TITUS
Rg-Veda: Rg-Veda-Samhita
Part No. 162
Previous part

Hymn: 162 
Verse: 1 
Halfverse: a    mā́ no mitró váruṇo aryamā́yúr índra r̥bʰukṣā́ marútaḥ pári kʰyan /
   mā́ no mitró váruṇo aryamā́yúr
   mā́ naḥ mitráḥ váruṇaḥ aryamā́ āyúḥ
   mā́ no mitró váruṇo aryamā́yúr

Halfverse: b    índra r̥bʰukṣā́ marútaḥ pári kʰyan /
   índraḥ r̥bʰukṣā́ḥ marútaḥ pári kʰyan /
   índra r̥bʰukṣā́ marútaḥ pári kʰyan /

Halfverse: c    yád vājíno devájātasya sápteḥ pravakṣyā́mo vidátʰe vīryā̀ṇi //
   yád vājíno devájātasya sápteḥ
   yát vājínaḥ devájātasya sápteḥ
   yád vājíno devájātasya sápteḥ

Halfverse: d    pravakṣyā́mo vidátʰe vīryā̀ṇi //
   pravakṣyā́maḥ vidátʰe vīryā̀ṇi //
   pravakṣyā́mo vidátʰe vīríyāṇi //


Verse: 2 
Halfverse: a    yán nirṇíjā rékṇasā prā́vr̥tasya rātíṃ gr̥bʰītā́m mukʰató náyanti /
   yán nirṇíjā rékṇasā prā́vr̥tasya
   yát nirṇíjā rékṇasā prā́vr̥tasya
   yán nirṇíjā rékṇasā prā́vr̥tasya

Halfverse: b    rātíṃ gr̥bʰītā́m mukʰató náyanti /
   rātím gr̥bʰītā́m mukʰatáḥ náyanti /
   rātíṃ gr̥bʰītā́m mukʰató náyanti /

Halfverse: c    súprāṅ ajó mémyad viśvárūpa indrāpūṣṇóḥ priyám ápy eti pā́tʰaḥ //
   súprāṅ ajó mémyad viśvárūpa
   súprāṅ ajáḥ mémyat viśvárūpaḥ
   súprāṅ ajó mémiyad viśvárūpa

Halfverse: d    indrāpūṣṇóḥ priyám ápy eti pā́tʰaḥ //
   indrāpūṣṇóḥ priyám ápi eti pā́tʰaḥ //
   indrāpūṣṇóḥ priyám ápy eti pā́tʰaḥ //


Verse: 3 
Halfverse: a    eṣá cʰā́gaḥ puró áśvena vājínā pūṣṇó bʰāgó nīyate viśvádevyaḥ /
   eṣá cʰā́gaḥ puró áśvena vājínā
   eṣá cʰā́gaḥ puráḥ áśvena vājínā
   eṣá cʰā́gaḥ puró áśvena vājínā

Halfverse: b    pūṣṇó bʰāgó nīyate viśvádevyaḥ /
   pūṣṇáḥ bʰāgáḥ nīyate viśvádevyaḥ /
   pūṣṇó bʰāgó nīyate viśvádeviyaḥ /

Halfverse: c    abʰipríyaṃ yát puroḷā́śam árvatā tváṣṭéd enaṃ sauśravasā́ya jinvati //
   abʰipríyaṃ yát puroḷā́śam árvatā
   abʰipríyam yát puroḷā́śam árvatā
   abʰipríyaṃ yát puroḷā́śam árvatā

Halfverse: d    tváṣṭéd enaṃ sauśravasā́ya jinvati //
   tváṣṭā ít enam sauśravasā́ya jinvati //
   tváṣṭéd enaṃ sauśravasā́ya jinvati //


Verse: 4 
Halfverse: a    yád dʰaviṣyàm r̥tuśó devayā́naṃ trír mā́nuṣāḥ páry áśvaṃ náyanti /
   yád dʰaviṣyàm r̥tuśó devayā́naṃ
   yát haviṣyàm r̥tuśáḥ devayā́nam
   yád dʰaviṣyàm r̥tuśó devayā́naṃ

Halfverse: b    trír mā́nuṣāḥ páry áśvaṃ náyanti /
   tríḥ mā́nuṣāḥ pári áśvam náyanti /
   trír mā́nuṣāḥ pári áśvaṃ náyanti /

