TITUS
Black Yajur-Veda: Kapisthala-Katha-Samhita
Part No. 25
Previous part

Adhyaya: 43  
Section: 1  
Page: 298  
Line: 1  Verse: a     ... [ āyuḥ ] prajānāṃ pradadʰyāt pramāyukāḥ syuḥ /

Verse: b     hotuś camase 'vanayati /

Line: 2  Verse: c     vaiśvadevo vai hotā vaiśvadevīr imāḥ prajāḥ /

Verse: d     prajāsv evāyur dadʰāti /

Line: 3  Verse: e     adʰruvaṃ vā enam etat karoti yad avanayati /

Verse: f     etasya vā adʰruvatvam anu prajābʰyo na kalpate /

Line: 4  Verse: g     dr̥ṃhantāṃ daivīr viśaḥ kalpantāṃ manuṣyā divi divyāni santv antarikṣe vayāṃsi pr̥tʰivyāṃ pārtʰivānīti dʰruvam avanayati /

Page: 299  
Line: 2  Verse: h     yatʰāyatanam eva prajā dr̥ṃhati /


Verse: i     āhūta uktʰe 'vanayet /

Line: 3  Verse: j     stutenaiva śastram abʰisaṃtanoti /


Verse: k     yad āhūte 'vanayed uktʰam atirecayed yac cʰaste graham atirecayet /

Line: 4  Verse: l     yā madʰyamā paridʰānīyā tasyām avanayati /

Line: 5  Verse: m     aṅgāni vā etāni yajñasya yad uktʰāmadāni /

Line: 6  Verse: n     āyur dʰruvaḥ /

Verse: o     ardʰaṃ vai puruṣasyātmano 'ṅgāny ardʰam āyuḥ /

Line: 7  Verse: p     antāv evābʰitaḥ saṃdʰāyāyur madʰyato dadʰāti /


Verse: q     kasmāt satyād ity āhur brahmavādina āpas tvaramāṇā na kṣīyante na pradasyantīti /

Line: 9  Verse: r     etam eva somapītʰaṃ pratīkṣamāṇā yad dʰruvaḥ /

Verse: s     eṣa hy enā apanudate /


Line: 10  Verse: t     pratyaṅṅ āsīno 'vanayati /

Verse: u     anvīpam evainā avārjati /


Line: 11  Verse: v     na sāmi prasrāvayeta /

Verse: w     agniṣṭomam evāsīta /

Verse: x     āyur vai dʰruvaḥ /

Line: 12  Verse: y     āyur vyavasrāvayeta /

Verse: z     etāvān vai yajño yāvān agniṣṭomaḥ /

Verse: aa     yad agniṣṭomam āste/
      FN emended. Ed.: āgniṣṭomam.

Line: 13  Verse: ab     prāṇasyaivāsyāntaṃ gaccʰati sarvam āyur eti /


Verse: ac     udaraṃ vā etad yajñasya yat sadaḥ /

Line: 14  Verse: ad     tad dravanti niḥsarpantaḥ /

Verse: ae     yajñaḥ prajāpatiḥ /

Line: 15  Verse: af     yad agniṣṭomam āste/
      FN emended. Ed.: āgniṣṭomam.

Verse: ag     prajāpater evodaraṃ na riṇakty akṣodʰuko bʰavati //


Section: 2  
Line: 17  Verse: a     devā vā asurān hatvā vairadeyād īṣamāṇās ta r̥tūn saṃvatsaram amohayan /

Line: 18  Verse: b     tasya devāḥ kl̥ptim aiccʰan /

Verse: c     tam r̥tugrahair evākalpayan /

Line: 19  Verse: d     yad r̥tugrahā gr̥hyante

Verse: e     saṃvatsarasya kl̥ptyai svargasya lokasya prajñātyai /


Line: 20  Verse: f     ubʰau saha pratʰamaṃ gr̥hṇāte /

Verse: g     ubʰau hy etau saha saṃvatsaraṃ kalpayitum upapretaḥ /


Line: 21  Verse: h     ubʰau sahottamam /

Verse: i     saṃvatsaram eva kalpayitvobʰau saha vimucyete /


Line: 22  Verse: j     ubʰayatomukʰe r̥tupātre bʰavataḥ /

Verse: k     ubʰayatomukʰā hy r̥tavaḥ /

Line: 23  Verse: l     na hi tad vidma yatarata r̥tūnāṃ mukʰam /


Verse: m     nānyo 'nyam abʰiprapadyeyātām /

Line: 24  Verse: n     yad abʰiprapadyeyātām r̥tur r̥tum abʰyāyukaḥ syāt /

Page: 300  
Line: 1  Verse: o     yad vyatītas

Verse: p     tasmād āhur aśvāv ivartū samagʰrātām iti /


Verse: q     dvādaśaite gr̥hyante /

Line: 2  Verse: r     dvādaśa māsāḥ saṃvatsaraḥ /

Verse: s     saṃvatsarasya kl̥ptyai /

Line: 3  Verse: t     saṃvatsaro vai svargo lokaḥ /

Verse: u     tasyaita ākrāmāḥ saṃkrāmā yad r̥tugrahāḥ /

Line: 4  Verse: v     roham evaitai rohati svargasya lokasya samaṣṭyai /
      FN emended. Ed.: evaite. Oertel, p.3, n.1.


