TITUS
Rg-Veda: Aitareya-Brahmana
Part No. 11
Previous part

Paragraph: 11 


Sentence: 1    prayājavad ananuyājaṃ kartavyam prāyaṇīyam ity āhur,
   hīnam iva vā etad īṅkʰitam iva yat prāyaṇīyasyānuyājā iti
Sentence: 2    tat-tan nādr̥tyam
Sentence: 3    prayājavad evānuyājavat kartavyam.
   prāṇā vai prayājāḥ prajānuyājā;
   yat prayājān antariyāt prāṇāṃs tad yajamānasyāntariyād,
   yad anuyājān antariyāt prajāṃ tad yajamānasyāntariyāt
Sentence: 4    tasmāt prayājavad evānuyājavat kartavyam
Sentence: 5    patnīr na saṃyājayet, saṃstʰitayajur na juhuyāt
Sentence: 6    tāvataiva yajño 'saṃstʰitaḥ
Sentence: 7    prāyaṇīyasya niṣkāsaṃ nidadʰyāt, tam udayanīyenābʰinirvaped,
   yajñasya saṃtatyai yajñasyāvyavacʰedāyā/tʰo
Sentence: 8    kʰalu yasyām eva stʰālyām prāyaṇīyaṃ nirvapet tasyām
   udayanīyaṃ nirvapet, tāvataiva yajñaḥ saṃtato 'vyavacʰinno bʰavaty
Sentence: 9    amuṣmin vā etena loke rādʰnuvanti nāsminn, ity āhur,
   yat prāyaṇīyam iti.
   prāyaṇīyam iti nirvapanti prāyaṇīyam iti caranti,
   prayanty evāsmāl lokād yajamānā ity
Sentence: 10    avidyayaiva tad āhur.
   vyatiṣajed yājyānuvākyā
Sentence: 11    yāḥ prāyaṇīyasya puronuvākyās tā udayanīyasya yājyāḥ kuryād,
   yā udayanīyasya puronuvākyās tāḥ prāyaṇīyasya yājyāḥ kuryāt.
   tad vyatiṣajaty ubʰayor lokayor r̥ddʰyā, ubʰayor lokayoḥ pratiṣṭhityā.
   ubʰayor lokayor r̥dʰnoty, ubʰayor lokayoḥ pratitiṣṭhati
Sentence: 12    pratitiṣṭhati ya evaṃ vedā/dityaś
Sentence: 13    caruḥ prāyaṇiyo bʰavaty āditya udayanīyo yajñasya dʰr̥tyai,
   yajñasya barsanaddʰyai, yajñasyāprasraṃsāya
Sentence: 14    tad yatʰaivāda, iti ha smāha, tejanyā ubʰayato 'ntayor aprasraṃsāya
   barsau nahyaty, evam evaitad yajñasyobʰayato 'ntayor aprasraṃsaya
   barsau nahyati yad ādityaś caruḥ prāyaṇīyo bʰavaty āditya udayanīyaḥ
Sentence: 15    patʰyayaivetaḥ svastyā prayanti, patʰyāṃ svastim abʰy udyanti;
   svasty evetaḥ prayanti, svasty udyanti svasty udyanti



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.