TITUS
Black Yajur-Veda: Hiranyakesi- / Satyasadha-Srautasutra
Part No. 7
Previous part

Patala: 7  
Khanda: 23  
Page: 156 
Sutra: a     vedaprāntaiḥ sruvam̐ srucaś ca saha saṃmārṣṭi /

Sutra: b     prativibʰajyāprativibʰajya vā /

Sutra: c     uttānās tiraścīr vāpi vā dve uttāne upabʰr̥taṃ tiraścīm /

Sutra: d     aniśitāḥ stʰa sapatnakṣayaṇīs \\ ity abʰimantrya /

Sutra: e     gʰr̥tācīr eta \\ agnir vo hvayati devayajyāyai \\ ity ādāya /

Sutra: f     pratyuṣṭam ity āhavanīye gārhapatye vā niṣṭapati /

Sutra: g     goṣṭʰaṃ mā nirmr̥kṣam iti sruvam agrair antarato 'bʰyākāram̐ sarvato bilam abʰi saṃmārṣṭi mūlair daṇḍam /

Page: 157 
Sutra: h     vācaṃ prāṇam iti juhūṃ prācīm agrair antarato 'bʰyākāraṃ pratīcīṃ madʰyair bāhyato mūlair daṇḍam /

Page: 158 
Sutra: i     cakṣuḥ śrotram ity upabʰr̥taṃ pratīcīm agrair antarato 'bʰyākāraṃ prācīṃ madʰyair bāhyato mūlair daṇḍam /

Sutra: j     prajāṃ yonim iti dʰruvāṃ yatʰā sruvam /

Sutra: k     na saṃmr̥ṣṭāṃ cāsaṃmr̥ṣṭāṃ ca sam̐sr̥jati /

Sutra: l     niṣṭapati yatʰā purastāt /

Sutra: m     annādyaṃ prajāṃ puṣṭiṃ mā nirmr̥kṣam \\ vāji tvā sapatnasāham̐ saṃmārjmi \\ iti prāśitraharaṇam̐ sarvato bilam abʰi saṃmārṣṭi mūlair daṇḍam /

Page: 159 
Sutra: n     divaḥ śilpam avatatam \\ pr̥tʰivyāḥ kakubʰiḥ śritam / \ tena vayam̐ sahasravalśena \ sapatnaṃ nāśayāmasi svāhā \\ iti saṃmārgān abʰyukṣyāgnāv ādadʰāti yatarasmin saṃmārṣṭi /

Sutra: o     āśāsānā saumanasam iti mauñjena yoktreṇānyatarataḥpāśena patnīm̐ saṃnahyaty ūrdʰvajñur āsīnā tiṣṭʰantī vā /

Page: 160 
Sutra: p     na vāso 'bʰi saṃnahyet /

Sutra: q     pūṣā te grantʰiṃ gratʰnātu \\ ity uttarato nābʰer niṣṭarkyaṃ grantʰiṃ kr̥tvā sa te māstʰāt \\ iti dakṣiṇato nābʰeḥ parikarṣati /

Sutra: r     agne gr̥hapata upa mā hvayasva \\ iti //

Khanda: 24  
Sutra: a     tiṣṭʰantī gārhapatyam upatiṣṭʰate /

Sutra: b     patni patny eṣa te lokas \\ namas te astu \ mā mā him̐sīs \\ iti tam eva deśaṃ prekṣate /

Page: 161 
Sutra: c     indrāṇīvāvidʰavā bʰūyāsam \ aditir iva suputrā / \ astʰūri tvā gārhapatya \\ upaniṣade suprajāstvāya \\ iti dakṣiṇataḥpaścād gārhapatyasyodīcy upaviśati /

Sutra: d     evam̐ saṃnaddʰāvimokṣād anvāste /

Sutra: e     suprajasas tvā vayam ityāsīnā japati /

Sutra: f     mama putrāḥ śatruhaṇas \\ atʰo me duhitā virāṭ / \ utāham asmi saṃjayā \ patyur me śloka uttamas \\ iti ca /

Sutra: g     pūṣā te bilaṃ viṣyatu \\ iti sarpirdʰānasya gargarasya bilaṃ viṣyati pūṣāsi \\ iti vā /

Sutra: h     anyasmin pātre niṣicya yāv anirvapsyan bʰavati /

Page: 162 
Sutra: i     idaṃ viṣṇur vicakrame \\ iti dakṣiṇāgnāv adʰiśritya /

Sutra: j     aditir asy anāccʰinnapavitrā \\ ity ājyastʰālīm ādāya mahīnāṃ payo 'si \\ iti tasyāṃ pavitrāntarhitāyāṃ prabʰūtam ājyaṃ nirvapati /

