TITUS
Black Yajur-Veda: Kapisthala-Katha-Samhita
Part No. 20
Previous part

Adhyaya: 38  
Section: 1  
Page: 238  
Line: 1  Verse: a     vimukto 'nyo 'naḍvān bʰavaty avimukto 'nyaḥ /

Verse: b     atʰātitʰyaṃ nirupyate

Line: 2  Verse: c     yajñasya saṃtatyā aviccʰedāya /

Verse: d     yad ubʰau vimuktau syātāṃ pitr̥devatyaṃ haviḥ syād viccʰinno yajño 'saṃtato 'navaruddʰaḥ /

Line: 4  Verse: e     yad ubʰāv avimuktau vārtragʰnaṃ haviḥ syāt saṃtato yajño 'viccʰinno 'varuddʰaḥ /

Line: 5  Verse: f     yad vimukto 'nyo bʰavaty avimukto 'nyas /

Verse: g     vārtragʰnaṃ havir bʰavaty apitr̥devatyaṃ saṃtato yajño 'viccʰinno 'varuddʰaḥ /


Line: 7  Verse: h     patnīm anvārambʰayitvā nirvapati /

Verse: i     patnī vai pārīṇahyasyeśe /

Line: 8  Verse: j     anumatam eva prasūtaṃ devebʰyo havir nirvapati patnyā evaiṣa yajñasyānvārambʰaḥ /

Line: 9  Verse: k     atʰo mitʰunam eva yajñamukʰe dadʰāti

Verse: l     prajananāya //


Line: 10  Verse: m     yāvanto vai puṇyam anvāyanti sarvebʰyas tebʰya ātitʰyaṃ kriyate /

Line: 11  Verse: n     cʰandāṃsi ha somaṃ rājānaṃ krītam anvāyanti /


Verse: o     agnes tanūr asi viṣṇave tveti

Line: 12  Verse: p     gāyatryaitan nirvapati /


Verse: q     somasya tanūr asi viṣṇave tveti

Line: 13  Verse: r     triṣṭubʰaitan nirvapati /


Verse: s     ati[tʰer ātitʰyam asi viṣṇave tveti ]

Verse: t     [ jagatyaitan nirvapati / ]

Line: 14  Verse: u     [ agnaye tvā rāyaspoṣade viṣṇave tvety anuṣṭubʰaitan nirvapati / ]

Line: 15  Verse: v     śyenāya tvā somabʰr̥te viṣṇave tveti gāyatryaitan nirvapati /


