TITUS
Rg-Veda: Rg-Veda-Khilani
Part No. 27
Previous part

Hymn: 9 


Verse: 1 
Halfverse: a    sám̐ sravantu marútas sám áśvās sám u pū́ruṣāḥ /
Halfverse: b    
sán dʰānyásya yā́ spʰātís sam̐srā́vyeṇa havíṣā juhomi /

Verse: 2 
Halfverse: a    
éhá yanti paśávo páreyur vāyúr yéṣām̐ sáhacāráṃ jujóṣa /
Halfverse: b    
tváṣṭā yéṣāṃ rūpadʰéyāni védāsmím̐s tā́m̐ lloké savitā́bʰí rakṣatu /

Verse: 3 
Halfverse: a    
imáṃ goṣṭʰáṃ paśávas sám̐ sravantu bŕ̥haspátir ā́ nayatu prajānán /
Halfverse: b    
sinīvālī́ nayaty ágra eṣām ā́ jagmúṣonumate yaccʰa /

Verse: 4 
Halfverse: a    
sám̐ siñcāmi gávāṅ kṣīrám̐ sám ā́jyena bálam̐ rásam /
Halfverse: b    
sám̐siktā asmā́kaṃ vvīrā́ dʰruvā́ gā́vas santu gópatau /

Verse: 5 
Halfverse: a    
ā́ harāmi gávāṅ kṣīrám ā́ harāmi dʰānya3m̐ rásam /
Halfverse: b    
ā́hr̥tā asmā́kaṃ vvīrā́ ā́ pátnīr idám ástakam // 12 //



Next part



This text is part of the TITUS edition of Rg-Veda: Rg-Veda-Khilani.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.