Verse: w     ṣaḍ anye bʰavanti ṣaḍ anye /

Line: 5  Verse: x     asau vā āditya r̥tuḥ /

Verse: y     tasmād eṣa ṣaṇmāsa udaṅṅ eti ṣaḍ dakṣiṇā /


Line: 6  Verse: z     ṣaḍ r̥tunā /

Verse: aa     ṣaḍ vā r̥tavaḥ /

Verse: ab     r̥tuṣv eva pratitiṣṭʰati /


Line: 7  Verse: ac     catur r̥tubʰiḥ /

Verse: ad     catuṣpadāḥ paśavaḥ /

Verse: ae     saṃvatsaraṃ paśavo 'nuprajāyante /

Line: 8  Verse: af     saṃvatsarād evāsmai paśūn prajanayati /


Verse: ag     dvir r̥tunā punaḥ /
      FN emended. Ed.: dvir̥tunā.

Line: 9  Verse: ah     dvipād yajamānaḥ /

Verse: ai     paśuṣv evopariṣṭāt pratitiṣṭʰati //


Line: 10  Verse: aj     somapā vā ete /

Verse: ak     somapā indrasya sajātā yad r̥tugrahāḥ /

Line: 11  Verse: al     r̥tunā somaṃ pibatv iti hy āha /

Verse: am     nartave juhvati /

Verse: an     teṣām ete sve pātre yābʰyām enāñ juhvati /

Line: 12  Verse: ao     tasmāt sajātaḥ svena pātreṇā baliṃ harati /

Line: 13  Verse: ap     āsmai baliṃ haranti ya evaṃ veda /


Verse: aq     vyatihāraṃ bʰakṣayanti /

Line: 14  Verse: ar     ayātayāmatvāya /

Verse: as     tasmād r̥tumr̥tuṃ varṣati /


Verse: at     te devāḥ saṃvatsaraṃ kalpayitvā svargaṃ lokaṃ prajñāya ta etad yajñasya jyotir upariṣṭād adadʰuḥ /

Line: 16  Verse: au     yad aindrāgno gr̥hyate

Verse: av     jyotir eva mukʰato yajñasya dadʰāti

Line: 17  Verse: aw     saṃvatsarasya kl̥ptyai svargasya lokasya prajñātyai /

Verse: ax     tasmāt saṃvatsaraṃ jyotir uparyupari carati /


Line: 18  Verse: ay     r̥tupātreṇaindrāgnaṃ gr̥hṇāti /

Line: 19  Verse: az     kṣatraṃ vā indrāgnī viḍ r̥tavaḥ /

Verse: ba     viśy eva kṣatram adʰyūhati /


Verse: bb     viśve vai devās tr̥tīyasavanabʰāgāḥ santas te prātaḥsavanam abʰyakāmayanta /

Line: 21  Verse: bc     tān prajāpatir etasmin grahe tarpayitavyān apaśyat /

Verse: bd     yad vaiśvadevaḥ prātaḥsavane gr̥hyate

Line: 22  Verse: be     viśvān eva devān prātaḥsavane tarpayati /

Verse: bf     tān asya tr̥ptān prītān uttare savane abʰivisr̥jyete /


Page: 301  
Line: 1  Verse: bg     śukrapātreṇa vaiśvadevaṃ gr̥hṇāti /

Line: 2  Verse: bh     asau vā ādityaḥ śukro vaiśvadevīr imāḥ prajāḥ /

Line: 3  Verse: bi     tasmād eṣa sarvāḥ prajāḥ pratyaṅ /

Verse: bj     māṃ prati māṃ pratīti hi manyante //


Section: 3  
Line: 6  Verse: a     mādʰyandinena vai savanenendro vr̥tram ahan marudbʰir vīryeṇa /

Verse: b     marutvatīyaṃ stotraṃ bʰavati marutvatīyam uktʰaṃ marutvatīyā grahāḥ /

Line: 8  Verse: c     sarvata eva yajamānaṃ vīryeṇa samardʰayati sarvato vr̥traṃ hanti /

Line: 9  Verse: d     pratihitir eva pratʰamo marutvatīyo 'pāyatir dvitīyaḥ /

Verse: e     visr̥ṣṭam u tr̥tīyena visr̥jati /

Line: 10  Verse: f     vajram eva pratʰamena marutvatīyenodyaccʰati /

Line: 11  Verse: g     pra dvitīyena harati str̥ṇute tr̥tīyena /


Verse: h     yaṃ dviṣyād amarutvatīyāṃs tasya gr̥hṇīyāt /

Line: 12  Verse: i     vīryaṃ vai marutaḥ /

Verse: j     vīryeṇaivainaṃ vyardʰayati /


Line: 13  Verse: k     indro vai vr̥traṃ haniṣyan pradānaṃ devebʰyaḥ prāyaccʰad dakṣiṇāḥ /

