TITUS
Text collection: YVB
Black Yajur-Veda
Text: ApSlbS
Āpastamba-Śulba-Sūtra
On the basis of the edition by
Sen, S.N., and Bag, A.K.,
The Śulba Sūtras of Baudhāyana, Āpastamba, Kātyāyana and Mānava
with Text, English Translation and Commentary,
New Delhi: Indian National Science Academy 1983
prepared by an anonymous group of students,
Fairfield, Iowa, 2001;
TITUS version by Jost Gippert,
Frankfurt a.M., 30.12.2001 / 7.12.2008
[This is a preliminary edition only. J.G.]
[The division into paragraphs and sentences is similar to that used in the edition by A. Bürk, ZDMG 55, 543 ff.]
Paragraph: 1
Sentence: 1 vihārayogānvyākʰyāsyāmaḥ \1\
Sentence: 2 yāvadāyāmaṃ pramāṇam tadardʰamabʰyasyāparasmiṃstr̥tīye ṣaḍbʰāgone lakṣmaṇaṃ karoti \ pr̥ṣṭʰyāntayorantau niyamya lakṣaṇena dakṣiṇāpāyamya nimittaṃ karoti \ evamuttarato viparyasyetarataḥ \ sa samādʰiḥ \ tannimitto nirhāso vivr̥ddʰirvā \2\
Sentence: 3 āyāmaṃ vābʰyasyāgantucaturtʰamāyāmasyākṣṇayārajjuḥ tiryaṅmānīśeṣaḥ \ vyākʰyātaṃ viharaṇam \3\
Sentence: 4 dīrgʰasyākṣṇayārajjuḥ pārśvamānī tiryaṅmānī ca yatpr̥tʰagbʰūte kurutastadubʰayaṃ karoti \ tābʰirjñeyābʰiruktaṃ viharaṇam \4\
Sentence: 5 caturaśrasyākṣṇayārajjurdvistāvatīṃ bʰūmiṃ karoti \ samasya dvikaraṇī \5\
Sentence: 6 pramāṇaṃ tr̥tīyena vardʰayettacca caturtʰenātmacatustriṃśonena saviśeṣaḥ \6\
Sentence: 7 atʰāparam \ pramāṇamātrīṃ rajjumubʰayataḥ pāśāṃ karoti \ madʰye lakṣaṇamardʰamadʰyayośca pr̥ṣṭʰyāyāṃ rajjumāyamya pāśayorlakṣaṇeṣviti śaṅkūnnihatyopāntyayoḥ pāśau pratimucya madʰyamena lakṣaṇena dakṣiṇāpāyamya nimittaṃ karoti \ madʰyame pāśau pratimucya uparyupari nimittaṃ madʰyamena lakṣaṇena dakṣiṇāpāyamya śaṅkuṃ nihanti \ tasminpāśaṃ pratimucya pūrvasminnitaraṃ madʰyamena lakṣaṇena dakṣiṇamaṃsamāyaccʰet \ unmucya pūrvasmādaparasminpratimucya madʰyamenaiva lakṣaṇena dakṣiṇāṃ śroṇīmāyaccʰet \ evamuttarau śroṇyaṃsau \7\ \\1\\
Paragraph: 2
Sentence: 1 atʰāparoyogaḥ \ pr̥ṣṭʰyāntayormadʰye ca śaṅkūnnihatyārdʰe tadviśeṣamabʰyasya lakṣaṇaṃ kr̥tvārdʰamāgamayet \ antayoḥ pāśau kr̥tvā madʰyame saviśeṣaṃ paratimucya pūrvasminnitaraṃ lakṣaṇena dakṣiṇamaṃsamāyaccʰet \ unmucya pūrvasmādaparasminpratimucya lakṣaṇenaiva dakṣiṇāṃ śroṇīmāyaccʰet \ evamuttarau śroṇyaṃsau \1\
Sentence: 2 pramāṇaṃ tiryagdvikaraṇyāyāmastasyākṣṇayārajjustrikaraṇī \2\
Sentence: 3 tr̥tīyakaraṇyetena vyākʰyāta \ vibʰāgastu navadʰā \3\
Sentence: 4 tulyayoścaturaśrayoruktassamāsaḥ \ nānā pramāṇayoścaturaśrayossamāsaḥ \ hrasīyasaḥ karaṇyā varṣīyaso vr̥dʰramullikʰet \ vr̥dʰrasyākṣṇayārajjurubʰe samasyati \ taduktam \4\
Sentence: 5 caturaśrāccaturaśraṃ nirjihīrṣanyāvannirjihīrṣettasya karaṇyā varṣīyaso vr̥dʰramullikʰet \ vr̥dʰrasya pārśvamānīmakṣṇayetaratpārśvamupasaṃharet \ sā yatra nipatettadapaccʰindyāt \ cʰinnayā nirastam \5\
Sentence: 6 upasaṃhr̥tā akṣṇayārajjussā catuṣkaraṇī cʰinnā cetarā ca yatpr̥tʰagbʰūte kurutaḥ tadubʰayaṃ karoti \ tiryaṅmānī puruṣaṃ śeṣastrīn \ taduktam \6\
Sentence: 7 dīrgʰacaturaśraṃ samacaturaśraṃ cikīrṣantiryaṅmānyā apaccʰidya śeṣaṃ vibʰajyobʰayata upadadʰyāt \ kʰaṇḍamāgantunā saṃpūrayet \ tasya nirhāra uktaḥ \7\ \\2\\
Paragraph: 3
