TITUS
Black Yajur-Veda: Kapisthala-Katha-Samhita
Part No. 3
Previous part

Adhyaya: 3  
Section: 1  
Page: 31  
Line: 1  Verse: a     vācaspataye pavasva /

Verse: b     vr̥ṣṇo aṃśubʰyāṃ gabʰastipūtaḥ /

Line: 2  Verse: c     devo devānāṃ pavitram asi /

Verse: d     yeṣāṃ bʰāgo 'si /

Verse: e     madʰumatīr ṇa iṣas kr̥dʰi /

Line: 3  Verse: f     svāṃkr̥to 'si /

Verse: g     urv antarikṣaṃ vīhi /

Verse: h     viśvebʰya indriyebʰyo divyebʰyaḥ pārtʰivebʰyaḥ /

Line: 4  Verse: i     manas tvāṣṭu /
      FN Oertel, Zur Kapiṣṭʰala-Kaṭʰa-Saṃhitā, p. 114

Verse: j     svāhā tvā subʰo sūryāya /

Line: 5  Verse: k     devebʰyas tvā marīcipebʰyaḥ /

Verse: l     prāṇāya tvā /

Line: 6  Verse: m     upayāmagr̥hīto 'si //

Line: 7  Verse: n     antar yaccʰa magʰavan pāhi somam uruṣya rāyaḥ sam iṣo yajasva /

Line: 8  Verse: o     antas te dyāvāpr̥tʰivī dadʰāmy antar dadʰāmy urv antarikṣam /

Line: 9  Verse: p     sajoṣā devair avaraiḥ paraiś cāntaryāme magʰavan mādayasva //

Line: 10  Verse: q     madʰumatīr ṇa iṣas kr̥dʰi /

Verse: r     svāṃkr̥to 'si /

Verse: s     urv antarikṣaṃ vīhi /

Line: 11  Verse: t     viśvebʰya indriyebʰyo divyebʰyaḥ pārtʰivebʰyaḥ /

Verse: u     manas tvāṣṭu /
      FN Oertel, Zur Kapiṣṭʰala-Kaṭʰa-Saṃhitā, p. 114

Line: 12  Verse: v     svāhā tvā subʰo sūryāya /

Verse: w     devebʰyas tvā marīcipebʰyaḥ /

Verse: x     apānāya tvā //


Section: 2  
Line: 15  Verse: a     ā vāyo bʰūṣa śucipā upa naḥ sahasraṃ te niyuto viśvavāra /

Line: 16  Verse: b     upo te andʰo madyam ayāmi yasya deva dadʰiṣe pūrvapeyam //