Verse: l     sa marutvatīyair eva vr̥tram ahan /

Line: 14  Verse: m     tasmān marutvate 'nūkte na deyam /

Line: 15  Verse: n     hato hi tarhi vr̥tro vijitaṃ bʰavati /


Verse: o     no pratigr̥hṇīyāt /

Line: 16  Verse: p     pratiṣṭʰitān paśūn pracyāvayati /

Verse: q     apaśur bʰavati /


Verse: r     indro vai vr̥traṃ hatvā sa mahendro 'bʰavat /

Line: 17  Verse: s     so 'nyān devān atyamanyata /

Verse: t     sa etaṃ graham uddʰāram udaharata mahendrīyam /

Line: 18  Verse: u     tasmād rājā saṃgrāmaṃ jitvā nirājaṃ nirajate /


Line: 19  Verse: v     te taṃ devā abruvan sarvaṃ vā avocatʰā astu no 'trāpīti katʰaṃ vo 'pi syād iti /

Line: 20  Verse: w     virājaitasya grahasya yajatv iti /

Line: 21  Verse: x     devapātraṃ vai virāṭ /

Verse: y     yad virājā yajati

Verse: z     devapātreṇaiva devatās tarpayati /

Line: 22  Verse: aa     tasmād yad rājā saṃgrāmaṃ jayaty api tatra sūtagrāmaṇīnām /


Line: 23  Verse: ab     gāyatryā vai trivr̥d āyatanavāṃs triṣṭubʰā pañcadaśo jagatyaikaviṃśaḥ /

Line: 24  Verse: ac     atʰaiṣā virāḍ āyatanam eva yat saptadaśaḥ /

Verse: ad     yad virājā yajati

Page: 302  
Line: 1  Verse: ae     saptadaśam evāyatanavantaṃ yajamānaṃ karoti /


Verse: af     yaṃ dviṣyāt triṣṭubʰā tasya yajet /

Line: 2  Verse: ag     ojo vai vīryaṃ triṣṭup /

Verse: ah     ojasaivainaṃ vīryeṇāyatanāc cʰinatti /

Line: 3  Verse: ai     so 'nāyatanaḥ parābʰavati /


Verse: aj     devā vā asurān hatvā vairadeyād īṣamāṇās te yajñaṃ madʰyataḥ prāviśan /

Line: 5  Verse: ak     etāṃ vāva tad r̥caṃ prāviśan virājam eva /

Verse: al     yad virājā yajati

Line: 6  Verse: am     devatānām abʰīṣṭyai /


Verse: an     ādityā vai svargaṃ lokaṃ yantas te 'ṅgiraso 'smiṃl loke saha yajñena pratyauhan /

Line: 7  Verse: ao     te 'ṅgirasa ādityān abruvan katibʰyo havyaṃ vakṣyāma iti /

Line: 8  Verse: ap     trayastiṃśata ity abruvan /

Line: 9  Verse: aq     daśa vasava indra ekādaśo daśa rudrā indra ekādaśo daśādityā indra ekādaśaḥ /

Line: 10  Verse: ar     triṃśad etā devatās triṃśadakṣarā virāṭ /

Line: 11  Verse: as     tenaitā devatās tarpayati yās triṃśat /

Verse: at     dvyakṣaro vaṣaṭkāra ekākṣarā vāk /

Line: 12  Verse: au     tenaindram /

Verse: av     kalpante 'sya devatā havye /

Verse: aw     yatʰādevatam asya havyaṃ gaccʰati /

Line: 13  Verse: ax     vr̥ṇata enam ārtvijyāya ya evaṃ veda /

Line: 14  Verse: ay     yāvatīr hi devatās tā havyaṃ gamayati //


Section: 4  
Line: 16  Verse: a     mādʰyandinād vai savanād devāḥ svargaṃ lokam āyan /

Verse: b     teṣām eta ākrāmāḥ saṃkrāmā yad dakṣiṇāḥ /

Line: 17  Verse: c     yad dakṣiṇā dadāti

Verse: d     setum eva kīrtvā svargaṃ lokam eti /


Line: 18  Verse: e     yāvad vā iha prāṇad dadāti tāvanto 'muṣmiṃl loke prāṇāḥ /

Line: 19  Verse: f     tasmād bahu deyam /

Verse: g     tasmād iha bahu dattaṃ praśaṃsanti /

Line: 20  Verse: h     jyāyāṃsam eva setuṃ kirate /


Verse: i     etarhi vai devatā nediṣṭʰān nyānamanti /

Line: 21  Verse: j     tasmād eṣa etarhi tejiṣṭʰaṃ tapati yāvan nediṣṭʰād eva svargaṃ lokam ārohati /

