TITUS
Black Yajur-Veda: Manava-Grhya-Sutra
Part No. 22
Previous part

Khanda: 22 
dvāviṃśaḥ kʰaṇḍaḥ


Sentence: 1    saptame navame vopāyanam \1\
Sentence: 2    āgantrā samaganmahi pratʰamamarti m̐ yuyotu naḥ ariṣṭāḥ saṃcaremahi svasti caratā diśaḥ \ svastyāgr̥hebʰyaḥ ityuptakeśena snātenāktenābʰyaktenālaṃkr̥tena yajñopavītinā sametya japati \2\
Sentence: 3    atʰāsmai vāsaḥ prayaccʰati yā akr̥ntanyā atanvanyā āvanyā avāharan yāścāgnyā devyo 'ntānabʰito 'tatananta tāstvā devyo jarase sam̐vyayantvāyuṣmannidaṃ paridʰatsva vāsaḥ \ ityahatam̐ vāsaḥ paridʰāpyānvārabʰyāgʰārāvājyabʰāgau hutvājyaśeṣe dadʰyānīya dadʰikrāvṇo akāriṣamiti dadʰi triḥ prāśnāti \3\
Sentence: 4    ko nāmāsītyāha \4\
Sentence: 5    nāmadʰeye prokte devasya tvā savituḥ prasave 'śvinorbāhubʰyāṃ pūṣṇo hastābʰyām̐ hastaṃ gr̥hṇāmyasāviti hastaṃ gr̥hṇannāma gr̥hṇāti prāṅmukʰasya pratyaṅmukʰa ūrdʰvastiṣṭʰannāsīnasya dakṣiṇamuttānaṃ dakṣiṇena nīcārīktamariktena savitā te hastamagrahīdasāvagnirācāryastava devasavitareṣate brahmacārī tvaṃ gopāya samāvr̥tat \ kasya brahmacāryasi \ prāṇasya brahmacāryasi \ kastvā kamupanayate \ kāya tvā paridadāmi \ kasmai tvā paridadāmi \ tasmai tvā paridadāmi \ bʰagāya tvā paridadāmyaryamṇe tvā paridadāmi savitre tvā paridadāmi sarasvatyai tvā paridadāmīndrāgnibʰyāṃ tvā paridadāmi viśvebʰyastvā devebʰyaḥ paridadāmi sarvebʰyastvā devebʰyaḥ paridadāmīti paridadāti \5\
Sentence: 6    brahmaṇo grantʰirasi sa te mā visrasaditi hr̥dayadeśamārabʰya japati \ prāṇānāṃ grantʰirasīti prāṇadeśam \6\
Sentence: 7    r̥tasya goptrī tapasastarutrī gʰnatī rakṣaḥ sahamānā arātīḥ sānaḥ samagantamabʰiparyyehi bʰadre dʰartāraste subʰage mekʰale mā riṣāma iti mauñjīṃ pr̥tʰvīṃ triguṇāṃ mekʰalāmādatte \7\
Sentence: 8    yuvā suvāsā iti mekʰalāṃ pradakṣiṇaṃ triḥ parivyayati \8\
Sentence: 9    pum̐sastrīngrantʰīnbadʰnāti \9\
Sentence: 10    iyaṃ duruktātparibādʰamānā varṇaṃ purāṇaṃ punatīma āgāt prāṇāpānābʰyāṃ balamābʰajantī śivā devī subʰage mekʰale mā riṣāma iti tasyāṃ parivītāyāṃ japati mama vrate te hr̥dayaṃ dadʰātu mama cittamanucittaṃ te astu mama vācamekavrato juṣasva br̥haspatiṣṭvā niyunaktu mahyam \ iti \10\
Sentence: 11    yajñiyasya vr̥kṣasya daṇḍaṃ pradāya kr̥ṣṇājinaṃ cādityamupastʰāpayati adʰvanāmadʰvapate śraiṣṭʰyasya svastyasyādʰvanaḥ pāramaśīya taccakṣurdevahitaṃ purastāccʰukramuccarat paśyema śaradaḥ śataṃ jīvema śaradaḥ śatam śr̥ṇuyāma śaradaḥ śataṃ prabravāma śaradaḥ śatam adonāḥ syāma śaradaḥ śataṃ bʰūyaśca śaradaḥ śatāt yā medʰāpsaraḥsu gandʰarveṣu ca yanmanaḥ daivī yā mānuṣī medʰā sā māmāviśatāmihaiva iti \11\
Sentence: 12    abʰidakṣiṇamānīyāgneḥ paścāt ehyaśmānamātiṣṭʰāśmeva tvam̐ stʰiro bʰava kr̥ṇvantu viśve devā āyuṣṭe śaradaḥ śatam iti dakṣiṇena pādenāśmānamāstʰāpayati \12\
Sentence: 13    paścādagnermahadupastīrya sūpastʰalaṃ kr̥tvā prāṅāsīnaḥ pratyaṅṅāsīnāyānuvācayati gāyatrīm̐ sāvitrīmapi hyeke triṣṭubʰamapi hyeke jagatīmomityuktvā vyāhr̥tibʰiśca \13\
Sentence: 14    tāṃ triravagr̥hṇīyāttāṃ dviravakr̥tya tām̐ sakr̥tsamasyetpādaśo 'rdʰarcaśaḥ sarvāmantena \14\
Sentence: 15    yattisr̥ṇāṃ prātaranvāha yaddvayoryadekasyāḥ sam̐vatsare dvādaśāhe ṣaḍahe tryahe vā tasmātsadyo 'nūcyeti śrutiḥ \15\
Sentence: 16    varaṃ kartre dadāti kām̐syam̐ vasanaṃ ca \16\
Sentence: 17    yasya tu medʰākāmaḥ syātpalāśaṃ navanītenābʰyajya tasya ccʰāyāyāṃ vācayet_suśravaḥ suśravā asi yatʰā tvam̐ suśravaḥ suśravā asi evaṃ mām̐ suśravaḥ sauśravasaṃ kuru yatʰā tvaṃ devānām̐ vedānāṃ nidʰipo asi evamahaṃ manuṣyāṇām̐ vedānāṃ nidʰipo bʰūyāsam iti \17\
Sentence: 18    adʰīteha vā ayameṣām̐ vedānāmekaṃ dvau trīnsarvānveti yamevam̐ vidvām̐samupanayatīti śrutiḥ \18\
Sentence: 19    vyākʰyātaṃ brahmacaryam \19\
Sentence: 20    atʰa bʰaikṣaṃ carate mātaramevāgre yāścānyāḥ suhr̥do yāvatyo vā sannihitāḥ syuḥ \20\
Sentence: 21    ācāryāya bʰaikṣamupakalpayate tenānujñāto bʰuñjīteti śrutiḥ \\21\\


Sentence: col. 
iti dvāviṃśaḥ kʰaṇḍaḥ



Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.