TITUS
Rg-Veda: Rg-Veda-Khilani
Part No. 11
Previous part

Hymn: 9 


Verse: 1 
Halfverse: a    yáṃ gáccʰatʰas sutapā devávantam̐ havíṣkr̥taṃ vvŕ̥ṣaṇā rātáhavyam /
Halfverse: b    
puṣyaty ánnam̐ śatám āviruktʰya 3 mánā píban práyatam ādayitnú //

Verse: 2 
Halfverse: a    
yā́ dám̐sām̐si jaritā́ duṣṭárā vāṃ yyā́ śám̐santi jaritā́ras sutéṣu /
Halfverse: b    
yā́nīhá puṣyantu vidʰā́ jáneṣu yér aśnátʰo vidátʰe somapéyam //

Verse: 3 
Halfverse: a    
yád uśántā vr̥ṣaṇā yā́ dadʰīcé śiro bʰiṣajā samádʰattam arvā́k /
Halfverse: b    
tád vāṃ matī́ mádʰunā táṃ yyúvānā váṣaákr̥taṃ bʰasatʰo mandasānā́ //

Verse: 4 
Halfverse: a    
mā́ voca ā́tʰarvaṇa yád brávīmi mádʰu te nyaír vīrátarair acittám /
Halfverse: b    
yád anv áśāsan magʰávā dadʰīcáṃ tád vām *avakṣac cʰírasā hayásya //

Verse: 5 
Halfverse: a    
yád ā gáccʰād vīḍitó vájrabāhur dʰatté pitŕ̥bʰyā mádʰu no dadʰīcā́ /
Halfverse: b    
ā́ tiréyaṃ duśśuté mā́ vádeti yadā́ vádat yúvayos sukīrtíḥ //

Verse: 6 
Halfverse: a    
yā́bʰiś śácībʰir vr̥ṣaṇā dadʰīcáṃ yā́bʰis túraṃ kāvaśeyáṃ makʰásya /
Halfverse: b    
yā́bʰir dʰíyaṃ jínvatʰāké nípānā tā́bʰir novataṃ vidátʰe gabʰīrā́ // 13 //



Next part



This text is part of the TITUS edition of Rg-Veda: Rg-Veda-Khilani.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.