TITUS
Black Yajur-Veda: Kathaka-Samhita
Part No. 3
Previous part

Sthanaka: 3  
Anuvaka: 1  
Line : 15  Pada: a     jyotir asi viśvarūpaṃ marutāṃ pr̥ṣatī

Pada: b     devebʰyas tvā yajñiyebʰyo gr̥hṇāmi //

Line : 17  Pada: c     tvam̐ soma tanūkr̥dbʰyo dveṣebʰyo 'nyakr̥tebʰyaḥ /

Line : 18  Pada: d     uru yantāsi varūtʰam // svāhā

Line : 19  Pada: e     juṣāṇo aptur ājyasya vetu svāhā //

Page: 23  
Line : 1  Pada: f     agne naya supatʰā rāye asmān viśvāni deva vayunāni vidvān /

Line : 2  Pada: g     yuyodʰy asmaj juhurāṇam eno bʰūyiṣṭʰāṃ te namauktiṃ vidʰema //

Line : 3  Pada: h     uru viṣṇo vikramasvoru kṣayāya nas kr̥dʰi /

Line : 4  Pada: i     gʰr̥taṃ gʰr̥tayone piba prapra yajñapatiṃ tira // svāhā \

Line : 5  Pada: j     urv antarikṣaṃ vīhi \

Pada: k     adityās tvag asi \

Pada: l     adityās sadane sīda //

Pada: m     deva savitar eṣa te somas

Line : 6  Pada: n     taṃ rakṣasva

Pada: o     mā tvā dabʰan \

Pada: p     etat tvaṃ deva soma devān upāgās \

Line : 7  Pada: q     idam ahaṃ manuṣyān

Pada: r     saha prajayā saha rāyaspoṣeṇa

Pada: s     namo devebʰyas

Pada: t     svadʰā pitr̥bʰyas \

Line : 8  Pada: u     nir druho nir varuṇasya pāśān mukṣīya

Pada: v     svar abʰivyakʰyaṃ jyotir vaiśvānaram

Line : 9  Pada: w     agne vratapā asme vratapās tve vratapā vratināṃ vratāni

Pada: x     yāgne mama tanūs tvayy abʰūd iyam̐ sā mayi yā tava tanūr mayy abʰūd eṣā sā tvayi

Line : 10  Pada: y     yatʰāyatʰaṃ no vratapā vratināṃ vratāni

Line : 11  Pada: z     svāhā yajñaṃ manasi

Pada: aa     svāhā divi

Pada: ab     svāhā pr̥tʰivyām \

Line : 12  Pada: ac     svāhorā antarikṣe

Pada: ad     svāhā vāte

Pada: ae     vāci visr̥je //


Anuvaka: 2  
Line : 13  Pada: a     urú viṣṇo víkramasvorú kṣáyāya nas kr̥dʰi /

Line : 14  Pada: b     gʰr̥táṃ gʰr̥tayone piba prápra yajñápatiṃ tira // svā́hā \

Line : 15  Pada: c     áty anyā́n ágāṃ nā́nyā́n úpāgām \

Pada: d     yā́n nā́jujoṣaṃ pári tā́n avr̥jam

Pada: e     arvā́k tvā párebʰyo 'vidaṃ paró 'varebʰyas

Line : 16  Pada: f     táṃ tvā juṣāmahe vánaspate devayajyā́yai júṣṭaṃ víṣṇave

Line : 17  Pada: g     víṣṇave tvā

Pada: h     devás tvā savitā́ mádʰvānaktu \

Pada: i     óṣadʰe trā́yasvainam \

Line : 18  Pada: j     svádʰite maínam̐ hím̐sīs \

Pada: k     dyā́ṃ mā lekʰīs \

Pada: l     antárikṣaṃ mā́ him̐sīḥ

Pada: m     pr̥tʰivyā́ sáṃbʰava //

Line : 19  Pada: n     vánaspate śatávalśo víroha sahásravalśā ví vayaṃ ruhema //

Line : 20  Pada: o     yáṃ tvāyám̐ svádʰitis tétijānaḥ praṇinā́ya mahaté saúbʰagāya /

