TITUS
Rg-Veda: Aitareya-Brahmana
Part No. 14
Previous part

Paragraph: 14 


Sentence: 1    anyataro 'naḍvān yuktaḥ syād anyataro vimukto 'tʰa rājānam upāvahareyur
Sentence: 2    yad ubʰayor vimuktayor upāvahareyuḥ, pitr̥devatyaṃ rājānaṃ kuryur
Sentence: 3    yad yuktayor, ayogakṣemaḥ prajā vindet, tāḥ prajāḥ pariplaveran
Sentence: 4    yo 'naḍvān vimuktas tac cʰālāsadām prajānāṃ rūpaṃ,
   yo yuktas tac cakriyāṇāṃ.
   te ye yukte 'nye vimukte 'nya upāvaharanty,
   ubʰav eva te kṣemayogau kalpayanti
Sentence: 5    devāsurā vā eṣu lokeṣu samayatanta.
   ta etasyām prācyāṃ diśy ayatanta,
   tāṃs tato 'surā ajayaṃś te dakṣiṇasyāṃ diśy ayatanta,
   tāṃs tato 'surā ajayaṃś te pratīcyāṃ diśy ayatanta,
   tāṃs tato 'surā ajayaṃś ta udīcyāṃ diśy ayatanta,
   tāṃs tato 'surā ajayaṃs. ta udīcyām prācyāṃ diśy ayatanta,
   te tato na parājayanta. saiṣā dig aparājitā,
   tasmād etasyāṃ diśi yateta vā yātayed veśvaro hānr̥ṇākartos
Sentence: 6    te deva abruvann:
   arājatayā vai no jayanti, rājānaṃ karavāmahā iti. tatʰeti.
   te somaṃ rājānam akurvaṃs, te somena rājnā sarvā diśo 'jayann.
   eṣa vai somarājā yo yajate.
   prāci tiṣṭhaty ādadʰati, tena prācīṃ diśaṃ jayati.
   taṃ dakṣiṇā parivahanti, tena dakṣiṇāṃ diśaṃ jayati.
   tam pratyañcam āvartayanti, tena pratīcīṃ diśaṃ jayati.
   tam udīcas tiṣṭhata upāvaharanti, tenodīciṃ diśaṃ jayati
Sentence: 7    somena rājñā sarvā diśo jayati ya evaṃ veda



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.