TITUS
Black Yajur-Veda: Varaha-Grhya-Sutra
Part No. 3
Previous part

Khanda: 3 
Sentence: 1    evameva daśamyāṃ kr̥tvā pitā mātā ca putrasya nāma dadʰyātām _ gʰoṣavadādyantarantastʰaṃ dīrgʰābʰiniṣṭānāntaṃ kr̥taṃ na taddʰitaṃ dvyakṣaraṃ caturakṣaram̐ vā tyaktvā piturnāmadʰeyāt nakṣatradevateṣṭanāmāno vā \1\
Sentence: 2    dvināmā tu brāhmaṇaḥ \2\
Sentence: 3    nāmaiva kanyāyāḥ _ akāravyavadʰānamākārāntamayugmākṣaraṃ nadīnakṣatracandrasūryapūṣadevadattarakṣitāvarjam \3\
Sentence: 4    navanītena pāṇī pralipya somasya tvā dyumnanetyenamabʰimr̥śet \4\
Sentence: 5    sarveṣu kumārakarmasvāgneyaḥ stʰālīpākaḥ prājāpatyo vā \5\
Sentence: 6    sarvatrānādeśe 'gniḥ pum̐sāmaryamā strīṇām \6\
Sentence: 7    sam̐vatsaraṃ mātāpitarau na mām̐samaśnīyātām \7\
Sentence: 8    putrasya jātadante yajetāgniṃ gavā paśunā vā \8\
Sentence: 9    viproṣitaḥ pratyetya putrasya mūrdʰānaṃ trirājigʰret _ paśūnāṃ tvā hiṅkāreṇābʰijigʰrāmīti \9\
Sentence: 10    jātakarmavaddʰastāṅguliṃ praveṣṭya tenāsya karṇāvājapet \10\
Sentence: 11    atʰainamabʰimantrayate _ aśmā bʰaveti \11\
Sentence: 12    agnidʰanvantarī putravratī cʰāgameṣābʰyāmiṣṭvā dīrgʰāṇām̐ vyāhr̥tibʰiḥ kumāraṃ catuḥ prāśayet \ āyurdā deveti ca \12\
Sentence: 13    kumārakarmāṇi śukla udagayane puṇye nakṣatre navamīvarjam \ sarva r̥tavo vivāhe 'māgʰacaitrau māsau parihāpyottaraṃ ca naidāgʰam \13\
Sentence: 14    anvārambʰayitvā ha vanam \14\


Sentence: col. 
iti vārāhagr̥hye tr̥tīyaṃ kʰaṇḍam



Next part


This text is part of the TITUS edition of Black Yajur-Veda: Varaha-Grhya-Sutra.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.