Line: 17  Verse: c     upayāmagr̥hīto 'si /

Verse: d     vāyave tvā //

Page: 32  
Line: 1  Verse: e     indravāyū ime sutā upa prayobʰir āgatam /

Line: 2  Verse: f     indavo vām uśanti hi //

Line: 3  Verse: g     upayāmagr̥hīto 'si /

Verse: h     vāyava indravāyubʰyāṃ tvā /

Verse: i     eṣa te yoniḥ /

Line: 4  Verse: j     sajoṣobʰyām tvā //

Line: 5  Verse: k     ayaṃ vāṃ mitrāvaruṇā sutaḥ soma r̥tāvr̥dʰā /

Line: 6  Verse: l     mamed iha śrutaṃ havam //

Line: 7  Verse: m     upayāmagr̥hīto 'si /

Verse: n     mitrāvaruṇābʰyāṃ tvā /

Verse: o     eṣa te yoniḥ /

Line: 8  Verse: p     r̥tāyubʰyāṃ tvā //

Line: 9  Verse: q     yā vāṃ kaśā madʰumaty aśvinā sūnr̥tāvatī /

Line: 10  Verse: r     tayā yajñaṃ mimikṣatam //

Line: 11  Verse: s     upayāmagr̥hīto 'si /

Verse: t     aśvibʰyāṃ tvā /

Verse: u     eṣa te yoniḥ /

Line: 12  Verse: v     mādʰvībʰyāṃ tvā /

Verse: w     upayāmagr̥hīto 'si /

Verse: x     vāyava indravāyubʰyāṃ tvā /

Line: 13  Verse: y     eṣa te yoniḥ /

Verse: z     viṣṇor urukrame /

Verse: aa     upayāmagr̥hīto 'si /

Line: 14  Verse: ab     mitrāvaruṇābʰyāṃ tvā /

Verse: ac     eṣa te yoniḥ /

Verse: ad     viṣṇor urukrame /

Verse: ae     upayāmagr̥hīto 'si /

Line: 15  Verse: af     aśvibʰyāṃ tvā /

Verse: ag     eṣa te yoniḥ /

Verse: ah     viṣṇor urukrame /

Line: 16  Verse: ai     taṃ rakṣasva /

Verse: aj     mā tvā dabʰan /

Verse: ak     duścakṣās te māvakṣat //


Section: 3  
Line: 18  Verse: a     ayaṃ venaś codayat pr̥śnigarbʰā jyotirjarāyū rajaso vimāne /

Line: 19  Verse: b     imam apāṃ saṃgame sūryasya śiśuṃ na viprā matibʰī rihanti //

Line: 20  Verse: c     upayāmagr̥hīto 'si /

Verse: d     śaṇḍāya tvā /

Verse: e     eṣa te yoniḥ /

Line: 21  Verse: f     vīratāyai tvā //

Line: 22  Verse: g     taṃ pratnatʰā pūrvatʰā viśvatʰematʰā jyeṣṭʰatātiṃ barhiṣadaṃ svarvidam /

Page: 33  
Line: 1  Verse: h     pratīcīnaṃ vr̥janaṃ dohase girāśuṃ jayantam anu yāsu vardʰase //

Line: 2  Verse: i     upayāmagr̥hīto 'si /

Verse: j     markāya tvā /

Verse: k     eṣa te yoniḥ /

Line: 3  Verse: l     prajābʰyas tvā //

Line: 4  Verse: m     apanuttā śaṇḍāmarkau saha tena yaṃ dviṣmaḥ /

Verse: n     tūtʰo 'si janadʰāyā devās tvā śukrapāḥ praṇayantu /

Line: 5  Verse: o     tūtʰo 'si janadʰāyā devās tvā mantʰipāḥ praṇayantu /

Line: 6  Verse: p     āyuḥ saṃdʰattaṃ prāṇaṃ saṃdʰattaṃ cakṣuḥ saṃdʰattaṃ śrotraṃ saṃdʰattaṃ vācaṃ saṃdʰattam /

Line: 7  Verse: q     anādʰr̥ṣṭāsi /

Verse: r     jinvetʰāṃ svapatyā madʰvā /

Line: 8  Verse: s     suvīrāḥ prajāḥ prajanayan parīhi /

Verse: t     suprajāḥ prajāḥ prajanayan parīhi //

Line: 10  Verse: u     saṃjagmānā divā pr̥tʰivyā śukraḥ śukraśociṣā mantʰī mantʰiśociṣā /

Line: 11  Verse: v     śukro 'si śukraśociḥ /

Verse: w     mantʰy asi mantʰiśociḥ /

Line: 12  Verse: x     accʰinnasya te deva soma suvīryasya rāyaspoṣasya dadʰitāraḥ syāma /

Line: 13  Verse: y     nirastā śaṇḍāmarkau saha tena yaṃ dviṣmaḥ /

Verse: z     śukrasyādʰiṣṭʰānam asi /

Line: 14  Verse: aa     mantʰino 'dʰiṣṭʰānam asi //

Line: 15  Verse: ab     yā saṃskr̥tiḥ pratʰamā viśvakarmā yo madʰyamo br̥haspatiś cikitvān /

Line: 16  Verse: ac     yaḥ paramo varuṇo mitro agnis tasmā indrāya sutam ājuhota tasmai sūryāya sutam ājuhota //

Line: 18  Verse: ad     svāhā tvā subʰo sūryāya /

Verse: ae     devebʰyas tvā marīcipebʰyaḥ //


Section: 4  
Line: 21  Verse: a     ye devā divy ekādaśa stʰa pr̥tʰivyām adʰy ekādaśa stʰa /

