TITUS
Black Yajur-Veda: Hiranyakesi- / Satyasadha-Srautasutra
Part No. 9
Previous part

Prasna: 2  
Patala: 1  
Khanda: 1  
Page: 179 
Sutra: a     agnaye samidʰyamānāyānubrūhi \\ iti saṃpreṣyati samidʰyamānāyānubrūhi \\ iti vā \\ agnaye devebʰyaḥ samidʰyamānāya hotar anubrūhi \\ iti vā /

Sutra: b     āsīnaḥ praṇavepraṇave samidʰam ādadʰāti /

Sutra: c     samiddʰo agna āhuta \\ ity asyām uttamāyāṃ vānuyājasamidʰam avaśiṣya sarvam idʰmam ādadʰāti /

Page: 180 
Sutra: d     pratisāmidʰenīr vā /

Sutra: e     vedenāhavanīyaṃ trir upavājayati /

Sutra: f     sruveṇa dʰruvāyā ājyam ādāya vedenopayamyottaraṃ paridʰisaṃdʰim anvavahr̥tya sruvaṃ prajāpataye manave svāhā \\ iti manasā dʰyāyan dakṣiṇāprāñcam r̥juṃ dīrgʰam̐ saṃtataṃ jyotiṣmatyāgʰārayati tiryañcaṃ vā sarvāṇīdʰmakāṣṭʰāni sam̐sparśayati /

Page: 181 
Sutra: g     sruveṇājyastʰālyā ājyam ādāya \\ āpyāyatāṃ dʰruvā gʰr̥tena \\ iti dʰruvām āpyāyayati /

Sutra: h     sarvatraivam /

Sutra: i     agnīt paridʰīm̐ś cāgniṃ ca tristriḥ samr̥ḍḍʰi \\ iti saṃpreṣyati /

Sutra: j     idʰmasaṃnahanāni spʰya upasaṃgr̥hyāgnīdʰraḥ pradakṣiṇam anuparikrāman paridʰīn saṃmārṣṭi madʰyamam udañcaṃ prāñcāv itarau /

Sutra: k     agne vājajid vājaṃ tvā sariṣyantaṃ vājaṃ jeṣyantaṃ vājajitaṃ vājajityāyai saṃmārjmy agnim annādyam annādyāya \\ iti trir agnim /

Sutra: l     sarvāsv āhutiṣūpabʰr̥tā juhūm upadadʰāti mukʰato 'bʰihr̥tyopabʰr̥ti juhūm avadadʰāti hoṣyam̐s tenaiva pratyavaharati na sam̐śiñjayati nābʰiṃ prati srucau dʰārayate //

Khanda: 2  
Page: 182 
Sutra: a     samaṃ prāṇair ity ekeṣām /

Sutra: b     apareṇāhavanīyaṃ dakṣiṇena dakṣiṇātikrāmati savyenodaṅṅ api vā savyena dakṣiṇātikrāmati dakṣiṇenodaṅ /

Sutra: c     ādʰāram āgʰārayiṣyan bʰuvanam asi \\ ity agreṇa juhūpabʰr̥tau devebʰyaḥ prācīnam añjaliṃ karoti sapratʰā namo devebʰyas \\ iti vā /

Sutra: d     svadʰā pitr̥bʰyas \\ iti dakṣiṇā /

Sutra: e     juhv ehi \\ iti juhūm ādatte \\ upabʰr̥d ehi \\ ity upabʰr̥tam /

Page: 183 
Sutra: f     suyame me 'dya gʰr̥tācī bʰūyāstam̐ svāvr̥tau sūpāvr̥tau \\ ity upabʰr̥ti juhūm avadadʰāti /

Sutra: g     agnāviṣṇū ity anavaklindan prastaraṃ dakṣiṇātikrāmati /

Sutra: h     viṣṇoḥ stʰānam asi \\ ity avatiṣṭʰate /

Sutra: i     yatrendras tiṣṭʰan vīryam akarot tat tiṣṭʰan vīryaṃ kriyāsam iti vā /

