrataḥ /
Halfverse: c    
āpākestʰā́ḥ prahāsína stambé kurváte jyótis tā́n itó nāśayāmasi //14//

Verse: 15 
Halfverse: a    
yéṣām paścā́t prápadāni puráḥ pā́rṣṇīḥ puró múkʰā /
Halfverse: c    
kʰalajā́ḥ śakadʰūmajā́ úruṇḍā ca maṭmaṭā́ḥ kumbʰámuṣkā ayāśávaḥ /
Halfverse: e    
tā́n asyā́ brahmaṇas pate pratībodʰéna nāśaya //15//

Verse: 16 
Halfverse: a    
paryastākṣā́ ápracaṅkaśā astraiṇā́ḥ santu páṇḍagāḥ /
Halfverse: c    
áva bʰeṣaja pādaya imā́ṃ saṃvívr̥tsaty ápatiḥ svapatíṃ stríyam //16//

Verse: 17 
Halfverse: a    
uddʰarṣíṇaṃ múnikeśaṃ jambʰáyantaṃ marīmŕ̥śám /
Halfverse: c    
upéṣantam udumbálaṃ tuṇḍélam utá śā́luḍam /
Halfverse: e    
padā́ prá vidʰya pā́rṣṇyā stʰālī́ṃ gaúr iva spandanā́ //17//

Verse: 18 
Halfverse: a    
yás te gárbʰaṃ pratimr̥śā́j jātáṃ māráyāti te /
Halfverse: c    
piṅgás tám ugrádʰanvā kr̥ṇótu hr̥dayāvídʰam //18//

Verse: 19 
Halfverse: a    
amnó jatā́n māráyanti sū́tikā anuśérate /
Halfverse: c    
strī́bʰāgān piṅgó gandʰarvā́n vā́to abʰrám ivājatu //19//

Verse: 20 
Halfverse: a    
párisr̥ṣṭaṃ dʰarayatu yád dʰitáṃ mā́va pādi tát /
Halfverse: c    
gárbʰaṃ ta ugraú rakṣatām bʰeṣajaú nīvibʰāryaù //20// {15}

Verse: 21 
Halfverse: a    
pavīnasā́t taṅgalvā̀3c cʰā́yakād utá nágnakāt /
Halfverse: c    
prajā́yai pátye tvā piṅgáḥ pári pātu kimīdínaḥ //21//

Verse: 22 
Halfverse: a    
dvyā̀syāc caturakṣā́t páñcapadād anaṅguréḥ /
Halfverse: c    
vŕ̥ntād abʰí prasárpataḥ pári pāhi varīvr̥tā́t //22//

Verse: 23 
Halfverse: a    
āmáṃ mā́msam adanti paúruṣeyaṃ ca kravíḥ /
Halfverse: c    
gárbʰān kʰā́danti keśavā́s tā́n itó nāśayāmasi //23//

Verse: 24 
Halfverse: a    
sū́ryāt parisárpanti snuṣéva śváśurād ádʰi /
Halfverse: c    
bajáś ca téṣāṃ piṅgáś ca hŕ̥dayé 'dʰi vidʰyatām //24//

Verse: 25 
Halfverse: a    
píṅga rákṣa jā́yamānaṃ mā́ púmāṃsaṃ stríyaṃ kran /
Halfverse: c    
āṇḍā́do gárbʰān mā́ dabʰan bā́dʰasvetáḥ kimīdínaḥ //25//

Verse: 26 
Halfverse: a    
aprajā́stvaṃ mā́rtavatsam ā́d ródam agʰám āvayám /
Halfverse: c    
vr̥kṣā́d iva srájam kr̥tvā́priye práti muñca tát //26// {16}

Hymn: 7 
Verse: 1 
Halfverse: a    
yā́ babʰrávo yā́ś ca śukrā́ róhiṇīr utá pŕ̥śnayaḥ /
Halfverse: c    
ásiknīḥ kr̥ṣṇā́ óṣadʰīḥ sárvā acʰā́vadāmasi //1//

Verse: 2 
Halfverse: a    
trā́yantām imáṃ púrusaṃ yákṣmād devéṣitād ádʰi /
Halfverse: c    
yā́sām dyaúḥ pitā́ pr̥tʰivī́ mātā́ samudró mū́laṃ vīrúdʰāṃ babʰū́va //2//

Verse: 3 
Halfverse: a    
ā́po ágraṃ divyā́ óṣadʰayaḥ /
Halfverse: c    
tā́s te yákṣmam enasyà1m áṅgādaṅgād anīnaśan //3//

Verse: 4 
Halfverse: a    
prastr̥ṇatī́ stambínīr ékaśuṅgāḥ pratanvatī́r óṣadʰīr ā́ vadāmi /
Halfverse: c    
aṃśumátīḥ kaṇḍínīr yā́ víśākʰā hváyāmi te vīrúdʰo vaiśvadevī́r ugrā́ḥ puruṣajī́vanīḥ //4//

Verse: 5 
Halfverse: a    
yád vaḥ sáhaḥ sahamānā vīryàṃ1 yác ca vo bálam /
Halfverse: c    
ténemám asmā́d yákṣmāt púruṣaṃ muñcatauṣadʰīr átʰo kr̥ṇomi bʰeṣajám //5//

Verse: 6 
Halfverse: a    
jīvalā́ṃ nagʰāriṣā́ṃ jīvantī́m óṣadʰīm ahám /
Halfverse: c    
arundʰatī́m unnáyantīṃ puṣpā́m mádʰumatīm ihá huve 'smā́ ariṣṭátātaye //6//

Verse: 7 
Halfverse: a    
ihā́ yantu prácetaso medínīr vácaso máma /
Halfverse: c    
yátʰemáṃ pāráyāmasi púruṣaṃ duritā́d ádʰi //7//

Verse: 8 
Halfverse: a    
agnér gʰāsó apā́ṃ gárbʰo yā́ róhanti púnarṇavāḥ /
Halfverse: c    
dʰruvā́ḥ sahásranāmnī́r bʰeṣajī́ḥ santv ā́bʰr̥tāḥ //8//

Verse: 9 
Halfverse: a    
avákolbā udákātmāna óṣadʰayaḥ /
Halfverse: c    
vyr̥̀ṣantu duritáṃ tīkṣṇaśr̥ṅgyàḥ //9//

Verse: 10 
Halfverse: a    
unmuñcántīr vivaruṇā́ ugrā́ yā́ viṣadū́ṣanīḥ /
Halfverse: c    
átʰo balāsanā́śanīḥ kr̥tyādū́ṣaṇīś ca yā́s tā́ ihā́ yantv óṣadʰīḥ //10// {17}

Verse: 11 
Halfverse: a    
apakrītā́ḥ sáhīyasīr vīrúdʰo yā́ abʰíṣṭutāḥ /
Halfverse: c    
trā́yantām asmín grā́me gā́m áśvaṃ púruṣaṃ paśúm //11//

Verse: 12 
Halfverse: a    
mádʰuman mū́laṃ mádʰumad ágram āsām mádʰuman mádʰyaṃ vīrúdʰāṃ babʰūva /
Halfverse: c    
mádʰumat parṇáṃ mádʰumat púṣpam āsāṃ mádʰoḥ sámbʰaktā amŕ̥tasya bʰakṣó gʰr̥tám ánnaṃ duhratāṃ gópurogavam //12//

Verse: 13 
Halfverse: a    
yā́vatīḥ kíyatīś cemā́ḥ pr̥tʰivyā́m ádʰy óṣadʰīḥ /
Halfverse: c    
tā́ sahasraparṇyò mr̥tyór muñcantv áṃhasaḥ //13//

Verse: 14 
Halfverse: a    
vaíyāgʰro maṇír vīrúdʰāṃ trā́yamāno 'bʰiśastipā́ḥ /
Halfverse: c    
ámīvāḥ sárvā rákṣāṃsy ápa hantv ádʰi dūrám asmát //14//

Verse: 15 
Halfverse: a    
síṃhasyeva stanátʰoḥ sáṃ vijante 'gnér iva vijante ā́bʰr̥tābʰyaḥ /
Halfverse: c    
gávāṃ yákṣmaḥ púruṣāṇāṃ vīrúdbʰir átinutto nāvyā̀ etu srotyā́ḥ //15//

Verse: 16 
Halfverse: a    
mumucānā́ óṣadʰayo 'gnér vaiśvānarā́d ádʰi /
Halfverse: c    
bʰū́miṃ saṃtavatī́r ita yā́sāṃ rā́jā vánaspátiḥ //16//

Verse: 17 
Halfverse: a    
yā́ róhanty āṅgirasī́ḥ párvateṣu saméṣu ca /
Halfverse: c    
tā́ naḥ páyasvatīḥ śivā́ óṣadʰīḥ santu śáṃ hr̥dé //17//

Verse: 18 
Halfverse: a    
yā́ś cāháṃ véda vīrúdʰo yā́ś ca páśyāmi cákṣuṣā /
Halfverse: c    
ájñātā jānīmáś ca yā́ yā́su vidmá ca sáṃbʰr̥tam //18//

Verse: 19 
Halfverse: a    
sárvāḥ samagrā́ óṣadʰīr bódʰantu vácaso máma /
Halfverse: c    
yátʰemáṃ pāráyāmasi púruṣam duritā́d ádʰi //19//

Verse: 20 
Halfverse: a    
aśvattʰó darbʰó vīrúdʰāṃ sómo rā́jāmŕ̥taṃ havíḥ /
Halfverse: c    
vrīhír yávaś ca bʰeṣajaú divási putrā́v ámartyau //20// {18}

Verse: 21 
Halfverse: a    
új jihīdʰve stanáyaty abʰikrándaty oṣadʰīḥ /
Halfverse: c    
yadā́ vaḥ pr̥śnimātaraḥ parjányo rétasā́vati //21//

Verse: 22 
Halfverse: a    
tásyāmŕ̥tasyemáṃ bálaṃ púruṣaṃ payayāmasi /
Halfverse: c    
átʰo kr̥ṇomi bʰeṣajáṃ yátʰā́sac cʰatáhāyanaḥ //22//

Verse: 23 
Halfverse: a    
varāhó veda vīrúdʰaṃ nakuló veda bʰeṣajī́m /
Halfverse: c    
sarpā́ gandʰarvā́ yā́ vidús tā́ asmā́ ávase huve //23//

Verse: 24 
Halfverse: a    
yā́ḥ suparṇā́ āṅgirasī́r divyā́ yā́ ragʰáto vidúḥ /
Halfverse: c    
váyāṃsi haṃsā́ yā́ vidúr yā́s ca sárve patatríṇaḥ /
Halfverse: e    
mr̥gā́ yā́ vidúr óṣadʰīs tā́ asmā́ ávase huve //24//

Verse: 25 
Halfverse: a    
yā́vatīnām óṣadʰīnāṃ gā́vaḥ prāśnánty agʰnyā́ yávatīnām ajāváyaḥ /
Halfverse: c    
tā́vatīs túbʰyam óṣadʰīḥ śárma yácʰantv ā́bʰr̥tāḥ //25//

Verse: 26 
Halfverse: a    
yā́vatīṣu manuṣyā̀ bʰeṣajáṃ bʰiṣájo vidúḥ /
Halfverse: c    
tā́vatīr viśvábʰeṣajīr ā́ bʰarāmi tvā́m abʰí //26//

Verse: 27 
Halfverse: a    
púṣpavatīḥ prasū́matīḥ pʰalínīr apʰalā́ utá /
Halfverse: c    
saṃmātára iva duhrām asmā́ ariṣṭátātaye //27//

Verse: 28 
Halfverse: a    
út tvāhārṣaṃ páñcaśalād átʰo dáśaśalād utá /
Halfverse: c    
átʰo yámasya páḍvīśād víśvasmād devakilbiṣā́t //28// {19}

Hymn: 8 
Verse: 1 
Halfverse: a    
índro mantʰatu mántʰitā śakráḥ śū́raḥ puraṃdaráḥ /
Halfverse: c    
yátʰā hánāma sénā amítrāṇāṃ sahasraśáḥ //1//

Verse: 2 
Halfverse: a    
pūtirajjúr upadʰmā́nī pū́tiṃ sénāṃ kr̥ṇotv amū́m /
Halfverse: c    
dʰūmám agním parādŕ̥śyā 'mítrā hr̥tsv ā́ dadʰatāṃ bʰayám //2//

Verse: 3 
Halfverse: a    
amū́n aśvattʰa níḥ śr̥ṇīhi kʰā́dāmū́n kʰadirājirám /
Halfverse: c    
tājádbʰáṅga iva bʰajantāṃ hántv enān vádʰako vadʰaíḥ //3//

Verse: 4 
Halfverse: a    
paruṣā́n amū́n paruṣāhváḥ kr̥ṇotu hántv enān vádʰako vadʰaíḥ /
Halfverse: c    
kṣipráṃ śará iva bʰajantāṃ br̥hajjāléna sáṃditāḥ //4//

Verse: 5 
Halfverse: a    
antárikṣaṃ jā́lam āsīj jāladaṇḍā́ díśo mahī́ḥ /
Halfverse: c    
ténābʰidʰā́ya dásyūnāṃ śakráḥ sénām ápāvapat //5//

Verse: 6 
Halfverse: a    
br̥hád dʰí jā́laṃ br̥hatáḥ śakrásya vājínīvataḥ /
Halfverse: c    
téna śátrūn abʰí sárvān ny ùbja yátʰā múcyātai katamáś canaíṣām //6//

Verse: 7 
Halfverse: a    
br̥hát te jā́laṃ br̥hatá indra śūra sahasrārgʰásya śatávīryasya /
Halfverse: c    
téna śatáṃ sahásram ayútaṃ nyàrbudaṃ jagʰā́na śakró dásyūnām abʰidʰā́ya sénayā //7//

Verse: 8 
Halfverse: a    
ayáṃ lokó jā́lam āsīc cʰakrásya maható mahā́n /
Halfverse: c    
ténāhám indrajālénāmū́ṃs támasābʰí dadʰāmi sárvān //8//

Verse: 9 
Halfverse: a    
sedír ugrā́ vyr̥̀ddʰir ā́rtiś cānapavācanā́ /
Halfverse: c    
śrámas tandrī́ś ca móhaś ca taír amū́n abʰí dadʰāmi sárvān //9//

Verse: 10 
Halfverse: a    
mr̥tyáve 'mū́n prá yacʰāmi mr̥tyupāśaír amī́ sitā́ḥ /
Halfverse: c    
mr̥tyór agʰalā́ dūtā́s tébʰya enān práti nayāmi baddʰvā́ //10// {20}

Verse: 11 
Halfverse: a    
náyatāmū́n mr̥tyudūtā yámadūtā ápombʰata /
Halfverse: c    
paraḥsahasrā́ hanyantāṃ tr̥ṇédv enān matyàṃ bʰavásya //11//

Verse: 12 
Halfverse: a    
sādʰyā́ ékaṃ jāladaṇḍám udyátya yanty ójasā /
Halfverse: c    
rudrā́ ékaṃ vásava ékam ādityaír éka údyataḥ //12//

Verse: 13 
Halfverse: a    
víśve devā́ḥ upáriṣṭād ubjánto yantv ójasā /
Halfverse: c    
mádʰyena gʰnánto yantu sénām áṅgiraso mahī́m //13//

Verse: 14 
Halfverse: a    
vánaspátīn vānaspatyā́n óṣadʰīr utá vīrúdʰaḥ /
Halfverse: c    
dvipā́c cátuṣpād iṣṇāmi yátʰā sénām amū́ṃ hánan //14//

Verse: 15 
Halfverse: a    
gandʰarvāpsarásaḥ sarpā́n devā́n puṇyajanā́n pitŕ̥̄n /
Halfverse: c    
dr̥ṣṭā́n adŕ̥ṣṭān iṣṇāmi yátʰā sénām amū́ṃ hánan //15//

Verse: 16 
Halfverse: a    
imá uptā́ mr̥tyupāśā́ yā́n ākrámya mucyáse /
Halfverse: c    
amúṣyā hantu sénāyā idáṃ kū́taṃ sahasraśáḥ //16//

Verse: 17 
Halfverse: a    
gʰarmáḥ sámiddʰo agnínāyáṃ hómaḥ sahasraháḥ /
Halfverse: c    
bʰaváś ca pŕ̥śnibāhuś ca śárva sénām amū́ṃ hatam //17//

Verse: 18 
Halfverse: a    
mr̥tyór ā́ṣam ā́ padyantāṃ kṣúdʰaṃ sedíṃ vadʰám bʰayám /
Halfverse: c    
índraś cākṣujālā́bʰyāṃ śárva sénām amū́ṃ hatam //18//

Verse: 19 
Halfverse: a    
párājitāḥ prá trasatāmitrā nuttā́ dʰāvata bráhmaṇā /
Halfverse: c    
bŕ̥haspátipranuttānāṃ mā́mī́ṣāṃ moci káś caná //19//

Verse: 20 
Halfverse: a    
áva padyantām eṣām ā́yudʰāni mā́ śakan pratidʰā́m íṣum /
Halfverse: c    
átʰaiṣāṃ bahú bíbʰyatām íṣavaḥ gʰnantu mármaṇi //20//

Verse: 21 
Halfverse: a    
sáṃ krośatām enān dyā́vāpr̥tʰivī́ sám antárikṣaṃ sahá devátābʰiḥ /
Halfverse: c    
mā́ jñātā́raṃ mā́ pratiṣṭʰā́ṃ vidanta mitʰó vigʰnānā́ úpa yantu mr̥tyúm //21//

Verse: 22 
Halfverse: a    
díśaś cátasro 'śvataryò devaratʰásya purodā́śāḥ śapʰā́ antárikṣam uddʰíḥ /
Halfverse: c    
dyā́vāpr̥tʰivī́ pákṣasī r̥távo 'bʰī́śavo 'ntardeśā́ḥ kimkarā́ vā́k páriratʰyam //22//

Verse: 23 
Halfverse: a    
saṃvatsaró rátʰaḥ parivatsaró ratʰopastʰó virā́ḍ īṣā́gnī́ ratʰamukʰám /
Halfverse: c    
índraḥ savyaṣṭʰā́ś candrámāḥ sā́ratʰiḥ //23//

Verse: 24 
Halfverse: a    
itó jayetó jaya sáṃ jaya jáya svā́hā /
Halfverse: c    
imé jayantu párāmī́ jayantāṃ svā́haibʰyó durā́hāmī́bʰyaḥ /
Halfverse: e    
nīlalohiténāmū́n abʰyávatanomi //24// {21}

Hymn: 9 
Verse: 1 
Halfverse: a    
kútas taú jātaú katamáḥ árdʰaḥ kásmāl lokā́t katamásyāḥ pr̥tʰivyā́ḥ /
Halfverse: c    
vatsaú virā́jaḥ salilā́d úd aitāṃ taú tvā pr̥cʰāmi kataréṇa dugdʰā́ //1//

Verse: 2 
Halfverse: a    
ákrandayat saliláṃ mahitvā́ yóniṃ kr̥tvā́ tribʰújaṃ śáyānaḥ /
Halfverse: c    
vatsáḥ kāmadúgʰo virā́jaḥ gúhā cakre tanvàḥ parācaíḥ //2//

Verse: 3 
Halfverse: a    
yā́ni trī́ṇi br̥hánti yéṣāṃ caturtʰáṃ viyunákti vā́cam /
Halfverse: c    
brahmaínad vidyāt tápasā vipaścíd yásminn ékaṃ yujyáte yásminn ékam //3//

Verse: 4 
Halfverse: a    
br̥hatáḥ pári sā́māni ṣaṣṭʰā́t páñcā́dʰi nírmitā /
Halfverse: c    
br̥hád br̥hatyā́ nírmitaṃ kútó 'dʰi br̥hatī́ mitā́ //4//

Verse: 5 
Halfverse: a    
br̥hatī́ pári mā́trāyā mātúr mā́trā́dʰi nírmitā /
Halfverse: c    
māyā́ ha jajñe māyā́yā māyā́yā mā́talī pári //5//

Verse: 6 
Halfverse: a    
vaiśvānarásya pratimópári dyaúr yā́vad ródasī vibabādʰé agníḥ /
Halfverse: c    
tátaḥ ṣaṣṭʰā́d ā́múto yanti stómā úd itó yanty abʰí ṣaṣṭʰám áhnaḥ //6//

Verse: 7 
Halfverse: a    
ṣáṭ tvā pr̥cʰāma ŕ̥ṣayaḥ kaśyapemé tváṃ yuktáṃ yuyukṣé yógyaṃ ca /
Halfverse: c    
virā́jam āhur bráhmaṇaḥ pitáraṃ tā́ṃ no dʰehi yatidʰā́ sákʰibʰyaḥ //7//

Verse: 8 
Halfverse: a    
yā́ṃ prácyutām ánu yajñā́ḥ pracyávanta upatíṣṭʰanta upatíṣṭʰamānām /
Halfverse: c    
yásyā vraté prasavé yakṣám éjati sā́ virā́ṭ r̥ṣayaḥ paramé vyòman //8//

Verse: 9 
Halfverse: a    
aprāṇaíti prāṇéna prāṇatī́nāṃ virā́ṭ svarā́jam abʰy èti paścā́t /
Halfverse: c    
víśvaṃ mr̥śántīm abʰírūpāṃ virā́jaṃ páśyanti tvé na tvé paśyanty enām //9//

Verse: 10 
Halfverse: a    
virā́jo mitʰunatváṃ prá veda r̥tū́n u kálpam asyāḥ /
Halfverse: c    
krámān asyāḥ katidʰā́ vídugdʰān asyā dʰā́ma katidʰā́ vyùṣṭīḥ //10// {22}

Verse: 11 
Halfverse: a    
iyám evá sā́ yā́ pratʰamā́ vyaúcʰad āsv ítarāsu carati práviṣṭā /
Halfverse: c    
mahā́nto asyāṃ mahimā́no antár vadʰū́r jigāya navagáj jánitrī //11//

Verse: 12 
Halfverse: a    
cʰándaḥpakṣe uṣásā pépiśāne samānáṃ yónim ánu sáṃ careme /
Halfverse: c    
sū́ryapatnī sáṃ carataḥ prajānatī́ ketumátī ajáre bʰū́riretasā //12//

Verse: 13 
Halfverse: a    
r̥tásya pántʰām ánu tisrá ā́gus tráyo gʰarmā́ ánu réta ā́guḥ /
Halfverse: c    
prajā́m ékā jínvaty ū́rjam ékā rāṣṭrám ékā rakṣati devayūnā́m //13//

Verse: 14 
Halfverse: a    
agnī́ṣómāv adadʰur yā́ turī́yā́sīd yajñásya pakṣā́v ŕ̥ṣayaḥ kalpáyantaḥ /
Halfverse: c    
gāyatrī́ṃ triṣṭúbʰaṃ jágatīm anuṣṭúbʰaṃ br̥hadarkī́ṃ yájamānāya svàr ābʰárantīm //14//

Verse: 15 
Halfverse: a    
páñca vyùṣṭīr ánu páñca dóhā gā́ṃ páñcanāmnīm r̥távó 'nu páñca /
Halfverse: c    
páñca díśaḥ pañcadaśéna kḷptā́s tā́ ékamūrdʰnīr abʰí lokám ékam //15//

Verse: 16 
Halfverse: a    
ṣáṭ jātā́ bʰūtā́ pratʰamajā́ r̥tásya ṣáṭ u sā́māni ṣaṭaháṃ vahanti /
Halfverse: c    
ṣaṭyogáṃ sī́ram ánu sā́masāma ṣáṭ āhur dyā́vāpr̥tʰivī́ḥ ṣáṭ urvī́ḥ //16//

Verse: 17 
Halfverse: a    
ṣáḍ āhuḥ śītā́n ṣáḍ u māsá uṣṇā́n r̥túṃ no brū́ta yatamó 'tiriktaḥ /
Halfverse: c    
saptá suparṇā́ḥ kaváyo ṣeduḥ saptá cʰándāṃsy ánu saptá dīkṣā́ḥ //17//

Verse: 18 
Halfverse: a    
saptá hómāḥ samídʰo ha saptá mádʰūni saptá r̥távo ha saptá /
Halfverse: c    
saptā́jyāni pári bʰūtám āyan tā́ḥ saptagr̥dʰrā́ íti śuśrumā vayám //18//

Verse: 19 
Halfverse: a    
saptá cʰándāṃsi caturuttarā́ṇy anyó anyásminn ádʰy ā́rpitāni /
Halfverse: c    
katʰáṃ stómāḥ práti tiṣṭʰanti téṣu tā́ni stómeṣu katʰám ā́rpitāni //19//

Verse: 20 
Halfverse: a    
katʰáṃ gāyatrī́ trivŕ̥taṃ vy ā̀pa katʰáṃ triṣṭúp pañcadaśéna kalpate /
Halfverse: c    
trayastriṃśéna jágatī katʰám anuṣṭúp katʰám ekaviṃśáḥ //20// {23}

Verse: 21 
Halfverse: a    
aṣṭá jātā́ bʰūtā́ pratʰamajā́ r̥tásyāṣṭéndra r̥tvíjo daívyā /
Halfverse: c    
aṣṭáyonir áditir aṣṭáputrāstamī́ṃ rā́trim abʰí havyám eti //21//

Verse: 22 
Halfverse: a    
ittʰáṃ śréyo mányamānedám ā́gamaṃ yuṣmā́kaṃ sakʰyé ahám asmi śévā /
Halfverse: c    
samānájanmā krátur asti váḥ śiváḥ vaḥ sárvāḥ sáṃ carati prajānán //22//

Verse: 23 
Halfverse: a    
aṣṭéndrasya ṣáḍ yamásya ŕ̥ṣīṇāṃ saptá saptadʰā́ /
Halfverse: c    
apó manuṣyā̀3n óṣadʰīs tā́m̐ u páñcā́nu secire //23//

Verse: 24 
Halfverse: a    
kévalī́ndrāya duduhé gr̥ṣṭír váśam pīyū́ṣaṃ pratʰamáṃ dúhānā /
Halfverse: c    
átʰātarpayac catúraś caturdʰā́ devā́n manuṣyā̀3m̐ ásurān utá ŕ̥ṣīn //24//

Verse: 25 
Halfverse: a    
gaúḥ ekar̥ṣíḥ kím u dʰā́ma kā́ āśíṣaḥ /
Halfverse: c    
yakṣám pr̥tʰivyā́m ekavŕ̥d ekartúḥ katamó sáḥ //25//

Verse: 26 
Halfverse: a    
ekó gaúr éka ekar̥ṣír ékaṃ dʰā́maikadʰā́śíṣaḥ /
Halfverse: c    
yakṣáṃ pr̥tʰivyā́m ekavŕ̥d ekartúr nā́ti ricyate //26// {24}

Hymn: 10 

Verse: 1_{1} 
Halfverse: a    
virā́ḍ vā́ idám ágra āsīt tásyā jātā́yāḥ sárvam abibʰed iyám evédáṃ bʰaviṣyátī́ti //1//

Verse: 2 
Halfverse: a    
sód akrāmat sā́ gā́rhapatye ny àkrāmat /
Halfverse: c    
gr̥hamedʰī́ gr̥hápatir bʰavati eváṃ véda //2//

Verse: 3 
Halfverse: a    
sód akrāmat sā́havanī́ye ny àkrāmat /
Halfverse: c    
yánty asya devā́ deváhūtiṃ priyó devā́nāṃ bʰavati eváṃ véda //3//

Verse: 4 
Halfverse: a    
sód akrāmat sā́ dakṣiṇāgnaú ny àkrāmat /
Halfverse: c    
yajñárto dakṣiṇī́yo vā́sateyo bʰavati eváṃ véda //4//

Verse: 5 
Halfverse: a    
sód akrāmat sā́ sabʰā́yāṃ ny àkrāmat /
Halfverse: c    
yánty asya sabʰā́ṃ sábʰyo bʰavati eváṃ véda //5//

Verse: 6 
Halfverse: a    
sód akrāmat sā́ sámitau ny àkrāmat /
Halfverse: c    
yánty asya sámitiṃ sāmityó bʰavati eváṃ véda //6//

Verse: 7 
Halfverse: a    
sód akrāmat sā́mántraṇe ny àkrāmat /
Halfverse: c    
yánty asyāmántraṇam āmantraṇī́yo bʰavati eváṃ véda //7// {25}


Verse: 8_{2} 
Halfverse: a    
sód akrāmat sā́ntárikṣe caturdʰā́ víkrāntātiṣṭʰat //8//

Verse: 9 
Halfverse: a       
tā́ṃ devamanuṣyā̀ abruvann iyám evá tád veda yád ubʰáya upajī́vememā́m úpa hvayāmahā íti //9//

Verse: 10 
Halfverse: a    
tā́m úpāhvayanta //10//

Verse: 11 
Halfverse: a    
ū́rja éhi svádʰa ehi sū́nr̥ta éhī́rāvaty éhī́ti //10//

Verse: 12 
Halfverse: a    
tásyā índro vatsá ā́sīd gāyatry àbʰidʰā́ny abʰrám ū́dʰaḥ //11//

Verse: 13 
Halfverse: a    
br̥hác ca ratʰaṃtaráṃ ca dvaú stánāv ā́stāṃ yajñāyajñíyaṃ ca vāmadevyáṃ ca dvaú //12//

Verse: 14 
Halfverse: a    
óṣadʰīr evá ratʰaṃtaréṇa devā́ aduhran vyáco br̥hát //13//

Verse: 15 
Halfverse: a    
apó vāmadevyéna yajñáṃ yajñāyajñíyena //14//

Verse: 16 
Halfverse: a    
óṣadʰīr evā́smai ratʰaṃtaráṃ duhe vyáco br̥hát //16//

Verse: 17 
Halfverse: a    
apó vāmadevyáṃ yajñáṃ yajñāyajñíyaṃ véda //17// {26}


Verse: 18_{3} 
Halfverse: a    
sód akrāmat sā́ vánaspátīn ā́gacʰat tā́ṃ vánaspátayo 'gʰnata sā́ saṃvatsaré sám abʰavat /
Halfverse: c    
tásmād vánaspátīnāṃ saṃvatsaré vr̥kṇám ápi rohati vr̥ścáte 'syā́priyo bʰrā́tr̥vyo eváṃ véda //18//

Verse: 19 
Halfverse: a    
sód akrāmat sā́ pitŕ̥̄n ā́gacʰat tā́ṃ pitáro 'gʰnata sā́ māsí sám abʰavat /
Halfverse: c    
tásmāt pitŕ̥bʰyo māsy úpamāsyaṃ dadati prá pitr̥yā́ṇaṃ pántʰāṃ jānāti eváṃ véda //19//

Verse: 20 
Halfverse: a    
sód akrāmat sā́ devā́n ā́gacʰat tā́ṃ devā́ agʰnata sā́rdʰamāsé sám abʰavat /
Halfverse: c    
tásmād devébʰyo 'rdʰamāsé váṣaṭ kurvanti prá devayā́naṃ pántʰāṃ jānāti eváṃ véda //20//

Verse: 21 
Halfverse: a    
sód akrāmat sā́ manuṣyā̀3n ā́gacʰat tā́ṃ manuṣyā̀ agʰnata sā́ sadyáḥ sám abʰavat /
Halfverse: c    
tásmān manuṣyèbʰya ubʰayadyúr úpa haranty úpāsya gr̥hé haranti eváṃ véda //21// {27}


Verse: 22_{4} 
Halfverse: a    
sód akrāmat sā́surān ā́gacʰat tā́m ásurā úpāhvayanta mā́ya éhī́ti /
Halfverse: c    
tásyā virócanaḥ prā́hrādir vatsá ā́sīd ayaspātráṃ pā́tram /
Halfverse: e    
tā́ṃ dvímūrdʰārtvyò 'dʰok tā́ṃ māyā́m evā́dʰok /
Halfverse: g    
tā́ṃ māyā́m ásurā úpa jīvanty upajīvanī́yo bʰavati eváṃ véda //22//

Verse: 23 
Halfverse: a    
sód akrāmat sā́ pitŕ̥̄n ā́gacʰat tā́ṃ pitára úpāhvayanta svádʰa éhī́ti /
Halfverse: c    
tásyā yamó rā́jā vatsá ā́sīd rajatapātráṃ pā́tram /
Halfverse: e    
tā́m ántako mārtyavó 'dʰok tā́ṃ svadʰā́m evā́dʰok /
Halfverse: g    
tā́ṃ svadʰā́ṃ pitára úpa jīvanty upajīvanī́yo bʰavati eváṃ véda //23//

Verse: 24 
Halfverse: a       
sód akrāmat sā́ manuṣyā̀3n ā́gacʰat tā́ṃ manuṣyā̀3 úpāhvayantérāvaty éhī́ti /
Halfverse: c    
tásyā mánur vaivasvató vatsá ā́sīt pr̥tʰivī́ pā́tram /
Halfverse: e    
tā́ṃ pŕ̥tʰī vainyò 'dʰok tā́ṃ kr̥ṣíṃ ca sasyáṃ cādʰok /
Halfverse: g    
kr̥ṣíṃ ca sasyáṃ ca manuṣyā̀3 úpa jīvanti kr̥ṣṭárādʰir upajīvanī́yo bʰavati eváṃ véda //24//

Verse: 25 
Halfverse: a    
sód akrāmat sā́ saptar̥ṣī́n ā́gacʰat tā́ṃ saptar̥ṣáya úpāhvayanta bráhmaṇvaty éhī́ti /
Halfverse: c    
tásyāḥ sómo rā́jā vatsá ā́sīc cʰándaḥ pā́tram /
Halfverse: e    
tā́ṃ bŕ̥haspátir āṅgirasó 'dʰok tā́ṃ bráhma ca tápaś cādʰok /
Halfverse: g    
tád bráhma ca tápaś ca saptar̥ṣáya úpa jīvanti brahmavarcasy ùpajīvanī́yo bʰavati eváṃ véda //25// {28}


Verse: 26_{5} 
Halfverse: a    
sód akrāmat sā́ devā́n ā́gacʰat tā́ṃ devā́ úpāhvayantórja éhī́ti /
Halfverse: c    
tásyā índro vatsá ā́sīc camasáḥ pā́tram /
Halfverse: e    
tā́ṃ deváḥ savitā́dʰok tā́m ūrjā́m evā́dʰok /
Halfverse: g    
tā́m ūrjā́ṃ devā́ úpa jīvanty upajīvanī́yo bʰavati eváṃ véda //26//

Verse: 27 
Halfverse: a    
sód akrāmat sā́ gandʰarvāpsarása ā́gacʰat tā́ṃ gandʰarvāpsarása úpāhvayanta púṇyagandʰa éhī́ti /
Halfverse: c    
tásyāś citráratʰaḥ sauryavarcasó vatsá ā́sīt puṣkaraparṇáṃ pā́tram /
Halfverse: e    
tā́ṃ vásuruciḥ sauryavarcasó 'dʰok tā́ṃ púṇyam evá gandʰám adʰok /
Halfverse: g    
tā́ṃ púṇyam gandʰáṃ gandʰarvāpsarása úpa jīvanti púṇyagandʰir upajīvanī́yo bʰavati eváṃ véda //27//

Verse: 28 
Halfverse: a    
sód akrāmat sétarajanā́n ā́gacʰat tā́m itarajanā́ úpāhvayanta tírodʰa éhī́ti /
Halfverse: c    
tásyāḥ kúbero vaiśravaṇó vatsá ā́sīd āmapātráṃ pā́tram /
Halfverse: e    
tā́ṃ rajatánābʰiḥ kaberakó 'dʰok tā́ṃ tirodʰā́m evā́dʰok /
Halfverse: g    
tā́ṃ tirodʰā́m itarajanā́ úpa jīvanti tiró dʰatte sárvaṃ pāpmā́nam upajīvanī́yo bʰavati eváṃ véda //28//

Verse: 29 
Halfverse: a    
sód akrāmat sā́ sarpā́n ā́gacʰat tā́ṃ sarpā́ úpāhvayanta víṣavaty éhī́ti /
Halfverse: c    
tásyās takṣakó vaiśaleyó vatsá ā́sīd alābupātráṃ pā́traṃ /
Halfverse: e    
tā́ṃ dʰr̥tárāṣṭra airāvató 'dʰok tā́ṃ viṣám evā́dʰok /
Halfverse: g    
tád viṣáṃ sarpā́ úpa jīvanty upajīvanī́yo bʰavati eváṃ véda //29// {29}


Verse: 30_{6} 
Halfverse: a    
tád yásmā eváṃ vidúṣe 'lā́bunābʰiṣiñcét pratyā́hanyāt //30//

Verse: 31 
Halfverse: a    
ca pratyāhanyā́n mánasā tvā́ pratyā́hanmī́ti pratyā́hanyāt //31//

Verse: 32 
Halfverse: a    
yát pratyāhánti viṣám evá tát pratyā́hanti //32//

Verse: 33 
Halfverse: a    
viṣám evā́syā́priyaṃ bʰrā́tr̥vyam anuvíṣicyate eváṃ véda //33// {30}



Book: 9 
9
Hymn: 1 


Verse: 1 
Halfverse: a    
divás pr̥tʰivyā́ antárikṣāt samudrā́d agnér vā́tān madʰukaśā́ jajñé /
Halfverse: c    
tā́ṃ cāyitvā́mŕ̥taṃ vásānāṃ hr̥dbʰíḥ prajā́ḥ práti nandanti sárvāḥ //1//

Verse: 2 
Halfverse: a    
mahát páyo viśvárūpam asyāḥ samudrásya tvotá réta āhuḥ /
Halfverse: c    
yáta aíti madʰukaśā́ rárāṇā tát prāṇás tád amŕ̥taṃ níviṣṭam //2//

Verse: 3 
Halfverse: a    
páśyanty asyāś caritáṃ pr̥tʰivyā́ṃ pŕ̥tʰaṅ náro bahudʰā́ mī́māṃsamānāḥ /
Halfverse: c    
agnér vā́tān madʰukaśā́ jajñé marútām ugrā́ naptíḥ //3//

Verse: 4 
Halfverse: a    
mātā́dityā́nāṃ duhitā́ vásūnāṃ prāṇáḥ prajā́nām amŕ̥tasya nā́bʰiḥ /
Halfverse: c    
híraṇyavarṇā madʰukaśā́ gʰr̥tā́cī mahā́n bʰárgaś carati mártyeṣu //4//

Verse: 5 
Halfverse: a    
mádʰoḥ káśām ajanayanta devā́s tásyā gárbʰo abʰavad viśvárūpaḥ /
Halfverse: c    
táṃ jātáṃ táruṇaṃ piparti mātā́ jātó víśvā bʰúvanā caṣṭe //5//

Verse: 6 
Halfverse: a    
kás táṃ prá veda u táṃ ciketa asyā hr̥dáḥ kaláśaḥ somadʰā́no ákṣitaḥ /
Halfverse: c    
brahmā́ sumedʰā́ḥ asmin madeta //6//

Verse: 7 
Halfverse: a    
taú prá veda u taú ciketa yā́v asyāḥ stánau sahásradʰārāv ákṣitau /
Halfverse: c    
ū́rjaṃ duhāte ánapaspʰurantau //7//

Verse: 8 
Halfverse: a    
hiṅkárikratī br̥hatī́ vayodʰā́ uccaírgʰoṣābʰyéti yā́ vratám /
Halfverse: c    
trī́n gʰarmā́n abʰí vāvaśānā́ mímāti māyúṃ páyate páyobʰiḥ //8//

Verse: 9 
Halfverse: a    
yā́m ā́pīnām upasī́danty ā́paḥ śākvarā́ vr̥ṣabʰā́ svarā́jaḥ /
Halfverse: c    
varṣanti varṣayanti tadvíde kā́mam ū́rjam ā́paḥ //9//

Verse: 10 
Halfverse: a    
stanayitnús te vā́k prajāpate vŕ̥ṣā śúṣmaṃ kṣipasi bʰū́myām ádʰi /
Halfverse: c    
agnér vā́tān madʰukaśā́ jajñé marútām ugrā́ naptíḥ //10// {1}

Verse: 11 
Halfverse: a    
yátʰā sómaḥ prātaḥsavané aśvínor bʰavati priyáḥ /
Halfverse: c    
evā́ me aśvinā várca ātmáni dʰriyatām //11//

Verse: 12 
Halfverse: a    
yátʰā sómo dvitī́ye sávana indrāgnyór bʰavati priyáḥ /
Halfverse: c    
evā́ ma indrāgnī várca ātmáni dʰriyatām //12//

Verse: 13 
Halfverse: a    
yátʰā sómas tr̥tī́ye sávana r̥bʰūṇā́ṃ bʰavati priyáḥ /
Halfverse: c    
evā́ ma r̥bʰavo várca ātmáni dʰriyatām //13//

Verse: 14 
Halfverse: a    
mádʰu janiṣīya mádʰu vaṃsiṣīya /
Halfverse: c    
páyasvān agna ā́gamaṃ táṃ sáṃ sr̥ja várcasā //14//

Verse: 15 
Halfverse: a    
sáṃ māgne várcasā sr̥ja sáṃ prajáyā sám ā́yuṣā /
Halfverse: c    
vidyúr me asyá devā́ índro vidyāt sahá ŕ̥ṣibʰiḥ //15//

Verse: 16 
Halfverse: a    
yátʰā mádʰu madʰukŕ̥taḥ saṃbʰáranti mádʰāv ádʰi /
Halfverse: c    
evā́ me aśvinā várca ātmáni dʰriyatām //16//

Verse: 17 
Halfverse: a    
yátʰā mákṣāḥ idáṃ mádʰu nyañjánti mádʰāv ádʰi /
Halfverse: c    
evā́ me aśvinā várcas téjo bálam ójaś ca dʰriyatām //17//

Verse: 18 
Halfverse: a    
yád giríṣu párvateṣu góṣv áśveṣu yán mádʰu /
Halfverse: c    
súrāyāṃ sicyámānāyāṃ yát tátra mádʰu tán máyi //18//

Verse: 19 
Halfverse: a    
áśvinā sāragʰéṇa mádʰunāṅktaṃ śubʰas patī /
Halfverse: c    
yátʰā várcasvatīṃ vā́cam āvádāni jánām̐ ánu //19//

Verse: 20 
Halfverse: a    
stanayitnús te vā́k prajāpate vŕ̥ṣā śúṣmaṃ kṣipasi bʰū́myāṃ diví /
Halfverse: c    
tā́ṃ paśáva úpa jīvanti sárve téno séṣam ū́rjaṃ piparti //20//

Verse: 21 
Halfverse: a    
pr̥tʰivī́ daṇḍó 'ntárikṣaṃ gárbʰo dyaúḥ káśā vidyút prakaśó hiraṇyáyo bindúḥ //21//

Verse: 22 
Halfverse: a    
vaí káśāyāḥ saptá mádʰūni véda mádʰumān bʰavati /
Halfverse: c    
brāhmaṇáś ca rā́jā ca dʰenúś cānaḍvā́ṃś ca vrīhíś ca yávaś ca mádʰu saptamám //22//

Verse: 23 
Halfverse: a    
mádʰumān bʰavati mádʰumad asyāhāryàṃ bʰavati /
Halfverse: c    
mádʰumato lokā́n jayati eváṃ véda //23//

Verse: 24 
Halfverse: a    
yád vīdʰré stanáyati prajā́patir evá tát prajā́bʰyaḥ prādúr bʰavati /
Halfverse: c    
tásmāt prācīnopavītás tiṣṭʰe prájāpaté 'nu budʰyasvéti /
Halfverse: e    
ánv enaṃ prajā́ ánu prajā́patir budʰyate eváṃ véda //24// {2}

Hymn: 2 
Verse: 1 
Halfverse: a    
sapatnahánam r̥ṣabʰáṃ gʰr̥téna kā́maṃ śikṣāmi havíṣā́jyena /
Halfverse: c    
nīcaíḥ sapátnān máma padaya tvám abʰíṣṭuto mahatā́ vīryèṇa //1//

Verse: 2 
Halfverse: a    
yán me mánaso priyáṃ cákṣuṣo yán me bábʰasti nā́bʰinándati /
Halfverse: c    
tád duṣvápnyaṃ práti muñcāmi sapátne kā́maṃ stutvód aháṃ bʰideyam //2//

Verse: 3 
Halfverse: a    
duṣvápnyaṃ kāma duritáṃ ca kamāprajástām asvagátām ávartim /
Halfverse: c    
ugrá ī́śānaḥ práti muñca tásmin asmábʰyam aṃhūraṇā́ cíkitsāt //3//

Verse: 4 
Halfverse: a    
nudásva kāma prá ṇudasva kāmā́vartiṃ yantu máma sapátnāḥ /
Halfverse: c    
téṣāṃ nuttā́nām adʰamā́ támāṃsy ágne vā́stūni nír daha tvám //4//

Verse: 5 
Halfverse: a    
sā́ te kāma duhitā́ dʰenúr ucyate yā́m āhúr vā́caṃ kaváyo virā́jam /
Halfverse: c    
táyā sapátnān pári vr̥ṅgdʰi máma páry enān prāṇáḥ paśávo jī́vanaṃ vr̥ṇaktu //5//

Verse: 6 
Halfverse: a    
kā́masyéndrasya váruṇasya rā́jño víṣṇor bálena savitúḥ savéna /
Halfverse: c    
agnér hotréṇa prá ṇude sapátnāṃ cʰambī́va nā́vam udakéṣu dʰī́raḥ //6//

Verse: 7 
Halfverse: a    
ádʰyakṣo vājī́ máma kā́ma ugráḥ kr̥ṇótu máhyam asapatnám evá /
Halfverse: c    
víśve devā́ máma nātʰáṃ bʰavantu sárve devā́ hávam ā́ yantu ma imám //7//

Verse: 8 
Halfverse: a    
idám ā́jyaṃ gʰr̥távaj juṣāṇā́ḥ kā́majyeṣṭʰā ihá mādayadʰvam /
Halfverse: c    
kr̥ṇvánto máhyam asapatnám evá //8//

Verse: 9 
Halfverse: a    
indrāgnī́ kāma sarátʰaṃ bʰūtvā́ nīcaíḥ sapátnān máma pādayātʰaḥ /
Halfverse: c    
téṣāṃ pannā́nām adʰamā́ támāṃsy ágne vā́stūny anunírdaha tvám //9//

Verse: 10 
Halfverse: a    
jahí tvám kāma máma sapátnā andʰā́ támāṃsy áva pādayainān /
Halfverse: c    
nírindriyā arasā́ḥ santu sárve mā́ jīviṣuḥ katamác canā́haḥ //10// {3}

Verse: 11 
Halfverse: a    
ávadʰīt kā́mo máma sapátnā urúṃ lokám akaran máhyam edʰatúm /
Halfverse: c    
máhyaṃ namantāṃ pradíśaś cátasro máhyaṃ ṣáḍ urvī́r gʰr̥tám ā́ vahantu //11//

Verse: 12 
Halfverse: a    
'dʰarā́ñcaḥ prá plavantāṃ cʰinnā́ naúr iva bándʰanāt /
Halfverse: c    
sā́yakapraṇuttānāṃ púnar asti nivártanam //12//

Verse: 13 
Halfverse: a    
agnír yáva índro yávaḥ sómo yávaḥ /
Halfverse: c    
yavayā́vāno devā́ yavayantv enam //13//

Verse: 14 
Halfverse: a    
ásarvavīraś caratu práṇutto dvéṣyo mitrā́nāṃ parivargyà1ḥ svā́nām /
Halfverse: c    
utá pr̥tʰivyā́m áva syanti vidyúta ugró vo deváḥ prá mr̥ṇat sapátnān //14//

Verse: 15 
Halfverse: a    
cyutā́ ceyáṃ br̥haty ácyutā ca vidyúd bibʰarti stanayitnū́ṃś ca sárvān /
Halfverse: c    
udyánn ādityó dráviṇena téjasā nīcaíḥ sapátnān nudatāṃ me sáhasvān //15//

Verse: 16 
Halfverse: a    
yát te kāma śárma trivárūtʰam udbʰú bráhma várma vítatam anativyādʰyàṃ kr̥tám /
Halfverse: c    
téna sapátnān pári vr̥ṅgdʰi máma páry enān prāṇáḥ paśā́vo jī́vanaṃ vr̥ṇaktu //16//

Verse: 17 
Halfverse: a    
yéna devā́ ásurān prā́ṇudanta yénéndro dásyūn adʰamáṃ támo ninā́ya /
Halfverse: c    
téna tváṃ kāma máma sapátnās tā́n asmā́l lokā́t prá ṇudasva dūrám //17//

Verse: 18 
Halfverse: a    
yátʰā devā́ ásurān prā́ṇudanta yátʰéndro dásyūn adʰamáṃ támo babādʰé /
Halfverse: c    
tátʰā tváṃ kāma máma sapátnās tā́n asmā́l lokā́t prá ṇudasva dūrám //18//

Verse: 19 
Halfverse: a    
kā́mo jajñe pratʰamó naínaṃ devā́ āpuḥ pitáro mártyāḥ /
Halfverse: c    
tátas tvám asi jyā́yān viśváhā mahā́ṃs tásmai te kāma náma ít kr̥nomi //19//

Verse: 20 
Halfverse: a    
yā́vatī dyā́vāpr̥tʰivī́ varimṇā́ yā́vad ā́paḥ siṣyadúr yā́vad agníḥ /
Halfverse: c    
tátas tvám asi jyā́yān viśváhā mahā́ṃs tásmai te kāma náma ít kr̥ṇomi //20// {4}

Verse: 21 
Halfverse: a    
yā́vatīr díśaḥ pradíśo víṣūcīr yā́vatīr ā́śā abʰicákṣaṇā diváḥ /
Halfverse: c    
tátas tvám asi jyā́yān viśváhā mahā́ṃs tásmai te kāma náma ít kr̥ṇomi //21//

Verse: 22 
Halfverse: a    
yā́vatīr bʰŕ̥ṅgā jatvàḥ kurū́ravo yā́vatīr vágʰā vr̥kṣasarpyò babʰūvúḥ /
Halfverse: c    
tátas tvám asi jyā́yān viśváhā mahā́ṃs tásmai te kāma náma ít kr̥ṇomi //22//

Verse: 23 
Halfverse: a    
jyā́yān nimiṣató 'si tíṣṭʰato jyā́yānt samudrā́d asi kāma manyo /
Halfverse: c    
tátas tvám asi jyā́yān viśváhā mahā́ṃs tásmai te kāma náma ít kr̥nomi //23//

Verse: 24 
Halfverse: a    
vaí vā́taś caná kā́mam āpnoti nā́gníḥ sū́ryo nótá candrámāḥ /
Halfverse: c    
tátas tvám asi jyā́yān viśváhā mahā́ṃs tásmai te kāma náma ít kr̥ṇomi //24//

Verse: 25 
Halfverse: a    
yā́s te śivā́s tanvàḥ kāma bʰadrā́ yā́bʰiḥ satyáṃ bʰávati yád vr̥ṇiṣé /
Halfverse: c    
tā́bʰiṣ ṭvám asmā́m̐ abʰisáṃviśasvānyátra pāpī́r ápa veśayā dʰíyaḥ //25// {5}

Hymn: 3 
Verse: 1 
Halfverse: a    
upamítāṃ pratimítām átʰo parimítām utá /
Halfverse: c    
śā́lāyā viśvávārāyā naddʰā́ni cr̥tāmasi //1//

Verse: 2 
Halfverse: a    
yát te naddʰáṃ viśvavāre pā́śo grantʰíś ca yáḥ kr̥táḥ /
Halfverse: c    
bŕ̥haspátir ivāháṃ baláṃ vācā́ sraṃsayāmi tát //2//

Verse: 3 
Halfverse: a    
ā́ yayāma sáṃ babarha grantʰī́ṃś cakāra te dr̥ḍʰā́n /
Halfverse: c    
párūṃṣi vidvā́ṃ cʰástevéndreṇa cr̥tāmasi //3//

Verse: 4 
Halfverse: a    
vaṃśā́nāṃ te náhanānāṃ prāṇāhásya tŕ̥ṇasya ca /
Halfverse: c    
pakṣā́ṇāṃ viśvavāre te naddʰā́ni cr̥tāmasi //4//

Verse: 5 
Halfverse: a    
saṃdaṃśā́nāṃ paladā́nāṃ páriṣvañjalyasya ca /
Halfverse: c    
idáṃ mā́nasya pátnyā naddʰā́ni cr̥tāmasi //5//

Verse: 6 
Halfverse: a    
yā́ni te 'ntáḥ śikyā̀ny ābedʰū́ raṇyā̀ya kám /
Halfverse: c    
prá te tā́ni cr̥tāmasi śivā́ mānasya patni na úddʰitā tanvè bʰava //6//

Verse: 7 
Halfverse: a    
havirdʰā́nam agniśā́laṃ pátnīnāṃ sádanaṃ sádaḥ /
Halfverse: c    
sádo devā́nām asi devi śāle //7//

Verse: 8 
Halfverse: a    
ákṣum ópaśáṃ vítataṃ sahasrākṣáṃ viṣūváti /
Halfverse: c    
ávanaddʰam abʰíhitaṃ bráhmaṇā cr̥tāmasi //8//

Verse: 9 
Halfverse: a    
yás tvā śāle pratigr̥hṇā́ti yéna cā́si mitā́ tvám /
Halfverse: c    
ubʰaú mānasya patni taú jī́vatāṃ jarádaṣṭī //9//

Verse: 10 
Halfverse: a    
amútrainam ā́ gacʰatād dr̥ḍʰā́ naddʰā́ páriṣkr̥tā /
Halfverse: c    
yásyās te vicr̥tā́masy áṅgamaṅgaṃ páruṣparuḥ //10// {6}

Verse: 11 
Halfverse: a    
yás tvā śāle nimimā́ya saṃjabʰā́ra vánaspátīn /
Halfverse: c    
prajā́yai cakre tvā śāle parameṣṭʰī́ prajā́patiḥ //11//

Verse: 12 
Halfverse: a    
námas tásmai námo dātré śā́lāpataye ca kr̥ṇmaḥ /
Halfverse: c    
námo 'gnáye pracárate púruṣāya ca te námaḥ //12//

Verse: 13 
Halfverse: a    
góbʰyo áśvebʰyo námo yác cʰā́lāyāṃ vijā́yate /
Halfverse: c    
víjāvati prájāvati te pā́śāṃś cr̥tāmasi //13//

Verse: 14 
Halfverse: a    
agním antáś cʰādayasi púruṣān paśúbʰiḥ sahá /
Halfverse: c    
víjāvati prájāvati te pā́śāṃś cr̥tāmasi //14//

Verse: 15 
Halfverse: a    
antarā́ dyā́ṃ ca pr̥tʰivī́ṃ ca yád vyácas téna śā́lāṃ práti gr̥hṇāmi ta imā́m /
Halfverse: c    
yád antárikṣaṃ rájaso vimā́naṃ tát kr̥ṇve 'hám udáraṃ śevadʰíbʰyaḥ /
Halfverse: e    
téna śā́lāṃ práti gr̥hṇāmi tásmai //15//

Verse: 16 
Halfverse: a    
ū́rjasvatī páyasvatī pr̥tʰivyā́ṃ nímitā mitā́ /
Halfverse: c    
viśvānnáṃ bíbʰratī śāle mā́ hiṃsīḥ pratigr̥hṇatáḥ //16//

Verse: 17 
Halfverse: a    
tŕ̥ṇair ā́vr̥tā paladā́n vásānā rā́trīva śā́lā jágato nivéśanī /
Halfverse: c    
mitā́ pr̥tʰivyā́ṃ tiṣṭʰasi hastínīva padvátī //17//

Verse: 18 
Halfverse: a    
ítasya te cr̥tāmy ápinaddʰam aporṇuván /
Halfverse: c    
váruṇena sámubjitāṃ mitráḥ prātár vy ùbjatu //18//

Verse: 19 
Halfverse: a    
bráhmaṇā śā́lāṃ nímitāṃ kavíbʰir nímitāṃ mitā́m /
Halfverse: c    
indrāgnī́ rakṣatāṃ śā́lām amŕ̥tau somyáṃ sádaḥ //19//

Verse: 20 
Halfverse: a    
kulā́yé 'dʰi kulā́yaṃ kóśe kóśaḥ sámubjitaḥ /
Halfverse: c    
tátra márto jāyate yásmād víśvaṃ prajā́yate //20// {7}

Verse: 21 
Halfverse: a    
yā́ dvípakṣā cátuṣpakṣā ṣáṭpakṣā yā́ nimīyáte /
Halfverse: c    
aṣṭā́pakṣāṃ dáśapakṣāṃ śā́lāṃ mā́nasya pátnīm agnír gárbʰa ivā́ śaye //21//

Verse: 22 
Halfverse: a    
pratī́cīṃ tvā pratīcī́naḥ śā́le praímy áhiṃsatīm /
Halfverse: c    
agnír hy àntár ā́paś ca r̥tásya pratʰamā́ dvā́ḥ //22//

Verse: 23 
Halfverse: a    
imā́ ā́paḥ prá bʰarāmy ayakṣmā́ yakṣmanā́śanīḥ /
Halfverse: c    
gr̥hā́n úpa prá sīdāmy amŕ̥tena sahā́gnínā //23//

Verse: 24 
Halfverse: a    
mā́ naḥ pā́śaṃ práti muco gurúr bʰāró lagʰúr bʰava /
Halfverse: c    
vadʰū́m iva tvā śāle yatrakā́maṃ bʰarāmasi //24//

Verse: 25 
Halfverse: a    
prā́cyā diśáḥ śā́lāyā námo mahimné svā́hā devébʰyaḥ svāhyèbʰyaḥ //25//

Verse: 26 
Halfverse: a    
dákṣiṇāyā diśáḥ śā́lāyā námo mahimné svā́hā devébʰyaḥ svāhyèbʰyaḥ //26//

Verse: 27 
Halfverse: a    
pratī́cyā diśáḥ śā́lāyā námo mahimné svā́hā devébʰyaḥ svāhyèbʰyaḥ //27//

Verse: 28 
Halfverse: a    
údīcyā diśáḥ śā́lāyā námo mahimné svā́hā devébʰyaḥ svāhyèbʰyaḥ //28//

Verse: 29 
Halfverse: a    
dʰruvā́yā diśáḥ śā́lāyā námo mahimné svā́hā devébʰyaḥ svāhyèbʰyaḥ //29//

Verse: 30 
Halfverse: a    
ūrdʰvā́yā diśáḥ śā́lāyā námo mahimné svā́hā devébʰyaḥ svāhyèbʰyaḥ //30//

Verse: 31 
Halfverse: a    
diśódiśaḥ śā́lāyā námo mahimné svā́hā devébʰyaḥ svāhyèbʰyaḥ //31// {8}

Hymn: 4 
Verse: 1 
Halfverse: a    
sāhasrás tveṣá r̥ṣabʰáḥ páyasvān víśvā rūpā́ṇi vakṣáṇāsu bíbʰrat /
Halfverse: c    
bʰadráṃ dātré yájamānāya śīkṣan bārhaspatyá usríyas tántum ā́tān //1//

Verse: 2 
Halfverse: a    
apā́ṃ ágne pratimā́ babʰū́va prabʰū́ḥ sárvasmai pr̥tʰivī́va devī́ /
Halfverse: c    
pitā́ vatsā́nāṃ pátir agʰnyā́nāṃ sāhasré póṣe ápi naḥ kr̥ṇotu //2//

Verse: 3 
Halfverse: a    
púmān antárvānt stʰáviraḥ páyasvān vásoḥ kábandʰaṃ r̥ṣabʰó bibʰarti /
Halfverse: c    
tám índrāya patʰíbʰir devayā́nair hutám agnír vahatu jātávedāḥ //3//

Verse: 4 
Halfverse: a    
pitā́ vatsā́nāṃ pátir agʰnyā́nāṃ átʰo pitā́ mahatā́ṃ gárgarāṇām /
Halfverse: c    
vatsó jarā́yu pratidʰúk pīyū́ṣa āmíkṣā gʰr̥táṃ tád v asya rétaḥ //4//

Verse: 5 
Halfverse: a    
devā́nāṃ bʰāgá upanāhá eṣó 'pā́ṃ rása óṣadʰīnāṃ gʰr̥tásya /
Halfverse: c    
sómasya bʰakṣám avr̥ṇīta śakró br̥hánn ádrir abʰavad yác cʰárīram //5//

Verse: 6 
Halfverse: a    
sómena pūrṇáṃ kaláśaṃ bibʰarṣi tvástā rupā́ṇāṃ janitā́ paśūnā́m /
Halfverse: c    
śivā́s te santu prajanvà ihá yā́ imā́ ny àsmábʰyaṃ svadʰite yacʰa yā́ amū́ḥ //6//

Verse: 7 
Halfverse: a    
ā́jaṃ bibʰarti gʰr̥tám asya rétaḥ sāhasráḥ póṣas tám u yajñám āhuḥ /
Halfverse: c    
índrasya rūpám r̥ṣabʰó vásānaḥ asmā́n devāḥ śivá aítu dattáḥ //7//

Verse: 8 
Halfverse: a    
índrasyaújo váruṇasya bāhū́ aśvínor áṃsau marútām iyáṃ kakút /
Halfverse: c    
bŕ̥haspátiṃ sáṃbʰr̥tam etám āhur dʰī́rāsaḥ kaváyo manīṣíṇaḥ //8//

Verse: 9 
Halfverse: a    
daívīr víśaḥ páyasvān ā́ tanoṣi tvā́m índraṃ tvā́ṃ sárasvantam āhuḥ /
Halfverse: c    
sahásraṃ ékamukʰā dadāti brāhmaṇá r̥ṣabʰám ājuhóti //9//

Verse: 10 
Halfverse: a    
bŕ̥haspátiḥ savitā́ te váyo dadʰau tváṣṭur vāyóḥ páry ātmā́ ta ā́bʰr̥taḥ /
Halfverse: c    
antárikṣe mánasā tvā juhomi barhíṣ ṭe dyā́vāpr̥tʰivī́ ubʰé stām //10// {9}

Verse: 11 
Halfverse: a    
índra iva devéṣu góṣv eti vivā́vadat /
Halfverse: c    
tásya r̥ṣabʰásyā́ṅgāni brahmā́ sáṃ stautu bʰadráyā //11//

Verse: 12 
Halfverse: a    
pārśvé āstām ánumatyā bʰágasyāstām anūvŕ̥jau /
Halfverse: c    
aṣṭʰīvántāv abravīn mitró mámaitaú kévalāv íti //12//

Verse: 13 
Halfverse: a    
bʰasád āsīd ādityā́nāṃ śróṇī āstāṃ bŕ̥haspáteḥ /
Halfverse: c    
púcʰaṃ vā́tasya devásya téna dʰūnoty óṣadʰīḥ //13//

Verse: 14 
Halfverse: a    
gúdā āsant sinīvālyā́ḥ sūryā́yās tvácam abruvan /
Halfverse: c    
uttʰātúr abruvan padá r̥ṣabʰáṃ yád ákalpayan //14//

Verse: 15 
Halfverse: a    
kroḍá āsīj jāmiśaṃsásya sómasya kláśo dʰr̥táḥ /
Halfverse: c    
devā́ḥ saṃgátya yát sárva r̥ṣabʰáṃ vyákalpayan //15//

Verse: 16 
Halfverse: a    
kúṣṭʰikāḥ sarámāyai kurmébʰyo adadʰuḥ śapʰā́n /
Halfverse: c    
ū́badʰyam asya kītébʰyaḥ śvavartébʰyo adʰārayan //16//

Verse: 17 
Halfverse: a    
śŕ̥ṅgābʰyāṃ rákṣa r̥ṣaty ávartim hanti cákṣuṣā /
Halfverse: c    
śr̥ṇóti bʰadráṃ kárṇābʰyāṃ gávāṃ yáḥ pátir agʰnyáḥ //17//

Verse: 18 
Halfverse: a    
śatayā́jaṃ yajate naínaṃ dunvanty agnáyaḥ /
Halfverse: c    
jínvanti víśve táṃ devā́ brāhmaṇá r̥ṣabʰám ājuhóti //18//

Verse: 19 
Halfverse: a    
brāhmaṇébʰya r̥ṣabʰáṃ dattvā́ várīyaḥ kr̥ṇute mánaḥ /
Halfverse: c    
púṣṭiṃ agʰnyā́nāṃ své goṣṭʰé 'va paśyate //19//

Verse: 20 
Halfverse: a    
gā́vaḥ santu prajā́ḥ santv átʰo astu tanūbalám /
Halfverse: c    
tát sárvam ánu manyantāṃ devā́ r̥ṣabʰadāyíne //20//

Verse: 21 
Halfverse: a    
ayáṃ pipāna índra íd rayíṃ dadʰātu cetanī́m /
Halfverse: c    
ayáṃ dʰenúṃ sudúgʰāṃ nítyavatsāṃ váśaṃ duhāṃ vipaścítaṃ paró diváḥ //21//

Verse: 22 
Halfverse: a    
piśáṅgarūpo nabʰasó vayodʰā́ aindráḥ śúṣmo viśvárūpo na ā́gan /
Halfverse: c    
ā́yur asmábʰyaṃ dádʰat prajā́ṃ ca rāyáś ca póṣair abʰí naḥ sacatām //22//

Verse: 23 
Halfverse: a    
úpehópaparcanāsmín goṣṭʰá úpa pr̥ñca naḥ /
Halfverse: c    
úpa r̥ṣabʰásya yád réta úpendra táva vīryàm //23//

Verse: 24 
Halfverse: a    
etáṃ vo yúvānaṃ práti dadʰmo átra téna krī́ḍantīś carata váśām̐ ánu /
Halfverse: c    
mā́ no hāsiṣṭa janúṣā subʰāgā rāyáś ca póṣair abʰí naḥ sacadʰvam //24// {10}

Hymn: 5 
Verse: 1 
Halfverse: a    
ā́ nayaitám ā́ rabʰasva sukŕ̥tāṃ lokám ápi gacʰatu prajānán /
Halfverse: c    
tīrtvā́ támāṃsi bahudʰā́ mahā́nty ajó nā́kam ā́ kramatāṃ tr̥tī́yam //1//

Verse: 2 
Halfverse: a    
índrāya bʰāgáṃ pári tvā nayāmy asmín yajñé yájamānāya sūrím /
Halfverse: c    
no dviṣánty ánu tā́n rabʰasvā́nāgaso yájamānasya vīrā́ḥ //2//

Verse: 3 
Halfverse: a    
prá padó 'va nenigdʰi dúścaritaṃ yác cacā́ra śuddʰaíḥ śapʰaír ā́ kramatāṃ prajānán /
Halfverse: c    
tīrtvā́ támāṃsi bahudʰā́ vipáśyann ajó nā́kam ā́ kramatāṃ tr̥tī́yam //3//

Verse: 4 
Halfverse: a    
ánucʰya śyāména tvácam etā́ṃ viśastar yatʰāparv à1sínā mā́bʰí maṃstʰāḥ /
Halfverse: c    
mā́bʰí druhaḥ paruśáḥ kalpayainaṃ tr̥tī́ye nā́ke ádʰi śrayainam //4//

Verse: 5 
Halfverse: a    
r̥cā́ kumbʰī́m ádʰy agnaú śrayāmy ā́ siñcodakám áva dʰehy enam /
Halfverse: c    
paryā́dʰattāgnínā śamitāraḥ sr̥tó gacʰatu sukŕ̥tāṃ yátra lokáḥ //5//

Verse: 6 
Halfverse: a    
út kāmā́taḥ pári ced átaptas taptā́c carór ádʰi nā́kaṃ tr̥tī́yam /
Halfverse: c    
agnér agnír ádʰi sáṃ babʰūvitʰa jyótiṣmantam abʰí lokáṃ jayaitám //6//

Verse: 7 
Halfverse: a    
ajó agnír ajám u jyótir āhur ajáṃ jī́vatā brahmáṇe déyam āhuḥ /
Halfverse: c    
ajás támāṃsy ápa hanti dūrám asmíṃl loké śraddádʰānena dattáḥ //7//

Verse: 8 
Halfverse: a    
páñcaudanaḥ pañcadʰā́ kramatām ākraṃsyámānas trī́ṇi jyótīṃṣi /
Halfverse: c    
ījānā́nāṃ sukŕ̥tāṃ préhi mádʰyaṃ tr̥tī́ye nā́ke ádʰi śrayasva //8//

Verse: 9 
Halfverse: a    
ájā́ roha sukŕ̥tāṃ yátra lokáḥ śarabʰó cattó 'ti durgā́ny eṣaḥ /
Halfverse: c    
páñcaudano brahmáṇe dīyámānaḥ dātā́raṃ tŕ̥ptyā tarpayāti //9//

Verse: 10 
Halfverse: a    
ajás trināké tridivé tripr̥ṣṭʰé nā́kasya pr̥ṣṭʰé dadivā́ṃsaṃ dadʰāti /
Halfverse: c    
páñcaudano brahmáṇe dīyámāno viśvárūpā dʰenúḥ kāmadúgʰāsy ékā //10// {11}

Verse: 11 
Halfverse: a    
etád vo jyótiḥ pitaras tr̥tī́yaṃ páñcaudanaṃ brahmáṇe 'jáṃ dadāti /
Halfverse: c    
ajás támāṃsy ápa hanti dūrám asmíṃl loké śraddádʰānena dattáḥ //11//

Verse: 12 
Halfverse: a    
ījānā́nāṃ sukŕ̥tāṃ lokám ī́psan páñcaudanaṃ brahmáṇe 'jáṃ dadāti /
Halfverse: c    
vyā̀ptim abʰí lokáṃ jayaitáṃ śivò3 'smábʰyaṃ prátigr̥hīto astu //12//

Verse: 13 
Halfverse: a    
ajó hy à1gnér ájaniṣṭa śókād vípro víprasya sáhaso vipaścít /
Halfverse: c    
iṣṭáṃ pūrtám abʰípūrtaṃ váṣaṭkr̥taṃ tád devā́ r̥tuśáḥ kalpayantu //13//

Verse: 14 
Halfverse: a    
amotáṃ vā́so dadyād dʰíraṇyam ápi dákṣiṇām /
Halfverse: c    
tátʰā lokā́nt sám āpnoti divyā́ ca pā́rtʰivāḥ //14//

Verse: 15 
Halfverse: a    
etā́s tvājópa yantu dʰā́rāḥ somyā́ devī́r gʰr̥tápr̥ṣṭʰā madʰuścútaḥ /
Halfverse: c    
stabʰān pr̥tʰivī́m utá dyā́ṃ nā́kasya pr̥ṣṭʰé 'dʰi saptáraśmau //15//

Verse: 16 
Halfverse: a    
ajó 'sy ája svargó 'si tváyā lokám áṅgirasaḥ prā́jānan /
Halfverse: c    
táṃ lokáṃ púṇyaṃ prá jñeṣam //16//

Verse: 17 
Halfverse: a    
yénā sahásraṃ váhasi yénāgne sarvavedasám /
Halfverse: c    
ténemáṃ yajñáṃ no vaha svàr devéṣu gántave //17//

Verse: 18 
Halfverse: a    
ajáḥ pakváḥ svargé loké dadʰāti páñcaudano nírr̥tiṃ bā́dʰamānaḥ /
Halfverse: c    
téna lokā́nt sū́ryavato jayema //18//

Verse: 19 
Halfverse: a    
yáṃ brāhmaṇé nidadʰé yáṃ ca vikṣú yā́ viprúṣa odanā́nām ajásya /
Halfverse: c    
sárvaṃ tád agne sukr̥tásya loké jānītā́n naḥ saṃgámane patʰīnā́m //19//

Verse: 20 
Halfverse: a    
ajó vā́ idám agne vy àkramata tásyóra iyám abʰavad dyaúḥ pr̥ṣṭihám /
Halfverse: c    
antárikṣaṃ mádʰyam díśaḥ pārśvé samudraú kukṣī́ //20// {12}

Verse: 21 
Halfverse: a    
satyáṃ ca rtáṃ ca cákṣuṣī víśvaṃ satyáṃ śraddʰā́ prāṇó virā́ṭ śíraḥ /
Halfverse: c    
eṣá vā́ áparimito yajñó yád ajáḥ páñcaudanaḥ //21//

Verse: 22 
Halfverse: a    
áparimitam evá yajñám āpnóty áparimitaṃ lokám áva runddʰe /
Halfverse: c    
yò3 'jáṃ páñcaudanaṃ dákṣiṇājyotiṣaṃ dádāti //22//

Verse: 23 
Halfverse: a    
nā́syā́stʰīni bʰindyān majjñó nír dʰayet /
Halfverse: c    
sárvam enaṃ samādā́yedámidaṃ prá veśayet //23//

Verse: 24 
Halfverse: a    
idámidam evā́sya rūpáṃ bʰavati ténainaṃ sáṃ gamayati /
Halfverse: c    
íṣaṃ máha ū́rjam asmai duhe yò3 'jáṃ páñcaudanam dákṣiṇājyotiṣaṃ dádāti //24//

Verse: 25 
Halfverse: a    
páñca rukmā́ páñca návāni vástrā páñcāsmai dʰenávaḥ kāmadúgʰā bʰavanti /
Halfverse: c    
yò3 'jáṃ páñcaudanaṃ dákṣiṇājyotiṣaṃ dádāti //25//

Verse: 26 
Halfverse: a    
páñca rukmā́ jyótir asmai bʰavanti várma vā́sāṃsi tanvè bʰavanti /
Halfverse: c    
svargáṃ lokám aśnute yò3 'jáṃ páñcaudanaṃ dákṣiṇājyotiṣam dádāti //26//

Verse: 27 
Halfverse: a    
yā́ pū́rvaṃ pátiṃ vittvā́ 'tʰānyáṃ vindáté 'param /
Halfverse: c    
páñcaudanaṃ ca tā́v ajáṃ dádāto yoṣataḥ //27//

Verse: 28 
Halfverse: a    
samānáloko bʰavati punarbʰúvā́paraḥ pátiḥ /
Halfverse: c    
yò3 'jáṃ páñcaudanam dákṣiṇājyotiṣaṃ dádāti //28//

Verse: 29 
Halfverse: a    
anupūrvávatsāṃ dʰenúm anaḍvā́ham upabárhaṇam /
Halfverse: c    
vā́so híraṇyaṃ dattvā́ yanti dívam uttamā́m //29//

Verse: 30 
Halfverse: a    
ātmā́naṃ pitáraṃ putráṃ paútraṃ pitāmahám /
Halfverse: c    
jāyā́ṃ jánitrīṃ mātáraṃ priyā́s tā́n úpa hvaye //30// {13}

Verse: 31 
Halfverse: a    
vaí naídāgʰaṃ nā́ma rtúṃ véda /
Halfverse: c    
eṣá vaí naídāgʰo nā́ma rtúr yád ajáḥ páñcaudanaḥ /
Halfverse: e    
nír evā́priyasya bʰrā́tr̥vyasya śríyaṃ dahati bʰávaty ātmánā /
Halfverse: g    
yò3 'jáṃ páñcaudanaṃ dákṣiṇājyotiṣaṃ dádāti //31//

Verse: 32 
Halfverse: a    
vaí kurvántaṃ nā́ma rtúṃ véda /
Halfverse: c    
kurvatī́ṃkurvatīm evā́priyasya bʰrā́tr̥vyasya śríyaṃ ā́ datte /
Halfverse: e    
eṣá vaí kurván nā́ma rtúr yád ajáḥ páñcaudanaḥ /
Halfverse: g    
nír evā́priyasya bʰrā́tr̥vyasya śríyaṃ dahati bʰávaty ātmánā yò3 'jáṃ páñcaudanaṃ dákṣinājyotiṣaṃ dádāti //32//

Verse: 33 
Halfverse: a    
vaí saṃyántaṃ nā́ma rtúṃ véda /
Halfverse: c    
saṃyatī́ṃsaṃyatīm evā́priyasya bʰrā́tr̥vyasya śríyaṃ ā́ datte /
Halfverse: e    
eṣá vaí saṃyán nā́ma rtúr yád ajáḥ páñcaudanaḥ /
Halfverse: g    
nír evā́priyasya bʰrā́tr̥vyasya śríyaṃ dahati bʰávaty ātmánā yò3 'jáṃ páñcaudanaṃ dákṣiṇājyotiṣaṃ dádāti //33//

Verse: 34 
Halfverse: a    
vaí pinvántaṃ nā́ma rtúm véda /
Halfverse: c    
pinvatī́ṃpinvatīm evā́priyasya bʰrā́tr̥vyasya śríyaṃ ā́ datte /
Halfverse: e    
eṣá vaí pinván nā́ma rtúr yád ajáḥ páñcaudanaḥ /
Halfverse: g    
nír evā́priyasya bʰrā́tr̥vyasya śríyaṃ dahati bʰávaty ātmánā yò3 'jáṃ páñcaudanaṃ dákṣinājyotiṣaṃ dádāti //34//

Verse: 35 
Halfverse: a    
vā́ udyántaṃ nā́ma rtúṃ véda /
Halfverse: c    
udyatī́ṃudyatīm evā́priyasya bʰrā́tr̥vyasya śríyaṃ ā́ datte /
Halfverse: e    
eṣá vā́ udyánn nā́ma rtúr yád ajáḥ páñcaudanaḥ /
Halfverse: g    
nír evā́priyasya bʰrā́tr̥vyasya śríyaṃ dahati bʰávaty ātmánā yò3 'jáṃ páñcaudanaṃ dákṣiṇājyotiṣam dádāti //35//

Verse: 36 
Halfverse: a    
vā́ abʰibʰúvaṃ nā́ma rtúṃ véda /
Halfverse: c    
abʰibʰávantīmabʰibʰavantīm evā́priyasya bʰrā́tr̥vyasya śríyaṃ ā́ datte /
Halfverse: e    
eṣá vā́ abʰibʰū́r nā́ma rtúr yád ajáḥ páñcaudanaḥ /
Halfverse: g    
nír evā́priyasya bʰrā́tr̥vyasya śríyaṃ dahati bʰávaty ātmánā /
Halfverse: i    
yò3 'jáṃ páñcaudanaṃ dákṣinājyotiṣaṃ dádāti //36//

Verse: 37 
Halfverse: a    
ajáṃ ca pácata páñca caudanā́n /
Halfverse: c    
sárvā díśaḥ sáṃmanasaḥ sadʰrī́cīḥ sā́ntardeśāḥ práti gr̥hnántu ta etám //37//

Verse: 38 
Halfverse: a    
tā́s te rakṣantu táva túbʰyam etáṃ tābʰya ā́jyaṃ havír idáṃ juhomi //38// {14}

Hymn: 6 

Verse: 1_{1} 
Halfverse: a    
vidyā́d bráhma pratyákṣaṃ párūṃṣi yásya saṃbʰārā́ ŕ̥co yásyānūkyàm //1//

Verse: 2 
Halfverse: a    
sā́māni yásya lómāni yájur hŕ̥dayam ucyáte paristáraṇam íd dʰavíḥ //2//

Verse: 3 
Halfverse: a    
yád vā́ átitʰipatir átitʰīn pratipáśyati devayájanaṃ prékṣate //3//

Verse: 4 
Halfverse: a    
yád abʰivádati dīkṣā́m úpaiti yád udakáṃ yā́caty apáḥ prá ṇayati //4//

Verse: 5 
Halfverse: a    
yā́ evá yajñá ā́paḥ praṇīyánte tā́ evá tā́ḥ //5//

Verse: 6 
Halfverse: a    
yát tárpaṇam āháranti evā́gnīṣomī́yaḥ paśúr badʰyáte evá sáḥ //6//

Verse: 7 
Halfverse: a    
yád āvasatʰā́n kalpáyanti sadohavirdʰānā́ny evá tát kalpayanti //7//

Verse: 8 
Halfverse: a    
yád upastr̥ṇánti barhír evá tát //8//

Verse: 9 
Halfverse: a    
yád upariśayanám āháranti svargám evá téna lokám áva runddʰe //9//

Verse: 10 
Halfverse: a    
yát kaśipūpabarhaṇám āháranti paridʰáya evá //10//

Verse: 11 
Halfverse: a    
yád āñjanābʰyañjanám āháranty ā́jyam evá tát //11//

Verse: 12 
Halfverse: a    
yát purā́ pariveṣā́t svādám āháranti purodā́śāv evá taú //12//

Verse: 13 
Halfverse: a    
yád aśanakŕ̥taṃ hváyanti haviṣkŕ̥tam evá tád dʰvayanti //13//

Verse: 14 
Halfverse: a    
vrīháyo yávā nirupyánte 'ṃśáva evá //14//

Verse: 15 
Halfverse: a    
yā́ny ulūkʰalamusalā́ni grā́vāṇa evá //15//

Verse: 16 
Halfverse: a    
śū́rpaṃ pavítraṃ túṣā r̥jīṣā́bʰiṣávaṇīr ā́paḥ //16//

Verse: 17 
Halfverse: a    
srúg dárvir nékṣaṇam āyávanaṃ droṇakalaśā́ḥ kumbʰyò vāyavyā̀ni pā́trāṇīyám evá kr̥ṣṇājinám //17// {15}


Verse: 18_{2} 
Halfverse: a    
yajamānabrāhmaṇáṃ vā́ etád átitʰipatiḥ kurute yád āhāryā̀ṇi prékṣata idáṃ bʰū́yā3 idā́3m íti //18//

Verse: 19 
Halfverse: a    
yád ā́ha bʰū́ya úd dʰaréti prāṇám evá téna várṣīyāṃsaṃ kurute //19//

Verse: 20 
Halfverse: a    
úpa harati havī́ṃṣy ā́ sādayati //20//

Verse: 21 
Halfverse: a    
téṣām ā́sannānām átitʰir ātmán juhoti //21//

Verse: 22 
Halfverse: a    
srucā́ hástena prāṇé yū́pe srukkāréṇa vaṣaṭkāréṇa //22//

Verse: 23 
Halfverse: a    
eté vaí priyā́ś cā́priyāś ca rtvíjaḥ svargáṃ lokáṃ gamayanti yád átitʰayaḥ //23//

Verse: 24 
Halfverse: a    
eváṃ vidvā́n dviṣánn aśnīyān dviṣató 'nnam aśnīyān mīmāṃsitásya mīmāṃsámānasya //24//

Verse: 25 
Halfverse: a    
sárvo vā́ eṣá jagdʰápāpmā yásyā́nnam aśnánti //25//

Verse: 26 
Halfverse: a    
sárvo vā́ esó 'jagdʰápāpmā yásyā́nnam nā́śnánti //26//

Verse: 27 
Halfverse: a    
sarvadā́ vā́ eṣá yuktágrāvārdrápavitro vítatādʰvara ā́hr̥tayajñakratur upahárati //27//

Verse: 28 
Halfverse: a    
prājāpatyó vā́ etásya yajñó vítato upahárati //28//

Verse: 29 
Halfverse: a    
prajā́pater vā́ eṣá vikramā́n anuvíkramate upahárati //29//

Verse: 30 
Halfverse: a    
'titʰīnāṃ āhavanī́yo véśmani gā́rhapatyo yásmin pácanti dakṣiṇāgníḥ //30// {16}


Verse: 31_{3} 
Halfverse: a    
iṣṭáṃ ca vā́ eṣá pūrtáṃ ca gr̥hā́ṇām aśnāti yáḥ pū́rvó 'titʰer aśnā́ti //31//

Verse: 32 
Halfverse: a    
páyaś ca vā́ eṣá rásaṃ ca gr̥hā́ṇām aśnāti yáḥ pū́rvó 'titʰer aśnā́ti //32//

Verse: 33 
Halfverse: a    
ūrjā́ṃ ca vā́ eṣá spʰātíṃ ca gr̥hā́ṇām aśnāti yáḥ pū́rvó 'titʰer aśnā́ti //33//

Verse: 34 
Halfverse: a    
prajā́ṃ vā́ eṣá paśū́ṃś ca gr̥hā́ṇām aśnāti yáḥ pū́rvó 'titʰer aśnā́ti //34//

Verse: 35 
Halfverse: a    
kīrtíṃ vā́ eṣá yáśaś ca gr̥hā́ṇām aśnāti yáḥ pū́rvó 'titʰer aśnā́ti //35//

Verse: 36 
Halfverse: a    
śríyaṃ vā́ eṣá saṃvídaṃ ca gr̥hā́ṇām aśnāti yáḥ pū́rvó 'titʰer aśnā́ti //36//

Verse: 37 
Halfverse: a    
eṣá vā́ átitʰir yác cʰrótriyas tásmāt pū́rvo nā́śnīyāt //37//

Verse: 38 
Halfverse: a    
aśitā́vaty átitʰāv aśnīyād yajñásya sātmatvā́ya yajñásyā́vicʰedāya tád vratám //38//

Verse: 39 
Halfverse: a    
etád vā́ u svā́dīyo yád adʰigaváṃ kṣīráṃ vā́ māṃsáṃ vā́ tád evá nā́śnīyāt //39// {17}


Verse: 40_{4} 
Halfverse: a    
eváṃ vidvā́n kṣīrám upasícyopahárati /
Halfverse: c    
yā́vad agniṣṭoméneṣṭvā́ súsamr̥ddʰenāvarunddʰé tā́vad enenā́va runddʰe //40//

Verse: 41 
Halfverse: a    
eváṃ vidvā́nt sarpír upasícyopahárati /
Halfverse: c    
yā́vad atirātréṇeṣṭvā́ súsamr̥ddʰenāvarunddʰé tā́vad enenā́va runddʰe //41//

Verse: 42 
Halfverse: a    
eváṃ vidvā́n mádʰūpasícyopahárati /
Halfverse: c    
yā́vad sattrasádyeneṣṭvā́ súsamr̥ddʰenāvarunddʰé tā́vad enenā́va runddʰe //42//

Verse: 43 
Halfverse: a    
eváṃ vidvā́n māṃsám upasícyopahárati /
Halfverse: c    
yā́vad dvādaśāhéneṣṭvā́ súsamr̥ddʰenāvarunddʰé tā́vad enenā́va runddʰe //43//

Verse: 44 
Halfverse: a    
eváṃ vidvā́n udakám upasícyopahárati /
Halfverse: c    
prajā́nāṃ prajánanāya gacʰati pratiṣṭʰā́ṃ priyáḥ prajā́nāṃ bʰavati eváṃ vidvā́n upasícyopahárati //44// {18}


Verse: 45 
Halfverse: a    
{5}   tásmā uṣā́ híṅ kr̥ṇoti savitā́ prá stauti /
Halfverse: c    
bŕ̥haspátir ūrjáyód gāyati tváṣṭā púṣṭyā práti harati víśve devā́ nidʰánam //2//
Halfverse: e    
nidʰánaṃ bʰū́tyāḥ prajā́yāḥ paśūnā́ṃ bʰavati eváṃ véda //45//

Verse: 46 
Halfverse: a    
tásmā udyánt sū́ryo híṅ kr̥ṇoti saṃgaváḥ prá stauti /
Halfverse: c    
madʰyándina úd gāyaty aparāhṇáḥ práti haraty astaṃyán nidʰánam /
Halfverse: e    
nidʰánaṃ bʰū́tyāḥ prajā́yāḥ paśūnā́ṃ bʰavati eváṃ véda //46//

Verse: 47 
Halfverse: a    
tásmā abʰró bʰávan híṅ kr̥ṇoti stanáyan prá stauti /
Halfverse: c    
vidyótamānaḥ práti harati várṣann úd gāyaty udgr̥hṇán nidʰánam /
Halfverse: e    
nidʰánaṃ bʰū́tyāḥ prajā́yāḥ paśūnā́ṃ bʰavati eváṃ véda //47//

Verse: 48 
Halfverse: a    
átitʰīn práti paśyati hiṅ kr̥ṇoty abʰí vadati prá staúty udakám yācaty úd gāyati /
Halfverse: c    
úpa harati práti haraty úccʰiṣṭaṃ nidʰánam /
Halfverse: e    
nidʰánaṃ bʰū́tyāḥ prajā́yāḥ paśūnā́ṃ bʰavati evám véda //48// {19}


Verse: 49_{6} 
Halfverse: a    
yát kṣattā́raṃ hváyaty ā́ śrāvayaty evá tát //49//

Verse: 50 
Halfverse: a    
yát pratiśr̥ṇóti pratyā́śrāvayaty evá tát //50//

Verse: 51 
Halfverse: a    
yát pariveṣṭā́raḥ pā́trahastāḥ pū́rve cā́pare ca prapádyante camasā́dʰvaryava evá //51//

Verse: 52 
Halfverse: a    
téṣāṃ káś canā́hotā //52//

Verse: 53 
Halfverse: a    
yád vā́ átitʰipatir átitʰīn parivíṣya gr̥hā́n upodaíty avabʰŕ̥tʰam evá tád upā́vaiti //53//

Verse: 54 
Halfverse: a    
yát sabʰāgáyati dákṣiṇāḥ sabʰāgayati yád anutíṣṭʰata udávasyaty evá tát //54//

Verse: 55 
Halfverse: a    
úpahūtaḥ pr̥tʰivyā́ṃ bʰakṣayaty úpahūtas tásmin yát pr̥tʰivyā́ṃ viśvárūpam //55//

Verse: 56 
Halfverse: a    
úpahūto 'ntárikṣe bʰakṣayaty úpahūtas tásmin yád diví viśvárūpam //56//

Verse: 57 
Halfverse: a    
úpahūto diví bʰakṣayaty úpahūtas tásmin yád diví viśvárūpam //57//

Verse: 58 
Halfverse: a    
úpahūto devéṣu bʰakṣayaty úpahūtas tásmin yád diví viśvárūpam //58//

Verse: 59 
Halfverse: a    
úpahūto lokéṣu bʰakṣayaty úpahūtas tásmin yád diví víśvárūpam //59//

Verse: 60 
Halfverse: a    
úpahūta úpahūtaḥ //60//

Verse: 61 
Halfverse: a    
āpnótīmáṃ lokám āpnóty amúm //61//

Verse: 62 
Halfverse: a    
jyótiṣmato lokā́n jayati eváṃ véda //62// {20}

Hymn: 7 
Verse: 1 
Halfverse: a    
prajā́patiś ca parameṣṭʰī́ ca śŕ̥ṅge índraḥ śíro agnír lalā́ṭaṃ yamáḥ kŕ̥kāṭam //1//

Verse: 2 
Halfverse: a    
sómo rā́jā mastíṣko dyaúr uttarahanúḥ pr̥tʰivy àdʰarahanúḥ //2//

Verse: 3 
Halfverse: a    
vidyúj jihvā́ marúto dántā revátir grīvā́ḥ kŕ̥ttikā skandʰā́ gʰarmó váhaḥ //3//

Verse: 4 
Halfverse: a    
víśvaṃ vāyúḥ svargó lokáḥ kr̥ṣṇadráṃ vidʰáraṇī niveṣyáḥ //4//

Verse: 5 
Halfverse: a    
śyenáḥ krotó 'ntárikṣaṃ pājasyà1ṃ bŕ̥haspátiḥ kakúd br̥hatī́ḥ kī́kasāḥ //5//

Verse: 6 
Halfverse: a    
devā́nāṃ pátnīḥ pr̥ṣṭáya upasádaḥ párśavaḥ //6//

Verse: 7 
Halfverse: a    
mitráś ca váruṇaś cā́ṃsau tváṣṭā cāryamā́ ca doṣáṇī mahādevó bāhū́ //7//

Verse: 8 
Halfverse: a    
indrāṇī́ bʰasád vāyúḥ púcʰaṃ pávamāno bā́lāḥ //8//

Verse: 9 
Halfverse: a    
bráhma ca kṣatráṃ ca śróṇī bálam ūrū́ //9//

Verse: 10 
Halfverse: a    
dʰātā́ ca savitā́ cāṣṭʰīvántau jáṅgʰā gandʰarvā́ apsarásaḥ kúṣṭʰikā áditiḥ śapʰā́ḥ //10//

Verse: 11 
Halfverse: a    
céto hŕ̥dayaṃ yákr̥n medʰā́ vratáṃ purītát //11//

Verse: 12 
Halfverse: a    
kṣút kukṣír írā vaniṣṭʰúḥ párvatāḥ plāśáyaḥ //12//

Verse: 13 
Halfverse: a    
kródʰo vr̥kkaú manyúr āṇḍaú prajā́ śépaḥ //13//

Verse: 14 
Halfverse: a    
nadī́ sūtrī́ varṣásya pátaya stánā stanayitnúr ū́dʰaḥ //14//

Verse: 15 
Halfverse: a    
viśvávyacās cármaúṣadʰayo lómāni nákṣatrāṇi rūpám //15//

Verse: 16 
Halfverse: a    
devajanā́ gúdā manuṣyā̀ āntrā́ṇy atrā́ udáram //16//

Verse: 17 
Halfverse: a    
rákṣāṃsi lóhitam itarajanā́ ū́badʰyam //17//

Verse: 18 
Halfverse: a    
abʰráṃ pī́bo majjā́ nidʰánam //18//

Verse: 19 
Halfverse: a    
agnír ā́sīna úttʰito 'śvínā //19//

Verse: 20 
Halfverse: a    
índraḥ prā́ṅ tíṣṭʰan dakṣiṇā́ tíṣṭʰan yamáḥ //20//

Verse: 21 
Halfverse: a    
pratyáṅ tíṣṭʰan dʰātódaṅ tíṣṭʰant savitā́ //21//

Verse: 22 
Halfverse: a    
tŕ̥ṇāmi prā́ptaḥ sómo rā́jā //22//

Verse: 23 
Halfverse: a    
mitrá ī́kṣamāṇa ā́vr̥tta ānandáḥ //23//

Verse: 24 
Halfverse: a    
yujyámāno vaiśvadevó yuktáḥ prajā́patir vímuktaḥ sárvam //24//

Verse: 25 
Halfverse: a    
etád vaí viśvárūpaṃ sárvarūpaṃ gorūpám //25//

Verse: 26 
Halfverse: a    
úpainaṃ viśvárūpāḥ sárvarūpāḥ paśávas tiṣṭʰanti eváṃ véda //26// {21}

Hymn: 8 
Verse: 1 
Halfverse: a    
śīrṣaktíṃ śīrṣāmayáṃ karṇaśūláṃ vilohitám /
Halfverse: c    
sárvaṃ śīrṣanyàṃ te rógaṃ bahír nír mantrayāmahe //1//

Verse: 2 
Halfverse: a    
kárṇābʰyāṃ te káṅkūṣebʰyaḥ karṇaśūláṃ visálpakam /
Halfverse: c    
sárvaṃ śīrṣanyàṃ te rógaṃ bahír nír mantrayāmahe //2//

Verse: 3 
Halfverse: a    
yásya hetóḥ pracyávate yákṣmaḥ karṇató āsyatáḥ /
Halfverse: c    
sárvaṃ śīrṣanyàṃ te rógaṃ bahír nír mantrayāmahe //3//

Verse: 4 
Halfverse: a    
yáḥ kr̥ṇóti pramótam andʰáṃ kr̥ṇóti pū́ruṣam /
Halfverse: c    
sárvaṃ śīrṣanyàṃ te rógaṃ bahír nír mantrayāmahe //4//

Verse: 5 
Halfverse: a    
aṅgabʰedám aṅgajvarám viśvāṅgyàṃ visálpakam /
Halfverse: c    
sárvaṃ śīrṣanyàṃ te rógaṃ bahír nír mantrayāmahe //5//

Verse: 6 
Halfverse: a    
yásya bʰīmáḥ pratīkāśá udvepáyati pū́ruṣam /
Halfverse: c    
takmā́naṃ viśváśāradaṃ bahír nír mantrayāmahe //6//

Verse: 7 
Halfverse: a    
ūrū́ anusárpaty átʰo éti gavī́nike /
Halfverse: c    
yákṣmaṃ te antár áṅgebʰyo bahír nír mantrayāmahe //7//

Verse: 8 
Halfverse: a    
yádi kā́mād apakāmā́d dʰŕ̥dayāj jā́yate pári /
Halfverse: c    
hr̥dó balā́sam áṅgebʰyo bahír nír mantrayāmahe //8//

Verse: 9 
Halfverse: a    
harimā́ṇaṃ te áṅgebʰyo 'pvā́m antaródárāt /
Halfverse: c    
yakṣmodʰā́m antár ātmáno bahír nír mantrayāmahe //9//

Verse: 10 
Halfverse: a    
ā́so balā́so bʰávatu mū́traṃ bʰavatv āmáyat /
Halfverse: c    
yákṣmāṇāṃ sárveṣāṃ viṣáṃ nír avocam aháṃ tvát //10// {22}

Verse: 11 
Halfverse: a    
bahír bílaṃ nír dravatu kā́hābāhaṃ távodárāt /
Halfverse: c    
yákṣmāṇāṃ sárveṣāṃ viṣáṃ nír avocam aháṃ tvát //11//

Verse: 12 
Halfverse: a    
udárāt te klomnó nā́bʰyā hŕ̥dayād ádʰi /
Halfverse: c    
yákṣmāṇāṃ sárveṣāṃ viṣáṃ nír avocam aháṃ tvát //12//

Verse: 13 
Halfverse: a    
yā́ḥ sīmā́naṃ virujánti mūrdʰā́naṃ práty arṣanī́ḥ /
Halfverse: c    
áhiṃsantīr anāmayā́ nír dravantu bahír bílam //13//

Verse: 14 
Halfverse: a    
yā́ hŕ̥dayam uparṣánty anutanvánti kī́kasāḥ /
Halfverse: c    
áhiṃsantīr anāmayā́ nír dravantu bahír bílam //14//

Verse: 15 
Halfverse: a    
yā́ḥ pārśvé uparṣánty anuníkṣanti pr̥ṣṭī́ḥ /
Halfverse: c    
áhiṃsantīr anāmayā́ nír dravantu bahír bílam //15//

Verse: 16 
Halfverse: a    
yā́s tiráścīḥ uparṣánty arṣaṇī́r vakṣáṇāsu te /
Halfverse: c    
áhiṃsantīr anāmayā́ nír dravantu bahír bílam //16//

Verse: 17 
Halfverse: a    
yā́ gúdā anusárpanty āntrā́ṇi moháyanti ca /
Halfverse: c    
áhiṃsantīr anāmayā́ nír dravantu bahír bílam //17//

Verse: 18 
Halfverse: a    
yā́ majjñó nirdʰáyanti párūṃṣi virujánti ca /
Halfverse: c    
áhiṃsantīr anāmayā́ nír dravantu bahír bílam //18//

Verse: 19 
Halfverse: a    
áṅgāni madáyanti yákṣmāso ropaṇā́s táva /
Halfverse: c    
yákṣmāṇāṃ sárveṣāṃ viṣáṃ nír avocam aháṃ tvát //19//

Verse: 20 
Halfverse: a    
visalpásya vidradʰásya vātīkārásya vālajéḥ /
Halfverse: c    
yákṣmāṇāṃ sárveṣāṃ viṣáṃ nír avocam aháṃ tvát //20//

Verse: 21 
Halfverse: a    
pā́dābʰyāṃ te jā́nubʰyāṃ śróṇibʰyāṃ pári bʰáṃsasaḥ /
Halfverse: c    
ánūkād arṣaṇī́r uṣṇíhābʰyaḥ śīrṣṇó rógam anīnaśam //21//

Verse: 22 
Halfverse: a    
sáṃ te śīrṣṇáḥ kapā́lāni hŕ̥dayasya ca vidʰúḥ /
Halfverse: c    
udyánn āditya raśmíbʰiḥ śīrṣṇó rógam anīnaśo 'ṅgabʰedám aśīśamaḥ //22// {23}

Hymn: 9 
Verse: 1 
Halfverse: a    
asyá vāmásya palitásya hótus tásya bʰrā́tā madʰyamó asty áśnaḥ /
Halfverse: c    
tr̥tī́yo bʰrā́tā gʰr̥tápr̥ṣṭʰo asyā́trāpaśyaṃ viśpátiṃ saptáputram //1//

Verse: 2 
Halfverse: a    
saptá yuñjanti rátʰam ékacakram éko áśvo vahati saptánāmā /
Halfverse: c    
trinā́bʰi cakrám ajáram anarváṃ yátremā́ víśvā bʰúvanā́dʰi tastʰúḥ //2//

Verse: 3 
Halfverse: a    
imáṃ rátʰam ádʰi saptá tastʰúḥ saptácakraṃ saptá vahanty áśvāḥ /
Halfverse: c    
saptá svásāro abʰí sáṃ navanta yátra gávām níhitā saptá nā́ma //3//

Verse: 4 
Halfverse: a    
dadarśa pratʰamáṃ jā́yamānam astʰanvántaṃ yád anastʰā́ bíbʰarti /
Halfverse: c    
bʰū́myā ásur ásr̥g ātmā́ kvà svit vidvā́ṃsam úpa gāt práṣṭum etát //4//

Verse: 5 
Halfverse: a    
ihá bravītu īm aṅgá védāsyá vāmásya níhitaṃ padáṃ véḥ /
Halfverse: c    
śīrṣṇáḥ kṣīráṃ duhrate gā́vo asya vavríṃ vásānā udakáṃ padā́ 'puḥ //5//

Verse: 6 
Halfverse: a    
pā́kaḥ pr̥cʰāmi mánasā́ 'vijānan devā́nām enā́ níhitā padā́ni /
Halfverse: c    
vatsé baṣkáyé 'dʰi saptá tántūn tatnire kaváya ótavā́ u //6//

Verse: 7 
Halfverse: a    
ácikitvāṃs cikitúṣaś cid átra kavī́n pr̥cʰāmi vidváno vidvā́n /
Halfverse: c    
yás tastámbʰa ṣáṭ imā́ rájāṃsy ajásya rūpé kíṃ ápi svid ékam //7//

Verse: 8 
Halfverse: a    
mātā́ pitáram r̥tá ā́ babʰāja 'dʰīty ágre mánasā sáṃ jagmé /
Halfverse: c    
sā́ bībʰatsúr gárbʰarasā níviddʰā námasvanta íd upavākám īyuḥ //8//

Verse: 9 
Halfverse: a    
yuktā́ mātā́sid dʰurí dákṣiṇāyā átiṣṭʰad gárbʰo vr̥janī́ṣv antáḥ /
Halfverse: c    
ámīmed vatsó ánu gā́m apaśyad viśvarūpyàṃ triṣú yóganeṣu //9//

Verse: 10 
Halfverse: a    
tisró matŕ̥̄s trī́n pitŕ̥̄n bíbʰrad éka urdʰvás tastʰau ném áva glāpayanta /
Halfverse: c    
mantráyante divó amúṣya pr̥ṣṭʰé viśvavído vā́cam áviśvavinnām //10// {24}

Verse: 11 
Halfverse: a    
páñcāre cakré parivártamāne yásminn ātastʰúr bʰúvanāni víśvā /
Halfverse: c    
tásya nā́kṣas tapyate bʰū́ribʰāraḥ sanā́d evá cʰidyate sánābʰiḥ //11//

Verse: 12 
Halfverse: a    
páñcapādaṃ pitáraṃ dvā́daśākr̥tiṃ divá āhuḥ páre árdʰe purīṣíṇam /
Halfverse: c    
átʰemé anyá úpare vicakṣaṇé saptácakre ṣáḍara āhur árpitam //12//

Verse: 13 
Halfverse: a    
dvā́daśāraṃ nahí táj járāya várvarti cakráṃ pári dyā́m r̥tásya /
Halfverse: c    
ā́ putrā́ agne mitʰunā́so átra saptá śatā́ni viṃśatíś ca tastʰuḥ //13//

Verse: 14 
Halfverse: a    
sánemi cakrám ajáraṃ vavr̥ta uttānā́yāṃ dáśa yuktā́ vahanti /
Halfverse: c    
sū́ryasya cákṣū rájasaity ā́vr̥taṃ yásminn ātastʰúr bʰúvanāni víśvā //14//

Verse: 15 
Halfverse: a    
stríyaḥ satī́s tā́m u me puṃsáḥ āhuḥ páśyad akṣaṇvā́nn cetad andʰáḥ /
Halfverse: c    
kavír yáḥ putráḥ īm ā́ ciketa yás tā́ vijānā́t pitúṣ pitā́sat //15//

Verse: 16 
Halfverse: a    
sākaṃjā́nāṃ saptátʰam āhur ekajáṃ ṣáḍ íd yamā́ ŕ̥ṣayo devajā́ íti /
Halfverse: c    
téṣām iṣṭā́ni víhitāni dʰāmaśá stʰātré rejante víkr̥tāni rūpaśáḥ //16//

Verse: 17 
Halfverse: a    
aváḥ páreṇa pará enā́ ávareṇa padā́ vatsáṃ bíbʰratī gaúr úd astʰāt /
Halfverse: c    
sā́ kadrī́cī káṃ svid árdʰaṃ párāgāt kvà svit sūte nahí yūtʰé asmín //17//

Verse: 18 
Halfverse: a    
aváḥ páreṇa pitáraṃ asya védāváḥ páreṇa pará enā́vareṇa /
Halfverse: c    
kavīyámānaḥ ihá prá vocad deváṃ mánaḥ kúto ádʰi prájātam //18//

Verse: 19 
Halfverse: a    
arvā́ñcas tā́m u párāca āhur párāñcas tā́m̐ u arvā́ca āhuḥ /
Halfverse: c    
índraś ca yā́ cakrátʰuḥ soma tā́ni dʰurā́ yuktā́ rájaso vahanti //19//

Verse: 20 
Halfverse: a    
dvā́ suparṇā́ sayújā sákʰāyā samānáṃ vr̥kṣáṃ pári ṣasvajāte /
Halfverse: c    
táyor anyáḥ píppalaṃ svādv átty ánaśnann anyó abʰí cākaśīti //20//

Verse: 21 
Halfverse: a    
yásmin vr̥kṣé madʰvádaḥ suparṇā́ niviśánte súvate cā́dʰi víśve /
Halfverse: c    
tásya yád āhúḥ píppalaṃ svādv ágre tán nón naśad yáḥ pitáraṃ véda //21//

Verse: 22 
Halfverse: a    
yátrā suparṇā́ amŕ̥tasya bʰakṣám ánimeṣaṃ vidátʰābʰisváranti /
Halfverse: c    
enā́ víśvasya bʰúvanasya gopā́ḥ dʰī́raḥ pā́kam átrā́ viveśa //22// {25}

Hymn: 10 
Verse: 1 
Halfverse: a    
yád gāyatré ádʰi gāyatrám ā́hitaṃ traíṣṭubʰaṃ traíṣṭubʰān nirátakṣata /
Halfverse: c    
yád jágaj jágaty ā́hitaṃ padáṃ ít tád vidús amr̥tatvám ānuśuḥ //1//

Verse: 2 
Halfverse: a    
gāyatréṇa práti mimīte arkám arkéṇa sā́ma traíṣṭubʰena vākám /
Halfverse: c    
vākéna vākáṃ dvipádā cátuṣpadākṣáreṇa mimate saptá vā́ṇīḥ //2//

Verse: 3 
Halfverse: a    
jágatā síndʰuṃ divy àskabʰāyad ratʰaṃtaré sū́ryaṃ páry apaśyat /
Halfverse: c    
gāyatrásya samídʰas tisrá āhus táto mahnā́ prá ririce mahitvā́ //3//

Verse: 4 
Halfverse: a    
úpa hvaye sudúgʰāṃ dʰenúm etā́ṃ suhásto godʰúg utá dohad enām /
Halfverse: c    
śréṣṭʰaṃ saváṃ savitā́ sāviṣan no 'bʰī́ddʰo gʰarmás tád u ṣú prá vocat //4//

Verse: 5 
Halfverse: a    
hiṅkr̥ṇvatī́ vasupátnī vásūnāṃ vatsám icʰántī mánasābʰyā́gāt /
Halfverse: c    
duhā́m aśvíbʰyāṃ páyo agʰnyéyáṃ sā́ vardʰatāṃ mahaté saúbʰagāya //5//

Verse: 6 
Halfverse: a    
gaúr amīmed abʰí vatsáṃ miṣántaṃ mūrdʰā́naṃ híṅṅ akr̥ṇon mātavā́ u /
Halfverse: c    
sŕ̥kvāṇaṃ gʰarmám abʰí vāvaśānā́ mímāti māyúṃ páyate páyobʰiḥ //6//

Verse: 7 
Halfverse: a    
ayáṃ śiṅkte yéna gaúr abʰívr̥tā mímāti mayúṃ dʰvasánāv ádʰi śritā́ /
Halfverse: c    
sā́ cittíbʰir cakā́ra mártyān vidyúd bʰávantī práti vavrím auhata //7//

Verse: 8 
Halfverse: a    
anác cʰaye turágātu jīvám éjad dʰruváṃ mádʰya ā́ pastyā̀nām /
Halfverse: c    
jīvó mr̥tásya carati svadʰā́bʰir ámartyo mártyenā sáyoniḥ //8//

Verse: 9 
Halfverse: a    
vidʰúṃ dadrāṇáṃ salilásya pr̥ṣṭʰé yúvānaṃ sántaṃ palitó jagāra /
Halfverse: c    
devásya paśya kā́vyaṃ mahitvā́dyá mamā́ra hyáḥ sám āna //9//

Verse: 10 
Halfverse: a    
īṃ cakā́ra asyá veda īṃ dadárśa hírug ín tásmāt /
Halfverse: c    
mātúr yónā párivīto antár bahuprajā́ nírr̥tir ā́ viveśa //10// {26}

Verse: 11 
Halfverse: a    
ápaśyaṃ gopā́m anipádyamānam ā́ ca párā ca patʰíbʰiś cárantam /
Halfverse: c    
sadʰrī́cīḥ víṣūcīr vásāna ā́ varīvarti bʰúvaneṣv antáḥ //11//

Verse: 12 
Halfverse: a    
dyaúr naḥ pitā́ janitā́ nā́bʰir átra bándʰur no mātā́ pr̥tʰivī́ mahī́yám /
Halfverse: c    
uttānáyoś camvò3r yónir antár átrā pitā́ duhitúr gárbʰam ā́dʰāt //12//

Verse: 13 
Halfverse: a    
pr̥cʰā́mi tvā páram ántaṃ pr̥tʰivyā́ḥ pr̥cʰā́mi vŕ̥ṣṇo áśvasya rétaḥ /
Halfverse: c    
pr̥cʰā́mi víśvasya bʰúvanasya nā́bʰiṃ pr̥cʰā́mi vācáḥ paramáṃ vyòma //13//

Verse: 14 
Halfverse: a    
iyáṃ védiḥ páro ántaḥ pr̥tʰivyā́ ayáṃ sómo vŕ̥ṣṇo áśvasya rétaḥ /
Halfverse: c    
ayáṃ yajñó víśvasya bʰúvanasya nā́bʰir brahmā́yáṃ vācáḥ paramáṃ vyòma //14//

Verse: 15 
Halfverse: a    
jānāmi yád ivedám ásmi niṇyáḥ sáṃnaddʰo mánasā carāmi /
Halfverse: c    
yadā́ mā́gan pratʰamajā́ r̥tásyā́d íd vācó aśnuve bʰāgám asyā́ḥ //15//

Verse: 16 
Halfverse: a    
ápāṅ prā́ṅ eti svadʰáyā gr̥bʰītó 'martyo mártyenā sáyoniḥ /
Halfverse: c    
tā́ śáśvantā viṣūcī́nā viyántā ny ànyáṃ cikyúr cikyur anyám //16//

Verse: 17 
Halfverse: a    
saptā́rdʰagarbʰā́ bʰúvanasya réto víṣṇos tiṣṭʰanti pradíśā vídʰarmaṇi /
Halfverse: c    
dʰītíbʰir mánasā vipaścítaḥ paribʰúvaḥ pári bʰavanti viśvátaḥ //17//

Verse: 18 
Halfverse: a    
r̥có akṣáre paramé vyòman yásmin devā́ ádʰi víśve niṣedúḥ /
Halfverse: c    
yás tán véda kím r̥cā́ kariṣyati ít tád vidús te amī́ sám āsate //18//

Verse: 19 
Halfverse: a    
r̥cáḥ padáṃ mā́trayā kalpáyanto 'rdʰarcéna cakḷpur víśvam éjat /
Halfverse: c    
tripā́d bráhma pururū́paṃ taṣṭʰe téna jīvanti pradíśaś cátasraḥ //19//

Verse: 20 
Halfverse: a    
sūyavasā́d bʰágavatī bʰūyā́ ádʰā vayáṃ bʰágavantaḥ syāma /
Halfverse: c    
addʰí tŕ̥ṇam agʰnye viśvadā́nīṃ píba śuddʰám udakám ācárantī //20// {27}

Verse: 21 
Halfverse: a    
gaúr ín mimāya salilā́ni tákṣatī ékapadī dvipádī sā́ cátuṣpadī /
Halfverse: c    
aṣṭā́padī návapadī babʰūvúṣī sahásrākṣarā bʰúvanasya paṅktís tásyāḥ samudrā́ ádʰi kṣaranti //21//

Verse: 22 
Halfverse: a    
kr̥ṣṇáṃ niyā́naṃ hárayaḥ suparṇā́ apó vásānā dívam út patanti /
Halfverse: c    
táṃ ā́vavr̥trant sádanād r̥tásyā́d íd gʰr̥téna pr̥tʰivī́ṃ vy ū̀duḥ //22//

Verse: 23 
Halfverse: a    
apā́d eti pratʰamā́ padvátīnāṃ kás tád vāṃ mitrāvaruṇā́ ciketa /
Halfverse: c    
gárbʰo bʰāráṃ bʰaraty ā́ cid asyā r̥táṃ píparti ánr̥taṃ pāti //23//

Verse: 24 
Halfverse: a    
virā́ḍ vā́g virā́ṭ pr̥tʰivī́ virā́ḍ antárikṣaṃ virā́ṭ prajā́patiḥ /
Halfverse: c    
virā́ṇ mr̥tyúḥ sādʰyā́nām adʰirājó babʰūva tásya bʰūtáṃ bʰávyaṃ váśe me bʰūtáṃ bʰávyaṃ váśe kr̥ṇotu //24//

Verse: 25 
Halfverse: a    
śakamáyaṃ dʰūmám ārā́d apaśyaṃ viṣūvátā pará enā́vareṇa /
Halfverse: c    
ukṣā́ṇaṃ pŕ̥śnim apacanta vīrā́s tā́ni dʰármāṇi pratʰamā́ny āsan //25//

Verse: 26 
Halfverse: a    
tráyaḥ keśína r̥tutʰā́ cakṣate saṃvatsaré vapata éka eṣām /
Halfverse: c    
víśvam anyó abʰicáṣṭe śácībʰir dʰrā́jir ékasya dadr̥śe rūpám //26//

Verse: 27 
Halfverse: a    
catvā́ri vā́k párimitā padā́ni tā́ni vidur brāhmaṇā́ manīṣíṇaḥ /
Halfverse: c    
gúhā trī́ṇi níhitā néṅgayanti turī́yaṃ vācó manuṣyā̀ vadanti //27//

Verse: 28 
Halfverse: a    
índraṃ mitráṃ váruṇam agním āhur átʰo divyáḥ suparṇó garútmān /
Halfverse: c    
ekáṃ sád víprā bahudʰā́ vadanty agníṃ yamáṃ mātariśvānam āhuḥ //28// {28}



Book: 10 
10
Hymn: 1 


Verse: 1 
Halfverse: a    
yā́ṃ kalpáyanti vahataú vadʰū́m iva viśvárūpāṃ hástakr̥tāṃ cikitsávaḥ /
Halfverse: c    
sā́rā́d etv ápa nudāma enām //1//

Verse: 2 
Halfverse: a    
śīrṣaṇvátī nasvátī karṇíṇī kr̥tyākŕ̥tā sáṃbʰr̥tā viśvárūpā /
Halfverse: c    
sā́rā́d etv ápa nudāma enām //2//

Verse: 3 
Halfverse: a    
śūdrákr̥tā rā́jakr̥tā strī́kr̥tā brahmábʰiḥ kr̥tā́ /
Halfverse: c    
jāyā́ pátyā nuttéva kartā́raṃ bándʰv r̥cʰatu //3//

Verse: 4 
Halfverse: a    
anáyāhám óṣadʰyā sárvāḥ kr̥tyā́ adūduṣam /
Halfverse: c    
yā́ṃ kṣétre cakrúr yā́ṃ góṣu yā́ṃ te púruṣeṣu //4//

Verse: 5 
Halfverse: a    
agʰám astv agʰakŕ̥te śapátʰaḥ śapatʰīyaté /
Halfverse: c    
pratyák pratipráhiṇmo yátʰā kr̥tyākŕ̥taṃ hánat //5//

Verse: 6 
Halfverse: a    
pratīcī́na āṅgirasó 'dʰyakṣo naḥ puróhitaḥ /
Halfverse: c    
pratī́cīḥ kr̥tyā́ ākŕ̥tyāmū́n kr̥tyākŕ̥to jahi //6//

Verse: 7 
Halfverse: a    
yás tvovā́ca párehī́ti pratikū́lam udāyyàm /
Halfverse: c    
táṃ kr̥tye 'bʰinívartasva mā́smā́n icʰo anāgásaḥ //7//

Verse: 8 
Halfverse: a    
yás te párūṃṣi saṃdadʰaú rátʰasyeva rbʰúr dʰiyā́ /
Halfverse: c    
táṃ gacʰa tátra 'yanam ájñātas te 'yáṃ jánaḥ //8//

Verse: 9 
Halfverse: a    
tvā kr̥tvā́lebʰiré vidvalā́ abʰicāríṇaḥ /
Halfverse: c    
śaṃbʰv ì3dáṃ kr̥tyādū́ṣaṇaṃ prativartmá punaḥsaráṃ téna tvā snapayāmasi //9//