Sentence: 1 samacaturaśraṃ dīrgʰacaturaśraṃ cikīrṣanyāvaccikīrṣettāvatīṃ pārśvamānīṃ kr̥tvā yadadʰikaṃ syāttadyatʰā yogamupadadʰyāt \1\
Sentence: 2 caturaśraṃ maṇḍalaṃ cikīrṣanmadʰyātkotyāṃ nipātayet \ pārśvataḥ parikr̥ṣyātiśayatr̥tīyena saha maṇḍalaṃ parilikʰet \ sā nityā maṇḍalam \ yāvaddʰīyate tāvadāgantu \2\
Sentence: 3 maṇḍalaṃ caturaśraṃ cikīrṣan viṣkambʰaṃ pañcadaśabʰāgānkr̥tvā dvāvuddʰaret \ trayodaśāvaśiṣyante \ sānityā caturaśram \3\
Sentence: 4 pramāṇena pramāṇaṃ vidʰīyate \4\
Sentence: 5 caturaśramādeśādanyat \5\
Sentence: 6 dvābʰyāṃ catvāri \ tribʰirnava \6\
Sentence: 7 yāvatpramāṇā rajjustāvatastāvato vargān karoti tatʰopalabdʰiḥ \7\
Sentence: 8 adʰyardʰapuruṣā rajjurdvau sapādau karoti \ ardʰatr̥tīyapuruṣā ṣaṭ sapādān \8\
Sentence: 9 atʰātyanta pradeśaḥ \ yāvatā yāvatā 'dʰikena parilikʰati tatpārśvayorupadadʰāti \ yacca tena caturaśraṃ kr̥yate tatkoṭyām \9\
Sentence: 10 ardʰapramāṇena pādapramāṇaṃ vidʰīyate \ ardʰasya dvipramāṇāyāḥ pādapūraṇatvāt \ tr̥tīyena navamī kalā \10\ \\3\\
Paragraph: 4
Sentence: 1 agnyādʰeyike vihāre gārhapatyāhavanīyayorantarāle vijñāyate \ aṣṭāsu prakrameṣu brāhamaṇo 'gnimādadʰīta \ ekādaśasu rājanyaḥ \ dvādaśasu vaiśyaḥ \1\
Sentence: 2 caturviṃśatyāmaparimite yāvatā vā cakṣuṣā manyate tasmānnātidūramādʰeya iti sarveṣāmaviśeṣeṇa śrūyate \2\
Sentence: 3 dakṣiṇataḥ purastādvitr̥tīyadeśe gārhapatyasya nedīyasi dakṣiṇāgnervijñāyate \3\
Sentence: 4 gārhapatyāhavanīyayorantarālaṃ pañcadʰā ṣaḍdʰā vā saṃvibʰajya ṣaṣṭʰaṃ saptamaṃ vā bʰāgamāgantumupasamasya samaṃ traidʰaṃ vibʰajyāparasmiṃstr̥tīye lakṣaṇaṃ kr̥tvā gārhapatyāhavanīyayorantau niyamya lakṣaṇena dakṣiṇāpāyamya nimittaṃ karoti \ taddakṣiṇāgnerāyatanam \ śrutisāmartʰyāt \4\
Sentence: 5 yajamānamātrī prācyaparimitā vā yatʰāsannāni havīṃṣi saṃbʰavedevaṃ tiraścīprāñcau vedyaṃsāvunnayati \ pratīcī śroṇī \ purastādaṃhīyasī paścātpratʰīyasī madʰye saṃnatataraivamiva hi yoṣeti dārśikyā vedervijñāyate \5\
Sentence: 6 apareṇāhavanīyaṃ yajamānamātraṃ dīrgʰacaturaśraṃ vihr̥tya tāvatīṃ rajjumabʰyasya madʰye lakṣaṇaṃ kr̥tvā dakṣiṇayoḥ śroṇyaṃsayorantau niyamya lakṣaṇena dakṣiṇāpāyamya nimittaṃ karoti \ nimitte rajjuṃ niyamyāntau samasyet \ dakṣiṇāyāḥ śroṇerdakṣiṇamaṃsamālikʰet \ evamuttarataḥ tiryaṅmānīṃ dviguṇāṃ tatʰā kr̥tvā paścātpurastāccopalikʰet \ vimitāyāṃ purastāt pārśvamānyā upasaṃharet \ śrutisāmartʰyāt \6\ \\4\\
Paragraph: 5
Sentence: 1 triṃśatpadāni prakramā vā paścāttiraścī bʰavati ṣaṭtriṃśatprācī caturviṃśatiḥ purastāttiraścīti saumikyā vedervijñāyate \1\
Sentence: 2 ṣaṭtriṃśikāyāmaṣṭādaśopasamasya aparasmādantāddvādaśasu lakṣaṇaṃ pañcadaśasu lakṣaṇaṃ pr̥ṣṭʰyāntayorantau niyamya pañcadaśikena dakṣiṇāpāyamya śaṅkuṃ nihantyevamuttarataste śroṇī \ viparyasyāṃsau pañcadaśike naivāpāyamya dvādaśike śaṅkuṃ nihanti \ evamuttaratastāvaṃsau \ tadekarajjvā viharaṇam \2\
Sentence: 3 trikacatuṣkayoḥ pañcikā 'kṣṇayārajjuḥ \ tābʰistrirabʰyastābʰiraṃsau \ caturabʰyastābʰiḥ śroṇī \3\
Sentence: 4 dvādaśikapañcikayostrayodaśikā 'kṣṇayārajjuḥ tābʰiraṃsau dvirabʰyastābʰiḥ śroṇī \4\
Sentence: 5 pañcadaśikāṣṭikayoḥ saptadaśikā 'kṣṇayārajjuḥ tābʰiḥ śroṇī \ dvādaśikapañcatriṃśikayossaptatriṃśikā 'kṣṇayārajjuḥ tābʰiraṃsau \5\
