TITUS
Black Yajur-Veda: Manava-Srautasutra
Part No. 3
Previous part

Adhyaya: 3 
Khanda: 1 
Sutra: 1    hotaryavastʰite \\ agnaye samidʰyamānāyānubrūhi \\ ity uktvā [ hotuḥ ] praṇavepraṇave samidʰam ādadʰāti /

Sutra: 2    ānuyājikīm̐ śiṣṭvā nedʰmasyātirecayati /

Sutra: 3    idʰmasaṃnahanam̐ visram̐syaikagrantʰim̐ saṃmārgaṃ karoti /

Sutra: 4    oḍʰāsu devatāsv apa upaspr̥śya vedenāgniṃ trir upavājayaty agram̐ vedyāḥ saṃmr̥jan /

Sutra: 5    pūrṇasruvaṃ dʰruvāyām avanīya tasyopahatya vedopayāma uttaraṃ paridʰisaṃdʰim̐ sparśayitvottarārdʰe 'bʰyāhitasya prācīnaṃ manasā prajāpataye svāhā \\ iti jvalati juhoti /

Sutra: 6    saṃpātena dʰruvām āpyāyya yatʰāstʰānam̐ sruvam̐ vedaṃ ca nidadʰāti //

Sutra: 7    agnīt paridʰīm̐ś cāgniṃ ca tristriḥ saṃmr̥ḍḍʰi \\ iti preṣyati /

Sutra: 8    āgnīdʰraḥ saṃmārgaṃ spʰyam upasam̐yamya yatʰāparidʰitam anulomaṃ triḥ saṃmārṣṭi //

Sutra: 9    ājiṃ tvāgne sariṣyantam̐ sanim̐ saniṣyantaṃ devebʰyo havyam̐ vakṣyantam̐ vājinaṃ tvā vājajityāyai saṃmārjmi \\ agne vājaṃ jaya \\ ity r̥te spʰyād agnim upakṣipam̐s triḥ samunmārṣṭi /

Sutra: 10    apaharati /

Sutra: 11    uttānau pāṇī kr̥tvā juhūpabʰr̥tor agre sūyame me 'dya stam iti japati //

Sutra: 12    juhv ehi \\ agniṣ ṭvā hvayati \ devān yakṣyāvo devayajyāyai \\ iti juhūm ādatta // upabʰr̥d ehi \ devas tvā savitā hvayati \ devān yakṣyāvo devayajyāyai \\ ity upabʰr̥tam /

Sutra: 13    samādāya srucau \\ agnāviṣṇū vijihātʰām iti dakṣiṇātikrāmati /

Sutra: 14    āspr̥ṣṭam̐ savyaṃ pādam avastʰāpayaty antarvedi dakṣiṇam̐ // viṣṇoḥ stʰāmāsi \\ iti japati /

Sutra: 15    dakṣiṇaṃ paridʰisaṃdʰim̐ sparśayitvā dakṣiṇārdʰe 'bʰyāhitasya \\ ūrdʰvo adʰvaras \\ iti saṃtataṃ prāñcaṃ dīrgʰam r̥jum ūrdʰvam avicʰinnam āgʰāram āgʰārayati /

Sutra: 16    prayājebʰyaḥ śiṣṭvā bʰūyiṣṭʰam ājyāhutīnāṃ juhoti /

Sutra: 17    āgʰāryānuprāṇiti /

Sutra: 18a       pāhi māgne duścaritāt\ ā mā sucaritādbʰaja /

Sutra: 18    ity asam̐sparśayan srucāv atyākrāmati //

Sutra: 19    saṃ jyotiṣā jyotir iti juhvā dʰruvāṃ triḥ samanakti / juhvāpyāyayati dʰruvām /

Sutra: 20    yatʰāstʰānam̐ srucau sādayati //

Sutra: 21    unnītam̐ rāye \\ iti dʰruvāyāḥ sruveṇonnayati // suvīrāya svāhā \\ iti juhūm āpyāyayati //

