TITUS
Rg-Veda: Rg-Veda-Samhita
Part No. 164
Previous part

Hymn: 164 
Verse: 1 
Halfverse: a    asyá vāmásya palitásya hótus tásya bʰrā́tā madʰyamó asty áśnaḥ /
   asyá vāmásya palitásya hótus
   asyá vāmásya palitásya hótuḥ
   asyá vāmásya palitásya hótus

Halfverse: b    tásya bʰrā́tā madʰyamó asty áśnaḥ /
   tásya bʰrā́tā madʰyamáḥ asti áśnaḥ /
   tásya bʰrā́tā madʰyamó asti áśnaḥ /

Halfverse: c    tr̥tī́yo bʰrā́tā gʰr̥tápr̥ṣṭʰo asyā́trāpaśyaṃ viśpátiṃ saptáputram //
   tr̥tī́yo bʰrā́tā gʰr̥tápr̥ṣṭʰo asya_
   tr̥tī́yaḥ bʰrā́tā gʰr̥tápr̥ṣṭʰaḥ asya
   tr̥tī́yo bʰrā́tā gʰr̥tápr̥ṣṭʰo asya

Halfverse: d    _átrāpaśyaṃ viśpátiṃ saptáputram //
   átra apaśyam viśpátim saptáputram //
   átrāpaśyaṃ viśpátiṃ saptáputram //


Verse: 2 
Halfverse: a    saptá yuñjanti rátʰam ékacakram éko áśvo vahati saptánāmā /
   saptá yuñjanti rátʰam ékacakram
   saptá yuñjanti rátʰam ékacakram
   saptá yuñjanti rátʰam ékacakram

Halfverse: b    éko áśvo vahati saptánāmā /
   ékaḥ áśvaḥ vahati saptánāmā /
   éko áśvo vahati saptánāmā /

Halfverse: c    trinā́bʰi cakrám ajáram anarváṃ yátremā́ víśvā bʰúvanā́dʰi tastʰúḥ //
   trinā́bʰi cakrám ajáram anarváṃ
   trinā́bʰi cakrám ajáram anarvám
   trinā́bʰi cakrám ajáram anarváṃ

Halfverse: d    yátremā́ víśvā bʰúvanā́dʰi tastʰúḥ //
   yátra imā́ víśvā bʰúvanā ádʰi tastʰúḥ //
   yátremā́ víśvā bʰúvanā́dʰi tastʰúḥ //


Verse: 3 
Halfverse: a    imáṃ rátʰam ádʰi yé saptá tastʰúḥ saptácakraṃ saptá vahanty áśvāḥ /
   imáṃ rátʰam ádʰi yé saptá tastʰúḥ
   imám rátʰam ádʰi yé saptá tastʰúḥ
   imáṃ rátʰam ádʰi yé saptá tastʰúḥ

Halfverse: b    saptácakraṃ saptá vahanty áśvāḥ /
   saptácakram saptá vahanti áśvāḥ /
   saptácakraṃ saptá vahanti áśvāḥ /

Halfverse: c    saptá svásāro abʰí sáṃ navante yátra gávāṃ níhitā saptá nā́ma //
   saptá svásāro abʰí sáṃ navante
   saptá svásāraḥ abʰí sám navante
   saptá svásāro abʰí sáṃ navante

Halfverse: d    yátra gávāṃ níhitā saptá nā́ma //
   yátra gávām níhitā saptá nā́ma //
   yátra gávāṃ níhitā saptá nā́ma //


Verse: 4 
Halfverse: a    kó dadarśa pratʰamáṃ jā́yamānam astʰanvántaṃ yád anastʰā́ bíbʰarti /
   kó dadarśa pratʰamáṃ jā́yamānam
   káḥ dadarśa pratʰamám jā́yamānam
   kó dadarśa pratʰamáṃ jā́yamānam

Halfverse: b    astʰanvántaṃ yád anastʰā́ bíbʰarti /
   astʰanvántam yát anastʰā́ bíbʰarti /
   astʰanvántaṃ yád anastʰā́ bíbʰarti /

Halfverse: c    bʰū́myā ásur ásr̥g ātmā́ kvà svit kó vidvā́ṃsam úpa gāt práṣṭum etát //
   bʰū́myā ásur ásr̥g ātmā́ kvà svit
   bʰū́myāḥ ásuḥ ásr̥k ātmā́ kvà svit
   bʰū́myā ásur ásr̥g ātmā́ kúva svit

Halfverse: d    kó vidvā́ṃsam úpa gāt práṣṭum etát //
   káḥ vidvā́ṃsam úpa gāt práṣṭum etát //
   kó vidvā́ṃsam úpa gāt práṣṭum etát //


Verse: 5 
Halfverse: a    pā́kaḥ pr̥cʰāmi mánasā́vijānan devā́nām enā́ níhitā padā́ni /
   pā́kaḥ pr̥cʰāmi mánasā́vijānan
   pā́kaḥ pr̥cʰāmi mánasā ávijānan
   pā́kaḥ pr̥cʰāmi mánasā́vijānan

Halfverse: b    devā́nām enā́ níhitā padā́ni /
   devā́nām enā́ níhitā padā́ni /
   devā́nām enā́ níhitā padā́ni /

Halfverse: c    vatsé baṣkáyé 'dʰi saptá tántūn ví tatnire kaváya ótavā́ u //
   vatsé baṣkáyé 'dʰi saptá tántūn
   vatsé baṣkáye ádʰi saptá tántūn
   vatsé baṣkáye ádʰi saptá tántūn

Halfverse: d    ví tatnire kaváya ótavā́ u //
   ví tatnire kaváyaḥ ótavaí u //
   ví tatnire kaváya ótavā́ u //


Verse: 6 
Halfverse: a    ácikitvāñ cikitúṣaś cid átra kavī́n pr̥cʰāmi vidmáne ná vidvā́n /
   ácikitvāñ cikitúṣaś cid átra
   ácikitvān cikitúṣaḥ cit átra
   ácikitvāñ cikitúṣaś cid átra

Halfverse: b    kavī́n pr̥cʰāmi vidmáne ná vidvā́n /
   kavī́n pr̥cʰāmi vidmáne ná vidvā́n /
   kavī́n pr̥cʰāmi vidmáne ná vidvā́n /

Halfverse: c    ví yás tastámbʰa ṣáḷ imā́ rájāṃsy ajásya rūpé kím ápi svid ékam //
   ví yás tastámbʰa ṣáḷ imā́ rájāṃsy
   ví yáḥ tastámbʰa ṣáṭ imā́ rájāṃsi
   ví yás tastámbʰa ṣáḷ imā́ rájāṃsi

Halfverse: d    ajásya rūpé kím ápi svid ékam //
   ajásya rūpé kím ápi svit ékam //
   ajásya rūpé kím ápi svid ékam //


Verse: 7 
Halfverse: a    ihá bravītu yá īm aṅgá védāsyá vāmásya níhitam padáṃ véḥ /
   ihá bravītu yá īm aṅgá véda_
   ihá bravītu yáḥ īm aṅgá véda
   ihá bravītu yá īm aṅgá véda

Halfverse: b    _asyá vāmásya níhitam padáṃ véḥ /
   asyá vāmásya níhitam padám véḥ /
   asyá vāmásya níhitam padáṃ véḥ /

