TITUS
Text collection: YVB 
Black Yajur-Veda
Text: TB 
Taittirīya-Brāhmaṇa


edited by Makoto Fushimi, Ōsaka;
corrections by Matthias Ahlborn;
TITUS version by Jost Gippert,
Frankfurt a/M, 31.1.97 / 28.2.1998 / 21.6.1998 / 19.10.1999 / 1.6.2000 / 7.12.2008 / 21.4.2012



Book: 1 
Chapter: 1 
Paragraph: 1 
Verse: 1    {BS 1.1.1.1}
Sentence: 1    bráhma sáṃdʰattaṃ tán me jinvatam /
Sentence: 2    kṣatrám̐ sáṃdʰattaṃ tán me jinvatam /
Sentence: 3    íṣam̐ sáṃdʰattaṃ tā́ṃ me jinvatam /
Sentence: 4    ū́rjam̐ sáṃdʰattaṃ tā́ṃ me jinvatam /
Sentence: 5    rayím̐ sáṃdʰattaṃ tā́ṃ me jinvatam /
Sentence: 6    púṣṭim̐ sáṃdʰattaṃ tā́ṃ me jinvatam /
Sentence: 7    prajā́m̐ sáṃdʰattaṃ tā́ṃ me jinvatam /
Sentence: 8    paśū́n sáṃdʰattaṃ tā́n me jinvatam /
Sentence: 9    stutò 'si jánadʰāḥ /
Sentence: 10    devā́s tvā śukrapā́ḥ práṇayantu //

Verse: 2    {BS 1.1.1.2}
Sentence: 1    suvī́rāḥ prajā́ḥ prajanáyan párīhi /
Sentence: 2    śukráḥ śukráśociṣā /
Sentence: 3    stutò 'si jánadʰāḥ /
Sentence: 4    devā́s tvā mantʰipā́ḥ práṇayantu /
Sentence: 5    suprajā́ḥ prajā́ḥ prajanáyan párīhi /
Sentence: 6    mantʰī́ mantʰíśociṣā /
Sentence: 7    saṃjagmānáu divá ā́ pr̥tʰivyā́yuḥ /
Sentence: 8    sáṃdʰattaṃ tán me jinvatam /
Sentence: 9    prāṇám̐ sáṃdʰattaṃ táṃ me jinvatam /
Sentence: 10    apānám̐ sáṃdʰattaṃ táṃ me jinvatam //

Verse: 3    {BS 1.1.1.3}
Sentence: 1    vyānám̐ sáṃdʰattaṃ táṃ me jinvatam /
Sentence: 2    cákṣuḥ sáṃdʰattaṃ tán me jinvatam /
Sentence: 3    śrótram̐ sáṃdʰattaṃ tán me jinvatam /
Sentence: 4    mánaḥ sáṃdʰattaṃ tán me jinvatam /
Sentence: 5    vā́cam̐ sáṃdʰattaṃ tā́ṃ me jinvatam /
Sentence: 6    ā́yuḥ stʰa ā́yur me dʰattam /
Sentence: 7    ā́yur yajñā́ya dʰattam /
Sentence: 8    ā́yur yajñápataye dʰattam /
Sentence: 9    prāṇáḥ stʰaḥ prāṇáṃ me dʰattaṃ /
Sentence: 10    prāṇáṃ yajñā́ya dʰattam //

Verse: 4    {BS 1.1.1.4}
Sentence: 1    prāṇáṃ yajñápataye dʰattam /
Sentence: 2    cákṣuḥ stʰaś {BS cákṣu stʰaś} cákṣur me dʰattam /
Sentence: 3    cákṣur yajñā́ya dʰattam /
Sentence: 4    cákṣur yajñápataye dʰattam /
Sentence: 5    śrótram̐ stʰaḥ śrótraṃ me dʰattam /
Sentence: 6    śrótraṃ yajñā́ya dʰattam /
Sentence: 7    śrótraṃ yajñápataye dʰattam /
Sentence: 8    táu deváu śukrāmantʰinau /
Sentence: 9    kalpáyataṃ dáivīr víśaḥ /
Sentence: 10    kalpáyataṃ mā́nuṣīḥ //

Verse: 5    {BS 1.1.1.5}
Sentence: 1    íṣam ū́rjam asmā́su dʰattam /
Sentence: 2    prāṇā́n paśúṣu /
Sentence: 3    prajā́ṃ máyi ca yájamāne ca /
Sentence: 4    nírastaḥ śáṇḍaḥ /
Sentence: 5    nírasto márkaḥ /
Sentence: 6    ápanuttau śáṇḍām árkau sahā́múnā /
Sentence: 7    śukrásya samíd asi /
Sentence: 8    mantʰínaḥ samíd asi /
Sentence: 9    sá pratʰamáḥ sáṃkr̥tir {AS saṃkr̥tir} viśvákarmā /
Sentence: 10    sá pratʰamó mitró váruṇo agníḥ /
Sentence: 11    sá pratʰamó bŕ̥haspátiś cikitvā́n /
Sentence: 12    tásmā índrāya sutám ā́juhomi //

Paragraph: 2 
Verse: 1    {BS 1.1.2.6}
Sentence: 1    kŕ̥ttikāsv agním ā́dadʰīta /
Sentence: 2    etád vā́ agnér nákṣatram /
Sentence: 3    yát kŕ̥ttikāḥ /
Sentence: 4    svā́yām eváinaṃ devátāyām ādʰā́ya /
Sentence: 5    brahmavarcasī́ bʰavati /
Sentence: 6    múkʰaṃ vā́ etán nákṣatrāṇām /
Sentence: 7    yát kŕ̥ttikāḥ /
Sentence: 8    yáḥ kŕ̥ttikāsv agním ādʰatté /
Sentence: 9    múkʰya evá bʰavati /
Sentence: 10    átʰo kʰálu //

Verse: 2    {BS 1.1.2.7}
Sentence: 1    agninakṣatrám íty ápacāyanti /
Sentence: 2    gr̥hā́n ha dā́huko bʰavati /
Sentence: 3    prajā́patī rohiṇyā́m agním asr̥jata /
Sentence: 4    táṃ devā́ rohiṇyā́m ā́dadʰata /
Sentence: 5    táto vái té sárvān róhān arohan /
Sentence: 6    tád rohiṇyái rohiṇitvám /
Sentence: 7    yó rohiṇyā́m agním ādʰatté /
Sentence: 8    r̥dʰnóty evá /
Sentence: 9    sárvān róhān rohati /
Sentence: 10    devā́ vái bʰadrā́ḥ sánto 'gním ā́dʰitsanta //

Verse: 3    {BS 1.1.2.8}
Sentence: 1    téṣām ánāhito 'gnír ā́sīt /
Sentence: 2    átʰaibʰyo vāmáṃ vásv ápākrāmat /
Sentence: 3    té púnarvasvor ā́dadʰata /
Sentence: 4    táto vái tā́n vāmáṃ vásūpā́vartata /
Sentence: 5    yáḥ purā́ bʰadráḥ {BS purā́bʰadrás} sán pā́pīyānt syā́t /
Sentence: 6    sá púnarvasvor agním ā́dadʰīta /
Sentence: 7    púnar eváinaṃ vāmáṃ vásūpā́vartate /
Sentence: 8    bʰadró bʰavati /
Sentence: 9    yáḥ kāmáyeta dā́nakāmā me prajā́ḥ syur íti /
Sentence: 10    sá pū́rvayoḥ pʰálgunyor agním ā́dadʰīta //

Verse: 4    {BS 1.1.2.9}
Sentence: 1    aryamṇó vā́ etán nákṣatram /
Sentence: 2    yát pū́rve pʰálgunī /
Sentence: 3    aryamā́_íti tám āhur yó dádāti /
Sentence: 4    dā́nakāmā asmai prajā́ bʰavanti /
Sentence: 5    yáḥ kāmáyeta bʰagī́ syām íti /
Sentence: 6    sá úttarayoḥ pʰálgunyor agním ā́dadʰīta /
Sentence: 7    bʰágasya vā́ etán nákṣatram /
Sentence: 8    yád úttare pʰálgunī /
Sentence: 9    bʰagy èva bʰavati /
Sentence: 10    kālakañjā́ vái nā́ma_ásurā āsan //