Verse: 10 
Halfverse: a    
yád durbʰágāṃ prásnapitāṃ mr̥távatsām upeyimá /
Halfverse: c    
ápaitu sárvaṃ mát pāpáṃ dráviṇaṃ mópa tiṣṭʰatu //10// {1}

Verse: 11 
Halfverse: a    
yát te pitŕ̥bʰyo dádato yajñé nā́ma jagr̥húḥ /
Halfverse: c    
saṃdeśyā̀3t sárvasmāt pāpā́d imā́ muñcantu tvaúṣadʰīḥ //11//

Verse: 12 
Halfverse: a    
devainasā́t pítryān nāmagrāhā́t saṃdeśyā̀d abʰiníṣkr̥tāt /
Halfverse: c    
muñcántu tvā vīrúdʰo vīryeṇa bráhmaṇā r̥gbʰíḥ páyasā ŕ̥ṣīṇām //12//

Verse: 13 
Halfverse: a    
yátʰā vā́taś cyāváyati bʰū́myā reṇúm antárikṣāc cābʰrám /
Halfverse: c    
evā́ mát sárvaṃ durbʰūtáṃ bráhmanuttam ápāyati //13//

Verse: 14 
Halfverse: a    
ápa krāma nā́nadatī vínaddʰā gardabʰī́va /
Halfverse: c    
kartŕ̥̄n nakṣasvetó nuttā́ bráhmaṇā vīryā̀vatā //14//

Verse: 15 
Halfverse: a    
ayáṃ pántʰāḥ kr̥tyéti tvā nayāmo 'bʰipráhitāṃ práti tvā prá hiṇmaḥ /
Halfverse: c    
ténābʰí yāhi bʰañjaty ánasvatīva vāhínī viśvárūpā kurūtínī //15//

Verse: 16 
Halfverse: a    
párāk te jyótir ápatʰaṃ te arvā́g anyátrāsmád áyanā kr̥ṇuṣva /
Halfverse: c    
páreṇehi navatíṃ nāvyā̀3 áti durgā́ḥ srotyā́ mā́ kṣaṇiṣṭʰāḥ párehi //16//

Verse: 17 
Halfverse: a    
vā́ta iva vr̥kṣā́n mr̥ṇīhi pādáya mā́ gā́m áśvaṃ púruṣam úc cʰiṣa eṣām /
Halfverse: c    
kartŕ̥̄n nivŕ̥tyetáḥ kr̥tye 'prajāstvā́ya bodʰaya //17//

Verse: 18 
Halfverse: a    
yā́ṃ te barhíṣi yā́ṃ śmaśāné kṣétre kr̥tyā́ṃ valagáṃ nicakʰnúḥ /
Halfverse: c    
agnaú tvā gā́rhapatye 'bʰicerúḥ pā́kaṃ sántaṃ dʰī́ratarā anāgásam //18//

Verse: 19 
Halfverse: a    
upā́hr̥tam ánubuddʰaṃ níkʰātaṃ vaíraṃ tsāry ánv avidāma kártram /
Halfverse: c    
tád etu yáta ā́bʰr̥taṃ tátrā́śva iva vartatāṃ hántu kr̥tyākŕ̥taḥ prajā́m //19//

Verse: 20 
Halfverse: a    
svāyasā́ asáyaḥ santi no gr̥hé vidmā́ te kr̥tye yatidʰā́ párūṃṣi /
Halfverse: c    
út tiṣṭʰaivá párehītó 'jñāte kím ihécʰasi //20// {2}

Verse: 21 
Halfverse: a    
grīvā́s te kr̥tye pā́dau cā́pi kartsyāmi nír drava /
Halfverse: c    
indrāgnī́ asmā́n rakṣatāṃ yaú prajā́nāṃ prajā́vatī //21//

Verse: 22 
Halfverse: a    
sómo rā́jādʰipā́ mr̥ḍitā́ ca bʰūtásya naḥ pátayo mr̥ḍayantu //22//

Verse: 23 
Halfverse: a    
bʰavāśarvā́v asyatāṃ pāpakŕ̥te kr̥tyākŕ̥te /
Halfverse: c    
duṣkŕ̥te vidyútaṃ devahetím //23//

Verse: 24 
Halfverse: a    
yády eyátʰa dvipádī cátuṣpadī kr̥tyākŕ̥tā sáṃbʰr̥tā viśvárūpā /
Halfverse: c    
sétó 'ṣṭā́padī bʰūtvā́ púnaḥ párehi ducʰune //24//

Verse: 25 
Halfverse: a    
abʰyàktā́ktā svàraṃkr̥tā sárvaṃ bʰárantī duritáṃ párehi /
Halfverse: c    
jānīhi kr̥tye kartā́raṃ duhitéva pitáraṃ svám //25//

Verse: 26 
Halfverse: a    
párehi kr̥tye mā́ tiṣṭʰo viddʰásyeva padáṃ naya /
Halfverse: c    
mr̥gáḥ mr̥gayús tváṃ tvā níkartum arhati //26//

Verse: 27 
Halfverse: a    
utá hanti pūrvāsínaṃ pratyādā́yā́para íṣvā /
Halfverse: c    
utá pū́rvasya nigʰnató hanty áparaḥ práti //27//

Verse: 28 
Halfverse: a    
etád dʰí śr̥ṇú me vácó 'tʰehi yáta eyátʰa /
Halfverse: c    
yás tvā cakā́ra táṃ práti //28//

Verse: 29 
Halfverse: a    
anāgohatyā́ vaí bʰīmā́ kr̥tye mā́ no gā́m áśvaṃ púruṣaṃ vadʰīḥ /
Halfverse: c    
yátrayatrā́si níhitā tátas tvót tʰāpayāmasi parṇā́l lágʰīyasī bʰava //29//

Verse: 30 
Halfverse: a    
yádi stʰá támasā́vr̥tā jā́lenabʰíhitā iva /
Halfverse: c    
sárvāḥ saṃlúpyetáḥ kr̥tyā́ḥ púnaḥ kartré prá hiṇmasi //30//

Verse: 31 
Halfverse: a    
kr̥tyākŕ̥to valagíno 'bʰiniṣkāríṇaḥ prajā́m /
Halfverse: c    
mr̥ṇīhí kr̥tye móc cʰiṣo 'mū́n kr̥tyākŕ̥to jahi //31//

Verse: 32 
Halfverse: a    
yátʰā sū́ryo mucyáte támasas pári rā́triṃ jáhāty uṣásaśca ketū́n /
Halfverse: c    
evā́háṃ sárvaṃ durbʰūtáṃ kártraṃ kr̥tyākŕ̥tā kr̥táṃ hastī́va rájo duritáṃ jahāmi //32// {3}

Hymn: 2 
Verse: 1 
Halfverse: a    
kéna pā́rṣṇī ā́bʰr̥te pū́ruṣasya kéna māṃsáṃ sáṃbʰr̥taṃ kéna gulpʰaú /
Halfverse: c    
kénāṅgúlīḥ péśanīḥ kéna kʰā́ni kénoccʰlaṅkʰaú madʰyatáḥ káḥ pratiṣṭʰā́m //1//

Verse: 2 
Halfverse: a    
kásmān gulpʰā́v ádʰarāv akr̥ṇvann aṣṭʰīvántāv úttarau púruṣasya /
Halfverse: c    
jáṅgʰe nirŕ̥tya ny àdadʰuḥ kvà svij jā́nunoḥ saṃdʰī́ u tác ciketa //2//

Verse: 3 
Halfverse: a    
cátuṣṭayaṃ yujate sáṃhitāntaṃ jā́nubʰyām ūrdʰváṃ śitʰiráṃ kábandʰam /
Halfverse: c    
śróṇī yád ūrū́ u táj jajāna yā́bʰyāṃ kúsindʰaṃ súdr̥ḍʰaṃ babʰū́va //3//

Verse: 4 
Halfverse: a    
káti devā́ḥ katamé āsan úro grīvā́ś cikyúḥ púruṣasya /
Halfverse: c    
káti stánau vy àdadʰuḥ káḥ kapʰodaú káti skandʰā́n káti pr̥ṣṭī́r acinvan //4//

Verse: 5 
Halfverse: a    
asya bāhū́ sám abʰarad vīryā̀ṃ karavād íti /
Halfverse: c    
áṃsau asya tád deváḥ kúsindʰe ádʰy ā́ dadʰau //5//

Verse: 6 
Halfverse: a    
káḥ saptá kʰā́ni tatarda śīrṣáṇi kárṇāv imaú nā́sike cákṣaṇī múkʰam /
Halfverse: c    
yéṣāṃ purutrā́ vijayásya mahnáni cátuṣpādo dvipádo yanti yā́mam //6//

Verse: 7 
Halfverse: a    
hánvor jihvā́m ádadʰāt purūcī́m ádʰā mahī́m ádʰi śiśrāya vā́cam /
Halfverse: c    
ā́ varīvarti bʰúvaneṣv antár apó vásānaḥ u tác ciketa //7//

Verse: 8 
Halfverse: a    
mastíṣkam asya yatamó lalā́taṃ kakā́ṭikāṃ pratʰamó yáḥ kapā́lam /
Halfverse: c    
citvā́ cítyaṃ hánvoḥ pū́ruṣasya dívaṃ ruroha katamáḥ deváḥ //8//

Verse: 9 
Halfverse: a    
priyāpriyā́ṇi bahulā́ svápnaṃ saṃbādʰatandyàḥ /
Halfverse: c    
ānandā́n ugró nándāṃś ca kásmād vahati pū́ruṣaḥ //9//

Verse: 10 
Halfverse: a    
ā́rtir ávartir nírr̥tiḥ kúto púruṣé 'matiḥ /
Halfverse: c    
rā́ddʰiḥ sámr̥ddʰir ávyr̥ddʰir matír úditayaḥ kútaḥ //10// {4}

Verse: 11 
Halfverse: a    
asminn ā́po vy àdadʰāt viṣūvŕ̥taḥ purūvŕ̥taḥ sindʰusŕ̥tyāya jātā́ḥ /
Halfverse: c    
tīvrā́ aruṇā́ lóhinīs tāmradʰūmrā́ ūrdʰvā́ ávācīḥ púruṣe tiráścīḥ //11//

Verse: 12 
Halfverse: a    
asmin rūpám adadʰāt mahmā́naṃ ca nā́ma ca /
Halfverse: c    
gātúṃ asmin káḥ ketúṃ káś carítrāni púruṣe //12//

Verse: 13 
Halfverse: a    
asmin prāṇáṃ avayat apānáṃ vyānám u /
Halfverse: c    
samānám asmin devó 'dʰi śiśrāya púruṣe //13//

Verse: 14 
Halfverse: a    
asmin yajñám adadʰād éko devó 'dʰi púruṣe /
Halfverse: c    
asmint satyáṃ 'nr̥taṃ kúto mr̥tyúḥ kúto 'mŕ̥tam //14//

Verse: 15 
Halfverse: a    
asmai vā́saḥ páry adadʰāt asyā́yur akalpayat /
Halfverse: c    
bálaṃ asmai prā́yacʰat asyākalpayaj javám //15//

Verse: 16 
Halfverse: a    
kénā́po ánv atanuta kénāhar akarod rucé /
Halfverse: c    
uṣásaṃ kénā́nv ainddʰa kéna sāyaṃbʰaváṃ dade //16//

Verse: 17 
Halfverse: a    
asmin réto ny àdadʰāt tántur ā́ tāyatām íti /
Halfverse: c    
medʰā́ṃ asminn ádʰy auhat bāṇáṃ nŕ̥to dadʰau //17//

Verse: 18 
Halfverse: a    
kénemā́ṃ bʰū́mim aurṇot kéna páry abʰavad dívam /
Halfverse: c    
kénābʰí mahnā́ párvatān kéna kármāṇi púruṣaḥ //18//

Verse: 19 
Halfverse: a    
kéna parjányam ánv eti kéna sómaṃ vicakṣaṇám /
Halfverse: c    
kéna yajñám ca śraddʰā́ṃ ca kénāsmin níhitaṃ mánaḥ //19//

Verse: 20 
Halfverse: a    
kéna śrótriyam āpnoti kénemáṃ parameṣṭʰínam /
Halfverse: c    
kénemám agníṃ pū́ruṣaḥ kéna saṃvatsaráṃ mame //20// {5}

Verse: 21 
Halfverse: a    
bráhma śrótriyam āpnoti bráhmemáṃ parameṣṭʰinam /
Halfverse: c    
bráhmemám agníṃ pū́ruṣo bráhma saṃvatsaráṃ mame //21//

Verse: 22 
Halfverse: a    
kéna devā́m̐ ánu kṣiyati kéna daívajanīr viśaḥ /
Halfverse: c    
kénedám anyán nákṣatraṃ kéna sát kṣatrám ucyate //22//

Verse: 23 
Halfverse: a    
bráhma devā́m̐ ánu kṣiyati bráhma daívajanīr víśaḥ /
Halfverse: c    
bráhmedám anyán nákṣatraṃ bráhma sát kṣatrám ucyate //23//

Verse: 24 
Halfverse: a    
kéneyáṃ bʰū́mir víhitā kéna dyaúr úttarā hitā́ /
Halfverse: c    
kénedám ūrdʰváṃ tiryák cāntárikṣam vyáco hitám //24//

Verse: 25 
Halfverse: a    
bráhmaṇā bʰū́mir víhitā bráhma dyaúr úttarā hitā́ /
Halfverse: c    
bráhmedám ūrdʰváṃ tiryák cāntárikṣaṃ vyáco hitám //25//

Verse: 26 
Halfverse: a    
mūrdʰā́nam asya saṃsī́vyā́tʰarvā hŕ̥dayaṃ ca yát /
Halfverse: c    
mastíṣkād ūrdʰváḥ praírayat pávamānó 'dʰi śīrṣatáḥ //26//

Verse: 27 
Halfverse: a    
tád vā́ átʰarvaṇaḥ śíro devakośáḥ sámubjitaḥ /
Halfverse: c    
tát prāṇó abʰí rakṣati śíro ánnam átʰo mánaḥ //27//

Verse: 28 
Halfverse: a    
ūrdʰvó sr̥ṣṭā́3s tiryáṅ sr̥ṣṭā́3s sárvā díśaḥ púruṣa ā́ babʰūvā́3m̐ /
Halfverse: c    
púraṃ bráhmaṇo véda yásyāḥ púruṣa ucyáte //28//

Verse: 29 
Halfverse: a    
vaí tā́ṃ bráhmaṇo védāmŕ̥tenā́vr̥tāṃ púram /
Halfverse: c    
tásmai bráhma ca brāhmā́ś ca cákṣuḥ prāṇáṃ prajā́ṃ daduḥ //29//

Verse: 30 
Halfverse: a    
vaí tám cákṣur jahāti prāṇó jarásaḥ purā́ /
Halfverse: c    
púraṃ bráhmaṇo véda yásyāḥ púruṣa ucyáte //30//

Verse: 31 
Halfverse: a    
aṣṭā́cakrā návadvārā devā́nāṃ pū́r ayodʰyā́ /
Halfverse: c    
tásyāṃ hiraṇyáyaḥ kóśaḥ svargó jyótiṣā́vr̥taḥ //31//

Verse: 32 
Halfverse: a    
tásmin hiraṇyáye kóśe tryàre trípratiṣṭʰite /
Halfverse: c    
tásmin yád yakṣám ātmanvát tád vaí brahmavído viduḥ //32//

Verse: 33 
Halfverse: a    
prabʰrā́jamānāṃ háriṇīṃ yáśasā saṃpárīvr̥tām /
Halfverse: c    
púraṃ hiraṇyáyīṃ bráhmā́ viveśā́parājitām //33// {6}

Hymn: 3 
Verse: 1 
Halfverse: a    
ayáṃ me varaṇó maṇíḥ sapatnakṣáyaṇo vŕ̥ṣā /
Halfverse: c    
tenā́ rabʰasva tváṃ śátrūn prá mr̥ṇīhi durasyatáḥ //1//

Verse: 2 
Halfverse: a    
praíṇān cʰr̥ṇīhi prá mr̥ṇā́ rabʰasva maṇís te astu puraetā́ purástāt /
Halfverse: c    
ávārayanta varaṇéna devā́ abʰyācārám ásurāṇāṃ śváḥśvaḥ //2//

Verse: 3 
Halfverse: a    
ayáṃ maṇír varaṇó viśvábʰeṣajaḥ sahasrākṣó hárito hiraṇyáyaḥ /
Halfverse: c    
te śátrūn ádʰarān pādayāti pū́rvas tā́n dabʰnuhi tvā dviṣánti //3//

Verse: 4 
Halfverse: a    
ayáṃ te kr̥tyā́ṃ vítatām paúruṣeyād ayáṃ bʰayā́t /
Halfverse: c    
ayáṃ tvā sárvasmāt pāpā́d varaṇó vārayiṣyate //4//

Verse: 5 
Halfverse: a    
varaṇó vārayātā ayáṃ devó vánaspátiḥ /
Halfverse: c    
yákṣmo asmínn ā́viṣṭas tám u devā́ avīvaran //5//

Verse: 6 
Halfverse: a    
svápnaṃ suptvā́ yádi páśyāsi pāpáṃ mr̥gáḥ sr̥tíṃ yáti dʰā́vād ájuṣṭām /
Halfverse: c    
parikṣavā́c cʰakúneḥ pāpavādā́d ayáṃ maṇír varaṇó vārayiṣyate //6//

Verse: 7 
Halfverse: a    
árātyās tvā nírr̥tyā abʰicārā́d átʰo bʰayā́t /
Halfverse: c    
mr̥tyór ójīyaso vadʰā́d varaṇó vārayiṣyate //7//

Verse: 8 
Halfverse: a    
yán me mātā́ yán me pitā́ bʰrā́taro yác ca me svā́ yád énaś cakr̥mā́ vayám /
Halfverse: c    
táto no vārayiṣyate 'yáṃ devó vánaspátiḥ //8//

Verse: 9 
Halfverse: a    
varaṇéna právyatʰitā bʰrā́tr̥vyā me sábandʰavaḥ /
Halfverse: c    
asū́rtaṃ rájo ápy agus yantv adʰamáṃ támaḥ //9//

Verse: 10 
Halfverse: a    
áriṣṭo 'hám áriṣṭagur ā́yuṣmānt sárvapūruṣaḥ /
Halfverse: c    
tám māyáṃ varaṇó maṇíḥ pári pātu diśódiśaḥ //10// {7}

Verse: 11 
Halfverse: a    
ayáṃ me varaṇá úrasi rā́jā devó vánaspátiḥ /
Halfverse: c    
me śátrūn bādʰatām índro dásyūn ivā́surān //11//

Verse: 12 
Halfverse: a    
imáṃ bibʰarmi varaṇám ā́yuṣmān cʰatáśāradaḥ /
Halfverse: c    
me rāṣṭráṃ ca kṣatráṃ ca paśū́n ójaś ca me dadʰat //12//

Verse: 13 
Halfverse: a    
yátʰā vā́to vánaspátīn vr̥kṣā́n bʰanákty ójasā /
Halfverse: c    
evā́ sapátnān me bʰaṅgdʰi pū́rvān jātā́m̐ utā́parān varaṇás tvābʰí rakṣatu //13//

Verse: 14 
Halfverse: a    
yátʰā vā́taś cāgníś ca vr̥kṣā́n psātó vánaspátīn /
Halfverse: c    
evā́ sapátnān me psāhi pū́rvān jātā́m̐ utā́parān varaṇás tvābʰí rakṣatu //14//

Verse: 15 
Halfverse: a    
yátʰā vā́tena prákṣīṇā vr̥kṣā́ḥ śére nyàrpitāḥ /
Halfverse: c    
evā́ sapátnāṃs tváṃ máma prá kṣiṇīhi ny àrpaya /
Halfverse: e    
pū́rvān jātā́m̐ utā́parān varaṇás tvābʰí rakṣatu //15//

Verse: 16 
Halfverse: a    
tā́ṃs tváṃ prá cʰinddʰi varaṇa purā́ diṣṭā́t purā́yuṣaḥ /
Halfverse: c    
enaṃ paśúṣu dípsanti cāsya rāṣṭradipsávaḥ //16//

Verse: 17 
Halfverse: a    
yátʰā sū́ryo atibʰā́ti yátʰāsmin téja ā́hitam /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //17//

Verse: 18 
Halfverse: a    
yátʰā yáśaś candrámasy ādityé ca nr̥cákṣasi /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //18//

Verse: 19 
Halfverse: a    
yátʰā yáśaḥ pr̥tʰivyā́ṃ yátʰāsmín jātávedasi /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //19//

Verse: 20 
Halfverse: a    
yátʰā yáśaḥ kanyā̀yāṃ yátʰāsmínt sáṃbʰr̥te rátʰe /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //20// {8}

Verse: 21 
Halfverse: a    
yátʰā yáśaḥ somapītʰé madʰuparké yátʰā yáśaḥ /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //21//

Verse: 22 
Halfverse: a    
yátʰā yáśo 'gnihotré vaṣaṭkāré yátʰā yáśaḥ /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //22//

Verse: 23 
Halfverse: a    
yátʰā yáśo yájamāne yátʰāsmín yajñá ā́hitam /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //23//

Verse: 24 
Halfverse: a    
yátʰā yáśaḥ prajā́patau yátʰāsmín parameṣṭʰíni /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //24//

Verse: 25 
Halfverse: a    
yátʰā devéṣv amŕ̥taṃ yátʰaiṣu satyám ā́hitam /
Halfverse: c    
evā́ me varaṇó maṇíḥ kīrtíṃ bʰū́tiṃ yacʰatu /
Halfverse: e    
téjasā sám ukṣatu yáśasā sám anaktu //25// {9}

Hymn: 4 
Verse: 1 
Halfverse: a    
índrasya pratʰamó rátʰo devā́nām áparo rátʰo váruṇasya tr̥tī́ya ít /
Halfverse: c    
áhīnām apamā́ rátʰa stʰānúm ārad átʰārṣat //1//

Verse: 2 
Halfverse: a    
darbʰáḥ śocís tarū́ṇakam áśvasya vā́raḥ paruṣásya vā́raḥ /
Halfverse: c    
rátʰasya bándʰuram //2//

Verse: 3 
Halfverse: a    
áva śveta padā́ jahi pū́rveṇa cā́pareṇa ca /
Halfverse: c    
udaplutám iva dā́rv áhīnām arasáṃ viṣáṃ vā́r ugrám //3//

Verse: 4 
Halfverse: a    
araṃgʰuṣó nimájyonmája púnar abravīt /
Halfverse: c    
udaplutám iva dā́rv áhīnām arasáṃ viṣáṃ vā́r ugrám //4//

Verse: 5 
Halfverse: a    
paidvó hanti kasarṇī́laṃ paidváḥ śvitrám utā́sitám /
Halfverse: c    
paidvó ratʰarvyā́ḥ śíraḥ sáṃ bibʰeda pr̥dākvā́ḥ //5//

Verse: 6 
Halfverse: a    
paídva préhi pratʰamó 'nu tvā vayám émasi /
Halfverse: c    
áhīn vy àsyatāt patʰó yéna smā vayám emási //6//

Verse: 7 
Halfverse: a    
idáṃ paidvó ajāyatedám asya parā́yaṇam /
Halfverse: c    
imā́ny árvataḥ padā́higʰnyó vājínīvataḥ //7//

Verse: 8 
Halfverse: a    
sáṃyataṃ ṣparad vyā́ttaṃ sáṃ yamat /
Halfverse: c    
asmín kṣétre dvā́v áhī strī́ ca púmāṃś ca tā́v ubʰā́v arasā́ //8//

Verse: 9 
Halfverse: a    
arasā́sa ihā́hayo ánti ca dūraké /
Halfverse: c    
gʰanéna hanmi vŕ̥ścikam áhiṃ daṇḍénā́gatam //9//

Verse: 10 
Halfverse: a    
agʰāśvásyedáṃ bʰeṣajám ubʰáyo svajásya ca /
Halfverse: c    
índro 'him agʰāyántam áhiṃ paidvó arandʰayat //10// {10}

Verse: 11 
Halfverse: a    
paidvásya manmahe vayáṃ stʰirásya stʰirádʰāmnaḥ /
Halfverse: c    
imé paścā́ pŕ̥dākavaḥ pradī́dʰyata āsate //11//

Verse: 12 
Halfverse: a    
naṣṭā́savo naṣṭáviṣā hatā́ indreṇa vajríṇā /
Halfverse: c    
jagʰā́néndro jagʰnimā́ vayám //12//

Verse: 13 
Halfverse: a    
hatā́s tíraścirājayo nípiṣṭāsaḥ pŕ̥dākavaḥ /
Halfverse: c    
dárviṃ kárikrataṃ śvitráṃ darbʰéṣv asitáṃ jahi //13//

Verse: 14 
Halfverse: a    
kairātikā́ kumārikā́ sakā́ kʰánati bʰeṣajám /
Halfverse: c    
hiraṇyáyībʰir ábʰribʰir girīnā́m úpa sā́nuṣu //14//

Verse: 15 
Halfverse: a    
ā́yám agan yúvā bʰiṣák pr̥śnihā́parājitaḥ /
Halfverse: c    
vaí svajásya jámbʰana ubʰáyor vŕ̥ścikasya ca //15//

Verse: 16 
Halfverse: a    
índro 'him arandʰayan mitráś ca váruṇaś ca /
Halfverse: c    
vātāparjanyóbʰā́ //16//

Verse: 17 
Halfverse: a    
índro 'him arandʰayat pŕ̥dākuṃ ca pr̥dākvám /
Halfverse: c    
svajáṃ tíraścirājiṃ kasarṇī́laṃ dáśonasim //17//

Verse: 18 
Halfverse: a    
índro jagʰāna pratʰamáṃ janitā́ram ahe táva /
Halfverse: c    
téṣām u tr̥hyámāṇānāṃ káḥ svit téṣām asad rásaḥ //18//

Verse: 19 
Halfverse: a    
sáṃ śīrṣā́ṇy ágrabʰaṃ pauñjiṣṭʰá iva kárvaram /
Halfverse: c    
síndʰor mádʰyaṃ parétya vy ànijam áher viṣám //19//

Verse: 20 
Halfverse: a    
áhīnāṃ sárveṣāṃ viṣáṃ párā vahantu sindʰavaḥ /
Halfverse: c    
hatā́s tíraścirājayo nípiṣṭāsaḥ pŕ̥dākavaḥ //20// {11}

Verse: 21 
Halfverse: a    
óṣadʰīnām aháṃ vr̥ṇa urvárīr iva sādʰuyā́ /
Halfverse: c    
náyāmy árvatīr ivā́he niraítu viṣám //21//

Verse: 22 
Halfverse: a    
yád agnaú sū́rye viṣáṃ pr̥tʰivyā́m óṣadʰīṣu yát /
Halfverse: c    
kāndāviṣáṃ kanáknakaṃ niraítv aítu te viṣám //22//

Verse: 23 
Halfverse: a    
agnijā́ oṣadʰijā́ áhīnāṃ apsujā́ vidyúta ābabʰūvúḥ /
Halfverse: c    
yéṣāṃ jātā́ni bahudʰā́ mahā́nti tébʰyaḥ sarpébʰyo námasā vidʰema //23//

Verse: 24 
Halfverse: a    
taúdī nā́māsi kanyā̀ gʰr̥tā́cī nā́ma vā́ asi /
Halfverse: c    
adʰaspadéna te padám ā́ dade viṣadū́ṣaṇam //24//

Verse: 25 
Halfverse: a    
áṅgādaṅgāt prá cyāvaya hŕ̥dayam pári varjaya /
Halfverse: c    
ádʰā viṣásya yát téjo 'vācī́naṃ tád etu te //25//

Verse: 26 
Halfverse: a    
āré abʰūd viṣám araud viṣé viṣám aprāg ápi /
Halfverse: c    
agnír viṣám áher nír adʰāt sómo nír aṇayīt /
Halfverse: e    
daṃṣṭā́ram ánv agād viṣám áhir amr̥ta //26// {12}

Hymn: 5 
Verse: 1 
Halfverse: a    
índrasyaúja stʰéndrasya sáha stʰéndrasya bálaṃ stʰéndrasya vīryà1ṃ stʰéndrasya nr̥mṇáṃ stʰa /
Halfverse: c    
jiṣṇáve yógāya brahmayogaír vo yunajmi //1//

Verse: 2 
Halfverse: a    
índrasyaúja stʰéndrasya sáha stʰéndrasya bálaṃ stʰéndrasya vīryà1ṃ stʰéndrasya nr̥mṇáṃ stʰa /
Halfverse: c    
jiṣṇáve yógāya kṣatrayogaír vo yunajmi //2//

Verse: 3 
Halfverse: a    
índrasyaúja stʰéndrasya sáha stʰéndrasya bálaṃ stʰéndrasya vīryà1ṃ stʰéndrasya nr̥mṇáṃ stʰa /
Halfverse: c    
jiṣṇáve yógāyendrayogaír vo yunajmi //3//

Verse: 4 
Halfverse: a    
índrasyaúja stʰéndrasya sáha stʰéndrasya bálaṃ stʰéndrasya vīryà1ṃ stʰéndrasya nr̥mṇáṃ stʰa /
Halfverse: c    
jiṣṇáve yógāya somayogaír vo yunajmi //4//

Verse: 5 
Halfverse: a    
índrasyaúja stʰéndrasya sáha stʰéndrasya bálaṃ stʰéndrasya vīryà1ṃ stʰéndrasya nr̥mṇáṃ stʰa /
Halfverse: c    
jiṣṇáve yógāyāpsuyogaír vo yunajmi //5//

Verse: 6 
Halfverse: a    
índrasyaúja stʰéndrasya sáha stʰéndrasya bálaṃ stʰéndrasya vīryà1ṃ stʰéndrasya nr̥mṇáṃ stʰa /
Halfverse: c    
jiṣṇáve yógāya víśvāni bʰūtā́ny úpa tiṣṭʰantu yuktā́ ma āpa stʰa //6//

Verse: 7 
Halfverse: a    
agnér bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //7//

Verse: 8 
Halfverse: a    
índrasya bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //8//

Verse: 9 
Halfverse: a    
sómasya bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //9//

Verse: 10 
Halfverse: a    
váruṇasya bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //10// {13}

Verse: 11 
Halfverse: a    
mitrā́váruṇayor bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //11//

Verse: 12 
Halfverse: a    
yamásya bʰāgá stʰa apā́m śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //12//

Verse: 13 
Halfverse: a    
pitr̥̄ṇā́ṃ bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //13//

Verse: 14 
Halfverse: a    
devásya savitúr bʰāgá stʰa apā́ṃ śukrám āpo devīr várco asmā́su dʰatta /
Halfverse: c    
prajā́pater vo dʰā́mnāsmaí lokā́ya sādaye //14//

Verse: 15 
Halfverse: a    
va āpo 'pā́ṃ bʰāgó 'psv àntár yajuṣyò devayájanaḥ /
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ /
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //15//

Verse: 16 
Halfverse: a    
va āpo 'pā́m ūrmír apsv àntár yajuṣyò devayájanaḥ /
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ /
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //16//

Verse: 17 
Halfverse: a    
va āpo 'pā́m vatsó 'psv àntár yajuṣyò devayájanaḥ /
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ /
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //17//

Verse: 18 
Halfverse: a    
va āpo 'pā́ṃ vr̥ṣabʰó 'psv àntár yajuṣyò devayájanaḥ //
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ //
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //18//

Verse: 19 
Halfverse: a    
va āpo 'pā́ṃ hiraṇyagarbʰó 'psv àntár yajuṣyò devayájanaḥ /
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ /
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //19//

Verse: 20 
Halfverse: a    
va āpo 'pā́ṃ áśmā pŕ̥śnir divyó 'psv àntár yajuṣyò devayájanaḥ /
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ /
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //20// {14}

Verse: 21 
Halfverse: a    
va āpo 'pā́ṃ agnáyo 'psv àntár yajuṣyò devayájanaḥ /
Halfverse: c    
idáṃ tám áti sr̥jāmi táṃ mā́bʰyávanikṣi /
Halfverse: e    
téna tám abʰyátisr̥jāmo yò3 'smā́n dvéṣṭi yáṃ vayáṃ dviṣmáḥ /
Halfverse: g    
táṃ vadʰeyaṃ táṃ str̥ṣīyānéna bráhmaṇānéna kármaṇānáyā menyā́ //21//

Verse: 22 
Halfverse: a    
yád arvācī́naṃ traihāyaṇā́d ánr̥taṃ kíṃ codimá /
Halfverse: c    
ā́po tásmāt sárvasmād duritā́t pāntv áṃhasaḥ //22//

Verse: 23 
Halfverse: a    
samudráṃ vaḥ prá hiṇomi svā́ṃ yónim ápītana /
Halfverse: c    
áriṣṭāḥ sárvahāyaso mā́ ca naḥ kíṃ canā́mamat //23//

Verse: 24 
Halfverse: a    
ariprā́ ā́po ápa riprám asmát /
Halfverse: c    
prā́smád éno duritáṃ suprátīkāḥ prá duṣvápnyam prá málaṃ vahantu //24//

Verse: 25 
Halfverse: a    
víṣṇoḥ krámo 'si sapatnahā́ pr̥tʰivī́saṃśito 'gnítejāḥ /
Halfverse: c    
pr̥tʰivī́m ánu krame 'háṃ pr̥tʰivyā́s táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //25//

Verse: 26 
Halfverse: a    
víṣṇoḥ krámo 'si sapatnahā́ntárikṣasaṃśito vāyútejāḥ /
Halfverse: c    
antárikṣam ánu krame 'háṃ antárikṣāt táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //26//

Verse: 27 
Halfverse: a    
víṣṇoḥ krámo 'si sapatnahā́ dyaúsaṃśitaḥ sū́ryatejāḥ /
Halfverse: c    
dívam ánu krame 'háṃ divás táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jívīt táṃ prānó jahātu //27//

Verse: 28 
Halfverse: a    
víṣṇoḥ krámo 'si sapatnahā́ díksaṃśito mánastejāḥ /
Halfverse: c    
díśo ánu krame 'háṃ digbʰyás táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //28//

Verse: 29 
Halfverse: a    
víṣṇoḥ krámo 'si sapatnahā́śāsaṃśito vā́tatejāḥ /
Halfverse: c    
ā́śā ánu krame 'háṃ ā́śābʰyas táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //29//

Verse: 30 
Halfverse: a    
víṣṇoḥ krámo 'si sapatnahā́ ŕ̥ksaṃśito sā́matejāḥ /
Halfverse: c    
ŕ̥có 'nu krame 'háṃ r̥gbʰyás táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //30// {15}

Verse: 31 
Halfverse: a    
víṣṇoḥ krámo 'si sapatnahā́ yajñásaṃśito bráhmatejāḥ /
Halfverse: c    
yajñám ánu krame 'háṃ yajñā́t táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //31//

Verse: 32 
Halfverse: a    
víṣṇoḥ krámo 'si sapatnahaúṣadʰīsaṃśito sómatejāḥ /
Halfverse: c    
óṣadʰīr ánu krame 'háṃ óṣadʰībʰyas táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //32//

Verse: 33 
Halfverse: a    
víṣṇoḥ krámo 'si sapatnahā́psúsaṃśito váruṇatejāḥ /
Halfverse: c    
apó 'nu krame 'háṃ adbʰyás táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //33//

Verse: 34 
Halfverse: a    
víṣṇoḥ krámo 'si sapatnahā́ kr̥ṣísaṃśitó 'nnatejāḥ /
Halfverse: c    
kr̥ṣím ánu krame 'háṃ kr̥ṣyā́s táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //34//

Verse: 35 
Halfverse: a    
vísṇoḥ krámo 'si sapatnahā́ prāṇásaṃśitaḥ púruṣatejāḥ /
Halfverse: c    
prāṇám ánu krame 'háṃ prāṇā́t táṃ nír bʰajāmo yò3 'smā́n dvéṣṭi yáṃ vayáṃ dviṣmáḥ /
Halfverse: e    
mā́ jīvīt táṃ prānó jahātu //35//

Verse: 36 
Halfverse: a    
jitám asmā́kam údbʰinnam asmā́kam abʰy àṣṭʰāṃ víśvāḥ pŕ̥tanā árātīḥ /
Halfverse: c    
idám ahám āmuṣyāyaṇásyāmúṣyāḥ putrásya várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //36//

Verse: 37 
Halfverse: a    
sū́ryasyāvŕ̥tam anvā́varte dákṣiṇām ánv āvŕ̥tam /
Halfverse: c    
sā́ me dráviṇaṃ yacʰatu sā́ me brāhmaṇavarcasám //37//

Verse: 38 
Halfverse: a    
díśo jyótiṣmatīr abʰyā́varte /
Halfverse: c    
tā́ me dráviṇaṃ yacʰantu tā́ me brāhmaṇavarcasám //38//

Verse: 39 
Halfverse: a    
saptar̥ṣī́n abʰyā́varte /
Halfverse: c    
me dráviṇaṃ yacʰantu me brāhmaṇavarcasám //39//

Verse: 40 
Halfverse: a    
bráhmābʰyā́varte /
Halfverse: c    
tán me dráviṇaṃ yacʰantu tán me brāhmaṇavarcasám //40// {16}

Verse: 41 
Halfverse: a    
brāhmaṇā́m̐ abʰyā́varte /
Halfverse: c    
me dráviṇaṃ yacʰantu me brāhmaṇavarcasám //41//

Verse: 42 
Halfverse: a    
yám vayáṃ mr̥gáyāmahe táṃ vadʰaí str̥ṇavāmahai /
Halfverse: c    
vyā́tte parameṣṭʰíno bráhmaṇā́pīpadāma tám //42//

Verse: 43 
Halfverse: a    
vaiśvānarásya dáṃṣṭrābʰyāṃ hetís táṃ sám adʰāt abʰí /
Halfverse: c    
iyáṃ táṃ psātv ā́hutiḥ samíd devī́ sáhīyasī //43//

Verse: 44 
Halfverse: a    
rā́jño váruṇasya bandʰó 'si /
Halfverse: c    
'múm āmuṣyāyaṇám amúṣyāḥ putrám ánne prāṇé badʰāna //44//

Verse: 45 
Halfverse: a    
yát te ánnaṃ bʰuvas pata ākṣiyáti pr̥tʰivī́m ánu /
Halfverse: c    
tásya nas tváṃ bʰuvas pate saṃpráyacʰa prajāpate //45//

Verse: 46 
Halfverse: a    
apó divyā́ acāyiṣaṃ rásena sám apr̥kṣmahi /
Halfverse: c    
páyasvān agna ā́gamaṃ táṃ sáṃ sr̥ja várcasā //46//

Verse: 47 
Halfverse: a    
sáṃ māgne várcasā sr̥ja sáṃ prajáyā sám ā́yuṣā /
Halfverse: c    
vidyúr me asyá devā́ índro vidyāt sahá ŕ̥ṣibʰiḥ //47//

Verse: 48 
Halfverse: a    
yád agne adyá mitʰunā́ śápato yád vācás tr̥ṣṭáṃ janáyanta rebʰā́ḥ /
Halfverse: c    
manyór mánasaḥ śaravyā̀3 jā́yate yā́ táyā vidʰya hŕ̥daye yātudʰā́nān //48//

Verse: 49 
Halfverse: a    
párā śr̥ṇīhi tápasā yātudʰā́nān párāgne rákṣo hárasā śr̥ṇīhi /
Halfverse: c    
párārciṣā mū́radevāṃ cʰr̥ṇīhi párāsutŕ̥paḥ śóśucataḥ śr̥ṇīhi //49//

Verse: 50 
Halfverse: a    
apā́m asmai vájraṃ prá harāmi cáturbʰr̥ṣṭiṃ śīrṣabʰidyāya vidvā́n /
Halfverse: c    
asyā́ṅgāni prá śr̥ṇātu sárvā tán me devā́ ánu jānantu víśve //50// {17}

Hymn: 6 
Verse: 1 
Halfverse: a    
arātīyór bʰrā́tr̥vyasya durhā́rdo dviṣatáḥ śíraḥ /
Halfverse: c    
ápi vr̥ścāmy ójasā //1//

Verse: 2 
Halfverse: a    
várma máhyam ayáṃ maṇíḥ pʰā́lāj jātáḥ kariṣyati /
Halfverse: c    
pūrṇó mantʰéna mā́gamad rásena sahá várcasā //2//

Verse: 3 
Halfverse: a    
yát tvā śikváḥ parā́vadʰīt tákṣā hástena vā́syā /
Halfverse: c    
ā́pas tvā tásmaj jīvalā́ḥ punántu śúcayaḥ śúcim //3//

Verse: 4 
Halfverse: a    
híraṇyasrag ayáṃ maṇíḥ śraddʰā́ṃ yajñáṃ máho dádʰat /
Halfverse: c    
gr̥hé vasatu 'titʰiḥ //4//

Verse: 5 
Halfverse: a    
tásmai gʰr̥táṃ súraṃ mádʰv ánnamannam kṣadāmahe /
Halfverse: c    
naḥ pitéva putrébʰyaḥ śréyaḥśreyaś cikitsatu bʰū́yobʰūyaḥ śváḥśvo devébʰyo maṇír étya //5//

Verse: 6 
Halfverse: a    
yám ábadʰnād bŕ̥haspátir maṇíṃ pʰā́laṃ gʰr̥taścútam ugráṃ kadʰirám ójase /
Halfverse: c    
tám agníḥ práty amuñcata asmai duha ā́jyaṃ bʰū́yobʰūyaḥ śváḥśvas téna tváṃ dviṣató jahi //6//

Verse: 7 
Halfverse: a    
yám ábadʰnād bŕ̥haspátir maṇíṃ pʰā́laṃ gʰr̥taścútam ugráṃ kadʰirám ójase /
Halfverse: c    
tám índraḥ práty amuñcataújase vīryā̀ya kám /
Halfverse: e    
asmai bálam íd duhe bʰū́yobʰūyaḥ śváḥśvas téna tváṃ dviṣató jahi //7//

Verse: 8 
Halfverse: a    
yám ábadʰnād bŕ̥haspátir maṇíṃ pʰā́laṃ gʰr̥taścútam ugrám kadʰirám ójase /
Halfverse: c    
táṃ sómaḥ práty amuñcata mahé śrótrāya cákṣase /
Halfverse: e    
asmai várca íd duhe bʰū́yobʰūyaḥ śváḥśvas téna tvám dviṣató jahi //8//

Verse: 9 
Halfverse: a    
yám ábadʰnād bŕ̥haspátir maṇíṃ pʰā́laṃ gʰr̥taścútam ugráṃ kʰadirám ójase /
Halfverse: c    
táṃ sū́ryaḥ práty amuñcata ténemā́ ajayad díśaḥ /
Halfverse: e    
asmai bʰū́tim íd duhe bʰū́yobʰūyaḥ śváḥśvas téna tváṃ dviṣató jahi //9//

Verse: 10 
Halfverse: a    
yám ábadʰnād bŕ̥haspátir maṇíṃ pʰā́laṃ gʰr̥taścútam ugrám kʰadirám ójase /
Halfverse: c    
tám bíbʰrac candrámā maṇím ásurāṇāṃ púro 'jayad dānavā́nāṃ hiraṇyáyīḥ /
Halfverse: e    
asmai śríyam íd duhe bʰū́yobʰūyaḥ śváḥśvas téna tváṃ dviṣató jahi //10// {18}

Verse: 11 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
asmai vājínam íd duhe bʰū́yobʰūyaḥ śváḥśvas téna tváṃ dviṣató jahi //11//

Verse: 12 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
ténemā́ṃ maṇínā kr̥ṣím aśvínāv abʰí rakṣataḥ /
Halfverse: e    
bʰiṣágbʰyāṃ máho duhe bʰū́yobʰūyaḥ śváḥśvas téna tváṃ dviṣató jahi //12//

Verse: 13 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
tám bíbʰrat savitā́ maṇíṃ ténedám ajayat svàḥ /
Halfverse: e    
asmai sūnŕ̥tāṃ duhe bʰū́yobʰūyaḥ śváḥśvas téna tváṃ dviṣató jahi //13//

Verse: 14 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
tám ā́po bíbʰratīr maṇíṃ sádā dʰāvanty ákṣitāḥ /
Halfverse: e    
ābʰyo 'mŕ̥tam íd duhe bʰū́yobʰūyaḥ śváḥśvas téna tváṃ dviṣató jahi //14//

Verse: 15 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
tám rā́jā váruṇo maṇíṃ práty amuñcata śaṃbʰúvam /
Halfverse: e    
asmai satyám íd duhe bʰū́yobʰūyaḥ śváḥśvas téna tváṃ dviṣató jahi //15//

Verse: 16 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
táṃ devā́ bíbʰrato maṇíṃ sárvāṃl lokā́n yudʰā́jayan /
Halfverse: e    
ebʰyo jítim íd duhe bʰū́yobʰūyaḥ śváḥśvas téna tváṃ dviṣató jahi //16//

Verse: 17 
Halfverse: a    
yám ábadʰnād bŕ̥haspátir vā́tāya maṇím āśáve /
Halfverse: c    
tám imáṃ devátā maṇíṃ práty amuñcanta śambʰúvam /
Halfverse: e    
ābʰyo víśvam íd duhe bʰū́yobʰūyaḥ śváḥśvas téna tváṃ dviṣató jahi //17//

Verse: 18 
Halfverse: a    
r̥távas tám abadʰnatārtavā́s tám abadʰnata /
Halfverse: c    
saṃvatsarás táṃ baddʰvā́ sárvaṃ bʰūtáṃ rakṣati //18//

Verse: 19 
Halfverse: a    
antardeśā́ abadʰnata pradíśas tám abadʰnata /
Halfverse: c    
prajā́patisr̥ṣṭo maṇír dviṣató 'dʰarām̐ akaḥ //19//

Verse: 20 
Halfverse: a    
átʰarvāṇo abadʰnatātʰarvaṇā́ abadʰnata /
Halfverse: c    
taír medíno áṅgiraso dásyūnāṃ bibʰiduḥ púras téna tvám dviṣató jahi //20// {19}

Verse: 21 
Halfverse: a    
táṃ dʰātā́ práty amuñcata bʰūtáṃ vy àkalpayat /
Halfverse: c    
téna tváṃ dviṣató jahi //21//

Verse: 22 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gamad rásena sahá várcasā //22//

Verse: 23 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gamat sahá góbʰir ajāvíbʰir ánnena prajáyā sahá //23//

Verse: 24 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gamat sahá vrīhiyavā́bʰyāṃ máhasā bʰū́tyā sahá //24//

Verse: 25 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gaman mádʰor gʰr̥tásya dʰā́rayā kīlā́lena maṇíḥ sahá //25//

Verse: 26 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gamad ūrjáyā páyasā sahá dráviṇena śriyā́ sahá //26//

Verse: 27 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gamat téjasā tvíṣyā sahá yáśasā kīrtyā̀ sahá //27//

Verse: 28 
Halfverse: a    
yám ábadʰnād bŕ̥haspátir devébʰyo ásurakṣitim /
Halfverse: c    
māyáṃ maṇír ā́gamat sárvābʰir bʰū́tibʰiḥ sahá //28//

Verse: 29 
Halfverse: a    
tám imáṃ devátā maṇíṃ máhyaṃ dadatu púṣṭaye /
Halfverse: c    
abʰibʰúṃ kṣatravárdʰanaṃ sapatnadámbʰanaṃ maṇím //29//

Verse: 30 
Halfverse: a    
bráhmaṇā téjasā sahá práti muñcāmi me śivám /
Halfverse: c    
asapatnáḥ sapatnahā́ sapátnān 'dʰarām̐ akaḥ //30// {20}

Verse: 31 
Halfverse: a    
úttaraṃ dviṣató mā́m ayáṃ maṇíḥ kr̥ṇotu devajā́ḥ /
Halfverse: c    
yásya lokā́ imé tráyaḥ páyo dugdʰám upā́sate /
Halfverse: e    
māyám ádʰi rohatu maṇíḥ śraíṣṭʰyāya mūrdʰatáḥ //31//

Verse: 32 
Halfverse: a    
yáṃ devā́ḥ pitáro manuṣyā̀ upajī́vanti sarvadā́ /
Halfverse: c    
māyám ádʰi rohatu maṇíḥ śraíṣṭʰyāya mūrdʰatáḥ //32//

Verse: 33 
Halfverse: a    
yátʰā bī́jam urvárāyāṃ kr̥ṣṭé pʰā́lena róhati /
Halfverse: c    
evā́ máyi prajā́ paśávó 'nnamannaṃ rohatu //33//

Verse: 34 
Halfverse: a    
yásmai tvā yajñavardʰana máṇe pratyámucaṃ śivám /
Halfverse: c    
táṃ tváṃ śatadakṣiṇa máṇe śraiṣṭʰyāya jinvatāt //34//

Verse: 35 
Halfverse: a    
etám idʰmáṃ samā́hitaṃ juṣaṇó ágne práti harya hómaiḥ /
Halfverse: c    
tásmin vidʰema sumatíṃ svastí prajā́m cákṣuḥ paśū́nt sámiddʰe jātávedasi bráhmaṇā //35// {21}

Hymn: 7 
Verse: 1 
Halfverse: a    
kásminn áṅge tápo asyā́dʰi tiṣṭʰati kásminn áṅga r̥tám asyā́dʰy ā́hitam /
Halfverse: c    
kvà vratáṃ kvà śraddʰā́sya tiṣṭʰati kásminn áṅge satyám asya prátiṣṭʰitam //1//

Verse: 2 
Halfverse: a    
kásmād áṅgād dīpyate agnír asya kásmād áṅgāt pavate mātaríśva /
Halfverse: c    
kásmād áṅgād mimīté 'dʰi candrámā mahá skambʰásya mímāno áṅgam //2//

Verse: 3 
Halfverse: a    
kásminn áṅge tiṣṭʰati bʰū́mir asya kásminn áṅge tiṣṭʰaty antárikṣam /
Halfverse: c    
kásminn áṅge tiṣṭʰaty ā́hitā dyaúḥ kásminn áṅge tiṣṭʰaty úttaraṃ diváḥ //3//

Verse: 4 
Halfverse: a    
kvà1 prépsan dīpyata ūrdʰvó agníḥ kvà1 prépsan pavate mātaríśvā /
Halfverse: c    
yátra prépsantīr abʰiyánty āvŕ̥taḥ skambʰáṃ táṃ brūhi katamáḥ svid evá sáḥ //4//

Verse: 5 
Halfverse: a    
kvā̀rdʰamāsā́ḥ kvà yanti mā́sāḥ saṃvatsaréṇa sahá saṃvidānā́ḥ /
Halfverse: c    
yátra yánty r̥távo yátrārtavā́ḥ skambʰáṃ táṃ brūhi katamáḥ svid evá sáḥ //5//

Verse: 6 
Halfverse: a    
kvà1 prépsantī yuvatī́ vírūpe ahorātré dravataḥ saṃvidāné /
Halfverse: c    
yátra prépsantīr abʰiyánty ā́paḥ skambʰáṃ táṃ brūhi katamáḥ svid evá sáḥ //6//

Verse: 7 
Halfverse: a    
yásmint stabdʰvā́ prajā́patir lokā́nt sárvām̐ ádʰārayat /
Halfverse: c    
skambʰáṃ táṃ brūhi katamáḥ svid evá sáḥ //7//

Verse: 8 
Halfverse: a    
yát paramám avamám yác ca madʰyamáṃ prajā́patiḥ sasr̥jé viśvárūpam /
Halfverse: c    
kíyatā skambʰáḥ prá viveśa tátra yán prā́viśat kíyat tád babʰūva //8//

Verse: 9 
Halfverse: a    
kíyatā skambʰáḥ prá viveśa bʰūtám kíyad bʰaviṣyád anvā́śaye 'sya /
Halfverse: c    
ékaṃ yád áṅgam ákr̥ṇot sahasradʰā́ kíyatā skambʰáḥ prá viveśa tátra //9//

Verse: 10 
Halfverse: a    
yátra lokā́mś ca kóśāṃś cā́po bráhma jánā vidúḥ /
Halfverse: c    
ásac ca yátra sác cāntá skambʰáṃ táṃ brūhi katamáḥ svid evá sáḥ //10// {22}

Verse: 11 
Halfverse: a    
yátra tápaḥ parākrámya vratáṃ dʰāráyaty úttaram /
Halfverse: c    
r̥táṃ ca yátra śraddʰā́ cā́po bráhma samā́hitāḥ skambʰáṃ táṃ brūhi katamáḥ svid evá sáḥ //11//

Verse: 12 
Halfverse: a    
yásmin bʰū́mir antárikṣaṃ dyaúr yásminn ádʰy ā́hitā /
Halfverse: c    
yátrāgníś candrámāḥ sū́ryo vā́tas tiṣṭʰanty ā́rpitāḥ skambʰáṃ táṃ brūhi katamáḥ svid evá sáḥ //12//

Verse: 13 
Halfverse: a    
yásya tráyastriṃśad devā́ áṅge sárve samā́hitāḥ /
Halfverse: c    
skambʰáṃ táṃ brūhi katamáḥ svid evá sáḥ //13//

Verse: 14 
Halfverse: a    
yátra ŕ̥ṣayaḥ pratʰamajā́ ŕ̥caḥ sā́ma yájur mahī́ /
Halfverse: c    
ekarṣír yásminn ā́rpitaḥ skambʰáṃ táṃ brūhi katamáḥ svid evá sáḥ //14//

Verse: 15 
Halfverse: a    
yátrāmŕ̥taṃ ca mr̥tyúś ca púruṣé 'dʰi samā́hite /
Halfverse: c    
samudró yásya nāḍyà1ḥ púruṣé 'dʰi samā́hitāḥ skambʰáṃ táṃ brūhi katamáḥ svid evá sáḥ //15//

Verse: 16 
Halfverse: a    
yásya cátasraḥ pradíśo nāḍyà1s tíṣṭʰanti pratʰamā́ḥ /
Halfverse: c    
yajñó yátra párākrāntaḥ skambʰáṃ táṃ brūhi katamáḥ svid evá sáḥ //16//

Verse: 17 
Halfverse: a    
púruṣe bráhma vidús viduḥ parameṣṭʰínam /
Halfverse: c    
véda parameṣṭʰínaṃ yáś ca véda prajā́patim /
Halfverse: e    
jyeṣṭʰáṃ brā́hmaṇaṃ vidús te skambʰám anusáṃviduḥ //17//

Verse: 18 
Halfverse: a    
yásya śíro vaiśvānaráś cákṣur áṅgirasó 'bʰavan /
Halfverse: c    
áṅgāni yásya yātávaḥ skambʰáṃ táṃ brūhi katamáḥ svid evá sáḥ //18//

Verse: 19 
Halfverse: a    
yásya bráhma múkʰam āhúr jihvā́ṃ madʰukaśā́m utá /
Halfverse: c    
virā́jam ū́dʰo yásyāhúḥ skambʰáṃ táṃ brūhi katamáḥ svid evá sáḥ //19//

Verse: 20 
Halfverse: a    
yásmād ŕ̥co apā́takṣan yájur yásmād apā́kaṣan /
Halfverse: c    
sā́māni yásya lómāny atʰarvāṅgiráso múkʰaṃ skambʰáṃ táṃ brūhi katamáḥ svid evá sáḥ //20// {23}

Verse: 21 
Halfverse: a    
asaccākʰā́ṃ pratíṣṭʰantīṃ paramám iva jánā viduḥ /
Halfverse: c    
utó sán manyanté 'vare te śā́kʰām upā́sate //21//

Verse: 22 
Halfverse: a    
yátrādityā́ś ca rudrā́ś ca vásavaś ca samā́hítāḥ /
Halfverse: c    
bʰūtáṃ ca yátra bʰávyaṃ ca sárve lokā́ḥ prátiṣṭʰitāḥ skambʰáṃ táṃ brūhi katamáḥ svid evá sáḥ //22//

Verse: 23 
Halfverse: a    
yásya tráyastriṃśad devā́ nidʰíṃ rákṣanti sarvadā́ /
Halfverse: c    
nidʰíṃ tám adyá veda yáṃ devā abʰirákṣatʰa //23//

Verse: 24 
Halfverse: a    
yátra devā́ brahmavído bráhma jyeṣṭʰám upā́sate /
Halfverse: c    
vaí tā́n vidyā́t pratyákṣaṃ brahmā́ véditā syāt //24//

Verse: 25 
Halfverse: a    
br̥hánto nā́ma devā́ 'sataḥ pári jajñiré /
Halfverse: c    
ékaṃ tád áṅgaṃ skambʰásyā́sad āhuḥ paró jánāḥ //25//

Verse: 26 
Halfverse: a    
yátra skambʰáḥ prajanáyan purāṇáṃ vyávartayat /
Halfverse: c    
ékaṃ tád áṅgaṃ skambʰásya purāṇám anusáṃviduḥ //26//

Verse: 27 
Halfverse: a    
yásya tráyastriṃśad devā́ áṅge gā́trā vibʰejiré /
Halfverse: c    
tā́n vaí tráyastriṃśad devā́n éke brahamvído viduḥ //27//

Verse: 28 
Halfverse: a    
hiraṇyagarbʰám paramám anatyudyáṃ jánā viduḥ /
Halfverse: c    
skambʰás tád ágre prā́siñcad dʰíraṇyaṃ loké antarā́ //28//

Verse: 29 
Halfverse: a    
skambʰé lokā́ḥ skambʰé tápaḥ skambʰé 'dʰy r̥tám ā́hitam /
Halfverse: c    
skámbʰa tvā́ veda pratyákṣam índre sárvaṃ samā́hitam //29//

Verse: 30 
Halfverse: a    
índre lokā́ índre tápa índre 'dʰy r̥tám ā́hitam /
Halfverse: c    
índraṃ tvā́ veda pratyákṣaṃ skambʰé sárvaṃ prátiṣṭʰitam //30// {24}

Verse: 31 
Halfverse: a    
nā́ma nā́mnā johavīti purā́ sū́ryāt puróṣásaḥ /
Halfverse: c    
yád ajáḥ pratʰamáṃ saṃbabʰū́va ha tát svarā́jyam iyāya yásmān nā́nyát páram ásti bʰūtám //31//

Verse: 32 
Halfverse: a    
yásya bʰū́miḥ pramā́ntárikṣam utódáram /
Halfverse: c    
dívaṃ yáś cakré mūrdʰā́naṃ tásmai jyeṣṭʰā́ya bráhmaṇe námaḥ //32//

Verse: 33 
Halfverse: a    
yásya sū́ryaś cákṣuś candrámāś ca púnarṇavaḥ /
Halfverse: c    
agníṃ yáś cakrá āsyà1ṃ tásmai jyeṣṭʰā́ya bráhmaṇe námaḥ //33//

Verse: 34 
Halfverse: a    
yásya vā́taḥ prāṇāpānaú cákṣur áṅgirasó 'bʰavan /
Halfverse: c    
díśo yáś cakré prajñā́nīs tásmai jyeṣṭʰā́ya bráhmaṇe námaḥ //34//

Verse: 35 
Halfverse: a    
skambʰó dādʰāra dyā́vāpr̥tʰivī́ ubʰé imé skambʰó dādʰārorv àntárikṣam /
Halfverse: c    
skambʰó dādʰāra pradíśaḥ ṣáḍ urvī́ḥ skambʰá idáṃ víśvaṃ bʰúvanam ā́ viveśa //35//

Verse: 36 
Halfverse: a    
yáḥ śrámāt tápaso jātó lokā́nt sárvānt samānaśé /
Halfverse: c    
sómaṃ yáś cakré kévalaṃ tásmai jyeṣṭʰā́ya bráhmaṇe námaḥ //36//

Verse: 37 
Halfverse: a    
katʰáṃ vā́to nélayati katʰáṃ ramate mánaḥ /
Halfverse: c    
kím ā́paḥ satyáṃ prépsantīr nélayanti kadā́ caná //37//

Verse: 38 
Halfverse: a    
mahád yakṣáṃ bʰúvanasya mádʰye tápasi krāntáṃ salilásya pr̥ṣṭʰé /
Halfverse: c    
tásmin cʰrayante u ca devā́ vr̥kṣásya skándʰaḥ paríta iva śā́kʰāḥ //38//

Verse: 39 
Halfverse: a    
yásmai hástābʰyāṃ pā́dābʰyāṃ vācā́ śrótreṇa cákṣuṣā /
Halfverse: c    
yásmai devā́ḥ sádā balíṃ prayácʰanti vímité 'mitaṃ skambʰáṃ táṃ brūhi katamáḥ svid evá sáḥ //39//

Verse: 40 
Halfverse: a    
ápa tásya hatáṃ támo vyā́vr̥ttaḥ pāpmánā /
Halfverse: c    
sárvāṇi tásmin jyótīṃṣi yā́ni trī́ṇi prajā́patau //40//

Verse: 41 
Halfverse: a    
vetasáṃ hiraṇyáyaṃ tiṣṭʰantaṃ salilé véda /
Halfverse: c    
vaí gúhyaḥ prajā́patiḥ //41//

Verse: 42 
Halfverse: a    
tantrám éke yuvatī́ vírūpe abʰyākrā́maṃ vayataḥ ṣáṇmayūkʰam /
Halfverse: c    
prā́nyā́ tántūṃs tiráte dʰatté anyā́ nā́pa vr̥ñjāte gamāto ántam //42//

Verse: 43 
Halfverse: a    
táyor aháṃ parinŕ̥tyantyor iva jānāmi yatarā́ parástāt /
Halfverse: c    
púmān enad vayaty úd gr̥ṇanti púmān enad jabʰārā́dʰi nā́ke //43//

Verse: 44 
Halfverse: a    
imé mayū́kʰā úpa tastabʰur dívaṃ sā́māni cakrus tásarāṇi vā́tave //44// {25}

Hymn: 8 
Verse: 1 
Halfverse: a    
bʰūtáṃ ca bʰávyaṃ ca sárvaṃ yáś cādʰitíṣṭʰati /
Halfverse: c    
sv à1ryásya ca kévalaṃ tásmai jyeṣṭʰā́ya bráhmaṇe námaḥ //1//

Verse: 2 
Halfverse: a    
skambʰénemé víṣṭabʰite dyaúś ca bʰū́miś ca tiṣṭʰataḥ /
Halfverse: c    
skambʰá idáṃ sárvam ātmanvád yát prāṇán nimiṣác ca yát //2//

Verse: 3 
Halfverse: a    
tisró ha prajā́ atyāyám āyan ny ànyā́ arkám abʰíto 'viśanta /
Halfverse: c    
br̥hán ha tastʰau rájaso vimā́no hárito háriṇīr ā́ viveśa //3//

Verse: 4 
Halfverse: a    
dvā́daśa pradʰáyaś cakrám ékaṃ trī́ṇi nábʰyāni u tác ciketa /
Halfverse: c    
tátrā́hatās trī́ṇi śatā́ni śaṅkávaḥ ṣaṣṭíś ca kʰī́lā ávicācalā //4//

Verse: 5 
Halfverse: a    
idáṃ savitar jānīhi ṣáḍ yamā́ éka ekajáḥ /
Halfverse: c    
tásmin hāpitvám icʰante eṣām éka ekajáḥ //5//

Verse: 6 
Halfverse: a    
āvíḥ sán níhitaṃ gúhā járan nā́ma mahát padám /
Halfverse: c    
tátredáṃ sárvam ā́rpitam éjat prāṇát prátiṣṭʰitam //6//

Verse: 7 
Halfverse: a    
ékacakraṃ vartata ékanemi sahásrākṣaraṃ prá puró paścā /
Halfverse: c    
ardʰéna víśvaṃ bʰúvanaṃ jajā́na yád asyārdʰáṃ kvà1 tád babʰūva //7//

Verse: 8 
Halfverse: a    
pañcavāhī́ vahatyágram eṣāṃ práṣṭayo yuktā́ anusáṃvahanti /
Halfverse: c    
áyātam asya dadr̥śé yātáṃ páraṃ nédīyó 'varaṃ dávīyaḥ //8//

Verse: 9 
Halfverse: a    
tiryágbilaś camasá ūrdʰvábudʰnas tásmin yáśo níhitaṃ viśvárūpam /
Halfverse: c    
tád āsata ŕ̥ṣayaḥ saptá sākáṃ asyá gopā́ maható babʰūvúḥ //9//

Verse: 10 
Halfverse: a    
yā́ purástād yujyáte yā́ ca paścā́d yā́ viśváto yujyáte yā́ ca sarvátaḥ /
Halfverse: c    
yáyā yajñáḥ prā́ṅ tāyáte tā́ṃ tvā pr̥cʰāmi katamā́ sā́ r̥cā́m //10// {26}

Verse: 11 
Halfverse: a    
yád éjati pátati yác ca tíṣṭʰati prāṇád áprāṇan nimiṣác ca yád bʰúvat /
Halfverse: c    
tád dādʰāra pr̥tʰivī́ṃ viśvárūpaṃ tát saṃbʰū́ya bʰavaty ékam evá //11//

Verse: 12 
Halfverse: a    
anantáṃ vítataṃ purutrā́nantám ántavac sámante /
Halfverse: c    
nākapāláś carati vicinván vidvā́n bʰūtám utá bʰávyam asya //12//

Verse: 13 
Halfverse: a    
prajā́patiś carati gárbʰe antár ádr̥śyamāno bahudʰā́ jāyate /
Halfverse: c    
ardʰéna víśvaṃ bʰúvanaṃ jajā́na yád asyārdʰáṃ katamáḥ ketúḥ //13//

Verse: 14 
Halfverse: a    
ūrdʰváṃ bʰárantam udakáṃ kumbʰénevodahāryàm /
Halfverse: c    
páśyanti sárve cákṣuṣā sárve mánasā viduḥ //14//

Verse: 15 
Halfverse: a    
dūré pūrṇéna vasati dūrá ūnéna hīyate /
Halfverse: c    
mahád yakṣáṃ bʰúvanasya mádʰye tásmai balíṃ rāṣṭrabʰŕ̥to bʰaranti //15//

Verse: 16 
Halfverse: a    
yátaḥ sū́ryaḥ udéty ástaṃ yátra ca gácʰati /
Halfverse: c    
tád evá manye 'háṃ jyeṣṭʰáṃ tád u nā́ty eti kíṃ caná //16//

Verse: 17 
Halfverse: a    
arvā́ṅ mádʰya utá purāṇáṃ védaṃ vidvā́ṃsam abʰíto vádanti /
Halfverse: c    
ādityám evá pári vadanti sárve agníṃ dvitī́yaṃ trivŕ̥taṃ ca haṃsám //17//

Verse: 18 
Halfverse: a    
sahasrāhṇyáṃ víyatāv asya pakṣaú hárer haṃsásya pátataḥ svargám /
Halfverse: c    
devā́nt sárvān úrasy upadádya saṃpáśyan yāti bʰúvanāni víśvā //18//

Verse: 19 
Halfverse: a    
satyénordʰvás tapati bráhmaṇārvā́ṅ paśyati /
Halfverse: c    
prāṇéna tiryáṅ prā́ṇati yásmin jyeṣṭʰám ádʰi śritám //19//

Verse: 20 
Halfverse: a    
vaí vidyā́d aráṇī yā́bʰyāṃ nirmatʰyáte vásu /
Halfverse: c    
vidvā́n jyeṣṭʰáṃ manyeta vidyād brā́hmaṇaṃ mahát //20// {27}

Verse: 21 
Halfverse: a    
apā́d ágre sám abʰavat ágre svà1r ā́bʰarat /
Halfverse: c    
cátuṣpād bʰūtvā́ bʰógyaḥ sárvam ā́datta bʰójanam //21//

Verse: 22 
Halfverse: a    
bʰógyo bʰavad átʰo ánnam adad bahú /
Halfverse: c    
devám uttarā́vantam upā́sātai sanātánam //22//

Verse: 23 
Halfverse: a    
sanātánam enam āhur utā́dyá syāt púnarṇavaḥ /
Halfverse: c    
ahorātré prá jāyete anyó anyásya rūpáyoḥ //23//

Verse: 24 
Halfverse: a    
śatáṃ sahásram ayútaṃ nyàrbudam asaṃkʰyeyáṃ svám asmin níviṣṭam /
Halfverse: c    
tád asya gʰnanty abʰipáśyata evá tásmād devó rocat eṣá etát //24//

Verse: 25 
Halfverse: a    
bā́lād ékam aṇīyaskám utaíkaṃ néva dr̥śyate /
Halfverse: c    
tátaḥ páriṣvajīyasī devátā sā́ máma priyā́ //25//

Verse: 26 
Halfverse: a    
iyáṃ kalyāṇy à1járā mártyasyāmŕ̥tā gr̥hé /
Halfverse: c    
yásmai kr̥tā́ śáye yáś cakā́ra jajā́ra sáḥ //26//

Verse: 27 
Halfverse: a    
tváṃ strī́ tváṃ púmān asi tváṃ kumārá utá kumārī́//
Halfverse: b    
tváṃ jīrṇó daṇḍéna vañcasi tváṃ jātó bʰavasi viśvátomukʰaḥ //27//

Verse: 28 
Halfverse: a    
utaíṣāṃ pitótá putrá eṣām utaíṣāṃ jyeṣṭʰá utá kaniṣṭʰáḥ /
Halfverse: c    
éko ha devó mánasi práviṣṭaḥ pratʰamó jātáḥ u gárbʰe antáḥ //28//

Verse: 29 
Halfverse: a    
pūrṇā́t pūrṇám úd acati pūrṇáṃ pūrṇéna sicyate /
Halfverse: c    
utó tád adyá vidyāma yátas tát pariṣicyáte //29//

Verse: 0 
Halfverse: a    
eṣā́ sanátnī sánam evá jātaíṣā́ purāṇī́ pári sárvaṃ babʰūva /
Halfverse: c    
mahī́ devy ù1ṣáso vibʰātī́ saíkenaikena miṣatā́ caṣṭe //30// {28}

Verse: 31 
Halfverse: a    
ávir vaí nā́ma devátarténāste párīvr̥tā /
Halfverse: c    
tásyā rūpéṇemé vr̥kṣā́ háritā háritasrajaḥ //31//

Verse: 32 
Halfverse: a    
ánti sántaṃ jahāty ánti sántaṃ paśyati /
Halfverse: c    
devásya paśya kā́vyaṃ mamāra jīryati //32//

Verse: 33 
Halfverse: a    
apūrvéṇeṣitā́ vā́cas tā́ vadanti yatʰāyatʰám /
Halfverse: c    
vádantīr yátra gácʰanti tád āhur brā́hmaṇaṃ mahát //33//

Verse: 34 
Halfverse: a    
yátra devā́ś ca manuṣyā̀ś cārā́ nā́bʰāv iva śritā́ḥ /
Halfverse: c    
apā́ṃ tvā púṣpaṃ pr̥cʰāmi yátra tán māyáyā hitám //34//

Verse: 35 
Halfverse: a    
yébʰir vā́ta iṣitáḥ pravā́ti dádante páñca díśaḥ sadʰrī́cīḥ /
Halfverse: c    
ā́hutim atyámanyanta devā́ apā́ṃ netā́raḥ katamé āsan //35//

Verse: 36 
Halfverse: a    
imā́m eṣāṃ pr̥tʰivī́ṃ vásta éko 'ntárikṣaṃ páry éko babʰūva /
Halfverse: c    
dívam eṣāṃ dadate vidʰartā́ víśvā ā́śāḥ práti rakṣanty éke //36//

Verse: 37 
Halfverse: a    
vidyā́t sū́traṃ vítataṃ yásminn ótāḥ prajā́ imā́ḥ /
Halfverse: c    
sū́traṃ sū́trasya vidyā́d vidyād brā́hmaṇaṃ mahát //37//

Verse: 38 
Halfverse: a    
védāháṃ sū́traṃ vítataṃ yásminn ótāḥ prajā́ imā́ḥ /
Halfverse: c    
sū́traṃ sū́trasyāháṃ vedā́tʰo yád brā́hmaṇaṃ mahád //38//

Verse: 39 
Halfverse: a    
yád antarā́ dyā́vāpr̥tʰivī́ agnír aít pradáhan viśvadāvyàḥ /
Halfverse: c    
yátrā́tiṣṭʰann ékapatnīḥ parástāt kvèvāsīn mātaríśvā tadā́nīm //39//

Verse: 40 
Halfverse: a    
apsv ā̀sīn mātaríśvā práviṣṭaḥ práviṣṭā devā́ḥ salilā́ny āsan//
Halfverse: b    
br̥hán ha tastʰau rájaso vimā́naḥ pávamāno haríta ā́ viveśa //40//

Verse: 41 
Halfverse: a    
úttareṇeva gayatrī́m amŕ̥té 'dʰi cakrame /
Halfverse: c    
sā́mnā sā́ma saṃvidúr ajás tád dadr̥śe kvà //41//

Verse: 42 
Halfverse: a    
nivéśanaḥ saṃgámano vásūnāṃ devá iva savitā́ satyádʰarmā /
Halfverse: c    
índro tastʰau samaré dʰánānām //42//

Verse: 43 
Halfverse: a    
puṇḍárīkaṃ návadvāraṃ tribʰír guṇébʰir ā́vr̥tam /
Halfverse: c    
tásmin yád yakṣám ātmanvát tád vaí brahmavído viduḥ //43//

Verse: 44 
Halfverse: a    
akāmó dʰī́ro amŕ̥taḥ svayaṃbʰū́ rásena tr̥ptó kútaś canónaḥ /
Halfverse: c    
tám evá vidvā́n bibʰāya mr̥tyór ātmā́naṃ dʰī́ram ajáraṃ yúvānam //44// {29}

Hymn: 9 
Verse: 1 
Halfverse: a    
agʰāyatā́m ápi nahyā múkʰāni sapátneṣu vájram arpayaitám /
Halfverse: c    
índreṇa dattā́ pratʰamā́ śataúdanā bʰrātr̥vyagʰnī́ yájamānasya gātúḥ //1//

Verse: 2 
Halfverse: a    
védiṣ ṭe cárma bʰavatu barhír lómāni yā́ni te /
Halfverse: c    
eṣā́ tvā raśanā́grabʰīd grā́vā tvaiṣó 'dʰi nr̥tyatu //2//

Verse: 3 
Halfverse: a    
bā́lās te prókṣaṇīḥ santu jīhvā́ sáṃ mārṣṭu agʰnye /
Halfverse: c    
śuddʰā́ tváṃ yajñíyā bʰūtvā́ dívaṃ préhi śataudane //3//

Verse: 4 
Halfverse: a    
yáḥ śataúdanāṃ pácati kāmapréṇa kalpate /
Halfverse: c    
prītā́ hy àsya r̥tvíjaḥ sárve yánti yatʰāyatʰám //4//

Verse: 5 
Halfverse: a    
svargám ā́ rohati yátrādás tridiváṃ diváḥ /
Halfverse: c    
apūpánābʰiṃ kr̥tvā́ dádāti śataúdanām //5//

Verse: 6 
Halfverse: a    
tā́ṃl lokā́nt sám āpnoti divyā́ ca pā́rtʰivāḥ /
Halfverse: c    
híraṇyajyotiṣaṃ kr̥tvā́ dádāti śataúdanām //6//

Verse: 7 
Halfverse: a    
te devi śamitā́raḥ paktā́ro ca te jánāḥ /
Halfverse: c    
tvā sárve gopsyanti maíbʰyo bʰaiṣīḥ śataudane //7//

Verse: 8 
Halfverse: a    
vásavas tvā dakṣiṇatá uttarā́n marútas tvā /
Halfverse: c    
ādityā́ḥ paścā́d gopsyanti sā́gniṣṭomám áti drava //8//

Verse: 9 
Halfverse: a    
devā́ḥ pitáro manuṣyā̀ gandʰarvāpsarásaś ca /
Halfverse: c    
tvā sárve gopsyanti sā́tirātrám áti drava //9//

Verse: 10 
Halfverse: a    
antárikṣaṃ dívaṃ bʰū́mim ādityā́n marúto díśaḥ /
Halfverse: c    
lokā́nt sárvān āpnoti dádāti śataúdanām //10// {30}

Verse: 11 
Halfverse: a    
gʰr̥táṃ prokṣántī subʰágā devī́ devā́n gamiṣyati /
Halfverse: c    
paktā́ram agʰnye mā́ hiṃsīr dívaṃ préhi śataudane //11//

Verse: 12 
Halfverse: a    
devā́ diviṣádo antarikṣasádaś ca cemé bʰū́myām ádʰi /
Halfverse: c    
tébʰyas tváṃ dʰukṣva sarvadā́ kṣīráṃ sarpír átʰo mádʰu //12//

Verse: 13 
Halfverse: a    
yát te śíro yát te múkʰaṃ yaú kárṇau ca te hánū /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //13//

Verse: 14 
Halfverse: a    
yaú ta óṣṭʰau nā́sike śŕ̥ṅge ca 'kṣiṇī /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //14//

Verse: 15 
Halfverse: a    
yát te klomā́ yád dʰŕ̥dayaṃ purītát sahákaṇṭʰikā /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //15//

Verse: 16 
Halfverse: a    
yát te yákr̥d mátasne yád āntrám yā́ś ca te gúdāḥ /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //16//

Verse: 17 
Halfverse: a    
yás te plāśír vaniṣṭʰúr yaú kukṣī́ yác ca cárma te /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //17//

Verse: 18 
Halfverse: a    
yát te majjā́ yád ástʰi yán maṃsáṃ yác ca lóhitam /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //18//

Verse: 19 
Halfverse: a    
yaú te bāhū́ doṣáṇī yā́v áṃsau yā́ ca te kakút /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //19//

Verse: 20 
Halfverse: a    
yā́s te grīvā́ skandʰā́ yā́ḥ pr̥ṣṭī́r yā́ś ca párśavaḥ /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //20// {31}

Verse: 21 
Halfverse: a    
yaú ta urū́ aṣṭʰīvántau śróṇī yā́ ca te bʰasát /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //21//

Verse: 22 
Halfverse: a    
yát te púcʰaṃ te bā́lā yád ū́dʰo ca te stánāḥ /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //22//

Verse: 23 
Halfverse: a    
yā́s te jáṅgʰāḥ yā́ḥ kúṣṭʰikā r̥cʰárā ca te śapʰā́ḥ /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //23//

Verse: 24 
Halfverse: a    
yát te cárma śataudane yā́ni lómāny agʰnye /
Halfverse: c    
āmíkṣāṃ duhratāṃ dātré kṣīráṃ sarpír átʰo mádʰu //24//

Verse: 25 
Halfverse: a    
kroḍaú te stāṃ purodā́śāv ā́jyenābʰígʰāritau /
Halfverse: c    
taú pakṣaú devi kr̥tvā́ sā́ paktā́raṃ dívaṃ vaha //25//

Verse: 26 
Halfverse: a    
ulū́kʰale músale yáś ca cármaṇi śū́rpe taṇḍuláḥ káṇaḥ /
Halfverse: c    
yáṃ vā́to mātaríśvā pávamāno mamā́tʰāgníṣ ṭád dʰótā súhutaṃ kr̥ṇotu //26//

Verse: 27 
Halfverse: a    
apó devī́r mádʰumatīr gʰr̥taścúto brahmáṇāṃ hásteṣu prapr̥tʰák sādayāmi /
Halfverse: c    
yátkāma idám abʰiṣiñcā́mi vo 'háṃ tán me sárvaṃ sáṃ padyatāṃ vayáṃ syāma pátayo rayīṇā́m //27// {32}

Hymn: 10 
Verse: 1 
Halfverse: a    
námas te jā́yamānāyai jātā́yā utá te námaḥ /
Halfverse: c    
bā́lebʰyaḥ śapʰébʰyo rūpā́yāgʰnye te námaḥ //1//

Verse: 2 
Halfverse: a    
vidyā́t saptá pravátaḥ saptá vidyā́t parāvátaḥ /
Halfverse: c    
śíro yajñásya vidyā́t vaśā́ṃ práti gr̥hṇīyāt //2//

Verse: 3 
Halfverse: a    
védāháṃ saptá pravátaḥ saptá veda parāvátaḥ /
Halfverse: c    
śíro yajñásyāháṃ veda sómaṃ cāsyāṃ vicakṣaṇám //3//

Verse: 4 
Halfverse: a    
yáyā dyaúr yáyā pr̥tʰivī́ yáyā́po gupitā́ imā́ḥ /
Halfverse: c    
vaśā́ṃ sahásradʰārāṃ bráhmaṇācʰā́vadāmasi //4//

Verse: 5 
Halfverse: a    
śatáṃ kaṃsā́ḥ śatáṃ dogdʰā́raḥ śatáṃ goptā́ro ádʰi pr̥ṣṭʰé asyāḥ /
Halfverse: c    
devā́s tásyāṃ prāṇánti te vaśā́ṃ vidur ekadʰā́ //5//

Verse: 6 
Halfverse: a    
yajñapadī́rākṣīrā svadʰā́prāṇā mahī́lukā /
Halfverse: c    
vaśā́ parjányapatnī devā́m̐ ápy eti bráhmaṇā //6//

Verse: 7 
Halfverse: a    
ánu tvāgníḥ prā́viśad ánu sómo vaśe tvā /
Halfverse: c    
ū́dʰas te bʰadre parjányo vidyútas te stánā vaśe //7//

Verse: 8 
Halfverse: a    
apás tváṃ dʰukṣe pratʰamā́ urvárā áparā vaśe /
Halfverse: c    
tr̥tī́yaṃ rāṣṭráṃ dʰukṣé 'nnaṃ kṣīráṃ vaśe tvám //8//

Verse: 9 
Halfverse: a    
yád ādityaír hūyámānopā́tiṣṭʰa r̥tavari /
Halfverse: c    
índraḥ sahásraṃ pā́trānt sómaṃ tvāpāyayad vaśe //9//

Verse: 10 
Halfverse: a    
yád anū́cī́ndram aír ā́t tvā r̥ṣabʰó 'hvayat /
Halfverse: c    
tásmāt te vr̥trahā́ páyaḥ kṣīráṃ kruddʰó 'harad vaśe //10// {33}

Verse: 11 
Halfverse: a    
yát te kruddʰó dʰánapatir ā́ kṣīrám áharad vaśe /
Halfverse: c    
idáṃ tád adyá nā́kas triṣú pā́treṣu rakṣati //11//

Verse: 12 
Halfverse: a    
triṣú pā́treṣu táṃ sómam ā́ devy àharad vaśā́ /
Halfverse: c    
átʰarvā yátra dīkṣitó barhíṣy ā́sta hiraṇyáye //12//

Verse: 13 
Halfverse: a    
sáṃ sómenā́gata sám u sárveṇa padvátā /
Halfverse: c    
vaśā́ samudrám ádʰy aṣṭʰad gandʰarvaíḥ kalíbʰiḥ sahá //13//

Verse: 14 
Halfverse: a    
sáṃ vā́tenā́gata sám u sárvaiḥ patatríbʰiḥ /
Halfverse: c    
vaśā́ samudré prā́nr̥tyad ŕ̥caḥ sā́māni bíbʰratī //14//

Verse: 15 
Halfverse: a    
sáṃ sū́ryeṇāgata sám u sárveṇa cákṣuṣā /
Halfverse: c    
vaśā́ samudrám áty akʰyad bʰadrā́ jyótīṃṣi bíbʰratī //15//

Verse: 16 
Halfverse: a    
abʰī́vr̥tā híraṇyena yád atiṣṭʰa r̥tāvari /
Halfverse: c    
áśvaḥ samudró bʰūtvā́dʰy askandad vaśe tvā //16//

Verse: 17 
Halfverse: a    
tád bʰadrā́ḥ sám agacʰanta vaśā́ déṣṭry átʰo svadʰā́ /
Halfverse: c    
átʰarvā yátra dīkṣitó barhíṣy ā́sta hiraṇyáye //17//

Verse: 18 
Halfverse: a    
vaśā́ mātā́ rājanyàsya vaśā́ mātā́ svadʰe táva /
Halfverse: c    
vaśā́yā yajñá ā́yudʰaṃ tátaś cittám ajāyata //18//

Verse: 19 
Halfverse: a    
ūrdʰvó bindúr úd acarad bráhmaṇaḥ kákudād ádʰi /
Halfverse: c    
tátas tváṃ jajñiṣe vaśe táto hótājāyata //19//

Verse: 20 
Halfverse: a    
āsnás te gā́tʰā abʰavann uṣṇíhābʰyo bálaṃ vaśe /
Halfverse: c    
pājasyā̀j jajñe yajñá stánebʰyo raśmáyas táva //20// {34}

Verse: 21 
Halfverse: a    
īrmā́bʰyām áyanaṃ jātáṃ sáktʰibʰyāṃ ca vaśe táva /
Halfverse: c    
āntrébʰyo jajñire atrā́ udárād ádʰi vīrúdʰaḥ //21//

Verse: 22 
Halfverse: a    
yád udáraṃ váruṇasyā́nuprā́viśatʰā vaśe /
Halfverse: c    
tátas tvā brahmód ahvayat netrám ávet táva //22//

Verse: 23 
Halfverse: a    
sárve gárbʰād avepanta jā́yamānād asūsvàḥ /
Halfverse: c    
sasū́va tā́m āhú vaśéti bráhmabʰiḥ kḷptáḥ hy àsyā bándʰuḥ //23//

Verse: 24 
Halfverse: a    
yúdʰa ékaḥ sáṃ sr̥jati asyā éka íd vaśī́ /
Halfverse: c    
tárāṃsi yajñā́ abʰavan tárasāṃ cákṣur abʰavad vaśā́ //24//

Verse: 25 
Halfverse: a    
vaśā́ yajñáṃ práty agr̥hṇād vaśā́ sū́ryam adʰārayat /
Halfverse: c    
vaśā́yām antár aviśad odanó brahmáṇā sahá //25//

Verse: 26 
Halfverse: a    
vaśā́m evā́mŕ̥tam āhur vaśā́ṃ mr̥tyúm úpāsate /
Halfverse: c    
vaśédáṃ sárvam abʰavad devā́ manuṣyā̀3 ásurāḥ pitára ŕ̥ṣayaḥ //26//

Verse: 27 
Halfverse: a    
évaṃ vidyā́t vaśā́ṃ práti gr̥hṇīyā́t /
Halfverse: c    
tátʰā yajñáḥ sárvapād duhé dātré 'napaspʰuran //27//

Verse: 28 
Halfverse: a    
tisró jihvā́ váruṇasyāntár dīdyaty āsáni /
Halfverse: c    
tā́sāṃ yā́ mádʰye rā́jati sā́ vaśā́ duṣpratigráhā //28//

Verse: 29 
Halfverse: a    
caturdʰā́ réto abʰavad vaśā́yāḥ /
Halfverse: c    
ā́pas túrīyam amŕ̥taṃ túrīyaṃ yajñás túrīyaṃ paśávas túrīyam //29//

Verse: 30 
Halfverse: a    
vaśā́ dyaúr vaśā́ pr̥tʰivī́ vaśā́ víṣṇuḥ prajā́patiḥ /
Halfverse: c    
vaśā́yā dugdʰám apibant sādʰyā́ vásavaś ca ye //30//

Verse: 31 
Halfverse: a    
vaśā́yā dugdʰáṃ pītvā́ sādʰyā́ vásavaś ca ye /
Halfverse: c    
vaí bradʰnásya viṣṭápi páyo asyā úpāsate //31//

Verse: 32 
Halfverse: a    
sómam enām éke duhre gʰr̥tám éka úpāsate /
Halfverse: c    
eváṃ vidúṣe vaśā́ṃ dadús te gatā́s tridiváṃ diváḥ //32//

Verse: 33 
Halfverse: a    
brāhmaṇébʰyo vaśā́ṃ dattvā́ sárvāṃl lokā́nt sám aśnute /
Halfverse: c    
r̥táṃ hy àsyām ā́rpitam ápi bráhmātʰo tápaḥ //33//

Verse: 34 
Halfverse: a    
vaśā́ṃ devā́ úpa jīvanti vaśā́ṃ manuṣyā̀ utá /
Halfverse: c    
vaśédáṃ sárvam abʰavad yā́vat sū́ryo vipáśyati //34// {35}



Book: 11 
Hymn: 1 


Verse: 1 
Halfverse: a    
ágne jā́yasvā́ditir nātʰitéyáṃ brahmaudanáṃ pacati putrákāmā /
Halfverse: c    
saptar̥ṣáyo bʰūtakŕ̥tas tvā mantʰantu prajáyā sahéha //

Verse: 2 
Halfverse: a    
kr̥ṇutá dʰūmáṃ vr̥ṣaṇaḥ sakʰāyó 'drogʰāvitā vā́cam ácʰa /
Halfverse: c    
ayám agníḥ pr̥tanāṣā́t suvī́ro yéna devā́ ásahanta dásyūn //

Verse: 3 
Halfverse: a    
ágné 'janiṣṭʰā mahaté vīryā̀ya brahmaudanā́ya páktave jātavedaḥ /
Halfverse: c    
saptar̥ṣáyo bʰūtakŕ̥tas tvājījanann asyaí rayíṃ sárvavīraṃ yacʰa //

Verse: 4 
Halfverse: a    
sámiddʰo agne samídʰā sám idʰyasva vidvā́n devā́n yajñíyām̐ éhá vakṣaḥ /
Halfverse: c    
tébʰyo havíḥ śrapáyaṃ jātaveda uttamáṃ nā́kam ádʰi rohayemám //

Verse: 5 
Halfverse: a    
tredʰā́ bʰāgó níhito yáḥ purā́ vo devā́nāṃ pitr̥̄ṇā́ṃ mártyānām /
Halfverse: c    
áṃśān jānīdʰvaṃ bʰajāmi tā́n vo devā́nāṃ imā́ṃ pārayāti //

Verse: 6 
Halfverse: a    
ágne sáhasvān abʰibʰū́r abʰī́d asi nī́co ny ùbja dviṣatáḥ sapátnān /
Halfverse: c    
iyáṃ mā́trā mīyámānā mitā́ ca sajātā́ṃs te balihŕ̥taḥ kr̥ṇotu //

Verse: 7 
Halfverse: a    
sākáṃ sajātaíḥ páyasā sahaídʰy úd ubjaināṃ mahaté vīryā̀ya /
Halfverse: c    
ūrdʰvó nā́kasyā́dʰi roha viṣṭápaṃ svargó loká íti yáṃ vádanti    //

Verse: 8 
Halfverse: a    
iyáṃ mahī́ práti gr̥hṇātu cárma pr̥tʰivī́ devī́ sumanasyámānā /
Halfverse: c    
átʰa gacʰema sukr̥tásya lokám //

Verse: 9 
Halfverse: a    
etaú grā́vāṇau sayújā yuṅgdʰi cármaṇi nírbindʰy aṃśū́n yájamānāya sādʰú /
Halfverse: c    
nír avagʰnatī́ jahi imā́ṃ pr̥tanyáva ūrdʰváṃ prajā́m udbʰaranty úd ūha //

Verse: 10 
Halfverse: a    
gr̥hāṇá grā́vāṇau sakŕ̥tau vīra hásta ā́ te devā́ yajñíyā yajñám aguḥ /
Halfverse: c    
tráyo várā yatamā́ṃs tváṃ vr̥ṇīṣé tā́s te sámr̥ddʰīr ihá rādʰayāmi // {1}

Verse: 11 
Halfverse: a    
iyáṃ te dʰītír idám u te janítraṃ gr̥hṇā́tu tvā́m áditiḥ śū́raputrā /
Halfverse: c    
párā punīhi imā́ṃ pr̥tanyávo 'syaí rayíṃ sárvavīraṃ yacʰa //

Verse: 12 
Halfverse: a    
upaśvasé druváye sīdatā yūyáṃ vicyadʰvaṃ yajñiyāsas túṣaiḥ /
Halfverse: c    
śriyā́ samānā́n áti sárvānt syāmādʰaspadáṃ dviṣatás pādayāmi //

Verse: 13 
Halfverse: a    
párehi nāri púnar éhi kṣiprám apā́ṃ tvā goṣṭʰó 'dʰy arukṣad bʰárāya /
Halfverse: c    
tā́sāṃ gr̥hṇītād yatamā́ yajñíyā ásan vibʰā́jya dʰīrī́tarā jahītāt //

Verse: 14 
Halfverse: a    
émā́ agur yoṣítaḥ śúmbʰamānā út tiṣṭʰa nāri tavásaṃ rabʰasva /
Halfverse: c    
supátnī pátyā prajáyā prajā́vaty ā́ tvāgan yajñáḥ práti kumbʰáṃ gr̥bʰāya //

Verse: 15 
Halfverse: a    
ūrjó bʰāgó níhito yáḥ purā́ va ŕ̥ṣipraśiṣṭāpá ā́ bʰaraitā́ḥ /
Halfverse: c    
ayáṃ yajó gātuvín nātʰavít prajāvíd ugráḥ paśuvíd vīravíd vo astu //

Verse: 16 
Halfverse: a    
ágne carúr yajñíyas tvā́dʰy arukṣac cʰúcis tápiṣṭʰas tápasā tapainam /
Halfverse: c    
ārṣeyā́ daivā́ abʰisaṃgátya bʰāgám émáṃ tápiṣṭʰā r̥túbʰis tapantu //

Verse: 17 
Halfverse: a    
śuddʰā́ḥ putā́ yoṣíto yajñíyā imā́ ā́paś carúm áva sarpantu śubʰrā́ḥ /
Halfverse: c    
áduḥ prajā́ṃ bahulā́n paśū́n naḥ paktaúdanásya sukŕ̥tām etu lokám //

Verse: 18 
Halfverse: a    
bráhmaṇā śuddʰā́ utá pūtā́ gʰr̥téna sómasyāṃśávas taṇḍulā́ yajñíyā imé /
Halfverse: c    
apáḥ prá viśata práti gr̥hṇātu vaś carúr imáṃ paktvā́ sukŕ̥tām eta lokám //

Verse: 19 
Halfverse: a    
urúḥ pratʰasva mahatā́ mahimnā́ sahásrapr̥ṣṭʰaḥ sukr̥tásya loké /
Halfverse: c    
pitāmahā́ḥ pitáraḥ prajópajā́háṃ paktā́ pañcadaśás te asmi //

Verse: 20 
Halfverse: a    
sahásrapr̥ṣṭʰaḥ śatádʰāro ákṣito brahmaudanó devayā́naḥ svargáḥ /
Halfverse: c    
amū́ṃs ta ā́ dadʰāmi prajáyā reṣayainān balihārā́ya mr̥ḍatān máhyam evá // {2}

Verse: 21 
Halfverse: a    
udéhi védiṃ prajáyā vardʰayaināṃ nudásva rákṣaḥ prataráṃ dʰehy enām /
Halfverse: c    
śriyā́ samānā́n áti sárvānt syāmādʰaspadáṃ dviṣatás pādayāmi //

Verse: 22 
Halfverse: a    
abʰyā́vartasva paśúbʰiḥ sahaínāṃ pratyáṅ enāṃ devátābʰiḥ sahaídʰi /
Halfverse: c    
mā́ tvā prā́pac cʰapátʰo mā́bʰicāráḥ své kṣétre anamīvā́ rāja //

Verse: 23 
Halfverse: a    
r̥téna taṣṭā́ mánasā hitaíṣā́ brahmaudanásya víhitā védir ágre /
Halfverse: c    
aṃsadrī́ṃ śuddʰā́m úpa dʰehi nāri tátraudanáṃ sādaya daivā́nām //

Verse: 24 
Halfverse: a    
áditer hástāṃ srúcam etā́ṃ dvitī́yāṃ saptar̥ṣáyo bʰūtakŕ̥to yā́m ákr̥ṇvan /
Halfverse: c    
sā́ gā́trāṇi vidúṣy odanásya dárvir védyām ádʰy enaṃ cinotu //

Verse: 25 
Halfverse: a    
śr̥táṃ tvā havyám úpa sīdantu daivā́ niḥsŕ̥pyāgnéḥ púnar enān prá sīda /
Halfverse: c    
sómena pūtó jatʰáre sīda brahmáṇām ārṣeyā́s te mā́ riṣan prāśitā́raḥ //

Verse: 26 
Halfverse: a    
sóma rājant saṃjñā́nam ā́ vapaibʰyaḥ súbrāhmaṇā yatamé tvopasī́dān /
Halfverse: c    
ŕ̥ṣīn ārṣeyā́ṃs tápasó 'dʰi jātā́n brahmaudané suhávā johavīmi //

Verse: 27 
Halfverse: a    
śuddʰā́ḥ pūtā́ yosíto yajñíyā imā́ brahmáṇāṃ hásteṣu prapr̥tʰáḥ sādayāmi /
Halfverse: c    
yátkāma idám abʰiṣiñcā́mi vo 'hám índro marútvānt dadāt idám me //

Verse: 28 
Halfverse: a    
idáṃ me jyótir amŕ̥taṃ híraṇyaṃ pakváṃ kṣétrāt kāmadúgʰā ma eṣā́ /
Halfverse: c    
idáṃ dʰánaṃ dadʰe brāhmaṇéṣu kr̥ṇvé pántʰāṃ pitŕ̥ṣu yáḥ svargáḥ //

Verse: 29 
Halfverse: a    
agnaú túṣān ā́ vapa jātávedasi paráḥ kambū́kām̐ ápa mr̥ḍḍʰi dūrám /
Halfverse: c    
etáṃ śuśruma gr̥harājásya bʰāgám átʰo vidma nírr̥ter bʰāgadʰéyam //

Verse: 30 
Halfverse: a    
śrā́myataḥ pácato viddʰi sunvatáḥ pántʰāṃ svargám ádʰi rohayainam /
Halfverse: c    
yéna róhāt páram āpádya yád váya uttamáṃ nā́kaṃ paramáṃ vyòma // {3}

Verse: 31 
Halfverse: a    
babʰrér adʰvaryo múkʰam etád mr̥ḍḍʰy ā́jyāya lokáṃ kr̥ṇuhi pravidvā́n /
Halfverse: c    
gʰr̥téna gā́trā́nu sárvā mr̥ḍḍʰi kr̥ṇvé pántʰāṃ pitŕ̥ṣu yáḥ svargáḥ //

Verse: 32 
Halfverse: a    
bábʰre rákṣaḥ samádam ā́ vapaibʰyó 'brāhmaṇā yatamé tvopasī́dān /
Halfverse: c    
purīṣíṇaḥ prátʰamānāḥ purástād ārṣeyā́s te mā́ riṣan prāśitā́raḥ //

Verse: 33 
Halfverse: a    
ārṣeyéṣu dadʰa odana tvā nā́nārṣeyāṇām ápy asty átra /
Halfverse: c    
agnír me goptā́ marútaś ca sárve víśve devā́ abʰí rakṣantu pakvám //

Verse: 34 
Halfverse: a    
yajñáṃ dúhānaṃ sádam ít prápīnaṃ púmāṃsaṃ dʰenúṃ sádanaṃ rayīṇā́m /
Halfverse: c    
prajāmr̥tatvám utá dīrgʰám ā́yu rāyáś ca póṣair úpa tvā sadema //

Verse: 35 
Halfverse: a    
vr̥ṣabʰó 'si svargá ŕ̥ṣīn ārṣeyā́n gacʰa /
Halfverse: c    
sukŕ̥tāṃ loké sīda tátra nau saṃskr̥tám //

Verse: 36 
Halfverse: a    
samā́cinuṣvānusampráyāhy ágne patʰáḥ kalpaya devayā́nān /
Halfverse: c    
etaíḥ sukr̥taír ánu gacʰema yajñáṃ nā́ke tíṣṭʰantam ádʰi saptáraśmau //

Verse: 37 
Halfverse: a    
yéna devā́ jyótiṣā dyā́m udā́yan brahmaudanáṃ paktvā́ sukr̥tásya lokám /
Halfverse: c    
téna geṣma sukr̥tásya lokáṃ svàr āróhanto abʰí nā́kam uttamám // {4}


Hymn: 2 


Verse: 1 
Halfverse: a    
bʰávāśarvau mr̥ḍátaṃ mā́bʰí yātaṃ bʰū́tapatī páśupatī námo vām /
Halfverse: c    
prátihitām ā́yatāṃ mā́ srāṣṭam mā́ no hiṃsiṣṭaṃ dvipádo mā́ cátuṣpadaḥ //

Verse: 2 
Halfverse: a    
śúne kroṣṭré mā́ śárīrāṇi kártam alíklavebʰyo gŕ̥dʰrebʰyo ca kr̥ṣṇā́ aviṣyávaḥ /
Halfverse: c    
mákṣikās te paśupate váyāṃsi te vigʰasé mā́ vidanta //

Verse: 3 
Halfverse: a    
krándāya te prāṇā́ya yā́ś ca te bʰava rópayaḥ /
Halfverse: c    
námas te rudra kr̥ṇmaḥ sahasrākṣā́yāmartya //

Verse: 4 
Halfverse: a    
purástāt te námaḥ kr̥ṇma uttarā́d adʰarā́d utá /
Halfverse: c    
abʰīvargā́d divás páry antárikṣāya te námaḥ //

Verse: 5 
Halfverse: a    
múkʰāya te paśupate yā́ni cákṣūṃṣi te bʰava /
Halfverse: c    
tvacé rūpā́ya saṃdŕ̥śe pratīcī́nāya te námaḥ //

Verse: 6 
Halfverse: a    
áṅgebʰyas ta udárāya jihvā́yā āsyā̀ya te /
Halfverse: c    
dadbʰyó gandʰā́ya te námaḥ //

Verse: 7 
Halfverse: a    
ástrā nī́laśikʰaṇḍena sahasrākṣéṇa vājínā /
Halfverse: c    
rudréṇārdʰakagʰātínā téna mā́ sám arāmahi //

Verse: 8 
Halfverse: a    
no bʰaváḥ pári vr̥ṇaktu viśváta ā́pa ivāgníḥ pári vr̥ṇaktu no bʰaváḥ /
Halfverse: c    
mā́ no 'bʰí māṃsta námo astv asmai //

Verse: 9 
Halfverse: a    
catúr námo aṣṭakŕ̥tvo bʰavā́ya dáśa kŕ̥tvaḥ paśupate námas te /
Halfverse: c    
távemé páñca paśávo víbʰaktā gā́vo áśvāḥ púruṣā ajāváyaḥ //

Verse: 10 
Halfverse: a    
táva cátasraḥ pradíśas táva dyaús táva pr̥tʰivī́ távedám ugrorv àntárikṣam /
Halfverse: c    
távedáṃ sárvam ātmanvád yát prāṇát pr̥tʰivī́m ánu // {5}

Verse: 11 
Halfverse: a    
urúḥ kóśo vasudʰā́nas távāyáṃ yásminn imā́ víśvā bʰúvanāny antáḥ /
Halfverse: c    
no mr̥ḍa paśupate námas te paráḥ kroṣṭā́ro abʰibʰā́ḥ śvā́naḥ paró yantv agʰarúdo vikeśyàḥ //

Verse: 12 
Halfverse: a    
dʰánur bibʰarṣi háritaṃ hiraṇyáyaṃ sahasragʰní śatávadʰaṃ śikʰaṇḍin /
Halfverse: c    
rudrásyéṣuś carati devahetís tásyai námo yatamásyāṃ diśī́táḥ //

Verse: 13 
Halfverse: a    
'bʰíyāto niláyate tvā́ṃ rudra nicíkīrṣati /
Halfverse: c    
paścā́d anupráyuṅkṣe táṃ viddʰásya padanī́r iva //

Verse: 14 
Halfverse: a    
bʰavārudraú sayújā saṃvidānā́v ubʰā́v ugraú carato vīryā̀ya /
Halfverse: c    
tábʰyāṃ námo yatamásyām diśī́táḥ //

Verse: 15 
Halfverse: a    
námas te 'stv āyaté námo astu parāyaté /
Halfverse: c    
námas te rudra tíṣṭʰata ā́sīnāyotá te námaḥ //

Verse: 16 
Halfverse: a    
námaḥ sāyáṃ námaḥ prātár námo rā́tryā námo dívā /
Halfverse: c    
bʰavā́ya ca śarvā́ya cobʰā́bʰyām akaraṃ námaḥ //

Verse: 17 
Halfverse: a    
sahasrākṣám atipaśyáṃ purástād rudrám ásyantaṃ bahudʰā́ vipaścítam /
Halfverse: c    
mópārāma jihváyéyamānam //

Verse: 18 
Halfverse: a    
śyāvā́śvaṃ kr̥ṣṇám ásitaṃ mr̥ṇántaṃ bʰīmáṃ rátʰaṃ keśínaḥ pādáyantam /
Halfverse: c    
pū́rve prátīmo námo astv asmai //

Verse: 19 
Halfverse: a    
mā́ no 'bʰí srā matyàṃ devahetíṃ mā́ naḥ krudʰaḥ paśupate námas te /
Halfverse: c    
anyátrāsmád divyā́ṃ śā́kʰāṃ dʰūnu //

Verse: 20 
Halfverse: a    
mā́ no hiṃsīr ádʰi no brūhi pári ṇo vr̥ṅgdʰi mā́ krudʰaḥ /
Halfverse: c    
mā́ tváyā sám arāmahi // {6}

Verse: 21 
Halfverse: a    
mā́ no góṣu púruṣeṣu mā́ gr̥dʰo no ajāvíṣu /
Halfverse: c    
anyátrogra vartaya píyārūṇāṃ prajā́ṃ jahi //

Verse: 22 
Halfverse: a    
yásya takmā́ kā́sikā hetír ékam áśvasyeva vŕ̥ṣaṇaḥ kránda éti /
Halfverse: c    
abʰipūrváṃ nirṇáyate námo astv asmai //

Verse: 23 
Halfverse: a    
'ntárikṣe tíṣṭʰati víṣṭabʰitó 'yajvanaḥ pramr̥ṇán devapīyū́n /
Halfverse: c    
tásmai námo daśábʰiḥ śákvarībʰiḥ //

Verse: 24 
Halfverse: a    
túbʰyam āraṇyā́ḥ paśávo mr̥gā́ váne hitā́ haṃsā́ḥ suparṇā́ḥ śakunā́ váyāṃsi /
Halfverse: c    
táva yakṣáṃ paśupate apsv àntás túbʰyaṃ kṣaranti divyā́ ā́po vr̥dʰé //

Verse: 25 
Halfverse: a    
śiśumā́rā ajagarā́ḥ purīkáyā jaṣā́ mátsyā rajasā́ yébʰyo ásyasi /
Halfverse: c    
te dūráṃ pariṣṭʰā́sti te bʰava sadyáḥ sárvān pári paśyasi bʰū́miṃ pū́rvasmād dʰaṃsy úttarasmin samudré //

Verse: 26 
Halfverse: a    
mā́ no rudra takmánā mā́ viséṇa mā́ naḥ sáṃ srā divyénāgnínā /
Halfverse: c    
anyátrāsmád vidyútaṃ pātayaitā́m //

Verse: 27 
Halfverse: a    
bʰavó divó bʰavá īśe pr̥tʰivyā́ bʰavá ā́ papra urv àntárikṣam /
Halfverse: c    
tásmai námo yatamásyāṃ diśī́táḥ //

Verse: 28 
Halfverse: a    
bʰáva rajan yájamānāya mr̥ḍa paśūnā́ṃ paśupátir babʰū́tʰa /
Halfverse: c    
yáḥ śraddádʰāti sánti devā́ íti cátuṣpade dvipáde 'sya mr̥ḍa //

Verse: 29 
Halfverse: a    
mā́ no mahā́ntam utá mā́ no arbʰakáṃ mā́ no váhantam utá mā́ no vakṣyatáḥ /
Halfverse: c    
mā́ no hiṃsīḥ pitáraṃ mātáraṃ ca svā́ṃ tanvàṃ rudra mā́ rīriso naḥ //

Verse: 30 
Halfverse: a    
rudrásyailabakārébʰyo 'saṃsūktagilébʰyaḥ /
Halfverse: c    
idáṃ mahā́syebʰyaḥ śvábʰyo akaraṃ námaḥ //

Verse: 31 
Halfverse: a    
námas te gʰoṣíṇībʰyo námas te keśínībʰyaḥ /
Halfverse: c    
námo námaskr̥tābʰyo námaḥ saṃbʰuñjatī́bʰyaḥ /
Halfverse: e    
námas te deva sénābʰyaḥ svastí no ábʰayaṃ ca naḥ // {7}


Hymn: 3 


Verse: 1 
Halfverse: a    
tásyaudanásya bŕ̥haspátiḥ śíro bráhma múkʰam /

Verse: 2 
Halfverse: a    
dyā́vāpr̥tʰivī́ śrotré sūryācandramásāv ákṣiṇī saptar̥ṣáyaḥ prāṇāpānā́ḥ /

Verse: 3 
Halfverse: a    
cákṣur músalaṃ kā́ma ulū́kʰalam /

Verse: 4 
Halfverse: a    
dítiḥ śū́rpam áditiḥ śūrpagrāhī́ vā́tó 'pāvinak /

Verse: 5 
Halfverse: a    
áśvāḥ káṇā gā́vas taṇḍulā́ maśákās túṣāḥ /

Verse: 6 
Halfverse: a    
kábru pʰalīkáraṇāḥ śáro 'bʰrám /

Verse: 7 
Halfverse: a    
śyāmám áyo 'sya māṃsā́ni lóhitam asya lóhitam /

Verse: 8 
Halfverse: a    
trápu bʰásma háritaṃ várṇaḥ púṣkaram asya gandʰáḥ /

Verse: 9 
Halfverse: a    
kʰálaḥ pā́traṃ spʰyā́v áṃsāv īṣé anūkyè /

Verse: 10 
Halfverse: a    
āntrā́ṇi jatrávo gúdā varatrā́ḥ /

Verse: 11 
Halfverse: a    
iyám evá pr̥tʰivī́ kumbʰī́ bʰavati rā́dʰyamānasyaudanásya dyaúr apidʰā́nam /

Verse: 12 
Halfverse: a    
sī́tāḥ párśavaḥ síkatā ū́badʰyam /

Verse: 13 
Halfverse: a    
r̥táṃ hastāvanéjanaṃ kulyòpasécanam /

Verse: 14 
Halfverse: a    
r̥cā́ kumbʰy ádʰihitā́rtvijyena préṣitā /

Verse: 15 
Halfverse: a    
bráhmaṇā párigr̥hītā sā́mnā páryūḍʰā /

Verse: 16 
Halfverse: a    
br̥hád āyávanaṃ ratʰantaráṃ dárviḥ /

Verse: 17 
Halfverse: a    
r̥távaḥ paktā́ra ārtavā́ḥ sám indʰate /

Verse: 18 
Halfverse: a    
carúṃ páñcabilam ukʰáṃ gʰarmò 'bʰī́ndʰe /

   
[note CORRIGENDA ed. ŚPP]

Verse: 19 
Halfverse: a    
odanéna yajñavacáḥ sárve lokā́ḥ samāpyā̀ḥ /

Verse: 20 
Halfverse: a    
yásmint samudró dyaúr bʰū́mis tráyo 'varaparáṃ śritā́ḥ /

Verse: 21 
Halfverse: a    
yásya devā́ ákalpantóccʰiṣṭe ṣáḍ aśītáyaḥ /

Verse: 22 
Halfverse: a    
táṃ tvaudanásya pr̥cʰāmi asya mahimā́ mahā́n /

Verse: 23 
Halfverse: a    
táṃ tvaudanásya mahimā́naṃ vidyā́t /

Verse: 24 
Halfverse: a    
nā́lpa íti brūyān nā́nupasecaná íti nédáṃ ca kíṃ céti /

Verse: 25 
Halfverse: a    
yā́vad dātā́bʰimanasyéta tán nā́ti vadet /

Verse: 26 
Halfverse: a    
brahmavādíno vadanti párāñcam odanáṃ prā́śī́3ḥ pratyáñcā3m íti /

Verse: 27 
Halfverse: a    
tvám odanáṃ prā́śī́3s tvā́m odanā́3 íti /

Verse: 28 
Halfverse: a    
párāñcaṃ cainam prā́śīḥ prāṇā́s tvā hāsyantī́ty enam āha /

Verse: 29 
Halfverse: a    
pratyáñcaṃ cainaṃ prā́śīr apānā́s tvā hāsyantī́ty enam āha /

Verse: 30 
Halfverse: a    
naívā́hám odanáṃ mā́m odanáḥ /

Verse: 31 
Halfverse: a    
odaná evaúdanáṃ prā́śīt / {8}

Verse: 32_[4_1] 
Halfverse: a    
tátas cainam anyéna śīrṣṇā́ prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
jyeṣṭʰatás te prajā́ mariṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
br̥haspátinā śīrṣṇā́ /
Halfverse: e    
ténainaṃ prā́śiṣaṃ ténainam ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [1]

Verse: 33_[4_2] 
Halfverse: a    
tátaś cainam anyā́bʰyāṃ śrótrābʰyaṃ prā́śīr yā́bʰyāṃ caitáṃ pū́rva ŕ̥ṣayaḥ prā́śnan /
Halfverse: b    
badʰiró bʰaviṣyasī́ty enam āha /
Halfverse: c    
táṃ aháṃ nārvā́ñcaṃ párāñcaṃ pratyáñcam /
Halfverse: d    
dyā́vāpr̥tʰivī́bʰyāṃ śrótrābʰyām /
Halfverse: e    
tā́bʰyām enaṃ prā́śiṣaṃ tā́bʰyām enam ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [2]

Verse: 34_[4_3] 
Halfverse: a    
tátaś cainam anyā́bʰyām akṣī́bʰyāṃ prā́śīr yā́bʰyāṃ caitáṃ pū́rva ŕ̥ṣayaḥ prā́śnan /
Halfverse: b    
andʰó bʰaviṣyasī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
sūryācandramasā́bʰyāṃ akṣī́bʰyām /
Halfverse: e    
tā́bʰyām enaṃ prā́śiṣaṃ tā́bʰyām enam ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [3]

Verse: 35_[4_4] 
Halfverse: a    
tátaś cainam anyéna múkʰena prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
mukʰatás te prajā́ mariṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
bráhmaṇā múkʰena /
Halfverse: e    
ténainaṃ prā́śiṣaṃ ténainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [4]

Verse: 36_[4_5] 
Halfverse: a    
tátaś cainam anyáyā jihváyā prā́śīr yáyā caitáṃ pū́rva ŕ̥ṣayaḥ prā́śnan /
Halfverse: b    
jihvā́ te mariṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
agnér jihváyā /
Halfverse: e    
táyainaṃ prā́śiṣaṃ táyainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [5]

Verse: 37_[4_6] 
Halfverse: a    
tátaś cainam anyaír dántaiḥ prā́śīr yaíś caitáṃ pū́rva ŕ̥ṣayaḥ prā́śnan /
Halfverse: b    
dántās te śatsyantī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
r̥túbʰir dántaiḥ /
Halfverse: e    
táir enaṃ prā́śiṣaṃ táir enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [6]

Verse: 38_[4_7] 
Halfverse: a    
tátaś cainam anyaíḥ prāṇāpānaíḥ prā́śīr yaíś caitáṃ pū́rva ŕ̥ṣayaḥ prā́śnan /
Halfverse: b    
prāṇāpānā́s tvā hāsyantī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
saptar̥ṣíbʰiḥ prāṇāpānaíḥ /
Halfverse: e    
táir enaṃ prā́śiṣaṃ táir enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [7]

Verse: 39_[4_8] 
Halfverse: a    
tátaś cainam anyéna vyácasā prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
rājayakṣmás tvā haniṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
antárikṣeṇa vyácasā /
Halfverse: e    
ténainaṃ prā́śiṣaṃ ténainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [8]

Verse: 40_[4_9] 
Halfverse: a    
tátaś cainam anyéna pr̥ṣṭʰéna prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
vidyút tvā haniṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
divā́ pr̥ṣṭʰéna /
Halfverse: e    
ténainaṃ prā́śiṣaṃ ténainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [9]

Verse: 41_[4_10] 
Halfverse: a    
tátaś cainam anyénórasā prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
kr̥ṣyā́ rātsyasī́ty enam āha /
Halfverse: c    
táṃ aháṃ nārvā́ñcaṃ párāñcaṃ pratyáñcam /
Halfverse: d    
pr̥tʰivyórasā /
Halfverse: e    
ténainaṃ prā́śiṣaṃ ténainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [10]

Verse: 42_[4_11] 
Halfverse: a    
tátaś cainam anyénodáreṇa prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
udaradārás tvā haniṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
satyénodáreṇa /
Halfverse: e    
ténainaṃ prā́śiṣaṃ ténainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [11]

Verse: 43_[4_12] 
Halfverse: a    
tátaś cainam anyéna vastínā prā́śīr yéna caitáṃ pū́rva ŕ̥ṣayaḥ prā́śnan /
Halfverse: b    
apsú mariṣyasī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
samudréṇa vastínā /
Halfverse: e    
ténainaṃ prā́śiṣaṃ ténainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [12]

Verse: 44_[4_13] 
Halfverse: a    
tátaś cainam anyā́bʰyām ūrúbʰyāṃ prā́śīr yā́bʰyāṃ caitáṃ pū́rva ŕ̥ṣayaḥ prā́śnan /
Halfverse: b    
ūrū́ te mariṣyata íty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
mitrā́varuṇayor urúbʰyām /
Halfverse: e    
tā́bʰyām enaṃ prā́śiṣaṃ tā́bʰyām enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [13]

