TITUS
Text collection: OPers.
Old Persian Corpus
On the basis of the editions by
Roland G. Kent,
Old Persian,
New Haven / Conn. 1953;
Manfred Mayrhofer,
Supplement zur Sammlung der altpersischen Inschriften,
Wien 1978;
Rüdiger Schmitt,
The Bisitun Inscriptions of Darius the Great,
London 1991
entered by
S. Gindro, S. Scarlata, P. Widmer (Zürich)
under the direction of G.E. Dunkel;
additions and improvements by G. Keydana (Münster) and J. Gippert (Frankfurt);
addition of the transcriptional text and conversion of the cuneiform script into Unicode by A. Sarhadi and M. Esnaashari (Shiraz);
TITUS version by
J. Gippert, J. Martínez García and M. Esnaashari,
with photographs by V. Jung (2001) and A. Sarhadi (2011),
Frankfurt a/M, 1997 / 28.2.1998 / 22.6.1998 / 1.6.2000 / 11.6.2011
The sequence of texts corresponds to the concordance given in SSAI p. 37-47.
Texts with no siglum are arranged according to the number as given in SSAI.
[The transcriptional text used in the present TITUS edition is based upon Kent's and will be adapted to present-day knowledge. JG]
Line: 1 𐎠𐎼𐎡𐎹𐎠𐎼𐎶𐎴 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹𐎰/𐎡𐎹
a-r-i-y-a-r-m-n : x-š-a-y-ϑ-i-y : v-z-r-k : x-š-a-y-ϑ-/i-y
Ariyāramna : xšāyaϑiya : vazraka : xšāyaϑiya
Line: 2 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎱𐎠𐎼𐎿𐎠
: x-š-a-y-ϑ-i-y-a-n-a-m : x-š-a-y-ϑ-i-y : p-a-r-s-a
: xšāyaϑiyānām : xšāyaϑiya : Pārsā
Line: 3 𐏐 𐎨𐎡𐏁𐎱𐎡𐏁 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐏃/𐎹𐎠
: c-i-š-p-i-š : x-š-a-y-ϑ-i-y-h-y-a : p-u-ç : h-x-a-m-n-i-š-h-/y-a
: Cišpaiš : xšāyaϑiyahyā : puça : Haxāmanišahyā
Line: 4 𐏐 𐎴𐎱𐎠 𐏐 𐎰𐎠𐎫𐎡𐎹 𐏐 𐎠𐎼𐎡𐎹𐎠𐎼𐎶𐎴 𐏐 𐎧𐏁𐎠𐎹𐎰𐎡𐎹
: n-p-a : ϑ-a-t-i-y : a-r-i-y-a-r-m-n : x-š-a-y-ϑ-i-y
: napā : ϑātiy : Ariyāramna : xšāyaϑiya
Line: 5 𐏐 𐎡𐎹𐎶 𐏐 𐎭𐏃𐎹𐎠𐎢𐏁 𐏐 𐎱𐎠𐎼𐎿𐎠 𐏐 𐎫𐎹 𐏐 𐎠𐎭𐎶 𐏐 𐎭𐎠𐎼𐎹𐎠/𐎷𐎡𐎹
: i-y-m : d-h-y-a-u-š : p-a-r-s-a : t-y : a-d-m : d-a-r-y-a-/mi-i-y
: iyam : dahyāuš : Pārsā : tya : adam : dārayāmiy
Line: 6 𐏐 𐏃𐎹 𐏐 𐎢𐎺𐎿𐎱𐎠 𐏐 𐎢𐎶𐎼𐎫𐎡𐎹𐎠 𐏐 𐎶𐎴𐎠 𐏐 𐎲𐎥
: h-y : u-v-s-p-a : u-m-r-t-i-y-a : m-n-a : b-g
: hya : uvaspā : umartiyā : manā : baga
Line: 7 [𐏐] 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐎳𐎼𐎠𐎲[𐎼 𐏐] 𐎺𐏁𐎴𐎠 𐏐 𐎠𐎢/𐎼𐎶𐏀𐎭𐎠𐏃
[:] v-z-r-k : a-u-r-m-z-d-a : f-r-a-b-[r :] v-š-n-a : a-u-/r-m-z-d-a-h
: vazraka : Auramazdā : frābara : vašnā : Auramazdāha
Line: 8 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎡𐎹𐎶 𐏐 𐎭/𐏃𐎹𐎠𐎢𐏁
: a-d-m : x-š-a-y-ϑ-i-y : i-y-m : d-/h-y-a-u-š
: adam : xšāyaϑiya : iyam : dahyāuš
Line: 9 𐏐 𐎠𐎷𐎡𐎹 𐏐 𐎰𐎠𐎫𐎡𐎹 𐏐 𐎠𐎼𐎡𐎹𐎠𐎼𐎶𐎴
: a-mi-i-y : ϑ-a-t-i-y : a-r-i-y-a-r-m-n
: amiy : ϑātiy : Ariyāramna
Line: 10 [𐏐] 𐎧𐏁𐎠𐎹𐎰𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎶𐎴𐎠 𐏐 𐎢𐎱𐎿𐎫𐎠/[𐎶
[:] x-š-a-y-ϑ-i-y : a-u-r-m-z-d-a : m-n-a : u-p-s-t-a-/[m
: xšāyaϑiya : Auramazdā : manā : upastām
Line: 11 𐏐 𐎲𐎼𐎬𐎢𐎺]
: b-r-tu-u-v]
: baratuv
Line: 1 𐎠𐎼𐏁𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧/𐏁𐎠𐎹𐎰𐎡𐎹
a-r-š-a-m : x-š-a-y-ϑ-i-y : v-z-r-k : x-/š-a-y-ϑ-i-y
Aršāma : xšāyaϑiya : vazraka : xšāyaϑiya
Line: 2 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧/𐏁𐎠𐎹𐎰𐎡𐎹
: x-š-a-y-ϑ-i-y-a-n-a-m : x-/š-a-y-ϑ-i-y
: xšāyaϑiyānām : xšāyaϑiya
Line: 3 𐏐 𐎱𐎠𐎼𐎿 𐏐 𐎠𐎼𐎡𐎹𐎠𐎼𐎶𐎴 𐏐 𐎧𐏁/𐎠𐎹𐎰𐎡𐎹𐏃𐎹𐎠
: p-a-r-s : a-r-i-y-a-r-m-n : x-š-/a-y-ϑ-i-y-h-y-a
: Pārsa : Ariyāramna : xšāyaϑiyahyā
Line: 4 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹
: p-u-ç : h-x-a-m-n-i-š-i-y
: puça : Haxāmanišiya
Line: 5 𐏐 𐎰𐎠𐎫𐎡𐎹 𐏐 𐎠𐎼𐏁𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐎢/𐎼𐎶𐏀𐎭𐎠
: ϑ-a-t-i-y : a-r-š-a-m : x-š-a-y-ϑ-i-y : a-u-/r-m-z-d-a
: ϑātiy : Aršāma : xšāyaϑiya : Auramazdā
Line: 6 𐏐 𐎲𐎥 𐏐 𐎺𐏀𐎼𐎣 𐏐 𐏃𐎹 𐏐 𐎶𐎰𐎡𐏁/𐎫
: b-g : v-z-r-k : h-y : m-ϑ-i-š-/t
: baga : vazraka : hya : maϑišta
Line: 7 𐏐 𐎲𐎥𐎠𐎴𐎠𐎶 𐏐 𐎶𐎠𐎶 𐏐 𐎧𐏁𐎠𐎹𐎰𐎡𐎹/𐎶
: b-g-a-n-a-m : m-a-m : x-š-a-y-ϑ-i-y-/m
: bagānām : mām : xšāyaϑiyam
Line: 8 𐏐 𐎠𐎤𐎢𐎴𐎢𐏁 𐏐 𐏃𐎢𐎺 𐏐 𐎭𐏃𐎹𐎠𐎢𐎶 𐏐 𐎱/𐎠𐎼𐎿𐎶
: a-ku-u-n-u-š : h-u-v : d-h-y-a-u-m : p-/a-r-s-m
: akunauš : hauv : dahyāum : Pārsam
Line: 9 𐏐 𐎶𐎴𐎠 𐏐 𐎳𐎼𐎠𐎲𐎼 𐏐 𐎫𐎹 𐏐 𐎢𐎣𐎠𐎼𐎶
: m-n-a : f-r-a-b-r : t-y : u-k-a-r-m
: manā : frābara : tya : ukāram
Line: 10 𐏐 𐎢𐎺𐎿𐎱𐎶 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎡𐎶/𐎠𐎶
: u-v-s-p-m : v-š-n-a : a-u-r-m-z-d-a-h : i-m-/a-m
: uvaspam : vašnā : Auramazdāha : imām
Line: 11 𐏐 𐎭𐏃𐎹𐎠𐎢𐎶 𐏐 𐎭𐎠𐎼𐎹𐎠𐎷𐎡𐎹 𐏐 𐎶𐎠𐎶 𐏐
: d-h-y-a-u-m : d-a-r-y-a-mi-i-y : m-a-m :
: dahyāum : dārayāmiy : mām :
Line: 12 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐎢𐎫𐎠𐎶𐎡𐎹 𐏐 𐎻/𐎡𐎰𐎶
a-u-r-m-z-d-a : p-a-tu-u-v : u-t-a-m-i-y : vi-/i-ϑ-m
Auramazdā : pātuv : utāmaiy : viϑam
Line: 13 𐏐 𐎢𐎫𐎠 𐏐 𐎡𐎶𐎠𐎶 𐏐 𐎭𐏃𐎹𐎠𐎢𐎶 [𐏐 𐎫𐎹 𐏐]
: u-t-a : i-m-a-m : d-h-y-a-u-m [: t-y :]
: utā : imām : dahyāum : tya :
Line: 14 𐎠𐎭𐎶 𐏐 𐎭𐎠𐎼𐎹𐎠𐎷𐎡𐎹 𐏐 𐏃𐎢𐎺 𐏐 𐎱𐎠𐎬[𐎢𐎺]
a-d-m : d-a-r-y-a-mi-i-y : h-u-v : p-a-tu-[u-v]
adam : dārayāmiy : hauv : pātuv
Line: 1 𐎠𐎭𐎶 𐏐 𐎤𐎢𐎽𐎢𐏁 𐏐 𐎧𐏁𐎠𐎹/𐎰𐎡𐎹
a-d-m : ku-u-ru-u-š : x-š-a-y-/ϑ-i-y
adam : Kūrauš : xšāyaϑiya
Line: 2 𐏐 𐏃𐎧𐎠𐎶𐎴𐎡𐏁𐎡𐎹
: h-x-a-m-n-i-š-i-y
: Haxāmanišiya
Line: 1 [.........]𐏐 𐏋 𐏐 (𐎺)[𐏀𐎼𐎣 𐏐 ....]
[..........] (:) XŠ : (v)-[z-r-k : ... ]
... : XŠ : vazraka : ...
Line: 1 [𐎤𐎢𐎽𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐏃𐎧𐎠𐎶𐎴𐎡𐏁𐎡𐎹]
[ku-u-ru-u-š : x-š-a-y-ϑ-i-y : v-z-r-k : h-x-a-m-n-i-š-i-y]
Kūrauš : xšāyaϑiya : vazraka : Haxāmanišiya
Line: 1 [..........................................................] (𐎼)𐎣 𐏐
[..........................................................]-(r)-k :
... vzraka? :
Line: 2 [...............................................................] 𐎶 𐏐
[...............................................................]-m :
...m :
Line: 3 [........... 𐏐 𐎤] 𐎢(𐎽)[+]𐏁 𐏐 [......] 𐎹 𐏐 𐎹 /[.....]
[........... : ku]-u-(ru)-š : [........]-y : y -[........]
Kuruš : ...y : y...
Line: 4 [........ 𐏐 𐎠]𐎤𐎢𐎫𐎠 [𐏐 ........]
[........ : a]-ku-u-t-a [:........]
... akūtā ...
Line: 5 [........] 𐎶 [.....] 𐎣𐎼 [........]
[........]-m-[........]-k-r-[........]
...m ... kara...
Line: 6 [........]𐎡𐎰𐎡[....]
[........]-i-ϑ-i-[........]
...iϑi...
Line: 1 [.....]𐎤𐎢𐏁[.....]/[.....]
[.....]-ku-u-š-[.....]/[.....]
...Kūš?...
Line: 2 (𐏐) 𐏃𐎹 𐏐 [.....]
(:) h-y : [.....]
: hya : ...
Line: 1 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡[𐎹 𐏐 𐎧𐏁𐎠𐎹]𐎰𐎡𐎹/𐎠𐎴𐎠𐎶
: a-d-m : d-a-r-y-v-u-š : x-š-a-y-ϑ-i-y : v-z-r-k : x-š-a-y-ϑ-i-[y : x-š-a-y]-ϑ-i-y-/a-n-a-m
: adam : Dārayavauš : xšāyaϑiya : vazraka : xšāyaϑiya : xšāyaϑiyānām
Line: 2 𐏐 𐎧𐏁𐎠𐎹𐎰𐎡𐎹 [𐏐] 𐎱𐎠𐎼𐎿𐎡𐎹 𐏐 𐎧𐏁𐎠𐎹𐎰𐎡𐎹 𐏐 𐎭𐏃[𐎹𐎢𐎴𐎠𐎶 𐏐] 𐎻𐏁𐎫/𐎠𐎿𐎱𐏃𐎹𐎠
: x-š-a-y-ϑ-i-y [:] p-a-r-s-i-y : x-š-a-y-ϑ-i-y : d-h-[y-u-n-a-m :] vi-š-t-/a-s-p-h-y-a
: xšāyaϑiya : Pārsaiy : xšāyaϑiya : dahyūnām : Vištāspahyā
Line: 3 𐏐 𐎱𐎢𐏂 𐏐 𐎠𐎼𐏁𐎠𐎶𐏃𐎹𐎠 𐏐 𐎴𐎱𐎠 𐏐 𐏃𐎧𐎠𐎶𐎴𐎡𐏁[𐎡𐎹 !! 𐏐 𐎰]𐎠𐎫𐎡𐎹 𐏐
: p-u-ç : a-r-š-a-m-h-y-a : n-p-a : h-x-a-m-n-i-š-[i-y !! : ϑ]-a-t-i-y :
: puça : Aršāmahyā : napā : Haxāmanišiya !! : ϑātiy :
Line: 4 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐎻𐏁𐎫𐎠𐎿𐎱 𐏐 𐎻𐏁𐎫𐎠𐎿𐎱[𐏃𐎹𐎠 𐏐 𐎱𐎡𐎫]𐎠 𐏐 𐎠𐎼𐏁/𐎠𐎶
d-a-r-y-v-u-š : x-š-a-y-ϑ-i-y : m-n-a : p-i-t-a : vi-š-t-a-s-p : vi-š-t-a-s-p-[h-y-a : p-i-t]-a : a-r-š-/a-m
Dārayavauš : xšāyaϑiya : manā : pitā : Vištāspa : Vištāspahyā : pitā : Aršāma
Line: 5 𐏐 𐎠𐎼𐏁𐎠𐎶𐏃𐎹𐎠 𐏐 𐎱𐎡𐎫𐎠 𐏐 𐎠𐎼𐎡𐎹𐎠𐎼𐎶𐎴 𐏐 𐎠𐎼𐎡𐎹𐎠𐎼𐎶𐎴𐏃𐎹𐎠 𐏐 𐎱𐎡𐎫[𐎠 𐏐 𐎨𐎡𐏁𐎱𐎡𐏁] 𐏐 𐎨𐎡𐏁𐎱/𐎠𐎡𐏁
: a-r-š-a-m-h-y-a : p-i-t-a : a-r-i-y-a-r-m-n : a-r-i-y-a-r-m-n-h-y-a : p-i-t-[a : c-i-š-p-i-š] : c-i-š-p-/a-i-š
: Aršāmahyā : pitā : Ariyāramna : Ariyāramnahyā : pitā : Cišpaiš : Cišpāiš
Line: 6 𐏐 𐎱𐎡𐎫𐎠 𐏐 𐏃𐎧𐎠𐎶𐎴𐎡𐏁 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹[𐎰𐎡𐎹 𐏐 𐎠𐎺]𐏃𐎹𐎼𐎠/𐎮𐎡𐎹
: p-i-t-a : h-x-a-m-n-i-š !! : ϑ-a-t-i-y : d-a-r-y-v-u-š : x-š-a-y-[ϑ-i-y : a-v]-h-y-r-a-/di-i-y
: pitā : Haxāmaniš !! : ϑātiy : Dārayavauš : xšāyaϑiya : avahyarādiy
Line: 7 𐏐 𐎺𐎹𐎶 𐏐 𐏃𐎧𐎠𐎶𐎴𐎡𐏁𐎡𐎹𐎠 𐏐 𐎰𐏃𐎹𐎠𐎶𐏃𐎹 𐏐 𐏃𐎨𐎠 𐏐 𐎱𐎽𐎢𐎻[𐎡𐎹𐎫 𐏐] 𐎠𐎶𐎠𐎫𐎠 𐏐 𐎠𐎶/𐏃𐎹
: v-y-m : h-x-a-m-n-i-š-i-y-a : ϑ-h-y-a-m-h-y : h-c-a : p-ru-u-vi-[i-y-t :] a-m-a-t-a : a-m-/h-y
: vayam : Haxāmanišiyā : ϑahyāmahy : hacā : paruviyata : āmātā : amahy
Line: 8 𐏐 𐏃𐎨𐎠 𐏐 𐎱𐎽𐎢𐎻𐎡𐎹𐎫 𐏐 𐏃𐎹𐎠 𐏐 𐎠𐎶𐎠𐎧𐎶 𐏐 𐎫𐎢𐎶𐎠 𐏐 𐎧𐏁𐎠𐎹[𐎰𐎡𐎹𐎠 𐏐 𐎠]𐏃 !! 𐏐 𐎰/𐎠𐎫𐎡𐎹
: h-c-a : p-ru-u-vi-i-y-t : h-y-a : a-m-a-x-m : t-u-m-a : x-š-a-y-[ϑ-i-y-a : a]-h !! : ϑ-/a-t-i-y
: hacā : paruviyata : hyā : amāxam : taumā : xšāyaϑiyā : āha !! : ϑātiy
Line: 9 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐏒𐏒𐏒𐏒 𐏐 𐎶𐎴𐎠 𐏐 𐎫𐎢𐎶𐎠𐎹[𐎠 𐏐 𐎫𐎹𐎡]𐎹 𐏐 [𐎱]𐎽𐎢𐎺𐎶
: d-a-r-y-v-u-š : x-š-a-y-ϑ-i-y : 2-2-2-2 : m-n-a : t-u-m-a-y-[a : t-y-i]-y : [p]-ru-u-v-m
: Dārayavauš : xšāyaϑiya : 8 : manā : taumāyā : tyaiy : paruvam
Line: 10 𐏐 𐎧𐏁𐎠𐎹𐎰𐎡𐎹𐎠 𐏐 𐎠𐏃 𐏐 𐎠𐎭𐎶 𐏐 𐎴𐎺𐎶 𐏐 𐏒𐏒𐏒𐏒𐏑 𐏐 𐎯𐎢𐎻𐎡𐎫𐎠𐎱𐎼𐎴𐎶 [𐏐 𐎺𐎹𐎶 𐏐] 𐎧𐏁𐎠𐎹𐎰𐎡/𐎹𐎠
: x-š-a-y-ϑ-i-y-a : a-h : a-d-m : n-v-m : 2-2-2-2-1 : du-u-vi-i-t-a-p-r-n-m [: v-y-m :] x-š-a-y-ϑ-i-/y-a
: xšāyaϑiyā : āha : adam : navama : 9 : duvitāparanam : vayam : xšāyaϑiyā
Line: 11 𐏐 𐎠𐎶𐏃𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺[𐏁𐎴𐎠 𐏐] 𐎠𐎢𐎼𐎶𐏀𐎭/𐎠𐏃
: a-m-h-y !! : ϑ-a-t-i-y : d-a-r-y-v-u-š : x-š-a-y-ϑ-i-y : v-[š-n-a :] a-u-r-m-z-d-/a-h
: amahy !! : ϑātiy : Dārayavauš : xšāyaϑiya : vašnā : Auramazdāha
Line: 12 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐎷𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎧𐏁𐏂𐎶 𐏐 𐎶𐎴𐎠 [𐏐 𐎳𐎼]𐎠𐎲𐎼 !! 𐏐 𐎰/𐎠𐎫𐎡𐎹
: a-d-m : x-š-a-y-ϑ-i-y : a-mi-i-y : a-u-r-m-z-d-a : x-š-ç-m : m-n-a [: f-r]-a-b-r !! : ϑ-/a-t-i-y
: adam : xšāyaϑiya : amiy : Auramazdā : xšaçam : manā : frābara !! : ϑātiy
Line: 13 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶𐎠 𐏐 𐎭𐏃𐎹𐎠𐎺 𐏐 𐎫𐎹𐎠 𐏐 𐎶𐎴𐎠 [𐏐 𐎱𐎫]𐎡𐎹𐎠𐎡𐏁 𐏐 𐎺𐏁𐎴/𐎠
: d-a-r-y-v-u-š : x-š-a-y-ϑ-i-y : i-m-a : d-h-y-a-v : t-y-a : m-n-a [: p-t]-i-y-a-i-š : v-š-n-/a
: Dārayavauš : xšāyaϑiya : imā : dahyāva : tyā : manā : patiyāiša : vašnā
Line: 14 𐏐 𐎠𐎢𐎼𐎶𐏀𐎭𐎠𐏃 𐏐 [𐎠]𐎭𐎶𐏁𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐏃𐎶 𐏐 𐎱𐎠𐎼𐎿 𐏐 𐎢𐎺𐎩 [𐏐 𐎲]𐎠𐎲𐎡𐎽𐎢𐏁 𐏐 𐎠/𐎰𐎢𐎼𐎠
: a-u-r-m-z-d-a-h : [a]-d-m-š-a-m : x-š-a-y-ϑ-i-y : a-h-m : p-a-r-s : u-v-j [: b]-a-b-i-ru-u-š : a-/ϑ-u-r-a
: Auramazdāha : adamšām : xšāyaϑiya : āham : Pārsa : Ūvja : Bābirauš : Aϑurā
Line: 15 𐏐 𐎠𐎼𐎲𐎠𐎹 [𐏐] 𐎸𐎢𐎭𐎼𐎠𐎹 𐏐 𐎫𐎹𐎡𐎹 𐏐 𐎭𐎼𐎹𐏃𐎹𐎠 𐏐 𐎿𐎱𐎼𐎭 𐏐 𐎹𐎢𐎴 [𐏐 𐎶𐎠𐎭] 𐏐 𐎠𐎼𐎷𐎡𐎴 𐏐 𐎣𐎫/𐎱𐎬𐎢𐎣
: a-r-b-a-y [:] mu-u-d-r-a-y : t-y-i-y : d-r-y-h-y-a : s-p-r-d : y-u-n [: m-a-d] : a-r-mi-i-n : k-t-/p-tu-u-k
: Arabāya : Mudrāya : tyaiy : drayahyā : Sparda : Yauna : Māda : Armina : Katpatuka
Line: 16 𐏐 𐎱𐎼𐎰𐎺 𐏐 𐏀𐎼𐎣 𐏐 𐏃𐎼𐎡𐎺 𐏐 𐎢𐎺𐎠𐎼𐏀𐎷𐎡𐎹 𐏐 𐎲𐎠𐎧𐎫𐎼𐎡𐏁 𐏐 [𐎿𐎢𐎦]𐎢𐎭 𐏐 𐎥𐎭𐎠𐎼 𐏐 𐎿/𐎣
: p-r-ϑ-v : z-r-k : h-r-i-v : u-v-a-r-z-mi-i-y : b-a-x-t-r-i-š : [s-u-gu]-u-d : g-d-a-r : s-/k
: Parϑava : Zraka : Haraiva : Uvārazmīy : Bāxtriš : Suguda : Gadāra : Saka
Line: 17 𐏐 𐎰𐎫𐎦𐎢𐏁 𐏐 𐏃[𐎼]𐎢𐎺𐎫𐎡𐏁 𐏐 𐎶𐎣 𐏐 𐎳𐎼𐏃𐎼𐎺𐎶 𐏐 𐎭𐏃𐎹𐎠𐎺 𐏐 𐏔𐏒𐏑 !! 𐏐 𐎰𐎠𐎫𐎡𐎹 𐏐 𐎭𐎠𐎼/𐎹𐎺𐎢𐏁
: ϑ-t-gu-u-š : h-[r]-u-v-t-i-š : m-k : f-r-h-r-v-m : d-h-y-a-v : 20-2-1 !! : ϑ-a-t-i-y : d-a-r-/y-v-u-š
: Θataguš : Harauvatiš : Maka : fraharavam : dahyāva : 23 !! : ϑātiy : Dārayavauš
Line: 18 𐏐 𐎧𐏁𐎠𐎹𐎰𐎡𐎹 𐏐 𐎡𐎶𐎠 𐏐 𐎭𐏃𐎹𐎠𐎺 𐏐 𐎫𐎹𐎠 𐏐 𐎶𐎴𐎠 𐏐 𐎱𐎫𐎡[𐎹𐎠𐎡𐏁] 𐏐 𐎺𐏁𐎴𐎠 𐏐 𐎠𐎢/𐎼𐎶𐏀𐎭𐎠𐏃
: x-š-a-y-ϑ-i-y : i-m-a : d-h-y-a-v : t-y-a : m-n-a : p-t-i-[y-a-i-š] : v-š-n-a : a-u-/r-m-z-d-a-h