Sentence: 6 etāvanti jñeyāni vediviharaṇāni bʰavanti \6\
Sentence: 7 aṣṭāviṃśatyūnaṃ padasahasraṃ mahāvediḥ \ dakṣiṇasmādaṃsāddvādaśasu dakṣiṇasyāṃ śroṇyāṃ nipātayet \ cʰedaṃ viparyasyetarata upadadʰyāt \ sā dīrgʰacaturaśrā \ tatʰā yuktāṃ saṃcakṣīta \7\
Sentence: 8 saumikyā veditr̥tīye yajeteti sautrāmaṇyā vedervijñāyate \ prakramasya tr̥tīyakaraṇīprakramastʰānīyā bʰavati \ trikaraṇyā vā aṣṭika daśike tiryaṅmānyau dvādasikā pr̥ṣṭʰyā \ trīṇi caturviṃśāni padaśatāni sautrāmaṇikī vediḥ \8\ \\5\\
Paragraph: 6
Sentence: 1 dvistāvā vedirbʰavatītyaśvamedʰe vijñāyate \ prakramasya dvikaraṇī prakramastʰānīyā bʰavati \1\
Sentence: 2 prakramo dvipadastripado vā \ prakrame yatʰākāmī śabdārtʰasya viśayitvāt \ yajamānasyādʰvaryorvā \ eṣa hi ceṣṭānāṃ kartā bʰavati \2\
Sentence: 3 ratʰamātrī niruḍʰapaśubandʰasya vedirbʰatīti vijñāyate \ tatra kʰalvāhūratʰākṣamātrī paścāttiryagīṣayā prācī \ vipatʰayugena purastāt \ yāvatā vā bāhye cʰidre \3\
Sentence: 4 tadekarajjvoktam \ pañcadaśikenaivāpāyamyārdʰākṣeṇārdʰayugeneti śroṇyaṃsānnirharet \4\
Sentence: 5 atʰāpyudāharanti \ aṣṭāśītiśatamīṣā tiryagakṣaścatuśśataṃ ṣaḍaśītiryugaṃ cāsya sa ratʰaścāraṇa ucyate \ iti ratʰaparimāṇam \5\
Sentence: 6 aratnibʰirvā caturbʰiḥ paścāt ṣaḍbʰiḥ prācī tribʰiḥ purastāt \ tadekarajjvoktaṃ pañcadaśikenaivāpāyamya dvābʰyāmadʰyardʰeneti śroṇyaṃsānnirharet \6\
Sentence: 7 yajamānamātrī catuḥsraktirbʰavatīti paitr̥kyā vedervijñāyate \ tadekarajjvoktaṃ pañcadaśikenaivāpāyamyārdʰena tataśśroṇyaṃsānnirharet \7\
Sentence: 8 daśapadottara vedirbʰavatīti some vijñāyate \ tadekarajjvoktaṃ pañcadaśikenaivāpāyamyārdʰena tataśśroṇyaṃsānnirharet \8\
Sentence: 9 tāṃ yugena yajamānasya vā padairvimāya śamyayā parimimīte \9\
Sentence: 10 pade yuge 'ratnāviyati śamyāyāṃ ca mānārtʰeṣu yatʰākāmī śabdārtʰasya viśayitvāt \10\
Sentence: 11 vimitāyāṃ purastātpārśvamānyā vupasaṃharet \ śrutisāmartʰyāt \11\ \\6\\
Paragraph: 7
Sentence: 1 navāratni tiryaksaptaviṃśatirudagāyatamiti sadaso vijñāyate \ aṣṭādaśetyekeṣām \ tadekarajjvoktaṃ pañcadaśikenaivāpāyamyārdʰapañcamaiḥ śroṇyaṃsānnirharet \1\
Sentence: 2 prādeśamukʰāḥ prādeśāntarālā bʰavantītyuparavāṇāṃ vijñāyate \ aratnimātraṃ caturaśraṃ vihr̥tya sraktiṣu śaṅkūnnihatyārdʰaprādeśena taṃ parilikʰet śrutisāmartʰyāt \2\
Sentence: 3 vyāyāmamātrī bʰavatīti gārhapatyacitervijñāyate \ caturaśretyekeṣām \ parimaṇḍaletyekeṣām \3\
Sentence: 4 karaṇaṃ vyāyāmasya tr̥tīyāyāmaṃ saptamavyāsaṃ kārayet \ tā ekaviṃśatirbʰavanti \ prāgāyamaḥ pratʰame prastāre 'parasminnudagāyāmāḥ \4\
Sentence: 5 maṇḍalāyāṃ mr̥do dehaṃ kr̥tvā madʰye śaṅkuṃ nihatyārdʰavyāyāmena saha maṇḍalaṃ parilikʰet \ tasminścaturaśramavadadʰyādyāvatsaṃbʰavettannavadʰā vyavalikʰya traidʰamekaikaṃ pradʰikaṃ vibʰajet \5\
Sentence: 6 upadʰāne caturaśrasyāvāntaradeśānprati sraktīssaṃpādayet \ madʰyānītarasminprastāre \ vyatyāsaṃ cinuyādyāvataḥ prastārāṃścikīrṣet \6\
Sentence: 7 piśīlamātrā bʰavantīti dʰiṣṇyānāṃ vijñāyate \ caturaśrā ityekeṣām \ parimaṇḍalā ityekeṣām \7\
