TITUS
Black Yajur-Veda: Maitrayani-Samhita
Part No. 37
Previous part

Prapathaka: 13  
Anuvaka: 1  
Page: 168  
Line : 1  Pada: a     ūrdʰvā́m enām úñśrāpaya giraú bʰārám̐ hárann iva /

Line : 2  Pada: b     átʰāsyā mádʰyam edʰatām̐ śīté vā́te punánn iva //

Line : 3  Pada: c     yā́sakaú śakuntikā́halag íti váñcati /

Line : 4  Pada: d     ā́hataṃ páso nícalcalīti //

Line : 5  Pada: e     mātā́ ca te pitā́ ca té 'gram̐ vr̥kṣásya rohataḥ /

Line : 6  Pada: f     prátilāmī́ti te pitā́ //

Line : 7  Pada: g     yád dʰariṇó yávam átti ná puṣṭáṃ paśú manyate /

Line : 8  Pada: h     śūdrā́ yád áryajārā ná póṣāya dʰanāyati //

Line : 9  Pada: i     dadʰikrā́vṇo akāriṣam //


Anuvaka: 2  
Line : 10  Pada: a     áśvas tūparó gomr̥gás té prājāpatyā́ḥ

Pada: b     kr̥ṣṇágrīva āgneyó lalā́ṭe purástāt

Line : 11  Pada: c     sārasvatī́ meṣy ádʰastād dʰánvoḥ

Pada: d     śyāmáḥ pauṣṇó nā́bʰyām

Pada: e     āśvinā́ adʰórāmau bāhvós

Line : 12  Pada: f     tvāṣṭraú lomaśasáktʰau * saktʰyòḥ
      FN emended. Ed.: lomasáktʰau

Pada: g     sauryayā́mau śvetáś ca kr̥ṣṇáś ca pārśváyos \

Line : 13  Pada: h     vāyavyàḥ śvetáḥ púcʰe \

Pada: i     índrāya svàpasyāya vehát \

Pada: j     vaiṣṇavó vāmanáḥ //


Anuvaka: 3  
Page: 169  
Line : 1  Pada: a     babʰrúr aruṇábabʰruḥ śúkababʰrus té vāruṇā́s \

Pada: b     róhito dʰūmrárohitaḥ karkándʰurohitas té saumyā́ḥ

Line : 2  Pada: c     śitibāhúr anyátaḥśitibāhuḥ samantáśitibāhus té bārhaspatyā́ḥ

Line : 3  Pada: d     śitirándʰro 'nyátaḥśitirandʰraḥ samantáśitirandʰras té sāvitrā́ḥ

Line : 4  Pada: e     pŕ̥ṣatī kṣudrápr̥ṣatī stʰūlápr̥ṣatī tā́ maitrāvaruṇyàḥ //


Anuvaka: 4  
Line : 5  Pada: a     śuddʰávālaḥ sarváśuddʰāvālo maṇívālas tá āśvinā́ḥ

Pada: b     śyétaḥ śyetākṣò 'ruṇás té rudrā́ya paśupátaye

Line : 6  Pada: c     karṇā́ yāmā́s \

Pada: d     avaliptā́ raudrā́s \

Pada: e     nábʰorūpāḥ pārjanyā́ḥ //


Anuvaka: 5  
Line : 8  Pada: a     pŕ̥śnis tiraścī́napr̥śnir ūrdʰvápr̥śnis té mārutā́ḥ

Pada: b     pʰalgū́r lohitorṇī́ balakṣī́ tā́ḥ sārasvatyàḥ

Line : 9  Pada: c     plīhākárṇaḥ śuṇṭʰākárṇo 'dʰirūḍʰākárṇas té tvāṣṭrā́ḥ

Line : 10  Pada: d     kr̥ṣṇágrīvaḥ śitikákṣo 'ñjiṣáktʰas tá aindrāgnā́ḥ

Pada: e     kr̥ṣṇā́ñjir álpāñjir mahā́ñjis tá uṣasyā̀ḥ //


Anuvaka: 6  
Line : 12  Pada: a     śilpā́ vaiśvadevī́

Pada: b     róhiṇīs tryávayo vācé \

Pada: c     ávijñātā ádityai

Pada: d     sárūpā dʰātré

Line : 13  Pada: e     vatsataryò devā́nāṃ pátnībʰyaḥ //


Anuvaka: 7  
Page: 170  
Line : 1  Pada: a     kr̥ṣṇágrīvā āgneyā́ḥ

Pada: b     śitibʰrúvo vásūnām \

Pada: c     róhitā rudrā́ṇām \

Pada: d     śvetā́ avarokíṇa ādityā́nām \

Line : 2  Pada: e     nábʰorūpāḥ pārjanyā́ḥ //


Anuvaka: 8  
Line : 3  Pada: a     unnatáḥ śitibāhúḥ śitipr̥ṣṭʰás tá aindrābārhaspatyā́s \

