TITUS
Black Yajur-Veda: Hiranyakesi- / Satyasadha-Srautasutra
Part No. 32
Previous part

Patala: 3  
Khanda: 9  
Sutra: a     tataś caturṣu māseṣu kārtikyāṃ mārgaśīrṣyāṃ vā dvyaham̐ sākamedʰair yajate /

Page: 469 
Sutra: b     agnaye 'nīkavate puroḍāśam aṣṭākapālaṃ nirvapati sākam̐ sūryeṇodyatā sākam̐ raśmibʰiḥ pracarantīty ekeṣāṃ marudbʰyaḥ sāṃtapanebʰyo madʰyaṃdine caruṃ na barhir anupraharatīty ekeṣām aparāhṇe gr̥hamedʰīyāya vatsān apākaroti yāvanto yajamānasyāyajuṣkeṇa vatsān apākarotīty ekeṣām /

Sutra: c     sāyam̐ hute 'gnihotre gr̥hamedʰīyasya tantraṃ prakramayati /

Sutra: d     tatra yāvat kriyate tad vyākʰyāsyāmaḥ /

Sutra: e     agnīn anvādʰāya vedaṃ kr̥tvāgnīn paristīrya pāṇī prakṣālyolaparājīm̐ stīrtvā yatʰārtʰaṃ pātrāṇi prayunakti /

Page: 470 
Sutra: f     kumbʰīṃ tisraś ca pātrīḥ /

Sutra: g     nirvapaṇakāle marudbʰyo gr̥hamedʰibʰyaḥ prabʰūtān vrīhīn nirvapati yāvat payo manyate /

Sutra: h     pavitreṇa gāṃ dohayati /

Sutra: i     na taṇḍulān utpunāti yajurutpūtenaiva payasā śrapayatīty ekeṣām /

Page: 471 
Sutra: j     dakṣiṇāgnau prativeśam odanaṃ pacati /

Sutra: k     spʰyam ādāya stīrṇāyā veder lomabʰyo 'dʰi stambayajur harati /

Sutra: l     uttaraṃ parigrāhaṃ parigr̥hya saṃpraiṣeṇa pratipadyate /

Sutra: m     yad anyad idʰmābarhiṣaḥ patnīsaṃnahanāc ca tat saṃpreṣyati /

Sutra: n     yat prāg ājyagrahaṇāt tat kr̥tvā dʰruvāyām eva gr̥hṇāti /

Sutra: o     prokṣaṇīr abʰimantrya brahmāṇam āmantrya vediṃ prokṣya prokṣaṇāvaśeṣaṃ ninīya pavitre apisr̥jya dʰruvām̐ sruvaṃ ca sādayati /

Sutra: p     eṣāsadat \\ iti mantram̐ saṃnamati /

Page: 472 
Sutra: q     viṣṇv asi \ vaiṣṇavaṃ dʰāma prājāpatyam ity ājyam abʰimantrayate /

Sutra: r     yad ānīkavatasya barhis tat sāṃtapanīyasya tad gr̥hamedʰīyasya tat stīrṇam evety ekeṣām /

Sutra: s     udvāsanaprabʰr̥tīni karmāṇi pratipadyate /

Sutra: t     śr̥tasya haviṣaḥ śaram uddʰr̥tya prajñātaṃ nidʰāya /

Sutra: u     pātrīṣūpastīrya trīn odanān uddʰarati /

Sutra: v     niṣkāsitāṃ kumbʰīṃ nidadʰāti /

Sutra: w     animr̥ṣṭaṃ darvyudāyuvanam avadʰāya /

Sutra: x     abʰidʰāryotpūyālaṃkr̥tyaudanān āsādayati /

Sutra: y     oḍʰāsu devatāsv agnim upavājyājyabʰāgābʰyāṃ pracarya /

Sutra: z     juhvām upastīrya sarvebʰya odanebʰyaḥ samavadāyābʰigʰārya marudbʰyo gr̥hamedʰibʰyo 'nubrūhi \ maruto gr̥hamedʰino yaja \\ iti saṃpreṣyati /

Page: 473 
Sutra: aa     sviṣṭakr̥t prāśitram iḍā ca kriyante prāśitāyām amātyebʰya odanānupaharanti ye havirbʰojanā bʰavanti /

Sutra: ab     prativeśapakvasya patny aśnāti /

Sutra: ac     iḍānto gr̥hamedʰīyaḥ saṃtiṣṭʰate /

Sutra: ad     āñjate 'bʰyañjate 'nu vatsān vāsayanti /

Sutra: ae     prativeśāś ca pacante /

Sutra: af     gāś ca gʰnate /

Sutra: ag     suhitā etām̐ rātriṃ vasanti pratītā anavartimukʰinaḥ /

Sutra: ah     parācīnarātre 'bʰivānyavatsāyā agnihotryāś ca vatsau badʰnāti /

Sutra: ai     purā prātaragnihotrāt pūrṇadarvyeṇa pracaranti /

Sutra: aj     darvyām upastīrya śaraniṣkāsasya darvīṃ pūrayitvā nimr̥ṣṭaṃ darvyudāyuvanam avadāyābʰigʰārya /

Page: 474 
Sutra: ak     pūrṇā darvi \\ ity anudrutyarṣabʰam āhūya dehi me \\ iti tasya ravate gārhapatye juhoti /

Sutra: al     yad r̥ṣabʰo na rūyād brahmāṇam āmantrya tenānujñāto juhuyāt /

Sutra: am     marudbʰyaḥ krīḍibʰyaḥ puroḍāśam̐ saptakapālaṃ nirvapati sākam̐ sūryenodyatā sākam̐ raśmibʰiḥ pracarantīty ekeṣām //

Khanda: 10  
Sutra: a     tadānīm eva mahāhavirbʰir yajate /

Sutra: b     pañca saṃcarāṇi nirupyaindrāgnam ekādaśakapālaṃ nirvapaty aindraṃ caruṃ vaiśvakarmaṇam ekakapālam /

Sutra: c     kārtikyāṃ yatʰāṣāḍʰyām evaṃ pr̥ṣadājyaṃ gr̥hṇāti mārgaśīrṣyāṃ tu yatʰā śrāvaṇyām /

Sutra: d     agne ver hotraṃ ver dūtyam \ ūrdʰvo adʰvare ṣṭʰās \\ avatāṃ tvā dyāvāpr̥tʰivī \ ava tvaṃ dyāvāpr̥tʰivī \ ava sviṣṭakr̥d indrāya devebʰyo bʰava \ juṣāṇo asya haviṣo gʰr̥tasya vīhi svāhā \\ iti srucyam āgʰāram āgʰārayati /

Sutra: e     sahaś ca sahasyaś ca \\ iti caturbʰir māsanāmabʰir ekakapālam abʰijuhoti sahase svāhā sahasyāya svāhā \\ iti vā /

Page: 475 
Sutra: f     idāvatsarīṇām̐ svastim āśāste \ divyaṃ dʰāmāśāste \\ iti sūktavākasyāśīṣṣu hotānuvartayati /

Sutra: g     aindrāgnatuṣair avabʰr̥tʰam avayanti gamanasaṃyuktaṃ tuṣapratipādanaṃ ca kriyate //


Next part


This text is part of the TITUS edition of Black Yajur-Veda: Hiranyakesi- / Satyasadha-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.