Verse: 45_[4_14] 
Halfverse: a    
tátaś cainam anyā́bʰyām aṣṭʰīvádbʰyāṃ prā́śīr yā́bʰyāṃ caitáṃ pū́rva ŕ̥ṣayaḥ prā́śnan /
Halfverse: b    
srāmó bʰaviṣyasī́ti enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
tváṣṭur aṣṭʰīvádbʰyām /
Halfverse: e    
tā́bʰyām enaṃ prā́śiṣaṃ tā́bʰyām enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [14]

Verse: 46_[4_15] 
Halfverse: a    
tátaś cainam anyā́bʰyāṃ pā́dābʰyāṃ prā́śīr yā́bʰyāṃ caitáṃ pū́rva ŕ̥ṣayaḥ prā́śnan /
Halfverse: b    
bahucārī́ bʰaviṣyasī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
aśvínoḥ pā́dābʰyām /
Halfverse: e    
tā́bʰyām enaṃ prā́śiṣaṃ tā́bʰyām enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [15]

Verse: 47_[4_16] 
Halfverse: a    
tátaś cainam anyā́bʰyāṃ prápadābʰyāṃ prā́śīr yā́bʰyāṃ caitáṃ pū́rva ŕ̥ṣayaḥ prā́śnan /
Halfverse: b    
sarpás tvā haniṣyatī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
savitúḥ prápadābʰyām /
Halfverse: e    
tā́bʰyām enaṃ prā́śiṣaṃ tā́bʰyām enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [16]

Verse: 48_[4_17] 
Halfverse: a    
tátaś cainam anyā́bʰyām hástābʰyāṃ prā́śīr yā́bʰyāṃ caitám pū́rva ŕ̥ṣayaḥ prā́śnan /
Halfverse: b    
brāhmaṇáṃ haniṣyasī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
savitúḥ prápadābʰyām /
Halfverse: e    
tā́bʰyām enaṃ prā́śiṣaṃ tā́bʰyām enaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [17]

Verse: 49_[4_18] 
Halfverse: a    
tátaś cainam anyáyā pratiṣṭʰáyā prā́śīr yáyā caitáṃ pū́rva ŕ̥ṣayaḥ prā́śnan /
Halfverse: b    
apratiṣṭʰānó 'nāyatanó mariṣyasī́ty enam āha /
Halfverse: c    
táṃ vā́ aháṃ nārvā́ñcaṃ párāñcaṃ pratyáñcam /
Halfverse: d    
satyé pratiṣṭʰā́ya /
Halfverse: e    
táyainaṃ prā́śiṣaṃ táyainaṃ ajīgamam /
Halfverse: f    
eṣá vā́ odanáḥ sárvāṅgaḥ sárvaparuḥ sárvatanūḥ /
Halfverse: g    
sárvāṅga evá sárvaparuḥ sárvatanūḥ sáṃ bʰavati eváṃ véda / [18] {9}

Verse: 50_[5_1] 
Halfverse: a    
etád vaí bradʰnásya viṣṭápaṃ yád odanáḥ / [1]

Verse: 51_[5_2] 
Halfverse: a    
bradʰnáloko bʰavati bradʰnásya viṣṭápi śrayate eváṃ véda / [2]

Verse: 52_[5_3] 
Halfverse: a    
etásmād vā́ odanā́t tráyastriṃśataṃ lokā́n nír amimīta prajā́patiḥ / [3]

Verse: 53_[5_4] 
Halfverse: a    
téṣāṃ prajñā́nāya yajñám asr̥jata / [4]

Verse: 54_[5_5] 
Halfverse: a    
eváṃ vidúṣa upadraṣṭā́ bʰávati prāṇáṃ ruṇaddʰi / [5]

Verse: 55_[5_6] 
Halfverse: a    
ca prānáṃ ruṇáddʰi sarvajyāníṃ jīyate / [6]

Verse: 56_[5_7] 
Halfverse: a    
ca sarvajyāníṃ jīyáte puraínaṃ jarásaḥ prāṇó jahāti / [7] {10}


Hymn: 4_[6] 


Verse: 1 
Halfverse: a    
prāṇā́ya námo yásya sárvam idáṃ váśe /
Halfverse: c    
bʰūtáḥ sárvasyeśvaró yásmint sárvaṃ prátiṣṭʰitam //

Verse: 2 
Halfverse: a    
námas te prāṇa krándāya námas te stanayitnáve /
Halfverse: c    
námas te prāṇa vidyúte námas te prāṇa várṣate //

Verse: 3 
Halfverse: a    
yát prāṇá stanayitnúnābʰikrándaty óṣadʰīḥ /
Halfverse: c    
prá vīyante gárbʰān dadʰaté 'tʰo bahvī́r jāyante //

Verse: 4 
Halfverse: a    
yát prāṇá r̥tā́v ā́gate 'bʰikrándaty óṣadʰīḥ /
Halfverse: c    
sárvaṃ tadā́ prá modate yát kíṃ ca bʰū́myām ádʰi //

Verse: 5 
Halfverse: a    
yadā́ prāṇó abʰyávarṣīd varṣéṇa pr̥tʰivī́ṃ mahī́m /
Halfverse: c    
paśávas tát prá modante máho vaí no bʰaviṣyati //

Verse: 6 
Halfverse: a    
abʰívr̥ṣṭā óṣadʰayaḥ prāṇéna sám avādiran /
Halfverse: c    
ā́yur vaí naḥ prā́tītaraḥ sárvā naḥ surabʰī́r akaḥ //

Verse: 7 
Halfverse: a    
námas te astv āyaté námo astu parāyaté /
Halfverse: c    
námas te prāṇa tíṣṭʰata ā́sīnāyotá te námaḥ //

Verse: 8 
Halfverse: a    
námas te prāṇa prāṇaté námo astv apānaté /
Halfverse: c    
parācī́nāya te námaḥ pratīcī́nāya te námaḥ sárvasmai ta idáṃ námaḥ //

Verse: 9 
Halfverse: a    
yā́ te prāṇa priyā́ tanū́r te prāṇa préyasī /
Halfverse: c    
átʰo yád bʰeṣajáṃ táva tásya no dʰehi jīváse //

Verse: 10 
Halfverse: a    
prāṇáḥ prajā́ ánu vaste pitā́ putrám iva priyám /
Halfverse: c    
prāṇó ha sárvasyeśvaró yác ca prāṇáti yác ca // {11}

Verse: 11 
Halfverse: a    
prāṇó mr̥tyúḥ prāṇás takmā́ prāṇáṃ devā́ úpāsate /
Halfverse: c    
prāṇó ha satyavādínam uttamé loká ā́ dadʰat //

Verse: 12 
Halfverse: a    
prāṇó virā́ṭ prāṇó déṣṭrī prānáṃ sárva úpāsate /
Halfverse: c    
prāṇó ha sū́ryaś candrámāḥ prāṇám āhuḥ prajā́patim //

Verse: 13 
Halfverse: a    
prāṇāpānaú vrīhiyavā́v anaḍvā́n prāṇá ucyate /
Halfverse: c    
yáve ha prāṇá ā́hito 'pānó vrīhír ucyate //

Verse: 14 
Halfverse: a    
ápānati prā́ṇati púruṣo gárbʰe antarā́ /
Halfverse: c    
yadā́ tváṃ prāṇa jínvasy átʰa jāyate púnaḥ //

Verse: 15 
Halfverse: a    
prāṇáṃ āhur mātaríśvānaṃ vā́to ha prāṇá ucyate /
Halfverse: c    
prāṇé ha bʰūtáṃ bʰávyaṃ ca prāṇé sárvaṃ prátiṣṭʰitam //

Verse: 16 
Halfverse: a    
ātʰarvaṇī́r āṅgirasī́r daivī́r manuṣyajā́ utá /
Halfverse: c    
óṣadʰayaḥ prá jāyante yadā́ tváṃ prāṇa jínvasi //

Verse: 17 
Halfverse: a    
yadā́ prāṇó abʰyávarṣīd varṣéṇa pr̥tʰivī́m mahī́m /
Halfverse: c    
óṣadʰayaḥ prá jāyanté 'tʰo yā́ḥ kā́ś ca vīrúdʰaḥ //

Verse: 18 
Halfverse: a    
yás te prāṇedáṃ veda yásmiṃś cāsi prátiṣṭʰitaḥ /
Halfverse: c    
sárve tásmai balíṃ harān amúṣmiṃl loká uttamé //

Verse: 19 
Halfverse: a    
yátʰā prāṇa balihŕ̥tas túbʰyaṃ sárvāḥ prajā́ imā́ḥ /
Halfverse: c    
evā́ tásmai balíṃ harān yás tvā śr̥ṇávat suśravaḥ //

Verse: 20 
Halfverse: a    
antár gárbʰaś carati devátāsv ā́bʰūto bʰūtáḥ u jāyate púnaḥ /
Halfverse: c    
bʰūtó bʰávyaṃ bʰaviṣyát pitā́ putráṃ prá viveśā śácībʰiḥ // {12}

Verse: 21 
Halfverse: a    
ékaṃ pā́daṃ nót kʰidati salilā́d dʰaṃsá uccáran /
Halfverse: c    
yád aṅgá tám utkʰidén naívā́dyá śváḥ syāt /
Halfverse: e    
rā́trī nā́haḥ syān vy ùcʰet kadā́ caná //

Verse: 22 
Halfverse: a    
aṣṭā́cakraṃ vartata ékanemi sahásrākṣaraṃ prá puró paścā́ /
Halfverse: c    
ardʰéna víśvaṃ bʰúvanaṃ jajā́na yád asyārdʰáṃ katamáḥ ketúḥ //

Verse: 23 
Halfverse: a    
asyá viśvájanmana ī́śe víśvasya céṣṭataḥ /
Halfverse: c    
ányeṣu kṣiprádʰanvane tásmai prāṇa námo 'stu te //

Verse: 24 
Halfverse: a    
asyá sarvájanmana ī́śe sárvasya céṣṭataḥ /
Halfverse: c    
átandro bráhmaṇā dʰī́raḥ prāṇó mā́nu tiṣṭʰātu //

Verse: 25 
Halfverse: a    
ūrdʰváḥ suptéṣu jāgāra nanú tiryáṅ padyate /
Halfverse: c    
suptám asya suptéṣv ánu śuśrāva káś caná //

Verse: 26 
Halfverse: a    
prā́ṇa mā́ mát paryā́vr̥to mád anyó bʰaviṣyasi /
Halfverse: c    
apā́ṃ gárbʰam iva jīváse prā́ṇa badʰnā́mi tvā máyi // {13}


Hymn: 5_[7] 


Verse: 1 
Halfverse: a    
brahmacārī́ṣṇáṃś carati ródasī ubʰé tásmin devā́ḥ sáṃmanaso bʰavanti /
Halfverse: c    
dādʰāra pr̥tʰivī́ṃ dívaṃ ca ācāryàṃ tápasā piparti //

Verse: 2 
Halfverse: a    
brahmacāríṇaṃ pitáro devajanā́ḥ pŕ̥tʰag devā́ anusáṃyanti sárve /
Halfverse: c    
gandʰarvā́ enam ánv āyan tráyastriṃśat triśatā́ḥ ṣaṭsahasrā́ḥ sárvānt devā́ṃs tápasā piparti //

Verse: 3 
Halfverse: a    
ācāryà upanáyamāno brahmacāríṇaṃ kr̥ṇute gárbʰam antáḥ /
Halfverse: c    
tám rā́trīs tisrá udáre bibʰarti táṃ jātáṃ dráṣṭum abʰisáṃyanti devā́ḥ //

Verse: 4 
Halfverse: a    
iyáṃ samít pr̥tʰivī́ dyaúr dvitī́yotā́ntárikṣaṃ samídʰā pr̥ṇāti /
Halfverse: c    
brahmacārī́ samídʰā mékʰalayā śrámeṇa lokā́ṃs tápasā piparti //

Verse: 5 
Halfverse: a    
pū́rvo jātó bráhmaṇo brahmacārī́ gʰarmáṃ vásānas tápasód atiṣṭʰat /
Halfverse: c    
tásmāj jātáṃ brā́hmaṇaṃ bráhma jyeṣṭʰáṃ devā́ś ca sárve amŕ̥tena sākám //

Verse: 6 
Halfverse: a    
brahmacāry èti samídʰā sámiddʰaḥ kā́rṣṇaṃ vásāno dīkṣitó dīrgʰáśmaśruḥ /
Halfverse: c    
sadyá eti pū́rvasmād úttaraṃ samudráṃ lokā́nt samgŕ̥bʰya múhur ācárikrat //

Verse: 7 
Halfverse: a    
brahmacārī́ janáyan bráhmāpó lokáṃ prajā́patiṃ parameṣṭʰínam virā́jam /
Halfverse: c    
gárbʰo bʰūtvā́mŕ̥tasya yónāv índro ha bʰūtvā́surāṃs tatarha //

Verse: 8 
Halfverse: a    
ācāryàs tatakṣa nábʰasī ubʰé imé urvī́ gambʰīré pr̥tʰivī́ṃ dívaṃ ca /
Halfverse: c    
rakṣati tápasā brahmacārī́ tásmin devā́ḥ sáṃmanaso bʰavanti //

Verse: 9 
Halfverse: a    
imā́ṃ bʰū́miṃ pr̥tʰivī́ṃ brahmacārī́ bʰikṣā́m ā́ jabʰāra pratʰamó dívaṃ ca /
Halfverse: c    
kr̥tvā́ samídʰāv úpāste táyor ā́rpitā bʰúvanāni víśvā //

Verse: 10 
Halfverse: a    
arvā́g anyáḥ paró anyó divás pr̥ṣṭʰā́d gúhā nidʰī́ níhitau brā́hmaṇasya /
Halfverse: c    
taú rakṣati tápasā brahmacārī́ tát kévalaṃ kr̥ṇute bráhma vidvā́n // {14}

Verse: 11 
Halfverse: a    
arvā́g anyá itó anyáḥ pr̥tʰivyā́ agnī́ saméto nábʰasī antarémé /
Halfverse: c    
táyoḥ śrayante raśmáyó 'dʰi dr̥ḍʰā́s tā́n ā́ tiṣṭʰati tápasā brahmacārī́ //

Verse: 12 
Halfverse: a    
abʰikrándan stanáyann aruṇáḥ śitiṅgó br̥hác cʰépó 'nu bʰū́mau jabʰāra /
Halfverse: c    
brahmacārī́ siñcati sā́nau rétaḥ pr̥tʰivyā́ṃ téna jīvanti pradíśaś cátasraḥ //

Verse: 13 
Halfverse: a    
agnaú sū́rye candrámasi mātaríśvan brahmacāry àpsú samídʰam ā́ dadʰāti /
Halfverse: c    
tā́sām arcī́ṣi pŕ̥tʰag abʰré caranti tā́sām ā́jyaṃ púruṣo varṣám ā́paḥ //

Verse: 14 
Halfverse: a    
ācāryò mr̥tyúr váruṇaḥ sómo óṣadʰayaḥ páyaḥ /
Halfverse: c    
jībʰū́tā āsant sátvānas taír idáṃ svàr ā́bʰr̥tam //

Verse: 15 
Halfverse: a    
amā́ gʰr̥táṃ kr̥ṇute kévalam ācāryò bʰūtvā́ váruṇo yádyad aícʰat prajā́patau /
Halfverse: c    
tád brahmacārī́ prā́yacʰat svā́n mitró ádʰy ātmánaḥ //

Verse: 16 
Halfverse: a    
ācāryò brahmacārī́ brahmacarī́ prajā́patiḥ /
Halfverse: c    
prajā́patir rājati virā́ḍ índro 'bʰavad vaśī́ //

Verse: 17 
Halfverse: a    
brahmacáryeṇa tápasā rā́jā rāṣṭráṃ rakṣati /
Halfverse: c    
ācāryò brahmacáryeṇa brahmacāríṇam icʰate //

Verse: 18 
Halfverse: a    
brahmacáryeṇa kanyā̀ yúvānam vindate pátim /
Halfverse: c    
anaḍvā́n brahmacáryeṇā́śvo gʰāsáṃ jigīrṣati //

Verse: 19 
Halfverse: a    
brahmacáryeṇa tápasā devā́ mr̥tyúm ápāgʰnata /
Halfverse: c    
índro ha brahmacáryeṇa devébʰyaḥ svàr ā́bʰarat //

Verse: 20 
Halfverse: a    
óṣadʰayo bʰūtabʰavyám ahorātré vánaspátiḥ /
Halfverse: c    
saṃvatsaráḥ sahá rtúbʰis jātā́ brahmacāríṇaḥ // {15}

Verse: 21 
Halfverse: a    
pā́rtʰivā divyā́ḥ paśáva āraṇyā́ grāmyā́ś ca /
Halfverse: c    
apakṣā́ḥ pakṣíṇaś ca jātā́ brahmacāríṇaḥ //

Verse: 22 
Halfverse: a    
pŕ̥tʰak sárve prājāpatyā́ḥ prāṇā́n ātmásu bibʰrati /
Halfverse: c    
tā́nt sárvān bráhma rakṣati brahmacāríṇy ā́bʰr̥tam //

Verse: 23 
Halfverse: a    
devā́nām etát pariṣūtám ánabʰyārūḍʰaṃ carati rócamānam /
Halfverse: c    
tásmāj jātáṃ brā́hmaṇaṃ bráhma jyeṣṭʰáṃ devā́ś ca sárve amŕ̥tena sākám //

Verse: 24 
Halfverse: a    
brahmacārī́ bráhma bʰrā́jad bibʰarti tásmin devā́ ádʰi víśve samótāḥ /
Halfverse: c    
prāṇāpānaú janáyann ā́d vyānáṃ vā́caṃ máno hŕ̥dayaṃ bráhma medʰā́m //

Verse: 25 
Halfverse: a    
cákṣuḥ śrótraṃ yáśo asmā́su dʰehy ánnaṃ réto lóhitam udáram /

Verse: 26 
Halfverse: a    
tā́ni kálpan brahmacārī́ salilásya pr̥ṣṭʰé tápo 'tiṣṭʰat tapyámānaḥ samudré /
Halfverse: c    
snātó babʰrúḥ piṅgaláḥ pr̥tʰivyā́ṃ bahú rocate // {16}


Hymn: 6_[8] 


Verse: 1 
Halfverse: a    
agním brūmo vánaspátīn óṣadʰīr utá vīrúdʰaḥ /
Halfverse: c    
índraṃ bŕ̥haspátiṃ sū́ryaṃ no muñcantv áṃhasaḥ //

Verse: 2 
Halfverse: a    
brūmó rā́jānaṃ váruṇaṃ mitráṃ víṣṇum átʰo bʰágam /
Halfverse: c    
áṃśaṃ vívasvantaṃ brūmas no muñcantv áṃhasaḥ //

Verse: 3 
Halfverse: a    
brūmó deváṃ savitā́raṃ dʰātā́ram utá pūṣáṇam /
Halfverse: c    
tváṣṭāram agriyáṃ brūmas no muñcantv áṃhasaḥ //

Verse: 4 
Halfverse: a    
gandʰarvāpsaráso brūmo aśvínā bráhmaṇas pátim /
Halfverse: c    
aryamā́ nā́ma devás te no muñcantv áṃhasaḥ //

Verse: 5 
Halfverse: a    
ahorātré idáṃ brūmaḥ sūryācandramásāv ubʰā́ /
Halfverse: c    
víśvān ādityā́n brūmas no muñcantv áṃhasaḥ //

Verse: 6 
Halfverse: a    
vā́taṃ brūmaḥ parjányam antárikṣam átʰo díśaḥ /
Halfverse: c    
ā́śāś ca sárvā brūmas no muñcantv áṃhasaḥ //

Verse: 7 
Halfverse: a    
muñcántu śapatʰyā̀d ahorātré átʰo uṣā́ḥ /
Halfverse: c    
sómo devó muñcatu yám āhúś candrámā íti //

Verse: 8 
Halfverse: a    
pā́rtʰivā divyáḥ paśáva āraṇyā́ utá mr̥gā́ḥ /
Halfverse: c    
śakúntān pakṣíno brūmas no muñcantv áṃhasaḥ //

Verse: 9 
Halfverse: a    
bʰavāśarvā́v idáṃ brūmo rudráṃ paśupátiś ca yáḥ /
Halfverse: c    
íṣūr yā́ eṣāṃ saṃvidmá tā́ naḥ santu sádā śivā́ḥ //

Verse: 10 
Halfverse: a    
dívaṃ brūmo nákṣatrāṇi bʰū́miṃ yakṣā́ṇi párvatān /
Halfverse: c    
samudrā́ nadyò veśantā́s no muñcantv áṁhasaḥ // {17}

Verse: 11 
Halfverse: a    
saptarṣī́n vā́ idáṃ brūmo 'pó devī́ḥ prajā́patim /
Halfverse: c    
pitŕ̥̄n yamáśreṣṭʰān brūmas no muñcantv áṃhasaḥ //

Verse: 12 
Halfverse: a    
devā́ diviṣádo antarikṣasádaś ca /
Halfverse: c    
pr̥tʰivyā́ṃ śakrā́ śritā́s no muñcantv áṃhasaḥ //

Verse: 13 
Halfverse: a    
ādityā́ rudrā́ vásavo diví devā́ átʰarvānaḥ /
Halfverse: c    
áṅgiraso manīṣíṇas no muñcantv áṃhasaḥ //

Verse: 14 
Halfverse: a    
yajñáṃ brūmo yájamānam ŕ̥caḥ sā́māni bʰeṣajā́ /
Halfverse: c    
yájūṃṣi hótrā brūmas no muñcantv áṃhasaḥ //

Verse: 15 
Halfverse: a    
páñca rājyā́ni vīrúdʰāṃ sómaśreṣṭʰāni brūmaḥ /
Halfverse: c    
darbʰó bʰaṅgó yávaḥ sáhas no muñcantv áṃhasaḥ //

Verse: 16 
Halfverse: a    
arā́yān brūmo rákṣāṃsi sarpā́n puṇyajanā́n pitŕ̥̄n /
Halfverse: c    
mr̥tyū́n ékaśataṃ brūmas no muñcantv áṃhasaḥ //

Verse: 17 
Halfverse: a    
r̥tū́n brūma r̥tupátīn ārtavā́n utá hāyanā́n /
Halfverse: c    
sámāḥ saṃvatsarā́n mā́sāṃs no muñcantv áṃhasaḥ //

Verse: 18 
Halfverse: a    
éta devā dakṣiṇatáḥ paścā́t prā́ñca udéta /
Halfverse: c    
purástād uttarā́c cʰakrā́ víśve devā́ḥ samétya no muñcantv áṃhasaḥ //

Verse: 19 
Halfverse: a    
víśvān devā́n idáṃ brūmaḥ satyásaṃdʰān r̥tavŕ̥dʰaḥ /
Halfverse: c    
víśvābʰiḥ pátnībʰiḥ sahá no muñcantv áṃhasaḥ //

Verse: 20 
Halfverse: a    
sárvān devā́n idáṃ brūmaḥ satyásaṃdʰān r̥tāvŕ̥dʰaḥ /
Halfverse: c    
sárvābʰiḥ pátnībʰiḥ sahá no muñcantv áṃhasaḥ //

Verse: 21 
Halfverse: a    
bʰūtáṃ brūmo bʰūtapátiṃ bʰūtā́nām utá vaśī́ /
Halfverse: c    
bʰūtā́ni sárvā saṃgátya no muñcantv áṃhasaḥ //

Verse: 22 
Halfverse: a    
yā́ devī́ḥ páñca pradíśo devā́ dvā́daśa rtávaḥ /
Halfverse: c    
saṃvatsarásya dáṃṣṭrās naḥ santu sádā śivā́ḥ //

Verse: 23 
Halfverse: a    
yán mā́talī ratʰakrītám amŕ̥taṃ véda bʰeṣajám /
Halfverse: c    
tád índro apsú prā́veśayat tád āpo datta bʰeṣajám // {18}


Hymn: 7_[9] 


Verse: 1 
Halfverse: a    
úccʰiṣṭe nā́ma rūpáṃ cóccʰiṣṭe loká ā́hitaḥ /
Halfverse: c    
úccʰiṣṭa índraś cāgníś ca víśvam antáḥ samā́hitam //

Verse: 2 
Halfverse: a    
úccʰiṣṭe dyā́vāpr̥tʰivī́ víśvaṃ bʰūtáṃ samā́hitam /
Halfverse: c    
ā́paḥ samudrá úccʰiṣṭe candrámā vā́ta ā́hitaḥ //

Verse: 3 
Halfverse: a    
sánn úccʰiṣṭe ásaṃś ca ubʰaú mr̥tyúr vā́jaḥ prajā́patiḥ /
Halfverse: c    
laikyā́ úccʰiṣṭa ā́yattā vráś ca dráś cā́pi śrī́r máyi //

Verse: 4 
Halfverse: a    
dr̥ḍʰó dr̥ṃhastʰiró nyó bráhma viśvasŕ̥jaḥ dáśa /
Halfverse: c    
nā́bʰim iva sarvátaḥ cakrám úccʰiṣṭe devátās śritā́ḥ //

Verse: 5 
Halfverse: a    
ŕ̥k sā́ma yájur úccʰiṣṭa udgītʰáḥ prástutam stutám /
Halfverse: c    
hiṅkārá úccʰiṣṭe sváraḥ sā́mno medíś ca tán máyi //

Verse: 6 
Halfverse: a    
aindrāgnáṃ pāvamānáṃ mahā́nāmnīr mahāvratám /
Halfverse: c    
úccʰiṣṭe yajñásyā́ṅgāny antár gárbʰa iva mātári //

Verse: 7 
Halfverse: a    
rājasū́yaṃ vājapéyam agniṣṭomáḥ tád adʰvaráḥ /
Halfverse: c    
arkāśvamedʰā́v úccʰiṣṭe jīvábarhir madíntamaḥ //

Verse: 8 
Halfverse: a    
agnyādʰéyam átʰo dīkṣā́ kāmapráś cʰándasā sahá /
Halfverse: c    
útsannā yajñā́ḥ satrā́ṇy úccʰiṣṭé 'dʰi samā́hitāḥ //

Verse: 9 
Halfverse: a    
agnihotráṃ ca śraddʰā́ ca vaṣaṭkāró vratáṃ tápaḥ /
Halfverse: c    
dákṣiṇeṣṭáṃ pūrtáṃ cóccʰiṣṭé 'dʰi samā́hitāḥ //

Verse: 10 
Halfverse: a    
ekarātró dvirātráḥ sadyaḥkrī́ḥ prakrī́r uktʰyàḥ /
Halfverse: c    
ótaṃ níhitam úccʰiṣṭe yajñásyāṇū́ni vidyáyā // {19}

Verse: 11 
Halfverse: a    
catūrātráḥ pañcarātráḥ ṣaḍrātráś cobʰáyaḥ sahá /
Halfverse: c    
ṣoḍaśī́ saptarātráś cóccʰiṣṭāj jajñire sárve yajñā́ amŕ̥te hitā́ḥ //

Verse: 12 
Halfverse: a    
pratīhāró nidʰánaṃ viśvajíc cābʰijíc ca yáḥ /
Halfverse: c    
sāhnātirātrā́v úccʰiṣṭe dvādaśāhó 'pi tán máyi //

Verse: 13 
Halfverse: a    
sūnŕ̥tā sámnatiḥ kṣémaḥ svadʰórjā́mŕ̥taṃ sáhaḥ /
Halfverse: c    
úccʰiṣṭe sárve pratyáñcaḥ kā́māḥ kā́mena tatr̥puḥ //

Verse: 14 
Halfverse: a    
náva bʰū́mīḥ samudrā́ úccʰisṭe ádʰi śritā́ dívaḥ /
Halfverse: c    
ā sū́ryo bʰāty úccʰiṣṭe 'horātré ápi tán máyi //

Verse: 15 
Halfverse: a    
upahávyaṃ viṣūvántaṃ ca yajñā́ gúhā hitā́ḥ /
Halfverse: c    
bíbʰarti bʰartā́ víśvasyóccʰiṣṭo janitúḥ pitā́ //

Verse: 16 
Halfverse: a    
pitā́ janitúr úccʰisṭó 'soḥ paútraḥ pitāmaháḥ /
Halfverse: c    
kṣiyati víśvasyéśāno vŕ̥ṣā bʰū́myām atigʰnyàḥ //

Verse: 17 
Halfverse: a    
r̥táṃ satyáṃ tápo rāsṭráṃ śrámo dʰármaś ca kárma ca /
Halfverse: c    
bʰūtáṃ bʰaviṣyád úccʰiṣṭe vīryàṃ lakṣmī́r bálaṃ bále //

Verse: 18 
Halfverse: a    
sámr̥ddʰir ója ā́kutiḥ kṣatráṃ rāṣṭráṃ ṣáḍ urvyàḥ /
Halfverse: c    
saṃvatsaró 'dʰy úccʰista íḍā praiṣā́ gráhā havíḥ //

Verse: 19 
Halfverse: a    
cáturhotāra āpríyaś cāturmāsyā́ni nīvídaḥ /
Halfverse: c    
úccʰiṣṭe yajñā́ḥ hótrāḥ paśubandʰā́s tád íṣṭayaḥ //

Verse: 20 
Halfverse: a    
ardʰamāsā́ś ca mā́sāś cārtavā́ r̥túbʰiḥ sahá /
Halfverse: c    
úccʰiṣṭe gʰoṣíṇīr ā́paḥ stanayitnúḥ śrútir mahī́ // {20}

Verse: 21 
Halfverse: a    
śárkarāḥ síkatā áśmāna óṣadʰayo vīrúdʰas tŕ̥ṇā /
Halfverse: c    
abʰrā́ṇi vidyúto varṣám úccʰiṣṭe sáṃśritā śritā́ //

Verse: 22 
Halfverse: a    
rā́ddʰiḥ prā́ptiḥ sámāptir vyā̀ptir máha edʰatúḥ /
Halfverse: c    
átyāptir úccʰiṣṭe bʰū́tiś cā́hitā níhitā hitā́ //

Verse: 23 
Halfverse: a    
yác ca prāṇáti prāṇéna yác ca páśyati cákṣuṣā /
Halfverse: c    
úccʰiṣṭāj jajñire sárve diví devā́ diviśrítaḥ //

Verse: 24 
Halfverse: a    
ŕ̥caḥ sā́māni cʰándāṃsi purāṇáṃ yájuṣā sahá /
Halfverse: c    
úccʰiṣṭāj jajñire sárve diví devā́ diviśrítaḥ //

Verse: 25 
Halfverse: a    
prāṇāpānaú cákṣuḥ śrótram ákṣitiś ca kṣítiś ca yā́ /
Halfverse: c    
úccʰiṣṭāj jajñire sárve diví devā́ diviśrítaḥ //

Verse: 26 
Halfverse: a    
ānandā́ módāḥ pramúdo 'bʰimodamúdaś ca /
Halfverse: c    
úccʰiṣṭāj jajñire sárve diví devā́ diviśrítaḥ //

Verse: 27 
Halfverse: a    
devā́ḥ pitáro manuṣyā̀ gandʰarvāpsarásaś ca /
Halfverse: c    
úccʰiṣṭāj jajñire sárve diví devā́ diviśrítaḥ // {21}


Hymn: 8_[10] 


Verse: 1 
Halfverse: a    
yán manyúr jāyā́m ā́vahat saṃkalpásya gr̥hā́d ádʰi /
Halfverse: c    
āsaṃ jányāḥ varā́ḥ u jyeṣṭʰavaró 'bʰavat //

Verse: 2 
Halfverse: a    
tápaś caivā́stāṃ kárma cāntár mahaty àrṇavé /
Halfverse: c    
āsaṃ jányās te varā́ bráhma jyeṣṭʰavaró 'bʰavat //

Verse: 3 
Halfverse: a    
dáśa sākám ajāyanta devā́ devébʰyaḥ purā́ /
Halfverse: c    
vaí tā́n vidyā́t pratyákṣaṃ vā́ adyá mahád vadet //

Verse: 4 
Halfverse: a    
prāṇāpānaú cákṣuḥ śrótram ákṣitiś ca kṣítiś ca yā́ /
Halfverse: c    
vyānodānaú vā́ṅ mánas vā́ ā́kūtim ā́vahan //

Verse: 5 
Halfverse: a    
ájātā āsann r̥távó 'tʰo dʰātā́ bŕ̥haspátiḥ /
Halfverse: c    
indrāgnī́ aśvínā tárhi káṃ jyeṣṭʰám úpāsata //

Verse: 6 
Halfverse: a    
tápaś caivā́stāṃ kárma cāntár mahaty àrṇavé /
Halfverse: c    
tápo ha jajñe kármaṇas tát jyeṣṭʰám úpāsata //

Verse: 7 
Halfverse: a    
yétá ā́sīd bʰū́miḥ pū́rvā yā́m addʰātáya íd vidúḥ /
Halfverse: c    
yáḥ vaí tāṃ vidyā́n nāmátʰā manyeta purāṇavít //

Verse: 8 
Halfverse: a    
kúta índraḥ kútaḥ sómaḥ kúto agnír ajāyata /
Halfverse: c    
kútas tváṣṭā sám abʰavat kúto dʰātā́jāyata //

Verse: 9 
Halfverse: a    
índrād índraḥ sómāt sómo agnér agnír ajāyata /
Halfverse: c    
tváṣṭā ha jajñe tváṣṭur dʰātúr dʰātā́jāyata //

Verse: 10 
Halfverse: a    
ā́san dáśa jātā́ devā́ devébʰyaḥ purā́ /
Halfverse: c    
putrébʰyo lokáṃ dattvā́ kásmiṃs loká āsate // {22}

Verse: 11 
Halfverse: a    
yadā́ kéśān ástʰi snā́va māṃsáṃ majjā́nam ā́bʰarat /
Halfverse: c    
śárīraṃ kr̥tvā́ pā́davat káṃ lokám ánu prā́viśat //

Verse: 12 
Halfverse: a    
kútaḥ kéśān kútaḥ snā́va kúto ástʰīny ā́bʰarat /
Halfverse: c    
áṅgā párvāṇi majjā́naṃ māṃsáṃ kúta ā́bʰarat //

Verse: 13 
Halfverse: a    
saṃsíco nā́ma devā́ saṃbʰārā́nt samábʰaran /
Halfverse: c    
sárvaṃ saṃsícya mártyaṃ devā́ḥ púruṣam ā́viśan //

Verse: 14 
Halfverse: a    
ūrū́ pā́dāv aṣṭʰīvántau śíro hástāv átʰo múkʰam /
Halfverse: c    
pr̥ṣṭī́r barjahye pārśvé kás tát sám adadʰād ŕ̥ṣiḥ //

Verse: 15 
Halfverse: a    
śíro hástāv átʰo múkʰaṃ jihvā́ṃ grīvā́ś ca kī́kasāḥ /
Halfverse: c    
tvacā́ prāvŕ̥tya sárvaṃ tát saṃdʰā́ sám adadʰān mahī́ //

Verse: 16 
Halfverse: a    
yát tác cʰárīram áśayat saṃdʰáyā sáṃhitaṃ mahát /
Halfverse: c    
yénedám adyá rócate asmin várṇam ā́bʰarat //

Verse: 17 
Halfverse: a    
sárve devā́ úpāśikṣan tád ajānād vadʰū́ḥ satī́ /
Halfverse: c    
īśā́ váśasya yā́ jāyā́ sā́smin várṇam ā́bʰarat //

Verse: 18 
Halfverse: a    
yadā́ tváṣṭā vyátr̥ṇat pitā́ tváṣṭur úttaraḥ /
Halfverse: c    
gr̥háṃ kr̥tvā́ mártyaṃ devā́ḥ púruṣam ā́viśan //

Verse: 19 
Halfverse: a    
svápno vaí tandrī́r nírr̥tiḥ pāpmā́no nā́ma devátāḥ /
Halfverse: c    
jarā́ kʰā́latyaṃ pā́lityaṃ śárīram ánu prā́viśan //

Verse: 20 
Halfverse: a    
stéyaṃ duṣkr̥táṃ vr̥jináṃ satyáṃ yajñó yáśo br̥hát /
Halfverse: c    
bálaṃ ca kṣatrám ójaś ca śárīram ánu prā́viśan // {23}

Verse: 21 
Halfverse: a    
bʰū́tiś ca vā́ ábʰūtiś ca rātáyó 'rātayaś ca yā́ḥ /
Halfverse: c    
kṣúdʰaś ca sárvās tŕ̥ṣṇāś ca śárīram ánu prā́viśan //

Verse: 22 
Halfverse: a    
nindā́ś ca vā́ ánindāś ca yác ca hántéti néti ca /
Halfverse: c    
śárīraṃ śraddʰā́ dákṣiṇā́śraddʰā cā́nu prā́viśan //

Verse: 23 
Halfverse: a    
vidyā́ś ca vā́ ávidyāś ca yác cānyád upadeśyàm /
Halfverse: c    
śárīraṃ bráhma prā́viśad ŕ̥caḥ sā́mā́tʰo yájuḥ //

Verse: 24 
Halfverse: a    
ānandā́ módāḥ pramúdo 'bʰimodamúdaś ca /
Halfverse: c    
hasó nariṣṭā nr̥ttā́ni śárīram ánu prā́viśan //

Verse: 25 
Halfverse: a    
ālāpā́ś ca pralāpā́ś cābʰilāpalápaś ca /
Halfverse: c    
śárīraṃ sárvaṃ prā́viśann āyújaḥ prayújo yújaḥ //

Verse: 26 
Halfverse: a    
prāṇāpānaú cákṣuḥ śrótram ákṣitiś ca kṣítiś ca yā́ /
Halfverse: c    
vyānodānaú vā́n mánaḥ śárīreṇa īyante //

Verse: 27 
Halfverse: a    
āśíṣaś ca praśíṣaś ca saṃśíṣo viśíṣaś ca yā́ḥ /
Halfverse: c    
cittā́ni sárve saṃkalpā́ḥ śárīram ánu prā́viśan //

Verse: 28 
Halfverse: a    
ā́steyīś ca vā́steyīś ca tvaraṇā́ḥ kr̥paṇā́ś ca yā́ḥ /
Halfverse: c    
gúhāḥ śukrā́ stʰūlā́ apás tā́ bībʰatsā́v asādayan //

Verse: 29 
Halfverse: a    
ástʰi kr̥tvā́ ṣamídʰaṃ tád aṣṭá ā́po asādayan /
Halfverse: c    
rétaḥ kr̥tivā́jyaṃ devā́ḥ púruṣam ā́viśan //

Verse: 30 
Halfverse: a    
yā́ ā́po yā́ś ca devátā yā́ virā́ṭ bráhmaṇā sahá /
Halfverse: c    
śárīraṃ bráhma prā́viśac cʰárīré 'dʰi prajā́patiḥ //

Verse: 31 
Halfverse: a    
sū́ryaś cákṣur vā́taḥ prāṇáṃ púruṣasya bʰejire /
Halfverse: c    
átʰāsyétaram ātmā́naṃ devā́ḥ prā́yacʰann agnáye //

Verse: 32 
Halfverse: a    
tásmād vaí vidvā́n púruṣam idáṃ bráhméti manyate /
Halfverse: c    
sárvā hy àsmin devátā gā́vo goṣṭʰá ivā́sate //

Verse: 33 
Halfverse: a    
pratʰaména pramāréṇa tredʰā́ víṣvaṅ gacʰati /
Halfverse: c    
adá ékena gácʰaty adá ékena gacʰaty ihaíkena ṣevate //

Verse: 34 
Halfverse: a    
apsú stīmā́su vr̥ddʰā́su śárīram antarā́ hitám /
Halfverse: c    
tásmiṃ cʰávó 'dʰi antarā́ tásmāc cʰávó 'dʰy ucyate // {24}


Hymn: 9_[11] 


Verse: 1 
Halfverse: a    
bāhávo yā́ íṣavo dʰánvanāṃ vīryā̀ṇi ca /
Halfverse: c    
asī́n paraśū́n ā́yudʰaṃ cittākūtáṃ ca yád dʰr̥dí /
Halfverse: e    
sárvaṃ tád arbude tvám amítrebʰyo dr̥śé kurūdārā́ṃś ca prá darśaya //

Verse: 2 
Halfverse: a    
út tiṣṭʰata sáṃ nahyadʰvaṃ mítrā dévajanā yūyám /
Halfverse: c    
sáṃdr̥ṣṭā guptā́ vaḥ santu yā́ no mitrā́ṇy arbude //

Verse: 3 
Halfverse: a    
út tiṣṭʰatam ā́ rabʰetām ādānasaṃdānā́bʰyām /
Halfverse: c    
amítrāṇāṃ sénā abʰí dʰattam arbude //

Verse: 4 
Halfverse: a    
árbudir nā́ma devá ī́śānaś ca nyàrbudiḥ /
Halfverse: c    
yā́bʰyām antárikṣam ā́vr̥tam iyáṃ ca pr̥tʰivī́ mahī́ /
Halfverse: e    
tā́bʰyām índramedibʰyām aháṃ jitám ánv emi sénayā //

Verse: 5 
Halfverse: a    
út tiṣṭʰa tváṃ devajanā́rbude sénayā sahá /
Halfverse: c    
bʰañjánn amítrāṇāṃ sénām bʰogébʰiḥ pári vāraya //

Verse: 6 
Halfverse: a    
saptá jātā́n nyàrbuda udārā́ṇāṃ samīkṣáyan /
Halfverse: c    
tébʰiṣ ṭvám ā́jye huté sárvair út tiṣṭʰa sénayā //

Verse: 7 
Halfverse: a    
pratigʰnānā́śrumukʰī́ kr̥dʰukarṇī́ ca krośatu /
Halfverse: c    
vikeśī́ púruṣe haté radité arbude táva //

Verse: 8 
Halfverse: a    
saṃkárṣantī karū́karaṃ mánasā putrám icʰántī /
Halfverse: c    
pátiṃ bʰrā́taram ā́t svā́n radité arbude táva //

Verse: 9 
Halfverse: a    
alíklavā jāṣkamadā́ gŕ̥dʰrāḥ śyenā́ḥ patatríṇaḥ /
Halfverse: c    
dʰvā́ṅkṣāḥ śakúnayas tr̥pyantv amítreṣu samīkṣáyan radité arbude táva //

Verse: 10 
Halfverse: a    
átʰo sárvaṃ śvā́padaṃ mákṣikā tr̥pyatu krímiḥ /
Halfverse: c    
paúruṣeyé 'dʰi kúṇape radité arbude táva // {25}

Verse: 11 
Halfverse: a    
ā́ gr̥hṇītaṃ sáṃ br̥hataṃ prānāpānā́n nyarbude /
Halfverse: c    
nivāśā́ gʰóṣāḥ sáṃ yantv amítreṣu samīkṣáyan radité arbude táva //

Verse: 12 
Halfverse: a    
úd vepaya sáṃ vijantāṃ bʰiyāmítrānt sáṃ sr̥ja /
Halfverse: c    
urugrāhaír bāhvaṅkaír vídʰyāmitrān nyarbude //

Verse: 13 
Halfverse: a    
múhyantv eṣāṃ bāhávaś cittākūtáṃ ca yád dʰr̥dí /
Halfverse: c    
maíṣām úc cʰeṣi kíṃ caná radité arbude táva //

Verse: 14 
Halfverse: a    
pratigʰnānā́ḥ sáṃ dʰāvantū́raḥ paṭūrā́v āgʰnānā́ḥ /
Halfverse: c    
agʰāríṇīr vikeśyò rudatyàḥ púruṣe haté radité arbude táva //

Verse: 15 
Halfverse: a    
śvànvatīr apsaráso rū́pakā utā́rbude /
Halfverse: c    
antaḥpātré rérihatīṃ riśā́ṃ durṇihitaiṣíṇīm /
Halfverse: e    
sárvās tā́ arbude tvám amítrebʰyo dr̥śé kurūdārā́ṃś ca prá darśaya //

Verse: 16 
Halfverse: a    
kʰadū́re 'dʰicaṅkramā́ṃ kʰárvikāṃ kʰarvavāsínīm /
Halfverse: c    
udārā́ antárhitā gandʰarvāpsarásaś ca sarpā́ itarajanā́ rákṣāṃsi //

Verse: 17 
Halfverse: a    
cáturdamṣṭrāṃ cʰyāvádataḥ kumbʰámuṣkām̐ ásr̥ṅmukʰān /
Halfverse: c    
svabʰyasā́ codbʰyasā́ḥ //

Verse: 18 
Halfverse: a    
úd vepaya tvám arbude 'mítrāṇām amū́ḥ sícaḥ /
Halfverse: c    
jáyāṃś ca jiṣṇúś cāmítrām̐ jáyatām índramedinau //

Verse: 19 
Halfverse: a    
práblīno mr̥ditáḥ śayāṃ ható 'mítro nyarbude /
Halfverse: c    
agnijihvā́ dʰūmaśikʰā́ jáyantīr yantu sénayā //

Verse: 20 
Halfverse: a    
táyārbude práṇuttānām índro hantu váraṃvaram /
Halfverse: c    
amítrāṇāṃ śácīpátir mā́mī́ṣāṃ moci káś caná // {26}

Verse: 21 
Halfverse: a    
út kasantu hŕ̥dayāny ūrdʰváḥ prāṇá úd īṣatu /
Halfverse: c    
śauṣkāsyám ánu vartatām amítrān mótá mitríṇaḥ //

Verse: 22 
Halfverse: a    
ca dʰī́rā cā́dʰīrāḥ párāñco badʰirā́ś ca /
Halfverse: c    
tamasā́ ca tūparā́ átʰo bastābʰivāsínaḥ /
Halfverse: e    
sárvāṃs tā́m arbude tvám amítrebʰyo dr̥śé kurūdārā́ṃś ca prá darśaya //

Verse: 23 
Halfverse: a    
árbudiś ca tríṣandʰiś cāmítrān no vidʰyatām /
Halfverse: c    
yátʰaiṣām indra vr̥trahan hánāma śacīpate 'mítrāṇāṃ sahasraśáḥ //

Verse: 24 
Halfverse: a    
vánaspátīn vānaspatyā́n óṣadʰīr utá vīrúdʰaḥ /
Halfverse: c    
gandʰarvāpsarásaḥ sarpā́n devā́n puṇyajanā́n pitŕ̥̄n /
Halfverse: e    
sárvāṃs tā́m̐ arbude tvám amítrebʰyo dr̥śé kurūdārā́ṃś ca prá darśaya //

Verse: 25 
Halfverse: a    
īśā́ṃ vo marúto devá ādityó bráhmaṇas pátiḥ /
Halfverse: c    
īśā́ṃ va índraś cāgníś ca dʰātā́ mitráḥ prajā́patiḥ /
Halfverse: e    
īśā́ṃ va ŕ̥ṣayaś cakrur amítreṣu samīkṣáyan radité arbude táva //

Verse: 26 
Halfverse: a    
téṣāṃ sárveṣām ī́śānā út tiṣṭʰata sáṃ nahyadʰvaṃ mítrā dévajanā yūyám /
Halfverse: c    
imáṃ saṃgrāmáṃ saṃjítya yatʰālokáṃ tiṣṭʰadʰvam // {27}


Hymn: 10_[12] 


Verse: 1 
Halfverse: a    
út tiṣṭʰata sáṃ nahyadʰvam údārāḥ ketúbʰiḥ sahá /
Halfverse: c    
sárpā ítarajanā rákṣāṃsy amítrān ánu dʰāvata //

Verse: 2 
Halfverse: a    
īśā́ṃ vo veda rā́jyaṃ tríṣandʰe aruṇaíḥ ketúbʰiḥ sahá /
Halfverse: c    
antárikṣe diví pr̥tʰivyā́ṃ ca manavā́ḥ /
Halfverse: e    
tríṣandʰes cétasi durṇā́māna úpāsatām //

Verse: 3 
Halfverse: a    
áyomukʰāḥ sūcī́mukʰā átʰo vikaṅkatī́mukʰāḥ /
Halfverse: c    
kravyā́do vā́taraṃhasaḥ ā́ sajantv amítrān vájreṇa tríṣandʰinā //

Verse: 4 
Halfverse: a    
antár dʰehi jātaveda ā́ditya kúṇapam bahú /
Halfverse: c    
trísandʰer iyáṃ sénā súhitāstu me váśe //

Verse: 5 
Halfverse: a    
út tiṣṭʰa tváṃ devajanā́rbude sénayā sahá /
Halfverse: c    
ayáṃ balír va ā́hutas tríṣandʰer ā́hutiḥ priyā́ //

Verse: 6 
Halfverse: a    
śitipadī́ sáṃ dyatu śaravyèyáṃ cátuṣpadī /
Halfverse: c    
kŕ̥tye 'mítrebʰyo bʰava tríṣandʰeḥ sahá sénayā //

Verse: 7 
Halfverse: a    
dʰūmākṣī́ sáṃ patatu kr̥dʰukarnī́ ca krośatu /
Halfverse: c    
tríṣandʰeḥ sénayā jité aruṇā́ḥ santu ketávaḥ //

Verse: 8 
Halfverse: a    
ávāyantāṃ pakṣíṇo váyāṃsy antárikṣe diví cáranti /
Halfverse: c    
śvā́pado mákṣikāḥ sáṃ rabʰantām āmā́do gŕ̥dʰrāḥ kúṇape radantām //

Verse: 9 
Halfverse: a    
yā́m índreṇa saṃdʰā́ṃ samádʰattʰā bráhmaṇā ca br̥haspate /
Halfverse: c    
táyāhám indrasaṃdʰáyā sárvān devā́n ihá huva itó jayata mā́mútaḥ //

Verse: 10 
Halfverse: a    
bŕ̥haspátir āṅgirasá ŕ̥ṣayo bráhmasaṃśitāḥ /
Halfverse: c    
asurakṣáyaṇaṃ vadʰáṃ tríṣandʰim divy ā́srayan // {28}

Verse: 11 
Halfverse: a    
yénāsaú guptá ādityá ubʰā́v índraś ca tíṣṭʰataḥ /
Halfverse: c    
tríṣandʰiṃ devā́ abʰajantaújase ca bálāya ca //

Verse: 12 
Halfverse: a    
sárvāṃl lokā́nt sám ajayan devā́ ā́hutyānáyā /
Halfverse: c    
bŕ̥haspátir āṅgirasó vájraṃ yám ásiñcatāsurakṣáyaṇaṃ vadʰám //

Verse: 13 
Halfverse: a    
bŕ̥haspátir āṅgirasó vájraṃ yám ásiñcatāsurakṣáyaṇaṃ vadʰám /
Halfverse: c    
ténāhám amū́ṃ sénāṃ limpāmi br̥haspate 'mítrān hanmy ójasā //

Verse: 14 
Halfverse: a    
sárve devā́ atyā́yanti aśnánti váṣaṭkr̥tam /
Halfverse: c    
imā́ṃ juṣadʰvam ā́hutim itó jayata mā́mútaḥ //

Verse: 15 
Halfverse: a    
sárve devā atyā́yantu tríṣandʰer ā́hutiḥ priyā́ /
Halfverse: c    
saṃdʰā́ṃ mahatī́ṃ rakṣata yáyā́gre ásurā jitā́ḥ //

Verse: 16 
Halfverse: a    
vāyúr amítrāṇām iṣvagrā́ṇy ā́ñcatu /
Halfverse: c    
índra eṣāṃ bahū́n práti bʰanaktu mā́ śakan pratidʰā́m íṣum /
Halfverse: e    
ādityá eṣām astráṃ nāśayatu candrámā yutām ágatasya pántʰām //

Verse: 17 
Halfverse: a    
yádi preyúr devapurā́ bráhma vármāṇi cakriré /
Halfverse: c    
tanūpā́naṃ paripā́ṇaṃ kr̥ṇvānā́ yád upociré sárvaṃ tád arasáṃ kr̥dʰi //

Verse: 18 
Halfverse: a    
kravyā́dānuvartáyan mr̥tyúnā ca puróhitam /
Halfverse: c    
tríṣandʰe préhi sénayā jayāmitrān prá padyasva //

Verse: 19 
Halfverse: a    
tríṣandʰe támasā tvám amítrān pári vāraya /
Halfverse: c    
pr̥ṣadājyápraṇuttānāṃ mā́mī́ṣāṃ moci káś caná //

Verse: 20 
Halfverse: a    
śitipadī́ sáṃ patatv amítrānām amū́ḥ śícaḥ /
Halfverse: c    
múhyantv adyā́mū́ḥ sénāḥ amítrānāṃ nyarbude // {29}

Verse: 21 
Halfverse: a    
mūḍʰā́ amítrā nyarbude jahy èṣāṃ váraṃvaram /
Halfverse: c    
anáyā jahi sénayā //

Verse: 22 
Halfverse: a    
yáś ca kavacī́ yáś cākavacó 'mítro yáś cā́jmani /
Halfverse: c    
jyāpāśaíḥ kavacapāśaír ájmanābʰíhataḥ śayām //

Verse: 23 
Halfverse: a    
varmíṇo 'varmā́ṇo amítrā ca varmíṇaḥ /
Halfverse: c    
sárvāṃs tā́m̐ arbude hatā́ṃ cʰvā́no 'dantu bʰū́myām //

Verse: 24 
Halfverse: a    
ratʰíno aratʰā́ asādā́ ca sādínaḥ /
Halfverse: c    
sárvān adantu tā́n hatā́n gŕ̥dʰrāḥ śyenā́ḥ patatríṇaḥ //

Verse: 25 
Halfverse: a    
sahásrakuṇapā śetām āmitrī́ sénā samaré vadʰā́nām /
Halfverse: c    
víviddʰā kakajā́kr̥tā //

Verse: 26 
Halfverse: a    
marmāvídʰaṃ róruvataṃ suparṇaír adántu duścítaṃ mr̥ditám śáyānam /
Halfverse: c    
imā́ṃ pratī́cīm ā́hutim amítro no yúyutsati //

Verse: 27 
Halfverse: a    
yā́ṃ devā́ anutísṭʰanti yásyā nā́sti virā́dʰanam /
Halfverse: c    
táyéndro hantu vr̥trahā́ vájreṇa tríṣaṃdʰinā //



Book: 12 
12
Hymn: 1 


Verse: 1 
Halfverse: a    
satyáṃ br̥hád r̥tám ugráṃ dīkṣā́ tápo bráhma yajñáḥ pr̥tʰivī́ṃ dʰārayanti /
Halfverse: c    
sā́ no bʰūtásya bʰávyasya pátny urúṃ lokáṃ pr̥tʰivī́ naḥ kr̥ṇotu //1//

Verse: 2 
Halfverse: a    
asaṃbādʰáṃ madʰyató mānavā́nāṃ yásyā udvátaḥ pravátaḥ samáṃ bahú /
Halfverse: c    
nā́nāvīryā óṣadʰīr yā́ bíbʰarti pr̥tʰivī́ naḥ pratʰatāṃ rā́dʰyatāṃ naḥ //2//

Verse: 3 
Halfverse: a    
yásyāṃ samudrá utá síndʰur ā́po yásyām ánnaṃ kr̥ṣṭáyaḥ saṃbabʰūvúḥ /
Halfverse: c    
yásyām idáṃ jínvati prāṇád éjat sā́ no bʰū́miḥ pūrvapéye dadʰātu //3//

Verse: 4 
Halfverse: a    
yásyāś cátasraḥ pradíśaḥ pr̥tʰivyā́ yásyām ánnam kr̥ṣṭáyaḥ saṃbabʰūvúḥ /
Halfverse: c    
yā́ bíbʰarti bahudʰā́ prāṇád éjat sā́ no bʰū́mir góṣv ápy ánne dadʰātu //4//

Verse: 5 
Halfverse: a    
yásyāṃ pū́rve pūrvajanā́ vicakriré yásyāṃ devā́ ásurān abʰyávartayan /
Halfverse: c    
gávām áśvānāṃ váyasaś ca viṣṭʰā́ bʰágaṃ várcaḥ pr̥tʰivī́ no dadʰātu //5//

Verse: 6 
Halfverse: a    
viśvaṃbʰarā́ vasudʰā́nī pratiṣṭʰā́ híraṇyavakṣā jágato nivéśanī /
Halfverse: c    
vaiśvānaráṃ bíbʰratī bʰū́mir agním índrar̥ṣabʰā dráviṇe no dadʰātu //6//

Verse: 7 
Halfverse: a    
yā́ṃ rákṣanty asvapnā́ viśvadā́nīṃ devā́ bʰū́miṃ pr̥tʰivī́m ápramādam /
Halfverse: c    
sā́ no mádʰu priyáṃ duhām átʰo ukṣatu várcasā //7//

Verse: 8 
Halfverse: a    
yā́rṇavé 'dʰi salilám ágra ā́sīt yā́ṃ māyā́bʰir anvácaran manīṣíṇaḥ /
Halfverse: c    
yásyā hŕ̥dayaṃ paramé vyòmant satyénā́vr̥tam amŕ̥taṃ pr̥tʰivyā́ḥ /
Halfverse: e    
sā́ no bʰū́mis tvíṣiṃ bálaṃ rāṣṭré dadʰātūttamé //8//

Verse: 9 
Halfverse: a    
yásyām ā́paḥ paricarā́ḥ samānī́r ahorātré ápramādaṃ kṣáranti /
Halfverse: c    
sā́ no bʰū́mir bʰū́ridʰārā páyo duhām átʰo ukṣatu várcasā //9//

Verse: 10 
Halfverse: a    
yā́m aśvínāv ámimātāṃ víṣṇur yásyāṃ vicakramé /
Halfverse: c    
índro yā́ṃ cakrá ātmáne 'namitrā́ṃ śácīpátiḥ /
Halfverse: e    
sā́ no bʰū́mir sr̥jatāṃ mātā́ putrā́ya me páyaḥ //10// {1}

Verse: 11 
Halfverse: a    
giráyas te párvatā himávantó 'raṇyaṃ te pr̥tʰivi syonám astu /
Halfverse: c    
babʰrúṃ kr̥ṣṇā́m róhiṇīṃ viśvárūpāṃ dʰruvā́ṃ bʰū́miṃ pr̥tʰivī́m índraguptām /
Halfverse: e    
ájītó 'hato ákṣató 'dʰy aṣṭʰām pr̥tʰivī́m áham //11//

Verse: 12 
Halfverse: a    
yát te mádʰyaṃ pr̥tʰivi yác ca nábʰyaṃ yā́s ta ū́rjas tanvàḥ saṃbabʰūvúḥ /
Halfverse: c    
tā́su no dʰehy abʰí naḥ pavasva mātā́ bʰū́miḥ putró aháṃ pr̥tʰivyā́ḥ parjányaḥ pitā́ u naḥ pipartu //12//

Verse: 13 
Halfverse: a    
yásyāṃ védiṃ parigr̥hṇánti bʰū́myāṃ yásyāṃ yajñáṃ tanváte viśvákarmāṇaḥ /
Halfverse: c    
yásyāṃ mīyánte sváravaḥ pr̥tʰivyā́m ūrdʰvā́ḥ śukrā́ ā́hutyāḥ purástāt /
Halfverse: e    
sā́ no bʰū́mir vardʰayad várdʰamānā //13//

Verse: 14 
Halfverse: a    
no dvéṣat pr̥tʰivi yáḥ pr̥tanyā́d 'bʰidā́sān mánasā vadʰéna /
Halfverse: c    
táṃ no bʰūme randʰaya pūrvakr̥tvari //14//

Verse: 15 
Halfverse: a    
tváj jātā́s tváyi caranti mártyās tváṃ bibʰarṣi dvipádas tváṃ cátuṣpadaḥ /
Halfverse: c    
távemé pr̥tʰivi páñca mānavā́ yébʰyo jyótir amŕ̥taṃ mártyebʰya udyánt sū́ryo raśmíbʰir ātanóti //15//

Verse: 16 
Halfverse: a    
tā́ naḥ prajā́ḥ sáṃ duhratāṃ samagrā́ vācó mádʰu pr̥tʰivi dʰehi máhyam //16//

Verse: 17 
Halfverse: a    
viśvasvàṃ mātáram óṣadʰīnāṃ dʰruvā́ṃ bʰū́miṃ pr̥tʰivī́ṃ dʰármaṇā dʰr̥tā́m /
Halfverse: c    
śivā́ṃ syonā́m ánu carema viśváhā //17//

Verse: 18 
Halfverse: a    
mahát sadʰástʰaṃ mahatī́ babʰū́vitʰa mahā́n véga ejátʰur vepátʰuṣ ṭe /
Halfverse: c    
mahā́ṃs tvéndro rakṣaty ápramādam /
Halfverse: e    
sā́ no bʰūme prá rocaya híraṇyasyeva saṃdŕ̥śi mā́ no dvikṣata káś caná //18//

Verse: 19 
Halfverse: a    
agnír bʰū́myām óṣadʰīṣv agním ā́po bibʰraty agnír áśmasu /
Halfverse: c    
agnír antáḥ púruṣeṣu góṣv áśveṣv agnáyaḥ //19//

Verse: 20 
Halfverse: a    
agnír divá ā́ tapaty agnér devásyorv à1ntárikṣam /
Halfverse: c    
agníṃ mártāsa indʰate havyavā́haṃ gʰr̥tapríyam //20// {2}

Verse: 21 
Halfverse: a    
agnívāsāḥ pr̥tʰivy àsitajñū́s tvíṣīmantaṃ sáṃśitaṃ kr̥ṇotu //21//

Verse: 22 
Halfverse: a    
bʰū́myāṃ devébʰyo dadati yajñáṃ havyám áraṃkr̥tam /
Halfverse: c    
bʰū́myāṃ manuṣyā̀ jīvanti svadʰáyā́nnena mártyāḥ /
Halfverse: e    
sā́ no bʰū́miḥ prāṇám ā́yur dadʰātu jarádaṣṭiṃ pr̥tʰivī́ kr̥ṇotu //22//

Verse: 23 
Halfverse: a    
yás te gandʰáḥ pr̥tʰivi saṃbabʰū́va yáṃ bíbʰraty óṣadʰayo yám ā́paḥ /
Halfverse: c    
yáṃ gandʰarvā́ apsarásaś ca bʰejiré téna surabʰíṃ kr̥ṇu mā́ no dvikṣata káś caná //23//

Verse: 24 
Halfverse: a    
yás te gandʰáḥ púṣkaram āvivéśa yáṃ saṃjabʰrúḥ sūryā́yā vivāhé /
Halfverse: c    
ámartyāḥ pr̥tʰivi gandʰám ágre téna mā́ surabʰíṃ kr̥ṇu mā́ no dvikṣata káś caná //24//

Verse: 25 
Halfverse: a    
yás te gandʰáḥ púruṣeṣu strīṣú puṃsú bʰágo rúciḥ /
Halfverse: c    
áśveṣu vīréṣu mr̥géṣūtá hastíṣu /
Halfverse: e    
kanyā̀yāṃ várco yád bʰūme ténāsmā́m̐ ápi sáṃ sr̥ja mā́ no dvikṣata káś caná //25//

Verse: 26 
Halfverse: a    
śilā́ bʰū́mir áśmā pāṃsúḥ sā́ bʰū́miḥ sáṃdʰr̥tā dʰr̥tā́ /
Halfverse: c    
tásyai híraṇyavakṣase pr̥tʰivyā́ akaraṃ námaḥ //26//

Verse: 27 
Halfverse: a    
yásyāṃ vr̥kṣā́ vānaspatyā́ dʰruvā́s tíṣṭʰanti viśváhā /
Halfverse: c    
pr̥tʰivī́ṃ viśvádʰāyasaṃ dʰr̥tā́m acʰā́vadāmasi //27//

Verse: 28 
Halfverse: a    
udī́rāṇā utā́sīnās tíṣṭʰantaḥ prakrā́mantaḥ /
Halfverse: c    
padbʰyā́ṃ dakṣiṇasavyā́bʰyāṃ mā́ vyatʰiṣmahi bʰū́myām //28//

Verse: 29 
Halfverse: a    
vimŕ̥gvarīṃ pr̥tʰivī́m ā́ vadāmi kṣamā́ṃ bʰū́miṃ bráhmaṇā vāvr̥dʰānā́m /
Halfverse: c    
ū́rjaṃ puṣṭáṃ bíbʰratīm annabʰāgáṃ gʰr̥táṃ tvābʰi ṣīdema bʰūme //29//

Verse: 30 
Halfverse: a    
śuddʰā́ na ā́pas tanvè kṣarantu naḥ sédur ápriye táṃ dadʰmaḥ /
Halfverse: c    
pavítreṇa pr̥tʰivi mót punāmi //30// {3}

Verse: 31 
Halfverse: a    
yā́s te prā́cīḥ pradíśo yā́ údīcīr yā́s te bʰūme adʰarā́d yā́ś ca paścā́t /
Halfverse: c    
syonā́s tā́ máhyaṃ cárate bʰavantu mā́ paptaṃ bʰúvane śiśriyāṇáḥ //31//

Verse: 32 
Halfverse: a    
mā́ naḥ paścā́n mā́ purástān nudiṣṭʰā móttarā́d adʰarā́d utá /
Halfverse: c    
svastí bʰūme no bʰava mā́ vidan paripantʰíno várīyo yāvayā vadʰám //32//

Verse: 33 
Halfverse: a    
yā́vat te 'bʰí vipáśyāmi bʰū́me sū́ryeṇa medínā /
Halfverse: c    
tā́van me cákṣur mā́ meṣṭóttarāmuttarāṃ sámām //33//

Verse: 34 
Halfverse: a    
yác cʰáyānaḥ paryā́varte dákṣiṇaṃ savyám abʰí bʰūme pārśvám uttānā́s tvā pratī́cīṃ yát pr̥ṣṭī́bʰir adʰiśémahe /
Halfverse: c    
mā́ hiṃsīs tátra no bʰūme sárvasya pratiśīvari //34//

Verse: 35 
Halfverse: a    
yát te bʰūme vikʰánāmi kṣipráṃ tád ápi rohatu /
Halfverse: c    
mā́ te márma vimr̥gvari mā́ te hŕ̥dayam arpipam //35//

Verse: 36 
Halfverse: a    
grīṣmás te bʰūme varṣā́ṇi śarád dʰemantáḥ śíśiro vasantáḥ /
Halfverse: c    
r̥távas te víhitā hāyanī́r ahorātré pr̥tʰivi no duhātām //36//

Verse: 37 
Halfverse: a    
yā́pa sarpáṃ vijámānā vimŕ̥gvarī yásyām ā́sann agnáyo apsv àntáḥ /
Halfverse: c    
párā dásyūn dádatī devapīyū́n índraṃ vr̥ṇānā́ pr̥tʰivī́ vr̥trám śakrā́ya dadʰre vr̥ṣabʰā́ya vŕ̥ṣṇe //37//

Verse: 38 
Halfverse: a    
yásyāṃ sadohavirdʰāné yū́po yásyāṃ nimīyáte /
Halfverse: c    
brahmā́ṇo yásyām árcanty r̥gbʰíḥ sā́mnā yajurvídaḥ yujyánte yásyām r̥tvíjaḥ sómam índrāya pā́tave //38//

Verse: 39 
Halfverse: a    
yásyāṃ pū́rve bʰūtakŕ̥ta ŕ̥ṣayo gā́ údānr̥cúḥ /
Halfverse: c    
saptá satréṇa vedʰáso yajñéna tápasā sahá //39//

Verse: 40 
Halfverse: a    
sā́ no bʰū́mir ā́ diśatu yád dʰánaṃ kāmáyāmahe /
Halfverse: c    
bʰágo anupráyuṅktām índra etu purogaváḥ //40// {4}

Verse: 41 
Halfverse: a    
yásyāṃ gā́yanti nŕ̥tyanti bʰū́myāṃ mártyā vyaìlabāḥ /
Halfverse: c    
yudʰyánte yásyām ākrandó yásyām vádati dundubʰíḥ /
Halfverse: e    
sā́ no bʰū́miḥ prá ṇudatāṃ sapátnān asapatnáṃ pr̥tʰivī́ kr̥ṇotu //41//

Verse: 42 
Halfverse: a    
yásyām ánnaṃ vrīhiyavaú yásyā imā́ḥ páñca kr̥ṣṭáyaḥ /
Halfverse: c    
bʰū́myai parjányapatnyai námo 'stu varṣámedase //42//

Verse: 43 
Halfverse: a    
yásyāḥ púro devákr̥tāḥ kṣétre yásyā vikurváte /
Halfverse: c    
prajā́patiḥ pr̥tʰivī́ṃ viśvágarbʰām ā́śāmāśāṃ ráṇyāṃ naḥ kr̥ṇotu //43//

Verse: 44 
Halfverse: a    
nidʰíṃ bíbʰratī bahudʰā́ gúhā vásu maṇíṃ híraṇyaṃ pr̥tʰivī́ dadātu me /
Halfverse: c    
vásūni no vasudā́ rā́samānā devī́ dadʰātu sumanasyámānā //44//

Verse: 45 
Halfverse: a    
jánaṃ bíbʰratī bahudʰā́ vívācasaṃ nā́nādʰarmāṇaṃ pr̥tʰivī́ yatʰaukasám /
Halfverse: c    
sahásraṃ dʰā́rā dráviṇasya me duhāṃ dʰruvéva dʰenúr ánapaspʰurantī //45//

Verse: 46 
Halfverse: a    
yás te sarpó vŕ̥ścikas tr̥ṣṭádaṃśmā hemantájabdʰo bʰr̥maló gúhā śáye /
Halfverse: c    
krímir jínvat pr̥tʰivi yádyad éjati prāvŕ̥ṣi tán naḥ sárpan mópa sr̥pad yác cʰiváṃ téna no mr̥ḍa //46//

Verse: 47 
Halfverse: a    
te pántʰāno bahávo janā́yanā rátʰasya vártmā́nasaś ca yā́tave /
Halfverse: c    
yaíḥ saṃcáranty ubʰáye bʰadrapāpā́s táṃ pántʰānaṃ jayemānamitrám ataskaráṃ yác cʰiváṃ téna no mr̥ḍa //47//

Verse: 48 
Halfverse: a    
malváṃ bíbʰratī gurubʰŕ̥d bʰadrapāpásya nidʰánaṃ titikṣúḥ /
Halfverse: c    
varāhéṇa pr̥tʰivī́ saṃvidānā́ sūkarā́ya jihīte mr̥gā́ya //48//

Verse: 49 
Halfverse: a    
ta āraṇyā́ḥ paśávo mr̥gā́ váne hitā́ḥ siṃhā́ vyāgʰrā́ḥ puruṣā́daś cáranti /
Halfverse: c    
uláṃ vŕ̥kaṃ pr̥tʰivi ducʰúnām itá r̥kṣī́kāṃ rákṣo ápa bādʰayāsmát //49//

Verse: 50 
Halfverse: a    
gandʰarvā́ apsaráso cārā́yāḥ kimīdínaḥ /
Halfverse: c    
piśācā́nt sárvā rákṣāṃsi tā́n asmád bʰūme yāvaya //50// {5}

Verse: 51 
Halfverse: a    
yā́ṃ dvipā́daḥ pakṣíṇaḥ saṃpátanti haṃsā́ḥ suparṇā́ḥ śakunā́ váyāṃsi /
Halfverse: c    
yásyāṃ vā́to mātaríśvéyate rájāṃsi kr̥ṇváṃś cyāváyaṃś ca vr̥kṣā́n /
Halfverse: e    
vā́tasya pravā́m upavā́m ánu vāty arcíḥ //51//

Verse: 52 
Halfverse: a    
yásyāṃ kr̥ṣṇám aruṇáṃ ca sáṃhite ahorātré víhite bʰū́myām ádʰi /
Halfverse: c    
varṣéṇa bʰū́miḥ pr̥tʰivī́ vr̥tā́vr̥tā sā́ no dadʰātu bʰadráyā priyé dʰā́manidʰāmani //52//

Verse: 53 
Halfverse: a    
dyaúś ca ma idáṃ pr̥tʰivī́ cāntárikṣaṃ ca me vyácaḥ /
Halfverse: c    
agníḥ sū́rya ā́po medʰā́ṃ víśve devā́ś ca sáṃ daduḥ //53//

Verse: 54 
Halfverse: a    
ahám asmi sáhamāna úttaro nā́ma bʰū́myām /
Halfverse: c    
abʰīṣā́ḍ asmi viśvāṣā́ḍ ā́śāmāśāṃ viṣāsahíḥ //54//

Verse: 55 
Halfverse: a    
adó yád devi prátʰamānā purástād devaír uktā́ vyásarpo mahitvám /
Halfverse: c    
ā́ tvā subʰūtám aviśat tadā́nīm ákalpayatʰāḥ pradíśaś cátasraḥ //55//

Verse: 56 
Halfverse: a    
grā́mā yád áraṇyaṃ yā́ḥ sabʰā́ ádʰi bʰū́myām /
Halfverse: c    
saṃgrāmā́ḥ sámitayas téṣu cā́ru vadema te //56//

Verse: 57 
Halfverse: a    
áśva iva rájo dudʰuve tā́n jánān ā́kṣiyan pr̥tʰivī́ṃ yā́d ájāyata /
Halfverse: c    
mandrā́grétvarī bʰúvanasya gopā́ vánaspátīnāṃ gŕ̥bʰir óṣadʰīnām //57//

Verse: 58 
Halfverse: a    
yád vádāmi mádʰumat tád vadāmi yád ī́kṣe tád vananti /
Halfverse: c    
tvíṣīmān asmi jūtimā́n ávānyā́n hanmi dódʰataḥ //58//

Verse: 59 
Halfverse: a    
śantivā́ surabʰíḥ syonā́ kīlā́lodʰnī páyasvatī /
Halfverse: c    
bʰū́mir ádʰi bravītu me pr̥tʰivī́ páyasā sahá //59//

Verse: 60 
Halfverse: a    
yā́m anvaícʰad dʰavíṣā viśvákarmāntár arṇavé rájasi práviṣṭām /
Halfverse: c    
bʰujiṣyà1ṃ pā́traṃ níhitaṃ gúhā yád āvír bʰóge abʰavan mātr̥mádbʰyaḥ //60//

Verse: 61 
Halfverse: a    
tvám asy āvápanī jánānām áditiḥ kāmadúgʰā papratʰānā́ /
Halfverse: c    
yát ta ūnáṃ tát ta ā́ pūrayāti prajā́patiḥ pratʰamajā́ r̥tásya //61//

Verse: 62 
Halfverse: a    
upastʰā́s te anamīvā́ ayakṣmā́ asmábʰyaṃ santu pr̥tʰivi prásūtāḥ /
Halfverse: c    
dīrgʰáṃ na ā́yuḥ pratibúdʰyamānā vayáṃ túbʰyaṃ balihŕ̥taḥ syāma //62//

Verse: 63 
Halfverse: a    
bʰū́me mātar dʰehi bʰadráyā súpratiṣṭʰitam /
Halfverse: c    
saṃvidānā́ divā́ kave śriyā́ṃ dʰehi bʰū́tyām //63// {6}

Hymn: 2 
Verse: 1 
Halfverse: a    
naḍám ā́ roha te átra loká idáṃ sī́saṃ bʰāgadʰéyaṃ ta éhi /
Halfverse: c    
góṣu yákṣmaḥ púruṣeṣu yákṣmas téna tváṃ sākám adʰarā́ṅ párehi //1//

Verse: 2 
Halfverse: a    
agʰaśaṃsaduḥśaṃsā́bʰyāṃ karéṇānukaréṇa ca /
Halfverse: c    
yákṣmaṃ ca sárvaṃ ténetó mr̥tyúṃ ca nír ajāmasi //2//

Verse: 3 
Halfverse: a    
nír itó mr̥tyúṃ nírr̥tiṃ nír árātim ajāmasi /
Halfverse: c    
no dvéṣṭi tám addʰy agne akravyād yám u dviṣmás tám u te prá suvāmasi //3//

Verse: 4 
Halfverse: a    
yády agníḥ kravyā́d yádi vā́ vyāgʰrá imáṃ goṣṭʰáṃ pravivéśā́nyokāḥ /
Halfverse: c    
táṃ mā́ṣājyaṃ kr̥tvā́ prá hiṇomi dūráṃ gacʰatv apsuṣádó 'py agnī́n //4//

Verse: 5 
Halfverse: a    
yát tvā kruddʰā́ḥ pracakrúr manyúnā púruṣe mr̥té /
Halfverse: c    
sukálpam agne tát tváyā púnas tvód dīpayāmasi //5//

Verse: 6 
Halfverse: a    
púnas tvādityā́ rudrā́ vásavaḥ púnar brahmā́ vásunītir agne /
Halfverse: c    
púnas tvā bráhmaṇas pátir ā́dʰād dīrgʰāyutvā́ya śatáśāradāya //6//

Verse: 7 
Halfverse: a    
agníḥ kravyā́t pravivéśa no gr̥hám imáṃ páśyann ítaraṃ jātávedasam /
Halfverse: c    
táṃ harāmi pitr̥yajñā́ya dūráṃ gʰarmám indʰāṃ paramé sadʰástʰe //7//

Verse: 8 
Halfverse: a    
kravyā́dam agníṃ prá hiṇomi dūrám yamárājño gacʰatu ripravāháḥ /
Halfverse: c    
ihā́yám ítaro jātávedā devó devébʰyo havyáṃ vahatu prajānán //8//

Verse: 9 
Halfverse: a    
kravyā́dam agním iṣitó harāmi jánān dr̥ṃhántaṃ vájreṇa mr̥tyúm /
Halfverse: c    
táṃ śāsmi gā́rhapatyena vidvā́n pitr̥̄ṇā́ṃ loké 'pi bʰāgó astu //9//

Verse: 10 
Halfverse: a    
kravyā́dam agníṃ śaśamānám uktʰyà1ṃ prá hiṇomi patʰíbʰiḥ pitr̥yā́ṇaiḥ /
Halfverse: c    
mā́ devayā́naiḥ púnar ā́ átraivaídʰi pitŕ̥ṣu jāgr̥hi tvám //10// {7}

Verse: 11 
Halfverse: a    
sám indʰate sáṃkasukaṃ svastáye śuddʰā́ bʰávantaḥ śúcayaḥ pāvakā́ḥ /
Halfverse: c    
jáhāti riprám áty éna eti sámiddʰo agníḥ supúnā punāti //11//

Verse: 12 
Halfverse: a    
devó agníḥ sáṃkasuko divás pr̥ṣṭʰā́ny ā́ruhat /
Halfverse: c    
mucyámāno nír éṇasó 'mog asmā́m̐ áśastyāḥ //12//

Verse: 13 
Halfverse: a    
asmín vayáṃ sáṃkasuke agnaú riprā́ṇi mr̥jmahe /
Halfverse: c    
ábʰūma yajñíyāḥ śuddʰā́ḥ prá ṇa ā́yūṃṣi tāriṣat //13//

Verse: 14 
Halfverse: a    
sáṃkasuko víkasuko nirr̥tʰó yáś ca nisvaráḥ /
Halfverse: c    
te yákṣmaṃ sávedaso dūrā́d dūrám anīnaśan //14//

Verse: 15 
Halfverse: a    
no áśveṣu vīréṣu no góṣv ajāvíṣu /
Halfverse: c    
kravyā́daṃ nír nudāmasi agnír janayópanaḥ //15//

Verse: 16 
Halfverse: a    
ányebʰyas tvā púruṣebʰyo góbʰyo áśvebʰyas tvā /
Halfverse: c    
níḥ kravyā́daṃ nudāmasi agnír jīvitayópanaḥ //16//

Verse: 17 
Halfverse: a    
yásmin devā́ ámr̥jata yásmin manuṣyā̀ utá /
Halfverse: c    
tásmin gʰr̥tastā́vo mr̥ṣṭvā́ tvám agne dívaṃ ruha //17//

Verse: 18 
Halfverse: a    
sámiddʰo agna āhuta no mā́bʰyápakramīḥ /
Halfverse: c    
átraivá dīdihi dyávi jyók ca sū́ryaṃ dr̥śé //18//

Verse: 19 
Halfverse: a    
sī́se mr̥ḍḍʰvaṃ nadé mr̥ḍḍʰvam agnaú sáṃkasuke ca yát /
Halfverse: c    
átʰo ávyāṃ rāmā́yāṃ śīrṣaktím upabárhaṇe //19//

Verse: 20 
Halfverse: a    
sī́se málaṃ sādayitvā́ śīrṣaktím upabárhaṇe /
Halfverse: c    
ávyām ásiknyāṃ mr̥ṣṭvā́ śuddʰā́ bʰavata yajñíyāḥ //20// {8}

Verse: 21 
Halfverse: a    
páraṃ mr̥tyo ánu párehi pántʰāṃ yás ta eṣá ítaro devayā́nāt /
Halfverse: c    
cákṣuṣmate śr̥ṇvaté te bravīmīhémé vīrā́ bahávo bʰavantu //21//

Verse: 22 
Halfverse: a    
imé jīvā́ mr̥taír ā́vavr̥trann ábʰūd bʰadrā́ deváhutir no adyá /
Halfverse: c    
prā́ñco agāma nr̥táye hásāya suvī́rāso vidátʰam ā́ vadema //22//

Verse: 23 
Halfverse: a    
imáṃ jīvébʰyaḥ paridʰíṃ dadʰāmi maíṣāṃ gād áparo ártʰam etám /
Halfverse: c    
śatáṃ jī́vantaḥ śarádaḥ purūcī́s tiró mr̥tyúṃ dadʰatām párvatena //23//

Verse: 24 
Halfverse: a    
ā́ rohatā́yur jarásaṃ vr̥ṇānā́ anupūrváṃ yátamānā yáti stʰá /
Halfverse: c    
tā́n vas tváṣṭā sujánimā sajóṣāḥ sárvam ā́yur nayatu jī́vanāya //24//

Verse: 25 
Halfverse: a    
yátʰā́hāny anupūrváṃ bʰavanti yátʰa rtáva r̥túbʰir yánti sākám /
Halfverse: c    
yátʰā na pū́rvam áparo jáhāty evā́ dʰātar ā́yūṃṣi kalpayaiṣā́m //25//

Verse: 26 
Halfverse: a    
áśmanvatī rīyate sáṃ rabʰadʰvaṃ vīráyadʰvaṃ prá taratā sakʰāyaḥ /
Halfverse: c    
átrā jahīta ásan durévā anamīvā́n út taremābʰi vā́jān //26//

Verse: 27 
Halfverse: a    
út tiṣṭʰatā prá taratā sakʰāyó 'śmanvatī nadī́ syandata iyám /
Halfverse: c    
átrā jahīta ásann áśivāḥ śivā́nt syonā́n út taremābʰí vā́jān //27//

Verse: 28 
Halfverse: a    
vaiśvadevī́ṃ várcasā ā́ rabʰadʰvaṃ śuddʰā́ bʰávantaḥ śúcayaḥ pāvakā́ḥ /
Halfverse: c    
atikrā́manto duritā́ padā́ni śatáṃ hímāḥ sárvavīrā madema //28//

Verse: 29 
Halfverse: a    
udīcī́naiḥ patʰíbʰir vāyumádbʰir atikrā́mantó 'varān párebʰiḥ /
Halfverse: c    
tríḥ saptá kŕ̥tva ŕ̥ṣayaḥ páretā mr̥tyúṃ práty auhan padayópanena //29//

Verse: 30 
Halfverse: a    
mr̥tyóḥ padáṃ yopáyanta éta drā́gʰīya ā́yuḥ prataráṃ dádʰānāḥ /
Halfverse: c    
ā́sīnā mr̥tyúṃ nudatā sadʰástʰé 'tʰa jīvā́so vidátʰam ā́ vadema //30// {9}

Verse: 31 
Halfverse: a    
imā́ nā́rīr avidʰavā́ḥ supátnīr ā́ñjanena sarpíṣā sáṃ spr̥śantām /
Halfverse: c    
anaśrávo anamīvā́ḥ surátnā ā́ rohantu jánayo yónim ágre //31//

Verse: 32 
Halfverse: a    
vyā́karomi havíṣāhám etaú taú bráhmaṇā vy àháṃ kalpayāmi /
Halfverse: c    
svadʰā́ṃ pitŕ̥bʰyo ajárāṃ kr̥ṇomi dīrgʰéṇā́yuṣā sám imā́nt sr̥jāmi //32//

Verse: 33 
Halfverse: a    
no agníḥ pitaro hr̥tsv àntár āvivéśāmŕ̥to mártyeṣu /
Halfverse: c    
máyy aháṃ taṃ pári gr̥hṇāmi deváṃ mā́ asmā́n dvikṣata mā́ vayáṃ tám //33//

Verse: 34 
Halfverse: a    
apāvŕ̥tya gā́rhapatyāt kravyā́dā préta dakṣiṇā́ /
Halfverse: c    
priyáṃ pitŕ̥bʰya ātmáne brahmábʰyaḥ kr̥ṇutā priyám //34//

Verse: 35 
Halfverse: a    
dvibʰāgadʰanám ādā́ya prá kṣiṇāty ávartyā /
Halfverse: c    
agníḥ putrásya jyeṣṭʰásya yáḥ kravyā́d ánirāhitaḥ //35//

Verse: 36 
Halfverse: a    
yát kr̥ṣáte yád vanute yác ca vasnéna vindáte /
Halfverse: c    
sárvaṃ mártyasya tán nā́sti kravyā́c céd ánirāhitaḥ //36//

Verse: 37 
Halfverse: a    
ayajñiyó hatávarcā bʰavati naínena havír áttave /
Halfverse: c    
cʰinátti kr̥ṣyā́ gór dʰánād yáṃ kravyā́d anuvártate //37//

Verse: 38 
Halfverse: a    
múhur gŕ̥dʰyaiḥ prá vadaty ā́rtim mártyo nī́tya /
Halfverse: c    
kravyā́d yā́n agnír antikā́d anuvidvā́n vitā́vati //38//

Verse: 39 
Halfverse: a    
grā́hyā gr̥hā́ḥ sáṃ sr̥jyante striyā́ yán mriyáte pátiḥ /
Halfverse: c    
brahmaívá vidvā́n eṣyò3 yáḥ kravyā́daṃ nirādádʰat //39//

Verse: 40 
Halfverse: a    
yád ripráṃ śámalaṃ cakr̥má yác ca duṣkr̥tám /
Halfverse: c    
ā́po tásmāc cʰumbʰantv agnéḥ sáṃkasukāc ca yát //40// {10}

Verse: 41 
Halfverse: a    
tā́ adʰarā́d údīcīr ā́vavr̥tran prajānaitī́ḥ patʰíbʰir devayā́naiḥ /
Halfverse: c    
párvatasya vr̥ṣabʰásyā́dʰi pr̥ṣṭʰé návāś caranti sarítaḥ purāṇī́ḥ //41//

Verse: 42 
Halfverse: a    
ágne akravyān níḥ kravyā́daṃ nudā́ devayájanaṃ vaha //42//

Verse: 43 
Halfverse: a    
imáṃ kravyā́d ā́ viveśāyáṃ kravyā́dam ánv agāt /
Halfverse: c    
vyāgraú kr̥tvā́ nānānáṃ táṃ harāmi śivāparám //43//

Verse: 44 
Halfverse: a    
antardʰír devā́nāṃ paridʰír manuṣyā̀ṇām agnír gārhpatya ubʰáyān antarā́ śritáḥ //44//

Verse: 45 
Halfverse: a    
jīvā́nām ā́yuḥ prá tira tvám agne pitr̥̄ṇā́ṃ lokám ápi gacʰantu mr̥tā́ḥ /
Halfverse: c    
sugārhapatyó vitápann árātim uṣā́muṣāṃ śréyasīṃ dʰehy asmaí //45//

Verse: 46 
Halfverse: a    
sárvān agne sáhamānaḥ sapátnān aíṣām ū́rjaṃ rayím asmā́su dʰehi //46//

Verse: 47 
Halfverse: a    
imám índraṃ váhniṃ páprim anvā́rabʰadʰvaṃ vo nír vakṣad duritā́d avadyā́t /
Halfverse: c    
ténā́pa hata śárum āpátantaṃ téna rudrásya pári pātāstā́m //47//

Verse: 48 
Halfverse: a    
anaḍvā́haṃ plavám anvā́rabʰadʰvaṃ vo nír vakṣad duritā́d avadyā́t /
Halfverse: c    
ā́ rohata savitúr nā́vam etā́ṃ ṣaḍbʰír urvī́bʰir ámatiṃ tarema //48//

Verse: 49 
Halfverse: a    
ahorātré ánv eṣi bíbʰrat kṣemyás tíṣṭʰan pratáraṇaḥ suvī́raḥ /
Halfverse: c    
ánāturānt sumánasas talpa bíbʰraj jyóg evá naḥ púruṣagandʰir edʰi //49//

Verse: 50 
Halfverse: a    
devébʰya ā́ vr̥ścante pāpáṃ jīvanti sarvadā́ /
Halfverse: c    
kravyā́d yā́n agnír antikā́d áśva ivānuvápate naḍám //50// {11}

Verse: 51 
Halfverse: a    
'śraddʰā́ dʰanakāmyā́ kravyā́dā samā́sate /
Halfverse: c    
vā́ anyéṣāṃ kumbʰī́ṃ paryā́dadʰati sarvadā́ //51//

Verse: 52 
Halfverse: a    
préva pipatiṣati mánasā múhur ā́ vartate púnaḥ /
Halfverse: c    
kravyā́d yā́n agnír antikā́d anuvidvā́n vitā́vati //52//

Verse: 53 
Halfverse: a    
áviḥ kr̥ṣṇā́ bʰāgadʰéyaṃ paśūnā́ṃ sī́saṃ kravyā́d ápi candráṃ ta āhuḥ /
Halfverse: c    
mā́ṣāḥ piṣṭā́ bʰāgadʰéyaṃ te havyám araṇyānyā́ gáhvaraṃ sacasva //53//

Verse: 54 
Halfverse: a    
iṣī́kāṃ járatīm iṣṭvā́ tilpíñjaṃ dáṇḍanaṃ naḍám /
Halfverse: c    
tám índra idʰmám kr̥tvā́ yamásyāgníṃ nirā́dadʰau //54//

Verse: 55 
Halfverse: a    
pratyáñcam arkáṃ pratyarpayitvā́ pravidvā́n pántʰāṃ hy ā̀vivéśa /
Halfverse: c    
párāmī́ṣām ásūn didéśa dīrgʰéṇā́yuṣā sám imā́nt sr̥jāmi //55// {12}

Hymn: 3 
Verse: 1 
Halfverse: a    
púmān puṃsó 'dʰi tiṣṭʰa cármehi tátra hvayasva yatamā́ priyā́ te /
Halfverse: c    
yā́vantāv ágre pratʰamáṃ sameyátʰus tád vāṃ váyo yamarā́jye samānám //1//

Verse: 2 
Halfverse: a    
tā́vad vāṃ cákṣus táti vīryā̀ṇi tā́vat téjas tatidʰā́ vā́jināni /
Halfverse: c    
agníḥ śárīraṃ sacate yadaídʰo 'dʰā pakvā́n mitʰunā sáṃ bʰavātʰaḥ //2//

Verse: 3 
Halfverse: a    
sám asmiṃl loké sám u devayā́ne sáṃ smā samétaṃ yamarā́jyeṣu /
Halfverse: c    
pūtaú pavítrair úpa tád dʰvayetʰāṃ yádyad réto ádʰi vāṃ saṃbabʰū́va //3//

Verse: 4 
Halfverse: a    
ā́pas putrāso abʰí sáṃ viśadʰvam imáṃ jīváṃ jīvadʰanyāḥ samétya /
Halfverse: c    
tā́sāṃ bʰajadʰvam amŕ̥taṃ yám āhúr odanáṃ pácati vāṃ jánitrī //4//

Verse: 5 
Halfverse: a    
yáṃ vāṃ pitā́ pácati yáṃ ca mātā́ riprā́n nírmuktyai śámalāc ca vācáḥ /
Halfverse: c    
odanáḥ śatádʰāraḥ svargá ubʰé vy ā̀pa nábʰasī mahitvā́ //5//

Verse: 6 
Halfverse: a    
ubʰé nábʰasī ubʰáyāṃś ca lokā́n yájvanām abʰíjitāḥ svargā́ḥ /
Halfverse: c    
téṣāṃ jyótiṣmān mádʰumān ágre tásmin putraír jarási sáṃ śrayetʰām //6//

Verse: 7 
Halfverse: a    
prā́cīṃprācīṃ pradíśam ā́ rabʰetʰām etáṃ lokáṃ śraddádʰānāḥ sacante /
Halfverse: c    
yád vāṃ pakváṃ páriviṣṭam agnaú tásya gúptaye daṃpatī sáṃ śrayetʰām //7//

Verse: 8 
Halfverse: a    
dákṣiṇāṃ díśam abʰí nákṣamāṇau paryā́vartetʰām abʰí pā́tram etát /
Halfverse: c    
tásmin vāṃ yamáḥ pitŕ̥bʰiḥ saṃvidānáḥ pakvā́ya śárma bahuláṃ yacʰāt //8//

Verse: 9 
Halfverse: a    
pratī́cī diśā́m iyám íd váraṃ yásyāṃ sómo adʰipā́ mr̥ḍitā́ ca /
Halfverse: c    
tásyāṃ śrayetʰāṃ sukŕ̥taḥ sacetʰām ádʰā pakvā́n mitʰunā sáṃ bʰavātʰaḥ //9//

Verse: 10 
Halfverse: a    
úttaraṃ rāṣṭráṃ prajáyottarā́vad diśā́m údīcī kr̥ṇavan no ágram /
Halfverse: c    
pā́ṅktaṃ cʰándaḥ púruṣo babʰūva víśvair viśvāṅgaíḥ sahá sáṃ bʰavema //10// {13}

Verse: 11 
Halfverse: a    
dʰruvéyáṃ virā́ṇ námo astv asyaí śivā́ putrébʰya utá máhyam astu /
Halfverse: c    
sā́ no devy adite viśvavāra írya iva gopā́ abʰí rakṣa pakvám //11//

Verse: 12 
Halfverse: a    
pitéva putrā́n abʰí sáṃ svajasva naḥ śivā́ no vā́tā ihá vāntu bʰū́mau /
Halfverse: c    
yám odanáṃ pácato deváte ihá táṃ nas tápa utá satyáṃ ca vettu //12//

Verse: 13 
Halfverse: a    
yádyad kr̥ṣṇáḥ śakuná éhá gatvā́ tsáran víṣaktaṃ bíla āsasā́da /
Halfverse: c    
yád dāsy ā̀rdráhastā samaṅktá ulū́kʰalaṃ músalaṃ śumbʰatāpaḥ //13//

Verse: 14 
Halfverse: a    
ayáṃ grā́vā pr̥tʰúbudʰno vayodʰā́ḥ pūtáḥ pavítrair ápa hantu rákṣaḥ /
Halfverse: c    
ā́ roha cárma máhi śárma yacʰa mā́ dáṃpatī paútram agʰáṃ gātām //14//

Verse: 15 
Halfverse: a    
vánaspátiḥ sahá devaír na ā́gan rákṣaḥ piśācā́m̐ apabā́dʰamānaḥ /
Halfverse: c    
úc cʰrayātai prá vadāti vā́caṃ téna lokā́m̐ abʰí sárvān jayema //15//

Verse: 16 
Halfverse: a    
saptá médʰān paśávaḥ páry agr̥hṇan eṣāṃ jyótiṣmām̐ utá yáś cakárśa /
Halfverse: c    
tráyastriṃśad devátās tā́nt sacante naḥ svargám abʰí neṣa lokám //16//

Verse: 17 
Halfverse: a    
svargáṃ lokám abʰí no nayāsi sáṃ jāyáyā sahá putraíḥ syāma /
Halfverse: c    
gr̥hṇā́mi hástam ánu maítv átra mā́ nas tārīn nírr̥tir árātiḥ //17//

Verse: 18 
Halfverse: a    
grā́hiṃ pāpmā́nam áti tā́m̐ ayāma támo vy àsya prá vadāsi valgú /
Halfverse: c    
vānaspatyá údyato mā́ jihiṃsīr mā́ taṇḍuláṃ śarīr devayántam //18//

Verse: 19 
Halfverse: a    
viśvávyacā gʰr̥tápr̥ṣṭʰo bʰaviṣyánt sáyonir lokám úpa yāhy etám /
Halfverse: c    
varṣávr̥ddʰam úpa yacʰa śū́rpaṃ túṣaṃ palā́vān ápa tád vinaktu //19//

Verse: 20 
Halfverse: a    
tráyo lokā́ḥ sáṃmitā brā́hmaṇena dyaúr evā́saú pr̥tʰivy à1ntárikṣam /
Halfverse: c    
aṃśū́n gr̥bʰītvā́nvā́rabʰetʰām ā́ pyāyantāṃ púnar ā́ yantu śū́rpam //20// {14}

Verse: 21 
Halfverse: a    
pŕ̥tʰag rūpā́ṇi bahudʰā́ paśūnā́m ékarūpo bʰavasi sáṃ sámr̥ddʰyā /
Halfverse: c    
etā́ṃ tvácaṃ lóhinīṃ tā́ṃ nudasva grā́vā śumbʰāti malagá iva vástrā //21//

Verse: 22 
Halfverse: a    
pr̥tʰivī́ṃ tvā pr̥tʰivyā́m ā́ veśayāmi tanū́ḥ samānī́ víkr̥tā ta eṣā́ /
Halfverse: c    
yádyad dyuttáṃ likʰitám árpaṇena téna mā́ susror bráhmaṇā́pi tád vapāmi //22//

Verse: 23 
Halfverse: a    
jánitrīva práti haryāsi sūnúṃ sáṃ tvā dadʰāmi pr̥tʰivī́ṃ pr̥tʰivyā́ /
Halfverse: c    
ukʰā́ kumbʰī́ védyāṃ mā́ vyatʰiṣṭʰā yajñāyudʰaír ā́jyenā́tiṣaktā //23//

Verse: 24 
Halfverse: a    
agníḥ pácan rakṣatu tvā purástād índro rakṣatu dakṣiṇató marútvān /
Halfverse: c    
váruṇas tvā dr̥ṃhād dʰarúṇe pratī́cyā uttarā́t tvā sómaḥ sáṃ dadātai //24//

Verse: 25 
Halfverse: a    
pūtā́ḥ pavítraiḥ pavante abʰrā́d dívaṃ ca yánti pr̥tʰivī́ṃ ca lokā́n /
Halfverse: c    
tā́ jīvalā́ jīvádʰanyāḥ pratiṣṭʰā́ḥ pā́tra ā́siktāḥ páry agnír indʰām //25//

Verse: 26 
Halfverse: a    
ā́ yanti diváḥ pr̥tʰivī́ṃ sacante bʰū́myāḥ sacante ádʰy antárikṣam /
Halfverse: c    
śuddʰā́ḥ satī́s tā́ u śumbʰanta evá tā́ naḥ svargám abʰí lokáṃ nayantu //26//

Verse: 27 
Halfverse: a    
utéva prabʰvī́r utá sáṃmitāsa utá śukrā́ḥ śúcayaś cāmŕ̥tāsaḥ /
Halfverse: c    
tā́ odanáṃ dáṃpatibʰyāṃ práśiṣṭā ā́paḥ śíkṣantīḥ pacatā sunātʰāḥ //27//

Verse: 28 
Halfverse: a    
sáṃkʰyātā stokā́ḥ pr̥tʰivī́ṃ sacante prāṇāpānaíḥ sáṃmitā óṣadʰībʰiḥ /
Halfverse: c    
ásaṃkʰyātā opyámānāḥ suvárṇāḥ sárvaṃ vyā̀puḥ śúcayaḥ śucitvám //28//

Verse: 29 
Halfverse: a    
úd yodʰanty abʰí valganti taptā́ḥ pʰénam asyanti bahulā́ṃś ca bindū́n /
Halfverse: c    
yóṣeva dr̥ṣṭvā́ pátim ŕ̥tviyāyaitaís taṇḍulaír bʰavatā sám āpaḥ //29//

Verse: 30 
Halfverse: a    
út tʰāpaya sī́dato budʰná enān adbʰír ātmā́nam abʰí sáṃ spr̥śantām /
Halfverse: c    
ámāsi pā́trair udakáṃ yád etán mitā́s taṇḍulā́ḥ pradíśo yádīmā́ḥ //30// {15}

Verse: 31 
Halfverse: a    
prá yacʰa párśuṃ tvaráyā́ harausám áhiṃsanta óṣadʰīr dāntu párvan /
Halfverse: c    
yā́sāṃ sómaḥ pári rājyàṃ babʰū́vā́manyutā no vīrúdʰo bʰavantu //31//

Verse: 32 
Halfverse: a    
návaṃ barhír odanā́ya str̥ṇīta priyáṃ hr̥dáś cákṣuṣo valgv àstu /
Halfverse: c    
tásmin devā́ḥ sahá daivī́r viśantv imáṃ prā́śnantv r̥túbʰir niṣádya //32//

Verse: 33 
Halfverse: a    
vánaspate stīrṇám ā́ sīda barhír agniṣṭobʰaíḥ sáṃmito devátābʰiḥ /
Halfverse: c    
tváṣṭreva rūpáṃ súkr̥taṃ svádʰityainā́ ehā́ḥ pári pā́tre dadr̥śrām //33//

Verse: 34 
Halfverse: a    
ṣaṣṭyā́ṃ śarátsu nidʰipā́ abʰī́cʰāt svàḥ pakvénābʰy àśnavātai /
Halfverse: c    
úpainaṃ jīvān pitáraś ca putrā́ etáṃ svargáṃ gamayā́ntam agnéḥ //34//

Verse: 35 
Halfverse: a    
dʰartā́ dʰriyasva dʰarúṇe pr̥tʰivyā́ ácyutaṃ tvā́ devátāś cyāvayantu /
Halfverse: c    
táṃ tvā dáṃpatī jī́vantau jīváputrāv úd vāsayātaḥ páry agnidʰā́nāt //35//

Verse: 36 
Halfverse: a    
sárvānt samā́gā abʰijítya lokā́n yā́vantaḥ kā́māḥ sám atītr̥pas tā́n /
Halfverse: c    
gāhetʰām āyávanaṃ ca dárvir ékasmin pā́tre ádʰy úd dʰarainam //36//

Verse: 37 
Halfverse: a    
úpa str̥ṇīhi pratʰáya purástād gʰr̥téna pā́tram abʰí gʰārayaitát /
Halfverse: c    
vāśrévosrā́ táruṇaṃ stanasyúm imáṃ devāso abʰihíṅkr̥ṇota //37//

Verse: 38 
Halfverse: a    
úpāstarīr ákaro lokám etám urúḥ pratʰatām ásamaḥ svargáḥ /
Halfverse: c    
tásmiṃ cʰrayātai mahiṣáḥ suparṇó devā́ enaṃ devátābʰyaḥ prá yacʰān //38//

Verse: 39 
Halfverse: a    
yádyaj jāyā́ pácati tvát páraḥparaḥ pátir jāye tvát tiráḥ /
Halfverse: c    
sáṃ tát sr̥jetʰāṃ sahá vāṃ tád astu saṃpādáyantau sahá lokám ékam //39//

Verse: 40 
Halfverse: a    
yā́vanto asyā́ḥ pr̥tʰivī́ṃ sácante asmát putrā́ḥ pári saṃbabʰūvúḥ /
Halfverse: c    
sárvāṃs tā́m̐ úpa pā́tre hvayetʰāṃ nā́bʰiṃ jānānā́ḥ śíśavaḥ samā́yān //40// {16}

Verse: 41 
Halfverse: a    
vásor yā́ dʰā́rā mádʰunā prápīnā gʰr̥téna miśrā́ amŕ̥tasya nā́bʰayaḥ /
Halfverse: c    
sárvās tā́ áva rundʰe svargáḥ ṣaṣṭyā́ṃ śarátsu nidʰipā́ abʰī́cʰāt //41//

Verse: 42 
Halfverse: a    
nidʰíṃ nidʰipā́ abʰy ènam icʰād ánīśvarā abʰítaḥ santu 'nyé /
Halfverse: c    
asmā́bʰir dattó níhitaḥ svargás tribʰíḥ kā́ṇḍais trī́nt svargā́n arukṣat //42//

Verse: 43 
Halfverse: a    
agnī́ rákṣas tapatu yád vídevaṃ kravyā́d piśācá ihá mā́ prá pāsta /
Halfverse: c    
nudā́ma enam ápa rudʰmo asmád ādityā́ enam áṅgirasaḥ sacantām //43//

Verse: 44 
Halfverse: a    
ādityébʰyo áṅgirobʰyo mádʰv idáṃ gʰr̥téna miśráṃ práti vedayāmi /
Halfverse: c    
śuddʰáhastau brāhmaṇasyā́nihatyaitáṃ svargáṃ sukr̥tāv ápītam //44//

Verse: 45 
Halfverse: a    
idáṃ prā́pam uttamáṃ kā́ṇḍam asya yásmāl lokā́t parameṣṭʰī́ samā́pa /
Halfverse: c    
ā́ siñca sarpír gʰr̥távat sám aṅgdʰy eṣá bʰāgó áṅgiraso no átra //45//

Verse: 46 
Halfverse: a    
satyā́ya ca tápase devátābʰyo nidʰíṃ śevadʰíṃ pári dadma etám /
Halfverse: c    
mā́ no dyūté 'va gān mā́ sámityāṃ mā́ smānyásmā út sr̥jatā purā́ mát //46//

Verse: 47 
Halfverse: a    
aháṃ pacāmy aháṃ dadāmi mámed u kárman karúṇé 'dʰi jāyā́ /
Halfverse: c    
kaúmāro lokó ajaniṣṭa putrò3 'nvā́rabʰetʰāṃ váya uttarā́vat //47//

Verse: 48 
Halfverse: a    
kílbiṣam átra nā́dʰāró ásti yán mitraíḥ samámamāna éti /
Halfverse: c    
ánūnaṃ pā́traṃ níhitaṃ na etát paktā́raṃ pakváḥ púnar ā́ viśāti //48//

Verse: 49 
Halfverse: a    
priyáṃ priyā́ṇāṃ kr̥ṇavāma támas yantu yatamé dviṣánti /
Halfverse: c    
dʰenúr anaḍvā́n váyovaya āyád evá paúruṣeyam ápa mr̥tyúṃ nudantu //49//

Verse: 50 
Halfverse: a    
sám agnáyaḥ vidur anyó anyáṃ óṣadʰīḥ sácate yáś ca síndʰūn /
Halfverse: c    
yā́vanto devā́ divy ā̀3tápanti híraṇyaṃ jyótiḥ pácato babʰūva //50// {17}

Verse: 51 
Halfverse: a    
eṣā́ tvacā́ṃ púruṣe sáṃ babʰūvā́nagnāḥ sárve paśávo anyé /
Halfverse: c    
kṣatréṇātmā́naṃ pári dʰāpayātʰo 'motáṃ vā́so múkʰam odanásya //51//

Verse: 52 
Halfverse: a    
yád akṣéṣu vádā yát sámityāṃ yád vádā ánr̥taṃ vittakāmyā́ /
Halfverse: c    
samānáṃ tántum abʰí samvásānau tásmint sárvaṃ śámalaṃ sādayātʰaḥ //52//

Verse: 53 
Halfverse: a    
varṣáṃ vanuṣvā́pi gacʰa devā́ṃs tvacó dʰūmáṃ páry út pātayāsi /
Halfverse: c    
viśvávyacā gʰr̥tápr̥ṣṭʰo bʰaviṣyánt sáyonir lokám úpa yāhy etám //53//

Verse: 54 
Halfverse: a    
tanvàṃ svargó bahudʰā́ cakre yátʰā vidá ātmánn anyávarṇām /
Halfverse: c    
ápājait kr̥ṣṇā́ṃ rúśatīṃ punānó yā́ lóhinī tā́ṃ te agnaú juhomi //54//

Verse: 55 
Halfverse: a    
prā́cyai tvā diśè3 'gnáyé 'dʰipataye 'sitā́ya rakṣitrá ādityā́yéṣumate /
Halfverse: c    
etáṃ pári dadmas táṃ no gopāyatā́smā́kam aítoḥ /
Halfverse: e    
diṣṭáṃ no átra jaráse neṣaj jarā́ mr̥tyáve pári ṇo dadātv átʰa pakvéna sahá sáṃ bʰavema //55//

Verse: 56 
Halfverse: a    
dákṣiṇāyai tvā diśá índrāyā́dʰipataye tíraścirājaye rakṣitré yamā́yéṣumate /
Halfverse: c    
etáṃ pári dadmas táṃ no gopāyatā́smā́kam aítoḥ /
Halfverse: e    
diṣṭáṃ no átra jaráse neṣaj jarā́ mr̥tyáve pári ṇo dadātv átʰa pakvéna sahá sáṃ bʰavema //56//

Verse: 57 
Halfverse: a    
pratī́cyai tvā diśé váruṇāyā́dʰipataye pŕ̥dākave rakṣitré 'nnāyéṣumate /
Halfverse: c    
etáṃ pári dadmas táṃ no gopāyatā́smā́kam aítoḥ /
Halfverse: e    
diṣṭáṃ no átra jaráse neṣaj jarā́ mr̥tyáve pári ṇo dadātv átʰa pakvéna sahá sáṃ bʰavema //57//

Verse: 58 
Halfverse: a    
údīcyai tvā diśé sómāyā́dʰipataye svajā́ya rakṣitré 'śányā íṣumatyai /
Halfverse: c    
etáṃ pári dadmas táṃ no gopāyatā́smā́kam aítoḥ /
Halfverse: e    
diṣṭáṃ no átra jaráse neṣaj jarā́ mr̥tyáve pári ṇo dadātv átʰa pakvéna sahá sáṃ bʰavema //58//

Verse: 59 
Halfverse: a    
dʰruvā́yai tvā diśé víṣṇavé 'dʰipataye kalmā́ṣagrīvāya rakṣitrá óṣadʰībʰya íṣumatībʰyaḥ /
Halfverse: c    
etáṃ pári dadmas táṃ no gopāyatā́smā́kam aítoḥ /
Halfverse: e    
diṣṭáṃ no átra jaráse neṣaj jarā́ mr̥tyáve pári ṇo dadātv átʰa pakvéna sahá sáṃ bʰavema //59//

Verse: 60 
Halfverse: a    
ūrdʰvā́yai tvā diśé bŕ̥haspátayé 'dʰipataye śvitrā́ya rakṣitré varṣā́yéṣumate /
Halfverse: c    
etáṃ pári dadmas táṃ no gopāyatā́smā́kam aítoḥ /
Halfverse: e    
diṣṭáṃ no átra jaráse neṣaj jarā́ mr̥tyáve pári ṇo dadātv átʰa pakvéna sahá sáṃ bʰavema //60// {18}

Hymn: 4 
Verse: 1 
Halfverse: a    
dádāmī́ty evá brūyād ánu cainām ábʰutsata /
Halfverse: c    
vaśā́ṃ brahmábʰyo yā́cadbʰyas tát prajā́vad ápatyavat //1//

Verse: 2 
Halfverse: a    
prajáyā krīṇīte paśúbʰiś cópa dasyati /
Halfverse: c    
ārṣeyébʰyo yā́cadbʰyo devā́nāṃ gā́ṃ dítsati //2//

Verse: 3 
Halfverse: a    
kūṭáyāsya sáṃ śīryante śloṇáyā kātám ardati /
Halfverse: c    
baṇḍáyā dahyante gr̥hā́ḥ kāṇáyā dīyate svám //3//

Verse: 4 
Halfverse: a    
vilohitó adʰiṣṭʰā́nāc cʰaknó vindati gópatim /
Halfverse: c    
tátʰā vaśā́yāḥ sáṃvidyaṃ duradabʰnā́ hy ùcyáse //4//

Verse: 5 
Halfverse: a    
padór asyā adʰiṣṭʰā́nād viklíndur nā́ma vindati /
Halfverse: c    
anāmanā́t sáṃ śīryante yā́ múkʰenopajígʰrati //5//

Verse: 6 
Halfverse: a    
asyāḥ kárṇāv āskunóty ā́ devéṣu vr̥ścate /
Halfverse: c    
lákṣma kurva íti mányate kánīyaḥ kr̥ṇute svám //6//

Verse: 7 
Halfverse: a    
yád asyāḥ kásmai cid bʰógāya bā́lān káś cit prakr̥ntáti /
Halfverse: c    
tátaḥ kiśorā́ mriyante vatsā́ṃś ca gʰā́tuko vŕ̥kaḥ //7//

Verse: 8 
Halfverse: a    
yád asyā gópatau satyā́ lóma dʰvā́ṅkṣo ájīhiḍat /
Halfverse: c    
tátaḥ kumārā́ mriyante yákṣmo vindaty anāmanā́t //8//

Verse: 9 
Halfverse: a    
yád asyāḥ pálpūlanaṃ śákr̥d dāsī́ samásyati /
Halfverse: c    
tátó 'parūpaṃ jāyate tásmād ávyeṣyad énasaḥ //9//

Verse: 10 
Halfverse: a    
jā́yamānābʰí jāyate devā́nt sábrāhmaṇān vaśā́ /
Halfverse: c    
tásmād brahmábʰyo déyaiṣā́ tád āhuḥ svásya gópanam //10// {19}

Verse: 11 
Halfverse: a    
enāṃ vaním āyánti téṣāṃ devákr̥tā vaśā́ /
Halfverse: c    
brahmajyéyaṃ tád abruvan enāṃ nipriyāyáte //11//

Verse: 12 
Halfverse: a    
ārṣeyébʰyo yā́cadbʰyo devā́nāṃ gā́ṃ dítsati /
Halfverse: c    
ā́ devéṣu vr̥ścate brāhmaṇā́nāṃ ca manyáve //12//

Verse: 13 
Halfverse: a    
asya syā́d vaśābʰogó anyā́m icʰeta tárhi sáḥ /
Halfverse: c    
híṃste ádattā púruṣaṃ yācitā́ṃ ca dítsati //13//

Verse: 14 
Halfverse: a    
yátʰā śevadʰír níhito brāhmaṇā́nāṃ tátʰā vaśā́ /
Halfverse: c    
tā́m etád acʰā́yanti yásmin kásmiṃś ca jā́yate //14//

Verse: 15 
Halfverse: a    
svám etád acʰāyanti yád vaśā́ṃ brāhmaṇā́ abʰí /
Halfverse: c    
yátʰainān anyásmin jinīyā́d evā́syā niródʰanam //15//

Verse: 16 
Halfverse: a    
cáred evā́ traihāyaṇā́d ávijñātagadā satī́ /
Halfverse: c    
vaśā́ṃ ca vidyā́n nārada brāhmaṇā́s tárhy eṣyā̀ḥ //16//

Verse: 17 
Halfverse: a    
enām ávaśām ā́ha devā́nāṃ níhitaṃ nidʰím /
Halfverse: c    
ubʰaú tásmai bʰavāśarvaú parikrámyéṣum asyataḥ //17//

Verse: 18 
Halfverse: a    
asyā ū́dʰo vedā́tʰo asyā stánān utá /
Halfverse: c    
ubʰáyenaivā́smai duhe dā́tuṃ céd áśakad vaśā́m //18//

Verse: 19 
Halfverse: a    
duradabʰnaínam ā́ śaye yācitā́ṃ ca dítsati /
Halfverse: c    
nā́smai kā́māḥ sám r̥dʰyante yā́m ádattvā cíkīrṣati //19//

Verse: 20 
Halfverse: a    
devā́ vaśā́m ayācan múkʰaṃ kr̥tvā́ brā́hmaṇam /
Halfverse: c    
téṣāṃ sárveṣām ádadad dʰéḍaṃ ny èti mā́nuṣaḥ //20// {20}

Verse: 21 
Halfverse: a    
héḍaṃ paśūnā́ṃ ny èti brāhmaṇébʰyó 'dadad vaśā́m /
Halfverse: c    
devā́nāṃ níhitaṃ bʰāgáṃ mártyaś cén nipriyāyáte //21//

Verse: 22 
Halfverse: a    
yád anyé śatáṃ yā́ceyur brāhmaṇā́ gópatiṃ vaśā́m /
Halfverse: c    
átʰaināṃ devā́ abruvann eváṃ ha vidúṣo vaśā́ //22//

Verse: 23 
Halfverse: a    
eváṃ vidúṣe 'dattvā́tʰānyébʰyo dádad vaśā́m /
Halfverse: c    
durgā́ tásmā adʰiṣṭʰā́ne pr̥tʰivī́ sahádevatā //23//

Verse: 24 
Halfverse: a    
devā́ vaśā́m ayācan yásminn ágre ájāyata /
Halfverse: c    
tā́m etā́ṃ vidyān nā́radaḥ sahá devaír úd ājata //24//

Verse: 25 
Halfverse: a    
anapatyám álpapaśuṃ vaśā́ kr̥ṇoti pū́ruṣam /
Halfverse: c    
brāhmaṇaíś ca yācitā́m átʰaināṃ nipriyāyáte //25//

Verse: 26 
Halfverse: a    
agnī́ṣomābʰyāṃ kā́māya mitrā́ya váruṇāya ca /
Halfverse: c    
tébʰyo yācanti brāhmaṇā́s téṣv ā́ vr̥ścaté 'dadat //26//

Verse: 27 
Halfverse: a    
yā́vad asyā gópatir nópaśr̥ṇuyā́d ŕ̥caḥ svayám /
Halfverse: c    
cáred asya tā́vad góṣu nā́sya śrutvā́ gr̥hé vaset //27//

Verse: 28 
Halfverse: a    
asyā ŕ̥ca upaśrútyā́tʰa góṣv ácīcarat /
Halfverse: c    
ā́yuś ca tásya bʰū́tiṃ ca devā́ vr̥ścanti hīḍitā́ḥ //28//