Halfverse: c    átrā pūṣṇáḥ pratʰamó bʰāgá eti yajñáṃ devébʰyaḥ prativedáyann ajáḥ //
   átrā pūṣṇáḥ pratʰamó bʰāgá eti
   átra+ pūṣṇáḥ pratʰamáḥ bʰāgáḥ eti
   átrā pūṣṇáḥ pratʰamó bʰāgá eti

Halfverse: d    yajñáṃ devébʰyaḥ prativedáyann ajáḥ //
   yajñám devébʰyaḥ prativedáyan ajáḥ //
   yajñáṃ devébʰyaḥ prativedáyann ajáḥ //


Verse: 5 
Halfverse: a    hótādʰvaryúr ā́vayā agnimindʰó grāvagrābʰá utá śáṃstā súvipraḥ /
   hótādʰvaryúr ā́vayā agnimindʰó
   hótā adʰvaryúḥ ā́vayāḥ agnimindʰáḥ
   hótādʰvaryúr ā́vayā agnimindʰó

Halfverse: b    grāvagrābʰá utá śáṃstā súvipraḥ /
   grāvagrābʰáḥ utá śáṃstā súvipraḥ /
   grāvagrābʰá utá śáṃstā súvipraḥ /

Halfverse: c    téna yajñéna svàraṃkr̥tena svìṣṭena vakṣáṇā ā́ pr̥ṇadʰvam //
   téna yajñéna svàraṃkr̥tena
   téna yajñéna svàraṃkr̥tena
   téna yajñéna súaraṃkr̥tena

Halfverse: d    svìṣṭena vakṣáṇā ā́ pr̥ṇadʰvam //
   svìṣṭena vakṣáṇāḥ ā́ pr̥ṇadʰvam //
   súiṣṭena vakṣáṇā ā́ pr̥ṇadʰvam //


Verse: 6 
Halfverse: a    yūpavraskā́ utá yé yūpavāhā́ś caṣā́laṃ yé aśvayūpā́ya tákṣati /
   yūpavraskā́ utá yé yūpavāhā́ś
   yūpavraskā́ḥ utá yé yūpavāhā́ḥ
   yūpavraskā́ utá yé yūpavāhā́ś

Halfverse: b    caṣā́laṃ yé aśvayūpā́ya tákṣati /
   caṣā́lam yé aśvayūpā́ya tákṣati /
   caṣā́laṃ yé aśvayūpā́ya tákṣati /

Halfverse: c    yé cā́rvate pácanaṃ sambʰáranty utó téṣām abʰígūrtir na invatu //
   yé cā́rvate pácanaṃ sambʰáranty
   yé ca árvate pácanam sambʰáranti
   yé cā́rvate pácanaṃ sambʰaránti

Halfverse: d    utó téṣām abʰígūrtir na invatu //
   utá u téṣām abʰígūrtiḥ naḥ invatu //
   utó téṣām abʰígūrtir na invatu //


Verse: 7 
Halfverse: a    úpa prā́gāt sumán me 'dʰāyi mánma devā́nām ā́śā úpa vītápr̥ṣṭʰaḥ /
   úpa prā́gāt sumán me 'dʰāyi mánma
   úpa prá agāt sumát me adʰāyi mánma
   úpa prā́gāt sumán* me adʰāyi mánma

Halfverse: b    devā́nām ā́śā úpa vītápr̥ṣṭʰaḥ /
   devā́nām ā́śāḥ úpa vītápr̥ṣṭʰaḥ /
   devā́nām ā́śā úpa vītápr̥ṣṭʰaḥ /

Halfverse: c    ánv enaṃ víprā ŕ̥ṣayo madanti devā́nām puṣṭé cakr̥mā subándʰum //
   ánv enaṃ víprā ŕ̥ṣayo madanti
   ánu enam víprāḥ ŕ̥ṣayaḥ madanti
   ánv enaṃ víprā ŕ̥ṣayo madanti

Halfverse: d    devā́nām puṣṭé cakr̥mā subándʰum //
   devā́nām puṣṭé cakr̥ma+ subándʰum //
   devā́nām puṣṭé cakr̥mā subándʰum //


Verse: 8 
Halfverse: a    yád vājíno dā́ma saṃdā́nam árvato yā́ śīrṣaṇyā̀ raśanā́ rájjur asya /
   yád vājíno dā́ma saṃdā́nam árvato
   yát vājínaḥ dā́ma saṃdā́nam árvataḥ
   yád vājíno dā́ma saṃdā́nam árvato