Sentence: 8 mr̥do dehānkr̥tvā āgnīdʰrīyaṃ navadʰā vyavalikʰya ekasyāsstʰāne 'śmānamupadadʰyāt \ yatʰāsaṃkʰyamitarānvyavalikʰya yatʰāyogamupadadʰyāt \8\ \\7\\
Paragraph: 8
Sentence: 1 bʰavatīva kʰalu vā eṣa yo 'gniṃ cinuta iti vijñāyate \ vayasāṃ vā eṣa pratimayā cīyata ityākr̥ticodanā pratyakṣavidʰānādvā \1\
Sentence: 2 yāvadāmnātena veṇunā catura ātmani puruṣānavamimīte \ puruṣaṃ dakṣiṇe pakṣe puruṣaṃ puccʰe puruṣamuttare \ aratninā dakṣiṇato dakṣiṇaṃ pakṣaṃ vardʰayati \ evamuttarata uttaram \ prādeśena vitastyā vā paścāt puccʰam \2\
Sentence: 3 ekavidʰaḥ pratʰamo 'gnirdvividʰaḥ dvitīyastrividʰastr̥tīyaḥ \ ta evameva ādyantyaikaśatavidʰāt \3\
Sentence: 4 tadu ha vai saptavidʰameva cinvīta \ saptavidʰo vāva prakr̥to 'gniḥ \ tata ūrdʰvamekottarāniti vijñāyate \4\
Sentence: 5 ekavidʰaprabʰr̥tīnāṃ na pakṣapuccʰāni bʰavanti \ saptavidʰavākyaśeṣatvāccʰrutivipratiṣedʰācca \5\
Sentence: 6 aṣṭavidʰaprabʰr̥tīnāṃ yadanyatsaptabʰyastatsaptadʰā vibʰajya pratipuruṣamāveśayet \ ākr̥tivikārasyāśrutatvāt \6\
Sentence: 7 puruṣamātreṇa vimimīte veṇunā vimimīte iti vijñāyate \7\ \\8\\
Paragraph: 9
Sentence: 1 yāvānyajamāna ūrdʰvabāhustāvadantarāle venoścʰidre karoti madʰye tr̥tīyam \ apareṇa yūpāvaṭadeśamanupr̥ṣṭʰyaṃ veṇuṃ nidʰāya cʰidreṣu śaṅkūnnihatya unmucyāparābʰyāṃ dakṣiṇāprākparilikʰedantāt \ unmucya pūrvasmādaparasmin pratimucya dakṣiṇā pratyakparilikʰedantāt \ unmucya veṇuṃ madʰyame śaṅkāvantyaṃ veṇoścʰidraṃ pratimucyoparyuparilekʰāsamaraṃ dakṣiṇā veṇuṃ nidʰāyāntye cʰidre śaṅkuṃ nihatya tasminmadʰyamaṃ veṇoścʰidraṃ pratimucya lekʰāntayoritare pratiṣṭʰāpya cʰidrayośśaṅkū nihanti \ sa puruṣaścaturaśraḥ \1\
Sentence: 2 evaṃ pradakṣiṇaṃ catura ātmani puruṣānavamimīte \ puruṣaṃ dakṣiṇe pakṣe puruṣaṃ puccʰe puruṣamuttare \ aratninā dakṣiṇato dakṣiṇamityuktam \2\
Sentence: 3 pr̥ṣṭʰyāto vā puruṣamātrasyākṣṇayā veṇuṃ nidʰāya pūrvasminnitaram \ tābʰyāṃ dakṣiṇaṃ aṃsaṃ nirharet \ viparyasya śroṇī \ pūrvavaduttaramaṃsam \3\
Sentence: 4 rajjvā vā vimāyottaravedinyāyena veṇunā vimimīte \4\
Sentence: 5 sapakṣapuccʰeṣu vidʰābʰyāse 'pacaye ca vidʰāsaptamakaraṇīṃ puruṣastʰānīyāṃ kr̥tvā viharet \5\
Sentence: 6 karaṇānīṣṭakānāṃ puruṣasya pañcamena kārayet \ tāsāmevaikato 'dʰyardʰāstaddvitīyam \ paruṣasya pañcamo bʰāga ekataḥ prādeśa ekataḥ tattr̥tīyam \ sarvataḥ prādeśastaccaturtʰam \ samacaturaśrāḥ pañcadaśabʰāgīyāstatpañcamam \6\
Sentence: 7 ūrdʰvapramāṇamiṣṭakānāṃ jānoḥ pañcamena kārayedardʰena nākasadāṃ pañcacoḍānāṃ ca \7\
Sentence: 8 yatpacyamānānāṃ pratihraseta purīṣeṇa tatsaṃpūrayedaniyataparimāṇatvāt purīṣasya \8\ \\9\\
Paragraph: 10
Sentence: 1 upadʰāne 'dʰyardʰā daśa purastāt pratīcīrātmanyupadadʰāti \ daśa paścātprācīḥ \ pañca pañca pakṣāgrayoḥ \ pakṣāpyayayośca viśayāḥ tāsāmardʰeṣṭakāmātrāṇi pakṣayorbʰavanti \ pañca pañca puccʰaparśvayordakṣiṇā \ udīcīśca \1\
Sentence: 2 puccʰe prādeśamupadʰāya sarvamagniṃ pañcamabʰāgīyābʰiḥ praccʰādayet \2\
Sentence: 3 pañcadaśabʰāgīyābʰiḥ saṃkʰyāṃ pūrayet \3\
Sentence: 4 aparasminprastāre 'dʰyardʰā daśa dakṣiṇata udīcīrātmanyupadadʰāti \ daśottarato dakṣiṇā \ yatʰā pratʰame prastāre pakṣau tatʰā puccʰam \ yatʰā puccʰaṃ tatʰā pakṣau \ viparītā apyaye \4\