Verse: 29 
Halfverse: a    
vaśā́ cárantī bahudʰā́ devā́nāṃ níhito nidʰíḥ /
Halfverse: c    
āvíṣ kr̥ṇuṣva rūpā́ṇi yadā́ stʰā́ma jígʰāṃsati //29//

Verse: 30 
Halfverse: a    
āvír ātmā́naṃ kr̥ṇute yadā́ stʰā́ma jígʰāṃsati /
Halfverse: c    
átʰo ha brahmábʰyo vaśā́ yāñcyā́ya kr̥ṇute mánaḥ //30// {21}

Verse: 31 
Halfverse: a    
mánasā sáṃ kalpayati tád devā́m̐ ápi gacʰati /
Halfverse: c    
táto ha brahmā́ṇo vaśā́m upapráyanti yā́citum //31//

Verse: 32 
Halfverse: a    
svadʰākāréṇa pitŕ̥bʰyo yajñéna devátābʰyaḥ /
Halfverse: c    
dā́nena rājanyò vaśā́yā mātúr héḍam gacʰati //32//

Verse: 33 
Halfverse: a    
vaśā́ mātā́ rājanyàsya tátʰā sáṃbʰūtam agraśáḥ /
Halfverse: c    
tásyā āhur ánarpaṇaṃ yád brahmábʰyaḥ pradīyáte //33//

Verse: 34 
Halfverse: a    
yátʰā́jyaṃ prágr̥hītam ālumpét srucó agnáye /
Halfverse: c    
evā́ ha brahmábʰyo vaśā́m agnáya ā́ vr̥ścaté 'dadat //34//

Verse: 35 
Halfverse: a    
puroḍā́śavatsā sudúgʰā loké 'smā úpa tiṣṭʰati /
Halfverse: c    
sā́smai sárvān kā́mān vaśā́ pradadúṣe duhe //35//

Verse: 36 
Halfverse: a    
sárvān kā́mān yamarā́jye vaśā́ pradadúṣe duhe /
Halfverse: c    
átʰāhur nā́rakaṃ lokáṃ nirundʰānásya yācitā́m //36//

Verse: 37 
Halfverse: a    
pravīyámānā carati kruddʰā́ gópataye vaśā́ /
Halfverse: c    
vehátaṃ mányamāno mr̥tyóḥ pā́śeṣu badʰyatām //37//

Verse: 38 
Halfverse: a    
vehátaṃ mányamāno 'mā́ ca pácate vaśā́m /
Halfverse: c    
ápy asya putrā́n paútrāṃś ca yācáyate bŕ̥haspátiḥ //38//

Verse: 39 
Halfverse: a    
mahád eṣā́va tapati cárantī góṣu gaúr ápi /
Halfverse: c    
átʰo ha gópataye vaśā́daduṣe viṣáṃ duhe //39//

Verse: 40 
Halfverse: a    
priyáṃ paśūnā́ṃ bʰavati yád brahmábʰyaḥ pradīyáte /
Halfverse: c    
átʰo vaśā́yās tát priyáṃ yád devatrā́ havíḥ syā́t //40// {22}

Verse: 41 
Halfverse: a    
yā́ vaśā́ udákalpayan devā́ yajñā́d udétya /
Halfverse: c    
tā́sāṃ viliptyáṃ bʰīmā́m udā́kuruta nāradáḥ //41//

Verse: 42 
Halfverse: a    
tā́ṃ devā́ amīmāṃsanta vaśéyā́3m ávaśéti /
Halfverse: c    
tā́m abravīn nāradá eṣā́ vaśā́nāṃ vaśátaméti //42//

Verse: 43 
Halfverse: a    
káti vaśā́ nārada yā́s tváṃ vettʰa manuṣyajā́ḥ /
Halfverse: c    
tā́s tvā pr̥cʰāmi vidvā́ṃsaṃ kásyā nā́śnīyād ábrāhmaṇaḥ //43//

Verse: 44 
Halfverse: a    
viliptyā́ br̥haspate yā́ ca sūtávaśā vaśā́ /
Halfverse: c    
tásyā nā́śnīyād ábrāhmaṇo āśáṃseta bʰū́tyām //44//

Verse: 45 
Halfverse: a    
námas te astu nāradānuṣṭʰú vidúṣe vaśā́ /
Halfverse: c    
katamā́sāṃ bʰīmátamā yā́m ádattvā parābʰávet //45//

Verse: 46 
Halfverse: a    
viliptī́ yā́ br̥haspaté 'tʰo sūtávaśā vaśā́ /
Halfverse: c    
tásyā nā́śnīyād ábrāhmaṇo āśáṃseta bʰū́tyām //46//

Verse: 47 
Halfverse: a    
trī́ṇi vaí vaśājātā́ni viliptī́ sūtávaśā vaśā́ /
Halfverse: c    
tā́ḥ prá yacʰed brahmábʰyaḥ 'nāvraskáḥ prajā́patau //47//

Verse: 48 
Halfverse: a    
etád vo brāhmaṇā havír íti manvīta yācitáḥ /
Halfverse: c    
vaśā́ṃ céd enaṃ yā́ceyur yā́ bʰīmā́daduṣo gr̥hé //48//

Verse: 49 
Halfverse: a    
devā́ vaśā́ṃ páry avadan no 'dād íti hīḍitā́ḥ /
Halfverse: c    
etā́bʰir r̥gbʰír bʰedáṃ tásmād vaí párābʰavat //49//

Verse: 50 
Halfverse: a    
utaínāṃ bʰedó nā́dadād vaśā́m índreṇa yācitáḥ /
Halfverse: c    
tásmāt táṃ devā́ ā́gasó 'vr̥ścann ahamuttaré //50//

Verse: 51 
Halfverse: a    
vaśā́yā ádānāya vádanti parirāpíṇaḥ /
Halfverse: c    
índrasya manyáve jālmā́ ā́ vr̥ścante ácittyā //51//

Verse: 52 
Halfverse: a    
gópatiṃ parāṇī́yātʰāhúr mā́ dadā íti /
Halfverse: c    
rudrásyāstāṃ te hetī́ṃ pári yanty ácittyā //52//

Verse: 53 
Halfverse: a    
yádi hutáṃ yády áhutām amā́ ca pácate vaśā́m /
Halfverse: c    
devā́nt sábrāhmaṇān r̥tvā́ jihmó lokā́n nír r̥cʰati //53// {23}

Hymn: 5 

Verse: 1_{1} 
Halfverse: a    
śrámeṇa tápasā sr̥ṣṭā́ bráhmaṇā vittā́ rté śritā́ //1//

Verse: 2 
Halfverse: a    
satyénā́vr̥tā śriyā́ prā́vr̥tā yáśasā párīvr̥tā //2//

Verse: 3 
Halfverse: a    
svadʰáyā párihitā śraddʰáyā páryūḍʰā dīkṣáyā guptā́ yajñé prátiṣṭʰitā lokó nidʰánam //3//

Verse: 4 
Halfverse: a    
bráhma padavāyáṃ brāhmaṇó 'dʰipatiḥ //4//

Verse: 5 
Halfverse: a    
tā́m ādádānasya brahmagavī́ṃ jinató brāhmaṇáṃ kṣatríyasya //5//

Verse: 6 
Halfverse: a    
ápa krāmati sūnŕ̥tā vīryà1ṃ púnyā lakṣmī́ḥ //6// {24}


Verse: 7_{2} 
Halfverse: a    
ójaś ca téjaś ca sáhaś ca bálaṃ ca vā́k cendriyáṃ ca śrī́ś ca dʰármaś ca //7//

Verse: 8 
Halfverse: a    
bráhma ca kṣatráṃ ca rāṣṭráṃ ca víśaś ca tvíṣiś ca yáśaś ca várcaś ca dráviṇaṃ ca //8//

Verse: 9 
Halfverse: a    
ā́yuś ca rūpáṃ ca nā́ma ca kīrtíś ca prāṇáś cāpānáś ca cákṣuś ca śrótraṃ ca //9//

Verse: 10 
Halfverse: a    
páyaś ca rásaś cā́nnaṃ cānnā́dyaṃ ca rtáṃ ca satyáṃ ceṣṭáṃ ca pūrtáṃ ca prajā́ ca paśávaś ca //10//

Verse: 11 
Halfverse: a    
tā́ni sárvāṇy ápa krāmanti brahmagavī́m ādádānasya jinató brāhmaṇáṃ kṣatríyasya //11// {25}


Verse: 12_{3} 
Halfverse: a    
saíṣā́ bʰīmā́ brahmagavy à1gʰáviṣā sākṣā́t kr̥tyā́ kū́lbajam ā́vr̥tā //12//

Verse: 13 
Halfverse: a    
sárvāṇy asyāṃ gʰorā́ṇi sárve ca mr̥tyávaḥ //13//

Verse: 14 
Halfverse: a    
sárvāṇy asyāṃ krūrā́ṇi sárve puruṣavadʰā́ḥ //14//

Verse: 15 
Halfverse: a    
sā́ brahmajyáṃ devapīyúṃ brahmagavy ā̀dīyámānā mr̥tyóḥ pádvīṣa ā́ dyati //15//

Verse: 16 
Halfverse: a    
meníḥ śatávadʰā sā́ brahmajyásya kṣítir sā́ //16//

Verse: 17 
Halfverse: a    
tásmād vaí brāhmaṇā́nāṃ gaúr durādʰárṣā vijānatā́ //17//

Verse: 18 
Halfverse: a    
vájro dʰā́vantī vaiśvānará údvītā //18//

Verse: 19 
Halfverse: a    
hetíḥ śapʰā́n utkʰidántī mahādevò3 'pékṣamāṇā //19//

Verse: 20 
Halfverse: a    
kṣurápavir ī́kṣamāṇā vā́śyamānābʰí spʰūrjati //20//

Verse: 21 
Halfverse: a    
mr̥tyúr hiṅkr̥ṇvaty ù1gró deváḥ púcʰaṃ paryásyantī //21//

Verse: 22 
Halfverse: a    
sarvajyāníḥ kárṇau varīvarjáyantī rājayakṣmó méhantī //22//

Verse: 23 
Halfverse: a    
menír duhyámānā śīrṣaktír dugdʰā́ //23//

Verse: 24 
Halfverse: a    
sedír upatíṣṭʰantī mitʰoyodʰáḥ párāmr̥ṣṭā //24//

Verse: 25 
Halfverse: a    
śaravyā̀3 múkʰe 'pinahyámāna ŕ̥tir hanyámānā //25//

Verse: 26 
Halfverse: a    
agʰáviṣā nipátantī támo nípatitā //26//

Verse: 27 
Halfverse: a    
anugácʰantī prāṇā́n úpa dāsayati brahmagavī́ brahmajyásya //27// {26}


Verse: 28_{4} 
Halfverse: a    
vaíraṃ vikr̥tyámānā paútrādyaṃ vibʰājyámānā //28//

Verse: 29 
Halfverse: a    
devahetír hriyámāṇā vyr̥̀ddʰír hr̥tā́ //29//

Verse: 30 
Halfverse: a    
pāpmā́dʰidʰīyámānā pā́ruṣyam avadʰīyámānā //30//

Verse: 31 
Halfverse: a    
viṣáṃ prayásyantī takmā́ práyastā //31//

Verse: 32 
Halfverse: a    
agʰáṃ pracyámānā duṣvápnyaṃ pakvā́ //32//

Verse: 33 
Halfverse: a    
mūlabárhaṇī paryākriyámāṇā kṣítiḥ paryā́kr̥tā //33//

Verse: 34 
Halfverse: a    
ásaṃjñā gandʰéna śúg uddʰriyámāṇāśīviṣá úddʰr̥tā //34//

Verse: 35 
Halfverse: a    
ábʰūtir upahriyámāṇā párābʰūtir úpahr̥tā //35//

Verse: 36 
Halfverse: a    
śarváḥ kruddʰáḥ piśyámānā śímidā piśitā́ //36//

Verse: 37 
Halfverse: a    
ávartir aśyámānā nírr̥tir aśitā́ //37//

Verse: 38 
Halfverse: a    
aśitā́ lokā́c cʰinatti brahmagavī́ brahmajyám asmā́c cāmúṣmāc ca //38// {27}

Verse: 39_{5} 
Halfverse: a    
tásyā āhánanaṃ kr̥tyā́ menír āśásanaṃ valagá ū́badʰyam //39//

Verse: 40 
Halfverse: a    
asvagátā párihṇutā //40//

Verse: 41 
Halfverse: a    
agníḥ kravyā́d bʰūtvā́ brahmagavī́ brahmajyáṃ pravíśyātti //41//

Verse: 42 
Halfverse: a    
sárvāsyā́ṅgā párvā mū́lāni vr̥ścati //42//

Verse: 43 
Halfverse: a    
cʰinátty asya pitr̥bandʰú párā bʰāvayati mātr̥bandʰú //43//

Verse: 44 
Halfverse: a    
vivāhā́ṃ jñātī́nt sárvān ápi kṣāpayati brahmagavī́ brahmajyásya kṣatríyeṇā́punardīyamānā //44//

Verse: 45 
Halfverse: a    
avāstúm enam ásvagam áprajasaṃ karoty aparāparaṇó bʰavati kṣīyáte //45//

Verse: 46 
Halfverse: a    
eváṃ vidúṣo brāhmaṇásya kṣatríyo gā́m ādatté //46// {28}


Verse: 47_{6} 
Halfverse: a    
kṣipráṃ vaí tásyāhánane gŕ̥dʰrāḥ kurvata ailabám //47//

Verse: 48 
Halfverse: a    
kṣipráṃ vaí tásyādáhanaṃ pári nr̥tyanti keśínīr āgʰnānā́ḥ pāṇínórasi kurvāṇā́ḥ pāpám ailabám //48//

Verse: 49 
Halfverse: a    
kṣipráṃ vaí tásya vā́stuṣu vŕ̥kāḥ kurvata ailabám //49//

Verse: 50 
Halfverse: a    
kṣipráṃ vaí tásya pr̥cʰanti yát tád ā́sī3d idáṃ tā́3d íti //50//

Verse: 51 
Halfverse: a    
cʰindʰy ā́ cʰindʰi prá cʰindʰy ápi kṣāpaya kṣāpáya //51//

Verse: 52 
Halfverse: a    
ādádānam āṅgirasi brahmajyám úpa dāsaya //52//

Verse: 53 
Halfverse: a    
vaiśvadevī́ hy ù1cyáse kr̥tyā́ kū́lbajam ā́vr̥tā //53//

Verse: 54 
Halfverse: a    
óṣantī samóṣantī bráhmaṇo vájraḥ //54//

Verse: 55 
Halfverse: a    
kṣurápavir mr̥tyúr bʰūtvā́ dʰāva tvám //55//

Verse: 56 
Halfverse: a    
ā́ datse jinatā́ṃ várca iṣṭáṃ pūrtáṃ cāśíṣaḥ //56//

Verse: 57 
Halfverse: a    
ādā́ya jītáṃ jītā́ya lokè3 'múṣmin prá yacʰasi //57//

Verse: 58 
Halfverse: a    
ágʰnye padavī́r bʰava brāhmaṇásyābʰíśastyā //58//

Verse: 59 
Halfverse: a    
meníḥ śaravyā̀ bʰavāgʰā́d agʰáviṣā bʰava //59//

Verse: 60 
Halfverse: a    
ágʰnye prá śíro jahi brahmajyásya kr̥tā́gaso devapīyór arādʰásaḥ //60//

Verse: 61 
Halfverse: a    
tváyā prámūrṇaṃ mr̥ditám agnír dahatu duścítam //61// {29}


Verse: 62_{7} 
Halfverse: a    
vr̥ścá prá vr̥śca sáṃ vr̥śca dáha prá daha sáṃ daha //62//

Verse: 63 
Halfverse: a    
brahmajyáṃ devy agʰnya ā́ mū́lād anusáṃdaha //63//

Verse: 64 
Halfverse: a    
yátʰā́yād yamasādanā́t pāpalokā́n parāvátaḥ //64//

Verse: 65 
Halfverse: a    
evā́ tváṃ devy agʰnye brahmajyásya kr̥tā́gaso devapīyór arādʰásaḥ //65//

Verse: 66 
Halfverse: a    
vájreṇa śatáparvaṇā tīkṣṇéna kṣurábʰr̥ṣṭinā //66//

Verse: 67 
Halfverse: a    
prá skandʰā́n prá śíro jahi //67//

Verse: 68 
Halfverse: a    
lómāny asya sáṃ cʰindʰi tvácam asya veṣṭaya //68//

Verse: 69 
Halfverse: a    
māṃsā́ny asya śātaya snā́vāny asya sáṃ vr̥ha //69//

Verse: 70 
Halfverse: a    
ástʰīny asya pīḍaya majjā́nam asya nír jahi //70//

Verse: 71 
Halfverse: a    
sárvāsyā́ṅgā párvāṇi śratʰaya //71//

Verse: 72 
Halfverse: a    
agnír enaṃ kravyā́t pr̥tʰivyā́ nudatām úd oṣatu vāyúr antárikṣān maható varimṇáḥ //72//

Verse: 73 
Halfverse: a    
sū́rya enaṃ diváḥ prá ṇudatāṃ ny òṣatu //73// {30}



Book: 13 
13
Hymn: 1 


Verse: 1 
Halfverse: a    
udéhi vājin apsv à1ntár idáṃ rāṣṭráṃ prá viśa sūnŕ̥tāvat /
Halfverse: c    
róhito víśvam idáṃ jajā́na tvā rāṣṭrā́ya súbʰr̥taṃ bibʰartu //1//

Verse: 2 
Halfverse: a    
úd vā́ja ā́ gan apsv à1ntár víśa ā́ roha tvádyonayo yā́ḥ /
Halfverse: c    
sómaṃ dádʰāno 'pá óṣadʰīr gā́ś cátuṣpado dvipáda ā́ veśayehá //2//

Verse: 3 
Halfverse: a    
yūyám ugrā́ marutaḥ pr̥śnimātara índreṇa yujā́ prá mr̥ṇīta śátrūn /
Halfverse: c    
ā́ vo róhitaḥ śr̥ṇavat sudānavas triṣaptā́so marutaḥ svādusaṃmudaḥ //3//

Verse: 4 
Halfverse: a    
rúho ruroha róhita ā́ ruroha gárbʰo jánīnāṃ janúṣām upástʰam /
Halfverse: c    
tā́bʰiḥ sáṃrabdʰam ánv avindan ṣáḍ urvī́r gātúṃ prapáśyann ihá rāṣṭrám ā́hāḥ //4//

Verse: 5 
Halfverse: a    
ā́ te rāṣṭrám ihá róhito 'hārṣīd vy ā̀stʰan mŕ̥dʰo ábʰayaṃ te abʰūt /
Halfverse: c    
tásmai te dyāvāpr̥tʰivī́ revátībʰiḥ kā́maṃ duhātām ihá śákvarībʰiḥ //5//

Verse: 6 
Halfverse: a    
róhito dyā́vāpr̥tʰivī́ jajāna tátra tántuṃ parameṣṭʰī́ tatāna /
Halfverse: c    
tátra śiśriye 'já ékapādó 'dr̥ṃhad dyā́vāpr̥tʰivī́ bálena //6//

Verse: 7 
Halfverse: a    
róhito dyā́vāpr̥tʰivī́ adr̥ṃhat téna svà stabʰitáṃ téna nā́kaḥ /
Halfverse: c    
ténāntárikṣaṃ vímitā rájāṃsi téna devā́ amŕ̥tam ánv avindan //7//

Verse: 8 
Halfverse: a    
róhito amr̥śad viśvárūpaṃ samākurvāṇáḥ prarúho rúhaś ca /
Halfverse: c    
dívaṃ rūḍʰvā́ mahatā́ mahimnā́ sáṃ te rāṣṭrám anaktu páyasā gʰr̥téna //8//

Verse: 9 
Halfverse: a    
yā́s te rúhaḥ prarúho yā́s ta ārúho yā́bʰir āpr̥ṇā́si dívam antárikṣam /
Halfverse: c    
tā́sāṃ bráhmaṇā páyasā vavr̥dʰānó viśí rāṣṭré jāgr̥hi róhitasya //9//

Verse: 10 
Halfverse: a    
yás te víśas tápasaḥ saṃbabʰūvúr vatsáṃ gāyatrī́m ánu tā́ ihā́guḥ /
Halfverse: c    
tā́s tvā viśantu mánasā śivéna sáṃmātā vatsó abʰy ètu róhitaḥ //10// {1}

Verse: 11 
Halfverse: a    
ūrdʰvó róhito ádʰi nā́ke astʰād víśvā rūpā́ṇi janáyan yúvā kavíḥ /
Halfverse: c    
tigménāgnír jyótiṣā bʰāti tr̥tī́ye cakre rájasi priyā́ṇi //11//

Verse: 12 
Halfverse: a    
sahásraśr̥ṅgo vr̥ṣabʰó jātávedā gʰr̥tā́hutaḥ sómapr̥ṣṭʰaḥ suvī́raḥ /
Halfverse: c    
mā́ hāsīn nātʰitó nét tvā jáhāni gopoṣáṃ ca me vīrapoṣáṃ ca dʰehi //12//

Verse: 13 
Halfverse: a    
róhito yajñásya janitā́ múkʰaṃ ca róhitāya vācā́ śrótreṇa mánasā juhomi /
Halfverse: c    
róhitaṃ devā́ yanti sumanasyámānāḥ róhaiḥ sāmityaí rohayatu //13//

Verse: 14 
Halfverse: a    
róhito yajñáṃ vy àdadʰād viśvákarmaṇe tásmāt téjāṃsy úpa memā́ny ā́guḥ /
Halfverse: c    
vocéyaṃ te nā́bʰiṃ bʰúvanasyā́dʰi majmáni //14//

Verse: 15 
Halfverse: a    
ā́ tvā ruroha br̥haty ùtá paṅktír ā́ kakúb várcasā jātavedaḥ /
Halfverse: c    
ā́ tvā rurohoṣṇihākṣaró vaṣaṭkārá ā́ tvā ruroha róhito rétasā sahá //15//

Verse: 16 
Halfverse: a    
ayáṃ vaste gárbʰaṃ pr̥tʰivyā́ dívaṃ vaste 'yám antárikṣam /
Halfverse: c    
ayáṃ bradʰnásya viṣṭápi svàr lokā́n vy ā̀naśe //16//

Verse: 17 
Halfverse: a    
vā́cas pate pr̥tʰivī́ naḥ syonā́ syonā́ yónis tálpā naḥ suśévā /
Halfverse: c    
ihaívá prāṇáḥ sakʰyé no astu táṃ tvā parameṣṭʰin páry agnír ā́yuṣā várcasā dadʰātu //17//

Verse: 18 
Halfverse: a    
vā́cas pata r̥távaḥ páñca nau vaiśvakarmaṇā́ḥ pári saṃbabʰūvúḥ /
Halfverse: c    
ihaívá prāṇáḥ sakʰyé no astu táṃ tvā parameṣṭʰin pári róhita ā́yuṣā várcasā dadʰātu //18//

Verse: 19 
Halfverse: a    
vā́cas pate saumanasáṃ mánaś ca goṣṭʰé no gā́ janáya yóniṣu prajā́ḥ /
Halfverse: c    
ihaívá prāṇáḥ sakʰyé no astu táṃ tvā parameṣṭʰin páry ahám ā́yuṣā várcasā dadʰātu //19//

Verse: 20 
Halfverse: a    
pári tvā dʰāt savitā́ devó agnír várcasā mitrā́váruṇāv abʰí tvā /
Halfverse: c    
sárvā árātīr avakrā́mann éhīdáṃ rāṣṭrám akaraḥ sunŕ̥tāvat //20// {2}

Verse: 21 
Halfverse: a    
yáṃ tvā pŕ̥ṣatī rátʰe práṣṭir váhati rohita /
Halfverse: c    
śubʰā́ yāsi riṇánn apáḥ //21//

Verse: 22 
Halfverse: a    
ánuvratā róhiṇī róhitasya sūríḥ suvárṇā br̥hatī́ suvárcāḥ /
Halfverse: c    
táyā vā́jān viśvárūpāṃ jayema táyā víśvāḥ pŕ̥tanā abʰí ṣyāma //22//

Verse: 23 
Halfverse: a    
idáṃ sádo róhiṇī róhitasyāsaú pántʰāḥ pŕ̥ṣatī yéna yā́ti /
Halfverse: c    
tā́ṃ gandʰarvā́ḥ kaśyápā ún nayanti tā́ṃ rakṣanti kaváyó 'pramādam //23//

Verse: 24 
Halfverse: a    
sū́ryasyā́śvā hárayaḥ ketumántaḥ sádā vahanty amŕ̥tāḥ sukʰáṃ rátʰam /
Halfverse: c    
gʰr̥tapā́vā róhito bʰrā́jamāno dívaṃ deváḥ pŕ̥ṣatīm ā́ viveśa //24//

Verse: 25 
Halfverse: a    
róhito vr̥ṣabʰás tigmáśr̥ṅgaḥ páry agníṃ pári sū́ryaṃ babʰū́va /
Halfverse: c    
viṣṭabʰnā́ti pr̥tʰivī́ṃ dívaṃ ca tásmād devā́ ádʰi sŕ̥ṣṭīḥ sr̥jante //25//

Verse: 26 
Halfverse: a    
róhito dívam ā́ruhan mahatáḥ páry arṇavā́t /
Halfverse: c    
sárvo ruroha róhito rúhaḥ //26//

Verse: 27 
Halfverse: a    
mimīṣva páyasvatīṃ gʰr̥tā́cīṃ devā́nāṃ dʰenúr ánapaspr̥g eṣā́ /
Halfverse: c    
índraḥ sómaṃ pibatu kṣémo astv agníḥ prá stautu mŕ̥dʰo nudasva //27//

Verse: 28 
Halfverse: a    
sámiddʰo agníḥ samidʰānó gʰr̥távr̥ddʰo gʰr̥tā́hutaḥ /
Halfverse: c    
abʰīṣā́ṭ viśvāṣā́ḍ agníḥ sapátnān hantu máma //28//

Verse: 29 
Halfverse: a    
hántv enān prá dahatv árir naḥ pr̥tanyáti /
Halfverse: c    
kravyā́dāgnínā vayáṃ sapátnān prá dahāmasi //29//

Verse: 30 
Halfverse: a    
avācī́nān áva jahī́ndra vájreṇa bāhumā́n /
Halfverse: c    
ádʰā sapátnān māmakā́n agnés téjobʰir ā́diṣi //30// {3}

Verse: 31 
Halfverse: a    
ágne sapátnān ádʰarān pādayāsmád vyatʰáyā sajātám utpípānaṃ br̥haspate /
Halfverse: c    
índrāgnī mítrāvaruṇāv ádʰare padyantām ápratimanyūyamānāḥ //31//

Verse: 32 
Halfverse: a    
udyáṃs tváṃ deva sūrya sapátnān áva me jahi /
Halfverse: c    
ávainān áśmanā jahi yantv adʰamáṃ támaḥ //32//

Verse: 33 
Halfverse: a    
vatsó virā́jo vr̥ṣabʰó matīnā́m ā́ ruroha śukrápr̥ṣṭʰo 'ntárikṣam /
Halfverse: c    
gʰr̥ténārkám abʰy àrcanti vatsáṃ bráhma sántaṃ bráhmaṇā vardʰayanti //33//

Verse: 34 
Halfverse: a    
dívaṃ ca róha pr̥tʰivī́ṃ ca roha rāṣṭráṃ ca róha dráviṇaṃ ca roha /
Halfverse: c    
prajā́ṃ ca róhāmŕ̥taṃ ca roha róhitena tanvà1ṃ sáṃ spr̥śasva //34//

Verse: 35 
Halfverse: a    
devā́ rāṣṭrabʰŕ̥to 'bʰíto yánti sū́ryam /
Halfverse: c    
taíṣ ṭe róhitaḥ samvidānó rāṣṭráṃ dadʰātu sumanasyámānaḥ //35//

Verse: 36 
Halfverse: a    
út tvā yajñā́ bráhmapūtā vahanty adʰvagáto hárayas tvā vahanti /
Halfverse: c    
tiráḥ samudrám áti rocase 'rṇavám //36//

Verse: 37 
Halfverse: a    
róhite dyā́vāpr̥tʰivī́ ádʰi śrité vasujíti gojíti saṃdʰanājíti /
Halfverse: c    
sahásraṃ yásya jánimāni saptá ca vocéyaṃ te nā́bʰiṃ bʰúvanasyā́dʰi majmáni //37//

Verse: 38 
Halfverse: a    
yaśā́ yāsi pradíśo díśaś ca yaśā́ḥ paśūnā́m utá carṣaṇīnā́m /
Halfverse: c    
yaśā́ḥ pr̥tʰivyā́ ádityā upástʰe 'háṃ bʰūyāsaṃ savitéva cā́ruḥ //38//

Verse: 39 
Halfverse: a    
amútra sánn ihá vettʰetáḥ sáṃs tā́ni paśyasi /
Halfverse: c    
itáḥ paśyanti rocanáṃ diví sū́ryaṃ vipaścítam //39//

Verse: 40 
Halfverse: a    
devó devā́n marcayasy antáś carasy arṇavé /
Halfverse: c    
samānám agním indʰate táṃ viduḥ kaváyaḥ páre //40// {4}

Verse: 41 
Halfverse: a    
aváḥ páreṇa pará enā́vareṇa padā́ vatsáṃ bíbratī gaúr úd astʰāt /
Halfverse: c    
sā́ kadrī́cī káṃ svid árdʰaṃ párāgāt kvà svit sūte nahí yūtʰé asmín //41//

Verse: 42 
Halfverse: a    
ékapadī dvipádī sā́ cátuṣpady aṣṭā́padī návapadī babʰūvúṣī /
Halfverse: c    
sahásrākṣarā bʰúvanasya paṅktís tásyāḥ samudrā́ ádʰi kṣaranti //42//

Verse: 43 
Halfverse: a    
āróhan dyā́m amŕ̥taḥ prā́va me vácaḥ /
Halfverse: c    
út tvā yajñā́ bráhmapūtā vahanty adʰvagáto hárayas tvā vahanti //43//

Verse: 44 
Halfverse: a    
véda tát te amartya yát ta ākrámaṇaṃ diví /
Halfverse: c    
yát te sadʰástʰaṃ paramé vyòman //44//

Verse: 45 
Halfverse: a    
sū́ryo dyā́ṃ sū́ryaḥ pr̥ṭʰivī́ṃ sū́rya ā́pó'ti paśyati /
Halfverse: c    
sū́ryo bʰūtásyaíkaṃ cákṣur ā́ ruroha dívaṃ mahī́m //45//

Verse: 46 
Halfverse: a    
urvī́r āsan paridʰáyo védir bʰū́mir akalpata /
Halfverse: c    
tátraitā́v agnī́ ā́dʰatta himáṃ gʰraṃsáṃ ca róhitaḥ //46//

Verse: 47 
Halfverse: a    
himáṃ gʰraṃsáṃ cādʰā́ya yū́pān kr̥tvā́ párvatān /
Halfverse: c    
varṣā́jyāv agnī́ ījāte róhitasya svarvídaḥ //47//

Verse: 48 
Halfverse: a    
svarvído róhitasya bráhmaṇāgníḥ sám idʰyate /
Halfverse: c    
tásmād gʰraṃsás tásmād dʰimás tásmād yajñó 'jāyata //48//

Verse: 49 
Halfverse: a    
bráhmaṇāgnī́ vāvr̥dʰānaú bráhmavr̥ddʰau bráhmāhutau /
Halfverse: c    
bráhmeddʰāv agnī́ ījāte róhitasya svarvídaḥ //49//

Verse: 50 
Halfverse: a    
satyé anyáḥ samā́hito 'psv à1nyáḥ sám idʰyate /
Halfverse: c    
bráhmeddʰāv agnī́ ījāte róhitasya svarvídaḥ //50// {5}

Verse: 51 
Halfverse: a    
yáṃ vā́taḥ pariśúmbʰati yáṃ véndro bráhmaṇaspátiḥ /
Halfverse: c    
bráhmeddʰāvagnī́ ījāte róhitasya svarvídaḥ //51//

Verse: 52 
Halfverse: a    
védiṃ bʰū́miṃ kalpayitvā́ dívaṃ kr̥tvā́ dákṣiṇām /
Halfverse: c    
gʰraṃsáṃ tád agníṃ kr̥tvā́ cakā́ra víśvam ātmanvád varṣéṇā́jyena róhitaḥ //52//

Verse: 53 
Halfverse: a    
varṣám ā́jam gʰraṃsó agnír védir bʰū́mir akalpata /
Halfverse: c    
tátraitā́n párvatān agnír gīrbʰír ūrdʰvā́m̐ akalpayat //53//

Verse: 54 
Halfverse: a    
gīrbʰír ūrdʰvā́n kalpayitvā́ róhito bʰū́mim abravīt /
Halfverse: c    
tváyīdáṃ sárvaṃ jāyatāṃ yád bʰūtáṃ yác ca bʰāvyàm //54//

Verse: 55 
Halfverse: a    
yajñáḥ pratʰamó bʰūtó bʰávyo ajāyata /
Halfverse: c    
tásmād dʰa jajña idáṃ sárvaṃ yát kíṃ cedáṃ virócate róhitena ŕ̥ṣiṇā́bʰr̥tam //55//

Verse: 56 
Halfverse: a    
yáś ca gā́ṃ padā́ spʰuráti pratyáṅ sū́ryaṃ ca méhati /
Halfverse: c    
tásya vr̥ścāmi te mū́laṃ cʰāyā́ṃ karavó 'param //56//

Verse: 57 
Halfverse: a    
mābʰicʰāyám atyéṣi mā́ṃ cāgníṃ cāntarā́ /
Halfverse: c    
tásya vr̥ścāmi te mū́laṃ cʰāyā́ṃ karavó 'param //57//

Verse: 58 
Halfverse: a    
adyá deva sūrya tvā́ṃ ca mā́ṃ cāntarā́yati /
Halfverse: c    
duṣvápnyaṃ tásmiṃ cʰámalaṃ duritā́ni ca mr̥jmahe //58//

Verse: 59 
Halfverse: a    
mā́ prá gāma patʰó vayáṃ mā́ yajñā́d indra somínaḥ /
Halfverse: c    
mā́ntá stʰur no árātayaḥ //59//

Verse: 60 
Halfverse: a    
yajñásya prasā́dʰanas tántur devéṣv ā́tataḥ /
Halfverse: c    
tám ā́hutam aśīmahi //60// {6}

Hymn: 2 
Verse: 1 
Halfverse: a    
úd asya ketávo diví śukrā́ bʰrā́janta īrate /
Halfverse: c    
ādityásya nr̥cákṣaso máhivratasya mīḍʰúṣaḥ //1//

Verse: 2 
Halfverse: a    
diśā́ṃ prajñā́nāṃ svaráyantam arcíṣā supakṣám āśúṃ patáyantam arṇavé /
Halfverse: c    
stávāma sū́ryaṃ bʰúvanasya gopā́ṃ raśmíbʰir díśa ābʰā́ti sárvāḥ //2//

Verse: 3 
Halfverse: a    
yát prā́ṅ pratyáṅ svadʰáyā yā́si śī́bʰaṃ nā́nārūpe áhanī kárṣi māyáyā /
Halfverse: c    
tád āditya máhi tát te máhi śrávo yád éko víśvaṃ pári bʰū́ma jā́yase //3//

Verse: 4 
Halfverse: a    
vipaścítaṃ taráṇiṃ bʰrā́jamānaṃ váhanti yáṃ harítaḥ saptá bahvī́ḥ /
Halfverse: c    
srutā́d yám áttrir dívam unninā́ya táṃ tvā paśyanti pariyā́ntam ājím //4//

Verse: 5 
Halfverse: a    
mā́ tvā dabʰan pariyā́ntam ājíṃ svastí durgā́m̐ áti yāhi śī́bʰam /
Halfverse: c    
dívaṃ ca sūrya pr̥tʰivī́ṃ ca devī́m ahorātré vimímāno yád éṣi //5//

Verse: 6 
Halfverse: a    
svastí te sūrya caráse rátʰāya yénobʰā́v ántau pariyā́si sadyáḥ /
Halfverse: c    
yáṃ te váhanti haríto váhiṣṭʰāḥ śatám áśvā yádi saptá bahvī́ḥ //6//

Verse: 7 
Halfverse: a    
sukʰáṃ sūrya rátʰam aṃśumántaṃ syonáṃ suváhnim ádʰi tiṣṭʰa vājínam /
Halfverse: c    
yáṃ te váhanti haríto váhiṣṭʰāḥ śatám áśvā yádi saptá bahvī́ḥ //7//

Verse: 8 
Halfverse: a    
saptá sū́ryo haríto yā́tave rátʰe híraṇyatvacaso br̥hatī́r ayukta /
Halfverse: c    
ámoci śukró rájasaḥ parástād vidʰū́ya devás támo dívam ā́ruhat //8//

Verse: 9 
Halfverse: a    
út ketúnā br̥hatā́ devá ā́gann ápāvr̥k támo 'bʰí jyótir aśrait /
Halfverse: c    
divyáḥ suparṇáḥ vīró vy àkʰyad áditeḥ putró bʰúvanāni víśvā //9//

Verse: 10 
Halfverse: a    
udyán raśmī́n ā́ tanuṣe víśvā rupā́ṇi puṣyasi /
Halfverse: c    
ubʰā́ samudraú krátunā bʰāsi sárvāṃl lokā́n paribʰū́r bʰrā́jamānaḥ //10// {7}

Verse: 11 
Halfverse: a    
pūrvāparáṃ carato māyáyaitaú śíśū krī́ḍantau pári yāto 'rṇavám /
Halfverse: c    
víśvānyó bʰúvanā vicáṣṭe hairaṇyaír anyáṃ haríto vahanti //11//

Verse: 12 
Halfverse: a    
diví tvā́ttrir adʰārayat sū́ryā mā́sāya kártave /
Halfverse: c    
eṣi súdʰr̥tas tápan víśvā bʰūtā́vacā́kaśat //12//

Verse: 13 
Halfverse: a    
ubʰā́v ántau sám arṣasi vatsáḥ saṃmātárāv iva /
Halfverse: c    
nanv è3tád itáḥ purā́ bráhma devā́ amī́ viduḥ //13//

Verse: 14 
Halfverse: a    
yát samudrám ánu śritáṃ tát siṣāsati sū́ryaḥ /
Halfverse: c    
ádʰvāsya vítato mahā́n pū́rvaś cā́paraś ca yáḥ //14//

Verse: 15 
Halfverse: a    
táṃ sám āpnoti jūtíbʰis táto nā́pa cikitsati /
Halfverse: c    
ténāmŕ̥tasya bʰakṣáṃ devā́nāṃ nā́va rundʰate //15//

Verse: 16 
Halfverse: a    
úd u tyáṃ jātávedasaṃ deváṃ vahanti ketávaḥ /
Halfverse: c    
dŕ̥śé víśvāya sū́ryam //16//

Verse: 17 
Halfverse: a    
ápa tyé tāyávo yatʰā nákṣatrā yanty aktúbʰiḥ /
Halfverse: c    
sū́rāya viśvácakṣase //17//

Verse: 18 
Halfverse: a    
ádr̥śrann asya ketávo raśmáyo jánām̐ ánu /
Halfverse: c    
bʰrā́janto agnáyo yatʰā //18//

Verse: 19 
Halfverse: a    
taráṇir viśvádarśato jyotiṣkŕ̥d asi sūrya /
Halfverse: c    
víśvam ā́ bʰāsi rocana //19//

Verse: 20 
Halfverse: a    
pratyáṅ devā́nāṃ víśaḥ pratyáṅṅ úd eṣi mā́nuṣīḥ /
Halfverse: c    
pratyáṅ víśvaṃ svàr dr̥śé //20// {8}

Verse: 21 
Halfverse: a    
yénā pāvaka cákṣasā bʰuraṇyántaṃ jánām̐ ánu /
Halfverse: c    
tváṃ varuṇa páśyasi //21//

Verse: 22 
Halfverse: a    
dyā́m eṣi rájas pr̥tʰv áhar mímāno aktúbʰiḥ /
Halfverse: c    
páśyan jánmāni sūrya //22//

Verse: 23 
Halfverse: a    
saptá tvā haríto rátʰe váhanti deva sūrya /
Halfverse: c    
śocíṣkeśaṃ vicakṣaṇám //23//

Verse: 24 
Halfverse: a    
áyukta saptá śundʰyúvaḥ sū́ro rátʰasya naptyàḥ /
Halfverse: c    
tā́bʰir yāti sváyuktibʰiḥ //24//

Verse: 25 
Halfverse: a    
róhito divam ā́ruhat tápasā tapasvī́ /
Halfverse: c    
yónim aíti u jāyate púnaḥ devā́nām ádʰipatir babʰūva //25//

Verse: 26 
Halfverse: a    
viśvácarṣaṇir utá viśvátomukʰo viśvátaspāṇir utá viśvátaspr̥tʰaḥ /
Halfverse: c    
sáṃ bāhúbʰyāṃ bʰarati sáṃ pátatrair dyā́vāpr̥tʰivī́ janáyan devá ékaḥ //26//

Verse: 27 
Halfverse: a    
ékapād dvípado bʰū́yo cakramé dvípāt trípādam abʰy èti paścā́t /
Halfverse: c    
dvípād dʰa ṣáṭpado bʰū́yo cakrame ékapadas tanvà1ṃ sám āsate //27//

Verse: 28 
Halfverse: a    
átandro yāsyán haríto yád ā́stʰād dvé rūpé kr̥ṇute rócamānaḥ /
Halfverse: c    
ketumā́n udyánt sáhamāno rájāṃsi víśvā āditya praváto bʰāsi //28//

Verse: 29 
Halfverse: a    
báṇ mahā́m̐ asi sūrya báḍ āditya mahā́m̐ asi /
Halfverse: c    
mahā́ṃs te maható mahimā́ tvám āditya mahā́m̐ asi //29//

Verse: 30 
Halfverse: a    
rócase diví rócase antárikṣe pátaṅga pr̥tʰivyā́ṃ rocase rócase apsv à1ntáḥ /
Halfverse: c    
ubʰā́ samudraú rúcyā vy ā̀pitʰa devó devāsi mahiṣáḥ svarjít //30// {9}

Verse: 31 
Halfverse: a    
arvā́ṅ parástāt práyato vyadʰvá āśúr vipaścít patáyan pataṅgáḥ /
Halfverse: c    
víṣṇur vícittaḥ śávasādʰitíṣṭʰan prá ketúnā sahate víśvam éjat //31//

Verse: 32 
Halfverse: a    
citrā́ś cikitvā́n mahiṣáḥ suparṇá ārocáyan ródasī antárikṣam /
Halfverse: c    
ahorātré pári sū́ryaṃ vásāne prā́sya víśvā tirato vīryā̀ṇi //32//

Verse: 33 
Halfverse: a    
tigmó vibʰrā́jan tanvà1ṃ śíśāno 'raṃgamā́saḥ praváto rárāṇaḥ /
Halfverse: c    
jyótiṣmān pakṣī́ mahiṣó vayodʰā́ víśvā ā́stʰāt pradíśaḥ kálpamānaḥ //33//

Verse: 34 
Halfverse: a    
citráṃ devā́nām ketúr ánīkaṃ jyótiṣmān pradíśaḥ sū́rya udyán /
Halfverse: c    
divākaró 'ti dyumnaís támāṃsi víśvātārīd duritā́ni śukráḥ //34//

Verse: 35 
Halfverse: a    
citráṃ devā́nām úd agād ánīkaṃ cákṣur mitrásya váruṇasyāgnéḥ /
Halfverse: c    
ā́prād dyā́vāpr̥tʰivī́ antárikṣaṃ sū́rya ātmā́ jágatas tastʰúṣaś ca //35//

Verse: 36 
Halfverse: a    
uccā́ pátantam aruṇáṃ suparṇáṃ mádʰye divás taráṇiṃ bʰrā́jamānam /
Halfverse: c    
páśyama tvā savitā́raṃ yám āhúr ájasraṃ jyótir yád avindad áttriḥ //36//

Verse: 37 
Halfverse: a    
divás pr̥ṣṭʰé dʰā́vamānaṃ suparṇám ádityāḥ putráṃ nātʰákāma úpa yāmi bʰītáḥ /
Halfverse: c    
naḥ sūrya prá tira dīrgʰám ā́yur mā́ riṣāma sumataú te syāma //37//

Verse: 38 
Halfverse: a    
sahasrāhṇyáṃ víyatāv asya pakṣaú hárer haṃsásya pátataḥ svargám /
Halfverse: c    
devā́nt sárvān úrasy upadádya saṃpáśyan yāti bʰúvanāni víśvā //38//

Verse: 39 
Halfverse: a    
róhitaḥ kāló abʰavad róhitó 'gre prajā́patiḥ /
Halfverse: c    
róhito yajñā́nāṃ múkʰaṃ róhitaḥ svà1r ā́bʰarat //39//

Verse: 40 
Halfverse: a    
róhito lokó abʰavad róhitó 'ty atapad dívam /
Halfverse: c    
róhito raśmíbʰir bʰū́miṃ samudrám ánu sáṃ carat //40// {10}

Verse: 41 
Halfverse: a    
sárvā díśaḥ sám acarad róhitó 'dʰipatir diváḥ /
Halfverse: c    
dívaṃ samudrám ā́d bʰū́miṃ sárvaṃ bʰūtáṃ rakṣati //41//

Verse: 42 
Halfverse: a    
āróhan cʰukró br̥hatī́r átandro dvé rūpé kr̥ṇute rócamānaḥ /
Halfverse: c    
citráś cikitvā́n mahiṣó vā́tamāyā yā́vato lokā́n abʰí yád vibʰā́ti //42//

Verse: 43 
Halfverse: a    
abʰy à1nyád eti páry anyád asyate 'horātrā́bʰyāṃ mahiṣáḥ kálpamānaḥ /
Halfverse: c    
sū́ryaṃ vayáṃ rájasi kṣiyántaṃ gātuvídaṃ havāmahe nā́dʰamānāḥ //43//

Verse: 44 
Halfverse: a    
pr̥tʰivīpró mahiṣó nā́dʰamānasya gātúr ádabdʰacakṣuḥ pári víśvaṃ babʰūva /
Halfverse: c    
víśvaṃ saṃpáśyant suvidátro yájatra idáṃ śr̥ṇotu yád aháṃ brávīmi //44//

Verse: 45 
Halfverse: a    
páry asya mahimā́ pr̥tʰivī́ṃ samudráṃ jyótiṣā vibʰrā́jan pári dyā́m antárikṣam /
Halfverse: c    
sárvaṃ saṃpáśyant suvidátro yájatra idáṃ śr̥ṇotu yád aháṃ brávīmi //45//

Verse: 46 
Halfverse: a    
ábodʰy agníḥ samídʰā jánānāṃ práti dʰenúm ivāyatī́m uṣásam /
Halfverse: c    
yahvā́ iva prá vayā́m ujjíhānāḥ prá bʰānávaḥ sisrate nā́kam ácʰa //46// {11}

Hymn: 3 
Verse: 1 
Halfverse: a    
imé dyā́vāpr̥tʰivī́ jajā́na drā́pim kr̥tvā́ bʰúvanāni váste /
Halfverse: c    
yásmin kṣiyánti pradíśaḥ ṣáḍ urvī́r yā́ḥ pataṅgó ánu vicā́kaśīti /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //1//

Verse: 2 
Halfverse: a    
yásmād vā́tā r̥tutʰā́ pávante yásmāt samudrā́ ádʰi vikṣáranti /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //2//

Verse: 3 
Halfverse: a    
māráyati prāṇáyati yásmāt prāṇánti bʰúvanāni víśvā /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //3//

Verse: 4 
Halfverse: a    
yáḥ prā́ṇena dyā́vāpr̥tʰivī́ tarpáyaty apānéna samudrásya jaṭʰáraṃ yáḥ píparti /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //4//

Verse: 5 
Halfverse: a    
yásmin virā́ṭ parameṣṭʰī́ prajā́patir agnír vaiśvānaráḥ sahá paṅktyā́ śritáḥ /
Halfverse: c    
yáḥ párasya prāṇáṃ paramásya téja ādadé /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //5//

Verse: 6 
Halfverse: a    
yásmin ṣáḍ urvī́ḥ páñca díśo ádʰiśritā́ś cátasra ā́po yajñásya tráyo 'kṣárāḥ /
Halfverse: c    
antarā́ ródasī kruddʰáś cákṣuṣaíkṣata /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇám jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //6//

Verse: 7 
Halfverse: a    
annādó ánnapatir babʰū́va bráhmaṇas pátir utá yáḥ /
Halfverse: c    
bʰūtó bʰaviṣyát bʰúvanasya yás pátiḥ /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //7//

Verse: 8 
Halfverse: a    
ahorātraír vímitaṃ triṃśádaṅgaṃ trayodaśáṃ mā́saṃ nirmímīte /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //8//

Verse: 9 
Halfverse: a    
kr̥ṣṇáṃ niyā́naṃ hárayaḥ suparṇā́ apó vásānā dívam út patanti /
Halfverse: c    
ā́vavr̥trant sádanād r̥tásya /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //9//

Verse: 10 
Halfverse: a    
yát te candráṃ kaśyapa rocanā́vad yát saṃhitáṃ puṣkaláṃ citrábʰānu yásmint sū́ryā ā́rpitāḥ saptá sākám /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //10// {12}

Verse: 11 
Halfverse: a    
br̥hád enam ánu vaste purástād ratʰaṃtaráṃ práti gr̥hṇāti paścā́t /
Halfverse: c    
jyótir vásāne sádam ápramādam /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //11//

Verse: 12 
Halfverse: a    
br̥hád anyátaḥ pakṣá ā́sīd ratʰaṃtarám anyátaḥ sábale sadʰrī́cī /
Halfverse: c    
yád róhitam ájanayanta devā́ḥ /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //12//

Verse: 13 
Halfverse: a    
váruṇaḥ sāyám agnír bʰavati mitró bʰavati prātár udyán /
Halfverse: c    
savitā́ bʰūtvā́ntárikṣeṇa yāti índro bʰūtvā́ tapati madʰyató dívam /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pāśān //13//

Verse: 14 
Halfverse: a    
sahasrāhṇyáṃ víyatāv asya pakṣaú hárer haṃsásya pátataḥ svargám /
Halfverse: c    
devā́nt sárvān úrasy upadádya saṃpáśyan yāti bʰúvanāni víśvā /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //14//

Verse: 15 
Halfverse: a    
ayáṃ devó apsv à1ntáḥ sahásramūlaḥ paruśā́ko áttriḥ /
Halfverse: c    
idáṃ víśvaṃ bʰúvanaṃ jájāna /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //15//

Verse: 16 
Halfverse: a    
śukráṃ vahanti hárayo ragʰuṣyádo deváṃ diví várcasā bʰrā́jamānam /
Halfverse: c    
yásyordʰvā́ dívaṃ tanvà1s tápanty arvā́ṅ suvárṇaiḥ paṭaraír bʰā́ti /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //16//

Verse: 17 
Halfverse: a    
yénādityā́n harítaḥ samváhanti yéna yajñéna bahávo yánti prajānántaḥ /
Halfverse: c    
yád ékaṃ jyótir bahudʰā́ vibʰā́ti /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //17//

Verse: 18 
Halfverse: a    
saptá yuñjanti rátʰam ékacakram éko áśvo vahati saptánāmā /
Halfverse: c    
trinā́bʰi cakrám ajáram anarváṃ yátremā́ víśvā bʰúvanā́dʰi tastʰúḥ /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //18//

Verse: 19 
Halfverse: a    
aṣṭadʰā́ yuktó váhati váhnir ugráḥ pitā́ devā́nāṃ janitā́ matīnā́m /
Halfverse: c    
r̥tásya tántuṃ mánasā mimā́naḥ sárvā díśaḥ pavate mātaríśvā /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //19//

Verse: 20 
Halfverse: a    
saṃyáñcaṃ tántuṃ pradíśó 'nu sárvā antár gāyatryā́m amŕ̥tasya gárbʰe /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //20// {13}

Verse: 21 
Halfverse: a    
nimrúcas tisró vyúṣo ha tisrás trī́ṇi rájāṃsi dívo aṅgá tisráḥ /
Halfverse: c    
vidmā́ te agne tredʰā́ janítraṃ tredʰā́ devā́nāṃ jánimāni vidmá /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //21//

Verse: 22 
Halfverse: a    
aúrṇot pr̥tʰivī́ṃ jā́yamāna ā́ samudrám ádadʰāt antárikṣe /
Halfverse: c    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: e    
úd vepaya rohita prá kṣiṇīhi brahmajyásya práti muñca pā́śān //22//

Verse: 23 
Halfverse: a    
tvám agne krátubʰiḥ ketúbʰir hitò3 'rkáḥ sámiddʰa úd arocatʰā diví /
Halfverse: c    
kím abʰy ā̀rcan marútaḥ pŕ̥śnimātaro yád róhitam ájanayanta devā́ḥ /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //23//

Verse: 24 
Halfverse: a    
ātmadā́ baladā́ yásya víśva upā́sate praśíṣaṃ yásya devā́ḥ /
Halfverse: c    
yò3 'syéśe dvipádo yáś cátuṣpadaḥ /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //24//

Verse: 25 
Halfverse: a    
ékapād dvípado bʰū́yo cakrame dvípāt trípādam abʰy èti paścā́t /
Halfverse: c    
cátuṣpāc cakre dvípadām abʰisvaré saṃpáśyan paṅktím upatíṣṭʰamānaḥ /
Halfverse: e    
tásya devásya kruddʰásyaitád ā́go eváṃ vidvā́ṃsaṃ brāhmaṇáṃ jinā́ti /
Halfverse: g    
úd vepaya rohita prá kṣiṇīhi brahmajyásya práti muñca pā́śān //25//

Verse: 26 
Halfverse: a    
kr̥ṣṇā́yaḥ putró árjuno rā́tryā vatsó 'jāyata /
Halfverse: c    
ha dyā́m ádʰi rohati rúho ruroha róhitaḥ //26// {14}

Hymn: 4 

Verse: 1_{1} 
Halfverse: a    
eti savitā́ svàr divás pr̥ṣṭʰé 'vacā́kaśat //1//

Verse: 2 
Halfverse: a    
raśmíbʰir nábʰa ā́bʰr̥taṃ mahendrá ety ā́vr̥taḥ //2//

Verse: 3 
Halfverse: a    
dʰātā́ vidʰartā́ vāyúr nábʰa úccʰritam //3//

Verse: 4 
Halfverse: a    
'ryamā́ váruṇaḥ rudráḥ mahādeváḥ //4//

Verse: 5 
Halfverse: a    
agníḥ u sū́ryaḥ u evá mahāyamáḥ //5//

Verse: 6 
Halfverse: a    
táṃ vatsā́ úpa tiṣṭʰanty ékaśī́rṣāṇo yutā́ dáśa //6//

Verse: 7 
Halfverse: a    
paścā́t prā́ñca ā́ tanvanti yád udéti bʰāsati //7//

Verse: 8 
Halfverse: a    
tásyaiṣá mā́ruto gaṇáḥ eti śikyā́kr̥taḥ //8//

Verse: 9 
Halfverse: a    
raśmíbʰir nábʰa ā́bʰr̥taṃ mahendrá ety ā́vr̥taḥ //9//

Verse: 10 
Halfverse: a    
tásyemé náva kóśā viṣṭambʰā́ navadʰā́ hitā́ḥ //10//

Verse: 11 
Halfverse: a    
prajā́bʰyo paśyati yác ca prāṇáti yác ca //11//

Verse: 12 
Halfverse: a    
tám idáṃ nígataṃ sáhaḥ eṣá éka ekavŕ̥d éka evá //12//

Verse: 13 
Halfverse: a    
eté asmin devā́ ekavŕ̥to bʰavanti //13// {15}


Verse: 14_{2} 
Halfverse: a    
kīrtíś ca yáśaś cā́mbʰaś ca nábʰaś ca brāhmaṇavarcasáṃ cā́nnaṃ cānnā́dyaṃ ca //14//

Verse: 15 
Halfverse: a    
etáṃ devám ekavŕ̥taṃ véda //15//

Verse: 16 
Halfverse: a    
dvitī́yo tr̥tī́yaś caturtʰó nā́py ucyate //16//

Verse: 17 
Halfverse: a    
pañcamó ṣaṣṭʰáḥ saptamó nā́py ucyate //17//

Verse: 18 
Halfverse: a    
nā́ṣṭamó navamó daśamó nā́py ucyate //18//

Verse: 19 
Halfverse: a    
sárvasmai paśyati yác ca prāṇáti yác ca //19//

Verse: 20 
Halfverse: a    
tám idáṃ nígataṃ sáhaḥ eṣá éka ekavŕ̥d éka evá //20//

Verse: 21 
Halfverse: a    
sárve asmin devā́ ekavŕ̥to bʰavanti //21// {16}


Verse: 22_{3} 
Halfverse: a    
bráhma ca tápaś ca kīrtíś ca yáśaś cāmbʰaś ca nábʰaś ca brāhmaṇavarcasáṃ cā́nnaṃ cānnā́dyaṃ ca //2//

Verse: 23 
Halfverse: a    
bʰūtáṃ ca bʰávyaṃ ca śraddʰā́ ca rúciś ca svargáś ca svadʰā́ ca //23//

Verse: 24 
Halfverse: a    
etáṃ devám ekavŕ̥taṃ véda //24//

Verse: 25 
Halfverse: a    
evá mr̥tyúḥ sò3 'mŕ̥taṃ sò3 'bʰvà1ṃ rákṣaḥ //25//

Verse: 26 
Halfverse: a    
rudró vasuvánir vasudéye namovāké vaṣaṭkāró 'nu sáṃhitaḥ //26//

Verse: 27 
Halfverse: a    
tásyemé sárve yātáva úpa praśíṣam āsate //27//

Verse: 28 
Halfverse: a    
tásyāmū́ sárvā nákṣatrā váśe candrámasā sahá //28// {17}


Verse: 29_{4} 
Halfverse: a    
vā́ áhno 'jāyata tásmād áhar ajāyata //29//

Verse: 30 
Halfverse: a    
vaí rā́tryā ajāyata tásmād rā́trir ajāyata //30//

Verse: 31 
Halfverse: a    
vā́ antárikṣād ajāyata tásmād antárikṣam ajāyata //31//

Verse: 32 
Halfverse: a    
vaí vāyór ajāyata tásmād vāyúr ajāyata //32//

Verse: 33 
Halfverse: a    
vaí divó 'jāyata tásmād dyaúr ádʰi ajāyata //33//

Verse: 34 
Halfverse: a    
vaí digbʰyó 'jāyata tásmād díśo 'jāyanta //34//

Verse: 35 
Halfverse: a    
vaí bʰū́mer ajāyata tásmād bʰū́mir ajāyata //35//

Verse: 36 
Halfverse: a    
vā́ agnér ajāyata tásmād agnír ajāyata //36//

Verse: 37 
Halfverse: a    
vā́ adbʰyó 'jāyata tásmād ā́po 'jāyanta //37//

Verse: 38 
Halfverse: a    
vā́ r̥gbʰyó 'jāyata tásmād ŕ̥co 'jāyanta //38//

Verse: 39 
Halfverse: a    
vaí yajñā́d ajāyata tásmād yajñó 'jāyata //39//

Verse: 40 
Halfverse: a    
yajñás tásya yajñáḥ yajñásya śíras kr̥tám //40//

Verse: 41 
Halfverse: a    
stanayati dyotate u áśmānam asyati //41//

Verse: 42 
Halfverse: a    
pāpā́ya bʰadrā́ya púruṣāyā́surāya //42//

Verse: 43 
Halfverse: a    
yád kr̥ṇóṣy óṣadʰīr yád varṣasi bʰadráyā yád janyám ávīvr̥dʰaḥ //43//

Verse: 44 
Halfverse: a    
tā́vāṃs te magʰavan mahimópo te tanvàḥ śatám //44//

Verse: 45 
Halfverse: a    
úpo te bádʰve báddʰāni yádi vā́si nyàrbudam //45// {18}


Verse: 46_{5} 
Halfverse: a    
bʰū́yān índro namurā́d bʰū́yān indrāsi mr̥tyúbʰyaḥ //46//

Verse: 47 
Halfverse: a    
bʰū́yān árātyāḥ śácyāḥ pátis tvám indrāsi vibʰū́ḥ prabʰū́r íti tvópāsmahe vayám //47//

Verse: 48 
Halfverse: a    
námas te astu paśyata páśya paśyata //48//

Verse: 49 
Halfverse: a    
annā́dyena yáśasā téjasā brāhmaṇavarcaséna //49//

Verse: 50 
Halfverse: a    
ámbʰo ámo máhaḥ sáha íti tvópāsmahe vayám //50//

Verse: 51 
Halfverse: a    
ámbʰo aruṇáṃ rajatáṃ rájaḥ sáha íti tvópāsmahe vayám //51// {19}


Verse: 52_{6} 
Halfverse: a    
urúḥ pr̥tʰúḥ subʰū́r bʰúva íti tvópāsmahe vayám //52//

Verse: 53 
Halfverse: a    
prátʰo váro vyáco loká íti tvópāsmahe vayám //53//

Verse: 54 
Halfverse: a    
bʰávadvasur idádvasuḥ saṃyádvasur āyádvasur íti tvópāsmahe vayám //54//

Verse: 55 
Halfverse: a    
námas te astu paśyata páśya paśyata //55//

Verse: 56 
Halfverse: a    
annā́dyena yáśasā téjasā brāhmaṇavarcaséna //56// {20}



Book: 14 
14
Hymn: 1 


Verse: 1 
Halfverse: a    
satyénóttabʰitā bʰū́miḥ sū́ryeṇóttabʰitā dyaúḥ /
Halfverse: c    
r̥ténādityā́s tiṣṭʰanti diví sómo ádʰi śritáḥ //1//

Verse: 2 
Halfverse: a    
sómenādityā́ balínaḥ sómena pr̥tʰivī́ mahī́ /
Halfverse: c    
átʰo nákṣatrāṇām eṣā́m upástʰe sóma ā́hitaḥ //2//

Verse: 3 
Halfverse: a    
sómaṃ manyate papivā́n yát saṃpiṃṣánty óṣadʰim /
Halfverse: c    
sómaṃ yáṃ brahmā́ṇo vidúr tásyāśnāti pā́rtʰivaḥ //3//

Verse: 4 
Halfverse: a    
yát tvā soma prapíbanti táta ā́ pyāyase púnaḥ /
Halfverse: c    
vāyúḥ sómasya rakṣitā́ sámānāṃ mā́sa ā́kr̥tiḥ //4//

Verse: 5 
Halfverse: a    
ācʰádvidʰānair gupitó bā́rhataiḥ soma rakṣitáḥ /
Halfverse: c    
grā́vṇām íc cʰr̥ṇván tiṣṭʰasi te aśnāti pā́rtʰivaḥ //5//

Verse: 6 
Halfverse: a    
cíttir ā upabárhaṇaṃ cákṣur ā abʰyáñjanam /
Halfverse: c    
dyaúr bʰū́miḥ kóśa ā́sīd yád áyāt sūryā́ pátim //6//

Verse: 7 
Halfverse: a    
raíbʰy āsīd anudéyī nārāśaṃsī́ nyócanī /
Halfverse: c    
suryā́yā bʰadrám íd vā́so gā́tʰayati páriṣkr̥tā //7//

Verse: 8 
Halfverse: a    
stómā āsan pratidʰáyaḥ kurī́raṃ cʰánda opaśáḥ /
Halfverse: c    
sūryā́yā aśvínā varā́gnír āsīt purogaváḥ //8//

Verse: 9 
Halfverse: a    
sómo vadʰūyúr abʰavad aśvínāstām ubʰā́ varā́ /
Halfverse: c    
sūryā́ṃ yát pátye śáṃsantīṃ mánasā savitā́dadāt //9//

Verse: 10 
Halfverse: a    
máno asyā ána āsīd dyaúr āsīd utá cʰadíḥ /
Halfverse: c    
śukrā́v anaḍvā́hāv āstāṃ yád áyāt sūryā́ pátim //10// {1}

Verse: 11 
Halfverse: a    
r̥ksāmā́bʰyām abʰíhitau gā́vau te sāmanā́v aitām /
Halfverse: c    
śrótre te cakré āstāṃ diví pántʰāś carācaráḥ //11//

Verse: 12 
Halfverse: a    
śúcī te cakré yātyā́ vyānó akṣa ā́hataḥ /
Halfverse: c    
áno manasmáyaṃ sūryā́rohat prayatī́ pátim //12//

Verse: 13 
Halfverse: a    
sūryā́yā vahatúḥ prā́gāt savitā́ yám avā́sr̥jat /
Halfverse: c    
magʰā́su hanyánte gā́vaḥ pʰálgunīṣu vy ùhyate //13//

Verse: 14 
Halfverse: a    
yád aśvinā pr̥cʰámānāv áyātaṃ tricakréṇa vahatúṃ sūryā́yāḥ /
Halfverse: c    
kvaíkaṃ cakráṃ vām āsīt kvà deṣṭrā́ya tastʰatʰuḥ //14//

Verse: 15 
Halfverse: a    
yád áyātaṃ śubʰas patī vareyáṃ sūryā́m úpa /
Halfverse: c    
víśve devā́ ánu tád vām ajānan putráḥ pitáram avr̥ṇīta pūṣā́ //15//

Verse: 16 
Halfverse: a    
dvé te cakré sū́rye brahmā́ṇa r̥tutʰā́ viduḥ /
Halfverse: c    
átʰaíkaṃ cakráṃ yád gúhā tád addʰātáya íd vidúḥ //16//

Verse: 17 
Halfverse: a    
aryamáṇaṃ yajāmahe subandʰúṃ pativédanam /
Halfverse: c    
urvārukám iva bándʰanāt prétó muñcāmi nā́mútaḥ //17//

Verse: 18 
Halfverse: a    
prétó muñcāmi nā́mútaḥ subaddʰā́m amútas karam /
Halfverse: c    
yátʰeyám indra mīḍʰvaḥ suputrā́ subʰágā́sati //18//

Verse: 19 
Halfverse: a    
prá tvā muñcāmi váruṇasya pā́śād yéna tvā́badʰnāt savitā́ suśévāḥ /
Halfverse: c    
r̥tásya yónau sukr̥tásya loké syonáṃ te astu sahásaṃbʰalāyai //19//

Verse: 20 
Halfverse: a    
bʰágas tvetó nayatu hastagŕ̥hyāśvínā tvā prá vahatāṃ rátʰena /
Halfverse: c    
gr̥hā́n gacʰa gr̥hápatnī yátʰā́so vaśínī tváṃ vidátʰam ā́ vadāsi //20// {2}

Verse: 21 
Halfverse: a    
ihá priyáṃ prajā́yai te sám r̥dʰyatām asmín gr̥hé gā́rhapatyāya jāgr̥hi /
Halfverse: c    
enā́ pátyā tanvà1ṃ sáṃ spr̥śasvā́tʰa jírvir vidátʰam ā́ vadāsi //21//

Verse: 22 
Halfverse: a    
ihaívá staṃ mā́ yauṣṭaṃ víśvam ā́yur vy àśnutam /
Halfverse: c    
krī́ḍantau putraír náptr̥bʰir módamānau svastakaú //22//

Verse: 23 
Halfverse: a    
pūrvāparáṃ carato māyaítaú śíśū krī́ḍantau pári yāto 'rṇavám /
Halfverse: c    
víśvānyó bʰúvanā vicáṣṭa r̥tū́ṃr anyó vidádʰaj jāyase návaḥ //23//

Verse: 24 
Halfverse: a    
návonavo bʰavasi jā́yamānó 'hnāṃ ketúr uṣásām eṣy ágram /
Halfverse: c    
bʰāgáṃ devébʰyo dadʰāsy āyán prá candramas tirase dīrgʰám ā́yuḥ //24//

Verse: 25 
Halfverse: a    
párā dehi śāmulyàṃ brahmábʰyo bʰajā vásu /
Halfverse: c    
kr̥tyaíṣā padvátī bʰūtvā́ jāyā́ viśate pátim //25//

Verse: 26 
Halfverse: a    
nīlalohitáṃ bʰavati kr̥tyā́saktír vy àjyate /
Halfverse: c    
édʰante asyā jñātáyaḥ pátir bandʰéṣu badʰyate //26//

Verse: 27 
Halfverse: a    
aślīlā́ tanū́r bʰavati rúśatī pāpáyāmuyā́ /
Halfverse: c    
pátir yád vadʰvò3 vā́sasaḥ svám áṅgam abʰyūrṇuté //27//

Verse: 28 
Halfverse: a    
āśásanaṃ viśásanam átʰo adʰivikártanam /
Halfverse: c    
sūryā́yāḥ paśya rūpā́ṇi tā́ni brahmótá śumbʰati //28//

Verse: 29 
Halfverse: a    
tr̥ṣṭám etát káṭukam apāṣṭʰávad viṣávan naítád áttave /
Halfverse: c    
sūryā́ṃ brahmā́ véda íd vā́dʰūyam arhati //29//

Verse: 30 
Halfverse: a    
ít tát syonáṃ harati brahmā́ vā́saḥ sumaṅgálam /
Halfverse: c    
prā́yaścittiṃ adʰyéti yéna jāyā́ ríṣyati //30// {3}

Verse: 31 
Halfverse: a    
yuváṃ bʰágaṃ sáṃ bʰarataṃ sámr̥ddʰam r̥táṃ vádantāv r̥tódyeṣu /
Halfverse: c    
bráhmaṇas pate pátim asyaí rocaya cā́ru saṃbʰaló vadatu vā́cam etā́m //31//

Verse: 32 
Halfverse: a    
ihéd asātʰa paró gamātʰemáṃ gāvaḥ prajáyā vardʰayātʰa /
Halfverse: c    
śúbʰaṃ yatīr usríyāḥ sómavarcaso víśve devā́ḥ krann ihá vo mánāṃsi //32//

Verse: 33 
Halfverse: a    
imáṃ gāvaḥ prajáyā sáṃ viśātʰāyáṃ devā́nāṃ mināti bʰāgám /
Halfverse: c    
asmaí vaḥ pūṣā́ marútaś ca sárve asmaí vo dʰātā́ savitā́ suvāti //33//

Verse: 34 
Halfverse: a    
anr̥kṣarā́ r̥jávaḥ santu pántʰano yébʰiḥ sákʰāyo yánti no vareyám /
Halfverse: c    
sáṃ bʰágena sám aryamṇā́ sáṃ dʰātā́ sr̥jatu várcasā //34//

Verse: 35 
Halfverse: a    
yác ca várco akṣéṣu súrāyāṃ ca yád ā́hitam /
Halfverse: c    
yád góṣv aśvinā várcas ténemā́ṃ várcasāvatam //35//

Verse: 36 
Halfverse: a    
yéna mahānagʰnyā́ jagʰánam áśvinā yéna súrā /
Halfverse: c    
yénākṣā́ abʰyáṣicyanta ténemā́ṃ várcasāvatam //36//

Verse: 37 
Halfverse: a    
anidʰmó dīdáyad apsv à1ntár yáṃ víprāsa ī́ḍate adʰvaréṣu /
Halfverse: c    
ápāṃ napān mádʰumatīr apó yā́bʰir índro vāvr̥dʰé vīryā̀vān //37//

Verse: 38 
Halfverse: a    
idám aháṃ rúśantaṃ grābʰáṃ tanūdū́ṣim ápohāmi /
Halfverse: c    
bʰadró rocanás tám úd acāmi //38//

Verse: 39 
Halfverse: a    
ā́syai brāhmaṇā́ḥ snápanīr harantv ávīragʰnīr úd ajantv ā́paḥ /
Halfverse: c    
aryamṇó agníṃ páry etu pūṣan prátīkṣante śváśuro deváraś ca //39//

Verse: 40 
Halfverse: a    
śáṃ te híraṇyaṃ śám u santv ā́paḥ śáṃ metʰír bʰavatu śáṃ yugásya tárdma /
Halfverse: c    
śáṃ ta ā́paḥ śatápavitrā bʰavantu śám u pátyā tanvà1ṃ sáṃ spr̥śasva //40// {4}

Verse: 41 
Halfverse: a    
kʰé rátʰasya kʰé 'nasaḥ kʰé yugásya śatakrato /
Halfverse: c    
apālā́m indra tríṣ pūtvā́kr̥ṇoḥ sū́ryatvacam //41//

Verse: 42 
Halfverse: a    
āśā́sānā saumanasáṃ prajā́ṃ saúbʰāgyaṃ rayím /
Halfverse: c    
pátyur ánuvratā bʰūtvā́ sáṃ nahyasvāmŕ̥tāya kám //42//

Verse: 43 
Halfverse: a    
yátʰā síndʰur nadī́nāṃ sā́mrājyaṃ suṣuvé vŕ̥ṣā /
Halfverse: c    
evā́ tvaṃ samrā́jñy edʰi pátyur ástaṃ parétya //43//

Verse: 44 
Halfverse: a    
samrā́jñy edʰi śváśureṣu samrā́jñy utá devŕ̥ṣu /
Halfverse: c    
nánānduḥ samrā́jñy edʰi samrā́jñy utá śvaśrvā́ḥ //44//

Verse: 45 
Halfverse: a    
yā́ ákr̥ntann ávayan yā́ś ca tatniré yā́ devī́r ántām̐ abʰító 'dadanta /
Halfverse: c    
tā́s tvā jaráse sáṃ vyayantv ā́yuṣmatīdáṃ pári dʰatsva vā́saḥ //45//

Verse: 46 
Halfverse: a    
jīváṃ rudanti nayanty adʰvaráṃ dīrgʰā́m ánu prásitiṃ dīdʰyur náraḥ /
Halfverse: c    
vāmáṃ pitŕ̥bʰyo idáṃ samīriré máyaḥ pátibʰyo janáye pariṣváje //46//

Verse: 47 
Halfverse: a    
syonáṃ dʰruváṃ prajā́yai dʰārayāmi 'śmānaṃ devyā́ḥ pr̥tʰivyā́ upástʰe /
Halfverse: c    
tám ā́ tiṣṭʰānumā́dyā suvárcā dīrgʰáṃ ta ā́yuḥ savitā́ kr̥ṇotu //47//

Verse: 48 
Halfverse: a    
yénāgnír asyā́ bʰū́myā hastaṃ jagrā́ha dákṣiṇam /
Halfverse: c    
téna gr̥hṇāmi te hástaṃ mā́ vyatʰiṣṭʰā máyā sahá prajáyā ca dʰánena ca //48//

Verse: 49 
Halfverse: a    
devás te savitā́ hástaṃ gr̥hṇātu sómo rā́jā suprajásaṃ kr̥ṇotu /
Halfverse: c    
agníḥ subʰágāṃ jatávedāḥ pátye pátnīṃ jarádaṣṭim kr̥ṇotu //49//

Verse: 50 
Halfverse: a    
gr̥hṇā́mi te saubʰagatvā́ya hástaṃ máyā pátyā jarádaṣṭir yátʰā́saḥ /
Halfverse: c    
bʰágo aryamā́ savitā́ púraṃdʰir máhyaṃ tvādur gā́rhapatyāya devā́ḥ //50// {5}

Verse: 51 
Halfverse: a    
bʰágas te hástam agrahīt savitā́ hástam agrahīt /
Halfverse: c    
pátnī tvám asi dʰármaṇāháṃ gr̥hápatis táva //51//

Verse: 52 
Halfverse: a    
mámeyám astu póṣyā máhyaṃ tvādād bŕ̥haspátiḥ /
Halfverse: c    
máyā pátyā prajāvati sáṃ jīva śarádaḥ śatám //52//

Verse: 53 
Halfverse: a    
tváṣṭā vā́so vy àdadʰāc cʰubʰé káṃ bŕ̥haspáteḥ praśíṣā kavīnā́m /
Halfverse: c    
ténemā́ṃ nā́rīṃ savitā́ bʰágaś ca sūryā́m iva pári dʰattāṃ prajáyā //53//

Verse: 54 
Halfverse: a    
indrāgnī́ dyā́vāpr̥tʰivī́ mātaríśvā mitrā́váruṇā bʰágo aśvínobʰā́ /
Halfverse: c    
bŕ̥haspátir marúto bráhma sóma imā́ṃ nā́riṃ prajáyā vardʰayantu //54//

Verse: 55 
Halfverse: a    
bŕ̥haspátiḥ pratʰamáḥ sūryā́yāḥ śīrṣé kéśām̐ akalpayat /
Halfverse: c    
ténemā́m aśvinā nā́rīṃ pátye sáṃ śobʰayāmasi //55//

Verse: 56 
Halfverse: a    
idáṃ tád rūpáṃ yád ávasta yóṣā jāyā́ṃ jijñāse mánasā cárantīm /
Halfverse: c    
tā́m ánv artiṣye sákʰibʰir návagvaiḥ imā́n vidvā́n cacarta pā́śān //56//

Verse: 57 
Halfverse: a    
aháṃ ṣyāmi máyi rūpám asyā védad ít paśyan mánasaḥ kulā́yam /
Halfverse: c    
stéyam admi mánasód amucye svayáṃ śratʰnānó váruṇasya pā́śān //57//

Verse: 58 
Halfverse: a    
prá tvā muñcāmi váruṇasya pā́śād yéna tvā́badʰnāt savitā́ suśévāḥ /
Halfverse: c    
urúṃ lokáṃ sugám átra pántʰāṃ kr̥ṇomi túbʰyaṃ sahápatnyai vadʰu //58//

Verse: 59 
Halfverse: a    
úd yacʰadʰvam ápa rákṣo hanātʰemáṃ nā́rīṃ sukr̥té dadʰāta /
Halfverse: c    
dʰātā́ vipaścít pátim asyai viveda bʰágo rā́jā purá etu prajānán //59//

Verse: 60 
Halfverse: a    
bʰágas tatakṣa catúraḥ pā́dān bʰágas tatakṣa catvā́ry úṣpalāni /
Halfverse: c    
tváṣṭā pipeśa madʰyató 'nu várdʰrānt sā́ no astu sumaṅgalī́ //60//

Verse: 61 
Halfverse: a    
sukiṃśukáṃ vahatúṃ viśvárūpaṃ híraṇyavarṇaṃ suvŕ̥taṃ sucakrám /
Halfverse: c    
ā́ roha sūrye amŕ̥tasya lokáṃ syonáṃ pátibʰyo vahatúṃ kr̥ṇu tvám //61//

Verse: 62 
Halfverse: a    
ábʰrātr̥gʰnīṃ varuṇā́paśugʰnīṃ br̥haspate /
Halfverse: c    
indrā́patigʰnīm putríṇīm ā́smábʰyaṃ savitar vaha //62//

Verse: 63 
Halfverse: a    
mā́ hiṃsiṣṭaṃ kumāryà1ṃ stʰū́ṇe devákr̥te patʰí /
Halfverse: c    
śā́lāyā devyā́ dvā́raṃ syonáṃ kr̥ṇmo vadʰūpatʰám //63//

Verse: 64 
Halfverse: a    
bráhmā́paraṃ yujyátāṃ bráhma pū́rvaṃ bráhmāntató madʰyató bráhma sarvátaḥ /
Halfverse: c    
anāvyādʰā́ṃ devapurā́ṃ prapádya śivā́ syonā́ patiloké rāja //64// {6}

Hymn: 2 
Verse: 1 
Halfverse: a    
túbʰyam ágre páry avahant sūryā́ṃ vahatúnā sahá /
Halfverse: c    
naḥ pátibʰyo jāyā́ṃ dā́ agne prajáyā sahá //1//

Verse: 2 
Halfverse: a    
púnaḥ pátnīm agnír adād ā́yuṣā sahá várcasā /
Halfverse: c    
dīrgʰā́yur asyā yáḥ pátir jī́vāti śarádaḥ śatám //2//

Verse: 3 
Halfverse: a    
sómasya jāyā́ pratʰamáṃ gandʰarvás 'paraḥ pátiḥ /
Halfverse: c    
tr̥tī́yo agníṣ ṭe pátis turī́yas te manuṣyajā́ḥ //3//

Verse: 4 
Halfverse: a    
sómo dadad gandʰarvā́ya gandʰarvó dadad agnáye /
Halfverse: c    
rayíṃ ca putrā́ṃs cādād agnír máhyam átʰo imā́m //4//

Verse: 5 
Halfverse: a    
ā́ vām agant sumatír vājinīvasū ny àśvinā hr̥tsú kā́mā araṃsata /
Halfverse: c    
ábʰūtaṃ gopā́ mitʰunā́ śubʰas patī priyā́ aryamṇó dúryām̐ aśīmahi //5//

Verse: 6 
Halfverse: a    
sā́ mandasānā́ mánasā śivéna rayíṃ dʰehi sárvavīraṃ vacasyàm /
Halfverse: c    
sugáṃ tīrtʰáṃ suprapāṇáṃ śubʰas patī stʰāṇúṃ patʰiṣṭʰā́m ápa durmatíṃ hatam //6//

Verse: 7 
Halfverse: a    
yā́ óṣadʰayo yā́ nadyò3 yā́ni kṣétrāṇi yā́ vánā /
Halfverse: c    
tā́s tvā vadʰu prajā́vatīṃ pátye rakṣantu rakṣásaḥ //7//

Verse: 8 
Halfverse: a    
émáṃ pántʰām arukṣāma sugáṃ svastivā́hanam /
Halfverse: c    
yásmin vīró ríṣyaty anyéṣāṃ vindáte vásu //8//

Verse: 9 
Halfverse: a    
idáṃ me naraḥ śr̥ṇuta yáyāśíṣā dáṃpatī vāmám aśnutáḥ /
Halfverse: c    
gandʰarvā́ apsarásaś ca devī́r eṣú vānaspatyéṣu 'dʰi tastʰúḥ /
Halfverse: e    
syonā́s te asyaí vadʰvaì bʰavantu mā́ hiṃsiṣur vahatúm uhyámānam //9//

Verse: 10 
Halfverse: a    
vadʰvàś candráṃ vahatúṃ yákṣmā yanti jánām̐ ánu /
Halfverse: c    
púnas tā́n yajñíyā devā́ nayantu yáta ā́gatāḥ //10// {7}

Verse: 11 
Halfverse: a    
mā́ vidan paripantʰíno āsī́danti dáṃpatī /
Halfverse: c    
sugéna durgám átītām ápa drāntv árātayaḥ //11//

Verse: 12 
Halfverse: a    
sáṃ kāśayāmi vahatúṃ bráhmaṇā gr̥haír ágʰoreṇa cákṣuṣā mitríyeṇa /
Halfverse: c    
paryā́ṇaddʰaṃ viśvárūpaṃ yád ásti syonáṃ pátibʰyaḥ savitā́ tát kr̥ṇotu //12//

Verse: 13 
Halfverse: a    
śivā́ nā́rīyám ástam ā́gann imáṃ dʰātā́ lokám asyaí dideśa /
Halfverse: c    
tā́m aryamā́ bʰágo aśvínobʰā́ prajā́patiḥ prajáyā vardʰayantu //13//

Verse: 14 
Halfverse: a    
ātmanváty urvárā nā́rīyám ā́gan tásyāṃ naro vapata bī́jam asyām /
Halfverse: c    
sā́ vaḥ prajā́ṃ janayad vakṣáṇābʰyo bíbʰratī dugdʰám r̥ṣabʰásya rétaḥ //14//

Verse: 15 
Halfverse: a    
práti tiṣṭʰa virā́ḍ asi víṣṇur ivehá sarasvati /
Halfverse: c    
sínīvāli prá jāyatāṃ bʰágasya sumatā́v asat //15//

Verse: 16 
Halfverse: a    
úd va ūrmíḥ śámyā hantv ā́po yóktrāṇi muñcata /
Halfverse: c    
mā́duṣkr̥tau vyènasāv agʰnyā́v áśunam ā́ratām //16//

Verse: 17 
Halfverse: a    
ágʰoracakṣur ápatigʰnī syonā́ śagmā́ suśévā suyámā gr̥hébʰyaḥ /
Halfverse: c    
vīrasū́r devŕ̥kāmā sáṃ tváyaidʰiṣīmahi sumasyámānā //17//

Verse: 18 
Halfverse: a    
ádevr̥gʰny ápatigʰnīhaídʰi śivā́ paśúbʰyaḥ suyámā suvárcāḥ /
Halfverse: c    
prajā́vatī vīrasū́r devŕ̥kāmā syonémám agníṃ gā́rhapatyaṃ saparya //18//

Verse: 19 
Halfverse: a    
út tiṣṭʰetáḥ kím icʰántīdám ā́gā aháṃ tveḍe abʰibʰū́ḥ svā́d gr̥hā́t /
Halfverse: c    
śūnyaiṣī́ nirr̥te yā́jagántʰót tiṣṭʰārāte prá pata méhá raṃstʰāḥ //19//

Verse: 20 
Halfverse: a    
yadā́ gā́rhapatyam ásaparyait pū́rvam agníṃ vadʰū́r iyám /
Halfverse: c    
ádʰā sárasvatyai nāri pitŕ̥bʰyaś ca námas kuru //20// {8}

Verse: 21 
Halfverse: a    
śarma vármaitád ā́ harāsyaí nā́ryā upastíre /
Halfverse: c    
sínīvāli prá jāyatāṃ bʰágasya sumatā́v asat //21//

Verse: 22 
Halfverse: a    
yáṃ bálbajaṃ nyásyatʰa cárma copastr̥ṇītʰána /
Halfverse: c    
tád ā́ rohatu suprajā́ yā́ kanyā̀ vindáte pátim //22//

Verse: 23 
Halfverse: a    
úpa str̥ṇīhi bálbajam ádʰi cármaṇi róhite /
Halfverse: c    
tátropavíśya suprajā́ imám agníṃ saparyatu //23//

Verse: 24 
Halfverse: a    
ā́ roha carmópa sīdāgním eṣá devó hanti rákṣāṃsi sárvā /
Halfverse: c    
ihá prajā́ṃ janaya pátye asmaí sujyaiṣṭʰyó bʰavat putrás ta eṣáḥ //24//

Verse: 25 
Halfverse: a    
tiṣṭʰantāṃ mātúr asyā́ upástʰān nā́nārūpāḥ paśávo jā́yamānāḥ /
Halfverse: c    
sumaṅgaly úpa sīdemám agníṃ sáṃpatnī práti bʰūṣehá devā́n //25//

Verse: 26 
Halfverse: a    
sumaṅgalī́ pratáraṇī gr̥hā́ṇāṃ suśévā pátye śváśurāya śaṃbʰū́ḥ /
Halfverse: c    
syonā́ śvaśrvaí prá gr̥hā́n viśemā́n //26//

Verse: 27 
Halfverse: a    
syonā́ bʰava śváśurebʰyaḥ syonā́ pátye gr̥hébʰyaḥ /
Halfverse: c    
syonā́syai sárvasyai viśé syonā́ puṣṭā́yaiṣāṃ bʰava //27//

Verse: 28 
Halfverse: a    
sumaṅgalī́r iyáṃ vadʰū́r imā́ṃ saméta páśyata /
Halfverse: c    
saúbʰāgyam asyaí dattvā́ daúrbʰāgyair vipáretana //28//

Verse: 29 
Halfverse: a    
yā́ durhā́rdo yuvatáyo yā́ś cehá járatīr ápi /
Halfverse: c    
várco nv àsyaí sáṃ dattā́tʰā́staṃ vipáretana //29//

Verse: 30 
Halfverse: a    
rukmáprastaraṇaṃ vahyáṃ víśvā rūpā́ṇi bíbʰratam /
Halfverse: c    
ā́rohat sūryā́ sāvitrī́ br̥haté saúbʰagāya kám //30// {9}

Verse: 31 
Halfverse: a    
ā́ roha tálpaṃ sumanasyámānehá prajā́ṃ janaya pátye asmaí /
Halfverse: c    
indrāṇī́va subúdʰā búdʰyamānā jyótiragrā uṣásaḥ práti jāgarāsi //31//

Verse: 32 
Halfverse: a    
devā́ agre ny àpadyanta pátnīḥ sám aspr̥śanta tanvàs tanū́bʰiḥ /
Halfverse: c    
sūryéva nāri viśvárūpā mahitvā́ prajā́vatī pátyā sáṃ bʰavehá //32//

Verse: 33 
Halfverse: a    
út tiṣṭʰetó viśvāvaso námaseḍāmahe tvā /
Halfverse: c    
jāmím icʰa pitr̥ṣádaṃ nyàktāṃ te bʰāgó janúṣā tásya viddʰi //33//

Verse: 34 
Halfverse: a    
apsarásaḥ sadʰamādaṃ madanti havirdʰā́nam antarā́ sū́ryaṃ ca /
Halfverse: c    
tā́s te janítram abʰí tā́ḥ párehi námas te gandʰarvartúnā kr̥ṇomi //34//

Verse: 35 
Halfverse: a    
námo gandʰarvásya námase námo bʰā́māya cákṣuṣe ca kr̥ṇmaḥ /
Halfverse: c    
víśvāvaso bráhmaṇā te námo 'bʰí jāyā́ apsarásaḥ párehi //35//

Verse: 36 
Halfverse: a    
rāyā́ vayáṃ sumánasaḥ syāmód itó gandʰarvám ā́vīvr̥tāma /
Halfverse: c    
ágant deváḥ paramáṃ sadʰástʰam áganma yátra pratiránta ā́yuḥ //36//

Verse: 37 
Halfverse: a    
sáṃ pitarāv ŕ̥tviye sr̥jetʰāṃ mātā́ pitā́ ca rétaso bʰavātʰaḥ /
Halfverse: c    
márya iva yóṣām ádʰi rohayaināṃ prajā́ṃ kr̥ṇvātʰām ihá puṣyataṃ rayím //37//

Verse: 38 
Halfverse: a    
tā́ṃ pūṣaṃ cʰivátamām érayasva yásyāṃ bī́jaṃ manuṣyā̀3 vápanti /
Halfverse: c    
yā́ na ūrū́ uśatī́ viśráyāti yásyām uśántaḥ prahárema śépaḥ //38//

Verse: 39 
Halfverse: a    
ā́ rohorúm úpa dʰatsva hástaṃ pári ṣvajasva jāyā́ṃ sumanasyámānaḥ /
Halfverse: c    
prajā́ṃ kr̥ṇvātʰām ihá módamānau dīrgʰáṃ vām ā́yuḥ savitā́ kr̥ṇotu //39//

Verse: 40 
Halfverse: a    
ā́ vāṃ prajā́ṃ janayatu prajā́patir ahorātrā́bʰyāṃ sám anaktv aryamā́ /
Halfverse: c    
ádurmaṅgalī patilokám ā́ viśemáṃ śáṃ no bʰava dvipáde śáṃ cátuṣpade //40// {10}

Verse: 41 
Halfverse: a    
devaír dattáṃ mánunā sākám etád vā́dʰūyaṃ vā́so vadʰvàś ca vástram /
Halfverse: c    
brahmáṇe cikitúṣe dádāti íd rákṣāṃsi tálpāni hanti //41//

Verse: 42 
Halfverse: a    
yáṃ me dattó brahmabʰāgáṃ vadʰūyór vā́dʰūyaṃ vā́so vadʰvàś ca vástram /
Halfverse: c    
yuváṃ brahmáṇe 'numányamānau bŕ̥haspate sākám índraś ca dattám //42//

Verse: 43 
Halfverse: a    
syonā́d yóner ádʰi bádʰyamānau hasāmudaú máhasā módamānau /
Halfverse: c    
sugū́ suputraú sugr̥haú tarātʰo jīvā́v uṣáso vibʰātī́ḥ //43//

Verse: 44 
Halfverse: a    
návaṃ vásānaḥ surabʰíḥ suvā́sā udā́gāṃ jīvá uṣáso vibʰātī́ḥ /
Halfverse: c    
āṇḍā́t patatrī́vāmukṣi víśvasmād énasas pári //44//

Verse: 45 
Halfverse: a    
śúmbʰanī dyā́vāpr̥tʰivī́ ántisumne máhivrate /
Halfverse: c    
ā́paḥ saptá susruvur devī́s tā́ no muñcantv áṃhasaḥ //45//

Verse: 46 
Halfverse: a    
sūryā́yai devébʰyo mitrā́ya váruṇāya ca /
Halfverse: c    
bʰūtásya prácetasas tébʰya idám akaraṃ námaḥ //46//

Verse: 47 
Halfverse: a    
r̥té cid abʰiśríṣaḥ purā́ jatrúbʰya ātŕ̥daḥ /
Halfverse: c    
sáṃdʰātā saṃdʰíṃ magʰávā purūvásur níṣkartā víhrutaṃ púnaḥ //47//

Verse: 48 
Halfverse: a    
ápāsmát táma ucʰatu nī́laṃ piśáṅgam utá lóhitaṃ yát /
Halfverse: c    
nirdahanī́ yā́ pr̥ṣātaky àsmín tā́ṃ stʰāṇā́v ádʰy ā́ sajāmi //48//

Verse: 49 
Halfverse: a    
yā́vatīḥ kr̥tyā́ upavā́sane yā́vanto rā́jño váruṇasya pā́śāḥ /
Halfverse: c    
vyr̥̀ddʰayo yā́ ásamr̥ddʰayo yā́ asmín tā́ stʰāṇā́v ádʰi sādayāmi //49//

Verse: 50 
Halfverse: a    
yā́ me priyátamā tanū́ḥ sā́ me bibʰāya vā́sasaḥ /
Halfverse: c    
tásyā́gre tváṃ vanaspate nīvíṃ kr̥ṇuṣva mā́ vayáṃ riṣāma //50// {11}

Verse: 51 
Halfverse: a    
ántā yā́vatīḥ síco ótavo ca tántavaḥ /
Halfverse: c    
vā́so yát pátnībʰir utáṃ tán na syonám úpa spr̥śāt //51//

Verse: 52 
Halfverse: a    
uśatī́ḥ kanyálā imā́ḥ pitr̥lokā́t pátiṃ yatī́ḥ /
Halfverse: c    
áva dīkṣā́m asr̥kṣata svā́hā //52//

Verse: 53 
Halfverse: a    
bŕ̥haspátinā́vasr̥ṣṭāṃ víśve devā́ adʰārayan /
Halfverse: c    
várco góṣu práviṣṭaṃ yát ténemā́ṃ sáṃ sr̥jāmasi //53//

Verse: 54 
Halfverse: a    
bŕ̥haspátinā́vasr̥ṣṭāṃ víśve devā́ adʰārayan /
Halfverse: c    
téjo góṣu práviṣṭaṃ yát ténemā́ṃ sáṃ sr̥jāmasi //54//

Verse: 55 
Halfverse: a    
bŕ̥haspátinā́vasr̥ṣṭāṃ víśve devā́ adʰārayan /
Halfverse: c    
bʰájo góṣu práviṣṭo yás ténemā́ṃ sáṃ sr̥jāmasi //55//

Verse: 56 
Halfverse: a    
bŕ̥haspátinā́vasr̥ṣṭāṃ víśve devā́ adʰārayan /
Halfverse: c    
yáśo góṣu práviṣṭaṃ yát ténemā́ṃ sáṃ sr̥jāmasi //56//

Verse: 57 
Halfverse: a    
bŕ̥haspátinā́vasr̥ṣṭāṃ víśve devā́ adʰārayan /
Halfverse: c    
páyo góṣu práviṣṭaṃ yát ténemā́ṃ sáṃ sr̥jāmasi //57//

Verse: 58 
Halfverse: a    
bŕ̥haspátinā́vasr̥ṣṭāṃ víśve devā́ adʰārayan /
Halfverse: c    
ráso góṣu práviṣṭo yás ténemā́ṃ sáṃ sr̥jāmasi //58//

Verse: 59 
Halfverse: a    
yádīmé keśíno jánā gr̥hé te samánartiṣū ródena kr̥ṇvánto 'gʰám /
Halfverse: c    
agníṣ ṭvā tásmād énasaḥ savitā́ ca prá muñcatām //59//

Verse: 60 
Halfverse: a    
yádīyáṃ duhitā́ táva vikeśy árudad gr̥hé ródena kr̥ṇvaty agʰám /
Halfverse: c    
agníṣ ṭvā tásmād énasaḥ savitā́ ca prá muñcatām //60// {12}

Verse: 61 
Halfverse: a    
yáj jāmáyo yád yuvatáyo gr̥hé te samánartiṣū ródena kr̥ṇvatī́r agʰám /
Halfverse: c    
agníṣ ṭvā tásmād énasaḥ savitā́ ca prá muñcatām //61//

Verse: 62 
Halfverse: a    
yát te prajā́yāṃ paśúṣu yád gr̥héṣu níṣṭʰitam agʰakŕ̥dbʰir agʰáṃ kr̥tám /
Halfverse: c    
agníṣ ṭvā tásmād énasaḥ savitā́ ca prá muñcatām //62//

Verse: 63 
Halfverse: a    
iyáṃ nā́ry úpa brūte pū́lyāny āvapantikā́ /
Halfverse: c    
dīrgʰā́yur astu me pátir jī́vāti śarádaḥ śatám //63//

Verse: 64 
Halfverse: a    
ihémā́v indra sáṃ nuda cakravākéva dáṃpatī /
Halfverse: c    
prajáyainau svastakaú víśvam ā́yur vy àśnutām //64//

Verse: 65 
Halfverse: a    
yád āsandyā́m upadʰā́ne yád vopavā́sane kr̥tám /
Halfverse: c    
vivāhé kr̥tyā́ṃ yā́ṃ cakrúr āsnā́ne tā́ṃ dadʰmasi //65//

Verse: 66 
Halfverse: a    
yád duṣkr̥táṃ yác cʰámalaṃ vivāhé vahataú ca yát /
Halfverse: c    
tát saṃbʰalásya kambalé mr̥jmáhe duritáṃ vayám //66//

Verse: 67 
Halfverse: a    
saṃbʰalé málaṃ sādayitvā́ kambalé duritáṃ vayám /
Halfverse: c    
ábʰūma yajñíyāḥ śuddʰā́ḥ prá ṇa ā́yūṃṣi tāriṣat //67//

Verse: 68 
Halfverse: a    
kr̥trímaḥ káṇṭakaḥ śatádan eṣáḥ /
Halfverse: c    
ápāsyā́ḥ kéśyaṃ málam ápa śīrṣaṇyàṃ likʰāt //68//

Verse: 69 
Halfverse: a    
áṅgādaṅgād vayám asyā́ ápa yákṣmaṃ dadʰmasi /
Halfverse: c    
tán mā́ prā́pat pr̥tʰivī́ṃ mótá devā́n dívaṃ mā́ prā́pad urv àntárikṣam /
Halfverse: e    
apó mā́ prā́pan málam etád agne yamám mā́ prā́pat pitŕ̥̄ṃś ca sárvān //69//

Verse: 70 
Halfverse: a    
sáṃ tvā nahyāmi páyasā pr̥tʰivyā́ḥ sáṃ tvā nahyāmi páyasaúṣadʰīnām /
Halfverse: c    
sáṃ tvā nahyāmi prajáyā dʰánena sā́ sáṃnaddʰā sanuhi vā́jam émám //70// {13}

Verse: 71 
Halfverse: a    
ámo 'hám asmi sā́ tvaṃ sā́māhám asmy ŕ̥k tváṃ dyaúr aháṃ pr̥tʰivī́ tvam /
Halfverse: c    
tā́v ihá sáṃ bʰavāva prajā́m ā́ janayāvahai //71//

Verse: 72 
Halfverse: a    
janiyánti nāv ágravaḥ putriyánti sudā́navaḥ /
Halfverse: c    
áriṣṭāsū sacevahi br̥haté vā́jasātaye //72//

Verse: 73 
Halfverse: a    
pitáro vadʰūdarśā́ imáṃ vahatúm ā́gaman /
Halfverse: c    
asyaí vadʰvaì sáṃpatnyai prajā́vac cʰárma yacʰantu //73//

Verse: 74 
Halfverse: a    
yédáṃ pū́rvā́gan raśanāyámānā prajā́m asyaí dráviṇaṃ cehá dattvā́ /
Halfverse: c    
tā́ṃ vahantv ágatasyā́nu pántʰāṃ virā́ḍ iyáṃ suprajā́ áty ajaiṣīt //74//

Verse: 75 
Halfverse: a    
prá budʰyasva subúdʰā búdʰyamānā dīrgʰāyutvā́ya śatáśāradāya /
Halfverse: c    
gr̥hā́n gacʰa gr̥hápatnī yátʰā́so dīrgʰáṃ ta ā́yuḥ savitā́ kr̥ṇotu //75// {14}



Book: 15 
15
Hymn: 1 


Verse: 1 
Halfverse: a    
vrā́tya āsīd ī́yamāna evá prajā́patiṃ sám airayat //1//

Verse: 2 
Halfverse: a    
prajā́patiḥ suvárṇam ātmánn apaśyat tát prā́janayat //2//

Verse: 3 
Halfverse: a    
tád ékam abʰavat tál lalā́mam abʰavat tán mahád abʰavat táj jyeṣṭʰám abʰavat tád /
Halfverse: c    
bráhmābʰavat tát tápo 'bʰavat tát satyám abʰavat téna prā́jāyata //3//

Verse: 4 
Halfverse: a    
'vardʰata mahā́n abʰavat mahādevó 'bʰavat //4//

Verse: 5 
Halfverse: a    
devā́nām īśā́ṃ páry ait ī́śāno 'bʰavat //5//

Verse: 6 
Halfverse: a    
ekavrātyó bʰavat dʰánur ā́datta tád evéndradʰanúḥ //6//

Verse: 7 
Halfverse: a    
nī́lam asyodáraṃ lóhitaṃ pr̥ṣṭʰám //7//

Verse: 8 
Halfverse: a    
nī́lenaivā́priyaṃ bʰrā́tr̥vyaṃ prórṇoti lóhitena dviṣántaṃ vidʰyatī́ti brahmavādíno vadanti //8//

Hymn: 2 
Verse: 1 
Halfverse: a_[2,1]    
úd atiṣṭʰat prā́cīṃ díśam ánu vy àcalat //1//
Halfverse: b_[2,2]    
táṃ br̥hác ca ratʰaṃtaráṃ cādityā́ś ca víśve ca devā́ anuvyàcalan //2//
Halfverse: c_[2,3]    
br̥haté ca vaí ratʰaṃtarā́ya cādityébʰyaś ca víśvebʰyaś ca devébʰya ā́ vr̥ścate eváṃ vidvā́ṃsaṃ vrā́tyam upavádati //3//
Halfverse: d_[2,4]    
br̥hatáś ca vaí ratʰaṃtarásya cādityā́nāṃ ca víśveṣāṃ ca devā́nāṃ priyáṃ dʰā́ma bʰavati eváṃ véda //4//
Halfverse: e_[2,5]    
tásya prā́cyāṃ diśí śraddʰā́ puṃścalī́ mitró māgadʰó vijñā́naṃ vásó 'har uṣṇī́ṣaṃ rā́trī kéśā háritau pravartaú kalmalír maṇíḥ //5//
Halfverse: f_[2,6]    
bʰūtáṃ ca bʰaviṣyác ca pariṣkandaú máno vipatʰám //6//
Halfverse: f_[2,7]    
mātaríśvā ca pávamānaś ca vipatʰavāhaú vā́taḥ sā́ratʰī reṣmā́ pratodáḥ kīrtíś ca yáśaś ca puraḥsaraú //7//
Halfverse: g_[2,8]    
aínaṃ kīrtír gacʰaty ā́ yáśo gacʰati eváṃ véda //8// [1]

Verse: 2 
Halfverse: a_[2,9]    
úd atiṣṭʰat dákṣiṇāṃ díśam ánu vy àcalat //9//
Halfverse: b_[2,10]    
táṃ yajñāyajñíyaṃ ca vaí vāmadevyáṃ ca yajñáś ca yájamānaś ca paśávaś cānuvyàcalan //10//
Halfverse: c_[2,11]    
yajñāyajñíyāya ca vaí vāmadevyā́ya ca yajñā́ya ca yájamānāya ca paśúbʰyaś cā́ vr̥ścate eváṃ vidvā́ṃsaṃ vrā́tyam upavádati //11//
Halfverse: d_[2,12]    
yajñāyajñíyasya ca vaí vāmadevyásya ca yajñásya ca yájamānasya ca paśūnā́ṃ ca priyáṃ dʰā́ma bʰavati eváṃ véda //12//
Halfverse: e_[2,13]    
tásya dákṣiṇāyāṃ diśy ùṣā́ḥ puṃścalī́ mántro māgadʰó vijñā́naṃ vā́só 'har uṣṇī́ṣaṃ rā́trī kéśā háritau pravartaú kalmalír maṇíḥ //13//
Halfverse: f_[2,14]    
amāvāsyā̀ ca paurṇamāsī́ ca pariṣkandaú máno vipatʰám /
      
mātaríśvā ca pávamānaś ca vipatʰavāhaú vātáḥ sā́ratʰī reṣmā́ pratodáḥ kīrtíś ca yáśaś ca puraḥsaraú /
Halfverse: g_[2,14]    
aínaṃ kīrtír gacʰaty ā́ yáśo gacʰati eváṃ véda //14// [2]

Verse: 3 
Halfverse: a_[2,15]    
úd atiṣṭʰat pratī́cīṃ díśam ánu vy àcalat //15//
Halfverse: b_[2,16]    
táṃ vairūpáṃ ca vairājáṃ cā́paś ca váruṇaś ca rā́jānuvyàcalan //16//
Halfverse: c_[2,17]    
vairūpā́ya ca vaí vairājā́ya cādbʰyáś ca váruṇāya ca rā́jña ā́ vr̥ścate eváṃ vidvā́ṃsaṃ vrā́tyam upavádati //17//
Halfverse: d_[2,18]    
vairūpásya ca vaí vairājásya cāpā́ṃ ca váruṇasya ca rā́jñaḥ priyáṃ dʰā́ma bʰavati eváṃ véda //18//
Halfverse: e_[2,19]    
tásya pratī́cyāṃ diśī́rā́ puṃścalī́ háso māgadʰó vijñā́naṃ vā́só 'har uṣṇī́ṣaṃ rā́trī kéśā háritau pravartaú kalmalír maṇíḥ //19//
Halfverse: f_[2,20]    
áhaś ca rā́trī ca pariṣkandaú máno vipatʰám /
      
mātaríśvā ca pávamānaś ca vipatʰavāhaú vātáḥ sā́ratʰī reṣmā́ pratodáḥ kīrtíś ca yáśaś ca puraḥsaraú /
Halfverse: g_[2,20]    
aínaṃ kīrtír gacʰaty ā́ yáśo gacʰati eváṃ véda //20// [3]

Verse: 4 
Halfverse: a_[2,21]    
úd atiṣṭʰat údīcīṃ díśam ánu vy àcalat //21//
Halfverse: b_[2,22]    
táṃ śyaitám ca naudʰasáṃ ca saptarṣáyaś ca sómaś ca rā́jānuvyàcalan //22//
Halfverse: c_[2,23]    
śyaitā́ya ca vaí naudʰasā́ya ca saptarṣíbʰyaś ca sómāya ca rā́jña ā́ vr̥ścate eváṃ vidvā́ṃsaṃ vrā́tyam upavádati //23//
Halfverse: d_[2,24]    
śyaitásya ca vaí naudʰasásya ca saptarṣīṇā́ṃ ca sómasya ca rā́jñaḥ priyáṃ dʰā́ma bʰavati eváṃ véda //24//
Halfverse: e_[2,25]    
tásyódīcyāṃ diśí vidyút puṃścalī́ stanayitnúr māgadʰó vijñā́naṃ vā́só 'har uṣṇī́ṣaṃ rā́trī kéśā háritau pravartaú kalmalír maṇíḥ //25//
Halfverse: f_[2,26]    
śrutáṃ ca víśrutaṃ ca pariṣkandaú máno vipatʰám //26//
Halfverse: f_[2,27]    
mātaríśvā ca pávamānaś ca vipatʰavāhaú vā́taḥ sā́ratʰī reṣmā́ pratodáḥ /
      
kīrtíś ca yáśaś ca puraḥsaraú //27//
Halfverse: g_[2,28]    
aínaṃ kīrtír gacʰaty ā́ yáśo gacʰati eváṃ véda //28// [4]

Hymn: 3 
Verse: 1 
Halfverse: a    
saṃvatsarám ūrdʰvó 'tiṣṭʰat táṃ devā́ abruvan vrā́tya kíṃ tiṣṭʰasī́ti //1//

Verse: 2 
Halfverse: a    
'bravīd āsandī́ṃ me sáṃ bʰarantv íti //2//

Verse: 3 
Halfverse: a    
tásmai vrā́tyāyāsandī́ṃ sám abʰaran //3//

Verse: 4 
Halfverse: a    
tásyā grīṣmáś ca vasantáś ca dvaú pā́dāv ā́stāṃ śarác ca varṣā́ś ca dvaú //4//

Verse: 5 
Halfverse: a    
br̥hác ca ratʰaṃtaráṃ cānūcyè3 ā́stāṃ yajñāyajñíyaṃ ca vāmadevyáṃ ca tiraścyè //5//

Verse: 6 
Halfverse: a    
ŕ̥caḥ prā́ñcas tántavo yájūṃṣi tiryáñcaḥ //6//

Verse: 7 
Halfverse: a    
véda āstáraṇaṃ bráhmopabárhaṇam //7//

Verse: 8 
Halfverse: a    
sā́māsādá udgītʰó 'paśrayáḥ //8//

Verse: 9 
Halfverse: a    
tā́m āsandī́ṃ vrā́tya ā́rohat //9//

Verse: 10 
Halfverse: a    
tásya devajanā́ḥ pariṣkandā́ ā́sant saṃkalpā́ḥ prahāyyā̀3 víśvāni bʰūtā́ny upasádaḥ //10//

Verse: 11 
Halfverse: a    
víśvāny evā́sya bʰūtā́ny upasádo bʰavanti eváṃ véda //11//

Hymn: 4 
Verse: 1 
Halfverse: a_[4,1]    
tásmai prā́cyā diśáḥ //1//
Halfverse: b_[4,2]    
vāsantaú mā́sau goptā́rāv ákurvan br̥hác ca ratʰaṃtaráṃ cānuṣṭʰātā́rau //2//
Halfverse: c_[4,3]    
vāsantā́v enaṃ mā́sau prā́cyā diśó gopāyato br̥hác ca ratʰaṃtaráṃ cā́nu tiṣṭʰato eváṃ véda //3// [1]

Verse: 2 
Halfverse: a_[4,4]    
tásmai dákṣiṇāyā diśáḥ //4//
Halfverse: b_[4,5]    
graíṣmau mā́sau goptā́rāv ákurvan yajñāyajñíyaṃ ca vāmadevyáṃ cānuṣṭʰātā́rau //5//
Halfverse: c_[4,6]    
graíṣmāv enaṃ mā́sau dákṣiṇāyā diśó gopāyato yajñāyajñíyaṃ ca vāmadevyáṃ cā́nu tiṣṭʰato eváṃ véda //6// [2]

Verse: 3 
Halfverse: a_[4,7]    
tásmai pratī́cyā diśáḥ //7//
Halfverse: b_[4,8]    
vā́rṣikau mā́sau goptā́rāv ákurvan vairūpáṃ ca vairājáṃ cānuṣṭʰātā́rau //8//
Halfverse: c_[4,9]    
vā́rṣikāv enaṃ mā́sau pratī́cyā diśó gopāyato vairūpáṃ ca vairājáṃ cā́nu tiṣṭʰato eváṃ véda //9// [3]

Verse: 4 
Halfverse: a_[4,10]    
tásmā údīcyā diśáḥ //10//
Halfverse: b_[4,11]    
śāradaú mā́sau goptā́rāv ákurvaṃ cʰyaitáṃ ca naudʰasáṃ cānuṣṭʰātā́rau //11//
Halfverse: c_[4,12]    
śāradā́v enaṃ mā́sāv údīcyā diśó gopāyataḥ śyaitáṃ ca naudʰasáṃ cā́nu tiṣṭʰato eváṃ véda //12// [4]

Verse: 5 
Halfverse: a_[4,13]    
tásmai dʰruvā́yā diśáḥ //13//
Halfverse: b_[4,14]    
haimanaú mā́sau goptā́rāv ákurvan bʰū́miṃ cāgníṃ cānuṣṭʰātā́rau //14//
Halfverse: c_[4,15]    
haimanā́v enaṃ mā́sau dʰruvā́yā diśó gopāyato bʰū́miś cāgníś cā́nu tiṣṭʰato eváṃ véda //15// [5]

Verse: 6 
Halfverse: a_[4,16]    
tásmā ūrdʰvā́yā diśáḥ //16//
Halfverse: b_[4,17]    
śaiśiraú mā́sau goptā́rāv ákurvan dívaṃ cādityáṃ cānuṣṭʰātā́rau //17//
Halfverse: c_[4,18]    
śaiśirā́v enaṃ mā́sāv ūrdʰvā́yā diśó gopāyato dyaúś cādityáś cā́nu tiṣṭʰato eváṃ véda //18// [6]

Hymn: 5 
Verse: 1 
Halfverse: a_[5,1]    
tásmai prā́cyā diśó antardeśā́d bʰavám iṣvāsám anuṣṭʰātā́ram akurvan //1// [1]
Halfverse: b_[5,2]    
bʰáva enam iṣvāsáḥ prā́cyā diśó antardeśā́d anuṣṭʰātā́nu tiṣṭʰati //2//
Halfverse: b_[5,3]    
naínaṃ śarvó bʰavó néśāno nā́sya paśū́n samānā́n hinasti eváṃ véda //3// [1]

Verse: 2 
Halfverse: a_[5,4]    
tásmai dákṣiṇāyā diśó antardeśā́c cʰarvám iṣvāsám anuṣṭʰātā́ram akurvan //4//
Halfverse: b_[5,5]    
śarvá enam iśvāsó dákṣiṇāyā diśó antardeśā́d anuṣṭʰātā́nu tiṣṭʰati naínaṃ śarvó bʰavó néśāno nā́sya paśū́n samānā́n hinasti eváṃ véda //5// [2]

Verse: 3 
Halfverse: a_[5,6]    
tásmai pratī́cyā diśó antardeśā́t paśupátim iṣvāsám anuṣṭʰātā́ram akurvan //6//
Halfverse: b_[5,7]    
paśupátir enam iṣvāsáḥ pratī́cyā diśó antardeśā́d anuṣṭʰātā́nu tiṣṭʰati naínaṃ śarvó bʰavó néśano nā́sya paśū́n samānā́n hinasti eváṃ véda //7// [3]

Verse: 4 
Halfverse: a_[5,8]    
tásmā údīcyā diśó antardeśā́d ugráṃ devám iṣvāsám anuṣṭʰātā́ram akurvan //8//
Halfverse: b_[5,9]    
ugrá enaṃ devá iṣvāsá údīcyā diśó antardeśā́d anuṣṭʰātā́nu tiṣṭʰati naínaṃ śarvó na bʰavó néśāno nā́sya paśū́n samānā́n hinasti eváṃ véda //9// [4]

Verse: 5 
Halfverse: a_[5,10]    
tásmai dʰruvā́yā diśó antardeśā́d rudrám iṣvāsám anuṣṭʰātā́ram akurvan //10//
Halfverse: b_[5,11]    
rudrá enam iṣvāsó dʰruvā́yā diśó antardeśā́d anuṣṭʰātā́nu tiṣṭʰati naínaṃ śarvó na bʰavó néśāno nā́sya paśū́n samānā́n hinasti eváṃ véda //11// [5]

Verse: 6 
Halfverse: a_[5,12]    
tásmā ūrdʰvā́yā diśó antardeśā́n mahādevám iṣvāsám anuṣṭʰātā́ram akurvan //12//
Halfverse: b_[5,13]    
mahādevá enam iṣvāsá ūrdʰvā́yā diśó antardeśā́d anuṣṭʰātā́nu tiṣṭʰati naínaṃ śarvó bʰavó néśāno nā́sya paśū́n samānā́n hinasti eváṃ véda //13// [6]

Verse: 7 
Halfverse: a_[5,14]    
tásmai sárvebʰyo antardeśébʰya ī́śānam iṣvāsám anuṣṭʰātā́ram akurvan //14//
Halfverse: b_[5,15]    
ī́śāna enam iṣvāsáḥ sárvebʰyo antardeśébʰyo 'nuṣṭʰātā́nu tiṣṭʰati //15//
Halfverse: b_[5,16]    
naínaṃ śarvó bʰavó néśāno nā́sya paśū́n samānā́n hinasti eváṃ véda //16// [7]

Hymn: 6 
Verse: 1 
Halfverse: a_[6,1]    
dʰruvā́ṃ díśam ánu vy àcalat //1//
Halfverse: b_[6,2]    
táṃ bʰū́miś cāgníś caúṣadʰayaś ca vánaspátayaś ca vānaspatyā́ś ca vīrúdʰaś cānuvyàcalan //2//
Halfverse: c_[6,3]    
bʰū́meś ca vaí sò3 'gnéś caúṣadʰīnāṃ ca vánaspátīnāṃ ca vānaspatyā́nāṃ /
      
ca vīrúdʰāṃ ca priyáṃ dʰā́ma bʰavati eváṃ véda //3// [1]

Verse: 2 
Halfverse: a_[6,4]    
ūrdʰvā́ṃ díśam ánu vy àcalat //4//
Halfverse: b_[6,5]    
tám r̥táṃ ca satyáṃ ca sū́ryaś ca candráś ca nákṣatrāṇi cānuvyàcalan //5//
Halfverse: c_[6,6]    
r̥tásya ca vaí satyásya ca sū́ryasya ca candrásya ca nákṣatrāṇāṃ ca /
      
priyáṃ dʰā́ma bʰavati eváṃ véda //6// [2]