Sutra: 22    prāṇena prāṇaḥ saṃtatas \\ iti dʰruvāyām̐ sruvaṃ nidadʰāti /

Sutra: 23    samidʰaḥ śakalam ādāyāvatiṣṭʰate /

Sutra: 24    prakr̥ṣya dakṣiṇaṃ pādaṃ barhiṣas tr̥ṇam̐ saṃtatam upodyamya brahman pravarāyāśrāvayiṣyāmi \\ ity uktvo *\\ śrāvaya \\ ity āśrāvayati /
      < uktvā

Sutra: 25    spʰyasaṃmārgapāṇir āgnīdʰraḥ paścād utkarasyordʰvas tiṣṭʰann astu śrauṣaṭ \\ iti pratyāśrāvayati /

Sutra: 26    pratyāśrute \\ agnir devo daivyo hotā devān yakṣad vidvām̐ś cikitvān manuṣvad bʰaratavad amuvad amuvat \\ ity ūrdʰvān yajamānasyarṣīn pravr̥ṇīta ekaṃ dvau trīn pañca vā // brahmaṇvad ā ca vakṣat \\ brāhmaṇā asya yajñasya prāvitāras \\ iti japati / hotrā viyuktas tasyopām̐śu nāma gr̥hītvā mānuṣas \\ ity uccaiḥ /

Sutra: 27    śakalam agnāv adʰyasyati /

Sutra: 28    yady abrāhmaṇo yajeta purohitasya pravareṇa pravr̥ṇīyāt /

Sutra: 29    juhūm upabʰr̥to 'greṇāvadadʰyād uddʰarec ca /

Sutra: 30    dakṣiṇena [ pādena ] dakṣiṇātikrāmati savyenodak /

Sutra: 31    paridʰisaṃdʰī anvavahāram āsīna uttarato juhoti svāhākāravatīr vaṣaṭkāravatīr dakṣiṇataḥ prāgudaṅmukʰa ūrdʰvas tiṣṭʰan /

Sutra: 32    āśrāvya na viceṣṭed ā homāt /

Sutra: 33    samaṃ prativaṣaṭkāram̐ vaṣaṭkr̥te vā juhoti /

Sutra: 34    mandreṇa svareṇājyabʰāgābʰyāṃ pracarati madʰyamenānuyājebʰya uttamenā śam̐yoḥ /


Khanda: 2 
Sutra: 1    gʰr̥tavatī adʰvaryo \\ ity ucyamāne srucāv ādāya dakṣiṇātikrāmati /

Sutra: 2    abʰikrāmam āśrāvaṃ pañca prayājān yajati // samidʰo yaja \\ iti pratʰamam \\ yaja yaja \\ ity uttarān /

Sutra: 3    tribʰiḥ pracaryaupabʰr̥tasya juhvām ānīya samānatra juhoti /

Sutra: 4    atyākramyābʰigʰārayati dʰruvāṃ dakṣiṇaṃ puroḍāśaṃ punar dʰruvām upām̐śuyājāyottaraṃ puroḍāśam̐ sāyaṃdohaṃ prātardoham upabʰr̥tam antataḥ /

Sutra: 5    sruveṇāvadyati catuḥ pañcakr̥tvo jāmadagnyasyecʰan pañcāvattaṃ jāmadagnyam āmantrya kurvīta /

Sutra: 6    ājyabʰāgau yajaty āgneyam uttarārdʰe saumyaṃ dakṣiṇārdʰe samāvanakṣṇayā /

