TITUS
Text collection: YVW
White Yajur-Veda
Text: KatySlbS
Kāṭyāyana-Śulba-Sūtra
On the basis of the edition by
Sen, S.N., and Bag, A.K.,
The Śulba Sūtras of Baudhāyana, Āpastamba, Kātyāyana and Mānava
with Text, English Translation and Commentary,
New Delhi: Indian National Science Academy 1983
prepared by an anonymous group of students,
Fairfield, Iowa, 2001;
TITUS version by Jost Gippert,
Frankfurt a.M., 30.12.2001 / 7.12.2008
[This is a preliminary edition only. J.G.]
Paragraph: 1
Sentence: 1 rajjusamāsaṃ vakṣyāmaḥ \1\
Sentence: 2 same śaṅkuṃ nikʰāya śaṅkusammitayā rajjvā maṇḍalaṃ parilikʰya yatra lekʰayoḥ śaṅkvagraccʰāyā nipatati tatra śaṅkū nihanti sā prācī \ tadantaraṃ rajjvābʰyasya pāśau kr̥tvā śaṅkvoḥ pāśau pratimucya dakṣiṇāyamya madʰye śaṅkumevamuttarataḥ sodīcī \2\
Sentence: 3 rajjvantayoḥ pāśau karoti \ śroṇyaṃsanirañcʰanasaṃkʰyāsamāsabʰaṅgeṣu lakṣaṇāni \ prācyantayoḥ śaṅku nihanti \ śroṇyoraṃsayośca \ śaṅkvoḥ pāśau pratimucya nirañcʰanena gr̥hītvā dakṣiṇapūrvāṃ diśaṃ haranti \ evamuttarataḥ \ viparyasyetarataḥ \ sa samādʰiḥ sarvatra \3\
Sentence: 4 pramāṇamabʰyasyābʰyāsacaturtʰe lakṣṇaṃ karoti tannirañcʰanam \ akṣṇayā tiryaṅmānīśeṣa \4\
Sentence: 5 pramāṇārdʰaṃ vābʰyasyābʰyāsaṣaṣṭʰe lakṣaṇaṃ karoti tannirañcʰanam \ akṣṇayā tiryaṅmāniśeṣaḥ \5\
Sentence: 6 pramāṇārdʰe samacaturaśrasya śaṅkuḥ \ śāstravadardʰe dīrgʰacaturaśrasya \ śakaṭamukʰasya caivam \6\
Sentence: 7 etena prāgvaṃśavedimānāni vyākʰyātāni \ śālāmānaṃ ca \ tatrodīcī prācīvat \ sadasaścaivam \7\
Sentence: 8 aparimitaṃ pramāṇādbʰūyaḥ \8\
Sentence: 9 pramāṇe śāstraṃ pramāṇaṃ nirhāsavivr̥ddʰyoḥ \ yogaśca \9\
Sentence: 10 itarasyavitr̥tīye dakṣiṇata ityetadvakṣyāmaḥ \ gārhapatyāhavanīyayorantarālaṃ ṣaḍʰdʰā saptadʰā vāgantusamaṃ tredʰā vibʰajyāparavitr̥tīyalakṣaṇena dakṣiṇāyamya tasminnagniḥ \ viparyasyottarata utkaraḥ \10\
Sentence: 11 apivāntaratribʰāgo 'nayā rajjvā purvārdʰe samacaturaśraṃ kr̥tvā śroṇyāmagniḥ \ viparyasyottarāṃsa utkaraḥ \11\ \\1\\
Paragraph: 2
Sentence: 1 aṅgulai ratʰasaṃmitāyāḥ pramāṇam \ tatrāṣṭāśītiśatamīṣā \ catuḥśatamakṣaḥ \ ṣaḍaśītiryugam \ catvāro 'ṣṭakāḥ śamyā \1\
Sentence: 2 paitr̥kyāṃ dvipuruṣaṃ samacaturaśraṃ kr̥tvā karaṇīmadʰye śaṅkavaḥ sa samādʰiḥ \2\
Sentence: 3 karaṇī tatkaraṇī tiryaṅmānī pārśvamānyakṣṇayā ceti rajjavaḥ \3\
Sentence: 4 padaṃ tiryaṅmānī tripadā pārśvamānī tasyākṣṇyā rajjurdaśakaraṇī \4\
Sentence: 5 evaṃ dvipadā tiryaṅmānī ṣaṭpadā pārśvamānī tasyākṣṇayā rajjuścatvāriṃśatkaraṇī \5\
Sentence: 6 upadiṣṭaṃ yugapramāṇaṃ śamyāpramāṇaṃ ca darśanāt \6\
Sentence: 7 dīrgʰacaturaśrasyākṣṇayā rajjustiryaṅmānī pārśvamānī ca yatpr̥tʰagbʰūte kurutastadubʰayaṃ karotīti kṣetrajñānam \7\