Verse: 3 
Halfverse: a_[6,7]    
uttamā́ṃ díśam ánu vy àcalat //7//
Halfverse: b_[6,8]    
tám ŕ̥caś ca sā́māni ca yájūṃṣi ca bráhma cānuvyàcalan //8//
Halfverse: c_[6,9]    
r̥cā́ṃ ca vaí sā́mnāṃ ca yájuṣāṃ ca bráhmaṇaś ca priyáṃ dʰā́ma bʰavati eváṃ véda //9// [3]

Verse: 4 
Halfverse: a_[6,10]    
br̥hatī́ṃ díśam ánu vy àcalat //10//
Halfverse: b_[6,11]    
tám itihāsáś ca purāṇáṃ ca gā́tʰāś ca nārāśaṃsī́ś cānuvyàcalan //11//
Halfverse: c_[6,12]    
itihāsásya ca vaí purāṇásya ca gā́tʰānāṃ ca nārāśaṃsī́nāṃ ca priyáṃ dʰā́ma bʰavati eváṃ véda //12// [4]

Verse: 5 
Halfverse: a_[6,13]    
paramā́ṃ díśam ánu vy àcalat //13//
Halfverse: b_[6,14]    
tám āhavanī́yaś ca gā́rhapatyaś ca dakṣiṇāgníś ca yajñáś ca yájamānaś ca paśávaś cānuvyàcalan //14//
Halfverse: c_[6,15]    
āhavanī́yasya ca vaí gā́rhapatyasya ca dakṣiṇāgnéś ca yajñásya ca yájamānasya ca paśūnā́ṃ ca priyáṃ dʰā́ma bʰavati eváṃ véda //15// [5]

Verse: 6 
Halfverse: a_[6,16]    
'nādiṣṭāṃ díśam ánu vy àcalat //16//
Halfverse: b_[6,17]    
tám r̥távaś cārtavā́ś ca lokā́ś ca laukyā́ś ca mā́sāś cārdʰamāsā́ś cāhorātré cānuvyàcalan //17//
Halfverse: c_[6,18]    
r̥tūnā́ṃ ca vaí ārtavā́nāṃ ca lokā́nāṃ ca laukyā́nāṃ ca mā́sānāṃ cārdʰamāsā́nāṃ cāhorātráyoś ca priyáṃ dʰā́ma bʰavati eváṃ véda //18// [6]

Verse: 7 
Halfverse: a_[6,19]    
'nāvr̥ttāṃ díśam ánu vy àcalat táto nā́vartsyánn amanyata //19//
Halfverse: b_[6,20]    
tám dítiś cā́ditiś céḍā cendrāṇī́ cānuvyàcalan //20//
Halfverse: c_[6,21]    
díteś ca vaí 'diteś céḍāyā́ś cendrāṇyā́ś ca priyáṃ dʰā́ma bʰavati eváṃ véda //21// [7]

Verse: 8 
Halfverse: a_[6,22]    
díśó 'nu vy àcalat táṃ virā́ḍ ánu vy àcalat sárve ca devā́ḥ sárvāś ca devátāḥ //22//
Halfverse: b_[6,23]    
virā́jaś ca vaí sárveṣāṃ ca devā́nāṃ sárvāsāṃ ca devátānāṃ priyáṃ dʰā́ma bʰavati eváṃ véda //23// [8]

Verse: 9 
Halfverse: a_[6,24]    
sárvān antardeśā́n ánu vy àcalat //24//
Halfverse: b_[6,25]    
táṃ prajā́patiś ca parameṣṭʰī́ ca pitā́ ca pitāmaháś cānuvyàcalan //25//
Halfverse: c_[6,26]    
prajā́pateś ca vaí parameṣṭʰínaś ca pitúś ca pitāmahásya ca priyáṃ dʰā́ma bʰavati eváṃ véda //26// [9]

Hymn: 7 
Verse: 1 
Halfverse: a    
mahimā́ sádrur bʰūtvā́ntaṃ pr̥tʰivyā́ agacʰat samudró 'bʰavat //1//

Verse: 2 
Halfverse: a    
táṃ prajā́patiś ca parameṣṭʰī́ ca pitā́ ca pitāmaháś cā́paś ca śraddʰā́ ca varṣáṃ bʰūtvā́nuvyàvartayanta //2//

Verse: 3 
Halfverse: a    
aínam ā́po gacʰaty aínaṃ śraddʰā́ gacʰaty aínaṃ varṣáṃ gacʰati eváṃ véda //3//

Verse: 4 
Halfverse: a    
táṃ śraddʰā́ ca yajñáś ca lokáś cā́nnaṃ cānnā́dyaṃ ca bʰūtvā́bʰiparyā́vartanta //4//

Verse: 5 
Halfverse: a    
aínaṃ śraddʰā́ gacʰaty aínaṃ yajñó gacʰaty aínaṃ lokó gacʰaty aínam ánnaṃ gacʰaty aínam annā́dyaṃ gacʰati eváṃ véda //5//

Hymn: 8 
Verse: 1 
Halfverse: a    
'rajyata táto rājanyò 'jāyata //1//

Verse: 2 
Halfverse: a    
víśaḥ sábandʰūn ánnam annā́dyam abʰyúdatiṣṭʰat //2//

Verse: 3 
Halfverse: a    
viśā́ṃ ca vaí sábandʰūnāṃ cā́nnasya cānnā́dyasya ca priyáṃ dʰā́ma bʰavati eváṃ véda //3//

Hymn: 9 
Verse: 1 
Halfverse: a    
viśó 'nu vy àcalat //1//

Verse: 2 
Halfverse: a    
táṃ sabʰā́ ca sámitiś ca sénā ca śúrā cānuvyàcalan //2//

Verse: 3 
Halfverse: a    
sabʰā́yāś ca vaí sámiteś ca sénāyāś ca súrāyāś ca priyáṃ dʰā́ma bʰavati eváṃ véda //3//

Hymn: 10 
Verse: 1 
Halfverse: a    
tád yásyaiváṃ vidvā́n vrā́tyo rā́jñó 'titʰir gr̥hā́n āgácʰet //1//

Verse: 2 
Halfverse: a    
śréyāṃsam enam ātmáno mānayet tátʰā kṣatrā́ya nā́ vr̥ścate tátʰā rāṣṭrā́ya nā́ vr̥ścate //2//

Verse: 3 
Halfverse: a    
áto vaí bráhma ca kṣatráṃ cód atiṣṭʰatāṃ abrūtāṃ káṃ prá viśāvéti //3//

Verse: 4 
Halfverse: a    
áto vaí bŕ̥haspátim evá bráhma prá viśatv índraṃ kṣatráṃ tátʰā vā́ íti //4//

Verse: 5 
Halfverse: a    
áto vaí bŕ̥haspátim evá brahma prā́viśad índraṃ kṣatráṃ //5//

Verse: 6 
Halfverse: a    
iyáṃ vā́ u pr̥tʰivī́ bŕ̥haspátir dyaúr evéndraḥ //6//

Verse: 7 
Halfverse: a    
ayáṃ vā́ u agnír bráhmāsā́v ādityáḥ kṣatrám //7//

Verse: 8 
Halfverse: a    
aínaṃ bráhma gacʰati brahmavarcasī́ bʰavati //8//

Verse: 9 
Halfverse: a    
yáḥ pr̥tʰivī́ṃ bŕ̥haspátim agníṃ brahma véda //9//

Verse: 10 
Halfverse: a    
aínam indriyáṃ gacʰatīndriyávān bʰavati //10//

Verse: 11 
Halfverse: a    
ādityáṃ kṣatráṃ dívam índraṃ véda //11//

Hymn: 11 
Verse: 1 
Halfverse: a    
tád yásyaiváṃ vidvā́n vrā́tyó 'titʰir gr̥hā́n āgácʰet //1//

Verse: 2 
Halfverse: a    
svayám enam abʰyudétya brūyād vrā́tya kvā̀vātsīr vrā́tyodakáṃ vrā́tya tarpáyantu vrā́tya yátʰā te priyáṃ tátʰāstu vrā́tya yátʰā te váśas tátʰāstu vrā́tya yátʰā te nikāmás tátʰāstv íti //2//

Verse: 3 
Halfverse: a    
yád enam ā́ha vrā́tya kvā̀vātsīr íti patʰá evá téna devayā́nān áva runddʰe //3//

Verse: 4 
Halfverse: a    
yád enam ā́ha vrātyodakám íty apá evá ténā́va runddʰe //4//

Verse: 5 
Halfverse: a    
yád enam ā́ha vrā́tya tarpáyantv íti prāṇám evá téna várṣīyāṃsaṃ kurute //5//

Verse: 6 
Halfverse: a    
yád enam ā́ha vrā́tya yátʰā te priyáṃ tátʰāstv íti priyám evá ténā́va runddʰe //6//

Verse: 7 
Halfverse: a    
aínaṃ priyáṃ gacʰati priyáḥ priyásya bʰavati eváṃ véda //7//

Verse: 8 
Halfverse: a    
yád enam ā́ha vrā́tya yátʰā te váśas tátʰāstv íti váśam evá ténā́va runddʰe //8//

Verse: 9 
Halfverse: a    
aínaṃ váśo gacʰati vaśī́ vaśínāṃ bʰavati eváṃ véda //9//

Verse: 10 
Halfverse: a    
yád enam ā́ha vrā́tya yátʰā te nikāmás tátʰāstv íti nikāmám evá ténā́va runddʰe //10//

Verse: 11 
Halfverse: a    
aínaṃ nikāmó gacʰati nikāmé nikāmásya bʰavati eváṃ véda //11//

Hymn: 12 
Verse: 1 
Halfverse: a    
tád yásyaiváṃ vidvā́n vrā́tya úddʰr̥teṣv agníṣu ádʰiśrite 'gnihotré 'titʰir gr̥hā́n āgácʰet //1//

Verse: 2 
Halfverse: a    
svayám enam abʰyudétya brūyād vrā́tyā́ti sr̥ja hoṣyā́mī́ti //2//

Verse: 3 
Halfverse: a    
cātisr̥jéj juhuyā́n cātisr̥jén juhuyāt //3//

Verse: 4 
Halfverse: a    
eváṃ vidúṣā vrā́tyenā́tisr̥ṣṭo juhóti //4//

Verse: 5 
Halfverse: a    
prá pitr̥yā́ṇaṃ pántʰāṃ jānāti prá devayā́nam //5//

Verse: 6 
Halfverse: a    
devéṣv ā́ vr̥ścate hutám asya bʰavati //6//

Verse: 7 
Halfverse: a    
páry asyāsmíṃl loká āyátanaṃ śiṣyate eváṃ vidúṣā vrā́tyenā́tisr̥ṣṭo juhóti //7//

Verse: 8 
Halfverse: a    
átʰa eváṃ vidúṣā vrā́tyenā́natisr̥ṣṭo juhóti //8//

Verse: 9 
Halfverse: a    
pitr̥yā́ṇaṃ pántʰāṃ jānāti devayā́nam //9//

Verse: 10 
Halfverse: a    
ā́ devéṣu vr̥ścate ahutám asya bʰavati //10//

Verse: 11 
Halfverse: a    
nā́syāsmíṃl loká āyátanaṃ śiṣyate eváṃ vidúṣā vrā́tyenā́natisr̥ṣṭo juhóti //11//

Hymn: 13 
Verse: 1 
Halfverse: a_[13,1]    
tád yásyaiváṃ vidvā́n vrā́tya ékāṃ rā́trim átitʰir gr̥hé vásati //1//
Halfverse: b_[13,2]    
pr̥tʰivyā́ṃ púnyā lokā́s tā́n evá ténā́va runddʰe //2// [1]

Verse: 2 
Halfverse: a_[13,3]    
tád yásyaiváṃ vidvā́n vrā́tyo dvitī́yāṃ rā́trim átitʰir gr̥hé vásati //3//
Halfverse: b_[13,4]    
'ntárikṣe púnyā lokā́s tā́n evá ténā́va runddʰe //4// [2]

Verse: 3 
Halfverse: a_[13,5]    
tád yásyaiváṃ vidvā́n vrā́tyas tr̥tī́yāṃ rā́trim átitʰir gr̥hé vásati //5//
Halfverse: b_[13,6]    
diví púnyā lokā́s tā́n evá ténā́va runddʰe //6// [3]

Verse: 4 
Halfverse: a_[13,7]    
tád yásyaiváṃ vidvā́n vrā́tyaś caturtʰī́ṃ rā́trim átitʰir gr̥hé vásati //7//
Halfverse: b_[13,8]    
púṇyānāṃ púnyā lokā́s tā́n evá ténā́va runddʰe //8// [4]

Verse: 5 
Halfverse: a_[13,9]    
tád yásyaiváṃ vidvā́n vrā́tyó 'parimitā rā́trīr átitʰir gr̥hé vásati //9//
Halfverse: b_[13,10]    
evā́parimitāḥ púnyā lokā́s tā́n evá ténā́va runddʰe //10// [5]

Verse: 6 
Halfverse: a_[13,11]    
átʰa yásyā́vrātyo vrātyabruvó nāmabibʰraty átitʰir gr̥hā́n āgácʰet //11// [6]

Verse: 7 
Halfverse: a_[13,12]    
kárṣed enaṃ cainam kárṣet //12// [7]

Verse: 8 
Halfverse: a_[13,13]    
asyaí devátāyā udakáṃ yācāmīmā́ṃ devátāṃ vāsaya imā́m imā́ṃ devátāṃ pári veveṣmī́ty enaṃ pári veviṣyāt //13// [8]

Verse: 9 
Halfverse: a_[13,14]    
tásyām evā́sya tád devátāyāṃ hutáṃ bʰavati eváṃ véda //14// [9]


Hymn: 14 
Verse: 1 
Halfverse: a_[14,1]    
yát prā́cīṃ díśam ánu vyácalan mā́rutaṃ śárdʰo bʰūtvā́nuvyàcalan máno 'nnādáṃ kr̥tvā́ //1//
Halfverse: b_[14,2]    
mánasānnādénā́nnam atti eváṃ véda //2// [1]

Verse: 2 
Halfverse: a_[14,3]    
yád dákṣiṇāṃ díśam ánu vyácalad bʰūtvā́nuvyàcalad bálam annādáṃ kr̥tvā́ //3//
Halfverse: b_[14,4]    
bálenānnādénā́nnam atti eváṃ véda //4// [2]

Verse: 3 
Halfverse: a_[14,5]    
yát pratī́cīṃ díśam ánu vyácalad váruṇo rā́jā bʰūtvā́nuvyàcalad apó 'nnādī́ḥ kr̥tvā́ //5//
Halfverse: b_[14,6]    
adbʰír annādī́bʰir ánnam atti eváṃ véda //6// [3]

Verse: 4 
Halfverse: a_[14,7]    
yád údīcīṃ díśam ánu vyácalad váruṇo rā́jā bʰūtvā́nuvyàcalad saptarṣíbʰir hutá ā́hutim annādī́ṃ kr̥tvā́ //7//
Halfverse: b_[14,8]    
ā́hutyānnādyā́nnam atti eváṃ véda //8// [4]

Verse: 5 
Halfverse: a_[14,9]    
yád dʰruvā́ṃ díśam ánu vyácalad víṣṇur bʰūtvā́nuvyàcalad virā́jam annādī́ṃ kr̥tvā́ //9//
Halfverse: b_[14,10]    
virā́jānnādyā́nnam atti eváṃ véda //10// [5]

Verse: 6 
Halfverse: a_[14,11]    
yát paśū́n ánu vyácalad rudró bʰūtvā́nuvyàcalad óṣadʰīr annādī́ḥ kr̥tvā́ //11//
Halfverse: b_[14,12]    
óṣadʰībʰir annādī́bʰir ánnam atti eváṃ véda //12// [6]

Verse: 7 
Halfverse: a_[14,13]    
yát pitŕ̥̄n ánu vyácalad yamó rā́jā bʰūtvā́nuvyàcalat svadʰākārám annādáṃ kr̥tvā́ //13//
Halfverse: b_[14,14]    
svadʰākāréṇānnādénā́nnam atti eváṃ véda //14// [7]

Verse: 8 
Halfverse: a_[14,15]    
yán manuṣyā̀3n ánu vyácalad agnír bʰūtvā́nuvyàcalat svāhākārám annādáṃ kr̥tvā́ //15//
Halfverse: b_[14,16]    
svāhākāréṇānnādénā́nnam atti eváṃ véda //16// [8]

Verse: 9 
Halfverse: a_[14,17]    
yád ūrdʰvā́ṃ díśam ánu vyácalad bŕ̥haspátir bʰūtvā́nuvyàcalad vaṣaṭkārám annādáṃ kr̥tvā́ //17//
Halfverse: b_[14,18]    
vaṣaṭkāréṇāṇnādénā́nnam atti eváṃ véda //18// [9]

Verse: 10 
Halfverse: a_[14,19]    
yád devā́n ánu vyácalad ī́śāno bʰūtvā́nuvyàcalan manyúm annādáṃ kr̥tvā́ //19//
Halfverse: b_[14,20]    
manyúnānnādénā́nnam atti eváṃ véda //20// [10]

Verse: 11 
Halfverse: a_[14,21]    
yát prajā́ ánu vyácalat prajā́patir bʰūtvā́nuvyàcalat prāṇám annādáṃ kr̥tvā́ //21//
Halfverse: b_[14,22]    
prāṇénānnādénā́nnam atti eváṃ véda //22// [11]

Verse: 12 
Halfverse: a_[14,23]    
yát sárvānn antardeśā́n ánu vyácalat parameṣṭʰī́ bʰūtvā́nuvyàcalad bráhmānnādáṃ kr̥tvā́ //23//
Halfverse: b_[14,24]    
bráhmaṇānnādénā́nnam atti eváṃ véda //24// [12]

Hymn: 15 
Verse: 1 
Halfverse: a    
tásya vrā́tyasya //1//

Verse: 2 
Halfverse: a    
saptá prāṇā́ḥ saptā́pānā́ḥ saptá vyānā́ḥ //2//

Verse: 3 
Halfverse: a    
tásya vrā́tyasya /
Halfverse: c    
'sya pratʰamáḥ prāṇá ūrdʰvó nā́māyáṃ agníḥ //3//

Verse: 4 
Halfverse: a    
tásya vrā́tyasya /
Halfverse: c    
'sya dvitī́yaḥ prāṇáḥ praúḍʰo nā́māsaú ādityáḥ //4//

Verse: 5 
Halfverse: a    
tásya vrā́tyasya /
Halfverse: c    
'sya tr̥tī́yaḥ prāṇò3 'bʰyū̀ḍʰo nā́māsaú candrámāḥ //5//

Verse: 6 
Halfverse: a    
tásya vrā́tyasya /
Halfverse: c    
'sya caturtʰáḥ prāṇó vibʰū́r nā́māyáṃ pávamānaḥ //6//

Verse: 7 
Halfverse: a    
tásya vrā́tyasya /
Halfverse: c    
'sya pañcamáḥ prāṇó yónir nā́ma tā́ imā́ ā́paḥ //7//

Verse: 8 
Halfverse: a    
tásya vrā́tyasya /
Halfverse: c    
'sya ṣaṣṭʰáḥ prāṇáḥ priyó nā́ma imé paśávaḥ //8//

Verse: 9 
Halfverse: a    
tásya vrā́tyasya /
Halfverse: c    
'sya saptamáḥ prāṇó 'parimito nā́ma tā́ prajā́ḥ //9//

Hymn: 16 
Verse: 1 
Halfverse: a    
tásya vrā́tyasya /
Halfverse: c    
'sya pratʰamó 'pānáḥ sā́ paurṇamāsī́ //1//

Verse: 2 
Halfverse: a    
tásya vrā́tyasya /
Halfverse: c    
'sya dvitī́yo 'pānáḥ sā́ṣṭakā /

Verse: 3 
Halfverse: a    
tásya vrā́tyasya /
Halfverse: c    
'sya tr̥tī́yo 'pānáḥ sā́māvāsyā̀ //3//

Verse: 4 
Halfverse: a    
tásya vrā́tyasya /
Halfverse: c    
'sya caturtʰó 'pānáḥ sā́ śraddʰā́ //4//

Verse: 5 
Halfverse: a    
tásya vrā́tyasya /
Halfverse: c    
'sya pañcamó 'pānáḥ sā́ dīkṣā́ //5//

Verse: 6 
Halfverse: a    
tásya vrā́tyasya /
Halfverse: c    
'sya ṣaṣṭó 'pānáḥ yajñáḥ //6//

Verse: 7 
Halfverse: a    
tásya vrā́tyasya /
Halfverse: c    
'sya saptamó 'pānás tā́ imā́ dákṣiṇāḥ //7//

Hymn: 17 
Verse: 1 
Halfverse: a    
tásya vrā́tyasya /
Halfverse: c    
'sya pratʰamó vyānáḥ séyáṃ bʰū́miḥ //1//

Verse: 2 
Halfverse: a    
tásya vrā́tyasya /
Halfverse: c    
'sya dvitī́yo vyānás tád antárikṣam //2//

Verse: 3 
Halfverse: a    
tásya vrā́tyasya /
Halfverse: c    
'sya tr̥tī́yo vyānáḥ sā́ dyaúḥ //3//

Verse: 4 
Halfverse: a    
tásya vrā́tyasya /
Halfverse: c    
'sya caturtʰó vyānás tā́ni nákṣatrāṇi //4//

Verse: 5 
Halfverse: a    
tásya vrā́tyasya /
Halfverse: c    
'sya pañcamó vyānás r̥távaḥ //5//

Verse: 6 
Halfverse: a    
tásya vrā́tyasya /
Halfverse: c    
'sya ṣaṣṭʰó vyānás ārtavā́ḥ //6//

Verse: 7 
Halfverse: a    
tásya vrā́tyasya /
Halfverse: c    
'sya saptamó vyānáḥ saṃvatsaráḥ //7//

Verse: 8 
Halfverse: a    
tásya vrā́tyasya /
Halfverse: c    
samānám ártʰaṃ pári yanti devā́ḥ saṃvatsaráṃ vā́ etád r̥távo 'nupáriyanti vrā́tyaṃ ca //8//

Verse: 9 
Halfverse: a    
tásya vrā́tyasya /
Halfverse: c    
yád ādityám abʰisaṃviśánty amāvāsyā̀ṃ caivá paurṇamāsī́ṃ ca //9//

Verse: 10 
Halfverse: a    
tásya vrā́tyasya /
Halfverse: c    
ékaṃ tád eṣām amr̥tatvám íty ā́hutir evá //10//

Hymn: 18 
Verse: 1 
Halfverse: a    
tásya vrā́tyasya //1//

Verse: 2 
Halfverse: a    
yád asya dákṣiṇam ákṣy asaú ādityó yád asya savyám ákṣy asaú candrámāḥ //2//

Verse: 3 
Halfverse: a    
'sya dákṣiṇaḥ kárṇo 'yáṃ agnír 'sya savyáḥ kárṇo 'yáṃ pávamānaḥ //3//

Verse: 4 
Halfverse: a    
ahorātré nā́sike dítiś cā́ditiś ca śīrṣakapālé saṃvatsaráḥ śíraḥ //4//

Verse: 5 
Halfverse: a    
áhnā pratyáṅ vrā́tyo rā́tryā prā́ṅ námo vrā́tyāya //5//



Book: 16 
16
Hymn: 1 


Verse: 1 
Halfverse: a    
átisr̥ṣṭo apā́ṃ vr̥ṣabʰó 'tisr̥ṣṭā agnáyo divyā́ḥ //1//

Verse: 2 
Halfverse: a    
ruján pariruján mr̥ṇán pramr̥ṇán //2//

Verse: 3 
Halfverse: a    
mrokó manohā́ kʰanó nirdāhá ātmadū́ṣis tanūdū́ṣiḥ //3//

Verse: 4 
Halfverse: a    
idáṃ tám áti sr̥jāmi táṃ mā́bʰyávanikṣi //4//

Verse: 5 
Halfverse: a    
téna tám abʰyátisr̥jāmo yò3 'smā́n dveṣṭi yáṃ vayáṃ dviṣmáḥ //5//

Verse: 6 
Halfverse: a    
apā́m ágram asi samudráṃ vo 'bʰyávasr̥jāmi //6//

Verse: 7 
Halfverse: a    
yò3 'psv à1gnír áti táṃ sr̥jāmi mrokáṃ kʰaníṃ tanūdū́ṣim //7//

Verse: 8 
Halfverse: a    
va āpo 'gnír āvivéśa eṣá yád vo gʰoráṃ tád etát //8//

Verse: 9 
Halfverse: a    
índrasya va indriyéṇābʰí ṣiñcet //9//

Verse: 10 
Halfverse: a    
ariprā́ ā́po ápa riprám asmát //10//

Verse: 11 
Halfverse: a    
prā́smád éno vahantu prá duṣvápnyaṃ vahantu //11//

Verse: 12 
Halfverse: a    
śivéna cákṣuṣā paśyatāpaḥ śiváyā tanvópa spr̥śata tvácaṃ me //12//

Verse: 13 
Halfverse: a    
śivā́n agnī́n apsuṣádo havāmahe máyi kṣatráṃ várca ā́ dʰatta devī́ḥ //13//

Hymn: 2 
Verse: 1 
Halfverse: a    
nír durarmaṇyà ūrjā́ mádʰumatī vā́k //1//

Verse: 2 
Halfverse: a    
mádʰumatī stʰa mádʰumatīṃ vā́cam udeyam //2//

Verse: 3 
Halfverse: a    
úpahūto me gopā́ḥ úpahūto gopītʰáḥ //3//

Verse: 4 
Halfverse: a    
suśrútau kárṇau bʰadraśrútau kárṇau bʰadráṃ ślókaṃ śrūyāsam //4//

Verse: 5 
Halfverse: a    
súśrutiś ca mópaśrutiś ca mā́ hāsiṣṭāṃ saúparṇaṃ cákṣur ájasraṃ jyótiḥ //5//

Verse: 6 
Halfverse: a    
ŕ̥ṣīṇāṃ prastaró 'si námo 'stu daívāya prastarā́ya //6//

Hymn: 3 
Verse: 1 
Halfverse: a    
mūrdʰā́háṃ rayīṇā́ṃ mūrdʰā́ samānā́nāṃ bʰūyāsam //1//

Verse: 2 
Halfverse: a    
rujáś ca venáś ca mā́ hāsiṣṭāṃ mūrdʰā́ ca vídʰarmā ca mā́ hāsiṣṭām //2//

Verse: 3 
Halfverse: a    
urváś ca camasáś ca mā́ hāsiṣṭāṃ dʰartā́ ca dʰarúṇaś ca mā́ hāsiṣṭām //3//

Verse: 4 
Halfverse: a    
vimokáś ca mārdrápaviś ca mā́ hāsiṣṭām ārdrádānuś ca mātaríśvā ca mā́ hāsiṣṭām //4//

Verse: 5 
Halfverse: a    
bŕ̥haspátir ma ātmā́ nr̥máṇā nā́ma hŕ̥dyaḥ //5//

Verse: 6 
Halfverse: a    
asaṃtāpáṃ me hŕ̥dayam urvī́ gávyūtiḥ samudró asmi vídʰarmaṇā //6//

Hymn: 4 
Verse: 1 
Halfverse: a    
nā́bʰir aháṃ rayīṇā́ṃ nā́bʰiḥ samānā́nāṃ bʰūyāsam //1//

Verse: 2 
Halfverse: a    
svāsád asi sūṣā́ amŕ̥to mártyeśv ā́ //2//

Verse: 3 
Halfverse: a    
mā́ mā́ṃ prāṇó hāsīn apānó 'vahā́ya párā gāt //3//

Verse: 4 
Halfverse: a    
sū́ryo mā́hnaḥ pātv agníḥ pr̥tʰivyā́ vāyúr antárikṣād yamó manuṣyèbʰyaḥ sárasvatī pā́rtʰivebʰyaḥ //4//

Verse: 5 
Halfverse: a    
prā́ṇāpanau mā́ hāsiṣṭam mā́ jáne prá meṣi //5//

Verse: 6 
Halfverse: a    
svasty àdyóṣáso doṣásaś ca sárva āpaḥ sárvagaṇo aśīya //6//

Verse: 7 
Halfverse: a    
śákvarī stʰa paśávo mópa stʰeṣur mitrā́váruṇau me prāṇāpānā́v agnír me dákṣaṃ dadʰātu //7//

Hymn: 5 

Verse: 1_{1} 
Halfverse: a    
vidmá te svapna janítraṃ grā́hyāḥ putró 'si yamásya káraṇaḥ //1//
Halfverse: c_{2}    
ántako 'si mr̥tyúr asi //2//
Halfverse: d_{3}    
táṃ tvā svapna tátʰā sáṃ vidma naḥ svapna duṣvápnyāt pāhi //3//

Verse: 2_{4} 
Halfverse: a    
vidmá te svapna janítraṃ nírr̥tyāḥ putró 'si yamásya káraṇaḥ /
Halfverse: c    
ántako 'si mr̥tyúr asi /
Halfverse: e    
táṃ tvā svapna tátʰā sáṃ vidma naḥ svapna duṣvápnyāt pāhi //4//

Verse: 3_{5} 
Halfverse: a    
vidmá te svapna janítraṃ ábʰūtyāḥ putró 'si yamásya káraṇaḥ /
Halfverse: c    
ántako 'si mr̥tyúr asi /
Halfverse: e    
táṃ tvā svapna tátʰā sáṃ vidma naḥ svapna duṣvápnyāt pāhi //5//

Verse: 4_{6} 
Halfverse: a    
vidmá te svapna janítraṃ nírbʰūtyāḥ putró 'si yamásya káraṇaḥ /
Halfverse: c    
ántako 'si mr̥tyúr asi /
Halfverse: e    
táṃ tvā svapna tátʰā sáṃ vidma naḥ svapna duṣvápnyāt pāhi //6//

Verse: 5_{7} 
Halfverse: a    
vidmá te svapna janítraṃ párābʰūtyāḥ putró 'si yamásya káraṇaḥ /
Halfverse: c    
ántako 'si mr̥tyúr asi /
Halfverse: e    
táṃ tvā svapna tátʰā sáṃ vidma naḥ svapna duṣvápnyāt pāhi //7//

Verse: 6_{8} 
Halfverse: a    
vidmá te svapna janítraṃ devajāmīnā́ṃ putró 'si yamásya káraṇaḥ //8//
Halfverse: c_{9}    
ántako 'si mr̥tyúr asi //9//
Halfverse: d_{10}    
táṃ tvā svapna tátʰā sáṃ vidma naḥ svapna duṣvápnyāt pāhi //10//

Hymn: 6 
Verse: 1 
Halfverse: a    
ájaiṣmādyā́sanām adyā́mūm ánāgaso vayám //1//

Verse: 2 
Halfverse: a    
uṣó yásmād duṣvápnyād ábʰaiṣmā́pa tád ucʰatu //2//

Verse: 3 
Halfverse: a    
dviṣaté tát párā vaha śápate tát párā vaha //3//

Verse: 4 
Halfverse: a    
yáṃ dviṣmó yáś ca no dvéṣṭi tásmā enad gamayāmaḥ //4//

Verse: 5 
Halfverse: a    
uṣā́ devī́ vācā́ saṃvidānā́ vā́g devy ùṣásā saṃvidānā́ //5//

Verse: 6 
Halfverse: a    
uṣás pátir vācás pátinā saṃvidānó vācás pátinā saṃvidānáḥ //6//

Verse: 7 
Halfverse: a    
tè3 'múṣmai párā vahantv arā́yān durṇā́mnaḥ sadā́nvāḥ //7//

Verse: 8 
Halfverse: a    
kumbʰī́kāḥ dūṣī́kāḥ pī́yakān //8//

Verse: 9 
Halfverse: a    
jāgradduṣvapnyáṃ svapneduṣvapnyám //9//

Verse: 10 
Halfverse: a    
ánāgamiṣyato várān ávitteḥ saṃkalpā́n ámucyā druháḥ pā́śān //10//

Verse: 11 
Halfverse: a    
tád amúṣmā agne devā́ḥ párā vahantu vágʰrir yátʰā́sad vitʰuró sādʰúḥ //11//

Hymn: 7 
Verse: 1 
Halfverse: a    
ténainaṃ vidʰyāmy ábʰūtyainaṃ vidʰyāmi nírbʰūtyainaṃ vidʰyāmi párābʰūtyainaṃ vidʰyāmi grā́hyainaṃ vidʰyāmi támasainaṃ vidʰyāmi //1//

Verse: 2 
Halfverse: a    
devā́nām enaṃ gʰoraíḥ krūraíḥ praiṣaír abʰipréṣyāmi //2//

Verse: 3 
Halfverse: a    
vaiśvānarásyainaṃ dámṣṭrayor ápi dadʰāmi //3//

Verse: 4 
Halfverse: a    
evā́nevā́va sā́ garat //4//

Verse: 5 
Halfverse: a    
yò3 'smā́n dvéṣṭi tám ātmā́ dveṣṭu yáṃ vayáṃ dviṣmáḥ ātmā́naṃ dveṣṭu //5//

Verse: 6 
Halfverse: a    
nír dviṣántaṃ divó níḥ pr̥tʰivyā́ nír antárikṣād bʰajāma //6//

Verse: 7 
Halfverse: a    
súyāmaṃś cākṣuṣa //7//

Verse: 8 
Halfverse: a    
idám ahám āmuṣyāyaṇè3 'múṣyāḥ putré duṣvápnyaṃ mr̥je //8//

Verse: 9 
Halfverse: a    
yád adóado abʰyágacʰaṃ yád dóṣā́ yát pū́rvāṃ rā́trim //9//

Verse: 10 
Halfverse: a    
yáj jā́grad yát suptó yád dívā yán náktam //10//

Verse: 11 
Halfverse: a    
yád áharahar abʰigácʰāmi tásmād enam áva daye //11//

Verse: 12 
Halfverse: a    
táṃ jahi téna mandasva tásya pr̥ṣṭī́r ápi śr̥ṇīhi //12//

Verse: 13 
Halfverse: a    
mā́ jīvīt táṃ prāṇó jahātu //13//

Hymn: 8 

Verse: 1_{1} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjas asmā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam //1//
Halfverse: b_{2}    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ //2//
Halfverse: c_{3}    
grā́hyāḥ pāśān mā́ moci //3//
Halfverse: d_{4}    
tásyedáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //4//

Verse: 2_{5} 
Halfverse: a    
jitám asmākam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmākaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
nírr̥tyāḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarāñcaṃ pādayāmi //5//

Verse: 3_{6} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
'bʰūtyāḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //6//

Verse: 4_{7} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
nírbʰūtyāḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //7//

Verse: 5_{8} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
párābʰūtyāḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //8//

Verse: 6_{9} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
devajāmīnā́ṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //9//

Verse: 7_{10} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
bŕ̥haspáteḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarāñcaṃ pādayāmi //10//

Verse: 8_{11} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
prajā́pateḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //11//

Verse: 9_{12} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
ŕ̥ṣīṇāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //12//

Verse: 10_{13} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmākaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
ārṣeyā́ṇāṃ pāśān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //13//

Verse: 11_{14} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
'ṅgirasāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //14//

Verse: 12_{15} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
āṅgirasā́nāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //15//

Verse: 13_{16} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
'tʰarvaṇām pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //16//

Verse: 14_{17} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
ātʰarvaṇā́nāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //17//

Verse: 15_{18} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
vánaspátīṇāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //18//

Verse: 16_{19} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
vānaspatyā́nāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //19//

Verse: 17_{20} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmākaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
r̥tūnā́ṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //20//

Verse: 18_{21} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
ārtavā́nāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //21//

Verse: 19_{22} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
mā́sānāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarāñcaṃ pādayāmi //22//

Verse: 20_{23} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
'rdʰamāsā́nāṃ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //23//

Verse: 21_{24} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
'horātráyoḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //24//

Verse: 22_{25} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
'hnoḥ saṃyatóḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //25//

Verse: 23_{26} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmākaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
dyā́vāpr̥tʰivyóḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //26//

Verse: 24_{27} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmākaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
indrāgnyóḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //27//

Verse: 25_{28} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
mitrā́váruṇayoḥ pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //28//

Verse: 26_{29} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam /
Halfverse: c    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ /
Halfverse: e    
rā́jño váruṇasya pā́śān mā́ moci /
Halfverse: g    
tásyédáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //29//

Verse: 27_{30} 
Halfverse: a    
jitám asmā́kam údbʰinnam asmā́kam r̥tám asmā́kaṃ téjo 'smā́kaṃ bráhmāsmā́kaṃ svàr asmā́kaṃ yajñò3 'smā́kaṃ paśávo 'smā́kaṃ prajā́ asmā́kaṃ vīrā́ asmā́kam //30//
Halfverse: b_{31}    
tásmād amúṃ nír bʰajāmo 'múm āmuṣyāyaṇám amúṣyāḥ putrám asaú yáḥ //31//
Halfverse: c_{32}    
grā́hyāḥ pā́śān mā́ moci //32//
Halfverse: d_{33}    
tásyedáṃ várcas téjaḥ prāṇám ā́yur veṣṭayāmīdám enam adʰarā́ñcaṃ pādayāmi //33//

Hymn: 9 
Verse: 1 
Halfverse: a    
jitám asmā́kam údbʰinnam asmā́kam abʰy àṣṭʰāṃ víśvāḥ pŕ̥tanā árātīḥ //1//

Verse: 2 
Halfverse: a    
tád agnír āha tád u sóma āha pūṣā́ dʰāt sukr̥tásya loké //2//

Verse: 3 
Halfverse: a    
áganma svà1ḥ svàr aganma sáṃ sū́ryasya jyótiṣāganma //3//

Verse: 4 
Halfverse: a    
vasyobʰū́yāya vásumān yajñó vásu vaṃsiṣīya vásumān bʰūyāsaṃ vásu máyi dʰehi //4//



Book: 17 
17
Hymn: 1 


Verse: 1 
Halfverse: a    
viṣāsahíṃ sáhamānaṃ sāsahānáṃ sáhīyāṃsam /
Halfverse: c    
sáhamānaṃ sahojítaṃ svarjítaṃ gojítaṃ saṃdʰanājítam /
Halfverse: e    
ī́ḍyaṃ nā́ma hva índram ā́yuṣmān bʰūyāsam //1//

Verse: 2 
Halfverse: a    
viṣāsahíṃ sáhamānaṃ sāsahānáṃ sáhīyāṃsam /
Halfverse: c    
sáhamānaṃ sahojítaṃ svarjítaṃ gojítaṃ saṃdʰanājítam /
Halfverse: e    
ī́ḍyaṃ nā́ma hva índram priyó devā́nāṃ bʰūyāsam //2//

Verse: 3 
Halfverse: a    
viṣāsahíṃ sáhamānaṃ sāsahānáṃ sáhīyāṃsam /
Halfverse: c    
sáhamānaṃ sahojítaṃ svarjítaṃ gojítaṃ saṃdʰanājítam /
Halfverse: e    
ī́ḍyaṃ nā́ma hva índram priyáḥ prajā́nāṃ bʰūyāsam //3//

Verse: 4 
Halfverse: a    
viṣāsahíṃ sáhamānaṃ sāsahānáṃ sáhīyāṃsam /
Halfverse: c    
sáhamānaṃ sahojítaṃ svarjítaṃ gojítaṃ saṃdʰanājítam /
Halfverse: e    
ī́ḍyaṃ nā́ma hva índram priyáḥ paśūnā́ṃ bʰūyāsam //4//

Verse: 5 
Halfverse: a    
viṣāsahíṃ sáhamānaṃ sāsahānáṃ sáhīyāṃsam /
Halfverse: c    
sáhamānaṃ sahojítaṃ svarjítaṃ gojítaṃ saṃdʰanājítam /
Halfverse: e    
ī́ḍyaṃ nā́ma hva índram priyáḥ samānā́nāṃ bʰūyāsam //5//

Verse: 6 
Halfverse: a    
úd ihy úd ihi sūrya várcasā mābʰyúdihi /
Halfverse: c    
dviṣáṃś ca máhyaṃ rádʰyatu mā́ cāháṃ dviṣaté radʰaṃ távéd viṣṇo bahūdʰā́ vīryā̀ni /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //6//

Verse: 7 
Halfverse: a    
úd ihy úd ihi sūrya várcasā mābʰyúdihi /
Halfverse: c    
ā́ṃś ca páśyāmi yā́ṃś ca téṣu sumatíṃ kr̥dʰi távéd viṣṇo bahūdʰā́ vīryā̀ni /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //7//

Verse: 8 
Halfverse: a    
mā́ tvā dabʰant salilé apsv à1ntár pāśína upatíṣṭʰanty átra /
Halfverse: c    
hitvā́śastiṃ dívam ā́rukṣa etā́ṃ no mr̥ḍa sumataú te syāma távéd viṣṇo bahūdʰā́ vīryā̀ni /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //8//

Verse: 9 
Halfverse: a    
tváṃ na indra mahaté saúbʰagāyā́dabdʰebʰiḥ pári pāhy aktúbʰis távéd viṣṇo bahūdʰā́ vīryā̀ni /
Halfverse: c    
tváṃ naḥ pr̥ṇīhi paśúbʰir viśvarūpaiḥ sudʰā́yāṃ dʰehi paramé vyòman //9//

Verse: 10 
Halfverse: a    
tváṃ na indrotíbʰiḥ śivā́bʰiḥ śáṃtamo bʰava /
Halfverse: c    
āróhaṃs tridiváṃ divó gr̥ṇānáḥ sómapītaye priyádʰāmā svastáye távéd viṣṇo bahūdʰā́ vīryā̀ni /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //10// {1}

Verse: 11 
Halfverse: a    
tvám indrāsi viśvajít sarvavít puruhūtás tvám indra /
Halfverse: c    
tvám indremáṃ suhávaṃ stómam érayasva no mr̥ḍa sumataú te syāma távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //11//

Verse: 12 
Halfverse: a    
ádabdʰo diví pr̥tʰivyā́m utā́si ta āpur mahimā́nam antárikṣe /
Halfverse: c    
adabdʰena bráhmaṇā vāvr̥dʰānáḥ tváṃ na indra diví sáṃ cʰárma yacʰa távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //12//

Verse: 13 
Halfverse: a    
yā́ ta indra tanū́r apsú yā́ pr̥tʰivyā́ṃ yā́ntár agnaú yā́ te indra pávamāne svarvídi /
Halfverse: c    
yáyendra tanvā̀3 'ntárikṣaṃ vyāpitʰá táyā na indra tanvā̀3 śárma yácʰa távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //13//

Verse: 14 
Halfverse: a    
tvā́m indra bráhmaṇā vardʰáyantaḥ sattráṃ ṣedur ŕ̥ṣayo nā́dʰamānās távéd viṣṇo bahūdʰā́ vīryā̀ṇi /
Halfverse: c    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //14//

Verse: 15 
Halfverse: a    
tváṃ tr̥táṃ tváṃ páry eṣy útsaṃ sahásradʰāraṃ vidátʰaṃ svarvídaṃ távéd viṣṇo bahūdʰā́ vīryā̀ṇi /
Halfverse: c    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //15//

Verse: 16 
Halfverse: a    
tváṃ rakṣase pradíśaś cátasras tváṃ śocíṣā nábʰasī bʰāsi /
Halfverse: c    
tvám imā́ víśvā bʰúvanā́nu tiṣṭʰasa r̥tásya pántʰām ánv eṣi vidvā́ṃs távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //16//

Verse: 17 
Halfverse: a    
pañcábʰiḥ párāṅ tapasy ékayārvā́ṅ áśastim eṣi sudíne bā́dʰamānas távéd viṣṇo bahūdʰā́ vīryā̀ṇi /
Halfverse: c    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //17//

Verse: 18 
Halfverse: a    
tvám índras tvám mahendrás tváṃ lokás tváṃ prajā́patiḥ /
Halfverse: c    
túbʰyaṃ yajñó tāyate túbʰyaṃ juhvati júhvatas távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //18//

Verse: 19 
Halfverse: a    
ásati sát prátiṣṭʰitaṃ satí bʰūtáṃ prátiṣṭʰitam /
Halfverse: c    
bʰūtám ha bʰávya ā́hitaṃ bʰávyaṃ bʰūté prátiṣṭʰitaṃ távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //19//

Verse: 20 
Halfverse: a    
śukró 'si bʰrājó 'si /
Halfverse: c    
yátʰā tváṃ bʰrā́jatā bʰrājó 'sy evā́háṃ bʰrā́jatā bʰrājyāsam //20// {2}

Verse: 21 
Halfverse: a    
rúcir asi rocó 'si /
Halfverse: c    
yátʰā tváṃ rúcyā rocó 'sy evā́háṃ paśúbʰiś ca brāhmaṇavarcaséna ca ruciṣīya //21//

Verse: 22 
Halfverse: a    
udyaté náma udāyaté náma úditāya námaḥ /
Halfverse: c    
virā́je námaḥ svarā́je námaḥ samrā́je námaḥ //22//

Verse: 23 
Halfverse: a    
astaṃyaté námo 'stameṣyaté námo 'stamitāya námaḥ /
Halfverse: c    
virā́je námaḥ svarā́je námaḥ samrā́je námaḥ //23//

Verse: 24 
Halfverse: a    
úd agād ayám ādityó víśvena tápasā sahá /
Halfverse: c    
sapátnān máhyaṃ randʰáyan mā́ cāháṃ dviṣaté radʰaṃ távéd viṣṇo bahūdʰā́ vīryā̀ṇi /
Halfverse: e    
tváṃ naḥ pr̥ṇīhi paśúbʰir viśvárūpaiḥ sudʰā́yāṃ dʰehi paramé vyòman //24//

Verse: 25 
Halfverse: a    
ā́ditya nā́vam ā́rukṣaḥ śatā́ritrāṃ svastáye /
Halfverse: c    
áhar mā́ty apīparo rā́triṃ satrā́ti pāraya //25//

Verse: 26 
Halfverse: a    
sūrya nāvam ārukṣaḥ śatā́ritrāṃ svastáye /
Halfverse: c    
rā́triṃ mā́ty apīparó 'haḥ satrā́ti pāraya //26//

Verse: 27 
Halfverse: a    
prajā́pater ā́vr̥to bráhmaṇā vármaṇāháṃ kaśyápasya jyótiṣā várcasā ca /
Halfverse: c    
jarádaṣṭiḥ kr̥távīryo víhāyāḥ sahásrāyuḥ súkr̥taś careyam //27//

Verse: 28 
Halfverse: a    
párivr̥to bráhmaṇā vármaṇāhám kaśyápasya jyótiṣā várcasā ca /
Halfverse: c    
mā́ prā́pann íṣavo daívyā yā́ mā́ mā́nuṣīr ávasr̥ṣṭāḥ vadʰā́ya //28//

Verse: 29 
Halfverse: a    
r̥téna guptá r̥túbʰiś ca sárvair bʰūténa guptó bʰávyena cāhám /
Halfverse: c    
mā́ prā́pat pāpmā́ mótá mr̥tyúr antár dadʰe 'háṃ saliléna vācáḥ //29//

Verse: 30 
Halfverse: a    
agnír goptā́ pári pātu viśvátaḥ udyánt sū́ryo nudatāṃ mr̥tyupāśā́n /
Halfverse: c    
vyucʰántīr uṣásaḥ párvatā dʰruvā́ḥ sahásraṃ prāṇā́ máyy ā́ yatantām //30// {3}



Book: 18 
18
Hymn: 1 


Verse: 1 
Halfverse: a    
ó cit sákʰāyaṃ sakʰyā́ vavr̥tyāṃ tiráḥ purú cid arṇaváṃ jaganvā́n /
Halfverse: c    
pitúr nápātam ā́ dadʰīta vedʰā́ ádʰi kṣámi prataráṃ dī́dʰyānaḥ //1//

Verse: 2 
Halfverse: a    
te sákʰā sakʰyáṃ vaṣṭy etát sálakṣmā yád víṣurūpā bʰávati /
Halfverse: c    
mahás putrā́so ásurasya vīrā́ divó dʰartā́ra urviyā́ pári kʰyan //2//

Verse: 3 
Halfverse: a    
uśánti gʰā amŕ̥tāsa etád ékasya cit tyajásaṃ mártyasya /
Halfverse: c    
te máno mánasi dʰāyy asmé jányuḥ pátis tanvà1m ā́ viviṣyāḥ //3//

Verse: 4 
Halfverse: a    
yat purā́ cakr̥mā́ kád dʰa nūnám r̥táṃ vádanto ánr̥taṃ rápema /
Halfverse: c    
gandʰarvó apsv ápyā ca yóṣā sā́ nau nā́bʰiḥ paramáṃ jāmí tán nau //4//

Verse: 5 
Halfverse: a    
gárbʰe nau janitā́ dámpatī kar devás tváṣṭā savitā́ viśvárūpaḥ /
Halfverse: c    
nákir asya prá minanti vratā́ni véda nāv asyá pr̥tʰivī́ utá dyaúḥ //5//

Verse: 6 
Halfverse: a    
adyá yuṅkte dʰurí gā́ r̥tásya śímīvato bʰāmíno durhr̥ṇāyū́n /
Halfverse: c    
āsánniṣūn hr̥tsváso mayobʰū́n eṣāṃ bʰr̥tyā́m r̥ṇádʰat jīvāt //6//

Verse: 7 
Halfverse: a    
asyá veda pratʰamásyā́hnaḥ īṃ dadarśa ihá prá vocat /
Halfverse: c    
br̥hán mitrásya váruṇasya dʰā́ma kád u brava āhano vī́cyā nŕ̥̄n //7//

Verse: 8 
Halfverse: a    
yamásya yamyà1ṃ kā́ma ā́gant samāné yónau sahaśéyyāya /
Halfverse: c    
jāyéva pátye tanvàṃ riricyāṃ cid vr̥heva rátʰyeva cakrā́ //8//

Verse: 9 
Halfverse: a    
tiṣṭʰanti miṣanty eté devā́nāṃ spáśa ihá caranti /
Halfverse: c    
anyéna mád āhano yāhi tū́yaṃ téna vr̥ha rátʰyeva cakrā́ //9//

Verse: 10 
Halfverse: a    
rā́trībʰir asmā áhabʰir daśasyet sū́ryasya cákṣur múhur ún mimīyāt /
Halfverse: c    
divā́ pr̥tʰivyā́ mitʰunā́ sábandʰū yamī́r yamásya vivr̥hād ájāmi //10// {1}

Verse: 11 
Halfverse: a    
ā́ gʰā tā́ gacʰān úttarā yugā́ni yátra jāmáyaḥ kr̥ṇávann ájāmi /
Halfverse: c    
úpa barbr̥hi vr̥ṣabʰā́ya bāhúm anyám icʰasva subʰage pátiṃ mát //11//

Verse: 12 
Halfverse: a    
kíṃ bʰrā́tāsad yád anātʰáṃ bʰávāti kím u svásā yán nírr̥tir nigácʰāt /
Halfverse: c    
kā́mamūtā bahv è3tád rapāmi tanvā̀ me tanvà1ṃ sáṃ pipr̥gdʰi //12//

Verse: 13 
Halfverse: a    
te nātʰáṃ yamy átrāhám asmi te tanū́ṃ tanvā̀3 sám papr̥cyām /
Halfverse: c    
anyéna mát pramúdaḥ kalpayasva te bʰrā́tā subʰage vaṣṭy etát //13//

Verse: 14 
Halfverse: a    
vā́ u te tanū́ṃ tanvā̀3 sáṃ pipr̥cyāṃ pāpám āhur yáḥ svásāraṃ nigácʰāt /
Halfverse: c    
ásaṃyad etán mánaso hr̥dó me bʰrā́tā svásuḥ śáyane yác cʰáyīya //14//

Verse: 15 
Halfverse: a    
bató batāsi yama naívá te máno hŕ̥dayaṃ cāvidām ā́ /
Halfverse: c    
anyā́ kíla tvā́ṃ kakṣyèva yuktáṃ pári ṣvajātau líbujeva vr̥kṣám //15//

Verse: 16 
Halfverse: a    
anyám ū ṣú yamy anyá u tvā́ṃ pári ṣvajātau líbujeva vr̥kṣám /
Halfverse: c    
tásya tváṃ mána icʰā távā́dʰā kr̥ṇuṣva saṃvidaṃ súbʰadrām //16//

Verse: 17 
Halfverse: a    
trī́ṇi cʰándāṃsi kaváyo yetire pururū́paṃ darśatáṃ viśvácakṣaṇam /
Halfverse: c    
ā́po vā́tā óṣadʰayas tā́ny ékasmin bʰúvana ā́rpitāni //17//

Verse: 18 
Halfverse: a    
vŕ̥ṣā vŕ̥ṣṇe duduhe dóhasā diváḥ páyāṃsi yahvó áditer ádābʰyaḥ /
Halfverse: c    
víśvaṃ veda váruṇo yátʰā dʰiyā́ yajñíyo yajati yajñíyām̐ r̥tū́n //18//

Verse: 19 
Halfverse: a    
rápad gandʰarvī́r ápyā ca yóṣaṇā nadásya nādé pári pātu no mánaḥ /
Halfverse: c    
iṣṭásya mádʰye áditir dʰātu no bʰrā́tā no jyeṣṭʰáḥ pratʰamó vocati //19//

Verse: 20 
Halfverse: a    
cit bʰadrā́ kṣumátī yáśasvaty uṣā́ uvāsa mánave svàrvatī /
Halfverse: c    
yád īm uśántam uśatā́m ánu krátum agníṃ hótāraṃ vidátʰāya jī́janan //20// {2}

Verse: 21 
Halfverse: a    
ádʰa tyáṃ drapsáṃ vibʰvàṃ vicakṣanáṃ vír ā́bʰarad iṣiráḥ śyenó adʰvaré /
Halfverse: c    
yádī víśo vr̥ṇáte dasmám ā́ryā agníṃ hótāram ádʰa dʰī́r ajāyata //21//

Verse: 22 
Halfverse: a    
sádāsi raṇvó yávaseva púṣyate hótrābʰir agne mánuṣaḥ svadʰvaráḥ /
Halfverse: c    
víprasya yác cʰaśamāná uktʰyò3 vā́jaṃ sasavā́m̐ upayā́si bʰū́ribʰiḥ //22//

Verse: 23 
Halfverse: a    
úd īraya pitárā jārá ā́ bʰágam íyakṣati haryató hr̥ttá iṣyati /
Halfverse: c    
vívakti váhniḥ svapasyáte makʰás taviṣyáte ásuro vépate matī́ //23//

Verse: 24 
Halfverse: a    
yás te agne sumatíṃ márto ákʰyat sáhasaḥ sūno áti prá śr̥ṇve /
Halfverse: c    
íṣaṃ dádʰāno váhamāno áśvair ā́ dyumā́m̐ ámavān bʰūṣati dyū́n //24//

Verse: 25 
Halfverse: a    
śrudʰī́ no agne sádane sadʰástʰe yukṣvā́ rátʰam amŕ̥tasya dravitnúm /
Halfverse: c    
ā́ no vaha ródasī deváputre mā́kir devā́nām ápa bʰūr ihá syāḥ //25//

Verse: 26 
Halfverse: a    
yád agna eṣā́ sámitir bʰávāti devī́ devéṣu yajatā́ yajatra /
Halfverse: c    
rátnā ca yád vibʰájāsi svadʰāvo bʰāgáṃ no átra vásumantaṃ vītāt //26//

Verse: 27 
Halfverse: a    
ánv agnír uṣásām ágram akʰyad ánv áhāni pratʰamó jātávedāḥ /
Halfverse: c    
ánu sū́rya uṣáso ánu raśmī́n dyā́vāpr̥tʰivī́ ā́ viveśa //27//

Verse: 28 
Halfverse: a    
práty agnír uṣásām ágram akʰyat práty áhāni pratʰamó jātávedāḥ /
Halfverse: c    
práti sū́ryasya purudʰā́ ca raśmī́n práti dyā́vāpr̥tʰivī́ ā́ tatāna //28//

Verse: 29 
Halfverse: a    
dyā́vā ha kṣā́mā pratʰamé r̥ténābʰiśrāvé bʰavataḥ satyavā́cā /
Halfverse: c    
devó yán mártān yajátʰāya kr̥ṇvánt sī́dad dʰótā pratyáṅ svám ásuṃ yán //29//

Verse: 30 
Halfverse: a    
devó devā́n paribʰū́r r̥téna váhā no havyáṃ pratʰamáś cikitvā́n /
Halfverse: c    
dʰūmáketuḥ samídʰā bʰā́r̥jīko mandró hótā nítyo vācā́ yájīyān //30// {3}

Verse: 31 
Halfverse: a    
árcāmi vāṃ várdʰāyā́po gʰr̥tasnū dyā́vābʰūmī śr̥ṇutáṃ rodasī me /
Halfverse: c    
áhā yád devā́ ásunītim ā́yan mádʰvā no átra pitárā śiśītām //31//

Verse: 32 
Halfverse: a    
svā́vr̥g devásyāmŕ̥taṃ yádī gór áto jātā́so dʰārayanta urvī́ /
Halfverse: c    
víśve devā́ ánu tát te yájur gur duhé yád énī divyáṃ gʰr̥tám vāḥ //32//

Verse: 33 
Halfverse: a    
kíṃ svin no rā́jā jagr̥he kád asyā́ti vratáṃ cakr̥mā veda /
Halfverse: c    
mitrás cid dʰí ṣmā juhurāṇó devā́ṃ cʰlóko yātā́m ápi vā́jo ásti //33//

Verse: 34 
Halfverse: a    
durmántv átrāmŕ̥tasya nā́ma sálakṣmā yád víṣurūpā bʰávāti /
Halfverse: c    
yamásya manávate sumántv agne tám r̥ṣva pāhy áprayucʰan //34//

Verse: 35 
Halfverse: a    
yásmin devā́ vidátʰe mādáyante vivásvataḥ sádane dʰāráyante /
Halfverse: c    
sū́rye jyótir ádadʰur māsy à1ktū́n pári dyotaníṃ carato ájasrā //35//

Verse: 36 
Halfverse: a    
yásmin devā́ mánmani saṃcáranty apīcyè3 vayám asya vidma /
Halfverse: c    
mitró no átrā́ditir ánāgānt savitā́ devó váruṇāya vocat //36//

Verse: 37 
Halfverse: a    
sákʰāya ā́ śiṣāmahe brahméndrāya vajríṇe /
Halfverse: c    
stuṣá ū ṣú nŕ̥tamāya dʰr̥ṣṇáve //37//

Verse: 38 
Halfverse: a    
śávasā hy ási śrutó vr̥trahátyena vr̥trahā́ /
Halfverse: c    
magʰaír magʰóno áti śūra dāśasi //38//

Verse: 39 
Halfverse: a    
stegó kṣā́m áty eṣi pr̥tʰivī́ṃ mahī́ no vā́tā ihá vāntu bʰū́mau /
Halfverse: c    
mitró no átra váruṇo yujámāno agnír váne vy àsr̥ṣṭa śókam //39//

Verse: 40 
Halfverse: a    
stuhí śrutáṃ gartasádaṃ jánānāṃ rā́jānaṃ bʰīmám upahatnúm ugrám /
Halfverse: c    
mr̥ḍā́ jaritré rudra stávāno anyám asmát te vapantu sényam //40// {4}

Verse: 41 
Halfverse: a    
sárasvatīṃ devayánto havante sárasvatīm adʰvaré tāyámāne /
Halfverse: c    
sárasvatīṃ sukŕ̥to havante sárasvatī dāśúṣe vā́ryaṃ dāt //41//

Verse: 42 
Halfverse: a    
sárasvatīṃ pitáro havante dakṣinā́ yajñám abʰinákṣamāṇāḥ /
Halfverse: c    
āsádyāsmín barhíṣi mādayadʰvam anamīvā́ íṣa ā́ dʰehy asmé //42//

Verse: 43 
Halfverse: a    
sárasvati yā́ sarátʰaṃ yayā́tʰoktʰaíḥ svadʰā́bʰir devi pitŕ̥bʰir mádantī /
Halfverse: c    
sahasrārgʰám iḍó átra bʰāgáṃ rāyás póṣaṃ yájamānāya dʰehi //43//

Verse: 44 
Halfverse: a    
úd īratʰām ávara út párāsa ún madʰyamā́ḥ pitáraḥ somyā́saḥ /
Halfverse: c    
ásuṃ īyúr avr̥kā́ r̥tajñā́s no 'vantu pitáro háveṣu //44//

Verse: 45 
Halfverse: a    
ā́háṃ pitŕ̥̄nt suvidátrām̐ avitsi nápātaṃ ca vikrámaṇaṃ ca víṣṇoḥ /
Halfverse: c    
barhiṣádo svadʰáyā sutásya bʰájanta pitvás ta ihā́gamiṣṭʰāḥ //45//

Verse: 46 
Halfverse: a    
idáṃ pitŕ̥bʰyo námo astv adyá pū́rvāso áparāsa īyúḥ /
Halfverse: c    
pā́rtʰive rájasy ā́ níṣaktā nūnáṃ suvr̥jánāsu dikṣú //46//

Verse: 47 
Halfverse: a    
mā́talī kavyaír yamó áṅgirobʰir bŕ̥haspátir ŕ̥kvabʰir vāvr̥dʰānáḥ /
Halfverse: c    
yā́ṃś ca devā́ vāvr̥dʰúr ca devā́ṃs no 'vantu pitáro háveṣu //47//

Verse: 48 
Halfverse: a    
svādúṣ kílāyáṃ mádʰumām̐ utā́yáṃ tīvráḥ kílāyáṃ rásavām̐ utā́yám /
Halfverse: c    
utó nv àsyá papivā́ṃsam índraṃ káś caná sahata āhavéṣu //48//

Verse: 49 
Halfverse: a    
pareyivā́ṃsaṃ praváto mahī́r íti bahúbʰyaḥ pántʰām anupaspaśānám /
Halfverse: c    
vaivasvatáṃ saṃgámanaṃ jánānāṃ yamáṃ rā́jānaṃ havíṣā saparyata //49//

Verse: 50 
Halfverse: a    
yamó no gātúṃ pratʰamó viveda naíṣā́ gávyūtir ápabʰartavā́ u /
Halfverse: c    
yátrā naḥ pū́rve pitáraḥ páretā enā́ jajñānā́ḥ patʰyā̀3 ánu svā́ḥ //50// {5}

Verse: 51 
Halfverse: a    
bárhiṣadaḥ pitara ūty àrvā́g imā́ vo havyā́ cakr̥mā juṣádʰvam /
Halfverse: c    
ā́ gatā́vasā śáṃtamenā́dʰā naḥ śáṃ yór arapó dadʰāta //51//

Verse: 52 
Halfverse: a    
ā́cyā jā́nu dakṣiṇató niṣádyedáṃ no havír abʰí gr̥ṇantu víśve /
Halfverse: c    
mā́ hiṃsiṣṭa pitaraḥ kéna cin no yád va ā́gaḥ puruṣátā kárāma //52//

Verse: 53 
Halfverse: a    
tváṣṭā duhitré vahatúṃ kr̥ṇoti ténedáṃ víśvaṃ bʰúvanaṃ sám eti /
Halfverse: c    
yamásya mātā́ paryuhyámānā mahó jāyā́ vívasvato nanāśa //53//

Verse: 54 
Halfverse: a    
préhi préhi patʰíbʰiḥ pūryā́ṇair yénā te pū́rve pitáraḥ páretāḥ /
Halfverse: c    
ubʰā́ rā́jānau svadʰáyā mádantau yamáṃ paśyāsi váruṇaṃ ca devám //54//

Verse: 55 
Halfverse: a    
ápeta vī́ta ca sarpatā́to 'smā́ etáṃ pitáro lokám akran /
Halfverse: c    
áhobʰir adbʰír aktúbʰir vyàktaṃ yamó dadāty avasā́nam asmai //55//

Verse: 56 
Halfverse: a    
uśántas tvedʰīmahy uśántaḥ sám idʰīmahi /
Halfverse: c    
uśánn uśatá ā́ vaha pitŕ̥̄n havíṣe áttave //56//

Verse: 57 
Halfverse: a    
dyumántas tvedʰīmahi dyumántaḥ sám idʰīmahi /
Halfverse: c    
dyumā́n dyumatá ā́ vaha pitŕ̥̄n havíṣe áttave //57//

Verse: 58 
Halfverse: a    
áṅgiraso naḥ pitáro návagvā átʰarvāṇo bʰŕ̥gavaḥ somyā́saḥ /
Halfverse: c    
téṣāṃ vayáṃ sumataú yajñíyānām ápi bʰadré saumanasé syāma //58//

Verse: 59 
Halfverse: a    
áṅgirobʰir yajñíyair ā́ gahīhá yáma vairūpaír ihá mādayasva /
Halfverse: c    
vívasvantaṃ huve yáḥ pitā́ te 'smín barhíṣy ā́ niṣádya //59//

Verse: 60 
Halfverse: a    
imáṃ yama prastarám ā́ róhā́ṅgirobʰiḥ pitŕ̥bʰiḥ saṃvidānáḥ /
Halfverse: c    
ā́ tvā mántrāḥ kaviśastā́ vahantv enā́ rājan havíṣo mādayasva //60//

Verse: 61 
Halfverse: a    
itá etá udā́ruhan divás pr̥ṣṭʰā́nv ā́ruhan /
Halfverse: c    
prá bʰūrjáyo yátʰā patʰā́ dyā́m áṅgiraso yayúḥ //61// {6}

Hymn: 2 
Verse: 1 
Halfverse: a    
yamā́ya sómaḥ pavate yamā́ya kriyate havíḥ /
Halfverse: c    
yamáṃ ha yajñó gacʰaty agnídūto áraṃkr̥taḥ //1//

Verse: 2 
Halfverse: a    
yamā́ya mádʰumattamaṃ juhótā prá ca tiṣṭʰata /
Halfverse: c    
idáṃ náma ŕ̥ṣibʰyaḥ pūrvajébʰyaḥ pū́rvebʰyaḥ patʰikŕ̥dbʰyaḥ //2//

Verse: 3 
Halfverse: a    
yamāya gʰr̥távat páyo rā́jñe havír juhotana /
Halfverse: c    
no jīvéṣv ā́ yamed dīrgʰám ā́yuḥ prá jīváse //3//

Verse: 4 
Halfverse: a    
maínam agne daho mā́bʰi śūśuco mā́sya tvácaṃ cikṣipo mā́ śárīram /
Halfverse: c    
śr̥táṃ yadā́ kárasi jātavedó 'tʰem enaṃ prá hiṇutāt pitŕ̥̄m̐r úpa //4//

Verse: 5 
Halfverse: a    
yadā́ śr̥táṃ kr̥ṇávo jātavedó 'tʰemám enaṃ pári dattāt pitŕ̥bʰyaḥ /
Halfverse: c    
yadó gácʰāty ásunītim etā́m átʰa devā́nāṃ vaśanī́r bʰavāti //5//

Verse: 6 
Halfverse: a    
tríkadrukebʰiḥ pavate ṣáḍ urvī́r ékam íd br̥hát /
Halfverse: c    
triṣṭúb gāyatrī́ cʰándāṃsi sárvā tā́ yamá ā́rpitā //6//

Verse: 7 
Halfverse: a    
sū́ryaṃ cákṣuṣā gacʰa vā́tam ātmánā dívaṃ ca gácʰa pr̥tʰivī́ṃ ca dʰármabʰiḥ /
Halfverse: c    
apó gacʰa yádi tátra te hitám óṣadʰīṣu práti tiṣṭʰā śárīraiḥ //7//

Verse: 8 
Halfverse: a    
ajó bʰāgás tápasas táṃ tapasva táṃ te śocís tapatu táṃ te arcíḥ /
Halfverse: c    
yā́s te śivā́s tanvò jātavedas tā́bʰir vahainaṃ sukŕ̥tām u lokám //8//

Verse: 9 
Halfverse: a    
yā́s te śocáyo ráṃhayo jātavedo yā́bʰir āpr̥ṇā́si dívam antárikṣam /
Halfverse: c    
ajáṃ yántam ánu tā́ḥ sám r̥ṇvatām átʰétarābʰiḥ śivátamābʰiḥ śr̥táṃ kr̥dʰi //9//

Verse: 10 
Halfverse: a    
áva sr̥ja púnar agne pitŕ̥bʰyo yás ta ā́hutaś cárati svadʰā́vān /
Halfverse: c    
ā́yur vásāna úpa yātu śéṣaḥ sáṃ gacʰatāṃ tanvā̀ suvárcāḥ //10// {7}

Verse: 11 
Halfverse: a    
áti drava śvā́nau sārameyaú caturakṣaú śabálau sādʰúnā patʰā́ /
Halfverse: c    
ádʰā pitŕ̥̄nt suvidátrām̐ ápīhi yaména sadʰamā́daṃ mádanti //11//

Verse: 12 
Halfverse: a    
yaú te śvā́nau yama rakṣitā́rau caturakṣaú patʰiṣádī nr̥cákṣasā /
Halfverse: c    
tā́bʰyāṃ rājan pári dʰehy enaṃ svasty àsmā anamīváṃ ca dʰehi //12//

Verse: 13 
Halfverse: a    
urūṇasā́v asutŕ̥pāv udumbalaú yamásya dūtaú carato jánām̐ ánu /
Halfverse: c    
tā́v asmábʰyaṃ dr̥śáye sū́ryāya púnar dātām ásum adyéhá bʰadrám //13//

Verse: 14 
Halfverse: a    
sóma ékebʰyaḥ pavate gʰr̥tám éka úpāsate /
Halfverse: c    
yébʰyo mádʰu pradʰā́vati tā́ṃś cid evā́pi gacʰatāt //14//

Verse: 15 
Halfverse: a    
cit pū́rva r̥tásātā r̥tájātā r̥tāvŕ̥dʰaḥ /
Halfverse: c    
ŕ̥ṣīn tápasvato yama tapojā́m̐ ápi gacʰatāt //15//

Verse: 16 
Halfverse: a    
tápasā anādʰr̥ṣyā́s tápasā svàr yayúḥ /
Halfverse: c    
tápo cakriré máhas tā́ṃś cid evā́pi gacʰatāt //16//

Verse: 17 
Halfverse: a    
yúdʰyante pradʰáneṣu śū́rāso svàr tanūtyájaḥ /
Halfverse: c    
sahásradakṣiṇās tā́ṃ cid evā́pi gacʰatāt //17//

Verse: 18 
Halfverse: a    
sahásraṇītʰāḥ kaváyo gopāyánti sū́ryam /
Halfverse: c    
ŕ̥ṣīn tápasvato yama tapojā́m̐ ápi gacʰatāt //18//

Verse: 19 
Halfverse: a    
syonā́smai bʰava pr̥tʰivy anr̥kṣarā́ nivéśanī /
Halfverse: c    
yácʰāsmai śárma saprátʰāḥ //19//

Verse: 20 
Halfverse: a    
asaṃbādʰé pr̥tʰivyā́ uraú loké dʰīyasva /
Halfverse: c    
svadʰā́ yā́ś cakr̥ṣé jī́van tā́s te santu madʰuścútaḥ //20// {8}

Verse: 21 
Halfverse: a    
hváyāmi te mánasā mána ihémā́n gr̥hā́m úpa jujuṣāṇá éhi /
Halfverse: c    
sáṃ gacʰasva pitŕ̥bʰiḥ sáṃ yaména syonā́s tvā vā́tā úpa vāntu śagmā́ḥ //21//

Verse: 22 
Halfverse: a    
út tvā vahantu marúta udavāhā́ udaprútaḥ /
Halfverse: c    
ajéna kr̥ṇvántaḥ śītáṃ varṣéṇokṣantu bā́l íti //22//

Verse: 23 
Halfverse: a    
úd ahvam ā́yur ā́yuṣe krátve dákṣāya jīváse /
Halfverse: c    
svā́n gacʰatu te máno ádʰā pitŕ̥̄m̐r úpa drava //23//

Verse: 24 
Halfverse: a    
mā́ te máno mā́sor mā́ṅgānāṃ mā́ rásasya te /
Halfverse: c    
mā́ te hāsta tanvà1ḥ kíṃ canéhá //24//

Verse: 25 
Halfverse: a    
mā́ tvā vr̥kṣáḥ sáṃ bādʰiṣṭa mā́ devī́ pr̥tʰivī́ mahī́ /
Halfverse: c    
lokáṃ pitŕ̥ṣu vittvaídʰasva yamárājasu //25//

Verse: 26 
Halfverse: a    
yát te áṅgam átihitaṃ parācaír apānáḥ prāṇó u te páretaḥ /
Halfverse: c    
tát te saṃgátya pitáraḥ sánīḍā gʰāsā́d gʰāsáṃ púnar ā́ veśayantu //26//

Verse: 27 
Halfverse: a    
ápemáṃ jīvā́ arudʰan gr̥hébʰyas táṃ nír vahata pári grā́mād itáḥ /
Halfverse: c    
mr̥tyúr yamásyāsīd dūtáḥ prácetā ásūn pitŕ̥bʰyo gamayā́ṃ cakāra //27//

Verse: 28 
Halfverse: a    
dásyavaḥ pitŕ̥ṣu práviṣṭā jñātímukʰā ahutā́daś cáranti /
Halfverse: c    
parāpúro nipúro bʰáranty agníṣ ṭā́n asmā́t prá dʰamāti yajñā́t //28//

Verse: 29 
Halfverse: a    
sáṃ viśantv ihá pitáraḥ svā́ naḥ syonáṃ kr̥ṇvántaḥ pratiránta ā́yuḥ /
Halfverse: c    
tébʰyaḥ śakema havíṣā nákṣamāṇā jyóg jī́vantaḥ śarádaḥ purūcī́ḥ //29//

Verse: 30 
Halfverse: a    
yā́ṃ te dʰenúṃ nipr̥ṇā́mi yám u kṣīrá odanám /
Halfverse: c    
ténā jánasyāso bʰartā́ 'trā́sad ájīvanaḥ //30// {9}

Verse: 31 
Halfverse: a    
áśvāvatīṃ prá tara yā́ suśévā rkṣā́kaṃ prataráṃ návīyaḥ /
Halfverse: c    
yás tvā jagʰā́na vádʰyaḥ astu mā́ anyád vidata bʰāgadʰéyam //31//

Verse: 32 
Halfverse: a    
yamáḥ páró 'varo vívasvān tátaḥ páraṃ nā́ti paśyāmi kíṃ caná /
Halfverse: c    
yamé adʰvaró ádʰi me níviṣṭo bʰúvo vívasvān anvā́tatāna //32//

Verse: 33 
Halfverse: a    
ápāgūhann amŕ̥tāṃ mártyebʰyaḥ kr̥tvā́ sávarṇām adadʰur vívasvate /
Halfverse: c    
utā́śvínāv abʰarad yát tád ā́sīd ájahād u dvā́ mitʰunā́ saraṇyū́ḥ //33//

Verse: 34 
Halfverse: a    
níkʰātā pároptā dagdʰā́ códdʰitāḥ /
Halfverse: c    
sárvāṃs tā́n agna ā́ vaha pitŕ̥̄n havíṣe áttave //34//

Verse: 35 
Halfverse: a    
agnidagdʰā́ ánagnidagdʰā mádʰye diváḥ svadʰáyā mādáyante /
Halfverse: c    
tváṃ tā́n vettʰa yádi jātavedaḥ svadʰáyā yajñáṃ svádʰitiṃ juṣantām //35//

Verse: 36 
Halfverse: a    
śáṃ tapa mā́ti tapo ágne mā́ tanvà1ṃ tápaḥ /
Halfverse: c    
váṇeṣu śúṣmo astu te pr̥tʰivyā́m astu yád dʰáraḥ //36//

Verse: 37 
Halfverse: a    
dádāmy asmā avasā́nam etád eṣá ā́gan máma céd ábʰūd ihá /
Halfverse: c    
yamáś cikitvā́n práty etád āha mámaiṣá rāyá úpa tiṣṭʰatām ihá //37//

Verse: 38 
Halfverse: a    
imā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //38//

Verse: 39 
Halfverse: a    
prémā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //39//

Verse: 40 
Halfverse: a    
ápemā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //40// {10}

Verse: 41 
Halfverse: a    
vī́mā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //41//

Verse: 42 
Halfverse: a    
nír imā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //42//

Verse: 43 
Halfverse: a    
úd imā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //43//

Verse: 44 
Halfverse: a    
sám imā́ṃ mā́trāṃ mimīmahe yátʰā́paraṃ mā́sātai /
Halfverse: c    
śaté śarátsu no purā́ //44//

Verse: 45 
Halfverse: a    
ámāsi mā́trāṃ svàr agām ā́yuṣmān bʰūyāsam /
Halfverse: c    
yátʰā́paraṃ mā́sātai śaté śarátsu no purā́ //45//

Verse: 46 
Halfverse: a    
prāṇó apānó vyāná ā́yuś cákṣur dr̥śáye sū́ryāya /
Halfverse: c    
áparipareṇa patʰā́ yamárājñaḥ pitŕ̥̄n gacʰa //46//

Verse: 47 
Halfverse: a    
ágravaḥ śaśamānā́ḥ pareyúr hitvā́ dvéṣāṃsy ánapatyavantaḥ /
Halfverse: c    
dyā́m udítyāvidanta lokáṃ nā́kasya pr̥ṣṭʰé ádʰi dī́dʰyānāḥ //47//

Verse: 48 
Halfverse: a    
udanvátī dyaúr avamā́ pīlúmatī́ti madʰyamā́ /
Halfverse: c    
tr̥tī́yā ha pradyaúr íti yásyāṃ pitára ā́sate //48//

Verse: 49 
Halfverse: a    
na pitúḥ pitáro pitāmahā́ āviviśúr urv àntárikṣam /
Halfverse: c    
ākṣiyánti pr̥tʰivī́m utá dyā́ṃ tébʰyaḥ pitŕ̥bʰyo námasā vidʰema //49//

Verse: 50 
Halfverse: a    
idám íd vā́ u nā́paraṃ diví paśyasi sū́ryam /
Halfverse: c    
mātā́ putráṃ yátʰā sicā́bʰy ènaṃ bʰūma ūrṇuhi //50// {11}

Verse: 51 
Halfverse: a    
idám íd vā́ u nā́paraṃ jarásy anyád itó 'param /
Halfverse: c    
jāyā́ pátim iva vā́sasābʰy ènaṃ bʰūma ūrṇuhi //51//

Verse: 52 
Halfverse: a    
abʰí tvorṇomi pr̥tʰivyā́ mātúr vástreṇa bʰadráyā /
Halfverse: c    
jīvéṣu bʰadráṃ tán máyi svadʰā́ pitŕ̥ṣu sā́ tváyi //52//

Verse: 53 
Halfverse: a    
ágnīṣomā pátʰikr̥tā syonáṃ devébʰyo rátnaṃ dadʰatʰur lokám /
Halfverse: c    
úpa préṣyantaṃ pūṣáṇaṃ váhāty añjoyā́naiḥ patʰíbʰis tátra gacʰatam //53//

Verse: 54 
Halfverse: a    
pūṣā́ tvetáś cyāvayatu prá vidvā́n ánaṣṭapaśur bʰúvanasya gopā́ḥ /
Halfverse: c    
tvaitébʰyaḥ pári dadat pitŕ̥bʰyo 'gnír devébʰyaḥ suvidatríyebʰyaḥ //54//

Verse: 55 
Halfverse: a    
ā́yur viśvā́yuḥ pári pātu tvā pūṣā́ tvā pātu prápatʰe purástāt /
Halfverse: c    
yátrā́sate sukŕ̥to yátra īyús tátra tvā deváḥ savitā́ dadʰātu //55//

Verse: 56 
Halfverse: a    
imaú yunajmi te váhnī ásunītāya vóḍʰave /
Halfverse: c    
tā́bʰyāṃ yamásya sā́danaṃ sámitiś cā́va gacʰatāt //56//

Verse: 57 
Halfverse: a    
etát tvā vā́saḥ pratʰamáṃ nv ā́gann ápaitád ūha yád ihā́bibʰaḥ purā́ /
Halfverse: c    
iṣṭāpūrtám anusáṃkrāma vidvā́n yátra te dattáṃ bahudʰā́ víbandʰuṣu //57//

Verse: 58 
Halfverse: a    
agnér várma pári góbʰir vyayasva sáṃ prórṇuṣva médasā pī́vasā ca /
Halfverse: c    
nét tvā dʰr̥ṣṇúr hárasā járhr̥ṣāṇo dadʰŕ̥g vidʰakṣán parīṅkʰáyātai //58//

Verse: 59 
Halfverse: a    
daṇḍáṃ hástād ādádāno gatā́soḥ sahá śrótreṇa várcasā bálena /
Halfverse: c    
átraivá tvám ihá vayáṃ suvī́rā víśvā mŕ̥dʰo abʰímātīr jayema //59//

Verse: 60 
Halfverse: a    
dʰánur hástād ādádāno mr̥tásya sahá kṣatréṇa várcasā bálena /
Halfverse: c    
samā́gr̥bʰāya vásu bʰūri puṣṭám arvā́ṅ tvám éhy úpa jīvalokám //60// {12}

Hymn: 3 
Verse: 1 
Halfverse: a    
iyáṃ nā́rī patilokáṃ vr̥ṇānā́ padyata úpa tvā martya prétam /
Halfverse: c    
dʰármaṃ purāṇám anupāláyantī tásyai prajā́ṃ dráviṇaṃ cehá dʰehi //1//

Verse: 2 
Halfverse: a    
úd īrṣva nāry abʰí jīvalokáṃ gatā́sum etám úpa śeṣa éhi /
Halfverse: c    
hastagrābʰásya dadʰiṣós távedáṃ pátyur janitvám abʰí sáṃ babʰūtʰa //2//

Verse: 3 
Halfverse: a    
ápaśyaṃ yuvatíṃ nīyámānāṃ jīvā́ṃ mr̥tébʰyaḥ pariṇīyámānām /
Halfverse: c    
andʰéna yát támasā prā́vr̥tā́sīt prāktó ápācīm anayaṃ tád enām //3//

Verse: 4 
Halfverse: a    
prajānaty àgʰnye jīvalokáṃ devā́nāṃ pántʰām anusaṃcárantī /
Halfverse: c    
ayáṃ te gópatis táṃ juṣasva svargáṃ lokám ádʰi rohayainam //4//

Verse: 5 
Halfverse: a    
úpa dyā́m úpa vetasám ávattaro nadī́nām /
Halfverse: c    
ágne pittám apā́m asi //5//

Verse: 6 
Halfverse: a    
yáṃ tvám agne samádahas tám u nír vāpaya púnaḥ /
Halfverse: c    
kyā́mbūr átra rohatu śāṇḍadūrvā́ vyàlkaśā //6//

Verse: 7 
Halfverse: a    
idáṃ ta ékam purá ū ta ékaṃ tr̥tī́yena jyótiṣā sáṃ viśasva /
Halfverse: c    
saṃvéśane tanvā̀3 cā́rur edʰi priyó devā́nāṃ paramé sadʰástʰe //7//

Verse: 8 
Halfverse: a    
út tiṣṭʰa préhi prá dravaúkaḥ kr̥ṇuṣva salilé sadʰástʰe /
Halfverse: c    
tátra tváṃ pitŕ̥bʰiḥ saṃvidānáḥ sáṃ sómena mádasva sáṃ svadʰā́bʰiḥ //8//

Verse: 9 
Halfverse: a    
prá cyavasva tanvà1ṃ sáṃ bʰarasva mā́ te gā́trā hāyi śárīram /
Halfverse: c    
máno níviṣṭam anusáṃviśasva yátra bʰū́mer juṣáse tátra gacʰa //9//

Verse: 10 
Halfverse: a    
várcasā mā́ṃ pitáraḥ somyā́so áñjantu devā́ mádʰunā gʰr̥téna /
Halfverse: c    
cákṣuṣe prataráṃ tāráyanto jaráse jarádaṣṭiṃ vardʰantu //10// {13}

Verse: 11 
Halfverse: a    
várcasā mā́ṃ sám anaktv agnír medʰā́ṃ me víṣṇur ny ànaktv āsán /
Halfverse: c    
rayíṃ me víśve yacʰantu devā́ḥ syonā́ mā́paḥ pávanaiḥ punantu //11//

Verse: 12 
Halfverse: a    
mitrā́váruṇā pári mā́m adʰātām ādityā́ sváravo vardʰayantu /
Halfverse: c    
várco ma índro ny ànaktu hástayor jarádaṣṭiṃ savitā́ kr̥ṇotu //12//

Verse: 13 
Halfverse: a    
mamā́ra pratʰamó mártyānāṃ yáḥ preyā́ya pratʰamó lokám etám /
Halfverse: c    
vaivasvatáṃ saṃgámanaṃ jánānāṃ yamáṃ rā́jānaṃ havíṣā saparyata //13//

Verse: 14 
Halfverse: a    
párā yāta pitara ā́ ca yātāyáṃ vo yajñó mádʰunā sámaktaḥ /
Halfverse: c    
dattó asmábʰyaṃ dráviṇehá bʰadráṃ rayíṃ ca naḥ sárvavīraṃ dadʰāta //14//

Verse: 15 
Halfverse: a    
káṇvaḥ kakṣī́vān purumīḍʰó agástyaḥ śyāvā́śvaḥ sóbʰary arcanā́nāḥ /
Halfverse: c    
viśvā́mitro 'yáṃ jamádagnir átrir ávantu naḥ kaśyápo vāmádevaḥ //15//

Verse: 16 
Halfverse: a    
víśvāmitra jámadagne vásiṣṭʰa bʰáradvāja gótama vā́madeva /
Halfverse: c    
śardír no átrir agrabʰīn námobʰiḥ súsaṃśāsaḥ pítaro mr̥ḍátā naḥ //16//

Verse: 17 
Halfverse: a    
kasyé mr̥jānā áti yanti riprám ā́yur dádʰānāḥ prataráṃ návīyaḥ /
Halfverse: c    
āpyā́yamānāḥ prajáyā dʰánenā́dʰa syāma surabʰáyo gr̥héṣu //17//

Verse: 18 
Halfverse: a    
añjáte vy àñjate sám añjate krátuṃ rihanti mádʰunābʰy àñjate /
Halfverse: c    
síndʰor uccʰvāsé patáyantam ukṣáṇaṃ hiraṇyapāvā́ḥ paśúm āsu gr̥hnate //18//

Verse: 19 
Halfverse: a    
yád vo mudráṃ pitaraḥ somyáṃ ca téno sacadʰvaṃ sváyaśaso bʰūtá /
Halfverse: c    
arvāṇaḥ kavaya ā́ śr̥ṇota suvidátrā vidátʰe huyámānāḥ //19//

Verse: 20 
Halfverse: a    
átrayo áṅgiraso návagvā iṣṭā́vanto rātiṣā́co dádʰānāḥ /
Halfverse: c    
dákṣiṇāvantaḥ sukŕ̥to u stʰā́sádyāsmín barhíṣi mādayadʰvam //20// {14}

Verse: 21 
Halfverse: a    
ádʰā yátʰā naḥ pitáraḥ párāsaḥ pratnā́so agna r̥tám āśaśānā́ḥ /
Halfverse: c    
śúcī́d ayan dī́dʰyata uktʰaśásaḥ kṣā́mā bʰindánto aruṇī́r ápa vran //21//

Verse: 22 
Halfverse: a    
sukármānaḥ surúco devayánto áyo devā́ jánimā dʰámantaḥ /
Halfverse: c    
śucánto agníṃ vāvr̥dʰánta índram urvī́m gávyāṃ pariṣádaṃ no akran //22//

Verse: 23 
Halfverse: a    
ā́ yūtʰéva kṣumáti paśvó akʰyad devā́nāṃ jánimā́nty ugráḥ /
Halfverse: c    
mártāsaś cid urváśī́r akr̥pran vr̥dʰé cid aryá úparasyāyóḥ //23//

Verse: 24 
Halfverse: a    
ákarma te svápaso abʰūma r̥tám avasrann uṣáso vibʰātī́ḥ /
Halfverse: c    
víśvaṃ tád bʰadráṃ yád ávanti devā́ br̥hád vadema vidátʰe suvī́rāḥ //24//

Verse: 25 
Halfverse: a    
índro marútvān prā́cyā diśáḥ pātu bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //25//

Verse: 26 
Halfverse: a    
dʰātā́ nírr̥tyā dákṣiṇāyā diśáḥ pātu bāhucyútā pr̥tʰivī́ dyāṃ ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //26//

Verse: 27 
Halfverse: a    
áditir mādityaíḥ pratī́cyā diśáḥ pātu bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //27//

Verse: 28 
Halfverse: a    
sómo víśvair devaír údīcyā diśáḥ pātu bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //28//

Verse: 29 
Halfverse: a    
dʰartā́ ha tvā dʰarúṇo dʰārayātā ūrdʰváṃ bʰānúṃ savitā́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //29//

Verse: 30 
Halfverse: a    
prā́cyāṃ tvā diśí purā́ samvŕ̥taḥ svadʰā́yām ā́ dadʰāmi bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //30// {15}

Verse: 31 
Halfverse: a    
dákṣiṇāyāṃ tvā diśí purā́ samvŕ̥taḥ svadʰā́yām ā́ dadʰāmi bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //31//

Verse: 32 
Halfverse: a    
pratī́cyāṃ tvā diśí purā́ saṃvŕ̥taḥ svadʰā́yām ā́ dadʰāmi bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //32//

Verse: 33 
Halfverse: a    
údīcyāṃ tvā diśí purā́ samvŕ̥taḥ svadʰā́yām ā́ dadʰāmi bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //33//

Verse: 34 
Halfverse: a    
dʰruvāyāṃ tvā diśí purā́ saṃvŕ̥taḥ svadʰā́yām ā́ dadʰāmi bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //34//

Verse: 35 
Halfverse: a    
ūrdʰvāyāṃ tvā diśí purā́ samvŕ̥taḥ svadʰā́yām ā́ dadʰāmi bāhucyútā pr̥tʰivī́ dyā́m ivopári /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //35//

Verse: 36 
Halfverse: a    
dʰartā́si dʰarúno 'si váṃsago 'si //36//

Verse: 37 
Halfverse: a    
udapū́r asi madʰupū́r asi vātapū́r asi //37//

Verse: 38 
Halfverse: a    
itáś ca māmútaś cāvatāṃ yamé iva yátamāne yád aitám /
Halfverse: c    
prá vāṃ bʰaran mā́nuṣā devayánto ā́ sīdatāṃ svám u lokáṃ vídāne //38//

Verse: 39 
Halfverse: a    
svāsastʰé bʰavatam índave no yujé vāṃ bráhma pūrvyáṃ námobʰiḥ /
Halfverse: c    
ślóka eti patʰyèva sūríḥ śr̥ṇvántu víśve amŕ̥tāsa etát //39//

Verse: 40 
Halfverse: a    
trī́ṇi padā́ni rupó ánv arohac cátuṣpadīm ánv etad vraténa /
Halfverse: c    
akṣáreṇa práti mimīte arkám r̥tásya nā́bʰāv abʰí sáṃ punāti //40// {16}

Verse: 41 
Halfverse: a    
devébʰyaḥ kám avr̥ṇīta mr̥tyúṃ prajā́yai kím amŕ̥taṃ nā́vr̥ṇīta /
Halfverse: c    
bŕ̥haspátir yajñám atanuta ŕ̥ṣiḥ priyā́ṃ yamás tanvà1m ā́ rireca //41//

Verse: 42 
Halfverse: a    
tvám agna īḍitó jātavedó 'vāḍ ḍʰavyā́ni surabʰī́ṇi kr̥tvā́ /
Halfverse: c    
prā́dāḥ pitŕ̥bʰyaḥ svadʰáyā akṣann addʰí tváṃ deva práyatā havī́ṃṣi //42//

Verse: 43 
Halfverse: a    
ā́sīnāso aruṇī́nām upástʰe rayíṃ dʰatta dāśúṣe mártyāya /
Halfverse: c    
putrébʰyaḥ pitaras tásya vásvaḥ prá yacʰata ihórjaṃ dadʰāta //43//

Verse: 44 
Halfverse: a    
ágniṣvāttāḥ pitara éhá gacʰata sádaḥsadaḥ sadata supraṇītayaḥ /
Halfverse: c    
attó havī́ṃṣi práyatāni barhíṣi rayíṃ ca naḥ sárvavīraṃ dadʰāta //44//

Verse: 45 
Halfverse: a    
úpahūtā naḥ pitáraḥ somyā́so barhiṣyèṣu nidʰíṣu priyéṣu /
Halfverse: c    
ā́ gamantu ihá śruvantv ádʰi bruvantu 'vantv asmā́n //45//

Verse: 46 
Halfverse: a    
naḥ pitúḥ pitáro pitāmahā́ anūjahiré somapītʰáṃ vásiṣṭʰāḥ /
Halfverse: c    
tébʰir yamáḥ samrarāṇó havī́ṃṣy uśánn uśádbʰiḥ pratikāmám attu //46//

Verse: 47 
Halfverse: a    
tātr̥ṣúr devatrā́ jéhamānā hotrāvídaḥ stómataṣṭāso arkaíḥ /
Halfverse: c    
ā́gne yāhi sahásraṃ devavandaíḥ satyaíḥ kavíbʰir ŕ̥ṣibʰir gʰarmasádbʰiḥ //47//

Verse: 48 
Halfverse: a    
satyā́so havirádo haviṣpā́ índreṇa devaíḥ sarátʰaṃ turéṇa /
Halfverse: c    
ā́gne yāhi suvidátrebʰir arvā́ṅ páraiḥ pū́rvair ŕ̥ṣibʰir gʰarmasádbʰiḥ //48//

Verse: 49 
Halfverse: a    
úpa sarpa mātáraṃ bʰū́mim etā́m uruvyácasaṃ pr̥tʰivī́ṃ suśévām /
Halfverse: c    
ū́rṇamradāḥ pr̥tʰivī́ dákṣiṇāvata eṣā́ tvā pātu prápatʰe purástāt //49//

Verse: 50 
Halfverse: a    
úc cʰvañcasva pr̥tʰivi mā́ bādʰatʰāḥ sūpāyanā́smai bʰava sūpasarpaṇā́ /
Halfverse: c    
mātā́ putráṃ yátʰā sicā́bʰy ènaṃ bʰūma ūrṇuhi //50// {17}

Verse: 51 
Halfverse: a    
úccʰváñcamānā pr̥tʰivī́ tiṣṭʰatu sahásraṃ míta úpa śráyantām /
Halfverse: c    
gr̥hā́so gʰr̥taścútaḥ syonā́ viśvā́hāsmai śaraṇā́ḥ santv átra //51//

Verse: 52 
Halfverse: a    
út te stabʰnāmi pr̥tʰivī́ṃ tvát párīmáṃ logáṃ nidádʰan ahám riṣam /
Halfverse: c    
etā́ṃ stʰū́ṇāṃ pitáro dʰārayanti te tátra yamáḥ sā́danā te kr̥ṇotu //52//

Verse: 53 
Halfverse: a    
imám agne camasáṃ mā́ jihváraḥ priyó devā́nām utá somyā́nām /
Halfverse: c    
ayáṃ yáś camasó devapā́nas tásmin devā́ amŕ̥tā mādayantām //53//

Verse: 54 
Halfverse: a    
átʰarvā pūrṇám camasám yám indrāyā́bibʰar vājínīvate /
Halfverse: c    
tásmin kr̥ṇoti sukr̥tásya bʰakṣáṃ tásmin índuḥ pavate viśvadā́ním //54//

Verse: 55 
Halfverse: a    
yát te kr̥ṣṇáḥ śakuná ātutóda pipīláḥ sarpá utá śvā́padaḥ /
Halfverse: c    
agníṣ ṭád viśvā́d agadáṃ kr̥ṇotu sómaś ca brāhmaṇā́m̐ āvivéśa //55//

Verse: 56 
Halfverse: a    
páyasvatīr óṣadʰayaḥ páyasvan māmakáṃ páyaḥ /
Halfverse: c    
apā́ṃ páyaso yát páyas téna sahá śumbʰatu //56//

Verse: 57 
Halfverse: a    
imā́ nā́rīr avidʰavā́ḥ supátnīr ā́ñjanena sarpíṣā sáṃ spr̥śantām /
Halfverse: c    
anaśrávo anamīvā́ḥ surátnā ā́ rohantu jánayo yónim ágre //57//

Verse: 58 
Halfverse: a    
sáṃ gacʰasva pitŕ̥bʰiḥ sáṃ yaméneṣṭāpūrténa paramé vyòman /
Halfverse: c    
hitvā́vadyáṃ púnar ástam éhi sáṃ gacʰatāṃ tanvā̀ suvárcāḥ //58//

Verse: 59 
Halfverse: a    
naḥ pitúḥ pitáro pitāmahā́ āviviśúr urv à1ntárikṣam /
Halfverse: c    
tébʰyaḥ svarā́d ásunītir no adyá vatʰāvaśáṃ tanvàḥ kalpayāti //59//

Verse: 60 
Halfverse: a    
śaṃ te nīhāró bʰavatu śáṃ te pruṣvā́va śīyatām /
Halfverse: c    
śī́tike śī́tikāvati hlā́dike hlā́dikāvati /
Halfverse: e    
maṇḍūky à1psú śáṃ bʰuva imáṃ sv àgníṃ śamaya //60// {18}

Verse: 61 
Halfverse: a    
vivásvān no ábʰayaṃ kr̥ṇotu yáḥ sutrā́mā jīrádānuḥ sudā́nuḥ /
Halfverse: c    
ihémé vīrā́ bahávo bʰavantu gómad áśvavan máyy astu puṣṭám //61//

Verse: 62 
Halfverse: a    
vivásvān no amr̥tatvé dadʰātu páraitu mr̥tyúr amŕ̥taṃ na aítu /
Halfverse: c    
imān rakṣatu púruṣān ā́ jarimṇó sv èṣām ásavo yamáṃ guḥ //62//

Verse: 63 
Halfverse: a    
dadʰré antárikṣe mahnā pitr̥̄ṇā́ṃ kavíḥ prámatir matīnā́m /
Halfverse: c    
tám arcata viśvámitrā havírbʰiḥ no yamáḥ prataráṃ jīváse dʰāt //63//

Verse: 64 
Halfverse: a    
ā́ rohata dívam uttamā́m ŕ̥ṣayo mā́ bibʰītana /
Halfverse: c    
sómapāḥ sómapāyina idáṃ vaḥ kriyate havír áganma jvótir uttamám //64//

Verse: 65 
Halfverse: a    
prá ketúnā br̥hatā́ bʰāty agnír ā́ ródasī vr̥ṣabʰó roravīti /
Halfverse: c    
diváś cid ántād upamā́m úd ānaḍ apā́m upástʰe mahiṣó vavardʰa //65//

Verse: 66 
Halfverse: a    
nā́ke suparṇám úpa yát pátantaṃ hrdā́ vénanto abʰyácakṣata tvā /
Halfverse: c    
híraṇyapakṣaṃ váruṇasya dūtáṃ yamásya yónau śakunáṃ bʰuranyúm //66//

Verse: 67 
Halfverse: a    
índra krátuṃ na ā́ bʰara pitā́ putrébʰyo yátʰā /
Halfverse: c    
śíkṣā ṇo asmín puruhūta yā́mani jīvā́ jyótir aśīmahi //67//

Verse: 68 
Halfverse: a    
apūpā́pihitān kumbʰā́n yā́ṃs te devā́ ádʰārayan /
Halfverse: c    
te santu svadʰā́vanto mádʰumanto gʰr̥taścútaḥ //68//

Verse: 69 
Halfverse: a    
yā́s te dʰānā́ anukirā́mi tilámiśrā svadʰā́vatīḥ /
Halfverse: c    
tā́s te santu vibʰvī́ḥ prabʰvī́s tā́s te yamó rā́jā́nu manyatām //69//

Verse: 70 
Halfverse: a    
púnar dehi vanaspate eṣá níhitas tváyi /
Halfverse: c    
yátʰā yamásya sā́dana ā́sātau vidátʰā vádan //70//

Verse: 71 
Halfverse: a    
ā́ rabʰasva jātavedas téjasvad dʰáro astu te /
Halfverse: c    
śárīram asya sáṃ dahā́tʰainaṃ dehi sukŕ̥tām u loké //71//

Verse: 72 
Halfverse: a    
te pū́rve párāgatā ápare pitáraś ca /
Halfverse: c    
tébʰyo gʰr̥tásya kulyaítu śatádʰārā vyundatī́ //72//

Verse: 73 
Halfverse: a    
etád ā́ roha váya unmr̥jānáḥ svā́ ihá br̥hád u dīdayante /
Halfverse: c    
abʰí préhi madʰyató mā́pa hāstʰāḥ pitr̥̄nā́ṃ lokáṃ pratʰamó átra //73// {19}

Hymn: 4 
Verse: 1 
Halfverse: a    
ā́ rohata jánitrīṃ jātavedasaḥ pitr̥yā́naiḥ sáṃ va ā́ rohayāmi /
Halfverse: c    
ávāḍ ḍʰavyéṣitó havyavāhá ījānáṃ yuktā́ḥ sukŕ̥tāṃ dʰatta loké //1//

Verse: 2 
Halfverse: a    
devā́ yajñám r̥távaḥ kalpayanti havíḥ puroḍā́śaṃ srucó yajñāyudʰā́ni /
Halfverse: c    
tébʰir yā́hi patʰíbʰir devayā́nair yaír ījānā́ḥ svargáṃ yanti lokám //2//

Verse: 3 
Halfverse: a    
r̥tásya pántʰām ánu paśya sādʰv áṅgirasaḥ sukŕ̥to yéna yánti /
Halfverse: c    
tébʰir yā́hi patʰíbʰiḥ svargáṃ yátrādityā́ mádʰu bʰakṣáyanti tr̥tī́ye nā́ke ádʰi śrayasva //3//

Verse: 4 
Halfverse: a    
tráyaḥ suparṇā́ úparasya māyū́ nā́kasya pr̥ṣṭʰé ádʰi viṣṭápi śritā́ḥ /
Halfverse: c    
svargā lokā́ amŕ̥tena viṣṭʰā́ íṣam ū́rjaṃ yájamānāya duhrām //4//

Verse: 5 
Halfverse: a    
juhū́r dādʰāra dyā́m upabʰŕ̥d antárikṣaṃ dʰruvā́ dādʰāra pr̥tʰivī́ṃ pratiṣṭʰā́m /
Halfverse: c    
prátīmā́ṃ lokā́ gʰr̥tápr̥ṣṭʰāḥ svargā́ḥ kā́maṃkāmaṃ yájamānāya duhrām //5//

Verse: 6 
Halfverse: a    
dʰrúva ā́ roha pr̥tʰivī́ṃ viśvábʰojasam antárikṣam upabʰŕ̥d ā́ kramasva /
Halfverse: c    
júhu dyā́ṃ gacʰa yájamānena sākáṃ sruvéṇa vatséna díśaḥ prápīnāḥ sárvā dʰukṣvā́hr̥ṇyamānaḥ //6//

Verse: 7 
Halfverse: a    
tīrtʰaís taranti praváto mahī́r íti yajñakŕ̥taḥ sukŕ̥to yéna yánti /
Halfverse: c    
átrādadʰur yájamānāya lokáṃ díśo bʰūtā́ni yád ákalpayanta //7//

Verse: 8 
Halfverse: a    
áṅgirasām áyanaṃ pū́rvo agnír ādityā́nām áyanaṃ gā́rhapatyo dákṣiṇānām áyanaṃ dakṣiṇāgníḥ /
Halfverse: c    
mahimā́nam agnér víhitasya bráhmaṇā sámaṅgaḥ sárva úpa yāhi śagmáḥ //8//

Verse: 9 
Halfverse: a    
pū́rvo agníṣ ṭvā tapatu śáṃ purástāc cʰáṃ paścā́t tapatu gā́rhapatyaḥ /
Halfverse: c    
dakṣiṇāgníṣ ṭe tapatu śárma vármottarató madʰyató antárikṣād diśódiśo agne pári pāhi gʰorā́t //9//

Verse: 10 
Halfverse: a    
yūyám agne śaṃtamābʰis tanū́bʰir ījānám abʰí lokáṃ svargám /
Halfverse: c    
áśvā bʰūtvā́ pr̥ṣṭivā́ho vahātʰa yátra devaíḥ sadʰamā́daṃ mádanti //10// {20}

Verse: 11 
Halfverse: a    
śám agne paścā́t tapa śáṃ purástāc cʰám uttarā́c cʰám adʰarā́t tapainam /
Halfverse: c    
ékas tredʰā́ víhito jātavedaḥ samyág enaṃ dʰehi sukŕ̥tām u loké //11//

Verse: 12 
Halfverse: a    
śám agnáyaḥ sámiddʰā ā́ rabʰantāṃ prājāpatyáṃ médʰyaṃ jātávedasaḥ /
Halfverse: c    
śr̥táṃ kr̥ṇvánta ihá mā́va cikṣipan //12//

Verse: 13 
Halfverse: a    
yajñá eti vítataḥ kálpamāna ījānám abʰí lokáṃ svargám /
Halfverse: c    
tám agnáyaḥ sárvahutaṃ juṣantāṃ prājāpatyáṃ médʰyaṃ jātávedasaḥ //13//

Verse: 14 
Halfverse: a    
ījānáś citám ā́rukṣad agníṃ nā́kasya pr̥ṣṭʰā́d dívam utpatiṣyán /
Halfverse: c    
tásmai prá bʰāti nábʰaso jyótiṣīmānt svargáḥ pántʰāḥ sukŕ̥te devayā́naḥ //14//

Verse: 15 
Halfverse: a    
agnír hótādʰvaryúṣ ṭe bŕ̥haspátir índro brahmā́ dakṣiṇatás te astu /
Halfverse: c    
hutó 'yáṃ sáṃstʰito yajñá eti yátra pū́rvam áyanaṃ hutā́nām //15//

Verse: 16 
Halfverse: a    
apūpávān kṣīrávāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //16//

Verse: 17 
Halfverse: a    
apūpávān dádʰivāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //17//

Verse: 18 
Halfverse: a    
apūpávān drapsávāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //18//

Verse: 19 
Halfverse: a    
apūpávān gʰr̥távāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //19//

Verse: 20 
Halfverse: a    
apūpávān māṃsávāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //20// {21}

Verse: 21 
Halfverse: a    
apūpávān ánnavāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //21//

Verse: 22 
Halfverse: a    
apūpávān mádʰumāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //22//

Verse: 23 
Halfverse: a    
apūpávān rásavāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //23//

Verse: 24 
Halfverse: a    
apūpávān ápavāṃś carúr éhá sīdatu /
Halfverse: c    
lokakŕ̥taḥ patʰikŕ̥to yajāmahe devā́nāṃ hutábʰāgā ihá stʰá //24//

Verse: 25 
Halfverse: a    
apūpā́pihitān kumbʰā́n yā́ṃs te devā́ ádʰārayan /
Halfverse: c    
te santu svadʰā́vanto mádʰumanto gʰr̥taścútaḥ //25//

Verse: 26 
Halfverse: a    
yā́s te dʰānā́ anukirā́mi tilámiśrāḥ svadʰā́vatīḥ /
Halfverse: c    
tā́s te santūdbʰvī́ḥ prabʰvī́s tā́s te yamó rā́jā́nu manyatām //26//

Verse: 27 
Halfverse: a    
ákṣitiṃ bʰū́yasīm //27//

Verse: 28 
Halfverse: a    
drapsáś caskanda pr̥tʰivī́m ánu dyā́m imáṃ ca yónim ánu yáś ca pū́rvaḥ /
Halfverse: c    
samānáṃ yónim ánu samcárantaṃ drapsám juhomy ánu saptá hótrāḥ //28//

Verse: 29 
Halfverse: a    
śatádʰāraṃ vāyúm arkáṃ svarvídaṃ nr̥cákṣasas abʰí cakṣate rayím /
Halfverse: c    
pr̥nánti prá ca yácʰanti sarvadā́ duhrate dákṣiṇāṃ saptámātaram //29//

Verse: 30 
Halfverse: a    
kóśaṃ duhanti kaláśaṃ cáturbilam íḍāṃ dʰenúṃ mádʰumatīṃ svastáye /
Halfverse: c    
ū́rjaṃ mádantīm áditiṃ jáneṣv ágne mā́ hiṃsīḥ paramé vyòman //30// {22}

Verse: 31 
Halfverse: a    
etát te deváḥ savitā́ vā́so dadāti bʰártave /
Halfverse: c    
tát tvaṃ yamásya rā́jye vásānas tārpyàṃ cara //31//

Verse: 32 
Halfverse: a    
dʰānā́ dʰenúr abʰavad vatsó asyās tiló 'bʰavat /
Halfverse: c    
tā́ṃ vaí yamásya rā́jye ákṣitām úpa jīvati //32//

Verse: 33 
Halfverse: a    
etā́s te asau dʰenávaḥ kāmadúgʰā bʰavantu /
Halfverse: c    
énīḥ śyénīḥ sárūpā vírūpās tilávatsā úpa tiṣṭʰantu tvā́tra //33//

Verse: 34 
Halfverse: a    
énīr dʰānā́ háriṇīḥ śyénīr asya kr̥ṣṇā́ dʰānā́ róhiṇīr dʰenávas te /
Halfverse: c    
tilávatsā ū́rjam asmaí dúhānā viśvā́hā santv ánapaspʰurantīḥ //34//

Verse: 35 
Halfverse: a    
vaiśvānaré havír idáṃ juhomi sāhasráṃ śatádʰāram útsam /
Halfverse: c    
bibʰarti pitáraṃ pitāmahā́n prapitāmahā́n bibʰarti pínvamānaḥ //35//

Verse: 36 
Halfverse: a    
sahásradʰāraṃ śatádʰāram útsam ákṣitaṃ vyacyámānaṃ salilásya pr̥ṣṭʰé /
Halfverse: c    
ū́rjaṃ dúhānam ánapaspʰurantam úpāsate pitáraḥ svadʰā́bʰiḥ //36//

Verse: 37 
Halfverse: a    
idáṃ kásāmbu cáyanena citáṃ tát sajātā áva paśyatéta /
Halfverse: c    
mártyo 'yám amr̥tatvám eti tásmai gr̥hā́n kr̥ṇuta yāvatsábandʰu //37//

Verse: 38 
Halfverse: a    
ihaívaídʰi dʰanasánir ihácitta ihákratuḥ /
Halfverse: c    
ihaídʰi vīryàvattaro vayodʰā́ áparāhataḥ //38//

Verse: 39 
Halfverse: a    
putráṃ paútram abʰitarpáyantīr ā́po mádʰumatīr imā́ḥ /
Halfverse: c    
svadʰā́ṃ pitŕ̥bʰyo amŕ̥taṃ dúhānā ā́po devī́r ubʰáyāṃs tarpayantu //39//

Verse: 40 
Halfverse: a    
ā́po agníṃ prá hiṇuta pitŕ̥̄m̐r úpemáṃ yajñáṃ pitáro me juṣantām /
Halfverse: c    
ā́sīnām ū́rjam úpa sácante no rayíṃ sárvavīraṃ yacʰān //40// {23}

Verse: 41 
Halfverse: a    
sám indʰate ámartyaṃ havyavā́haṃ gʰr̥tapríyam /
Halfverse: c    
veda níhitān nidʰī́n pitŕ̥̄n parāváto gatā́n //41//

Verse: 42 
Halfverse: a    
yáṃ te mantʰáṃ yám odananáṃ yán māṃsáṃ nipr̥ṇā́mi te /
Halfverse: c    
te santu svadʰā́vanto mádʰumanto gʰr̥taścútaḥ //42//

Verse: 43 
Halfverse: a    
yā́s te dʰānā́ anukirā́mi tilámiśrāḥ svadʰā́vatīḥ /
Halfverse: c    
tā́s te santūdbʰvī́ḥ prabʰvī́s tā́s te yamó rā́jā́nu manyatām //43//

Verse: 44 
Halfverse: a    
idáṃ pū́rvam áparaṃ niyā́naṃ yénā te pū́rve pitáraḥ páretāḥ /
Halfverse: c    
purogavā́ abʰisā́co asya tvā vahanti sukŕ̥tām u lokám //44//

Verse: 45 
Halfverse: a    
sárasvatīṃ devayánto havante sárasvatīm adʰvaré tāyámāne /
Halfverse: c    
sárasvatīṃ sukŕ̥to havante sárasvatī dāśúṣe vā́ryaṃ dāt //45//

Verse: 46 
Halfverse: a    
sárasvatīṃ pitáro havante dakṣiṇā́ yajñám abʰinákṣamāṇāḥ /
Halfverse: c    
āsádyāsmín barhíṣi mādayadʰvam anamīvā́ íṣa ā́ dʰehy asmé //46//

Verse: 47 
Halfverse: a    
sárasvati yā́ sarátʰaṃ yayā́tʰoktʰaíḥ svadʰā́bʰir devi pitŕ̥bʰir mádantī /
Halfverse: c    
sahasrārgʰám iḍó átra bʰāgáṃ rāyás póṣaṃ yájamānāya dʰehi //47//

Verse: 48 
Halfverse: a    
pr̥tʰivī́ṃ tvā pr̥tʰivyā́m ā́ veśayāmi devó no dʰātā́ prá tirāty ā́yuḥ /
Halfverse: c    
párāparaitā vasuvíd vo astv ádʰā mr̥tā́ḥ pitŕ̥ṣu sáṃ bʰavantu //48//

Verse: 49 
Halfverse: a    
ā́ prá cyavetʰām ápa tán mr̥jetʰāṃ yád vām abʰibʰā́ átrocúḥ /
Halfverse: c    
asmā́d étam agʰnyaú tád váśīyo dātúḥ pitŕ̥ṣv ihábʰojanau máma //49//

Verse: 50 
Halfverse: a    
éyám agan dákṣiṇā bʰadrató anéna dattā́ sudúgʰā vayodʰā́ḥ /
Halfverse: c    
yaúvane jīvā́n upapr̥ñcatī́ jarā́ pitŕ̥bʰya upasaṃpárāṇayād imā́n //50// {24}

Verse: 51 
Halfverse: a    
idáṃ pitŕ̥bʰyaḥ prá bʰarāmi barhír jīváṃ devébʰya úttaraṃ str̥ṇāmi /
Halfverse: c    
tád ā́ roha puruṣa médʰyo bʰávan práti tvā jānantu pitáraḥ páretam //51//

Verse: 52 
Halfverse: a    
édáṃ barhír asado médʰyo 'bʰūḥ práti tvā jānantu pitáraḥ páretam /
Halfverse: c    
yatʰāparú tanvà1ṃ sáṃ bʰarasva gātrāṇi te bráhmaṇā kalpayāmi //52//

Verse: 53 
Halfverse: a    
parṇó rā́jāpidʰā́naṃ carūṇā́m ūrjó bálaṃ sáha ójo na ā́gan /
Halfverse: c    
ā́yur jīvébʰyo vídadʰad dīrgʰāyutvā́ya śatáśāradāya //53//

Verse: 54 
Halfverse: a    
ūrjó bʰāgó imáṃ jajā́nā́śmā́nnānām ā́dʰipatyaṃ jagā́ma /
Halfverse: c    
tám arcata viśvámitrā havírbʰiḥ no yamáḥ prataráṃ jīváse dʰāt //54//

Verse: 55 
Halfverse: a    
yátʰā yamā́ya harmyám ávapan páñca mānavā́ḥ /
Halfverse: c    
evā́ vapāmi harmyáṃ yátʰā me bʰū́rayó 'sata //55//

Verse: 56 
Halfverse: a    
idáṃ híraṇyaṃ bibʰr̥hi yát te pitā́bibʰaḥ purā́ /
Halfverse: c    
svargáṃ yatáḥ pitúr hástaṃ nír mr̥ḍḍʰi dákṣiṇam //56//

Verse: 57 
Halfverse: a    
ca jīvā́ ca mr̥tā́ jātā́ ca yajñíyāḥ /
Halfverse: c    
tébʰyo gʰr̥tásya kulyaítu mádʰudʰārā vyundatī́ //57//

Verse: 58 
Halfverse: a    
vŕ̥ṣā matīnā́ṃ pavate vicakṣaṇáḥ sū́ro áhnāṃ pratárītoṣásāṃ diváḥ /
Halfverse: c    
prāṇáḥ síndʰūnāṃ kaláśām̐ acikradad índrasya hā́rdim āviśán manīṣáyā //58//

Verse: 59 
Halfverse: a    
tveṣás te dʰūmá ūrṇotu diví ṣáṃ cʰukrá ā́tataḥ /
Halfverse: c    
sū́ro dyutā́ tvaṃ kr̥pā́ pāvaka rócase //59//

Verse: 60 
Halfverse: a    
prá vā́ etī́ndur índrasya níṣkr̥tiṃ sákʰā sákʰyur prá mināti saṃgiráḥ /
Halfverse: c    
márya iva yóṣāḥ sám arṣase sómaḥ kaláśe śatáyāmanā patʰā́ //60// {25}

Verse: 61 
Halfverse: a    
ákṣann ámīmadanta hy áva priyā́m̐ adʰūṣata /
Halfverse: c    
ástoṣata svábʰānavo víprā yáviṣṭʰā īmahe //61//