Halfverse: b    yā́ śīrṣaṇyā̀ raśanā́ rájjur asya /
   yā́ śīrṣaṇyā̀ raśanā́ rájjuḥ asya /
   yā́ śīrṣaṇyā̀ raśanā́ rájjur asya /

Halfverse: c    yád vā gʰāsya prábʰr̥tam āsyè tŕ̥ṇaṃ sárvā tā́ te ápi devéṣv astu //
   yád vā gʰāsya prábʰr̥tam āsyè tŕ̥ṇaṃ
   yát vā gʰa asya prábʰr̥tam āsyè tŕ̥ṇam
   yád vā gʰāsya prábʰr̥tam āsíye tŕ̥ṇaṃ

Halfverse: d    sárvā tā́ te ápi devéṣv astu //
   sárvā tā́ te ápi devéṣu astu //
   sárvā tā́ te ápi devéṣu astu //


Verse: 9 
Halfverse: a    yád áśvasya kravíṣo mákṣikā́śa yád vā svárau svádʰitau riptám ásti /
   yád áśvasya kravíṣo mákṣikā́śa
   yát áśvasya kravíṣaḥ mákṣikā ā́śa
   yád áśvasya kravíṣo mákṣikā́śa

Halfverse: b    yád vā svárau svádʰitau riptám ásti /
   yát vā svárau svádʰitau riptám ásti /
   yád vā svárau svádʰitau riptám ásti /

Halfverse: c    yád dʰástayoḥ śamitúr yán nakʰéṣu sárvā tā́ te ápi devéṣv astu //
   yád dʰástayoḥ śamitúr yán nakʰéṣu
   yát hástayoḥ śamitúḥ yát nakʰéṣu
   yád dʰástayoḥ śamitúr yán nakʰéṣu

Halfverse: d    sárvā tā́ te ápi devéṣv astu //
   sárvā tā́ te ápi devéṣu astu //
   sárvā tā́ te ápi devéṣu astu //


Verse: 10 
Halfverse: a    yád ū́vadʰyam udárasyāpavā́ti yá āmásya kravíṣo gandʰó ásti /
   yád ū́vadʰyam udárasyāpavā́ti
   yát ū́vadʰyam udárasya apavā́ti
   yád ū́vadʰyam udárasyāpavā́ti

Halfverse: b    yá āmásya kravíṣo gandʰó ásti /
   yáḥ āmásya kravíṣaḥ gandʰáḥ ásti /
   yá āmásya kravíṣo gandʰó ásti /

Halfverse: c    sukr̥tā́ tác cʰamitā́raḥ kr̥ṇvantūtá médʰaṃ śr̥tapā́kam pacantu //
   sukr̥tā́ tác cʰamitā́raḥ kr̥ṇvantu_
   sukr̥tā́ tát śamitā́raḥ kr̥ṇvantu
   sukr̥tā́ tác cʰamitā́raḥ kr̥ṇvantu

Halfverse: d    _utá médʰaṃ śr̥tapā́kam pacantu //
   utá médʰam śr̥tapā́kam pacantu //
   utá médʰaṃ śr̥tapā́kam pacantu //


Verse: 11 
Halfverse: a    yát te gā́trād agnínā pacyámānād abʰí śū́laṃ níhatasyāvadʰā́vati /
   yát te gā́trād agnínā pacyámānād
   yát te gā́trāt agnínā pacyámānāt
   yát te gā́trād agnínā pacyámānād

Halfverse: b    abʰí śū́laṃ níhatasyāvadʰā́vati /
   abʰí śū́lam níhatasya avadʰā́vati /
   abʰí śū́laṃ níhatasyāvadʰā́vati /

Halfverse: c    mā́ tád bʰū́myām ā́ śriṣan mā́ tŕ̥ṇeṣu devébʰyas tád uśádbʰyo rātám astu //
   mā́ tád bʰū́myām ā́ śriṣan mā́ tŕ̥ṇeṣu
   mā́ tát bʰū́myām ā́ śriṣat mā́ tŕ̥ṇeṣu
   mā́ tád bʰū́myām ā́ śriṣan mā́ tŕ̥ṇeṣu

Halfverse: d    devébʰyas tád uśádbʰyo rātám astu //
   devébʰyaḥ tát uśádbʰyaḥ rātám astu //
   devébʰyas tád uśádbʰyo rātám astu //