Sentence: 5 sarvamagniṃ pañcamabʰāgīyābʰiḥ praccʰādayet \5\
Sentence: 6 pañcadaśabʰāgīyābʰiḥ saṃkʰyāṃ pūrayet \ vyatyāsaṃ cinuyādyāvataḥ prastārāṃścikīṣet \6\
Sentence: 7 pañca citayo bʰavanti \ pañcabʰiḥ purīṣairabʰyūhatīti purīṣāntā citiḥ artʰāntaratvātpurīṣasya \7\
Sentence: 8 jānudagʰnaṃ sāhasraṃ cinvīta pratʰamaṃ cinvānaḥ \ nābʰidagʰnaṃ dviṣāhasraṃ dvitīyamāsyadagʰnaṃ triṣāhasraṃ tr̥tīyamuttaramuttaraṃ jyāyāṃsam \ mahāntaṃ br̥hantamaparimitaṃ svargakāmaścinvīteti vijñāyate \8\
Sentence: 9 dviṣāhasre dviprastārāścitayo bʰavanti \ trīṣāhasra triprastārāścaturtʰaprabʰr̥tiṣvāhāreṣu nityamiṣṭakāparimāṇam \9\
Sentence: 10 vijñāyate ca na jyāyāṃsaṃ citvā kanīyāṃsaṃ cinvīteti \10\ \\10\\
Paragraph: 11
Sentence: 1 caturaśrābʰiragniṃ cinuta iti vijñāyate \ samacaturaśrā anupapadatvāccʰabdasya \1\
Sentence: 2 pādamātryo bʰavanti aratnimātryo bʰavantyūrvastʰimātryo bʰavantyaṇūkamātryo bʰavantīti vijñāyate \2\
Sentence: 3 caturbʰāgīyamaṇūkam \ pañcama bʰāgīyāratniḥ \ tatʰorvastʰi \3\
Sentence: 4 pādeṣṭakā pādamātrī \ tatra yatʰākāmī śabdārtʰasya viśayitvāt \4\
Sentence: 5 upadʰāne 'ṣṭāvaṣṭau pādeṣṭakāścaturbʰāgīyānāṃ pakṣāgrayornidadʰyāt \ sandʰyośca tadvadātmānaṃ ṣaḍaṅgulāvetāḥ \ śroṇyaṃseṣu cāṣṭau prācīḥ pratīcīśca \5\
Sentence: 6 sandʰyantarāle pañcabʰāgīyāssapādāḥ \6\
Sentence: 7 puccʰe prādeśamupadʰāya sarvamagniṃ caturbʰāgīyābʰiḥ praccʰādayet \7\
Sentence: 8 pādeṣṭakābʰiḥ saṃkʰyāṃ pūrayet \8\
Sentence: 9 aparasminprastāre puccʰāpyaye pañcamabʰāgīyā viśayāḥ \ tā ātmani caturdaśabʰiḥ pādairyatʰāyogaṃ upadadʰyāt \9\
Sentence: 10 sarvamagniṃ pañcamabʰāgīyābʰiḥ praccʰādayet \10\
Sentence: 11 pādeṣṭakābʰiḥ saṃkʰyāṃ pūrayet \ vyatyāsaṃ cinuyādyāvataḥ prastārāṃścikīrṣet \11\ \\11\\
Paragraph: 12
Sentence: 1 ekavidʰaprabʰr̥tīnāṃ karaṇīnāṃ dvādaśena trayodaśenetīṣṭakāḥ kārayet \ pādeṣṭakāśca \ vyatyāsaṃ cinuyādyāvataḥ prastārāṃścikīrṣet \1\
Sentence: 2 ekavidʰaprabʰr̥tīnāṃ pratʰamāhāreṇa dvitīyena tr̥tīyeneti yoyujyeta \ sarveṣāṃ yatʰā śrutisaṃkʰyā tatʰordʰvapramāṇam \2\
Sentence: 3 kāmyā guṇavikārāḥ guṇaśāstratvāt \3\
Sentence: 4 praugaṃ cinvīta bʰrātr̥vyavāniti vijñāyate \4\
Sentence: 5 yāvānagniḥ sāratniprādeśo dvistāvatīṃ bʰūmiṃ caturaśrāṃ kr̥tvā pūrvasyāḥ karaṇyā ardʰāccʰroṇī pratyālikʰet \ sā nityā praugam \5\
Sentence: 6 karaṇāni cayanamityekavidʰoktam \ praugā iṣṭakāḥ kārayet \6\
Sentence: 7 ubʰayataḥ praugaṃ cinvīta yaḥ kāmayeta prajātān bʰratr̥vyānnudeya pratijaniṣyamāṇāniti vijñāyate \7\
Sentence: 8 yatʰā vimukʰe śakaṭe \ tāvadeva dīrgʰacaturaśraṃ vihr̥tya pūrvāparayoḥ karaṇyorardʰāttāvati dakṣiṇottarayornipātayet \ sā nityobʰayataḥ praugam \ praugacitoktam \8\
Sentence: 9 ratʰacakracitaṃ cinvīta bʰrātr̥vyavāniti vijñāyate \9\
Sentence: 10 yāvānagniḥ sāratniprādeśastāvatīṃ bʰūmiṃ parimaṇḍalāṃ kr̥tvā tasmiṃścaturaśramavadadʰyādyāvatsaṃbʰavet \10\ \\12\\
Paragraph: 13
Sentence: 1 tasya karaṇyā dvādaśeneṣṭakāḥ kārayet \1\
Sentence: 2 tāsāṃ ṣaṭpradʰāvupadʰāya śeṣamaṣṭadʰā vibʰajet \2\
Sentence: 3 upadʰāne caturaśrasyāvāntaradeśānpratisraktīssaṃpādayet \ madʰyānītarasminprastāre \ vyatyāsaṃ cinuyādyāvataḥ prastārāṃścikīrṣet \3\