Verse: 62 
Halfverse: a    
ā́ yāta pitaraḥ somyā́so gambʰīraíḥ patʰíbʰiḥ pitr̥yā́ṇaiḥ /
Halfverse: c    
ā́yur asmábʰyaṃ dádʰataḥ prajā́ṃ ca rāyáś ca póṣair abʰí naḥ sacadʰvam //62//

Verse: 63 
Halfverse: a    
párā yāta pitaraḥ somyā́so gambʰīraíḥ patʰíbʰiḥ pūryā́ṇaiḥ /
Halfverse: c    
ádʰā māsi púnar ā́ yāta no gr̥hā́n havír áttuṃ suprajásaḥ suvī́rāḥ //63//

Verse: 64 
Halfverse: a    
yád vo agnír ájahād ékam áṅgaṃ pitr̥lokáṃ gamáyaṃ jātávedāḥ /
Halfverse: c    
tád va etát púnar ā́ pyāyayāmi sāṅgā́ḥ svargé pitáro mādayadʰvam //64//

Verse: 65 
Halfverse: a    
ábʰūd dūtáḥ práhito jātávedāḥ sāyáṃ nyáhna upavándyo nŕ̥bʰiḥ /
Halfverse: c    
prā́dāḥ pitŕ̥bʰyaḥ svadʰáyā akṣann addʰí tváṃ deva práyatā havī́ṃṣi //65//

Verse: 66 
Halfverse: a    
ásau hā́ ihá te mánaḥ kákutsalam iva jāmáyaḥ /
Halfverse: c    
abʰy ènaṃ bʰūma ūrṇuhi //66//

Verse: 67 
Halfverse: a    
śúmbʰantāṃ lokā́ḥ pitr̥ṣádanāḥ pitr̥ṣádane tvā loká ā́ sādayāmi //67//

Verse: 68 
Halfverse: a    
asmā́kaṃ pitáras téṣāṃ barhír asi //68//

Verse: 69 
Halfverse: a    
úd uttamáṃ varuṇa pā́śam asmád ávādʰamáṃ śratʰāya /
Halfverse: c    
ádʰā vayám āditya vraté távā́nāgaso áditaye syāma //69//

Verse: 70 
Halfverse: a    
prā́smát pā́śān varuṇa muñca sárvān yaíḥ samāmé badʰyáte yaír vyāmé /
Halfverse: c    
ádʰā jīvema śarádaṃ śatāni tváyā rājan gupitā́ rákṣamāṇāḥ //70// {26}

Verse: 71 
Halfverse: a    
agnáye kavyavā́hanāya svadʰā́ námaḥ //71//

Verse: 72 
Halfverse: a    
sómāya pitr̥máte svadʰā́ námaḥ //72//

Verse: 73 
Halfverse: a    
pitŕ̥bʰyaḥ sómavadbʰyaḥ svadʰā́ námaḥ //73//

Verse: 74 
Halfverse: a    
yamā́ya pitr̥máte svadʰā́ námaḥ //74//

Verse: 75 
Halfverse: a    
etát te pratatāmaha svadʰā́ ca tvā́m ánu //75//

Verse: 76 
Halfverse: a    
etát te tatāmaha svadʰā́ ca tvā́m ánu //76//

Verse: 77 
Halfverse: a    
etát te tata svadʰā́ //77//

Verse: 78 
Halfverse: a    
svadʰā́ pitŕ̥bʰyaḥ pr̥tʰiviṣádbʰyaḥ //78//

Verse: 79 
Halfverse: a    
svadʰā pitŕ̥bʰyo antarikṣasádbʰyaḥ //79//

Verse: 80 
Halfverse: a    
svadʰā́ pitŕ̥bʰyo diviṣádbʰyaḥ //80// {27}

Verse: 81 
Halfverse: a    
námo vaḥ pitara ūrjé námo vaḥ pitaro rásāya //81//

Verse: 82 
Halfverse: a    
námo vaḥ pitaro bʰā́māya námo vaḥ pitaro manyáve //82//

Verse: 83 
Halfverse: a    
námo vaḥ pitaro yád gʰoráṃ tásmai námo vaḥ pitaro yát krūráṃ tásmai //83//

Verse: 84 
Halfverse: a    
námo vaḥ pitaro yác cʰiváṃ tásmai námo vaḥ pitaro yát syonáṃ tásmai //84//

Verse: 85 
Halfverse: a    
námo vaḥ pitaraḥ svadʰā́ vaḥ pitaraḥ //85//

Verse: 86 
Halfverse: a    
'tra pitáraḥ pitáro 'tra yūyáṃ stʰá yuṣmā́ṃs 'nu yūyáṃ téṣāṃ śréṣṭʰā bʰūyāstʰa //86//

Verse: 87 
Halfverse: a    
ihá pitáro jīvā́ ihá vayáṃ smaḥ /
Halfverse: c    
asmā́m̐s 'nu vayáṃ téṣāṃ śréṣṭʰā bʰūyāsma //87//

Verse: 88 
Halfverse: a    
ā́ tvāgna idʰīmahi dyumántaṃ devājáram /
Halfverse: c    
yád gʰa sā́ te pánīyasī samíd dīdáyati dyávi /
Halfverse: e    
íṣaṃ stotŕ̥bʰya ā́ bʰara //88//

Verse: 89 
Halfverse: a    
candrámā apsv à1ntár ā́ suparṇó dʰāvate diví /
Halfverse: c    
vo hiraṇyanemayaḥ padáṃ vindanti vidyuto vittáṃ me asyá rodasī //89// {28}



Book: 19 
19
Hymn: 1 


Verse: 1 
Halfverse: a    
sáṃsaṃ sravantu nadyà1ḥ sáṃ vā́tāḥ sáṃ patatríṇaḥ /
Halfverse: c    
yajñám imáṃ vardʰayatā giraḥ saṃsrāvyèṇa havíṣā juhomi //1//

Verse: 2 
Halfverse: a    
imáṃ homā yajñám avatemáṃ saṃsrāvaṇā utá yajñám imáṃ vardʰayatā giraḥ saṃsrāvyèṇa havíṣā juhomi //2//

Verse: 3 
Halfverse: a    
rūpáṃrūpaṃ váyovayaḥ saṃrábʰyainaṃ pári ṣvaje /
Halfverse: c    
yajñám imáṃ cátasraḥ pradíśo vardʰayantu saṃsrāvyèṇa havíṣā juhomi //3//

Hymn: 2 
Verse: 1 
Halfverse: a    
śáṃ ta ā́po haimavatī́ḥ śám u te santūtsyā̀ḥ /
Halfverse: c    
śáṃ te saniṣyadā́ ā́paḥ śám u te santu varṣyā̀ḥ //1//

Verse: 2 
Halfverse: a    
śáṃ ta ā́po dʰanvanyā̀3ḥ śáṃ te santv anūpyā̀ḥ /
Halfverse: c    
śáṃ te kʰanitrímā ā́paḥ śáṃ yā́ḥ kumbʰébʰir ā́bʰr̥tāḥ //2//

Verse: 3 
Halfverse: a    
anabʰráyaḥ kʰánamānā víprā gambʰīré apásaḥ /
Halfverse: c    
bʰiṣágbʰyo bʰiṣáktarā ā́po ácʰā vadāmasi //3//

Verse: 4 
Halfverse: a    
apā́m áha divyā́nām apā́ṃ srotasyā̀nām /
Halfverse: c    
apā́m áha praṇéjané 'śvā bʰavatʰa vājínaḥ //4//

Verse: 5 
Halfverse: a    
tā́ apáḥ śivā́ apó 'yakṣmaṃkáraṇīr apáḥ /
Halfverse: c    
yátʰaivá tr̥pyate máyas tā́s ta ā́ datta bʰesajī́ḥ //5//

Hymn: 3 
Verse: 1 
Halfverse: a    
divás pr̥tʰivyā́ḥ páry antárikṣād vánaspátibʰyo ádʰy óṣadʰībʰyaḥ /
Halfverse: c    
yátrayatra víbʰr̥to jātávedās táta stutó juṣámāṇo na éhi //1//

Verse: 2 
Halfverse: a    
yás te apsú mahimā́ váneṣu óṣadʰīṣu paśúṣv apsv àntáḥ /
Halfverse: c    
ágne sárvās tanvà1ḥ sáṃ rabʰasva tā́bʰir na éhi draviṇodā́ ájasraḥ //2//

Verse: 3 
Halfverse: a    
yás te devéṣu mahimā́ svargó yā́ te tanúḥ pitŕ̥ṣv āvivéśa /
Halfverse: c    
púṣṭir yā́ te manuṣyèṣu papratʰé 'gne táyā rayím asmā́su dʰehi //3//

Verse: 4 
Halfverse: a    
śrútkarṇāya kaváye védyāya vácobʰir vākaír úpa yāmi rātím /
Halfverse: c    
yáto bʰayám ábʰayaṃ tán no astv áva devā́nāṃ yaja héḍo agne //4//

Hymn: 4 
Verse: 1 
Halfverse: a    
yā́m ā́hutiṃ pratʰamā́m átʰarvā yā́ jātā́ yā́ havyám ákr̥ṇoj jātávedāḥ /
Halfverse: c    
tā́ṃ ta etā́ṃ pratʰamó johavīmi tā́bʰiṣ ṭuptó vahatu havyám agnír agnáye svā́ha //1//

Verse: 2 
Halfverse: a    
ā́kūtiṃ devī́ṃ subʰágāṃ puró dadʰe cittásya mātā́ suhávā no astu /
Halfverse: c    
yā́m āśā́m émi kévalī sā́ me astu vidéyam enāṃ mánasi práviṣṭām //2//

Verse: 3 
Halfverse: a    
ā́kūtyā no br̥haspata ā́kūtyā na úpā́ gahi /
Halfverse: c    
átʰo bʰágasya no dʰehy átʰo naḥ suhávo bʰava //3//

Verse: 4 
Halfverse: a    
bŕ̥haspátir ma ā́kūtim āṅgirasáḥ práti jānātu vā́cam etā́m /
Halfverse: c    
yásya devā́ devátāḥ saṃbabʰūvúḥ supráṇītāḥ kā́mo ánv etv asmā́n //4//

Hymn: 5 
Verse: 1 
Halfverse: a    
índro rā́jā jágataś carṣaṇīnā́m ádʰi kṣami víṣurūpaṃ yád asti /
Halfverse: c    
táto dadāti dāśúṣe vásūni códad rā́dʰa úpastutaś cid arvā́k //1//

Hymn: 6 
Verse: 1 
Halfverse: a    
sahásrabāhuḥ púruṣaḥ sahasrākṣáḥ sahásrapāt /
Halfverse: c    
bʰū́miṃ viśváto vr̥tvā́ty átiṣṭʰad daśāṅgulám //1//

Verse: 2 
Halfverse: a    
tribʰíḥ padbʰír dyā́m arohat pā́d asyehā́bʰavat púnaḥ /
Halfverse: c    
tátʰā vy àkrāmad víṣvaṅ aśanānaśané ánu //2//

Verse: 3 
Halfverse: a    
tā́vanto asya mahimā́nas táto jyā́yāṃś ca pū́ruṣaḥ /
Halfverse: c    
pā́do 'sya víśvā bʰūtā́ni tripā́d asyāmŕ̥taṃ diví //3//

Verse: 4 
Halfverse: a    
púruṣa evédáṃ sárvaṃ yád bʰūtáṃ yác ca bʰāvyàm /
Halfverse: c    
utā́mr̥tatvásyeśvaró yád anyénā́bʰavat sahá //4//

Verse: 5 
Halfverse: a    
yát púruṣaṃ vy ádadʰuḥ katidʰā́ vy àkalpayan /
Halfverse: c    
múkʰaṃ kím asya kím bāhū́ kím ūrū́ pā́dā ucyate //5//

Verse: 6 
Halfverse: a    
brāhmaṇó 'sya múkʰam āsīd bāhū́ rājanyò 'bʰavat /
Halfverse: c    
mádʰyaṃ tád asya yád vaíśyaḥ padbʰyā́ṃ śūdró ajāyata //6//

Verse: 7 
Halfverse: a    
candrámā mánaso jātáś cákṣoḥ sū́ryo ajāyata /
Halfverse: c    
múkʰād índraś cāgníś ca prāṇā́d vāyúr ajāyata //7//

Verse: 8 
Halfverse: a    
nā́bʰyā āsīd antárikṣaṃ śīrṣṇó dyaúḥ sám avartata /
Halfverse: c    
padbʰyā́ṃ bʰū́mir díśaḥ śrótrāt tátʰā lokā́m̐ akalpayan //8//

Verse: 9 
Halfverse: a    
virā́ḍ ágre sám abʰavad virā́jo ádʰi pū́ruṣaḥ /
Halfverse: c    
jātó áty aricyata paścā́d bʰū́mim átʰo puráḥ //9//

Verse: 10 
Halfverse: a    
yát púruṣeṇa havíṣā devā́ yajñám átanvata /
Halfverse: c    
vasantó asyāsīd ā́jyaṃ grīṣmá idʰmáḥ śarád dʰavíḥ //10//

Verse: 11 
Halfverse: a    
táṃ yajñáṃ prāvŕ̥ṣā praúkṣan púruṣaṃ jātám agraśáḥ /
Halfverse: c    
téna devā́ ayajanta sādʰyā́ vásavaś ca //11//

Verse: 12 
Halfverse: a    
tásmād áśvā ajāyanta ca cobʰayā́dataḥ /
Halfverse: c    
gā́vo ha jajñire tásmāt tásmāj jātā́ ajāváyaḥ //12//

Verse: 13 
Halfverse: a    
tásmād yajñā́t sarvahúta ŕ̥caḥ sā́māni jajñire /
Halfverse: c    
cʰándo ha jajñire tásmād yájus tásmād ajāyata //13//

Verse: 14 
Halfverse: a    
tásmād yajñā́t sarvahútaḥ sáṃbʰr̥taṃ pr̥ṣadājyám /
Halfverse: c    
paśū́ṃs tā́ṃś cakre vāyavyā̀n āraṇyā́ grāmyā́ś ca //14//

Verse: 15 
Halfverse: a    
saptā́syāsan paridʰáyas tríḥ saptá samídʰaḥ kr̥tā́ḥ /
Halfverse: c    
devā́ yád yajñáṃ tanvānā́ ábadʰnan púruṣaṃ paśúm //15//

Verse: 16 
Halfverse: a    
mūrdʰnó devásya br̥ható aṃśávaḥ saptá saptatī́ḥ /
Halfverse: c    
rā́jñaḥ sómasyājāyanta jātásya púruṣād ádʰi //16//

Hymn: 7 
Verse: 1 
Halfverse: a    
citrā́ṇi sākáṃ diví rocanā́ni sarīsr̥pā́ṇi bʰúvane javā́ni /
Halfverse: c    
turmíśaṃ sumatím icʰámāno áhāni gīrbʰíḥ saparyāmi nā́kam //1//

Verse: 2 
Halfverse: a    
suhávam agne kŕ̥ttikā róhiṇī cā́stu bʰadráṃ mr̥gáśiraḥ śám ārdrā́ /
Halfverse: c    
púnarvasū sūnŕ̥tā cā́ru púṣyo bʰānúr āśleṣā́ áyanaṃ magʰā́ me //2//

Verse: 3 
Halfverse: a    
púṇyaṃ pū́rvā pʰálgunyau cā́tra hástaś citrā́ śivā́ svātí sukʰó me astu /
Halfverse: c    
rā́dʰe viśā́kʰe suhávānurādʰā́ jyéṣṭʰā sunákṣatram áriṣṭa mū́lam //3//

Verse: 4 
Halfverse: a    
ánnaṃ pū́rvā rāsatāṃ me aṣāḍʰā́ ū́rjaṃ devy úttarā ā́ vahantu /
Halfverse: c    
abʰijín me rāsatāṃ púṇyam evá śrávaṇaḥ śráviṣṭʰāḥ kurvatāṃ supuṣṭím //4//

Verse: 5 
Halfverse: a    
ā́ me mahác cʰatábʰiṣag várīya ā́ me dvayā́ próṣṭʰapadā suśárma /
Halfverse: c    
ā́ revátī cāśvayújau bʰágaṃ ma ā́ me rayíṃ bʰáraṇya ā́ vahantu //5//

Hymn: 8 
Verse: 1 
Halfverse: a    
yā́ni nákṣatrāṇi divy à1ntárikṣe apsú bʰū́mau yā́ni nágeṣu dikṣú /
Halfverse: c    
prakalpáyaṃś candrámā yā́ny éti sárvāṇi mámaitā́ni śivā́ni santu //1//

Verse: 2 
Halfverse: a    
aṣṭāviṃśā́ni śivā́ni śagmā́ni sahá yógaṃ bʰajantu me /
Halfverse: c    
yógaṃ prá padye kṣémaṃ ca kṣémaṃ prá padye yógaṃ ca námo 'horātrā́bʰyām astu //2//

Verse: 3 
Halfverse: a    
svástitaṃ me suprātáḥ susāyáṃ sudiváṃ sumr̥gáṃ suśakunáṃ me astu /
Halfverse: c    
suhávam agne svasty à1martyáṃ gatvā́ púnar ā́yābʰinándan //3//

Verse: 4 
Halfverse: a    
anuhaváṃ parihaváṃ parivādáṃ parikṣavám /
Halfverse: c    
sárvair me riktakumbʰā́n párā tā́nt sávitaḥ suva //4//

Verse: 5 
Halfverse: a    
ápapāpáṃ parikṣaváṃ púṇyaṃ bʰakṣīmáhi kṣávam /
Halfverse: c    
śivā́ te pāpa nā́sikāṃ púṇyagaś cābʰí mehatām //5//

Verse: 6 
Halfverse: a    
imā́ yā́ brahmaṇas pate víṣucīr vā́ta ī́rate /
Halfverse: c    
sadʰrī́cīr indra tā́ḥ kr̥tvā́ máhyaṃ śivátamās kr̥dʰi //6//

Verse: 7 
Halfverse: a    
svastí no astv ábʰayaṃ no astu námo 'horatrā́bʰyām astu //7//

Hymn: 9 
Verse: 1 
Halfverse: a    
śāntā́ dyaúḥ śāntā́ pr̥tʰivī́ śāntám idám urv à1ntárikṣam /
Halfverse: c    
śāntā́ udanvátīr ā́paḥ śāntā́ naḥ santv óṣadʰīḥ //1//

Verse: 2 
Halfverse: a    
śāntā́ni pūrvarūpā́ṇi śāntáṃ no astu kr̥tākr̥tám /
Halfverse: c    
śāntáṃ bʰūtáṃ ca bʰávyaṃ ca sárvam evá śám astu naḥ //2//

Verse: 3 
Halfverse: a    
iyáṃ yā́ parameṣṭʰínī vā́g devī́ bráhmasaṃśitā /
Halfverse: c    
yáyaivá sasr̥jé gʰoráṃ táyaivá śā́ntir astu naḥ //3//

Verse: 4 
Halfverse: a    
idáṃ yát parameṣṭʰínaṃ máno vāṃ bráhmasaṃśitam /
Halfverse: c    
yénaivá sasr̥jé gʰoráṃ ténaivá śā́ntir astu naḥ //4//

Verse: 5 
Halfverse: a    
imā́ni yā́ni páñcendriyā́ni mánaḥṣaṣṭʰāni me hr̥dí bráhmaṇā sáṃśitāni /
Halfverse: c    
yaír evá sasr̥jé gʰoráṃ taír evá śā́ntir astu naḥ //5//

Verse: 6 
Halfverse: a    
śáṃ no mitráḥ śáṃ váruṇaḥ śáṃ víṣṇuḥ śáṃ prajā́patiḥ /
Halfverse: c    
śáṃ na índro bŕ̥haspátiḥ śáṃ no bʰavatv aryamā́ //6//

Verse: 7 
Halfverse: a    
śáṃ no mitráḥ śáṃ váruṇaḥ śáṃ vivásvāṃ cʰám ántakaḥ /
Halfverse: c    
utpā́tāḥ pā́rtʰivāntárikṣāḥ śáṃ no divícarā gráhāḥ //7//

Verse: 8 
Halfverse: a    
śáṃ no bʰū́mir vepyamānā́ śám ulkā́ nírhataṃ ca yát /
Halfverse: c    
śáṃ gā́vo lóhitakṣīrāḥ śáṃ bʰū́mir áva tīryatī́ḥ //8//

Verse: 9 
Halfverse: a    
nákṣatram ulkā́bʰíhataṃ śám astu naḥ śáṃ no 'bʰicārā́ḥ śám u santu kr̥tyā́ḥ /
Halfverse: c    
śáṃ no níkʰātā valgā́ḥ śám ulkā́ deśopasargā́ḥ śám u no bʰavantu //9//

Verse: 10 
Halfverse: a    
śáṃ no gráhāś cāndramasā́ḥ śám ādityáś ca rāhuṇā́ /
Halfverse: c    
śáṃ no mr̥tyúr dʰūmáketuḥ śáṃ rudrā́s tigmátejasaḥ //10//

Verse: 11 
Halfverse: a    
śáṃ rudrā́ḥ śáṃ vásavaḥ śám ādityā́ḥ śám agnáyaḥ /
Halfverse: c    
śáṃ no maharṣáyo devā́ḥ śáṃ devā́ḥ śáṃ bŕ̥haspátiḥ //11//

Verse: 12 
Halfverse: a    
bráhma prajā́patir dʰātā́ lokā́ védāḥ saptar̥ṣáyo 'gnáyaḥ /
Halfverse: c    
taír me kr̥táṃ svastyáyanam índro me śárma yacʰatu brahmā́ me śárma yacʰatu /
Halfverse: e    
víśve me devā́ḥ śárma yacʰantu sárve me devā́ḥ śárma yacʰantu //12//

Verse: 13 
Halfverse: a    
yā́ni kā́ni cic cʰāntā́ni loké saptar̥ṣáyo vidúḥ /
Halfverse: c    
sárvāṇi śáṃ bʰavantu me śáṃ me astv ábʰayaṃ me astu //13//

Verse: 14 
Halfverse: a    
pr̥tʰivī́ śā́ntir antárikṣaṃ śā́ntir dyaúḥ śā́ntir ā́paḥ śā́ntir óṣadʰayaḥ śā́ntir vánaspátayaḥ śā́ntir víśve me devā́ḥ śā́ntiḥ sárve me devāḥ śā́ntiḥ śā́ntiḥ śā́ntiḥ śā́ntibʰiḥ /
Halfverse: c    
yád ihá gʰoráṃ yád ihá krūráṃ yád ihá pāpáṃ tác cʰāntáṃ tác cʰiváṃ sárvam evá śám astu naḥ //14//

Hymn: 10 
Verse: 1 
Halfverse: a    
śáṃ na indrāgnī́ bʰavatām ávobʰiḥ śáṃ na indrāváruṇā rātáhavyā /
Halfverse: c    
śám indrāsómā suvitā́ya śáṃ yóḥ śáṃ na índrāpūṣáṇā vā́jasātau //1//

Verse: 2 
Halfverse: a    
śáṃ no bʰágaḥ śám u naḥ śáṃso astu śáṃ naḥ púraṃdʰiḥ śám u santu rā́yaḥ /
Halfverse: c    
śáṃ naḥ satyásya suyámasya śáṃsaḥ śáṃ no aryamā́ purujātó astu //2//

Verse: 3 
Halfverse: a    
śáṃ no dʰātā́ śám u dʰartā́ no astu śáṃ na urūcī́ bʰavatu svadʰā́bʰiḥ /
Halfverse: c    
śáṃ ródasī br̥hatī́ śáṃ no ádriḥ śáṃ no devā́nāṃ suhávāni santu //3//

Verse: 4 
Halfverse: a    
śáṃ no agnír jyótiranīko astu śáṃ no mitrā́váruṇāv aśvínā śám /
Halfverse: c    
śáṃ naḥ sukŕ̥tāṃ sukr̥tā́ni santu śáṃ na iṣiró abʰí vātu vā́taḥ //4//

Verse: 5 
Halfverse: a    
śáṃ no dyā́vāpr̥tʰivī́ pūrváhūtau śám antárikṣaṃ dr̥śáye no astu /
Halfverse: c    
śáṃ na óṣadʰīr vaníno bʰavantu śáṃ no rájasas pátir astu jiṣṇúḥ //5//

Verse: 6 
Halfverse: a    
śáṃ na índro vásubʰir devó astu śám ādityébʰir váruṇaḥ suśáṃsaḥ /
Halfverse: c    
śáṃ no rudró rudrébʰir jálāṣaḥ śáṃ nas tváṣṭā gnā́bʰir ihá śr̥ṇotu //6//

Verse: 7 
Halfverse: a    
śáṃ naḥ sómo bʰavatu bráhma śáṃ naḥ śáṃ no grā́vāṇaḥ śám u santu yajñā́ḥ /
Halfverse: c    
śáṃ naḥ svárūnāṃ mitáyo bʰavantu śáṃ naḥ prasvà1ḥ śám v astu védiḥ //7//

Verse: 8 
Halfverse: a    
śáṃ naḥ sū́rya urucákṣā úd etu śáṃ no bʰavantu pradíśaś cátasraḥ /
Halfverse: c    
śáṃ naḥ párvatā dʰruváyo bʰavantu śáṃ naḥ síndʰavaḥ śám u santv ā́paḥ //8//

Verse: 9 
Halfverse: a    
śáṃ no áditir bʰavatu vratébʰiḥ śáṃ no bʰavantu marútaḥ svarkā́ḥ /
Halfverse: c    
śáṃ no víṣṇuḥ śám u pūṣā́ no astu śáṃ no bʰavítraṃ śám v astu vāyúḥ //9//

Verse: 10 
Halfverse: a    
śáṃ no deváḥ savitā́ trā́yamāṇaḥ śáṃ no bʰavantūṣáso vibʰātī́ḥ /
Halfverse: c    
śáṃ naḥ parjányo bʰavatu prajā́bʰyaḥ śáṃ naḥ kṣétrasya pátir astu śaṃbʰúḥ //10//

Hymn: 11 
Verse: 1 
Halfverse: a    
śáṃ naḥ satyásya pátayo bʰavantu śáṃ no árvantaḥ śám u santu gā́vaḥ /
Halfverse: c    
śáṃ na r̥bʰávaḥ sukŕ̥taḥ suhástāḥ śáṃ no bʰavatu pitáro háveṣu //1//

Verse: 2 
Halfverse: a    
śáṃ no devā́ viśvádevā bʰavantu śáṃ sárasvatī sahá dʰībʰír astu /
Halfverse: c    
śám abʰiṣā́caḥ śám u rātiṣā́caḥ śáṃ no divyā́ḥ pā́rtʰivāḥ śáṃ no ápyāḥ //2//

Verse: 3 
Halfverse: a    
śáṃ no ajá ékapād devó astu śám áhir budʰnyà1ḥ śáṃ samudráḥ /
Halfverse: c    
śáṃ no apā́ṃ nápāt perúr astu śáṃ naḥ pŕ̥ṣṇir bʰavatu devágopā //3//

Verse: 4 
Halfverse: a    
ādityā́ rudrā́ vásavo juṣantām idáṃ bráhma kriyámāṇaṃ návīyaḥ /
Halfverse: c    
sr̥ṇvántu no divyā́ḥ pā́rtʰivāso gójātā utá yajñíyāsaḥ //4//

Verse: 5 
Halfverse: a    
devā́nām r̥tvíjo yajñíyāso mánor yájatrā amŕ̥tā r̥tajñā́ḥ /
Halfverse: c    
no rāsantām urugāyám adyá yūyáṃ pāta svastíbʰiḥ sádā naḥ //5//

Verse: 6 
Halfverse: a    
tád astu mitrāvaruṇā tád agne śáṃ yór asmábʰyam idám astu śastám /
Halfverse: c    
aśīmáhi gādʰám utá pratiṣṭʰā́ṃ námo divé br̥haté sā́danāya //6//

Hymn: 12 
Verse: 1 
Halfverse: a    
uṣā́ ápa svásus támaḥ sáṃ vartayati vartaníṃ sujātátā /
Halfverse: c    
ayā́ vā́jaṃ deváhitaṃ sanema mádema śatáhimāḥ suvī́rāḥ //1//

Hymn: 13 
Verse: 1 
Halfverse: a    
índrasya bāhū́ stʰávirau vŕ̥ṣāṇau citrā́ imā́ vr̥ṣabʰaú pārayiṣṇū́ /
Halfverse: c    
taú yokṣe pratʰamó yóga ā́gate yā́bʰyāṃ jitám ásurāṇāṃ svà1r yát //1//

Verse: 2 
Halfverse: a    
āśúḥ śíśāno vr̥ṣabʰó bʰīmó gʰanāgʰanáḥ kṣóbʰaṇaś carṣaṇīnā́m /
Halfverse: c    
saṃkrándano 'nimiṣá ekavīráḥ śatáṃ sénā ajayat sākám índraḥ //2//

Verse: 3 
Halfverse: a    
saṃkrándanenānimiṣéṇa jiṣṇúnāyodʰyéna duścyavanéna dʰr̥ṣṇúnā /
Halfverse: c    
tád índreṇa jayata tát sahadʰvaṃ yúdʰo nara íṣuhastena vŕ̥ṣṇā //3//

Verse: 4 
Halfverse: a    
íṣuhastaiḥ niṣaṅgíbʰir vaśī́ sáṃsraṣṭā yúdʰa índro gaṇéna /
Halfverse: c    
saṃsr̥ṣṭajít somapā́ bāhuśardʰy ùgrádʰanvā prátihitābʰir ástā //4//

Verse: 5 
Halfverse: a    
balavijñāyáḥ stʰáviraḥ právīraḥ sáhasvān vājī́ sáhamāna ugráḥ /
Halfverse: c    
abʰívīro abʰíṣatvā sahojíj jaítram indra rátʰam ā́ tiṣṭʰa govídam //5//

Verse: 6 
Halfverse: a    
imáṃ vīrám ánu harṣadʰvam ugrám índraṃ sakʰāyo ánu sáṃ rabʰadʰvam /
Halfverse: c    
grāmajítaṃ gojítaṃ vájrabāhuṃ jáyantam ájma pramr̥ṇántam ójasā //6//

Verse: 7 
Halfverse: a    
abʰí gotrā́ṇi sáhasā gā́hamāno 'dāyá ugráḥ śatámanyur índraḥ /
Halfverse: c    
duścyavanáḥ pr̥tanāṣā́ḍ ayodʰyò3 'smā́kaṃ sénā avatu prá yutsú //7//

Verse: 8 
Halfverse: a    
bŕ̥haspate pári dīyā rátʰena rakṣohā́mítrām apabā́dʰamānaḥ /
Halfverse: c    
prabʰañjáṃ cʰátrūn pramr̥ṇánn amítrān asmā́kam edʰy avitā́ tanū́nām //8//

Verse: 9 
Halfverse: a    
índra eṣāṃ netā́ bŕ̥haspátir dákṣiṇā yajñáḥ purá etu sómaḥ /
Halfverse: c    
devasenā́nām abʰibʰañjatīnā́ṃ jáyantīnāṃ marúto yantu mádʰye //9//

Verse: 10 
Halfverse: a    
índrasya vŕ̥ṣṇo váruṇasya rā́jña ādityā́nāṃ marútāṃ śárdʰa ugrám /
Halfverse: c    
mahā́manasāṃ bʰuvanacyavā́nāṃ gʰóṣo devā́nāṃ jáyatām úd astʰāt //10//

Verse: 11 
Halfverse: a    
asmā́kam índraḥ sámr̥teṣu dʰvajéṣv asmā́kaṣ yā́ íṣavas tā́ jayantu /
Halfverse: c    
asmā́kaṃ vīrā́ úttare bʰavantv asmā́n devāso 'vatā háveṣu //11//

Hymn: 14 
Verse: 1 
Halfverse: a    
idám uccʰréyo 'vasā́nam ā́gāṃ śivé me dyā́vāpr̥tʰivī́ abʰūtām /
Halfverse: c    
asapatnā́ḥ pradíśo me bʰavantu vaí tvā dviṣmo ábʰayaṃ no astu //1//

Hymn: 15 
Verse: 1 
Halfverse: a    
yáta indra bʰáyāmahe táto no ábʰayaṃ kr̥dʰi /
Halfverse: c    
mágʰavaṃ cʰagdʰí táva tváṃ na ūtíbʰir dvíṣo mŕ̥dʰo jahi //1//

Verse: 2 
Halfverse: a    
índraṃ vayám anūrādʰáṃ havāmahé 'nu rādʰyāsma dvipádā cátuṣpadā /
Halfverse: c    
mā́ naḥ sénā áraruṣīr úpa gur víṣūcir indra druhó nāśaya //2//

Verse: 3 
Halfverse: a    
índras trātótá vr̥trahā́ paraspʰā́no váreṇyaḥ /
Halfverse: c    
rakṣitā́ caramatáḥ madʰyatáḥ paścā́t purástān no astu //3//

Verse: 4 
Halfverse: a    
urúṃ no lokám ánu neṣi vidvā́nt svà1r yáj jyótir ábʰayaṃ svastí /
Halfverse: c    
ugrā́ ta indra stʰávirasya bāhū́ úpa kṣayema śaraṇā́ br̥hántā //4//

Verse: 5 
Halfverse: a    
ábʰayaṃ naḥ karaty antárikṣam ábʰayaṃ dyā́vāpr̥tʰivī́ ubʰé imé /
Halfverse: c    
ábʰayaṃ paścā́d ábʰayaṃ purástād uttarā́d adʰarā́d ábʰayaṃ no astu //5//

Verse: 6 
Halfverse: a    
ábʰayaṃ mitrā́d ábʰayam amítrād ábʰayaṃ jñātā́d ábʰayaṃ puró yáḥ /
Halfverse: c    
ábʰayaṃ náktam ábʰayaṃ divā naḥ sárvā ā́śā máma mitráṃ bʰavantu //6//

Hymn: 16 
Verse: 1 
Halfverse: a    
asapatnáṃ purástāt paścā́n no ábʰayaṃ kr̥tam /
Halfverse: c    
savitā́ dakṣiṇatá uttarā́n śacīpátiḥ //1//

Verse: 2 
Halfverse: a    
divó mādityā́ rakṣatu bʰū́myā rakṣantv agnáyaḥ /
Halfverse: c    
indrāgnī́ rakṣatāṃ purástād aśvínāv abʰítaḥ śárma yacʰatām /
Halfverse: e    
tiraścī́n agʰnyā́ rakṣatu jātávedā bʰūtakŕ̥to me sarvátaḥ santu várma //2//

Hymn: 17 
Verse: 1 
Halfverse: a    
agnír pātu vásubʰiḥ purástāt tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //1//

Verse: 2 
Halfverse: a    
vāyúr māntárikṣenaitásyā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //2//

Verse: 3 
Halfverse: a    
sómo rudraír dákṣiṇāyā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //3//

Verse: 4 
Halfverse: a    
váruṇo mādityaír etásyā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́nam pári dade svā́ha //4//

Verse: 5 
Halfverse: a    
sū́ryo dyā́vāpr̥tʰivī́bʰyāṃ pratī́cyā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //5//

Verse: 6 
Halfverse: a    
ā́po maúṣadʰīmatīr etásyā diśáḥ pāntu tā́su krame tā́su śraye tā́ṃ púraṃ praími /
Halfverse: c    
tā́ rakṣantu tā́ gopāyantu tā́bʰya ātmā́naṃ pári dade svā́ha //6//

Verse: 7 
Halfverse: a    
viśvákarmā saptar̥ṣíbʰir údīcyā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //7//

Verse: 8 
Halfverse: a    
índro marútvān etásyā diśáḥ pātu tásmin krame tásmiṃ cʰraye tā́ṃ púraṃ praimi /
Halfverse: c    
rakṣatu gopāyatu tásmā ātmā́naṃ pári dade svā́ha //8//

Verse: 9 
Halfverse: a    
prajā́patir prajánanavānt sahá pratiṣṭʰáyā dʰruvā́yā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //9//

Verse: 10 
Halfverse: a    
bŕ̥haspátir víśvair devaír ūrdʰvā́yā diśáḥ pātu tásmin krame tásmiṃ cʰraye tā́ṃ púraṃ praími /
Halfverse: c    
rakṣatu gopāyatu tásmā ātmā́naṃ pári dade svā́ha //10//

Hymn: 18 
Verse: 1 
Halfverse: a    
agníṃ vásuvantam r̥cʰantu /
Halfverse: c    
māgʰāyávaḥ prā́cyā diśó 'bʰidā́sān //1//

Verse: 2 
Halfverse: a    
vāyúṃ tè3 'ntárikṣavantam r̥cʰantu /
Halfverse: c    
māgʰāyávaḥ etásyā diśó 'bʰidā́sān //2//

Verse: 3 
Halfverse: a    
sómaṃ rudrávantam r̥cʰantu /
Halfverse: c    
'gʰāyávo dákṣiṇāyā diśó 'bʰidā́sān //3//

Verse: 4 
Halfverse: a    
váruṇaṃ ādityávantam r̥cʰantu /
Halfverse: c    
māgʰāyáva etásyā diśó 'bʰidāsān //4//

Verse: 5 
Halfverse: a    
sū́ryaṃ dyā́vāpr̥tʰivī́vantam r̥cʰantu /
Halfverse: c    
māgʰāyáva pratī́cyāḥ diśó 'bʰidā́sān //5//

Verse: 6 
Halfverse: a    
apás óṣadʰīmatīr r̥cʰantu /
Halfverse: c    
māgʰāyáva etásyā diśó 'bʰidā́sān //6//

Verse: 7 
Halfverse: a    
viśvákarmāṇaṃ saptar̥ṣívantam r̥cʰantu /
Halfverse: c    
'gʰāyáva údīcyā diśó 'bʰidā́sān //7//

Verse: 8 
Halfverse: a    
índraṃ marútvantam r̥cʰantu /
Halfverse: c    
'gʰāyáva etásyā diśó 'bʰidā́sān //8//

Verse: 9 
Halfverse: a    
prajā́patiṃ prajánanavantam r̥cʰantu /
Halfverse: c    
māgʰāyávo dʰruvā́yā diśó 'bʰidā́sān //9//

Verse: 10 
Halfverse: a    
bŕ̥haspátiṃ viśvádevavantam r̥cʰantu /
Halfverse: c    
māgʰāyáva ūrdʰvā́yā diśó 'bʰidā́sān //10//

Hymn: 19 
Verse: 1 
Halfverse: a    
mitráḥ pr̥tʰivyód akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //1//

Verse: 2 
Halfverse: a    
vāyúr antárikṣeṇód akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //2//

Verse: 3 
Halfverse: a    
sū́ryo divód akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //3//

Verse: 4 
Halfverse: a    
candrámā nákṣatrair úd akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //4//

Verse: 5 
Halfverse: a    
sóma óṣadʰībʰir úd akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //5//

Verse: 6 
Halfverse: a    
yajñó dákṣiṇābʰir úd akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //6//

Verse: 7 
Halfverse: a    
samudró nadī́bʰir úd akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //7//

Verse: 8 
Halfverse: a    
bráhma brahmacāríbʰir úd akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //8//

Verse: 9 
Halfverse: a    
índro vīryè3ṇód akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //9//

Verse: 10 
Halfverse: a    
devā́ amŕ̥tenód akrāmaṃs tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //10//

Verse: 11 
Halfverse: a    
prajā́patiḥ prajā́bʰir úd akrāmat tā́ṃ púraṃ prá ṇayāmi vaḥ /
Halfverse: c    
tā́m ā́ viśata tā́ṃ prá viśata sā́ vaḥ śárma ca várma ca yacʰatu //11//

Hymn: 20 
Verse: 1 
Halfverse: a    
ápa nyádʰuḥ paúruṣeyaṃ vadʰáṃ yám indrāgnī́ dʰātā́ savitā́ bŕ̥haspátiḥ /
Halfverse: c    
sómo rājā váruṇo aśvínā yamáḥ pūṣā́smā́n pári pātu mr̥tyóḥ //1//

Verse: 2 
Halfverse: a    
yā́ni cakā́ra bʰúvanasya yás pátiḥ prajā́patir mātaríśvā prajā́bʰyaḥ /
Halfverse: c    
pradíśo yā́ni vasaté díśaś ca tā́ni me vármāṇi bahulā́ni santu //2//

Verse: 3 
Halfverse: a    
yát tanū́ṣv ánahyanta devā́ dyúrājayo dehínaḥ /
Halfverse: c    
índro yác cakré várma tád asmā́n pātu viśvátaḥ //3//

Verse: 4 
Halfverse: a    
várma me dyā́vāpr̥tʰivī́ vármā́har várma sū́ryaḥ /
Halfverse: c    
várma me víśve devā́ḥ kran mā́ prā́pat pratīcikā́ //4//

Hymn: 21 
Verse: 1 
Halfverse: a    
gāyatry ù1ṣṇíg anuṣṭúb br̥hatī́ paṅktís triṣṭúb jágatyai //1//

Hymn: 22 
Verse: 1 
Halfverse: a    
āṅgirasā́nām ādyaíḥ páñcānuvākaíḥ svā́hā //1//

Verse: 2 
Halfverse: a    
ṣaṣṭʰā́ya svā́hā //2//

Verse: 3 
Halfverse: a    
saptamāṣṭamā́bʰyāṃ svā́hā //3//

Verse: 4 
Halfverse: a    
nīlanakʰébʰyaḥ svā́hā //4//

Verse: 5 
Halfverse: a    
haritébʰyaḥ svā́hā //5//

Verse: 6 
Halfverse: a    
kṣudrébʰyaḥ svā́hā //6//

Verse: 7 
Halfverse: a    
paryāyikébʰyaḥ svā́hā //7//

Verse: 8 
Halfverse: a    
pratʰamébʰyaḥ śaṅkʰébʰyaḥ svā́hā //8//

Verse: 9 
Halfverse: a    
dvitī́yebʰyaḥ śaṅkʰébʰyaḥ svā́hā //9//

Verse: 10 
Halfverse: a    
tr̥tī́yebʰyaḥ śaṅkʰébʰyaḥ svā́hā //10//

Verse: 11 
Halfverse: a    
upottamébʰyaḥ svā́hā //11//

Verse: 12 
Halfverse: a    
uttamébʰyaḥ svā́hā //12//

Verse: 13 
Halfverse: a    
uttarébʰyaḥ svā́hā //13//

Verse: 14 
Halfverse: a    
r̥ṣíbʰyaḥ svā́hā //14//

Verse: 15 
Halfverse: a    
śikʰíbʰyaḥ svā́hā //15//

Verse: 16 
Halfverse: a    
gaṇébʰyaḥ svā́hā //16//

Verse: 17 
Halfverse: a    
mahāgaṇébʰyaḥ svā́hā //17//

Verse: 18 
Halfverse: a    
sárvebʰyó 'ṅgirobʰyo vidagaṇébʰyaḥ svā́hā //18//

Verse: 19 
Halfverse: a    
pr̥tʰaksahasrā́bʰyāṃ svā́hā //19//

Verse: 20 
Halfverse: a    
brahmáṇe svā́hā //20//

Verse: 21 
Halfverse: a    
bráhmajyeṣṭʰā sámbʰr̥tā viryā̀ṇi bráhmā́gre jyéṣṭʰaṃ dívam ā́ tatāna /
Halfverse: c    
bʰūtā́nāṃ brahmā́ pratʰamótá jajñe ténārhati bráhmaṇā spárdʰituṃ káḥ //21//

Hymn: 23 
Verse: 1 
Halfverse: a    
ātʰarvaṇā́nāṃ caturr̥cébʰyaḥ svā́hā //1//

Verse: 2 
Halfverse: a    
pañcarcébʰyaḥ svā́hā //2//

Verse: 3 
Halfverse: a    
ṣaḷr̥cébʰyaḥ svā́hā //3//

Verse: 4 
Halfverse: a    
saptarcébʰyaḥ svā́hā //4//

Verse: 5 
Halfverse: a    
aṣṭarcébʰyaḥ svā́hā //5//

Verse: 6 
Halfverse: a    
navarcébʰyaḥ svā́hā //6//

Verse: 7 
Halfverse: a    
daśarcébʰyaḥ svā́hā //7//

Verse: 8 
Halfverse: a    
ekādaśarcébʰyaḥ svā́hā //8//

Verse: 9 
Halfverse: a    
dvādaśarcébʰyaḥ svā́hā //9//

Verse: 10 
Halfverse: a    
trayodaśarcébʰyaḥ svā́hā //10//

Verse: 11 
Halfverse: a    
caturdaśarcébʰyaḥ svā́hā //11//

Verse: 12 
Halfverse: a    
pañcadaśarcébʰyaḥ svā́hā //12//

Verse: 13 
Halfverse: a    
ṣoḍaśarcébʰyaḥ svā́hā //13//

Verse: 14 
Halfverse: a    
saptadaśarcébʰyaḥ svā́hā //14//

Verse: 15 
Halfverse: a    
aṣṭādaśarcébʰyaḥ svā́hā //15//

Verse: 16 
Halfverse: a    
ekonaviṃśatíḥ svā́hā //16//

Verse: 17 
Halfverse: a    
viṃśatíḥ svā́hā //17//

Verse: 18 
Halfverse: a    
mahatkāṇḍā́ya svā́hā //18//

Verse: 19 
Halfverse: a    
tr̥cébʰyaḥ svā́hā //19//

Verse: 20 
Halfverse: a    
ekarcébʰyaḥ svā́hā //20//

Verse: 21 
Halfverse: a    
kṣudrébʰyaḥ svā́hā //21//

Verse: 22 
Halfverse: a    
ekānr̥cébʰyaḥ svā́hā //22//

Verse: 23 
Halfverse: a    
rohitébʰyaḥ svā́hā //23//

Verse: 24 
Halfverse: a    
sūryā́bʰyāṃ svā́hā //24//

Verse: 25 
Halfverse: a    
vrātyā́bʰyāṃ svā́hā //25//

Verse: 26 
Halfverse: a    
prājāpatyā́bʰyāṃ svā́hā //26//

Verse: 27 
Halfverse: a    
viṣāsahyaí svā́hā //27//

Verse: 28 
Halfverse: a    
maṅgalikébʰyaḥ svā́hā //28//

Verse: 29 
Halfverse: a    
brahmáṇe svā́hā //29//

Verse: 30 
Halfverse: a    
bráhmajyeṣṭʰā sáṃbʰr̥tā vīryā̀ṇi bráhmā́gre jyéṣṭʰaṃ dívam ā́ tatāna /
Halfverse: c    
bʰūtā́nāṃ brahmā́ pratʰamótá jajñe ténārhati bráhmaṇā spárdʰituṃ káḥ //30//

Hymn: 24 
Verse: 1 
Halfverse: a    
yéna deváṃ savitā́raṃ pári devā́ ádʰārayan /
Halfverse: c    
ténemáṃ brahmaṇas pate pári rāṣṭrā́ya dʰattana //1//

Verse: 2 
Halfverse: a    
párīmám índram ā́yuṣe mahé kṣatrā́ya dʰattana /
Halfverse: c    
yátʰainaṃ jaráse náyāj jyók kṣatré 'dʰi jāgarat //2//

Verse: 3 
Halfverse: a    
párīmám índram ā́yuṣe mahé śrótrāya dʰattana /
Halfverse: c    
yátʰainaṃ jaráse náyāj jyók śrótré 'dʰi jāgarat //3//

Verse: 4 
Halfverse: a    
pári dʰatta dʰattá no várcasemáṃ jarā́mr̥tyuṃ kr̥ṇuta dīrgʰám ā́yuḥ /
Halfverse: c    
bŕ̥haspátiḥ prā́yacʰad vā́sa etát sómāya rā́jñe páridʰātavā́ u //4//

Verse: 5 
Halfverse: a    
jarā́ṃ gacʰa pári dʰatsva vā́so bʰávā gr̥ṣṭīnā́m abʰiśastipā́ u /
Halfverse: c    
śatáṃ ca jī́va śarádaḥ purūcī́ rāyáś ca póṣam upasáṃvyayasva //5//

Verse: 6 
Halfverse: a    
párīdáṃ vā́so adʰitʰāḥ svastáyé 'bʰūr vāpīnā́m abʰiśastipā́ u /
Halfverse: c    
śatáṃ ca jī́va śarádaḥ purūcī́r vásūni cā́rur bʰajāsi jī́van //6//

Verse: 7 
Halfverse: a    
yógeyoge tavástaraṃ vā́jevāje havāmahe /
Halfverse: c    
sákʰāya índram ūtáye //7//

Verse: 8 
Halfverse: a    
híraṇyavarṇo ajáraḥ suvī́ro jarā́mr̥tyuḥ prajáyā sáṃ viśasva /
Halfverse: c    
tád agnír āha tád u sóma āha bŕ̥haspátiḥ savitā́ tád índraḥ //8//

Hymn: 25 
Verse: 1 
Halfverse: a    
áśrāntasya tvā mánasā yunájmi pratʰamásya ca /
Halfverse: c    
útkūlam udvahó bʰavodúhya práti dʰāvatāt //1//

Hymn: 26 
Verse: 1 
Halfverse: a    
agnéḥ prájātaṃ pári yád dʰíraṇyam amŕ̥taṃ dadʰré ádʰi mártyeṣu /
Halfverse: c    
enad véda íd enam arhati jarā́mr̥tyur bʰavati bibʰárti //1//

Verse: 2 
Halfverse: a    
yád dʰíraṇyaṃ sū́ryeṇa suvárṇam prajā́vanto mánavaḥ pū́rva īṣiré /
Halfverse: c    
tát tvā candráṃ várcasā sáṃ sr̥jaty ā́yuṣmān bʰavati bibʰárti //2//

Verse: 3 
Halfverse: a    
ā́yuṣe tvā várcase tvaújase ca bálāya ca /
Halfverse: c    
yátʰā hiraṇyatéjasā vibʰā́sāsi jánām̐ ánu //3//

Verse: 4 
Halfverse: a    
yád véda rā́jā váruṇo véda devó bŕ̥haspátiḥ /
Halfverse: c    
índro yád vr̥trahā́ véda tát ta āyuṣyàṃ bʰuvat tát te varcasyàṃ bʰuvat //4//

Hymn: 27 
Verse: 1 
Halfverse: a    
góbʰiṣ ṭvā pātv r̥ṣabʰó vŕ̥ṣā tvā pātu vājíbʰiḥ /
Halfverse: c    
vāyúṣ tvā bráhmaṇā pātv índras tvā pātv indriyaíḥ //1//

Verse: 2 
Halfverse: a    
sómas tvā pātv óṣadʰībʰir nákṣatraiḥ pātu sū́ryaḥ /
Halfverse: c    
mādbʰyás tvā candró vr̥trahā́ vā́taḥ prāṇéna rakṣatu //2//

Verse: 3 
Halfverse: a    
tisró dívas tisráḥ pr̥tʰivī́s trī́ṇy antárikṣāṇi catúraḥ samudrā́n /
Halfverse: c    
trivŕ̥taṃ stómaṃ trivŕ̥ta ā́pa āhus tā́s tvā rakṣantu trivŕ̥tā trivŕ̥dbʰiḥ //3//

Verse: 4 
Halfverse: a    
trī́n nā́kāṃs trī́n samudrā́ṃs trī́n bradʰnā́ṃs trī́n vaiṣṭapā́n /
Halfverse: c    
trī́n mātaríśvanas trī́nt sū́ryān goptŕ̥̄n kalpayāmi //4//

Verse: 5 
Halfverse: a    
gʰr̥téna tvā sám ukṣāmy ágne ā́jyena vardʰáyan /
Halfverse: c    
agnéś candrásya sū́ryasya mā́ prāṇáṃ māyíno dabʰan //5//

Verse: 6 
Halfverse: a    
mā́ vaḥ prāṇáṃ mā́ vo 'pānáṃ mā́ háro māyíno dabʰan /
Halfverse: c    
bʰrājanto viśvávedaso devā́ daívyena dʰāvata //6//

Verse: 7 
Halfverse: a    
prānénāgníṃ sáṃ sr̥jati vā́taḥ prāṇéna sáṃhitaḥ /
Halfverse: c    
prāṇéna viśvátomukʰaṃ súryaṃ devā́ ajanayan //7//

Verse: 8 
Halfverse: a    
ā́yuṣāyuḥkŕ̥tāṃ jīvā́yuṣmān jīva mā́ mr̥tʰāḥ /
Halfverse: c    
prāṇénātmanvátām jīva mr̥tyór úd agā váśam //8//

Verse: 9 
Halfverse: a    
devā́nāṃ níhitaṃ nidʰíṃ yám índro 'nvávindat patʰíbʰir devayā́naiḥ /
Halfverse: c    
ā́po híraṇyaṃ jugupus trivŕ̥dbʰis tā́s tvā rakṣantu trivŕ̥tā trivŕ̥dbʰiḥ //9//

Verse: 10 
Halfverse: a    
tráyastriṃśad devátās trī́ṇi ca vīryā̀ṇi priyāyámānā jugupur apsv àntáḥ /
Halfverse: c    
asmíṃś candré ádʰi yád dʰíraṇyaṃ ténāyáṃ kr̥ṇavad vīryā̀ṇi //10//

Verse: 11 
Halfverse: a    
devā divy ékādaśa stʰá te devāso havír idáṃ juṣadʰvam //11//

Verse: 12 
Halfverse: a    
devā antárikṣa ékādaśa stʰá te devāso havír idáṃ juṣadʰvam //12//

Verse: 13 
Halfverse: a    
devā pr̥tʰivyā́m ékādaśa stʰá te devāso havír idáṃ juṣadʰvam //13//

Verse: 14 
Halfverse: a    
asapatnáṃ purástāt paścā́n no ábʰayaṃ kr̥tam /
Halfverse: c    
savitā́ dakṣiṇatá uttarā́n śacīpátiḥ //14//

Verse: 15 
Halfverse: a    
divó mādityā́ rakṣantu bʰū́myā rakṣantv agnáyaḥ /
Halfverse: c    
indrāgnī́ rakṣatāṃ purástād aśvínāv abʰítaḥ śárma yacʰatām /
Halfverse: e    
tiraścī́n agʰnyā́ rakṣatu jātávedā bʰūtakŕ̥to me sarvátaḥ santu várma //15//

Hymn: 28 
Verse: 1 
Halfverse: a    
imám badʰnāmi te maṇíṃ dīrgʰāyutvā́ya téjase /
Halfverse: c    
darbʰáṃ sapatnadámbʰanaṃ dviṣatás tápanaṃ hr̥dáḥ //1//

Verse: 2 
Halfverse: a    
dviṣatás tāpáyan hr̥dáḥ śátrūṇāṃ tāpáyan mánaḥ /
Halfverse: c    
durhā́rdaḥ sárvāṃs tváṃ darbʰa gʰarmá ivābʰī́nt saṃtāpáyan //2//

Verse: 3 
Halfverse: a    
gʰarmá ivābʰitápan darbʰa dviṣató nitápan maṇe /
Halfverse: c    
hr̥dáḥ sapátnānāṃ bʰinddʰī́ndra iva virujáṃ balám //3//

Verse: 4 
Halfverse: a    
bʰinddʰí darbʰa sapátnānāṃ hŕ̥dayaḥ dviṣatā́ṃ maṇe /
Halfverse: c    
udyán tvácam iva bʰū́myāḥ śíra eṣā́ṃ pātaya //4//

Verse: 5 
Halfverse: a    
bʰinddʰí darbʰa sapátnān me bʰinddʰí me pr̥tanāyatáḥ /
Halfverse: c    
bʰinddʰí me sárvān durhā́rdo bʰinddʰí me dviṣató maṇe //5//

Verse: 6 
Halfverse: a    
cʰinddʰí darbʰa sapátnān me cʰinddʰí me pr̥tanāyatáḥ /
Halfverse: c    
cʰinddʰí me sárvān durhā́rdo cʰinddʰí me dviṣató maṇe //6//

Verse: 7 
Halfverse: a    
vr̥ścá darbʰa sapátnān me vr̥ścá me pr̥tanāyatáḥ /
Halfverse: c    
vr̥ścá me sárvān durhā́rdo vr̥ścá me dviṣató maṇe //7//

Verse: 8 
Halfverse: a    
kr̥ntá darbʰa sapátnān me kr̥ntá me pr̥tanāyatáḥ /
Halfverse: c    
kr̥ntá me sárvān durhā́rdo kr̥ntá me dviṣató maṇe //8//

Verse: 9 
Halfverse: a    
piṃśá darbʰa sapátnān me piṃśá me pr̥tanāyatáḥ /
Halfverse: c    
piṃśá me sárvān durhā́rdo piṃśá me dviṣató maṇe //9//

Verse: 10 
Halfverse: a    
vídʰya darbʰa sapátnān me vídʰya me pr̥tanāyatáḥ /
Halfverse: c    
vídʰya me sárvān durhā́rdo vídʰya me dviṣató maṇe //10//

Hymn: 29 
Verse: 1 
Halfverse: a    
níkṣa darbʰa sapátnān me níkṣa me pr̥tanāyatáḥ /
Halfverse: c    
níkṣa me sárvān durhā́rdo níkṣa me dviṣató maṇe //1//

Verse: 2 
Halfverse: a    
tr̥nddʰí darbʰa sapátnān me tr̥nddʰí me pr̥tanāyatáḥ /
Halfverse: c    
tr̥nddʰí me sárvān durhā́rdo tr̥nddʰí me dviṣató maṇe //2//

Verse: 3 
Halfverse: a    
runddʰí darbʰa sapátnān me runddʰí me pr̥tanāyatáḥ /
Halfverse: c    
runddʰí me sárvān durhā́rdo runddʰí me dviṣató maṇe //3//

Verse: 4 
Halfverse: a    
mr̥ṇá darbʰa sapátnān me mr̥ṇá me pr̥tanāyatáḥ /
Halfverse: c    
mr̥ṇá me sárvān durhā́rdo mr̥ṇá me dviṣató maṇe //4//

Verse: 5 
Halfverse: a    
mántʰa darbʰa sapátnān me mántʰa me pr̥tanāyatáḥ /
Halfverse: c    
mántʰa me sárvān durhā́rdo mántʰa me dviṣató maṇe //5//

Verse: 6 
Halfverse: a    
piṇḍḍʰí darbʰa sapátnān me piṇḍḍʰí me pr̥tanāyatáḥ /
Halfverse: c    
piṇḍḍʰí me sárvān durhā́rdo piṇḍḍʰí me dviṣató maṇe //6//

Verse: 7 
Halfverse: a    
óṣa darbʰa sapátnān me óṣa me pr̥tanāyatáḥ /
Halfverse: c    
óṣa me sárvān durhā́rdo óṣa me dviṣató maṇe //7//

Verse: 8 
Halfverse: a    
dáha darbʰa sapátnān me dáha me pr̥tanāyatáḥ /
Halfverse: c    
dáha me sárvān durhā́rdo dáha me dviṣató maṇe //8//

Verse: 9 
Halfverse: a    
jahí darbʰa sapátnān me jahí me pr̥tanāyatáḥ /
Halfverse: c    
jahí me sárvān durhā́rdo jahí me dviṣató maṇe //9//

Hymn: 30 
Verse: 1 
Halfverse: a    
yát te darbʰa jarā́mr̥tyu śatáṃ vármasu várma te /
Halfverse: c    
ténemáṃ varmíṇaṃ kr̥tvā́ sapátnāṃ jahí vīryaìḥ //1//

Verse: 2 
Halfverse: a    
śatáṃ te darbʰa vármāṇi sahásraṃ vīryā̀ṇi te /
Halfverse: c    
tám asmaí víśve tvā́ṃ devā jaráse bʰártavā́ aduḥ //2//

Verse: 3 
Halfverse: a    
tvā́m āhur devavárma tvā́ṃ darbʰa bráhmaṇas pátim /
Halfverse: c    
tvā́m índrasyāhur várma tváṃ rāṣṭrā́ṇi rakṣasi //3//

Verse: 4 
Halfverse: a    
sapatnakṣáyaṇaṃ darbʰa dviṣatás tápanaṃ hr̥dáḥ /
Halfverse: c    
maṇíṃ kṣatrásya várdʰanaṃ tanūpā́naṃ kr̥ṇomi te //4//

Verse: 5 
Halfverse: a    
yát samudró abʰyákrandat parjányo vidyútā sahá /
Halfverse: c    
táto hiranyáyo bindús táto darbʰó ajāyata //5//

Hymn: 31 
Verse: 1 
Halfverse: a    
aúdumbareṇa maṇínā púṣṭikāmāya vedʰásā /
Halfverse: c    
paśūṇā́ṃ sárveṣāṃ spʰātíṃ goṣṭʰé me savitā́ karat //1//

Verse: 2 
Halfverse: a    
no agnír gā́rhapatyaḥ paśūnā́m adʰipā́ ásat /
Halfverse: c    
aúdumbaro vŕ̥so maṇíḥ sáṃ sr̥jatu puṣṭyā́ //2//

Verse: 3 
Halfverse: a    
karīṣíṇīṃ pʰálavatīṃ svadʰā́m írāṃ ca no gr̥hé /
Halfverse: c    
aúdumbarasya téjasā dʰātā́ puṣṭíṃ dadʰātu me //3//

Verse: 4 
Halfverse: a    
yád dvipā́c ca cátuṣpāc ca yā́ny ánnāni rásāḥ /
Halfverse: c    
gr̥hṇè3 'háṃ tv èṣāṃ bʰūmā́naṃ bíbʰrad aúdumbaraṃ maṇím //4//

Verse: 5 
Halfverse: a    
puṣṭíṃ paśūnā́m pári jagrabʰāháṃ cátuṣpadāṃ dvipádāṃ yác ca dʰānyàm /
Halfverse: c    
páyaḥ paśūnā́ṃ rásam óṣadʰīnāṃ bŕ̥haspátiḥ savitā́ me yacʰāt //5//

Verse: 6 
Halfverse: a    
aháṃ paśūnā́m adʰipā́ ásāni máyi puṣṭáṃ puṣṭapátir dadʰātu /
Halfverse: c    
máhyam aúdumbaro maṇír dráviṇāni yacʰatu //6//

Verse: 7 
Halfverse: a    
úpa maúdumbaro maṇíḥ prajáyā ca dʰánena ca /
Halfverse: c    
índreṇa jinvitó maṇír ā́ māgant sahá várcasā //7//

Verse: 8 
Halfverse: a    
devó maṇíḥ sapatnahā́ dʰanasā́ dʰánasātaye /
Halfverse: c    
paśór ánnasya bʰūmā́naṃ gávāṃ spʰātíṃ yacʰatu //8//

Verse: 9 
Halfverse: a    
yátʰā́gre tváṃ vanaspate puṣṭʰyā́ sahá jajñiṣé /
Halfverse: c    
evā́ dʰánasya me spʰātím ā́ dadʰātu sárasvatī //9//

Verse: 10 
Halfverse: a    
ā́ me dʰánaṃ sárasvatī páyaspʰātiṃ ca dʰānyàm /
Halfverse: c    
sinīvāly úpā́ vahād ayáṃ caúdumbaro maṇíḥ //10//

Verse: 11 
Halfverse: a    
tváṃ maṇīṇā́m adʰipā́ vŕ̥ṣāsi tváyi puṣṭáṃ puṣṭapátir jajāna /
Halfverse: c    
tváyīmé vā́jā dráviṇāni sárvaúdumbaraḥ tvám asmát sahasvārā́d ārā́d árātim ámatiṃ kṣúdʰaṃ ca //11//

Verse: 12 
Halfverse: a    
grāmaṇī́r asi grāmaṇī́r uttʰā́ya abʰíṣikto 'bʰí siñca várcasā /
Halfverse: c    
téjo 'si téjo máyi dʰārayā́dʰi rayír asi rayíṃ me dʰehi //12//

Verse: 13 
Halfverse: a    
puṣṭír asi puṣṭyā́ sám aṅgdʰi gr̥hamedʰī́ gr̥hápatiṃ kr̥ṇu /
Halfverse: c    
aúdumbaraḥ tvám asmā́su dʰehi rayíṃ ca naḥ sárvavīraṃ yacʰa rāyás póṣāya práti muñce aháṃ tvā́m //13//

Verse: 14 
Halfverse: a    
ayám aúdumbaro maṇír vīró vīrā́ya badʰyate /
Halfverse: c    
naḥ saníṃ mádʰumatīṃ kr̥ṇotu rayíṃ ca naḥ sárvavīram yacʰāt //14//

Hymn: 32 
Verse: 1 
Halfverse: a    
śatákāṇḍo duścyavanáḥ sahásraparṇa uttiráḥ /
Halfverse: c    
darbʰó ugrá óṣadʰis táṃ te badʰnāmy ā́yuṣe //1//

Verse: 2 
Halfverse: a    
nā́sya kéśān prá vapanti nórasi tāḍam ā́ gʰnate /
Halfverse: c    
yásmā acʰinnaparṇéna darbʰéna śárma yácʰati //2//

Verse: 3 
Halfverse: a    
diví te tū́lam oṣadʰe pr̥tʰivyām asi níṣṭʰitaḥ /
Halfverse: c    
tváyā sahásrakāṇḍenā́yuḥ prá vardʰayāmahe //3//

Verse: 4 
Halfverse: a    
tisró divó áty atr̥ṇat tisrá imāḥ pr̥tʰivī́r utá /
Halfverse: c    
tváyāháṃ durhā́rdo jihvā́ṃ tr̥ṇadmi vácāṃsi //4//

Verse: 5 
Halfverse: a    
tvám asi sáhamāno 'hám asmi sáhasvān /
Halfverse: c    
ubʰaú sáhasvantau bʰūtvā́ sapátnān sahiṣīvahi //5//

Verse: 6 
Halfverse: a    
sáhasva no abʰímātiṃ sáhasva pr̥tanāyatáḥ /
Halfverse: c    
sáhasva sárvān durhā́rdaḥ suhā́rdo me bahū́n kr̥dʰi //6//

Verse: 7 
Halfverse: a    
darbʰéṇa devájātena diví ṣṭambʰéna śáśvad ít /
Halfverse: c    
ténāháṃ śáśvato jánām̐ ásanaṃ sánavāni ca //7//

Verse: 8 
Halfverse: a    
priyáṃ darbʰa kr̥ṇu brahmarājanyā̀bʰyām śūdrā́ya cā́ryāya ca /
Halfverse: c    
yásmai ca kāmáyāmahe sárvasmai ca vipáśyate //8//

Verse: 9 
Halfverse: a    
jā́yamānaḥ pr̥tʰivī́m ádr̥ṃhad ástabʰnād antárikṣaṃ dívaṃ ca /
Halfverse: c    
yáṃ bibʰrataṃ nanú pāpmā́ viveda no 'yáṃ darbʰó váruṇo divā́ kaḥ //9//

Verse: 10 
Halfverse: a    
sapatnahā́ śatákāṇḍaḥ sáhasvān óṣadʰīnāṃ pratʰamáḥ sáṃ babʰūva /
Halfverse: c    
no 'yáṃ darbʰáḥ pári pātu viśvátas téna sākṣīya pŕ̥tanāḥ pr̥tanyatáḥ //10//

Hymn: 33 
Verse: 1 
Halfverse: a    
sahasrārgʰáḥ śatákāṇḍaḥ páyasvān apā́m agnír vīrúdʰāṃ rājasū́yam /
Halfverse: c    
no 'yáṃ darbʰáḥ pári pātu viśváto devó maṇír ā́yuṣā sáṃ sr̥jāti naḥ //1//

Verse: 2 
Halfverse: a    
gʰr̥tā́d úllupto mádʰumān páyasvān bʰūmidr̥ṃhó 'cyutaś cyāvayiṣṇúḥ /
Halfverse: c    
nudánt sapátnān ádʰarāṃś ca kr̥ṇván dárbʰā́ roha mahatā́m indriyéṇa //2//

Verse: 3 
Halfverse: a    
tváṃ bʰūmim áty eṣy ójasā tváṃ védyāṃ sīdasi cā́rur adʰvaré /
Halfverse: c    
tvā́ṃ pavítram ŕ̥ṣayo 'bʰaranta tváṃ punīhi duritā́ny asmát //3//

Verse: 4 
Halfverse: a    
tīkṣṇó rā́jā viṣāsahī́ rakṣohā́ viśvácarṣaṇiḥ /
Halfverse: c    
ójo devā́nāṃ bálam ugrám etát táṃ te badʰnāmi jaráse svastáye //4//

Verse: 5 
Halfverse: a    
darbʰéṇa tváṃ kr̥ṇavad vīryā̀ṇi darbʰáṃ bíbʰrad ātmánā mā́ vyatʰiṣṭʰāḥ /
Halfverse: c    
atiṣṭʰā́ya várcasā́dʰānyā́nt sū́rya ivā́ bʰāhi pradíśaś cátasraḥ //5//

Hymn: 34 
Verse: 1 
Halfverse: a    
jāṅgiḍó 'si jaṅgiḍó rákṣitāsi jaṅgidáḥ /
Halfverse: c    
dvipā́c cátuṣpād asmā́kaṃ sárvaṃ rakṣatu jaṅgidáḥ //1//

Verse: 2 
Halfverse: a    
yā́ gŕ̥tsyas tripañcāśī́ḥ śatáṃ kr̥tyākŕ̥taś ca /
Halfverse: c    
sárvān vinaktu téjaso 'rasā́ṃ jaṅgidás karat //2//

Verse: 3 
Halfverse: a    
arasáṃ kr̥trímaṃ nādám arasāḥ saptá vísrasaḥ /
Halfverse: c    
ápetó jaṅgiḍā́matim íṣum ásteva śātaya //3//

Verse: 4 
Halfverse: a    
kr̥tyādū́ṣaṇa evā́yám átʰo arātidū́ṣaṇaḥ /
Halfverse: c    
átʰo sáhasvāñ jaṅgiḍáḥ prá na ā́yumṣi tāriṣat //4//

Verse: 5 
Halfverse: a    
jaṅgiḍásya mahimā́ pári ṇaḥ pātu viśvátaḥ /
Halfverse: c    
víṣkandʰaṃ yéna sāsáha sáṃskandʰam ója ójasā //5//

Verse: 6 
Halfverse: a    
tríṣ ṭvā devā́ ajanayan níṣṭʰitaṃ bʰū́myām ádʰi /
Halfverse: c    
tám u tvā́ṅgirā íti brāhmaṇā́ḥ pūrvyā́ viduḥ //6//

Verse: 7 
Halfverse: a    
tvā pū́rvā óṣadʰayo tvā taranti yā́ návāḥ /
Halfverse: c    
víbādʰa ugró jaṅgiḍáḥ paripā́ṇaḥ sumaṅgálaḥ //7//

Verse: 8 
Halfverse: a    
átʰopadāna bʰagavo jā́ṅgiḍā́mitavīrya /
Halfverse: c    
purā́ ta ugrā́ grasata úpéndro vīryàṃ dadau //8//

Verse: 9 
Halfverse: a    
ugrá ít te vanaspata índra ojmā́nam ā́ dadʰau /
Halfverse: c    
ámīvāḥ sárvāś cātáyaṃ jahí rákṣāṃsy oṣadʰe //9//

Verse: 10 
Halfverse: a    
ā́śarīkaṃ víśarīkaṃ balā́saṃ pr̥ṣṭyāmayám /
Halfverse: c    
takmā́naṃ viśváśāradam arasā́ṃ jaṅgiḍás karat //10//

Hymn: 35 
Verse: 1 
Halfverse: a    
índrasya nā́ma gr̥hṇánta ŕ̥sayo jaṅgidáṃ daduḥ /
Halfverse: c    
devā́ yáṃ cakrúr bʰeṣajám ágre viṣkandʰadū́ṣaṇam //1//

Verse: 2 
Halfverse: a    
no rakṣatu jaṅgiḍó dʰanapāló dʰáneva /
Halfverse: c    
devā́ yáṃ cakrúr brāhmaṇā́ḥ paripā́ṇam arātihám //2//

Verse: 3 
Halfverse: a    
durhā́rdaḥ sáṃgʰoraṃ cákṣuḥ pāpakŕ̥tvānam ā́gamam /
Halfverse: c    
tā́ṃs tváṃ sahasracakṣo pratībodʰéna nāśaya paripā́ṇo 'si jaṅgiḍáḥ //3//

Verse: 4 
Halfverse: a    
pári diváḥ pári pr̥tʰivyā́ḥ páry antárikṣāt pári vīrúdbʰyaḥ /
Halfverse: c    
pári bʰūtā́t pári motá bʰávyād diśódiśo jaṅgiḍáḥ pātv asmā́n //4//

Verse: 5 
Halfverse: a    
r̥ṣṇávo devákr̥tā utó vavr̥té 'nyáḥ /
Halfverse: c    
sárvāṃ stā́n viśvábʰeṣajo 'rasā́ṃ jaṅgiḍás karat //5//

Hymn: 36 
Verse: 1 
Halfverse: a    
śatávāro anīnaśad yákṣmān rákṣāṃsi téjasā /
Halfverse: c    
āróhan várcasā sahá maṇír durṇāmacā́tanaḥ //1//

Verse: 2 
Halfverse: a    
śŕ̥ṅgābʰyāṃ rákṣo nudate mū́lena yātudʰānyàḥ /
Halfverse: c    
mádʰyena yákṣmaṃ bādʰate naínaṃ pāpmā́ti tatrati //2//

Verse: 3 
Halfverse: a    
yákṣmāso arbʰakā́ mahā́nto ca śabdínaḥ /
Halfverse: c    
sárvāṃ durṇāmahā́ maṇíḥ śatávāro anīnaśat //3//

Verse: 4 
Halfverse: a    
śatáṃ vīrā́n ajanayac cʰatáṃ yákṣmān ápāvapat /
Halfverse: c    
durṇā́mnaḥ sárvān hatvā́va rákṣāṃsi dʰūnute //4//

Verse: 5 
Halfverse: a    
híraṇyaśr̥ṅga r̥ṣabʰáḥ śātavāró ayáṃ maṇíḥ /
Halfverse: c    
durṇā́mnaḥ sárvāṃs tr̥dʰvā́va rákṣāṃsy akramīt //5//

Verse: 6 
Halfverse: a    
śatám aháṃ durṇā́mnīnāṃ gandʰarvāpsarásāṃ śatám /
Halfverse: c    
śatám śaśvanvátīnāṃ śatávāreṇa vāraye //6//

Hymn: 37 
Verse: 1 
Halfverse: a    
idáṃ várco agnínā dattám ā́gan bʰárgo yáśaḥ sáha ójo váyo bálam /
Halfverse: c    
tráyastriṃśad yā́ni ca vīryā̀ṇi tā́ny agníḥ prá dadātu me //1//

Verse: 2 
Halfverse: a    
várca ā́ dʰehi me tanvā̀3ṃ sáha ójo váyo bálam /
Halfverse: c    
indriyā́ya tvā kármaṇe vīryā̀ya práti gr̥hṇāmi śatáśāradāya //2//

Verse: 3 
Halfverse: a    
ūrjé tvā bálāya tvaújase sáhase tvā /
Halfverse: c    
abʰibʰū́yāya tvā rāṣṭrabʰŕ̥tyāya páry ūhāmi śatáśāradāya //3//

Verse: 4 
Halfverse: a    
r̥túbʰyaṣ ṭvārtavébʰyo mādbʰyáḥ saṃvatsarébʰyaḥ /
Halfverse: c    
dʰātré vidʰātré samŕ̥dʰe bʰūtásya pátaye yaje //4//

Hymn: 38 
Verse: 1 
Halfverse: a    
táṃ yákṣmā árundʰate naínaṃ śapátʰo aśnute /
Halfverse: c    
yáṃ bʰeṣajásya gulgulóḥ surabʰír gandʰó aśnuté //1//

Verse: 2 
Halfverse: a    
víṣvañcas tásmād yákṣmā mr̥gā́ áśvā iverate /
Halfverse: c    
yád gulgulú saindʰaváṃ yád vā́py ási samudríyam //2//

Verse: 3 
Halfverse: a    
ubʰáyor agrabʰaṃ nā́māsmā́ ariṣṭátātaye //3//

Hymn: 39 
Verse: 1 
Halfverse: a    
aítu devás trāyamāṇaḥ kúṣṭʰo himávatas pári /
Halfverse: c    
takmā́naṃ sárvaṃ nāśaya sárvāś ca yātudʰānyàḥ //1//

Verse: 2 
Halfverse: a    
trī́ṇi te kuṣṭʰa nā́māni nadyamāró nadyā́riṣaḥ /
Halfverse: c    
nádyāyáṃ púruso riṣat /
Halfverse: e    
yásmai paribrávīmi tvā sāyáṃprātar átʰo dívā //2//

Verse: 3 
Halfverse: a    
jīvalā́ nā́ma te mātā́ jīvantó nā́ma te pitā́ /
Halfverse: c    
nádyāyáṃ púruṣo riṣat /
Halfverse: e    
yásmai paribrávīmi tvā sāyáṃprātar átʰo dívā //3//

Verse: 4 
Halfverse: a    
uttamó asy óṣadʰīnām anaḍvā́n jágatām iva vyāgʰráḥ śvápadām iva /
Halfverse: c    
nádyāyáṃ púruṣo riṣat /
Halfverse: e    
yásmai paribrávīmi tvā sāyáṃprātar átʰo divā //4//

Verse: 5 
Halfverse: a    
tríḥ śā́mbubʰyo áṅgirebʰyas trír ādityébʰyas pári /
Halfverse: c    
trír jató viśvádevebʰyaḥ /
Halfverse: e    
kúṣṭʰo viśvábʰeṣajaḥ sākáṃ sómena tiṣṭʰati /
Halfverse: g    
takmā́naṃ sárvaṃ nāśaya sárvāś ca yātudʰānyàḥ //5//

Verse: 6 
Halfverse: a    
aśvattʰó devasádanas tr̥tī́yasyām itó diví /
Halfverse: c    
tátrāmŕ̥tasya cákṣaṇaṃ tátaḥ kúṣṭʰo ajāyata /
Halfverse: e    
kúṣṭʰo viśvábʰeṣajaḥ sākáṃ sómena tiṣṭʰati /
Halfverse: g    
takmā́naṃ sárvaṃ nāśaya sárvāś ca yātudʰānyàḥ //6//

Verse: 7 
Halfverse: a    
hiraṇyáyī naúr acarad dʰíraṇyabandʰanā diví /
Halfverse: c    
tátrāmŕ̥tasya cákṣaṇaṃ tátaḥ kúṣṭʰo ajāyata /
Halfverse: e    
kúṣṭʰo viśvábʰeṣajaḥ sākáṃ sómena tiṣṭʰati /
Halfverse: g    
takmā́naṃ sárvaṃ nāśaya sárvāś ca yātudʰānyàḥ //7//

Verse: 8 
Halfverse: a    
yátra nā́vaprabʰráṃśanaṃ yátra himávataḥ śíraḥ /
Halfverse: c    
tátrāmŕ̥tasya cákṣaṇaṃ tátaḥ kúṣṭʰo ajāyata /
Halfverse: e    
kuṣṭʰo viśvábʰeṣajaḥ sākáṃ sómena tiṣṭʰati /
Halfverse: g    
takmā́naṃ sárvaṃ nāśaya sárvāś ca yātudʰānyàḥ //8//

Verse: 9 
Halfverse: a    
yáṃ tvā véda pū́rva íkṣvāko yáṃ tvā kuṣṭʰa kāmyàḥ /
Halfverse: c    
yáṃ váso yám ā́tsyas ténāsi viśvábʰeṣajaḥ //9//

Verse: 10 
Halfverse: a    
śīrṣaśokáṃ tŕ̥tīyakaṃ sadaṃdír yáś ca hāyanáḥ /
Halfverse: c    
takmā́naṃ viśvadʰāvīryādʰarā́ñcaṃ párā suva //10//

Hymn: 40 
Verse: 1 
Halfverse: a    
yán me cʰidráṃ mánaso yác ca vācáḥ sárasvatī manyumántaṃ jagā́ma /
Halfverse: c    
víśvais tád devaíḥ sahá saṃvidānáḥ sáṃ dadʰātu bŕ̥haspátiḥ //1//

Verse: 2 
Halfverse: a    
mā́ na āpo medʰā́ṃ mā́ bráhma prá matʰiṣṭana /
Halfverse: c    
suṣyadā́ yūyáṃ syandadʰvam úpahūto 'háṃ sumédʰā varcasvī́ //2//

Verse: 3 
Halfverse: a    
mā́ no medʰā́ṃ mā́ no dīkṣā́ṃ mā́ no hiṃsiṣṭaṃ yát tápaḥ /
Halfverse: c    
śivā́ naḥ śáṃ santv ā́yuṣe śivā́ bʰavantu mātáraḥ //3//

Verse: 4 
Halfverse: a    
yā́ naḥ pī́parad aśvínā jyótiṣmatī támas tiráḥ /
Halfverse: c    
tā́m asmé rāsatām íṣam //4//

Hymn: 41 
Verse: 1 
Halfverse: a    
bʰadrám icʰánta ŕ̥ṣayaḥ svarvídas tápo dīkṣā́m upaníṣedur ágre /
Halfverse: c    
táto rāṣṭráṃ bálam ójaś ca jātáṃ tád asmai devā́ upasáṃnamantu //1//

Hymn: 42 
Verse: 1 
Halfverse: a    
bráhma hótā bráhma yajñā́ bráhmaṇā sváravo mitā́ḥ /
Halfverse: c    
adʰvaryúr bráhmaṇo jātó bráhmaṇo 'ntárhitaṃ havíḥ //1//

Verse: 2 
Halfverse: a    
bráhma srúco gʰr̥távatīr bráhmaṇā védir úddʰitā /
Halfverse: c    
bráhma yajñásya táttvaṃ ca r̥tvíjo haviṣkŕ̥taḥ /
Halfverse: e    
śamitā́ya svā́hā //2//

Verse: 3 
Halfverse: a    
aṃhomúce prá bʰare manīṣā́m ā́ sutrā́vṇe sumatím āvr̥ṇānáḥ /
Halfverse: c    
imám indra práti havyáṃ gr̥bʰā́ya satyā́ḥ santu yájamānasya kā́māḥ //3//

Verse: 4 
Halfverse: a    
aṁhomúcaṃ vrṣabʰáṃ yajñíyānāṃ virā́jantaṃ pratʰamám adʰvarā́ṇam /
Halfverse: c    
apā́ṃ nápātam aśvínā huve dʰíya indriyéṇa ta indriyáṃ dattam ójaḥ //4//

Hymn: 43 
Verse: 1 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
agnír tátra nayatv agnír medʰā́ dadʰātu me /
Halfverse: e    
agnáye svā́hā //1//

Verse: 2 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
vāyúr tátra nayatu vāyúḥ prāṇā́n dadʰātu me vāyáve svā́hā //2//

Verse: 3 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
sū́ryo tátra nayatu cákṣuḥ sū́ryo dadʰātu me /
Halfverse: e    
sū́ryāya svā́hā //3//

Verse: 4 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
candró tátra nayatu mánaś candró dadʰātu me /
Halfverse: e    
candrā́ya svā́hā //4//

Verse: 5 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
sómo tátra nayatu páyaḥ sómo dadʰātu me /
Halfverse: e    
sómāya svā́hā //5//

Verse: 6 
Halfverse: a    
yátra brahmavído yānti dīkṣáyā tápasā sahá /
Halfverse: c    
índro tátra nayatu bálam índro dadʰātu me /
Halfverse: e    
índrāya svā́hā //6//

Verse: 7 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
ā́po tátra nayatv amŕ̥tam mópa tiṣṭʰatu /
Halfverse: e    
adbʰyáḥ svā́hā //7//

Verse: 8 
Halfverse: a    
yátra brahmavído yā́nti dīkṣáyā tápasā sahá /
Halfverse: c    
brahmā́ tátra nayatu brahmā́ bráhma dadʰātu me /
Halfverse: e    
brahmáṇe svā́hā //8//

Hymn: 44 
Verse: 1 
Halfverse: a    
ā́yuṣo 'si pratáraṇaṃ vípraṃ bʰeṣajám ucyase /
Halfverse: c    
tád āñjana tváṃ śaṃtāte śám ā́po ábʰayaṃ kr̥tam //1//

Verse: 2 
Halfverse: a    
harimā́ jāyā́nyo 'ṅgabʰedó viṣálpakaḥ /
Halfverse: c    
sárvaṃ te yákṣmam áṅgebʰyo bahír nír hantv ā́ñjanam //2//

Verse: 3 
Halfverse: a    
ā́ñjanaṃ pr̥tʰivyā́ṃ jātáṃ bʰadráṃ puruṣajī́vanam /
Halfverse: c    
kr̥ṇótv ápramāyukaṃ rátʰajūtim ánāgasam //3//

Verse: 4 
Halfverse: a    
prā́ṇa prāṇáṃ trāyasvāso ásave mr̥ḍa /
Halfverse: c    
nírr̥te nírr̥tyā naḥ pā́śebʰyo muñca //4//

Verse: 5 
Halfverse: a    
síndʰor gárbʰo 'si vidyútaṃ púṣpam /
Halfverse: c    
vātaḥ prāṇáḥ sū́ryaś cákṣur divás páyaḥ //5//

Verse: 6 
Halfverse: a    
dévāñjana traíkakuda pári pāhi viśvátaḥ /
Halfverse: c    
tvā taranty óṣadʰayo bā́hyāḥ parvatī́yā utá //6//

Verse: 7 
Halfverse: a    
vī́dáṃ mádʰyam ávāsr̥pad rakṣohā́mīvacā́tanaḥ /
Halfverse: c    
ámīvāḥ sárvāś cātáyan nāśáyad abʰibʰā́ itáḥ //7//

Verse: 8 
Halfverse: a    
bahv ì3dáṃ rājan varuṇā́nr̥tam āha pū́ruṣaḥ /
Halfverse: c    
tásmāt sahasravīrya muñcá naḥ páry áṃhasaḥ //8//

Verse: 9 
Halfverse: a    
yád āpo agʰnyā́ íti váruṇéti yád ūcimá /
Halfverse: c    
tásmāt sahasravīrya muñcá naḥ páry áṃhasaḥ //9//

Verse: 10 
Halfverse: a    
mitráś ca tvā váruṇaś cānupréyatur āñjana /
Halfverse: c    
taú tvānugátya dūráṃ bʰogā́ya púnar óhatuḥ //10//

Hymn: 45 
Verse: 1 
Halfverse: a    
r̥ṇā́d r̥ṇám iva sáṃ naya kr̥tyā́ṃ kr̥tyākŕ̥to gr̥hám /
Halfverse: c    
cákṣurmantrasya durhā́rdaḥ pr̥ṣṭī́r ápi śr̥ṇāñjana //1//

Verse: 2 
Halfverse: a    
yád asmā́su duṣvápnyaṃ yád góṣu yác ca no gr̥hé /
Halfverse: c    
ánāmagas táṃ ca durhā́rdaḥ priyáḥ práti muñcatām //2//

Verse: 3 
Halfverse: a    
apā́m ūrjá ójaso vāvr̥dʰānám agnér jātám ádʰi jātávedasaḥ /
Halfverse: c    
cáturvīraṃ parvatī́yaṃ yád ā́ñjanaṃ díśaḥ pradiśaḥ karad íc cʰivā́s te //3//

Verse: 4 
Halfverse: a    
cáturvīraṃ badʰyata ā́ñjanaṃ te sárvā díśo ábʰayās te bʰavantu /
Halfverse: c    
dʰruvás tiṣṭʰāsi savitéva cā́rya imā́ víśo abʰí harantu te balím //4//

Verse: 5 
Halfverse: a    
ā́kṣvaíkaṃ maṇím ékaṃ krṇuṣva snāhy ékenā́ pibaíkam eṣām /
Halfverse: c    
cáturvīraṃ nairr̥tébʰyaś catúrbʰyo grā́hyā bandʰébʰyaḥ pári pātv asmā́n //5//

Verse: 6 
Halfverse: a    
agnír māgnínāvatu prāṇā́yāpānā́yā́yuṣe várcasa ójase /
Halfverse: c    
téjase svastáye subʰūtáye svā́hā //6//

Verse: 7 
Halfverse: a    
índro mendriyéṇāvatu prāṇā́yāpānā́yā́yuṣe várcasa ójase /
Halfverse: c    
téjase svastáye subʰūtáye svā́hā //7//

Verse: 8 
Halfverse: a    
sómo saúmyenāvatu prāṇā́yāpānā́yā́yuṣe várcasa ójase /
Halfverse: c    
téjase svastáye subʰūtáye svā́hā //8//

Verse: 9 
Halfverse: a    
bʰágo ma bʰágenāvatu prāṇā́yāpānā́yā́yuṣe várcasa ójase /
Halfverse: c    
téjase svastáye subʰūtáye svā́hā //9//

Verse: 10 
Halfverse: a    
marúto gaṇaír avantu prāṇā́yāpānā́yuṣe várcasa ójase téjase /
Halfverse: c    
svastáye subʰūtáye svā́hā //10//

Hymn: 46 
Verse: 1 
Halfverse: a    
prajā́patiṣ ṭvā badʰnāt pratʰamám ástr̥taṃ vīryā̀ya kám /
Halfverse: c    
tát te badʰnāmy ā́yuṣe várcasa ójase ca bálāya cā́str̥tas tvābʰí rakṣatu //1//

Verse: 2 
Halfverse: a    
ūrdʰvás tiṣṭʰatu rákṣann ápramādam ástr̥temám mā́ tvā dabʰan paṇáyo yātudʰā́nāḥ /
Halfverse: c    
índra iva dásyūn áva dʰūnuṣva pr̥tanyatáḥ sárvāṃ cʰátrūn ṣahasvā́str̥tas tvābʰí rakṣatu //2//

Verse: 3 
Halfverse: a    
śatáṃ ca na praháranto nigʰnánto tastiré /
Halfverse: c    
tásminn índraḥ páry adatta cákṣuḥ prāṇám átʰo bálam ástr̥tas tvābʰí rakṣatu //3//

Verse: 4 
Halfverse: a    
índrasya tvā vármaṇā pári dʰāpayāmo devā́nām adʰirājó babʰū́va /
Halfverse: c    
púnas tvā devā́ḥ prá ṇayantu sárvé 'str̥tas tvābʰí rakṣatu //4//

Verse: 5 
Halfverse: a    
asmín maṇā́v ékaśataṃ vīryā̀ṇi sahásraṃ prāṇā́ asminn ástr̥te /
Halfverse: c    
vyāgʰráḥ śátrūn abʰí tiṣṭʰa sárvān yás tvā pr̥tanyād ádʰaraḥ astv ástr̥tas tvābʰí rakṣatu //5//

Verse: 6 
Halfverse: a    
gʰr̥tā́d úllupto mádʰumān páyasvānt sahásraprāṇaḥ śatáyonir vayodʰā́ḥ /
Halfverse: c    
śambʰū́ś ca mayobʰū́ś córjasvāṃś ca páyasvāṃś cā́str̥tas tvābʰí rakṣatu //6//

Verse: 7 
Halfverse: a    
yátʰā tvám uttaró 'so asapatnáḥ sapatnahā́ /
Halfverse: c    
sajātā́nām asad vaśī́ tátʰā tvā savitā́ karad ástr̥tas tvābʰí rakṣatu //7//

Hymn: 47 
Verse: 1 
Halfverse: a    
ā́ rātri pā́rtʰivaṃ rájaḥ pitúr aprāyi dʰā́mabʰiḥ /
Halfverse: c    
diváḥ sádāṃsi br̥hatī́ tiṣṭʰasa ā́ tveṣáṃ vartate támaḥ //1//

Verse: 2 
Halfverse: a    
yásyāḥ pāráṃ dádr̥śe yóyuvad víśvam asyā́ṃ viśate yád éjāti /
Halfverse: c    
áriṣṭāsas ta urvi tamasvati rā́tri pārám aśīmahi bʰádre pārám aśīmahi //2//

Verse: 3 
Halfverse: a    
te rātri nr̥cákṣaso draṣṭā́ro navatī́r náva /
Halfverse: c    
aśītíḥ sánty aṣṭā́ utó te saptá saptatíḥ //3//

Verse: 4 
Halfverse: a    
ṣaṣṭíś ca ṣáṭ ca revati pañcāśát páñca sumnayi /
Halfverse: c    
catvā́raś catvāriṃśác ca tráyas triṃśác ca vājini //4//

Verse: 5 
Halfverse: a    
dvaú ca te viṃśatíś ca te rā́try ékādaśāvamā́ḥ /
Halfverse: c    
tébʰir no adyá pāyúbʰir pāhi duhitar divaḥ //5//

Verse: 6 
Halfverse: a    
rákṣā mā́kir no adʰáśaṃsa īśata mā́ no duḥśáṃsa īśata /
Halfverse: c    
mā́ no adyá gávāṃ stenó mā́vīnāṃ vŕ̥ka īśata //6//

Verse: 7 
Halfverse: a    
mā́śvānāṃ bʰadre táskaro mā́ nr̥ṇā́ṃ yātudʰānyàḥ /
Halfverse: c    
paramébʰiḥ patʰíbʰiḥ stenó dʰāvatu táskaraḥ /
Halfverse: e    
páreṇa datvátī rájjuḥ páreṇāgʰayúr arṣatu //7//

Verse: 8 
Halfverse: a    
ádʰa rātri tr̥ṣṭádʰūmam aśīrṣā́ṇam áhiṃ kr̥ṇu /
Halfverse: c    
hánū vŕ̥kasya jambʰáyā stenáṃ drupadé jahi //8//

Verse: 9 
Halfverse: a    
tváyi rātri vasāmasi svapiṣyā́masi jāgr̥hí /
Halfverse: c    
góbʰyo naḥ śárma yacʰā́śvebʰyaḥ púruṣebʰyaḥ //9//

Hymn: 48 
Verse: 1 
Halfverse: a    
átʰo yā́ni ca yásmā ha yā́ni cāntáḥ parīṇáhi /
Halfverse: c    
tā́ni te pári dadmasi //1//

Verse: 2 
Halfverse: a    
rā́tri mā́tar uṣáse naḥ pári dehi /
Halfverse: c    
uṣó no áhne pári dadātv áhas túbʰyaṃ vibʰāvari //2//

Verse: 3 
Halfverse: a    
yát kíṃ cedáṃ patáyati yát kíṃ cedáṃ sarīsr̥pám /
Halfverse: c    
yát kíṃ ca párvatāyāsátvaṃ tásmāt tváṃ rātri pāhi naḥ //3//

Verse: 4 
Halfverse: a    
sā́ paścā́t pāhi sā́ puráḥ sóttarā́d adʰarā́d utá /
Halfverse: c    
gopāyá no vibʰāvari stotā́ras ta ihá smasi //4//

Verse: 5 
Halfverse: a    
rā́trim anutíṣṭʰanti ca bʰūtéṣu jā́grati /
Halfverse: c    
paśū́n sárvān rákṣanti na ātmásu jāgrati naḥ paśúṣu jāgrati //5//

Verse: 6 
Halfverse: a    
véda vaí rātri te nā́ma gʰr̥tā́cī nā́ma vā́ asi /
Halfverse: c    
tā́ṃ tvā́ṃ bʰarádvājo veda sā́ no vitté 'dʰi jāgrati //6//

Hymn: 49 
Verse: 1 
Halfverse: a    
iṣirā́ yóṣā yuvatír dámūnā rā́trī devásya savitúr bʰágasya /
Halfverse: c    
aśvakṣabʰā́ suhávā sáṃbʰr̥taśrīr ā́ paprau dyā́vāpr̥tʰivī́ mahitvā́ //1//

Verse: 2 
Halfverse: a    
áti víśvāny aruhad gambʰiró várṣiṣṭʰam aruhanta śráviṣṭʰāḥ /
Halfverse: c    
uśatī́ rā́try ánu sā́ bʰadrābʰí tiṣṭʰate mitrá iva svadʰā́bʰiḥ //2//

Verse: 3 
Halfverse: a    
várye vánde súbʰage sújāta ā́jagan rā́tri sumánā ihá syām /
Halfverse: c    
asmā́ṃs trāyasva náryāṇi jatā́ átʰo yā́ni gávyāni puṣṭʰyā́ //3//

Verse: 4 
Halfverse: a    
siṃhásya rā́try uśatī́ pīṃṣásya vyāgʰrásya dvīpíno várca ā́ dade /
Halfverse: c    
áśvasya bradʰnáṃ púruṣasya māyúṃ purú rūpā́ṇi kr̥ṇuṣe vibʰātī́ //4//

Verse: 5 
Halfverse: a    
śivā́ṃ rā́trim anusū́ryaṃ ca himásya mātā́ suhávā no astu /
Halfverse: c    
asyá stómasya subʰage bodʰa yéna tvā vánde víśvāsu dikṣú //5//

Verse: 6 
Halfverse: a    
stómasya no vibʰāvari rā́tri rā́jeva joṣase /
Halfverse: c    
ásāma sárvavīrā bʰávāma sárvavedaso vyucʰántīr ánūṣásaḥ //6//

Verse: 7 
Halfverse: a    
śámyā ha nā́ma dadʰiṣé máma dípsanti dʰánā /
Halfverse: c    
rā́trīhí tā́n asutapā́ stenó vidyáte yát púnar vidyáte //7//

Verse: 8 
Halfverse: a    
bʰadrā́si rātri camasó viṣṭó víṣvaṅ górūpaṃ yuvatír bibʰarṣi /
Halfverse: c    
cákṣuṣmatī me uśatī́ vápūmṣi práti tváṃ divyā́ kṣām amuktʰāḥ //8//

Verse: 9 
Halfverse: a    
adyá stená ā́yaty agʰāyúr mártyo ripúḥ /
Halfverse: c    
rā́trī tásya pratī́tya prá grīvā́ḥ prá śíro hanat //9//

Verse: 10 
Halfverse: a    
prá pādau yátʰā́yati prá hástau yátʰā́śiṣat /
Halfverse: c    
malimlúr upā́yati sáṃpiṣṭo ápāyati /
Halfverse: e    
ápāyati svápāyati śúṣke stʰāṇā́v ápāyati //10//

Hymn: 50 
Verse: 1 
Halfverse: a    
ádʰa rātri tr̥ṣṭádʰūmam aśīrṣā́ṇam áhiṃ kr̥ṇu /
Halfverse: c    
akṣaú vŕ̥kasya nír jahyās téna táṃ drupadé jahi //1//

Verse: 2 
Halfverse: a    
te rātry anaḍvā́has tīkṣṇáśr̥ṅgāḥ svāśávaḥ /
Halfverse: c    
tébʰir no adyá pārayā́ti durgā́ṇi viśváhā //2//

Verse: 3 
Halfverse: a    
rā́triṃrātrim áriṣyantas tárema tanvā̀ vayám /
Halfverse: c    
gambʰīrám áplavā iva tareyur árātayaḥ //3//

Verse: 4 
Halfverse: a    
yátʰā śāmyā́kaḥ prapátann apavā́n nā́nuvidyáte /
Halfverse: c    
evā́ rātri prá pātaya asmā́m̐ abʰyagʰāyáti //4//

Verse: 5 
Halfverse: a    
ápa stenáṃ vā́sayo goajám utá táskaram /
Halfverse: c    
átʰo árvataḥ śíro 'bʰidʰā́ya nínīṣati //5//

Verse: 6 
Halfverse: a    
yád adyá rātri subʰage vibʰájanty áyo vásu /
Halfverse: c    
yád etád asmā́n bʰójaya yátʰéd anyā́n upā́yasi //6//

Verse: 7 
Halfverse: a    
uṣáse naḥ pári dehi sárvān rātry anāgásaḥ /
Halfverse: c    
uṣā́ no áhne ā́ bʰajād áhas túbʰyaṃ vibʰāvari //7//

Hymn: 51 
Verse: 1 
Halfverse: a    
áyuto 'hám áyuto ma ātmā́yutaṃ me cákṣur áyutaṃ me śrótram /
Halfverse: c    
áyuto me prāṇó 'yuto me 'pānó 'yuto me vyānó 'yuto 'háṃ sárvaḥ //1//

Verse: 2 
Halfverse: a    
devásya tvā savitúḥ prasavé 'śvínor bāhúbʰyāṃ pūṣṇó hástābʰyāṃ prásūta ā́ rabʰe //2//

Hymn: 52 
Verse: 1 
Halfverse: a    
kā́mas tád ágre sám avartata mánaso rétaḥ pratʰamáṃ yád ā́sīt /
Halfverse: c    
kāma kā́mena br̥hatā́ sáyonī rāyás póṣaṃ yájamānāya dʰehi //1//

Verse: 2 
Halfverse: a    
tváṃ kāma sáhasāsi prátiṣṭʰito vibʰúr vibʰā́vā sakʰa ā́ sakʰīyaté /
Halfverse: c    
tvám ugráḥ pŕ̥tanāsu sasahíḥ sáha ójo yájamānāya dʰehi //2//

Verse: 3 
Halfverse: a    
dūrā́c cakamānā́ya pratipāṇā́yā́kṣaye /
Halfverse: c    
ā́smā aśr̥ṇvann ā́śāḥ kā́menājanayant svàḥ //3//

Verse: 4 
Halfverse: a    
kā́mena kā́ma ā́gan hŕ̥dayād dʰŕ̥dayaṃ pári /
Halfverse: c    
yád amī́ṣām adó mánas tád aítū́pa mām ihá //4//

Verse: 5 
Halfverse: a    
yát kāma kāmáyamānā idáṃ kr̥ṇmási te havíḥ /
Halfverse: c    
tán naḥ sárvaṃ sám r̥dʰyatām átʰaitásya havíṣo vīhi svā́hā //5//

Hymn: 53 
Verse: 1 
Halfverse: a    
kāló áśvo vahati saptáraśmiḥ sahasrākṣó ajáro bʰū́riretāḥ /
Halfverse: c    
tám ā́ rohanti kaváyo vipaścítas tásya cakrā́ bʰúvanāni víśvā //1//

Verse: 2 
Halfverse: a    
saptá cakrā́n vahati kālá eṣá saptā́sya nā́bʰīr amŕ̥taṃ nv ákṣaḥ /
Halfverse: c    
imā́ víśvā bʰúvanāny añjat kāláḥ īyate pratʰamó deváḥ //2//

Verse: 3 
Halfverse: a    
pūrṇáḥ kumbʰó 'dʰi kālá ā́hitas táṃ vaí páśyāmo bahudʰā́ sántam /
Halfverse: c    
imā́ víśvā bʰúvanāni pratyáṅ kāláṃ tám āhúḥ paramé vyòman //3//

Verse: 4 
Halfverse: a    
evá sáṃ bʰúvanāny ā́bʰarat evá sáṃ bʰúvanāni páry ait /
Halfverse: c    
pitā́ sánn abʰavat putrá eṣāṃ tásmād vaí nā́nyát páram asti téjaḥ //4//

Verse: 5 
Halfverse: a    
kāló 'mū́ṃ dívam ajanayat kālá imā́ḥ pr̥tʰivī́r utá /
Halfverse: c    
kālé ha bʰūtáṃ bʰávyaṃ ceṣitáṃ ha tiṣṭʰate //5//

Verse: 6 
Halfverse: a    
kāló bʰūtím asr̥jata kālé tápati sū́ryaḥ /
Halfverse: c    
kālé ha víśvā bʰūtā́ni kālé cákṣur paśyati //6//

Verse: 7 
Halfverse: a    
kālé mánaḥ kālé prāṇáḥ kālé nā́ma samā́hitam /
Halfverse: c    
kāléna sárvā nandanty ā́gatena prajā́ imā́ḥ //7//

Verse: 8 
Halfverse: a    
kālé tápaḥ kālé jyéṣṭʰam kālé bráhma samā́hitam /
Halfverse: c    
kāló ha sárvasyeśvaró yáḥ pitā́sīt prajā́pateḥ //8//

Verse: 9 
Halfverse: a    
téneṣitáṃ téna jātáṃ tád u tásmin prátiṣṭʰitam /
Halfverse: c    
kāló ha bráhma bʰūtvā́ bíbʰarti parameṣṭʰínam //9//

Verse: 10 
Halfverse: a    
kāláḥ prajā́ asr̥jata kāló ágre prajā́patim /
Halfverse: c    
svayaṃbʰū́ḥ kaśyápaḥ kālā́t tápaḥ kālā́d ajāyata //10//

Hymn: 54 
Verse: 1 
Halfverse: a    
kālā́d ā́paḥ sám abʰavan kālā́d bráhma tápo díśaḥ /
Halfverse: c    
kālénód eti sū́ryaḥ kālé viśate púnaḥ //1//

Verse: 2 
Halfverse: a    
kāléna vā́taḥ pavate kāléna pr̥tʰivī́ mahī́ /
Halfverse: c    
dyaúr mahī́ kālá ā́hitā //2//

Verse: 3 
Halfverse: a    
kāló ha bʰūtáṃ bʰávyaṃ ca putró ajanayat purā́ /
Halfverse: c    
kālā́d ŕ̥caḥ sám abʰavan yájuḥ kālā́d ajāyata //3//

Verse: 4 
Halfverse: a    
kāló yajñáṃ sám airayad devébʰyo bʰāgám ákṣitam /
Halfverse: c    
kālé gandʰarvāpsarásaḥ kālé lokā́ḥ prátiṣṭʰitāḥ //4//

Verse: 5 
Halfverse: a    
kālé 'yám áṅgirā devó 'tʰarvā cā́dʰi tiṣṭʰataḥ /
Halfverse: c    
imáṃ ca lokáṃ paramáṃ ca lokáṃ púṇyāṃś ca lokā́n vídʰr̥tīś ca púṇyāḥ /
Halfverse: e    
sárvāṃl lokā́n abʰijítya bráhmaṇā kāláḥ īyate paramó deváḥ //5//

Hymn: 55 
Verse: 1 
Halfverse: a    
rā́triṃrātrim áprayātaṃ bʰárantó 'śvāyeva tíṣṭʰate gʰāsám asmaí /
Halfverse: c    
rāyás póṣeṇa sám iṣā́ mádanto mā́ te agne prátiveśā riṣāma //1//

Verse: 2 
Halfverse: a    
yā́ te vásor vā́ta íṣuḥ sā́ ta eṣā́ táyā no mr̥ḍa /
Halfverse: c    
rāyás póṣeṇa sám iṣā́ mádanto mā́ te agne prátiveśā riṣāma //2//

Verse: 3 
Halfverse: a    
sāyáṃsāyaṃ gr̥hápatir no agníḥ prātáḥprātaḥ saumanasásya dātā́ /
Halfverse: c    
vásorvasor vasudā́na edʰi vayáṃ tvéndʰānās tanvàṃ puṣema //3//

Verse: 4 
Halfverse: a    
prātáḥprātar gr̥hápatir no agníḥ sāyáṃsāyaṃ saumanasásya dātā́ /
Halfverse: c    
vásorvasor vasudā́na edʰī́ndʰānās tvā śatáṃhimā r̥dʰema //4//

Verse: 5 
Halfverse: a    
ápaścā dagdʰā́nnasya bʰūyāsam /
Halfverse: c    
annādā́yānnapataye rudrā́ya námo agnáye /
Halfverse: e    
sabʰyáḥ sabʰā́ṃ me pāhi ca sabʰyā́ḥ sabʰāsádaḥ //5//

Verse: 6 
Halfverse: a    
tvām indrā puruhūta víśvam ā́yur vy àśnavan /
Halfverse: c    
áharahar balím ít te hárantó 'śvāyeva tíṣṭʰate gʰāsám agne //6//

Hymn: 56 
Verse: 1 
Halfverse: a    
yamásya lokā́d ádʰy ā́ babʰūvitʰa prámadā mártyān prá yunakṣi dʰī́raḥ /
Halfverse: c    
ekākínā sarátʰaṃ yāsi vidvā́nt svápnaṃ mímāno ásurasya yónau //1//

Verse: 2 
Halfverse: a    
bandʰás tvā́gre viśvácayā apaśyat purā́ rā́tryā jánitor éke áhni /
Halfverse: c    
tátaḥ svapnedám ádʰy ā́ babʰūvitʰa bʰiṣágbʰyo rūpám apagū́hamānaḥ //2//

Verse: 3 
Halfverse: a    
br̥hadgā́vā́surebʰyó 'dʰi devā́n úpāvartata mahimā́nam icʰán /
Halfverse: c    
tásmai svápnāya dadʰur ā́dʰipatyaṃ trayastriṃśā́saḥ svàr ānaśānā́ḥ //3//

Verse: 4 
Halfverse: a    
naítā́ṃ viduḥ pitáro nótá devā́ yéṣāṃ jálpiś cáraty antarédám /
Halfverse: c    
trité svápnam adadʰur āptyé nára ādityā́so váruṇenā́nuśiṣṭāḥ //4//

Verse: 5 
Halfverse: a    
yásya krūrám ábʰajanta duṣkŕ̥to 'svápnena sukŕ̥taḥ púṇyam ā́yuḥ /
Halfverse: c    
svàr madasi paraméṇa bandʰúnā tapyámānasya mánasó 'dʰi jajñiṣe //5//

Verse: 6 
Halfverse: a    
vidmá te sárvāḥ parijā́ḥ purástād vidmá svapna adʰipā́ ihā́ te /
Halfverse: c    
yaśaśvíno no yáśasehá pāhy ārā́d dviṣébʰir ápa yāhi dūrám //6//

Hymn: 57 
Verse: 1 
Halfverse: a    
yátʰā kalā́ṃ yátʰā śapʰáṃ yátʰā rṇáṃ samnáyanti /
Halfverse: c    
evā́ duṣvápnyaṃ sárvam ápriye sáṃ nayāmasi //1//

Verse: 2 
Halfverse: a    
sáṃ rā́jāno aguḥ sám r̥ṇā́my aguḥ sáṃ kuṣṭʰā́ aguḥ sáṃ kalā́ aguḥ /
Halfverse: c    
sám asmā́su yád duṣvápnyaṃ nír dviṣaté duṣvápnyaṃ suvāma //2//

Verse: 3 
Halfverse: a    
dévānāṃ patnīnāṃ garbʰa yámasya kara bʰadráḥ svapna /
Halfverse: c    
máma yáḥ pāpás tád dviṣaté prá hiṇmaḥ /
Halfverse: e    
mā́ tr̥ṣṭā́nām asi kr̥ṣṇaśakunér múkʰam //3//

Verse: 4 
Halfverse: a    
táṃ tvā svapna tátʰā sáṃ vidma tváṃ svapnā́śva iva kāyám áśva iva nīnāhám /
Halfverse: c    
anāsmākáṃ devapīyúṃ píyāruṃ vapa yád asmā́su duṣvápnyaṃ yád góṣu yác ca no gr̥hé //4//

Verse: 5 
Halfverse: a    
anāsmākás tád devapīyúḥ píyārur niṣkám iva práti muñcatām /
Halfverse: c    
návāratnī́n ápamayā asmā́kaṃ tátaḥ pári /
Halfverse: e    
duṣvápnyaṃ sárvaṃ dviṣaté nír dayāmasi //5//

Hymn: 58 
Verse: 1 
Halfverse: a    
gʰr̥tásya jūtíḥ sámanā sádevā saṃvatsaráṃ havíṣā vardʰáyantī /
Halfverse: c    
śrótraṃ cákṣuḥ prāṇó 'cʰinno no astv ácʰinnā vayám ā́yuṣo várcasaḥ //1//

Verse: 2 
Halfverse: a    
úpāsmā́n prāṇó hvayatām úpa prāṇáṃ havāmahe /
Halfverse: c    
várco jagrāha pr̥tʰivy à1ntárikṣaṃ várcaḥ sómo bŕ̥haspátir vidʰattā́ //2//

Verse: 3 
Halfverse: a    
várcaso dyāvāpr̥tʰivī́ saṃgráhaṇī babʰūvátʰur várco gr̥hītvā pr̥tʰivī́m ánu sáṃ carema /
Halfverse: c    
yaśásam gā́vo gópatim úpa tiṣṭʰanty āyatī́r yáśo gr̥hītvā́ pr̥tʰivī́m ánu sáṃ carema //3//

Verse: 4 
Halfverse: a    
vrajáṃ kr̥ṇudʰvaṃ vo nr̥pā́ṇo vármā sīvyadʰvaṃ bahulā́ pr̥tʰū́ni /
Halfverse: c    
púraḥ kr̥ṇudʰvam ā́yasīr ádʰr̥ṣṭā mā́ vaḥ susroc camasó dr̥ṃhata tám //4//

Verse: 5 
Halfverse: a    
yajñásya cákṣuḥ prábʰr̥tir múkʰaṃ ca vācā́ śrótreṇa mánasā juhomi /
Halfverse: c    
imáṃ yajñáṃ vítataṃ viśvákarmaṇā́ devā́ yantu sumanasyámānāḥ //5//

Verse: 6 
Halfverse: a    
devā́nām r̥tvíjo ca yajñíyā yébʰyo havyáṃ kriyáte bʰāgadʰéyam /
Halfverse: c    
imáṃ yajñáṃ sahá pátnībʰir étya yā́vanto devā́s taviṣā́ mādayantām //6//

Hymn: 59 
Verse: 1 
Halfverse: a    
tvám agne vratapā́ asi devá ā́ mártyeṣv ā́ /
Halfverse: c    
tváṃ yajñéṣv ī́ḍyaḥ //1//

Verse: 2 
Halfverse: a    
yád vo vayáṃ praminā́ma vratā́ni vidúṣāṃ devā áviduṣṭarāsaḥ /
Halfverse: c    
agníṣ ṭád viśvā́d ā́ pr̥ṇātu vidvā́nt sómasya brāhmaṇā́m̐ āvivéśa //2//

Verse: 3 
Halfverse: a    
ā́ devā́nām ápi pántʰām aganma yác cʰaknávāma tád anuprávoḍʰum /
Halfverse: c    
agnír vidvā́nt yajāt íd dʰótā 'dʰvarā́nt r̥tū́n kalpayāti //3//

Hymn: 60 
Verse: 1 
Halfverse: a    
vā́ṅ ma āsán nasóḥ prāṇáś cákṣur akṣṇóḥ śrótraṃ kárṇayoḥ /
Halfverse: c    
ápalitāḥ kéśā áśoṇā dántā bahú bāhvór bálam //1//

Verse: 2 
Halfverse: a    
ūrvór ójo jáṅgʰayor javáḥ pā́dayoḥ /
Halfverse: c    
pratiṣṭʰā́ áriṣṭāni me sárvātmā́nibʰr̥ṣṭaḥ //2//

Hymn: 61 
Verse: 1 
Halfverse: a    
tanū́s tanvā̀ me sahe datáḥ sárvam ā́yur aśīya /
Halfverse: c    
syonáṃ me sīda purúḥ pr̥ṇasva pávamānaḥ svargé //1//

Hymn: 62 
Verse: 1 
Halfverse: a    
priyáṃ kr̥ṇu devéṣu priyáṃ rā́jasu kr̥ṇu /
Halfverse: c    
priyáṃ sárvasya páśyata utá śūdrá utā́rye //1//

Hymn: 63 
Verse: 1 
Halfverse: a    
út tiṣṭʰa brahmaṇas pate devā́n yajñéna bodʰaya /
Halfverse: c    
ā́yuḥ prāṇáṃ prajā́ṃ paśū́n kīrtíṃ yájamānaṃ ca vardʰaya //1//

Hymn: 64 
Verse: 1 
Halfverse: a    
ágne samídʰam ā́hārṣaṃ br̥haté jātávedase /
Halfverse: c    
me śraddʰā́ṃ ca medʰā́ṃ ca jātávedāḥ prá yacʰatu //1//

Verse: 2 
Halfverse: a    
idʰména tvā jātavedaḥ samídʰā vardʰayāmasi /
Halfverse: c    
tátʰā tvám asmā́n vardʰaya prajáyā ca dʰánena ca //2//

Verse: 3 
Halfverse: a    
yád agne yā́ni kā́ni cid ā́ te dā́rūṇi dadʰmási /
Halfverse: c    
sárvaṃ tád astu me śiváṃ táj juṣasva yaviṣṭʰya //3//

Verse: 4 
Halfverse: a    
etā́s te agne samídʰas tvám iddʰáḥ samíd bʰava /
Halfverse: c    
ā́yur asmā́su dʰehy amr̥tatvám ācāryā̀ya //4//

Hymn: 65 
Verse: 1 
Halfverse: a    
háriḥ suparṇó dívam ā́ruho 'rcíṣā tvā dípsanti dívam utpátantam /
Halfverse: c    
áva tā́ṃ jahi hárasā jātavedó 'bibʰyad ugró 'rcíṣā dívam ā́ roha sūrya //1//

Hymn: 66 
Verse: 1 
Halfverse: a    
áyojālā ásurā māyíno 'yasmáyaiḥ pā́śair aṅkíno cáranti /
Halfverse: c    
tā́ṃs te randʰayāmi hárasā jātavedaḥ sahásrar̥ṣṭiḥ sapátnān pramr̥ṇán pāhi vájraḥ //1//

Hymn: 67 
Verse: 1 
Halfverse: a    
páśyema śarádaḥ śatám //1//

Verse: 2 
Halfverse: a    
jī́vema śarádaḥ śatám //2//

Verse: 3 
Halfverse: a    
búdʰyema śarádaḥ śatám //3//

Verse: 4 
Halfverse: a    
róhema śarádaḥ śatám //4//

Verse: 5 
Halfverse: a    
pū́ṣema śarádaḥ śatám //5//

Verse: 6 
Halfverse: a    
bʰávema śarádaḥ śatám //6//

Verse: 7 
Halfverse: a    
bʰū́ṣema śarádaḥ śatám //7//

Verse: 8 
Halfverse: a    
bʰū́yasīḥ śarádaḥ śatám //8//

Hymn: 68 
Verse: 1 
Halfverse: a    
ávyasaś ca vyácasaś ca bílaṃ ṣyāmi māyáyā /
Halfverse: c    
tā́bʰyām uddʰŕ̥tya védam átʰa kármāṇi kr̥ṇmahe //1//