Line: 22  Verse: b     apsuṣado mahinaikādaśa stʰa te devāso yajñam imaṃ juṣadʰvam //

Line: 23  Verse: c     upayāmagr̥hīto 'sy āgrayaṇaḥ /

Verse: d     jinva yajñaṃ jinva yajñapatim /

Page: 34  
Line: 1  Verse: e     abʰi savanāni pāhi /

Verse: f     viṣṇus tvāṃ pātv indriyeṇa /

Line: 2  Verse: g     viśaṃ tvaṃ pāhīndriyeṇa /

Verse: h     eṣa te yoniḥ /

Verse: i     viśvebʰyas tvā devebʰyaḥ //

Line: 3  Verse: j     upayāmagr̥hīto 'si /

Verse: k     indrāya tvā br̥hadvate vayasvata uktʰāvyam /

Line: 4  Verse: l     yat ta indra br̥had vayas tasmai tvā /

Verse: m     viṣṇave tvā /

Verse: n     eṣa te yoniḥ /

Line: 5  Verse: o     indrāya tvā //

Line: 6  Verse: p     upayāmagr̥hīto 'si /

Verse: q     mitrāvaruṇābʰyāṃ tvā /

Verse: r     uktʰebʰyas tvoktʰāvyaṃ gr̥hṇāmi /

Line: 7  Verse: s     eṣa te yoniḥ /

Verse: t     mitrāvaruṇābʰyāṃ tvā /

Line: 8  Verse: u     punarhavir asi /

Verse: v     devebʰyas tvā devāvyaṃ pr̥ṇacmi yajñasyāyuṣe //

Line: 9  Verse: w     upayāmagr̥hīto 'si /

Verse: x     indrāya tvā /

Verse: y     uktʰebʰyas tvoktʰāvyaṃ gr̥hṇāmi /

Line: 10  Verse: z     eṣa te yoniḥ /

Verse: aa     indrāya tvā /

Verse: ab     punarhavir asi /

Line: 11  Verse: ac     devebʰyas tvā devāvyaṃ pr̥ṇacmi yajñasyāyuṣe //

Line: 12  Verse: ad     upayāmagr̥hīto 'si /

Verse: ae     indrāgnibʰyāṃ tvā /

Verse: af     uktʰebʰyas tvoktʰāvyaṃ gr̥hṇāmi /

Line: 13  Verse: ag     eṣa te yoniḥ /

Verse: ah     indrāgnibʰyāṃ tvā /

Verse: ai     devebʰyas tvā devāvyaṃ pr̥ṇacmi yajñasyāyuṣe //

Line: 15  Verse: aj     upayāmagr̥hīto 'si /

Verse: ak     indrāya tvā /

Verse: al     indrāya tvā /

Verse: am     uktʰebʰyas tvoktʰāvyaṃ gr̥hṇāmi /

Line: 16  Verse: an     eṣa te yoniḥ /

Verse: ao     indrāya tvā /

Line: 17  Verse: ap     devebʰyas tvā devāvyaṃ pr̥ṇacmi yajñasyāyuṣe //

Line: 18  Verse: aq     upayāmagr̥hīto 'si /

Verse: ar     indrāvaruṇābʰyāṃ tvā /

Verse: as     indrābr̥haspatibʰyāṃ tvā /

Line: 19  Verse: at     indrāviṣṇubʰyāṃ tvā /

Verse: au     uktʰebʰyas tvoktʰāvyaṃ gr̥hṇāmi /

Line: 20  Verse: av     eṣa te yoniḥ /

Verse: aw     indrāviṣṇubʰyāṃ tvā /

Verse: ax     devebʰyas tvā devāvyaṃ pr̥ṇacmi yajñasyāyuṣe //


Section: 5  
Page: 35  
Line: 1  Verse: a     mūrdʰānaṃ divo aratiṃ pr̥tʰivyā vaiśvānaram r̥ta ā jātam agnim /

Line: 2  Verse: b     kaviṃ samrājam atitʰiṃ janānām āsann ā pātraṃ janayanta devāḥ //