Verse: 5    {BS 1.1.2.10}
Sentence: 1    té suvargā́ya lokā́ya_agním acinvanta {BS acinvata} /
Sentence: 2    púruṣa íṣṭakām úpādadʰāt púruṣa íṣṭakām /
Sentence: 3    sá índro brāhmaṇó brúvāṇa íṣṭakām úpādʰatta /
Sentence: 4    eṣā́ me citrā́ nā́méti /
Sentence: 5    té suvargám̐ lokám āprā́rohan {BS suvargáṃ lokám ā́prā́rohan} /
Sentence: 6    sá índra íṣṭakām ā́vr̥hat /
Sentence: 7    té 'vākīryanta /
Sentence: 8    yè 'vā́kīryanta /
Sentence: 9    tá ū́rṇāvábʰayo {BS ū́rṇāvábʰayo} {AS ū́rṇāvábʰayo} {BI ū́rṇanā́bʰayo} 'bʰavan /
Sentence: 10    dvā́v údapatatām //

Verse: 6    {BS 1.1.2.11}
Sentence: 1    táu divyáu śvā́nāv abʰavatām /
Sentence: 2    yó bʰrā́tr̥vyavānt syāt /
Sentence: 3    sá citrā́yām agním ā́dadʰīta /
Sentence: 4    avakī́rya_evá bʰrā́tr̥vyān /
Sentence: 5    ójo bálam indriyáṃ vīryàm ātmán dʰatte /
Sentence: 6    vasántā brāhmaṇò 'gním ā́dadʰīta /
Sentence: 7    vasantó vái brāhmaṇásya_r̥túḥ /
Sentence: 8    svá eváinam r̥tā́v ādʰā́ya /
Sentence: 9    brahmavarcasī́ bʰavati /
Sentence: 10    múkʰaṃ vā́ etád r̥tūnā́m //

Verse: 7    {BS 1.1.2.12}
Sentence: 1    yád vasantáḥ /
Sentence: 2    yó vasánta_agním ādʰatté /
Sentence: 3    múkʰya evá bʰavati /
Sentence: 4    átʰo yónimantam eváinaṃ prájātam ā́dʰatte /
Sentence: 5    grīṣmé rājanyà ā́dadʰīta /
Sentence: 6    grīṣmó vái rājanyàsya_r̥túḥ /
Sentence: 7    svá eváinam r̥tā́v ādʰā́ya /
Sentence: 8    indriyāvī́ bʰavati /
Sentence: 9    śarádi váiśya ā́dadʰīta /
Sentence: 10    śarád vái váiśyasya_r̥túḥ //

Verse: 8    {BS 1.1.2.13}
Sentence: 1    svá eváinam r̥tā́v ādʰā́ya /
Sentence: 2    paśumā́n bʰavati /
Sentence: 3    ná pū́rvayoḥ pʰálgunyor agním ā́dadʰīta /
Sentence: 4    eṣā́ vái jagʰanyā̀ rā́triḥ saṃvatsarásya /
Sentence: 5    yát pū́rve {AS yát pūrve} pʰálgunī /
Sentence: 6    pr̥ṣṭitá evá saṃvatsarásya_agním ādʰā́ya /
Sentence: 7    pā́pīyān bʰavati /
Sentence: 8    úttarayor ā́dadʰīta /
Sentence: 9    eṣā́ vái pratʰamā́ rā́triḥ saṃvatasarásya /
Sentence: 10    yád úttare pʰálgunī /
Sentence: 11    mukʰatá evá saṃvatsarásya_agním ādʰā́ya /
Sentence: 12    vásīyān bʰavati /
Sentence: 13    átʰo kʰálu /
Sentence: 14    yadā́_eváinaṃ {AS yad éváinaṃ} yajñá upanámet /
Sentence: 15    átʰa_ā́dadʰīta /
Sentence: 16    sáivā́sya_ŕ̥ddʰiḥ //

Paragraph: 3 
Verse: 1    {BS 1.1.3.14}
Sentence: 1    úddʰanti /
Sentence: 2    yád evā́syā amedʰyám /
Sentence: 3    tád ápahanti /
Sentence: 4    apó 'vokṣati śā́ntyai /
Sentence: 5    síkatā nívapati /
Sentence: 6    etád vā́ agnér vaiśvānarásya rūpám /
Sentence: 7    rūpéṇaivá vaiśvānarám ávarunddʰe {BS ávarundʰe} /
Sentence: 8    ū́ṣān nívapati /
Sentence: 9    púṣṭir vā́ eṣā́ prajánanam /
Sentence: 10    yád ū́ṣāḥ //

Verse: 2    {BS 1.1.3.15}
Sentence: 1    púṣṭyām evá prajánane 'gním ā́dʰatte /
Sentence: 2    átʰo saṃjñā́na evá /
Sentence: 3    saṃjñā́nam̐ hy ètát paśūnā́m /
Sentence: 4    yad ū́ṣāḥ /
Sentence: 5    dyā́vāpr̥tʰivī́ sahá_āstām /
Sentence: 6    té viyatī́ abrūtām /
Sentence: 7    ástv evá nau sahá yajñíyam íti /
Sentence: 8    yád amúṣyā yajñíyam ā́sīt /
Sentence: 9    tád asyā́m adadʰāt /
Sentence: 10    tá ū́ṣā abʰavan //

Verse: 3    {BS 1.1.3.16}
Sentence: 1    yád asyā́ yajñíyam ā́sīt /
Sentence: 2    tád amúṣyām adadʰāt /
Sentence: 3    tád adáś candrámasi kr̥ṣṇám /
Sentence: 4    ū́ṣān nivápann adó dʰyāyet /
Sentence: 5    dyā́vāpr̥tʰivyór evá yajñíye 'gním ādʰatte /
Sentence: 6    agnír devébʰyo nílāyata /
Sentence: 7    ākʰū́ rūpáṃ {AS ākʰū́rūpáṃ} kr̥tvā́ /
Sentence: 8    sá pr̥tʰivī́ṃ prā́viśat /
Sentence: 9    sá ūtī́ḥ kurvāṇáḥ pr̥tʰivī́m ánu sámacarat /
Sentence: 10    tád ākʰukarīṣám abʰavat //

Verse: 4    {BS 1.1.3.17}
Sentence: 1    yád ākʰukarīṣám̐ saṃbʰāró bʰavati /
Sentence: 2    yád evā́sya tátra nyàktam /
Sentence: 3    tád evá_ávarunddʰe {BS evā́varundʰe} /
Sentence: 4    ū́rjaṃ vā́ etám̐ rásaṃ pr̥tʰivyā́ upadī́kā úddihanti /
Sentence: 5    yád valmī́kam /
Sentence: 6    yád valmīkavapā́ saṃbʰāró bʰavati /
Sentence: 7    ū́rjam evá rásaṃ pr̥tʰivyā́ ávarunddʰe {BS ávarundʰe} /
Sentence: 8    átʰo śrótram evá /
Sentence: 9    śrótram̐ hy ètát pr̥tʰivyā́ḥ /
Sentence: 10    yád valmī́kaḥ //

Verse: 5    {BS 1.1.3.18}
Sentence: 1    ábadʰiro bʰavati /
Sentence: 2    yá eváṃ veda /
Sentence: 3    prajā́patiḥ prajā́ asr̥jata /
Sentence: 4    tā́sām ánnam úpākṣīyata /
Sentence: 5    tā́bʰyaḥ sū́dam úpa prā́bʰinat /
Sentence: 6    táto vái tā́sām ánnaṃ ná_akṣīyata /
Sentence: 7    yásya sū́daḥ saṃbʰāró bʰávati /
Sentence: 8    nā́sya gr̥hé 'nnaṃ kṣīyate /
Sentence: 9    ā́po vā́ idám ágre salilám āsīt /
Sentence: 10    téna prajā́patir aśrāmyat //

Verse: 6    {BS 1.1.3.19}
Sentence: 1    katʰám idám̐ syād íti /
Sentence: 2    sò 'paśyat puṣkaraparṇáṃ tíṣṭhat /
Sentence: 3    sò 'manyata /
Sentence: 4    ásti vái tát /
Sentence: 5    yásminn idám ádʰi tíṣṭhati_íti /
Sentence: 6    sá varāhó rūpáṃ kr̥tvā́_úpa nyàmajjat /
Sentence: 7    sá pr̥tʰivī́m adʰá ārcʰat /
Sentence: 8    tásyā úpahátya_údamajjat /
Sentence: 9    tát puṣkaraparṇé 'pratʰayat /
Sentence: 10    yád ápratʰayat //

Verse: 7    {BS 1.1.3.20}
Sentence: 1    tát pr̥tʰivyái pr̥tʰivitvám /
Sentence: 2    ábʰūd vā́ idám íti /
Sentence: 3    tád bʰū́myai bʰūmitvám /
Sentence: 4    tā́ṃ díśó 'nu vā́taḥ sámavahat {AS sámavahata} /
Sentence: 5    tā́m̐ śárkarābʰir adr̥m̐hat /
Sentence: 6    śáṃ vái no 'bʰūd íti /
Sentence: 7    tác cʰárkarāṇām̐ śarkaratvám /
Sentence: 8    yád varāhávihatam̐ saṃbʰāró bʰavati /
Sentence: 9    asyā́m evā́cʰambaṭkāram agním ā́dʰatte /
Sentence: 10    śárkarā bʰavanti dʰŕ̥tyai //