Sutra: 7    dʰrauvasyāvadāya

Sutra: 7a       āpyāyatāṃ dʰruvā gʰr̥tena \ yajñam̐ yajñaṃ prati devayadbʰyaḥ /

Sutra: 7c       sūryāyā ūdʰar aditer upastʰe\ utso bʰava yajamānasya dʰenuḥ //

Sutra: 7    ity avadāyāvadāyājyastʰālyā dʰruvāṃ pratyāpyāyayati //

Sutra: 8    agnaye 'nubrūhi \\ ity anuvācayati /

Sutra: 9    anuvākyāyāḥ praṇavena sam̐srutyāśrāvayati /

Sutra: 10    pratyāśrute \\ agnim̐ yaja \\ iti preṣyati /

Sutra: 11    evam̐ saumyena pracarati /

Sutra: 12    upastīryāpa upaspr̥śya dakṣiṇasya madʰyāt \\ mā bʰair \ mā sam̐viktʰās \\ mā tvā him̐siṣam \\ bʰaratam uddʰarema \ vanuṣanty avadānāni te pratyavadāsyāmi \ namas te astu \ mā mā him̐sīr ity abʰiparigr̥hṇan sam̐hatābʰyām aṅgulībʰyām aṅguṣṭʰena cāṅguṣṭʰaparvamātrāṇy avadānāny avadyati madʰyāt pūrvārdʰād dvitīyaṃ / paścārdʰāt tr̥tīyam̐ yadi pañcāvadānasya /

Sutra: 13    avattam abʰigʰārya

Sutra: 13a       yad avadānāni te 'vadyan \ vilomākārṣam ātmanaḥ /

Sutra: 13c       ājyena pratyanajmi tat * \ tat ta āpyāyatāṃ punaḥ //
      FN Ed omits tat.

Sutra: 13    iti puroḍāśaṃ pratyabʰidʰārayati //

Sutra: 14    agnaye 'nubrūhi \\ ity anuvācayati /

Sutra: 15    āśrāvya \\ agnim̐ yaja \\ iti preṣyati /

Sutra: 16    antarājyabʰāgāvāhutīḥ prāgudīcīr apāyātayati /

Sutra: 17    dʰrauvasyāvadāyopām̐śuyājāv agnīṣomīyaṃ paurṇamāsyāṃ vaiṣṇavam amāvāsyāyām upām̐śu devate nirdiśati /

Sutra: 18    evam uttarasyāvadāya yatʰādevataṃ pracarati /

Sutra: 19    saṃnayata upastīrya yatʰāvadānam̐ samavadyati puroḍāśasya dohayoś ca \\ indrāyānubrūhi \\ ity anuvācayati mahendrāya \\ iti vā /

Sutra: 20    sāṃnāyyacarupaśupuroḍāśānāṃ pārśvena juhuyād dravāṇāṃ prasravaṇena / vyākʰyātaṃ pracaraṇam /

Sutra: 21a       r̥ṣabʰam̐ vājinam̐ vayam\ pūrṇamāsam̐ havāmahe /

Sutra: 21c       sa no dohatām̐ suvīram\ rāyaspoṣam̐ sahasriṇam //

Sutra: 21    pūrṇamāsāya surādʰase svāhā \\ iti paurṇamāsyām̐ sruveṇa juhoti /

Sutra: 21a       amāvāsyā subʰagā suśevā \ dʰenur iva bʰūya āpyāyamānā /

Sutra: 21c       mā no dohatām̐ suvīram\ rāyaspoṣam̐ sahasriṇam //

Sutra: 21    amāvāsyāyai surādʰase svāhā \\ ity amāvāsyāyām /

Sutra: 22    sviṣṭakr̥te samavadyaty uttarārdʰātmakr̥d dvimātraṃ / dvir vā yadi pañcāvadānasya /

Sutra: 23    avattaṃ dvir abʰigʰārya nāta ūrdʰvam̐ havīm̐ṣi pratyabʰigʰārayati //

Sutra: 24    agnaye sviṣṭakr̥te 'nubrūhi \\ ity anuvācayati /

Sutra: 25    āśrāvya [ pratyāśrute ] agniṃ sviṣṭakr̥tam̐ yaja \\ iti preṣyati /

Sutra: 26    asam̐saktam uttarārdʰapūrvārdʰe juhoti /

Sutra: 27    atyākramya yatʰāstʰānam̐ srucau sādayati /


Khanda: 3 
Sutra: 1    prāśitraharaṇam uttarasya paścāt paridʰisaṃdʰer vyuhyauṣadʰīr avokṣite sādayati /