Line: 3  Verse: c     upayāmagr̥hīto 'si vaiśvānaraḥ /

Verse: d     dʰruvo 'si dʰruvakṣitir dʰruvāṇāṃ dʰruvatamo 'cyutānām acyutakṣittamaḥ /

Line: 4  Verse: e     eṣa te yoniḥ /

Line: 5  Verse: f     vaiśvānarāya tvā //

Line: 6  Verse: g     upayāmagr̥hīto 'si /

Verse: h     madʰave tvā /

Verse: i     upayāmagr̥hīto 'si /

Line: 7  Verse: j     mādʰavāya tvā /

Verse: k     upayāmagr̥hīto 'si /

Verse: l     śukrāya tvā /

Verse: m     upayāmagr̥hīto 'si /

Line: 8  Verse: n     śucaye tvā /

Verse: o     upayāmagr̥hīto 'si /

Verse: p     nabʰase tvā /

Line: 9  Verse: q     upayāmagr̥hīto 'si /

Verse: r     nabʰasyāya tvā /

Verse: s     upayāmagr̥hīto 'si /

Line: 10  Verse: t     iṣāya tvā /

Verse: u     upayāmagr̥hīto 'si /

Verse: v     ūrjāya tvā /

Verse: w     upayāmagr̥hīto 'si /

Line: 11  Verse: x     sahase tvā /

Verse: y     upayāmagr̥hīto 'si /

Verse: z     sahasyāya tvā /

Line: 12  Verse: aa     upayāmagr̥hīto 'si /

Verse: ab     tapase tvā /

Verse: ac     upayāmagr̥hīto 'si /

Line: 13  Verse: ad     tapasyāya tvā //

Line: 14  Verse: ae     indrāgnī āgataṃ sutaṃ gīrbʰir nabʰo vareṇyam /

Line: 15  Verse: af     asya pātaṃ dʰiyeṣitā //

Line: 16  Verse: ag     upayāmagr̥hīto 'si /

Verse: ah     indrāgnibʰyāṃ tvā /

Verse: ai     eṣa te yoniḥ /

Line: 17  Verse: aj     indrāgnibʰyāṃ tvā //

Line: 18  Verse: ak     omāsaś carṣaṇīdʰr̥to viśve devāsa āgata /

Line: 19  Verse: al     dāśvāṃso dāsuṣaḥ sutam //

Line: 20  Verse: am     upayāmagr̥hīto 'si /

Verse: an     viśvebʰyas tvā devebʰyaḥ /

Verse: ao     eṣa te yoniḥ /

Line: 21  Verse: ap     viśvebʰyas tvā devebʰyaḥ //


Section: 6  
Line: 24  Verse: a     janiṣṭʰā ugraḥ sahase turāya mandra ojiṣṭʰo bahulābʰimānaḥ /

Line: 25  Verse: b     avardʰann indraṃ marutaś cid atra mātā yad vīraṃ dadʰanad dʰaniṣṭʰā //

Page: 36  
Line: 1  Verse: c     upayāmagr̥hīto 'si /

Verse: d     indrāya tvā marutvate /

Verse: e     eṣa te yoniḥ /

Line: 2  Verse: f     indrāya tvā marutvate //

Line: 3  Verse: g     indra marutva iha pāhi somaṃ yatʰā śāryāte apibaḥ sutasya /

Line: 4  Verse: h     tava praṇītī tava śūra śarmann āvivāsanti kavayaḥ suyajñāḥ //

Line: 5  Verse: i     upayāmagr̥hīto 'si /

Verse: j     indrāya tvā marutvate /

Verse: k     eṣa te yoniḥ /

Line: 6  Verse: l     indrāya tvā marutvate //

Line: 7  Verse: m     marutvāṃ indra vr̥ṣabʰo raṇāya pibā somam anuṣvadʰaṃ madāya /

Line: 8  Verse: n     āsiñcasva jaṭʰare madʰya ūrmiṃ tvaṃ rājāsi pradivaḥ sutānām //