Sutra: j     antarvedi dakṣiṇaṃ pādam avagʰnan savyaṃ kr̥tvā /

Sutra: k     dakṣiṇaṃ paridʰisaṃdʰim anvavahr̥tya srucam /

Sutra: l     samārabʰya \\ ity āgʰārayati /

Sutra: m     uccʰuṣmo agne \\ iti vā /

Sutra: n     prāñcam udañcam r̥juṃ dīrgʰam̐ saṃtataṃ jyotiṣmatyāgʰārayati /

Page: 184 
Sutra: o     tiryañcaṃ vā /

Sutra: p     sarvāṇīdʰmakāṣṭʰāni sam̐sparśayati /

Sutra: q     hutvānuprāṇiti /

Sutra: r     ūrdʰvam āgʰārayet svargakāmasya nyañcaṃ vr̥ṣṭikāmasya /

Sutra: s     dveṣyasya nyañcaṃ viccʰinatti vā /

Sutra: t     yaṃ kāmayeta pramāyukaḥ syād iti jihmaṃ tasyāgʰārayet /

Sutra: u     br̥had bʰās \\ iti srucam udgr̥hṇāti /

Page: 185 
Sutra: v     pāhi māgne \\ ity asam̐sprśayan srucāv atyākrāmati /

Sutra: w     samaktam agninā gʰr̥tam \\ samaktam̐ haviṣā haviḥ / \ sam antarikṣam arciṣā \\ iti juhvā dʰruvāṃ triḥ samanakti /

Sutra: x     makʰasya śiro 'si \\ iti vā /

Sutra: y     unnītam̐ rāye \\ iti sruveṇa dʰruvāyā ājyam ādāya suvīrāya svāhā \\ iti juhūṃ pratyabʰigʰārayati /

Sutra: z     yajñena yajñaḥ saṃtatas \\ iti juhvā dʰruvām /

Sutra: aa     sādayitvā srucau /

Sutra: ab     pravaraṃ pravr̥ṇīte /

Sutra: ac     idʰmasaṃnahanāni spʰya upasaṃgr̥hya vedeś ca tr̥ṇam avyantam adʰvaryuḥ pravarāyāvatiṣṭʰate //

Khanda: 3  
Page: 186 
Sutra: a     ka idam adʰvaryur bʰaviṣyati sa idam adʰvaryur bʰaviṣyati \ yajño yajñasya \ viṣṇoḥ stʰāne tiṣṭʰāmi \ vāg ārtvijyaṃ karotu \ mana ārtvijyaṃ karotu \ vācaṃ prapadye \ bʰūr bʰuvaḥ suvar ity adʰvaryur japati /

Sutra: b     tāny āgnīdʰro 'nvārabʰya paścād avatiṣṭʰate /

Sutra: c     ka idam agnīd bʰaviṣyati sa idam agnīd bʰaviṣyati \\ iti mantram̐ saṃnamati /

Sutra: d     brahman pravarāyāśrāvayiṣyāmi \\ ity āmantrayate /

Sutra: e     āśrāvayośrāvaya \\ iti vāśrāvayati /

Sutra: f     astu śrauṣaṭ \\ ity āgnīdʰraḥ pratyāśrāvayati /

Page: 187 
Sutra: g     evam āśrutapratyāśrute bʰavataḥ /

Sutra: h     utkare dakṣiṇāmukʰas tiṣṭʰann āgnīdʰraḥ spʰyaṃ dʰārayan pratyāśrāvayaty anyeṣv āśrāvaṇeṣu pravarāt /

Sutra: i     pratyāśrāvite pravaraṃ pravr̥ṇīte /

Sutra: j     agnir devo hotā devān yakṣad vidvām̐ś cikitvan manuṣvad bʰaratavad amuvad amuvat \\ iti yatʰā yajamānasyārṣeyam̐ saha pareṇa trīn anantarān /

Sutra: k     ita ūrdʰvān mantrakr̥to 'dʰvaryur vr̥ṇīte yatʰarṣi mantrakr̥to vr̥ṇīta iti vijñāyate /

Page: 188 
Sutra: l     amuto 'rvāñco hoteti vijñāyate /

Sutra: m     purohitasya pravareṇa rājā pravr̥ṇīte /

Sutra: n     purohitasyārṣeyeṇāvedayed iti rājño vijñāyate niṣādaratʰakārāś ca yam r̥ṣim anubruvate tena teṣāṃ pravaraṃ pravr̥ṇīte /

Sutra: o     tatʰā brāhmaṇānāṃ rājārpitānāṃ rājñāṃ vā brāhmaṇārpitānām /

Sutra: p     dvigotrasya trīm̐strīn ekaikasmād gotrād upalakṣayet /

Sutra: q     tatʰāsaṃprajñātabandʰoḥ purohitapravareṇācāryapravareṇa vā /

Sutra: r     kr̥tsnam ekeṣāṃ pravaraṃ pratiṣidʰya manuvat \\ ity eva vidadʰāti /

Sutra: s     brahmaṇvad ā ca vakṣat \\ brāhmaṇā asya yajñasya prāvitāras \\ iti pravaraśeṣaḥ /

Sutra: t     asau \\ iti hotur upām̐śu nāma gr̥hṇāti /

Sutra: u     mānuṣas \\ ity uccaiḥ /

Sutra: v     sīdati hotā /

Page: 189 
Sutra: w     vedyāṃ tr̥ṇam apisr̥jati //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.