Sutra: 2    tasmin prāśitram avadyati dakṣiṇasya madʰyād yavamātram aṅguṣṭʰenopamadʰyamayā cādāyābʰigʰārayati /

Sutra: 3    niṣṭapyeḍāpātrīṃ tasyām upastīryeḍāyai dvirdvir avadyati stʰavīyo daivatebʰyaḥ /

Sutra: 4    dakṣiṇasya bʰakṣān avadyati /

Sutra: 5    dakṣiṇasya dakṣiṇārdʰād avadāya pūrvārdʰād yajamānabʰāgam aṇuṃ dīrgʰam ājyalepe paryasya vede nidadʰāti / madʰyād dvitīyam aiḍam̐ saṃbʰindann avadānāni /

Sutra: 6    dʰrauvasyāvadāyānupūrvam itareṣām /

Sutra: 7    iḍām abʰigʰārya pratyaṅṅ āsīno hotre prayacʰati /

Sutra: 8    antareṇa hotāram iḍāṃ cādʰvaryur dakṣiṇātikrāmati /

Sutra: 9    paripragr̥hṇāti hotānanusr̥jan hotur aṅguliparvaṇī anakty antaram agre 'tʰa bāhyam /

Sutra: 10    hotuḥ pāṇau dvir lepenopastr̥ṇāti /

Sutra: 11    avadānam̐ hotā randʰayati / tad anyac ca lepād upastīrya lepād dvir abʰigʰārayati /

Sutra: 12    upahūyamānāyām r̥tvijo 'nvārabʰante yajamānaś ca /

Sutra: 13    upahūtāṃ pr̥tʰak pāṇyor āgnīdʰrāyāvadyati /

Sutra: 14    saṃpreṣyati / ya uttaratas tān dakṣiṇataḥ parīta \\ iti brūyād ye vā dakṣiṇatas tān uttarataḥ parīta \\ iti /

Sutra: 15    upahūtāṃ prāśnanty r̥tvijo yajamānaś ca /

Sutra: 16    hotā pratʰamo bʰakṣayate pr̥tʰivyās tvā dātrā prāśnāmi \\ antarikṣasya tvā dātrā prāśnāmi \ divas tvā dātrā prāśnāmi \ diśāṃ tvā dātrā prāśnāmi \\ iti prāśnāty āgnīdʰraḥ /

Sutra: 17    śākʰāpavitram̐ visram̐sya hotāgnihotrahavaṇyām avadʰāyāntarvedi nidadʰāti /

Sutra: 18    tatrāpohiṣṭʰīyaṃ japanto mārjayante /

Sutra: 19    brahmabʰāgam̐ stʰavīyām̐sam̐ yajamānabʰāgād avadāyājyalepe paryasya vede nidadʰāti /

Sutra: 20    dakṣiṇaṃ [ puroḍāśaṃ ] caturantaṃ kr̥tvā barhiṣi sādayati /

Sutra: 21    abʰimr̥ṣṭaṃ pātryāṃ nidadʰāti /

Sutra: 22    prāśitraharaṇam agreṇāhavanīyaṃ paryāhr̥tya brahmaṇe prayacʰati /

Sutra: 23    vedena bʰāgau paryāhr̥tya brahmaṇe prayacʰati yajamānāya ca /

Sutra: 24    pratiparyāhr̥tya yatʰāstʰānam̐ vedaṃ nidadʰāti /

Sutra: 25    dakṣiṇāgnāv odanam̐ śr̥taṃ mahāntam abʰigʰāryāpareṇa srugdaṇḍān udañcam udvāsayati / dohau pātrīṃ ca /


Khanda: 4 
Sutra: 1    ānuyājikīm̐ samidʰam ādāya brahman prastʰāsyāmaḥ [ iti brahmāṇam āmantrya ] samidʰam ādʰāyāgnīt paridʰīm̐ś cāgniṃ ca sakr̥tsakr̥t saṃmr̥ḍḍʰi \\ iti preṣyati /