Line: 9  Verse: o     upayāmagr̥hīto 'si /

Verse: p     indrāya tvā marutvate /

Verse: q     eṣa te yoniḥ /

Line: 10  Verse: r     indrāya tvā marutvate //

Line: 11  Verse: s     [ marutvantaṃ vr̥ṣabʰaṃ vāvr̥dʰānam akavāriṃ divyaṃ śāsam indram / ]

Line: 12  Verse: t     [ viśvāsāham avase nūtanāyograṃ sahodām iha taṃ huvema // ]

Line: 13  Verse: u     [ upayāmagr̥hīto 'si / ]

Verse: v     [ indrāya tvā marutvate / ]

Verse: w     [ eṣa te yoniḥ / ]

Line: 14  Verse: x     [ indrāya tvā marutvate // ]

Line: 15  Verse: y     [ mahāṃ indro ya ojasā parjanyo vr̥ṣṭimāṃ iva / ]

Line: 16  Verse: z     [ stomair vatsasya vāvr̥dʰe // ]

Line: 17  Verse: aa     [ upayāmagr̥hīto 'si / ]

Verse: ab     [ mahendrāya tvā / ]

Verse: ac     [ eṣa te yoniḥ / ]

Line: 18  Verse: ad     [ mahendrāya tvā // ]

Line: 19  Verse: ae     mahāṃ indro nr̥vad ā carṣaṇiprā uta dvibarhā aminaḥ sahobʰiḥ /

Line: 20  Verse: af     asmadryag vāvr̥dʰe vīryāyoruḥ pr̥tʰuḥ sukr̥taḥ kartr̥bʰir bʰūt //
      FN emended. Ed.: asmadyrag.

Line: 21  Verse: ag     upayāmagr̥hīto 'si /

Verse: ah     mahendrāya tvā /

Verse: ai     eṣa te yoniḥ /

Line: 22  Verse: aj     mahendrāya tvā //


Section: 7  
Line: 24  Verse: a     ud u tyaṃ jātavedasaṃ devaṃ vahanti ketavaḥ /

Page: 37  
Line: 1  Verse: b     dr̥śe viśvāya sūryam //

Line: 2  Verse: c     citraṃ devānām udagād anīkaṃ cakṣur mitrasya varuṇasyāgneḥ /

Line: 3  Verse: d     āprā dyāvāpr̥tʰivī antarikṣaṃ sūrya ātmā jagatas tastʰuṣaś ca //

Line: 4  Verse: e     dyāṃ gaccʰa svar gaccʰa /

Verse: f     rūpaṃ vo rūpeṇābʰyāgāṃ vayasā vayaḥ /

Line: 5  Verse: g     tūtʰo vo viśvavedā vibʰajatu varṣiṣṭʰe 'dʰi nāke /

Verse: h     etat te agne rādʰa eti somacyutam /

Line: 6  Verse: i     tan mitrasya patʰā naya /

Verse: j     r̥tasya patʰā preta candradakṣiṇāḥ /

Line: 7  Verse: k     brāhmaṇam adyardʰyāsaṃ pitr̥mantaṃ paitr̥matyam r̥ṣim ārṣeyaṃ sudʰātudakṣiṇam //

Line: 9  Verse: l     ayaṃ no agnir varivas kr̥ṇotv ayaṃ mr̥dʰaḥ pura etu prabʰindan /

Line: 10  Verse: m     ayaṃ śatrūñ jayatu jarhr̥ṣāṇo 'yaṃ vājaṃ jayatu vājasātau //

Line: 11  Verse: n     vaneṣu vy antarikṣaṃ tatāna //

Line: 12  Verse: o     vi svaḥ paśya vy antarikṣam /

Verse: p     yatasva sadasyaiḥ /

Verse: q     asmadrātā madʰumatī devatrā gaccʰa /

Line: 13  Verse: r     pradātāram āviśa /

Verse: s     anavahāyāsmān devi dakṣiṇe devayānena patʰā yatī sukr̥tāṃ loke sīda /

Line: 14  Verse: t     <Mtan nau saṃskr̥tam //


Section: 8  
Line: 17  Verse: a     kadā cana starīr asi nendra saścasi dāśuṣe /

Line: 18  Verse: b     upopen nu magʰavan bʰūya in nu te dānaṃ devasya pr̥cyate //