Line : 21  Pada: p     áccʰinnarāyam̐ suvīraḥ //


Anuvaka: 3  
Page: 24  
Line : 1  Pada: a     devásya tvā savitúḥ prasavè 'śvínor bāhúbʰyāṃ pūṣṇó hástābʰyām ā́dade \

Line : 2  Pada: b     idám aháṃ rákṣaso grīvā́ ápikr̥ntāmi \

Pada: c     idám aháṃ yó nas samānó yó 'samāno 'rātīyáti tásya grīvā́ ápikr̥ntāmi

Line : 3  Pada: d     pr̥tʰivyaí tvā \

Pada: e     antárikṣāya tvā

Pada: f     divé tvā

Line : 4  Pada: g     śúndʰantāṃ lokā́ḥ pitr̥ṣádanās \

Pada: h     yávo 'si

Pada: i     yā́vayāsmád dvéṣam \

Pada: j     yāváyā́rātim \

Line : 5  Pada: k     pitr̥ṣádanaṃ tvā lokám ā́str̥ṇāmi

Pada: l     svāveśò 'sy agregā́ netr̥̄ṇā́m \

Pada: m     vánaspátis tvā́dʰiṣṭʰāsyati

Line : 6  Pada: n     tásya vittāt \

Pada: o     gʰr̥téna dyāvāpr̥tʰivī ā́pr̥ṇetʰām \

Pada: p     devás tvā savitā́ mádʰvānaktu

Line : 7  Pada: q     supippalā́ óṣadʰīs kr̥dʰi

Pada: r     dyā́m ágreṇāspr̥kṣas \

Line : 8  Pada: s     ā́ntárikṣaṃ mádʰyenāprāḥ

Pada: t     pr̥tʰivī́m úpareṇādr̥m̐hīḥ //

Line : 9  Pada: u     tā́ vāṃ vā́stūny uśmasi gámadʰyai yátra gā́vo bʰū́riśr̥ṅgā ayā́saḥ /

Line : 10  Pada: v     átrā́ha tád urugāyásya víṣṇoḥ paramáṃ padám ávabʰāti bʰū́ri //

Line : 11  Pada: w     víṣṇoḥ kármāṇi paśyata yáto vratā́ni paspaśé /

Line : 12  Pada: x     índrasya yújyaḥ sákʰā //

Line : 13  Pada: y     brahmavániṃ tvā kṣatravániṃ devavánim̐ sajātavániṃ rāyaspoṣavániṃ páryūhāmi

Line : 14  Pada: z     bráhma dr̥m̐ha

Pada: aa     kṣatráṃ dr̥m̐ha

Pada: ab     prajā́ṃ dr̥m̐ha

Pada: ac     rāyáspóṣaṃ dr̥m̐ha //

Line : 15  Pada: ad     tád víṣṇoḥ paramáṃ padám̐ sádā paśyanti sūráyaḥ /

Line : 16  Pada: ae     divī̀va cákṣur ā́tatam //

Line : 17  Pada: af     parivī́r asi

Pada: ag     pári tvā daívīr víśo vyayantām \

Pada: ah     párīmáṃ rā́yo manuṣyàm

Pada: ai     antárikṣasya sā́nū́peṣa

Line : 18  Pada: aj     dyā́ṃ te dʰūmó gaccʰatu \

Pada: ak     antárikṣam arcíḥ

Pada: al     pr̥tʰivī́ṃ bʰásma svā́hā //


Anuvaka: 4  
Line : 20  Pada: a     iṣe tvā \

Pada: b     upāvīr asi \

Pada: c     upa devān daivīr viśaḥ prāgur vahnīn * uśijas \
      FN emended. Ed.: vahnaya. Raghuvira, KpS, xxiv. Oertel, Zur Kapiṣṭʰala-Kaṭʰa-Saṃhitā, p. 84. Mittwede, Textkritische Bemerkungen, p. 45

Pada: d     br̥haspate dʰāryā vasūni

Line : 21  Pada: e     havyā te svadan *
      FN emended. Ed.: asvadan. Mittwede, Textkritische Bemerkungen, p. 45

