TITUS
Black Yajur-Veda: Apastamba-Srautasutra
Part No. 152
Previous part

Paragraph: 10 
Verse: 1 
Sentence: a    yūpāyājyamānāyānubrūhīti saṃpreṣyaty ajyamānāyānubrūhy añjmo yūpam anubrūhīti vā

Verse: 2 
Sentence: a    atʰainam asaṃskr̥tenājyena yajamāno 'grataḥ śakalenānakti

Verse: 3 
Sentence: a    aindram asīti caṣālam aktvā supippalābʰyas tvauṣadʰībʰya iti pratimucya devas tvā savitā madʰvānaktv iti sruveṇa saṃtatam aviccʰindann agniṣṭhām aśrim anakty oparāt

Verse: 4 
Sentence: a    raśanādeśe triḥ sarvato yūpaṃ saṃmr̥śati

Verse: 5 
Sentence: a    añjanādi yūpaṃ yajamāno notsr̥jaty ā parivyayaṇāt

Verse: 6 
Sentence: a    yūpāyoccʰrīyamāṇāyānubrūhīti saṃpreṣyaty uccʰrīyamāṇāyānubrūhīti vā

Verse: 7 
Sentence: a    ud divaṃ stabʰānāntarikṣaṃ pr̥ṇety uccʰrayati

Verse: 8 
Sentence: a    te te dʰāmānīty avaṭe 'vadadʰāti

Verse: 9 
Sentence: a    viṣṇoḥ karmāṇi paśyateti dvābʰyām āhavanīyenāgniṣṭhāṃ saṃminoti

Verse: 10 
Sentence: a    yaṃ kāmayeta tejasainam ity uktam

Verse: 11 
Sentence: a    agram āhavanīyam upanataṃ yūpasyāvanataṃ mūlam

Verse: 12 
Sentence: a    anāvir uparaṃ kr̥tvā brahmavaniṃ tvā kṣatravanim iti pradakṣiṇaṃ pāṃsubʰiḥ paryūhya brahma dr̥ṃha kṣatraṃ dr̥mheti maitrāvaruṇadaṇḍena samaṃ bʰūmiparidr̥ṃhaṇaṃ kr̥tvā

Next part


This text is part of the TITUS edition of Black Yajur-Veda: Apastamba-Srautasutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.