Line: 16  Verse: w     gāyatrī vā etam āharad amuṣmāl lokāt /

Verse: x     tasmāt sā punaryāmṇī /

Line: 17  Verse: y     tasmāt punaḥ prayujyate /


Verse: z     pañca kr̥tvo nirvapati /

Verse: aa     pāṅkto yajñaḥ /

Verse: ab     yajñam evāvarunddʰe /


Line: 18  Verse: ac     yac cʰandobʰir nirvapati

Verse: ad     ccʰandāṃsy eva bʰāgadʰeyavanti karoti /


Line: 19  Verse: ae     viṣṇave tvā viṣṇave tveti /

Verse: af     viṣṇur hy etarhi yajño yarhy aniruktaḥ /

Page: 239  
Line: 1  Verse: ag     tasmād vaiṣṇavaḥ puroḍāśo bʰavati /


Verse: ah     trikapālaḥ kāryaḥ /

Line: 2  Verse: ai     sa hi vaiṣṇavaḥ /


Verse: aj     yan navakapālas

Verse: ak     tenaiva trikapālaḥ /

Verse: al     trayo hi te trikapālāḥ /


Line: 3  Verse: am     navakapālo bʰavati /

Verse: an     nava prāṇāḥ /

Verse: ao     prāṇair eva yajñamukʰe praiti /

Line: 4  Verse: ap     atʰo teja eva trivr̥taṃ yajñamukʰe 'dʰiviyātayati /


Line: 5  Verse: aq     yat trikapālas

Verse: ar     tena vaiṣṇavas /

Verse: as     yat ṣaṭ

Verse: at     tena ccʰandasām /

Verse: au     tenobʰayasmān naiti //


Line: 7  Verse: av     paśur ālabʰyaḥ somāya rājñe /

Verse: aw     manuṣyarājāyen nvai paśur ālabʰyate /

Line: 8  Verse: ax     yad agniṃ mantʰanti /

Verse: ay     āgneyā vai paśavaḥ /

Verse: az     tad evāsmai paśur ālabʰyate /

Line: 9  Verse: ba     agniḥ sarvā devatāḥ /

Verse: bb     sarvā eva devatāḥ somāya ca ccʰandobʰyaś cāgatebʰyo janayati /


Line: 10  Verse: bc     āśvavālaḥ prastaro bʰavaty aikṣavāv udyāvau /

Line: 11  Verse: bd     aśva iva vai prajāpatir āsīt /

Verse: be     tasyeme vālā āsan yad aśvavālā etau bāhū yāv udyāvau /

Line: 12  Verse: bf     taṃ devā anvārabʰya svargaṃ lokam āyan /

Line: 13  Verse: bg     yad āśvavālaḥ prastaro bʰavaty aikṣavāv udyāvau

Line: 14  Verse: bh     prajāpatim evānvārabʰate /

Verse: bi     svargasya lokasya samaṣṭyai /


Line: 15  Verse: bj     prajāpater vā etāni pakṣmāṇi yad āśvavālāḥ /

Verse: bk     yad āśvavālaḥ prastaro bʰavati

Line: 16  Verse: bl     prajāpater evādʰi yajñamukʰaṃ pratanute //


Line: 17  Verse: bm     rakṣāṃsi vai devānāṃ yajñam ajigʰāṃsan /

Verse: bn     tāni kārṣmaryeṇāpāgʰnata /

Line: 18  Verse: bo     yat kārṣmaryamayāḥ paridʰayo bʰavanti

Verse: bp     rakṣasām apahatyai /


Line: 19  Verse: bq     yadyad vai devā etenākurvata tenārdʰnuvan /

Verse: br     tad asya karmaṇyatvam /

Line: 20  Verse: bs     karmaṇyo vai nāmaiṣaḥ /

Verse: bt     yajñamukʰa evaitenardʰnoti /


Verse: bu     saptadaśa sāmidʰenīr bʰavanti /

Line: 21  Verse: bv     saptadaśo vai saṃvatsaraḥ /

Verse: bw     pañcartavo dvādaśa māsāḥ /

Page: 240  
Line: 1  Verse: bx     eṣa vāva sa saṃvatsaraḥ /

Verse: by     saṃvatsarād evādʰi yajñamukʰaṃ pratanute //


Line: 3  Verse: bz     śiro vā etad yajñasya yad ātitʰyaṃ grīvā upasadaḥ /

Verse: ca     yat saṃstʰāpaye[n mukʰato yajñaṃ saṃstʰāpaye]t /

Line: 4  Verse: cb     śiro grīvābʰyo yajñasyāvac cʰindyāt /

Line: 5  Verse: cc     iḍāntaṃ bʰavati /

Verse: cd     śira eva grīvāsu yajñasya pratidadʰāti /


Line: 6  Verse: ce     navakapālo bʰavati /

Verse: cf     tasmān navadʰā puruṣasya śiro viṣyūtam /


Line: 7  Verse: cg     upasado vā etasyānuyājās tānūnaptram āśīḥ /

Line: 8  Verse: ch     tasmād ananuyājaṃ bʰavati //


Section: 2  
Line: 10  Verse: a     devā vā anyo'nyaśraiṣṭʰyāya nātiṣṭʰanta /

Verse: b     te caturdʰā vyudakrāmann agnir vasubʰiḥ somo rudrair indro marudbʰir varuṇa ādityaiḥ /

Line: 12  Verse: c     te devāḥ pāpīyāṃso 'bʰavan vasīyāṃso 'surāḥ /

Verse: d     te 'viduḥ pāpīyāṃso vai tye bʰavanti vasīyāṃso 'surā iti /

Line: 13  Verse: e     te priyās tanvaḥ samavādyanta /

Line: 14  Verse: f     te 'bruvann eṣāṃ nas tan na pārayād yo no 'nyo'nyasmai druhyād iti /

Line: 15  Verse: g     tasmāt satanūnaptriṇe na drogdʰavai /

Line: 16  Verse: h     yad druhyati priyāyai tanvai druhyati /

Verse: i     yat tanvaḥ samavādyanta tat tānūnaptrasya tānūnaptratvam /

Line: 17  Verse: j     tato devā abʰavan parāsurā abʰavan /

Line: 18  Verse: k     ya evaṃ vidvāṃs tānūnaptram upaiti bʰavaty ātmanā parāsya bʰrātr̥vyo bʰavati /