: xšāyaϑiya : imā : dahyāva : tyā : manā : patiyāiša : vašnā : Auramazdāha
Line: 19 𐏐 𐎶[𐎴]𐎠 𐏐 𐎲𐎭𐎣𐎠 𐏐 𐎠𐏃𐎫𐎠 𐏐 𐎶𐎴𐎠 𐏐 𐎲𐎠𐎪𐎡𐎶 𐏐 𐎠𐎲𐎼𐎫𐎠 [𐏐 𐎫𐎹]𐏁𐎠𐎶 𐏐 𐏃𐎨𐎠𐎶
: m-[n]-a : b-d-k-a : a-h-t-a : m-n-a : b-a-ji-i-m : a-b-r-t-a [: t-y]-š-a-m : h-c-a-m
: manā : badakā : āhatā : manā : bājim : abaratā : tyašām : hacāma
Line: 20 𐏐 𐎠𐎰𐏃𐎹 𐏐 𐎧𐏁𐎱𐎺𐎠 𐏐 𐎼𐎢𐎨𐎱𐎫𐎡𐎺𐎠 𐏐 𐎠𐎺 𐏐 𐎠𐎤𐎢𐎴𐎺𐎹𐎫𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺/𐎢𐏁
: a-ϑ-h-y : x-š-p-v-a : r-u-c-p-t-i-v-a : a-v : a-ku-u-n-v-y-t-a !! : ϑ-a-t-i-y : d-a-r-y-v-/u-š
: aϑahya : xšapavā : raucapativā : ava : akunavayatā !! : ϑātiy : Dārayavauš
Line: 21 𐏐 𐎧𐏁𐎠𐎹𐎰𐎡𐎹 𐏐 𐎠𐎫𐎼 𐏐 𐎡𐎶𐎠 𐏐 𐎭𐏃𐎹𐎠𐎺 𐏐 𐎶𐎼𐎫𐎡𐎹 𐏐 𐏃𐎹 𐏐 𐎠𐎥𐎼𐎡𐎹 𐏐 𐎠𐏃 𐏐 𐎠𐎺𐎶 𐏐 𐎢/𐎲𐎼𐎫𐎶
: x-š-a-y-ϑ-i-y : a-t-r : i-m-a : d-h-y-a-v : m-r-t-i-y : h-y : a-g-r-i-y : a-h : a-v-m : u-/b-r-t-m
: xšāyaϑiya : atar : imā : dahyāva : martiya : hya : āgariya : āha : avam : ubartam
Line: 22 𐏐 𐎠𐎲𐎼𐎶 (𐏐) 𐏃𐎹 𐏐 𐎠𐎼𐎡𐎣 𐏐 𐎠𐏃 𐏐 𐎠𐎺𐎶 𐏐 𐎢𐎳𐎼𐎿𐎫𐎶 𐏐 𐎠𐎱𐎼𐎿𐎶 𐏐 𐎺𐏁𐎴[𐎠] 𐏐 𐎠𐎢𐎼𐎶𐏀𐎭𐎠/𐏃
: a-b-r-m (:) h-y : a-r-i-k : a-h : a-v-m : u-f-r-s-t-m : a-p-r-s-m : v-š-n-[a] : a-u-r-m-z-d-a-/h
: abaram : hya : arika : āha : avam : ufrastam : aparsam : vašnā : Auramazdāha
Line: 23 𐏐 𐎡𐎶𐎠 𐏐 𐎭𐏃𐎹𐎠𐎺 𐏐 𐎫𐎹𐎴𐎠 𐏐 𐎶𐎴𐎠 𐏐 𐎭𐎠𐎫𐎠 𐏐 𐎠𐎱𐎼𐎡𐎹𐎠𐎹 𐏐 𐎹𐎰𐎠𐏁𐎠𐎶 𐏐 𐏃𐎨𐎠𐎶 𐏐 𐎠𐎰𐏃/𐎹
: i-m-a : d-h-y-a-v : t-y-n-a : m-n-a : d-a-t-a : a-p-r-i-y-a-y : y-ϑ-a-š-a-m : h-c-a-m : a-ϑ-h-/y
: imā : dahyāva : tyanā : manā : dātā : apariyāya : yaϑāšām : hacāma : aϑahya
Line: 24 𐏐 [𐎠]𐎺𐎰𐎠 𐏐 𐎠𐎤𐎢𐎴𐎺𐎹𐎫𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎠𐎢𐎼𐎶𐏀𐎭𐎠/𐎶[𐎡𐎹
: [a]-v-ϑ-a : a-ku-u-n-v-y-t-a !! : ϑ-a-t-i-y : d-a-r-y-v-u-š : x-š-a-y-ϑ-i-y : a-u-r-m-z-d-a-/m-[i-y
: avaϑā : akunavayatā !! : ϑātiy : Dārayavauš : xšāyaϑiya : Auramazdāmaiy
Line: 25 𐏐] 𐎡𐎶 𐏐 𐎧𐏁𐏂𐎶 𐏐 𐎳𐎼𐎠𐎲𐎼 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎹𐎠𐎫𐎠 𐏐 𐎡𐎶 𐏐 𐎧𐏁𐏂𐎶 𐏐
:] i-m : x-š-ç-m : f-r-a-b-r : a-u-r-m-z-d-a-m-i-y : u-p-s-t-a-m : a-b-r : y-a-t-a : i-m : x-š-ç-m :
: ima : xšaçam : frābara : Auramazdāmaiy : upastām : abara : yātā : ima : xšaçam :
Line: 26 𐏃[𐎶]𐎭𐎠𐎼𐎹𐎡[𐎹] 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎡𐎶 𐏐 𐎧𐏁𐏂𐎶 𐏐 𐎭𐎠𐎼𐎹𐎠𐎷𐎡𐎹 !! 𐏐 𐎰𐎠/𐎫𐎡𐎹
h-[m]-d-a-r-y-i-[y] : v-š-n-a : a-u-r-m-z-d-a-h : i-m : x-š-ç-m : d-a-r-y-a-mi-i-y !! : ϑ-a-/t-i-y
hamadārayaiy : vašnā : Auramazdāha : ima : xšaçam : dārayāmiy !! : ϑātiy
Line: 27 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫𐎶 𐏐 𐎱𐎿𐎠𐎺 𐏐 𐎹𐎰𐎠 𐏐 𐎧𐏁/𐎠𐎹𐎰𐎡𐎹
: d-a-r-y-v-u-š : x-š-a-y-ϑ-i-y : i-m : t-y : m-n-a : k-r-t-m : p-s-a-v : y-ϑ-a : x-š-/a-y-ϑ-i-y
: Dārayavauš : xšāyaϑiya : ima : tya : manā : kartam : pasāva : yaϑā : xšāyaϑiya
Line: 28 𐏐 𐎠𐎲𐎺𐎶 𐏐 𐎣𐎲𐎢𐎪𐎡𐎹 𐏐 𐎴𐎠𐎶 𐏐 𐎤𐎢𐎼𐎢𐏁 𐏐 𐎱𐎢𐏂 𐏐 𐎠𐎶𐎠𐎧𐎶 𐏐 𐎫𐎢𐎶𐎠𐎹/𐎠
: a-b-v-m : k-b-u-ji-i-y : n-a-m : ku-u-r-u-š : p-u-ç : a-m-a-x-m : t-u-m-a-y-/a
: abavam : Kabūjiya : nāma : Kūrauš : puça : amāxam : taumāyā
Line: 29 𐏐 𐏃[𐎢𐎺] 𐏐 (𐎱𐎽)𐎢𐎺𐎶 𐏐 𐎡𐎭𐎠 𐏐 𐎧𐏁𐎠𐎹𐎰𐎡𐎹 𐏐 𐎠𐏃 𐏐 𐎠𐎺𐏃𐎹𐎠 𐏐 𐎣𐎲𐎢𐎪𐎡𐎹𐏃𐎹𐎠 𐏐 𐎲𐎼𐎠/𐎫[𐎠
: h-[u-v] : (p-ru)-u-v-m : i-d-a : x-š-a-y-ϑ-i-y : a-h : a-v-h-y-a : k-b-u-ji-i-y-h-y-a : b-r-a-/t-[a
: hauv : paruvam : idā : xšāyaϑiya : āha : avahyā : Kabūjiyahyā : brātā
Line: 30 𐏐 𐎲𐎼𐎮𐎡]𐎹 𐏐 𐎴𐎠𐎶 𐏐 𐎠𐏃 𐏐 𐏃𐎶𐎠𐎫𐎠 𐏐 𐏃𐎶𐎱𐎡𐎫𐎠 𐏐 𐎣𐎲𐎢𐎪𐎡𐎹𐏃𐎹𐎠 𐏐 𐎱𐎿𐎠𐎺 𐏐 𐎣/𐎲[𐎢𐎪𐎡𐎹
: b-r-di-i]-y : n-a-m : a-h : h-m-a-t-a : h-m-p-i-t-a : k-b-u-ji-i-y-h-y-a : p-s-a-v : k-/b-[u-ji-i-y
: Bardiya : nāma : āha : hamātā : hamapitā : Kabūjiyahyā : pasāva : Kabūjiya
Line: 31 𐏐] 𐎠𐎺𐎶 𐏐 𐎲𐎼𐎮𐎡𐎹𐎶 𐏐 𐎠𐎺𐎠𐎩 𐏐 𐎹𐎰𐎠 𐏐 𐎣𐎲𐎢𐎪𐎡𐎹 𐏐 𐎲𐎼𐎮𐎡𐎹𐎶 𐏐 𐎠𐎺𐎠𐎩 𐏐 𐎣𐎠𐎼𐏃𐎹/[𐎠
:] a-v-m : b-r-di-i-y-m : a-v-a-j : y-ϑ-a : k-b-u-ji-i-y : b-r-di-i-y-m : a-v-a-j : k-a-r-h-y-/[a
: avam : Bardiyam : avāja : yaϑā : Kabūjiya : Bardiyam : avāja : kārahyā
Line: 32 𐏐 𐎴𐎡𐎹 𐏐] 𐎠𐏀𐎭𐎠 𐏐 𐎠𐎲𐎺 𐏐 𐎫𐎹 𐏐 𐎲𐎼𐎮𐎡𐎹 𐏐 𐎠𐎺𐎩𐎫 𐏐 𐎱𐎿𐎠𐎺 𐏐 𐎣𐎲𐎢𐎪𐎡𐎹 𐏐 𐎸𐎢𐎭𐎼𐎠𐎹𐎶
: n-i-y :] a-z-d-a : a-b-v : t-y : b-r-di-i-y : a-v-j-t : p-s-a-v : k-b-u-ji-i-y : mu-u-d-r-a-y-m
: naiy : azdā : abava : tya : Bardiya : avajata : pasāva : Kabūjiya : Mudrāyam
Line: 33 [ 𐏐 𐎠𐏁𐎡𐎹]𐎺 𐏐 𐎹𐎰𐎠 𐏐 𐎣𐎲𐎢𐎪𐎡𐎹 𐏐 𐎸𐎢𐎭𐎼𐎠𐎹𐎶 𐏐 𐎠𐏁𐎡𐎹𐎺 𐏐 𐎱𐎿𐎠𐎺 𐏐 𐎣𐎠𐎼 𐏐 𐎠𐎼𐎡𐎣 𐏐 𐎠𐎲𐎺
[ : a-š-i-y]-v : y-ϑ-a : k-b-u-ji-i-y : mu-u-d-r-a-y-m : a-š-i-y-v : p-s-a-v : k-a-r : a-r-i-k : a-b-v
: ašiyava : yaϑā : Kabūjiya : Mudrāyam : ašiyava : pasāva : kāra : arika : abava
Line: 34 [𐏐 𐎢𐎫𐎠] 𐏐 𐎭𐎼𐎢𐎥 𐏐 𐎭𐏃𐎹𐎢𐎺𐎠 𐏐 𐎺𐎿𐎡𐎹 𐏐 𐎠𐎲𐎺 𐏐 𐎢𐎫𐎠 𐏐 𐎱𐎠𐎼𐎿𐎡𐎹 𐏐 𐎢𐎫𐎠 𐏐 𐎶𐎠𐎭𐎡𐎹 𐏐 𐎢𐎫/[𐎠
[: u-t-a] : d-r-u-g : d-h-y-u-v-a : v-s-i-y : a-b-v : u-t-a : p-a-r-s-i-y : u-t-a : m-a-d-i-y : u-t-/[a
: utā : drauga : dahyauvā : vasiy : abava : utā : Pārsaiy : utā : Mādaiy : utā
Line: 35 𐏐 𐎠]𐎴𐎡𐎹𐎠𐎢𐎺𐎠 𐏐 𐎭𐏃𐎹𐎢𐏁𐎢𐎺𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱/[𐎿𐎠𐎺]
: a]-n-i-y-a-u-v-a : d-h-y-u-š-u-v-a !! : ϑ-a-t-i-y : d-a-r-y-v-u-š : x-š-a-y-ϑ-i-y : p-/[s-a-v]
: aniyāuvā : dahyušuvā !! : ϑātiy : Dārayavauš : xšāyaϑiya : pasāva
Line: 36 𐏐 𐏑 𐎶𐎼𐎫𐎡𐎹 𐏐 𐎶𐎦𐎢𐏁 𐏐 𐎠𐏃 𐏐 𐎥𐎢𐎶𐎠𐎫 𐏐 𐎴𐎠𐎶 𐏐 𐏃𐎢𐎺 𐏐 𐎢𐎭𐎱𐎫𐎫𐎠 𐏐 𐏃𐎨𐎠 𐏐 𐎱𐎡𐏁𐎡/[𐎹𐎠]𐎢𐎺𐎠𐎭𐎠𐎹𐎠
: 1 m-r-t-i-y : m-gu-u-š : a-h : g-u-m-a-t : n-a-m : h-u-v : u-d-p-t-t-a : h-c-a : p-i-š-i-/[y-a]-u-v-a-d-a-y-a
: 1 martiya : maguš : āha : Gaumāta : nāma : hauv : udapatatā : hacā : Paišiyāuvādāyā
Line: 37 𐏐 𐎠𐎼𐎣𐎭𐎼𐎡𐏁 𐏐 𐎴𐎠𐎶 𐏐 𐎣𐎢𐎳 𐏐 𐏃𐎨𐎠 𐏐 𐎠𐎺𐎭𐏁 𐏐 𐎻𐎡𐎹𐎧𐎴𐏃𐎹 𐏐 𐎶𐎠𐏃/[𐎹]𐎠
: a-r-k-d-r-i-š : n-a-m : k-u-f : h-c-a : a-v-d-š : vi-i-y-x-n-h-y : m-a-h-/[y]-a
: Arakadriš : nāma : kaufa : hacā : avadaša : Viyaxnahya : māhyā
Line: 38 𐏐 𐏓𐏒𐏒 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎹𐎮𐎡𐎹 𐏐 𐎢𐎭𐎱𐎫𐎫𐎠 𐏐 𐏃𐎢𐎺 𐏐 𐎣𐎠𐎼𐏃𐎹𐎠 𐏐 𐎠𐎺𐎰𐎠
: 10-2-2 : r-u-c-b-i-š : ϑ-k-t-a : a-h : y-di-i-y : u-d-p-t-t-a : h-u-v : k-a-r-h-y-a : a-v-ϑ-a
: 14 : raucabiš : ϑakatā : āha : yadiy : udapatatā : hauv : kārahyā : avaϑā
Line: 39 [𐏐 𐎠]𐎯𐎢𐎽𐎢𐎪𐎡𐎹 𐏐 𐎠𐎭𐎶 𐏐 𐎲𐎼𐎮𐎡𐎹 𐏐 𐎠𐎷𐎡𐎹 𐏐 𐏃𐎹 𐏐 𐎤𐎢𐎼𐎢𐏁 𐏐 𐎱𐎢𐏂 𐏐 𐎣𐎲𐎢𐎪𐎡𐎹𐏃𐎹𐎠 𐏐 𐎲𐎼/[𐎠]𐎫𐎠
[: a]-du-u-ru-u-ji-i-y : a-d-m : b-r-di-i-y : a-mi-i-y : h-y : ku-u-r-u-š : p-u-ç : k-b-u-ji-i-y-h-y-a : b-r-/[a]-t-a
: adurujiya : adam : Bardiya : amiy : hya : Kūrauš : puça : Kabūjiyahyā : brātā
Line: 40 𐏐 𐎱𐎿𐎠𐎺 𐏐 𐎣𐎠𐎼 𐏐 𐏃𐎽𐎢𐎺 𐏐 𐏃𐎷𐎡𐏂𐎡𐎹 𐏐 𐎠𐎲𐎺 𐏐 𐏃𐎨𐎠 𐏐 𐎣𐎲𐎢𐎪𐎡𐎹𐎠 𐏐 𐎠𐎲𐎡𐎹 𐏐 𐎠𐎺𐎶 𐏐
: p-s-a-v : k-a-r : h-ru-u-v : h-mi-i-ç-i-y : a-b-v : h-c-a : k-b-u-ji-i-y-a : a-b-i-y : a-v-m :
: pasāva : kāra : haruva : hamiçiya : abava : hacā : Kabūjiyā : abiy : avam :
Line: 41 [𐎠]𐏁𐎡𐎹𐎺 𐏐 𐎢𐎫𐎠 𐏐 𐎱𐎠𐎼𐎿 𐏐 𐎢𐎫𐎠 𐏐 𐎶𐎠𐎭 𐏐 𐎢𐎫𐎠 𐏐 𐎠𐎴𐎡𐎹𐎠 𐏐 𐎭𐏃𐎹𐎠𐎺 𐏐 𐎧𐏁𐏂𐎶 𐏐 𐏃𐎢𐎺
[a]-š-i-y-v : u-t-a : p-a-r-s : u-t-a : m-a-d : u-t-a : a-n-i-y-a : d-h-y-a-v : x-š-ç-m : h-u-v
ašiyava : utā : Pārsa : utā : Māda : utā : aniyā : dahyāva : xšaçam : hauv
Line: 42 𐏐 𐎠𐎥𐎼𐎲𐎠𐎹𐎫𐎠 𐏐 𐎥𐎼𐎶𐎱𐎭𐏃𐎹 𐏐 𐎶𐎠𐏃𐎹𐎠 𐏐 𐏒𐏒𐏒𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠 𐏐 𐎧𐏁/𐏂𐎶
: a-g-r-b-a-y-t-a : g-r-m-p-d-h-y : m-a-h-y-a : 2-2-2-2-1 : r-u-c-b-i-š : ϑ-k-t-a : a-h : a-v-ϑ-a : x-š-/ç-m
: agarbāyatā : Garmapadahya : māhyā : 9 : raucabiš : ϑakatā : āha : avaϑā : xšaçam
Line: 43 𐏐 𐎠𐎥𐎼𐎲𐎠𐎹𐎫𐎠 𐏐 𐎱𐎿𐎠𐎺 𐏐 𐎣𐎲𐎢𐎪𐎡𐎹 𐏐 𐎢𐎺𐎠𐎶𐎼𐏁𐎡𐎹𐎢𐏁 𐏐 𐎠𐎶𐎼𐎡𐎹𐎫𐎠 !! 𐏐 𐎰𐎠𐎫𐎡𐎹
: a-g-r-b-a-y-t-a : p-s-a-v : k-b-u-ji-i-y : u-v-a-m-r-š-i-y-u-š : a-m-r-i-y-t-a !! : ϑ-a-t-i-y
: agarbāyatā : pasāva : Kabūjiya : uvāmaršiyuš : amariyatā !! : ϑātiy
Line: 44 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎠𐎡𐎫 𐏐 𐎧𐏁𐏂𐎶 𐏐 𐎫𐎹 𐏐 𐎥𐎢𐎶𐎠𐎫 𐏐 𐏃𐎹 𐏐 𐎶𐎦𐎢𐏁 𐏐 𐎠𐎮𐎡𐎴/𐎠
: d-a-r-y-v-u-š : x-š-a-y-ϑ-i-y : a-i-t : x-š-ç-m : t-y : g-u-m-a-t : h-y : m-gu-u-š : a-di-i-n-/a
: Dārayavauš : xšāyaϑiya : aita : xšaçam : tya : Gaumāta : hya : maguš : adīnā
Line: 45 𐏐 𐎣𐎲𐎢𐎪𐎡𐎹𐎶 𐏐 𐎠𐎡𐎫 𐏐 𐎧𐏁𐏂𐎶 𐏐 𐏃𐎨𐎠 𐏐 𐎱𐎽𐎢𐎻𐎡𐎹𐎫 𐏐 𐎠𐎶𐎠𐎧𐎶 𐏐 𐎫𐎢𐎶𐎠𐎹𐎠 𐏐 𐎠/𐏃
: k-b-u-ji-i-y-m : a-i-t : x-š-ç-m : h-c-a : p-ru-u-vi-i-y-t : a-m-a-x-m : t-u-m-a-y-a : a-/h
: Kabūjiyam : aita : xšaçam : hacā : paruviyata : amāxam : taumāyā : āha
Line: 46 𐏐 𐎱𐎿𐎠𐎺 𐏐 𐎥𐎢𐎶𐎠𐎫 𐏐 𐏃𐎹 𐏐 𐎶𐎦𐎢𐏁 𐏐 𐎠𐎮𐎡𐎴𐎠 𐏐 𐎣𐎲𐎢𐎪𐎡𐎹𐎶 𐏐 𐎢𐎫𐎠 𐏐 𐎱𐎠𐎼𐎿𐎶 𐏐 𐎢𐎫𐎠
: p-s-a-v : g-u-m-a-t : h-y : m-gu-u-š : a-di-i-n-a : k-b-u-ji-i-y-m : u-t-a : p-a-r-s-m : u-t-a
: pasāva : Gaumāta : hya : maguš : adīnā : Kabūjiyam : utā : Pārsam : utā
Line: 47 𐏐 𐎶𐎠𐎭𐎶 𐏐 𐎢𐎫𐎠 𐏐 𐎠𐎴𐎡𐎹𐎠 𐏐 𐎭𐏃𐎹𐎠𐎺 𐏐 𐏃𐎢𐎺 𐏐 𐎠𐎹𐎿𐎫𐎠 𐏐 𐎢𐎺𐎠𐎡𐎱𐏁𐎡𐎹𐎶 𐏐 𐎠𐎤𐎢𐎫𐎠 𐏐 𐏃𐎢/𐎺
: m-a-d-m : u-t-a : a-n-i-y-a : d-h-y-a-v : h-u-v : a-y-s-t-a : u-v-a-i-p-š-i-y-m : a-ku-u-t-a : h-u-/v
: Mādam : utā : aniyā : dahyāva : hauv : āyasatā : uvāpašiyam : akutā : hauv
Line: 48 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎴𐎡𐎹 𐏐 𐎠𐏃 𐏐 𐎶𐎼𐎫𐎡𐎹 𐏐
: x-š-a-y-ϑ-i-y : a-b-v !! : ϑ-a-t-i-y : d-a-r-y-v-u-š : x-š-a-y-ϑ-i-y : n-i-y : a-h : m-r-t-i-y :
: xšāyaϑiya : abava !! : ϑātiy : Dārayavauš : xšāyaϑiya : naiy : āha : martiya :
Line: 49 𐎴𐎡𐎹 𐏐 𐎱𐎠𐎼𐎿 𐏐 𐎴𐎡𐎹 𐏐 𐎶𐎠𐎭 𐏐 𐎴𐎡𐎹 𐏐 𐎠𐎶𐎠𐎧𐎶 𐏐 𐎫𐎢𐎶𐎠𐎹𐎠 𐏐 𐎣𐏁𐎨𐎡𐎹 𐏐 𐏃𐎹 𐏐 𐎠𐎺𐎶 𐏐 𐎥𐎢/𐎶𐎠𐎫𐎶
n-i-y : p-a-r-s : n-i-y : m-a-d : n-i-y : a-m-a-x-m : t-u-m-a-y-a : k-š-c-i-y : h-y : a-v-m : g-u-/m-a-t-m
naiy : Pārsa : naiy : Māda : naiy : amāxam : taumāyā : kašciy : hya : avam : Gaumātam
Line: 50 𐏐 𐎫𐎹𐎶 𐏐 𐎶𐎦𐎢𐎶 𐏐 𐎧𐏁𐏂𐎶 𐏐 𐎮𐎡𐎫𐎶 𐏐 𐎨𐎧𐎼𐎡𐎹𐎠 𐏐 𐎣𐎠𐎼𐏁𐎡𐎶 𐏐 𐏃𐎨𐎠 𐏐 𐎭𐎼𐏁𐎶 𐏐 𐎠/𐎫𐎼𐎿
: t-y-m : m-gu-u-m : x-š-ç-m : di-i-t-m : c-x-r-i-y-a : k-a-r-š-i-m : h-c-a : d-r-š-m : a-/t-r-s
: tyam : magum : xšaçam : dītam : caxriyā : kārašim : hacā : daršam : atarsa
Line: 51 𐏐 𐎣𐎠𐎼𐎶 𐏐 𐎺𐎿𐎡𐎹 𐏐 𐎠𐎺𐎠𐎩𐎴𐎡𐎹𐎠 𐏐 𐏃𐎹 𐏐 𐎱𐎼𐎴𐎶 𐏐 𐎲𐎼𐎮𐎡𐎹𐎶 𐏐 𐎠𐎭𐎠𐎴𐎠 𐏐 𐎠𐎺𐏃𐎹𐎼/𐎠𐎮𐎡𐎹
: k-a-r-m : v-s-i-y : a-v-a-j-n-i-y-a : h-y : p-r-n-m : b-r-di-i-y-m : a-d-a-n-a : a-v-h-y-r-/a-di-i-y
: kāram : vasiy : avājaniyā : hya : paranam : Bardiyam : adānā : avahyarādiy
Line: 52 𐏐 𐎣𐎠𐎼𐎶 𐏐 𐎠𐎺𐎠𐎩𐎴𐎡𐎹𐎠 𐏐 𐎶𐎠𐎫𐎹𐎶𐎠𐎶 𐏐 𐎧𐏁𐎴𐎠𐎿𐎠𐎫𐎡𐎹 𐏐 𐎫𐎹 𐏐 𐎠𐎭𐎶 𐏐 𐎴𐎡𐎹 𐏐 𐎲𐎼𐎮/𐎡𐎹
: k-a-r-m : a-v-a-j-n-i-y-a : m-a-t-y-m-a-m : x-š-n-a-s-a-t-i-y : t-y : a-d-m : n-i-y : b-r-di-/i-y
: kāram : avājaniyā : mātyamām : xšnāsātiy : tya : adam : naiy : Bardiya
Line: 53 𐏐 𐎠𐎷𐎡𐎹 𐏐 𐏃𐎹 𐏐 𐎤𐎢𐎼𐎢𐏁 𐏐 𐎱𐎢𐏂 𐏐 𐎣𐏁𐎨𐎡𐎹 𐏐 𐎴𐎡𐎹 𐏐 𐎠𐎭𐎼𐏁𐎴𐎢𐏁 𐏐 𐎨𐎡𐏁𐎨𐎡𐎹 𐏐 𐎰𐎿𐎫𐎴/𐎡𐎹
: a-mi-i-y : h-y : ku-u-r-u-š : p-u-ç : k-š-c-i-y : n-i-y : a-d-r-š-n-u-š : c-i-š-c-i-y : ϑ-s-t-n-/i-y
: amiy : hya : Kūrauš : puça : kašciy : naiy : adaršnauš : cišciy : ϑastanaiy
Line: 54 𐏐 𐎱𐎼𐎡𐎹 𐏐 𐎥𐎢𐎶𐎠𐎫𐎶 𐏐 𐎫𐎹𐎶 𐏐 𐎶𐎦𐎢𐎶 𐏐 𐎹𐎠𐎫𐎠 𐏐 𐎠𐎭𐎶 𐏐 𐎠𐎼𐎿𐎶 𐏐 𐎱𐎿𐎠𐎺 𐏐 𐎠𐎭𐎶 𐏐 𐎠𐎢𐎼/𐎶𐏀<𐎭>𐎠𐎶
: p-r-i-y : g-u-m-a-t-m : t-y-m : m-gu-u-m : y-a-t-a : a-d-m : a-r-s-m : p-s-a-v : a-d-m : a-u-r-/m-z-<d>-a-m
: pariy : Gaumātam : tyam : magum : yātā : adam : arasam : pasāva : adam : Auramaz<d>ām
Line: 55 𐏐 𐎱𐎫𐎡𐎹𐎠𐎺𐏃𐎹𐎡𐎹 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎲𐎠𐎥𐎹𐎠𐎭𐎡𐏁 𐏐
: p-t-i-y-a-v-h-y-i-y : a-u-r-m-z-d-a-m-i-y : u-p-s-t-a-m : a-b-r : b-a-g-y-a-d-i-š :
: patiyāvahyaiy : Auramazdāmaiy : upastām : abara : Bāgayādaiš :
Line: 56 𐎶𐎠𐏃𐎹𐎠 𐏐 𐏓 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠 𐏐 𐎠𐎭𐎶 𐏐 𐏃𐎭𐎠 𐏐 𐎣𐎶𐎴𐎡𐎲𐎡𐏁 𐏐 𐎶𐎼𐎫𐎡𐎹𐎡𐎲𐎡/𐏁
m-a-h-y-a : 10 : r-u-c-b-i-š : ϑ-k-t-a : a-h : a-v-ϑ-a : a-d-m : h-d-a : k-m-n-i-b-i-š : m-r-t-i-y-i-b-i-/š
māhyā : 10 : raucabiš : ϑakatā : āha : avaϑā : adam : hadā : kamnaibiš : martiyaibiš
Line: 57 𐏐 𐎠𐎺𐎶 𐏐 𐎥𐎢𐎶𐎠𐎫𐎶 𐏐 𐎫𐎹𐎶 𐏐 𐎶𐎦𐎢𐎶 𐏐 𐎠𐎺𐎠𐎩𐎴𐎶 𐏐 𐎢𐎫𐎠 𐏐 𐎫𐎹𐎡𐏁𐎡𐎹 𐏐 𐎳𐎼𐎫𐎶𐎠 𐏐 𐎶𐎼/𐎫𐎡𐎹𐎠
: a-v-m : g-u-m-a-t-m : t-y-m : m-gu-u-m : a-v-a-j-n-m : u-t-a : t-y-i-š-i-y : f-r-t-m-a : m-r-/t-i-y-a
: avam : Gaumātam : tyam : magum : avājanam : utā : tyaišaiy : fratamā : martiyā
Line: 58 𐏐 𐎠𐎵𐎢𐏁𐎡𐎹𐎠 𐏐 𐎠𐏃𐎫𐎠 𐏐 𐎿𐎡𐎣<𐎹>𐎢𐎺𐎫𐎡𐏁 𐏐 𐎴𐎠𐎶𐎠 𐏐 𐎮𐎡𐎭𐎠 𐏐 𐎴𐎡𐎿𐎠𐎹 𐏐 𐎴𐎠/𐎶𐎠
: a-nu-u-š-i-y-a : a-h-t-a : s-i-k-<y>-u-v-t-i-š : n-a-m-a : di-i-d-a : n-i-s-a-y : n-a-/m-a
: anušiyā : āhatā : Sikayauvatiš : nāmā : didā : Nisāya : nāmā