Pada: f     deva tvaṣṭar vasu raṇa

Pada: g     revatī ramadʰvam

Pada: h     agner janitram asi

Page: 25  
Line : 1  Pada: i     vr̥ṣaṇau stʰas \

Pada: j     urvaśy asi \

Pada: k     āyur asi

Pada: l     purūravā asi

Pada: m     gāyatraṃ cʰando 'nuprajāyasva

Line : 2  Pada: n     traiṣṭubʰaṃ cʰando 'nuprajāyasva

Pada: o     jāgataṃ cʰando 'nuprajāyasva //

Line : 3  Pada: p     bʰavataṃ nas samanasau samokasā arepasau /

Line : 4  Pada: q     mā him̐siṣṭaṃ yajñapatiṃ mā yajñaṃ jātavedasau

Pada: r     śivau bʰavatam adya naḥ //

Line : 5  Pada: s     agnā agniś carati praviṣṭa r̥ṣīṇāṃ putro adʰirāja eṣaḥ /

Line : 6  Pada: t     sa gāyatryā triṣṭubʰā jagatyānuṣṭubʰā devebʰyo havyaṃ vahatu prajānan //


Anuvaka: 5  
Line : 7  Pada: a     devasya tvā savituḥ prasave 'śvinor bāhubʰyāṃ pūṣṇo hastābʰyām ādade \

Line : 8  Pada: b     r̥tasya tvā devahaviḥ pāśena pratimuñcāmy amuṣmai juṣṭam \

Pada: c     dʰarṣā * *
      mānuṣam̐ < mānuṣān
      FN N.B. saṃdʰi, cf. KpS.

Line : 9  Pada: d     adbʰyas tvauṣadʰībʰyas \

Pada: e     anu tvā mātā manyatām anu pitānu bʰrātā sagarbʰyas \

Line : 10  Pada: f     anu sakʰā sayūtʰyas \

Pada: g     āvaha devān devāyate * yajamānāya \
      FN emended. Ed.: devayate. see note 3. Raghuvira, KpS, xxiv. Mittwede, Textkritische Bemerkungen, p. 45

Pada: h     apāṃ perur asi

Pada: i     svāttam̐ havyaṃ devebʰyo gʰr̥tavat

Line : 11  Pada: j     saṃ te vāyuḥ prāṇena gaccʰatām \

Pada: k     saṃ yajatrair aṅgāni

Pada: l     saṃ yajñapatir āśiṣā //


Anuvaka: 6  
Line : 13  Pada: a     gʰr̥tenāktau paśuṃ trāyetʰām \

Pada: b     revati predʰā yajñapatim āviśa \

Pada: c     uro antarikṣa sajūr devena vātena \

Line : 14  Pada: d     asya haviṣas tmanā yaja

Pada: e     sam asya tanvā bʰava

Pada: f     varṣīyo varṣīyaso yajñaṃ yajñapatau dʰās \

Line : 15  Pada: g     namas ta ātāna \

Pada: h     anarvā prehi

Pada: i     gʰr̥tasya kulyām anu saha prajayā saha rāyaspoṣeṇa

Line : 16  Pada: j     devīr āpaś śuddʰā yūyaṃ devān yūḍʰvam \

Line : 17  Pada: k     śuddʰā vayaṃ pariviṣṭāḥ pariveṣṭāro bʰūyāsma *
      FN emended. Ed.: vo bʰūyāsma. Oertel, Zur Kapiṣṭʰala-Kaṭʰa-Saṃhitā, p. 132. Mittwede, Textkritische Bemerkungen, p. 45