Sutra: 2    āgnīdʰraḥ saṃmārgam̐ spʰyam upasam̐yamya yatʰāparidʰitam anulomam̐ sakr̥t saṃmārṣṭi \\ ājiṃ tvāgne sasr̥vām̐sam̐ sanim̐ sasanivām̐saṃ devebʰyo havyam ohivām̐sam̐ vājinaṃ tvā vājajitam̐ saṃmārjmi \\ agne vājam ajair ity agnim /

Sutra: 3a       yo devānām asi śreṣṭʰas\ ugras tanticaro vr̥ṣā /

Sutra: 3c       mr̥ḍa tvam asmabʰyam̐ rudra\ etad astu hutaṃ tava / svāhā //

Sutra: 3    iti saṃmārjam̐ visram̐syābʰyukṣyāgnāv adʰyasyati /

Sutra: 4    aupabʰr̥taṃ juhvām ānīyāśrāvaṃ trīn anuyājān yajati // devān yaja \\ iti pratʰamam̐ yaja yaja \\ ity uttarau / samidʰaḥ pratīcaḥ /

Sutra: 5    paśvārdʰād uttamena prāñcāv anusaṃbʰinatti /

Sutra: 6    atyākramya yatʰāstʰānam̐ srucau sādayati /

Sutra: 7    yajamānas \\ vājasya mā prasavena \\ iti dakṣiṇenottānena pāṇinā juhūm̐ saprastarām udgr̥hṇāti \\ atʰā sapatnān indro me \\ iti nīcā savyenopabʰr̥taṃ nigr̥hṇāti \\ udgrābʰaś ca nigrābʰaś ca \\ iti vyudgr̥hṇāti //

Sutra: 8    atʰā sapatnān indrāgnī me \\ iti vyudūhati prācīṃ juhūṃ prastarātpratīcīm upabʰr̥taṃ / bahirvedi nirasyati /

Sutra: 9    abʰyukṣya pratyāsādayati na juhūm prastare /

Sutra: 10    juhvānakti paridʰīn vasur asi \\ iti madʰyamam upāvasur asi \\ iti dakṣiṇam \\ viśvāvasur asi \\ ity uttaram /

Sutra: 11    madʰyame sruco 'gram̐ saṃdʰāya srugdaṇḍe prastarasyāgrāṇy upasam̐yamyāśrāvayati /

Sutra: 12    pratyāśrute \\ iṣitā daivyāhotāro bʰadravācyāya preṣito mānuṣaḥ sūktavākāya \ sūktā brūhi \\ iti preṣyati /

Sutra: 13    prastaram apādatte //

Sutra: 14    yajamāne prāṇāpānau dadʰāmi \\ iti barhiṣi vidʰr̥tī pratyavasr̥jati \\ āyuṣe tvā \\ iti tr̥ṇam̐ sam̐sr̥jati //

Sutra: 15    aptubʰī rihāṇā vyantu vayas \\ iti srukṣu prastaram anakty agrāṇi juhvāṃ madʰyāny upabʰr̥ti mūlāni dʰruvāyām /

Sutra: 16    tūṣṇīṃ juhvām agrāṇy aktvā vaśā pr̥śnir bʰūtvā \\ ity anatiharan prastarasyāgrāṇy ādīpayati //

Sutra: 17    āśāste 'yam̐ yajamānas \\ ity ucyamāne saha śākʰayā prastaram anupraharati //

Sutra: 18    agnīd gamaya \\ iti preṣyati /

Sutra: 19    prastaram āgnīdʰras triḥ pāṇinā gamayati //

Sutra: 20    anuprahara \ sam̐vadasva \\ iti cāha //

Sutra: 21    tato no vr̥ṣṭyāvata \\ iti tr̥ṇam agnāv adʰyasyati //

Sutra: 22    pratiṣṭʰāsi \\ iti pr̥tʰivīm ālabʰate /

Sutra: 23a       punar yamaś cakṣur adāt \ punar agniḥ punar bʰagaḥ /

Sutra: 23c       punar me aśvinā yuvam\ cakṣur ādʰattam akṣṇoḥ //

Sutra: 23    iti cakṣuṣī abʰimr̥śati /

Sutra: 24    apa upaspr̥śya madʰyamaṃ paridʰim anvārabʰya agān agnīt \\ ity āha \\ agan \\ ity āgnīdʰraḥ // śrāvaya \\ ity adʰvaryuḥ // śrauṣaṭ \\ ity āgnīdʰraḥ //