Halfverse: c    śīrṣṇáḥ kṣīráṃ duhrate gā́vo asya vavríṃ vásānā udakám padā́puḥ //
   śīrṣṇáḥ kṣīráṃ duhrate gā́vo asya
   śīrṣṇáḥ kṣīrám duhrate gā́vaḥ asya
   śīrṣṇáḥ kṣīráṃ duhrate gā́vo asya

Halfverse: d    vavríṃ vásānā udakám padā́puḥ //
   vavrím vásānāḥ udakám padā́ apuḥ //
   vavríṃ vásānā udakám padā́puḥ //


Verse: 8 
Halfverse: a    mātā́ pitáram r̥tá ā́ babʰāja dʰīty ágre mánasā sáṃ hí jagmé /
   mātā́ pitáram r̥tá ā́ babʰāja
   mātā́ pitáram r̥té ā́ babʰāja
   mātā́ pitáram r̥tá ā́ babʰāja

Halfverse: b    dʰīty ágre mánasā sáṃ hí jagmé /
   dʰītī́ ágre mánasā sám hí jagmé /
   dʰīti ágre mánasā sáṃ hí jagmé /

Halfverse: c    sā́ bībʰatsúr gárbʰarasā níviddʰā námasvanta íd upavākám īyuḥ //
   sā́ bībʰatsúr gárbʰarasā níviddʰā
   sā́ bībʰatsúḥ gárbʰarasā níviddʰā
   sā́ bībʰatsúr gárbʰarasā níviddʰā

Halfverse: d    námasvanta íd upavākám īyuḥ //
   námasvantaḥ ít upavākám īyuḥ //
   námasvanta íd upavākám īyuḥ //


Verse: 9 
Halfverse: a    yuktā́ mātā́sīd dʰurí dákṣiṇāyā átiṣṭʰad gárbʰo vr̥janī́ṣv antáḥ /
   yuktā́ mātā́sīd dʰurí dákṣiṇāyā
   yuktā́ mātā́ āsīt dʰurí dákṣiṇāyāḥ
   yuktā́ mātā́sīd dʰurí dákṣiṇāyā

Halfverse: b    átiṣṭʰad gárbʰo vr̥janī́ṣv antáḥ /
   átiṣṭʰat gárbʰaḥ vr̥janī́ṣu antár /
   átiṣṭʰad gárbʰo vr̥janī́ṣu antáḥ /

Halfverse: c    ámīmed vatsó ánu gā́m apaśyad viśvarūpyàṃ triṣú yójaneṣu //
   ámīmed vatsó ánu gā́m apaśyad
   ámīmet vatsáḥ ánu gā́m apaśyat
   ámīmed vatsó ánu gā́m apaśyad

Halfverse: d    viśvarūpyàṃ triṣú yójaneṣu //
   viśvarūpyàm triṣú yójaneṣu //
   viśvarūpíyaṃ triṣú yójaneṣu //


Verse: 10 
Halfverse: a    tisró mātŕ̥̄s trī́n pitŕ̥̄n bíbʰrad éka ūrdʰvás tastʰau ném áva glāpayanti /
   tisró mātŕ̥̄s trī́n pitŕ̥̄n bíbʰrad éka
   tisráḥ mātŕ̥̄ḥ trī́n pitŕ̥̄n bíbʰrat ékaḥ
   tisró mātŕ̥̄s trī́n pitŕ̥̄n bíbʰrad éka

Halfverse: b    ūrdʰvás tastʰau ném áva glāpayanti /
   ūrdʰváḥ tastʰau ná īm áva glāpayanti /
   ūrdʰvás tastʰau ném áva glāpayanti /

Halfverse: c    mantráyante divó amúṣya pr̥ṣṭʰé viśvavídaṃ vā́cam áviśvaminvām //
   mantráyante divó amúṣya pr̥ṣṭʰé
   mantráyante diváḥ amúṣya pr̥ṣṭʰé
   mantráyante divó amúṣya pr̥ṣṭʰé

Halfverse: d    viśvavídaṃ vā́cam áviśvaminvām //
   viśvavídam vā́cam áviśvaminvām //
   viśvavídaṃ vā́cam áviśvaminvām //


Verse: 11 
Halfverse: a    dvā́daśāraṃ nahí táj járāya várvarti cakrám pári dyā́m r̥tásya /
   dvā́daśāraṃ nahí táj járāya
   dvā́daśāram nahí tát járāya
   duvā́daśāraṃ nahí táj járāya

Halfverse: b    várvarti cakrám pári dyā́m r̥tásya /
   várvarti cakrám pári dyā́m r̥tásya /
   várvarti cakrám pári dyā́m r̥tásya /

Halfverse: c    ā́ putrā́ agne mitʰunā́so átra saptá śatā́ni viṃśatíś ca tastʰuḥ //
   ā́ putrā́ agne mitʰunā́so átra
   ā́ putrā́ḥ agne mitʰunā́saḥ átra
   ā́ putrā́ agne mitʰunā́so átra

Halfverse: d    saptá śatā́ni viṃśatíś ca tastʰuḥ //
   saptá śatā́ni viṃśatíḥ ca tastʰuḥ //
   saptá śatā́ni viṃśatíś ca tastʰuḥ //


Verse: 12 
Halfverse: a    páñcapādam pitáraṃ dvā́daśākr̥tiṃ divá āhuḥ páre árdʰe purīṣíṇam /
   páñcapādam pitáraṃ dvā́daśākr̥tiṃ
   páñcapādam pitáram dvā́daśākr̥tim
   páñcapādam pitáraṃ dvā́daśākr̥tiṃ

Halfverse: b    divá āhuḥ páre árdʰe purīṣíṇam /
   diváḥ āhuḥ páre árdʰe purīṣíṇam /
   divá āhuḥ páre árdʰe purīṣíṇam /

Halfverse: c    átʰemé anyá úpare vicakṣaṇáṃ saptácakre ṣáḷara āhur árpitam //
   átʰemé anyá úpare vicakṣaṇáṃ
   átʰa imé anyé úpare vicakṣaṇám
   átʰemé anyá úpare vicakṣaṇáṃ

Halfverse: d    saptácakre ṣáḷara āhur árpitam //
   saptácakre ṣáḷare āhuḥ árpitam //
   saptácakre ṣáḷara āhur árpitam //


Verse: 13 
Halfverse: a    páñcāre cakré parivártamāne tásminn ā́ tastʰur bʰúvanāni víśvā /
   páñcāre cakré parivártamāne
   páñcāre cakré parivártamāne
   páñcāre cakré parivártamāne

Halfverse: b    tásminn ā́ tastʰur bʰúvanāni víśvā /
   tásmin ā́ tastʰuḥ bʰúvanāni víśvā /
   tásminn ā́ tastʰur bʰúvanāni víśvā /

Halfverse: c    tásya nā́kṣas tapyate bʰū́ribʰāraḥ sanā́d evá ná śīryate sánābʰiḥ //
   tásya nā́kṣas tapyate bʰū́ribʰāraḥ
   tásya ná ákṣaḥ tapyate bʰū́ribʰāraḥ
   tásya nā́kṣas tapyate bʰū́ribʰāraḥ

Halfverse: d    sanā́d evá ná śīryate sánābʰiḥ //
   sanā́t evá ná śīryate sánābʰiḥ //
   sanā́d evá ná śīryate sánābʰiḥ //


Verse: 14 
Halfverse: a    sánemi cakrám ajáraṃ ví vāvr̥ta uttānā́yāṃ dáśa yuktā́ vahanti /
   sánemi cakrám ajáraṃ ví vāvr̥ta
   sánemi cakrám ajáram ví vāvr̥te
   sánemi cakrám ajáraṃ ví vāvr̥ta

