TITUS
Black Yajur-Veda: Hiranyakesi- / Satyasadha-Srautasutra
Part No. 25
Previous part

Prasna: 4  
Patala: 1  
Khanda: 1  
Page: 393 
Sutra: a     aindrāgnena paśunā ṣāṇmāsyeṣāṇmāsye yajata āvr̥ttimukʰaāvr̥ttimukʰe saṃvatsaresaṃvatsare vā /

Page: 394 
Sutra: b     sauryaḥ prājāpatyo vā /

Sutra: c     taṃ vyākʰyāsyāmaḥ /

Sutra: d     sūryaṃ te cakṣus \\ iti ṣaḍḍʰotāraṃ manasānudrutya sagraham̐ hutvānvārambʰaṇīyām iṣṭiṃ nirvapati /

Page: 396 
Sutra: e     āgnāvaiṣṇavam ekādaśakapālam /

Sutra: f     siddʰam̐ saṃtiṣṭʰate /

Sutra: g     api vā caturgr̥hītam ājyam āgnāvaiṣṇavayarcāhavanīye juhoti /

Sutra: h     śeṣam ājyasya karoti dʰārayaty āhavanīyam /

Page: 397 
Sutra: i     uru viṣṇo vikramasva \\ iti sruveṇāhavanīye yūpāhutiṃ juhoti /

Sutra: j     ājyaśeṣaṃ sruvaṃ cādatte takṣṇe paraśuṃ prayaccʰati tad gaccʰanti yatra yūpaṃ cʰetsyanto bʰavanti /

Sutra: k     pālāśaḥ kʰādiro bailvo rauhītakaś ca yūpyā vr̥kṣāḥ /

Sutra: l     pālāśaṃ brahmavarcasakāmasyānnādyakāmasya vā kʰādiram̐ svargakāmasya bailvaṃ brahmavarcasakāmasya rauhītakaṃ prajākāmasya /

Sutra: m     tryavarārdʰyān yūpyān vr̥kṣān atikramya /

Sutra: n     ya r̥jur ūrdʰva ūrdʰvaśakala ūrdʰvaśākʰaḥ same bʰūmyai svād yone rūḍʰaḥ /

Sutra: o     yaṃ kāmayetāpratiṣṭʰitaḥ syād ity ārohaṃ tasmai vr̥śced yaṃ kāmayetāpaśuḥ syād ity aparṇaṃ tasmai śuṣkāgraṃ kāmayeta paśumān syād iti bahuparṇaṃ tasmai bahuśākʰam aśuṣkāgram /

Page: 398 
Sutra: p     pratiṣṭʰitaṃ pratiṣṭʰākāmasya /

Sutra: q     yaḥ pratyaṅṅ upanatastaṃ vr̥śced yaḥ prāṅṅ udaṅ vopanataḥ /

Sutra: r     yasya carjoḥ sata īṣad ivāgram upanatam /

Sutra: s     aty anyān agām iti //


Khanda: 2  
Sutra: a     yaṃ joṣayate tam upatiṣṭʰate /

Sutra: b     devas tvā savitā madʰvānaktu \\ iti sruveṇa gulpʰadagʰne jānudagʰne vā paryaṇakti /

Sutra: c     oṣadʰe trāyasvainam ity ūrdʰvāgrām oṣadʰim antardadʰāti svadʰite mainam̐ him̐sīs \\ iti paraśunā praharati yaḥ pratʰamaḥ śakalaḥ parāpatati tam upayaccʰate /

Sutra: d     anakṣasaṅgam̐ stʰāṇum uccʰim̐ṣan vr̥ścati gulhadagʰnaṃ vā /

Sutra: e     divam agreṇa \\ iti prāñcam udañcaṃ vā prahāpayati /

Sutra: f     vanaspate śatavalśo viroha \\ ity āvraścane juhoti sahasravalśā vi vayam̐ ruhema \\ ity ātmānaṃ pratyabʰimr̥śati /

Page: 399 
Sutra: g     yaṃ tvāyam̐ svadʰitis \\ ity anulomaṃ paraśunāṅgān kalpayati /

Sutra: h     accʰinno rāyaḥ suvīras \\ ity agraṃ parivāsayati /

Sutra: i     ekāratniprabʰr̥tīni brāhmaṇavyākʰyātāni kāmyāni yūpapramāṇāni teṣāṃ yātʰākāmī /

Sutra: j     sahopareṇa saṃkʰyā syād ā trayastrim̐śadaratneḥ /

Sutra: k     tryaratnir vā caturaratnir vā pālāśo nirūḍʰapaśubandʰasya yūpo 'to 'nye saumyasyādʰvarasya /

Sutra: l     aṣṭāśriṃ takṣṇoti nātistʰūlaṃ nātyaṇum ataṣṭam uparam /

Sutra: m     puraḥpuroṇīyām̐saṃ gopuccʰaṃ vā /

Page: 400 
Sutra: n     tasyaiva vr̥kṣasyāgrataś caṣālaṃ karoti /

Sutra: o     aṣṭāśriṃ pr̥tʰumātraṃ madʰye saṃnatam /

Sutra: p     yāvad idaṃ pratʰamam aṅgulikāṇḍaṃ tāvad ūrdʰvaṃ caṣālād yūpasyātirecayati /