Line: 22  Verse: k     saurībʰyāṃ juhoti

Verse: l     svargasya lokasya samaṣṭyai /


Line: 23  Verse: m     dvābʰyām /

Verse: n     dvipād yajamānaḥ /

Verse: o     asyām evainam ākramayati /


Line: 24  Verse: p     yad āgneyyāgnīdʰre juhoti /

Verse: q     antarikṣa evainam ākramayati /


Page: 303  
Line: 1  Verse: r     yad dadāti

Verse: s     svargam evainaṃ lokaṃ gamayati /


Verse: t     dyāṃ gaccʰa svar gaccʰeti

Line: 2  Verse: u     svargasya lokasya samaṣṭyai /


Verse: v     rūpaṃ vo rūpeṇābʰyāgāṃ vayasā vaya iti /

Line: 3  Verse: w     etad vai paśūnāṃ rūpaṃ yad gʰr̥taṃ yad dʰiraṇyam /

Verse: x     rūpam evaiṣāṃ rūpeṇābʰyaiti vayasā vayaḥ /


Line: 4  Verse: y     tūtʰo vo viśvavedā vibʰajatv iti /

Line: 5  Verse: z     satyaṃ vai tūtʰo viśvavedāḥ /

Verse: aa     satyenaivaināṃ brahmaṇā vibʰajati /


Line: 6  Verse: ab     etat te agne rādʰa eti somacyutam iti /

Verse: ac     āgneyā vai paśavaḥ /

Verse: ad     te some dīyante /


Line: 7  Verse: ae     tan mitrasya patʰā nayeti

Verse: af     mitrasyaivaināḥ patʰā nayati /


Line: 8  Verse: ag     antarāgnīdʰraṃ ca sadaś ca nayati /

Verse: ah     etena vai patʰā devāḥ svargaṃ lokam āyan /

Line: 9  Verse: ai     tam evainā apipādayati //


Line: 10  Verse: aj     dakṣiṇato vai devānāṃ yajñaṃ rakṣāṃsy abʰyajayan /

Verse: ak     tam āgnīdʰrāt punar apājayan /

Line: 11  Verse: al     yad āgnīdʰrād dakṣiṇā dakṣiṇā nayanti

Verse: am     yajñasyābʰijityai rakṣasām apahatyai /


Line: 12  Verse: an     āgneyyāgnīdʰe juhoti /

Verse: ao     āgneyā vai paśavaḥ /

Line: 13  Verse: ap     paśūnāṃ niṣkrītyai /


Verse: aq     vāruṇyā dvitīyayā juhuyād yady aśvaṃ vāno vā ratʰaṃ vā dāsyan syāt /

Line: 14  Verse: ar     vāruṇā hy aśvā vāruṇā vanaspatayaḥ /


Line: 15  Verse: as     agnīdʰe 'gre dadāti /

Verse: at     agniḥ sarvā devatāḥ /

Line: 16  Verse: au     devatānām abʰīṣṭyai /


Verse: av     upabarhaṇaṃ dadāti /

Verse: aw     etad vai cʰandasāṃ rūpam /

Line: 17  Verse: ax     rūpeṇaiva ccʰandāsṃy avarunddʰe /


Verse: ay     hiraṇyaṃ dadāti /

Verse: az     hiraṇyajyotiṣa evaināḥ svargaṃ lokaṃ gamayati /


Line: 18  Verse: ba     asmadrātā madʰumatī devatrā gaccʰeti

Page: 304  
Line: 1  Verse: bb     svargam evainā lokaṃ gamayati /


Verse: bc     pradātāram āviśeti /

Verse: bd     tasmād amuṣmiṃl loka āgāmukāḥ /


Line: 2  Verse: be     r̥tasya patʰā preta candradakṣiṇā iti /

Verse: bf     yo vai yajñiyo medʰyaḥ sa r̥tasya pantʰāḥ /

Line: 3  Verse: bg     tenaivainā nayati /


Line: 4  Verse: bh     brāhmaṇam adyardʰyāsaṃ pitr̥mantaṃ paitr̥matyam iti /

Verse: bi     yo vai śrotriya ārṣeyaḥ sa pitr̥mān paitr̥matyaḥ /

Line: 5  Verse: bj     taṃ videyam ity evaitad āha /

Verse: bk     sa hi sudʰātudakṣiṇaḥ /

Line: 6  Verse: bl     yām abrāhmaṇāya dadāti vanaspatayas tayā pratʰante /

Line: 7  Verse: bm     yāṃ kaṇvakaśyapebʰyo dadāti nīhāras tayā pratʰate /

Verse: bn     yāṃ brāhmaṇāyāśrotriyāya dadāti marīcayas tayā pratʰante /

Line: 8  Verse: bo     yāṃ śrotriyāyārṣeyāya dadāti tayāmuṣmiṃl loka r̥dʰnoti /

Line: 9  Verse: bp     asmiṃś cāsya loke punar bʰogāya bʰavati /

Line: 10  Verse: bq     tasmāt sa evaiṣṭavyaḥ /


Verse: br     vi svaḥ paśya vy antarikṣam iti sadaḥ prekṣate /

Line: 11  Verse: bs     somapā vā ete brāhmaṇāḥ /

Line: 12  Verse: bt     teṣāṃ tejasvīni cakṣūṃṣi /

Verse: bu     arātīyanti vā ete dadate /

Verse: bv     ta enam īśvarāḥ pratinudaḥ /

Line: 13  Verse: bw     tebʰya eva namaskaroti /

Verse: bx     apratinodāya /


Line: 14  Verse: by     atrir hiraṇyaṃ dadāti /

Verse: bz     svarbʰānur vā asuraḥ sūryaṃ tamasāvidʰyat /

Line: 15  Verse: ca     tam atrir evānvavindat /

Verse: cb     yad atrir hiraṇyaṃ dadāti

Verse: cc     svargasya lokasya samaṣṭyai /


Line: 16  Verse: cd     yady ātreyaṃ na vinded ya ārṣeyaḥ saṃhitas tasmai dadyāt /

Line: 17  Verse: ce     tenaivardʰnoti /


Verse: cf     asurā vai devebʰyo dakṣiṇām anayan /

Verse: cg     tāṃ pratyanudanta /

Line: 18  Verse: ch     te 'bruvann asnihad eṣeti /

Verse: ci     tebʰyo 'parām anayan /

Verse: cj     tāṃ [ pratyanudanta / ]