Line: 59 𐏐 𐎭𐏃𐎹𐎠𐎢𐏁 𐏐 𐎶𐎠𐎭𐎡𐎹 𐏐 𐎠𐎺𐎭𐏁𐎡𐎶 𐏐 𐎠𐎺𐎠𐎩𐎴𐎶 𐏐 𐎧𐏁𐏂𐎶𐏁𐎡𐎶 𐏐 𐎠𐎭𐎶 𐏐 𐎠𐎮𐎡𐎴𐎶 𐏐 𐎺/𐏁𐎴𐎠
: d-h-y-a-u-š : m-a-d-i-y : a-v-d-š-i-m : a-v-a-j-n-m : x-š-ç-m-š-i-m : a-d-m : a-di-i-n-m : v-/š-n-a
: dahyāuš : Mādaiy : avadašim : avājanam : xšaçamšim : adam : adīnam : vašnā
Line: 60 𐏐 𐎠𐎢𐎼𐎶𐏀𐎭𐎠𐏃 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺𐎶 𐏐 𐎠𐎢𐎼𐎶𐏀𐎭𐎠 𐏐 𐎧𐏁𐏂𐎶 𐏐 𐎶𐎴𐎠 𐏐 𐎳𐎼/𐎠𐎲𐎼
: a-u-r-m-z-d-a-h : a-d-m : x-š-a-y-ϑ-i-y : a-b-v-m : a-u-r-m-z-d-a : x-š-ç-m : m-n-a : f-r-/a-b-r
: Auramazdāha : adam : xšāyaϑiya : abavam : Auramazdā : xšaçam : manā : frābara
Line: 61 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐏂𐎶 𐏐 𐎫𐎹 𐏐 𐏃𐎨𐎠 𐏐 𐎠𐎶𐎠𐎧𐎶 𐏐 𐎫/𐎢𐎶𐎠𐎹𐎠
!! : ϑ-a-t-i-y : d-a-r-y-v-u-š : x-š-a-y-ϑ-i-y : x-š-ç-m : t-y : h-c-a : a-m-a-x-m : t-/u-m-a-y-a
!! : ϑātiy : Dārayavauš : xšāyaϑiya : xšaçam : tya : hacā : amāxam : taumāyā
Line: 62 𐏐 𐎱𐎼𐎠𐎲𐎼𐎫𐎶 𐏐 𐎠𐏃 𐏐 𐎠𐎺 𐏐 𐎠𐎭𐎶 𐏐 𐎱𐎫𐎡𐎱𐎭𐎶 𐏐 𐎠𐎤𐎢𐎴𐎺𐎶 𐏐 𐎠𐎭𐎶𐏁𐎡𐎶 𐏐 𐎥𐎠𐎰/𐎺𐎠
: p-r-a-b-r-t-m : a-h : a-v : a-d-m : p-t-i-p-d-m : a-ku-u-n-v-m : a-d-m-š-i-m : g-a-ϑ-/v-a
: parābartam : āha : ava : adam : patipadam : akunavam : adamšim : gāϑavā
Line: 63 𐏐 𐎠𐎺𐎠𐎿𐎫𐎠𐎹𐎶 𐏐 𐎹𐎰𐎠 𐏐 𐎱𐎽𐎢𐎺𐎶𐎨𐎡𐎹 𐏐 𐎠𐎺𐎰𐎠 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎠𐎹𐎭𐎴/𐎠
: a-v-a-s-t-a-y-m : y-ϑ-a : p-ru-u-v-m-c-i-y : a-v-ϑ-a : a-d-m : a-ku-u-n-v-m : a-y-d-n-/a
: avāstāyam : yaϑā : paruvamciy : avaϑā : adam : akunavam : āyadanā
Line: 64 𐏐 𐎫𐎹𐎠 𐏐 𐎥𐎢𐎶𐎠𐎫 𐏐 𐏃𐎹 𐏐 𐎶𐎦𐎢𐏁 𐏐 𐎻𐎡𐎹𐎣 𐏐 𐎠𐎭𐎶 𐏐 𐎴𐎡𐎹𐏂𐎠𐎼𐎹𐎶 𐏐 𐎣𐎠𐎼𐏃𐎹𐎠 𐏐 𐎠𐎲𐎡/𐎨𐎼𐎡𐏁
: t-y-a : g-u-m-a-t : h-y : m-gu-u-š : vi-i-y-k : a-d-m : n-i-y-ç-a-r-y-m : k-a-r-h-y-a : a-b-i-/c-r-i-š
: tyā : Gaumāta : hya : maguš : viyaka : adam : niyaçārayam : kārahyā : abicariš
Line: 65 𐏐 𐎥𐎡𐎰𐎠𐎶𐎨𐎠 𐏐 𐎶𐎠𐎴𐎡𐎹𐎶𐎨𐎠 𐏐 𐎻𐎰𐎲𐎡𐏁𐎨𐎠 𐏐 𐎫𐎹𐎠𐎮𐎡𐏁 𐏐 𐎥𐎢𐎶𐎠𐎫 𐏐 𐏃[𐎹 𐏐]
: g-i-ϑ-a-m-c-a : m-a-n-i-y-m-c-a : vi-ϑ-b-i-š-c-a : t-y-a-di-i-š : g-u-m-a-t : h-[y :]
: gaiϑāmcā : māniyamcā : viϑbišcā : tyādiš : Gaumāta : hya :
Line: 66 𐎶𐎦𐎢𐏁 𐏐 𐎠𐎮𐎡𐎴𐎠 𐏐 𐎠𐎭𐎶 𐏐 𐎣𐎠𐎼𐎶 𐏐 𐎥𐎠𐎰𐎺𐎠 𐏐 𐎠𐎺𐎠𐎿𐎫𐎠𐎹𐎶 𐏐 𐎱𐎠𐎼𐎿𐎶(𐎨)𐎠 𐏐 𐎶𐎠𐎭𐎶[𐎨]/𐎠
m-gu-u-š : a-di-i-n-a : a-d-m : k-a-r-m : g-a-ϑ-v-a : a-v-a-s-t-a-y-m : p-a-r-s-m-(c)-a : m-a-d-m-[c]-/a
maguš : adīnā : adam : kāram : gāϑavā : avāstāyam : Pārsamcā : Mādamcā
Line: 67 𐏐 𐎢𐎫𐎠 𐏐 𐎠𐎴𐎡𐎹𐎠 𐏐 𐎭𐏃𐎹𐎠𐎺 𐏐 𐎹𐎰𐎠 𐏐 𐎱𐎽𐎢𐎺𐎶𐎨𐎡𐎹 𐏐 𐎠𐎺𐎰𐎠 𐏐 𐎠𐎭𐎶 𐏐 𐎫𐎹 𐏐 𐎱𐎼𐎠𐎲[𐎼𐎫]/𐎶
: u-t-a : a-n-i-y-a : d-h-y-a-v : y-ϑ-a : p-ru-u-v-m-c-i-y : a-v-ϑ-a : a-d-m : t-y : p-r-a-b-[r-t]-/m
: utā : aniyā : dahyāva : yaϑā : paruvamciy : avaϑā : adam : tya : parābartam
Line: 68 𐏐 𐎱𐎫𐎡𐎹𐎠𐎲𐎼𐎶 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎡𐎶 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎠𐎭𐎶 𐏐 𐏃𐎶𐎫𐎧(𐏁)[𐎡𐎹 𐏐]
: p-t-i-y-a-b-r-m : v-š-n-a : a-u-r-m-z-d-a-h : i-m : a-d-m : a-ku-u-n-v-m : a-d-m : h-m-t-x-(š)-[i-y :]
: patiyābaram : vašnā : Auramazdāha : ima : adam : akunavam : adam : hamataxšaiy :
Line: 69 𐎹𐎠𐎫𐎠 𐏐 𐎻𐎰𐎶 𐏐 𐎫𐎹𐎠𐎶 𐏐 𐎠𐎶𐎠𐎧𐎶 𐏐 𐎥𐎠𐎰𐎺𐎠 𐏐 𐎠𐎺𐎠𐎿𐎫𐎠𐎹𐎶 𐏐 𐎹𐎰𐎠 𐏐 [𐎱𐎽]𐎢𐎺𐎶[𐎨𐎡]𐎹 𐏐
y-a-t-a : vi-ϑ-m : t-y-a-m : a-m-a-x-m : g-a-ϑ-v-a : a-v-a-s-t-a-y-m : y-ϑ-a : [p-ru]-u-v-m-[c-i]-y :
yātā : viϑam : tyām : amāxam : gāϑavā : avāstāyam : yaϑā : paruvamciy :
Line: 70 𐎠𐎺𐎰𐎠 𐏐 𐎠𐎭𐎶 𐏐 𐏃𐎶𐎫𐎧𐏁𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎹𐎰𐎠 𐏐 𐎥𐎢𐎶𐎠𐎫 𐏐 𐏃𐎹 𐏐 𐎶𐎦𐎢/𐏁
a-v-ϑ-a : a-d-m : h-m-t-x-š-i-y : v-š-n-a : a-u-r-m-z-d-a-h : y-ϑ-a : g-u-m-a-t : h-y : m-gu-u-/š
avaϑā : adam : hamataxšaiy : vašnā : Auramazdāha : yaϑā : Gaumāta : hya : maguš
Line: 71 𐏐 𐎻𐎰𐎶 𐏐 𐎫𐎹𐎠𐎶 𐏐 𐎠𐎶𐎠𐎧𐎶 𐏐 𐎴𐎡𐎹 𐏐 𐎱𐎼𐎠𐎲𐎼 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰/𐎡𐎹
: vi-ϑ-m : t-y-a-m : a-m-a-x-m : n-i-y : p-r-a-b-r !! : ϑ-a-t-i-y : d-a-r-y-v-u-š : x-š-a-y-ϑ-/i-y
: viϑam : tyām : amāxam : naiy : parābara !! : ϑātiy : Dārayavauš : xšāyaϑiya
Line: 72 𐏐 𐎡𐎶 𐏐 𐎫𐎹 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎱𐎿𐎠𐎺 𐏐 𐎹𐎰𐎠 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺𐎶 !! 𐏐 𐎰𐎠𐎫𐎡𐎹
: i-m : t-y : a-d-m : a-ku-u-n-v-m : p-s-a-v : y-ϑ-a : x-š-a-y-ϑ-i-y : a-b-v-m !! : ϑ-a-t-i-y
: ima : tya : adam : akunavam : pasāva : yaϑā : xšāyaϑiya : abavam !! : ϑātiy
Line: 73 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎹𐎰𐎠 𐏐 𐎠𐎭𐎶 𐏐 𐎥𐎢𐎶𐎠𐎫𐎶 𐏐 𐎫𐎹𐎶 𐏐 𐎶𐎦𐎢𐎶 𐏐 𐎠𐎺𐎠𐎩𐎴𐎶 𐏐 𐎱/𐎿𐎠𐎺
: d-a-r-y-v-u-š : x-š-a-y-ϑ-i-y : y-ϑ-a : a-d-m : g-u-m-a-t-m : t-y-m : m-gu-u-m : a-v-a-j-n-m : p-/s-a-v
: Dārayavauš : xšāyaϑiya : yaϑā : adam : Gaumātam : tyam : magum : avājanam : pasāva
Line: 74 𐏐 𐏑 𐎶𐎼𐎫𐎡𐎹 𐏐 𐎠𐏂𐎡𐎴 𐏐 𐎴𐎠𐎶 𐏐 𐎢𐎱𐎭𐎼𐎶𐏃𐎹𐎠 𐏐 𐎱𐎢𐏂 𐏐 𐏃𐎢𐎺 𐏐 𐎢𐎭𐎱𐎫[𐎫𐎠 𐏐 𐎢𐎺𐎩𐎡]/𐎹
: 1 m-r-t-i-y : a-ç-i-n : n-a-m : u-p-d-r-m-h-y-a : p-u-ç : h-u-v : u-d-p-t-[t-a : u-v-j-i]-/y
: 1 martiya : Āçina : nāma : Upadarmahyā : puça : hauv : udapatatā : Ūvjaiy
Line: 75 𐏐 𐎣𐎠𐎼𐏃𐎹𐎠 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐 𐎢𐎺𐎩𐎡𐎹 𐏐 𐎧𐏁𐎠𐎹𐎰𐎡𐎹 𐏐 𐎠𐎷𐎡𐎹 𐏐 𐎱[𐎿𐎠𐎺 𐏐] 𐎢𐎺/𐎪𐎡𐎹𐎠
: k-a-r-h-y-a : a-v-ϑ-a : a-ϑ-h : a-d-m : u-v-j-i-y : x-š-a-y-ϑ-i-y : a-mi-i-y : p-[s-a-v :] u-v-/ji-i-y-a
: kārahyā : avaϑā : aϑaha : adam : Ūvjaiy : xšāyaϑiya : amiy : pasāva : Ūvjiyā
Line: 76 𐏐 𐏃𐎷𐎡𐏂𐎡𐎹𐎠 𐏐 𐎠𐎲𐎺 𐏐 𐎠𐎲𐎡𐎹 𐏐 𐎠𐎺𐎶 [𐏐 𐎠]𐏂𐎡𐎴𐎶 𐏐 𐎠𐏁𐎡𐎹𐎺 𐏐 𐏃𐎢𐎺 𐏐 𐎧[𐏁𐎠𐎹𐎰𐎡𐎹]
: h-mi-i-ç-i-y-a : a-b-v : a-b-i-y : a-v-m [: a]-ç-i-n-m : a-š-i-y-v : h-u-v : x-[š-a-y-ϑ-i-y]
: hamiçiyā : abava : abiy : avam : Āçinam : ašiyava : hauv : xšāyaϑiya
Line: 77 𐏐 𐎠𐎲𐎺 𐏐 𐎢𐎺𐎩𐎡𐎹 𐏐 𐎢𐎫𐎠 𐏐 𐏑 𐎶𐎼𐎫𐎡𐎹 𐏐 𐎲𐎠𐎲𐎡𐎽𐎢𐎻𐎡𐎹 𐏐 𐎴𐎮𐎡𐎫𐎲𐎡𐎼 𐏐 𐎴𐎠𐎶 𐏐 𐎠𐎡𐎴[𐎡𐎼]𐏃𐎹/𐎠
: a-b-v : u-v-j-i-y : u-t-a : 1 m-r-t-i-y : b-a-b-i-ru-u-vi-i-y : n-di-i-t-b-i-r : n-a-m : a-i-n-[i-r]-h-y-/a
: abava : Ūvjaiy : utā : 1 martiya : Bābiruviya : Naditabaira : nāma : Ainairahyā
Line: 78 𐏐 𐎱𐎢𐏂 𐏐 𐏃𐎢𐎺 𐏐 𐎢𐎭𐎱𐎫𐎫𐎠 𐏐 𐎲𐎠𐎲𐎡𐎼𐎢𐎺 𐏐 𐎣𐎠𐎼𐎶 𐏐 𐎠𐎺𐎰𐎠 𐏐 𐎠𐎯𐎢𐎽𐎢𐎪𐎡𐎹 𐏐 𐎠𐎭𐎶 𐏐 𐎴𐎲/𐎢𐎤𐎭𐎼𐎨𐎼
: p-u-ç : h-u-v : u-d-p-t-t-a : b-a-b-i-r-u-v : k-a-r-m : a-v-ϑ-a : a-du-u-ru-u-ji-i-y : a-d-m : n-b-/u-ku-d-r-c-r
: puça : hauv : udapatatā : Bābarauv : kāram : avaϑā : adurujiya : adam : Nabukudracara
Line: 79 𐏐 𐎠𐎷𐎡𐎹 𐏐 𐏃𐎹 𐏐 𐎴𐎲𐎢𐎴𐎡𐎫𐏃𐎹𐎠 𐏐 𐎱𐎢𐏂 𐏐 𐎱𐎿𐎠𐎺 𐏐 𐎣𐎠𐎼 𐏐 𐏃𐎹 𐏐 𐎲𐎠𐎲𐎡𐎽𐎢𐎻𐎡𐎹
: a-mi-i-y : h-y : n-b-u-n-i-t-h-y-a : p-u-ç : p-s-a-v : k-a-r : h-y : b-a-b-i-ru-u-vi-i-y
: amiy : hya : Nabunaitahyā : puça : pasāva : kāra : hya : Bābiruviya
Line: 80 𐏐 𐏃𐎽𐎢𐎺 𐏐 𐎠𐎲𐎡𐎹 𐏐 𐎠𐎺𐎶 𐏐 𐎴𐎮𐎡𐎫𐎲𐎡𐎼𐎶 𐏐 𐎠𐏁𐎡𐎹𐎺 𐏐 𐎲𐎠𐎲𐎡𐎽𐎢𐏁 𐏐 𐏃𐎷𐎡𐏂𐎡𐎹 𐏐 𐎠𐎲𐎺 𐏐 𐎧/𐏁𐏂𐎶
: h-ru-u-v : a-b-i-y : a-v-m : n-di-i-t-b-i-r-m : a-š-i-y-v : b-a-b-i-ru-u-š : h-mi-i-ç-i-y : a-b-v : x-/š-ç-m
: haruva : abiy : avam : Naditabairam : ašiyava : Bābirauš : hamiçiya : abava : xšaçam
Line: 81 𐏐 𐎫𐎹 𐏐 𐎲𐎠𐎲𐎡𐎼𐎢𐎺 𐏐 𐏃𐎢𐎺 𐏐 𐎠𐎥𐎼𐎲𐎠𐎹𐎫𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/𐎰𐎡𐎹
: t-y : b-a-b-i-r-u-v : h-u-v : a-g-r-b-a-y-t-a !! : ϑ-a-t-i-y : d-a-r-y-v-u-š : x-š-a-y-/ϑ-i-y
: tya : Bābarauv : hauv : agarbāyatā !! : ϑātiy : Dārayavauš : xšāyaϑiya
Line: 82 𐏐 𐎱𐎿𐎠𐎺 𐏐 𐎠𐎭𐎶 𐏐 𐎳𐎼𐎠𐎡𐏁𐎹𐎶 𐏐 𐎢𐎺𐎩𐎶 𐏐 𐏃𐎢𐎺 𐏐 𐎠𐏂[𐎡]𐎴 𐏐 𐎲𐎿𐎫 𐏐 𐎠𐎴𐎹𐎫𐎠 𐏐 𐎠[𐎲𐎡𐎹 𐏐 𐎶]𐎠/𐎶
: p-s-a-v : a-d-m : f-r-a-i-š-y-m : u-v-j-m : h-u-v : a-ç-[i]-n : b-s-t : a-n-y-t-a : a-[b-i-y : m]-a-/m
: pasāva : adam : frāišayam : Ūvjam : hauv : Āçina : basta : anayatā : abiy : mām
Line: 83 𐏐 𐎠𐎭𐎶𐏁𐎡𐎶 𐏐 𐎠𐎺𐎠𐎩𐎴𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎠𐎭𐎶 𐏐 𐎲𐎠/𐎲𐎡𐎽𐎢𐎶
: a-d-m-š-i-m : a-v-a-j-n-m !! : ϑ-a-t-i-y : d-a-r-y-v-u-š : x-š-a-y-ϑ-i-y : p-s-a-v : a-d-m : b-a-/b-i-ru-u-m
: adamšim : avājanam !! : ϑātiy : Dārayavauš : xšāyaϑiya : pasāva : adam : Bābirum
Line: 84 𐏐 𐎠𐏁𐎡𐎹𐎺𐎶 𐏐 𐎠𐎲𐎡𐎹 𐏐 𐎠𐎺𐎶 𐏐 𐎴𐎮𐎡𐎫𐎲𐎡𐎼𐎶 𐏐 𐏃𐎹 𐏐 𐎴𐎲𐎢𐎤𐎭𐎼𐎨𐎼 𐏐 𐎠𐎥[𐎢𐎲𐎫]𐎠
: a-š-i-y-v-m : a-b-i-y : a-v-m : n-di-i-t-b-i-r-m : h-y : n-b-u-ku-d-r-c-r : a-g-[u-b-t]-a
: ašiyavam : abiy : avam : Naditabairam : hya : Nabukudracara : agaubatā
Line: 85 𐏐 𐎣𐎠𐎼 𐏐 𐏃𐎹 𐏐 𐎴𐎮𐎡𐎫𐎲𐎡𐎼𐏃𐎹𐎠 𐏐 𐎫𐎡𐎥𐎼𐎠𐎶 𐏐 𐎠𐎭𐎠𐎼𐎹 𐏐 𐎠𐎺𐎭𐎠 𐏐 𐎠𐎡𐏁𐎫𐎫𐎠 𐏐 𐎢𐎫𐎠 𐏐
: k-a-r : h-y : n-di-i-t-b-i-r-h-y-a : t-i-g-r-a-m : a-d-a-r-y : a-v-d-a : a-i-š-t-t-a : u-t-a :
: kāra : hya : Naditabairahyā : Tigrām : adāraya : avadā : aištatā : utā :
Line: 86 𐎠𐎲𐎡𐏁 𐏐 𐎴𐎠𐎻𐎡𐎹𐎠 𐏐 𐎠𐏃 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼𐎶 𐏐 𐎶𐏁𐎣𐎠𐎢𐎺𐎠 𐏐 𐎠𐎺𐎠𐎣𐎴𐎶 𐏐 𐎠𐎴𐎡𐎹𐎶𐏐 𐎢𐏁/𐎲𐎠𐎼𐎡𐎶
a-b-i-š : n-a-vi-i-y-a : a-h : p-s-a-v : a-d-m : k-a-r-m : m-š-k-a-u-v-a : a-v-a-k-n-m : a-n-i-y-m: u-š-/b-a-r-i-m
abiš : nāviyā : āha : pasāva : adam : kāram : maškāuvā : avākanam : aniyam ušabārim
Line: 87 𐏐 𐎠𐎤𐎢𐎴𐎺𐎶 𐏐 𐎠𐎴𐎡𐎹𐏃𐎹𐎠 𐏐 𐎠𐎿𐎶 𐏐 𐎳𐎼𐎠𐎴𐎹𐎶 𐏐 𐎠𐎢𐎼(𐎶𐏀)𐎭𐎠𐎶𐎡𐎹 𐏐 𐎢𐎱𐎿(𐎫)𐎠𐎶
: a-ku-u-n-v-m : a-n-i-y-h-y-a : a-s-m : f-r-a-n-y-m : a-u-r-(m-z)-d-a-m-i-y : u-p-s-(t)-a-m
: akunavam : aniyahyā : asam : frānayam : Auramazdāmaiy : upastām
Line: 88 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎫𐎡𐎥𐎼𐎠𐎶 𐏐 𐎻𐎡𐎹𐎫𐎼𐎹𐎠𐎶𐎠 [𐏐 𐎠]𐎺𐎭𐎠 𐏐 𐎠𐎺𐎶 𐏐 𐎣𐎠𐎼𐎶 𐏐
: a-b-r : v-š-n-a : a-u-r-m-z-d-a-h : t-i-g-r-a-m : vi-i-y-t-r-y-a-m-a [: a]-v-d-a : a-v-m : k-a-r-m :
: abara : vašnā : Auramazdāha : Tigrām : viyatarayāmā : avadā : avam : kāram :
Line: 89 𐎫𐎹𐎶 𐏐 𐎴𐎮𐎡𐎫𐎲𐎡𐎼𐏃𐎹𐎠 𐏐 𐎠𐎭𐎶 𐏐 𐎠𐎩𐎴𐎶 𐏐 𐎺𐎿𐎡𐎹 𐏐 𐎠𐏂[𐎡]𐎹𐎠𐎮𐎡𐎹[𐏃𐎹 𐏐] 𐎶𐎠𐏃𐎹𐎠 𐏐 𐏔𐏒𐏒𐏒 𐏐 𐎼𐎢/𐎨𐎲𐎡𐏁
t-y-m : n-di-i-t-b-i-r-h-y-a : a-d-m : a-j-n-m : v-s-i-y : a-ç-[i]-y-a-di-i-y-[h-y :] m-a-h-y-a : 20-2-2-2 : r-u-/c-b-i-š
tyam : Naditabairahyā : adam : ajanam : vasiy : Āçiyādiyahya : māhyā : 26 : raucabiš
Line: 90 𐏐 𐎰𐎣𐎫𐎠 𐏐 𐎠𐏃 𐏐 𐎠[𐎺]𐎰𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎶(𐎠) !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧/𐏁𐎠𐎹𐎰𐎡𐎹
: ϑ-k-t-a : a-h : a-[v]-ϑ-a : h-m-r-n-m : a-ku-u-m-(a) !! : ϑ-a-t-i-y : d-a-r-y-v-u-š : x-/š-a-y-ϑ-i-y
: ϑakatā : āha : avaϑā : hamaranam : akumā !! : ϑātiy : Dārayavauš : xšāyaϑiya
Line: 91 𐏐 𐎱𐎿𐎠𐎺 𐏐 𐎠[𐎭]𐎶 𐏐 𐎲𐎠𐎲𐎡𐎽𐎢𐎶 𐏐 𐎠𐏁𐎡𐎹𐎺𐎶 𐏐 𐎠𐎰𐎡𐎹 𐏐 𐎲𐎠𐎲𐎡𐎽𐎢[𐎶 𐏐 𐎹𐎰𐎠 𐏐 𐎴𐎡](𐎹 𐏐 𐎢)𐎱/𐎠𐎹𐎶
: p-s-a-v : a-[d]-m : b-a-b-i-ru-u-m : a-š-i-y-v-m : a-ϑ-i-y : b-a-b-i-ru-u-[m : y-ϑ-a : n-i]-(y : u)-p-/a-y-m
: pasāva : adam : Bābirum : ašiyavam : aϑiy : Bābirum : yaϑā : naiy : upāyam
Line: 92 𐏐 𐏀𐎠𐏀𐎠𐎴 𐏐 𐎴𐎠𐎶 𐏐 𐎺𐎼𐎭𐎴𐎶 𐏐 𐎠𐎵𐎢𐎺 𐏐 𐎢𐎳𐎼𐎠𐎬𐎢𐎺𐎠 𐏐 𐎠𐎺𐎭𐎠 [𐏐 𐏃𐎢𐎺 𐏐 𐎴]𐎮𐎡𐎫/𐎲𐎡𐎼
: z-a-z-a-n : n-a-m : v-r-d-n-m : a-nu-u-v : u-f-r-a-tu-u-v-a : a-v-d-a [: h-u-v : n]-di-i-t-/b-i-r
: Zāzāna : nāma : vardanam : anuv : Ufrātuvā : avadā : hauv : Naditabaira
Line: 93 𐏐 𐏃𐎹 𐏐 𐎴𐎲𐎢𐎤𐎭𐎼𐎨𐎼 𐏐 𐎠𐎥𐎢𐎲𐎫𐎠 𐏐 𐎠𐎡𐏁 𐏐 𐏃𐎭𐎠 𐏐 𐎣𐎠𐎼𐎠 𐏐 𐎱𐎫𐎡𐏁 𐏐 [𐎶𐎠𐎶 𐏐 𐏃𐎶𐎼𐎴]𐎶 𐏐
: h-y : n-b-u-ku-d-r-c-r : a-g-u-b-t-a : a-i-š : h-d-a : k-a-r-a : p-t-i-š : [m-a-m : h-m-r-n]-m :
: hya : Nabukudracara : agaubatā : āiš : hadā : kārā : patiš : mām : hamaranam :
Line: 94 𐎨𐎼𐎫𐎴𐎡𐎹 𐏐 𐎱𐎿𐎠𐎺 𐏐 𐏃𐎶(𐎼𐎴)𐎶 𐏐 𐎠𐎤𐎢𐎶𐎠 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 [𐏐 𐎺𐏁𐎴𐎠 𐏐 𐎠𐎢𐎼]𐎶/𐏀𐎭𐎠𐏃
c-r-t-n-i-y : p-s-a-v : h-m-(r-n)-m : a-ku-u-m-a : a-u-r-m-z-d-a-m-i-y : u-p-s-t-a-m : a-b-r [: v-š-n-a : a-u-r]-m-/z-d-a-h
cartanaiy : pasāva : hamaranam : akumā : Auramazdāmaiy : upastām : abara : vašnā : Auramazdāha
Line: 95 𐏐 𐎣𐎠𐎼𐎶 𐏐 𐎫𐎹𐎶 𐏐 𐎴𐎮𐎡𐎫𐎲𐎡𐎼𐏃𐎹𐎠 𐏐 𐎠𐎭𐎶 𐏐 𐎠𐎩𐎴𐎶 𐏐 𐎺𐎿𐎡𐎹 𐏐 𐎠𐎴𐎡𐎹 𐏐 𐎠𐎱𐎡(𐎹)𐎠 𐏐 [𐎠]𐏃[𐎹𐎫]𐎠 [𐏐] 𐎠/𐎱𐎡𐏁𐎡𐎶
: k-a-r-m : t-y-m : n-di-i-t-b-i-r-h-y-a : a-d-m : a-j-n-m : v-s-i-y : a-n-i-y : a-p-i-(y)-a : [a]-h-[y-t]-a [:] a-/p-i-š-i-m
: kāram : tyam : Naditabairahyā : adam : ajanam : vasiy : aniya : āpiyā : āhyatā : apišim
Line: 96 𐏐 𐎱𐎼𐎠𐎲𐎼 𐏐 𐎠𐎴𐎠𐎶𐎣𐏃𐎹 𐏐 𐎶𐎠𐏃𐎹𐎠 𐏐 𐏒 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠 𐏐 𐏃𐎶[𐎼𐎴𐎶 𐏐 𐎠](𐎤)𐎢𐎶𐎠
: p-r-a-b-r : a-n-a-m-k-h-y : m-a-h-y-a : 2 : r-u-c-b-i-š : ϑ-k-t-a : a-h : a-v-ϑ-a : h-m-[r-n-m : a]-(ku)-u-m-a
: parābara : Anāmakahya : māhyā : 2 : raucabiš : ϑakatā : āha : avaϑā : hamaranam : akumā
Text: DB2.
