TITUS
Sama-Veda: Kauthuma-Grhyasutra
Part No. 10
Previous part

Khanda: 12 
Sentence: 1    atʰātaścandropastʰānam śuklapakṣatr̥tīyāpañcamyāṃ saptamyāṃ ṣaṣṭʰe vāṣṭame vā nuvakṣyādinā kartavyaṃ syāt tr̥tīye māsi ṣaṣṭʰe māsi kāryaṃ pañcāṅgaśodʰite dine \
Sentence: 2    cʰandogaṃ vedavidbrāhmaṇaṃ niyakṣā sadbrāhmaṇa udayādarvāk grāmānniṣkramya saśirataṃ stʰāpayitvā śaketā svarṇakalaśamādāya kāṃśyaṃ vā mr̥nmayavarjaṃ jānumātramavagāhyā 'po hi ṣṭʰeti tr̥cena pūrayitvā śanno devīriti mantreṇoddʰr̥tyamiti śirasi vinidʰāya yaḥ pāvamānīriti jalaṃ niṣkramya vāmadevyena grāmaṃ praviśet sarvatra na saṃbʰāṣaṇaṃ nopahyasya sumanaso bʰūtvā yajamānagr̥he devasabʰāsamīpe goṣṭamadʰye vā tāmudapātrāṃ cāsane nidʰāyopari kuśaiḥ cʰādayitvā taṃ brāhmaṇayajamānādivāvabʰujjan yāntī vā ityete āstamayād atassahasirasaṃ stʰāpayitvā tatra yajamānaḥ niṣkramya gr̥hādbahiḥ śucau deśe caturasraṃ stʰaṇḍilamupalipya dakṣiṇābʰimukʰo bʰūtvā hā u candreti maṇḍalaṃ praviśya prāṅmukʰopaviśya svastivācanaṃ kr̥tvā yajamānaṃ puṣpāñjaliṃ pūrayitvā candrābʰimukʰastiṣṭʰan tato mātā ca kumāramuddʰr̥tya dakṣiṇataḥ pratyaṅmukʰībʰūtvā taṃ kumāraṃ patihaste pradāya pr̥ṣṭʰato gatvottarataḥ tiṣṭʰed yajamānaḥ puṣpāñjalyuparikumāraṃ dʰārayatyate sukʰomaṃta iti tisr̥bʰirupastʰāyodañcaṃ mātre pradāya karābʰyāmañjaliṃ kuryāt tamañjaliṃ brahmapraṇavena pūrayitvā padaścedapājjaliṃ avasiṃcet punastūṣṇīṃ pūrayitvā tatʰā dvistūṣṇīmutsr̥jya pratyaṅmukʰopaviśya vāmadevayaṃ gītvā tato brāhmaṇabʰojanaṃ tato brāhmaṇabʰojanam \\12\\

Next part


This text is part of the TITUS edition of Sama-Veda: Kauthuma-Grhyasutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.