Sentence: 8 samacaturaśrasyākṣṇayā rajjurdvikaraṇī \8\
Sentence: 9 karaṇīṃ tr̥tīyena vardʰayettacca svacaturtʰenātmacatustr̥ṃśonena saviśeṣa iti viśeṣaḥ \9\
Sentence: 10 pramāṇaṃ tiryak dvikaraṇyāyāmastasyākṣṇayā rajjustrikaraṇī \10\
Sentence: 11 tr̥tīyakaraṇyetena vyākʰyātā \ pramāṇavibʰāgastu navadʰā karaṇītr̥tīyaṃ navabʰāgaḥ \ navabʰāgāstrayastr̥tīyakaraṇī \11\
Sentence: 12 sautrāmaṇyāṃ prakramārtʰā \ tr̥tīyakaraṇī samāsārtʰā \12\
Sentence: 13 tulyapramāṇānāṃ samacaturasrāṇāmuktaḥ samāsaḥ \ nānāpramāṇasamāse hrasīyasaḥ karaṇyā varṣīyaso 'paccʰindyāttasyākṣṇayā rajjurubʰe samasyatīti samāsaḥ \13\ \\2\\
Paragraph: 3
Sentence: 1 caturaśrāccaturaśraṃ nirjihīrṣanyāvannirjihīrṣettāvadubʰayato 'paccʰidya śaṅkū nikʰāya pārśvamānīṃ kr̥tvā pārśvamānīsammitāmakṣṇayāṃ tatropasaṃharati sa samāse 'paccʰedaḥ sā karaṇyeṣa nirhrāsaḥ \1\
Sentence: 2 dīrgʰacaturaśraṃ samacaturaśraṃ cikīrṣan madʰye tiryagapaccʰidyānyataradvibʰajyetaratpurastāddakṣiṇataścopadadʰyāccʰeṣamāgantunā purayettasyokto nirhrāsaḥ \2\
Sentence: 3 atidīrgʰaṃ cettiryaṅmānyāpaccʰidyāpaccʰidyaikasamāsena samasya śeṣaṃ yatʰāyogamupasaṃharedityekaḥ samāsaḥ \3\
Sentence: 4 samacaturaśraṃ dīrgʰacaturaśraṃ cikīrṣanmadʰye 'kṣṇayā 'paccʰidya tacca vibʰajyānyataratpurastāduttarataścopadadʰyādviṣamaṃ cedyatʰāyogamupasaṃharediti vyāsaḥ \4\
Sentence: 5 pramāṇaṃ caturaśramādeśādanyat \5\
Sentence: 6 dvipramāṇā catuḥkaraṇī tripramāṇa navakaraṇī catuḥpramāṇā ṣoḍaśakaraṇī \6\
Sentence: 7 yāvatpramāṇā rajjurbʰavati tāvantastāvanto vargā bʰavanti tānsamasyet \7\
Sentence: 8 ardʰapramāṇena pādapramāṇaṃ vidʰīyate \ tr̥tīyena navamoṃ 'śaḥ \ caturtʰena ṣoḍaśī kalā \8\
Sentence: 9 eṣa nirhrāsastasya purastāduktaṃ śāstram \9\
Sentence: 10 yāvatpramāṇā rajjurbʰavatīti vivr̥ddʰe hrāso bʰavati \10\
Sentence: 11 caturaśraṃ maṇḍalaṃ cikīrṣanmadʰyādaṃse nipātya pārśvataḥ parilikʰya tatra yadatiriktaṃ bʰavati tasya tr̥tīyena saha maṇḍalaṃ parilikʰet sa samādʰiḥ \11\
Sentence: 12 maṇḍalaṃ caturaśraṃ cikīrṣan viṣkambʰaṃ pañcadaśabʰāgān kr̥tvā dvāvuddʰareccʰeṣaḥ karaṇī \12\ \\3\\
Paragraph: 4
Sentence: 1 droṇacidratʰacakracitkaṅkacitpraugacidubʰayataḥ praugaḥ samuhyapurīṣa ityagnayaḥ \1\
Sentence: 2 droṇe yāvānagniḥ sapakṣapuccʰaviśeṣastāvaccaturaśraṃ kr̥tvā droṇadaśamavibʰāgo vr̥ntamityeke \ taddaśamenāpaccʰidyāpaccʰidyaikasamāsena samasya nirhr̥tya sarvamagniṃ tatʰākr̥tiṃ kr̥tvā purastātpaścādvopadadʰyāt \ maṇḍale 'pyevam \2\
Sentence: 3 prauge yāvānagniḥ sapakṣapuccʰaviśeṣastāvaddviguṇaṃ caturaśraṃ kr̥tvā yaḥ purastātkaraṇīmadʰye śaṅkuryau ca śroṇyoḥ so 'gniḥ \3\
Sentence: 4 ubʰayataḥ prauge tāvadeva dīrgʰacaturaśraṃ kr̥tvā karaṇīmadʰyeṣu śaṅkavaḥ sa samādʰiḥ \4\