DB2.
Line: 1 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 [𐏐 𐎱𐎿𐎠]𐎺 𐏐 𐎴𐎮𐎡𐎫𐎲𐎡𐎼 𐏐 𐏃/𐎭𐎠
: ϑ-a-t-i-y : d-a-r-y-v-u-š : x-š-a-y-ϑ-i-y [: p-s-a]-v : n-di-i-t-b-i-r : h-/d-a
: ϑātiy : Dārayavauš : xšāyaϑiya : pasāva : Naditabaira : hadā
Line: 2 𐏐 𐎣𐎶𐎴𐎡𐎲𐎡𐏁 𐏐 𐎠𐎿𐎲𐎠𐎼𐎡𐎲𐎡𐏁 𐏐 𐎠(𐎸)[𐎢𐎰 𐏐 𐎲𐎠𐎲]𐎡𐎽𐎢𐎶 𐏐 𐎠𐏁𐎡𐎹/𐎺
: k-m-n-i-b-i-š : a-s-b-a-r-i-b-i-š : a-(mu)-[u-ϑ : b-a-b]-i-ru-u-m : a-š-i-y-/v
: kamnaibiš : asabāraibiš : amuϑa : Bābirum : ašiyava
Line: 3 𐏐 𐎱𐎿𐎠𐎺 𐏐 𐎠𐎭𐎶 𐏐 𐎲𐎠𐎲𐎡𐎽𐎢𐎶 𐏐 𐎠𐏁𐎡𐎹𐎺𐎶 𐏐 [𐎺𐏁𐎴𐎠 𐏐 𐎠𐎢𐎼𐎶𐏀𐎭]𐎠𐏃 𐏐 𐎢𐎫𐎠 𐏐 𐎲𐎠/𐎲𐎡𐎽𐎢𐎶
: p-s-a-v : a-d-m : b-a-b-i-ru-u-m : a-š-i-y-v-m : [v-š-n-a : a-u-r-m-z-d]-a-h : u-t-a : b-a-/b-i-ru-u-m
: pasāva : adam : Bābirum : ašiyavam : vašnā : Auramazdāha : utā : Bābirum
Line: 4 𐏐 𐎠𐎥𐎼𐎲𐎠𐎹𐎶 𐏐 𐎢𐎫𐎠 𐏐 𐎠𐎺𐎶 𐏐 𐎴𐎮𐎡𐎫𐎲[𐎡𐎼𐎶 𐏐 𐎠𐎥𐎼𐎲𐎠𐎹]𐎶 𐏐 𐎱𐎿𐎠𐎺 𐏐 𐎠𐎺/𐎶
: a-g-r-b-a-y-m : u-t-a : a-v-m : n-di-i-t-b-[i-r-m : a-g-r-b-a-y]-m : p-s-a-v : a-v-/m
: agarbāyam : utā : avam : Naditabairam : agarbāyam : pasāva : avam
Line: 5 𐏐 𐎴𐎮𐎡𐎫𐎲𐎡𐎼𐎶 𐏐 𐎠𐎭𐎶 𐏐 𐎲𐎠𐎲𐎡𐎼𐎢𐎺 𐏐 𐎠𐎺𐎠𐎩[𐎴𐎶 !! 𐏐 𐎰𐎠𐎫𐎡𐎹 𐏐 𐎭]𐎠𐎼𐎹𐎺𐎢𐏁 𐏐 𐎧/𐏁𐎠𐎹𐎰𐎡𐎹
: n-di-i-t-b-i-r-m : a-d-m : b-a-b-i-r-u-v : a-v-a-j-[n-m !! : ϑ-a-t-i-y : d]-a-r-y-v-u-š : x-/š-a-y-ϑ-i-y
: Naditabairam : adam : Bābarauv : avājanam !! : ϑātiy : Dārayavauš : xšāyaϑiya
Line: 6 𐏐 𐎹𐎠𐎫𐎠 𐏐 𐎠𐎭𐎶 𐏐 𐎲𐎠𐎲𐎡𐎼𐎢𐎺 𐏐 𐎠𐏃[𐎶 𐏐 𐎡𐎶𐎠 𐏐 𐎭𐏃𐎹𐎠𐎺 𐏐] 𐎫𐎹𐎠 𐏐 𐏃𐎨𐎠𐎶 𐏐 𐏃/𐎷𐎡𐏂𐎡𐎹𐎠
: y-a-t-a : a-d-m : b-a-b-i-r-u-v : a-h-[m : i-m-a : d-h-y-a-v :] t-y-a : h-c-a-m : h-/mi-i-ç-i-y-a
: yātā : adam : Bābarauv : āham : imā : dahyāva : tyā : hacāma : hamiçiyā
Line: 7 𐏐 𐎠𐎲𐎺 𐏐 𐎱𐎠𐎼𐎿 𐏐 𐎢𐎺𐎩 𐏐 𐎶𐎠𐎭 𐏐 𐎠𐎰[𐎢𐎼𐎠 𐏐 𐎸𐎢𐎭𐎼𐎠𐎹 𐏐 𐎱𐎼]𐎰𐎺 𐏐 𐎶𐎼𐎦𐎢𐏁 𐏐 𐎰/𐎫𐎦𐎢𐏁
: a-b-v : p-a-r-s : u-v-j : m-a-d : a-ϑ-[u-r-a : mu-u-d-r-a-y : p-r]-ϑ-v : m-r-gu-u-š : ϑ-/t-gu-u-š
: abava : Pārsa : Ūvja : Māda : Aϑurā : Mudrāya : Parϑava : Marguš : Θataguš
Line: 8 𐏐 𐎿𐎣 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧[𐏁𐎠𐎹𐎰𐎡𐎹 𐏐 𐏑 𐎶𐎼𐎫𐎡]𐎹 𐏐 𐎶𐎼𐎫𐎡𐎹 𐏐 𐎴𐎠/𐎶
: s-k !! : ϑ-a-t-i-y : d-a-r-y-v-u-š : x-[š-a-y-ϑ-i-y : 1 m-r-t-i]-y : m-r-t-i-y : n-a-/m
: Saka !! : ϑātiy : Dārayavauš : xšāyaϑiya : 1 martiya : martiya : nāma
Line: 9 𐏐 𐎨𐎡𐎨𐎧𐎼𐎠𐎡𐏁 𐏐 𐎱𐎢𐏂 𐏐 𐎤𐎢𐎥𐎴𐎣𐎠 𐏐 𐎴𐎠[𐎶 𐏐 𐎺𐎼𐎭𐎴𐎶 𐏐 𐎱𐎠𐎼𐎿𐎡𐎹] 𐏐 𐎠𐎺𐎭𐎠 𐏐 𐎠𐎭𐎠𐎼𐎹 𐏐
: c-i-c-x-r-a-i-š : p-u-ç : ku-u-g-n-k-a : n-a-[m : v-r-d-n-m : p-a-r-s-i-y] : a-v-d-a : a-d-a-r-y :
: Cicixrāiš : puça : Kuganakā : nāma : vardanam : Pārsaiy : avadā : adāraya :
Line: 10 𐏃𐎢𐎺 𐏐 𐎢𐎭𐎱𐎫𐎫𐎠 𐏐 𐎢𐎺𐎩𐎡𐎹 𐏐 𐎣𐎠𐎼𐏃𐎹𐎠 𐏐 𐎠[𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐] 𐎡𐎶𐎴𐎡𐏁 𐏐 𐎠𐎷𐎡𐎹 𐏐 𐎢/𐎺𐎩𐎡𐎹
h-u-v : u-d-p-t-t-a : u-v-j-i-y : k-a-r-h-y-a : a-[v-ϑ-a : a-ϑ-h : a-d-m :] i-m-n-i-š : a-mi-i-y : u-/v-j-i-y
hauv : udapatatā : Ūvjaiy : kārahyā : avaϑā : aϑaha : adam : Imaniš : amiy : Ūvjaiy
Line: 11 𐏐 𐎧𐏁𐎠𐎹𐎰𐎡𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢[𐏁 𐏐 𐎧𐏁𐎠𐎹𐎰𐎡𐎹 𐏐] 𐎠𐎭𐎣𐎡𐎹 𐏐 𐎠𐎭𐎶 𐏐 𐎠𐏁𐎴/𐎡𐎹
: x-š-a-y-ϑ-i-y !! : ϑ-a-t-i-y : d-a-r-y-v-u-[š : x-š-a-y-ϑ-i-y :] a-d-k-i-y : a-d-m : a-š-n-/i-y
: xšāyaϑiya !! : ϑātiy : Dārayavauš : xšāyaϑiya : adakaiy : adam : ašnaiy
Line: 12 𐏐 𐎠𐏃𐎶 𐏐 𐎠𐎲𐎡𐎹 𐏐 𐎢𐎺𐎩𐎶 𐏐 𐎱𐎿𐎠𐎺 𐏐 𐏃𐎨𐎠[𐎶 𐏐 𐎠𐎫𐎼𐎿 𐏐 𐎢𐎺]𐎪𐎡𐎹𐎠 𐏐 𐎠𐎺𐎶 𐏐 𐎶𐎼𐎫𐎡/𐎹𐎶
: a-h-m : a-b-i-y : u-v-j-m : p-s-a-v : h-c-a-[m : a-t-r-s : u-v]-ji-i-y-a : a-v-m : m-r-t-i-/y-m
: āham : abiy : Ūvjam : pasāva : hacāma : atarsa : Ūvjiyā : avam : martiyam
Line: 13 𐏐 𐎠𐎥𐎼𐎲𐎠𐎹 𐏐 𐏃𐎹𐏁𐎠𐎶 𐏐 𐎶𐎰𐎡𐏁𐎫 𐏐 𐎠𐏃 𐏐 (𐎢)[𐎫𐎠𐏁𐎡𐎶 𐏐 𐎠𐎺]𐎠𐎩𐎴 !! 𐏐 𐎰𐎠𐎫𐎡𐎹 𐏐 𐎭/𐎠𐎼𐎹𐎺𐎢𐏁
: a-g-r-b-a-y : h-y-š-a-m : m-ϑ-i-š-t : a-h : (u)-[t-a-š-i-m : a-v]-a-j-n !! : ϑ-a-t-i-y : d-/a-r-y-v-u-š
: agarbāya : hyašām : maϑišta : āha : utāšim : avājana !! : ϑātiy : Dārayavauš
Line: 14 𐏐 𐎧𐏁𐎠𐎹𐎰𐎡𐎹 𐏐 𐏑 𐎶𐎼𐎫𐎡𐎹 𐏐 𐎳𐎼[𐎺𐎼𐎫𐎡𐏁 𐏐 𐎴𐎠𐎶 𐏐 𐎶𐎠𐎭] 𐏐 𐏃𐎢𐎺 𐏐 𐎢𐎭𐎱𐎫𐎫/𐎠
: x-š-a-y-ϑ-i-y : 1 m-r-t-i-y : f-r-[v-r-t-i-š : n-a-m : m-a-d] : h-u-v : u-d-p-t-t-/a
: xšāyaϑiya : 1 martiya : Fravartiš : nāma : Māda : hauv : udapatatā
Line: 15 𐏐 𐎶𐎠𐎭𐎡𐎹 𐏐 𐎣𐎠𐎼𐏃𐎹𐎠 𐏐 𐎠𐎺𐎰𐎠 𐏐 𐎠𐎰𐏃 𐏐 [𐎠𐎭𐎶 𐏐 𐎧𐏁𐎰𐎼𐎡𐎫 𐏐 𐎠](𐎷)𐎡𐎹 𐏐 𐎢𐎺𐎧𐏁𐎫𐎼𐏃/𐎹𐎠
: m-a-d-i-y : k-a-r-h-y-a : a-v-ϑ-a : a-ϑ-h : [a-d-m : x-š-ϑ-r-i-t : a]-(mi)-i-y : u-v-x-š-t-r-h-/y-a
: Mādaiy : kārahyā : avaϑā : aϑaha : adam : Xšaϑrita : amiy : Uvaxštrahyā
Line: 16 𐏐 𐎫𐎢𐎶𐎠𐎹𐎠 𐏐 𐎱𐎿𐎠𐎺 𐏐 𐎣𐎠𐎼 𐏐 𐎶𐎠𐎭 𐏐 𐏃𐎹 𐏐 [𐎻𐎰𐎠𐎱𐎫𐎡𐎹 𐏐 𐏃𐎢𐎺] 𐏐 𐏃𐎨𐎠𐎶 𐏐 𐏃𐎷𐎡𐏂𐎡𐎹 𐏐 𐎠/𐎲𐎺
: t-u-m-a-y-a : p-s-a-v : k-a-r : m-a-d : h-y : [vi-ϑ-a-p-t-i-y : h-u-v] : h-c-a-m : h-mi-i-ç-i-y : a-/b-v
: taumāyā : pasāva : kāra : Māda : hya : Viϑāpatiy : hauv : hacāma : hamiçiya : abava
Line: 17 𐏐 𐎠𐎲𐎡𐎹 𐏐 𐎠𐎺𐎶 𐏐 𐎳𐎼𐎺𐎼𐎫𐎡𐎶 𐏐 𐎠𐏁𐎡𐎹𐎺 𐏐 𐏃𐎢𐎺 [𐏐 𐎧𐏁𐎠𐎹𐎰𐎡𐎹] 𐏐 𐎠𐎲𐎺 𐏐 𐎶𐎠𐎭𐎡𐎹 !! 𐏐
: a-b-i-y : a-v-m : f-r-v-r-t-i-m : a-š-i-y-v : h-u-v [: x-š-a-y-ϑ-i-y] : a-b-v : m-a-d-i-y !! :
: abiy : avam : Fravartim : ašiyava : hauv : xšāyaϑiya : abava : Mādaiy !! :
Line: 18 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎣𐎠𐎼 𐏐 𐎱𐎠𐎼𐎿 𐏐 𐎢[𐎫𐎠 𐏐 𐎶]𐎠𐎭 𐏐 𐏃𐎹 𐏐 𐎢𐎱𐎠 𐏐 𐎶𐎠𐎶 𐏐 𐎠/𐏃
ϑ-a-t-i-y : d-a-r-y-v-u-š : x-š-a-y-ϑ-i-y : k-a-r : p-a-r-s : u-[t-a : m]-a-d : h-y : u-p-a : m-a-m : a-/h
ϑātiy : Dārayavauš : xšāyaϑiya : kāra : Pārsa : utā : Māda : hya : upā : mām : āha
Line: 19 𐏐 𐏃𐎢𐎺 𐏐 𐎣𐎶𐎴𐎶 𐏐 𐎠𐏃 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼𐎶 𐏐 𐎳𐎼𐎠𐎡𐏁[𐎹𐎶 𐏐 𐎻𐎡]𐎭𐎼𐎴 𐏐 𐎴𐎠𐎶 𐏐 𐎱𐎠𐎼𐎿 𐏐 𐎶𐎴/𐎠
: h-u-v : k-m-n-m : a-h : p-s-a-v : a-d-m : k-a-r-m : f-r-a-i-š-[y-m : vi-i]-d-r-n : n-a-m : p-a-r-s : m-n-/a
: hauv : kamnam : āha : pasāva : adam : kāram : frāišayam : Vidarna : nāma : Pārsa : manā
Line: 20 𐏐 𐎲𐎭𐎣 𐏐 𐎠𐎺𐎶𐏁𐎠𐎶 𐏐 𐎶𐎰𐎡𐏁𐎫𐎶 𐏐 𐎠𐎤𐎢𐎴𐎺𐎶 𐏐 𐎠𐎺𐎰𐎠𐏁[𐎠𐎶 𐏐 𐎠𐎰]𐏃𐎶 𐏐 𐎱𐎼𐎡𐎫𐎠 𐏐 𐎠𐎺𐎶 𐏐 𐎣/𐎠𐎼𐎶
: b-d-k : a-v-m-š-a-m : m-ϑ-i-š-t-m : a-ku-u-n-v-m : a-v-ϑ-a-š-[a-m : a-ϑ]-h-m : p-r-i-t-a : a-v-m : k-/a-r-m
: badaka : avamšām : maϑištam : akunavam : avaϑāšām : aϑaham : paraitā : avam : kāram
Line: 21 𐏐 𐎫𐎹𐎶 𐏐 𐎶𐎠𐎭𐎶 𐏐 𐎩𐎫𐎠 𐏐 𐏃𐎹 𐏐 𐎶𐎴𐎠 𐏐 𐎴𐎡[𐎹 𐏐 𐎥𐎢𐎲𐎫𐎡𐎹 𐏐 𐎱𐎿𐎠𐎺] 𐏐 𐏃𐎢𐎺 𐏐 𐎻𐎡𐎭𐎼𐎴 𐏐 𐏃/𐎭𐎠
: t-y-m : m-a-d-m : j-t-a : h-y : m-n-a : n-i-[y : g-u-b-t-i-y : p-s-a-v] : h-u-v : vi-i-d-r-n : h-/d-a
: tyam : Mādam : jatā : hya : manā : naiy : gaubataiy : pasāva : hauv : Vidarna : hadā
Line: 22 𐏐 𐎣𐎠𐎼𐎠 𐏐 𐎠𐏁𐎡𐎹𐎺 𐏐 𐎹𐎰𐎠 𐏐 𐎶𐎠𐎭𐎶 𐏐 𐎱𐎼𐎠𐎼𐎿 𐏐 𐎶𐎠[𐎽𐎢]𐏁 𐏐 𐎴𐎠𐎶 𐏐 𐎺𐎼𐎭𐎴𐎶 𐏐 𐎶𐎠/𐎭𐎡𐎹
: k-a-r-a : a-š-i-y-v : y-ϑ-a : m-a-d-m : p-r-a-r-s : m-a-[ru-u]-š : n-a-m : v-r-d-n-m : m-a-/d-i-y
: kārā : ašiyava : yaϑā : Mādam : parārasa : Māruš : nāma : vardanam : Mādaiy
Line: 23 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎢𐏁 𐏐 𐏃𐎭𐎠 𐏐 𐎶𐎠𐎭[𐎡𐎲𐎡]𐏁 𐏐 𐏃𐎹 𐏐 𐎶𐎠𐎭𐎡𐏁𐎢𐎺𐎠
: a-v-d-a : h-m-r-n-m : a-ku-u-n-u-š : h-d-a : m-a-d-[i-b-i]-š : h-y : m-a-d-i-š-u-v-a
: avadā : hamaranam : akunauš : hadā : Mādaibiš : hya : Mādaišuva
Line: 24 𐏐 𐎶𐎰𐎡𐏁𐎫 𐏐 𐎠𐏃 𐏐 𐏃𐎢𐎺 𐏐 𐎠𐎭𐎣𐎡𐎹 𐏐 𐎴𐎡𐎹 𐏐 𐎠𐎺𐎭𐎠 𐏐 𐎠𐏃 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢/𐎱𐎿𐎫𐎠𐎶
: m-ϑ-i-š-t : a-h : h-u-v : a-d-k-i-y : n-i-y : a-v-d-a : a-h : a-u-r-m-z-d-a-m-i-y : u-/p-s-t-a-m
: maϑišta : āha : hauv : adakaiy : naiy : avadā : āha : Auramazdāmaiy : upastām
Line: 25 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 [𐏃𐎹 𐏐 𐎶](𐎴)𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫/𐎹𐎶
: a-b-r : v-š-n-a : a-u-r-m-z-d-a-h : k-a-r : [h-y : m]-(n)-a : a-v-m : k-a-r-m : t-/y-m
: abara : vašnā : Auramazdāha : kāra : hya : manā : avam : kāram : tyam
Line: 26 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐 𐎠𐎴𐎠𐎶𐎣𐏃𐎹 𐏐 𐎶𐎠𐏃[𐎹]𐎠 𐏐 𐏔𐏒𐏒𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫/𐎠
: h-mi-i-ç-i-y-m : a-j : v-s-i-y : a-n-a-m-k-h-y : m-a-h-[y]-a : 20-2-2-2-1 : r-u-c-b-i-š : ϑ-k-t-/a
: hamiçiyam : aja : vasiy : Anāmakahya : māhyā : 27 : raucabiš : ϑakatā
Line: 27 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 𐏐 𐎱𐎿𐎠𐎺 𐏐 𐏃𐎢𐎺 𐏐 [𐎣𐎠]𐎼 𐏐 𐏃𐎹 𐏐 𐎶𐎴𐎠 𐏐 𐎣𐎱𐎭 𐏐 𐎴𐎠𐎶/𐎠
: a-h : a-v-ϑ-a-š-a-m : h-m-r-n-m : k-r-t-m : p-s-a-v : h-u-v : [k-a]-r : h-y : m-n-a : k-p-d : n-a-m-/a
: āha : avaϑāšām : hamaranam : kartam : pasāva : hauv : kāra : hya : manā : Kapada : nāmā
Line: 28 𐏐 𐎭𐏃𐎹𐎠𐎢𐏁 𐏐 𐎶𐎠𐎭𐎡𐎹 𐏐 𐎠𐎺𐎭𐎠 𐏐 𐎶𐎠𐎶 𐏐 𐎠𐎶𐎠𐎴𐎡𐎹 𐏐 𐎹𐎠𐎫𐎠 𐏐 𐎠𐎭𐎶 𐏐 𐎠𐎼𐎿𐎶 𐏐 𐎶𐎠𐎭!!/𐎶
: d-h-y-a-u-š : m-a-d-i-y : a-v-d-a : m-a-m : a-m-a-n-i-y : y-a-t-a : a-d-m : a-r-s-m : m-a-d-!!-/m
: dahyāuš : Mādaiy : avadā : mām : amānaiya : yātā : adam : arasam : Mādam
Line: 29 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎭𐎠𐎭𐎼𐏁𐎡𐏁 𐏐 𐎴𐎠𐎶 𐏐 𐎠𐎼𐎷𐎡𐎴𐎡𐎹 𐏐 𐎶𐎴/𐎠
!! : ϑ-a-t-i-y : d-a-r-y-v-u-š : x-š-a-y-ϑ-i-y : d-a-d-r-š-i-š : n-a-m : a-r-mi-i-n-i-y : m-n-/a
!! : ϑātiy : Dārayavauš : xšāyaϑiya : Dādaršiš : nāma : Arminiya : manā
Line: 30 𐏐 𐎲𐎭𐎣 𐏐 𐎠𐎺𐎶 𐏐 𐎠𐎭𐎶 𐏐 𐎳𐎼𐎠𐎡𐏁𐎹𐎶 𐏐 𐎠𐎼𐎷𐎡𐎴𐎶 𐏐 𐎠𐎺𐎰𐎠[𐏁𐎡𐎹] 𐏐 𐎠𐎰𐏃𐎶 𐏐 𐎱𐎼𐎡𐎮𐎡𐎹 𐏐 𐎣𐎠/𐎼
: b-d-k : a-v-m : a-d-m : f-r-a-i-š-y-m : a-r-mi-i-n-m : a-v-ϑ-a-[š-i-y] : a-ϑ-h-m : p-r-i-di-i-y : k-a-/r
: badaka : avam : adam : frāišayam : Arminam : avaϑāšaiy : aϑaham : paraidiy : kāra
Line: 31 𐏐 𐏃𐎹 𐏐 𐏃𐎷𐎡𐏂𐎡𐎹 𐏐 𐎶𐎴𐎠 𐏐 𐎴𐎡𐎹 𐏐 𐎥𐎢𐎲𐎫𐎡𐎹 𐏐 𐎠𐎺𐎶 𐏐 [𐎩𐎮]𐎡𐎹 𐏐 𐎱𐎿𐎠𐎺 𐏐 𐎭𐎠𐎭𐎼𐏁𐎡/𐏁
: h-y : h-mi-i-ç-i-y : m-n-a : n-i-y : g-u-b-t-i-y : a-v-m : [j-di]-i-y : p-s-a-v : d-a-d-r-š-i-/š
: hya : hamiçiya : manā : naiy : gaubataiy : avam : jadiy : pasāva : Dādaršiš
Line: 32 𐏐 𐎠𐏁𐎡𐎹𐎺 𐏐 𐎹𐎰𐎠 𐏐 𐎠𐎼𐎷𐎡𐎴𐎶 𐏐 𐎱𐎼𐎠𐎼𐎿 𐏐 𐎱𐎿𐎠𐎺 𐏐 [𐏃𐎷𐎡𐏂]𐎡𐎹𐎠 𐏐 𐏃𐎥𐎶𐎫𐎠 𐏐 𐎱𐎼𐎡/𐎫𐎠
: a-š-i-y-v : y-ϑ-a : a-r-mi-i-n-m : p-r-a-r-s : p-s-a-v : [h-mi-i-ç]-i-y-a : h-g-m-t-a : p-r-i-/t-a
: ašiyava : yaϑā : Arminam : parārasa : pasāva : hamiçiyā : hagmatā : paraitā
Line: 33 𐏐 𐎱𐎫𐎡𐏁 𐏐 𐎭𐎠𐎭𐎼𐏁𐎡𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐏀𐎢𐏀𐏃𐎹 𐏐 𐎴𐎠𐎶 𐏐 𐎠𐎺𐏃𐎴𐎶 𐏐 𐎠/𐎼𐎷𐎴𐎡𐎹𐎡𐎹
: p-t-i-š : d-a-d-r-š-i-m : h-m-r-n-m : c-r-t-n-i-y : z-u-z-h-y : n-a-m : a-v-h-n-m : a-/r-mi-n-i-y-i-y
: patiš : Dādaršim : hamaranam : cartanaiy : Zūzahya : nāma : āvahanam : Arminiyaiy
Line: 34 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢[𐎼𐎶]𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠/𐎲𐎼
: a-v-d-a : h-m-r-n-m : a-ku-u-n-v : a-u-[r-m]-z-d-a-m-i-y : u-p-s-t-a-m : a-/b-r
: avadā : hamaranam : akunava : Auramazdāmaiy : upastām : abara
Line: 35 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺[𐎶 𐏐 𐎣]𐎠𐎼𐎶 𐏐 𐎫𐎹𐎶 𐏐 𐏃𐎷𐎡𐏂𐎡𐎹𐎶 𐏐
: v-š-n-a : a-u-r-m-z-d-a-h : k-a-r : h-y : m-n-a : a-v-[m : k]-a-r-m : t-y-m : h-mi-i-ç-i-y-m :
: vašnā : Auramazdāha : kāra : hya : manā : avam : kāram : tyam : hamiçiyam :
Line: 36 𐎠𐎩 𐏐 𐎺𐎿𐎡𐎹 𐏐 𐎰𐎢𐎼𐎺𐎠𐏃𐎼𐏃𐎹 𐏐 𐎶𐎠𐏃[𐎹𐎠 𐏐] 𐏒𐏒𐏒[𐏒 𐏐 𐎼𐎢𐎨𐎲𐎡]𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰/𐎠𐏁𐎠𐎶
a-j : v-s-i-y : ϑ-u-r-v-a-h-r-h-y : m-a-h-[y-a :] 2-2-2-[2 : r-u-c-b-i]-š : ϑ-k-t-a : a-h : a-v-ϑ-/a-š-a-m
aja : vasiy : Θūravāharahya : māhyā : 8 : raucabiš : ϑakatā : āha : avaϑāšām
Line: 37 𐏐 𐏃𐎶𐎼𐎴𐎶 𐏐 𐎣𐎼𐎫𐎶 !! 𐏐 𐎰𐎠𐎫𐎡𐎹 𐏐 𐎭𐎠[𐎼𐎹]𐎺𐎢[𐏁 𐏐 𐎧𐏁𐎠]𐎹[𐎰]𐎡𐎹 𐏐 𐎱𐎫𐎡𐎹 𐏐 𐎯𐎢𐎻/𐎡𐎫𐎡𐎹𐎶
: h-m-r-n-m : k-r-t-m !! : ϑ-a-t-i-y : d-a-[r-y]-v-u-[š : x-š-a]-y-[ϑ]-i-y : p-t-i-y : du-u-vi-/i-t-i-y-m
: hamaranam : kartam !! : ϑātiy : Dārayavauš : xšāyaϑiya : patiy : duvitīyam
Line: 38 𐏐 𐏃𐎷𐎡𐏂𐎡𐎹𐎠 𐏐 𐏃𐎥𐎶𐎫𐎠 𐏐 𐎱𐎼𐎡𐎫[𐎠 𐏐 𐎱]𐎫𐎡𐏁 [𐏐 𐎭𐎠𐎭]𐎼𐏁𐎡𐎶 𐏐 𐏃𐎶𐎼𐎴𐎶 𐏐 𐎨𐎼𐎫/𐎴𐎡𐎹
: h-mi-i-ç-i-y-a : h-g-m-t-a : p-r-i-t-[a : p]-t-i-š [: d-a-d]-r-š-i-m : h-m-r-n-m : c-r-t-/n-i-y
