TITUS
Black Yajur-Veda: Apastamba-Srautasutra
Part No. 358
Previous part

Paragraph: 6 
Verse: 1 
Sentence: a    brahmanpravargyeṇa pracariṣyāmaḥ /
Sentence: b    hotargʰarmamabʰiṣṭuhi /
Sentence: c    agnīdrauhiṇau puroḍāśāvadʰiśraya /
Sentence: d    pratiprastʰātarvihara /
Sentence: e    prastotaḥ sāmāni gāyeti

Verse: 2 
Sentence: a    yajuryuktaṃ sāmabʰirāktakʰamityupāṃśūktvomindravataḥ pracaratetyuccairanujānāti

Verse: 3 
Sentence: a    pracarateti vā

Verse: 4 
Sentence: a    yamāya tvā makʰāya tveti sarvaṃ parigʰarmyamabʰipūrvaṃ triḥ prokṣati

Verse: 5 
Sentence: a    prokṣitāni vyāyātayati

Verse: 6 
Sentence: a    adʰiśrayatyāgnīdʰro rauhiṇau puroḍāśau tūṣṇīmupacaritau

Verse: 7 
Sentence: a    etasminkāle pratiprastʰātā darvihomasaṃskāreṇājyaṃ saṃskaroti

Verse: 8 
Sentence: a    naitasya saṃskāro vidyata ityaparam

Verse: 9 
Sentence: a    atra dadʰyadʰiśrayati

Verse: 10 
Sentence: a    atʰaitāṃ samrāḍāsandīmādāyāgreṇāhavanīyaṃ paryāhr̥tya purastādrājāsandyāḥ sādayati

Verse: 11 
Sentence: a    tasyāṃ kr̥ṣṇājinaṃ prācīnagrīvamuttaralomāstīrya tasminnapracaraṇīyau mahāvīrāvupāvaharati deva puraścara sagʰyāsaṃ tveti

Verse: 12 
Sentence: a    upariṣṭātkāla eṣa mantro bʰavatītyaparam

Verse: 13 
Sentence: a    atʰaitāṃ metʰīṃ mayūkʰānviśākʰadāmānītyādāyāgreṇa hotāraṃ jagʰanena gārhapatyaṃ dakṣiṇayā dvāropanirhr̥tya dakṣiṇena dakṣiṇaṃ dvāraṃ metʰīṃ nihanti hotuḥ samīkṣāyai

Verse: 14 
Sentence: a    etasyaiva dvārasya pūrvasyai dvāryāyai dakṣiṇato vatsāya śaṅkum

Verse: 15 
Sentence: a    etasyaivāparasyai dvāryāyai dakṣiṇato 'jāyā abʰyantaram

Verse: 16 
Sentence: a    uttarato barkarāya

Verse: 17 
Sentence: a    teṣu viśākʰadāmāni vyāyātayati

Verse: 18 
Sentence: a    tānyeva vyāyātitāni bʰavantyodvāsanāt

Verse: 19 
Sentence: a    tairenānkāle badʰnanti

Verse: 20 
Sentence: a    tataḥ kʰarānupavapati

Verse: 21 
Sentence: a    uttareṇa gārhapatyamekam /
Sentence: b    uttareṇāhavanīyamekam

Verse: 22 
Sentence: a    uttarapūrvaṃ dvāraṃ pratyuccʰiṣṭakʰaraṃ karoti bāhyato niḥṣecanavantam

Verse: 23 
Sentence: a    uttareṇāhavanīyaṃ śr̥tadadʰyāsādayati

Next part


This text is part of the TITUS edition of Black Yajur-Veda: Apastamba-Srautasutra.

Copyright TITUS Project, Frankfurt a/M, 9.2.2018. No parts of this document may be republished in any form without prior permission by the copyright holder.