Line: 19  Verse: ck     [ te 'bruvan nr̥mṇam eṣā]gād iti /

Verse: cl     tebʰyo 'parām anayan /

Page: 305  
Line: 1  Verse: cm     tāṃ pratyanudanta /

Verse: cn     te 'bruvann adrāpsīd eṣeti /

Verse: co     tāṃ ha vai tad r̥ṣir abʰyanūvāca //

Line: 3  Verse: cp     ava drapso aṃśumatīm atiṣṭʰad iyānaḥ kr̥ṣṇo daśabʰiḥ sahasraiḥ /

Line: 4  Verse: cq     āvat tam indraḥ śacyā dʰamantam apa snehitīr nr̥maṇām adadʰrām //
      FN Oertel, Zur Kapiṣṭʰala-Kaṭʰa-Saṃhitā, p. 9

Line: 5  Verse: cr     iti /

Verse: cs     sā sālāvr̥kī saṃbʰūyāsurān prāviśat /

Verse: ct     sainān niradahat /

Line: 6  Verse: cu     tasmād dakṣiṇā pratinuttā na pratigr̥hyā /

Verse: cv     na goṣu cārayet /

Line: 7  Verse: cw     sālāvr̥ky evainaṃ bʰūtvā praviśati /

Verse: cx     sainaṃ nirdahati //


Section: 5  
Line: 10  Verse: a     yad gāṃ dadāti /

Verse: b     āyus tena spr̥ṇoti /


Verse: c     yad vāso dadāti

Verse: d     dīrgʰaṃ tenāyuḥ kurute /


Line: 11  Verse: e     yad aśvaṃ dadāti

Verse: f     sūryabʰrājam evainaṃ karoti /


Line: 12  Verse: g     yad ano yad ratʰaṃ dadāti

Verse: h     śarīrāṇi tena spr̥ṇoti /


Verse: i     yad aviṃ yad ajāṃ dadāti

Line: 13  Verse: j     māṃsāni tena spr̥ṇoti /


Verse: k     yad odanaṃ yan mantʰaṃ dadāti

Line: 14  Verse: l     yad evāsyāntarātmaṃ tat tena spr̥ṇoti /


Verse: m     yad varaṃ dadāti /

Verse: n     ātmānaṃ tena spr̥ṇoti /

Line: 15  Verse: o     ātmā hi varaḥ /


Verse: p     yad brahmaṇe dadāti

Verse: q     bārhaspatyo vai brahmā

Line: 16  Verse: r     br̥haspatim eva tena prīṇāti /


Verse: s     yad udgātre dadāti

Verse: t     prājāpatyo vā udgātā

Line: 17  Verse: u     prajāpatim eva tena prīṇāti /


Verse: v     yad dʰotre dadāti

Line: 18  Verse: w     vaiśvadevo vai hotā

Verse: x     sarvā evāsya tena devatā abʰīṣṭāḥ prītā bʰavanti /


Line: 19  Verse: y     yad adʰvaryubʰyāṃ dadāti /

Verse: z     āśvinau vā adʰvaryū

Verse: aa     aśvināv eva tena prīṇāti /


Line: 20  Verse: ab     yad r̥tvigbʰyo dadāti

Verse: ac     hotrā vā r̥tvijas /

Verse: ad     hotrā evāsya tenābʰīṣṭāḥ prītā bʰavanti /


Line: 21  Verse: ae     yat sadasyebʰyo dadāti

Verse: af     yam eva te somaṃ pibanti taṃ tena niṣkrīṇāti /


Line: 22  Verse: ag     yāṃ brāhmaṇāya śrotriyāyānr̥tvije prasr̥ptāya dadāti yām eva sa vidyāṃ veda sāsya tenābʰīṣṭā prītā bʰavati /


Page: 306  
Line: 2  Verse: ah     yām abrāhmaṇāyāśrotriyāyānr̥tvije prasr̥ptāya dadāti yām eva sa vidyāṃ veda sāsya tenābʰīṣṭā prītā bʰavati /


Line: 3  Verse: ai     yām akāmo dadāti tasmāt kṣatraṃ brahmātti /


Line: 4  Verse: aj     yāṃ yācito dadāti bʰrātr̥vyaṃ tayā jinvati /


Line: 5  Verse: ak     yāṃ bahirvedi dadāti nainaṃ sā gaccʰati /


Line: 6  Verse: al     yāṃ jñātaye 'nr̥tvije prasr̥ptāya dadāti pāpmānaṃ tan nidʰatte /


Line: 7  Verse: am     yāṃ jyeṣṭʰāya yāṃ śrotriyāya dadāti yenaiva sa tad indriyeṇa bʰavati tad asyābʰīṣṭaṃ prītaṃ bʰavati //


Section: 6  
Line: 10  Verse: a     ādityā vā asurān hatvā vairadeyād īṣamāṇās te devān prāviśan /

Line: 11  Verse: b     dvidevatyān vāva tat prāviśan /

Verse: c     ete hi devānāṃ saha bʰūyiṣṭʰāḥ /

Line: 12  Verse: d     tasmād ādityo dvidevatyebʰyo gr̥hyate /


Verse: e     uccʰiṣṭād vā ādityā jātāḥ /

Line: 13  Verse: f     tasmād eṣa uccʰiṣṭaḥ somo gr̥hyate /


Verse: g     [ uccʰeṣaṇabʰāgā vā ādityāḥ / ]