Verse: 8    {BS 1.1.3.21}
Sentence: 1    átʰo śaṃtvā́ya /
Sentence: 2    sáretā agnír ādʰéya íty āhuḥ /
Sentence: 3    ā́po váruṇasya pátnaya āsan /
Sentence: 4    tā́ agnír abʰyàdʰyāyat {BI abʰyàdʰyāyan} /
Sentence: 5    tā́ḥ sámabʰavan {BS sámabʰavat} /
Sentence: 6    tásya rétaḥ párāpatat /
Sentence: 7    tád dʰíraṇyam abʰavat /
Sentence: 8    yád dʰíraṇyam upā́syati /
Sentence: 9    sáretasam evā́gním ā́dʰatte /
Sentence: 10    púruṣa ín nvái svā́d rétaso bībʰatsata íty āhuḥ //

Verse: 9    {BS 1.1.3.22}
Sentence: 1    uttaratá úpāsyaty ábībʰatsāyai /
Sentence: 2    áti práyaccʰati /
Sentence: 3    ā́rtim evá_atipráyaccʰati /
Sentence: 4    agnír devébʰyo nílāyata /
Sentence: 5    áśvo rūpáṃ kr̥tvā́ /
Sentence: 6    sò 'śvattʰé saṃvatsarám atiṣṭhat /
Sentence: 7    tád aśvattʰásyāśvattʰatvám /
Sentence: 8    yád ā́śvattʰaḥ saṃbʰāró bʰávati /
Sentence: 9    yád evā́sya tátra nyàktam /
Sentence: 10    tád evá_ávarunddʰe //

Verse: 10    {BS 1.1.3.23}
Sentence: 1    devā́ vā́ ū́rjaṃ vyàbʰajanta /
Sentence: 2    táta udumbára údatiṣṭhat /
Sentence: 3    ū́rg vā́ udumbáraḥ /
Sentence: 4    yád áudumbaraḥ saṃbʰāró bʰávati /
Sentence: 5    ū́rjam evá_ávarunddʰe {BS evā́varundʰe} /
Sentence: 6    tr̥tī́yasyām íto diví sóma āsīt /
Sentence: 7    táṃ gāyatryā́_aharat /
Sentence: 8    tásya parṇám accʰidyata /
Sentence: 9    tát parṇó 'bʰavat /
Sentence: 10    tát parṇásya parṇatvám //

Verse: 11    {BS 1.1.3.24}
Sentence: 1    yásya parṇamáyaḥ saṃbʰāró bʰávati /
Sentence: 2    somapītʰám evá_ávarunddʰe {BS evā́varundʰe} /
Sentence: 3    devā́ vái bráhmann avadanta /
Sentence: 4    tát parṇá úpāśr̥ṇot /
Sentence: 5    suśrávā vái nā́ma /
Sentence: 6    yát parṇamáyaḥ saṃbʰāró bʰávati /
Sentence: 7    brahmavarcasám evá_ávarunddʰe {BS evā́varundʰe} /
Sentence: 8    prajā́patir agním asr̥jata /
Sentence: 9    sò 'bibʰet prá mā dʰakṣyati_íti /
Sentence: 10    tám̐ śamyā̀śamayat //

Verse: 12    {BS 1.1.3.25}
Sentence: 1    tác cʰamyài śamitváṃ /
Sentence: 2    yác cʰamīmáyaḥ {AS tác cʰamīmáyaḥ} saṃbʰāró bʰávati /
Sentence: 3    śā́ntyā ápradāhāya /
Sentence: 4    agnéḥ sr̥ṣṭásya yatáḥ /
Sentence: 5    víkaṅkataṃ bʰā́ ārcʰat /
Sentence: 6    yád váikaṅkataḥ saṃbʰāró bʰávati /
Sentence: 7    bʰā́ evá_ávarunddʰe {BS evā́varundʰe} /
Sentence: 8    sáhr̥dayo 'gnír ādʰéya íty āhuḥ /
Sentence: 9    marúto 'dbʰír agním atamayan /
Sentence: 10    tásya tāntásya hŕ̥dayam ā́ccʰindan /
Sentence: 11    sā́śánir abʰavat /
Sentence: 12    yád aśánihatasya vr̥kṣásya sambʰāró bʰávati /
Sentence: 13    sáhr̥dayam evá_agním ā́dʰatte //

Paragraph: 4 
Verse: 1    {BS 1.1.4.26}
Sentence: 1    dvādaśásu vikrāméṣv agním ā́dadʰīta /
Sentence: 2    dvā́daśa mā́sāḥ samvatsaráḥ /
Sentence: 3    saṃvatsarā́d eváinam avarúdʰya_ā́dʰatte /
Sentence: 4    yád dvādaśásu vikrāméṣv ādádʰīta /
Sentence: 5    párimitam ávarundʰīta /
Sentence: 6    cákṣurnimita ā́dadʰīta /
Sentence: 7    íyad dvā́daśavikrāmā́3 íti /
Sentence: 8    párimitaṃ caivá_áparimitaṃ ca_ávarunddʰe {BS cā́varundʰe} /
Sentence: 9    ánr̥taṃ vái vācā́ vadati /
Sentence: 10    ánr̥taṃ mánasā dʰyāyati //

Verse: 2    {BS 1.1.4.27}
Sentence: 1    cákṣur vái satyám /
Sentence: 2    ádrā́3g íty āha /
Sentence: 3    ádarśam íti /
Sentence: 4    tát satyám /
Sentence: 5    yáś cákṣurnimite 'gním ādʰatté {AS ādʰatte} /
Sentence: 6    satyá eváinam ā́dʰatte /
Sentence: 7    tásmād ā́hitāgnir ná_ánr̥taṃ vadet /
Sentence: 8    nā́sya brāhmaṇó 'nāśvān {AS brāhmaṇo 'nā̀śvān} gr̥hé vaset /
Sentence: 9    satyé hy asyāgnír ā́hitaḥ /
Sentence: 10    āgneyī́ vái rā́triḥ //

Verse: 3    {BS 1.1.4.28}
Sentence: 1    āgneyā́ḥ paśávaḥ /
Sentence: 2    aindrám áhaḥ /
Sentence: 3    náktaṃ gā́rhapatyam ā́dadʰāti /
Sentence: 4    paśū́n evá_ávarunddʰe {BS evā́varundʰe} /
Sentence: 5    dívā_āhavanī́yam /
Sentence: 6    indriyám evā́varunddʰe {BS evā́varundʰe} /
Sentence: 7    ardʰódite sū́rya āhavanī́yam ā́dadʰāti /
Sentence: 8    etásmin vái loké prajā́patiḥ prajā́ asr̥jata /
Sentence: 9    prajā́ evá tád yájamānaḥ sr̥jate /
Sentence: 10    átʰo bʰūtáṃ caivá bʰavaiṣyác ca_ávarunddʰe {BS cā́varundʰe} //

Verse: 4    {BS 1.1.4.29}
Sentence: 1    íḍā vái mānavī́ yajñānukāśíny āsīt /
Sentence: 2    sā́_aśr̥ṇot /
Sentence: 3    ásurā agním ā́dadʰata íti /
Sentence: 4    tád agaccʰat /
Sentence: 5    tá āhavanī́yam ágra ā́dadʰata /
Sentence: 6    átʰa gā́rhapatyam /
Sentence: 7    átʰa_anvāhāryapácanam /
Sentence: 8    sā́_abravīt /
Sentence: 9    pratī́cy eṣām̐ śrī́r agāt /
Sentence: 10    bʰadrā́ bʰūtvā́ párābʰaviṣyantī́ti //

Verse: 5    {BS 1.1.4.30}
Sentence: 1    yásya_evám agnír ādʰīyáte /
Sentence: 2    pratī́cy asya śrī́r eti /
Sentence: 3    bʰadró bʰūtvā́ párābʰavati /
Sentence: 4    sā́_aśr̥ṇot /
Sentence: 5    devā́ agním ā́dadʰata íti /
Sentence: 6    tád agaccʰat /
Sentence: 7    tè 'nvāhāryapácanam ágra ā́dadʰata /
Sentence: 8    átʰa gā́rhapatyam /
Sentence: 9    átʰa_āhavanī́yam /
Sentence: 10    sā́_abravīt //