Sentence: 4 droṇacitaṃ cinvītānnakāma iti vijñāyate \4\
Sentence: 5 dvayāni tu kʰalu droṇāni caturaśrāṇi parimaṇḍalāni ca \5\
Sentence: 6 tatra yatʰākāmī śabdārtʰyasya viśayitvāt \6\
Sentence: 7 caturaśraṃ vā yasya guṇaśāstram \ sa caturaśraḥ \7\
Sentence: 8 paścāttsarurbʰavatyanurūpatvāyeti vijñāyate \8\
Sentence: 9 sarvasyā bʰūmerdaśamaṃ tsaruḥ \ tasya puccʰena nirhāra uktaḥ \9\
Sentence: 10 tasya karaṇyā dvādaśeneṣṭakāḥ kārayedadʰyardʰāḥ pādeṣṭakāśca \10\
Sentence: 11 upadʰāne 'dʰyardʰāḥ purastātpratīcirātmanyupadadʰāti \ tsarvagre śroṇyośca prācīḥ \11\
Sentence: 12 sarvamagniṃ caturaśrābʰiḥ praccʰādayet \12\
Sentence: 13 pādeṣṭakābʰiḥ saṃkʰyāṃ pūrayet \13\
Sentence: 14 aparasminprastāre 'dʰyardʰā dakṣiṇata udīcīrātmanyupadadʰātyuttarataśca dakṣiṇāḥ \ tsarupārśvayordakṣiṇā udīcīśca \14\
Sentence: 15 sarvamagniṃ caturaśrābʰiḥ praccʰādayet \15\
Sentence: 16 pādeṣṭakābʰiḥ saṃkʰyāṃ pūrayet \ vyatyāsaṃ cinuyādyāvataḥ prastārāṃścikīrṣet \16\ \\13\\
Paragraph: 14
Sentence: 1 samūhyaṃ cinvīta paśukāma iti vijñāyate \1\
Sentence: 2 samūhanniveṣṭakā upadadʰāti \2\
Sentence: 3 dikṣu cātvālā bʰavanti \ tebʰyaḥ purīṣamabʰyuhatīti vijñāyate \3\
Sentence: 4 paricāyyaṃ cinvīta grāmakāma iti vijñāyate \4\
Sentence: 5 madʰyamāṃ svayamātr̥ṇṇāṃ pradakṣiṇamiṣṭakāgaṇaiḥ paricinoti \ sa paricāyyaḥ \5\
Sentence: 6 upacāyyaṃ cinvīta grāmakāma iti vijñāyate \ paricāyyenoktaḥ \6\
Sentence: 7 śmaśānacitaṃ cinvīta yaḥ kāmayeta pitr̥loka r̥dʰnuyāmiti vijñāyate \7\
Sentence: 8 dvayāni tu kʰalu śmaśānāni caturaśrāṇi parimaṇḍalāni ca \8\
Sentence: 9 tatra yatʰākāmī śabdārtʰasya viśayitvāt \9\
Sentence: 10 caturaśraṃ vā yasya guṇaśāstram \ sa caturaśraḥ \ tsaruvarjaṃ droṇacitoktaḥ \10\
Sentence: 11 cʰandaścitaṃ cinvīta paśukāma iti vijñāyate \11\
Sentence: 12 sarvaiścʰandobʰiścinuyādityekam \ prākr̥tairityaparam \12\ \\14\\
Paragraph: 15
Sentence: 1 śyenacitaṃ cinvīta suvargakāma iti vijñāyate \1\
Sentence: 2 vakrapakṣo vyastapuccʰo bʰavati \ paścātprāṅudūhati \ purastātpratyaṅudūhati \ evamiva hi vayasāṃ madʰye pakṣanirṇāmo bʰavatīti vijñāyate \2\
Sentence: 3 yāvānagniḥ sāratniprādeśaḥ saptavidʰaḥ saṃpadyate \ prādeśaṃ caturtʰamātmanaścaturbʰāgīyāścāṣṭau \ tāsāṃ tisraḥ śiraḥ \ itaratpakṣayorvibʰajet \3\
Sentence: 4 pañcāratniḥ puruṣaḥ \ caturaratnirvyāyāmaḥ \ caturviṃśatyaṅgulayo 'ratniḥ \ tadardʰaṃ prādeśa iti klr̥ptiḥ \4\
Sentence: 5 ardʰadaśamā aratnayo 'ṅgulayaśca caturbʰāgona pakṣāyāmaḥ \5\
Sentence: 6 dvipuruṣāṃ rajjumubʰayataḥ pāśaṃ karoti madʰye lakṣaṇam \ pakṣasyāparayoḥ koṭyorantau niyamya lakṣaṇena prācīnamāyaccʰedevaṃ purastāt \ sa nirṇāmaḥ \ etenottaraḥ pakṣo \ vyākʰyātaḥ \6\
Sentence: 7 ātmā dvipuruṣāyāmo 'dʰyardʰapuruṣavyāsaḥ \7\
Sentence: 8 puccʰe 'rdʰapuruṣavyāsaṃ puruṣaṃ pratīcīnamāyaccʰet \ tasya dakṣiṇato 'nyamuttarataśca \ tāvakṣṇayā vyavalikʰet \ yatʰā 'rdʰapuruṣo 'pyayesyāt \8\
Sentence: 9 śirasyardʰapuruṣeṇa caturaśraṃ kr̥tvā pūrvasyāḥ karaṇyā ardʰāttāvati dakṣiṇottarayornipātayet \9\ \\15\\
Paragraph: 17
Sentence: 1 apyayān prati śroṇyaṃsānapaccʰindyāt \ evamiva hi śyenaḥ \1\
Sentence: 2 karaṇaṃ puruṣasya pañcamāyāmaṃ ṣaṣṭʰavyāsaṃ kārayedyatʰāyoganataṃ tatpratʰamam \2\
