TITUS
Black Yajur-Veda: Hiranyakesi- / Satyasadha-Srautasutra
Part No. 11
Previous part

Patala: 3  
Khanda: 7  
Sutra: a     sādayitvā srucāv āgneyaṃ prāñcaṃ virujyāṅguṣṭʰenopamadʰyamayā cāṅgulyājyāyo yavāmātrāt \\ āvyādʰāt kr̥tyatām idam / \ mā rūrupāma yajñasya \ śuddʰam̐ sviṣṭam idam̐ havis \\ ity anumr̥śya yavamātraṃ pippalamātraṃ vā prāśitram avadyati /

Page: 206 
Sutra: b     avirujyottarasmāt /

Sutra: c     prāśitraharaṇam upastīryāvadāyābʰigʰārayati /

Sutra: d     upastr̥ṇīyād abʰi ca gʰārayed ity ekeṣām /

Sutra: e     āgneyāt prāśitram avadyatīty ekeṣām /

Sutra: f     tan nidʰāya /

Sutra: g     iḍāpātram upastīryeḍām̐ samavadyati caturavattāṃ pañcāvattāṃ vā sviṣṭakr̥tānupūrvyaṃ vyākʰyātam /

Page: 207 
Sutra: h     manunā dr̥ṣṭāṃ gʰr̥tapadīm \\ mitrāvaruṇasamīritām / \ dakṣiṇārdʰād asaṃbʰindan \\ avadyāmy ekatomukʰām iti dakṣiṇārdʰāt puroḍāśasya pūrvam iḍāvadānam avadyati /

Page: 208 
Sutra: i     pūrvārdʰād aṇum iva dīrgʰaṃ yajamānabʰāgam /

Sutra: j     tam ājyena saṃtarpya dʰruvāyā upohya /

Sutra: k     saṃbʰedam avadyati /

Sutra: l     paścārdʰātr̥tīyaṃ pañcāvattāyāḥ /

Sutra: m     abʰigʰārya hotra iḍām ādadʰāti /

Sutra: n     prācīṃ vā prohati /

Sutra: o     anutsr̥jann eva hoteḍayādʰvaryuṃ parigr̥hṇāti yadi hotre prattā bʰavati /

Page: 209 
Sutra: p     agreṇa hotāraṃ dakṣiṇātikramya paścāt prāṅ āsīno hotur aṅguliparvaṇī anakti /

Sutra: q     pūrvam agre 'tʰāparam /

Sutra: r     tat so 'vagʰrāyāpa upaspr̥śati /

Sutra: s     yatʰetaṃ pratyetya purastāt pratyaṅṅ āsīno dakṣiṇe hotuḥ pāṇāv iḍāyā avāntareḍām avadyati /

Sutra: t     lepād upastr̥ṇāti /

Sutra: u     lepenābʰigʰārayati /

Sutra: v     upahvayate hotā /

Page: 210 
Sutra: w     iḍām upahūyamānām adʰvaryur āgnīdʰraḥ //


Khanda: 8  
Sutra: a     yajamānaś cānvārabʰante /

Sutra: b     daivyā adʰvaryava upahūtās \\ ity ucyamāne \\ upahūtaḥ paśumān asāni \\ iti japati /

Sutra: c     upahūtāyām agreṇāhavanīyaṃ brahmaṇe prāśitraṃ pariharati /

Sutra: d     tasmin prāśite /

Sutra: e     iḍāsi \ syonāsi syonakr̥t \ sā no rāyaspoṣe suprajāstve dʰāḥ / \ mukʰasya tvā dyumnāya surabʰyāsyatvāya prāśnāmi * \\ ity upahūtām r̥tvijaḥ prāśnanti yajamānapañcamāḥ /
      FN emended. Ed.: tvāśnāmi.

Sutra: f     vāgyatā bʰavanty ā mārjanāt /

Sutra: g     mano jyotir jupatām ity antarvedi pavitravati mārjayante /

Sutra: h     āgreyaṃ caturdʰā virujya barhiṣadaṃ karoti /

Page: 211 
Sutra: i     tasminn ādiśyamāne \\ idaṃ yajamānasya \\ iti yajamānabʰāgam ādiśati /

Sutra: j     ādiṣṭasya stʰaviṣṭʰam agnīdʰe ṣaḍavattam̐ saṃpādayati /

Sutra: k     upastīryāvadāyābʰigʰārayaty evaṃ punar avadyati /

Sutra: l     divo bʰāgo 'si \\ agner āgnīdʰram asi \\ agneḥ śāmitram asi \\ agnes tvāsyena prāśnāmi \ namas te astu \ mā mā him̐sīs \\ ity āgnīdʰraḥ prāśnāti /

Sutra: m     vedena brahmayajamānabʰāgau pariharati /

Sutra: n     anyena pātreṇa hotre 'nyenādʰvaryave /

Sutra: o     pr̥tʰivyai bʰāgo 'si \\ iti hotā prāśnāti \\ antarikṣasya bʰāge 'si \\ ity adʰvaryus \\ divo bʰāgo 'si \\ iti brahmā /

Page: 212 
Sutra: p     mahān aparimito 'nvāhāryo dakṣiṇāgnāv odanaḥ pakvas tam abʰigʰāryānabʰigʰārya vāntarvedy āsādayati /

Sutra: q     dakṣiṇasadbʰya upahartavai \\ iti saṃpreṣyati /

Sutra: r     dakṣiṇata eta \\ iti yajamānenocyamāne yatʰāsaṃpraiṣaṃ kurvanti /

Sutra: s     anvāhāryaṃ pratigr̥hya pratyāyanti /

Sutra: t     haviḥśeṣān udvāsya /

Sutra: u     anūyājārtʰe ulmuke apisr̥jya /

Sutra: v     brahman prastʰāsyāmas \\ samidʰam ādʰāyāgnīt paridʰīm̐ś cāgniṃ ca sakr̥tsakr̥t saṃmr̥ḍḍʰi \\ iti saṃpreṣyati /

Sutra: w     eṣā te agne samit \ tayā vardʰasva cā ca pyāyasva / \ vardʰattāṃ ca te yajñapatir ā ca pyāyatām̐ svāhā \\ ity āgīdʰraḥ samidʰam ādʰāyāspʰyair idʰmasaṃnahanair aparikrāman paridʰīn saṃmārṣṭi madʰyamam udañcaṃ prāñcāv itarau /

Page: 213 
Sutra: x     agne vājajid vājaṃ tvā sasr̥vām̐sam iti mantram̐ saṃnamati /

Sutra: y     yo bʰūtānām adʰipatis \\ rudras tanticaro yuvā / \ paśūn asmākaṃ mā him̐sīr \ etad astu hutaṃ tava svāhā \\ iti saṃmārgān abʰyukṣyāhavanīye praharati /

Sutra: z     utkare śālāyāṃ balajāyāṃ vodasyet /

Sutra: aa     parogoṣṭʰaṃ vā haret parogavyūtiṃ vā //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.