Halfverse: b    uttānā́yāṃ dáśa yuktā́ vahanti /
   uttānā́yām dáśa yuktā́ḥ vahanti /
   uttānā́yāṃ dáśa yuktā́ vahanti /

Halfverse: c    sū́ryasya cákṣū rájasaity ā́vr̥taṃ tásminn ā́rpitā bʰúvanāni víśvā //
   sū́ryasya cákṣū rájasaity ā́vr̥taṃ
   sū́ryasya cákṣuḥ rájasā eti ā́vr̥tam
   sū́ryasya cákṣū rájasaiti ā́vr̥taṃ

Halfverse: d    tásminn ā́rpitā bʰúvanāni víśvā //
   tásmin ā́rpitā bʰúvanāni víśvā //
   tásminn ā́rpitā bʰúvanāni víśvā //


Verse: 15 
Halfverse: a    sākaṃjā́nāṃ saptátʰam āhur ekajáṃ ṣáḷ íd yamā́ ŕ̥ṣayo devajā́ íti /
   sākaṃjā́nāṃ saptátʰam āhur ekajáṃ
   sākaṃjā́nām saptátʰam āhuḥ ekajám
   sākaṃjā́nāṃ saptátʰam āhur ekajáṃ

Halfverse: b    ṣáḷ íd yamā́ ŕ̥ṣayo devajā́ íti /
   ṣáṭ ít yamā́ḥ ŕ̥ṣayaḥ devajā́ḥ íti /
   ṣáḷ íd yamā́ ŕ̥ṣayo devajā́ íti /

Halfverse: c    téṣām iṣṭā́ni víhitāni dʰāmaśá stʰātré rejante víkr̥tāni rūpaśáḥ //
   téṣām iṣṭā́ni víhitāni dʰāmaśá
   téṣām iṣṭā́ni víhitāni dʰāmaśáḥ
   téṣām iṣṭā́ni víhitāni dʰāmaśá

Halfverse: d    stʰātré rejante víkr̥tāni rūpaśáḥ //
   stʰātré rejante víkr̥tāni rūpaśáḥ //
   stʰātré rejante víkr̥tāni rūpaśáḥ //


Verse: 16 
Halfverse: a    stríyaḥ satī́s tā́m̐ u me puṃsá āhuḥ páśyad akṣaṇvā́n ná ví cetad andʰáḥ /
   stríyaḥ satī́s tā́m̐ u me puṃsá āhuḥ
   stríyaḥ satī́ḥ tā́n u me puṃsáḥ āhuḥ
   stríyaḥ satī́s tā́m̐ u me puṃsá āhuḥ

Halfverse: b    páśyad akṣaṇvā́n ná ví cetad andʰáḥ /
   páśyat akṣaṇvā́n ná ví cetat andʰáḥ /
   páśyad akṣaṇvā́n ná ví cetad andʰáḥ /

Halfverse: c    kavír yáḥ putráḥ sá īm ā́ ciketa yás tā́ vijānā́t sá pitúṣ pitā́sat //
   kavír yáḥ putráḥ sá īm ā́ ciketa
   kavíḥ yáḥ putráḥ sáḥ \!\ īm ā́ ciketa
   kavír yáḥ putráḥ sá īm ā́ ciketa

Halfverse: d    yás tā́ vijānā́t sá pitúṣ pitā́sat //
   yáḥ tā́ vijānā́t sá pitúḥ pitā́ asat //
   yás tā́ vijānā́t sá pitúṣ pitā́sat //


Verse: 17 
Halfverse: a    aváḥ páreṇa pará enā́vareṇa padā́ vatsám bíbʰratī gaúr úd astʰāt /
   aváḥ páreṇa pará enā́vareṇa
   aváḥ páreṇa paráḥ enā́ ávareṇa
   aváḥ páreṇa pará enā́vareṇa

Halfverse: b    padā́ vatsám bíbʰratī gaúr úd astʰāt /
   padā́ vatsám bíbʰratī gaúḥ út astʰāt /
   padā́ vatsám bíbʰratī gaúr úd astʰāt /

Halfverse: c    sā́ kadrī́cī káṃ svid árdʰam párāgāt kvà svit sūte nahí yūtʰé antáḥ //
   sā́ kadrī́cī káṃ svid árdʰam párāgāt
   sā́ kadrī́cī kám svit árdʰam párā agāt
   sā́ kadrī́cī káṃ svid árdʰam párāgāt

Halfverse: d    kvà svit sūte nahí yūtʰé antáḥ //
   kvà svit sūte nahí yūtʰé antár //
   kúva svit sūte nahí yūtʰé antáḥ //


Verse: 18 
Halfverse: a    aváḥ páreṇa pitáraṃ yó asyānuvéda pará enā́vareṇa /
   aváḥ páreṇa pitáraṃ yó asya_
   aváḥ páreṇa pitáram yáḥ asya
   aváḥ páreṇa pitáraṃ yó asya

Halfverse: b    _anuvéda pará enā́vareṇa /
   anuvéda paráḥ enā́ ávareṇa /
   anuvéda pará enā́vareṇa /

Halfverse: c    kavīyámānaḥ ká ihá prá vocad devám mánaḥ kúto ádʰi prájātam //
   kavīyámānaḥ ká ihá prá vocad
   kavīyámānaḥ káḥ ihá prá vocat
   kavīyámānaḥ ká ihá prá vocad

Halfverse: d    devám mánaḥ kúto ádʰi prájātam //
   devám mánaḥ kútaḥ ádʰi prájātam //
   devám mánaḥ kúto ádʰi prájātam //


Verse: 19 
Halfverse: a    yé arvā́ñcas tā́m̐ u párāca āhur yé párāñcas tā́m̐ u arvā́ca āhuḥ /
   yé arvā́ñcas tā́m̐ u párāca āhur
   yé arvā́ñcaḥ tā́n u párācaḥ āhuḥ
   yé arvā́ñcas tā́m̐ u párāca āhur

Halfverse: b    yé párāñcas tā́m̐ u arvā́ca āhuḥ /
   yé párāñcaḥ tā́n u arvā́caḥ āhuḥ /
   yé párāñcas tā́m̐ u arvā́ca āhuḥ /

Halfverse: c    índraś ca yā́ cakrátʰuḥ soma tā́ni dʰurā́ ná yuktā́ rájaso vahanti //
   índraś ca yā́ cakrátʰuḥ soma tā́ni
   índraḥ ca yā́ cakrátʰuḥ soma tā́ni
   índraś ca yā́ cakrátʰuḥ soma tā́ni

Halfverse: d    dʰurā́ ná yuktā́ rájaso vahanti //
   dʰurā́ ná yuktā́ḥ rájasaḥ vahanti //
   dʰurā́ ná yuktā́ rájaso vahanti //


Verse: 20 
Halfverse: a    dvā́ suparṇā́ sayújā sákʰāyā samānáṃ vr̥kṣám pári ṣasvajāte /
   dvā́ suparṇā́ sayújā sákʰāyā
   dvā́ suparṇā́ sayújā sákʰāyā
   duvā́ suparṇā́ sayújā sákʰāyā

Halfverse: b    samānáṃ vr̥kṣám pári ṣasvajāte /
   samānám vr̥kṣám pári sasvajāte /
   samānáṃ vr̥kṣám pári ṣasvajāte /