Line: 19  Verse: c     upayāmagr̥hīto 'si /

Verse: d     ādityebʰyas tvā //

Line: 20  Verse: e     kadā cana prayuccʰasy ubʰe nipāsi janmanī /

Page: 38  
Line: 1  Verse: f     turīyāditya savanaṃ ta indriyam ātastʰāv amr̥taṃ divi //

Line: 2  Verse: g     upayāmagr̥hīto 'si /

Verse: h     ādityebʰyas tvā //

Line: 3  Verse: i     yajño devānāṃ pratyeti sumnam ādityāso bʰavatā mr̥ḍayantaḥ /

Line: 4  Verse: j     ā vo 'rvācī sumatir vavr̥tyād aṃhoś cid yā varivovittarāsat //

Line: 5  Verse: k     upayāmagr̥hīto 'si /

Verse: l     ādityebʰyas tvā /

Verse: m     vivasva ādityaiṣa te somapītʰas tasmin mandasva /

Line: 6  Verse: n     yā divyā vr̥ṣṭis tayā tvā śrīṇāmi //

Line: 8  Verse: o     adabdʰebʰiḥ savitaḥ pāyubʰiṣ ṭvaṃ śivebʰir adya paripāhi no gayam /

Line: 9  Verse: p     hiraṇyajihvaḥ suvitāya navyase rakṣā mākir ṇo agʰaśaṃsa īśata //

Line: 10  Verse: q     upayāmagr̥hīto 'si /

Verse: r     devāya tvā savitre /

Verse: s     upayāmagr̥hīto 'si /

Line: 11  Verse: t     suśarmāsi supratiṣṭʰānaḥ /

Verse: u     br̥had ukṣe namaḥ /

Verse: v     eṣa te yoniḥ /

Line: 12  Verse: w     viśvebʰyas tvā devebʰyaḥ //


Section: 9  
Line: 14  Verse: a     upayāmagr̥hīto 'si /

Verse: b     br̥haspatisutasya ta inda indriyāvataḥ patnīvato graham r̥dʰyāsam /

Line: 15  Verse: c     agnā3i patnīvā3n sajūs tvaṣṭrā somaṃ piba //

Line: 17  Verse: d     upayāmagr̥hīto 'si /

Verse: e     harisi hāriyojano haryo stʰātā /

Line: 18  Verse: f     haribʰyāṃ tvā /

Verse: g     stutastomasya te deva soma śastoktʰasyeṣṭayajuṣo harivato graham r̥dʰyāsam /

Line: 19  Verse: h     haryo stʰa harivato dʰānāḥ sahasomā indrasya //

Page: 39  
Line: 2  Verse: i     agna āyūṃṣi pavasa āsuvorjam iṣaṃ ca naḥ /

Line: 3  Verse: j     āre bādʰasva duccʰunām //

Line: 4  Verse: k     upayāmagr̥hīto 'si /

Verse: l     agnaye tvā tejasvate /

Verse: m     eṣa te yoniḥ /

Line: 5  Verse: n     agnaye tvā tejasvate //

Line: 6  Verse: o     ojas tad asya titviṣa ubʰe yat samavartayat /

Line: 7  Verse: p     indraś carmeva rodasī //

Line: 8  Verse: q     upayāmagr̥hīto 'si /

Verse: r     indrāya tvaujasvate /

Verse: s     eṣa te yoniḥ /

Line: 9  Verse: t     indrāya tvaujasvate //

Line: 10  Verse: u     adr̥śrann asya ketavo vi raśmayo janāṃ anu /

Line: 11  Verse: v     bʰrājanto agnayo yatʰā //

Line: 12  Verse: w     upayāmagr̥hīto 'si /

Verse: x     sūryāya tvā bʰrājasvate /

Verse: y     eṣa te yoniḥ /

Line: 13  Verse: z     sūryāya tvā bʰrājasvate /

Line: 14  Verse: aa     indram id dʰarī vahato 'pratidʰr̥ṣṭaśavasam /

Line: 15  Verse: ab     r̥ṣīṇāṃ ca stutīr upa yajñaṃ ca mānuṣāṇām //

Line: 16  Verse: ac     upayāmagr̥hīto 'si /

Verse: ad     indrāya tvā harivate /

Verse: ae     eṣa te yoniḥ /

Line: 17  Verse: af     indrāya tvā harivate //


Section: 10  
Line: 20  Verse: a     dʰātā rātiḥ savitedaṃ juṣantāṃ prajāpatir varuṇo mitro agniḥ /