Line: 19  Verse: l     asau vā āditya indraḥ /

Line: 20  Verse: m     tasya te śraiṣṭʰyāyātiṣṭʰanta /

Verse: n     tiṣṭʰante 'sya samānāḥ śraiṣṭʰyāya ya evaṃ veda /

Line: 21  Verse: o     etasmin vai te tās tanvaḥ saṃnyadadʰata /

Verse: p     tasmād dʰi tebʰyas tejiṣṭʰaṃ bʰavati /

Line: 22  Verse: q     tasmāt sūryadevatyāḥ somā bʰūyiṣṭʰā hūyante /


Line: 23  Verse: r     ājyena vai vajreṇa devā vr̥tram agʰnan /

Verse: s     srugbʰyāṃ bāhubʰyām /

Line: 24  Verse: t     somo vr̥traḥ /

Verse: u     gʰnanti vā etat somaṃ yad asyājyenāntikaṃ juhvati /

Page: 241  
Line: 1  Verse: v     aṃśuraṃśus te deva somāpyāyatām iti

Verse: w     yad evāsya gʰnanti yan nitamayanti tad āpyāyayanti /


Line: 2  Verse: x     yanti vā ete 'smāl lokād ye somam āpyāyayanti /

Line: 3  Verse: y     eṣṭā rāyaḥ // preṣe bʰagāyeti /

Verse: z     asminn eva loke pratitiṣṭʰanti /


Line: 4  Verse: aa     pitaraṃ ca vā eṣa mātaraṃ ca hinasti yo garbʰaṃ hanti /

Line: 5  Verse: ab     anayor garbʰaḥ somo rājā /

Verse: ac     namo dive namaḥ pr̥tʰivyā iti /

Line: 6  Verse: ad     ābʰyām eva nihnute /


Verse: ae     kiṃ dīkṣayā spr̥ṇotīty āhuḥ kim avāntaradīkṣayeti /

Line: 7  Verse: af     ātmānam eva dīkṣayā spr̥ṇoti prajām avāntaradīkṣayā /


Line: 8  Verse: ag     saṃtarāṃ mekʰalām āyaccʰate /

Verse: ah     kanīyo vratam upaiti /

Line: 9  Verse: ai     tasmād ātmanaḥ prajāṃhīyasī /

Verse: aj     yat paraḥ satyāṃ visr̥jate tasmāt parovarīyaḥ prajayā putreṇa pautreṇa pratʰate /


Line: 10  Verse: ak     agnir vai dīkṣitaḥ /

Line: 11  Verse: al     śamayanty agnim āpaḥ /

Verse: am     madantīnāṃ mārjayate /

Verse: an     madantīnāṃ vratayati/
      FN emended. Ed.: vratayaty. Oertel, Zur Kapiṣṭʰala-Kaṭʰa-Saṃhitā, p.24f.

Line: 12  Verse: ao     śāntyai /
      FN emended. Ed.: aśāntyai. Oertel, Zur Kapiṣṭʰala-Kaṭʰa-Saṃhitā, p.24f.

Verse: ap     śāntir hy āpaḥ /

Verse: aq     atʰo teja evātman bʰūyaḥ samādʰatte /


Line: 13  Verse: ar     na vā etena hutaṃ vratayitavyaṃ nāhutaṃ yo dīkṣitaḥ /

Verse: as     agnir vai rudraḥ /

Line: 14  Verse: at     agninaiṣa tanvaṃ viparidʰatte tānūnaptre /

Verse: au     yā te agne rudriyā tanūr iti vratayati /

Line: 15  Verse: av     svāyām eva devatāyāṃ hutaṃ vratayati /

Verse: aw     tenāsya na hutaṃ bʰavati nāhutam //


Section: 3  
Line: 18  Verse: a     devāś ca vā asurāś ca saṃyattā āsan /

Verse: b     teṣām asurāṇām imāḥ pura āsann ayasmayīyaṃ rajatāntarikṣaṃ hariṇī dyauḥ /

Line: 20  Verse: c     te devāḥ saṃgʰātaṃsaṃgʰātaṃ parājayanta /

Verse: d     te 'vidur anāyatanā hi vai smas tasmāt parājayāmaha iti /

Line: 21  Verse: e     ta etāḥ puraḥ pratyakurvata havirdʰānaṃ diva āgnīdʰram antarikṣāt sadaḥ pr̥tʰivyāḥ /

