TITUS
Black Yajur-Veda: Vaisnava-Dharmasutra
Part No. 43
Previous part

Chapter: 43 
Verse: 1    atʰa narakāḥ //
Verse: 2    
tāmisram //
Verse: 3    
andʰa-tāmisram //
Verse: 4    
rauravam //
Verse: 5    
mahā-rauravam //
Verse: 6    
kāla-sūtram //
Verse: 7    
mahā-narakam //
Verse: 8    
saṃjīvanam //
Verse: 9    
avīci //
Verse: 10    
tapanam //
Verse: 11    
saṃpratāpanam //
Verse: 12    
saṃgʰātakam //
Verse: 13    
kākolam //
Verse: 14    
kuḍmalam //
Verse: 15    
pūti-mr̥ttikam //
Verse: 16    
loha-śaṅkuḥ //
Verse: 17    
r̥bīsam //
Verse: 18    
viṣama-pantʰāḥ //
Verse: 19    
kaṇṭaka-śālmaliḥ //
Verse: 20    
dīpa-nadī //
Verse: 21    
asi-patra-vanam //
Verse: 22    
loha-cārakam iti //
Verse: 23    
eteṣv akr̥ta-prāyaścittā atipātakinaḥ paryāyeṇa kalpaṃ pacyante\ //
Verse: 24    
mahāpātakino manv-antaram //
Verse: 25    
anupātakinaś ca //
Verse: 26    
upapātakinaś catur-yugam //
Verse: 27    
kr̥ta-saṃkarī-karaṇāś ca saṃvatsara-sahasram //
Verse: 28    
kr̥ta-jāti-bʰraṃśa-karaṇāś ca //
Verse: 29    
kr̥ta-apātrī-karaṇāś ca //
Verse: 30    
kr̥ta-malinī-karaṇāś ca //
Verse: 31    
prakīrṇa-pātakinaś ca bahūn varṣa-pūgān //


Verse: 32 
Halfverse: a    
kr̥ta-pātakinaḥ pāpāḥ prāṇa-tyāgād anantaram /
Halfverse: c    
yāmyaṃ pantʰānam āsādya\ duḥkʰam aśnanti\ dāruṇam //

Verse: 33 
Halfverse: a    
yamasya puruṣair gʰoraiḥ kr̥ṣyamāṇā yatas tataḥ /
Halfverse: c    
sa-kr̥ccʰreṇa_anukāreṇa nīyamānāś ca te yatʰā //

Verse: 34 
Halfverse: a    
śvabʰiḥ śr̥gālaiḥ kravya-ādaiḥ kāka-kaṅka-baka-ādibʰiḥ /
Halfverse: c    
agni-tuṇḍair bʰakṣyamāṇā bʰujaṅgair vr̥ścikais tatʰā //

Verse: 35 
Halfverse: a    
agninā dahyamānāś ca tudyamānāś ca kaṇṭakaiḥ /
Halfverse: c    
krakacaiḥ pāṭyamānāś ca pīḍyamānāś ca tr̥ṣṇayā //

Verse: 36 
Halfverse: a    
kṣudʰayā vyatʰamānāś ca gʰorair vyāgʰra-gaṇais tatʰā /
Halfverse: c    
pūya-śoṇita-gandʰena mūrcʰamānāḥ pade pade //

Verse: 37 
Halfverse: a    
para-anna-pānaṃ lipsantas tādyamānāś ca kiṃkaraiḥ /
Halfverse: c    
kāka-kaṅka-baka-ādīnāṃ bʰīmānāṃ sadr̥śa-ānanaiḥ //

Verse: 38 
Halfverse: a    
kva-cit tailena kvātʰyante\ tāḍyante\ musalaiḥ kva-cit /
Halfverse: c    
āyasīṣu ca vaṭyante\ śilāsu ca tatʰā kva-cit //

Verse: 39 
Halfverse: a    
kva-cid vāntam atʰa_aśnanti\ kva-cit pūyam asr̥k kva-cit /
Halfverse: c    
kva-cid viṣṭʰāṃ kva-cin māṃsaṃ pūya-gandʰi su-dāruṇam //

Verse: 40 
Halfverse: a    
andʰakāreṣu tiṣṭʰanti\ dāruṇeṣu tatʰā kva-cit /
Halfverse: c    
krimibʰir bʰakṣyamāṇāś ca vahni-tuṇḍaiḥ su-dāruṇaiḥ //

Verse: 41 
Halfverse: a    
kva-cic_śītena bādʰyante\ kva-cit ca_a-medʰya-madʰya-gāḥ /
Halfverse: c    
parasparam atʰa_aśnanti\ kva-cit pretāḥ su-dāruṇāḥ //

Verse: 42 
Halfverse: a    
kva-cid bʰūtena tāḍyante\ lambamānās tatʰā kva-cit /
Halfverse: c    
kva-cit kṣipyanti\ bāna-ogʰair utkr̥tyante\ tatʰā kva-cit //

Verse: 43 
Halfverse: a    
kaṇṭeṣu datta-pādāś ca bʰujaṅga-ābʰoga-veṣṭitāḥ /
Halfverse: c    
pīḍyamānās tatʰā yantraiḥ kr̥ṣyamāṇāś ca jānubʰiḥ //

Verse: 44 
Halfverse: a    
bʰagna-pr̥ṣṭʰa-śiro-grīvāḥ sūcī-kaṇṭʰāḥ su-dāruṇāḥ /
Halfverse: c    
kūṭa-agāra-pramāṇaiś ca śarīrair yātana-akṣamaiḥ //

Verse: 45 
Halfverse: a    
evaṃ pātakinaḥ pāpam anubʰūya\ su-duḥkʰitāḥ /
Halfverse: c    
tiryag-yonau prapadyante\ duḥkʰāni vividʰāni ca //



Next part



This text is part of the TITUS edition of Black Yajur-Veda: Vaisnava-Dharmasutra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.