: hamiçiyā : hagmatā : paraitā : patiš : Dādaršim : hamaranam : cartanaiy
Line: 39 𐏐 𐎫𐎡𐎥𐎼 𐏐 𐎴𐎠𐎶𐎠 𐏐 𐎮𐎡𐎭𐎠 𐏐 𐎠𐎼𐎷𐎴𐎡[𐎹𐎡𐎹 𐏐] 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠/𐎢𐎼𐎶𐏀𐎭𐎠𐎶𐎡𐎹
: t-i-g-r : n-a-m-a : di-i-d-a : a-r-mi-n-i-[y-i-y :] a-v-d-a : h-m-r-n-m : a-ku-u-n-v : a-/u-r-m-z-d-a-m-i-y
: Tigra : nāmā : didā : Arminiyaiy : avadā : hamaranam : akunava : Auramazdāmaiy
Line: 40 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼[𐎶𐏀𐎭𐎠]𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠/𐎺𐎶
: u-p-s-t-a-m : a-b-r : v-š-n-a : a-u-r-[m-z-d-a]-h : k-a-r : h-y : m-n-a : a-/v-m
: upastām : abara : vašnā : Auramazdāha : kāra : hya : manā : avam
Line: 41 𐏐 𐎣𐎠𐎼𐎶 𐏐 𐎫𐎹𐎶 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿[𐎡𐎹 𐏐 𐎰𐎢𐎼𐎺𐎠]𐏃𐎼𐏃𐎹 𐏐 𐎶𐎠𐏃𐎹𐎠 𐏐 𐏓𐏒𐏒𐏒𐏒
: k-a-r-m : t-y-m : h-mi-i-ç-i-y-m : a-j : v-s-[i-y : ϑ-u-r-v-a]-h-r-h-y : m-a-h-y-a : 10-2-2-2-2
: kāram : tyam : hamiçiyam : aja : vasiy : Θūravāharahya : māhyā : 18
Line: 42 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣[𐎼𐎫𐎶] !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹/𐎺𐎢𐏁
: r-u-c-b-i-š : ϑ-k-t-a : a-h : a-v-ϑ-a-š-a-m : h-m-r-n-m : k-[r-t-m] !! : ϑ-a-t-i-y : d-a-r-y-/v-u-š
: raucabiš : ϑakatā : āha : avaϑāšām : hamaranam : kartam !! : ϑātiy : Dārayavauš
Line: 43 𐏐 𐎧𐏁𐎠𐎹𐎰𐎡𐎹 𐏐 𐎱𐎫𐎡𐎹 𐏐 𐏂𐎡𐎫𐎡𐎹𐎶 𐏐 𐏃[𐎷]𐎡𐏂[𐎡𐎹𐎠 𐏐] 𐏃𐎥𐎶𐎫𐎠 𐏐 𐎱𐎼𐎡𐎫𐎠 𐏐 𐎱𐎫/𐎡𐏁
: x-š-a-y-ϑ-i-y : p-t-i-y : ç-i-t-i-y-m : h-[mi]-i-ç-[i-y-a :] h-g-m-t-a : p-r-i-t-a : p-t-/i-š
: xšāyaϑiya : patiy : çitīyam : hamiçiyā : hagmatā : paraitā : patiš
Line: 44 𐏐 𐎭𐎠𐎭𐎼𐏁𐎡𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐎢𐎹(𐎺)𐎠 𐏐 𐎴𐎠[𐎶]𐎠 𐏐 𐎮𐎡𐎭𐎠 𐏐 𐎠𐎼𐎷𐎴𐎡𐎹𐎡𐎹 𐏐 𐎠/𐎺𐎭𐎠
: d-a-d-r-š-i-m : h-m-r-n-m : c-r-t-n-i-y : u-y-(v)-a : n-a-[m]-a : di-i-d-a : a-r-mi-n-i-y-i-y : a-/v-d-a
: Dādaršim : hamaranam : cartanaiy : Uyavā : nāmā : didā : Arminiyaiy : avadā
Line: 45 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠[𐎶] 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶/𐏀𐎭𐎠𐏃
: h-m-r-n-m : a-ku-u-n-v : a-u-r-m-z-d-a-m-i-y : u-p-s-t-a-[m] : a-b-r : v-š-n-a : a-u-r-m-/z-d-a-h
: hamaranam : akunava : Auramazdāmaiy : upastām : abara : vašnā : Auramazdāha
Line: 46 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫𐎹𐎶 𐏐 𐏃𐎷[𐎡]𐏂𐎡[𐎹𐎶] 𐏐 [𐎠]𐎩 𐏐 𐎺𐎿𐎡𐎹 𐏐 𐎰𐎠𐎡𐎥𐎼𐎨/𐎡𐏁
: k-a-r : h-y : m-n-a : a-v-m : k-a-r-m : t-y-m : h-mi-[i]-ç-i-[y-m] : [a]-j : v-s-i-y : ϑ-a-i-g-r-c-/i-š
: kāra : hya : manā : avam : kāram : tyam : hamiçiyam : aja : vasiy : Θāigarcaiš
Line: 47 𐏐 𐎶𐎠𐏃𐎹𐎠 𐏐 𐏒𐏒𐏒𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺[𐎰𐎠𐏁]𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 𐏐 𐎱𐎿𐎠𐎺
: m-a-h-y-a : 2-2-2-2-1 : r-u-c-b-i-š : ϑ-k-t-a : a-h : a-v-[ϑ-a-š]-a-m : h-m-r-n-m : k-r-t-m : p-s-a-v
: māhyā : 9 : raucabiš : ϑakatā : āha : avaϑāšām : hamaranam : kartam : pasāva
Line: 48 𐏐 𐎭𐎠𐎭𐎼𐏁𐎡𐏁 𐏐 𐎨𐎡𐎫𐎠 𐏐 𐎶𐎠𐎶 𐏐 𐎠𐎶𐎠𐎴𐎹 𐏐 𐎠𐎼[𐎷]𐎴𐎡[𐎹]𐎡𐎹 𐏐 [𐎹]𐎠𐎫𐎠 𐏐 𐎠𐎭𐎶 𐏐 𐎠𐎼𐎿𐎶 𐏐 𐎶𐎠/𐎭𐎶
: d-a-d-r-š-i-š : c-i-t-a : m-a-m : a-m-a-n-y : a-r-[mi]-n-i-[y]-i-y : [y]-a-t-a : a-d-m : a-r-s-m : m-a-/d-m
: Dādaršiš : citā : mām : amānaya : Arminiyaiy : yātā : adam : arasam : Mādam
Line: 49 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺𐎢𐎷𐎡𐎿 𐏐 𐎴𐎠𐎶 𐏐 𐎱𐎠𐎼𐎿 𐏐 𐎶𐎴𐎠 𐏐 𐎲/𐎭𐎣
!! : ϑ-a-t-i-y : d-a-r-y-v-u-š : x-š-a-y-ϑ-i-y : v-u-mi-i-s : n-a-m : p-a-r-s : m-n-a : b-/d-k
!! : ϑātiy : Dārayavauš : xšāyaϑiya : Vaumisa : nāma : Pārsa : manā : badaka
Line: 50 𐏐 𐎠𐎺𐎶 𐏐 𐎠𐎭𐎶 𐏐 𐎳𐎼𐎠𐎡𐏁𐎹𐎶 𐏐 𐎠𐎼𐎷𐎡𐎴𐎶 𐏐 𐎠𐎺𐎰𐎠𐏁𐎡𐎹 𐏐 𐎠𐎰𐏃𐎶 𐏐 𐎱𐎼𐎡𐎮𐎡𐎹 𐏐 𐎣𐎠𐎼 𐏐
: a-v-m : a-d-m : f-r-a-i-š-y-m : a-r-mi-i-n-m : a-v-ϑ-a-š-i-y : a-ϑ-h-m : p-r-i-di-i-y : k-a-r :
: avam : adam : frāišayam : Arminam : avaϑāšaiy : aϑaham : paraidiy : kāra :
Line: 51 𐏃𐎹 𐏐 𐏃𐎷𐎡𐏂𐎡𐎹 𐏐 𐎶𐎴𐎠 𐏐 𐎴𐎡𐎹 𐏐 𐎥𐎢𐎲𐎫𐎡𐎹 𐏐 𐎠𐎺𐎶 𐏐 𐎩𐎮𐎡𐎹 𐏐 𐎱𐎿𐎠𐎺 𐏐 𐎺𐎢𐎷𐎡𐎿 𐏐 𐎠/𐏁𐎡𐎹𐎺
h-y : h-mi-i-ç-i-y : m-n-a : n-i-y : g-u-b-t-i-y : a-v-m : j-di-i-y : p-s-a-v : v-u-mi-i-s : a-/š-i-y-v
hya : hamiçiya : manā : naiy : gaubataiy : avam : jadiy : pasāva : Vaumisa : ašiyava
Line: 52 𐏐 𐎹𐎰𐎠 𐏐 𐎠𐎼𐎷𐎡𐎴𐎶 𐏐 𐎱𐎼𐎠𐎼𐎿 𐏐 𐎱𐎿𐎠𐎺 𐏐 𐏃𐎷𐎡[𐏂𐎡𐎹]𐎠 𐏐 𐏃𐎥𐎶𐎫𐎠 𐏐 𐎱𐎼𐎡𐎫𐎠 𐏐 𐎱/𐎫𐎡𐏁
: y-ϑ-a : a-r-mi-i-n-m : p-r-a-r-s : p-s-a-v : h-mi-i-[ç-i-y]-a : h-g-m-t-a : p-r-i-t-a : p-/t-i-š
: yaϑā : Arminam : parārasa : pasāva : hamiçiyā : hagmatā : paraitā : patiš
Line: 53 𐏐 𐎺𐎢𐎷𐎡𐎿𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐎡𐏀𐎾𐎠 𐏐 𐎴𐎠𐎶𐎠 𐏐 𐎭𐏃𐎹𐎠𐎢𐏁 𐏐 𐎠𐎰𐎢𐎼𐎠𐎹/𐎠
: v-u-mi-i-s-m : h-m-r-n-m : c-r-t-n-i-y : i-z-l-a : n-a-m-a : d-h-y-a-u-š : a-ϑ-u-r-a-y-/a
: Vaumisam : hamaranam : cartanaiy : Izalā : nāmā : dahyāuš : Aϑurāyā
Line: 54 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢𐎼𐎶𐏀𐎭𐎠[𐎶]𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢/𐎼𐎶𐏀𐎭𐎠𐏃
: a-v-d-a : h-m-r-n-m : a-ku-u-n-v : a-u-r-m-z-d-a-[m]-i-y : u-p-s-t-a-m : a-b-r : v-š-n-a : a-u-/r-m-z-d-a-h
: avadā : hamaranam : akunava : Auramazdāmaiy : upastām : abara : vašnā : Auramazdāha
Line: 55 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫[𐎹𐎶 𐏐] 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐
: k-a-r : h-y : m-n-a : a-v-m : k-a-r-m : t-[y-m :] h-mi-i-ç-i-y-m : a-j : v-s-i-y :
: kāra : hya : manā : avam : kāram : tyam : hamiçiyam : aja : vasiy :
Line: 56 𐎠𐎴𐎠𐎶𐎣𐏃𐎹 𐏐 𐎶𐎠𐏃𐎹𐎠 𐏐 𐏓𐏒𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐
a-n-a-m-k-h-y : m-a-h-y-a : 10-2-2-1 : r-u-c-b-i-š : ϑ-k-t-a : a-h : a-v-ϑ-a-š-a-m : h-m-r-n-m :
Anāmakahya : māhyā : 15 : raucabiš : ϑakatā : āha : avaϑāšām : hamaranam :
Line: 57 𐎣𐎼𐎫𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎫𐎡𐎹 𐏐 𐎯𐎢𐎻𐎡𐎫𐎡𐎹𐎶 𐏐 𐏃𐎷/𐎡𐏂𐎡𐎹𐎠
k-r-t-m !! : ϑ-a-t-i-y : d-a-r-y-v-u-š : x-š-a-y-ϑ-i-y : p-t-i-y : du-u-vi-i-t-i-y-m : h-mi-/i-ç-i-y-a
kartam !! : ϑātiy : Dārayavauš : xšāyaϑiya : patiy : duvitīyam : hamiçiyā
Line: 58 𐏐 𐏃𐎥𐎶𐎫𐎠 𐏐 𐎱𐎼𐎡𐎫𐎠 𐏐 𐎱𐎫𐎡𐏁 𐏐 𐎺𐎢𐎷𐎡𐎿𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐎠𐎢/𐎫𐎡𐎹𐎠𐎼
: h-g-m-t-a : p-r-i-t-a : p-t-i-š : v-u-mi-i-s-m : h-m-r-n-m : c-r-t-n-i-y : a-u-/t-i-y-a-r
: hagmatā : paraitā : patiš : Vaumisam : hamaranam : cartanaiy : Autiyāra
Line: 59 𐏐 𐎴𐎠𐎶𐎠 𐏐 𐎭𐏃𐎹𐎠𐎢𐏁 𐏐 𐎠𐎼𐎷𐎡𐎴𐎡𐎹𐎡𐎹 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐
: n-a-m-a : d-h-y-a-u-š : a-r-mi-i-n-i-y-i-y : a-v-d-a : h-m-r-n-m : a-ku-u-n-v :
: nāmā : dahyāuš : Arminiyaiy : avadā : hamaranam : akunava :
Line: 60 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶/𐎴𐎠
a-u-r-m-z-d-a-m-i-y : u-p-s-t-a-m : a-b-r : v-š-n-a : a-u-r-m-z-d-a-h : k-a-r : h-y : m-/n-a
Auramazdāmaiy : upastām : abara : vašnā : Auramazdāha : kāra : hya : manā
Line: 61 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫𐎹𐎶 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐 𐎰𐎢𐎼𐎺𐎠𐏃𐎼𐏃𐎹 𐏐 𐎶𐎠𐏃/𐎹𐎠
: a-v-m : k-a-r-m : t-y-m : h-mi-i-ç-i-y-m : a-j : v-s-i-y : ϑ-u-r-v-a-h-r-h-y : m-a-h-/y-a
: avam : kāram : tyam : hamiçiyam : aja : vasiy : Θūravāharahya : māhyā
Line: 62 𐏐 𐎪𐎡𐎹𐎶𐎴𐎶 𐏐 𐎱𐎫𐎡𐎹 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 𐏐 𐎱𐎿𐎠𐎺 𐏐 𐎺𐎢𐎷𐎡𐎿
: ji-i-y-m-n-m : p-t-i-y : a-v-ϑ-a-š-a-m : h-m-r-n-m : k-r-t-m : p-s-a-v : v-u-mi-i-s
: jiyamnam : patiy : avaϑāšām : hamaranam : kartam : pasāva : Vaumisa
Line: 63 𐏐 𐎨𐎡𐎫𐎠 𐏐 𐎶𐎠𐎶 𐏐 𐎠𐎶𐎠𐎴𐎹 𐏐 𐎠𐎼𐎷𐎡𐎴𐎡𐎹(𐎡)[𐎹] 𐏐 𐎹𐎠𐎫𐎠 𐏐 𐎠𐎭𐎶 𐏐 𐎠𐎼𐎿𐎶 𐏐 𐎶𐎠𐎭𐎶
: c-i-t-a : m-a-m : a-m-a-n-y : a-r-mi-i-n-i-y-(i)-[y] : y-a-t-a : a-d-m : a-r-s-m : m-a-d-m
: citā : mām : amānaya : Arminiyaiy : yātā : adam : arasam : Mādam
Line: 64 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎠𐎭𐎶 𐏐 𐎴𐎡𐎩𐎠𐎹𐎶 𐏐 𐏃𐎨𐎠 𐏐
!! : ϑ-a-t-i-y : d-a-r-y-v-u-š : x-š-a-y-ϑ-i-y : p-s-a-v : a-d-m : n-i-j-a-y-m : h-c-a :
!! : ϑātiy : Dārayavauš : xšāyaϑiya : pasāva : adam : nijāyam : hacā :
Line: 65 𐎲𐎠𐎲𐎡𐎼𐎢𐏁 𐏐 𐎠𐏁𐎡𐎹𐎺𐎶 𐏐 𐎶𐎠𐎭𐎶 𐏐 𐎹𐎰𐎠 𐏐 𐎶𐎠𐎭𐎶 𐏐 𐎱𐎼𐎠𐎼𐎿𐎶 𐏐 𐎤𐎢𐎯𐎽𐎢𐏁 𐏐 𐎴𐎠𐎶 𐏐
b-a-b-i-r-u-š : a-š-i-y-v-m : m-a-d-m : y-ϑ-a : m-a-d-m : p-r-a-r-s-m : ku-u-du-ru-u-š : n-a-m :
Bābirauš : ašiyavam : Mādam : yaϑā : Mādam : parārasam : Kuduruš : nāma :
Line: 66 𐎺𐎼𐎭𐎴𐎶 𐏐 𐎶𐎠𐎭𐎡𐎹 𐏐 𐎠𐎺𐎭𐎠 𐏐 𐏃𐎢𐎺 𐏐 𐎳𐎼𐎺𐎼𐎫𐎡𐏁 𐏐 𐏃𐎹 𐏐 𐎶𐎠𐎭𐎡𐎹 𐏐 𐎧𐏁𐎠𐎹𐎰𐎡𐎹 𐏐 𐎠/𐎥𐎢𐎲𐎫𐎠
v-r-d-n-m : m-a-d-i-y : a-v-d-a : h-u-v : f-r-v-r-t-i-š : h-y : m-a-d-i-y : x-š-a-y-ϑ-i-y : a-/g-u-b-t-a
vardanam : Mādaiy : avadā : hauv : Fravartiš : hya : Mādaiy : xšāyaϑiya : agaubatā
Line: 67 𐏐 𐎠𐎡𐏁 𐏐 𐏃𐎭[𐎠 𐏐] 𐎣𐎠𐎼𐎠 𐏐 𐎱𐎫𐎡𐏁 𐏐 𐎶𐎠𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐎱𐎿𐎠𐎺 𐏐 𐏃𐎶𐎼𐎴/𐎶
: a-i-š : h-d-[a :] k-a-r-a : p-t-i-š : m-a-m : h-m-r-n-m : c-r-t-n-i-y : p-s-a-v : h-m-r-n-/m
: āiš : hadā : kārā : patiš : mām : hamaranam : cartanaiy : pasāva : hamaranam
Line: 68 𐏐 𐎠𐎤𐎢𐎶𐎠 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼𐎶
: a-ku-u-m-a : a-u-r-m-z-d-a-m-i-y : u-p-s-t-a-m : a-b-r : v-š-n-a : a-u-r-m-z-d-a-h : k-a-r-m
: akumā : Auramazdāmaiy : upastām : abara : vašnā : Auramazdāha : kāram
Line: 69 𐏐 𐎫𐎹𐎶 𐏐 𐎳𐎼𐎺𐎼𐎫𐎡𐏁 𐏐 𐎠𐎭𐎶 𐏐 𐎠𐎩𐎴𐎶 𐏐 𐎺𐎿𐎡𐎹 𐏐 𐎠𐎯𐎢𐎣[𐎴𐎡]𐏁𐏃𐎹 𐏐 𐎶𐎠𐏃𐎹𐎠 𐏐 𐏔𐏒𐏒𐏑 𐏐 𐎼/𐎢𐎨𐎲𐎡𐏁
: t-y-m : f-r-v-r-t-i-š : a-d-m : a-j-n-m : v-s-i-y : a-du-u-k-[n-i]-š-h-y : m-a-h-y-a : 20-2-2-1 : r-/u-c-b-i-š
: tyam : Fravartiš : adam : ajanam : vasiy : Adukanaišahya : māhyā : 25 : raucabiš
Line: 70 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎶𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧/𐏁𐎠𐎹𐎰𐎡𐎹
: ϑ-k-t-a : a-h : a-v-ϑ-a : h-m-r-n-m : a-ku-u-m-a !! : ϑ-a-t-i-y : d-a-r-y-v-u-š : x-/š-a-y-ϑ-i-y
: ϑakatā : āha : avaϑā : hamaranam : akumā !! : ϑātiy : Dārayavauš : xšāyaϑiya
Line: 71 𐏐 𐎱𐎿𐎠𐎺 𐏐 𐏃𐎢𐎺 𐏐 𐎳𐎼𐎺𐎼𐎫𐎡𐏁 𐏐 𐏃𐎭𐎠 𐏐 𐎣𐎶𐎴𐎡𐎲𐎡𐏁 𐏐 𐎠𐎿𐎲𐎠𐎼𐎡𐎲𐎡𐏁 𐏐 𐎠𐎸𐎢𐎰 𐏐 𐎼/𐎥𐎠
: p-s-a-v : h-u-v : f-r-v-r-t-i-š : h-d-a : k-m-n-i-b-i-š : a-s-b-a-r-i-b-i-š : a-mu-u-ϑ : r-/g-a
: pasāva : hauv : Fravartiš : hadā : kamnaibiš : asabāraibiš : amuϑa : Ragā
Line: 72 𐏐 𐎴𐎠𐎶𐎠 𐏐 𐎭𐏃𐎹𐎠𐎢𐏁 𐏐 𐎶𐎠𐎭𐎡𐎹 𐏐 𐎠𐎺𐎱𐎼𐎠 𐏐 𐎠𐏁𐎡𐎹𐎺 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼𐎶 𐏐 𐎳/𐎼𐎠𐎡𐏁𐎹𐎶
: n-a-m-a : d-h-y-a-u-š : m-a-d-i-y : a-v-p-r-a : a-š-i-y-v : p-s-a-v : a-d-m : k-a-r-m : f-/r-a-i-š-y-m
: nāmā : dahyāuš : Mādaiy : avaparā : ašiyava : pasāva : adam : kāram : frāišayam
Line: 73 𐏐 𐎴𐎡𐎱𐎮𐎡𐎹 𐏐 𐎳𐎼𐎺𐎼𐎫𐎡𐏁 𐏐 𐎠𐎥𐎼𐎲𐎡(𐎹) 𐏐 𐎠𐎴𐎹𐎫𐎠 𐏐 𐎠𐎲𐎡𐎹 𐏐 𐎶𐎠𐎶 𐏐 𐎠𐎭/𐎶𐏁𐎡(𐎹)
: n-i-p-di-i-y : f-r-v-r-t-i-š : a-g-r-b-i-(y) : a-n-y-t-a : a-b-i-y : m-a-m : a-d-/m-š-i-(y)
: nipadiy : Fravartiš : āgarbiya : anayatā : abiy : mām : adamšaiy
Line: 74 [𐏐] 𐎢𐎫𐎠 𐏐 𐎴𐎠𐏃𐎶 𐏐 𐎢𐎫𐎠 𐏐 𐎥𐎢𐏁𐎠 𐏐 𐎢𐎫𐎠 𐏐 𐏃𐏀𐎠𐎴𐎶 𐏐 𐎳𐎼𐎠𐎩𐎴𐎶 𐏐 𐎢𐎫𐎠𐏁/𐎡𐎹
[:] u-t-a : n-a-h-m : u-t-a : g-u-š-a : u-t-a : h-z-a-n-m : f-r-a-j-n-m : u-t-a-š-/i-y
: utā : nāham : utā : gaušā : utā : hazānam : frājanam : utāšaiy
Line: 75 𐏐 [𐏑 𐎨𐏁]𐎶 𐏐 𐎠𐎺𐎩𐎶 𐏐 𐎯𐎢𐎺𐎼𐎹𐎠𐎶𐎡𐎹 𐏐 𐎲𐎿𐎫 𐏐 𐎠𐎭𐎠𐎼𐎡𐎹 𐏐 𐏃𐎽𐎢𐎺𐏁𐎡𐎶 𐏐 𐎣/𐎠𐎼
: [1 c-š]-m : a-v-j-m : du-u-v-r-y-a-m-i-y : b-s-t : a-d-a-r-i-y : h-ru-u-v-š-i-m : k-/a-r
: 1 cašam : avajam : duvarayāmaiy : basta : adāraiya : haruvašim : kāra
Line: 76 𐏐 𐎠𐎺𐎡𐎴 𐏐 𐎱𐎿𐎠𐎺𐏁𐎡𐎶 𐏐 𐏃𐎥𐎶𐎫𐎠𐎴𐎡𐎹 𐏐 𐎢𐏀𐎶𐎹𐎠𐎱𐎫𐎡𐎹 𐏐 𐎠𐎤𐎢𐎴𐎺𐎶