Line: 21  Verse: b     tvaṣṭā viṣṇuḥ prajayā saṃrarāṇo yajamānāya draviṇaṃ dadʰātu //

Line: 22  Verse: c     sam indra ṇo manasā neṣi gobʰiḥ saṃ sūribʰir harivaḥ saṃ svastyā /

Page: 40  
Line: 1  Verse: d     saṃ brahmaṇā devakr̥taṃ yad asti saṃ devānāṃ sumatyā yajñiyānām //

Line: 2  Verse: e     saṃ varcasā payasā saṃ tanūbʰir aganmahi manasā saṃ śivena /

Line: 3  Verse: f     tvaṣṭā sudatro vidadʰātu rāyo 'nu no mārṣṭu tanvo yad viliṣṭam //

Line: 4  Verse: g     sugā vo devāḥ sadanedam astu ya ājagmuḥ savanedaṃ juṣāṇāḥ /

Line: 5  Verse: h     jakṣivāṃsaḥ papivāṃsaś ca viśve 'sme dʰatta vasavo vasūni //

Line: 6  Verse: i     yān āvaha uśato deva devāṃs tān preraya sve agne sadʰastʰe /

Line: 7  Verse: j     vahamānā bʰaramāṇā havīṃṣy asuṃ gʰarmaṃ divam ātiṣṭʰatānu //

Line: 8  Verse: k     yad adya tvā prayati yajñe asminn agne hotāram avr̥ṇīmahīha /

Line: 9  Verse: l     r̥dʰag ayāḍ r̥dʰag utāśamiṣṭa vidvān prajānann upayāhi sādʰu //

Line: 10  Verse: m     yajña yajñaṃ gaccʰa yajñapatiṃ gaccʰa svaṃ yoniṃ gaccʰa svāhā /

Line: 11  Verse: n     eṣa te yajño yajñapate sahasūktavākaḥ suvīraḥ svāhā /

Verse: o     devā gātuvido gātuṃ vittvā gātum ita /

Line: 12  Verse: p     manasaspata imaṃ deva yajñaṃ svāhā vāci svāhā vāte dʰāḥ //


Section: 11  
Line: 15  Verse: a     uruṃ hi rājā varuṇaś cakāra sūryāya pantʰām anvetavā u /

Line: 16  Verse: b     apade pādā pratidʰātave 'kar utāpavaktā hr̥dayāvidʰaś cit //

Line: 17  Verse: c     śataṃ te rājan bʰiṣajaḥ sahasram urvī gabʰīrā sumatiṣ ṭe astu /

Line: 18  Verse: d     āre bādʰasva nirr̥tiṃ parācaiḥ kr̥taṃ cid enaḥ pramumugdʰy asmat //

Page: 41  
Line: 1  Verse: e     agner anīkam apa āviveśāpāṃ napāt pratirakṣann asuryam /

Line: 2  Verse: f     damedame samidʰaṃ yakṣy agne prati te jihvā gʰr̥tam uccaraṇyet //

Line: 3  Verse: g     samudre te hr̥dayam apsv antaḥ saṃ tvā viśantv oṣadʰīr utāpaḥ /

Line: 4  Verse: h     yajñasya tvā yajñapate sūktavāke namovāke vidʰema // svāhā //