Sutra: q     aṅgulimātraṃ kanīyo vāṅguleḥ /

Sutra: r     dvyaṅgulaṃ tryaṅgulaṃ caturaṅgulaṃ vaiteṣām eva takṣaṇānām̐ svaruṃ karoti /

Sutra: s     yaṃ kāmayetānyo 'sya lokam abʰyārohed ity anyavr̥kṣasya svaruṃ caṣālaṃ ca kuryāt /

Sutra: t     vedaṃ kr̥tvāgreṇāhavanīyam //

Khanda: 3  
Sutra: a     ratʰamātrīṃ vediṃ karoti /

Sutra: b     ratʰeṣāmātrīṃ prācīṃ ratʰākṣamātrīṃ paścāttiraścīṃ vipatʰayugamātrīṃ purastādudīcīm /

Page: 401 
Sutra: c     api vā ṣaḍaratniṃ prācīṃ caturaratniṃ paścāttiraścīṃ tryaratniṃ purastāttiraścīm asaṃnatā bʰavati /

Sutra: d     yat prāguttarasmāt parigrāhāt tat kr̥tvā pūrvārdʰe veder yūpāvaṭāyāvakāśam avaśiṣya śamyayottaravediṃ vimimīte /

Sutra: e     purastād ucīcīnakumbām̐ śamyāṃ nidʰāya vittāyanī me 'si \\ iti spʰyenodīcīṃ lekʰāṃ likʰati /

Sutra: f     dakṣiṇataḥprācīnakumbāṃ nidʰāya tiktāyanī me 'si \\ iti dakṣiṇataḥprācīṃ paścādudīcīnakumbāṃ nidʰāya \\ avatān mā nātʰitam iti paścādudīcīmuttarataḥ prācīnakumbāṃ nidʰāya \\ avatān mā vyatʰitam ity uttarataḥ prācīm abʰyantaraṃ parilikʰati /

Sutra: g     uttareṇottaraṃ vedyam̐saṃ prakrame cātvālas taṃ parilikʰaty anenaiva kalpena yad anyan mantrebʰyaḥ /

Page: 402 
Sutra: h     devasya tvā \\ ity abʰrim ādāya vider agnir nabʰo nāma \\ iti kʰanati /

Sutra: i     jānudagʰnaṃ trivitastaṃ vā kʰātvā /

Sutra: j     agne aṅgiras \\ ity abʰriṃ praharati /

Sutra: k     yo 'syāṃ pr̥tʰivyām iti pām̐sūn apādatte /

Sutra: l     āyuṣā nāmnehi \\ iti harati /

Sutra: m     yat te 'nādʰr̥ṣṭam ity uttaravedyāṃ nivapati /

Sutra: n     evaṃ dvitīyaṃ haraty evaṃ tr̥tīyam //

Khanda: 4  
Sutra: a     yo dvitīyasyām iti dvitīyam apādatte yas tr̥tīyasyām iti tr̥tīyaṃ tūṣṇīṃ caturtʰam /

Page: 403 
Sutra: b     sim̐hīr asi mahiṣīr asi \\ ity uttaravediṃ karoti /

Sutra: c     uru pratʰasva \\ iti pratʰayati /

Sutra: d     dʰruvāsi \\ iti śamyayā sam̐hanti /

Sutra: e     devebʰyaḥ kalpasva \\ iti kalpayati /

Sutra: f     devebʰyaḥ śundʰasva \\ ity adbʰiḥ prokṣati /

Sutra: g     devebʰyaḥ śumbʰasva \\ iti sikatābʰir anuprakirati /

Sutra: h     yat te krūraṃ yad āstʰitam iti punar evādbʰir avokṣati /

Sutra: i     uttarato dakṣiṇato vā spʰyenaikaspʰyāṃ niḥsārya \\ āpo ripraṃ nirvahata \\ ity apām̐ śeṣaṃ ninayati /

Sutra: j     vibʰrāḍ br̥hat pibatu somyaṃ madʰu \\ āyur dadʰad yajñapatāv avihrutam / \ vātajūto yo abʰirakṣati tmanā \ prajāḥ piparti bahudʰā virājati \\ ity uttaravedyā antān kalpayati /

Page: 404 
Sutra: k     catuḥśikʰaṇḍe yuvatī kanīne \ gʰr̥tapratīke bʰuvanasya madʰye / \ tayor devā adʰisaṃvasantas \\ uttame nāka iha mādayantām iti vedim uttaravediṃ ca saṃmr̥śati /

Sutra: l     uttaravedyāṃ madʰye goṣpadamātrīm aśvaśapʰamātrīṃ prādeśamātrīṃ vottaranābʰiṃ karoti /

Sutra: m     indragʰoṣas tvā vasubʰiḥ purastāt pātu \\ iti pradakṣiṇam anuparikrāman pratidiśam uttaravediṃ prokṣati /

Sutra: n     tvaṣṭā tvā rūpair upariṣṭāt pātu \\ ity upariṣṭāt prokṣati /

Sutra: o     śeṣaṃ ninayati yatʰā purastāt /

Sutra: p     audumbaraśākʰābʰiś cʰannāṃ parivāsayati yadi śvaḥ kālaḥ //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.