Verse: 6    {BS 1.1.4.31}
Sentence: 1    prā́cy eṣām̐ śrī́r agāt /
Sentence: 2    bʰadrā́ bʰūtvā́ suvargáṃ lokám eṣyanti /
Sentence: 3    prajā́ṃ tú ná vetsyanta íti /
Sentence: 4    yásya_evám agnír ādʰīyáte /
Sentence: 5    prā́cy asya śrī́r eti /
Sentence: 6    bʰadró bʰūtvā suvargáṃ lokám eti /
Sentence: 7    prajā́ṃ tú ná vandate /
Sentence: 8    sā́bravīd íḍā mánum /
Sentence: 9    tátʰā vā́ aháṃ táva_agním ā́dʰāsyāmi /
Sentence: 10    yátʰā prá prajáyā paśúbʰir mitʰunáir janiṣyáse //

Verse: 7    {BS 1.1.4.32}
Sentence: 1    práty asmím̐l {BS asmín} loké stʰāsyási /
Sentence: 2    abʰí suvargáṃ lokáṃ jeṣyásī́ti /
Sentence: 3    gā́rhapatyam ágra ā́dadʰāt /
Sentence: 4    gā́rhapatyaṃ vā́ ánu prajā́ḥ paśávaḥ prájāyante /
Sentence: 5    gā́rhapatyenaivā́smai prajā́ṃ paśū́n prā́janayat /
Sentence: 6    átʰa_anvāhāryapácanam /
Sentence: 7    tiryáṅṅ iva vā́ ayáṃ lokáḥ /
Sentence: 8    asmínn evá téna loké prátyatiṣṭhat /
Sentence: 9    átʰa_āhavanī́yam /
Sentence: 10    ténaivá suvargáṃ lokám abʰyàjayat //

Verse: 8    {BS 1.1.4.33}
Sentence: 1    yásya_evám agnír ādʰīyáte /
Sentence: 2    prá prajáyā paśúbʰir mitʰunáir jāyate /
Sentence: 3    práty asmím̐l {BS asmín} loké tiṣṭhati /
Sentence: 4    abʰí suvargáṃ lokáṃ jayati /
Sentence: 5    yásya vā́ áyatʰādevatam agnír ādʰīyáte /
Sentence: 6    ā́ devátābʰyo vr̥ścyate /
Sentence: 7    pā́pīyān bʰavati /
Sentence: 8    yásya yatʰādevatám /
Sentence: 9    ná devátābʰya ā́ vr̥ścyate /
Sentence: 10    vásīyān bʰavati //
{BS 1.1.4.34}
Sentence: 11    bʰŕ̥gūṇāṃ tvā_áṅgirasāṃ vratapate vraténa_ā́dadʰāmī́ti bʰr̥gvaṅgirásām ā́dadʰyāt /
Sentence: 12    ādityā́nāṃ tvā devā́nāṃ vratapate vraténa_ā́dadʰāmī́ty ányāsāṃ brā́hmaṇīnāṃ prajā́nām /
Sentence: 13    váruṇasya tvā rā́jño vratapate vraténa_ā́dadʰāmī́ti rā́jñaḥ /
Sentence: 14    índrasya tvā_indriyéṇa vratapate vraténa_ā́dadʰāmi_íti rājanyàsya /
Sentence: 15    mános tvā grāmaṇyò vratapate vraténa_ā́dadʰāmī́ti váiśyasya /
Sentence: 16    r̥bʰūṇā́ṃ tvā devā́nāṃ vratapate vraténa_ā́dadʰāmi_íti ratʰakārásya /
Sentence: 17    yatʰādevatám agnír ā́dʰīyate /
Sentence: 18    ná devátābʰya ā́ vr̥ścyate {AS ā́vŕ̥ścyáté} /
Sentence: 19    vásīyān bʰavati //

Paragraph: 5 
Verse: 1    {BS 1.1.5.35}
Sentence: 1    prajā́patir vācáḥ satyám apaśyat /
Sentence: 2    téna_agním ā́dʰatta /
Sentence: 3    téna vái sá ārdʰnot /
Sentence: 4    bʰū́r bʰúvaḥ súvar íty āha /
Sentence: 5    etád vái vācáḥ satyám /
Sentence: 6    yá eténa_agním ādʰatte /
Sentence: 7    r̥dʰnóty evá /
Sentence: 8    átʰo satyáprāśūr evá bʰavati /
Sentence: 9    átʰo yá eváṃ vidvā́n abʰicárati /
Sentence: 10    str̥ṇutá eváinam //

Verse: 2    {BS 1.1.5.36}
Sentence: 1    bʰū́r íty āha /
Sentence: 2    prajā́ evá tád yájamānaḥ sr̥jate /
Sentence: 3    bʰúva íty āha /
Sentence: 4    asmínn evá loké prátitiṣṭhati /
Sentence: 5    súvar íty āha /
Sentence: 6    suvargá evá loké prátitiṣṭhati /
Sentence: 7    tribʰír akṣárair gā́rhapatyam ā́dadʰāti /
Sentence: 8    tráya imé lokā́ḥ /
Sentence: 9    eṣv èváinaṃ lokéṣu prátiṣṭhitam ā́dʰatte /
Sentence: 10    sárvaiḥ pañcábʰir āhavanī́yam //

Verse: 3    {BS 1.1.5.37}
Sentence: 1    suvargā́ya vā́ eṣá lokā́ya_ā́dʰīyate /
Sentence: 2    yád āhavanī́yaḥ /
Sentence: 3    suvargá evā́smai loké vācáḥ satyám̐ sárvam āpnoti /
Sentence: 4    tribʰír gā́rhapatyam ā́dadʰāti /
Sentence: 5    pañcábʰir āhavanī́yam /
Sentence: 6    aṣṭáu sáṃpadyante /
Sentence: 7    aṣṭā́kṣarā gāyatrī́ /gāyatró 'gníḥ /
Sentence: 8    yā́vān evā́gníḥ /
Sentence: 9    tám ā́dʰatte //

Verse: 4    {BS 1.1.5.38}
Sentence: 1    prajā́patiḥ prajā́ asr̥jata /
Sentence: 2    tā́ asmāt sr̥ṣṭā́ḥ párācīr āyann /
Sentence: 3    tā́bʰyo jyótir údagr̥hṇāt /
Sentence: 4    táṃ jyótiḥ páśyantīḥ prajā́ abʰí samā́vartanta /
Sentence: 5    upári_iva_agním údgr̥hṇīyād uddʰáran {BS uddʰárann} /
Sentence: 6    jyótir evá {AS jyòtir evá} páśyantīḥ prajā́ yájamānam abʰí samā́vartante /
Sentence: 7    prajā́pater ákṣy aśvayat /
Sentence: 8    tát párāpatat /
Sentence: 9    tád áśvo 'bʰavat /
Sentence: 10    tád áśvasya_aśvatvám //

Verse: 5    {BS 1.1.5.39}
Sentence: 1    eṣá vái prajā́patiḥ /
Sentence: 2    yád agníḥ prājāpatyó 'śvaḥ /
Sentence: 3    yád áśvaṃ purástān náyati /
Sentence: 4    svám evá cákṣuḥ páśyan prajā́patir ánūdeti /
Sentence: 5    vajrī́ vā́ eṣáḥ /
Sentence: 6    yád áśvaḥ /
Sentence: 7    yád áśvaṃ purástān náyati /
Sentence: 8    jātā́n evá bʰrā́tr̥vyān práṇudate /
Sentence: 9    púnar ā́vartayati //

Verse: 6    {BS 1.1.5.40}
Sentence: 1    janiṣyámāṇān evá prátinudate /
Sentence: 2    ny ā̀havanī́yo gā́rhapatyam akāmayata /
Sentence: 3    ní gā́rhapatya āhavanī́yam /
Sentence: 4    táu vibʰā́jaṃ nā́śaknot /
Sentence: 5    só 'śvaḥ pūrvavā́ḍ bʰūtvā́ /
Sentence: 6    prā́ñcaṃ pū́rvam údavahat /
Sentence: 7    tát pūrvavā́haḥ pūrvavāṭtvám /
Sentence: 8    yád áśvaṃ purástān náyati /
Sentence: 9    víbʰaktir eváinayoḥ sā́ /
Sentence: 10    átʰo nā́nāvīryāv eváinau kurute //

Verse: 7    {BS 1.1.5.41}
Sentence: 1    yád upáry_upari śíro háret /
Sentence: 2    prāṇā́n víccʰindyāt /
Sentence: 3    adʰò'dʰaḥ śíro harati /
Sentence: 4    prāṇā́nāṃ gopītʰā́ya /
Sentence: 5    íyaty ágre harati /
Sentence: 6    átʰa_íyaty átʰa_íyati /
Sentence: 7    tráya imé lokā́ḥ /
Sentence: 8    eṣv èváinaṃ lokéṣu prátiṣṭhitam ā́dʰatte /
Sentence: 9    prajā́patir agním asr̥jata /
Sentence: 10    sò 'bibʰet prámā dʰakṣyatī́ti //