Line: 5  Verse: i     avabʰr̥tʰa nicumpuṇa nicerur asi nicumpuṇaḥ /

Verse: j     ava no devair devakr̥tam eno yakṣy ava martyair martyakr̥tam /

Line: 6  Verse: k     uror ā no deva riṣas pāhi /

Line: 7  Verse: l     devīr āpa eṣa vo garbʰaḥ /

Verse: m     taṃ vaḥ suprītaṃ subʰr̥tam abʰāriṣam /

Line: 8  Verse: n     deveṣu ṇaḥ sukr̥to brūta /

Verse: o     abʰiṣṭʰito varuṇasya pāśaḥ /

Line: 9  Verse: p     apsu dʰautasya te deva soma nr̥bʰi stutasya yo bʰakṣo gosanir yo 'śvasanis tasya ta upahūta upahūtasya bʰakṣaṃ kr̥ṇomi /

Line: 11  Verse: q     pratyasto varuṇasya pāśaḥ /

Verse: r     namo varuṇasya pāśāya //

Line: 12  Verse: s     gāyatrīṃ cʰandāṃsy anu saṃrabʰantām asmān rāya uta yajñāḥ sacantām //

Line: 13  Verse: t     suprītaḥ śiśur apa āviveśa //

Line: 14  Verse: u     unnetar vasyo 'dʰyunnayā naḥ //

Line: 15  Verse: v     āpo adyānvacāriṣaṃ rasena samagasmahi /

Line: 16  Verse: w     āyuṣmān agna āgamaṃ taṃ mā saṃsr̥ja varcasā /

Line: 17  Verse: x     edʰo 'sy edʰiṣīmahi /

Verse: y     samid asi samedʰiṣīmahi /

Verse: z     tejo 'si tejo mayi dʰehi //


Section: 12  
Page: 42  
Line: 1  Verse: a     prajāpatir vā idam āsīt /

Verse: b     tasmād agnir adʰyasr̥jyata /

Verse: c     so 'sya mūrdʰna ūrdʰva udadravat /

Line: 2  Verse: d     tasya yal lohitam āsīt tad apāmr̥ṣṭa /

Line: 3  Verse: e     tad bʰūmyāṃ nyamārṭ /

Verse: f     tat udumbaro 'jāyata /

Verse: g     tasmāt sa lohitaṃ pacyate /


Line: 4  Verse: h     sa prāṅ prādravat /

Verse: i     taṃ svā vāg aiṭṭa juhudʰīti /

Line: 5  Verse: j     sa itaḥ paryamr̥ṣṭa /

Verse: k     tat svāhety ajuhot /

Verse: l     tasmād eṣaivam āhutiḥ /

Line: 6  Verse: m     svā hy enaṃ vāg aiṭṭa /

Verse: n     tasmān na lalāṭe lomāsti na pāṇyoḥ /

Line: 7  Verse: o     tasmād aratnimātrī srug bʰavati /


Verse: p     cakṣur vāva sa tat svam ajuhot /

Line: 8  Verse: q     amum eva sa tad ādityam ajuhot /

Verse: r     eṣa hy evāgnihotram /

Verse: s     śvaḥśvo vasīyān bʰavati yasyaivam agnihotraṃ hūyate //


Line: 10  Verse: t     na vai purāhorātre āstām /

Verse: u     te etayāhutyobʰe sahāsr̥jyetām /

Line: 11  Verse: v     yat sāyaṃ juhoti

Verse: w     tena bʰrātr̥vyāya parācīṃ vivāsayati

Line: 12  Verse: x     yat prātas

Verse: y     tenātmane pratīcīm /


Verse: z     agner vai guptyā agnihotraṃ hūyate /

Line: 13  Verse: aa     yat sāyaṃ juhoti

Verse: ab     tenainaṃ rātryai ramayati

Verse: ac     yat prātas

Verse: ad     tenāhne /


Line: 14  Verse: ae     eṣā vā agnāv āhutiḥ pratʰamā hutā yad agnihotram /

Verse: af     tasmāt sarvā evāgnāv āhutayo hūyante /


Line: 15  Verse: ag     atʰaiṣā vā agnihotram ucyate /

Verse: ah     agnihotraṃ ha vai nāma nāsmād anyaḥ /
      FN Oertel: agner hotraṃ. p.22.

Line: 16  Verse: ai     samāneṣu vasīyān bʰavati yasyaivam agnihotraṃ hūyate //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.