Halfverse: c    táyor anyáḥ píppalaṃ svādv átty ánaśnann anyó abʰí cākaśīti //
   táyor anyáḥ píppalaṃ svādv átty
   táyoḥ anyáḥ píppalam svādú átti
   táyor anyáḥ píppalaṃ svādú átti

Halfverse: d    ánaśnann anyó abʰí cākaśīti //
   ánaśnan anyáḥ abʰí cākaśīti //
   ánaśnann anyó abʰí cākaśīti //


Verse: 21 
Halfverse: a    yátrā suparṇā́ amŕ̥tasya bʰāgám ánimeṣaṃ vidátʰābʰisváranti /
   yátrā suparṇā́ amŕ̥tasya bʰāgám
   yátra+ suparṇā́ḥ amŕ̥tasya bʰāgám
   yátrā suparṇā́ amŕ̥tasya bʰāgám

Halfverse: b    ánimeṣaṃ vidátʰābʰisváranti /
   ánimeṣam vidátʰā abʰisváranti /
   ánimeṣaṃ vidátʰābʰisváranti /

Halfverse: c    inó víśvasya bʰúvanasya gopā́ḥ sá mā dʰī́raḥ pā́kam átrā́ viveśa //
   inó víśvasya bʰúvanasya gopā́ḥ
   ináḥ víśvasya bʰúvanasya gopā́ḥ
   inó víśvasya bʰúvanasya gopā́ḥ

Halfverse: d    sá mā dʰī́raḥ pā́kam átrā́ viveśa //
   sá mā dʰī́raḥ pā́kam átra ā́ viveśa //
   sá mā dʰī́raḥ pā́kam átrā́ viveśa //


Verse: 22 
Halfverse: a    yásmin vr̥kṣé madʰvádaḥ suparṇā́ niviśánte súvate cā́dʰi víśve /
   yásmin vr̥kṣé madʰvádaḥ suparṇā́
   yásmin vr̥kṣé madʰvádaḥ suparṇā́ḥ
   yásmin vr̥kṣé madʰuádaḥ suparṇā́

Halfverse: b    niviśánte súvate cā́dʰi víśve /
   niviśánte súvate ca ádʰi víśve /
   niviśánte súvate cā́dʰi víśve /

Halfverse: c    tásyéd āhuḥ píppalaṃ svādv ágre tán nón naśad yáḥ pitáraṃ ná véda //
   tásyéd āhuḥ píppalaṃ svādv ágre
   tásya ít āhuḥ píppalam svādú ágre
   tásyéd āhuḥ píppalaṃ svādú ágre

Halfverse: d    tán nón naśad yáḥ pitáraṃ ná véda //
   tát ná út naśat yáḥ pitáram ná véda //
   tán nón naśad yáḥ pitáraṃ ná véda //


Verse: 23 
Halfverse: a    yád gāyatré ádʰi gāyatrám ā́hitaṃ traíṣṭubʰād vā traíṣṭubʰaṃ nirátakṣata /
   yád gāyatré ádʰi gāyatrám ā́hitaṃ
   yát gāyatré ádʰi gāyatrám ā́hitam
   yád gāyatré ádʰi gāyatrám ā́hitaṃ

Halfverse: b    traíṣṭubʰād vā traíṣṭubʰaṃ nirátakṣata /
   traíṣṭubʰāt vā traíṣṭubʰam nirátakṣata /
   traíṣṭubʰād vā traíṣṭubʰaṃ nirátakṣata /

Halfverse: c    yád vā jágaj jágaty ā́hitam padáṃ yá ít tád vidús té amr̥tatvám ānaśuḥ //
   yád vā jágaj jágaty ā́hitam padáṃ
   yát vā jágat jágati ā́hitam padám
   yád vā jágaj jágati ā́hitam padáṃ

Halfverse: d    yá ít tád vidús té amr̥tatvám ānaśuḥ //
   yé ít tát vidúḥ té amr̥tatvám ānaśuḥ //
   yá ít tád vidús té amr̥tatvám ānaśuḥ //


Verse: 24 
Halfverse: a    gāyatréṇa práti mimīte arkám arkéṇa sā́ma traíṣṭubʰena vākám /
   gāyatréṇa práti mimīte arkám
   gāyatréṇa práti mimīte arkám
   gāyatréṇa práti mimīte arkám

Halfverse: b    arkéṇa sā́ma traíṣṭubʰena vākám /
   arkéṇa sā́ma traíṣṭubʰena vākám /
   arkéṇa sā́ma traíṣṭubʰena vākám /

Halfverse: c    vākéna vākáṃ dvipádā cátuṣpadākṣáreṇa mimate saptá vā́ṇīḥ //
   vākéna vākáṃ dvipádā cátuṣpadā_
   vākéna vākám dvipádā cátuṣpadā
   vākéna vākáṃ dvipádā cátuṣpadā

Halfverse: d    _akṣáreṇa mimate saptá vā́ṇīḥ //
   akṣáreṇa mimate saptá vā́ṇīḥ //
   akṣáreṇa mimate saptá vā́ṇīḥ //


Verse: 25 
Halfverse: a    jágatā síndʰuṃ divy àstabʰāyad ratʰaṃtaré sū́ryam páry apaśyat /
   jágatā síndʰuṃ divy àstabʰāyad
   jágatā síndʰum diví astabʰāyat
   jágatā síndʰuṃ diví astabʰāyad

Halfverse: b    ratʰaṃtaré sū́ryam páry apaśyat /
   ratʰaṃtaré sū́ryam pári apaśyat /
   ratʰaṃtaré sū́riyam páry apaśyat /

Halfverse: c    gāyatrásya samídʰas tisrá āhus táto mahnā́ prá ririce mahitvā́ //
   gāyatrásya samídʰas tisrá āhus
   gāyatrásya samídʰaḥ tisráḥ āhuḥ
   gāyatrásya samídʰas tisrá āhus

Halfverse: d    táto mahnā́ prá ririce mahitvā́ //
   tátaḥ mahnā́ prá ririce mahitvā́ //
   táto mahnā́ prá ririce mahitvā́ //


Verse: 26 
Halfverse: a    úpa hvaye sudúgʰāṃ dʰenúm etā́ṃ suhásto godʰúg utá dohad enām /
   úpa hvaye sudúgʰāṃ dʰenúm etā́ṃ
   úpa hvaye sudúgʰām dʰenúm etā́m
   úpa hvaye sudúgʰāṃ dʰenúm etā́ṃ

Halfverse: b    suhásto godʰúg utá dohad enām /
   suhástaḥ godʰúk utá dohat enām /
   suhásto godʰúg utá dohad enām /

Halfverse: c    śréṣṭʰaṃ saváṃ savitā́ sāviṣan no 'bʰī̀ddʰo gʰarmás tád u ṣú prá vocam //
   śréṣṭʰaṃ saváṃ savitā́ sāviṣan no
   śréṣṭʰam savám savitā́ sāviṣat naḥ
   śréṣṭʰaṃ saváṃ savitā́ sāviṣan no

Halfverse: d    'bʰī̀ddʰo gʰarmás tád u ṣú prá vocam //
   abʰī̀ddʰaḥ gʰarmáḥ tát u sú prá vocam //
   abʰī̀ddʰo gʰarmás tád u ṣú prá vocam //