Verse: 8    {BS 1.1.5.42}
Sentence: 1    tásya tredʰā́ mahimā́naṃ vyàuhat /
Sentence: 2    śā́ntyā ápradāhāya /
Sentence: 3    yát tredʰā́_agnír ādʰīyáte /
Sentence: 4    mahimā́nam evā́sya tád vyūhati /
Sentence: 5    śā́ntyā ápradāhāya /
Sentence: 6    púnar ā́vartayati /
Sentence: 7    mahimā́nam evā́sya sáṃdadʰāti /
Sentence: 8    paśúr vā́ eṣáḥ /
Sentence: 9    yád áśvaḥ /
Sentence: 10    eṣá rudráḥ //

Verse: 9    {BS 1.1.5.43}
Sentence: 1    yád agníḥ /
Sentence: 2    yád áśvasya padè 'gním ādadʰyā́t /
Sentence: 3    rudrā́ya paśū́n ápidadʰyāt /
Sentence: 4    apaśúr yájamānaḥ syāt /
Sentence: 5    yán ná_ākramáyet {BS yáṃ nā́kramáyet} /
Sentence: 6    ánavaruddʰā asya paśávaḥ syuḥ /
Sentence: 7    pārśvatá ā́kramayet /
Sentence: 8    yátʰā́hitasya_agnér áṅgārā abʰyavavárteran {BS abʰyavavárterann} /
Sentence: 9    ávaruddʰā asya paśávo bʰávanti /
Sentence: 10    ná rudrā́ya_ápidadʰāti //

Verse: 10    {BS 1.1.5.44}
Sentence: 1    trī́ṇi havī́m̐ṣi nírvapati /
Sentence: 2    virā́ja evá víkrāntaṃ yájamānó 'nu víkramate /
Sentence: 3    agnáye pávamānāya /
Sentence: 4    agnáye pāvakā́ya /
Sentence: 5    agnáye śúcaye /
Sentence: 6    yád agnáye pávamānāya nirvápati /
Sentence: 7    punā́ty eváinam /
Sentence: 8    yád agnáye pāvakā́ya /
Sentence: 9    pūtá evā́sminn annā́dyaṃ dadʰāti /
Sentence: 10    yád agnáye śúcaye /
Sentence: 11    brahmavarcasám evā́sminn upáriṣṭād dadʰāti //

Paragraph: 6 
Verse: 1    {BS 1.1.6.45}
Sentence: 1    devāsurā́ḥ sáṃyattā āsann /
Sentence: 2    té devā́ vijayám upayántaḥ /
Sentence: 3    agnáu vāmáṃ vásu sáṃ nyadadʰata /
Sentence: 4    idám u no bʰaviṣyati /
Sentence: 5    yádi no jeṣyánti_íti /
Sentence: 6    tád agnír ná_utsáham aśaknot /
Sentence: 7    tát tredʰā́ vinyàdadʰāt {BS vinyadadʰāt} /
Sentence: 8    paśúṣu tŕ̥tīyam /
Sentence: 9    apsú tŕ̥tīyam /
Sentence: 10    ādityé tŕ̥tīyam //

Verse: 2    {BS 1.1.6.46}
Sentence: 1    tád devā́ vijítya /
Sentence: 2    púnar ávārurutsanta /
Sentence: 3    tè 'gnáye pávamānāya púroḍā́śam aṣṭā́kapālaṃ níravapan /
Sentence: 4    paśávo vā́ agníḥ pávamānaḥ /
Sentence: 5    yád evá paśúṣv ā́sīt /
Sentence: 6    tát téna_ávārundʰata /
Sentence: 7    tè 'gnáye pāvakā́ya /
Sentence: 8    ā́po vā́ agníḥ pāvakáḥ /
Sentence: 9    yád evá_ápsv ā́sīt /
Sentence: 10    tát téna_ávārundʰata //

Verse: 3    {BS 1.1.6.47}
Sentence: 1    tè 'gnáye śúcaye /
Sentence: 2    asáu vā́ ādityò 'gníḥ śúciḥ {BS 'gníśśúciḥ} /
Sentence: 3    yád evá_ādityá ā́sīt /
Sentence: 4    tát téna_ávārundʰata /
Sentence: 5    brahmavādíno vadanti /
Sentence: 6    tanúvo vā́váitā́ agnyādʰéyasya /
Sentence: 7    āgneyó vā́ aṣṭā́kapālo 'gnyādʰéyam íti /
Sentence: 8    yát táṃ nirvápet /
Sentence: 9    ná_etā́ni /
Sentence: 10    yátʰātmā́ syā́t //

Verse: 4    {BS 1.1.6.48}
Sentence: 1    ná_áṅgāni /
Sentence: 2    tādŕ̥g evá tát /
Sentence: 3    yád etā́ni nirvápet /
Sentence: 4    ná tám /
Sentence: 5    yátʰā́ṅgāni {AS yátʰāṅgāni} syuḥ /
Sentence: 6    ná_ā́tmā́ /
Sentence: 7    tādŕ̥g evá tát /
Sentence: 8    ubʰáyāni sahá nirúpyāṇi /
Sentence: 9    yajñásya sātmátvāya /
Sentence: 10    ubʰáyaṃ vā́ etásya_indriyáṃ vīryàm āpyate //

Verse: 5    {BS 1.1.6.49}
Sentence: 1    yò 'gním ādʰatté {AS 'gním ādʰatte} /
Sentence: 2    aindrāgnám ékādaśakapālam ánu nírvapet /
Sentence: 3    ādityáṃ carúm /
Sentence: 4    indrāgnī́ vái devā́nām áyātayāmānau /
Sentence: 5    yé evá deváte áyātayāmnī /
Sentence: 6    tā́bʰyām evā́smā indriyáṃ vīryàm ávarunddʰe {BS vīryàmávarundʰe} /
Sentence: 7    ādityò bʰavati /
Sentence: 8    iyáṃ vā́ áditiḥ {BS aditiḥ} /
Sentence: 9    asyā́m evá prátitiṣṭhati /
Sentence: 10    dʰenvái vā́ etád rétaḥ //

Verse: 6    {BS 1.1.6.50}
Sentence: 1    yád ā́jyam /
Sentence: 2    anaḍúhas taṇḍulā́ḥ /
Sentence: 3    mitʰunám evá_ávarunddʰe {BS evā́varundʰe} /
Sentence: 4    gʰr̥té bʰavati /
Sentence: 5    yajñásya_álūkṣāntatvāya /
Sentence: 6    catvā́ra ārṣeyā́ḥ /
Sentence: 7    prā́śnanti {BS prā́ścñanti} /
Sentence: 8    diśā́m evá jyótiṣi juhoti /
Sentence: 9    paśávo vā́ etā́ni havī́m̐ṣi /
Sentence: 10    eṣá rudráḥ /
Sentence: 11    yád agníḥ //

Verse: 7    {BS 1.1.6.51}
Sentence: 1    yát sadyá etā́ni havī́m̐ṣi nirvápet /
Sentence: 2    rudrā́ya paśū́n ápi dadʰyāt /
Sentence: 3    apaśúr yájámānaḥ syāt /
Sentence: 4    yán ná_anunirvápet /
Sentence: 5    ánavaruddʰā asya paśávaḥ syuḥ /
Sentence: 6    dvādaśásu rā́trīṣv ánu nírvapet /
Sentence: 7    saṃvatsarápratimā vái dvā́daśa rā́trayaḥ /
Sentence: 8    saṃvatsaréṇaivā́smai rudrám̐ śamayitvā́ /
Sentence: 9    paśū́n ávarunddʰe {BS paśū́návarundʰe} /
Sentence: 10    yád ékam_ekam {AS ékam ekám} etā́ni havī́m̐ṣi nirvápet //

Verse: 8    {BS 1.1.6.52}
Sentence: 1    yátʰā trī́ṇy āvápanāni pūráyet /
Sentence: 2    tādŕ̥k tát /
Sentence: 3    ná prajánanam úccʰim̐ṣet {AS uccʰím̐ṣet} /
Sentence: 4    ékaṃ nirúpya /
Sentence: 5    úttare sámasyet /
Sentence: 6    tr̥tī́yam evā́smai lokám úccʰim̐ṣati {AS uccʰím̐ṣati} prajánanāya /
Sentence: 7    táṃ prajáyā paśúbʰir ánu prájāyate /
Sentence: 8    átʰo yajñásyaiváiṣā́_abʰíkrāntiḥ /
Sentence: 9    ratʰacakráṃ pravartayati {BS právartayati} /
Sentence: 10    manuṣyaratʰénaivá devaratʰáṃ pratyávarohati //