Sentence: 3 te dve prācī saṃhite \ taddvitīyam \3\
Sentence: 4 pratʰamasya ṣaḍbʰāgamaṣṭama bʰāgena vardʰayet \ yatʰāyoganataṃ tattr̥tīyam \4\
Sentence: 5 caturbʰāgīyā 'dʰyardʰā \ tasyāścaturbʰāgīyāmātramakṣṇayā bʰindyāt \ taccaturtʰam \5\
Sentence: 6 caturbʰāgīyārdʰaṃ pañcamam \6\
Sentence: 7 tasyākṣṇayā bʰedaḥ ṣaṣṭʰam \7\
Sentence: 8 puruṣasya pañcamabʰāgaṃ daśabʰāgavyāsaṃ pratīcīnamāyaccʰet \ tasya dakṣiṇato 'nyamuttarataśca \ tāvakṣṇayā dakṣiṇāparayoḥ koṭyorālikʰet \ tatsaptamam \8\
Sentence: 9 evamanyat \ uttaraṃ tūttarasyāḥ koṭyālikʰet tadaṣṭamam \9\
Sentence: 10 caturbʰāgīyākṣṇayobʰayato bʰedo navamam \10\
Sentence: 11 upadʰāne ṣaṣṭiḥ ṣaṣṭiḥ pakṣayoḥ pratʰamā udīcīrupadadʰyāt \11\
Sentence: 12 puccʰapārśvayoraṣṭāvaṣṭau ṣaṣṭʰyayastisro 'gre tata ekāṃ tatastisraḥ tata ekām \12\
Sentence: 13 puccʰāpyaye caturtʰyau viśaye \ tayośca paścātpañcamyāvanīkasaṃhīte \13\
Sentence: 14 16 śeṣe daśa caturtʰyaḥ śroṇyaṃseṣu cāṣṭau prācīḥ pratīcīśca \1\
Sentence: 2 śeṣe ca ṣaḍviṃśatiraṣṭau ṣaṣṭʰyaścatasraḥ pañcamyaḥ \2\
Sentence: 3 śirasi caturtʰyau viśaye \ tayośca purastātprācyau \3\
Sentence: 4 eṣa dviśataḥ prastāraḥ \4\
Sentence: 5 aparasminprastāre pañca pañca nirṇāmayordvitīyāḥ \ apyayayośca tr̥tīyā ātmānamaṣṭabʰāgāvetāḥ \ śeṣe pañcacatvāriṃśatpratʰamāḥ prācīḥ \5\
Sentence: 6 puccʰapārśvayoḥ pañca pañca saptamyaḥ \ dvitīyacaturtʰyoścānyatarataḥ pratisaṃhitāmekaikām \ śeṣe trayodaśāṣṭamyaḥ \6\
Sentence: 7 śroṇyaṃseṣu cāṣṭau caturtʰyo dakṣiṇā udīcīśca \ śeṣe ca viṃśatistriṃśat ṣaṣṭʰya ekaṃ pañcamīm \7\
Sentence: 8 śirasi caturtʰyau tayośca purastāccatasro navamyaḥ \8\
Sentence: 9 eṣa dviśataprastāraḥ \9\
Sentence: 10 vyatyāsaṃ cinuyādyāvataḥ prastārāṃścikīrṣet \10\ \\17\\
Paragraph: 18
Sentence: 1 śyenacitaṃ cinvīta suvargakāma iti vijñāyate \1\
Sentence: 2 vakrapakṣo vyastapuccʰo bʰavati \ paścātprāṅudūhati \ purastātpratyaṅudūhati \ evamivahi vayasāṃ madʰye pakṣanirṇāmo bʰavatīti vijñāyate \2\
Sentence: 3 puruṣasya ṣoḍaśībʰirviṃśaśataṃ sāratniprādeśaḥ saptavidʰaḥ saṃpadyate \ tāsāṃ catvāriṃśadātmani tisraḥ śirasi pañcadaśa puccʰe ekatriṃśaddakṣiṇe pakṣe tatʰottare \3\
Sentence: 4 adʰyardʰapuruṣastiryagdvāvāyāmata iti dīrgʰa caturaśraṃ vihr̥tya śroṇyaṃsebʰyo dve dve ṣoḍaśyau nirasyet \ catvāriṃśatpariśiṣyante \ sa ātmā \4\
Sentence: 5 śirasyardʰapuruṣeṇa caturaśraṃ kr̥tvā pūrvasyāḥ karaṇyā ardʰāttāvati dakṣiṇottarayornipātayet \ tisraḥ pariśiṣyante taccʰiraḥ \5\
Sentence: 6 puruṣastiryagdvāvāyāmataḥ ṣoḍaśabʰāgaśca dakṣiṇaḥ pakṣaḥ \ tatʰottaraḥ \6\
Sentence: 7 pakṣāgre puruṣacaturtʰena catvāri caturaśrāṇi kr̥tvā tānyakṣṇayā vyavalikʰyārdʰāni nirasyet \ ekatriṃśatpariśiṣyante \7\
Sentence: 8 pakṣāgramutsr̥jya madʰye pakṣasya prācīṃ lekʰāmālikʰet \ pakṣāpyaye puruṣaṃ niyamya puruṣānte nitodaṃ kuryāt \ nitodātprācīnaṃ puruṣānte nitodaṃ nitodayornānāntāvālikʰet \ tatpakṣanamanam \ etenottaraḥ pakṣo vyākʰyātaḥ \8\ \\18\\
Paragraph: 19
Sentence: 1 dvipuruṣaṃ paścādardʰapuruṣaṃ purastāccaturbʰāgonaḥ hpuruṣa āyāmo 'ṣṭādaśakaraṇyau pārśvayostāḥh pañcadaśa parigr̥hṇanti \ tatpuccʰam \1\