Line: 14  Verse: h     [ tasmād eṣa uccʰiṣṭaḥ somo gr̥hyate / ]


Verse: i     pariśrite gr̥hṇāti /

Line: 15  Verse: j     rudro vā agniḥ paśava ādityaḥ /

Verse: k     paśūnāṃ gopītʰāya /


Line: 16  Verse: l     rudraṃ vai devā yajñān nirabʰajan /

Verse: m     te samavādiśann eṣa te mātari bʰāga ity ādityāntam etāvad āgamayityaitat prati yajñād antaradadʰuḥ /

Line: 18  Verse: n     yat pariśrita ādityaṃ gr̥hṇāti

Verse: o     rudram eva yajñād antardadʰāti /


Verse: p     paśavo vā ādityaḥ /

Line: 19  Verse: q     yad eṣa bʰūyiṣṭʰaḥ somo gr̥hyate

Verse: r     tasmāt paśavo 'dyamānā na kṣīyante /


Line: 20  Verse: s     yadā bahavo 'ntarvedi syur atʰa gr̥hṇīyāt /

Verse: t     tān evānnādyam avarunddʰe /


Line: 21  Verse: u     yadāsya bʰrātr̥vyo 'ntarvedi syād atʰa gr̥hṇīyāt /

Line: 22  Verse: v     eṣa vai yajamānasya svo loko yad vediḥ /

Verse: w     paśava ādityaḥ /

Line: 23  Verse: x     sva eva loke bʰrātr̥vyasya paśūn vr̥ṅkte /


Verse: y     br̥hatīḥ puroruco bʰavanti /

Line: 24  Verse: z     paśavo vai br̥hatīḥ paśava ādityaḥ /

Verse: aa     paśuṣv eva paśūn dadʰāti /


Line: 25  Verse: ab     somam agre gr̥hṇāti /

Verse: ac     atʰa dadʰy atʰa somam /

Verse: ad     ūrg vai dadʰi paśava ādityaḥ /

Page: 307  
Line: 1  Verse: ae     ūrjam eva paśuṣu madʰyato dadʰāti /


Verse: af     śr̥tātaṅkyaṃ bʰavati /

Line: 2  Verse: ag     tasmād āmā pakvaṃ duhe /


Verse: ah     yadi kāmayeta varṣed iti yā divyā vr̥ṣṭis tayā tvā śrīṇāmīti dadʰnopariṣṭāc cʰrīṇīyāt /

Line: 4  Verse: ai     paśavo vai dadʰi paśava ādityaḥ /

Verse: aj     paśubʰya eva varṣati yarhi varṣati /

Line: 5  Verse: ak     paśubʰya eva vr̥ṣṭiṃ ninayati /


Verse: al     upāṃśusavanena mekṣayati /

Line: 6  Verse: am     prāṇo vā upāṃśusavanaḥ paśava ādityaḥ /

Verse: an     paśuṣv eva prāṇaṃ dadʰāti /


Line: 7  Verse: ao     vivasva ādityaiṣa te somapītʰa iti /

Verse: ap     eṣa vāva sa upāṃśusavanaḥ /

Line: 8  Verse: aq     sākṣādevainaṃ somapītʰena samardʰayati /


Line: 9  Verse: ar     yady udgr̥hītasya stoko 'vapadyate tājak pravarṣati /

Verse: as     gr̥hītvāpidadʰāti

Line: 10  Verse: at     garbʰāṇāṃ dʰr̥tyā aprapādāya /


Verse: au     taṃ daśame stotre pracyāvayati /

Line: 11  Verse: av     tasmād daśame māsi garbʰā hitāḥ prajāyante /


Verse: aw     anyatrekṣamāṇo juhoti /

Line: 12  Verse: ax     rudro vā agniḥ paśava ādityaḥ /

Verse: ay     paśūnāṃ gopītʰāya /


Line: 13  Verse: az     yadīkṣeta brāhmaṇa upadraṣṭā paśūn gr̥hṇīyāt /

Line: 14  Verse: ba     paśūnām eva pradīyamānānām anupadraṣṭā bʰavati //


Section: 7  
Line: 16  Verse: a     antaryāmapātreṇa sāvitraṃ gr̥hṇāti /

Verse: b     paśavo vā antaryāmaḥ /

Line: 17  Verse: c     savitr̥prasūtāḥ paśavaḥ prajāyante /

Verse: d     savitr̥prasūta evainān prajanayati /


Line: 18  Verse: e     tam asannaṃ juhoti /

Verse: f     tasmād asannāḥ paśavaḥ sadadi prajāyante /


Line: 19  Verse: g     devā vai tr̥tīyasavanam udyamaṃ nāśaknuvan /

Verse: h     prātaḥsavane tarhi savitāsīt /

Line: 20  Verse: i     taṃ devā abruvaṃs tvayedam udyaccʰāmahā iti /

Verse: j     nety abravīn mukʰyo 'ham asmi na pratyaṅṅ apakramiṣyāmīti /

Line: 21  Verse: k     mukʰya evātrāsa ity abruvan mukʰya ihātʰa tvayodyaccʰāmahā iti /