Line: 22  Verse: f     te 'bruvann upasadam upāyāmopasadā vai mahāpuraṃ jayantīti /

Page: 242  
Line: 1  Verse: g     ta upasadam upāyan /

Line: 2  Verse: h     tān upasadbʰir evaibʰyo lokebʰyo niragʰnan /

Verse: i     tasmād āhur upasadā vai mahāpuraṃ jayantīti /

Line: 3  Verse: j     [ ta ebʰyo lokebʰyo nirhatā r̥tūn prāviśan / ]

Line: 4  Verse: k     te ṣaḍ upāyan /

Verse: l     tān upasadbʰir evartubʰyo niragʰnan dvābʰyām amuṣmāl lokād dvābʰyām antarikṣād dvābʰyāṃ pr̥tʰivyāḥ /

Line: 5  Verse: m     ta r̥tubʰyo nirhatāḥ saṃvatsaraṃ prāviśan /

Line: 6  Verse: n     te dvādaśopāyan /

Verse: o     tān upasadbʰir eva saṃvatsarān niragʰnaṃś catasr̥bʰir amuṣmāl lokāc catasr̥bʰir antarikṣāc catasr̥bʰiḥ pr̥tʰivyāḥ /

Line: 8  Verse: p     te saṃvatsarān nirhatā ahorātre prāviśan /

Line: 9  Verse: q     te yat sāyam upāyaṃs tenainān rātryā anudanta yat prātas tenāhnaḥ /

Line: 10  Verse: r     tasmād gauḥ sāyaṃ prātastanam āpyāyate prātaḥ sāyantanam /

Line: 11  Verse: s     tān upasadbʰir evaibʰyo lokebʰyo nudamānā āyan /

Verse: t     tato devā abʰavan parāsurā abʰavan /

Line: 12  Verse: u     ya evaṃ vidvān upasadam upaiti bʰavaty ātmanā parāsya bʰrātr̥vyo bʰavati //


Line: 14  Verse: v     na dvādaśāgniṣṭomasya kuryāt /

Verse: w     aśāntā nirmr̥jyuḥ /


Verse: x     na tisro 'hīnasya /

Line: 15  Verse: y     upariṣṭād yajñakratur garīyān abʰiṣīded grīvā niḥśr̥ṇīyād ārtim ārcʰet /

Line: 16  Verse: z     dvādaśāhīnasya kuryāt /

Verse: aa     śāntyā anirmārgāya /


Line: 17  Verse: ab     tisro agniṣṭomasya

Verse: ac     pratyuttabdʰyai sayatvāya /


Line: 18  Verse: ad     devā vā asuryān imāṃl lokān nānvavaitum adʰr̥ṣṇuvan /

Verse: ae     tān agninā [ mukʰenānvavāyan / ]

Line: 19  Verse: af     [ yad agnimanty upasadāṃ pratīkāni bʰavanti ]

Line: 20  Verse: ag     [ yatʰā kṣetrapatiḥ kṣetre 'nvavanayaty evam evaitat / ]

Verse: ah     [ agninā ] mukʰenemāṃl lokān abʰijayanto yanti /


Line: 21  Verse: ai     yo ha vai devān sādʰyān veda sidʰyaty asmai /

Line: 22  Verse: aj     ime vāva lokā devāḥ sādʰyāḥ /

Verse: ak     siddʰaṃ hy asyai siddʰam asmai siddʰam amuṣmai /

Line: 23  Verse: al     ya evaṃ veda sidʰyaty asmai //


Section: 4  
Page: 243  
Line: 1  Verse: a     iṣuṃ vā etāṃ devāḥ samaskurvan yad upasado 'gniṃ śr̥ṅgaṃ somaṃ śalyaṃ viṣṇuṃ tejanam /

Line: 2  Verse: b     te 'bruvan yo na ojiṣṭʰaḥ sa imāṃ visr̥jatv iti /

Line: 3  Verse: c     te rudram abruvaṃs tvaṃ vai na ojiṣṭʰo 'si tvam imāṃ visr̥jeti /

Line: 4  Verse: d     so 'bravīd vāryaṃ vr̥ṇā aham eva paśūnām īśā iti /

Line: 5  Verse: e     te 'manyanta yad ayaṃ paśūnām īśiṣyate sarvān nirṇeṣyatīti /