Verse: 9    {BS 1.1.6.53}
Sentence: 1    brahmavādíno vadanti /
Sentence: 2    hotavyàm {AS hotávyam} agnihotrā́3ṃ ná {BS nná} hotavyā́3m íti /
Sentence: 3    yád yájuṣā juhuyā́t /
Sentence: 4    áyatʰāpūrvam ā́hutī {AS ā́hutīr as optional reading} juhuyāt /
Sentence: 5    yán ná juhuyāt /
Sentence: 6    agníḥ párābʰavet /
Sentence: 7    tūṣṇī́m evá hotavyàm /
Sentence: 8    yatʰāpūrvám ā́hutī {AS ā́hutīr as optional} juhóti /
Sentence: 9    ná_agníḥ párābʰavati /
Sentence: 10    agnī́dʰe dadāti //

Verse: 10    {BS 1.1.6.54}
Sentence: 1    agnímukʰān evá_r̥tū́n prīṇāti /
Sentence: 2    upabárhaṇaṃ dadāti /
Sentence: 3    rūpā́ṇām ávaruddʰyai /
Sentence: 4    áśvaṃ brahmáṇe /
Sentence: 5    indriyám evá_ávarundʰe /
Sentence: 6    dʰenúm̐ hótre /
Sentence: 7    āśíṣa {BS āśiṣa} evá_ávarunddʰe {BS evā́varundʰe} /
Sentence: 8    anaḍvā́ham adʰvaryáve /
Sentence: 9    váhnir vā́ anaḍvā́n {BS anaḍvān} /
Sentence: 10    váhnir adʰvaryúḥ //

Verse: 11    {BS 1.1.6.55}
Sentence: 1    váhninaivá váhni yajñásya_ávarunddʰe {BS yajñásyā́varundʰe} /
Sentence: 2    mitʰunáu gā́vau dadāti /
Sentence: 3    mitʰunásya_ávaruddʰyai {AS mitʰunásyā́varunddʰe as option} /
Sentence: 4    vā́so dadāti /
Sentence: 5    sarvadevatyàṃ vái vā́saḥ /
Sentence: 6    sárvā evá devátāḥ prīṇāti /
Sentence: 7    ā́ dvādaśábʰyo dadāti /
Sentence: 8    dvā́daśa mā́sāḥ saṃvatsaráḥ /
Sentence: 9    saṃvatsará evá prátitiṣṭhati {BS práti tiṣṭhati} /
Sentence: 10    kā́mam ūrdʰváṃ déyam /
Sentence: 11    áparimitasya_ávaruddʰyai //

Paragraph: 7 
Verse: 1    {BS 1.1.7.56}
Sentence: 1    gʰarmáḥ śíras {BS gʰarmáśśíras} tád ayám agníḥ /
Sentence: 2    sáṃpriyaḥ paśúbʰir bʰuvat /
Sentence: 3    cʰardís tokā́ya tánayāya yaccʰa /
Sentence: 4    vā́taḥ prāṇástád ayám agníḥ /
Sentence: 5    sáṃpriyaḥ paśúbʰir bʰuvat /
Sentence: 6    svaditáṃ tokā́ya tánayāya pitúṃ paca /
Sentence: 7    prā́cīm ánu pradíśaṃ préhi vidvā́n /
Sentence: 8    agnér agne puró agnír bʰavehá /
Sentence: 9    víśvā ā́śā dī́dyāno víbʰāhi /
Sentence: 10    ū́rjaṃ no dʰehi dvipáde cátuṣpade //

Verse: 2    {BS 1.1.7.57}
Sentence: 1    arkáś cákṣus tád asáu sū́ryas tád ayám agníḥ /
Sentence: 2    sáṃpriyaḥ paśúbʰir bʰuvat /
Sentence: 3    yát te śukra śukráṃ várcaḥ śukrā́ {BS várcaśśukrā́} tanū́ḥ /
Sentence: 4    śukráṃ jyótir ájasram /
Sentence: 5    téna me {not in AS} dīdihi téna tvā_ā́dadʰe /
Sentence: 6    agnín āgne bráhmaṇā /
Sentence: 7    ānaśé vyānáśe {BS vyānaśe} sárvam ā́yur vyānáśe {BS vyā̀naśe} /
Sentence: 8    yé te agne śivé tanúvau /
Sentence: 9    virā́ṭ ca svarā́ṭ ca /
Sentence: 10    té mā́ viśatāṃ té mā jinvatām //

Verse: 3    {BS 1.1.7.58}
Sentence: 1    yé te agne śivé tanúvau /
Sentence: 2    samrā́ṭ ca_abʰibʰū́ś ca /
Sentence: 3    té mā́ viśatāṃ té mā jinvatām /
Sentence: 4    yé te agne śivé tanúvau /
Sentence: 5    vibʰū́ś ca paribʰū́ś ca /
Sentence: 6    té mā́ viśatāṃ té mā jinvatām /
Sentence: 7    yé te agne śive tanúvau /
Sentence: 8    prabʰvī́ ca prábʰūtíś ca /
Sentence: 9    té mā́ viśatāṃ té mā jinvatām /
Sentence: 10    yā́s te agne śivā́s tanúvaḥ /
Sentence: 11    tā́bʰis tvā_ā́dadʰe /
Sentence: 12    yā́s te agne gʰorā́s tanúvaḥ /
Sentence: 13    tā́bʰir amúṃ gaccʰa //

Paragraph: 8 
Verse: 1    {BS 1.1.8.59}
Sentence: 1    imé vā́ eté lokā́ agnáyaḥ /
Sentence: 2    té yád ávyāvr̥ttā ādʰīyéran {BS ādʰīyérann} /
Sentence: 3    śocáyeyur yájamānam /
Sentence: 4    gʰarmáḥ śíra {BS gʰarmáśśíra} íti gā́rhapatyam ā́dadʰāti /
Sentence: 5    vā́taḥ prāṇá íty anvāhāryapácanam /
Sentence: 6    arkáś cákṣur íty āhavanī́yam /
Sentence: 7    ténaiváinān vyā́vartayati /
Sentence: 8    tátʰā ná śocayanti yájamānam /
Sentence: 9    ratʰantarám {AS ratʰaṃtaram} abʰígāyate gā́rhapatya ādʰīyámāne /
Sentence: 10    rā́tʰantaro vā́ ayáṃ lokáḥ //

Verse: 2    {BS 1.1.8.60}
Sentence: 1    asmínn eváinaṃ loké prátiṣṭhitam ā́dʰatte /
Sentence: 2    vāmadevyám abʰígāyata {BS abʰigāyata} uddʰriyámāṇe {AS u[d]dʰriyámāṇe} /
Sentence: 3    antárikṣaṃ vái vāmadevyám /
Sentence: 4    antárikṣa eváinaṃ prátiṣṭhitam {BS pratiṣṭhitam} ā́dʰatte /
Sentence: 5    átʰo śā́ntir vái vāmadevyám /
Sentence: 6    śāntám eváinaṃ {BS evainaṃ} paśavyàm uddʰarate /
Sentence: 7    br̥hád abʰígāyata āhavanī́ya ādʰīyámāne /
Sentence: 8    bā́rhato vā́ asáu lokáḥ /
Sentence: 9    amúṣminn eváinaṃ loké prátiṣṭhitam ā́dʰatte /
Sentence: 10    prajā́patir agním asr̥jata //

Verse: 3    {BS 1.1.8.61}
Sentence: 1    só 'śvo vā́ro {BS 'vā́ro} bʰūtvā́ párāṅ ait /
Sentence: 2    táṃ vāravantī́yena_avārayata /
Sentence: 3    tád vāravantī́yasya vāravantīyatvám /
Sentence: 4    śyaiténa śyetī́ akuruta /
Sentence: 5    tác cʰyaitásya śyaitatvám /
Sentence: 6    yád vāravantī́yam abʰigā́yate /
Sentence: 7    vārayitvā́_eváinaṃ prátiṣṭhitam ā́dʰatte /
Sentence: 8    śyaiténa śyetī́ kurute /
Sentence: 9    gʰarmáḥ śíra {BS gʰarmáśśíra} íti gā́rhapatyam ā́dadʰāti /
Sentence: 10    sáśīrṣāṇam eváinam ā́dʰatte //