Page: 308  
Line: 2  Verse: l     tat savitrodayaccʰanta /

Verse: m     yat sāvitro gr̥hyate

Verse: n     tr̥tīyasavanasyodyatyai /


Line: 3  Verse: o     abʰi tvā deva savitar ity etayā prātaḥsavane mukʰyaḥ /

Verse: p     samantaṃ vai tat savitā yajñaṃ paryabʰavat /

Line: 4  Verse: q     samantaṃ bʰrātr̥vyaṃ paribʰavati ya evaṃ veda /


Line: 5  Verse: r     antaryāmapātreṇāgrāyaṇāt sāvitraṃ tr̥tīyasavane gr̥hṇāti /

Line: 6  Verse: s     prātar vā eṣa gr̥hyate gāyatryā loke yad āgrāyaṇaḥ /

Verse: t     taṃ tr̥tīyasavane vigr̥hṇāti jagatyā loke /

Line: 7  Verse: u     tasmād āgrāyaṇāt savitro gr̥hyate /

Line: 8  Verse: v     savitā hi devānāṃ gāyatraḥ /


Verse: w     sāvitrasya saṃsrāve vaiśvadevam abʰigr̥hṇāti /

Line: 9  Verse: x     samāno vā eṣa grahaḥ /

Verse: y     saṃtatyai /

Verse: z     vaiśvadevīr imāḥ prajāḥ /

Line: 10  Verse: aa     savitr̥prasūtā prajāḥ prajāyante /

Verse: ab     savitr̥prasūtā evaināḥ prajanayati /


Line: 11  Verse: ac     suśarmāsi supratiṣṭʰāna iti /

Verse: ad     some hi somam abʰigr̥hṇāti /

Line: 12  Verse: ae     atʰo suśarmāṇam evottaram adʰarasmai karoti supratiṣṭʰānam adʰaram uttarasmai /


Line: 13  Verse: af     br̥had ukṣe nama iti /

Verse: ag     br̥had dʰi devānāṃ namaḥ pitr̥̄ṇām /

Line: 14  Verse: ah     uktʰabʰāgā vai pitaro 'stomabʰājaḥ /

Line: 15  Verse: ai     yatraivaibʰya uktʰaṃ śaṃsati tad ebʰyo grahaṃ gr̥hṇāti //