Line: 6  Verse: f     te 'bruvan saptāhānīśāsai na parācīnam iti /

Verse: g     tasmāt saptāhāni rudraḥ paśūnām īśe /

Line: 7  Verse: h     rakṣāṃsi parācīnaṃ gʰnanti /

Verse: i     tāṃ vyasr̥jat /

Line: 8  Verse: j     tayā puraḥ samarujat /

Verse: k     yat samarujat tad rudrasya rudratvam /

Verse: l     visr̥ṣṭim eva bʰrātr̥vyāya visr̥jati ya evaṃ vidvān upasadam upaiti /


Line: 9  Verse: m     na punar apakrāmet /

Line: 10  Verse: n     yataro vai saṃyattayoḥ punar apakrāmati parā sa jayate /

Verse: o     sam eṣa etarhi yatate ya upasadam upaiti /
      FN cf. Oertel, Zur Kapiṣṭʰala-Kaṭʰa-Saṃhitā, p. 23

Line: 11  Verse: p     sakr̥d eva parāṅ atikramyāśrāvayati

Line: 12  Verse: q     yajñasyābʰijityai rakṣasām apahatyai /


Verse: r     na prayājā bʰavanti nānuyājāḥ /

Line: 13  Verse: s     puro vā ete yajñasya yat prayājānuyājāḥ /

Verse: t     yat prayājānuyājān kuryāt puro yajñasya kuryād durativyatʰaṃ syād atīkṣṇām iṣuṃ kuryāt /


Line: 15  Verse: u     caturvrato bʰavati /

Verse: v     catvāri hīṣvāḥ parṇāni /


Verse: w     trivr̥to bʰavati /

Line: 16  Verse: x     triṣandʰir hīṣuḥ śr̥ṅgaṃ śalyas tejanam /


Verse: y     dvivrato bʰavati /

Verse: z     dviṣandʰir hīṣuḥ śalyaśca tejanaṃ ca


Line: 17  Verse: aa     ekavrato bʰavati /

Verse: ab     ekā hy eveṣuḥ /

Line: 18  Verse: ac     iṣum evaitāṃ saṃskr̥tya tāṃ śvo bʰrātr̥vyāya visr̥jati /

Verse: ad     atʰo vratam evāpnoti //


Line: 20  Verse: ae     grīvā vā etā yajñasya yad upasadaḥ /

Verse: af     na prayājā bʰavanti nānuyājāḥ /

Page: 244  
Line: 1  Verse: ag     tasmād grīvāḥ prati puruṣasyāṇiṣṭʰam /


Verse: ah     tāḥ savīryāḥ prayujyante /

Line: 2  Verse: ai     tasmād grīvā aṇiṣṭʰāḥ satīr vīryāvattamāḥ /


Line: 3  Verse: aj     tisra upasado bʰavanti /

Verse: ak     traya ime lokāḥ /

Verse: al     tasmāt puruṣasya traya skandāḥ /


Line: 4  Verse: am     atiṣaktābʰir yajati /

Verse: an     tasmād grīvā atiṣaktāḥ /


Line: 5  Verse: ao     atʰo ayātayāmnī /

Verse: ap     ayātayāmnyaiva yajati /


Verse: aq     saccʰandaso yājyānuvākyāḥ kuryāt /

Line: 6  Verse: ar     yad viccʰandasaḥ syur apacito hotāraṃ hanyuḥ /


Line: 7  Verse: as     bʰidvatīḥ

Verse: at     purāṃ bʰittyai //


Section: 5  
Line: 9  Verse: a     devāś ca vā asurāśca yajñe saṃyattā āsan /

Verse: b     sa yajño 'bibʰed yatare 'bʰijeṣyanti te mā vimatʰiṣyanta iti /

Line: 10  Verse: c     sa nyalayata /

Line: 11  Verse: d     taṃ devā abʰijityānvaiccʰan /

Verse: e     te prabāhug iccʰanta āyan /

Line: 12  Verse: f     tam indra uparyuparyatyakrāmat /

Verse: g     so 'bravīt ko māyam uparyuparyatyakramīd iti /

Line: 13  Verse: h     aham eṣa kr̥ccʰre hanteti /

Verse: i     atʰa kas tvam iti /

Verse: j     aham eṣa kr̥ccʰrād āharteti /

Line: 14  Verse: k     emūṣo nāmāyaṃ varāha ity abravīd ekavim̐śatyāḥ purām aśmamayīnāṃ pāre yat kiṃcāsurāṇāṃ vāmaṃ vasu tena tiṣṭʰati taṃ jahi ya eṣa kr̥ccʰre hantāvocatʰā iti /

