TITUS
Black Yajur-Veda: Taittiriya-Aranyaka
Part No. 17
Previous part

Anuvaka: 9  
Anuvāka 9


Dasati: 1  
Mantra: 1a-j    (1a-j)
Kandika: a     samudrā́ya tvā vā́tāya svā́hā \
Kandika: b     salilā́ya tvā vā́tāya svā́hā \
Kandika: c     anādʰr̥ṣyā́ya tvā vā́tāya svā́hā \
Kandika: d     apratidʰr̥ṣyā́ya tvā vā́tāya svā́hā \
Kandika: e     avasyáve tvā vā́tāya svā́hā \
Kandika: f     dúvasvate tvā vā́tāya svā́hā \
Kandika: g     śímidvate tvā vā́tāya svā́hā \
Kandika: h     agnáye tvā vásumate svā́hā \
Kandika: i     sómāya tvā rudrávate svā́hā \
Kandika: j     váruṇāya tvādityávate svā́hā \

Dasati: 2  
Mantra: 1k-m    (1k-m)
Kandika: a     bŕ̥haspátaye tvā viśvádevyāvate svā́hā \
Kandika: b     savitré tvarbʰumáte vibʰumáte prabʰumáte vā́javate svā́hā \
Kandika: c     yamā́ya tvā́ṅgirasvate pitr̥máte svā́hā \
Mantra: 2    (2)
Kandika: d     víśvā ā́śā dakṣiṇasát \
Mantra: 3    (3)
Kandika: e     víśvān devā́n ayāḍ ihá \
Mantra: 4    (4)
Kandika: f     svā́hākr̥tasya gʰarmásya \
Kandika: g     mádʰoḥ pibatam aśvinā \
Kandika: h     svā́hāgnáye yajñíyāya \
Kandika: i     śáṃ yájurbʰiḥ \
Mantra: 5a    (5a)
Kandika: j     áśvinā gʰarmáṃ pātam̐ hārdivānám \

Dasati: 3  
Mantra: 5b    (5b)
Kandika: a     áhardivā́bʰir ūtíbʰiḥ \
Kandika: b     ánu vāṃ dyā́vāpr̥tʰivī́ mam̐sātām \
Kandika: c     svā́hendrāya \
Mantra: 6    (6)
Kandika: d     svā́hendrā váṭ \
Mantra: 7a-f    (7a-f)
Kandika: e     gʰarmám apātam aśvinā hārdivānám \
Kandika: f     áhardivā́bʰir ūtíbʰiḥ \
Kandika: g     ánu vāṃ dyā́vāpr̥tʰivī́ amam̐sātām \
Kandika: h     táṃ prāvyàṃ yatʰāváṭ \
Kandika: i     námo divé \
Kandika: j     námaḥ pr̥tʰivyái \

Dasati: 4  
Mantra: 7g-n    (7g-n)
Kandika: a     diví dʰā imáṃ yajñám \ {C does not start a new daśati here}
Kandika: b     yajñám imáṃ diví dʰāḥ \
Kandika: c     dívaṃ gaccʰa \
Kandika: d     antárikaṃ gaccʰa \
Kandika: e     pr̥tʰivī́ṃ gaccʰa \
Kandika: f     páñca pradíśo gaccʰa \
Kandika: g     devā́n gʰarmapā́n gaccʰa \
Kandika: h     pit.r̥̄n gʰarmapā́n gaccʰa \ \\ ādityávate svā́hā hārdivānáṃ pr̥tʰivyā́ aṣṭáu ca \\




Next part


This text is part of the TITUS edition of Black Yajur-Veda: Taittiriya-Aranyaka.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.