Sutra: k     iṣe tvā \\ iti dakṣiṇārdʰe gārhapatyasyāṅgāreṣv adʰiśrayati /

Sutra: l     ūrje tvā \\ ity upādāya vedenopayamya patnyā upaharati /

Sutra: m     mahīnāṃ payo 'si \\ iti tat sā nimīlyānuccʰvasanty avekṣate /

Page: 163 
Sutra: n     tejo 'si \\ iti gārhapatye 'dʰiśrayati /

Sutra: o     tejase tvā \\ ity upādāya tejo 'nu prehi \\ iti harati /

Sutra: p     agnis te tejo mā vinait \\ ity āhavanīye 'dʰiśrayati \\ agnis te tejo mā vinait \\ yajñe yajñam̐ sam̐sādayāmi yajñe yajñaḥ pratiṣṭʰitas \\ iti vā /

Sutra: q     agner jihvāsi \\ ity uttareṇa prokṣaṇīḥ spʰyasya vartman sādayati /

Page: 164 
Sutra: r     ājyam asi \\ ity ājyam avekṣate /

Sutra: s     upariṣṭād votpavanāt /

Sutra: t     śukram asi \ jyotir asi \ tejo 'si \\ ity udagagrābʰyāṃ pavitrābʰyāṃ punarāhāram ājyaṃ trir utpunāti /

Page: 165 
Sutra: u     devo vas \\ iti triḥ prokṣaṇīḥ //

Khanda: 25  
Sutra: a     āpo repʰatapiprītamadʰvāsamaṅktāniṣadastʰāyāmannahr̥ṇīyamānā iti vā /

Sutra: b     antarvedy ājyāni gr̥hṇāti /

Sutra: c     sruveṇāniṣkāsinā /

Sutra: d     vedenopayamya /

Sutra: e     catuḥ pañca vā juhvāṃ gr̥hṇāty aṣṭau daśa vopabʰr̥ti yatʰā juhvām evaṃ dʰruvāyām /

Page: 166 
Sutra: f     bʰūyo juhvām alpiṣṭʰam upabʰr̥ti bʰūyiṣṭʰaṃ dʰruvāyām /

Sutra: g     upabilam̐ stʰālyā juhūṃ dʰārayamāṇo madʰyadeśa upabʰr̥ti bʰūmau pratiṣṭʰitāyāṃ dʰruvāyām̐ ṣoḍaśāny ājyāni gr̥hṇāti /

Sutra: h     saptadaśāni paśukāmaḥ kurvītaikavim̐śāni pratiṣṭʰākāmaḥ /

Sutra: i     śukraṃ tvā śukrāyām ity etair juhvāṃ gr̥hṇāti pañcānāṃ tvā vātānām iti cottarair upabʰr̥ti dʰruvāyāṃ ca /

Page: 167 
Sutra: j     yady alpīyām̐so mantrāḥ syus teṣām ardʰair upabʰr̥ti gr̥hṇīyād ardʰair itarayor yadi bʰūyām̐so 'vaśiṣṭā vikalpārtʰāḥ /

Sutra: k     śukram asi \ jyotir asi \ dʰāmāsi priyaṃ devānām \ anādʰr̥ṣṭaṃ devayajanam \\ devavītaye tvā gr̥hṇāmi \\ iti vā saṃkʰyāḥ pūrayati dʰāmāsi \\ iti vā sarvāsu /

Page: 168 
Sutra: l     anyatrotkarād ājyāni sādayitvāpoddʰr̥tyājyastʰālīṃ prokṣaṇīr abʰimantrya brahmāṇam āmantrya /

Sutra: m     kr̥ṣṇo 'si \\ iti viṣāyedʰmaṃ triḥ prokṣati /

Sutra: n     vedir asi \\ iti vedam /

Sutra: o     barhir asi \\ iti barhiḥ /

Sutra: p     trir ekaikam /

Sutra: q     antarvedi purograntʰi barhir āsādya dive tvā \\ ity agrāṇi prokṣati \\ antarikṣāya tvā \\ iti madʰyāni pr̥tʰivyai tvā \\ iti mūlāni /

Sutra: r     srucy agrāṇy upapāyya mūlāny upapāyayati /

Sutra: s     poṣāya vas \\ iti sahasrucā purastāt pratyañcaṃ grantʰiṃ pratyukṣati /

Page: 169 
Sutra: t     svadʰā pitr̥bʰyas \\ iti prokṣaṇyavaśeṣaṃ ninayati dakṣiṇasyāḥ śroṇeḥ saṃtatam ottarasyāḥ /

Sutra: u     pūṣā te grantʰiṃ viṣyatu \\ iti barhiṣo grantʰiṃ viṣyati /

Sutra: v     viṣṇo stūpo 'si \\ iti purastāt prastaraṃ gr̥hṇāti /

Sutra: w     nāvāñcaṃ nirāyaccʰati /

Sutra: x     nordʰvam udyauti /

Sutra: y     na vidʰunoti /

Sutra: z     na vikampayati /

Sutra: aa     karṣann ivāpayaccʰati /

Sutra: ab     yajamāne prāṇāpānau dadʰāmi \\ iti prastare pavitre apisr̥jya /

Sutra: ac     prāṇāpānābʰyāṃ tvā satanuṃ karomi \\ iti brahmaṇe prayaccʰati /

Sutra: ad     brahmā yajamānāya //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.