Verse: 27 
Halfverse: a    hiṅkr̥ṇvatī́ vasupátnī vásūnāṃ vatsám icʰántī mánasābʰy ā́gāt /
   hiṅkr̥ṇvatī́ vasupátnī vásūnāṃ
   hiṅkr̥ṇvatī́ vasupátnī vásūnām
   hiṅkr̥ṇvatī́ vasupátnī vásūnāṃ

Halfverse: b    vatsám icʰántī mánasābʰy ā́gāt /
   vatsám icʰántī mánasā abʰí ā́ agāt /
   vatsám icʰántī mánasābʰi ā́gāt /

Halfverse: c    duhā́m aśvíbʰyām páyo agʰnyéyáṃ sā́ vardʰatām mahaté saúbʰagāya //
   duhā́m aśvíbʰyām páyo agʰnyéyáṃ
   duhā́m aśvíbʰyām páyaḥ agʰnyā́ iyám
   duhā́m aśvíbʰyām páyo agʰniyéyáṃ

Halfverse: d    sā́ vardʰatām mahaté saúbʰagāya //
   sā́ vardʰatām mahaté saúbʰagāya //
   sā́ vardʰatām mahaté saúbʰagāya //


Verse: 28 
Halfverse: a    gaúr amīmed ánu vatsám miṣántam mūrdʰā́naṃ híṅṅ akr̥ṇon mā́tavā́ u /
   gaúr amīmed ánu vatsám miṣántam
   gaúḥ amīmet ánu vatsám miṣántam
   gaúr amīmed ánu vatsám miṣántam

Halfverse: b    mūrdʰā́naṃ híṅṅ akr̥ṇon mā́tavā́ u /
   mūrdʰā́nam híṅ akr̥ṇot mā́tavaí u /
   mūrdʰā́naṃ híṅṅ akr̥ṇon mā́tavā́ u /

Halfverse: c    sŕ̥kvāṇaṃ gʰarmám abʰí vāvaśānā́ mímāti māyúm páyate páyobʰiḥ //
   sŕ̥kvāṇaṃ gʰarmám abʰí vāvaśānā́
   sŕ̥kvāṇam gʰarmám abʰí vāvaśānā́
   sŕ̥kvāṇaṃ gʰarmám abʰí vāvaśānā́

Halfverse: d    mímāti māyúm páyate páyobʰiḥ //
   mímāti māyúm páyate páyobʰiḥ //
   mímāti māyúm páyate páyobʰiḥ //


Verse: 29 
Halfverse: a    ayáṃ sá śiṅkte yéna gaúr abʰī́vr̥tā mímāti māyúṃ dʰvasánāv ádʰi śritā́ /
   ayáṃ sá śiṅkte yéna gaúr abʰī́vr̥tā
   ayám sá śiṅkte yéna gaúḥ abʰī́vr̥tā
   ayáṃ sá śiṅkte yéna gaúr abʰī́vr̥tā

Halfverse: b    mímāti māyúṃ dʰvasánāv ádʰi śritā́ /
   mímāti māyúm dʰvasánau ádʰi śritā́ /
   mímāti māyúṃ dʰvasánāv ádʰi śritā́ /

Halfverse: c    sā́ cittíbʰir ní hí cakā́ra mártyaṃ vidyúd bʰávantī práti vavrím auhata //
   sā́ cittíbʰir ní hí cakā́ra mártyaṃ
   sā́ cittíbʰiḥ ní hí cakā́ra mártyam
   sā́ cittíbʰir ní hí cakā́ra mártiyaṃ

Halfverse: d    vidyúd bʰávantī práti vavrím auhata //
   vidyút bʰávantī práti vavrím auhata //
   vidyúd bʰávantī práti vavrím auhata //


Verse: 30 
Halfverse: a    anác cʰaye turágātu jīvám éjad dʰruvám mádʰya ā́ pastyā̀nām /
   anác cʰaye turágātu jīvám
   anát śaye turágātu jīvám
   anác cʰaye . turágātu jīvám

Halfverse: b    éjad dʰruvám mádʰya ā́ pastyā̀nām /
   éjat dʰruvám mádʰye ā́ pastyā̀nām /
   éjad dʰruvám mádʰya ā́ pastíyānām /

Halfverse: c    jīvó mr̥tásya carati svadʰā́bʰir ámartyo mártyenā sáyoniḥ //
   jīvó mr̥tásya carati svadʰā́bʰir
   jīváḥ mr̥tásya carati svadʰā́bʰiḥ
   jīvó mr̥tásya carati svadʰā́bʰir

Halfverse: d    ámartyo mártyenā sáyoniḥ //
   ámartyaḥ mártyena+ sáyoniḥ //
   ámartiyo mártiyenā sáyoniḥ //


Verse: 31 
Halfverse: a    ápaśyaṃ gopā́m ánipadyamānam ā́ ca párā ca patʰíbʰiś cárantam /
   ápaśyaṃ gopā́m ánipadyamānam
   ápaśyam gopā́m ánipadyamānam
   ápaśyaṃ gopā́m ánipadyamānam

Halfverse: b    ā́ ca párā ca patʰíbʰiś cárantam /
   ā́ ca párā ca patʰíbʰiḥ cárantam /
   ā́ ca párā ca patʰíbʰiś cárantam /

Halfverse: c    sá sadʰrī́cīḥ sá víṣūcīr vásāna ā́ varīvarti bʰúvaneṣv antáḥ //
   sá sadʰrī́cīḥ sá víṣūcīr vásāna
   sá sadʰrī́cīḥ sá víṣūcīḥ vásānaḥ
   sá sadʰrī́cīḥ sá víṣūcīr vásāna

Halfverse: d    ā́ varīvarti bʰúvaneṣv antáḥ //
   ā́ varīvarti bʰúvaneṣu antár //
   ā́ varīvarti bʰúvaneṣu antáḥ //


Verse: 32 
Halfverse: a    yá īṃ cakā́ra ná só asyá veda yá īṃ dadárśa hírug ín nú tásmāt /
   yá īṃ cakā́ra ná só asyá veda
   yáḥ īm cakā́ra ná sáḥ \!\ asyá veda
   yá īṃ cakā́ra ná só asyá veda

Halfverse: b    yá īṃ dadárśa hírug ín nú tásmāt /
   yáḥ īm dadárśa híruk ít nú tásmāt /
   yá īṃ dadárśa hírug ín nú tásmāt /

Halfverse: c    sá mātúr yónā párivīto antár bahuprajā́ nírr̥tim ā́ viveśa //
   sá mātúr yónā párivīto antár
   sá mātúḥ yónā párivītaḥ antár
   sá mātúr yónā párivīto antár

Halfverse: d    bahuprajā́ nírr̥tim ā́ viveśa //
   bahuprajā́ḥ nírr̥tim ā́ viveśa //
   bahuprajā́ nírr̥tim ā́ viveśa //


Verse: 33 
Halfverse: a    dyaúr me pitā́ janitā́ nā́bʰir átra bándʰur me mātā́ pr̥tʰivī́ mahī́yám /
   dyaúr me pitā́ janitā́ nā́bʰir átra
   dyaúḥ me pitā́ janitā́ nā́bʰiḥ átra
   dyaúr me pitā́ janitā́ nā́bʰir átra

Halfverse: b    bándʰur me mātā́ pr̥tʰivī́ mahī́yám /
   bándʰuḥ me mātā́ pr̥tʰivī́ mahī́ iyám /
   bándʰur me mātā́ pr̥tʰivī́ mahī́yám /

