TITUS
Black Yajur-Veda: Manava-Grhya-Sutra
Part No. 24
Previous part

Purusa: 2 
śrīrastvatra

dvitīyaḥ puruṣaḥ


Khanda: 1 


Sentence: 1    audvāhikaṃ pretapitā śālāgniṃ kurvīta \1\
Sentence: 2    anyatra tataḥ prete pitari prajvalanto 'gniṃ jāgarayeyuḥ parvaṇi jyautsne puṇye nakṣatre 'nyatra navamyāḥ \2\
Sentence: 3    snātaḥ śucirahatavāsāḥ \3\
Sentence: 4    vāgyatāvaraṇipāṇī jāgr̥taḥ \4\
Sentence: 5    avakāśe 'kṣatānyavānpiṣṭvā mantʰamāyautyanālambamimkṣuśalākayā bahulam \5\
Sentence: 6    hiraṇyapāṇim̐ savitāram̐ vāyumindraṃ prajāpatim \ viśvāndevānaṅgiraso havāmahe \ amuṃ kravyādam̐ śamayantvagnim \ iti mantʰenāgnimavasiñcati \6\
Sentence: 7    somo rājā vibʰajatūbʰāgnirvvibʰājayan \ ihaivāstu havyavāhano 'gniḥ kravyādaṃ nudasva \ iti kaṭe kr̥tāyām̐ vāgnim̐ samāropya prahiṇoti \7\
Sentence: 8    kravyādamagniṃ prahiṇomi dūram̐ yamarājyaṃ gaccʰatu ripravāhaḥ \ ihaivāyamitaro jātavedā devebʰyo havyā vahatu prajānan \ ityagnimādāya dakṣiṇāpratyagʰaranti \8\
Sentence: 9    sahādʰikaraṇairyanti \9\
Sentence: 10    svakr̥ta iriṇe sīse malimlucāmahe śiromimupabarhaṇe \ avyāmasitāyāmr̥ṣṭvāstaṃ pretasudānavaḥ \ iti sīsamupadʰānenyasyādʰyadʰi \10\
Sentence: 11    dʰāmno dʰāmna iti tisr̥bʰiḥ parogoṣṭʰaṃ mārjayante \11\
Sentence: 12    anapekṣamāṇāḥ pratyāyanti \12\
Sentence: 13    nalairvetasaśākʰayā vā padāni lopayante \ mr̥tyoḥ padāni lopayante yadetadrāgʰīya āyuḥ pratiraṃ dadʰānaḥ \ āpyāyamānāḥ prajayā dʰanena śuddʰāḥ pūtā bʰavantu yajñiyāsaḥ \13\
Sentence: 14    anaḍvāhaṃ plavamanvārabʰadʰvam̐ yenāvepatsaramā rapantī \ iti \14\
Sentence: 15    agnyāyatanamuddʰatyāvokṣyāgnyādʰeyikyānpārtʰivānsaṃbʰārānnirvapatyūṣasikatavarjam \15\
Sentence: 16    araṇibʰyāmagniṃ matʰitvā hiraṇyaśakalaṃ ca nyupya prāgudayādupastʰakr̥to bʰūriti jvalantamādadʰāti \16\
Sentence: 17    gaurvāsaḥ kām̐syaṃ ca dakṣiṇā \\17\\


Sentence: col. 
iti dvitīyapuruṣe pratʰamaḥ kʰaṇḍaḥ \\1\\


Next part


This text is part of the TITUS edition of Black Yajur-Veda: Manava-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.