: a-v-i-n : p-s-a-v-š-i-m : h-g-m-t-a-n-i-y : u-z-m-y-a-p-t-i-y : a-ku-u-n-v-m
: avaina : pasāvašim : Hagmatānaiy : uzmayāpatiy : akunavam
Line: 77 𐏐 𐎢𐎫𐎠 𐏐 𐎶[𐎼]𐎫𐎡𐎹𐎠 𐏐 𐎫𐎹𐎡𐏁𐎡𐎹 𐏐 𐎳𐎼𐎫𐎶𐎠 𐏐 𐎠𐎵𐎢𐏁𐎡𐎹𐎠 𐏐 𐎠𐏃𐎫𐎠 𐏐 𐎠𐎺𐎡𐎹 𐏐 𐏃/𐎥𐎶𐎫𐎠[𐎴𐎡𐎹]
: u-t-a : m-[r]-t-i-y-a : t-y-i-š-i-y : f-r-t-m-a : a-nu-u-š-i-y-a : a-h-t-a : a-v-i-y : h-/g-m-t-a-[n-i-y]
: utā : martiyā : tyaišaiy : fratamā : anušiyā : āhatā : avaiy : Hagmatānaiy
Line: 78 𐏐 [𐎠](𐎫)𐎼 𐏐 𐎮𐎡𐎭𐎠𐎶 𐏐 𐎳𐎼𐎠𐏃𐎩𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁/𐎠𐎹𐎰𐎡𐎹
: [a]-(t)-r : di-i-d-a-m : f-r-a-h-j-m !! : ϑ-a-t-i-y : d-a-r-y-v-u-š : x-š-/a-y-ϑ-i-y
: atar : didām : frāhajam !! : ϑātiy : Dārayavauš : xšāyaϑiya
Line: 79 𐏐 𐏑 𐎶𐎼[𐎫]𐎡𐎹 𐏐 𐎨𐎡𐏂𐎫𐎧𐎶 𐏐 𐎴𐎠𐎶 𐏐 𐎠𐎿𐎥𐎼𐎫𐎡𐎹 𐏐 𐏃𐎢𐎺𐎶𐎡𐎹 𐏐 𐏃𐎷𐎡𐏂𐎡𐎹 𐏐
: 1 m-r-[t]-i-y : c-i-ç-t-x-m : n-a-m : a-s-g-r-t-i-y : h-u-v-m-i-y : h-mi-i-ç-i-y :
: 1 martiya : Ciçataxma : nāma : Asagartaiy : hauvmaiy : hamiçiya :
Line: 80 𐎠𐎲𐎺 𐏐 𐎣𐎠𐎼𐏃𐎹𐎠 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐎷𐎡𐎹 𐏐 𐎠𐎿𐎥𐎼𐎫/𐎡𐎹
a-b-v : k-a-r-h-y-a : a-v-ϑ-a : a-ϑ-h : a-d-m : x-š-a-y-ϑ-i-y : a-mi-i-y : a-s-g-r-t-/i-y
abava : kārahyā : avaϑā : aϑaha : adam : xšāyaϑiya : amiy : Asagartaiy
Line: 81 𐏐 𐎢𐎺𐎧𐏁𐎫𐎼[𐏃𐎹]𐎠 𐏐 𐎫𐎢𐎶𐎠𐎹𐎠 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼𐎶 𐏐 𐎱𐎠𐎼𐎿𐎶 𐏐 𐎢𐎫/𐎠
: u-v-x-š-t-r-[h-y]-a : t-u-m-a-y-a : p-s-a-v : a-d-m : k-a-r-m : p-a-r-s-m : u-t-/a
: Uvaxštrahyā : taumāyā : pasāva : adam : kāram : Pārsam : utā
Line: 82 𐏐 𐎶𐎠𐎭𐎶 𐏐 𐎳𐎼𐎠𐎡𐏁𐎹𐎶 𐏐 𐎫𐎧𐎶𐎿𐎱𐎠𐎭 𐏐 𐎴𐎠𐎶 𐏐 𐎶𐎠𐎭 𐏐 𐎶𐎴𐎠 𐏐 𐎲𐎭𐎣 𐏐 𐎠𐎺𐎶/𐏁𐎠𐎶
: m-a-d-m : f-r-a-i-š-y-m : t-x-m-s-p-a-d : n-a-m : m-a-d : m-n-a : b-d-k : a-v-m-/š-a-m
: Mādam : frāišayam : Taxmaspāda : nāma : Māda : manā : badaka : avamšām
Line: 83 𐏐 𐎶𐎰𐎡𐏁𐎫𐎶 𐏐 𐎠𐎤𐎢𐎴𐎺𐎶 𐏐 [𐎠]𐎺𐎰𐎠𐏁𐎠𐎶 𐏐 𐎠𐎰𐏃𐎶 𐏐 𐎱𐎼𐎡𐎫𐎠 𐏐 𐎣/𐎠𐎼𐎶
: m-ϑ-i-š-t-m : a-ku-u-n-v-m : [a]-v-ϑ-a-š-a-m : a-ϑ-h-m : p-r-i-t-a : k-/a-r-m
: maϑištam : akunavam : avaϑāšām : aϑaham : paraitā : kāram
Line: 84 𐏐 𐏃𐎷𐎡𐏂𐎡𐎹𐎶 𐏐 𐏃𐎹 𐏐 𐎶𐎴𐎠 𐏐 𐎴𐎡𐎹 𐏐 𐎥𐎢𐎲𐎠𐎫𐎡𐎹 𐏐 𐎠𐎺𐎶 𐏐 𐎩𐎫𐎠 𐏐 𐎱𐎿/𐎠𐎺
: h-mi-i-ç-i-y-m : h-y : m-n-a : n-i-y : g-u-b-a-t-i-y : a-v-m : j-t-a : p-s-/a-v
: hamiçiyam : hya : manā : naiy : gaubātaiy : avam : jatā : pasāva
Line: 85 [𐏐] 𐎫𐎧𐎶𐎿𐎱𐎠𐎭 𐏐 𐏃𐎭𐎠 𐏐 𐎣𐎠𐎼𐎠 𐏐 (𐎠)𐏁𐎡𐎹𐎺 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎢𐏁 𐏐 𐏃𐎭/𐎠
[:] t-x-m-s-p-a-d : h-d-a : k-a-r-a : (a)-š-i-y-v : h-m-r-n-m : a-ku-u-n-u-š : h-d-/a
: Taxmaspāda : hadā : kārā : ašiyava : hamaranam : akunauš : hadā
Line: 86 𐏐 𐎨𐎡𐏂𐎫𐎧𐎶𐎠 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀/𐎭𐎠𐏃
: c-i-ç-t-x-m-a : a-u-r-m-z-d-a-m-i-y : u-p-s-t-a-m : a-b-r : v-š-n-a : a-u-r-m-z-/d-a-h
: Ciçataxmā : Auramazdāmaiy : upastām : abara : vašnā : Auramazdāha
Line: 87 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫𐎹𐎶 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎢𐎫𐎠 𐏐 𐎨/𐎡𐏂𐎫𐎧𐎶𐎶
: k-a-r : h-y : m-n-a : a-v-m : k-a-r-m : t-y-m : h-mi-i-ç-i-y-m : a-j : u-t-a : c-/i-ç-t-x-m-m
: kāra : hya : manā : avam : kāram : tyam : hamiçiyam : aja : utā : Ciçataxmam
Line: 88 𐏐 𐎠𐎥𐎼𐎲𐎠𐎹 𐏐 𐎠𐎴𐎹 𐏐 𐎠𐎲𐎡𐎹 𐏐 𐎶𐎠𐎶 𐏐 𐎱𐎿𐎠𐎺𐏁𐎡𐎹 𐏐 𐎠𐎭𐎶 𐏐 𐎢𐎫𐎠 𐏐 𐎴/𐎠𐏃𐎶
: a-g-r-b-a-y : a-n-y : a-b-i-y : m-a-m : p-s-a-v-š-i-y : a-d-m : u-t-a : n-/a-h-m
: agarbāya : anaya : abiy : mām : pasāvašaiy : adam : utā : nāham
Line: 89 𐏐 𐎢𐎫𐎠 𐏐 𐎥𐎢𐏁𐎠 𐏐 𐎳𐎼𐎠𐎩𐎴𐎶 𐏐 𐎢𐎫𐎠𐏁𐎡𐎹 𐏐 𐏑 𐎨𐏁𐎶 𐏐 𐎠𐎺𐎩𐎶 𐏐 𐎯𐎢𐎺𐎼𐎹𐎠/𐎶𐎡𐎹
: u-t-a : g-u-š-a : f-r-a-j-n-m : u-t-a-š-i-y : 1 c-š-m : a-v-j-m : du-u-v-r-y-a-/m-i-y
: utā : gaušā : frājanam : utāšaiy : 1 cašam : avajam : duvarayāmaiy
Line: 90 𐏐 𐎲𐎿𐎫 𐏐 𐎠𐎭𐎠𐎼𐎡𐎹 𐏐 𐏃𐎽𐎢𐎺𐏁𐎡𐎶 𐏐 𐎣𐎠𐎼 𐏐 𐎠𐎺𐎡[𐎴 𐏐] 𐎱𐎿𐎠𐎺𐏁𐎡𐎶 𐏐 𐎠𐎼𐎲𐎡𐎼𐎠𐎹𐎠 𐏐
: b-s-t : a-d-a-r-i-y : h-ru-u-v-š-i-m : k-a-r : a-v-i-[n :] p-s-a-v-š-i-m : a-r-b-i-r-a-y-a :
: basta : adāraiya : haruvašim : kāra : avaina : pasāvašim : Arbairāyā :
Line: 91 𐎢𐏀𐎶𐎹𐎠𐎱𐎫𐎡[𐎹 𐏐] 𐎠𐎤𐎢𐎴𐎺𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐎫𐎹 𐏐 𐎶/𐎴𐎠
u-z-m-y-a-p-t-i-[y :] a-ku-u-n-v-m !! : ϑ-a-t-i-y : d-a-r-y-v-u-š : x-š-a-y-ϑ-i-y : i-m : t-y : m-/n-a
uzmayāpatiy : akunavam !! : ϑātiy : Dārayavauš : xšāyaϑiya : ima : tya : manā
Line: 92 𐏐 𐎣𐎼𐎫𐎶 𐏐 𐎶𐎠[𐎭]𐎡𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰[𐎡]𐎹 𐏐 𐎱𐎼𐎰𐎺 𐏐 𐎢𐎫𐎠 𐏐 𐎺𐎼/𐎣𐎠𐎴
: k-r-t-m : m-a-[d]-i-y !! : ϑ-a-t-i-y : d-a-r-y-v-u-š : x-š-a-y-ϑ-[i]-y : p-r-ϑ-v : u-t-a : v-r-/k-a-n
: kartam : Mādaiy !! : ϑātiy : Dārayavauš : xšāyaϑiya : Parϑava : utā : Varkāna
Line: 93 𐏐 [𐏃𐎷]𐎡[𐏂]𐎡𐎹𐎠 𐏐 [𐎠𐎲]𐎺 𐏐 [𐏃𐎨𐎠]𐎶 𐏐 𐎳𐎼𐎺𐎼[𐎫𐎡𐏁 𐏐 𐎠𐎥]𐎢[𐎲]𐎫𐎠 𐏐 𐎻𐏁𐎫𐎠𐎿𐎱 𐏐 𐎶𐎴𐎠 𐏐 𐎱𐎡𐎫𐎠 𐏐 𐏃/𐎢𐎺
: [h-mi]-i-[ç]-i-y-a : [a-b]-v : [h-c-a]-m : f-r-v-r-[t-i-š : a-g]-u-[b]-t-a : vi-š-t-a-s-p : m-n-a : p-i-t-a : h-/u-v
: hamiçiyā : abava : hacāma : Fravartiš : agaubatā : Vištāspa : manā : pitā : hauv
Line: 94 𐏐 [𐎱𐎼𐎰𐎺𐎡𐎹] 𐏐 𐎠𐏃 [𐏐] 𐎠[𐎺]𐎶 𐏐 𐎣𐎠𐎼 𐏐 𐎠𐎺𐏃𐎼[𐎭 𐏐 𐏃𐎷]𐎡𐏂𐎡[𐎹] 𐏐 𐎠𐎲𐎺 𐏐 𐎱𐎿𐎠𐎺 𐏐 𐎻𐏁𐎫𐎠𐎿𐎱 𐏐 𐎠/(𐏁)[𐎡𐎹𐎺
: [p-r-ϑ-v-i-y] : a-h [:] a-[v]-m : k-a-r : a-v-h-r-[d : h-mi]-i-ç-i-[y] : a-b-v : p-s-a-v : vi-š-t-a-s-p : a-/(š)-[i-y-v
: Parϑavaiy : āha : avam : kāra : avaharda : hamiçiya : abava : pasāva : Vištāspa : ašiyava
Line: 95 𐏐 𐏃𐎭𐎠 𐏐 𐎣𐎠𐎼]𐎠 𐏐 𐏃[𐎹𐏁𐎡𐎹 𐏐] 𐎠𐎵𐎢𐏁𐎡[𐎹 𐏐] 𐎠𐏃 𐏐 𐎻𐎡𐏁[𐎱]𐎢𐏀[𐎠]𐎫𐎡𐏁 𐏐 𐎴𐎠𐎶 𐏐 𐎺𐎼𐎭/[𐎴𐎶
: h-d-a : k-a-r]-a : h-[y-š-i-y :] a-nu-u-š-i-[y :] a-h : vi-i-š-[p]-u-z-[a]-t-i-š : n-a-m : v-r-d-/[n-m
: hadā : kārā : hyašaiy : anušiya : āha : Višpauzātiš : nāma : vardanam
Line: 96 𐏐 𐎱𐎼𐎰𐎺𐎡𐎹] 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 [𐎠]𐎤𐎢𐎴𐎢[𐏁] 𐏐 𐏃𐎭𐎠 𐏐 𐎱𐎼𐎰𐎺𐎲𐎡[𐏁 𐏐] 𐎠[𐎢𐎼𐎶𐏀𐎭]𐎠𐎶𐎡𐎹
: p-r-ϑ-v-i-y] : a-v-d-a : h-m-r-n-m : [a]-ku-u-n-u-[š] : h-d-a : p-r-ϑ-v-b-i-[š :] a-[u-r-m-z-d]-a-m-i-y
: Parϑavaiy : avadā : hamaranam : akunauš : hadā : Parϑavaibiš : Auramazdāmaiy
Line: 97 𐏐 [𐎢𐎱𐎿𐎫𐎠𐎶 𐏐 𐎠𐎲𐎼 𐏐] 𐎺𐏁𐎴𐎠 [𐏐 𐎠]𐎢𐎼𐎶[𐏀𐎭𐎠𐏃 𐏐 𐎻𐏁]𐎫𐎠[𐎿𐎱] 𐏐 𐎠𐎺𐎶 𐏐 𐎣𐎠𐎼[𐎶 𐏐 𐎫𐎹𐎶 𐏐 𐏃]𐎷[𐎡]𐏂𐎡𐎹/𐎶
: [u-p-s-t-a-m : a-b-r :] v-š-n-a [: a]-u-r-m-[z-d-a-h : vi-š]-t-a-[s-p] : a-v-m : k-a-r-[m : t-y-m : h]-mi-[i]-ç-i-y-/m
: upastām : abara : vašnā : Auramazdāha : Vištāspa : avam : kāram : tyam : hamiçiyam
Line: 98 𐏐 [𐎠𐎩 𐏐 𐎺𐎿𐎡𐎹 𐏐 𐎻]𐎡𐎹𐎧𐎴𐏃𐎹 𐏐 𐎶[𐎠]𐏃𐎹𐎠 𐏐 [𐏔𐏒 𐏐 𐎼𐎢𐎨𐎲𐎡𐏁 𐏐] 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶
: [a-j : v-s-i-y : vi]-i-y-x-n-h-y : m-[a]-h-y-a : [20-2 : r-u-c-b-i-š :] ϑ-k-t-a : a-h : a-v-ϑ-a-š-a-m : h-m-r-n-m : k-r-t-m
: aja : vasiy : Viyaxnahya : māhyā : 22: raucabiš : ϑakatā : āha : avaϑāšām : hamaranam : kartam
Text: DB3.
DB3.
Line: 1 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼/𐎶
: ϑ-a-t-i-y : d-a-r-y-v-u-š : x-š-a-y-ϑ-i-y : p-s-a-v : a-d-m : k-a-r-/m
: ϑātiy : Dārayavauš : xšāyaϑiya : pasāva : adam : kāram
Line: 2 𐏐 𐎱𐎠𐎼𐎿𐎶 𐏐 𐎳𐎼𐎠𐎡𐏁𐎹𐎶 𐏐 𐎠𐎲𐎡𐎹 𐏐 𐎻𐏁𐎫𐎠𐎿𐎱𐎶 𐏐 𐏃𐎨𐎠 𐏐 𐎼𐎥𐎠/𐎹𐎠
: p-a-r-s-m : f-r-a-i-š-y-m : a-b-i-y : vi-š-t-a-s-p-m : h-c-a : r-g-a-/y-a
: Pārsam : frāišayam : abiy : Vištāspam : hacā : Ragāyā
Line: 3 𐏐 𐎹𐎰𐎠 𐏐 𐏃𐎢𐎺 𐏐 𐎣𐎠𐎼 𐏐 𐎱𐎼𐎠𐎼𐎿 𐏐 𐎠𐎲𐎡𐎹 𐏐 𐎻𐏁𐎫𐎠𐎿𐎱𐎶
: y-ϑ-a : h-u-v : k-a-r : p-r-a-r-s : a-b-i-y : vi-š-t-a-s-p-m
: yaϑā : hauv : kāra : parārasa : abiy : Vištāspam
Line: 4 𐏐 𐎱𐎿𐎠𐎺 𐏐 𐎻𐏁𐎫𐎠𐎿𐎱 𐏐 𐎠𐎹𐎿𐎫𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎠𐏁𐎡𐎹𐎺 𐏐 𐎱𐎫𐎡𐎥𐎼𐎲/𐎴𐎠
: p-s-a-v : vi-š-t-a-s-p : a-y-s-t-a : a-v-m : k-a-r-m : a-š-i-y-v : p-t-i-g-r-b-/n-a
: pasāva : Vištāspa : āyasatā : avam : kāram : ašiyava : Patigrabanā
Line: 5 𐏐 𐎴𐎠𐎶 𐏐 𐎺𐎼𐎭𐎴𐎶 𐏐 𐎱𐎼𐎰𐎺𐎡𐎹 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎢𐏁 𐏐 𐏃𐎭𐎠 𐏐
: n-a-m : v-r-d-n-m : p-r-ϑ-v-i-y : a-v-d-a : h-m-r-n-m : a-ku-u-n-u-š : h-d-a :
: nāma : vardanam : Parϑavaiy : avadā : hamaranam : akunauš : hadā :
Line: 6 𐏃𐎷𐎡𐏂𐎡𐎹𐎡𐎲𐎡𐏁 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀/𐎭𐎠𐏃
h-mi-i-ç-i-y-i-b-i-š : a-u-r-m-z-d-a-m-i-y : u-p-s-t-a-m : a-b-r : v-š-n-a : a-u-r-m-z-/d-a-h
hamiçiyaibiš : Auramazdāmaiy : upastām : abara : vašnā : Auramazdāha
Line: 7 𐏐 𐎻𐏁𐎫𐎠𐎿𐎱 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫𐎹𐎶 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐 𐎥/𐎼𐎶𐎱𐎭𐏃𐎹
: vi-š-t-a-s-p : a-v-m : k-a-r-m : t-y-m : h-mi-i-ç-i-y-m : a-j : v-s-i-y : g-/r-m-p-d-h-y
: Vištāspa : avam : kāram : tyam : hamiçiyam : aja : vasiy : Garmapadahya
Line: 8 𐏐 𐎶𐎠𐏃𐎹𐎠 𐏐 𐏑 𐏐 𐎼𐎢𐎨 𐏐 𐎰𐎣𐎫𐎶 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣/𐎼𐎫𐎶
: m-a-h-y-a : 1 : r-u-c : ϑ-k-t-m : a-h : a-v-ϑ-a-š-a-m : h-m-r-n-m : k-/r-t-m
: māhyā : 1 : rauca : ϑakatam : āha : avaϑāšām : hamaranam : kartam
Line: 9 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎭𐏃𐎹𐎠𐎢𐏁 𐏐 𐎶/𐎴𐎠
!! : ϑ-a-t-i-y : d-a-r-y-v-u-š : : x-š-a-y-ϑ-i-y : p-s-a-v : d-h-y-a-u-š : m-/n-a
!! : ϑātiy : Dārayavauš : : xšāyaϑiya : pasāva : dahyāuš : manā
Line: 10 𐏐 𐎠𐎲𐎺 𐏐 𐎡𐎶 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫𐎶 𐏐 𐎱𐎼𐎰𐎺𐎡𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢/𐏁
: a-b-v : i-m : t-y : m-n-a : k-r-t-m : p-r-ϑ-v-i-y !! : ϑ-a-t-i-y : d-a-r-y-v-u-/š
: abava : ima : tya : manā : kartam : Parϑavaiy !! : ϑātiy : Dārayavauš
Line: 11 𐏐 𐎧𐏁𐎠𐎹𐎰𐎡𐎹 𐏐 𐎶𐎼𐎦𐎢𐏁 𐏐 𐎴𐎠𐎶𐎠 𐏐 𐎭𐏃𐎹𐎠𐎢𐏁 𐏐 𐏃𐎢𐎺𐎶𐎡𐎹 𐏐 𐏃𐎷𐎡𐏂𐎡𐎹𐎠 𐏐 𐎠𐎲𐎺
: x-š-a-y-ϑ-i-y : m-r-gu-u-š : n-a-m-a : d-h-y-a-u-š : h-u-v-m-i-y : h-mi-i-ç-i-y-a : a-b-v
: xšāyaϑiya : Marguš : nāmā : dahyāuš : hauvmaiy : hamiçiyā : abava
Line: 12 𐏐 𐏑 𐎶𐎼𐎫𐎡𐎹 𐏐 𐎳𐎼𐎠𐎭 𐏐 𐎴𐎠𐎶 𐏐 𐎶𐎠𐎼𐎥𐎺 𐏐 𐎠𐎺𐎶 𐏐 𐎶𐎰𐎡𐏁𐎫𐎶 𐏐 𐎠𐎤𐎢𐎴𐎺𐎫𐎠 𐏐 𐎱𐎿𐎠/𐎺
: 1 m-r-t-i-y : f-r-a-d : n-a-m : m-a-r-g-v : a-v-m : m-ϑ-i-š-t-m : a-ku-u-n-v-t-a : p-s-a-/v
: 1 martiya : Frāda : nāma : Mārgava : avam : maϑištam : akunavatā : pasāva
Line: 13 𐏐 𐎠𐎭𐎶 𐏐 𐎳𐎼𐎠𐎡𐏁𐎹𐎶 𐏐 𐎭𐎠𐎭𐎼𐏁𐎡𐏁 𐏐 𐎴𐎠𐎶 𐏐 𐎱𐎠𐎼𐎿 𐏐 𐎶𐎴𐎠 𐏐 𐎲𐎭𐎣 𐏐 𐎲𐎠𐎧𐎫𐎼𐎡𐎹/𐎠
: a-d-m : f-r-a-i-š-y-m : d-a-d-r-š-i-š : n-a-m : p-a-r-s : m-n-a : b-d-k : b-a-x-t-r-i-y-/a
: adam : frāišayam : Dādaršiš : nāma : Pārsa : manā : badaka : Bāxtriyā
Line: 14 𐏐 𐎧𐏁𐏂𐎱𐎠𐎺𐎠 𐏐 𐎠𐎲𐎡𐎹 𐏐 𐎠𐎺𐎶 𐏐 𐎠𐎺𐎰𐎠𐏁𐎡𐎹 𐏐 𐎠𐎰𐏃𐎶 𐏐 𐎱𐎼𐎡𐎮𐎡𐎹 𐏐 𐎠𐎺/𐎶
: x-š-ç-p-a-v-a : a-b-i-y : a-v-m : a-v-ϑ-a-š-i-y : a-ϑ-h-m : p-r-i-di-i-y : a-v-/m
: xšaçapāvā : abiy : avam : avaϑāšaiy : aϑaham : paraidiy : avam
Line: 15 𐏐 𐎣𐎠𐎼𐎶 𐏐 𐎩𐎮𐎡𐎹 𐏐 𐏃𐎹 𐏐 𐎶𐎴𐎠 𐏐 𐎴𐎡𐎹 𐏐 𐎥𐎢𐎲𐎫𐎡𐎹 𐏐 𐎱𐎿𐎠𐎺 𐏐 𐎭𐎠𐎭𐎼𐏁𐎡𐏁 𐏐 𐏃𐎭𐎠 𐏐 𐎣/𐎠𐎼𐎠
: k-a-r-m : j-di-i-y : h-y : m-n-a : n-i-y : g-u-b-t-i-y : p-s-a-v : d-a-d-r-š-i-š : h-d-a : k-/a-r-a
: kāram : jadiy : hya : manā : naiy : gaubataiy : pasāva : Dādaršiš : hadā : kārā
Line: 16 𐏐 𐎠𐏁𐎡𐎹𐎺 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎢𐏁 𐏐 𐏃𐎭𐎠 𐏐 𐎶𐎠𐎼𐎥𐎺𐎡𐎲𐎡𐏁 𐏐 𐎠𐎢𐎼𐎶𐏀𐎭/𐎠𐎶𐎡𐎹
: a-š-i-y-v : h-m-r-n-m : a-ku-u-n-u-š : h-d-a : m-a-r-g-v-i-b-i-š : a-u-r-m-z-d-/a-m-i-y
: ašiyava : hamaranam : akunauš : hadā : Mārgavaibiš : Auramazdāmaiy
Line: 17 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶
: u-p-s-t-a-m : a-b-r : v-š-n-a : a-u-r-m-z-d-a-h : k-a-r : h-y : m-n-a : a-v-m : k-a-r-m
: upastām : abara : vašnā : Auramazdāha : kāra : hya : manā : avam : kāram
Line: 18 𐏐 𐎫𐎹𐎶 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐 𐎠𐏂𐎡𐎹𐎠𐎮𐎡𐎹𐏃𐎹 𐏐 𐎶𐎠𐏃𐎹𐎠 𐏐 𐏔𐏒𐏑 𐏐 𐎼𐎢𐎨𐎲𐎡/𐏁