Halfverse: c    uttānáyoś camvòr yónir antár átrā pitā́ duhitúr gárbʰam ā́dʰāt //
   uttānáyoś camvòr yónir antár
   uttānáyoḥ camvòḥ yóniḥ antár
   uttānáyoś camúvor yónir antár

Halfverse: d    átrā pitā́ duhitúr gárbʰam ā́dʰāt //
   átra+ pitā́ duhitúḥ gárbʰam ā́ adʰāt //
   átrā pitā́ duhitúr gárbʰam ā́dʰāt //


Verse: 34 
Halfverse: a    pr̥cʰā́mi tvā páram ántam pr̥tʰivyā́ḥ pr̥cʰā́mi yátra bʰúvanasya nā́bʰiḥ /
   pr̥cʰā́mi tvā páram ántam pr̥tʰivyā́ḥ
   pr̥cʰā́mi tvā páram ántam pr̥tʰivyā́ḥ
   pr̥cʰā́mi tvā páram ántam pr̥tʰivyā́ḥ

Halfverse: b    pr̥cʰā́mi yátra bʰúvanasya nā́bʰiḥ /
   pr̥cʰā́mi yátra bʰúvanasya nā́bʰiḥ /
   pr̥cʰā́mi yátra bʰúvanasya nā́bʰiḥ /

Halfverse: c    pr̥cʰā́mi tvā vŕ̥ṣṇo áśvasya rétaḥ pr̥cʰā́mi vācáḥ paramáṃ vyòma //
   pr̥cʰā́mi tvā vŕ̥ṣṇo áśvasya rétaḥ
   pr̥cʰā́mi tvā vŕ̥ṣṇaḥ áśvasya rétaḥ
   pr̥cʰā́mi tvā vŕ̥ṣṇo áśvasya rétaḥ

Halfverse: d    pr̥cʰā́mi vācáḥ paramáṃ vyòma //
   pr̥cʰā́mi vācáḥ paramám vyòma //
   pr̥cʰā́mi vācáḥ paramáṃ víoma //


Verse: 35 
Halfverse: a    iyáṃ védiḥ páro ántaḥ pr̥tʰivyā́ ayáṃ yajñó bʰúvanasya nā́bʰiḥ /
   iyáṃ védiḥ páro ántaḥ pr̥tʰivyā́
   iyám védiḥ páraḥ ántaḥ pr̥tʰivyā́ḥ
   iyáṃ védiḥ páro ántaḥ pr̥tʰivyā́

Halfverse: b    ayáṃ yajñó bʰúvanasya nā́bʰiḥ /
   ayám yajñáḥ bʰúvanasya nā́bʰiḥ /
   ayáṃ yajñó . bʰúvanasya nā́bʰiḥ /

Halfverse: c    ayáṃ sómo vŕ̥ṣṇo áśvasya réto brahmā́yáṃ vācáḥ paramáṃ vyòma //
   ayáṃ sómo vŕ̥ṣṇo áśvasya réto
   ayám sómaḥ vŕ̥ṣṇaḥ áśvasya rétaḥ
   ayáṃ sómo vŕ̥ṣṇo áśvasya réto

Halfverse: d    brahmā́yáṃ vācáḥ paramáṃ vyòma //
   brahmā́ ayám vācáḥ paramám vyòma //
   brahmā́yáṃ vācáḥ paramáṃ víoma //


Verse: 36 
Halfverse: a    saptā́rdʰagarbʰā́ bʰúvanasya réto víṣṇos tiṣṭʰanti pradíśā vídʰarmaṇi /
   saptā́rdʰagarbʰā́ bʰúvanasya réto
   saptá ardʰagarbʰā́ḥ bʰúvanasya rétaḥ
   saptā́rdʰagarbʰā́ bʰúvanasya réto

Halfverse: b    víṣṇos tiṣṭʰanti pradíśā vídʰarmaṇi /
   víṣṇoḥ tiṣṭʰanti pradíśā vídʰarmaṇi /
   víṣṇos tiṣṭʰanti pradíśā vídʰarmaṇi /

Halfverse: c    té dʰītíbʰir mánasā té vipaścítaḥ paribʰúvaḥ pári bʰavanti viśvátaḥ //
   té dʰītíbʰir mánasā té vipaścítaḥ
   té dʰītíbʰiḥ mánasā té vipaścítaḥ
   té dʰītíbʰir mánasā té vipaścítaḥ

Halfverse: d    paribʰúvaḥ pári bʰavanti viśvátaḥ //
   paribʰúvaḥ pári bʰavanti viśvátaḥ //
   paribʰúvaḥ pári bʰavanti viśvátaḥ //


Verse: 37 
Halfverse: a    ná ví jānāmi yád ivedám ásmi niṇyáḥ sáṃnaddʰo mánasā carāmi /
   ná ví jānāmi yád ivedám ásmi
   ná ví jānāmi yát iva idám ásmi
   ná ví jānāmi yád ivedám ásmi

Halfverse: b    niṇyáḥ sáṃnaddʰo mánasā carāmi /
   niṇyáḥ sáṃnaddʰaḥ mánasā carāmi /
   niṇyáḥ sáṃnaddʰo mánasā carāmi /

Halfverse: c    yadā́ mā́gan pratʰamajā́ r̥tásyā́d íd vācó aśnuve bʰāgám asyā́ḥ //
   yadā́ mā́gan pratʰamajā́ r̥tásya_
   yadā́ mā ā́ ágan pratʰamajā́ḥ r̥tásya
   yadā́ mā́gan pratʰamajā́ r̥tásya

Halfverse: d    ā́d íd vācó aśnuve bʰāgám asyā́ḥ //
   ā́t ít vācáḥ aśnuve bʰāgám asyā́ḥ //
   ā́d íd vācó aśnuve bʰāgám asyā́ḥ //


Verse: 38 
Halfverse: a    ápāṅ prā́ṅ eti svadʰáyā gr̥bʰītó 'martyo mártyenā sáyoniḥ /
   ápāṅ prā́ṅ eti svadʰáyā gr̥bʰītó
   ápāṅ prā́ṅ eti svadʰáyā gr̥bʰītáḥ
   ápāṅ prā́ṅ eti svadʰáyā gr̥bʰītó

Halfverse: b    'martyo mártyenā sáyoniḥ /
   ámartyaḥ mártyena+ sáyoniḥ /
   ámartiyo mártiyenā sáyoniḥ /

Halfverse: c    tā́ śáśvantā viṣūcī́nā viyántā ny ànyáṃ cikyúr ná ní cikyur anyám //
   tā́ śáśvantā viṣūcī́nā viyántā
   tā́ śáśvantā viṣūcī́nā viyántā
   tā́ śáśvantā viṣūcī́nā viyántā

Halfverse: d    ny ànyáṃ cikyúr ná ní cikyur anyám //
   ní anyám cikyúḥ ná ní cikyuḥ anyám //
   ní anyáṃ cikyúr ná ní cikyur anyám //


Verse: 39 
Halfverse: a    r̥có akṣáre paramé vyòman yásmin devā́ ádʰi víśve niṣedúḥ /
   r̥có akṣáre paramé vyòman
   r̥cáḥ akṣáre paramé vyòman
   r̥có akṣáre paramé víoman

Halfverse: b    yásmin devā́ ádʰi víśve niṣedúḥ /
   yásmin devā́ḥ ádʰi víśve niṣedúḥ /
   yásmin devā́ ádʰi víśve niṣedúḥ /