Sutra: 25    svagā daivyāhotr̥bʰyaḥ \ svastir mānuṣebʰyaḥ \ śam̐yor brūhi \\ iti preṣyati //

Sutra: 26    tañ śam̐yor āvr̥ṇīmahe \\ ity ucyamāne madʰyamaṃ dakṣiṇaṃ cādāya /

Sutra: 26a       yaṃ paridʰiṃ paryadʰattʰās\ agne deva paṇibʰir vīyamānaḥ /

Sutra: 26c       taṃ ta etam anu joṣaṃ bʰarāmi \ ned eṣa yuṣmad apacetayātai //

Sutra: 26    yajñasya pātʰa upasamitam ity adʰastāt prastarasyākṣṇayopakarṣati /

Sutra: 27    upabʰr̥to 'graṃ juhvām ādʰāya sam̐srāvabʰāgāḥ stʰa \\ iti paridʰīn abʰijuhoti //

Sutra: 28    gʰr̥tācyau stʰo yajamānasya dʰuryau pātam iti vedyam̐sayoḥ srucau vimuñcati / kastambadeśe vā yato yuñjānas tato vimuñcāmi \\ iti vimuñcati /

Sutra: 29    na vimukte barhiṣi pratyāsādayati /

Sutra: 30    sruvaṃ juhūṃ cādāyādʰvaryuḥ pratyupakrāmati barhiṣas tr̥ṇam̐ vedaṃ ca hotā / ājyastʰālīm āgnīdʰraḥ paścād gārhapatyasya prāktūle tr̥ṇe sādayati /

Sutra: 31    antareṇa hotāram agniṃ cādʰvaryuḥ pratyupakrāmati /

Sutra: 32    madʰye hotāsīno dʰvānena patnīḥ sam̐yājayati /


Khanda: 5 
Sutra: 1    vedopayāmo 'vadyan somāyānubrūhi \\ ity anuvācayati /

Sutra: 2    uttarārdʰe somam̐ yajati dakṣiṇārdʰe tvaṣṭāram /

Sutra: 3    pariśrityāhavanīyato devānāṃ patnīr yajati /

Sutra: 4    purastād * devapatnīnām̐ sinīvālīṃ paśukāmasya yajed upariṣṭād rākām̐ vīrakāmasya kuhūṃ pratiṣṭʰākāmasya //
      FN emended. Ed.: purāstād.

Sutra: 5    saṃ patnī patyā sukr̥teṣu gacʰatām iti patnyanvārambʰam̐ sruveṇa juhoti /

Sutra: 6    pariśrayaṇam upoddʰr̥tyāgniṃ gr̥hapatim̐ yajati sviṣṭakr̥tstʰāne /

Sutra: 7    daśakr̥tvo 'vadāya hotānanusr̥jan hotur aṅguliparvaṇī anakti bāhyam agre 'tʰāntaram /

Sutra: 8    hotuḥ pāṇau dvir lepenopastr̥ṇāti /

Sutra: 9    avadānam̐ hotā randʰayati / tad anyac ca lepād upastīrya lepād dvir abʰigʰārayati /

Sutra: 10    upahūyamānāyāṃ patny anvārabʰata āgnīdʰraś ca /

Sutra: 11    upahūtāṃ prāśnīto hotāgnīdʰraś ca /

Sutra: 12    dakṣiṇāgnāv idʰmaparivāsanāny upasamādʰāya caturgr̥hīta ājye pʰalīkaraṇāny opya yā sarasvatī veśayamani \\ iti juhoti /