: t-y-m : h-mi-i-ç-i-y-m : a-j : v-s-i-y : a-ç-i-y-a-di-i-y-h-y : m-a-h-y-a : 20-2-1 : r-u-c-b-i-/š
: tyam : hamiçiyam : aja : vasiy : Āçiyādiyahya : māhyā : 23 : raucabiš
Line: 19 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢/𐏁
: ϑ-k-t-a : a-h : a-v-ϑ-a-š-a-m : h-m-r-n-m : k-r-t-m !! : ϑ-a-t-i-y : d-a-r-y-v-u-/š
: ϑakatā : āha : avaϑāšām : hamaranam : kartam !! : ϑātiy : Dārayavauš
Line: 20 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎭𐏃𐎹𐎠𐎢𐏁 𐏐 𐎶𐎴𐎠 𐏐 𐎠𐎲𐎺 𐏐 𐎡𐎶 𐏐 𐎫𐎹 𐏐 𐎶/𐎴𐎠
: x-š-a-y-ϑ-i-y : p-s-a-v : d-h-y-a-u-š : m-n-a : a-b-v : i-m : t-y : m-/n-a
: xšāyaϑiya : pasāva : dahyāuš : manā : abava : ima : tya : manā
Line: 21 𐏐 𐎣𐎼𐎫𐎶 𐏐 𐎲𐎠𐎧𐎫𐎼𐎡𐎹𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/𐎰𐎡𐎹
: k-r-t-m : b-a-x-t-r-i-y-a !! : ϑ-a-t-i-y : d-a-r-y-v-u-š : x-š-a-y-/ϑ-i-y
: kartam : Bāxtriyā !! : ϑātiy : Dārayavauš : xšāyaϑiya
Line: 22 𐏐 𐏑 𐎶𐎼𐎫𐎡𐎹 𐏐 𐎺𐏃𐎹𐏀𐎭𐎠𐎫 𐏐 𐎴𐎠𐎶 𐏐 𐎫𐎠𐎼𐎺𐎠 𐏐 𐎴𐎠𐎶 𐏐 𐎺𐎼𐎭𐎴𐎶
: 1 m-r-t-i-y : v-h-y-z-d-a-t : n-a-m : t-a-r-v-a : n-a-m : v-r-d-n-m
: 1 martiya : Vahyazdāta : nāma : Tāravā : nāma : vardanam
Line: 23 𐏐 𐎹𐎢𐎫𐎡𐎹𐎠 𐏐 𐎴𐎠𐎶𐎠 𐏐 𐎭𐏃𐎹𐎠𐎢𐏁 𐏐 𐎱𐎠𐎼𐎿𐎡𐎹 𐏐 𐎠𐎺𐎭𐎠 𐏐 𐎠𐎭𐎠𐎼𐎹 𐏐 𐏃/𐎢𐎺
: y-u-t-i-y-a : n-a-m-a : d-h-y-a-u-š : p-a-r-s-i-y : a-v-d-a : a-d-a-r-y : h-/u-v
: Yautiyā : nāmā : dahyāuš : Pārsaiy : avadā : adāraya : hauv
Line: 24 𐏐 𐎯𐎢𐎻𐎡𐎫𐎡𐎹𐎶 𐏐 𐎢𐎭𐎱𐎫𐎫𐎠 𐏐 𐎱𐎠𐎼𐎿𐎡𐎹 𐏐 𐎣𐎠𐎼𐏃𐎹𐎠 𐏐 𐎠𐎺𐎰𐎠
: du-u-vi-i-t-i-y-m : u-d-p-t-t-a : p-a-r-s-i-y : k-a-r-h-y-a : a-v-ϑ-a
: duvitīyam : udapatatā : Pārsaiy : kārahyā : avaϑā
Line: 25 𐏐 𐎠𐎰𐏃 𐏐 𐎠𐎭𐎶 𐏐 𐎲𐎼𐎮𐎡𐎹 𐏐 𐎠𐎷𐎡𐎹 𐏐 𐏃𐎹 𐏐 𐎤𐎢𐎼𐎢𐏁 𐏐 𐎱𐎢𐏂 𐏐 𐎱𐎿𐎠𐎺
: a-ϑ-h : a-d-m : b-r-di-i-y : a-mi-i-y : h-y : ku-u-r-u-š : p-u-ç : p-s-a-v
: aϑaha : adam : Bardiya : amiy : hya : Kūrauš : puça : pasāva
Line: 26 𐏐 𐎣𐎠𐎼 𐏐 𐎱𐎠𐎼𐎿 𐏐 𐏃𐎹 𐏐 𐎻𐎰𐎠𐎱𐎫𐎡𐎹 𐏐 𐏃𐎨𐎠 𐏐 𐎹𐎭𐎠𐎹𐎠 𐏐 𐎳𐎼𐎫𐎼𐎶 𐏐 𐏃/𐎢𐎺
: k-a-r : p-a-r-s : h-y : vi-ϑ-a-p-t-i-y : h-c-a : y-d-a-y-a : f-r-t-r-m : h-/u-v
: kāra : Pārsa : hya : Viϑāpatiy : hacā : Yadāyā : frataram : hauv
Line: 27 𐏐 𐏃𐎨𐎠𐎶 𐏐 𐏃𐎷𐎡𐏂𐎡𐎹 𐏐 𐎠𐎲𐎺 𐏐 𐎠𐎲𐎡𐎹 𐏐 𐎠𐎺𐎶 𐏐 𐎺𐏃𐎹𐏀𐎭𐎠𐎫/𐎶
: h-c-a-m : h-mi-i-ç-i-y : a-b-v : a-b-i-y : a-v-m : v-h-y-z-d-a-t-/m
: hacāma : hamiçiya : abava : abiy : avam : Vahyazdātam
Line: 28 𐏐 𐎠𐏁𐎡𐎹𐎺 𐏐 𐏃𐎢𐎺 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺 𐏐 𐎱𐎠𐎼𐎿𐎡𐎹 !! 𐏐 𐎰𐎠/𐎫𐎡𐎹
: a-š-i-y-v : h-u-v : x-š-a-y-ϑ-i-y : a-b-v : p-a-r-s-i-y !! : ϑ-a-/t-i-y
: ašiyava : hauv : xšāyaϑiya : abava : Pārsaiy !! : ϑātiy
Line: 29 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼𐎶 𐏐 𐎱𐎠𐎼𐎿/𐎶
: d-a-r-y-v-u-š : x-š-a-y-ϑ-i-y : p-s-a-v : a-d-m : k-a-r-m : p-a-r-s-/m
: Dārayavauš : xšāyaϑiya : pasāva : adam : kāram : Pārsam
Line: 30 𐏐 𐎢𐎫𐎠 𐏐 𐎶𐎠𐎭𐎶 𐏐 𐎳𐎼𐎠𐎡𐏁𐎹𐎶 𐏐 𐏃𐎹 𐏐 𐎢𐎱𐎠 𐏐 𐎶𐎠𐎶 𐏐 𐎠𐏃 𐏐 𐎠𐎼𐎫𐎺𐎼𐎮/𐎡𐎹
: u-t-a : m-a-d-m : f-r-a-i-š-y-m : h-y : u-p-a : m-a-m : a-h : a-r-t-v-r-di-/i-y
: utā : Mādam : frāišayam : hya : upā : mām : āha : Artavardiya
Line: 31 𐏐 𐎴𐎠𐎶 𐏐 𐎱𐎠𐎼𐎿 𐏐 𐎶𐎴𐎠 𐏐 𐎲𐎭𐎣 𐏐 𐎠𐎺𐎶𐏁𐎠𐎶 𐏐 𐎶𐎰𐎡𐏁𐎫𐎶 𐏐 𐎠𐎤𐎢/𐎴𐎺𐎶
: n-a-m : p-a-r-s : m-n-a : b-d-k : a-v-m-š-a-m : m-ϑ-i-š-t-m : a-ku-u-/n-v-m
: nāma : Pārsa : manā : badaka : avamšām : maϑištam : akunavam
Line: 32 𐏐 𐏃𐎹 𐏐 𐎠𐎴𐎡𐎹 𐏐 𐎣𐎠𐎼 𐏐 𐎱𐎠𐎼𐎿 𐏐 𐎱𐎿𐎠 𐏐 𐎶𐎴𐎠 𐏐 𐎠𐏁𐎡𐎹𐎺 𐏐 𐎶𐎠/𐎭𐎶
: h-y : a-n-i-y : k-a-r : p-a-r-s : p-s-a : m-n-a : a-š-i-y-v : m-a-/d-m
: hya : aniya : kāra : Pārsa : pasā : manā : ašiyava : Mādam
Line: 33 𐏐 𐎱𐎿𐎠𐎺 𐏐 𐎠𐎼𐎫𐎺𐎼𐎮𐎡𐎹 𐏐 𐏃𐎭𐎠 𐏐 𐎣𐎠𐎼𐎠 𐏐 𐎠𐏁𐎡𐎹𐎺 𐏐 𐎱𐎠𐎼𐎿𐎶
: p-s-a-v : a-r-t-v-r-di-i-y : h-d-a : k-a-r-a : a-š-i-y-v : p-a-r-s-m
: pasāva : Artavardiya : hadā : kārā : ašiyava : Pārsam
Line: 34 𐏐 𐎹𐎰𐎠 𐏐 𐎱𐎠𐎼𐎿𐎶 𐏐 𐎱𐎼𐎠𐎼𐎿 𐏐 𐎼𐎧𐎠 𐏐 𐎴𐎠𐎶 𐏐 𐎺𐎼𐎭𐎴𐎶 𐏐 𐎱𐎠𐎼𐎿𐎡𐎹 𐏐 𐎠/𐎺𐎭𐎠
: y-ϑ-a : p-a-r-s-m : p-r-a-r-s : r-x-a : n-a-m : v-r-d-n-m : p-a-r-s-i-y : a-/v-d-a
: yaϑā : Pārsam : parārasa : Raxā : nāma : vardanam : Pārsaiy : avadā
Line: 35 𐏐 𐏃𐎢𐎺 𐏐 𐎺𐏃𐎹𐏀𐎭𐎠𐎫 𐏐 𐏃𐎹 𐏐 𐎲𐎼𐎮𐎡𐎹 𐏐 𐎠𐎥𐎢𐎲𐎫𐎠 𐏐 𐎠𐎡𐏁 𐏐
: h-u-v : v-h-y-z-d-a-t : h-y : b-r-di-i-y : a-g-u-b-t-a : a-i-š :
: hauv : Vahyazdāta : hya : Bardiya : agaubatā : āiš :
Line: 36 𐏃𐎭𐎠 𐏐 𐎣𐎠𐎼𐎠 𐏐 𐎱𐎫𐎡𐏁 𐏐 𐎠𐎼𐎫𐎺𐎼𐎮𐎡𐎹𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐎱𐎿/𐎠𐎺
h-d-a : k-a-r-a : p-t-i-š : a-r-t-v-r-di-i-y-m : h-m-r-n-m : c-r-t-n-i-y : p-s-/a-v
hadā : kārā : patiš : Artavardiyam : hamaranam : cartanaiy : pasāva
Line: 37 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺/𐏁𐎴𐎠
: h-m-r-n-m : a-ku-u-n-v : a-u-r-m-z-d-a-m-i-y : u-p-s-t-a-m : a-b-r : v-/š-n-a
: hamaranam : akunava : Auramazdāmaiy : upastām : abara : vašnā
Line: 38 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫𐎹𐎶 𐏐 𐎺𐏃𐎹/𐏀𐎭𐎠𐎫𐏃𐎹
: a-u-r-m-z-d-a-h : k-a-r : h-y : m-n-a : a-v-m : k-a-r-m : t-y-m : v-h-y-/z-d-a-t-h-y
: Auramazdāha : kāra : hya : manā : avam : kāram : tyam : Vahyazdātahya
Line: 39 𐏐 𐎠𐎩 𐏐 𐎺𐎿𐎡𐎹 𐏐 𐎰𐎢𐎼𐎺𐎠𐏃𐎼𐏃𐎹 𐏐 𐎶𐎠𐏃𐎹𐎠 𐏐 𐏓𐏒 𐏐 𐎼𐎢𐎨𐎲𐎡𐏁 𐏐 𐎰𐎣/𐎫𐎠
: a-j : v-s-i-y : ϑ-u-r-v-a-h-r-h-y : m-a-h-y-a : 10-2 : r-u-c-b-i-š : ϑ-k-/t-a
: aja : vasiy : Θūravāharahya : māhyā : 12 : raucabiš : ϑakatā
Line: 40 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡/𐎹
: a-h : a-v-ϑ-a-š-a-m : h-m-r-n-m : k-r-t-m !! : ϑ-a-t-i-y : d-a-r-y-v-u-š : x-š-a-y-ϑ-i-/y
: āha : avaϑāšām : hamaranam : kartam !! : ϑātiy : Dārayavauš : xšāyaϑiya
Line: 41 𐏐 𐎱𐎿𐎠𐎺 𐏐 𐏃𐎢𐎺 𐏐 𐎺𐏃𐎹𐏀𐎭𐎠𐎫 𐏐 𐏃𐎭𐎠 𐏐 𐎣𐎶𐎴𐎡𐎲𐎡𐏁 𐏐 𐎠𐎿𐎲𐎠𐎼𐎡𐎲𐎡𐏁 𐏐 𐎠/𐎸𐎢𐎰
: p-s-a-v : h-u-v : v-h-y-z-d-a-t : h-d-a : k-m-n-i-b-i-š : a-s-b-a-r-i-b-i-š : a-/mu-u-ϑ
: pasāva : hauv : Vahyazdāta : hadā : kamnaibiš : asabāraibiš : amuϑa
Line: 42 𐏐 𐎠𐏁𐎡𐎹𐎺 𐏐 𐎱𐎡𐏁𐎡𐎹𐎠𐎢𐎺𐎠𐎭𐎠𐎶 𐏐 𐏃𐎨𐎠 𐏐 𐎠𐎺𐎭𐏁 𐏐 𐎣𐎠𐎼𐎶 𐏐 𐎠𐎹𐎿/𐎫𐎠
: a-š-i-y-v : p-i-š-i-y-a-u-v-a-d-a-m : h-c-a : a-v-d-š : k-a-r-m : a-y-s-/t-a
: ašiyava : Paišiyāuvādām : hacā : avadaša : kāram : āyasatā
Line: 43 𐏐 𐏃𐎹𐎠𐎱𐎼𐎶 𐏐 𐎠𐎡𐏁 𐏐 𐎱𐎫𐎡𐏁 𐏐 𐎠𐎼𐎫𐎺𐎼𐎮𐎡𐎹𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴/𐎡𐎹
: h-y-a-p-r-m : a-i-š : p-t-i-š : a-r-t-v-r-di-i-y-m : h-m-r-n-m : c-r-t-n-/i-y
: hyāparam : āiš : patiš : Artavardiyam : hamaranam : cartanaiy
Line: 44 𐏐 𐎱𐎼𐎥 𐏐 𐎴𐎠𐎶 𐏐 𐎣𐎢𐎳 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢𐎼𐎶𐏀𐎭𐎠𐎶/𐎡𐎹
: p-r-g : n-a-m : k-u-f : a-v-d-a : h-m-r-n-m : a-ku-u-n-v : a-u-r-m-z-d-a-m-/i-y
: Parga : nāma : kaufa : avadā : hamaranam : akunava : Auramazdāmaiy
Line: 45 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺/𐎶
: u-p-s-t-a-m : a-b-r : v-š-n-a : a-u-r-m-z-d-a-h : k-a-r : h-y : m-n-a : a-v-/m
: upastām : abara : vašnā : Auramazdāha : kāra : hya : manā : avam
Line: 46 𐏐 𐎣𐎠𐎼𐎶 𐏐 𐎫𐎹𐎶 𐏐 𐎺𐏃𐎹𐏀𐎭𐎠𐎫𐏃𐎹 𐏐 𐎠𐎩 𐏐 𐎺𐎿𐎡𐎹 𐏐 𐎥𐎼𐎶𐎱𐎭𐏃𐎹 𐏐 𐎶𐎠𐏃/𐎹𐎠
: k-a-r-m : t-y-m : v-h-y-z-d-a-t-h-y : a-j : v-s-i-y : g-r-m-p-d-h-y : m-a-h-/y-a
: kāram : tyam : Vahyazdātahya : aja : vasiy : Garmapadahya : māhyā
Line: 47 𐏐 𐏒𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 𐏐 𐎢𐎫𐎠 𐏐 𐎠𐎺/𐎶
: 2-2-1 : r-u-c-b-i-š : ϑ-k-t-a : a-h : a-v-ϑ-a-š-a-m : h-m-r-n-m : k-r-t-m : u-t-a : a-v-/m
: 5 : raucabiš : ϑakatā : āha : avaϑāšām : hamaranam : kartam : utā : avam
Line: 48 𐏐 𐎺𐏃𐎹𐏀𐎭𐎠𐎫𐎶 𐏐 𐎠𐎥𐎼𐎲𐎠𐎹 𐏐 𐎢𐎫𐎠 𐏐 𐎶𐎼𐎫𐎡𐎹𐎠 𐏐 𐎫𐎹𐎡𐎹𐏁𐎡𐎹 𐏐 𐎳𐎼𐎫𐎶/𐎠
: v-h-y-z-d-a-t-m : a-g-r-b-a-y : u-t-a : m-r-t-i-y-a : t-y-i-y-š-i-y : f-r-t-m-/a
: Vahyazdātam : agarbāya : utā : martiyā : tyaišaiy : fratamā
Line: 49 𐏐 𐎠𐎵𐎢𐏁𐎡𐎹𐎠 𐏐 𐎠𐏃𐎫 𐏐 𐎠𐎥𐎼𐎲𐎠𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁/𐎠𐎹𐎰𐎡𐎹
: a-nu-u-š-i-y-a : a-h-t : a-g-r-b-a-y !! : ϑ-a-t-i-y : d-a-r-y-v-u-š : x-š-/a-y-ϑ-i-y
: anušiyā : āhata : agarbāya !! : ϑātiy : Dārayavauš : xšāyaϑiya
Line: 50 𐏐 𐎱𐎿𐎠𐎺 𐏐 𐎠𐎭𐎶 𐏐 𐎠𐎺𐎶 𐏐 𐎺𐏃𐎹𐏀𐎭𐎠𐎫𐎶 𐏐 𐎢𐎫𐎠 𐏐 𐎶𐎼𐎫𐎡𐎹𐎠 𐏐
: p-s-a-v : a-d-m : a-v-m : v-h-y-z-d-a-t-m : u-t-a : m-r-t-i-y-a :
: pasāva : adam : avam : Vahyazdātam : utā : martiyā :
Line: 51 𐎫𐎹𐎡𐏁𐎡𐎹 𐏐 𐎳𐎼𐎫𐎶𐎠 𐏐 𐎠𐎵𐎢𐏁𐎡𐎹𐎠 𐏐 𐎠𐏃𐎫 𐏐 𐎢𐎺𐎠𐎭𐎡𐎨𐎹 𐏐 𐎴𐎠𐎶 𐏐 𐎺𐎼/𐎭𐎴𐎶
t-y-i-š-i-y : f-r-t-m-a : a-nu-u-š-i-y-a : a-h-t : u-v-a-d-i-c-y : n-a-m : v-r-/d-n-m
tyaišaiy : fratamā : anušiyā : āhata : Uvādaicaya : nāma : vardanam
Line: 52 𐏐 𐎱𐎠𐎼𐎿𐎡𐎹 𐏐 𐎠𐎺𐎭𐏁𐎡𐏁 𐏐 𐎢𐏀𐎶𐎹𐎠𐎱𐎫𐎡𐎹 𐏐 𐎠𐎤𐎢𐎴𐎺𐎶 !! 𐏐 𐎰𐎠/𐎫𐎡𐎹
: p-a-r-s-i-y : a-v-d-š-i-š : u-z-m-y-a-p-t-i-y : a-ku-u-n-v-m !! : ϑ-a-/t-i-y
: Pārsaiy : avadašiš : uzmayāpatiy : akunavam !! : ϑātiy
Line: 53 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫𐎶 𐏐 𐎱𐎠𐎼𐎿𐎡𐎹 !! 𐏐
: d-a-r-y-v-u-š : x-š-a-y-ϑ-i-y : i-m : t-y : m-n-a : k-r-t-m : p-a-r-s-i-y !! :
: Dārayavauš : xšāyaϑiya : ima : tya : manā : kartam : Pārsaiy !! :
Line: 54 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐏃𐎢𐎺 𐏐 𐎺𐏃𐎹𐏀𐎭𐎠𐎫 𐏐 𐏃𐎹 𐏐 𐎲𐎼𐎮𐎡𐎹
ϑ-a-t-i-y : d-a-r-y-v-u-š : x-š-a-y-ϑ-i-y : h-u-v : v-h-y-z-d-a-t : h-y : b-r-di-i-y
ϑātiy : Dārayavauš : xšāyaϑiya : hauv : Vahyazdāta : hya : Bardiya
Line: 55 𐏐 𐎠𐎥𐎢𐎲𐎫𐎠 𐏐 𐏃𐎢𐎺 𐏐 𐎣𐎠𐎼𐎶 𐏐 𐎳𐎼𐎠𐎡𐏁𐎹 𐏐 𐏃𐎼𐎢𐎺𐎫𐎡𐎶 𐏐 𐎻𐎡𐎺𐎠𐎴 𐏐
: a-g-u-b-t-a : h-u-v : k-a-r-m : f-r-a-i-š-y : h-r-u-v-t-i-m : vi-i-v-a-n :
: agaubatā : hauv : kāram : frāišaya : Harauvatim : Vivāna :
Line: 56 𐎴𐎠𐎶 𐏐 𐎱𐎠𐎼𐎿 𐏐 𐎶𐎴𐎠 𐏐 𐎲𐎭𐎣 𐏐 𐏃𐎼𐎢𐎺𐎫𐎡𐎹𐎠 𐏐 𐎧𐏁𐏂𐎱𐎠𐎺𐎠 𐏐 𐎠𐎲𐎡𐎹 𐏐 𐎠𐎺/𐎶
n-a-m : p-a-r-s : m-n-a : b-d-k : h-r-u-v-t-i-y-a : x-š-ç-p-a-v-a : a-b-i-y : a-v-/m
nāma : Pārsa : manā : badaka : Harauvatiyā : xšaçapāvā : abiy : avam
Line: 57 𐏐 𐎢𐎫𐎠𐏁𐎠𐎶 𐏐 𐏑 𐎶𐎼𐎫𐎡𐎹𐎶 𐏐 𐎶𐎰𐎡𐏁𐎫𐎶 𐏐 𐎠𐎤𐎢𐎴𐎢𐏁 𐏐 𐎠𐎺𐎰𐎠𐏁𐎠𐎶 𐏐 𐎠/𐎰𐏃
: u-t-a-š-a-m : 1 m-r-t-i-y-m : m-ϑ-i-š-t-m : a-ku-u-n-u-š : a-v-ϑ-a-š-a-m : a-/ϑ-h
: utāšām : 1 martiyam : maϑištam : akunauš : avaϑāšām : aϑaha
Line: 58 𐏐 𐎱𐎼𐎡𐎫𐎠 𐏐 𐎻𐎡𐎺𐎠𐎴𐎶 𐏐 𐎩𐎫𐎠 𐏐 𐎢𐎫𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐏃𐎹 𐏐 𐎭𐎠𐎼𐎹/𐎺𐏃𐎢𐏁
: p-r-i-t-a : vi-i-v-a-n-m : j-t-a : u-t-a : a-v-m : k-a-r-m : h-y : d-a-r-y-/v-h-u-š
: paraitā : Vivānam : jatā : utā : avam : kāram : hya : Dārayavahauš
Line: 59 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎥𐎢𐎲𐎫𐎡𐎹 𐏐 𐎱𐎿𐎠𐎺 𐏐 𐏃𐎢𐎺 𐏐 𐎣𐎠𐎼 𐏐 𐎠𐏁𐎡𐎹/𐎺
: x-š-a-y-ϑ-i-y-h-y-a : g-u-b-t-i-y : p-s-a-v : h-u-v : k-a-r : a-š-i-y-/v
: xšāyaϑiyahyā : gaubataiy : pasāva : hauv : kāra : ašiyava
Line: 60 𐏐 𐎫𐎹𐎶 𐏐 𐎺𐏃𐎹𐏀𐎭𐎠𐎫 𐏐 𐎳𐎼𐎠𐎡𐏁𐎹 𐏐 𐎠𐎲𐎡𐎹 𐏐 𐎻𐎡𐎺𐎠𐎴𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴𐎡𐎹 𐏐 𐎣/𐎠𐎱𐎡𐏁𐎣𐎠𐎴𐎡𐏁
: t-y-m : v-h-y-z-d-a-t : f-r-a-i-š-y : a-b-i-y : vi-i-v-a-n-m : h-m-r-n-m : c-r-t-n-i-y : k-/a-p-i-š-k-a-n-i-š
: tyam : Vahyazdāta : frāišaya : abiy : Vivānam : hamaranam : cartanaiy : Kāpišakāniš
Line: 61 𐏐 𐎴𐎠𐎶𐎠 𐏐 𐎮𐎡𐎭𐎠 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢𐎼𐎶𐏀𐎭𐎠𐎶𐎡/𐎹
: n-a-m-a : di-i-d-a : a-v-d-a : h-m-r-n-m : a-ku-u-n-v : a-u-r-m-z-d-a-m-i-/y
: nāmā : didā : avadā : hamaranam : akunava : Auramazdāmaiy
Line: 62 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫𐎹/𐎶
: u-p-s-t-a-m : a-b-r : v-š-n-a : a-u-r-m-z-d-a-h : k-a-r : h-y : m-n-a : a-v-m : k-a-r-m : t-y-/m
: upastām : abara : vašnā : Auramazdāha : kāra : hya : manā : avam : kāram : tyam
Line: 63 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐 𐎠𐎴𐎠𐎶𐎣𐏃𐎹 𐏐 𐎶𐎠𐏃𐎹𐎠 𐏐 𐏓𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐 𐎠𐏃 𐏐 𐎠/𐎺𐎰𐎠𐏁𐎠𐎶
: h-mi-i-ç-i-y-m : a-j : v-s-i-y : a-n-a-m-k-h-y : m-a-h-y-a : 10-2-1 : r-u-c-b-i-š : ϑ-k-t-a : a-h : a-/v-ϑ-a-š-a-m
