TITUS
Black Yajur-Veda: Hiranyakesi- / Satyasadha-Srautasutra
Part No. 30
Previous part

Prasna: 5  
Patala: 1  
Khanda: 1  
Page: 447 
Sutra: a     akṣayyam̐ ha vai sukr̥taṃ cāturmāsyayājinaḥ /

Page: 448 
Sutra: b     tāny ālabʰamānaḥ pʰālgunyāṃ paurṇamāsyāṃ caitryāṃ vā pūrvasya parvaṇa aupavastʰye 'hani pañcahotāraṃ manasānudrutya sagraham̐ hutvānvārambʰaṇīyām iṣṭiṃ nirvapati vaiśvānaraṃ dvādaśakapālaṃ pārjanyaṃ carum /

Sutra: c     prācīnapravaṇe vaiśvadevena yajate /

Sutra: d     udavasāyānudavasāya vā /

Sutra: e     agner āvr̥tāgniṃ praṇīya /

Page: 449 
Sutra: f     agnyāyatana ūrṇāstukāṃ nidʰāyāgniṃ pratiṣṭʰāpya /

Sutra: g     agnīn anvādʰāyāmikṣāyai vaiśvadevyai sāyaṃdohāya vatsān apākaroti /

Sutra: h     saptadaśa sāmidʰenyaḥ /

Sutra: i     prasūnaṃ barhis trīn kalāpān saṃnahyaukadʰyaṃ punaḥ saṃnahyati /

Sutra: j     evam idʰmam /

Page: 450 
Sutra: k     punaḥsaṃnahane dʰarmaḥ /

Sutra: l     pātrasam̐sādanakāle yatʰārtʰaṃ pātrāṇi prayunakti juhūṃ dve copabʰr̥tau pr̥ṣadājyadʰānīṃ dvitīyāṃ dʰruvāṃ dve ājyastʰālyau dadʰidʰānīṃ dvitīyāṃ pālāśaṃ vājinapātram̐ srucaṃ camasaṃ vā /

Sutra: m     nirvapaṇakāla āgneyam aṣṭākapālaṃ nirvapati saumyaṃ carum̐ sāvitraṃ dvādaśakapālam̐ sārasvataṃ caruṃ pauṣṇaṃ carum etāni pañca saṃcarāṇi /

Sutra: n     mārutam̐ saptakapālaṃ vaiśvadevīm āmikṣāṃ dyāvāpr̥tʰivyam ekakapālam uttareṣu parvasu sāvitram aṣṭākapālam eke samāmananti /

Sutra: o     triṣpʰalīkr̥teṣu vibʰāgamantreṇa pauṣṇam apaccʰidya saha puroḍāśyaiḥ pinaṣṭi /

Sutra: p     prātardohasyāvr̥tā prātardohaṃ dohayati tapte prātardohe sāyaṃdoham ānayaty āmikṣāṃ karoti sam̐hatām anyasmin pātra uddʰr̥tya vājinenopasicya prajñātāṃ nidʰāyotkare vājinaśeṣaṃ nidadʰāti //

Khanda: 2  
Page: 451 
Sutra: a     saṃyutānāṃ piṣṭānāṃ vibʰāgamantreṇa pauṣṇam apaccʰidya carukalpena śrapayati /

Sutra: b     uttaraṃ parigrāhaṃ parigr̥hya saṃpraiṣeṇa pratipadyate \\ ājyena dadʰnā codehi \\ iti saṃpraiṣasyāntam̐ saṃnamati /

Sutra: c     caitryāṃ tu dvirājyasyopastīrya dvir dadʰi gr̥hītvā sakr̥d ājyenābʰigʰārayati /

Page: 452 
Sutra: d     udvāsanaprabʰr̥tīni karmāṇi pratipadyate /

Sutra: e     anyasmin pātra ekakapālam udāsya prabʰūtena sarpiṣābʰyānīyāviṣpr̥ṣṭʰaṃ karoti /