Pada: l     prāṇaṃ te mā him̐siṣam \

Line : 18  Pada: m     cakṣus te mā him̐siṣam \

Pada: n     śrotraṃ te mā him̐siṣam \

Pada: o     vācaṃ te mā him̐siṣam \

Pada: p     yat te krūrataraṃ yad āstʰitaṃ tat ta etena kalpatām \

Line : 19  Pada: q     tat te mā him̐siṣam \

Pada: r     caritrām̐s te mā him̐siṣam \

Line : 20  Pada: s     nābʰiṃ te mā him̐siṣam \

Pada: t     meḍʰraṃ te mā him̐siṣam \

Pada: u     pāyuṃ te mā him̐siṣam \

Page: 26  
Line : 1  Pada: v     devebʰyaś śundʰasva

Pada: w     sam * adbʰyas \
      FN Mittwede, Textkritische Bemerkungen, p. 45

Pada: x     oṣadʰe trāyasvainam \

Pada: y     svadʰite mainam̐ him̐sīs \

Line : 2  Pada: z     rakṣasāṃ bʰāgo 'si \

Pada: aa     idam ahaṃ rakṣo 'vabādʰe \

Pada: ab     idam ahaṃ rakṣo 'dʰamaṃ tamo nayāmi \

Line : 3  Pada: ac     iṣe tvorje

Pada: ad     gʰr̥tena dyāvāpr̥tʰivī prorṇuvātʰām \

Pada: ae     devebʰyaś śundʰasva

Pada: af     devebʰyaś śumbʰasva \

Line : 4  Pada: ag     amuṣmai tvā juṣṭām

Pada: ah     urv antarikṣaṃ vīhi

Pada: ai     vāyo ve * ṣṭokānām \
      FN Mittwede, Textkritische Bemerkungen, p. 46

Pada: aj     pratyuṣṭaṃ rakṣaḥ

Line : 5  Pada: ak     pratyuṣṭārātir

Pada: al     devebʰyas svāhā

Pada: am     svāhā devebʰyaḥ

Pada: an     prayutā dveṣām̐si

Pada: ao     svāhordʰvanabʰasaṃ mārutaṃ gaccʰatam //


Anuvaka: 7  
Line : 7  Pada: a     reḍ asi \

Pada: b     agnis tvā śrīṇātu \

Pada: c     āpas samariṇan

Pada: d     vātasya tvā dʰrājyai pūṣṇo ram̐hyā ūṣmaṇo 'vyatʰiṣyā apām oṣadʰīnāṃ rohiṣyai \

Line : 8  Pada: e     aindraḥ prāṇo aṅgeaṅge nidīdʰyat \

Line : 9  Pada: f     aindro vyāno aṅgeaṅge nidīdʰyat * \
      FN Mittwede, Textkritische Bemerkungen, p. 46

Pada: g     aindro 'pāno aṅgeaṅge nidīdʰyat * //
      FN Mittwede, Textkritische Bemerkungen, p. 46

Line : 11  Pada: h     deva tvaṣṭar bʰūri te sam̐sametu salakṣma yad viṣurūpaṃ babʰūva /

Line : 12  Pada: i     devatrā yantam avase sakʰāyam anu tvā mātā pitaro madantu //

Line : 13  Pada: j     gʰr̥taṃ gʰr̥tapāvānaḥ pibata

Pada: k     vasāṃ vasapāvānaḥ * pibata \
      FN emended. Ed.: vasāpāvānaḥ. Mittwede, Textkritische Bemerkungen, p. 46

Pada: l     antarikṣasya havir asi

Line : 14  Pada: m     svāhā tvā vātāya

Pada: n     diśaḥ pradiśa ādiśo vidiśa uddiśo diśas

Line : 15  Pada: o     svāhā digbʰyas \

Pada: p     namo digbʰyaḥ //


Anuvaka: 8  
Line : 16  Pada: a     samudráṃ gaccʰa svā́hā \

Pada: b     antárikṣaṃ gaccʰa svā́hā

Pada: c     devám̐ savitā́raṃ gaccʰa svā́hā \

Line : 17  Pada: d     ahorātré gaccʰa svā́hā

Pada: e     mitrā́váruṇau gaccʰa svā́hā

Pada: f     dyā́vāpr̥tʰivī́ gaccʰa svā́hā

Line : 18  Pada: g     cʰándo gaccʰa svā́hā

Pada: h     sómaṃ gaccʰa svā́hā

Pada: i     yajñáṃ gaccʰa svā́hā

Line : 19  Pada: j     nábʰo gaccʰa svā́hā \

Pada: k     agníṃ vaiśvānaráṃ gaccʰa svā́hā

Pada: l     máno me hā́rdi yaccʰa

Pada: m     putráṃ náptāram * aśīya \
      FN emended. Ed.: naptāram.