Line: 16  Verse: l     [ tam indro dālbʰūṣyābʰivisr̥jya parābʰinat / ]

Line: 17  Verse: m     [ so 'bravīd eṣa hataḥ / ]

Verse: n     [ tam āhara ya eṣa kr̥ccʰrād āhartāvocatʰā iti / ]

Line: 18  Verse: o     taṃ viṣṇur apāsaṅga āharat /

Line: 19  Verse: p     yajño vai viṣṇuḥ /

Verse: q     yajñenaivaiṣāṃ tad yajñam avr̥ñjata paśubʰiḥ paśūn indriyeṇendriyam /

Page: 245  
Line: 1  Verse: r     tato devā abʰavan parāsurā abʰavan /

Verse: s     yajño vai viṣṇuḥ /

Line: 2  Verse: t     yajñenaivaitad yajñaṃ bʰrātr̥vyasya vr̥ṅkte paśubʰiḥ paśūn indriyeṇendriyam /

Line: 3  Verse: u     bʰavaty ātmanā parāsya bʰrātr̥vyo bʰavati /


Verse: v     devayajanam iccʰanti /

Line: 4  Verse: w     yajñam eveccʰanti /


Verse: x     yad vindanti

Verse: y     yajñam eva vindanti //


Line: 5  Verse: z     yad udīcīnaṃ prācīnaṃ pravaṇaṃ syāt tasmin yajeta yajñakāmaḥ /

Line: 6  Verse: aa     evam iva hi sa yajño 'śayat /

Verse: ab     yajñasyānuvittyai /


Verse: ac     yat samaṃ pratiṣṭʰitaṃ tasmin yajeta gataśrīḥ /

Line: 7  Verse: ad     pratiṣṭʰā vā etasmā eṣṭavyā yo gataśrīḥ /

Line: 8  Verse: ae     etad bʰūmyāḥ pratiṣṭʰitaṃ yat samam /

Verse: af     pratiṣṭʰām evāsmai vindati gaccʰati pratiṣṭʰām /


Line: 9  Verse: ag     tryunnate yajeta bʰrātr̥vyavān /

Line: 10  Verse: ah     tryunnatena vai viṣṇur imāṃl lokān udajayat /

Verse: ai     sa ebʰyo lokebʰyo 'surān prāṇudata /

Line: 11  Verse: aj     imān eva lokān ujjayaty ebʰyo lokebʰyo bʰrātr̥vyaṃ praṇudate /


Line: 12  Verse: ak     yasyaikadʰā madʰya unnataṃ syāt tasmin yajeta svargakāmaḥ /

Line: 13  Verse: al     ato vai devāḥ svargaṃ lokam āyan /

Verse: am     svargasya lokasya samaṣṭyai /


Line: 14  Verse: an     yatrauṣadʰayo bahvīr anyāanyā iva syus tasmin yajeta paśukāmaḥ /

Line: 15  Verse: ao     oṣadʰayo vai paśavaḥ /

Verse: ap     bʰūmānam eva paśūnām upaiti /


Verse: aq     yatrauṣadʰayaḥ kr̥ccʰraśaḥ paryāyaśaḥ parīyus tasmin yajeta paśukāmaḥ /

Line: 16  Verse: ar     ato vai devāḥ paśūn udasr̥janta /

Line: 17  Verse: as     paśūn evotsr̥jate /

Verse: at     yad r̥kṣam alomakaṃ tasmin yājayed yaṃ dviṣyāt /

Line: 18  Verse: au     vyr̥ddʰaṃ vā etad oṣadʰibʰir yad r̥kṣam alomakam /

Line: 19  Verse: av     oṣadʰayaḥ paśavaḥ /

Verse: aw     paśubʰir evainaṃ vyardʰayati /


Verse: ax     yat samayā devayajanaṃ pantʰā vidʰāvet tasmin yājayed yaṃ kāmayeta vy enaṃ prajayā paśubʰiś cʰindyām iti /