Hymn: 69 
Verse: 1 
Halfverse: a    
jīvā́ stʰa jīvyā́saṃ sárvam ā́yur jīvyāsam //1//

Verse: 2 
Halfverse: a    
upajīvā́ stʰópa jīvyāsaṃ sárvam ā́yur jīvyāsam //2//

Verse: 3 
Halfverse: a    
saṃjīvā́ stʰa sáṃ jīvyāsaṃ sárvam ā́yur jīvyāsam //3//

Verse: 4 
Halfverse: a    
jīvalā́ stʰa jīvyā́saṃ sárvam ā́yur jīvyāsam //4//

Hymn: 70 
Verse: 1 
Halfverse: a    
índra jī́va sū́rya jī́va dévā jī́vā jīvyā́sam ahám /
Halfverse: c    
sárvam ā́yur jīvyāsam //1//

Hymn: 71 
Verse: 1 
Halfverse: a    
stutā́ máyā varadā́ vedamātā́ prá codayantāṃ pāvamānī́ dvijā́nām /
Halfverse: c    
ā́yuḥ prāṇáṃ prajā́ṃ paśúṃ kīrtíṃ dráviṇaṃ brahmavarcasám /
Halfverse: e    
máhyaṃ dattvā́ vrajata brahmalokám //1//

Hymn: 72 
Verse: 1 
Halfverse: a    
yásmāt kóśād udábʰarāma védaṃ tásminn antár áva dadʰma enam /
Halfverse: c    
kr̥tám iṣṭáṃ bráhmaṇo vīryèṇa téna devās tápasāvatehá //1//



Book: 20 
20
Hymn: 1 


Verse: 1 
Halfverse: a    
índra tvā vr̥ṣabʰáṃ vayáṃ suté sóme havāmahe /
Halfverse: c    
pāhi mádʰvo ándʰasaḥ //1//

Verse: 2 
Halfverse: a    
máruto yásya kṣáye pātʰā́ divó vimahasaḥ /
Halfverse: c    
sugopā́tamo jánaḥ //2//

Verse: 3 
Halfverse: a    
ukṣā́nnāya vaśā́nnāya sómapr̥ṣṭʰāya vedʰáse /
Halfverse: c    
stómair vidʰemāgnáye //3//

Hymn: 2 
Verse: 1 
Halfverse: a    
marútaḥ potrā́t suṣṭúbʰaḥ svarkā́d r̥túnā sómaṃ pibantu //1//

Verse: 2 
Halfverse: a    
agnír ā́gnīdʰrāt suṣṭúbʰaḥ svarkā́d r̥túnā sómaṃ pibatu //2//

Verse: 3 
Halfverse: a    
índro brahmā́ brā́hmaṇāt suṣṭúbʰaḥ svarkā́d r̥túnā sómaṃ pibatu //3//

Verse: 4 
Halfverse: a    
devó draviṇodā́ḥ potrā́t suṣṭúbʰaḥ svarkā́d r̥túnā sómaṃ pibatu //4//

Hymn: 3 
Verse: 1 
Halfverse: a    
ā́ yāhi suṣumā́ ta índra sómaṃ píbā imám /
Halfverse: c    
édáṃ barhíḥ sado máma //1//

Verse: 2 
Halfverse: a    
ā́ tvā brahmayújā hárī váhatām indra keśínā /
Halfverse: c    
úpa bráhmāṇi naḥ śr̥ṇu //2//

Verse: 3 
Halfverse: a    
brahmā́ṇas tvā vayáṃ yujā́ somapā́m indra somínaḥ /
Halfverse: c    
sutā́vanto havāmahe //3//

Hymn: 4 
Verse: 1 
Halfverse: a    
ā́ no yāhi sutā́vato 'smā́kaṃ suṣṭutī́r úpa /
Halfverse: c    
píbā śiprinn ándʰasaḥ //1//

Verse: 2 
Halfverse: a    
ā́ te siñcāmi kukṣyór ánu gā́trā dʰāvatu /
Halfverse: c    
gr̥bʰāyá jihváyā mádʰu //2//

Verse: 3 
Halfverse: a    
svādúṣ ṭe astu saṃsúde mádʰumān tanvè3 táva /
Halfverse: c    
sómaḥ śám astu te hr̥dé //3//

Hymn: 5 
Verse: 1 
Halfverse: a    
ayám u tvā vicarṣaṇe jánīr ivābʰí sáṃvr̥taḥ /
Halfverse: c    
prá sóma indra sarpatu //1//

Verse: 2 
Halfverse: a    
tuvigrī́vo vapódaraḥ subāhúr ándʰaso sáde /
Halfverse: c    
índro vr̥trā́ṇi jigʰnate //2//

Verse: 3 
Halfverse: a    
índra préhi purás tváṃ víśvasyéśāna ójasā /
Halfverse: c    
vr̥trā́ṇi vr̥trahaṃ jahi //3//

Verse: 4 
Halfverse: a    
dīrgʰás te astv aṅkuśó yénā vásu prayácʰasi /
Halfverse: c    
yájamānāya sunvaté //4//

Verse: 5 
Halfverse: a    
ayáṃ ta indra sómo nípūto ádʰi barhíṣi /
Halfverse: c    
éhīm asyá drávā píba //5//

Verse: 6 
Halfverse: a    
śā́cigo śā́cipūjanāyáṃ ráṇāya te sutáḥ /
Halfverse: c    
ā́kʰaṇḍala prá hūyase //6//

Verse: 7 
Halfverse: a    
yás te śr̥ṅgavr̥ṣo napāt práṇapāt kuṇḍapā́yyaḥ /
Halfverse: c    
ny àsmin dadʰra ā́ mánaḥ //7//

Hymn: 6 
Verse: 1 
Halfverse: a    
índra tvā vr̥ṣabʰáṃ vayáṃ suté sóme havāmahe /
Halfverse: c    
pāhi mádʰvo ándʰasaḥ //1//

Verse: 2 
Halfverse: a    
índra kratuvídaṃ sutáṃ sómaṃ harya puruṣṭuta /
Halfverse: c    
píbā́ vr̥ṣasva tā́tr̥pim //2//

Verse: 3 
Halfverse: a    
índra prá ṇo dʰitā́vānaṃ yajñáṃ víśvebʰir devébʰir /
Halfverse: c    
tirá stavāna viśpate //3//

Verse: 4 
Halfverse: a    
índra sómāḥ sutā́ imé táva prá yanti satpate /
Halfverse: c    
kṣáyaṃ candrā́sa índavaḥ //4//

Verse: 5 
Halfverse: a    
dadʰiṣvā́ jaṭʰáre sutáṃ sómam indra váreṇyam /
Halfverse: c    
táva dyukṣā́sa índavaḥ //5//

Verse: 6 
Halfverse: a    
gírvaṇaḥ pāhí naḥ sutáṃ mádʰor dʰā́rābʰir ajyase /
Halfverse: c    
índra tvā́dātam íd yáśaḥ //6//

Verse: 7 
Halfverse: a    
abʰí dyumnā́ni vanína índraṃ sacante ákṣitā /
Halfverse: c    
pītvī́ sómasya vāvr̥dʰe //7//

Verse: 8 
Halfverse: a    
arvāváto na ā́ gahi parāvátaś ca vr̥trahan /
Halfverse: c    
imā́ juṣasva no gíraḥ //8//

Verse: 9 
Halfverse: a    
yád antarā́ parāvátam arvāvátaṃ ca hūyáse /
Halfverse: c    
índrehá táta ā́ gahi //9//

Hymn: 7 
Verse: 1 
Halfverse: a    
úd gʰéd abʰí śrutā́magʰaṃ vr̥ṣabʰáṃ náryāpasam /
Halfverse: c    
ástāram eṣi sūrya //1//

Verse: 2 
Halfverse: a    
náva navatíṃ púro bibʰéda bāhvòjasā /
Halfverse: c    
áhiṃ ca vr̥trahā́vadʰīt //2//

Verse: 3 
Halfverse: a    
na índraḥ śiváḥ sákʰā́śvāvad gómad yávamat /
Halfverse: c    
urúdʰāreva dohate //3//

Verse: 4 
Halfverse: a    
índra kratuvídaṃ sutáṃ sómaṃ harya puruṣṭuta /
Halfverse: c    
pibā́ vr̥ṣasva tā́tr̥pim //4//

Hymn: 8 
Verse: 1 
Halfverse: a    
evā́ pāhi pratnátʰā mándatu tvā śrudʰí bráhma vāvr̥dʰásvotá gīrbʰíḥ /
Halfverse: c    
āvíḥ sū́ryaṃ kr̥ṇuhí pīpihī́ṣo jahí śátrūm̐r abʰí gā́ indra tr̥ndʰi //1//

Verse: 2 
Halfverse: a    
arvā́ṅ éhi sómakāmaṃ tvāhur ayáṃ sutás tásya pibā mádāya /
Halfverse: c    
uruvyácā jaṭʰára ā́ vr̥ṣasva pitéva naḥ śr̥ṇuhi hūyámānaḥ //2//

Verse: 3 
Halfverse: a    
ā́pūrṇo asya kaláśaḥ svā́hā sékteva kóśaṃ siṣice píbadʰyai /
Halfverse: c    
sám u priyā́ ā́vavr̥tran mádāya pradakṣiṇíd abʰí sómāsa índram //3//

Hymn: 9 
Verse: 1 
Halfverse: a    
táṃ vo dasmám r̥tīṣáham vásor mandānám ándʰasaḥ /
Halfverse: c    
abʰí vatsáṃ svásareṣu dʰenáva índraṃ gīrbʰír navāmahe //1//

Verse: 2 
Halfverse: a    
dyukṣáṃ sudā́nuṃ táviṣībʰir ā́vr̥taṃ giríṃ purubʰójasam /
Halfverse: c    
kṣumántaṃ vā́jaṃ śatínaṃ sahasríṇaṃ makṣū́ gómantam īmahe //2//

Verse: 3 
Halfverse: a    
tát tvā yāmi suvī́ryaṃ tád bráhma pūrvácittaye /
Halfverse: c    
yénā yátibʰyo bʰŕ̥gave dʰáne hité yéna práskaṇvam ā́vitʰa //3//

Verse: 4 
Halfverse: a    
yénā samudrám ásr̥jo mahī́r apás tád indra vŕ̥ṣṇi te śávaḥ /
Halfverse: c    
sadyáḥ asya mahimā́ saṃnáśe yáṃ kṣoṇī́r anucakradé //4//

Hymn: 10 
Verse: 1 
Halfverse: a    
úd u mádʰumattamā gíra stómāsa īrate /
Halfverse: c    
satrājíto dʰanasā́ ákṣitotayo vājayánto rátʰā iva //1//

Verse: 2 
Halfverse: a    
káṇvā iva bʰŕ̥gavaḥ sū́ryā iva víśvam íd dʰītám ānaśuḥ /
Halfverse: c    
índraṃ stómebʰir maháyanta āyávaḥ priyámedʰāso asvaran //2//

Hymn: 11 
Verse: 1 
Halfverse: a    
índraḥ pūrbʰíd ā́tirad dā́sam arkaír vidádvasur dáyamāno śátrūn /
Halfverse: c    
bráhmajūtas tanvā̀ vāvr̥dʰānó bʰū́ridātra ā́pr̥ṇad ródasī ubʰé //1//

Verse: 2 
Halfverse: a    
makʰásya te taviṣásya prá jūtím íyarmi vā́cam amŕ̥tāya bʰū́ṣan /
Halfverse: c    
índra kṣitīnā́m asi mā́nuṣīṇāṃ viśā́ṃ daívīnām utá pūrvayā́vā //2//

Verse: 3 
Halfverse: a    
índro vr̥trám avr̥ṇoc cʰárdʰanītiḥ prá māyínām aminād várpaṇītiḥ /
Halfverse: c    
áhan vyàṃsam uśádʰag váneṣv āvír dʰénā akr̥ṇod rāmyā́ṇām //3//

Verse: 4 
Halfverse: a    
índraḥ svarṣā́ janáyann áhāni jigā́yośígbʰiḥ pŕ̥tanā abʰiṣṭíḥ /
Halfverse: c    
prā́rocayan mánave ketúm áhnām ávindaj jyótir br̥haté ráṇāya //4//

Verse: 5 
Halfverse: a    
índras tújo barháṇā ā́ viveśa nr̥vád dádʰāno náryā purū́ṇi /
Halfverse: c    
ácetayad dʰíya imā́ jaritré prémáṃ várṇam atirac cʰukrám āsām //5//

Verse: 6 
Halfverse: a    
mahó mahā́ni panayanty asyéndrasya kárma súkr̥tā purū́ṇi /
Halfverse: c    
vr̥jánena vr̥jinā́nt sáṃ pipeṣa māyā́bʰir dasyū́m̐r abʰíbʰūtyojāḥ //6//

Verse: 7 
Halfverse: a    
yudʰéndro mahnā́ várivaś cakāra devébʰyaḥ sátpatiś carṣaṇiprā́ḥ /
Halfverse: c    
vivásvataḥ sádane asya tā́ni víprā uktʰébʰiḥ kaváyo gr̥ṇanti //7//

Verse: 8 
Halfverse: a    
satrāsā́haṃ váreṇyaṃ sahodā́ṃ sasavā́ṃsaṃ svàr apáś ca devī́ḥ /
Halfverse: c    
sasā́na yáḥ pr̥tʰivī́ṃ dyā́m utémā́m índraṃ madanty ánu dʰī́raṇāsaḥ //8//

Verse: 9 
Halfverse: a    
sasā́nā́tyām̐ utá sū́ryaṃ sasānéndraḥ sasāna purubʰójasaṃ gā́m /
Halfverse: c    
hiraṇyáyam utá bʰógaṃ sasāna hatvī́ dásyūn prā́ryaṃ várṇam āvat //9//

Verse: 10 
Halfverse: a    
índra óṣadʰīr asanod áhāni vánaspátīm̐r asanod antárikṣam /
Halfverse: c    
bibʰéda baláṃ nunudé vívācó 'tʰābʰavad damitā́bʰíkratūnām //10//

Verse: 11 
Halfverse: a    
śunáṃ huvema magʰávānam índram asmín bʰáre nŕ̥tamaṃ vā́jasātau /
Halfverse: c    
śr̥ṇvántam ugrám ūtáye samátsu gʰnántaṃ vr̥trā́ṇi saṃjítaṃ dʰánānām //11//

Hymn: 12 
Verse: 1 
Halfverse: a    
úd u bráhmāṇy airata śravasyéndraṃ samaryé mahayā vasiṣṭʰa /
Halfverse: c    
ā́ víśvāni śávasā tatā́nopaśrotā́ ma ī́vato vácāṃsi //1//

Verse: 2 
Halfverse: a    
áyāmi gʰóṣa indra devájāmir irajyánta yác cʰurúdʰo vívāci /
Halfverse: c    
nahí svám ā́yuś cikité jáneṣu tā́nī́d áṃhāṃsy áti parṣy asmā́n //2//

Verse: 3 
Halfverse: a    
yujé rátʰaṃ gavéṣaṇaṃ háribʰyām úpa bráhmāṇi jujuṣāṇám astʰuḥ /
Halfverse: c    
bādʰiṣṭa syá ródasī mahitvéndro vr̥trā́ṇy apratī́ jagʰanvā́n //3//

Verse: 4 
Halfverse: a    
ā́paś cit pipyu staryò3 gā́vo nákṣann r̥táṃ jaritā́ras ta indra /
Halfverse: c    
yāhí vāyúr niyúto no ácʰā tváṃ dʰībʰír dáyase vā́jān //4//

Verse: 5 
Halfverse: a    
tvā mádā indra mādayantu śuṣmíṇaṃ tuvirā́dʰasaṃ jaritré /
Halfverse: c    
éko devatrā́ dáyase mártān asmín cʰūra sávane mādayasva //5//

Verse: 6 
Halfverse: a    
evéd índraṃ vŕ̥ṣaṇaṃ vájrabāhuṃ vásiṣṭʰāso abʰy àrcanty arkaíḥ /
Halfverse: c    
na stutó vīrávad dʰātu gómad yūyáṃ pāta svastíbʰiḥ sádā naḥ //6//

Verse: 7 
Halfverse: a    
r̥jīṣī́ vajrī́ vr̥ṣabʰás turāṣā́ṭ cʰuṣmī́ rā́jā vr̥trahā́ somapā́vā /
Halfverse: c    
yuktvā́ háribʰyām úpa yāsad arvā́ṅ mā́dʰyaṃdine sávane matsad índraḥ //7//

Hymn: 13 
Verse: 1 
Halfverse: a    
índraś ca sómaṃ pibataṃ br̥haspate 'smín yajñé mandasānā́ vr̥ṣaṇvasū /
Halfverse: c    
ā́ vāṃ viśantv índavaḥ svābʰúvo 'smé rayíṃ sárvavīraṃ yacʰatam //1//

Verse: 2 
Halfverse: a    
ā́ vo vahantu sáptayo ragʰuṣyádo ragʰupátvānaḥ prá jigāta bāhúbʰiḥ /
Halfverse: c    
sīdatā barhír urú vaḥ sádas kr̥táṃ mādáyadʰvaṃ maruto mádʰvo ándʰasaḥ //2//

Verse: 3 
Halfverse: a    
imáṃ stómam árhate jātávedase rátʰam iva sáṃ mahemā manīṣáyā /
Halfverse: c    
bʰadrā́ naḥ prámatir asya saṃsády ágne sakʰyé mā́ riṣāmā vayáṃ táva //3//

Verse: 4 
Halfverse: a    
aíbʰir agne sarátʰaṃ yāhy arvā́ṅ nānāratʰáṃ vibʰávo hy áśvāḥ /
Halfverse: c    
pátnīvatas triṃśátaṃ trī́ṃś ca devā́n anuṣvadʰám ā́ vaha mādáyasva //4//

Hymn: 14 
Verse: 1 
Halfverse: a    
vayám u tvā́m apūrvya stʰūráṃ kác cid bʰáranto 'vasyávaḥ /
Halfverse: c    
vā́je citráṃ havāmahe //1//

Verse: 2 
Halfverse: a    
úpa tvā kármann ūtáye no yúvográś cakrāma dʰr̥ṣát /
Halfverse: c    
tvā́m íd dʰy àvitā́raṃ vavr̥máhe sákʰāya indra sānasím //2//

Verse: 3 
Halfverse: a    
na idámidaṃ purā́ prá vásya āninā́ya tám u va stuṣe /
Halfverse: c    
sákʰāya índram ūtáye //3//

Verse: 4 
Halfverse: a    
háryaśvaṃ sátpatiṃ carṣaṇīsáhaṃ ṣmā ámandata /
Halfverse: c    
ā́ tu naḥ vayati gávyam áśvyaṃ stotŕ̥bʰyo magʰávā śatám //4//

Hymn: 15 
Verse: 1 
Halfverse: a    
prá máṃhiṣṭʰāya br̥haté br̥hádraye satyáśuṣmāya taváse matíṃ bʰare /
Halfverse: c    
apā́m iva pravaṇé yásya durdʰáraṃ rā́dʰo viśvā́yu śávase ápāvr̥tam //1//

Verse: 2 
Halfverse: a    
ádʰa te víśvam ánu hāsad iṣṭáya ā́po nimnéva sávanā havíṣmataḥ /
Halfverse: c    
yát párvate samáśīta haryatá índrasya vájraḥ śnátʰitā hiraṇyáyaḥ //2//

Verse: 3 
Halfverse: a    
asmaí bʰīmā́ya námasā sám adʰvará úṣo śubʰra ā́ bʰarā pánīyase /
Halfverse: c    
yásya dʰā́ma śrávase nā́mendriyáṃ jyótir ákāri haríto nā́yase //3//

Verse: 4 
Halfverse: a    
imé ta indra vayáṃ puruṣṭuta tvārábʰya cárāmasi prabʰūvaso /
Halfverse: c    
nahí tvád anyó girvaṇo gíraḥ sádʰat kṣoṇī́r iva práti no harya tád vácaḥ //4//

Verse: 5 
Halfverse: a    
bʰū́ri ta indra vīryà1ṃ táva smasy asyá stotúr magʰavan kā́mam ā́ pr̥ṇa /
Halfverse: c    
ánu te dyaúr br̥hatī́ vīryàṃ mama iyáṃ ca te pr̥tʰivī́ nema ójase //5//

Verse: 6 
Halfverse: a    
tváṃ tám indra párvataṃ mahā́m urúṃ vájreṇa vajrin parvaśáś cakartitʰa /
Halfverse: c    
ávāsr̥jo nívr̥tāḥ sártavā́ apáḥ satrā́ víśvaṃ dadʰiṣe kévalaṃ sáhaḥ //6//

Hymn: 16 
Verse: 1 
Halfverse: a    
udaprúto váyo rákṣamāṇā vā́vadato abʰríyasyeva gʰóṣāḥ /
Halfverse: c    
giribʰrájo nórmáyo mádanto bŕ̥haspátim abʰy àrkā́ anāvan //1//

Verse: 2 
Halfverse: a    
sáṃ góbʰir aṅgirasó nákṣamāṇo bʰága ivéd aryamáṇaṃ nināya /
Halfverse: c    
jáne mitró dámpatī anakti bŕ̥haspate vājáyāśū́m̐r ivājaú //2//

Verse: 3 
Halfverse: a    
sādʰvaryā́ atitʰínīr iṣirā́ spārhā́ḥ suvárṇā anavadyárūpāḥ /
Halfverse: c    
bŕ̥haspátiḥ párvatebʰyo vitū́ryā nír gā́ ūpe yávam iva stʰivíbʰyaḥ //3//

Verse: 4 
Halfverse: a    
āpruṣāyán mádʰunā r̥tásya yónim avakṣipánn arká ulkā́m iva dyóḥ /
Halfverse: c    
bŕ̥haspátir uddʰárann áśmano gā́ bʰū́myā udnéva tvácaṃ bibʰeda //4//

Verse: 5 
Halfverse: a    
ápa jyótiṣā támo antárikṣad udnáḥ śī́pālam iva vā́ta ājat /
Halfverse: c    
bŕ̥haspátir anumŕ̥śyā valásyābʰrám iva vā́ta ā́ cakra ā́ gā́ḥ //5//

Verse: 6 
Halfverse: a    
yadā́ valásya pī́yato jásuṃ bʰéd bŕ̥haspátir agnitápobʰir arkaíḥ /
Halfverse: c    
dadbʰír jihvā́ páriviṣṭam ā́dad āvír nidʰī́m̐r akr̥ṇod usríyāṇām //6//

Verse: 7 
Halfverse: a    
bŕ̥haspátir ámata tyád āsāṃ nā́ma svarī́ṇāṃ sádane gúhā yát /
Halfverse: c    
āṇḍéva bʰitvā́ śakunásya gárbʰam úd usríyāḥ párvatasya tmánājat //7//

Verse: 8 
Halfverse: a    
áśnā́pinaddʰaṃ mádʰu páry apaśyan mátsyaṃ dīná udáni kṣiyántam /
Halfverse: c    
níṣ ṭáj jabʰāra camasáṃ vr̥kṣā́d bŕ̥haspátir viravéṇā vikŕ̥tya //8//

Verse: 9 
Halfverse: a    
sóṣā́m avindat svà1ḥ agníṃ arkéṇa babādʰe támāṃsi /
Halfverse: c    
bŕ̥haspátir góvapuṣo valásya nír majjā́naṃ párvaṇo jabʰāra //9//

Verse: 10 
Halfverse: a    
himéva parṇā́ muṣitā́ vánāni bŕ̥haspátinākr̥payad való gā́ḥ /

Halfverse: c    
anānukr̥tyám apunáś cakāra yā́t sū́ryāmā́sā mitʰá uccárātaḥ //10//

Verse: 11 
Halfverse: a    
abʰí śyāváṃ kŕ̥śanebʰir áśvaṃ nákṣatrebʰiḥ pitáro dyā́m apiṃśan /
Halfverse: c    
rā́tryāṃ támo ádadʰur jyótir áhan bŕ̥haspátir bʰinád ádriṃ vidád gā́ḥ //11//

Verse: 12 
Halfverse: a    
idám akarma námo abʰriyā́ya yáḥ pūrvī́r ánv ānónavīti /
Halfverse: c    
bŕ̥haspátiḥ góbʰiḥ áśvaiḥ vīrébʰiḥ nŕ̥bʰir no váyo dʰāt //12//

Hymn: 17 
Verse: 1 
Halfverse: a    
ácʰā ma índraṃ matáyaḥ svarvídaḥ sadʰrī́cīr víśvā uśatī́r anūṣata /
Halfverse: c    
pári ṣvajante jánayo yátʰā pátiṃ máryaṃ śundʰyúṃ magʰávānam ūtáye //1//

Verse: 2 
Halfverse: a    
gʰā tvadríg ápa veti me mánas tvé ít kā́maṃ puruhūta śiśraya /
Halfverse: c    
rā́jeva dasma ṣadó 'dʰi barhíṣy asmínt sóme 'vapā́nam astu te //2//

Verse: 3 
Halfverse: a    
viṣūvŕ̥d índro ámuter utá kṣudʰáḥ íd rāyó magʰávā vásva īśate /
Halfverse: c    
tásyéd imé pravaṇé saptá síndʰavo váyo vardʰanti vr̥ṣabʰásya śuṣmíṇaḥ //3//

Verse: 4 
Halfverse: a    
váyo vr̥kṣáṃ supalāśám ā́sadant sómāsa índraṃ mandínaś camūṣádaḥ /
Halfverse: c    
praíṣām ánīkaṃ śávasā dávidyutad vidát svà1r mánave jyótir ā́ryam //4//

Verse: 5 
Halfverse: a    
kr̥táṃ śvagʰnī́ cinoti dévane saṃvárgaṃ yán magʰávā sū́ryaṃ jáyat /
Halfverse: c    
tát te anyó ánu vīryàṃ śakan purāṇó magʰavan nótá nū́tanaḥ //5//

Verse: 6 
Halfverse: a    
víśaṃviśaṃ magʰávā páry aśāyata jánānāṃ dʰénā avacā́kaśad vŕ̥ṣā /
Halfverse: c    
yásyā́ha śakráḥ sávaneṣu ráṇyati tīvraíḥ sómaiḥ sahate pr̥tanyatáḥ //6//

Verse: 7 
Halfverse: a    
ā́po síndʰum abʰí yát samákṣarant sómāsa índraṃ kulyā́ iva hradám /
Halfverse: c    
várdʰanti víprā máho asya sā́dane yávaṃ vr̥ṣṭír divyéna dā́nunā //7//

Verse: 8 
Halfverse: a    
vŕ̥ṣā kruddʰáḥ patayad rájaḥsv ā́ aryápatnīr ákr̥ṇod imā́ apáḥ /
Halfverse: c    
sunvaté magʰávā jīrádānavé 'vindaj jyótir mánave havíṣmate //8//

Verse: 9 
Halfverse: a    
új jāyatāṃ paraśú jyótiṣā sahá bʰūyā́ r̥tásya sudúgʰā purāṇavát /
Halfverse: c    
rocatām aruṣó bʰānúnā śúciḥ svà1r śukráṃ śuśucīta sátpatiḥ //9//

Verse: 10 
Halfverse: a    
góbʰiṣ ṭaremā́matiṃ durévāṃ yávena kṣúdʰaṃ puruhūta víśvām /
Halfverse: c    
vayáṃ rā́jabʰiḥ pratʰamā́ dʰánāny asmā́kena vr̥jánenā jayema //10//

Verse: 11 
Halfverse: a    
bŕ̥haspátir naḥ pári pātu paścā́d utóttarasmād ádʰarād agʰāyóḥ /
Halfverse: c    
índraḥ purástād utá madʰyató naḥ sákʰā sákʰibʰyaḥ várivaḥ kr̥ṇotu //11//

Verse: 12 
Halfverse: a    
bŕ̥haspate yuvám índraś ca vásvo divyásyeśātʰe utá pā́rtʰivasya /
Halfverse: c    
dʰattáṃ rayíṃ stuvaté kīráye cid yūyáṃ pāta svastíbʰiḥ sádā naḥ //12//

Hymn: 18 
Verse: 1 
Halfverse: a    
vayám u tvā tadítartʰā índra tvāyántaḥ sákʰāyaḥ /
Halfverse: c    
káṇvā uktʰébʰir jarante //1//

Verse: 2 
Halfverse: a    
gʰem anyád ā́ papana vájrinn apáso náviṣṭau /
Halfverse: c    
távéd u stómaṃ ciketa //2//

Verse: 3 
Halfverse: a    
icʰánti devā́ḥ sunvántaṃ svápnāya spr̥hayanti /
Halfverse: c    
yánti pramā́dam átandrāḥ //3//

Verse: 4 
Halfverse: a    
vayám indra tvāyávo 'bʰí prá ṇonumo vr̥ṣan /
Halfverse: c    
viddʰí tv àsyá no vaso //4//

Verse: 5 
Halfverse: a    
mā́ no nidé ca váktave 'ryó randʰīr árāvne /
Halfverse: c    
tvé ápi krátur máma //5//

Verse: 6 
Halfverse: a    
tváṃ vármāsi saprátʰaḥ puroyodʰáś ca vr̥trahan /
Halfverse: c    
tváyā práti bruve yujā́ //6//

Hymn: 19 
Verse: 1 
Halfverse: a    
vā́rtrahatyāya śávase pr̥tanāṣā́hyāya ca /
Halfverse: c    
índra tvā́ vartayāmasi //1//

Verse: 2 
Halfverse: a    
arvācī́naṃ te mána utá cákṣuḥ śatakrato /
Halfverse: c    
índra kr̥ṇvántu vāgʰátaḥ //2//

Verse: 3 
Halfverse: a    
nā́māni te śatakrato víśvābʰir gīrbʰír īmahe /
Halfverse: c    
índrābʰimātiṣā́hye //3//

Verse: 4 
Halfverse: a    
puruṣṭutásya dʰā́mabʰiḥ śaténa mahayāmasi /
Halfverse: c    
índrasya carṣaṇīdʰŕ̥taḥ //4//

Verse: 5 
Halfverse: a    
índraṃ vr̥trā́ya hántave puruhūtám úpa bruve /
Halfverse: c    
bʰáreṣu vā́jasātaye //5//

Verse: 6 
Halfverse: a    
vā́jeṣu sāsahír bʰava tvā́m īmahe śatakrato /
Halfverse: c    
índra vr̥trā́ya hántave //6//

Verse: 7 
Halfverse: a    
dyumnéṣu pr̥tanā́jye pr̥tsutū́rṣu śrávaḥsu ca /
Halfverse: c    
índra sā́kṣvābʰímātiṣu //7//

Hymn: 20 
Verse: 1 
Halfverse: a    
śuṣmíntamaṃ na ūtáye dyumnínaṃ pāhi jā́gr̥vim /
Halfverse: c    
índra sómaṃ śatakrato //1//

Verse: 2 
Halfverse: a    
indriyā́ṇi śatakrato yā́ te jáneṣu pañcásu /
Halfverse: c    
índra tā́ni ta ā́ vr̥ṇe //2//

Verse: 3 
Halfverse: a    
ágann indra śrávo br̥hád dyumnáṃ dadʰiṣva duṣṭáram /
Halfverse: c    
út te śúṣmaṃ tirāmasi //3//

Verse: 4 
Halfverse: a    
arvāváto na ā́ gahy átʰo śakra parāvátaḥ /
Halfverse: c    
u lokó yás te adriva índrehá táta ā́ gahi //4//

Verse: 5 
Halfverse: a    
índro aṅgáṃ mahád bʰayám abʰí ṣád ápa cucyavat /
Halfverse: c    
stʰiró vícarṣaṇiḥ //5//

Verse: 6 
Halfverse: a    
índraś ca mr̥láyāti no naḥ paścā́d agʰáṃ naśat /
Halfverse: c    
bʰadráṃ bʰavāti naḥ puráḥ //6//

Verse: 7 
Halfverse: a    
índra ā́śābʰyas pári sárvābʰyo ábʰayaṃ karat /
Halfverse: c    
jétā śátrūn vícarṣaṇiḥ //7//

Hymn: 21 
Verse: 1 
Halfverse: a    
ny ū ṣú vā́caṃ prá mahé bʰarāmahe gíra índrāya sádane vivásvataḥ /
Halfverse: c    
nū́ cid dʰí rátnaṃ sasatā́m ivā́vidan duṣṭutír draviṇodéṣu śasyate //1//

Verse: 2 
Halfverse: a    
duró áśvasya durá indra gór asi duró yávasya vásuna inás pátiḥ /
Halfverse: c    
śikṣānaráḥ pradívo ákāmakarśanaḥ sákʰā sákʰibʰyas tám idáṃ gr̥ṇīmasi //2//

Verse: 3 
Halfverse: a    
śácīva indra purukr̥d dyumattama távéd idám abʰítaś cekite vásu /
Halfverse: c    
átaḥ saṃgŕ̥bʰyābʰibʰūta ā́ bʰara mā́ tvāyató jaritúḥ kā́mam ūnayīḥ //3//

Verse: 4 
Halfverse: a    
ebʰír dyúbʰir sumánā ebʰír índubʰir nirundʰānó ámatiṃ góbʰir aśvínā /
Halfverse: c    
índreṇa dásyuṃ daráyanta índubʰir yutádveṣasaḥ sam iṣā́ rabʰemahi //4//

Verse: 5 
Halfverse: a    
sám indra rāyā́ sám iṣā́ rabʰemahi sáṃ vā́jebʰiḥ puruścandraír abʰídyubʰiḥ /
Halfverse: c    
sáṃ devyā́ prámatyā vīráśuṣmayā góagrayā́śvāvatyā rabʰemahi //5//

Verse: 6 
Halfverse: a    
tvā mádā amadan tā́ni vŕ̥ṣṇyā te sómāso vr̥trahátyeṣu satpate /
Halfverse: c    
yát kāráve dáśa vr̥trā́ṇy apratí barhíṣmate sahásrāṇi barháyaḥ //6//

Verse: 7 
Halfverse: a    
yudʰā́ yúdʰam úpa gʰéd eṣi dʰr̥ṣṇuyā́ purā́ púraṃ sám idáṃ haṃsy ójasā /
Halfverse: c    
námyā yád indra sákʰyā parāváti nibarháyo námuciṃ nā́ma māyínam //7//

Verse: 8 
Halfverse: a    
tváṃ kárañjam utá parṇáyaṃ vadʰīs téjiṣṭʰayātitʰigvásya vartanī́ /
Halfverse: c    
tváṃ śatā́ váṅgr̥dasyābʰinat púro 'nānudáḥ páriṣūtā r̥jíśvanā //8//

Verse: 9 
Halfverse: a    
tvám etā́ṃ janarā́jño dvír dáśābandʰúnā suśrávasopajagmúṣaḥ /
Halfverse: c    
ṣaṣṭíṃ sahásrā navatíṃ náva śrutó cakréṇa rátʰyā duṣpádāvr̥ṇak //9//

Verse: 10 
Halfverse: a    
tvám āvitʰa suśrávasaṃ távotíbʰis táva trā́mabʰir indra tū́rvayāṇam /
Halfverse: c    
tvá asmai kútsam atitʰigvám āyúṃ mahé rā́jñe yū́ne arandʰanāyaḥ //10//

Verse: 11 
Halfverse: a    
udŕ̥cīndra devágopāḥ sákʰāyas te śivátamā ásāma /
Halfverse: c    
tvā́ṃ stoṣāma tváyā suvī́rā drā́gʰīya ā́yuḥ prataráṃ dádʰānāḥ //11//

Hymn: 22 
Verse: 1 
Halfverse: a    
abʰí tvā vr̥ṣabʰā suté sutáṃ sr̥jāmi pītáye /
Halfverse: c    
tr̥mpā́ vy àśnuhī mádam //1//

Verse: 2 
Halfverse: a    
mā́ tvā mūrā́ aviṣyávo mópahásvāna ā́ dabʰan /
Halfverse: c    
mā́kīṃ brahmadvíṣo vanaḥ //2//

Verse: 3 
Halfverse: a    
ihá tvā góparīṇasā mahé mandantu rā́dʰase /
Halfverse: c    
sáro gauró yátʰā piba //3//

Verse: 4 
Halfverse: a    
abʰí prá gópatiṃ giréndram arca yátʰā vidé /
Halfverse: c    
sūnúṃ satyásya sátpatim //4//

Verse: 5 
Halfverse: a    
ā́ hárayaḥ sasr̥jriré 'ruṣīr ádʰi barhíṣi /
Halfverse: c    
yátrābʰí saṃnávāmahe //5//

Verse: 6 
Halfverse: a    
índrāya gā́va āśíraṃ duduhré vajríṇe mádʰu /
Halfverse: c    
yát sīm upahvaré vidát //6//

Hymn: 23 
Verse: 1 
Halfverse: a    
ā́ tū́ na indra madryàg gʰuvānáḥ sómapītaye /
Halfverse: c    
háribʰyāṃ yāhy adrivaḥ //1//

Verse: 2 
Halfverse: a    
sattó hótā na r̥tvíyas tistiré barhír ānuṣák /
Halfverse: c    
áyujran prātár ádrayaḥ //2//

Verse: 3 
Halfverse: a    
imā́ bráhma brahmavāhaḥ kriyánta ā́ barhíḥ sīda /
Halfverse: c    
vīhí śūra purolā́śam //3//

Verse: 4 
Halfverse: a    
rārandʰí sávaneṣu ṇa eṣú stómeṣu vr̥trahan /
Halfverse: c    
uktʰéṣv indra girvaṇaḥ //4//

Verse: 5 
Halfverse: a    
matáyaḥ somapā́m urúṃ rihánti śávasas pátim /
Halfverse: c    
índraṃ vatsáṃ mātáraḥ //5//

Verse: 6 
Halfverse: a    
mandasvā hy ándʰaso rā́dʰase tanvā̀ mahé /
Halfverse: c    
stotā́raṃ nidé karaḥ //6//

Verse: 7 
Halfverse: a    
vayám indra tvāyávo havíṣmanto jarāmahe /
Halfverse: c    
utá tvám asmayúr vaso //7//

Verse: 8 
Halfverse: a    
mā́ré asmád mumuco háripriyārvā́ṅ yāhi /
Halfverse: c    
índra svadʰāvo mátsvehá //8//

Verse: 9 
Halfverse: a    
arvā́ñcaṃ tvā sukʰé rátʰe váhatām indra keśínā /
Halfverse: c    
gʰr̥tásnū barhír āsáde //9//

Hymn: 24 
Verse: 1 
Halfverse: a    
úpa naḥ sutám ā́ gahi sómam indra gávāśiram /
Halfverse: c    
háribʰyāṃ yás te asmayúḥ //1//

Verse: 2 
Halfverse: a    
tám indra mádam ā́ gahi barhiṣṭʰā́ṃ grā́vabʰiḥ sutám /
Halfverse: c    
kuvín nv àsya tr̥pṇávaḥ //2//

Verse: 3 
Halfverse: a    
índram ittʰā́ gíro mámā́cʰāgur iṣitā́ itáḥ /
Halfverse: c    
āvŕ̥te sómapītaye //3//

Verse: 4 
Halfverse: a    
índraṃ sómasya pītáye stómair ihá havāmahe /
Halfverse: c    
uktʰébʰiḥ kuvíd āgámat //4//

Verse: 5 
Halfverse: a    
índra sómāḥ sutā́ imé tā́n dadʰiṣva śatakrato /
Halfverse: c    
jatʰáre vājinīvaso //5//

Verse: 6 
Halfverse: a    
vidmā́ tvā dʰanaṃjayáṃ vā́jeṣu dadʰr̥ṣáṃ kave /
Halfverse: c    
ádʰā te sumnám īmahe //6//

Verse: 7 
Halfverse: a    
imám indra gávāśiraṃ yávāśiraṃ ca naḥ piba /
Halfverse: c    
āgátyā vŕ̥ṣabʰiḥ sutám //7//

Verse: 8 
Halfverse: a    
túbʰyéd indra svá okyè3 sómaṃ codāmi pītáye /
Halfverse: c    
eṣá rārantu te hr̥dí //8//

Verse: 9 
Halfverse: a    
tvā́ṃ sutásya pītáye pratnám indra havāmahe /
Halfverse: c    
kuśikā́so avasyávaḥ //9//

Hymn: 25 
Verse: 1 
Halfverse: a    
áśvāvati pratʰamó góṣu gacʰati suprāvī́r indra mártyas távotíbʰiḥ /
Halfverse: c    
tám ít pr̥ṇakṣi vásunā bʰávīyasā síndʰum ā́po yátʰābʰíto vícetasaḥ //1//

Verse: 2 
Halfverse: a    
ā́po devī́r úpa yanti hotríyam aváḥ paśyanti vítataṃ yátʰā rájaḥ /
Halfverse: c    
prācaír devā́saḥ prá ṇayanti devayúṃ brahmapríyaṃ joṣayante varā́ iva //2//

Verse: 3 
Halfverse: a    
ádʰi dváyor adadʰā uktʰyà1ṃ váco yatásrucā mitʰunā́ yā́ saparyátaḥ /
Halfverse: c    
ásaṃyatto vraté te kṣeti púṣyati bʰadrā́ śaktír yájamānāya sunvaté //3//

Verse: 4 
Halfverse: a    
ā́d áṅgirāḥ pratʰamáṃ dadʰire váya iddʰā́gnayaḥ śámyā sukr̥tyáyā /
Halfverse: c    
sárvaṃ paṇéḥ sám avindanta bʰójanam áśvāvantaṃ gómantam ā́ paśúṃ náraḥ //4//

Verse: 5 
Halfverse: a    
yajñaír átʰarvā pratʰamáḥ patʰás tate tátaḥ sū́ryo vratapā́ vená ā́jani /
Halfverse: c    
ā́ gā́ ājad uśánā kāvyáḥ sácā yamásya jātám amŕ̥taṃ yajāmahe //5//

Verse: 6 
Halfverse: a    
barhír yát svapatyā́ya vr̥jyáte 'rkó ślókam āgʰóṣate diví /
Halfverse: c    
grā́vā yátra vádati karúr uktʰyà1s tásyéd índro abʰipitvéṣu raṇyati //6//

Verse: 7 
Halfverse: a    
prógrā́ṃ pītíṃ vŕ̥ṣṇa iyarmi satyā́ṃ prayaí sutásya haryaśva túbʰyam /
Halfverse: c    
índra dʰénābʰir ihá mādayasva dʰībʰír víśvābʰiḥ śácyā gr̥ṇānáḥ //7//

Hymn: 26 
Verse: 1 
Halfverse: a    
yógeyoge tavástaraṃ vā́jevāje havāmahe /
Halfverse: c    
sákʰāya índram ūtáye //1//

Verse: 2 
Halfverse: a    
ā́ gʰā gamad yádi śrávat sahasríṇībʰir ūtíbʰiḥ /
Halfverse: c    
vā́jebʰir úpa no hávam //2//

Verse: 3 
Halfverse: a    
ánu pratnásyaúkaso huvé tuvipratíṃ náram /
Halfverse: c    
yáṃ te pū́rvaṃ pitā́ huvé //3//

Verse: 4 
Halfverse: a    
yuñjánti bradʰnám aruṣáṃ cárantaṃ pári tastʰúṣaḥ /
Halfverse: c    
rócante rocanā́ diví //4//

Verse: 5 
Halfverse: a    
yuñjánti asya kā́myā hárī vípakṣasā rátʰe /
Halfverse: c    
śóṇā dʰr̥ṣṇū́ nr̥vā́hasā //5//

Verse: 6 
Halfverse: a    
ketúṃ kr̥ṇvánn aketáve péśo maryā apeśáse /
Halfverse: c    
sám uṣádbʰir ajāyatʰāḥ //6//

Hymn: 27 
Verse: 1 
Halfverse: a    
yád indrāháṃ yátʰā tvám ī́śīya vásva éka ít /
Halfverse: c    
stotā́ me góṣakʰā syāt //1//

Verse: 2 
Halfverse: a    
śíkṣeyam asmai dítseyaṃ śácīpate manīṣíṇe /
Halfverse: c    
yád aháṃ gópatiḥ syā́m //2//

Verse: 3 
Halfverse: a    
dʰenúṣ ṭa indra sūnŕ̥tā yájamānāya sunvaté /
Halfverse: c    
gā́m áśvaṃ pipyúṣī duhe //3//

Verse: 4 
Halfverse: a    
te vartā́sti rā́dʰasa índra devó mártyaḥ /
Halfverse: c    
yád dítsasi stutó magʰám //4//

Verse: 5 
Halfverse: a    
yajñá índram avardʰayad yád bʰū́miṃ vy àvartayat /
Halfverse: c    
cakrāṇá opaśáṃ diví //5//

Verse: 6 
Halfverse: a    
vāvr̥dʰānásya te vayáṃ víśvā dʰánāni jigyúṣaḥ /
Halfverse: c    
ūtím indrā́ vr̥ṇīmahe //6//

Hymn: 28 
Verse: 1 
Halfverse: a    
vy à1ntárikṣam atiran máde sómasya rocanā́ /
Halfverse: c    
índro yád ábʰinad valám //1//

Verse: 2 
Halfverse: a    
úd gā́ ājad áṅgirobʰya āvíṣ krṇván gúhā satī́ḥ /
Halfverse: c    
arvā́ñcaṃ nunude valám //2//

Verse: 3 
Halfverse: a    
índreṇa rocanā́ divó dr̥lhā́ni dr̥ṃhitā́ni ca /
Halfverse: c    
stʰirā́ṇi parāṇúde //3//

Verse: 4 
Halfverse: a    
apā́m ūrmír mádann iva stóma indrājirāyate /
Halfverse: c    
te mádā arājiṣuḥ //4//

Hymn: 29 
Verse: 1 
Halfverse: a    
tváṃ stomavárdʰana índrā́sy uktʰavárdʰanaḥ /
Halfverse: c    
stotr̥̄ṇā́m utá bʰadrakŕ̥t //1//

Verse: 2 
Halfverse: a    
índram ít keśínā hárī somapéyāya vakṣataḥ /
Halfverse: c    
úpa yajñáṃ surā́dʰasam //2//

Verse: 3 
Halfverse: a    
apā́ṃ pʰénena námuceḥ śíra indród avartayaḥ /
Halfverse: c    
víśvā yád ájaya spŕ̥dʰaḥ //3//

Verse: 4 
Halfverse: a    
māyā́bʰir utsísr̥psata indra dyā́m ārúrukṣataḥ /
Halfverse: c    
áva dásyūm̐r adʰūnutʰāḥ //4//

Verse: 5 
Halfverse: a    
asunvā́m indra saṃsádaṃ víṣūcīṃ vy ànāśayaḥ /
Halfverse: c    
somapā́ úttaro bʰávan //5//

Hymn: 30 
Verse: 1 
Halfverse: a    
prá te mahé vidátʰe śaṃsiṣaṃ hárī prá te vanve vanúṣo haryatáṃ mádam /
Halfverse: c    
gʰr̥táṃ háribʰiś cā́ru sécata ā́ tvā viśantu hárivarpasaṃ gíraḥ //1//

Verse: 2 
Halfverse: a    
háriṃ yónim abʰí samásvaran hinvánto hárī divyáṃ yátʰā sádaḥ /
Halfverse: c    
ā́ yáṃ pr̥ṇánti háribʰir dʰenáva índrāya śūśáṃ hárivantam arcata //2//

Verse: 3 
Halfverse: a    
asya vájro hárito āyasó hárir níkāmo hárir ā́ gábʰastyoḥ /
Halfverse: c    
dyumnī́ suśipró hárimanyusāyaka índre rūpā́ háritā mimikṣire //3//

Verse: 4 
Halfverse: a    
diví ketúr ádʰi dʰāyi haryató vivyácad vájro hárito ráṃhyā /
Halfverse: c    
tudád ahíṃ háriśipro āyasáḥ sahásraśokā abʰavad dʰarimbʰaráḥ //4//

Verse: 5 
Halfverse: a    
tváṃtvam aharyatʰā úpastutaḥ pū́rvebʰir indra harikeśa yájvabʰiḥ /
Halfverse: c    
tváṃ haryasi táva víśvam uktʰyà1m ásāmi rā́dʰo harijāta haryatám //5//

Hymn: 31 
Verse: 1 
Halfverse: a    
tā́ vajríṇaṃ mandínaṃ stómyaṃ máda índraṃ rátʰe vahato haryatā hárī /
Halfverse: c    
purū́ṇy asmai sávanāni háryata índrāya sómā hárayo dadʰanvire //1//

Verse: 2 
Halfverse: a    
áraṃ kā́māya hárayo dadʰamire stʰirā́ya hinvan hárayo hárī turā́ /
Halfverse: c    
árvadbʰir háribʰir jóṣam ī́yate asya kā́maṃ hárivantam ānaśe //2//

Verse: 3 
Halfverse: a    
háriśmaśārur hárikeśa āyasás turaspéye haripā́ ávardʰata /
Halfverse: c    
árvadbʰir háribʰir vājínīvasur áti víśvā duritā́ pā́riṣad dʰárī //3//

Verse: 4 
Halfverse: a    
śrúveva yasya háriṇī vipetátuḥ śípre vā́jāya háriṇī dávidʰvataḥ /
Halfverse: c    
prá yát kr̥té camasé mármr̥jad dʰárī pītvā́ mádasya haryatásyā́ndʰasaḥ //4//

Verse: 5 
Halfverse: a    
utá sma sádna haryatásya pastyò3r átyo vā́jaṃ hárivām̐ acikradat /
Halfverse: c    
mahī́ cid dʰí dʰiṣáṇā́haryad ójasā br̥hád váyo dadʰiṣe haryatás cid ā́ //5//

Hymn: 32 
Verse: 1 
Halfverse: a    
ā́ ródasī háryamāṇo mahitvā́ návyaṃnavyaṃ haryasi mánma priyám /
Halfverse: c    
prá pastyàm asura haryatáṃ gór āvíṣ kr̥dʰi háraye sū́ryāya //1//

Verse: 2 
Halfverse: a    
ā́ tvā haryántaṃ prayújo jánānāṃ rátʰe vahantu háriśipram indra /
Halfverse: c    
píbā yátʰā prátibʰr̥tasya mádʰvo háryan yajñáṃ sadʰamā́de dáśoṇim //2//

Verse: 3 
Halfverse: a    
ápāḥ pū́rveṣāṃ harivaḥ sutā́nām átʰo idáṃ sávanaṃ kévalaṃ te /
Halfverse: c    
mamaddʰí sómaṃ mádʰumantam indra satrā́ vr̥ṣaṃ jatʰára ā́ vr̥ṣasva //3//

Hymn: 33 
Verse: 1 
Halfverse: a    
apsú dʰūtásya harivaḥ píbehá nŕ̥bʰiḥ sutásya jaṭʰáraṃ pr̥ṇasva /
Halfverse: c    
mimikṣúr yám ádraya indra túbʰyaṃ tébʰir vardʰasva mádam uktʰavāhaḥ //1//

Verse: 2 
Halfverse: a    
prógrā́ṃ pītíṃ vŕ̥ṣṇa iyarmi satyā́ṃ prayaí sutásya haryaśva túbʰyam /
Halfverse: c    
índra dʰénābʰir ihá mādayasva dʰībʰír víśvābʰiḥ śácyā gr̥ṇānáḥ //2//

Verse: 3 
Halfverse: a    
ūtī́ śacīvas táva vīryèṇa váyo dádʰānā uśíja r̥tajñā́ḥ /
Halfverse: c    
prajā́vad indra máṃso duroṇé tastʰúr gr̥ṇántaḥ sadʰamā́dyāsaḥ //3//

Hymn: 34 
Verse: 1 
Halfverse: a    
jātá evá pratʰamó mánasvān devó devā́n krátunā paryámūṣat /
Halfverse: c    
yásya śúṣmād ródasī ábʰyasetāṃ nr̥mṇásya mahnā́ janāsa índraḥ //1//

Verse: 2 
Halfverse: a    
yáḥ pr̥tʰivī́ṃ vyátʰamānām ádr̥ṃhad yáḥ párvatān prákupitām̐ áramṇāt /
Halfverse: c    
antárikṣaṃ vimamé várīyo dyām ástabʰnāt janāsa índraḥ //2//

Verse: 3 
Halfverse: a    
hatvā́him áriṇāt saptá síndʰūn gā́ udā́jad apadʰā́ valásya /
Halfverse: c    
áśmanor antár agníṃ jajāna saṃvŕ̥k samátsu janāsa índraḥ //3//

Verse: 4 
Halfverse: a    
yénemā́ víśvā cyávanā kr̥tā́ni dā́saṃ várṇam ádʰaraṃ gúhā́kaḥ /
Halfverse: c    
śvagʰnī́va jigīvā́ṃ lakṣám ā́dad aryáḥ puṣṭā́ni janāsa índraḥ //4//

Verse: 5 
Halfverse: a    
yáṃ smā pr̥cʰánti kúha séti gʰorám utém āhur naíṣó astī́ty enam /
Halfverse: c    
aryáḥ puṣṭī́r víja ivā́ mināti śrád asmai dʰatta janāsa índraḥ //5//

Verse: 6 
Halfverse: a    
radʰrásya coditā́ yáḥ kr̥śásya brahmáṇo nā́dʰamānasya kīréḥ /
Halfverse: c    
yuktágrāvṇo 'vitā́ suśipráḥ sutásomasya janāsa índraḥ //6//

Verse: 7 
Halfverse: a    
yásyā́śvāsaḥ pradíśi yásya gā́vo yásya grā́mā yásya víśve rátʰāsaḥ /
Halfverse: c    
yáḥ sū́ryaṃ uṣásaṃ jajā́na apā́ṃ netā́ janāsa índraḥ //7//

Verse: 8 
Halfverse: a    
yáṃ krándasī saṃyatī́ vihváyete páré 'vare ubʰáyā amítrāḥ /
Halfverse: c    
samānáṃ cid rátʰam ātastʰivā́ṃsā nā́nā havete janāsa índraḥ //8//

Verse: 9 
Halfverse: a    
yásmān r̥té vijáyante jánāso yáṃ yúdʰyamānā ávase hávante /
Halfverse: c    
víśvasya pratimā́naṃ babʰū́va acyutacyút janāsa índraḥ //9//

Verse: 10 
Halfverse: a    
yáḥ śásvato máhy eno dádʰānān ámanyamānāṃ cʰárvā jagʰā́na /
Halfverse: c    
yáḥ śárdʰate nā́nudádāti śr̥dʰyā́ṃ dásyor hantā́ janāsa índraḥ //10//

Verse: 11 
Halfverse: a    
yáḥ śámbʰaraṃ párvateṣu kṣiyántaṃ catvāriṃśyā́ṃ śarády anvávindat /
Halfverse: c    
ojāyámānaṃ áhiṃ jagʰā́na dā́nuṃ śáyānaṃ janāsa índraḥ //11//

Verse: 12 
Halfverse: a    
yáḥ śambʰaraṃ paryátarat kásībʰir 'cārukāsnā́pibat sutásya /
Halfverse: c    
antár giraú yájamānaṃ bahúṃ jánaṃ yásminn ā́mūrcʰat janāsa índraḥ //12//

Verse: 13 
Halfverse: a    
yáḥ saptáraśmir vr̥ṣabʰás túviṣmān avā́sr̥jat sártave saptá síndʰūn /
Halfverse: c    
rauhiṇám áspʰurad vájrabāhur dyā́m āróhantaṃ janāsa índraḥ //13//

Verse: 14 
Halfverse: a    
dyā́vā cid asmai pr̥tʰivī́ mamete śúṣmāc cid asya párvatā bʰayante /
Halfverse: c    
yáḥ somapā́ nicitó vájrabāhur vájrahastaḥ janāsa índraḥ //14//

Verse: 15 
Halfverse: a    
yáḥ sunvántam ávati yáḥ pácantaṃ yáḥ śáṃsantaṃ yáḥ śaśamānám ūtī́ /
Halfverse: c    
yásya bráhma várdʰanaṃ yásya sómo yásyedáṃ rā́dʰaḥ janāsa índraḥ //15//

Verse: 16 
Halfverse: a    
jātó vy àkʰyat pitrór upástʰe bʰúvo veda janitúḥ párasya /
Halfverse: c    
staviṣyámāṇo asmád vratā́ devā́nāṃ janāsa índraḥ //16//

Verse: 17 
Halfverse: a    
yáḥ sómakāmo háryaśvaḥ sūrír yásmād réjante bʰúvanāni víśvā /
Halfverse: c    
jagʰā́na śámbaraṃ yáś ca śúṣṇaṃ ekavīráḥ janāsa índraḥ //17//

Verse: 18 
Halfverse: a    
yáḥ sunvaté pácate dudʰrá ā́ cid vā́jaṃ dárdarṣi kílāsi satyáḥ /
Halfverse: c    
vayáṃ ta indra viśváha priyā́saḥ suvī́rāso vidátʰam ā́ vadema //18//

Hymn: 35 
Verse: 1 
Halfverse: a    
asmā́ íd u prá taváse turā́ya práyo harmi stómaṃ mā́hināya /
Halfverse: c    
ŕ̥cīṣamāyā́dʰrigava óham índrāya bráhmāṇi rātátamā //1//

Verse: 2 
Halfverse: a    
asmā́ íd u práya iva prá yaṃsi bʰárāmy āngūṣáṃ bā́dʰe suvr̥ktí /
Halfverse: c    
índrāya hr̥dā́ mánasā manīṣā́ pratnā́ya pátye dʰíyo marjayanta //2//

Verse: 3 
Halfverse: a    
asmā́ íd u tyám upamáṃ svarṣā́ṃ bʰárāmy āṅgūṣám āsyèna /
Halfverse: c    
máṃhiṣṭʰam ácʰoktibʰir matīnā́ṃ suvr̥ktíbʰiḥ sūríṃ vāvr̥dʰádʰyai //3//

Verse: 4 
Halfverse: a    
asmā́ íd u stómaṃ sáṃ hinomi rátʰaṃ táṣṭeva tátsināya /
Halfverse: c    
gíraś ca gírvāhase suvr̥ktī́ndrāya viśvaminváṃ médʰirāya //4//

Verse: 5 
Halfverse: a    
asmā́ íd u sáptim iva śravasyéndrāyārkáṃ juhvā̀3 sám añje /
Halfverse: c    
vīrám dānaúkasaṃ vandádʰyai purā́ṃ gūrtáśravasaṃ darmā́ṇam //5//

Verse: 6 
Halfverse: a    
asmā́ íd u tváṣṭā takṣad vájraṃ svápastamaṃ svaryà1ṃ ráṇāya /
Halfverse: c    
vr̥trásya cid vidád yéna márma tujánn ī́śānas tujatā́ kiyedʰā́ḥ //6//

Verse: 7 
Halfverse: a    
asyéd u mātúḥ sávaneṣu sadyó maháḥ pitúṃ papivā́ṃ cā́rv ánnā /
Halfverse: c    
muṣāyád víṣṇuḥ pacatáṃ sáhīyān vídʰyad varāháṃ tiró ádrim ástā //7//

Verse: 8 
Halfverse: a    
asmā́ íd u gnā́ś cid devápatnīr índrāyārkám ahihátya ūvuḥ /
Halfverse: c    
pári dyā́vāpr̥tʰivī́ jabʰra urvī́ nā́sya mahimā́naṃ pári ṣṭaḥ //8//

Verse: 9 
Halfverse: a    
asyéd evá prá ririce mahitváṃ divás pr̥tʰivyā́ḥ páry antárikṣāt /
Halfverse: c    
svarā́l índro dáma ā́ viśvágūrtaḥ svarír ámatro vavakṣe ráṇāya //9//

Verse: 10 
Halfverse: a    
asyéd evá śávasā śuśántaṃ vr̥ścad vájreṇa vr̥trám índraḥ /
Halfverse: c    
gā́ vrāṇā́ avánīr amuñcad abʰí śrávo dāváne sácetāḥ //10//

Verse: 11 
Halfverse: a    
asyéd u tveṣásā ranta síndʰavaḥ pári yád vájreṇa sīm áyacʰat /
Halfverse: c    
īśānakŕ̥d dāśúṣe daśasyán turvī́taye gādʰáṃ turváṇiḥ káḥ //11//

Verse: 12 
Halfverse: a    
asmā́ íd u prá bʰarā tū́tujāno vr̥trā́ya vájram ī́śānaḥ kiyedʰā́ḥ /
Halfverse: c    
gór párva radā tiraścéṣyann árṇāṃsy apā́ṃ carádʰyai //12//

Verse: 13 
Halfverse: a    
asyéd u prá brūhi pūrvyā́ṇi turásya kármāṇi návya uktʰaíḥ /
Halfverse: c    
yudʰé yád iṣṇāná ā́yudʰāny r̥gʰāyámāṇo niriṇā́ti śátrūn //13//

Verse: 14 
Halfverse: a    
asyéd u bʰiyā́ giráyaś ca dr̥lhā́ dyā́vā ca bʰū́mā janúṣas tujete /
Halfverse: c    
úpo venásya jóguvāna oṇíṃ sadyó bʰuvad vīryā̀ya nodʰā́ḥ //14//

Verse: 15 
Halfverse: a    
asmā́ íd u tyád ánu dāyy eṣām éko yád vavné bʰū́rer ī́śānaḥ /
Halfverse: c    
praítaśaṃ sū́rye paspr̥dʰānáṃ saúvaśvye súṣvim āvad índraḥ //15//

Verse: 16 
Halfverse: a    
evā́ te hāriyojanā suvr̥ktī́ndra bráhmāṇi gótamāso akran /
Halfverse: c    
aíṣu viśvápeśasaṃ dʰíyaṃ dʰāḥ prātár makṣū́ dʰiyā́vasur jagamyāt //16//

Hymn: 36 
Verse: 1 
Halfverse: a    
éka íd dʰávyaś carṣaṇīnā́m índraṃ táṃ gīrbʰír abʰy àrca ābʰíḥ /
Halfverse: c    
yáḥ pátyate vr̥ṣabʰó vŕ̥ṣṇyāvānt satyáḥ sátvā purumāyáḥ sáhasvān //1//

Verse: 2 
Halfverse: a    
tám u naḥ pū́rve pitáro návagvāḥ saptá víprāso abʰí vājáyantaḥ /
Halfverse: c    
nakṣaddābʰáṃ táturiṃ parvateṣṭʰā́m ádrogʰavācaṃ matíbʰiḥ śáviṣṭʰam //2//

Verse: 3 
Halfverse: a    
tám īmahe índram asya rāyáḥ puruvī́rasya nr̥vátaḥ purukṣóḥ /
Halfverse: c    
áṣkr̥dʰoyur ajáraḥ svàrvān tám ā́ bʰara harivo mādayádʰyai //3//

Verse: 4 
Halfverse: a    
tán no voco yádi te purā́ cij jaritā́ra ānaśúḥ sumnám indra /
Halfverse: c    
kás te bʰāgáḥ kíṃ váyo dudʰra kʰiduḥ púruhūta purūvaso 'suragʰnáḥ //4//

Verse: 5 
Halfverse: a    
táṃ pr̥cʰántī vájrahastaṃ ratʰeṣṭʰā́m índraṃ vépī vákvarī yásya nū́ gī́ḥ /
Halfverse: c    
tuvigrābʰáṃ tuvikūrmíṃ rabʰodā́ṃ gātúm íṣe nákṣate túmram ácʰa //5//

Verse: 6 
Halfverse: a    
ayā́ ha tyáṃ māyáyā vāvr̥dʰānáṃ manojúvā svatavaḥ párvatena /
Halfverse: c    
ácyutā cid vīlitā́ svojo rujó dr̥lhā́ dʰr̥ṣatā́ virapśin //6//

Verse: 7 
Halfverse: a    
tám vo dʰiyā́ návyasyā śáviṣṭʰam pratnáṃ pratnavát paritaṃsayádʰyai /
Halfverse: c    
no vakṣad animānáḥ suváhnéndro víśvāny áti durgáhāṇi //7//

Verse: 8 
Halfverse: a    
ā́ jánāya drúhvaṇe pā́rtʰivāni divyā́ni dīpayo 'ntárikṣā /
Halfverse: c    
tápā vr̥ṣan viśvátaḥ śocíṣā tā́n brahmadvíṣe śócaya kṣā́m apáś ca //8//

Verse: 9 
Halfverse: a    
bʰúvo jánasya divyásya rā́jā pā́rtʰivasya jágatas tveṣasaṃdr̥k /
Halfverse: c    
dʰiṣvá vájraṃ dákṣiṇa indra háste víśvā ajurya dayase māyā́ḥ //9//

Verse: 10 
Halfverse: a    
ā́ saṃyátam indra ṇaḥ svastíṃ śatrutū́ryāya br̥hatī́m ámr̥dʰrām /
Halfverse: c    
yáyā dā́sāny ā́ryāṇi vr̥trā́ káro vajrint sutúkā nā́huṣāṇi //10//

Verse: 11 
Halfverse: a    
no niyúdbʰiḥ puruhūta vedʰo viśvávārābʰir ā́ gahi prayajyo /
Halfverse: c    
yā́ ádevo várate devá ā́bʰir yāhi tū́yam ā́ madryadrík //11//

Hymn: 37 
Verse: 1 
Halfverse: a    
yás tigmáśr̥ṅgo vr̥ṣabʰó bʰīmáḥ ékaḥ kr̥ṣṭī́ś cyaváyati prá víśvāḥ /
Halfverse: c    
yáḥ śáśvato ádāśuṣo gáyasya prayantā́si súṣvitarāya védaḥ //1//

Verse: 2 
Halfverse: a    
tváṃ ha tyád indra kútsam āvaḥ śuśrūṣamāṇas tanvā̀ samaryé /
Halfverse: c    
dā́saṃ yác śúṣṇam kúyavaṃ ny àsmā árandʰaya ārjuneyā́ya śíkṣan //2//

Verse: 3 
Halfverse: a    
tváṃ dʰr̥ṣṇo dʰr̥ṣatā́ vītáhavyaṃ prā́vo víśvābʰir ūtíbʰiḥ sudā́sam /
Halfverse: c    
prá paúrukutsiṃ trasádasyum āvaḥ kṣétrasātā vr̥trahátyeṣu pūrúm //3//

Verse: 4 
Halfverse: a    
tváṃ nŕ̥bʰir nr̥maṇo devávītau bʰū́rīṇi vr̥trā́ haryaśva haṃsi /
Halfverse: c    
tváṃ dásyuṃ cúmuriṃ dʰúniṃ cā́svāpayo dabʰī́taye suhántu //4//

Verse: 5 
Halfverse: a    
táva cyautnā́ni vajrahasta tā́ni náva yát púro navatíṃ ca sadyáḥ /
Halfverse: c    
nivéśane śatatamā́viveṣīr áhaṃ ca vr̥tráṃ námucim utā́han //5//

Verse: 6 
Halfverse: a    
sánā tā́ ta indra bʰójanāni rātáhavyāya dāśúṣe sudā́se /
Halfverse: c    
vŕ̥ṣṇe te hárī vŕ̥ṣaṇā yunajmi vyántu bráhmāṇi puruśāka vā́jam //6//

Verse: 7 
Halfverse: a    
mā́ te asyā́ṃ sahasāvan páriṣṭāv agʰā́ya bʰūma harivaḥ parādaú /
Halfverse: c    
trā́yasva no 'vr̥kébʰir várūtʰais táva priyā́saḥ sūríṣu syāma //7//

Verse: 8 
Halfverse: a    
priyā́sa ít te magʰavann abʰíṣṭau náro madema śaraṇé sákʰāyaḥ /
Halfverse: c    
turváśaṃ yā́dvaṃ śiśīhy atitʰigvā́ya śáṃsyaṃ kariṣyán //8//

Verse: 9 
Halfverse: a    
sadyáś cin te magʰavann abʰíṣṭau náraḥ śaṃsanty uktʰaśā́sa uktʰā́ /
Halfverse: c    
te hávebʰir paṇī́m̐r ádāśann asmā́n vr̥ṇīṣva yújyāya tásmai //9//

Verse: 10 
Halfverse: a    
eté stómā narā́ṃ nr̥tama túbʰyam asmadryàñco dádato magʰā́ni /
Halfverse: c    
téṣām indra vr̥trahátye śivó bʰūḥ sákʰā ca śū́ro 'vitā́ ca nr̥ṇā́m //10//

Verse: 11 
Halfverse: a    
nū́ indra śūra stávamāna ūtī́ bráhmajūtas tanvā̀ vāvr̥dʰasva /
Halfverse: c    
úpa no vā́jān mimīhy úpa stī́n yuyáṃ pāta svastíbʰiḥ sádā naḥ //11//

Hymn: 38 
Verse: 1 
Halfverse: a    
ā́ yāhi suṣumā́ ta índra sómaṃ píbā imám /
Halfverse: c    
édáṃ barhíḥ sado máma //1//

Verse: 2 
Halfverse: a    
ā́ tvā brahmayújā hárī váhatām indra keśínā /
Halfverse: c    
úpa bráhmāṇi naḥ śr̥ṇu //2//

Verse: 3 
Halfverse: a    
brahmā́ṇas tvā vayáṃ yujā́ somapā́m indra somínaḥ /
Halfverse: c    
sutā́vanto havāmahe //3//

Verse: 4 
Halfverse: a    
índram íd gātʰíno br̥hád índram arkébʰir arkíṇaḥ /
Halfverse: c    
índraṃ vā́ṇīr anūṣata //4//

Verse: 5 
Halfverse: a    
índra íd dʰáryoḥ sácā sáṃmiśla ā́ vacoyújā /
Halfverse: c    
índro vajrī́ hiraṇyáyaḥ //5//

Verse: 6 
Halfverse: a    
índro dīrgʰā́ya cákṣasa ā́ sū́ryaṃ rohayad diví /
Halfverse: c    
góbʰir ádrim airayat //6//

Hymn: 39 
Verse: 1 
Halfverse: a    
índraṃ vo viśvátas pári hávāmahe jánebʰyaḥ /
Halfverse: c    
asmā́kam astu kévalaḥ //1//

Verse: 2 
Halfverse: a    
vy à1ntárikṣam atiran máde sómasya rocanā́ /
Halfverse: c    
índro yád ábʰinad valám //2//

Verse: 3 
Halfverse: a    
úd gā́ ājad áṅgirobʰya āvíṣ kr̥ṇván gúhā satī́ḥ /
Halfverse: c    
arvā́ñcaṃ nunude valám //3//

Verse: 4 
Halfverse: a    
índreṇa rocanā́ divó dr̥lhā́ni dr̥ṃhitā́ni ca /
Halfverse: c    
stʰirā́ṇi parāṇúde //4//

Verse: 5 
Halfverse: a    
apā́m ūrmír mádann iva stóma indrājirāyate /
Halfverse: c    
te mádā arājiṣuḥ //5//

Hymn: 40 
Verse: 1 
Halfverse: a    
índreṇa sáṃ dŕ̥kṣase saṃjagmānó ábibʰyuṣā́ /
Halfverse: c    
mandū́ samānávarcasā //1//

Verse: 2 
Halfverse: a    
anavadyaír abʰídyubʰir makʰáḥ sáhasvad arcati /
Halfverse: c    
gaṇaír índrasya kā́myaiḥ //2//

Verse: 3 
Halfverse: a    
ā́d áha svadʰā́m ánu púnar garbʰatvám eriré /
Halfverse: c    
dádʰānā nā́ma yajñíyam //3//

Hymn: 41 
Verse: 1 
Halfverse: a    
índro dadʰīcó astʰábʰir vr̥trā́ṇy ápratiṣkutaḥ /
Halfverse: c    
jagʰā́na navatī́r náva //1//

Verse: 2 
Halfverse: a    
icʰán áśvasya yác cʰíraḥ párvateṣv ápaśritam /
Halfverse: c    
tád vidac cʰaryaṇā́vati //2//

Verse: 3 
Halfverse: a    
átrā́ha gór amanvata nā́ma tváṣṭur apīcyàm /
Halfverse: c    
ittʰā́ candrámaso gr̥hé //3//

Hymn: 42 
Verse: 1 
Halfverse: a    
vā́cam aṣṭā́padīm aháṃ návasraktim r̥taspŕ̥śam /
Halfverse: c    
índrāt pári tanvàm mame //1//

Verse: 2 
Halfverse: a    
ánu tvā ródasī ubʰé krákṣamāṇam akr̥petām /
Halfverse: c    
índra yád dasyuhā́bʰavaḥ //2//

Verse: 3 
Halfverse: a    
uttiṣṭʰann ójasā sahá pītvī́ śípre avepayaḥ /
Halfverse: c    
sómam indra camū́ sutám //3//

Hymn: 43 
Verse: 1 
Halfverse: a    
bʰindʰí víśvā ápa dvíṣaḥ bā́dʰo jahī́ mŕ̥dʰaḥ /
Halfverse: c    
vásu spārháṃ tád ā́ bʰara //1//

Verse: 2 
Halfverse: a    
yád vīlā́v indra yát stʰiré yát párśāne párābʰr̥tam /
Halfverse: c    
vásu spārháṃ tád ā́ bʰara //2//

Verse: 3 
Halfverse: a    
yásya te viśvámānuṣo bʰū́rer dattásya védati /
Halfverse: c    
vásu spārháṃ tád ā́ bʰara //3//

Hymn: 44 
Verse: 1 
Halfverse: a    
prá samrā́jaṃ carṣaṇīnā́m índraṃ stotā návyaṃ gīrbʰiḥ /
Halfverse: c    
náraṃ nr̥ṣā́haṃ máṃhiṣṭʰam //1//

Verse: 2 
Halfverse: a    
yásminn uktʰā́ni ráṇyanti víśvāni ca śravasya /
Halfverse: c    
apā́m ávo samudré //2//

Verse: 3 
Halfverse: a    
táṃ suṣṭutyā́ vivāse jyeṣṭʰarā́jaṃ bʰáre kr̥tnúm /
Halfverse: c    
mahó vājínaṃ saníbʰyaḥ //3//

Hymn: 45 
Verse: 1 
Halfverse: a    
ayám u te sám atasi kapóta iva garbʰadʰím /
Halfverse: c    
vácas tác cin na ohase //1//

Verse: 2 
Halfverse: a    
stotráṃ rādʰānāṃ pate gírvāho vīra yásya te /
Halfverse: c    
víbʰūtir astu sūnŕ̥tā //2//

Verse: 3 
Halfverse: a    
ūrdʰvás tiṣṭʰā na ūtáye 'smín vā́je śatakrato /
Halfverse: c    
sám anyéṣu bravāvahai //3//

Hymn: 46 
Verse: 1 
Halfverse: a    
praṇetā́ram vásyo ácʰā kártāraṃ jyótiḥ samátsu /
Halfverse: c    
sāsahvā́ṃsam yudʰā́mítrān //1//

Verse: 2 
Halfverse: a    
naḥ pápriḥ pārayāti svastí nāvā́ puruhūtáḥ /
Halfverse: c    
índro víśvā áti dvíṣaḥ //2//

Verse: 3 
Halfverse: a    
tváṃ na indra vā́jobʰir daśasyā́ ca gātuyā́ ca /
Halfverse: c    
ácʰā ca naḥ sumnáṃ neṣi //3//

Hymn: 47 
Verse: 1 
Halfverse: a    
tám índraṃ vājayāmasi mahé vr̥trā́ya hántave /
Halfverse: c    
vŕ̥ṣā vr̥ṣabʰó bʰuvat //1//

Verse: 2 
Halfverse: a    
índraḥ dā́mane kr̥tá ójiṣṭʰaḥ máde hitáḥ /
Halfverse: c    
dyumnī́ ślokī́ somyáḥ //2//

Verse: 3 
Halfverse: a    
girā́ vájro sáṃbʰr̥taḥ sábalo ánapacyutaḥ /
Halfverse: c    
vavakṣá r̥ṣvó ástr̥taḥ //3//

Verse: 4 
Halfverse: a    
índram íd gātʰíno br̥hád índram arkébʰir arkíṇaḥ /
Halfverse: c    
índraṃ vā́ṇīr anūṣata //4//

Verse: 5 
Halfverse: a    
índra íd dʰáryoḥ sácā sáṃmiśla ā́ vacoyújā /
Halfverse: c    
índro vajrī́ hiraṇyáyaḥ //5//

Verse: 6 
Halfverse: a    
índro dīrgʰā́ya cákṣasa ā́ sū́ryaṃ rohayad diví /
Halfverse: c    
góbʰir ádrim airayat //6//

Verse: 7 
Halfverse: a    
ā́ yāhi suṣumā́ ta índra sómaṃ píbā imám /
Halfverse: c    
édáṃ barhíḥ sado máma //7//

Verse: 8 
Halfverse: a    
ā́ tvā brahmayújā hárī váhatām indra keśínā /
Halfverse: c    
úpa bráhmāṇi naḥ śr̥ṇu //8//

Verse: 9 
Halfverse: a    
brahmā́ṇas tvā vayáṃ yujā́ somapā́m indra somínaḥ /
Halfverse: c    
sutā́vanto havāmahe //9//

Verse: 10 
Halfverse: a    
yuñjánti bradʰnám aruṣáṃ cárantaṃ pári tastʰúṣaḥ /
Halfverse: c    
rócante rocanā́ diví //10//

Verse: 11 
Halfverse: a    
yuñjánty asya kā́myā hárī vípakṣasā rátʰe /
Halfverse: c    
śóṇā dʰr̥ṣṇū́ nr̥vā́hasā //11//

Verse: 12 
Halfverse: a    
ketúṃ kr̥ṇvánn aketáve péśo maryā apeśáse /
Halfverse: c    
sám uṣádbʰir ajāyatʰāḥ //12//

Verse: 13 
Halfverse: a    
úd u tyáṃ jātávedasaṃ deváṃ vahanti ketávaḥ /
Halfverse: c    
dr̥śé víśvāya sū́ryam //13//

Verse: 14 
Halfverse: a    
ápa tyé tāyávo yatʰā nákṣatrā yanty aktúbʰiḥ /
Halfverse: c    
sū́rāya viśvácakṣase //14//

Verse: 15 
Halfverse: a    
ádr̥śrann asya ketávo raśmáyo jánām̐ ánu /
Halfverse: c    
bʰrā́janto agnáyo yatʰā //15//

Verse: 16 
Halfverse: a    
taráṇir viśvádarśato jyotiṣkŕ̥d asi sūrya /
Halfverse: c    
víśvam ā́ bʰāsi rocana //16//

Verse: 17 
Halfverse: a    
pratyáṅ devā́nāṃ víśaḥ pratyáṅṅ úd eṣi mā́nuṣīḥ /
Halfverse: c    
pratyáṅ víśvaṃ svàr dr̥śé //17//

Verse: 18 
Halfverse: a    
yénā pāvaka cákṣasā bʰuraṇyántaṃ jánām̐ ánu /
Halfverse: c    
tváṃ varuṇa páśyasi //18//

Verse: 19 
Halfverse: a    
dyām eṣi rájas pr̥tʰv áhar mímāno aktúbʰiḥ /
Halfverse: c    
páśyaṃ jánmāni sūrya //19//

Verse: 20 
Halfverse: a    
saptá tvā haríto rátʰe váhanti deva sūrya /
Halfverse: c    
śocíṣkeśam vicakṣaṇám //20//

Verse: 21 
Halfverse: a    
áyukta saptá śundʰyúvaḥ sū́ro rátʰasya naptyàḥ /
Halfverse: c    
tā́bʰir yāti sváyuktibʰiḥ //21//

Hymn: 48 
Verse: 1 
Halfverse: a    
abʰí tvā várcasā gíraḥ siñcánty ā́ caraṇyúvaḥ /
Halfverse: c    
abʰí vatsáṃ dʰenávaḥ //1//

Verse: 2 
Halfverse: a    
tā́ arṣanti śubʰríyaḥ pr̥ñcatī́r várcasā páyaḥ /
Halfverse: c    
jātáṃ jánir yátʰā hr̥dā́ //2//

Verse: 3 
Halfverse: a    
vájrāpavasā́dʰyaḥ kīrtír mriyámāṇam ā́vahan /
Halfverse: c    
máhyam ā́yur gʰr̥táṃ páyaḥ //3//

Verse: 4 
Halfverse: a    
ā́yáṃ gaúḥ pŕ̥śnir akramīd ásadan mātáraṃ puráḥ /
Halfverse: c    
pitáraṃ ca prayánt svàḥ //4//

Verse: 5 
Halfverse: a    
antáś carati rocanā́ asyá prāṇā́d apānatáḥ /
Halfverse: c    
vy àkʰyan mahiṣáḥ svàḥ //5//

Verse: 6 
Halfverse: a    
triṃśád dʰā́mā rājati vā́k pataṅgó aśiśriyat /
Halfverse: c    
práti vástor áhar dyúbʰiḥ //6//

Hymn: 49 
Verse: 1 
Halfverse: a    
yác cʰakrā́ vā́cam ā́ruhann antárikṣaṃ siṣāsatʰaḥ /
Halfverse: c    
sáṃ devā́ amadan vŕ̥ṣā //1//

Verse: 2 
Halfverse: a    
śakró vā́cam ádʰr̥ṣṭāyór uvāco ádʰr̥ṣṇuhi /
Halfverse: c    
máṃhiṣṭʰa ā́ madardívi //2//

Verse: 3 
Halfverse: a    
śakró vā́cam ádʰr̥ṣṇuhi dʰā́madʰarman rājati /
Halfverse: c    
vímadan barhír ā́saran //3//

Verse: 4 
Halfverse: a    
táṃ vo dasmám r̥tīṣáhaṃ vásor mandānám ándʰasaḥ /
Halfverse: c    
abʰí vatsáṃ svásareṣu dʰenáva índraṃ gīrbʰír navāmahe //4//

Verse: 5 
Halfverse: a    
dyukṣáṃ sudā́nuṃ táviṣībʰir ā́vr̥tam giríṃ purubʰójasam /
Halfverse: c    
kṣumántaṃ vā́jaṃ śatínaṃ sahasríṇaṃ makṣū́ gómantam īmahe //5//

Verse: 6 
Halfverse: a    
tát tvā yāmi suvī́ryaṃ tád bráhma pūrvácittaye /
Halfverse: c    
yénā yátibʰyo bʰŕ̥gave dʰáne hité yéna práskaṇvam ā́vitʰa //6//

Verse: 7 
Halfverse: a    
yénā samudrám ásr̥jo mahī́r apás tád indra vŕ̥ṣṇi te śávaḥ /
Halfverse: c    
sadyáḥ asya mahimā́ saṃnáśe yáṃ kṣoṇī́r anucakradé //7//

Hymn: 50 
Verse: 1 
Halfverse: a    
kán návyo atasī́nāṃ turó gr̥ṇīta mártyaḥ /
Halfverse: c    
nahī́ nv àsya mahimā́nam indriyáṃ svàr gr̥ṇánta ānaśúḥ //1//

Verse: 2 
Halfverse: a    
kád u stuvánta r̥tayanta deváta ŕ̥ṣiḥ vípra ohate /
Halfverse: c    
kadā́ hávaṃ magʰavann indra sunvatáḥ kád u stuvatá ā́ gamaḥ //2//

Hymn: 51 
Verse: 1 
Halfverse: a    
abʰí prá vaḥ surā́dʰasam índram arca yátʰā vidé /
Halfverse: c    
jaritŕ̥bʰyo magʰávā purūvásuḥ sahásreṇeva śikṣati //1//

Verse: 2 
Halfverse: a    
śatā́nīkeva prá jigāti dʰr̥ṣṇuyā́ hanti vr̥trā́ṇi dāśúṣe /
Halfverse: c    
girér iva prá rásā asya pinvire dátrāṇi purubʰójasaḥ //2//

Verse: 3 
Halfverse: a    
prá śrutáṃ surā́dʰasam árcā śakrám abʰíṣṭaye /
Halfverse: c    
yáḥ sunvaté stuvaté kā́myaṃ vásu sahásreṇeva máṃhate //3//

Verse: 4 
Halfverse: a    
śatā́nīkā hetáyo asya duṣṭárā índrasya samíṣo mahī́ḥ /
Halfverse: c    
girír bʰujmā́ magʰátsu pinvate yád īṃ sutā́ ámandiṣuḥ //4//

Hymn: 52 
Verse: 1 
Halfverse: a    
vayáṃ gʰa tvā sutā́vanta ā́po vr̥ktábarhiṣaḥ /
Halfverse: c    
pavítrasya prasrávaṇeṣu vr̥trahan pári stotā́ra āsate //1//

Verse: 2 
Halfverse: a    
sváranti tvā suté náro váso nireká uktʰínaḥ /
Halfverse: c    
kadā́ sutáṃ tr̥ṣāṇá oka ā́ gama índra svabdī́va váṃsagaḥ //2//

Verse: 3 
Halfverse: a    
káṇvebʰir dʰr̥ṣṇav ā́ dʰr̥ṣád vā́jaṃ darṣi sahasríṇam /
Halfverse: c    
piśáṅgarūpaṃ magʰavan vicarṣaṇe makṣū́ gómantam īmahe //3//

Hymn: 53 
Verse: 1 
Halfverse: a    
īṃ veda suté sácā píbantaṃ kád váyo dadʰe /
Halfverse: c    
ayáṃ yáḥ púro vibʰinátty ójasā mandānáḥ śipry ándʰasaḥ //1//

Verse: 2 
Halfverse: a    
dānā́ mr̥gó vāraṇáḥ purutrā́ carátʰaṃ dadʰe /
Halfverse: c    
nákiṣ ṭvā yamad ā́ suté gamo mahā́ś carasy ójasā //2//

Verse: 3 
Halfverse: a    
ugráḥ sánn ániṣṭr̥ta stʰiró ráṇāya sáṃskr̥taḥ /
Halfverse: c    
yádi stotúr magʰávā śr̥ṇávad dʰávaṃ néndro yoṣaty ā́ gamat //3//

Hymn: 54 
Verse: 1 
Halfverse: a    
víśvāḥ pŕ̥tanā abʰibʰū́taraṃ náraṃ sajū́s tatakṣur índraṃ jajanúś ca rājáse /
Halfverse: c    
krátvā váriṣṭʰaṃ vára āmúrim utógrám ójiṣṭʰaṃ tavásaṃ tarasvínam //1//

Verse: 2 
Halfverse: a    
sám īṃ rebʰā́so asvarann índraṃ sómasya pītáye /
Halfverse: c    
svàrpatiṃ yád īṃ vr̥dʰé dʰr̥távrato hy ójasā sám ūtíbʰiḥ //2//

Verse: 3 
Halfverse: a    
nemíṃ namanti cákṣasā meṣáṃ víprā abʰisvárā /
Halfverse: c    
sudītáyo vo adrúho 'pi kárṇe tarasvínaḥ sám ŕ̥kvabʰiḥ //3//

Hymn: 55 
Verse: 1 
Halfverse: a    
tám índraṃ johavīmi magʰávānam ugráṃ satrā́ dádʰānam ápratiṣkutaṃ śávāṃsi /
Halfverse: c    
máṃhiṣṭʰo gīrbʰír ā́ ca yajñíyo vavártad rāyé no víśvā supátʰā kr̥ṇotu vajrī́ //1//

Verse: 2 
Halfverse: a    
yā́ indra bʰúja ā́bʰaraḥ svárvām̐ ásurebʰyaḥ /
Halfverse: c    
stotā́ram ín magʰavann asya vardʰaya ca tvé vr̥ktábarhiṣaḥ //2//

Verse: 3 
Halfverse: a    
yám indra dadʰiṣé tvám áśvaṃ gā́ṃ bʰāgám ávyayam /
Halfverse: c    
yájamāne sunvatí dákṣiṇāvati tásmin táṃ dʰehi mā́ paṇaú //3//

Hymn: 56 
Verse: 1 
Halfverse: a    
índro mádāya vāvr̥dʰe śávase vr̥trahā́ nŕ̥bʰiḥ /
Halfverse: c    
tám ín mahátsv ājíṣūtém árbʰe havāmahe vā́jeṣu prá no 'viṣat //1//

Verse: 2 
Halfverse: a    
ási vīra sényo 'si bʰū́ri parādadíḥ /
Halfverse: c    
ási dabʰrásya cid vr̥dʰó yajamānāya śikṣasi sunvaté bʰū́ri te vásu //2//

Verse: 3 
Halfverse: a    
yád udī́rata ājáyo dʰr̥ṣṇáve dʰīyate dʰánā /
Halfverse: c    
yukṣvā́ madacyútā hárī káṃ hánaḥ káṃ vásau dadʰo 'smā́m̐ indra vásau dadʰaḥ //3//

Verse: 4 
Halfverse: a    
mádemade no dadír yūtʰā́ gávām r̥jukrátuḥ /
Halfverse: c    
sáṃ gr̥bʰāya purú śatóbʰayāhastyā́ vásu śiśīhí rāyá ā́ bʰara //4//

Verse: 5 
Halfverse: a    
mādáyasva suté sácā śávase śūra rā́dʰase /
Halfverse: c    
vidmā́ tvā purūvásum úpa kā́mānt sasr̥jmáhé 'tʰā no 'vitā́ bʰava //5//

Verse: 6 
Halfverse: a    
eté ta indra jantávo viśvaṃ puṣyanti vā́ryam /
Halfverse: c    
antár kʰyó jánānām aryó védo ádāśuṣāṃ téṣāṃ no véda ā́ bʰara //6//

Hymn: 57 
Verse: 1 
Halfverse: a    
surūpakr̥tnúm ūtáye sudúgʰām iva godúhe /
Halfverse: c    
juhūmási dyávidyavi //1//

Verse: 2 
Halfverse: a    
úpa naḥ sávanā́ gahi sómasya somapāḥ piba /
Halfverse: c    
godā́ íd reváto mádaḥ //2//

Verse: 3 
Halfverse: a    
átʰā te ántamānāṃ vidyā́ma sumatīnā́m /
Halfverse: c    
mā́ no áti kʰya ā́ gahi //3//

Verse: 4 
Halfverse: a    
śuṣmíntamaṃ na ūtáye dyumnínaṃ pāhi jā́gr̥vim /
Halfverse: c    
índra sómaṃ śatakrato //4//

Verse: 5 
Halfverse: a    
indriyā́ṇi śatakrato yā́ te jáneṣu pañcásu /
Halfverse: c    
índra tā́ni ta ā́ vr̥ṇe //5//

Verse: 6 
Halfverse: a    
ágann indra śrávo br̥hád dyumnáṃ dadʰiṣva duṣṭáram /
Halfverse: c    
út te śúṣmaṃ tirāmasi //6//

Verse: 7 
Halfverse: a    
arvāváto na ā́ gahy átʰo śakra parāvátaḥ /
Halfverse: c    
u lokó yás te adriva índrehá tata ā́ gahi //7//

Verse: 8 
Halfverse: a    
índro aṅgá mahád bʰayám abʰī́ ṣád ápa cucyavat /
Halfverse: c    
stʰiró vícarṣaniḥ //8//

Verse: 9 
Halfverse: a    
índraś ca mr̥láyāti no naḥ paścā́d agʰáṃ naśat /
Halfverse: c    
bʰadráṃ bʰavāti naḥ puráḥ //9//

Verse: 10 
Halfverse: a    
indra ā́śābʰyas pári sárvābʰyo ábʰayaṃ karat /
Halfverse: c    
jétā śátrūn vícarṣaṇiḥ //10//

Verse: 11 
Halfverse: a    
īṃ veda suté sácā píbantaṃ kád váyo dadʰe /
Halfverse: c    
ayáṃ yáḥ púro vibʰinátty ójasā mandānáḥ śipry ándʰasaḥ //11//

Verse: 12 
Halfverse: a    
dānā́ mr̥gó vāraṇáḥ purutrā́ carátʰaṃ dadʰe /
Halfverse: c    
nákiṣ ṭvā yamad ā́ suté gamo mahā́ṃś carasy ójasā //12//

Verse: 13 
Halfverse: a    
ugráḥ sánn ániṣṭr̥ta stʰiró ráṇāya sáṃskr̥taḥ /
Halfverse: c    
yádi stotúr magʰávā śr̥ṇávad dʰávaṃ néndro yoṣaty ā́ gamat //13//

Verse: 14 
Halfverse: a    
vayáṃ gʰa tvā sutā́vanta ā́po vr̥ktábarhiṣaḥ /
Halfverse: c    
pavítrasya prasrávaṇeṣu vr̥trahan pári stotā́ra āsate //14//

Verse: 15 
Halfverse: a    
sváranti tvā suté náro váso nireká uktʰínaḥ /
Halfverse: c    
kadā́ sutáṃ tr̥ṣāṇá óka ā́ gama índra svabdī́va váṃsagaḥ //15//

Verse: 16 
Halfverse: a    
káṇvebʰir dʰr̥ṣṇav ā́ dʰr̥ṣád vā́jaṃ darṣi sahasríṇam /
Halfverse: c    
piśáṅgarūpaṃ magʰavan vicarṣaṇe makṣū́ gómantam īmahe //16//

Hymn: 58 
Verse: 1 
Halfverse: a    
śrā́yanta iva sū́ryaṃ víśvéd índrasya bʰakṣata /
Halfverse: c    
vásūni jāté jánamāna ójasā práti bʰāgáṃ dīdʰima //1//

Verse: 2 
Halfverse: a    
ánarśarātiṃ vasudā́m úpa stuhi bʰadrā́ índrasya rātáyaḥ /
Halfverse: c    
asya kā́maṃ vidʰató roṣati máno dānā́ya codáyan //2//

Verse: 3 
Halfverse: a    
báṇ mahā́m̐ asi sūrya báḍ āditya mahā́m̐ asi /
Halfverse: c    
mahás te sató mahimā́ panasyate 'ddʰā́ deva mahā́m̐ asi //3//

Verse: 4 
Halfverse: a    
báṭ sūrya śrávasā mahā́m̐ asi satrā́ deva mahā́m̐ asi /
Halfverse: c    
mahnā́ devā́nām asuryàḥ puróhito vibʰú jyótir ádābʰyam //4//

Hymn: 59 
Verse: 1 
Halfverse: a    
úd u tyé mádʰu mattamā́ gíra stómāsa īrate /
Halfverse: c    
satrājíto dʰanasā́ ákṣitotayo vājayánto rátʰā iva //1//

Verse: 2 
Halfverse: a    
káṇvā iva bʰŕ̥gavaḥ sū́rya iva víśvam íd dʰītám ānaśuḥ /
Halfverse: c    
índraṃ stómebʰir maháyanta āyávaḥ priyámedʰāso asvaran //2//

Verse: 3 
Halfverse: a    
úd ín nv àsya ricyaté 'ṃśo dʰánaṃ jigyúsaḥ /
Halfverse: c    
índro hárivān dabʰanti táṃ ripo dákṣaṃ dadʰāti somíni //3//

Verse: 4 
Halfverse: a    
mántram ákʰarvaṃ súdʰitaṃ supéśasaṃ dádʰāta yajñíyeṣv ā́ /
Halfverse: c    
pūrvī́ś caná prásitayas taranti táṃ índre kármaṇā bʰúvat //4//

Hymn: 60 
Verse: 1 
Halfverse: a    
evā́ hy ási vīrayúr evā́ śū́ra utá stʰiráḥ /
Halfverse: c    
evā́ te rā́dʰyaṃ mánaḥ //1//

Verse: 2 
Halfverse: a    
evā́ rātís tuvīmagʰa víśvebʰir dʰāyi dʰātŕ̥bʰiḥ /
Halfverse: c    
ágʰā cid indra me sácā //2//

Verse: 3 
Halfverse: a    
ṣú brahméva tandrayúr bʰúvo vājānāṃ pate /
Halfverse: c    
mátsvā sutásya gómataḥ //3//

Verse: 4 
Halfverse: a    
evā́ hy àsya sūnŕ̥tā virapśī́ gómatī mahī́ /
Halfverse: c    
pakvā́ śā́kʰā dāśúṣe //4//

Verse: 5 
Halfverse: a    
evā́ te víbʰūtaya ūtáya indra mā́vate /
Halfverse: c    
sadyáś cit sánti dāśúṣe //5//

Verse: 6 
Halfverse: a    
evā́ hy àsya kā́myā stóma uktʰáṃ ca śáṃsyā /
Halfverse: c    
índrāya sómapītaye //6//

Hymn: 61 
Verse: 1 
Halfverse: a    
táṃ te mádaṃ gr̥ṇīmasi vŕ̥ṣaṇaṃ pr̥tsú sāsahím /
Halfverse: c    
u lokakr̥tnúm adrivo hariśríyam //1//

Verse: 2 
Halfverse: a    
yéna jyótīmṣy āyáve mánave ca vivéditʰa /
Halfverse: c    
mandānó asyá barhíṣo rājasi //2//

Verse: 3 
Halfverse: a    
tád adyā́ cit ta uktʰínó 'nu ṣṭuvanti pūrvátʰā /
Halfverse: c    
vŕ̥ṣapatnīr apó jayā divédive //3//

Verse: 4 
Halfverse: a    
tám v abʰí prá gāyata puruhūtáṃ puruṣṭutám /
Halfverse: c    
índraṃ gīrbʰís taviṣám ā́ vivāsata //4//

Verse: 5 
Halfverse: a    
yásya dvibárhaso br̥hát sáho dādʰā́ra ródasī /
Halfverse: c    
girī́m̐r ájrām̐ apáḥ svàr vr̥ṣatvanā́ //5//

Verse: 6 
Halfverse: a    
rājasi puruṣṭutam̐ éko vr̥trā́ṇi jigʰnase /
Halfverse: c    
índra jaítrā śravasya ca yántave //6//

Hymn: 62 
Verse: 1 
Halfverse: a    
vayám u tvā́m apūrvya stʰūráṃ kác cid bʰáranto 'vasyávaḥ /
Halfverse: c    
vā́je citráṃ havāmahe //1//

Verse: 2 
Halfverse: a    
úpa tvā kármann ūtáye no yúvográś cakrāma dʰr̥ṣat /
Halfverse: c    
tvā́m íd dʰy àvitā́raṃ vavr̥máhe sákʰāya indra sānasím //2//

Verse: 3 
Halfverse: a    
na idámidaṃ purā́ prá vásya āninā́ya tám u va stuṣe /
Halfverse: c    
sákʰāya índram ūtáye //3//

Verse: 4 
Halfverse: a    
háryaśvaṃ sátpatiṃ carṣaṇīsáhaṃ ṣmā ámandata /
Halfverse: c    
ā́ naḥ vayati gávyam áśvyaṃ stotŕ̥bʰyo magʰávā śatám //4//

Verse: 5 
Halfverse: a    
índrāya sā́ma gāyata víprāya br̥haté br̥hát /
Halfverse: c    
dʰarmakŕ̥te vipaścíte panasyáve //5//

Verse: 6 
Halfverse: a    
tvám indrābʰibʰū́r asi tváṃ sū́ryam arocayaḥ /
Halfverse: c    
viśvákarmā viśvádevo mahā́m̐ asi //6//

Verse: 7 
Halfverse: a    
vibʰrā́jaṃ jyótiṣā svà1r ágacʰo rocanáṃ diváḥ /
Halfverse: c    
devā́s ta indra sakʰyā́ya yemire //7//

Verse: 8 
Halfverse: a    
tám v abʰí prá gāyata puruhūtáṃ puruṣṭutám /
Halfverse: c    
índraṃ gīrbʰis taviṣám ā́ vivāsata //8//

Verse: 9 
Halfverse: a    
yásya dvibárhaso br̥hát sáho dādʰā́ra ródasī /
Halfverse: c    
girī́m̐r ájrām̐ apáḥ svàr vr̥ṣatvanā́ //9//

Verse: 10 
Halfverse: a    
rājasi puruṣṭutam̐ éko vr̥trā́ṇi jigʰnase /
Halfverse: c    
índra jaítra śravasya ca yántave //10//

Hymn: 63 
Verse: 1 
Halfverse: a    
imā́ kaṃ bʰúvanā sīṣadʰāméndraś ca víśve ca devā́ḥ /
Halfverse: c    
yajñáṃ ca nas tanvàṃ ca prajā́ṃ cādityaír indraḥ sahá cīkḷpāti //1//

Verse: 2 
Halfverse: a    
ādityaír índraḥ ságaṇo marúdbʰir asmā́kaṃ bʰūtv avitā́ tanū́nām /
Halfverse: c    
hatvā́ya devā́ ásurān yád ā́yan devā́ devatvám abʰirákṣamāṇāḥ //2//

Verse: 3 
Halfverse: a    
pratyáñcam arkám anayaṃ cʰácībʰir ā́d ít svadʰā́m iṣirā́ṃ páry apaśyan /
Halfverse: c    
ayā́ vā́jaṃ deváhitaṃ sanema mádema śatáhimāḥ suvī́rāḥ //3//

Verse: 4 
Halfverse: a    
éka íd vidáyate vásu mártāya dāśúṣe /
Halfverse: c    
ī́śāno ápratiṣkuta índro aṅgá //4//

Verse: 5 
Halfverse: a    
kadā́ mártam arādʰásaṃ padā́ kṣúmpam iva spʰurat /
Halfverse: c    
kadā́ naḥ śuśravad gíra índro aṅgá //5//

Verse: 6 
Halfverse: a    
yáś cid dʰí tvā bahúbʰya ā́ sutā́vām̐ āvívāsati /
Halfverse: c    
ugráṃ tát patyate śáva índro aṅgá //6//

Verse: 7 
Halfverse: a    
indra somapā́tamo mádaḥ śaviṣṭʰa cétati /
Halfverse: c    
yénā háṃsi ny à1ttríṇaṃ tám īmahe //7//

Verse: 8 
Halfverse: a    
yénā dáśagvam ádʰriguṃ vepáyantaṃ svàrṇaram /
Halfverse: c    
yénā samudrám ā́vitʰā tám īmahe //8//

Verse: 9 
Halfverse: a    
yéna síndʰuṃ mahī́r apó rátʰām̐ iva pracodáyaḥ /
Halfverse: c    
pántʰām r̥tásya yā́tave tám īmahe //9//

Hymn: 64 
Verse: 1 
Halfverse: a    
éndra no gadʰi priyáḥ satrājíd ágohyaḥ /
Halfverse: c    
girír viśvátas pr̥tʰúḥ pátir diváḥ //1//

Verse: 2 
Halfverse: a    
abʰí satya somapā ubʰé babʰū́tʰa ródasī /
Halfverse: c    
índrā́si sunvató vr̥dʰáḥ pátir diváḥ //2//

Verse: 3 
Halfverse: a    
tváṃ śáśvatīnām índra dartā́ purā́m ási /
Halfverse: c    
hantā́ dásyor mánor vr̥dʰáḥ pátir diváḥ //3//

Verse: 4 
Halfverse: a    
éd u mádʰvo madíntaraṃ siñcá vādʰvaryo ándʰasaḥ /
Halfverse: c    
evā́ vīrá stávate sadā́vr̥dʰaḥ //4//

Verse: 5 
Halfverse: a    
índra stʰātar harīṇāṃ nákiṣ te pūrvyástutim /
Halfverse: c    
úd ānaṃśa śávasā bʰandánā //5//

Verse: 6 
Halfverse: a    
táṃ vo vā́jānāṃ pátim áhūmahi śravasyávaḥ /
Halfverse: c    
áprāyubʰir yajñébʰir vāvr̥dʰényam //6//

Hymn: 65 
Verse: 1 
Halfverse: a    
éto nv índraṃ stávāma sákʰāya stómyaṃ náram /
Halfverse: c    
kuṣṭī́r víśvā abʰy àsty éka ít //1//

Verse: 2 
Halfverse: a    
ágorudʰāya gavíṣe dyukṣā́ya dásmyaṃ vácaḥ /
Halfverse: c    
gʰr̥tā́t svā́dīyo mádʰunaś ca vocata //2//

Verse: 3 
Halfverse: a    
yásyā́mitāni vīryā̀3 rā́dʰaḥ páryetave /
Halfverse: c    
jyótir víśvam abʰy ásti dákṣiṇā //3//

Hymn: 66 
Verse: 1 
Halfverse: a    
stuhī́ndraṃ vyaśvavád ánūrmiṃ vājínaṃ yámam /
Halfverse: c    
aryó gáyaṃ máṃhamānaṃ dāśúṣe //1//

Verse: 2 
Halfverse: a    
evā́ nūnám úpa stuhi vaíyaśva daśamáṃ návam /
Halfverse: c    
súvidvāṃsaṃ carkŕ̥tyaṃ caráṇīnām //2//

Verse: 3 
Halfverse: a    
véttʰā nírr̥tīnāṃ vájrahasta parivŕ̥jam /
Halfverse: c    
áharahaḥ śundʰyúḥ paripádām iva //3//

Hymn: 67 
Verse: 1 
Halfverse: a    
vanóti sunván kṣáyaṃ párīṇasaḥ sunvānó ṣmā yájaty áva dvíṣo devā́nām áva dvíṣaḥ /
Halfverse: c    
sunvāná ít siṣāsati sahásrā vājy ávr̥taḥ /
Halfverse: e    
sunvānā́yéndro dadāty ābʰúvaṃ rayíṃ dadāty ābʰúvam //1//

Verse: 2 
Halfverse: a    
ṣú vo asmád abʰí tā́ni paúṃsyā sánā bʰūvan dyumnā́ni mótá jāriṣur asmát purótá jāriṣuḥ /
Halfverse: c    
yád vaś citráṃ yugéyuge návyaṃ gʰóṣād ámartyam /
Halfverse: e    
asmā́su tán maruto yác ca duṣṭáraṃ didʰr̥tā́ yác ca duṣṭáram //2//

Verse: 3 
Halfverse: a    
agníṃ hótāram manye dā́svantaṃ vásuṃ sūnúṃ sáhaso jātávedasaṃ vípraṃ jātávedasam /
Halfverse: c    
ūrdʰváyā svadʰvaró devó devā́cyā kr̥pā́ /
Halfverse: e    
gʰr̥tásya víbʰrāṣṭim ánu vaṣṭi śocíṣājúhvānasya sarpíṣaḥ //3//

Verse: 4 
Halfverse: a    
yajñaíḥ sáṃmiślāḥ pŕ̥ṣatībʰir r̥ṣṭíbʰir yā́maṃ cʰubʰrā́so añjíṣu priyā́ utá /
Halfverse: c    
āsádyā barhír bʰaratasya sūnavaḥ potrā́d ā́ sómaṃ pibatā divo naraḥ //4//

Verse: 5 
Halfverse: a    
ā́ vakṣi devā́m̐ ihá vipra yákṣi cośán hotar ṣadā yóniṣu triṣú /
Halfverse: c    
práti vīhi prástʰitaṃ somyáṃ mádʰu píbā́gnīdʰrāt táva bʰāgásya tr̥ṣṇuhi //5//

Verse: 6 
Halfverse: a    
eṣá syá te tanvò nr̥mṇavárdʰanaḥ sáha ójaḥ pradívi bāhvór hitáḥ /
Halfverse: c    
túbʰyaṃ sutó magʰavan túbʰyam ā́bʰr̥tas tvám asya brā́hmaṇād ā́ tr̥pát piba //6//

Verse: 7 
Halfverse: a    
yám u pū́rvam áhuve tám idáṃ huve séd u hávyo dadír nā́ma pátyate /
Halfverse: c    
adʰvaryúbʰiḥ prástʰitaṃ somyáṃ mádʰu potrā́t sómaṃ draviṇodaḥ píba r̥túbʰiḥ //7//

Hymn: 68 
Verse: 1 
Halfverse: a    
surūpakr̥tnúm ūtáye sudúgʰām iva godúhe /
Halfverse: c    
juhūmási dyávidyavi //1//

Verse: 2 
Halfverse: a    
úpa naḥ sávanā́ gahi sómasya somapāḥ piba /
Halfverse: c    
godā́ íd reváto mádaḥ //2//

Verse: 3 
Halfverse: a    
átʰā te ántamānāṃ vidyā́ma sumatīnā́m /
Halfverse: c    
mā́ no áti kʰya ā́ gahi //3//

Verse: 4 
Halfverse: a    
párehi vígram ástr̥tam índraṃ pr̥cʰā vipaścítam /
Halfverse: c    
yás te sákʰibʰya ā́ váram //4//

Verse: 5 
Halfverse: a    
utá bruvantu no nído nír anyátaś cid ārata /
Halfverse: c    
dádʰānā índra íd dúvaḥ //5//

Verse: 6 
Halfverse: a    
utá naḥ subʰágām̐ arír vocéyur dasma kr̥ṣṭáyaḥ /
Halfverse: c    
syā́méd índrasya śármaṇi //6//

Verse: 7 
Halfverse: a    
ém ā́śúm āśáve bʰara yajñaśríyaṃ nr̥mā́danam /
Halfverse: c    
patayán mandayátsakʰam //7//

Verse: 8 
Halfverse: a    
asyá pītvā́ śatakrato gʰanó vr̥trā́ṇām abʰavaḥ /
Halfverse: c    
prā́vo vā́jeṣu vājínam //8//

Verse: 9 
Halfverse: a    
táṃ tvā vā́jeṣu vājínaṃ vājáyāmaḥ śatakrato /
Halfverse: c    
dʰánānām indra sātáye //9//

Verse: 10 
Halfverse: a    
rāyò3 'vánir mahā́nt supāráḥ sunvatáḥ sákʰā /
Halfverse: c    
tásmā índrāya gāyata //10//

Verse: 11 
Halfverse: a    
ā́ tv étā ṣīdaténdram abʰí prá gāyata /
Halfverse: c    
sákʰāya stómavāhasaḥ //11//

Verse: 12 
Halfverse: a    
purūtámaṃ purūṇā́m ī́śānaṃ vā́ryāṇām /
Halfverse: c    
índraṃ sóme sácā suté //12//

Hymn: 69 
Verse: 1 
Halfverse: a    
gʰā no yóga ā́ bʰuvat rāyé púraṃdʰyām /
Halfverse: c    
gámad vā́jebʰir ā́ naḥ //1//

Verse: 2 
Halfverse: a    
yásya saṃstʰé vr̥ṇváte hárī samátsu śátravaḥ /
Halfverse: c    
tásmā índrāya gāyata //2//

Verse: 3 
Halfverse: a    
sutapā́vne sutā́ imé śúcayo yanti vītáye /
Halfverse: c    
sómāso dádʰyāśiraḥ //3//

Verse: 4 
Halfverse: a    
tváṃ sutásya pītáye sadyó vr̥ddʰó ajāyatʰāḥ /
Halfverse: c    
índra jyaíṣṭʰyāya sukrato //4//

Verse: 5 
Halfverse: a    
ā́ tvā viśantv āśávaḥ sómāsa indra girvaṇaḥ /
Halfverse: c    
śáṃ te santu prácetase //5//

Verse: 6 
Halfverse: a    
tvā́ṃ stómā avīvr̥dʰan tvā́m uktʰā́ śatakrato /
Halfverse: c    
tvā́ṃ vardʰantu no gíraḥ //6//

Verse: 7 
Halfverse: a    
ákṣitotiḥ saned imáṃ vā́jam índraḥ sahasríṇam /
Halfverse: c    
yásmin víśvāni paúṃsyā //7//

Verse: 8 
Halfverse: a    
mā́ no mártā abʰí druhan tanū́nām indra girvaṇaḥ /
Halfverse: c    
ī́śāno yavayā vadʰám //8//

Verse: 9 
Halfverse: a    
yuñjánti bradʰnám aruṣám cárantaṃ pári tastʰúṣaḥ /
Halfverse: c    
rócante rocanā́ diví //9//

Verse: 10 
Halfverse: a    
yuñjánty asya kā́myā hárī vípakṣasā rátʰe /
Halfverse: c    
śóṇā dʰr̥ṣṇū́ nr̥vā́hasā //10//

Verse: 11 
Halfverse: a    
ketúṃ kr̥ṇvánn aketáve péśo maryā apeśáse /
Halfverse: c    
sám uṣádbʰir ajāyatʰāḥ //11//

Verse: 12 
Halfverse: a    
ā́d áha svadʰā́m ánu púnar garbʰatvám eriré /
Halfverse: c    
dádʰānā nā́ma yajñíyam //12//

Hymn: 70 
Verse: 1 
Halfverse: a    
vīlú cid ārujatnúbʰir gúhā cid indra váhnibʰiḥ /
Halfverse: c    
ávinda usríyā ánu //1//

Verse: 2 
Halfverse: a    
devayánto yátʰā matím ácʰā vidádvasuṃ gíraḥ /
Halfverse: c    
mahā́m anūṣata śrutám //2//

Verse: 3 
Halfverse: a    
índreṇa sáṃ dŕ̥kṣase saṃjagmānó ábibʰyuṣā /
Halfverse: c    
mandū́ samānávarcasā //3//

Verse: 4 
Halfverse: a    
anavadyaír abʰídyubʰir makʰáḥ sáhasvad arcati /
Halfverse: c    
gaṇaír índrasya kā́myaiḥ //4//

Verse: 5 
Halfverse: a    
átaḥ parijmann ā́ gahi divó rocanā́d ádʰi /
Halfverse: c    
sám asminn r̥ñjate gíraḥ //5//

Verse: 6 
Halfverse: a    
itó sātím ī́mahe divó pā́rtʰivād ádʰi /
Halfverse: c    
índraṃ mahó rájasaḥ //6//

Verse: 7 
Halfverse: a    
índram íd gatʰíno br̥hád índram arkébʰir arkíṇaḥ /
Halfverse: c    
índraṃ vā́ṇīr anūṣata //7//

Verse: 8 
Halfverse: a    
índra íd dʰáryoḥ sácā sáṃmíśla ā́ vacoyújā /
Halfverse: c    
índro vajrī́ hiraṇyáyaḥ //8//

Verse: 9 
Halfverse: a    
índro dīrgʰā́ya cákṣasa ā́ sū́ryaṃ rohayad diví /
Halfverse: c    
góbʰir índram airayat //9//

Verse: 10 
Halfverse: a    
índra vā́jeṣu no 'va sahásrapradʰaneṣu ca /
Halfverse: c    
ugrá ugrā́bʰir ūtíbʰiḥ //10//

Verse: 11 
Halfverse: a    
índraṃ vayáṃ mahādʰaná índram árbʰe havāmahe /
Halfverse: c    
yújaṃ vr̥tréṣu vajríṇam //11//

Verse: 12 
Halfverse: a    
no vr̥ṣann amúṃ carúṃ sátrādāvann ápā vr̥dʰi /
Halfverse: c    
asmábʰyam ápratiṣkutaḥ //12//

Verse: 13 
Halfverse: a    
tuñjétuñje úttare stómā índrasya vajríṇaḥ /
Halfverse: c    
vindʰe asya suṣṭutím //13//

Verse: 14 
Halfverse: a    
vŕ̥ṣā yūtʰéva váṃsagaḥ kr̥ṣṭī́r iyarty ójasā /
Halfverse: c    
ī́śāno ápratiṣkutaḥ //14//

Verse: 15 
Halfverse: a    
ékaś carṣaṇīnā́ṃ vásūnām irajyáti /
Halfverse: c    
índraḥ páñca kṣitīnā́m //15//

Verse: 16 
Halfverse: a    
índraṃ vo viśvátas pári hávāmahe jánebʰyaḥ /
Halfverse: c    
asmā́kam astu kévalaḥ //16//

Verse: 17 
Halfverse: a    
éndra sānasíṃ rayíṃ sajítvānaṃ sadāsáham /
Halfverse: c    
várṣiṣṭʰam ūtáye bʰara //17//

Verse: 18 
Halfverse: a    
yéna muṣṭihatyáyā vr̥trā́ ruṇádʰāmahai /
Halfverse: c    
tvótāso ny árvatā //18//

Verse: 19 
Halfverse: a    
índra tvótāso ā́ vayáṃ vájraṃ gʰanā́ dadīmahi /
Halfverse: c    
jáyema sáṃ yudʰí spŕ̥dʰaḥ //19//

Verse: 20 
Halfverse: a    
vayáṃ śū́rebʰir ástr̥bʰir índra tváyā yujā́ vayám /
Halfverse: c    
sāsahyā́ma pr̥tanyatáḥ //20//

Hymn: 71 
Verse: 1 
Halfverse: a    
mahā́m̐ índraḥ paráś ca mahitvám astu vajríṇe /
Halfverse: c    
dyaúr pratʰinā́ śávaḥ //1//

Verse: 2 
Halfverse: a    
samohé ā́śata náras tokásya sánitau /
Halfverse: c    
víprāso dʰiyāyávaḥ //2//

Verse: 3 
Halfverse: a    
yáḥ kukṣíḥ somapā́tamaḥ samudrá iva pínvate /
Halfverse: c    
urvī́r ā́po kākúdaḥ //3//

Verse: 4 
Halfverse: a    
evā́ hy àsya sūnŕ̥tā virapśī́ gómatī mahī́ /
Halfverse: c    
pakvā́ śā́kʰā dāśúṣe //4//

Verse: 5 
Halfverse: a    
evā́ te víbʰūtaya ūtáya indra mā́vate /
Halfverse: c    
sadyáś cit sánti dāśúṣe //5//

Verse: 6 
Halfverse: a    
evā́ hy àsya kā́myā stóma uktʰáṃ ca śáṃsyā /
Halfverse: c    
índrāya sómapītaye //6//

Verse: 7 
Halfverse: a    
índréhi mátsy ándʰaso víśvebʰiḥ somapárvabʰiḥ /
Halfverse: c    
mahā́m̐ abʰiṣṭír ójasā //7//

