TITUS
Rg-Veda: Aitareya-Brahmana
Part No. 25
Previous part

Paragraph: 25 


Sentence: 1    śiro vā etad yajñasya yad ātitʰyaṃ, grīvā upasadaḥ.
   samānaharhiṣī bʰavataḥ, samānaṃ hi śirogrīvam
Sentence: 2    iṣuṃ vā etāṃ devāḥ samaskurvata yad upasadas.
   tasyā Agnir anīkam āsīt, Somaḥ śalyo, Viṣṇus tejanaṃ, Varunaḥ parnāni.
   tām ājyadʰanvāno vyasr̥jaṃs, tayā puro bʰindanta āyaṃs
Sentence: 3    tasmād etā ājyahaviṣo bʰavanti
Sentence: 4    caturo 'gre stanān vratam upaity upasatsu, catuḥsaṃdʰir hīṣur:
   anīkaṃ śalyas tejanam parṇāni
Sentence: 5    trīn stanān vratam upaity upasatsu, triṣaṃdʰir hīṣur:
   anīkaṃ śalyas tejanaṃ. dvau stanau vratam upaity upasatsu,
   dviṣaṃdʰir hīṣuh:
   śalyaś ca hy eva tejanaṃ caikaṃ stanaṃ vratam
   upaity upasatsv, ekā hy eveṣur ity ākʰyāyata, ekayā vīryam kriyate
Sentence: 6    paro varīyāṃso vā ime lokā arvāg aṃhīyaṃsaḥ,
   parastād arvācīr upasada upaity eṣām eva lokānām abʰijityā
Sentence: 7    upasadyāya mīḷhuṣa, imām me agne samidʰam imām upasadaṃ vaner iti
   tisras-tisraḥ sāmidʰenyo rūpasamr̥ddʰā. etad vai yajñasya samr̥ddʰaṃ
   yad rūpasamr̥ddʰaṃ, yat karma kriyamāṇam r̥g abʰivadati
Sentence: 8    jagʰnivatīr yājyānuvākyāḥ kuryād
Sentence: 9    agnir vr̥trāṇi jaṅgʰanad, ya ugra iva śaryahā,
   tvaṃ somāsi satpatir, gayaspʰāno amīvahe, daṃ viṣṇur vi cakrame,
   trīṇi padā vi cakrama ity etā
Sentence: 10    viparyastābʰir aparāhṇe yajati
Sentence: 11    gʰnanto vā etābʰir devāḥ puro bʰindanta āyan yad upasadaḥ
Sentence: 12    sacʰandasaḥ kartavyā na vicʰandaso
Sentence: 13    yad vicʰandasaḥ kuryād, grīvāsu tad gaṇḍaṃ dadʰyād, īśvaro glāvo janitos
Sentence: 14    tasmāt sacʰandasa eva kartavyā na vicʰandasas
Sentence: 15    tad u ha smāhopāvir Jānaśruteya, upasadāṃ kila vai tad brāhmaṇe:
   yasmād apy aślīlasya śrotriyasya mukʰaṃ vy eva jñāyate tr̥ptam iva
   rebʰatīvety. ājyahaviṣo hy upasado, grīvāsu mukʰam adʰyāhitaṃ;
   tasmād dʰa sma tad āha



Next part


This text is part of the TITUS edition of Rg-Veda: Aitareya-Brahmana.

Copyright TITUS Project, Frankfurt a/M, 1.11.2013. No parts of this document may be republished in any form without prior permission by the copyright holder.