Verse: 12 
Halfverse: a    yé vājínam paripáśyanti pakváṃ yá īm āhúḥ surabʰír nír haréti /
   yé vājínam paripáśyanti pakváṃ
   yé vājínam paripáśyanti pakvám
   yé vājínam paripáśyanti pakváṃ

Halfverse: b    yá īm āhúḥ surabʰír nír haréti /
   yé īm āhúḥ surabʰíḥ níḥ hara íti /
   yá īm āhúḥ surabʰír nír haréti /

Halfverse: c    yé cā́rvato māṃsabʰikṣā́m upā́sata utó téṣām abʰígūrtir na invatu //
   yé cā́rvato māṃsabʰikṣā́m upā́sata
   yé ca árvataḥ māṃsabʰikṣā́m upā́sate
   yé cā́rvato māṃsabʰikṣā́m upā́sata

Halfverse: d    utó téṣām abʰígūrtir na invatu //
   utá u téṣām abʰígūrtiḥ naḥ invatu //
   utó téṣām abʰígūrtir na invatu //


Verse: 13 
Halfverse: a    yán nī́kṣaṇam māṃspácanyā ukʰā́yā yā́ pā́trāṇi yūṣṇá āsécanāni /
   yán nī́kṣaṇam māṃspácanyā \!\ ukʰā́yā
   yát nī́kṣaṇam māṃspácanyāḥ ukʰā́yāḥ
   yán nī́kṣaṇam māṃspácanyā ukʰā́yā

Halfverse: b    yā́ pā́trāṇi yūṣṇá āsécanāni /
   yā́ pā́trāṇi yūṣṇáḥ āsécanāni /
   yā́ pā́trāṇi yūṣṇá āsécanāni /

Halfverse: c    ūṣmaṇyā̀pidʰā́nā carūṇā́m aṅkā́ḥ sūnā́ḥ pári bʰūṣanty áśvam //
   ūṣmaṇyā̀pidʰā́nā carūṇā́m
   ūṣmaṇyā̀ apidʰā́nā carūṇā́m
   ūṣmaṇíyā apidʰā́nā carūṇā́m

Halfverse: d    aṅkā́ḥ sūnā́ḥ pári bʰūṣanty áśvam //
   aṅkā́ḥ sūnā́ḥ pári bʰūṣanti áśvam //
   aṅkā́ḥ sūnā́ḥ pári bʰūṣanti áśvam //


Verse: 14 
Halfverse: a    nikrámaṇaṃ niṣádanaṃ vivártanaṃ yác ca páḍbīśam árvataḥ /
   nikrámaṇaṃ niṣádanaṃ vivártanaṃ
   nikrámaṇam niṣádanam vivártanam
   nikrámaṇaṃ niṣádanaṃ vivártanaṃ

Halfverse: b    yác ca páḍbīśam árvataḥ /
   yát ca páḍbīśam árvataḥ /
   yác ca páḍbīśam árvataḥ /

Halfverse: c    yác ca papaú yác ca gʰāsíṃ jagʰā́sa sárvā tā́ te ápi devéṣv astu //
   yác ca papaú yác ca gʰāsíṃ jagʰā́sa
   yát ca papaú yát ca gʰāsím jagʰā́sa
   yác ca papaú yác ca gʰāsíṃ jagʰā́sa

Halfverse: d    sárvā tā́ te ápi devéṣv astu //
   sárvā tā́ te ápi devéṣu astu //
   sárvā tā́ te ápi devéṣu astu //


Verse: 15 
Halfverse: a    mā́ tvāgnír dʰvanayīd dʰūmágandʰir mókʰā́ bʰrā́janty abʰí vikta jágʰriḥ /
   mā́ tvāgnír dʰvanayīd dʰūmágandʰir
   mā́ tvā agníḥ dʰvanayīt dʰūmágandʰiḥ
   mā́ tuvāgnír dʰvanayīd dʰūmágandʰir

Halfverse: b    mókʰā́ bʰrā́janty abʰí vikta jágʰriḥ /
   mā́ ukʰā́ bʰrā́jantī abʰí vikta jágʰriḥ /
   mókʰā́ bʰrā́janti abʰí vikta jágʰriḥ /