Verse: 4    {BS 1.1.8.62}
Sentence: 1    úpa_enam úttaro yajñó namati /
Sentence: 2    rudró vā́ eṣáḥ /
Sentence: 3    yád agníḥ /
Sentence: 4    sá ādʰīyámāna īśvaró yájamānasya paśū́n hím̐sitoḥ /
Sentence: 5    sáṃpriyaḥ paśúbʰir bʰuvad íty āha /
Sentence: 6    paśúbʰir eváinam̐ sáṃpriyaṃ karoti /
Sentence: 7    paśūnā́m áhim̐sāyai /
Sentence: 8    cʰardís tokā́ya tánayāya yaccʰa_íty āha /
Sentence: 9    āśíṣam eváitām āśāste /
Sentence: 10    vā́taḥ prāṇá íty anvāhāryapácanam //

Verse: 5    {BS 1.1.8.63}
Sentence: 1    sáprāṇam eváinam ā́dʰatte /
Sentence: 2    svaditáṃ tokā́ya tánayāya pitúṃ pacéty āha /
Sentence: 3    ánnam evā́smai svadayati /
Sentence: 4    prā́cīm ánu pradíśaṃ préhi vidvā́n íty āha /
Sentence: 5    víbʰaktir eváinayoḥ sā́ /
Sentence: 6    átʰo nā́nāvīryāv eváinau kurute /
Sentence: 7    ū́rjaṃ no dʰehi dvipáde cátuṣpada íty āha /
Sentence: 8    āśíṣam {BS āśiṣam} eváitā́m ā́śāste /
Sentence: 9    arkáś cákṣur {AS cákṣar} íty āhavanī́yam /
Sentence: 10    arkó vái devā́nām ánnam //

Verse: 6    {BS 1.1.8.64}
Sentence: 1    ánnam evá_ávarundʰe /
Sentence: 2    téna me dīdihi_íty āha /
Sentence: 3    sámindʰa eváinam /
Sentence: 4    ānaśé vyā̀naśa {BS vyānaśa} íti trír údiṅgayati /
Sentence: 5    tráya imé lokā́ḥ /
Sentence: 6    eṣv èváinaṃ lokéṣu prátiṣṭhitam ā́dʰatte /
Sentence: 7    tát tátʰā ná kāryàm /
Sentence: 8    vī́ṅgitam ápratiṣṭhitam ā́dadʰīta /
Sentence: 9    uddʰŕ̥tya_evá_ā́dʰāya_abʰimántriyaḥ {BS uddʰŕ̥tyaivā́dʰā́yābʰimántríyaḥ} /
Sentence: 10    ávīṅgitam eváinaṃ prátiṣṭhitam ā́dʰatte /
Sentence: 11    virā́ṭ ca svarā́ṭ ca yā́s te agne śivā́s tanúvas tā́bʰis tvā_ā́dadʰa íty āha /
Sentence: 12    etā́ vā́ agnéḥ śivā́s {BS agnéśśivā́s} tanúvaḥ /
Sentence: 13    tā́bʰir eváinam̐ sámardʰayati /
Sentence: 14    yā́s te agne gʰorā́s tanúvas tā́bʰir amúṃ gaccʰéti brūyād yáṃ dviṣyā́t /
Sentence: 15    tā́bʰir eváinaṃ párābʰāvayati //

Paragraph: 9 
Verse: 1    {BS 1.1.9.65}
Sentence: 1    śamīgarbʰā́d agníṃ mantʰati /
Sentence: 2    eṣā́ vā́ agnér yajñíyā tanū́ḥ /
Sentence: 3    tā́m evā́smai janayati /
Sentence: 4    áditiḥ putrákāmā /
Sentence: 5    sādʰyébʰyo devébʰyo brahmaudanám apacat /
Sentence: 6    tásyā uccʰéṣaṇam adaduḥ /
Sentence: 7    tát prā́śnāt {BS prā́ścñāt} /
Sentence: 8    sā́ réto 'dʰatta /
Sentence: 9    tásyai dʰātā́ ca_aryamā́ ca_ajāyetām /
Sentence: 10    sā́ dvitī́yam apacat //

Verse: 2    {BS 1.1.9.66}
Sentence: 1    tásyā uccʰéṣaṇam adaduḥ /
Sentence: 2    tát prā́śnāt {BS prā́ścñāt} /
Sentence: 3    sā́ réto 'dʰatta tásyai mitráś ca váruṇaś ca_ajāyetām /
Sentence: 4    sā́ tr̥tī́yam apacat /
Sentence: 5    tásyā uccʰéṣaṇam adaduḥ /
Sentence: 6    tát prā́śnāt {BS prā́śñāt} /
Sentence: 7    sā́ réro 'dʰatta /
Sentence: 8    tásyā ám̐śaś ca bʰágaś ca_ajāyetām /
Sentence: 9    sā́ caturtʰám apacat //

Verse: 3    {BS 1.1.9.67}
Sentence: 1    tásyā uccʰéṣaṇam adaduḥ /
Sentence: 2    tát prā́śnāt {BS prā́ścñāt} /
Sentence: 3    sā́ réto 'dʰatta /
Sentence: 4    tásyā índraś ca vívasvām̐ś cājāyetām /
Sentence: 5    brahmaudanáṃ pacati /
Sentence: 6    réta evá tád dadʰāti /
Sentence: 7    prā́śnanti {BS prā́ścñanti} brāhmaṇā́ {BS brāhmaṇā} odanám /
Sentence: 8    yád ā́jyam uccʰíṣyate /
Sentence: 9    téna samídʰo 'bʰyájya_ā́dadʰāti /
Sentence: 10    uccʰéṣaṇād vā́ áditī réto 'dʰatta //

Verse: 4    {BS 1.1.9.68}
Sentence: 1    uccʰéṣaṇād evá tád réto dʰatte /
Sentence: 2    ástʰi vā́ etát /
Sentence: 3    yát samídʰaḥ /
Sentence: 4    etád rétaḥ /
Sentence: 5    yád ā́jyam /
Sentence: 6    yád ā́jyena samídʰo 'bʰyájya_ādádʰāti /
Sentence: 7    ástʰy evá tád rétasi dadʰāti /
Sentence: 8    tisrá ā́dadʰāti mitʰunatvā́ya /
Sentence: 9    íyatīr bʰavanti /
Sentence: 10    prajā́patinā yajñamukʰéna sáṃmitāḥ //

Verse: 5    {BS 1.1.9.69}
Sentence: 1    íyatīr bʰavanti /
Sentence: 2    yajñaparúṣā sáṃmitāḥ /
Sentence: 3    íyatīr bʰavanti /
Sentence: 4    etā́vad vái púruṣe vīryàm /
Sentence: 5    vī̀ryasaṃmitāḥ /
Sentence: 6    ārdrā́ bʰavanti /
Sentence: 7    ārdrám iva hí rétaḥ sicyáte /
Sentence: 8    cítriyasya_aśvattʰásya_ā́dadʰāti /
Sentence: 9    citrám evá bʰavati /
Sentence: 10    gʰr̥távatībʰir ā́dadʰāti //

Verse: 6    {BS 1.1.9.70}
Sentence: 1    etád vā́ agnéḥ priyáṃ dʰā́ma /
Sentence: 2    yád gʰr̥tám {BS yáddʰr̥tám} /
Sentence: 3    priyéṇaiváinaṃ dʰā́mnā sámardʰayati /
Sentence: 4    átʰo téjasā /
Sentence: 5    gāyatrī́bʰir brāhmaṇásya_ā́dadʰyāt /
Sentence: 6    gāyatráccʰandā {BS gāyatrácʰandā} vái brāhmaṇáḥ /
Sentence: 7    svásya cʰándasaḥ pratyayanastvā́ya /
Sentence: 8    triṣṭúgbʰī rājanyàsya /
Sentence: 9    triṣṭúpcʰandā vái rājanyàḥ /
Sentence: 10    svásya cʰándasaḥ pratyayanastvā́ya //

Verse: 7    {BS 1.1.9.71}
Sentence: 1    jágatībʰir váiśyasya /
Sentence: 2    jágatīcʰandā vái váiśyaḥ /
Sentence: 3    svásya cʰándasaḥ pratyayanastvā́ya /
Sentence: 4    tám̐ saṃvatsaráṃ gopāyet /
Sentence: 5    saṃvatsarám̐ hí réto hitáṃ várdʰate /
Sentence: 6    yády {AS yàdy} enam̐ saṃvatsaré nópanámet /
Sentence: 7    samídʰaḥ púnar ā́dadʰyāt /
Sentence: 8    réta evá tád dʰitáṃ várdʰamānam eti /
Sentence: 9    ná mām̐sám aśnīyāt /
Sentence: 10    ná stríyam upeyāt {BS úpeyāt} //