Page: 27  
Line : 1  Pada: n     óṣadʰībʰyas svā́hā //

Pada: o     dʰā́mnodʰāmno rājann itó varuṇa no muñca

Line : 2  Pada: p     yád ā́po ágʰnyā váruṇeti śapāmahe

Pada: q     táto varuṇa no muñca //

Line : 3  Pada: r     úd uttamáṃ varuṇa pā́śam asmád ávādʰamáṃ ví madʰyamám̐ śratʰāya /

Line : 4  Pada: s     átʰā vayám āditya vraté távā́nāgaso áditaye syāma //

Line : 5  Pada: t     sumitrā́ ṇa ā́po óṣadʰayo bʰavantu

Pada: u     durmitrā́s tásmai santu yò 'smā́n dvéṣṭi yáṃ ca vayáṃ dviṣmáḥ //

Line : 7  Pada: v     dvīpé rā́jño váruṇasya gr̥hó hiraṇyáyo mitáḥ /

Line : 8  Pada: w     táto dʰr̥távrato rā́jā dʰā́mnodʰāmna ihá muñcatu //


Anuvaka: 9  
Line : 9  Pada: a     haviṣmatīr imā āpo haviṣmān devo adʰvaraḥ /

Line : 10  Pada: b     haviṣmāṃ āvivāsati haviṣmān astu sūryaḥ //

Line : 11  Pada: c     agner vo 'pannagr̥hasya sadasi sādayāmi

Pada: d     sumnāyavas sumnyāya sumnaṃ * dʰatta \
      FN emended. Ed.: sumnyaṃ. Mittwede, Textkritische Bemerkungen, p. 46

Line : 12  Pada: e     indrāgnyor bʰāgadʰeyīs stʰa

Pada: f     mitrāvaruṇayor bʰāgadʰeyīs stʰa

Pada: g     viśveṣāṃ devānāṃ bʰāgadʰeyīs stʰa

Line : 13  Pada: h     somasya vasatīvarīr

Pada: i     hr̥de tvā

Pada: j     manase tvā

Pada: k     dive tvā

Pada: l     sūryāya tvā \

Line : 14  Pada: m     ūrdʰvam imam adʰvaraṃ divi deveṣu hotrā yaccʰa

Pada: n     soma rājan viśvāḥ prajā upāvaroha

Line : 15  Pada: o     viśvās tvā prajā upāvarohantu //

Line : 16  Pada: p     śr̥ṇotv agnis samidʰā havaṃ me śr̥ṇvantv āpo dʰiṣaṇāś ca devīḥ /

Line : 17  Pada: q     śr̥ṇota grāvāṇo viduṣo nu yajñam̐ śr̥ṇotu devas savitā havaṃ me //

Line : 18  Pada: r     devīr āpo apāṃ napād ya ūrmir haviṣya indriyāvān madintamas taṃ devebʰyo devatrā dāta śukrapebʰyo yeṣāṃ bʰāgas stʰa svāhā

Line : 19  Pada: s     kārṣy asi

Pada: t     samudrasya vo 'kṣityā unnaye //

Line : 21  Pada: u     saṃ vo dadʰātu varuṇo mitro agnis sam indras saṃ br̥haspatiḥ /

Line : 22  Pada: v     tvaṣṭā viṣṇuḥ prajayā saṃrarāṇā yajamānāya draviṇaṃ dadʰātu * //
      FN Raghuvira, KpS, xxiv: dadʰāta. Mittwede, Textkritische Bemerkungen, p. 46

Page: 28  
Line : 1  Pada: w     yatʰādʰuraṃ dʰuro * dʰūrbʰiḥ kalpantām //
      FN emended. Ed.: yatʰādʰūran dʰūro. Raghuvira, KpS, xxiv. Mittwede, Textkritische Bemerkungen, p. 46

Line : 2  Pada: x     yam agne pr̥tsu martyam avā vājeṣu yaṃ junāḥ /

Line : 3  Pada: y     sa yantā śaśvatīr iṣaḥ // svāhā

Line : 4  Pada: z     vasūnāṃ rudrāṇām ādityānāṃ pannejanīs stʰa //

Pada: aa     vasavo rudrā ādityā etā vaḥ pannejanīs

Line : 5  Pada: ab     samudraṃ gandʰarveṣṭʰām anvātiṣṭʰatʰa vātasya patmann īḍitā