Halfverse: c    iṣṭáṃ vītám abʰígūrtaṃ váṣaṭkr̥taṃ táṃ devā́saḥ práti gr̥bʰṇanty áśvam //
   iṣṭáṃ vītám abʰígūrtaṃ váṣaṭkr̥taṃ
   iṣṭám vītám abʰígūrtam váṣaṭkr̥tam
   iṣṭáṃ vītám abʰígūrtaṃ váṣaṭkr̥taṃ

Halfverse: d    táṃ devā́saḥ práti gr̥bʰṇanty áśvam //
   tám devā́saḥ práti gr̥bʰṇanti áśvam //
   táṃ devā́saḥ práti gr̥bʰṇanti áśvam //


Verse: 16 
Halfverse: a    yád áśvāya vā́sa upastr̥ṇánty adʰīvāsáṃ yā́ híraṇyāny asmai /
   yád áśvāya vā́sa upastr̥ṇánty
   yát áśvāya vā́saḥ upastr̥ṇánti
   yád áśvāya vā́sa upastr̥ṇánti

Halfverse: b    adʰīvāsáṃ yā́ híraṇyāny asmai /
   adʰīvāsám yā́ híraṇyāni asmai /
   adʰīvāsáṃ yā́ híraṇyāni asmai /

Halfverse: c    saṃdā́nam árvantam páḍbīśam priyā́ devéṣv ā́ yāmayanti //
   saṃdā́nam árvantam páḍbīśam
   saṃdā́nam árvantam páḍbīśam
   saṃdā́nam árvantam páḍbīśam

Halfverse: d    priyā́ devéṣv ā́ yāmayanti //
   priyā́ devéṣu ā́ yāmayanti //
   priyā́ devéṣu ā́ yāmayanti //


Verse: 17 
Halfverse: a    yát te sādé máhasā śū́kr̥tasya pā́rṣṇyā vā káśayā vā tutóda /
   yát te sādé máhasā śū́kr̥tasya
   yát te sādé máhasā śū́kr̥tasya
   yát te sādé máhasā śū́kr̥tasya

Halfverse: b    pā́rṣṇyā vā káśayā vā tutóda /
   pā́rṣṇyā vā káśayā vā tutóda /
   pā́rṣṇiyā vā káśayā vā tutóda /

Halfverse: c    srucéva tā́ havíṣo adʰvaréṣu sárvā tā́ te bráhmaṇā sūdayāmi //
   srucéva tā́ havíṣo adʰvaréṣu
   srucā́ iva tā́ havíṣaḥ adʰvaréṣu
   srucéva tā́ havíṣo adʰvaréṣu

Halfverse: d    sárvā tā́ te bráhmaṇā sūdayāmi //
   sárvā tā́ te bráhmaṇā sūdayāmi //
   sárvā tā́ te bráhmaṇā sūdayāmi //


Verse: 18 
Halfverse: a    cátustriṃśad vājíno devábandʰor váṅkrīr áśvasya svádʰitiḥ sám eti /
   cátustriṃśad vājíno devábandʰor
   cátustriṃśat vājínaḥ devábandʰoḥ
   cátustriṃśad vājíno devábandʰor

Halfverse: b    váṅkrīr áśvasya svádʰitiḥ sám eti /
   váṅkrīḥ áśvasya svádʰitiḥ sám eti /
   váṅkrīr áśvasya svádʰitiḥ sám eti /

Halfverse: c    ácʰidrā gā́trā vayúnā kr̥ṇota páruṣ-parur anugʰúṣyā ví śasta //
   ácʰidrā gā́trā vayúnā kr̥ṇota
   ácʰidrā gā́trā vayúnā kr̥ṇota
   ácʰidrā gā́trā vayúnā kr̥ṇota

Halfverse: d    páruṣ-parur anugʰúṣyā ví śasta //
   páruṣ-paruḥ anugʰúṣya+ ví śasta //
   páruṣ-parur anugʰúṣyā ví śasta //


Verse: 19 
Halfverse: a    ékas tváṣṭur áśvasyā viśastā́ dvā́ yantā́rā bʰavatas tátʰa r̥túḥ /
   ékas tváṣṭur \!\ áśvasyā viśastā́
   ékaḥ tváṣṭuḥ áśvasya+ viśastā́
   ékas tváṣṭur áśuvasyā viśastā́

Halfverse: b    dvā́ yantā́rā bʰavatas tátʰa r̥túḥ /
   dvā́ yantā́rā bʰavataḥ tátʰā r̥túḥ /
   duvā́ yantā́rā bʰavatas tátʰa rtúḥ /