Sutra: f     vyāhr̥tibʰir havīm̐ṣy āsādayati tatʰā saṃvatsare /

Sutra: g     nirmantʰyasyāvr̥tā nirmantʰyena pracarati /

Sutra: h     vedaṃ nidʰāya sāmidʰenībʰyaḥ saṃpreṣyati /

Sutra: i     nava prayājān yajati caturtʰe samānīyāṣṭame sarvam̐ samānayate /

Sutra: j     sarvatropām̐śu sāvitraikakapālayor devatā yajati /

Sutra: k     kr̥tsnam ekakapālam avadāyāśayam anuparyasyarjuṃ pratiṣṭʰitam aparyāvartayañ juhoti /

Sutra: l     yadi hutaḥ paryāvarteta vare datte sruco 'greṇa kalpayet pratyādāya vā punar juhuyān na pāṇinety ekeṣām /

Page: 453 
Sutra: m     madʰuś ca mādʰavaś ca \\ iti caturbʰir māsanāmabʰir ekakapālam abʰijuhoti madʰave svāhā \ mādʰavāya svāhā \\ iti vā /

Sutra: n     pr̥ṣadājyena navānūyājān yajati //

Khanda: 3  
Sutra: a     saṃvatsarīṇām̐ svastim āśāste divyaṃ dʰāmāśāste \\ iti sūktavākasyāśīṣṣu hotānuvartayati /

Sutra: b     prahr̥teṣu paridʰiṣu sam̐srāveṇābʰihutya vājinena pracarati /

Sutra: c     vājinapātra upastīrya barhiṣi viṣiñcan vājinaṃ gr̥hṇāti pūrayitvā nābʰigʰārayati /

Sutra: d     vājibʰyo 'nubrūhi \ vājino yaja \\ iti saṃpreṣyati /

Sutra: e     ūrdʰvajñur āsīno hotānavānaṃ yajati /

Page: 454 
Sutra: f     vaṣaṭkr̥te viṣicyamānayā juhoti /

Sutra: g     vājinasyāgne vīhi \\ ity anuyajati /

Sutra: h     vājinodrekeṇa diśaḥ pratiyajati yatʰā vasāhomodrekeṇa /

Sutra: i     samupahūya sarve vājinaṃ bʰakṣayanty anyonyasminn upahavam iccʰantas \\ upahvayasva \\ ity āmantraṇe \\ upahūtas \\ iti prativacanaḥ /

Sutra: j     vājināṃ bʰakṣo avatu vājo asmān \ retaḥ siktam amr̥taṃ balāya / \ sa na indra indriyaṃ draviṇaṃ dadʰātu \ mā riṣāma vājinaṃ bʰakṣayantas \ tasya te vājin vājibʰir bʰakṣaṃ kr̥tasya madʰumata upahūtasyopahūto bʰakṣayāmi \\ iti bʰakṣayanti /

Sutra: k     yajamānaḥ pratʰama uttamo vā /

Sutra: l     śvo bʰūte paurṇamāseneṣṭvodavasāyānudavasāya vā /

Sutra: m     prasūtā devena savitrā daivyā āpa undantu dīrgʰāyutvāya varcase \\ iti śiro 'bʰyunatti /

Page: 455 
Sutra: n     r̥tam eva parameṣṭʰi * \\ r̥taṃ nātyeti kiṃcana \\ r̥te samudra āhitas \\ r̥te bʰūmir iyam̐ śritā \\ agnis tigmena śociṣā \ tapa ākrāntam uṣṇihā \ śiras tapasy āhitam \\ vaiśvānarasya tejasā \\ r̥tenāsya nivartaye \ satyena parivartaye \ tapasāsyānuvartaye \ śivenāsyopavartaye \ śagmenāsyābʰivartaye \\ iti treṇyā śalalyekṣuśalākayā vā keśān vināyan /
      FN emended. Ed.: parameṣṭy.

Sutra: o     lauhena kṣureṇaudumbareṇa keśān nivartayati /

Sutra: p     vapati śmaśrūṇi sarvaṃ vā vāpayate //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.