Section: 8  
Line: 18  Verse: a     prajananaṃ vai pātnīvataḥ /

Verse: b     yad vai kiṃca yajñe pātnīvataṃ kriyate prajananam eva tat /

Line: 19  Verse: c     upāṃśupātreṇa gr̥hṇāti /

Verse: d     prāṇo vā upāṃśuḥ /

Line: 20  Verse: e     prāṇāt prajāḥ prajāyante /

Verse: f     prajananāya /


Verse: g     upāṃśunā prayanty upāṃśupātreṇodyanti /

Line: 21  Verse: h     prāṇo vā upāṃśuḥ /

Verse: i     prāṇenaiva prayanti prāṇenodyanti /


Line: 22  Verse: j     br̥haspatisutasya ta iti /

Verse: k     brahma vai br̥haspatiḥ /

Line: 23  Verse: l     brahmaṇaḥ prajāḥ prajāyante /

Verse: m     brahmaṇaivaināḥ prajanayati /


Verse: n     inda iti

Page: 309  
Line: 1  Verse: o     reta eva dadʰāti /


Verse: p     indriyāvata iti /

Verse: q     indriyaṃ vai prajāḥ somapītʰaḥ /

Line: 2  Verse: r     agnā3i patnīvā3n iti

Verse: s     mitʰunam eva karoti /


Line: 3  Verse: t     sajūs tvaṣṭrā somaṃ pibeti /

Verse: u     tvaṣṭā vai rūpāṇāṃ vikartā /

Verse: v     so 'smai rūpāṇi vikaroti /


Line: 4  Verse: w     eṣa vai grahaḥ patnībʰyo nātiṣṭʰata /

Verse: x     taṃ devā ājyaṃ vajraṃ kr̥tvāgʰnan /

Line: 5  Verse: y     yat pātnīvataṃ śrīṇāti

Verse: z     str̥tyai /


Line: 6  Verse: aa     saṃpātena śrīṇāti

Verse: ab     saṃtatyai /

Verse: ac     upariṣṭāc cʰrīṇāti /

Verse: ad     tasmāt stry akʰalatir bʰāvukā /

Line: 7  Verse: ae     śr̥taṃ vā etaṃ somaṃ juhoty aśr̥tān itarān /

Line: 8  Verse: af     tasmāt strī nirvīryānirvīryaḥ pumān /


Verse: ag     naitasya hotā yajati /

Line: 9  Verse: ah     paśceva hi saḥ /

Verse: ai     paścāt prāṇān pariharet /


Verse: aj     agnīd yajati /

Line: 10  Verse: ak     puro hi saḥ /

Verse: al     puraḥ prāṇān nānuyajati /

Verse: am     yad anuyajed agninā prāṇān antariyāt pramīyeta /


Line: 11  Verse: an     śr̥taṃ vā etaṃ somaṃ bʰakṣayati /

Verse: ao     tasmād agnīt paṇḍako bʰāvukaḥ /


Line: 12  Verse: ap     prajananaṃ vai pātnīvataḥ /

Verse: aq     tasmād bahupaśur bʰāvukaḥ /


Line: 13  Verse: ar     saha pātreṇa neṣṭāram abʰisarpati /

Verse: as     patnīr eva somapītʰaṃ gamayati /


Line: 14  Verse: at     nopastʰa āsīta /

Verse: au     yad upastʰa āsīta paṇḍakaḥ syāt /

Line: 15  Verse: av     antarā neṣṭāraṃ ca dʰiṣṇyaṃ ca vyavasarpati /

Verse: aw     strīṇāṃ vai neṣṭā pumān dʰiṣṇyaḥ /

Line: 16  Verse: ax     mitʰuna eva reto dadʰāti //


Section: 9  
Line: 19  Verse: a     indro vai vr̥tram ahan /

Verse: b     tasya mūrdʰānam udarujat /

Verse: c     sa droṇakalaśo 'bʰavat /

Line: 20  Verse: d     tato yaḥ somaḥ samasravat sa hāriyojano 'bʰavat /

Line: 21  Verse: e     indro vai vr̥traṃ hatvā tasya kromṇo hr̥dayāt somaṃ samasiñcat /

Line: 22  Verse: f     sa hāriyojano 'bʰavat /

Verse: g     so 'manyata yad imam aśr̥tam advitīyaṃ hoṣyāmi tad anv asurā ābʰaviṣyanti yan na hoṣyāmi tad anv ābʰaviṣyantīti /

Page: 310  
Line: 1  Verse: h     saṃstʰitaḥ soma āsīt prahr̥tāḥ paridʰayaḥ /

Line: 2  Verse: i     atʰopodatiṣṭʰad dʰotum /

Verse: j     tam agnir abravīn na mayy etam aśr̥tam advitīyaṃ hoṣyasīti /

Line: 3  Verse: k     tasmin dʰānā āvapat /

Verse: l     taṃ śr̥taṃ dvitīyavantam ajuhot /

Line: 4  Verse: m     yad dʰānā āvapati

Verse: n     śr̥tatvāyaiva dvitīyatvāya /

Line: 5  Verse: o     ye vai te vr̥tre paśava āsaṃs ta evaite /

Verse: p     paśūn evaitat kāmadugʰo 'varunddʰe /

Line: 6  Verse: q     kāmaṃkāmaṃ hy eteṣāṃ kurute /


Verse: r     r̥ksāme vā indrasya harī /

Verse: s     tayor etad bʰāgadʰeyaṃ yad dʰāriyojanaḥ /

Line: 7  Verse: t     ādʰānāni paridʰayaḥ /

Verse: u     yat prahr̥teṣu paridʰiṣu hāriyojanaṃ juhoti

Line: 8  Verse: v     nirādʰānābʰyām evābʰyāṃ gʰāsam apidadʰāti /


Line: 9  Verse: w     prajāpatir vā āgrāyaṇaḥ /

Verse: x     āgrāyaṇādeṣa somo 'tiricyate /

Line: 10  Verse: y     yad vai yajñasyātiricyate prajāpatiṃ tad abʰyatiricyate /

Line: 11  Verse: z     yad etam atiriktaṃ somaṃ juhoti

Verse: aa     tasmād ayam atiriktaḥ prajāpatiḥ prajā abʰipavate /


Line: 12  Verse: ab     droṇakalaśenonnetā hāriyojanaṃ juhoti /

Line: 13  Verse: ac     atiriktaṃ vā etat pātrāṇāṃ yad droṇakalaśo 'tirikta eṣa r̥tvijāṃ yad unnetātirikta eṣa somānāṃ yad dʰāriyojanaḥ /

Line: 14  Verse: ad     atiriktenaivātiriktam āpnoti /


Line: 15  Verse: ae     unnetary upahavam iccʰanti

Verse: af     ya eva tatra somapītʰas tasyāvaruddʰyai /


Line: 16  Verse: ag     ye vai te vr̥tre paśava āsaṃs ta evaite /

Line: 17  Verse: ah     yat saṃbʰindyāt saṃśārukā enam alpāḥ paśavo bʰuñjanta upatiṣṭʰeran /
      FN emended. Ed.: upatiṣṭʰaren.

Line: 18  Verse: ai     hinasti hi /

Verse: aj     yan na saṃbʰindyād asaṃśārukā enaṃ bahavaḥ paśavo 'bʰuñjanta upatiṣṭʰeran /

Line: 19  Verse: ak     na hi hinasti /

Verse: al     samavagr̥hṇīyāt /

Line: 20  Verse: am     ubʰayam eva karoti /

Verse: an     asaṃśārukā enaṃ bahavaḥ paśavo bʰuñjanta upatiṣṭʰante /


Line: 21  Verse: ao     niravadʰayet /

Verse: ap     ya eva tatra somapītʰas tasyāvaruddʰyai /


Page: 311  
Line: 1  Verse: aq     uttaravedyāṃ nivapati /

Verse: ar     paśavo vā uttaravediḥ paśavo hāriyojanīḥ /

Line: 2  Verse: as     paśuṣv eva paśūn dadʰāti //


Next part


This text is part of the TITUS edition of Black Yajur-Veda: Kapisthala-Katha-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.