Halfverse: c    yā́ te gā́trāṇām r̥tutʰā́ kr̥ṇómi tā́-tā píṇḍānām prá juhomy agnaú //
   yā́ te gā́trāṇām r̥tutʰā́ kr̥ṇómi
   yā́ te gā́trāṇām r̥tutʰā́ kr̥ṇómi
   yā́ te gā́trāṇām r̥tutʰā́ kr̥ṇómi

Halfverse: d    tā́-tā píṇḍānām prá juhomy agnaú //
   tā́-tā píṇḍanām prá juhomi agnaú //
   tā́-tā píṇḍānām prá juhomi agnaú //


Verse: 20 
Halfverse: a    mā́ tvā tapat priyá ātmā́piyántam mā́ svádʰitis tanvà ā́ tiṣṭʰipat te /
   mā́ tvā tapat priyá ātmā́piyántam
   mā́ tvā tapat priyáḥ ātmā́ apiyántam
   mā́ tvā tapat priyá ātmā́piyántam

Halfverse: b    mā́ svádʰitis tanvà ā́ tiṣṭʰipat te /
   mā́ svádʰitiḥ tanvàḥ ā́ tiṣṭʰipat te /
   mā́ svádʰitis tanvà ā́ tiṣṭʰipat te /

Halfverse: c    mā́ te gr̥dʰnúr aviśastā́tihā́ya cʰidrā́ gā́trāṇy asínā mítʰū kaḥ //
   mā́ te gr̥dʰnúr aviśastā́tihā́ya
   mā́ te gr̥dʰnúḥ aviśastā́ atihā́ya
   mā́ te gr̥dʰnúr aviśastā́tihā́ya

Halfverse: d    cʰidrā́ gā́trāṇy asínā mítʰū kaḥ //
   cʰidrā́ gā́trāṇi asínā mítʰu+ kar //
   cʰidrā́ gā́trāṇi asínā mítʰū kaḥ //


Verse: 21 
Halfverse: a    ná vā́ u etán mriyase ná riṣyasi devā́m̐ íd eṣi patʰíbʰiḥ sugébʰiḥ /
   ná vā́ u etán mriyase ná riṣyasi
   ná vaí u etát mriyase ná riṣyasi
   ná vā́ u etán mriyase ná riṣyasi

Halfverse: b    devā́m̐ íd eṣi patʰíbʰiḥ sugébʰiḥ /
   devā́n ít eṣi patʰíbʰiḥ sugébʰiḥ /
   devā́m̐ íd eṣi patʰíbʰiḥ sugébʰiḥ /

Halfverse: c    hárī te yúñjā pŕ̥ṣatī abʰūtām úpāstʰād vājī́ dʰurí rā́sabʰasya //
   hárī te yúñjā pŕ̥ṣatī abʰūtām
   hárī te yúñjā pŕ̥ṣatī abʰūtām
   hárī te yúñjā pŕ̥ṣatī abʰūtām

Halfverse: d    úpāstʰād vājī́ dʰurí rā́sabʰasya //
   úpa astʰāt vājī́ dʰurí rā́sabʰasya //
   úpāstʰād vājī́ dʰurí rā́sabʰasya //


Verse: 22 
Halfverse: a    sugávyaṃ no vājī́ sváśvyam puṃsáḥ putrā́m̐ utá viśvāpúṣaṃ rayím /
   sugávyaṃ no vājī́ sváśvyam
   sugávyam naḥ vājī́ sváśvyam
   sugáviyaṃ no vājī́ suáśviyam

Halfverse: b    puṃsáḥ putrā́m̐ utá viśvāpúṣaṃ rayím /
   puṃsáḥ putrā́n utá viśvāpúṣam rayím /
   puṃsáḥ putrā́m̐ utá viśvāpúṣaṃ rayím /

Halfverse: c    anāgāstváṃ no áditiḥ kr̥ṇotu kṣatráṃ no áśvo vanatāṃ havíṣmān //
   anāgāstváṃ no áditiḥ kr̥ṇotu
   anāgāstvám naḥ áditiḥ kr̥ṇotu
   anāgāstváṃ no áditiḥ kr̥ṇotu

Halfverse: d    kṣatráṃ no áśvo vanatāṃ havíṣmān //
   kṣatrám naḥ áśvaḥ vanatām havíṣmān //
   kṣatráṃ no áśvo vanatāṃ havíṣmān //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.