TITUS
Black Yajur-Veda: Apastamba-Srautasutra
Part No. 12
Previous part

Paragraph: 12 
Verse: 1 
Sentence: a    niṣṭaptaṃ rakṣo niṣṭapto 'gʰaśaṃsa iti gārhapatye sāṃnāyyapātrāṇi pratitapya dʰr̥ṣṭir asi brahma yaccʰetyupaveṣamādāya nirūḍhaṃ janyaṃ bʰayaṃ nirūḍhāḥ senā abʰītvarīr iti gārhapatyādudīco 'ṅgārānnirūhya mātariśvano gʰarmo 'sīti teṣu kumbʰīm adʰiśrayati

Verse: 2 
Sentence: a    aprasraṃsāya yajñasyokʰe upadadʰāmy aham /
Sentence: b    paśubʰiḥ saṃnītaṃ bibʰr̥tām indrāya śr̥taṃ dadʰīti vā

Verse: 3 
Sentence: a    bʰr̥gūṇām aṅgirasāṃ tapasā tapyasveti pradakṣiṇam aṅgāraiḥ paryūhya vasūnāṃ pavitramasīti tasyāṃ prāgagraṃ śākʰāpavitramatyādadʰāti

Verse: 4 
Sentence: a    udak prātaḥ

Verse: 5 
Sentence: a    kumbʰīmanvārabʰya vācaṃ yaccʰati

Verse: 6 
Sentence: a    pavitraṃ vā dʰārayannāste

Verse: 7 
Sentence: a    adityai rāsnāsītyabʰidʰānīmādatte

Verse: 8 
Sentence: a    trayastriṃśo 'si tantūnāṃ pavitreṇa sahāgahi /
Sentence: b    śiveyaṃ rajjurabʰidʰānyagʰniyāmupasevatāmityādīyamānāmabʰimantrayate yajamānaḥ

Verse: 9 
Sentence: a    pūṣāsīti vatsamabʰidadʰāti

Verse: 10 
Sentence: a    upasr̥ṣṭāṃ me prabrūtād iti saṃpreṣyati

Verse: 11 
Sentence: a    upasr̥jāmītyāmantrayate /
Sentence: b    ayakṣmā vaḥ prajayā saṃsr̥jāmi rāyaspoṣeṇa bahulā bʰavantīr iti vatsamupasr̥jati

Verse: 12 
Sentence: a    gāṃ copasr̥ṣṭāṃ vihāraṃ cāntareṇa mā saṃcāriṣṭeti saṃpreṣyati

Verse: 13 
Sentence: a    yady upasr̥ṣṭāṃ vyaveyātsāṃnāyyaṃ mā vilopīti brūyāt

Verse: 14 
Sentence: a    upasīdāmītyāmantrayate /
Sentence: b    ayakṣmā vaḥ prajayā saṃsr̥jāmi rāyaspoṣeṇa bahulā bʰavantīḥ /
Sentence: c    ūrjaṃ payaḥ pinvamānā gʰr̥taṃ ca jīvā jīvantīr upa vaḥ sadeyam iti dogdʰopasīdati

Verse: 15 
Sentence: a    na śūdro duhyād duhyād vā

Verse: 16 
Sentence: a    dārupātre dogdʰi

Verse: 17 
Sentence: a    upasr̥ṣṭāṃ duhyamānāṃ dʰārāgʰoṣaṃ ca yajamāno 'numantrayate //
Sentence: b    ayakṣmā vaḥ prajayā saṃsr̥jāmīty upasr̥ṣṭām /
Sentence: c    dyauścemaṃ yajñaṃ pr̥tʰivī ca saṃduhātām /
Sentence: d    dʰātā somena saha vātena vāyuḥ /
Sentence: e    yajamānāya draviṇaṃ dadʰātv iti duhyamānām

Next part


This text is part of the TITUS edition of Black Yajur-Veda: Apastamba-Srautasutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.