Line : 6  Pada: ac     vāmī te saṃdr̥śi viśvaṃ reto dʰiṣīya tava vāmy anu saṃdr̥śi //


Anuvaka: 10  
Line : 8  Pada: a     nigrābʰyās stʰa devaśrutaś śukrāś śukrabʰr̥tas \

Pada: b     āyur me tarpayata

Pada: c     prāṇaṃ me tarpayata

Line : 9  Pada: d     vyānaṃ me tarpayata \

Pada: e     apānaṃ me tarpayata

Pada: f     cakṣur me tarpayata

Pada: g     śrotraṃ me tarpayata

Line : 10  Pada: h     vācaṃ me tarpayata \

Pada: i     ātmānaṃ me tarpayata

Pada: j     prajāṃ me tarpayata

Pada: k     gr̥hān me tarpayata

Line : 11  Pada: l     paśūn me tarpayata

Pada: m     gaṇān me tarpayata

Pada: n     tr̥ptā mā tarpayata

Pada: o     prītā mā prīṇīta

Line : 12  Pada: p     te me mā vitr̥ṣan

Pada: q     devasya tvā savituḥ prasave 'śvinor bāhubʰyāṃ pūṣṇo hastābʰyām ādade

Line : 13  Pada: r     grāvāsy adʰvarakr̥d * devebʰyas \
      FN emended. Ed.: grāvādʰvarakr̥d. Mittwede, Textkritische Bemerkungen, p. 47

Pada: s     ūrdʰvam imam adʰvaraṃ kr̥dʰy uttamena pavinā \

Line : 14  Pada: t     indrāya suṣuttamam \

Pada: u     madʰumantaṃ payasvantam

Pada: v     indrāya tvābʰimātigʰne \

Pada: w     indrāya tvā sahode \

Line : 15  Pada: x     indrāya tvā vasumate \

Pada: y     indrāya tvā rudravate \

Pada: z     indrāya tvādityavate \

Line : 16  Pada: aa     agnaye tvā rāyaspoṣade

Pada: ab     viṣṇave tvā

Pada: ac     śyenāya tvā somabʰr̥te

Pada: ad     viṣṇave tvā

Line : 17  Pada: ae     yat te soma divi jyotir

Pada: af     yat pr̥tʰivyāṃ yad urā antarikṣe

Pada: ag     tenāsmai yajñapataya uru rāye * kr̥dʰi \
      FN Mittwede, Textkritische Bemerkungen, p. 47

Line : 18  Pada: ah     adʰi dʰātre vocas \

Pada: ai     śvātrās stʰa vr̥traturo rādʰogūrtā amr̥tasya patnīs

Line : 19  Pada: aj     tā devīr devatremaṃ yajñaṃ kr̥tvopahūtās somasya pibata

Line : 20  Pada: ak     mā bʰair

Pada: al     mā saṃviktʰās * \
      FN emended. Ed.: saṃvittʰā. Raghuvira, KpS, xxiv. Mittwede, Textkritische Bemerkungen, p. 47

Pada: am     dʰiṣaṇe vīḍite * vīḍayetʰām
      FN emended. Ed (VC): vīte. Mittwede, Textkritische Bemerkungen, p. 47

Pada: an     ūrjaṃ dadʰātʰām

Pada: ao     ūrjam asmāsu dʰattam \

Page: 29  
Line : 1  Pada: ap     mā vām̐ him̐siṣam \

Pada: aq     mā yuvam asmān him̐siṣṭam \

Pada: ar     prāg apāg udag adʰarāk tās tvā diśa ādʰāvantu \

Line : 2  Pada: as     amba nisvara

Pada: at     sam arir vidaḥ //


Line : 3  Pada: au     iti śrīyajuṣi kāṭʰake carakaśākʰāyāmiṭʰimikāyāṃ jyotirikaṃ nāma tr̥tīyaṃ stʰānakaṃ saṃpūrṇam //


Next part


This text is part of the TITUS edition of Black Yajur-Veda: Kathaka-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.