Verse: 8 
Halfverse: a    
ém enaṃ sr̥jatā suté mandím índrāya mandíne /
Halfverse: c    
cákriṃ víśvāni cákraye //8//

Verse: 9 
Halfverse: a    
mátsvā suśipra mandíbʰi stómebʰir viśvacarṣaṇe /
Halfverse: c    
sácaiṣú sávaneṣv ā́ //9//

Verse: 10 
Halfverse: a    
ásr̥gram indra te gíraḥ práti tvā́m úd ahāsata /
Halfverse: c    
ájoṣā vr̥ṣabʰáṃ pátim //10//

Verse: 11 
Halfverse: a    
sám codaya citrám arvā́g rā́dʰa indra váreṇyam /
Halfverse: c    
ásad ít te vibʰú prabʰú //11//

Verse: 12 
Halfverse: a    
asmā́nt tátra codayéndra rāyé rábʰasvataḥ /
Halfverse: c    
túvidyumna yáśasvataḥ //12//

Verse: 13 
Halfverse: a    
sáṃ gómad indra vā́javad asmé pr̥tʰú śrávo br̥hát /
Halfverse: c    
viśvā́yur dʰehy ákṣitam //13//

Verse: 14 
Halfverse: a    
asmé dʰehi śrávo br̥hád dyumnáṃ sahasrasā́tamam /
Halfverse: c    
índra tā́ ratʰínīr íṣaḥ //14//

Verse: 15 
Halfverse: a    
vásor índram vásupatiṃ gīrbʰír gr̥ṇánta r̥gmíyam /
Halfverse: c    
hóma gántāram ūtáye //15//

Verse: 16 
Halfverse: a    
sutésute nyòkase br̥hád br̥hatá éd aríḥ /
Halfverse: c    
índrāya śūṣám arcati //16//

Hymn: 72 
Verse: 1 
Halfverse: a    
víśveṣu tvā sávaneṣu tuñjáte samānám ékaṃ vŕ̥ṣamaṇyavaḥ pŕ̥tʰak svàḥ saniṣyávaḥ pŕ̥tʰak /
Halfverse: c    
táṃ tvā nā́vaṃ parṣáṇiṃ śūṣásya dʰurí dʰīmahi /
Halfverse: e    
índraṃ yajñaíś catáyanta āyáva stómebʰir indram āyávaḥ //1//

Verse: 2 
Halfverse: a    
tvā tatasre mitʰunā́ avasyávo vrajásya sātā́ gávyasya niḥsŕ̥jaḥ sákṣanta indra niḥsŕ̥jaḥ /
Halfverse: c    
yád gavyántā dvā́ jánā svà1r yántā samū́hasi /
Halfverse: e    
āvíṣ kárikrad vŕ̥ṣaṇaṃ sacābʰúvaṃ vájram indra sacābʰúvam //2//

Verse: 3 
Halfverse: a    
utó no asyā́ uṣáso juṣéta hy à1rkásya bodʰi havíṣo hávīmabʰiḥ svàrṣātā hávīmabʰiḥ /
Halfverse: c    
yád indra hántave mŕ̥gʰo vŕ̥ṣā vajriṃ cíketasi /
Halfverse: e    
ā́ me asyá vedʰáso návīyaso mánma śrudʰi návīyasaḥ //3//

Hymn: 73 
Verse: 1 
Halfverse: a    
túbʰyéd imā́ sávanā śūra víśvā túbʰyaṃ bráhmāṇi várdʰanā kr̥ṇomi /
Halfverse: c    
tváṃ nŕ̥bʰir hávyo viśvádʰāsi //1//

Verse: 2 
Halfverse: a    
nū́ cin te mányamānasya dasmód aśnuvanti mahimā́nam ugra /
Halfverse: c    
vīryàm indra te rā́dʰaḥ //2//

Verse: 3 
Halfverse: a    
prá vo mahé mahivŕ̥dʰe bʰaradʰvaṃ prácetase prá sumatíṃ kr̥ṇudʰvam /
Halfverse: c    
víśaḥ pūrvī́ḥ prá carā carṣaṇiprā́ḥ //3//

Verse: 4 
Halfverse: a    
yadā́ vájraṃ híraṇyam íd átʰā rátʰaṃ hárī yámasya váhato sūríbʰiḥ /
Halfverse: c    
ā́ tiṣṭʰati magʰávā sánaśruta índro vā́jasya dīrgʰáśravasas pátiḥ //4//

Verse: 5 
Halfverse: a    
cin vr̥ṣṭír yūtʰyā̀3 svā́ sácām̐ índraḥ śmáśrūṇi háritābʰí pruṣṇute /
Halfverse: c    
áva veti sukṣáyaṃ suté mádʰū́d íd dʰūṇoti vā́to yátʰā vánam //5//

Verse: 6 
Halfverse: a    
vācā́ vívāco mr̥dʰrávācaḥ purū́ sahásrā́śivā jagʰā́na /
Halfverse: c    
táttad íd asya paúṃsyaṃ gr̥ṇīmasi pitéva yás táviṣīṃ vāvr̥dʰé śávaḥ //6//

Hymn: 74 
Verse: 1 
Halfverse: a    
yác cid dʰí satya somapā anāśastā́ iva smási /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //1//

Verse: 2 
Halfverse: a    
śíprin vājānāṃ pate śácīvas táva daṃsánā /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //2//

Verse: 3 
Halfverse: a    
ṣvāpayā mitʰūdŕ̥śā sastā́m ábudʰyamāne /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //3//

Verse: 4 
Halfverse: a    
sasántu tyā́ árātayo bódʰantu śūra rātáyaḥ /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //4//

Verse: 5 
Halfverse: a    
sám indra gardabʰáṃ mr̥ṇa nuvántaṃ papáyāmuyā́ /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //5//

Verse: 6 
Halfverse: a    
pátāti kuṇḍr̥ṇā́cyā dūráṃ vā́to vánād ádʰi /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //6//

Verse: 7 
Halfverse: a    
sárvaṃ parikrośáṃ jahi jambʰáyā kr̥kadāśvàm /
Halfverse: c    
ā́ tū́ na indra śaṃsaya góṣv áśveṣu śubʰríṣu sahásreṣu tuvīmagʰa //7//

Hymn: 75 
Verse: 1 
Halfverse: a    
tvā tatasre mitʰunā́ avasyávo vrajásya sātā́ gávyasya niḥsŕ̥jaḥ sákṣanta indra niḥsr̥jaḥ /
Halfverse: c    
yád gavyánta dvā́ jánā svà1r yántā samū́hasi /
Halfverse: e    
āvíṣ kárikrad vŕ̥ṣaṇaṃ sacābʰúvaṃ vájram indra sacābʰúvam //1//

Verse: 2 
Halfverse: a    
vidúṣ ṭe asyá vīryàsya pūrávaḥ púro yád indra śā́radīr avā́tiraḥ sāsahānó avā́tiraḥ /
Halfverse: c    
śā́sas tám indra mártyam áyajuṃ śavasas pate /
Halfverse: e    
mahī́m amuṣṇāḥ pr̥tʰivī́m imā́ apó mandasāná imā́ apáḥ //2//

Verse: 3 
Halfverse: a    
ā́d ít te asyá vīryàsya carkiran mádeṣu vr̥ṣann uśíjo yád ā́vitʰa sakʰīyató yád ā́vitʰa /
Halfverse: c    
cakártʰa kārám ebʰyaḥ pŕ̥tanāsu právantave /
Halfverse: e    
anyā́manyāṃ nadyàṃ saniṣṇata śrávasyántaḥ saniṣṇata //3//

Hymn: 76 
Verse: 1 
Halfverse: a    
váne ny àdʰāyi cākráṃ cʰúcir vāṃ stómo bʰuraṇāv ajīgaḥ /
Halfverse: c    
yásyéd índraḥ purudíneṣu hótā nr̥ṇā́ṃ nárvo nŕ̥tamaḥ kṣapā́vān //1//

Verse: 2 
Halfverse: a    
prá te asyā́ uṣásaḥ prā́parasyā nr̥taú syāma nŕ̥tam asya nr̥ṇā́m /
Halfverse: c    
ánu triśókaḥ śatám ā́vahan nŕ̥̄n kútsena rátʰo ásat sasavā́n //2//

Verse: 3 
Halfverse: a    
kás te máda indra rántyo bʰūd dúro gíro abʰy ù1gró dʰāva /
Halfverse: c    
kád vā́ho arvā́g úpa manīṣā́ ā́ tvā śakyām upamám rā́dʰo ánnaiḥ //3//

Verse: 4 
Halfverse: a    
kád u dyumnám indra tvā́vato nŕ̥̄n káyā dʰiyā́ karase kán na ā́gan /
Halfverse: c    
mitró satyá urugāya bʰr̥tyā́ ánne samasya yád ásan manīṣā́ḥ //4//

Verse: 5 
Halfverse: a    
préraya sū́ro ártʰaṃ pāráṃ asya kā́maṃ janidʰā́ iva gmán /
Halfverse: c    
gíraś ca te tuvijāta pūrvī́r nára indra pratiśíkṣanty ánnaiḥ //5//

Verse: 6 
Halfverse: a    
mā́tre te súmite indra pūrvī́ dyaúr majmánā pr̥tʰivī́ kā́vyena /
Halfverse: c    
várāya te gʰr̥távantaḥ sutā́saḥ svā́dnan bʰavantu pītáye mádʰūni //6//

Verse: 7 
Halfverse: a    
ā́ mádʰvo asmā asicann ámatram índrāya pūrṇáṃ satyárādʰāḥ /
Halfverse: c    
vāvr̥dʰe várimann ā́ pr̥tʰivyā́ abʰí krátvā náryaḥ paúṃsyaiś ca //7//

Verse: 8 
Halfverse: a    
vy ā̀naḷ índraḥ pŕ̥tanāḥ svójā ā́smai yatante sakʰyā́ya pūrvī́ḥ /
Halfverse: c    
ā́ smā rátʰaṃ pŕ̥tanāsu tiṣṭʰa yáṃ bʰadráyā sumatyā́ codáyāse //8//

Hymn: 77 
Verse: 1 
Halfverse: a    
ā́ satyó yātu magʰávām̐ r̥jīṣī́ drávantv asya háraya úpa naḥ /
Halfverse: c    
tásmā íd ándʰaḥ suṣumā sudákṣam ihā́bʰipitváṃ karate gr̥ṇānáḥ //1//

Verse: 2 
Halfverse: a    
áva sya śūrā́dʰvano nā́nte 'smín no adyá sávane mandádʰyai /
Halfverse: c    
śáṃsāty uktʰám uśáneva vedʰā́ś cikitúṣe asuryā̀ya mánma //2//

Verse: 3 
Halfverse: a    
kavír niṇyáṃ vidátʰāni sā́dʰan vŕ̥ṣā yát sékaṃ vipipānó árcāt /
Halfverse: c    
divá ittʰā́ jījanat saptá kārū́n áhnā cic cakrur vayúnā gr̥ṇántaḥ //3//

Verse: 4 
Halfverse: a    
svà1r yád védi sudŕ̥śīkam arkaír máhi jyótī rurucur yád dʰa vástoḥ /
Halfverse: c    
andʰā́ támāṃsi dúdʰitā vicákṣe nŕ̥bʰyaś cakāra nŕ̥tamo abʰíṣṭau //4//

Verse: 5 
Halfverse: a    
vavakṣá índro ámitam r̥jiṣy ù1bʰé ā́ paprau ródasī mahitvā́ /
Halfverse: c    
átaś cid asya mahimā́ recy abʰí víśvā bʰúvanā babʰū́va //5//

Verse: 6 
Halfverse: a    
víśvāni śakró náryāṇi vidvā́n apó rireca sákʰibʰir níkāmaiḥ /
Halfverse: c    
áśmānaṃ cid bibʰidúr vácobʰir vrajám gómantam uśíjo vavruḥ //6//

Verse: 7 
Halfverse: a    
apó vr̥tráṃ vavrivā́ṃsaṃ párāhan prā́vat te vájraṃ pr̥tʰivī́ sácetāḥ /
Halfverse: c    
prā́rṇāṃsi samudríyāṇy ainoḥ pátir bʰávaṃ cʰávasā śūra dʰr̥ṣṇo //7//

Verse: 8 
Halfverse: a    
apó yád ádriṃ puruhūta dárdar āvír bʰuvat sarámā pūrvyáṃ te /
Halfverse: c    
no netā́ vā́jam ā́ darṣi bʰū́riṃ gotrā́ rujánn áṅgirobʰir gr̥ṇānáḥ //8//

Hymn: 78 
Verse: 1 
Halfverse: a    
tád vo gāya suté sácā puruhūtā́ya sátvane /
Halfverse: c    
śáṃ yád gáve śākíne //1//

Verse: 2 
Halfverse: a    
gʰā vásur yamate dānáṃ vā́jasya gómataḥ /
Halfverse: c    
yát sīm úpa śrávad gíraḥ //2//

Verse: 3 
Halfverse: a    
kuvítsasya prá vrajáṃ gómantaṃ dasyuhā́ gámat /
Halfverse: c    
śácībʰir ápa no varat //3//

Hymn: 79 
Verse: 1 
Halfverse: a    
índra krátuṃ na ā́ bʰara pitā́ putrébʰyo yátʰā /
Halfverse: c    
śíkṣā ṇo asmín puruhūta yā́mani jīvā́ jyótir aśīmahi //1//

Verse: 2 
Halfverse: a    
mā́ no ájñātā vr̥jánā durādʰyò3 mā́śivāso áva kramuḥ /
Halfverse: c    
tváyā vayáṃ pravátaḥ śáśvatīr apó 'ti śūra tarāmasi //2//

Hymn: 80 
Verse: 1 
Halfverse: a    
índra jyéṣṭʰaṃ na ā́ bʰaram̐ ójiṣṭʰaṃ pápuri śrávaḥ /
Halfverse: c    
yénemé citra vajrahasta ródasī óbʰé suśipra prā́ḥ //1//

Verse: 2 
Halfverse: a    
tvā́m ugrám ávase carṣaṇīsáhaṃ rā́jan devéṣu hūmahe /
Halfverse: c    
víśvā no vitʰurā́ pibdanā́ vaso 'mítrān suṣáhān kr̥dʰi //2//

Hymn: 81 
Verse: 1 
Halfverse: a    
yád dyā́va indra te śatáṃ śatáṃ bʰū́mir utá syúḥ /
Halfverse: c    
tvā vajrint sahásraṃ sū́ryā ánu jātám aṣṭa ródasī //1//

Verse: 2 
Halfverse: a    
ā́ paprātʰa mahinā́ kŕ̥ṣṇyā vr̥ṣan víśvā śaviṣṭʰa śávasā /
Halfverse: c    
asmā́m̐ áva magʰavan gómati vrajé vájrim citrā́bʰir ūtíbʰiḥ //2//

Hymn: 82 
Verse: 1 
Halfverse: a    
yád indra yā́vatas tvám etā́vad ahám ī́śīya /
Halfverse: c    
stotā́ram íd didʰiṣeya radāvaso pāpatvā́ya rāsīya //1//

Verse: 2 
Halfverse: a    
śíkṣeyam ín mahayaté divédive rāyá ā́ kuhacidvíde /
Halfverse: c    
nahí tvád anyán magʰavan na ā́pyaṃ vásyo ásti pitā́ caná //2//

Hymn: 83 
Verse: 1 
Halfverse: a    
índra tridʰā́tu śaraṇáṃ trivárūtʰaṃ svastimát /
Halfverse: c    
cʰardír yacʰa magʰávadbʰyaś ca máhyaṃ ca yāváyā didyúm ebʰyaḥ //1//

Verse: 2 
Halfverse: a    
gavyatā́ mánasā śátrum ādabʰúr abʰipragʰnánti dʰr̥ṣṇuyā́ /
Halfverse: c    
ágʰa smā no magʰavann indra girvaṇas tanūpā́ ántamo bʰava //2//

Hymn: 84 
Verse: 1 
Halfverse: a    
índrā́ yāhi citrabʰāno sutā́ imé tvāyávaḥ /
Halfverse: c    
áṇvībʰis tánā pūtā́saḥ //1//

Verse: 2 
Halfverse: a    
índrā́ yāhi dʰiyéṣitó víprajutaḥ sutā́vataḥ /
Halfverse: c    
úpa bráhmāṇi vāgʰátaḥ //2//

Verse: 3 
Halfverse: a    
índrā́ yāhi tū́tujāna úpa bráhmāṇi harivaḥ /
Halfverse: c    
suté dadʰiṣva naś cánaḥ //3//

Hymn: 85 
Verse: 1 
Halfverse: a    
mā́ cid anyád śaṃsata sákʰāyo mā́ riṣaṇyata /
Halfverse: c    
índram ít stotā vŕ̥ṣaṇaṃ sácā suté múhur uktʰā́ ca śaṃsata //1//

Verse: 2 
Halfverse: a    
avakrakṣíṇaṃ vr̥ṣabʰáṃ yatʰājúram gā́ṃ carṣaṇīsáham /
Halfverse: c    
vidvéṣaṇaṃ saṃvánanobʰayaṃkaráṃ máṃhiṣṭʰam ubʰayāvínam //2//

Verse: 3 
Halfverse: a    
yác cid dʰí tvā jánā imé nā́nā hávanta ūtáye /
Halfverse: c    
asmā́kaṃ bráhmedám indra bʰūtu 'hā víśvā ca várdʰanam //3//

Verse: 4 
Halfverse: a    
tartūryante magʰavan vipaścíto 'ryó vípo jánānām /
Halfverse: c    
úpa kramasva pururū́pam ā́ bʰara vā́jaṃ nédiṣṭʰam ūtáye //4//

Hymn: 86 
Verse: 1 
Halfverse: a    
bráhmaṇā te brahmayújā yunajmi hárī sákʰāyā sadʰamā́da āśū́ /
Halfverse: c    
stʰiráṃ rátʰaṃ sukʰám indrādʰitíṣṭʰan prajānán vidvā́m̐ úpa yāhi sómam //1//

Hymn: 87 
Verse: 1 
Halfverse: a    
ádʰvaryavo 'ruṇáṃ dugdʰám aṃśúṃ juhótana vr̥ṣabʰā́ya kṣitīnā́m /
Halfverse: c    
gaurā́d védīyām̐ avapā́nam índro viśvā́héd yāti sutásomam icʰán //1//

Verse: 2 
Halfverse: a    
yád dadʰiṣé pradívi cā́rv ánnaṃ divédive pītím íd asya vakṣi /
Halfverse: c    
utá hr̥dótá mánasā juṣāṇá uśánn indra prástʰitān pāhi sómān //2//

Verse: 3 
Halfverse: a    
jajñānáḥ sómaṃ sáhase papātʰa prá te mātā́ mahimā́nam uvāca /
Halfverse: c    
éndra paprātʰorv à1ntárikṣaṃ yudʰā́ devébʰyo várivaś cakartʰa //3//

Verse: 4 
Halfverse: a    
yád yodʰáyā maható mányamānān sā́kṣāma tā́n bāhúbʰiḥ śā́śadānān /
Halfverse: c    
yád nŕ̥bʰir vŕ̥ta indrābʰiyúdʰyās táṃ tváyājíṃ sauśravasáṃ jayema //4//

Verse: 5 
Halfverse: a    
préndrasya vocaṃ pratʰamā́ kr̥tā́ni prá nū́tanā magʰávā yā́ cakā́ra /
Halfverse: c    
yadéd ádevīr ásahiṣṭa māyā́ átʰābʰavat kévalaḥ sómo asya //5//

Verse: 6 
Halfverse: a    
távedáṃ víśvam abʰítaḥ paśavyà1ṃ yát páśyasi cákṣasā sū́ryasya /
Halfverse: c    
gávām asi gópatir éka indra bʰakṣīmáhi te práyatasya vásvaḥ //6//

Verse: 7 
Halfverse: a    
bŕ̥haspate yuvám índraś ca vásvo divyásyeśātʰe utá pārtʰivasya /
Halfverse: c    
dʰattáṃ rayíṃ stuvaté kīráye cid yūyáṃ pāta svastíbʰiḥ sádā naḥ //7//

Hymn: 88 
Verse: 1 
Halfverse: a    
yás tastámbʰa sáhasā jmó ántān bŕ̥haspátis triṣadʰastʰó ráveṇa /
Halfverse: c    
táṃ pratnā́sa ŕ̥ṣayo dī́dʰyānāḥ puró víprā dadʰire mandrájihvam //1//

Verse: 2 
Halfverse: a    
dʰunétayaḥ supraketáṃ mádanto bŕ̥haspate abʰí nas tatasré /
Halfverse: c    
pŕ̥ṣantaṃ sr̥prám ádabdʰam ūrváṃ bŕ̥haspate rákṣatād asya yónim //2//

Verse: 3 
Halfverse: a    
bŕ̥haspate yā́ paramā́ parāvád áta ā́ te r̥taspŕ̥śo ṣeduḥ /
Halfverse: c    
túbʰyaṃ kʰātā́ avatā́ ádridugdʰā mádʰva ścotanty abʰíto virapśám //3//

Verse: 4 
Halfverse: a    
bŕ̥haspátiḥ pratʰamáṃ jā́yamāno mahó jyótiṣaḥ paramé vyòman /
Halfverse: c    
saptā́syas tuvijātó ráveṇa saptáraśmir adʰamat támāṃsi //4//

Verse: 5 
Halfverse: a    
suṣṭúbʰā ŕ̥kvatā gaṇéna valáṃ ruroja pʰaligáṃ rávena /
Halfverse: c    
bŕ̥haspátir usríyā havyasū́daḥ kánikradad vā́vaśatīr úd ājat //5//

Verse: 6 
Halfverse: a    
evā́ pitré viśvádevāya vŕ̥ṣṇe yajñaír vidʰema námasā havírbʰiḥ /
Halfverse: c    
bŕ̥haspate suprajā́ vīrávanto vayáṃ syāma pátayo rayīṇā́m //6//

Hymn: 89 
Verse: 1 
Halfverse: a    
ásteva prataráṃ lā́yam ásyan bʰū́ṣann iva prá bʰarā stómam asmai /
Halfverse: c    
vācā́ viprās tarata vā́cam aryó rāmaya jaritaḥ sóma índram //1//

Verse: 2 
Halfverse: a    
dóhena gā́m úpa śikṣā sákʰāyaṃ prá bodʰaya jaritar jārám índram /
Halfverse: c    
kóśaṃ pūrṇáṃ vásunā nyr̥̀ṣṭam ā́ cyāvaya magʰadéyāya śū́ram //2//

Verse: 3 
Halfverse: a    
kím aṅgá tvā magʰavan bʰojám āhuḥ śiśīhí śiśayáṃ tvā śr̥ṇomi /
Halfverse: c    
ápnasvatī máma dʰī́r astu śakra vasuvídaṃ bʰágam indrā́ bʰarā naḥ //3//

Verse: 4 
Halfverse: a    
tvā́ṃ jánā mamasatyéṣv indra saṃtastʰānā́ hvayante samīké /
Halfverse: c    
átrā yújaṃ kr̥ṇute havíṣmān nāsunvatā sakʰyáṃ vaṣṭi śū́raḥ //4//

Verse: 5 
Halfverse: a    
dʰánaṃ spandráṃ bahuláṃ asmai tīvrā́nt sómām̐ āsunóti práyasvān /
Halfverse: c    
tásmai śátrūnt sutúkān prātár áhno sváṣṭrān yuváti hánti vr̥trám //5//

Verse: 6 
Halfverse: a    
yásmin vayáṃ dadʰimā́ śáṃsam índre yáḥ śiśrā́ya magʰávā kā́mam asmé /
Halfverse: c    
ārā́c cit sán bʰayatām asya śátrur ny àsmai dyumnā́ jányā namantām //6//

Verse: 7 
Halfverse: a    
ārā́c cʰátrum ápa bādʰasva dūrám ugró yáḥ śámbaḥ puruhūta téna /
Halfverse: c    
asmé dʰehi yávamad gómad indra kr̥dʰī́ dʰíyaṃ jaritré vā́jaratnām //7//

Verse: 8 
Halfverse: a    
prá yám antár vr̥ṣasavā́so ájman tīvrā́ḥ sómā bahulā́ntāsa índram /
Halfverse: c    
nā́ha dāmā́naṃ magʰávā yaṃsan sunvaté vahati bʰū́ri vāmám //8//

Verse: 9 
Halfverse: a    
utá prahā́m átidīvā jayati kr̥tám iva śvagʰnī́ cinoti kālé /
Halfverse: c    
devákāmo dʰánaṃ ruṇáddʰi sám ít táṃ rāyáḥ sr̥jati svadʰā́bʰiḥ //9//

Verse: 10 
Halfverse: a    
góbʰiṣ ṭaremā́matiṃ durévāṃ yávena kṣúdʰaṃ puruhūta víśve /
Halfverse: c    
vayáṃ rā́jasu pratʰamā́ dʰánāny áriṣṭāso vr̥janī́bʰir jayema //10//

Verse: 11 
Halfverse: a    
bŕ̥haspátir naḥ pári pātu paścā́d utóttarasmād ádʰarād agʰayóḥ /
Halfverse: c    
índraḥ purástād utá madʰyató naḥ sákʰā sákʰibʰyo várīyaḥ kr̥ṇotu //11//

Hymn: 90 
Verse: 1 
Halfverse: a    
adribʰít pratʰamajā́ r̥tā́vā bŕ̥haspátir āṅgirasó havíṣmān /
Halfverse: c    
dvibárhajmā prāgʰarmasát pitā́ na ā́ ródasī vr̥ṣabʰó roravīti //1//

Verse: 2 
Halfverse: a    
jánāya cid ī́vate u lokáṃ bŕ̥haspátir deváhūtau cakā́ra /
Halfverse: c    
gʰnán vr̥trā́ṇi púro dardarīti jáyaṃ cʰátrūṃr amítrān pr̥tsú sā́han //2//

Verse: 3 
Halfverse: a    
bŕ̥haspátiḥ sám ajayad vásūni mahó vrajā́n gómate devá eṣáḥ /
Halfverse: c    
apáḥ síṣāsant svà1r ápratīto bŕ̥haspátir hánty amítram arkaíḥ //3//

Hymn: 91 
Verse: 1 
Halfverse: a    
imā́ṃ dʰíyaṃ saptáśīrṣṇīṃ pitā́ na r̥táprajātāṃ br̥hatī́m avindat /
Halfverse: c    
turī́yaṃ svij janayad viśvájanyo 'yā́sya uktʰám índrāya śáṃsan //1//

Verse: 2 
Halfverse: a    
r̥táṃ śáṃsanta r̥jú dī́dʰyānā divás putrā́so ásurasya vīrā́ḥ /
Halfverse: c    
vípraṃ padám áṅgiraso dádʰānā yajñásya dʰā́ma pratʰamáṃ mananta //2//

Verse: 3 
Halfverse: a    
haṃsaír iva sákʰibʰir vā́vadadbʰir aśmanmáyāni náhanā vyásyan /
Halfverse: c    
bŕ̥haspátir abʰikánikradad gā́ utá prā́staud úc ca vidvā́m̐ agāyat //3//

Verse: 4 
Halfverse: a    
avó dvā́bʰyāṃ pará ékayā gā́ gúhā tíṣṭʰantīr ánr̥tasya sétau /
Halfverse: c    
bŕ̥haspátis támasi jyótir icʰán úd usrā́ ā́kar tisrá ā́vaḥ //4//

Verse: 5 
Halfverse: a    
vibʰídyā púraṃ śayátʰem ápācīṃ nís trī́ṇi sākám udadʰér akr̥ntat /
Halfverse: c    
bŕ̥haspátir uṣásaṃ sū́ryaṃ gā́m arkáṃ viveda stanáyann iva dyaúḥ //5//

Verse: 6 
Halfverse: a    
índro valáṃ rakṣitā́raṃ dúgʰānāṃ karéṇeva cakartā ráveṇa /
Halfverse: c    
svédāñjibʰir āśíram icʰámānó 'rodayat paṇím ā́ gā́ amuṣṇāt //6//

Verse: 7 
Halfverse: a    
īṃ satyébʰiḥ sákʰibʰiḥ śucádbʰir gódʰāyasaṃ dʰanasaír adardaḥ /
Halfverse: c    
bráhmaṇas pátir vŕ̥ṣabʰir varā́hair gʰarmásvedebʰir dráviṇaṃ vy ā̀naṭ //7//

Verse: 8 
Halfverse: a    
satyéna mánasā gópatiṃ gā́ iyānā́sa iṣaṇayanta dʰībʰíḥ /
Halfverse: c    
bŕ̥haspátir mitʰóavadyapebʰir úd usríyā asr̥jata svayúgbʰiḥ //8//

Verse: 9 
Halfverse: a    
táṃ vardʰáyanto matíbʰiḥ śivā́bʰiḥ siṃhám iva nā́nadataṃ sadʰástʰe /
Halfverse: c    
bŕ̥haspátiṃ vŕ̥ṣaṇaṃ śū́rasātau bʰárebʰare ánu madema jiṣṇúm //9//

Verse: 10 
Halfverse: a    
yadā́ vā́jam ásanad viśvárūpam ā́ dyā́m arukṣad úttarāṇi sádma /
Halfverse: c    
bŕ̥haspátiṃ vŕ̥ṣaṇaṃ vardʰáyanto nā́nā sánto bíbʰrato jyótir āsā́ //10//

Verse: 11 
Halfverse: a    
satyám āśíṣaṃ kr̥ṇutā vayodʰaí kīríṃ cid dʰy ávatʰa svébʰir évaiḥ /
Halfverse: c    
paścā́ mŕ̥dʰo ápa bʰavantu víśvās tád rodasī śr̥ṇutaṃ viśvaminvé //11//

Verse: 12 
Halfverse: a    
índro mahnā́ maható arṇavásya mūrdʰā́nam abʰinad arbudásya /
Halfverse: c    
áhann áhim áriṇāt saptá síndʰūn devaír dyāvāpr̥tʰivī prā́vataṃ naḥ //12//

Hymn: 92 
Verse: 1 
Halfverse: a    
abʰí prá gópatiṃ giréndram arca yátʰā vidé /
Halfverse: c    
sūtúṃ satyásya sátpatim //1//

Verse: 2 
Halfverse: a    
ā́ hárayaḥ sasr̥jriré 'ruṣīr ádʰi barhíṣi /
Halfverse: c    
yátrābʰí saṃnávāmahe //2//

Verse: 3 
Halfverse: a    
índrāya gā́va āśíraṃ duduhré vajríṇe mádʰu /
Halfverse: c    
yát sīm upahvaré vidát //3//

Verse: 4 
Halfverse: a    
úd yád bradʰnásya viṣṭápaṃ gr̥hám índraś ca gánvahi /
Halfverse: c    
mádʰvaḥ pītvā́ sacevahi tríḥ saptá sákʰyuḥ padé //4//

Verse: 5 
Halfverse: a    
árcata prā́rcata príyamedʰāso árcata /
Halfverse: c    
árcantu putrakā́ utá púraṃ dʰr̥ṣṇv àrcata //5//

Verse: 6 
Halfverse: a    
áva svarāti gárgaro godʰā́ pári saniṣvaṇat /
Halfverse: c    
píṅgā pári caniṣkadad índrāya bráhmódyatam //6//

Verse: 7 
Halfverse: a    
ā́ yát pátanty enyàḥ sudúgʰā ánapaspʰuraḥ /
Halfverse: c    
apaspʰúraṃ gr̥bʰāyata sómam índrāya pā́tave //7//

Verse: 8 
Halfverse: a    
ápād índro ápād agnír víśve devā́ amatsata /
Halfverse: c    
váruṇa íd ihá kṣayat tám ā́po abʰy ànūṣata vatsáṃ saṃśíśvarīr iva //8//

Verse: 9 
Halfverse: a    
sudevó asi varuṇa yásya te saptá síndʰavaḥ /
Halfverse: c    
anukṣáranti kākúdaṃ sūryàṃ suṣirā́m iva //9//

Verse: 10 
Halfverse: a    
vyátīm̐r ápʰāṇayat súyuktām̐ úpa dāśúṣe /
Halfverse: c    
takvó netā́ tád íd vápur upamā́ ámucyata //10//

Verse: 11 
Halfverse: a    
átī́d u śakrá ohata índro víśvā áti dvíṣaḥ /
Halfverse: c    
bʰinát kanī́na odanáṃ pacyámānaṃ paró girā́ //11//

Verse: 12 
Halfverse: a    
arbʰakó kumārakó 'dʰi tiṣṭʰann ávaṃ rátʰam /
Halfverse: c    
pakṣan mahiṣáṃ mr̥gáṃ pitré mātré vibʰukrátum //12//

Verse: 13 
Halfverse: a    
ā́ tū́ suśipra daṃpate rátʰaṃ tiṣṭʰā hiraṇyáyam /
Halfverse: c    
ádʰa dyukṣáṃ sacevahi sahásrapādam aruṣáṃ svastigā́m anehásam //13//

Verse: 14 
Halfverse: a    
tám gʰem ittʰā́ namasvína úpa svarā́jam āsate /
Halfverse: c    
ártʰaṃ cid asya súdʰitaṃ yád étave āvartáyanti dāváne //14//

Verse: 15 
Halfverse: a    
ánu pratnásyaúkasaḥ priyámedʰāsa eṣām /
Halfverse: c    
pū́rvām ánu práyatiṃ vr̥ktábarhiṣo hitáprayasa āśata //15//

Verse: 16 
Halfverse: a    
rā́jā carṣaṇīnā́ṃ yā́tā rátʰebʰir ádʰriguḥ /
Halfverse: c    
víśvāsāṃ tarutā́ pŕ̥tanānāṃ jyéṣṭʰo vr̥trahā́ gr̥ṇé //16//

Verse: 17 
Halfverse: a    
índraṃ táṃ śumbʰa puruhanmann ávase yásya dvitā́ vidʰartári /
Halfverse: c    
hástāya vájraḥ práti dʰāyi darśató mahó divé sū́ryaḥ //17//

Verse: 18 
Halfverse: a    
nákiṣ ṭáṃ kármaṇā naśad yáś cakā́ra sadā́vr̥dʰam /
Halfverse: c    
índraṃ yajñaír viśvágūrtam ŕ̥bʰvasam ádʰr̥ṣṭaṃ dʰr̥ṣṇvòjasam //18//

Verse: 19 
Halfverse: a    
áṣālham ugráṃ pŕ̥tanāsu sāsahíṃ yásmin mahī́r urujráyaḥ /
Halfverse: c    
sáṃ dʰenávo jā́yamāne anonavur dyā́vaḥ kṣā́mo anonavuḥ //19//

Verse: 20 
Halfverse: a    
yád dyā́va indra te śatáṃ śatáṃ bʰū́mīr utá syúḥ /
Halfverse: c    
tvā vajrint sahásraṃ sū́ryā ánu jātám aṣṭa ródasī //20//

Verse: 21 
Halfverse: a    
ā́ paprātʰa mahinā́ vŕ̥ṣṇyā vr̥ṣan víśvā śaviṣṭʰa śávasā /
Halfverse: c    
asmā́m̐ ava magʰavan gómati vrajé vájriṃ citrā́bʰir ūtíbʰiḥ //21//

Hymn: 93 
Verse: 1 
Halfverse: a    
út tvā mandantu stómāḥ kr̥ṇuṣvá rā́dʰo adrivaḥ /
Halfverse: c    
áva brahmadvíṣo jahi //1//

Verse: 2 
Halfverse: a    
padā́ paṇī́m̐r arādʰáso bādʰasva mahā́m̐ asi /
Halfverse: c    
nahí tvā káś caná práti //2//

Verse: 3 
Halfverse: a    
tvám īśiṣe sutā́nām índra tvám ásutānām /
Halfverse: c    
tváṃ rā́jā jánānām //3//

Verse: 4 
Halfverse: a    
īṅkʰáyantīr apasyúva índraṃ jātám úpāsate /
Halfverse: c    
bʰejānā́saḥ suvī́ryam //4//

Verse: 5 
Halfverse: a    
tvám indra bálād ádʰi sáhaso jātá ójasaḥ /
Halfverse: c    
tváṃ vr̥ṣan vŕ̥ṣéd asi //5//

Verse: 6 
Halfverse: a    
tvám indrāsi vr̥trahā́ vy à1ntárikṣam átiraḥ /
Halfverse: c    
úd dyā́m astabʰnā ójasā //6//

Verse: 7 
Halfverse: a    
tvám indra sajóṣasam arkáṃ bibʰarṣi bāhvóḥ /
Halfverse: c    
vájraṃ śíśāna ójasā //7//

Verse: 8 
Halfverse: a    
tvám indrābʰibʰúr asi víśvā jātā́ny ójasā /
Halfverse: c    
víśvā bʰúva ā́bʰavaḥ //8//

Hymn: 94 
Verse: 1 
Halfverse: a    
ā́ yātv índraḥ svápatir mádāya dʰármaṇā tūtujānás túviṣmān /
Halfverse: c    
pratvakṣāṇó áti víśvā sáhāṃsy apāréṇa mahatā́ vŕ̥ṣṇyena //1//

Verse: 2 
Halfverse: a    
suṣṭʰā́mā rátʰaḥ suyámā hárī te mimyákṣa vájro nŕ̥pate gábʰastau /
Halfverse: c    
śī́bʰaṃ rājan supátʰā́ yāhy arvā́ṅ várdʰāma te papúso vŕ̥ṣṇyāni //2//

Verse: 3 
Halfverse: a    
éndravā́ho nr̥pátiṃ vájrabāhum ugrám ugrā́sas taviṣā́sa enam /
Halfverse: c    
prátvakṣasaṃ vr̥ṣabʰáṃ satyáśuṣmam ém asmatrā́ sadʰamā́do vahantu //3//

Verse: 4 
Halfverse: a    
evā́ pátiṃ droṇasā́caṃ sácetasam ūrjá skambʰáṃ dʰarúṇa ā́ vr̥ṣāyase /
Halfverse: c    
ójaḥ kr̥ṣva sáṃ gr̥bʰāya tvé ápy áso yátʰā kenipā́nām inó vr̥dʰé //4//

Verse: 5 
Halfverse: a    
gámann asmé vásūny ā́ śáṃsiṣaṃ svāśíṣaṃ bʰáram ā́ yāhi somínaḥ /
Halfverse: c    
tvám īśiṣe sā́smínn ā́ satsi barhíṣy anādʰr̥ṣyā́ táva pā́trāṇi dʰármaṇā //5//

Verse: 6 
Halfverse: a    
pŕ̥tʰak prā́yan pratʰamā́ deváhūtayó 'kr̥ṇvata śravasyā̀ni duṣṭárā /
Halfverse: c    
śekúr yajñíyāṃ nā́vam ārúham irmaívá ny àviśanta képayaḥ //6//

Verse: 7 
Halfverse: a    
evaívā́pāg ápare santu dūdʰyó 'śvā yéṣāṃ duryúga āyuyujré /
Halfverse: c    
ittʰā́ prā́g úpare santi dāváne purū́ṇi yátra vayúnāni bʰójanā //7//

Verse: 8 
Halfverse: a    
girī́m̐r ájrān réjamānām̐ adʰārayad dyaúḥ krandad antárikṣāṇi kopayat /
Halfverse: c    
samīcīné dʰiṣáṇe ṣkabʰāyati vŕ̥ṣṇaḥ pītvā́ máda uktʰā́ni śaṃsati //8//

Verse: 9 
Halfverse: a    
imáṃ bibʰarmi súkr̥taṃ te aṅkuśáṃ yénārujā́si magʰavaṃ cʰapʰārújaḥ /
Halfverse: c    
asmínt te sávane astv oktyàṃ sutá iṣṭaú magʰavan bodʰy ā́bʰagaḥ //9//

Verse: 10 
Halfverse: a    
góbʰiṣ ṭaremā́matiṃ durévāṃ yávena kṣúdʰaṃ puruhūta víśvām /
Halfverse: c    
vayáṃ rā́jabʰiḥ pratʰamā́ dʰánāny asmā́kena vr̥jánenā jayema //10//

Verse: 11 
Halfverse: a    
bŕ̥haspátir naḥ pári pātu paścā́d utóttarasmād ádʰarād agʰayóḥ /
Halfverse: c    
índraḥ purástād utá madʰyató naḥ sákʰā sákʰibʰyo várivaḥ kr̥ṇotu //11//

Hymn: 95 
Verse: 1 
Halfverse: a    
tríkadrukeṣu mahiṣó yávāśiraṃ tuviśúṣmas tr̥pát sómam apibad víṣṇunā sutáṃ yatʰā́vaśat /
Halfverse: c    
īṃ mamāda máhi kárma kártave mahā́m urúṃ saínaṃ saścad devó deváṃ satyám índraṃ satyá índuḥ //1//

Verse: 2 
Halfverse: a    
pró ṣv àsmai puroratʰám índrāya śūṣám arcata /
Halfverse: c    
abʰī́ke cid u lokakŕ̥t saṃgé samátsu vr̥trahā́smā́kaṃ bodʰi coditā́ nábʰantām anyakéṣāṃ jyākā́ ádʰi dʰánvasu //2//

Verse: 3 
Halfverse: a    
tváṃ síndʰūm̐r ávāsr̥jo 'dʰarā́co áhann áhim /
Halfverse: c    
aśatrúr indra jajñiṣe víśvaṃ puṣyasi vā́ryaṃ táṃ tvā pári ṣvajāmahe nábʰantām anyakéṣāṃ jyākā́ ádʰi dʰánvasu //3//

Verse: 4 
Halfverse: a    
ṣú víśvā árātayo 'ryó naśanta no dʰíyaḥ /
Halfverse: c    
ástāsi śátrave vadʰáṃ na indra jígʰāṃsati yā́ te rātír dadír vásu /
Halfverse: e    
nábʰantām anyakéṣāṃ jyakā́ ádʰi dʰánvasu //4//

Hymn: 96 
Verse: 1 
Halfverse: a    
tīvrásyābʰívayaso asyá pāhi sarvaratʰā́ hárī ihá muñca /
Halfverse: c    
índra mā́ tvā yájamānāso anyé rīraman túbʰyam imé sutā́saḥ //1//

Verse: 2 
Halfverse: a    
túbʰyaṃ sutā́s túbʰyam u sótvāsas tvā́ṃ gíraḥ śvā́tryā ā́ hvayanti /
Halfverse: c    
índredám adyá sávanaṃ juṣāṇó víśvasya vidvā́m̐ ihá pāhi sómam //2//

Verse: 3 
Halfverse: a    
uśatā́ mánasā sómam asmai sarvahr̥dā́ devákāmaḥ sunóti /
Halfverse: c    
gā́ índras tásya párā dadāti praśastám íc cā́rum asmai kr̥ṇoti //3//

Verse: 4 
Halfverse: a    
ánuspaṣṭo bʰavaty eṣó asya asmai revā́n sunóti sómam /
Halfverse: c    
nír aratnaú magʰávā táṃ dadʰāti brahmadvíṣo hanty ánānudiṣṭaḥ //4//

Verse: 5 
Halfverse: a    
aśvāyánto gavyánto vājáyanto hávāmahe tvópagantavā́ u /
Halfverse: c    
ābʰū́ṣantas te sumataú návāyāṃ vayám indra tvā śunáṃ huvema //5//

Verse: 6 
Halfverse: a    
muñcā́mi tvā havíṣā jī́vanāya kám ajñātayakṣmā́d utá rājayakṣmā́t /
Halfverse: c    
grā́hir jagrā́ha yády etád tásyā indrāgnī prá mumuktam enam //6//

Verse: 7 
Halfverse: a    
yádi kṣitā́yur yádi páreto yádi mr̥tyór antikáṃ nī́ta evá /
Halfverse: c    
tám ā́ harāmi nírr̥ter upástʰād áspārśam enaṃ śatáśāradāya //7//

Verse: 8 
Halfverse: a    
sahasrākṣéṇa śatávīryeṇa śatā́yuṣā havíṣā́hārṣam enam /
Halfverse: c    
índro yátʰainaṃ śarádo náyāty áti víśvasya duritásya pārám //8//

Verse: 9 
Halfverse: a    
śatáṃ jīva śarádo várdʰamānaḥ śatáṃ hemantā́n cʰatám u vasantā́n /
Halfverse: c    
śatáṃ ta índro agníḥ savitā́ bŕ̥haspátiḥ śatā́yuṣā havíṣā́hārṣam enam //9//

Verse: 10 
Halfverse: a    
ā́hārṣam ávidaṃ tvā púnar ā́gāḥ púnarṇavaḥ /
Halfverse: c    
sárvāṅga sárvaṃ te cákṣuḥ sárvam ā́yuś ca te 'vidam //10//

Verse: 11 
Halfverse: a    
bráhmaṇāgníḥ samvidānó rakṣohā́ bādʰatām itáḥ /
Halfverse: c    
ámīvā yás te gárbʰaṃ durṇā́mā yónim āśáye //11//

Verse: 12 
Halfverse: a    
yás te gárbʰam ámīvā durṇā́mā yónim āśáye /
Halfverse: c    
agníṣ ṭáṃ bráhmaṇā sahá níṣ kravyā́dam anīnaśat //12//

Verse: 13 
Halfverse: a    
yás te hánti patáyantaṃ niṣatsnúṃ yáḥ sarīsr̥pám /
Halfverse: c    
jātáṃ yás te jígʰāṃsati tám itó nāśayāmasi //13//

Verse: 14 
Halfverse: a    
yás ta ūrū́ viháraty antarā́ dámpatī śáye /
Halfverse: c    
yóniṃ antár ārélhi tám itó nāśayāmasi //14//

Verse: 15 
Halfverse: a    
yás tvā bʰrā́tā pátir bʰūtvā́ jāró bʰūtvā́ nipádyate /
Halfverse: c    
prajā́ṃ yás te jígʰāṃsati tám itó nāśayāmasi //15//

Verse: 16 
Halfverse: a    
yás tvā svápnena támasā mohayitvā́ nipádyate /
Halfverse: c    
prajā́ṃ yás te jígʰāṃsati tám itó nāśayāmasi //16//

Verse: 17 
Halfverse: a    
akṣī́bʰyāṃ te nā́sikābʰyāṃ kárṇābʰyāṃ cʰúbukād ádʰi /
Halfverse: c    
yákṣmaṃ śī́rṣaṇyàṃ mastíṣkāj jihvā́yā vr̥hāmi te //17//

Verse: 18 
Halfverse: a    
grīvā́bʰyas ta uṣṇíhābʰyaḥ kī́kasābʰyo anūkyā̀t /
Halfverse: c    
yákṣmaṃ doṣaṇyà1m áṃsābʰyāṃ bāhúbʰyāṃ vr̥hāmi te //18//

Verse: 19 
Halfverse: a    
hŕ̥dayāt te pári klomnó hálīkṣṇāt pārśvā́bʰyām /
Halfverse: c    
yákṣmaṃ mátasnābʰyāṃ plīhnó yaknás te vr̥hāmasi //19//

Verse: 20_{19} 
Halfverse: a    
āntrébʰyas te gúdābʰyo vaniṣṭʰór udárād ádʰi /
Halfverse: c    
yákṣmaṃ kukṣíbʰyāṃ plāśér nā́bʰyā vr̥hāmi te //20//

Verse: 21_{20} 
Halfverse: a    
ūrúbʰyāṃ te aṣṭʰīvádbʰyāṃ pā́rṣṇibʰyāṃ prápadābʰyām /
Halfverse: c    
yákṣmaṃ bʰasadyà1ṃ śróṇibʰyāṃ bʰā́sadaṃ bʰā́ṃsaso vr̥hāmi te //21//

Verse: 22 
Halfverse: a_[-]    
méhanād vanaṃkáraṇāl lómabʰyas te nakʰébʰyaḥ /
Halfverse: c_[-]    
yákṣmaṃ sárvasmād ātmánas tám idáṃ vr̥hāmi te //22//
Halfverse: [a]    
astʰíbʰyas te majjábʰyaḥ snā́vabʰyo dʰamánibʰyaḥ
Halfverse: [c]    
yákṣmaṃ pāṇíbʰyām aṅgúlibʰyo nakʰébʰyo vr̥hāmi te //22//

Verse: 23_{22} 
Halfverse: a    
áṅgeaṅge lómnilomni yás te párvaṇiparvaṇi /
Halfverse: c    
yákṣaṃ tvacasyàṃ te vayáṃ kaśyápasya vībarhéṇa víṣvañcaṃ vr̥hāmasi //23//

Verse: 24_{23} 
Halfverse: a    
ápehi manasas paté 'pa kāma paráś cara /
Halfverse: c    
paró nírr̥tyā ā́ cakṣva bahudʰā́ jī́vato mánaḥ //24//

Hymn: 97 
Verse: 1 
Halfverse: a    
vayám enam idā́ hyópīpemehá vajríṇam /
Halfverse: c    
tásmā u adyá samanā́ sutáṃ bʰarā́ nūnáṃ bʰūṣata śruté //1//

Verse: 2 
Halfverse: a    
vŕ̥kaś cid asya vāraṇá urāmátʰir ā́ vayúneṣu bʰūṣati /
Halfverse: c    
sémáṃ naḥ stómaṃ jujuṣāṇá ā́ gahī́ndra prá citráyā dʰiyā́ //2//

Verse: 3 
Halfverse: a    
kád u nv àsyā́kr̥tam índrasyāsti paúṃsyam /
Halfverse: c    
kéno kaṃ śrómatena śuśruve janúṣaḥ pári vr̥trahā́ //3//

Hymn: 98 
Verse: 1 
Halfverse: a    
tvā́m íd dʰí hávāmahe sātā́ vā́jasya kārávaḥ /
Halfverse: c    
tvā́ṃ vr̥tréṣv indra sátpatiṃ náras tvāṃ kā́ṣṭʰāsv árvataḥ //1//

Verse: 2 
Halfverse: a    
tváṃ naś citra vajrahasta dʰr̥ṣṇuyā́ mahá stavānó adrivaḥ /
Halfverse: c    
gā́m áśvaṃ ratʰyàm indra sáṃ kira satrā́ vā́jaṃ jigyúṣe //2//

Hymn: 99 
Verse: 1 
Halfverse: a    
abʰí tvā pūrvápītaya índra stómebʰir āyávaḥ /
Halfverse: c    
samīcīnā́sa r̥bʰávaḥ sám asvaran rudrā́ gr̥ṇanta pū́rvyam //1//

Verse: 2 
Halfverse: a    
asyéd índro vāvr̥dʰe vŕ̥ṣṇyaṃ śávo máde sutásya víṣṇavi /
Halfverse: c    
adyā́ tám asya mahimā́nam āyávó 'nu ṣṭuvanti pūrvátʰā //2//

Hymn: 100 
Verse: 1 
Halfverse: a    
ádʰā hī́ndra girvaṇa úpa tvā kā́mān maháḥ sasr̥jmáhe /
Halfverse: c    
udéva yánta udábʰiḥ //1//

Verse: 2 
Halfverse: a    
vā́r ṇá tvā yavyā́bʰir várdʰanti śūra bráhmāṇi /
Halfverse: c    
vāvr̥dʰvā́ṃsaṃ cid adrivo divédive //2//

Verse: 3 
Halfverse: a    
yuñjánti hárī iṣirásya gā́tʰayoraú rátʰa urúyuge /
Halfverse: c    
indravā́hā vacoyújā //3//

Hymn: 101 
Verse: 1 
Halfverse: a    
agníṃ dūtáṃ vr̥ṇīmahe hótāraṃ viśvávedasam /
Halfverse: c    
asyá yajñásya sukrátum //1//

Verse: 2 
Halfverse: a    
agnímagniṃ hávīmabʰiḥ sádā havanta viśpátim /
Halfverse: c    
havyavā́haṃ purupriyám //2//

Verse: 3 
Halfverse: a    
ágne devā́m̐ ihā́ vaha jajñānó vr̥ktábarhiṣe /
Halfverse: c    
ási hótā na ī́ḍyaḥ //3//

Hymn: 102 
Verse: 1 
Halfverse: a    
īlényo namasyàs tirás támāṃsi darśatáḥ /
Halfverse: c    
sám agnír idʰyate vŕ̥ṣā //1//

Verse: 2 
Halfverse: a    
vŕ̥ṣo agníḥ sám idʰyaté 'śvo devavā́hanaḥ /
Halfverse: c    
táṃ havíṣmantaḥ īlate //2//

Verse: 3 
Halfverse: a    
vŕ̥ṣaṇaṃ tvā vayáṃ vr̥ṣan vŕ̥ṣaṇaḥ sám idʰīmahi /
Halfverse: c    
ágne dī́dyataṃ br̥hát //3//

Hymn: 103 
Verse: 1 
Halfverse: a    
agním īliṣvā́vase gā́tʰābʰiḥ śīráśociṣam /
Halfverse: c    
agníṃ rāyé purumīlha śrutáṃ náro 'gníṃ sudītáye cʰardíḥ //1//

Verse: 2 
Halfverse: a    
ágna ā́ yāhy agníbʰir hótāraṃ tvā vr̥ṇīmahe /
Halfverse: c    
ā́ tvā́m anaktu práyatā havíṣmatī yájiṣṭʰaṃ barhír āsáde //2//

Verse: 3 
Halfverse: a    
ácʰa tvā sahasaḥ sūno aṅgiraḥ srúcaś cáranty adʰvaré /
Halfverse: c    
ūrjó nápātaṃ gʰr̥tákeśam īmahe 'gníṃ yajñéṣu pūrvyám //3//

Hymn: 104 
Verse: 1 
Halfverse: a    
imā́ u tvā purūvaso gíro vardʰantu yā́ máma /
Halfverse: c    
pāvakávarṇāḥ śúcayo vipaścíto 'bʰí stómair anūṣata //1//

Verse: 2 
Halfverse: a    
ayáṃ sahásram ŕ̥ṣibʰiḥ sáhaskr̥taḥ samudrá iva papratʰe /
Halfverse: c    
satyáḥ asya mahimā́ gr̥ne śávo yajñéṣu viprarā́jye //2//

Verse: 3 
Halfverse: a    
ā́ no víśvāsu hávya índraḥ samátsu bʰūṣatu /
Halfverse: c    
úpa bráhmāṇi sávanāni vr̥trahā́ paramajyā́ ŕ̥cīṣamaḥ //3//

Verse: 4 
Halfverse: a    
tváṃ dātā́ pratʰamó rā́gʰasām asy ási satyá īśānakŕ̥t /
Halfverse: c    
tuvidyumnásya yújyā vr̥ṇīmahe putrásya śávaso maháḥ //4//

Hymn: 105 
Verse: 1 
Halfverse: a    
tvám indra prátūrtiṣv abʰí víśvā asi spŕ̥dʰaḥ /
Halfverse: c    
aśastihā́ janitā́ viśvatū́r asi tváṃ tūrya taruṣyatáḥ //1//

Verse: 2 
Halfverse: a    
ánu te śúṣmaṃ turáyantam īyatuḥ kṣoṇī́ śíśuṃ mātárā /
Halfverse: c    
víśvās te spŕ̥dʰaḥ śnatʰayanta manyáve vr̥tráṃ yád indra tū́rvasi //2//

Verse: 3 
Halfverse: a    
itá ūtī́ vo ajáraṃ prahetā́ram áprahitam /
Halfverse: c    
āśúṃ jétāraṃ hétāraṃ ratʰī́tamam átūrtaṃ tugryāvŕ̥dʰam //3//

Verse: 4 
Halfverse: a    
rā́jā carṣaṇīnā́ṃ yā́tā rátʰebʰir ádʰriguḥ /
Halfverse: c    
víśvāsāṃ tarutā́ pŕ̥tanānāṃ jyéṣṭʰo vr̥trahā́ gr̥ṇé //4//

Verse: 5 
Halfverse: a    
índraṃ táṃ śumbʰa puruhanmann ávase yásya dvitā́ vidʰartári /
Halfverse: c    
hástāya vájraḥ práti dʰāyi darśató mahó divé sū́ryaḥ //5//

Hymn: 106 
Verse: 1 
Halfverse: a    
táva tyád indriyáṃ br̥hát táva śúṣmam utá krátum /
Halfverse: c    
vájraṃ śiśāti dʰiṣáṇā váreṇyam //1//

Verse: 2 
Halfverse: a    
táva dyaúr indra paúṃsyaṃ pr̥tʰivī́ vardʰati śrávaḥ /
Halfverse: c    
tvā́m ā́paḥ párvatāsaś ca hinvire //2//

Verse: 3 
Halfverse: a    
tvā́ṃ víṣṇur br̥hán kṣáyo mitró gr̥ṇāti váruṇaḥ /
Halfverse: c    
tvā́ṃ śárdʰo madaty ánu mā́rutam //3//

Hymn: 107 
Verse: 1 
Halfverse: a    
sám asya manyáve víśo víśvā namanta kuṣṭáyaḥ /
Halfverse: c    
samudrā́yeva síndʰavaḥ //1//

Verse: 2 
Halfverse: a    
ójas tád asya titviṣa ubʰé yát samávartayat /
Halfverse: c    
índraś cármeva ródasī //2//

Verse: 3 
Halfverse: a    
cid vr̥trásya dódʰato vájreṇa śatáparvaṇā /
Halfverse: c    
śíro bibʰed vr̥ṣṇínā //3//

Verse: 4 
Halfverse: a    
tád íd āsa bʰúvaneṣu jyéṣṭʰaṃ yáto jajñá ugrás tveṣánr̥mṇaḥ /
Halfverse: c    
sadyó jajñānó riṇāti śátrūn ánu yád enaṃ mádanti víśva ū́māḥ //4//

Verse: 5 
Halfverse: a    
vāvr̥dʰānáḥ śávasā bʰū́ryojāḥ śátrur dāsā́ya bʰiyásaṃ dadʰāti /
Halfverse: c    
ávyanac ca vyanác ca sásni sáṃ te navanta prábʰr̥tā mádeṣu //5//

Verse: 6 
Halfverse: a    
tvé krátum ápi pr̥ñcanti bʰū́ri dvír yád eté trír bʰavanty ū́māḥ /
Halfverse: c    
svādóḥ svā́dīyaḥ svādúnā sr̥jā sám adáḥ mádʰu mádʰunābʰí yodʰīḥ //6//

Verse: 7 
Halfverse: a    
yádi cin tvā dʰánā jáyantaṃ ráṇeraṇe anumádanti víprāḥ /
Halfverse: c    
ójīyaḥ śuṣmint stʰirám ā́ tanuṣva mā́ tvā dabʰan durévāsaḥ kaśókāḥ //7//

Verse: 8 
Halfverse: a    
tváyā vayáṃ śāśadmahe ráṇeṣu prapáśyanto yudʰényāni bʰū́ri /
Halfverse: c    
codáyāmi ta ā́yudʰā vácobʰiḥ sáṃ te śiśāmi bráhmaṇā váyāṃsi //8//

Verse: 9 
Halfverse: a    
tád dadʰiṣé 'vare páre ca yásminn ā́vitʰā́vasā duroṇé /
Halfverse: c    
ā́ stʰāpayata mātáraṃ jigatnúm áta invata kárvarāṇi bʰū́ri //9//

Verse: 10 
Halfverse: a    
stuṣvá varṣman puruvártmānaṃ sám ŕ̥bʰvāṇam inátamam āptám āptyā́nām /
Halfverse: c    
ā́ darśati śávasā bʰū́ryojāḥ prá sakṣati pratimā́naṃ pr̥tʰivyā́ḥ //10//

Verse: 11 
Halfverse: a    
imā́ bráhma br̥háddivaḥ kr̥ṇavad índrāya śūṣám agniyáḥ svarṣā́ḥ /
Halfverse: c    
mahó gotrásya kṣayati svarā́jā túraś cid víśvam arṇavat tápasvān //11//

Verse: 12 
Halfverse: a    
evā́ mahā́n br̥háddivo átʰarvā́vocat svā́ṃ tanvà1m índram evá /
Halfverse: c    
svásārau mātaríbʰvarī aripré hinvánti caine śávasā vardʰáyanti ca //12//

Verse: 13 
Halfverse: a    
citráṃ devā́nāṃ ketúr ánīkaṃ jyótiṣmān pradíśaḥ sū́rya udyán /
Halfverse: c    
divākaró 'ti dyumnaís támāṃsi víśvātārīd duritā́ni śukráḥ //13//

Verse: 14 
Halfverse: a    
citráṃ devā́nām úd agād ánīkaṃ cákṣur mitrásya váruṇasyāgnéḥ /
Halfverse: c    
ā́prād dyā́vāpr̥tʰivī́ antárikṣaṃ sū́rya ātmā́ jágatas tastʰúṣaś ca //14//

Verse: 15 
Halfverse: a    
sū́ryo devī́m uṣásaṃ rócamānāṃ máryo yóṣām abʰy èti paścā́t /
Halfverse: c    
yátrā náro devayánto yugā́ni vitanvaté práti bʰadrā́ya bʰadrám //15//

Hymn: 108 
Verse: 1 
Halfverse: a    
tváṃ na indrā́ bʰaram̐ ójo nr̥mṇáṃ śatakrato vicarṣaṇe /
Halfverse: c    
ā́ vīráṃ pr̥tanāṣáham //1//

Verse: 2 
Halfverse: a    
tváṃ naḥ pitā́ vaso tváṃ mātā́ śatakrato babʰū́vitʰa /
Halfverse: c    
ádʰā te sumnám īmahe //2//

Verse: 3 
Halfverse: a    
tvā́ṃ śuṣmin puruhūta vājayántam úpa bruve śatakrato /
Halfverse: c    
no rāsva suvī́ryam //3//

Hymn: 109 
Verse: 1 
Halfverse: a    
svādór ittʰā́ viṣuváto mádʰvaḥ pibanti gauryàḥ /
Halfverse: c    
yā́ índreṇa sayā́varīr vŕ̥ṣṇā mádanti śobʰáse vásvīr ánu svarā́jyam //1//

Verse: 2 
Halfverse: a    
tā́ asya pr̥śanāyúvaḥ sómaṃ śrīṇanti pŕ̥śnayaḥ /
Halfverse: c    
priyā́ índrasya dʰenávo vájraṃ hinvanti sā́yakaṃ vásvīr ánu svarā́jyam //2//

Verse: 3 
Halfverse: a    
tā́ asya námasā sáhaḥ saparyánti prácetasaḥ /
Halfverse: c    
vratā́ny asya saścire purū́ṇi pūrvácittaye vásvīr ánu svarā́jyam //3//

Hymn: 110 
Verse: 1 
Halfverse: a    
índrāya mádūne sutáṃ pári ṣṭobʰantu no gíraḥ /
Halfverse: c    
arkám arcantu kārávaḥ //1//

Verse: 2 
Halfverse: a    
yásmin víśvā ádʰi śríyo ráṇanti saptá saṃsádaḥ /
Halfverse: c    
índraṃ suté havāmahe //2//

Verse: 3 
Halfverse: a    
tríkadrukeṣu cétanaṃ devā́so yajñám atnata /
Halfverse: c    
tám íd vardʰantu no gíraḥ //3//

Hymn: 111 
Verse: 1 
Halfverse: a    
yát sómam indra víṣṇavi yád gʰa tritá āptyé /
Halfverse: c    
yád marútsu mándase sám índubʰiḥ //1//

Verse: 2 
Halfverse: a    
yád śakra parāváti samudré ádʰi mándase /
Halfverse: c    
asmā́kam ít suté raṇā sám índubʰiḥ //2//

Verse: 3 
Halfverse: a    
yád vā́si sunvató vr̥dʰó yájamānasya satpate /
Halfverse: c    
uktʰé yásya ráṇyasi sám índubʰiḥ //3//

Hymn: 112 
Verse: 1 
Halfverse: a    
yád adyá kác ca vr̥trahann udágā abʰí sūrya /
Halfverse: c    
sárvaṃ tád indra te váśe //1//

Verse: 2 
Halfverse: a    
yád pravr̥ddʰa satpate marā íti mányase /
Halfverse: c    
utó tát satyám ít táva //2//

Verse: 3 
Halfverse: a    
sómāsaḥ parāváti arvāváti sunviré /
Halfverse: c    
sárvāṃs tā́m̐ indra gacʰasi //3//

Hymn: 113 
Verse: 1 
Halfverse: a    
ubʰáyaṃ śr̥ṇávac ca na índro arvā́g idáṃ vácaḥ /
Halfverse: c    
satrā́cyā magʰávā sómapītaye dʰiyā́ śáviṣṭʰa ā́ gamat //1//

Verse: 2 
Halfverse: a    
táṃ svarā́jaṃ vr̥ṣabʰáṃ tám ójase dʰiṣáṇe niṣṭatakṣátuḥ /
Halfverse: c    
utópamā́nāṃ pratʰamó ṣīdasi sómakāmaṃ te mánaḥ //2//

Hymn: 114 
Verse: 1 
Halfverse: a    
abʰrātr̥vyó'anā́ tvám ánāpir indra janúṣā sanā́d asi /
Halfverse: c    
yudʰéd āpitvám icʰase //1//

Verse: 2 
Halfverse: a    
nákī revántaṃ sakʰyā́ya vindase pī́yanti te surāśvàḥ /
Halfverse: c    
yadā́ kr̥ṇóṣi nadanúṃ sám ūhasy ā́d ít pitéva hūyase //2//

Hymn: 115 
Verse: 1 
Halfverse: a    
ahám íd dʰí pitúṣ pári medʰā́m r̥tásya jagrábʰa /
Halfverse: c    
aháṃ sū́rya ivājani //1//

Verse: 2 
Halfverse: a    
aháṃ pratnéna mánmanā gíraḥ śumbʰāmi kaṇvavát /
Halfverse: c    
yénéndraḥ śúṣmam íd dadʰé //2//

Verse: 3 
Halfverse: a    
tvā́m indra tuṣṭuvúr ŕ̥ṣayo ca tuṣṭuvúḥ /
Halfverse: c    
máméd vardʰasva súṣṭutaḥ //3//

Hymn: 116 
Verse: 1 
Halfverse: a    
mā́ bʰūma níṣṭyā ivéndra tvád áraṇā iva /
Halfverse: c    
vánāni prajahitā́ny adrivo duróṣāso amanmahi //1//

Verse: 2 
Halfverse: a    
ámanmahī́d anāśávo 'nugrā́saś ca vr̥trahan /
Halfverse: c    
sukŕ̥t te mahatā́ śūra rā́dʰasā́nu stómaṃ mudīmahi //2//

Hymn: 117 
Verse: 1 
Halfverse: a    
píbā sómam indra mándatu tvā yáṃ te suṣā́va haryaśvā́driḥ /
Halfverse: c    
sotúr bāhúbʰyāṃ súyato nā́rvā //1//

Verse: 2 
Halfverse: a    
yás te mádo yújas cā́rur ásti yéna vr̥trā́ṇi haryaśva háṃsi /
Halfverse: c    
tvā́m indra prabʰūvaso mamattu //2//

Verse: 3 
Halfverse: a    
bódʰā me magʰavan vā́cam émā́ṃ yā́ṃ te vásiṣṭʰo árcati práśastim /
Halfverse: c    
imā́ bráhma sadʰamā́de juṣasva //3//

Hymn: 118 
Verse: 1 
Halfverse: a    
śagdʰy ū ṣú śacīpata índra víśvābʰir ūtíbʰiḥ /
Halfverse: c    
bʰágaṃ tvā yaśásaṃ vasuvídam ánu śūra cárāmasi //1//

Verse: 2 
Halfverse: a    
pauró áśvasya purukŕ̥d gávām asy útso deva hiraṇyáyaḥ /
Halfverse: c    
nákir dā́naṃ parimárdʰiṣat tvé yádyad yā́mi tád ā́ bʰara //2//

Verse: 3 
Halfverse: a    
índram íd devátātaye índraṃ prayaty àdʰvaré /
Halfverse: c    
índraṃ samīké vaníno havāmaha índraṃ dʰánasya sātáye //3//

Verse: 4 
Halfverse: a    
índro mahnā́ ródasī papratʰac cʰáva índraḥ sū́ryam arocayat /
Halfverse: c    
índre ha víśvā bʰúvanāni yemira índre suvānā́sa índavaḥ //4//

Hymn: 119 
Verse: 1 
Halfverse: a    
ástāvi mánma pūrvyáṃ bráhméndrāya vocata /
Halfverse: c    
pūrvī́r r̥tásya br̥hatī́r anūṣata stotúr megʰā́ asr̥kṣata //1//

Verse: 2 
Halfverse: a    
turaṇyávo mádʰumantaṃ gʰr̥taścútaṃ víprāso arkám ānr̥cuḥ /
Halfverse: c    
asmé rayíḥ papratʰe vŕ̥ṣṇyaṃ śávo 'smé suvānā́sa índavaḥ //2//

Hymn: 120 
Verse: 1 
Halfverse: a    
yád indra prā́g ápāg údaṅ nyàg hūyáse nŕ̥bʰiḥ /
Halfverse: c    
símā purū́ nŕ̥ṣūto asy ā́navé 'si praśardʰa turváśe //1//

Verse: 2 
Halfverse: a    
yád rúme rúśame śyā́vake kŕ̥pa índra mādáyase sácā /
Halfverse: c    
káṇvāsas tvā bráhmabʰi stómavāhasa índrā́ yacʰanty ā́ gahi //2//

Hymn: 121 
Verse: 1 
Halfverse: a    
abʰí tvā śūra nonumó 'dugdʰā iva dʰenávaḥ /
Halfverse: c    
ī́śānam asyá jágataḥ svardŕ̥śam ī́śānam indra tastʰúṣaḥ //1//

Verse: 2 
Halfverse: a    
tvā́vām̐ anyó divyó pā́rtʰivo jātó janiṣyate /
Halfverse: c    
aśvāyánto magʰavann indra vājíno gavyántas tvā havāmahe //2//

Hymn: 122 
Verse: 1 
Halfverse: a    
revátīr naḥ sadʰamā́da índre santu tuvívājāḥ /
Halfverse: c    
kṣumánto yā́bʰir mádema //1//

Verse: 2 
Halfverse: a    
ā́ gʰa tvā́vān tmánāptá stotŕ̥bʰyo dʰr̥ṣṇav iyānáḥ /
Halfverse: c    
r̥ṇór ákṣaṃ cakrayòḥ //2//

Verse: 3 
Halfverse: a    
ā́ yád dúvaḥ śatakratav ā́ kā́maṃ jaritr̥̄ṇā́m /
Halfverse: c    
r̥ṇór ákṣaṃ śácībʰiḥ //3//

Hymn: 123 
Verse: 1 
Halfverse: a    
tát sū́ryasya devatváṃ tán mahitváṃ madʰyā́ kártor vítataṃ sáṃ jabʰāra /
Halfverse: c    
yadéd áyukta harítaḥ sadʰástʰād ā́d rā́trī vā́sas tanute simásmai //1//

Verse: 2 
Halfverse: a    
tán mitrásya váruṇasyābʰicákṣe sū́ryo rūpáṃ kr̥ṇute dyór upástʰe /
Halfverse: c    
anantám anyád rúśad asya prā́jaḥ kr̥ṣṇám anyád dʰarítaḥ sáṃ bʰaranti //2//

Hymn: 124 
Verse: 1 
Halfverse: a    
káyā naś citrá ā́ bʰuvad ūtī́ sadā́vr̥dʰaḥ sákʰā /
Halfverse: c    
káyā śáciṣṭʰayā vr̥tā́ //1//

Verse: 2 
Halfverse: a    
kás tvā satyó mádānāṃ máṃhiṣṭʰo matsad ándʰasaḥ /
Halfverse: c    
dr̥lhā́ cid ārúje vásu //2//

Verse: 3 
Halfverse: a    
abʰī́ ṣú naḥ sákʰīnām avitā́ jaritr̥̄ṇā́m /
Halfverse: c    
śatáṃ bʰavāsy ūtíbʰiḥ //3//

Verse: 4 
Halfverse: a    
imā́ kaṃ bʰúvanā sīṣadʰāméndraś ca víśve ca devā́ḥ /
Halfverse: c    
yajñáṃ ca nas tanvàṃ ca prajā́ṃ cādityaír índraḥ sahá cīkḷpāti //4//

Verse: 5 
Halfverse: a    
ādityaír índraḥ ságaṇo marúdbʰir asmā́kaṃ bʰūtv avitā́ tanū́nām /
Halfverse: c    
hatvā́ya devā́ ásurān yád ā́yan devā́ devatvám abʰirákṣamāṇāḥ //5//

Verse: 6 
Halfverse: a    
pratyáñcam arkám anayaṃ cʰácībʰir ā́d ít svadʰā́m iṣirā́m páry apaśyan /
Halfverse: c    
ayā́ vā́jaṃ deváhitaṃ sanema mádema śatáhimāḥ suvī́rāḥ //6//

Hymn: 125 
Verse: 1 
Halfverse: a    
ápendra prā́co magʰavann amítrān ápā́pāco abʰibʰūte nudasva /
Halfverse: c    
ápódīco ápa śūrādʰarā́ca uraú yátʰā táva śárman mádema //1//

Verse: 2 
Halfverse: a    
kuvíd aṅgá yávamanto yávaṃ cid yátʰā dā́nty anupūrváṃ viyū́ya /
Halfverse: c    
ihéhaiṣāṃ kr̥ṇuhi bʰójanāni barhíṣo námovr̥ktiṃ jagmúḥ //2//

Verse: 3 
Halfverse: a    
nahí stʰū́ry r̥tutʰā́ yātám asti nótá śrávo vivide saṃgaméṣu /
Halfverse: c    
gavyánta índraṃ sakʰyā́ya víprā aśvāyánto vŕ̥ṣaṇaṃ vājáyantaḥ //3//

Verse: 4 
Halfverse: a    
yuváṃ surā́mam aśvinā námucāv āsuré sácā /
Halfverse: c    
vipipānā́ śubʰas patī índraṃ kármasv āvatam //4//

Verse: 5 
Halfverse: a    
putrám iva pitárāv aśvínobʰéndrāvátʰuḥ kā́vyair daṃsánābʰiḥ /
Halfverse: c    
yát surā́maṃ vy ápibaḥ śácībʰiḥ sárasvatī tvā magʰavann abʰiṣṇak //5//

Verse: 6 
Halfverse: a    
índraḥ sutrā́mā svávām̐ ávobʰiḥ sumr̥ḍīkó bʰavatu viśvávedāḥ /
Halfverse: c    
bā́dʰatāṃ dvéṣo ábʰayaṃ naḥ kr̥ṇotu suvī́ryasya pátayaḥ syāma //6//

Verse: 7 
Halfverse: a    
sutrā́mā svávām̐ índro asmád ārā́c cid dvéṣaḥ sanutár yuyotu /
Halfverse: c    
tásya vayáṃ sumataú yajñíyasyā́pi bʰadré saumanasé syāma //7//

Hymn: 126 
Verse: 1 
Halfverse: a    
sótor ásr̥kṣata néndraṃ devám amaṃsata /
Halfverse: c    
yátrā́madad vr̥ṣā́kapir aryáḥ puṣṭéṣu mátsakʰā víśvasmād índra úttaraḥ //1//

Verse: 2 
Halfverse: a    
párā hī́ndra dʰā́vasi vr̥ṣā́kaper áti vyátʰiḥ /
Halfverse: c    
áha prá vindasy anyátra sómapītaye víśvasmād índra úttaraḥ //2//

Verse: 3 
Halfverse: a    
kím ayáṃ tvāṃ vr̥ṣā́kapiś cakā́ra hárito mr̥gáḥ /
Halfverse: c    
yásmā irasyásī́d u nv à1ryó puṣṭimád vásu víśvasmād índra úttaraḥ //3//

Verse: 4 
Halfverse: a    
yám imáṃ tváṃ vr̥ṣā́kapiṃ priyám indrābʰirákṣasi /
Halfverse: c    
śvā́ nv àsya jambʰiṣad ápi kárṇe varāhayúr víśvasmād índra úttaraḥ //4//

Verse: 5 
Halfverse: a    
priyā́ taṣṭā́ni me kapír vyàktā vy àdūduṣat /
Halfverse: c    
śíro nv àsya rāviṣaṃ sugáṃ duṣkŕ̥te bʰuvaṃ víśvasmād índra úttaraḥ //5//

Verse: 6 
Halfverse: a    
mát strī́ subʰasáttarā suyā́śutarā bʰuvat /
Halfverse: c    
mát práticyavīyasī sáktʰy údyamīyasī víśvasmād indra úttaraḥ //6//

Verse: 7 
Halfverse: a    
uvé amba sulābʰike yátʰevāṅgáṃ bʰaviṣyáti /
Halfverse: c    
bʰasán me amba sáktʰi me śíro me vī́va hr̥ṣyati víśvasmād índra úttaraḥ //7//

Verse: 8 
Halfverse: a    
kíṃ subāho svaṅgure pŕ̥tʰuṣṭo pŕ̥tʰujāgʰane /
Halfverse: c    
kíṃ śūrapatni nas tvám abʰy àmīṣi vr̥ṣā́kapiṃ víśvasmād índra úttaraḥ //8//

Verse: 9 
Halfverse: a    
avī́rām iva mā́m ayáṃ śarā́rur abʰí manyate /
Halfverse: c    
utā́hám asmi vīríṇī́ndrapatnī marútsakʰā víśvasmād índra úttaraḥ //9//

Verse: 10 
Halfverse: a    
saṃhotráṃ sma purā́ nā́rī sámanaṃ vā́va gacʰati /
Halfverse: c    
vedʰā́ r̥tásya vīríṇī́ndrapatnī mahīyate víśvasmād índra úttaraḥ //10//

Verse: 11 
Halfverse: a    
indrāṇī́m āsú nā́riṣu subʰágām ahám aśravam /
Halfverse: c    
nahy àsyā aparáṃ caná jarásā márate pátir víśvasmād índra úttaraḥ //11//

Verse: 12 
Halfverse: a    
nā́hám indrā́ṇi rāraṇa sákʰyur vr̥ṣā́kaper r̥té /
Halfverse: c    
yásyedám ápyaṃ havíḥ priyáṃ devéṣu gácʰati víśvasmād índra úttaraḥ //12//

Verse: 13 
Halfverse: a    
vŕ̥sākapāyi révati súputra ā́d u súsnuṣe /
Halfverse: c    
gʰásat ta índra ukṣáṇaḥ priyáṃ kācitkaráṃ havír víśvasmād índra úttaraḥ //13//

Verse: 14 
Halfverse: a    
ukṣṇó me páñcadaśa sākáṃ pácanti viṃsatím /
Halfverse: c    
utā́hám admi pī́va íd ubʰā́ kukṣī́ pr̥ṇanti me víśvasmād índra úttaraḥ //14//

Verse: 15 
Halfverse: a    
vr̥ṣabʰó tigmáśr̥ṅgo 'ntár yūtʰéṣu róruvat /
Halfverse: c    
mantʰás ta indra śáṃ hr̥dé yáṃ te sunóti bʰāvayúr víśvasmād índra úttaraḥ //15//

Verse: 16 
Halfverse: a    
séśe yásya rámbate 'ntarā́ saktʰyā̀3 kápr̥t /
Halfverse: c    
sédīśe yásya romaśáṃ niṣedúṣo vijŕ̥mbʰate víśvasmād índra úttaraḥ //16//

Verse: 17 
Halfverse: a    
séśe yásya romaśáṃ niṣedúṣo vijŕ̥mbʰate /
Halfverse: c    
sédīśe yásya rámbate 'ntarā́ saktʰyā̀3 kápr̥t víśvasmād índra úttaraḥ //17//

Verse: 18 
Halfverse: a    
ayám indra vr̥ṣā́kapiḥ párasvantaṃ hatáṃ vidat /
Halfverse: c    
asíṃ sūnā́ṃ návaṃ carúm ā́d edʰasyā́na ā́citaṃ víśvasmād indra úttaraḥ //18//

Verse: 19 
Halfverse: a    
ayám emi vicā́kaśad vicinván dā́sam ā́ryam /
Halfverse: c    
píbāmi pākasútvano 'bʰí dʰī́ram acākaśaṃ víśvasmād índra úttaraḥ //19//

Verse: 20 
Halfverse: a    
dʰánva ca yát kr̥ntátraṃ ca káti svit tā́ yójanā /
Halfverse: c    
nédīyaso vr̥ṣākapé 'stam éhi gr̥hā́m̐ úpa víśvasmād índra úttaraḥ //20//

Verse: 21 
Halfverse: a    
púnar éhi vr̥ṣākape suvitā́ kalpayāvahai /
Halfverse: c    
eṣá svapnanáṃśanó 'stam éṣi patʰā́ púnar víśvasmād índra úttaraḥ //21//

Verse: 22 
Halfverse: a    
yád údañco vr̥ṣākape gr̥hám indrā́jagantana /
Halfverse: c    
kvà1 syá pulvagʰó mr̥gáḥ kám agaṃ janayópano víśvasmād índra úttaraḥ //22//

Verse: 23 
Halfverse: a    
párśur ha nā́ma mānavī́ sākáṃ sasūva viṃśatím /
Halfverse: c    
bʰadráṃ bʰala tyásyā abʰūd yásyā udáram ā́mayad víśvasmād índra úttaraḥ //23//

Hymn: 127 
Verse: 1 
Halfverse: a    
idáṃ jánā úpa śruta nárāśáṃsa stáviṣyate /
Halfverse: c    
ṣaṣṭíṃ sahásrā navatíṃ ca kaurama ā́ ruśámeṣu dadmahe //1//

Verse: 2 
Halfverse: a    
úṣṭrā yásya pravāháṇo vadʰū́manto dvirdáśa /
Halfverse: c    
varṣmā́ rátʰasya jihīḍate divá īṣámāṇā upaspŕ̥śaḥ //2//

Verse: 3 
Halfverse: a    
eṣá iṣā́ya māmahe śatáṃ niṣkā́n dáśa srájaḥ /
Halfverse: c    
trī́ṇi śatā́nyárvatāṃ sahásrā dáśa gónām //3//

Verse: 4 
Halfverse: a    
vácyasva rébʰa vacyasva vr̥kṣé na pakvé śakúnaḥ /
Halfverse: c    
náṣṭe jihvā́ carcarīti kṣuró bʰuríjoriva //4//

Verse: 5 
Halfverse: a    
prá rebʰā́so manīṣā́ vŕ̥ṣā gā́va iverate /
Halfverse: c    
amotapútrakā eṣā́mamóta ívāsate //5//

Verse: 6 
Halfverse: a    
prá rebʰa dʰī́m bʰarasva govídaṃ vasuvídam /
Halfverse: c    
devatrémāṃ vā́caṃ srīṇīhī́ṣurnā́vīrastā́ram //6//

Verse: 7 
Halfverse: a    
rā́jño viśvajánīnasya devómártyām̐ áti /
Halfverse: c    
vaiśvānarásya súṣṭutimā́ sunótā parikṣítaḥ //7//

Verse: 8 
Halfverse: a    
paricʰínnaḥ kṣémam akarot táma ā́sanamācáran /
Halfverse: c    
kúlāyan kr̥ṇván kaúravyaḥ pátir vádati jāyáyā //8//

Verse: 9 
Halfverse: a    
katarát ta ā́ harāṇi dádʰi mántʰāṃ pári śrútam /
Halfverse: c    
jāyā́ḥ pátiṃ pr̥cʰati rāṣṭré rā́jñaḥ parikṣítaḥ //9//

Verse: 10 
Halfverse: a    
abʰī́vásvaḥ prá jihīte yávaḥ pakváḥ patʰó bílam /
Halfverse: c    
jánaḥ bʰadrám édʰati rāṣṭré rā́jñaḥ parikṣítaḥ //10//

Verse: 11 
Halfverse: a    
índraḥ kārúm abūbudʰad úttiṣṭʰa carā jánam /
Halfverse: c    
mámédugrásya cárkr̥dʰi sárva ít te pr̥ṇādaríḥ //11//

Verse: 12 
Halfverse: a    
ihá gā́vaḥ prá jāyadʰvam ihā́śvā́ ihá pū́ruṣāḥ /
Halfverse: c    
ihó sahásradakṣiṇópi pūṣā́ ṣīdati //12//

Verse: 13 
Halfverse: a    
némā́ indra gā́vo riṣan āsā́ṃ gópa rīriṣat /
Halfverse: c    
mā́sām amítrayúrjana índra mā́ stená īśata //13//

Verse: 14 
Halfverse: a    
úpa no na ramasi sū́ktena vácasā vayáṃ bʰadréṇa vácasā vayám /
Halfverse: c    
vánād adʰidʰvanó giró riṣyema kadā́ caná //14//

Hymn: 128 
Verse: 1 
Halfverse: a    
yáḥ sabʰéyo vidatʰyàḥ sutvā́ yajvā́tʰa pū́ruṣaḥ /
Halfverse: c    
sū́ryaṃ cā́mū riśā́dásas tád devā́ḥ prā́g akalpayan //1//

Verse: 2 
Halfverse: a    
jāmyā́ ápratʰayas tád yát sákʰāyaṃ dúdʰūrṣati /
Halfverse: c    
jyéṣṭʰo yád apracetās tád āhur ádʰarāg íti //2//

Verse: 3 
Halfverse: a    
yád bʰadrásya púruṣasya putró bʰavati dādʰr̥ṣíḥ /
Halfverse: c    
tád vipró ábravīd u tád gandʰarváḥ kā́myaṃ vácaḥ //3//

Verse: 4 
Halfverse: a    
yáśca paṇí rágʰujiṣṭʰyó yáśca devā́m̐ ádāśuriḥ /
Halfverse: c    
dʰī́rāṇāṃ śáśvatām aháṃ tád apāg íti śuśruma //4//

Verse: 5 
Halfverse: a    
ca devā́ áyajantā́tʰo ca parādadíḥ /
Halfverse: c    
sū́ryo dívam iva gatvā́ya magʰávā no rapśate //5//

Verse: 6 
Halfverse: a    
yó'nāktā́kṣo anabʰyaktó ámaṇivó áhiraṇyávaḥ /
Halfverse: c    
ábrahmā bráhmaṇaḥ putrástotā́ kálpeṣu saṃmítā //6//

Verse: 7 
Halfverse: a    
āktā́kṣaḥ subʰyaktáḥ súmaṇiḥ súhiraṇyávaḥ /
Halfverse: c    
súbrahmā bráhmaṇaḥ putrástotā́ kálpeṣu saṃmítā //7//

Verse: 8 
Halfverse: a    
áprapāṇā́ ca veśantā́ revā́m̐ áprátidiśyayaḥ /
Halfverse: c    
áyabʰyā kanyā̀ kalyāṇī́ totā́ kálpeṣu saṃmítā //8//

Verse: 9 
Halfverse: a    
súprapāṇā́ ca veśantā́ revā́nt súprátidiśyayaḥ /
Halfverse: c    
súyabʰyā kanyā̀ kalyāṇī́ totā́ kálpeṣu saṃmítā //9//

Verse: 10 
Halfverse: a    
párivr̥ktā́ ca máhiṣī svastyā̀ ca yudʰíṃ gamáḥ /
Halfverse: c    
ánāśuráścā́yāmī́ totā́ kálpeṣu saṃmítā //10//

Verse: 11 
Halfverse: a    
vāvātā́ ca máhiṣī svastyā̀ ca yudʰíṃ gamáḥ /
Halfverse: c    
śvāśúraś cāyāmī́ totā́ kálpeṣu saṃmítā //11//

Verse: 12 
Halfverse: a    
yád indrādo dāśarājñé mā́nuṣaṃ gāhatʰāḥ /
Halfverse: c    
vírūpaḥ sárvasmā āsīt sahá yakṣā́ya kálpate //12//

Verse: 13 
Halfverse: a    
tváṃ vr̥ṣākṣúṃ magʰavann ámraṃ maryā́káro ráviḥ /
Halfverse: c    
tváṃ rauhiṇáṃ vyā̀syo vr̥trásyā́bʰinac cʰíraḥ //13//

Verse: 14 
Halfverse: a    
yáḥ párvatān vyàdadʰād apó vyagāhatʰāḥ /
Halfverse: c    
índro vr̥trahā́nmaháṃ tásmād indra námo 'stu te //14//

Verse: 15 
Halfverse: a    
pr̥ṣṭʰáṃ dʰā́vantaṃ haryór aúccaiḥ śravasám abruvan /
Halfverse: c    
svastyáśva jaítrāyéndram ā́ vaha susrájam //15//

Verse: 16 
Halfverse: a    
tvā śvetā́ ájaiśravasó hā́ryo yuñjánti dákṣiṇam /
Halfverse: c    
pū́rvā námasya devā́nāṃ bíbʰrad indra mahīyate //16//

Hymn: 129 
Verse: 1 
Halfverse: a    
etā́ áśvā ā́ plavante //1//

Verse: 2 
Halfverse: a    
pratīpáṃ prā́ti sutvánam //2//

Verse: 3 
Halfverse: a    
tā́sām ékā háriknikā //3//

Verse: 4 
Halfverse: a    
hárikniké kím icʰāsi //4//

Verse: 5 
Halfverse: a    
sādʰúṃ putráṃ hiraṇyáyam //5//

Verse: 6 
Halfverse: a    
kvā́hataṃ párāsyaḥ //6//

Verse: 7 
Halfverse: a    
yátrāmū́s tísraḥ śiṃśapā́ḥ //7//

Verse: 8 
Halfverse: a    
pári trayaḥ //8//

Verse: 9 
Halfverse: a    
pŕ̥dākavaḥ //9//

Verse: 10 
Halfverse: a    
śŕ̥ṅgaṃ dʰamánta āsate //10//

Verse: 11 
Halfverse: a    
ayánmahā́ te arvāháḥ //11//

Verse: 12 
Halfverse: a    
ícʰákaṃ ságʰāgʰate //12//

Verse: 13 
Halfverse: a    
ságʰāgʰate gómīdyā́ gógatīr íti //13//

Verse: 14 
Halfverse: a    
púmāṃ kusté nímicʰasi //14//

Verse: 15 
Halfverse: a    
pálpa baddʰa váyo íti //15//

Verse: 16 
Halfverse: a    
báddʰa vo ágʰā íti //16//

Verse: 17 
Halfverse: a    
ájāgāra kévikā́ //17//

Verse: 18 
Halfverse: a    
áśvasya vā́ro gośapadyaké //18//

Verse: 19 
Halfverse: a    
śyénīpátī sā́ //19//

Verse: 20 
Halfverse: a    
anāmayópajihvíkā //20//

Hymn: 130 
Verse: 1 
Halfverse: a    
arya bahulímā íṣūni //1//

Verse: 2 
Halfverse: a    
asidyā́ḥ páyaḥ //2//

Verse: 3 
Halfverse: a    
árjunyāḥ páyaḥ //3//

Verse: 4 
Halfverse: a    
káḥ kārṣṇyā́ḥ páyaḥ //4//

Verse: 5 
Halfverse: a    
etáṃ pr̥cʰa kúhaṃ pr̥cʰa //5//

Verse: 6 
Halfverse: a    
kúhākaṃ pakvakáṃ pr̥cʰa //6//

Verse: 7 
Halfverse: a    
yávāno yatiṣvábʰiḥ kubʰiḥ //7//

Verse: 8 
Halfverse: a    
ákupyantaḥ kúpāyakuḥ //8//

Verse: 9 
Halfverse: a    
ā́maṇako máṇatsakaḥ //9//

Verse: 10 
Halfverse: a    
déva tvapratisūrya //10//

Verse: 11 
Halfverse: a    
énaścipaṅktikā́ havíḥ //11//

Verse: 12 
Halfverse: a    
prádúdrudo mágʰāprati //12//

Verse: 13 
Halfverse: a    
śŕ̥ṅga utpanna //13//

Verse: 14 
Halfverse: a    
mā́ tvābʰi sákʰā no vidan //14//

Verse: 15 
Halfverse: a    
vaśā́yāḥ putrám ā́ yanti //15//

Verse: 16 
Halfverse: a    
írāvedumáyaṃ data //16//

Verse: 17 
Halfverse: a    
átʰo iyánníyann íti //17//

Verse: 18 
Halfverse: a    
átʰo iyánníti //18//

Verse: 19 
Halfverse: a    
átʰo śvā́ ástʰiro bʰavan //19//

Verse: 20 
Halfverse: a    
uyáṃ yakā́ṃśalokakā́ //20//

Hymn: 131 
Verse: 1 
Halfverse: a    
ā́minonití bʰadyate //1//

Verse: 2 
Halfverse: a    
tásya anu níbʰañjanam //2//

Verse: 3 
Halfverse: a    
váruṇo yā́ti vásvabʰiḥ //3//

Verse: 4 
Halfverse: a    
śatáṃ bʰā́ratī śávaḥ //4//

Verse: 5 
Halfverse: a    
śatámāśvā́ hiraṇyáyāḥ /
Halfverse: c    
śatáṃ ratʰyā́ hiraṇyáyāḥ /
Halfverse: e    
śatáṃ kutʰā́ hiraṇyáyāḥ /
Halfverse: g    
śatáṃ niṣkā́ hiraṇyáyāḥ //5//

Verse: 6 
Halfverse: a    
áhula kuśa varttaka //6//

Verse: 7 
Halfverse: a    
śapʰéna ivá ohate //7//

Verse: 8 
Halfverse: a    
ā́ya vanénatī jánī //8//

Verse: 9 
Halfverse: a    
vániṣṭʰā nā́va gr̥hyánti //9//

Verse: 10 
Halfverse: a    
idáṃ máhyaṃ mádūríti //10//

Verse: 11 
Halfverse: a    
vr̥kṣā́ḥ sahá tiṣṭʰati //11//

Verse: 12 
Halfverse: a    
pā́ka balíḥ //12//

Verse: 13 
Halfverse: a    
śáka balíḥ //13//

Verse: 14 
Halfverse: a    
áśvattʰa kʰádiro dʰaváḥ //14//

Verse: 15 
Halfverse: a    
áraduparama //15//

Verse: 16 
Halfverse: a    
śáyo hatá iva //16//

Verse: 17 
Halfverse: a    
vyā́pa pū́ruṣaḥ //17//

Verse: 18 
Halfverse: a    
ádūhamityā́ṃ pū́ṣakam //18//

Verse: 19 
Halfverse: a    
átyardʰarcá parasvátaḥ //19//

Verse: 20 
Halfverse: a    
daúva hastíno dr̥tī́ //20//

Hymn: 132 
Verse: 1 
Halfverse: a    
ā́dálābukamékakam //1//

Verse: 2 
Halfverse: a    
álābukam níkʰātakam //2//

Verse: 3 
Halfverse: a    
karkarikó níkʰātakaḥ //3//

Verse: 4 
Halfverse: a    
tád vā́ta únmatʰāyati //4//

Verse: 5 
Halfverse: a    
kúlāyaṃ kr̥ṇavādíti //5//

Verse: 6 
Halfverse: a    
ugráṃ vaniṣádātatam //6//

Verse: 7 
Halfverse: a    
vaniṣadánātatam //7//

Verse: 8 
Halfverse: a    
eṣāṃ kárkarī likʰat //8//

Verse: 9 
Halfverse: a    
eṣāṃ dundúbʰiṃ hanat //9//

Verse: 10 
Halfverse: a    
yádīyáṃ hanat kátʰaṃ hanat //10//

Verse: 11 
Halfverse: a    
devī́ hanat kúhanat //11//

Verse: 12 
Halfverse: a    
páryāgāraṃ púnaḥpunaḥ //12//

Verse: 13 
Halfverse: a    
trī́ṇyuṣṭrásya nā́māni //13//

Verse: 14 
Halfverse: a    
hiraṇyá ítyéke abravīt //14//

Verse: 15 
Halfverse: a    
dvaú śiśavaḥ //15//

Verse: 16 
Halfverse: a    
nī́laśikʰaṇḍavā́hanaḥ //16//

Hymn: 133 
Verse: 1 
Halfverse: a    
vítatau kiraṇau dvaú tā́vā pinaṣṭi pū́ruṣaḥ /
Halfverse: c    
vai kumāri tát tátʰā yátʰā kumāri mányase //1//

Verse: 2 
Halfverse: a    
mātúṣṭé kiraṇau dvaú nívr̥ttaḥ púruṣānr̥te /
Halfverse: c    
vai kumāri tát tátʰā yátʰā kumāri mányase //2//

Verse: 3 
Halfverse: a    
nígr̥hya kárṇakau dvaú nírāyacʰasi mádʰyame /
Halfverse: c    
vai kumāri tát tátʰā yátʰā kumāri mányase //3//

Verse: 4 
Halfverse: a    
uttānā́yai śayānā́yai tíṣṭʰantī vā́va gūhasi /
Halfverse: c    
vai kumāri tát tátʰā yátʰā kumāri mányase //4//

Verse: 5 
Halfverse: a    
ślákṣṇāyāṃ ślákṣṇikāyāṃ ślákṣṇamevā́va gūhasi /
Halfverse: c    
vai kumāri tát tátʰā yátʰā kumāri mányase //5//

Verse: 6 
Halfverse: a    
ávaślakṣṇamíva bʰraṃśad antárlomamáti hradé /
Halfverse: c    
vai kumāri tát tátʰā yátʰā kumāri mányase //6//

Hymn: 134 
Verse: 1 
Halfverse: a    
ihéttʰá prā́gápāgúdagadʰárāg árālāgúdabʰartsatʰa //1//

Verse: 2 
Halfverse: a    
ihéttʰá prā́gápāgúdagadʰárāg vatsā́ḥ púruṣanta āsate //2//

Verse: 3 
Halfverse: a    
ihéttʰá prā́gápāgúdagadʰárāk stʰā́līpāko līyate //3//

Verse: 4 
Halfverse: a    
ihéttʰá prā́gápāgúdagadʰárāk vai pr̥tʰú līyate //4//

Verse: 5 
Halfverse: a    
ihéttʰá prā́gápāgúdagadʰárāg ā́ste lāhaṇi lī́śātʰī //5//

Verse: 6 
Halfverse: a    
ihéttʰá prā́gápāgúdagadʰárāg ákṣlílī púcʰílīyate //6//

Hymn: 135 
Verse: 1 
Halfverse: a    
bʰúg ity abʰígataḥ śálityapákrāntaḥ pʰálityabʰíṣṭʰitaḥ /
Halfverse: c    
dundúbʰim āhananābʰyā́ṃ járítárótʰāmo daivá //1//

Verse: 2 
Halfverse: a    
kośabíle rajani grántʰer dʰānám upā́náhi pādám /
Halfverse: c    
úttamāṃ jánimāṃ janyā́núttamāṃ jánīn vártmanyāt //2//

Verse: 3 
Halfverse: a    
álābūni pr̥ṣā́takānyáśvattʰapálāśam /
Halfverse: c    
pípīlikāvátaśváso vidyútsvā́parṇaśapʰó góśapʰó járítarótʰā́mo daivá //3//

Verse: 4 
Halfverse: a    
vī̀me devā́ akraṃsatā́dʰvaryó kṣipráṃ pracára /
Halfverse: c    
susatyám íd gávām asyási prakʰudási //4//

Verse: 5 
Halfverse: a    
patnī́ yádr̥śyate patnī́ yákṣyamāṇā jaritarótʰā́mo daivá /
Halfverse: c    
hotā́ viṣṭīmená jaritar ótʰā́mo daivá //5//

Verse: 6 
Halfverse: a    
ā́dityā ha jaritar áṅgirobʰyo dákṣiṇām anáyan /
Halfverse: c    
tā́ṃ ha jaritaḥ prátyāyaṃs tā́m ú ha jaritaḥ prátyāyan //6//

Verse: 7 
Halfverse: a    
tā́ṃ ha jaritar naḥ prátyagr̥bʰṇaṃs tā́m ú ha jaritar naḥ prátyagr̥bʰṇaḥ /
Halfverse: c    
áhānetarasaṃ na cetánāni yajñā́n étarasaṃ na púrogávāmaḥ //7//

Verse: 8 
Halfverse: a    
utá śvéta ā́śupatvā utó pádyābʰir yáviṣṭʰaḥ /
Halfverse: c    
utém ā́śu mā́naṃ piparti //8//

Verse: 9 
Halfverse: a    
ā́dityā rudrā́ vásavas tvénu ta idáṃ rā́dʰaḥ práti gr̥bʰṇīhy aṅgiraḥ /
Halfverse: c    
idáṃ rā́dʰo vibʰú prábʰu idáṃ rā́dʰo br̥hát pŕ̥tʰu //9//

Verse: 10 
Halfverse: a    
dévā dadatvā́suraṃ tád vo astu súcetanam /
Halfverse: c    
yúṣmām̐ astu dívedive pratyéva gr̥bʰāyat //10//

Verse: 11 
Halfverse: a    
tvám indra śarmáriṇā havyáṃ pā́rāvatebʰyaḥ /
Halfverse: c    
víprāya stuvaté vasuvániṃ duraśravasé vaha //11//

Verse: 12 
Halfverse: a    
tvám indra kapótāya cʰinnapakṣā́ya váñcate /
Halfverse: c    
śyā́mākaṃ pakváṃ pī́lu ca vā́rasmā ákr̥ṇor bahúḥ //12//

Verse: 13 
Halfverse: a    
araṃgaró vāvadīti tredʰā́ baddʰó varatráyā /
Halfverse: c    
írāmaha práśaṃsaty ánirām ápa sedʰati //13//

Hymn: 136 
Verse: 1 
Halfverse: a    
yád asyā aṃhubʰédyāḥ kr̥dʰú stʰūlám upā́tasat /
Halfverse: c    
muṣkā́vídasyā ejató gośapʰé śakulā́v iva //1//

Verse: 2 
Halfverse: a    
yádā stʰūléna pásasāṇau muṣkā́ úpāvadʰīt /
Halfverse: c    
víṣvañcā vasyā́ várdʰataḥ síkatāsv eva gárdabʰau //2//

Verse: 3 
Halfverse: a    
yád alpikāsvàlpikā kárkadʰūkévaṣádyate /
Halfverse: c    
vāsantikám iva téjanaṃ yánty avā́tāya vítpati //3//

Verse: 4 
Halfverse: a    
yád devā́so lalāmaguṃ práviṣṭīmínam āviṣuḥ /
Halfverse: c    
sakulā́ dediśyate nā́rī satyásyākṣibʰúvo yátʰā //4//

Verse: 5 
Halfverse: a    
mahānagnyàtr̥pnadvi mókradadástʰānāsaran /
Halfverse: c    
śáktikānánā svacamáśakaṃ saktu pádyama //5//

Verse: 6 
Halfverse: a    
mahānagnyùlūkʰalam atikrā́manty abravīt /
Halfverse: c    
yátʰā táva vanaspate níragʰnanti tátʰaiveti //6//

Verse: 7 
Halfverse: a    
mahānagnyúpa brūte bʰraṣṭótʰā́pyabʰūbʰuvaḥ /
Halfverse: c    
yátʰaivá te vanaspate píppati tátʰaiveti //7//

Verse: 8 
Halfverse: a    
mahānagnyúpa brūte bʰraṣṭótʰā́pyabʰūbʰuvaḥ /
Halfverse: c    
yátʰā vayo vídā́hya svargé namávádahyate //8//

Verse: 9 
Halfverse: a    
mahānagnyúpa brūte svasāvéśitaṃ pásaḥ /
Halfverse: c    
ittʰáṃ pʰálasya vŕ̥kṣasya śū́rpe śūrpaṃ bʰájemahi //9//

Verse: 10 
Halfverse: a    
mahānagnī́ kr̥kavākaṃ śámyayā pári dʰāvati /
Halfverse: c    
ayáṃ na vidmá mr̥gáḥ śīrṣṇā́ harati dʰā́ṇikām //10//

Verse: 11 
Halfverse: a    
mahānagnī́ mahānagnáṃ dʰā́vantam ánu dʰāvati /
Halfverse: c    
imā́s tád asya gā́ rakṣa yábʰa mā́m addʰyaudanám //11//

Verse: 12 
Halfverse: a    
súdevas tvā mahā́nagnīr bábādʰate mahatáḥ sādʰu kʰodánam /
Halfverse: c    
kusáṃ pī́varó navat //12//

Verse: 13 
Halfverse: a    
vaśā́ dagdʰā́m imāṅguríṃ prásr̥jatográtaṃ pare /
Halfverse: c    
mahā́n vaí bʰadró yábʰa mā́m addʰyaudanám //13//

Verse: 14 
Halfverse: a    
vídevas tvā mahā́nagnīr víbādʰate mahatáḥ sādʰu kʰodánam /
Halfverse: c    
kumārīkā́ piṅgalikā́ kā́rda bʰásmā ku dʰā́vati //14//

Verse: 15 
Halfverse: a    
mahā́n vai bʰadró bilvó mahā́n bʰadra udumbáraḥ /
Halfverse: c    
mahā́m̐ abʰiktá bādʰate mahatáḥ sādʰu kʰodánam //15//

Verse: 16 
Halfverse: a    
yáḥ kumārī́ piṅgalikā́ vásantaṃ pīvarī́ labʰet /
Halfverse: c    
taílakuṇdamímāṅguṣṭʰáṃ ródantaṃ śudam úddʰaret //16//

Hymn: 137 
Verse: 1 
Halfverse: a    
yád dʰa prā́cīr ájagantóro maṇḍūradʰāṇikīḥ /
Halfverse: c    
hatā́ índrasya śátravaḥ sárve budbudáyāśavaḥ //1//

Verse: 2 
Halfverse: a    
kápr̥n naraḥ kapr̥tʰám úd dadʰātana codáyata kʰudáta vā́jasātaye /
Halfverse: c    
niṣṭigryàḥ putrám ā́ cyāvayotáya índraṃ sabā́dʰa ihá sómapītaye //2//

Verse: 3 
Halfverse: a    
dadʰikrā́vṇo akāriṣaṃ jiṣṇór áśvasya vājínaḥ /
Halfverse: c    
surabʰí no múkʰā karat prá ṇa ā́yūṃṣi tāriṣat //3//

Verse: 4 
Halfverse: a    
sutā́so mádʰumattamāḥ sómā índrāya mandínaḥ /
Halfverse: c    
pavítravanto akṣaran devā́n gacʰantu vo mádāḥ //4//

Verse: 5 
Halfverse: a    
índur índrāya pavata íti devā́so abruvan /
Halfverse: c    
vācás pátir makʰasyate víśvasyéśāna ójasā //5//

Verse: 6 
Halfverse: a    
sahásradʰāraḥ pavate samudró vācamīṅkʰayáḥ /
Halfverse: c    
sómaḥ pátī rayīṇā́ṃ sákʰéndrasya divédive //6//

Verse: 7 
Halfverse: a    
áva drapsó aṃśumátīm atiṣṭʰad iyānáḥ kr̥ṣṇó daśábʰiḥ sahásraiḥ /
Halfverse: c    
ā́vat tám índraḥ śácyā dʰámantam ápa snéhitīr nr̥máṇā adʰatta //7//

Verse: 8 
Halfverse: a    
drapsám apaśyaṃ víṣuṇe cárantam upahvaré nadyò aṃśumátyāḥ /
Halfverse: c    
nábʰo kr̥ṣṇám avatastʰivā́ṃsam íṣyāmi vo vr̥ṣaṇo yúdʰyatājaú //8//

Verse: 9 
Halfverse: a    
ádʰa drapsó aṃśumátyā upástʰé 'dʰārayat tanvàṃ titviṣāṇáḥ /
Halfverse: c    
víśo ádevīr abʰy ā̀cárantīr bŕ̥haspátinā yujéndraḥ sasāhe //9//

Verse: 10 
Halfverse: a    
tváṃ ha tyát saptábʰyo jā́yamāno 'śatrúbʰyo abʰavaḥ śátrur indra /
Halfverse: c    
gūlhé dyā́vāpr̥tʰivī́ ánv avindo vibʰumádbʰyo bʰúvanebʰyo ráṇaṃ dʰāḥ //10//

Verse: 11 
Halfverse: a    
tváṃ ha tyád apratimānám ójo vájreṇa vajrin dʰr̥ṣitó jagʰantʰa /
Halfverse: c    
tváṃ śúṣṇasyā́vātiro vádʰatrais tváṃ gā́ indra śácyéd avindaḥ //11//

Verse: 12 
Halfverse: a    
tám índraṃ vājayāmasi mahé vr̥trā́ya hántave /
Halfverse: c    
vŕ̥ṣā vr̥ṣabʰó bʰuvat //12//

Verse: 13 
Halfverse: a    
índraḥ dā́mane kr̥tá ójiṣṭʰaḥ máde hitáḥ /
Halfverse: c    
dyumnī́ ślokī́ somyáḥ //13//

Verse: 14 
Halfverse: a    
girā́ vájro sáṃbʰr̥taḥ sábalo ánapacyutaḥ /
Halfverse: c    
vavakṣá r̥ṣvó ástr̥taḥ //14//

Hymn: 138 
Verse: 1 
Halfverse: a    
mahā́m̐ índro ójasā parjányo vr̥ṣṭimā́m̐ iva /
Halfverse: c    
stómair vatsásya vāvr̥dʰe //1//

Verse: 2 
Halfverse: a    
prajā́m r̥tásya píprataḥ prá yád bʰáranta váhnayaḥ /
Halfverse: c    
víprā r̥tásya vā́hasā //2//

Verse: 3 
Halfverse: a    
káṇvāḥ índraṃ yád ákrata stómair yajñásya sā́dʰanam /
Halfverse: c    
jāmí bruvata ā́yudʰam //3//

Hymn: 139 
Verse: 1 
Halfverse: a    
ā́ nūnám aśvinā yuváṃ vatsásya gantam ávase /
Halfverse: c    
prā́smai yacʰatam avr̥kám pr̥tʰú cʰardír yuyutáṃ yā́ árātayaḥ //1//

Verse: 2 
Halfverse: a    
yád antárikṣe yád diví yát páñca mā́nuṣām̐ ánu /
Halfverse: c    
nr̥mnáṃ tád dʰattam aśvinā //2//

Verse: 3 
Halfverse: a    
vām dáṃsāṃsy aśvinā víprāsaḥ parimāmr̥śúḥ /
Halfverse: c    
evét kāṇvásya bodʰatam //3//

Verse: 4 
Halfverse: a    
ayáṃ vāṃ gʰarmó aśvinā stómena pári ṣicyate /
Halfverse: c    
ayáṃ sómo mádʰumān vājinīvasū yéna vr̥tráṃ ciketatʰaḥ //4//

Verse: 5 
Halfverse: a    
yád apsú yád vánaspátau yád óṣadʰīṣu purudaṃsasā kr̥tám /
Halfverse: c    
téna māviṣṭam aśvinā //5//

Hymn: 140 
Verse: 1 
Halfverse: a    
yán nāsatyā bʰuraṇyátʰo yád deva bʰiṣajyátʰaḥ /
Halfverse: c    
ayáṃ vāṃ vatsó matíbʰir vindʰate havíṣmantaṃ gácʰatʰaḥ //1//

Verse: 2 
Halfverse: a    
ā́ nūnám aśvínor ŕ̥ṣi stómaṃ ciketa vāmáyā /
Halfverse: c    
ā́ sómaṃ mádʰumattamaṃ gʰarmáṃ siñcād átʰarvaṇi //2//

Verse: 3 
Halfverse: a    
ā́ nūnáṃ ragʰúvartaniṃ rátʰaṃ tiṣṭʰātʰo aśvinā /
Halfverse: c    
ā́ vāṃ stómā imé máma nábʰo cucyavīrata //3//

Verse: 4 
Halfverse: a    
yád adyá vāṃ nāsatyoktʰaír ācucyuvīmáhi /
Halfverse: c    
yád vā́ṇībʰir aśvinevét kaṇvásya bodʰatam //4//

Verse: 5 
Halfverse: a    
yád vāṃ kakṣī́vām̐ utá yád vyàśva ŕ̥ṣir yád vāṃ dīrgʰátamā juhā́va /
Halfverse: c    
pŕ̥tʰī yád vāṃ vainyáḥ sā́daneṣv evéd áto aśvinā cetayetʰām //5//

Hymn: 141 
Verse: 1 
Halfverse: a    
yātáṃ cʰardiṣpā́ utá paraspā́ bʰūtáṃ jagatpā́ utá nas tanūpā́ /
Halfverse: c    
vartís tokā́ya tánayāya yātam //1//

Verse: 2 
Halfverse: a    
yád índreṇa sarátʰaṃ yātʰó aśvinā yád vāyúnā bʰávatʰaḥ sámokasā /
Halfverse: c    
yád ādityébʰir r̥bʰúbʰiḥ sajóṣasā yád víṣṇor vikrámaṇeṣu tíṣṭʰatʰaḥ //2//

Verse: 3 
Halfverse: a    
yád adyā́śvínāv aháṃ huvéya vā́jasātaye /
Halfverse: c    
yát pr̥tsú turváṇe sánas tác cʰréṣṭʰam aśvínor ávaḥ //3//

Verse: 4 
Halfverse: a    
ā́ nūnáṃ yātam aśvinemā́ havyā́ni vāṃ hitā́ /
Halfverse: c    
imé sómāso ádʰi turváśe yádāv imé káṇveṣu vām átʰa //4//

Verse: 5 
Halfverse: a    
yán nāsatyā parāké arvāké ásti bʰeṣajám /
Halfverse: c    
téna nūnáṃ vimadā́ya pracetasā cʰardír vatsā́ya yacʰátam //5//

Hymn: 142 
Verse: 1 
Halfverse: a    
ábʰutsy u prá devyā́ sākáṃ vācā́ham aśvínoḥ /
Halfverse: c    
vy ā̀var devy ā́ matíṃ rātíṃ mártyebʰyaḥ //1//

Verse: 2 
Halfverse: a    
prá bodʰayoṣo aśvínā prá devi sūnr̥te mahi /
Halfverse: c    
prá yajñahotar ānuṣák prá mádāya śrávo br̥hát //2//

Verse: 3 
Halfverse: a    
yád uṣo yā́si bʰānúnā sáṃ sū́ryeṇa rocase /
Halfverse: c    
ā́ hāyám aśvíno rátʰo vartír yāti nr̥pā́yyam //3//

Verse: 4 
Halfverse: a    
yád ā́pītāso aṃśávo gā́vo duhrá ū́dʰabʰiḥ /
Halfverse: c    
yád vā́ṇīr ánuṣata prá devayánto aśvínā //4//

Verse: 5 
Halfverse: a    
prá dyumnā́ya prá śávase prá nr̥ṣā́hyāya śármaṇe /
Halfverse: c    
prá dákṣāya pracetasā //5//

Verse: 6 
Halfverse: a    
yán nūnáṃ dʰībʰír aśvinā pitúr yónā niṣī́datʰaḥ /
Halfverse: c    
yád sumnébʰir uktʰyā //6//

Hymn: 143 
Verse: 1 
Halfverse: a    
táṃ vāṃ rátʰaṃ vayám adyā́ huvema pr̥tʰujráyam aśvinā sáṃgatiṃ góḥ /
Halfverse: c    
yáḥ sūryā́ṃ váhati vandʰurāyúr gírvāhasaṃ purutámaṃ vasūyúm //1//

Verse: 2 
Halfverse: a    
yuváṃ śríyam aśvinā devátā tā́ṃ dívo napātā vanatʰaḥ śácībʰiḥ /
Halfverse: c    
yuvór vápur abʰí pŕ̥kṣaḥ sacante váhanti yát kakuhā́so rátʰe vām //2//

Verse: 3 
Halfverse: a    
vām adyā́ karate rātáhavya ūtáye sutapéyāya vārkaíḥ /
Halfverse: c    
r̥tásya vanúṣe pūrvyā́ya námo yemānó aśvinā́ vavartat //3//

Verse: 4 
Halfverse: a    
hiraṇyáyena purubʰū rátʰenemáṃ yajñáṃ nāsatyópa yātam /
Halfverse: c    
píbātʰa ín mádʰunaḥ somyásya dádʰatʰo rátnaṃ vidʰaté jánāya //4//

Verse: 5 
Halfverse: a    
ā́ no yātaṃ divó ácʰa pr̥tʰivyā́ hiraṇyáyena suvŕ̥tā rátʰena /
Halfverse: c    
mā́ vām anyé yaman devayántaḥ sáṃ yád dadé nā́bʰiḥ pūrvyā́ vām //5//

Verse: 6 
Halfverse: a    
nū́ no rayíṃ puruvī́raṃ br̥hántaṃ dásrā mímātʰām ubʰáyeṣv asmé /
Halfverse: c    
náro yád vām aśvinā stómam ā́vant sadʰástutim ājamīlhā́so agman //6//

Verse: 7 
Halfverse: a    
ihéha yád vāṃ samanā́ papr̥kṣé séyám asmé sumatír vājaratnā /
Halfverse: c    
uruṣyátaṃ jaritā́raṃ yuváṃ ha śritáḥ kā́mo nāsatyā yuvadrík //7//

Verse: 8 
Halfverse: a    
mádʰumatīr óṣadʰīr dyā́va ā́po mádʰuman no bʰavatv antárikṣam /
Halfverse: c    
kṣétrasya pátir mádʰumān no astv áriṣyanto ánv enaṃ carema //8//

Verse: 9 
Halfverse: a    
panā́yyaṃ tád aśvinā kr̥táṃ vāṃ vr̥ṣabʰó divó rájasaḥ pr̥tʰivyā́ḥ /
Halfverse: c    
sahásraṃ śáṃsā utá gáviṣṭau sárvām̐ ít tā́m̐ úpa yātā píbadʰyai //9//


Copyright TITUS Project, Frankfurt a/M, 4.3.2015. No parts of this document may be republished in any form without prior permission by the copyright holder.