Sentence: 2 ṣoḍaśīṃ caturbʰiḥ parigr̥hṇīyāt \ aṣṭamena tribʰiraṣṭamaiścaturtʰena caturtʰasaviśeṣeṇeti \2\
Sentence: 3 ardʰeṣṭakāṃ tribʰirdvābʰyāṃ caturtʰābʰyāṃ caturtʰasaviśeṣeṇeti \3\
Sentence: 4 pādeṣṭakāṃ tribʰiścaturtʰenaikaṃ caturtʰasaviśeṣārdʰābʰyāṃ ceti \4\
Sentence: 5 pakṣeṣṭakāṃ caturbʰirdvābʰyāṃ caturtʰābʰyāṃ saptamābʰyāṃ ceti \5\
Sentence: 6 pakṣamadʰyīyāṃ caturbʰirdvābʰyāṃ caturtʰābʰyāṃ dvisaptamābʰyāṃ ceti \6\
Sentence: 7 pakṣāgrīyāṃ tribʰiścaturtʰenaikaṃ caturtʰasaptamābʰyāmekaṃ caturtʰasaviśeṣasaptamābʰyāṃ ceti \7\
Sentence: 8 pakṣakaraṇyāḥ saptamaṃ tiryaṅmānī puruṣacaturtʰaṃ ca pārśvamānī \ tasyākṣṇayārajjvā karaṇaṃ prajr̥mbʰayet \ pakṣanamanyāḥ saptamena pʰalakāni namayet \8\
Sentence: 9 upadʰāne catasraḥ pādeṣṭakāḥ purastāccʰirasi \ apareṇa śiraso 'pyayaṃ pañca \ pūrveṇa pakṣāpyayāvekādaśa \ apareṇaikādaśa pūrveṇa puccʰāpyayaṃ pañcāpareṇa pañca pañcadaśa puccʰāgre \9\ \\19\\
Paragraph: 20
Sentence: 1 catasraścatasraḥ pakṣāgrīyāḥ pakṣāgrayoḥ pakṣāpyayayośca viśayāḥ \1\
Sentence: 2 tā ātmani catasr̥bʰiścatasr̥bʰiḥ ṣoḍaśībʰiryatʰāyogaṃ paryupadadʰyāt \2\
Sentence: 3 catasraścatasraḥ pakṣamadʰyīyāḥ pakṣa madʰyayoḥ \ pakṣeṣṭakābʰiḥ prācībʰiḥ pakṣau praccʰādayet \3\
Sentence: 4 avaśiṣṭaṃ ṣoḍaśībʰiḥ praccʰādayet \ antyā bāhyaviśeṣā anyatra śirasaḥ \4\
Sentence: 5 aparasminprastāre purastāccʰirasi dve ṣoḍaśyau bāhyaviśeṣe upadadʰyāt \ te 'pareṇa dve viśaye abʰyantaraviśeṣe \5\
Sentence: 6 dvābʰyāmardʰeṣṭakābʰyāṃ yatʰāyogaṃ paryupadadʰyāt \ bāhyaviśeṣābʰyāṃ parigr̥hṇīyāt \6\
Sentence: 7 ātma karaṇīnāṃ sandʰiṣu ṣoḍaśyo bāhyaviśeṣā upadadʰyāt \7\
Sentence: 8 catasraścatasro 'rdʰeṣṭakāḥ pakṣāgrayoḥ \ pakṣeṣṭakābʰirudīcībʰiḥ pakṣau praccʰādayet \8\
Sentence: 9 tisrastisro 'rdʰeṣṭakāḥ puccʰapārśvayoḥ \9\
Sentence: 10 avaśiṣṭaṃ ṣoḍaśībʰiḥ praccʰādayet \ antyā bāhyaviśeṣā anyatra puccʰāt \10\
Sentence: 11 yaccaturaśraṃ tryaśraṃ vā saṃpadyetārdʰeṣṭakābʰiḥ pādeṣṭakābʰirvā praccʰādayet \ aṇukāḥ pañcadaśabʰāgīyānāṃ stʰāne \11\
Sentence: 12 vyatyāsaṃ cinuyādyāvataḥ prastārāṃścikīrṣet \12\ \\20\\
Paragraph: 21
Sentence: 1 kaṅkacidalajaciditi śyenacitā vyākʰyātau \1\
Sentence: 2 evamiva hi śyenasya varṣīyāṃsau pakṣau puccʰādvakrau saṃnataṃ puccʰaṃ dīrgʰa ātmā 'maṇḍalaḥ śiraśca \ tasmāccʰrutisāmartʰyāt \ aśirasko vā 'nāmnānāt \2\
Sentence: 3 vijñāyate ca \ kaṅkacitaṃ śīrṣaṇvantaṃ cinvīta yaḥ kāmayeta saśīrṣo 'muṣmiṃlloke saṃbʰaveyamiti vidyamāne katʰaṃ brūyāt \3\
Sentence: 4 prākr̥tau vakrau pakṣau saṃnataṃ puccʰaṃ vikāraśravaṇādyatʰāprakr̥tyātmā 'vikārāt \4\
Sentence: 5 yatʰo etaccʰyenacitaṃ cinvīteti yāvadāmnātaṃ sārūpyaṃ tadvyākʰyātam \5\
Sentence: 6 tristāvo 'gnirbʰavatītyaśvamedʰe vijñāyate \6\
Sentence: 7 tatra sarvābʰyāso 'viśeṣāt \7\
Sentence: 8 dīrgʰacaturaśrāṇāṃ samāsena pakṣapuccʰānāṃ samāsa uktaḥ \8\
Sentence: 9 ekaviṃśo 'gnirbʰavatītyaśvamedʰe vijñāyate \9\
Sentence: 10 tatra puruṣābʰyāso nāratniprādeśānāṃ saṃkʰyāsaṃyogāt saṃkʰyāsaṃyogāt \10\ \\21\\
Sentence: col.
ityāpastambaśulbasūtra
Copyright TITUS Project,
Frankfurt a/M, 8.12.2008.
No parts of this document may be republished in any form
without prior permission by the copyright holder.