Halfverse: c    yás tán ná véda kím r̥cā́ kariṣyati yá ít tád vidús tá imé sám āsate //
   yás tán ná véda kím r̥cā́ kariṣyati
   yáḥ tát ná véda kím r̥cā́ kariṣyati
   yás tán ná véda kím r̥cā́ kariṣyati

Halfverse: d    yá ít tád vidús tá imé sám āsate //
   yé ít tát vidúḥ té imé sám āsate //
   yá ít tád vidús tá imé sám āsate //


Verse: 40 
Halfverse: a    sūyavasā́d bʰágavatī hí bʰūyā́ átʰo vayám bʰágavantaḥ syāma /
   sūyavasā́d bʰágavatī hí bʰūyā́
   sūyavasā́t bʰágavatī hí bʰūyā́ḥ
   sūyavasā́d bʰágavatī hí bʰūyā́

Halfverse: b    átʰo vayám bʰágavantaḥ syāma /
   átʰa u vayám bʰágavantaḥ syāma /
   átʰo vayám bʰágavantaḥ siyāma /

Halfverse: c    addʰí tŕ̥ṇam agʰnye viśvadā́nīm píba śuddʰám udakám ācárantī //
   addʰí tŕ̥ṇam agʰnye viśvadā́nīm
   addʰí tŕ̥ṇam agʰnye viśvadā́nīm
   addʰí tŕ̥ṇam agʰniye viśvadā́nīm

Halfverse: d    píba śuddʰám udakám ācárantī //
   píba śuddʰám udakám ācárantī //
   píba śuddʰám udakám ācárantī //


Verse: 41 
Halfverse: a    gaurī́r mimāya salilā́ni tákṣaty ékapadī dvipádī sā́ cátuṣpadī /
   gaurī́r mimāya salilā́ni tákṣaty
   gaurī́ḥ mimāya salilā́ni tákṣatī
   gaurī́r mimāya salilā́ni tákṣatī

Halfverse: b    ékapadī dvipádī sā́ cátuṣpadī /
   ékapadī dvipádī sā́ cátuṣpadī /
   ékapadī dvipádī sā́ cátuṣpadī /

Halfverse: c    aṣṭā́padī návapadī babʰūvúṣī sahásrākṣarā paramé vyòman //
   aṣṭā́padī návapadī babʰūvúṣī
   aṣṭā́padī návapadī babʰūvúṣī
   aṣṭā́padī návapadī babʰūvúṣī

Halfverse: d    sahásrākṣarā paramé vyòman //
   sahásrākṣarā paramé vyòman //
   sahásrākṣarā paramé víoman //


Verse: 42 
Halfverse: a    tásyāḥ samudrā́ ádʰi ví kṣaranti téna jīvanti pradíśaś cátasraḥ /
   tásyāḥ samudrā́ ádʰi ví kṣaranti
   tásyāḥ samudrā́ḥ ádʰi ví kṣaranti
   tásyāḥ samudrā́ ádʰi ví kṣaranti

Halfverse: b    téna jīvanti pradíśaś cátasraḥ /
   téna jīvanti pradíśaḥ cátasraḥ /
   téna jīvanti pradíśaś cátasraḥ /

Halfverse: c    tátaḥ kṣaraty akṣáraṃ tád víśvam úpa jīvati //
   tátaḥ kṣaraty akṣáraṃ
   tátaḥ kṣarati akṣáram
   tátaḥ kṣarati akṣáraṃ

Halfverse: d    tád víśvam úpa jīvati //
   tát víśvam úpa jīvati //
   tád víśvam úpa jīvati //


Verse: 43 
Halfverse: a    śakamáyaṃ dʰūmám ārā́d apaśyaṃ viṣūvátā pará enā́vareṇa /
   śakamáyaṃ dʰūmám ārā́d apaśyaṃ
   śakamáyam dʰūmám ārā́t apaśyam
   śakamáyaṃ dʰūmám ārā́d apaśyaṃ

Halfverse: b    viṣūvátā pará enā́vareṇa /
   viṣūvátā paráḥ enā́ ávareṇa /
   viṣūvátā pará enā́vareṇa /

Halfverse: c    ukṣā́ṇam pŕ̥śnim apacanta vīrā́s tā́ni dʰármāṇi pratʰamā́ny āsan //
   ukṣā́ṇam pŕ̥śnim apacanta vīrā́s
   ukṣā́ṇam pŕ̥śnim apacanta vīrā́ḥ
   ukṣā́ṇam pŕ̥śnim apacanta vīrā́s

Halfverse: d    tā́ni dʰármāṇi pratʰamā́ny āsan //
   tā́ni dʰármāṇi pratʰamā́ni āsan //
   tā́ni dʰármāṇi pratʰamā́ni āsan //


Verse: 44 
Halfverse: a    tráyaḥ keśína r̥tutʰā́ ví cakṣate saṃvatsaré vapata éka eṣām /
   tráyaḥ keśína r̥tutʰā́ ví cakṣate
   tráyaḥ keśínaḥ r̥tutʰā́ ví cakṣate
   tráyaḥ keśína r̥tutʰā́ ví cakṣate

Halfverse: b    saṃvatsaré vapata éka eṣām /
   saṃvatsaré vapate ékaḥ eṣām /
   saṃvatsaré vapata éka eṣām /

Halfverse: c    víśvam éko abʰí caṣṭe śácībʰir dʰrā́jir ékasya dadr̥śe ná rūpám //
   víśvam éko abʰí caṣṭe śácībʰir
   víśvam ékaḥ abʰí caṣṭe śácībʰiḥ
   víśvam éko abʰí caṣṭe śácībʰir

Halfverse: d    dʰrā́jir ékasya dadr̥śe ná rūpám //
   dʰrā́jiḥ ékasya dadr̥śe ná rūpám //
   dʰrā́jir ékasya dadr̥śe ná rūpám //


Verse: 45 
Halfverse: a    catvā́ri vā́k párimitā padā́ni tā́ni vidur brāhmaṇā́ yé manīṣíṇaḥ /
   catvā́ri vā́k párimitā padā́ni
   catvā́ri vā́k párimitā padā́ni
   catvā́ri vā́k párimitā padā́ni

Halfverse: b    tā́ni vidur brāhmaṇā́ yé manīṣíṇaḥ /
   tā́ni viduḥ brāhmaṇā́ḥ yé manīṣíṇaḥ /
   tā́ni vidur brāhmaṇā́ yé manīṣíṇaḥ /

Halfverse: c    gúhā trī́ṇi níhitā néṅgayanti turī́yaṃ vācó manuṣyā̀ vadanti //
   gúhā trī́ṇi níhitā néṅgayanti
   gúhā trī́ṇi níhitā ná iṅgayanti
   gúhā trī́ṇi níhitā néṅgayanti

Halfverse: d    turī́yaṃ vācó manuṣyā̀ vadanti //
   turī́yam vācáḥ manuṣyā̀ḥ vadanti //
   turī́yaṃ vācó manuṣyā̀ vadanti //


Verse: 46 
Halfverse: a    índram mitráṃ váruṇam agním āhur átʰo divyáḥ sá suparṇó garútmān /
   índram mitráṃ váruṇam agním āhur
   índram mitrám váruṇam agním āhuḥ
   índram mitráṃ váruṇam agním āhur

Halfverse: b    átʰo divyáḥ sá suparṇó garútmān /
   átʰa u divyáḥ sá suparṇáḥ garútmān /
   átʰo divyáḥ sá suparṇó garútmān /