Sentence: 5 praugaṃ caturaśraṃ cikīrṣanmadʰye prāñcamapaccʰidya viparyasyetarata upadʰāya dīrgʰacaturaśrasamāsena samasyet sa samādʰiḥ \5\
Sentence: 6 ubʰayataḥ praugaṃ cenmadʰye tiryagapaccʰidya pūrvavatsamasyet \6\
Sentence: 7 etenaiva trikarṇasamāso vyākʰyātaḥ \ pañcakarṇānāṃ ca \ prauge 'paccʰidyaikakarṇānāṃ \ dvikarṇānāṃ samacaturaśre 'paccʰidya \7\ \\4\\
Paragraph: 5
Sentence: 1 uttareṣu puruṣoccayenaikaśatavidʰādityetadvakṣyāmaḥ \1\
Sentence: 2 ādyo 'gnirdviguṇastriguṇo bʰavatīti sarvasamāsaḥ \2\
Sentence: 3 ekaviṃśatividʰo bʰavatīti puruṣābʰyāsaḥ \3\
Sentence: 4 puruṣābʰyāse yāvānagniḥ sapakṣapuccʰaviśeṣastāvaccaturaśraṃ kr̥tvā tasminpuruṣapramāṇamavadadʰyāt \4\
Sentence: 5 samastaṃ pañcadaśabʰāgānkr̥tvā dvāvekasamāsena samasyet sa puruṣaḥ \5\
Sentence: 6 pañcavibʰāgena br̥hatī tasya daśamavibʰāgena pādamātrī bʰavati \6\
Sentence: 7 puruṣaṃ vā pañcamenobʰayato 'paccʰidya pañcavibʰāgansamasya tr̥tīyaṃ nirhr̥tya tasminpuruṣapramāṇe 'vadadʰyādityaparam \7\
Sentence: 8 pañcadaśavibʰāgo 'ṣṭāṅgulam \8\
Sentence: 9 pañcāratnirdaśavitastirviṃśatiśatāṅgulaḥ puruṣa ityetasmāddvādaśāṅgulaṃ padamiti ca \9\
Sentence: 10 puruṣaṃ vā saptamenobʰayato 'paccʰidya saptabʰāgānsamasya sasaptamabʰāgamaṅgulaṃ nirhr̥tya puruṣapramāṇe 'vadadʰyādityaparam \10\
Sentence: 11 nāratnivitastīnāṃ samāso vidyate saṃkʰyāyogāditi śruteḥ \11\ \\5\\
Paragraph: 6
Sentence: 1 yatʰāgni vedīṣṭakāpramāṇaṃ varddʰata ityetadvakṣyāmaḥ \1\
Sentence: 2 yākaraṇī caturdaśaprakramānsaṅkṣipati triṃśca prakramasaptamabʰāgān sa ekaśatavidʰe prakramaḥ \2\
Sentence: 3 dvitīye vā saptasu prakrameṣu prakramamavadʰāya tasya saptamabʰāgena prakramārtʰaḥ \3\
Sentence: 4 prakrameṇa vā saptamabʰāgena prakramārtʰaḥ \4\
Sentence: 5 evamaikaśatavidʰāt \5\
Sentence: 6 nāntaḥpātyagārhapatyayorvr̥ddʰirbʰavati tāvadeva yonirbʰavati na vai jātaṃ garbʰaṃ yoniranuvardʰata iti śrutervr̥ddʰeratyantaṃ pratiṣedʰaḥ \6\
Sentence: 7 yāvatpramāṇāni samacaturaśrāṇyekīkartuṃ cikīrṣedekonāni tāni bʰavanti tiryagdviguṇānyekata ekādʰikāni tryasrirbʰavati tasyeṣustatkaroti \7\
Sentence: 8 yatʰāyūpaṃ vedivarddʰanamityetadvakṣyāmaḥ \8\
Sentence: 9 yā rajjurekādaśoparavānsaṅkṣipati daśa ca ratʰākṣāṃstasyā yaścaturviṃśo bʰāgaḥ sa prakramaḥ \9\
Sentence: 10 tena vediṃ nirmāya dvādaśāṅgulaṃ purastādapaccʰidya tadyūpāvatyāccʰaṅkoḥ purastātprāñcamavadʰāya tasmin yūpānminoti \10\
Sentence: 11 pārśvayorvā 'rdʰamantarvedīti śruterarddʰakāniti \11\
Sentence: 12 eke pratʰamottamau prakr̥tivat \12\
Sentence: 13 saiṣā śikʰaṇḍinī vediḥ \13\ \\6\\
Paragraph: col.
iti kātyāyanaśulbasūtra
Copyright TITUS Project,
Frankfurt a/M, 8.12.2008.
No parts of this document may be republished in any form
without prior permission by the copyright holder.