Pada: b     unnatá r̥ṣabʰó vāmanás tá aindrāvaiṣṇavā́ḥ

Line : 4  Pada: c     śúkarūpā vājinā́ḥ kalmā́ṣā āgnimārutā́ḥ

Line : 5  Pada: d     śyāmā́ḥ pauṣṇā́ḥ //


Anuvaka: 9  
Line : 6  Pada: a     étā aindrāgnā́s \

Pada: b     dvirūpā́ agnīṣomī́yās \

Pada: c     vāmanā́ anaḍvā́ha āgnāvaiṣṇavā́s \

Line : 7  Pada: d     anyátaenīr maitrī́s \

Pada: e     vaśā́ maitrāvaruṇyàḥ //


Anuvaka: 10  
Line : 8  Pada: a     kr̥ṣṇágrīvā āgneyā́s \

Pada: b     babʰrávaḥ saumyā́ḥ

Pada: c     śvetā́ vāyavyā̀s \

Pada: d     ávijñātā ádityai

Line : 9  Pada: e     sárūpā dʰātré

Pada: f     vatsataryò devā́nāṃ pátnībʰyaḥ //


Anuvaka: 11  
Line : 10  Pada: a     kr̥ṣṇā́ bʰaumā́s \

Pada: b     dʰūmrā́ āntarikṣā́s \

Pada: c     br̥hánto daivā́ḥ

Pada: d     śabálā vaidyutā́ḥ

Line : 11  Pada: e     sidʰmā́s tārakā́ḥ //


Anuvaka: 12  
Line : 12  Pada: a     kr̥ṣṇágrīvā āgneyā́s \

Pada: b     babʰrávaḥ saumyā́s \

Pada: c     upadʰvastā́ḥ sāvitrā́s \

Pada: d     vatsataryàḥ sārasvatyàḥ

Page: 171  
Line : 1  Pada: e     śyāmā́ḥ pauṣṇā́ḥ

Pada: f     pŕ̥śnayo mārutā́ḥ

Pada: g     piśáṅgā vaiśvadevā́s \

Line : 2  Pada: h     vaśā́ dyāvāpr̥tʰivī́yāḥ //


Anuvaka: 13  
Line : 3  Pada: a     kr̥ṣṇágrīvā āgneyā́s \

Pada: b     babʰrávaḥ saumyā́s \

Pada: c     upadʰvastā́ḥ sāvitrā́s \

Pada: d     vatsataryàḥ sārasvatyàḥ

Line : 4  Pada: e     śyāmā́ḥ pauṣṇā́s \

Pada: f     étā aindrāgnā́ḥ

Pada: g     pŕ̥śnayo mārutā́ḥ

Line : 5  Pada: h     kr̥ṣṇā́ vāruṇā́ḥ

Pada: i     kāyā́s tūparā́ḥ //


Anuvaka: 14  
Line : 6  Pada: a     agnáyé 'nīkavate pratʰamajā́n ālabʰate

Pada: b     marúdbʰyaḥ sāṃtapanébʰyaḥ savātyā̀n

Line : 7  Pada: c     marúdbʰyo gr̥hamedʰébʰyo váṣkihān

Pada: d     marúdbʰyaḥ krīḍíbʰyaḥ sam̐sr̥ṣṭā́n

Pada: e     marúdbʰyaḥ svátavadbʰyo 'nusr̥ṣṭā́n //


Anuvaka: 15  
Line : 9  Pada: a     kr̥ṣṇágrīvā āgneyā́s \

Pada: b     babʰrávaḥ saumyā́s \

Pada: c     upadʰvastā́ḥ sāvitrā́s \

Pada: d     vatsataryàḥ sārasvatyàḥ

Line : 10  Pada: e     śyāmā́ḥ pauṣṇā́s \

Pada: f     étā aindrāgnā́ḥ

Pada: g     prāśr̥ṅgā́ aindrā́s \

Pada: h     bahurūpā́ vaiśvakarmaṇā́ḥ //


Anuvaka: 16  
Line : 12  Pada: a     kr̥ṣṇágrīvā āgneyā́s \

Pada: b     babʰrávaḥ saumyā́s \

Pada: c     upadʰvastā́ḥ sāvitrā́s \

Pada: d     vatsataryàḥ sārasvatyàḥ

Line : 13  Pada: e     śyāmā́ḥ pauṣṇā́ḥ

Pada: f     śvetā́ vāyavyā̀ḥ

Pada: g     prāśr̥ṅgā́ aindrā́ḥ

Line : 14  Pada: h     sauryā́ḥ śvetā́ḥ //


Anuvaka: 17  
Page: 172  
Line : 1  Pada: a     tryávayo gāyatryaí

Pada: b     páñcāvayas triṣṭúbʰe

Pada: c     dityavā́ho jágatyai

Pada: d     trivatsā́ anuṣṭúbʰe

Line : 2  Pada: e     turyavā́ha uṣṇíhe //


Anuvaka: 18  
Line : 3  Pada: a     paṣṭʰavā́ho virā́je \

Pada: b     ukṣā́ṇo br̥hatyaí \

Pada: c     r̥ṣabʰā́ḥ kakúbʰe

Pada: d     dʰenávo jágatyai \

Line : 4  Pada: e     anaḍvā́haḥ paṅktyaí //


Anuvaka: 19  
Line : 5  Pada: a     dʰūmrā́ vasantā́ya

Pada: b     śvetā́ grīṣmā́ya

Pada: c     kr̥ṣṇā́ varṣā́bʰyaḥ //


Anuvaka: 20  
Line : 6  Pada: a     aruṇā́ḥ śaráde

Pada: b     pŕ̥ṣanto hemantā́ya

Pada: c     piśáṅgāḥ śíśirāya //

Line : 7  Pada: d     iti tr̥tīyakāṇḍe trayodaśamaḥ prapāṭʰakaḥ //


Next part


This text is part of the TITUS edition of Black Yajur-Veda: Maitrayani-Samhita.

Copyright TITUS Project, Frankfurt a/M, 9.5.2016. No parts of this document may be republished in any form without prior permission by the copyright holder.