Sutra: 13    tasyāṃ punar gr̥hītvā piṣṭalepaṃ dviravattam abʰigʰārya

Sutra: 13a       ulūkʰale musale yat kapāle\ upalāyāṃ dr̥ṣadi dʰārayiṣyati /

Sutra: 13c       avapruṣo vipruṣaḥ sam̐sr̥jāmi \ viśve devā havir idaṃ juṣantāṃ / svāhā //

Sutra: 13    iti [ juhoti ] /

Sutra: 14    vedena nirmr̥jyājyasyāvadāya \\ aindropānasyakehamanaso veśān kuru sumanasaḥ sajātān svāhā \\ iti grāmakāmasya juhoti /

Sutra: 15    patnyai vedaṃ prayacʰati // vedo 'si \ vedo mā ābʰara \\ iti japati //

Sutra: 16    tr̥ptāhaṃ tr̥ptas tvam iti pratigr̥hṇāty upastʰe putrakāmā nidadʰīta /

Sutra: 17a       imam̐ viṣyāmi varuṇasya pāśam\ yaj jagrantʰa savitā satyadʰarmā /

Sutra: 17c       dʰātuś ca yonau sukr̥tasya loke\ ariṣṭāṃ mā saha patyā dadʰātu //

Sutra: 17    iti yoktrapāśam̐ viṣāya sayoktram añjaliṃ kurute /

Sutra: 18a       sam āyuṣā saṃ prajayā \ sam agne varcasā punaḥ /

Sutra: 18c       saṃ patnī patyāhaṃ gacʰe \ sam ātmā tanvā mama //

Sutra: 18    ity udakāñjaliṃ ninīya mukʰaṃ vimr̥ṣṭe /

Sutra: 19    hotā vedam̐ str̥ṇāti gārhapatyād adʰi saṃtatam āhavanīyāt //

Sutra: 20    ayāś cāgne 'si \\ iti dʰrauvasya sakr̥davattaṃ juhoti /

Sutra: 21    sakr̥d dʰruvām āpyāyya barhiṣo darbʰamuṣṭim apādāyāntarvedy ūrdʰvas tiṣṭʰan devā gātuvidas \\ iti dʰruvayā saṃtatam̐ samiṣṭayajur juhoty ā mantrasya samāpanāt prāksvāhākārād darbʰamuṣṭim anupraharati //

Sutra: 22    yāni gʰarme kapālāni \\ ity etayā kapālāni vimuñcati /

Sutra: 23    saṃkʰyāyodīcīnāny udvāsayati ye gʰarme \\ iti dve yad gʰarme \\ ity ekam //

Sutra: 24    ko vo vimuñcati \\ iti praṇītā manasā vimucyāgreṇāhavanīyaṃ paryāhr̥tya poṣāya tvā \\ ity antarvedi nidadʰāti //

Sutra: 25    divi śilpam avatatam ity etayā barhir anupraharati /

Sutra: 26a       str̥ṇīta barhiḥ paridʰatta vedim\ jāmiṃ mā him̐sīr anu yā śayānā /

Sutra: 26c       darbʰaiḥ str̥ṇīta haritaiḥ suparṇair \ niṣkā hy ete yajamānasya bradʰnam //

Sutra: 26    iti hotr̥ṣadanair vedim̐ saṃcʰādayati //

Sutra: 27    brāhmaṇām̐s tarpaya \\ iti preṣyati /

Sutra: 28    paurṇamāsīm̐ sam̐stʰāpyendrāya vaimr̥dʰāyaikādaśakapālaṃ nirvaped abʰrātr̥vyavān tatra yatʰākāmaṃ dadyāt /

Sutra: 29    pravr̥ttau vikalpo nopakramya viramet /

Sutra: 30    adityā gʰr̥te carur amāvāsyām iṣṭvā paśukāmaḥ paśukāmaḥ /



Next part


This text is part of the TITUS edition of Black Yajur-Veda: Manava-Srautasutra.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.