Line: 21  Verse: ay     etad vai viccʰinnaṃ nāma devayajanam /

Verse: az     vyenaṃ prajayā paśubʰiś cʰinatti /


Line: 22  Verse: ba     yad antarāpaś ca devayajanaṃ ca pantʰā vidʰāvet tasmin yājayed yaṃ kāmayeta nainam aparo yajña upanamed iti /

Line: 23  Verse: bb     etad vai parivartma nāma devayajanam /

Line: 24  Verse: bc     pary eṇam aparo yajño vr̥ṇakti /


Line: 25  Verse: bd     yatrāpaḥ sarvataḥ samavadraveyus tasmin yajetānnakāmaḥ /

Verse: be     digbʰyo vā etasmā annaṃ haranti yasmai haranti /

Page: 246  
Line: 1  Verse: bf     āpo 'nnam /

Verse: bg     sarvābʰya eva digbʰyo 'nnādyam avarunddʰe /

Line: 2  Verse: bh     tad etat samāpaṃ nāma devayajanam /

Line: 3  Verse: bi     nīpatamam iva[rta]samānānāṃ bʰavati //


Section: 6  
Line: 5  Verse: a     yatrāpaḥ prācīr āhavanīyāt pratīcīr gārhapatyād vyavadraveyus tasmin yājayed yam udake vā pātre vā vivāhe vā mīmāṃseran /

Line: 7  Verse: b     pāpmanā vā eṣo 'nuṣakto yam udake vā pātre vā vivāhe vā mīmāṃsante /

Line: 8  Verse: c     pāpmanaivainaṃ vyāvartayati /


Verse: d     yatrāpo dakṣiṇā pariplūya paścāt prācī rameraṃs tasmin yajeta bubʰūṣan /

Line: 9  Verse: e     āpo vai sarvā devatāḥ /

Line: 10  Verse: f     etad devatābʰir juṣṭaṃ devayajanam /

Verse: g     yad evaṃ devatābʰir eva juṣṭe devayajane yajate

Line: 11  Verse: h     bʰavaty eva /


Verse: i     yatrāpo dakṣiṇata udīcī rameraṃs tasmin yajeta sajātakāmaḥ /

Line: 12  Verse: j     āpo vai sarvā devatāḥ /

Line: 13  Verse: k     devatāḥ sajātāḥ /

Verse: l     sajātānām evainaṃ prārdʰe karoti /


Line: 14  Verse: m     kr̥trime yajeta bubʰūṣan /

Verse: n     ātmā vai devayajanam /

Verse: o     karoty evainam /


Line: 15  Verse: p     yatrāgniṃ cāpaś ca paśyan prātaranuvākam anubrūyāt tasmin yajeta yaḥ kāmayeta yajño māpara upanamed iti /

Line: 16  Verse: q     agniḥ sarvā devatā āpo yajñaḥ /

Line: 17  Verse: r     upainam aparo yajño namati /

Verse: s     devatāś ca hi yajñaṃ ca paśyan yajate /


Line: 18  Verse: t     yatrāgnim apaḥ sūryaṃ paśyan prātaranuvākam anubrūyāt tasmin yajeta brahmavarcasakāmaḥ /

Line: 19  Verse: u     etad vai triśukriyaṃ nāma devayajanam /

Verse: v     brahmavarcasī bʰavati /


Line: 20  Verse: w     yat purastād āptaṃ syād devayajanaṃ tasmin yajeta bʰrātr̥vyavān /

Line: 21  Verse: x     bʰrātr̥vyāya vā eṣa loka uccʰiṣyate yat purastād devayajanasyoccʰiṣyate /

Line: 22  Verse: y     etāvantam evāsmai lokam uccʰiṃṣati /

Line: 23  Verse: z     alokam enaṃ karoti /


Verse: aa     yo ha vai vidvān devayajanaṃ yajata r̥dʰnoti /

Line: 24  Verse: ab     agnir vāva devayajanam /

Verse: ac     agnau hi sarvā devatā ijyante /

Verse: ad     yatraiva kvacāgnim ādʰāya yajeta tenaivardʰnoti /


Line: 25  Verse: ae     brāhmaṇā vāva devayajanam /

Page: 247  
Line: 1  Verse: af     yatra brāhmaṇā bahavaḥ saṃrādʰayeyus tasmin yajeta /

Line: 2  Verse: ag     tenaivardʰnoti //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.