Halfverse: c    ékaṃ sád víprā bahudʰā́ vadanty agníṃ yamám mātaríśvānam āhuḥ //
   ékaṃ sád víprā bahudʰā́ vadanty
   ékam sát víprā bahudʰā́ vadanti
   ékaṃ sád víprā bahudʰā́ vadanti

Halfverse: d    agníṃ yamám mātaríśvānam āhuḥ //
   agním yamám mātaríśvānam āhuḥ //
   agníṃ yamám mātaríśvānam āhuḥ //


Verse: 47 
Halfverse: a    kr̥ṣṇáṃ niyā́naṃ hárayaḥ suparṇā́ apó vásānā dívam út patanti /
   kr̥ṣṇáṃ niyā́naṃ hárayaḥ suparṇā́
   kr̥ṣṇám niyā́nam hárayaḥ suparṇā́ḥ
   kr̥ṣṇáṃ niyā́naṃ hárayaḥ suparṇā́

Halfverse: b    apó vásānā dívam út patanti /
   apáḥ vásānāḥ dívam út patanti /
   apó vásānā dívam út patanti /

Halfverse: c    tá ā́vavr̥tran sádanād r̥tásyā́d íd gʰr̥téna pr̥tʰivī́ vy ùdyate //
   tá ā́vavr̥tran sádanād r̥tásya_
   té ā́ avavr̥tran sádanāt r̥tásya
   tá ā́vavr̥tran sádanād r̥tásya

Halfverse: d    _ā́d íd gʰr̥téna pr̥tʰivī́ vy ùdyate //
   ā́t ít gʰr̥téna pr̥tʰivī́ ví udyate //
   ā́d íd gʰr̥téna pr̥tʰivī́ ví udyate //


Verse: 48 
Halfverse: a    dvā́daśa pradʰáyaś cakrám ékaṃ trī́ṇi nábʰyāni ká u tác ciketa /
   dvā́daśa pradʰáyaś cakrám ékaṃ
   dvā́daśa pradʰáyaḥ cakrám ékam
   duvā́daśa pradʰáyaś cakrám ékaṃ

Halfverse: b    trī́ṇi nábʰyāni ká u tác ciketa /
   trī́ṇi nábʰyāni káḥ u tát ciketa /
   trī́ṇi nábʰyāni ká u tác ciketa /

Halfverse: c    tásmin sākáṃ triśatā́ ná śaṅkávo 'rpitā́ḥ ṣaṣṭír ná calācalā́saḥ //
   tásmin sākáṃ triśatā́ ná śaṅkávo
   tásmin sākám triśatā́ ná śaṅkávaḥ
   tásmin sākáṃ . triśatā́ ná śaṅkávo

Halfverse: d    'rpitā́ḥ ṣaṣṭír ná calācalā́saḥ //
   arpitā́ḥ ṣaṣṭíḥ ná calācalā́saḥ //
   arpitā́ḥ ṣaṣṭír ná calācalā́saḥ //


Verse: 49 
Halfverse: a    yás te stánaḥ śaśayó yó mayobʰū́r yéna víśvā púṣyasi vā́ryāṇi /
   yás te stánaḥ śaśayó yó mayobʰū́r
   yáḥ te stánaḥ śaśayáḥ yáḥ mayobʰū́ḥ
   yás te stánaḥ śaśayó yó mayobʰū́r

Halfverse: b    yéna víśvā púṣyasi vā́ryāṇi /
   yéna víśvā púṣyasi vā́ryāṇi /
   yéna víśvā púṣyasi vā́riyāṇi /

Halfverse: c    yó ratnadʰā́ vasuvíd yáḥ sudátraḥ sárasvati tám ihá dʰā́tave kaḥ //
   yó ratnadʰā́ vasuvíd yáḥ sudátraḥ
   yáḥ ratnadʰā́ḥ vasuvít yáḥ sudátraḥ
   yó ratnadʰā́ vasuvíd yáḥ sudátraḥ

Halfverse: d    sárasvati tám ihá dʰā́tave kaḥ //
   sárasvati tám ihá dʰā́tave kar //
   sárasvati tám ihá dʰā́tave kaḥ //


Verse: 50 
Halfverse: a    yajñéna yajñám ayajanta devā́s tā́ni dʰármāṇi pratʰamā́ny āsan /
   yajñéna yajñám ayajanta devā́s
   yajñéna yajñám ayajanta devā́ḥ
   yajñéna yajñám ayajanta devā́s

Halfverse: b    tā́ni dʰármāṇi pratʰamā́ny āsan /
   tā́ni dʰármāṇi pratʰamā́ni āsan /
   tā́ni dʰármāṇi pratʰamā́ni āsan /

Halfverse: c    té ha nā́kam mahimā́naḥ sacanta yátra pū́rve sādʰyā́ḥ sánti devā́ḥ //
   té ha nā́kam mahimā́naḥ sacanta
   té ha nā́kam mahimā́naḥ sacanta
   té ha nā́kam mahimā́naḥ sacanta

Halfverse: d    yátra pū́rve sādʰyā́ḥ sánti devā́ḥ //
   yátra pū́rve sādʰyā́ḥ sánti devā́ḥ //
   yátra pū́rve sādʰiyā́ḥ sánti devā́ḥ //


Verse: 51 
Halfverse: a    samānám etád udakám úc caíty áva cā́habʰiḥ /
   samānám etád udakám
   samānám etát udakám
   samānám etád udakám

Halfverse: b    úc caíty áva cā́habʰiḥ /
   út ca éti áva ca áhabʰiḥ /
   úc caíti áva cā́habʰiḥ /

Halfverse: c    bʰū́mim parjányā jínvanti dívaṃ jinvanty agnáyaḥ //
   bʰū́mim parjányā jínvanti
   bʰū́mim parjányāḥ jínvanti
   bʰū́mim parjányā jínvanti

Halfverse: d    dívaṃ jinvanty agnáyaḥ //
   dívam jinvanti agnáyaḥ //
   dívaṃ jinvanti agnáyaḥ //


Verse: 52 
Halfverse: a    divyáṃ suparṇáṃ vāyasám br̥hántam apā́ṃ gárbʰaṃ darśatám óṣadʰīnām /
   divyáṃ suparṇáṃ vāyasám br̥hántam
   divyám suparṇám vāyasám br̥hántam
   divyáṃ suparṇáṃ vāyasám br̥hántam

Halfverse: b    apā́ṃ gárbʰaṃ darśatám óṣadʰīnām /
   apā́m gárbʰam darśatám óṣadʰīnām /
   apā́ṃ gárbʰaṃ darśatám óṣadʰīnām /

Halfverse: c    abʰīpató vr̥ṣṭíbʰis tarpáyantaṃ sárasvantam ávase johavīmi //
   abʰīpató vr̥ṣṭíbʰis tarpáyantaṃ
   abʰīpatáḥ vr̥ṣṭíbʰiḥ tarpáyantam
   abʰīpató vr̥ṣṭíbʰis tarpáyantaṃ

Halfverse: d    sárasvantam ávase johavīmi //
   sárasvantam ávase johavīmi //
   sárasvantam ávase johavīmi //


Next part


This text is part of the TITUS edition of Rg-Veda: Rg-Veda-Samhita.

Copyright TITUS Project, Frankfurt a/M, 28.7.2009. No parts of this document may be republished in any form without prior permission by the copyright holder.