Verse: 8    {BS 1.1.9.72}
Sentence: 1    yán {AS yan} mām̐sám aśnīyā́t /
Sentence: 2    yát stríyam upeyā́t {BS úpeyā́t} /
Sentence: 3    nírvīryaḥ syāt /
Sentence: 4    ná_enam agnír úpanamet /
Sentence: 5    śvá ādʰāsyámāno brahmaudanáṃ pacati /
Sentence: 6    ādityā́ vā́ itá uttamā́ḥ suvargáṃ lokám āyann /
Sentence: 7    té vā́ itó yántaṃ prátinudante /
Sentence: 8    eté kʰálu vā́vá_ā́dityāḥ /
Sentence: 9    yád brāhmaṇā́ḥ /
Sentence: 10    táir evá saṃtváṃ {AS santváṃ} gaccʰati //

Verse: 9    {BS 1.1.9.73}
Sentence: 1    ná_enaṃ prátinudante /
Sentence: 2    brahmavādíno vadanti /
Sentence: 3    kvā̀ {BS kvā} sáḥ /
Sentence: 4    agníḥ kāryàḥ /
Sentence: 5    yò 'smai prajā́ṃ paśū́n prajanáyati_íti /
Sentence: 6    śálkais tā́m̐ rā́trim agním indʰīta /
Sentence: 7    tásminn upavyuṣám aráṇī níṣṭapet /
Sentence: 8    yátʰā_r̥ṣabʰā́ya vāśitā́ nyāviccʰāyáti {read vāsitāṃ nyāvicʰāyáti, Hoffmann, Aufsätze 456} /
Sentence: 9    tadŕ̥g evá tát /
Sentence: 10    apodū́hya bʰásmāgníṃ mantʰati //

Verse: 10    {BS 1.1.9.74}
Sentence: 1    sáivá sā́_agnéḥ sáṃtatiḥ /
Sentence: 2    táṃ matʰitvā́ {AS mantʰitvā́} prā́ñcam úddʰarati /
Sentence: 3    saṃvatsarám evá tád réto hitáṃ prájanayati /
Sentence: 4    ánāhitas tásya_agnír íty āhuḥ /
Sentence: 5    yáḥ samídʰó 'nādʰāya_agním ādʰatta íti /
Sentence: 6    tā́ḥ saṃvatsaré purástād ā́dadʰyāt /
Sentence: 7    saṃvatsarā́d eváinam avarúdʰya_ā́dʰatte /
Sentence: 8    yádi saṃvatsaré nā́dadʰyā́t {BS 'nā́dadʰyā́t} /
Sentence: 9    dvādaśyā̀ṃ purástād ā́dadʰyāt saṃvatsarápratimā vái dvā́daśa rā́trayaḥ /
Sentence: 10    saṃvatsarám evā́sya_ā́hitā bʰavanti /
Sentence: 11    yádi dvādaśyā̀ṃ ná_ā́dadʰyā́t /
Sentence: 12    tryahé {BS tryahè} purástād ā́dadʰyāt /
Sentence: 13    ā́hitā evā́sya bʰavanti //

Paragraph: 10 
Verse: 1    {BS 1.1.10.75}
Sentence: 1    prajā́patiḥ prajā́ asr̥jata /
Sentence: 2    sá riricānò 'manyata /
Sentence: 3    sá tápo 'tapyata /
Sentence: 4    sá ātmán vīryàm apaśyat /
Sentence: 5    tád avardʰata /
Sentence: 6    tád asmāt sáhasordʰvám asr̥jyata /
Sentence: 7    sā́ virā́ḍ abʰavat /
Sentence: 8    tā́ṃ devāsurā́ vyàgr̥hṇata {BS vyagr̥hṇata} /
Sentence: 9    sò 'bravīt prajā́patiḥ /
Sentence: 10    máma {AS mama} vā́ eṣā́ //

Verse: 2    {BS 1.1.10.76}
Sentence: 1    dóhā evá yuṣmā́kam íti /
Sentence: 2    sā́ tátaḥ prā́cy údakrāmat /
Sentence: 3    tát prajā́patiḥ páryagr̥hṇāt /
Sentence: 4    átʰarva pitúṃ me gopāya_íti /
Sentence: 5    sā́ dvitī́yam údakrāmat /
Sentence: 6    tát prajā́patiḥ páryagr̥hṇāt /
Sentence: 7    nárya prajā́ṃ me gopāya_íti /
Sentence: 8    sā́ tr̥tī́yam údakrāmat /
Sentence: 9    tát prajā́patiḥ páryagr̥hṇāt /
Sentence: 10    śám̐sya paśū́n me gopāya_íti //

Verse: 3    {BS 1.1.10.77}
Sentence: 1    sā́ caturtʰám udakrāmat /
Sentence: 2    tát prajā́patiḥ páryagr̥hṇāt /
Sentence: 3    sápratʰa sabʰā́ṃ me gopāyéti /
Sentence: 4    sā́ pañcamám údakrāmat /
Sentence: 5    tát prajā́patiḥ páryagr̥hṇāt /
Sentence: 6    áhe budʰniya mántraṃ me gopāya_íti /
Sentence: 7    agnī́n vā́vá sā́ tā́n vyakramata /
Sentence: 8    tā́n prajā́patiḥ páryagr̥hṇāt /
Sentence: 9    átʰo paṅktím evá /
Sentence: 10    paṅktír vā́ eṣā́ brāhmaṇé práviṣṭā //

Verse: 4    {BS 1.1.10.78}
Sentence: 1    tā́m ātmánó 'dʰi nírmimīte /
Sentence: 2    yád agnír ādʰīyáte /
Sentence: 3    tásmād etā́vanto 'gnáya ā́dʰīyante /
Sentence: 4    pā́ṅktaṃ vā́ idám̐ sárvam /
Sentence: 5    pā́ṅktenaivá pā́ṅktam̐ spr̥ṇoti /
Sentence: 6    átʰarva pitúṃ me gopāya_íty āha /
Sentence: 7    ánnam eváiténa spr̥ṇoti /
Sentence: 8    nárya {BS náryaṃ} prajā́ṃ me gopāya_íty āha /
Sentence: 9    prajā́m eváténa spr̥ṇoti /
Sentence: 10    śám̐sya paśū́n me gopāya_íty āha //

Verse: 5    {BS 1.1.10.79}
Sentence: 1    paśū́n eváiténa spr̥ṇoti /
Sentence: 2    sápratʰa sabʰā́ṃ me gopāya_íty āha /
Sentence: 3    sabʰā́m eváiténa_indriyám̐ spr̥ṇoti /
Sentence: 4    áhe budʰniya mántraṃ me gopāya_íty āha /
Sentence: 5    mántram eváiténa śríyam̐ spr̥ṇoti /
Sentence: 6    yád anvāhāryapácane 'nvāhā́ryaṃ {AS 'nvāhāryàṃ} pacanti /
Sentence: 7    téna so 'sya_abʰī́ṣṭaḥ prītáḥ /
Sentence: 8    yád gā́rhapatya ā́jyam adʰiśráyanti sáṃpatnīr yājáyanti /
Sentence: 9    téna so 'sya_abʰī́ṣṭaḥ prītáḥ /
Sentence: 10    yád āhavanī́ye juhvati //

Verse: 6    {BS 1.1.10.80}
Sentence: 1    téna sò 'sya_abʰī́ṣṭaḥ prītáḥ /
Sentence: 2    yát sabʰā́yāṃ vijáyante {BS viváyante} /
Sentence: 3    téna sò 'sya_abʰī́ṣṭaḥ prītáḥ /
Sentence: 4    yád āvasatʰé 'nnam̐ háranti /
Sentence: 5    téna sò 'sya_abʰī́ṣṭaḥ prītáḥ /
Sentence: 6    tátʰāsya sárve prītā́ abʰī́ṣṭā ā́dʰīyante /
Sentence: 7    pravasatʰám eṣyánn evám úpatiṣṭheta_ékam_ekam /
Sentence: 8    yátʰā brāhmaṇā́ya gr̥hé {BS gr̥he} vāsíne paridā́ya gr̥hā́n éti /
Sentence: 9    tādŕ̥g {BS tadŕ̥g} evá tát /
Sentence: 10    púnar āgátya_úpatiṣṭhate /
Sentence: 11    sā́bʰāgeyam eváiṣāṃ tát /
Sentence: 12    sā́ táta ūrdʰvā́_ā́rohat /
Sentence: 13    sā́ rohiṇy àbʰavat /
Sentence: 14    tád rohiṇyái rohiṇitvám /
Sentence: 15    rohiṇyā́m agním ā́dadʰīta /
Sentence: 16    svá eváinaṃ yónau prátiṣṭhitam ā́dʰatte /
Sentence: 17    r̥dʰnóty enena //

Next part


This text is part of the TITUS edition of Black Yajur-Veda: Taittiriya-Brahmana.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.