: hamiçiyam : aja : vasiy : Anāmakahya : māhyā : 13 : raucabiš : ϑakatā : āha : avaϑāšām
Line: 64 𐏐 𐏃𐎶𐎼𐎴𐎶 𐏐 𐎣𐎼𐎫𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎫𐎡𐎹 𐏐 𐏃/𐎹𐎠𐎱𐎼𐎶
: h-m-r-n-m : k-r-t-m !! : ϑ-a-t-i-y : d-a-r-y-v-u-š : x-š-a-y-ϑ-i-y : p-t-i-y : h-/y-a-p-r-m
: hamaranam : kartam !! : ϑātiy : Dārayavauš : xšāyaϑiya : patiy : hyāparam
Line: 65 𐏐 𐏃𐎷𐎡𐏂𐎡𐎹𐎠 𐏐 𐏃𐎥𐎶𐎫𐎠 𐏐 𐎱𐎼𐎡𐎫𐎠 𐏐 𐎱𐎫𐎡𐏁 𐏐 𐎻𐎡𐎺𐎠𐎴𐎶 𐏐 𐏃𐎶𐎼𐎴𐎶 𐏐 𐎨𐎼𐎫𐎴/𐎡𐎹
: h-mi-i-ç-i-y-a : h-g-m-t-a : p-r-i-t-a : p-t-i-š : vi-i-v-a-n-m : h-m-r-n-m : c-r-t-n-/i-y
: hamiçiyā : hagmatā : paraitā : patiš : Vivānam : hamaranam : cartanaiy
Line: 66 𐏐 𐎥𐎯𐎢𐎫𐎺 𐏐 𐎴𐎠𐎶𐎠 𐏐 𐎭𐏃𐎹𐎠𐎢𐏁 𐏐 𐎠𐎺𐎭𐎠 𐏐 𐏃𐎶𐎼𐎴𐎶 𐏐 𐎠𐎤𐎢𐎴𐎺 𐏐 𐎠𐎢𐎼𐎶𐏀𐎭𐎠𐎶/𐎡𐎹
: g-du-u-t-v : n-a-m-a : d-h-y-a-u-š : a-v-d-a : h-m-r-n-m : a-ku-u-n-v : a-u-r-m-z-d-a-m-/i-y
: Gadutava : nāmā : dahyāuš : avadā : hamaranam : akunava : Auramazdāmaiy
Line: 67 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎣𐎠𐎼 𐏐 𐏃𐎹 𐏐 𐎶𐎴𐎠 𐏐 𐎠𐎺𐎶 𐏐 𐎣𐎠𐎼𐎶 𐏐 𐎫/𐎹𐎶
: u-p-s-t-a-m : a-b-r : v-š-n-a : a-u-r-m-z-d-a-h : k-a-r : h-y : m-n-a : a-v-m : k-a-r-m : t-/y-m
: upastām : abara : vašnā : Auramazdāha : kāra : hya : manā : avam : kāram : tyam
Line: 68 𐏐 𐏃𐎷𐎡𐏂𐎡𐎹𐎶 𐏐 𐎠𐎩 𐏐 𐎺𐎿𐎡𐎹 𐏐 𐎻𐎡𐎹𐎧𐎴𐏃𐎹 𐏐 𐎶𐎠𐏃𐎹𐎠 𐏐 𐏒𐏒𐏒𐏑 𐏐 𐎼𐎢𐎨𐎲𐎡𐏁 𐏐 𐎰𐎣𐎫𐎠 𐏐
: h-mi-i-ç-i-y-m : a-j : v-s-i-y : vi-i-y-x-n-h-y : m-a-h-y-a : 2-2-2-1 : r-u-c-b-i-š : ϑ-k-t-a :
: hamiçiyam : aja : vasiy : Viyaxnahya : māhyā : 7 : raucabiš : ϑakatā :
Line: 69 𐎠𐏃 𐏐 𐎠𐎺𐎰𐎠𐏁𐎠𐎶 𐏐 𐏃𐎶𐎼𐎴𐎶 𐏐 𐎣𐎼𐎫𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐
a-h : a-v-ϑ-a-š-a-m : h-m-r-n-m : k-r-t-m !! : ϑ-a-t-i-y : d-a-r-y-v-u-š : x-š-a-y-ϑ-i-y :
āha : avaϑāšām : hamaranam : kartam !! : ϑātiy : Dārayavauš : xšāyaϑiya :
Line: 70 𐎱𐎿𐎠𐎺 𐏐 𐏃𐎢𐎺 𐏐 𐎶𐎼𐎫[𐎡](𐎹) 𐏐 𐏃𐎹 𐏐 𐎠𐎺𐏃𐎹𐎠 𐏐 𐎣𐎠𐎼𐏃𐎹𐎠 𐏐 𐎶𐎰[𐎡𐏁𐎫 𐏐 𐎠]𐏃 𐏐 𐎫𐎹𐎶 𐏐 𐎺/𐏃𐎹𐏀𐎭𐎠𐎫
p-s-a-v : h-u-v : m-r-t-[i]-(y) : h-y : a-v-h-y-a : k-a-r-h-y-a : m-ϑ-[i-š-t : a]-h : t-y-m : v-/h-y-z-d-a-t
pasāva : hauv : martiya : hya : avahyā : kārahyā : maϑišta : āha : tyam : Vahyazdāta
Line: 71 𐏐 𐎳𐎼𐎠𐎡𐏁𐎹 𐏐 𐎠𐎲𐎡𐎹 𐏐 𐎻𐎡𐎺𐎠𐎴𐎶 𐏐 𐏃𐎢𐎺 𐏐 𐎠𐎸[𐎢𐎰 𐏐 𐏃]𐎭𐎠 𐏐 𐎣𐎶𐎴𐎡𐎲/𐎡𐏁
: f-r-a-i-š-y : a-b-i-y : vi-i-v-a-n-m : h-u-v : a-mu-[u-ϑ : h]-d-a : k-m-n-i-b-/i-š
: frāišaya : abiy : Vivānam : hauv : amuϑa : hadā : kamnaibiš
Line: 72 𐏐 𐎠𐎿𐎲𐎠𐎼𐎡𐎲𐎡𐏁 𐏐 𐎠𐏁𐎡𐎹𐎺 𐏐 𐎠𐎼𐏁𐎠𐎭𐎠 𐏐 𐎴𐎠𐎶𐎠 𐏐 𐎮𐎡𐎭𐎠 𐏐 [𐏃]𐎼𐎢𐎺𐎫𐎡𐎹𐎠 𐏐 𐎠/𐎺𐎱𐎼𐎠
: a-s-b-a-r-i-b-i-š : a-š-i-y-v : a-r-š-a-d-a : n-a-m-a : di-i-d-a : [h]-r-u-v-t-i-y-a : a-/v-p-r-a
: asabāraibiš : ašiyava : Aršādā : nāmā : didā : Harauvatiyā : avaparā
Line: 73 𐏐 𐎠𐎫𐎡𐎹𐎠𐎡𐏁 𐏐 𐎱𐎿𐎠𐎺 𐏐 𐎻𐎡𐎺𐎠𐎴 𐏐 𐏃𐎭𐎠 𐏐 𐎣𐎠𐎼𐎠 𐏐 𐎴𐎡𐎱𐎮𐎡𐎹 𐏐 𐎫𐎹𐎡𐎹 𐏐 𐎠𐏁𐎡𐎹/𐎺
: a-t-i-y-a-i-š : p-s-a-v : vi-i-v-a-n : h-d-a : k-a-r-a : n-i-p-di-i-y : t-y-i-y : a-š-i-y-/v
: atiyāiš : pasāva : Vivāna : hadā : kārā : nipadiy : tyaiy : ašiyava
Line: 74 𐏐 𐎠𐎺𐎭𐎠𐏁𐎡𐎶 𐏐 𐎠𐎥𐎼𐎲𐎠𐎹 𐏐 𐎢(𐎫)𐎠 𐏐 𐎶𐎼𐎫𐎡𐎹𐎠 𐏐 𐎫𐎹𐎡𐏁𐎡𐎹 𐏐 𐎳𐎼𐎫𐎶𐎠 𐏐 𐎠𐎵𐎢𐏁𐎡𐎹𐎠 𐏐
: a-v-d-a-š-i-m : a-g-r-b-a-y : u-(t)-a : m-r-t-i-y-a : t-y-i-š-i-y : f-r-t-m-a : a-nu-u-š-i-y-a :
: avadāšim : agarbāya : utā : martiyā : tyaišaiy : fratamā : anušiyā :
Line: 75 𐎠𐏃𐎫𐎠 𐏐 𐎠𐎺𐎠𐎩 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎱𐎿𐎠𐎺 𐏐 𐎭𐏃𐎹𐎠𐎢𐏁 𐏐 𐎶/𐎴𐎠
a-h-t-a : a-v-a-j !! : ϑ-a-t-i-y : d-a-r-y-v-u-š : x-š-a-y-ϑ-i-y : p-s-a-v : d-h-y-a-u-š : m-/n-a
āhatā : avāja !! : ϑātiy : Dārayavauš : xšāyaϑiya : pasāva : dahyāuš : manā
Line: 76 𐏐 𐎠𐎲𐎺 𐏐 𐎡𐎶 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫𐎶 𐏐 𐏃𐎼𐎢𐎺𐎫𐎡𐎹𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠/𐎹𐎰𐎡𐎹
: a-b-v : i-m : t-y : m-n-a : k-r-t-m : h-r-u-v-t-i-y-a !! : ϑ-a-t-i-y : d-a-r-y-v-u-š : x-š-a-/y-ϑ-i-y
: abava : ima : tya : manā : kartam : Harauvatiyā !! : ϑātiy : Dārayavauš : xšāyaϑiya
Line: 77 𐏐 𐎹𐎠𐎫𐎠 𐏐 𐎠𐎭𐎶 𐏐 𐎱𐎠𐎼𐎿𐎡[𐎹 𐏐] 𐎢<𐎫>𐎠 𐏐 𐎶𐎠𐎭𐎡𐎹 𐏐 𐎠𐏃𐎶 𐏐 𐎱𐎫𐎡𐎹 𐏐 𐎯𐎢𐎻𐎡𐎫𐎡𐎹𐎶 𐏐
: y-a-t-a : a-d-m : p-a-r-s-i-[y :] u-<t>-a : m-a-d-i-y : a-h-m : p-t-i-y : du-u-vi-i-t-i-y-m :
: yātā : adam : Pārsaiy : utā : Mādaiy : āham : patiy : duvitīyam :
Line: 78 𐎲𐎠𐎲𐎡𐎽𐎢𐎻𐎡𐎹𐎠 𐏐 𐏃𐎷𐎡𐏂𐎡𐎹𐎠 𐏐 𐎠𐎲𐎺 𐏐 𐏃𐎨𐎠𐎶 𐏐 𐏑 𐎶𐎼𐎫𐎡𐎹 𐏐 𐎠𐎼𐎧 𐏐 𐎴𐎠𐎶 𐏐 (𐎠𐎼𐎷)𐎡𐎴𐎡/𐎹
b-a-b-i-ru-u-vi-i-y-a : h-mi-i-ç-i-y-a : a-b-v : h-c-a-m : 1 m-r-t-i-y : a-r-x : n-a-m : (a-r-mi)-i-n-i-/y
Bābiruviyā : hamiçiyā : abava : hacāma : 1 martiya : Arxa : nāma : Arminiya
Line: 79 𐏐 𐏃𐎾𐎮𐎡𐎫𐏃𐎹 𐏐 𐎱𐎢𐏂 𐏐 𐏃𐎢𐎺 𐏐 𐎢𐎭𐎱𐎫𐎫𐎠 𐏐 𐎲𐎠𐎲𐎡𐎼𐎢𐎺 𐏐 𐎯𐎢𐎲𐎠𐎾 𐏐 𐎴𐎠𐎶𐎠 𐏐 (𐎭)𐏃𐎹𐎠/𐎢𐏁
: h-l-di-i-t-h-y : p-u-ç : h-u-v : u-d-p-t-t-a : b-a-b-i-r-u-v : du-u-b-a-l : n-a-m-a : (d)-h-y-a-/u-š
: Halditahya : puça : hauv : udapatatā : Bābarauv : Dubāla : nāmā : dahyāuš
Line: 80 𐏐 𐏃𐎨𐎠 𐏐 𐎠𐎺𐎭𐏁 𐏐 𐏃𐎢𐎺 𐏐 [𐎣]𐎠𐎼𐏃𐎹𐎠 𐏐 𐎠𐎺𐎰𐎠 𐏐 𐎠𐎯𐎢𐎽𐎢𐎪𐎡𐎹 𐏐 𐎠𐎭𐎶 𐏐 𐎴𐎲𐎢𐎤𐎢𐎭/𐎼𐎨𐎼
: h-c-a : a-v-d-š : h-u-v : [k]-a-r-h-y-a : a-v-ϑ-a : a-du-u-ru-u-ji-i-y : a-d-m : n-b-u-ku-u-d-/r-c-r
: hacā : avadaša : hauv : kārahyā : avaϑā : adurujiya : adam : Nabukudracara
Line: 81 𐏐 𐎠𐎷𐎡𐎹 𐏐 𐏃𐎹 𐏐 𐎴𐎲𐎢𐎴𐎡𐎫𐏃𐎹 𐏐 𐎱𐎢𐏂 𐏐 𐎱𐎿𐎠𐎺 𐏐 𐎣𐎠𐎼 𐏐 𐎲𐎠𐎲𐎡𐎽𐎢𐎻𐎡𐎹 𐏐 𐏃𐎨𐎠𐎶 𐏐 𐏃/𐎷𐎡𐏂𐎡𐎹
: a-mi-i-y : h-y : n-b-u-n-i-t-h-y : p-u-ç : p-s-a-v : k-a-r : b-a-b-i-ru-u-vi-i-y : h-c-a-m : h-/mi-i-ç-i-y
: amiy : hya : Nabunaitahya : puça : pasāva : kāra : Bābiruviya : hacāma : hamiçiya
Line: 82 𐏐 𐎠𐎲𐎺 𐏐 𐎠𐎲𐎡𐎹 𐏐 𐎠𐎺𐎶 𐏐 𐎠𐎼𐎧𐎶 𐏐 𐎠𐏁𐎡𐎹𐎺 𐏐 𐎲𐎠𐎲𐎡𐎽𐎢𐎶 𐏐 𐏃𐎢𐎺 𐏐 𐎠𐎥𐎼𐎲𐎠𐎹𐎫/𐎠
: a-b-v : a-b-i-y : a-v-m : a-r-x-m : a-š-i-y-v : b-a-b-i-ru-u-m : h-u-v : a-g-r-b-a-y-t-/a
: abava : abiy : avam : Arxam : ašiyava : Bābirum : hauv : agarbāyatā
Line: 83 𐏐 𐏃𐎢𐎺 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺 𐏐 𐎲𐎠𐎲𐎡𐎼𐎢𐎺 !! 𐏐 𐎰𐎠𐎫𐎡𐎹 𐏐 𐎭𐎠[𐎼𐎹𐎺]𐎢[𐏁 𐏐 𐎧𐏁]𐎠𐎹𐎰𐎡/𐎹
: h-u-v : x-š-a-y-ϑ-i-y : a-b-v : b-a-b-i-r-u-v !! : ϑ-a-t-i-y : d-a-[r-y-v]-u-[š : x-š]-a-y-ϑ-i-/y
: hauv : xšāyaϑiya : abava : Bābarauv !! : ϑātiy : Dārayavauš : xšāyaϑiya
Line: 84 𐏐 𐎱𐎿𐎠𐎺 𐏐 𐎠𐎭𐎶 𐏐 𐎣𐎠𐎼𐎶 𐏐 𐎳𐎼𐎠𐎡𐏁𐎹𐎶 𐏐 𐎲𐎠𐎲𐎡𐎽𐎢𐎶 𐏐 𐎻𐎡𐎭𐎳𐎼[𐎴𐎠] 𐏐 𐎴𐎠𐎶 𐏐 𐎱𐎠(𐎼𐎿) 𐏐 𐎶𐎴𐎠
: p-s-a-v : a-d-m : k-a-r-m : f-r-a-i-š-y-m : b-a-b-i-ru-u-m : vi-i-d-f-r-[n-a] : n-a-m : p-a-(r-s) : m-n-a
: pasāva : adam : kāram : frāišayam : Bābirum : Vidafarnā : nāma : Pārsa : manā
Line: 85 𐏐 𐎲𐎭𐎣 𐏐 𐎠𐎺𐎶𐏁𐎠𐎶 𐏐 𐎶𐎰𐎡𐏁𐎫𐎶 𐏐 𐎠𐎤𐎢𐎴𐎺𐎶 𐏐 𐎠𐎺𐎰𐎠𐏁𐎠𐎶 𐏐 𐎠𐎰𐏃𐎶 𐏐 𐎱𐎼[𐎡𐎫𐎠 𐏐 𐎠𐎺]𐎶 𐏐 𐎣𐎠𐎼𐎶
: b-d-k : a-v-m-š-a-m : m-ϑ-i-š-t-m : a-ku-u-n-v-m : a-v-ϑ-a-š-a-m : a-ϑ-h-m : p-r-[i-t-a : a-v]-m : k-a-r-m
: badaka : avamšām : maϑištam : akunavam : avaϑāšām : aϑaham : paraitā : avam : kāram
Line: 86 𐏐 𐎲𐎠𐎲𐎡𐎽𐎢𐎻𐎡[𐎹]𐎶 𐏐 𐎩𐎫𐎠 𐏐 𐏃𐎹 𐏐 𐎶𐎴𐎠 𐏐 𐎴𐎡𐎹 𐏐 [𐎥]𐎢𐎲𐎠𐎫𐎡𐎹 𐏐 𐎱𐎿𐎠𐎺 𐏐 [𐎻]𐎡𐎭[𐎳𐎼𐎴]𐎠 𐏐 𐏃𐎭𐎠 𐏐 𐎣𐎠𐎼/𐎠
: b-a-b-i-ru-u-vi-i-[y]-m : j-t-a : h-y : m-n-a : n-i-y : [g]-u-b-a-t-i-y : p-s-a-v : [vi]-i-d-[f-r-n]-a : h-d-a : k-a-r-/a
: Bābiruviyam : jatā : hya : manā : naiy : gaubātaiy : pasāva : Vidafarnā : hadā : kārā
Line: 87 𐏐 𐎠𐏁𐎡𐎹𐎺 𐏐 𐎲𐎠𐎲𐎡𐎽𐎢𐎶 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫[𐎠𐎶] 𐏐 𐎠[𐎲𐎼] 𐏐 𐎺𐏁𐎴𐎠 𐏐 𐎠𐎢𐎼𐎶𐏀/𐎭𐎠𐏃
: a-š-i-y-v : b-a-b-i-ru-u-m : a-u-r-m-z-d-a-m-i-y : u-p-s-t-[a-m] : a-[b-r] : v-š-n-a : a-u-r-m-z-/d-a-h
: ašiyava : Bābirum : Auramazdāmaiy : upastām : abara : vašnā : Auramazdāha
Line: 88 𐏐 𐎻𐎡𐎭[𐎳𐎼]𐎴𐎠 𐏐 𐎲𐎠𐎲𐎡𐎽𐎢𐎻𐎡[𐎹]𐎠 𐏐 𐎠𐎩 𐏐 𐎢𐎫𐎠 𐏐 [𐎲𐎿𐎫𐎠 𐏐 𐎠𐎴𐎹 𐏐 𐎺𐎼𐎣𐏀𐎴𐏃𐎹] 𐏐 𐎶𐎠𐏃𐎹𐎠 𐏐 𐏔𐏒 𐏐 𐎼/𐎢𐎨𐎲𐎡𐏁
: vi-i-d-[f-r]-n-a : b-a-b-i-ru-u-vi-i-[y]-a : a-j : u-t-a : [b-s-t-a : a-n-y : v-r-k-z-n-h-y] : m-a-h-y-a : 20-2 : r-/u-c-b-i-š
: Vidafarnā : Bābiruviyā : aja : utā : bastā : anaya : Varkazanahya : māhyā : 22 : raucabiš
Line: 89 𐏐 𐎰𐎣𐎫𐎠 𐏐 𐎠𐏃 𐏐 𐎠𐎺𐎰𐎠 𐏐 𐎠𐎺𐎶 𐏐 𐎠𐎼𐎧𐎶 𐏐 [𐏃𐎹 𐏐 𐎴𐎲]𐎢𐎤𐎭𐎼𐎨𐎼 [𐏐 𐎯𐎢𐎽𐎢𐎧](𐎫)𐎶 𐏐 𐎠/𐎥𐎢𐎲𐎫[𐎠]
: ϑ-k-t-a : a-h : a-v-ϑ-a : a-v-m : a-r-x-m : [h-y : n-b]-u-ku-d-r-c-r [: du-u-ru-u-x]-(t)-m : a-/g-u-b-t-[a]
: ϑakatā : āha : avaϑā : avam : Arxam : hya : Nabukudracara : duruxtam : agaubatā
Line: 90 𐏐 𐎢𐎫𐎠 𐏐 𐎶𐎼𐎫𐎡𐎹𐎠 𐏐 𐎫𐎹𐎡𐏁𐎡𐎹 𐏐 𐎳[𐎼𐎫𐎶𐎠] 𐏐 𐎠𐎵𐎢𐏁𐎡𐎹𐎠 [𐏐 𐎠𐏃𐎫𐎠 𐏐 𐎠𐎥𐎼𐎲]/[𐎠𐎹
: u-t-a : m-r-t-i-y-a : t-y-i-š-i-y : f-[r-t-m-a] : a-nu-u-š-i-y-a [: a-h-t-a : a-g-r-b]-/[a-y
: utā : martiyā : tyaišaiy : fratamā : anušiyā : āhatā : agarbāya
Line: 91 𐏐 𐎴𐎡𐎹𐏁]𐎫𐎠𐎹𐎶 𐏐 𐏃[𐎢𐎺] 𐏐 𐎠[𐎼]𐎧 𐏐 [𐎢]𐎫𐎠 [𐏐 𐎶𐎼𐎫]𐎡𐎹𐎠 𐏐 𐎫𐎹𐎡𐏁[𐎡]𐎹 [𐏐 𐎳]𐎼𐎫[𐎶]𐎠 𐏐 𐎠𐎵/𐎢𐏁𐎡𐎹𐎠
: n-i-y-š]-t-a-y-m : h-[u-v] : a-[r]-x : [u]-t-a [: m-r-t]-i-y-a : t-y-i-š-[i]-y [: f]-r-t-[m]-a : a-nu-/u-š-i-y-a
: niyaštāyam : hauv : Arxa : utā : martiyā : tyaišaiy : fratamā : anušiyā
Line: 92 𐏐 𐎠𐏃𐎫𐎠 𐏐 𐎲𐎠𐎲𐎡𐎼[𐎢]𐎺 𐏐 [𐎢]𐏀<𐎶>𐎹𐎠𐎱𐎫𐎡𐎹 𐏐 𐎠𐎣𐎼𐎡𐎹𐎫𐎠
: a-h-t-a : b-a-b-i-r-[u]-v : [u]-z-<m>-y-a-p-t-i-y : a-k-r-i-y-t-a
: āhatā : Bābarauv : uzmayāpatiy : akariyatā
Text: DB4.
DB4.
Line: 1 𐏐 𐎰𐎠𐎫𐎡𐎹 𐏐 𐎭𐎠𐎼𐎹[𐎺𐎢𐏁 𐏐] 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐎫/𐎹
: ϑ-a-t-i-y : d-a-r-y-[v-u-š :] x-š-a-y-ϑ-i-y : i-m : t-/y
: ϑātiy : Dārayavauš : xšāyaϑiya : ima : tya
Line: 2 𐏐 𐎶𐎴𐎠 𐏐 𐎣𐎼𐎫𐎶 [𐏐 𐎲𐎠𐎲𐎡𐎼𐎢]𐎺 !! 𐏐 𐎰𐎠𐎫𐎡𐎹 𐏐 𐎭/𐎠𐎼𐎹𐎺𐎢𐏁
: m-n-a : k-r-t-m [: b-a-b-i-r-u]-v !! : ϑ-a-t-i-y : d-/a-r-y-v-u-š
: manā : kartam : Bābarauv !! : ϑātiy : Dārayavauš
Line: 3 𐏐 𐎧𐏁[𐎠𐎹𐎰𐎡]𐎹 𐏐 𐎡𐎶 𐏐 𐎫𐎹 𐏐 𐎠𐎭𐎶 𐏐 𐎠𐎤𐎢𐎴/𐎺𐎶
: x-š-[a-y-ϑ-i]-y : i-m : t-y : a-d-m : a-ku-u-n-/v-m
: xšāyaϑiya : ima : tya : adam : akunavam
Line: 4 𐏐 𐎺𐏁𐎴𐎠 𐏐 𐎠𐎢𐎼[𐎶𐏀𐎭]𐎠𐏃 𐏐 𐏃𐎶𐏃𐎹𐎠𐎹𐎠 𐏐 𐎰𐎼/𐎭
: v-š-n-a : a-u-r-[m-z-d]-a-h : h-m-h-y-a-y-a : ϑ-r-/d
: vašnā : Auramazdāha : hamahyāyā : ϑarda
Line: 5 𐏐 𐎱𐎿𐎠𐎺 𐏐 𐎹𐎰𐎠 𐏐 𐎧[𐏁𐎠𐎹𐎰𐎡𐎹] 𐏐 𐎠𐎲𐎺𐎶 𐏐 𐏓𐏒𐏒𐏒𐏒𐏑 𐏐 𐏃𐎶𐎼𐎴/𐎠
: p-s-a-v : y-ϑ-a : x-[š-a-y-ϑ-i-y] : a-b-v-m : 10-2-2-2-2-1 : h-m-r-n-/a
: pasāva : yaϑā : xšāyaϑiya : abavam : 19 : hamaranā
Line: 6 𐏐 𐎠𐎤𐎢𐎴𐎺𐎶 𐏐 𐎺𐏁𐎴[𐎠 𐏐 𐎠𐎢𐎼]𐎶𐏀𐎭𐎠𐏃 𐏐 𐎠𐎭𐎶𐏁𐎡𐏁 𐏐 𐎠/𐎩𐎴𐎶
: a-ku-u-n-v-m : v-š-n-[a : a-u-r]-m-z-d-a-h : a-d-m-š-i-š : a-/j-n-m
: akunavam : vašnā : Auramazdāha : adamšiš : ajanam
Line: 7 𐏐 𐎢𐎫𐎠 𐏐 𐏒𐏒𐏒𐏒𐏑 𐏐 𐎧𐏁[𐎠𐎹𐎰𐎡𐎹]𐎠 𐏐 𐎠𐎥𐎼𐎲𐎠𐎹𐎶 𐏐 𐏑 𐎥𐎢𐎶𐎠𐎫 𐏐
: u-t-a : 2-2-2-2-1 : x-š-[a-y-ϑ-i-y]-a : a-g-r-b-a-y-m : 1 g-u-m-a-t :
: utā : 9 : xšāyaϑiyā : agarbāyam : 1 Gaumāta :
Line: 8 𐎴𐎠𐎶 𐏐 𐎶𐎦𐎢𐏁 𐏐 𐎠𐏃 𐏐 (𐏃)[𐎢𐎺 𐏐 𐎠𐎯]𐎢𐎽𐎢𐎪𐎡𐎹 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐
n-a-m : m-gu-u-š : a-h : (h)-[u-v : a-du]-u-ru-u-ji-i-y : a-v-ϑ-a : a-ϑ-h : a-d-m :
nāma : maguš : āha : hauv : adurujiya : avaϑā : aϑaha : adam :
Line: 9 𐎲𐎼𐎮𐎡𐎹 𐏐 𐎠𐎷𐎡𐎹 [𐏐 𐏃𐎹 𐏐 𐎤𐎢]𐎼𐎢𐏁 𐏐 𐎱𐎢𐏂 𐏐 𐏃𐎢𐎺 𐏐 𐎱𐎠𐎼𐎿𐎶 𐏐 𐏃/𐎷𐎡𐏂𐎡𐎹𐎶
b-r-di-i-y : a-mi-i-y [: h-y : ku-u]-r-u-š : p-u-ç : h-u-v : p-a-r-s-m : h-/mi-i-ç-i-y-m
Bardiya : amiy : hya : Kūrauš : puça : hauv : Pārsam : hamiçiyam
Line: 10 𐏐 𐎠𐎤𐎢𐎴𐎢[𐏁 𐏐 𐏑 𐎠𐏂𐎡]𐎴 𐏐 𐎴𐎠𐎶 𐏐 𐎢𐎺𐎪𐎡𐎹 𐏐 𐏃𐎢𐎺 𐏐 𐎠𐎯𐎢/𐎽𐎢𐎪𐎡𐎹
: a-ku-u-n-u-[š : 1 a-ç-i]-n : n-a-m : u-v-ji-i-y : h-u-v : a-du-u-/ru-u-ji-i-y
: akunauš : 1 Āçina : nāma : Ūvjaiy : hauv : adurujiya
Line: 11 𐏐 𐎠𐎺𐎰𐎠 𐏐 𐎠[𐎰𐏃 𐏐 𐎠𐎭𐎶] 𐏐 𐎧𐏁𐎠𐎹𐎰𐎡𐎹 𐏐 𐎠𐎷𐎡𐎹 𐏐 𐎢𐎺𐎩𐎡𐎹
: a-v-ϑ-a : a-[ϑ-h : a-d-m] : x-š-a-y-ϑ-i-y : a-mi-i-y : u-v-j-i-y
: avaϑā : aϑaha : adam : xšāyaϑiya : amiy : Ūvjaiy
Line: 12 𐏐 𐏃𐎢𐎺 𐏐 𐎢𐎺𐎩𐎶 𐏐 𐏃[𐎷𐎡𐏂𐎡𐎹]𐎶 𐏐 𐎠𐎤𐎢𐎴𐎢𐏁 𐏐 𐏑 𐎴𐎡𐎮𐎡𐎫𐎲𐎡𐎼 𐏐 𐎴/𐎠𐎶
: h-u-v : u-v-j-m : h-[mi-i-ç-i-y]-m : a-ku-u-n-u-š : 1 n-i-di-i-t-b-i-r : n-/a-m
: hauv : Ūvjam : hamiçiyam : akunauš : 1 Naditabaira : nāma
Line: 13 𐏐 𐎲𐎠𐎲𐎡𐎽𐎢𐎻𐎡𐎹 [𐏐] 𐏃𐎢𐎺 𐏐 𐎠𐎯𐎢𐎽𐎢𐎪𐎡𐎹 𐏐 𐎠𐎺𐎰𐎠 𐏐 𐎠𐎰𐏃 𐏐
: b-a-b-i-ru-u-vi-i-y [:] h-u-v : a-du-u-ru-u-ji-i-y : a-v-ϑ-a : a-ϑ-h :
: Bābiruviya : hauv : adurujiya : avaϑā : aϑaha :
Line: 14 𐎠𐎭𐎶 𐏐 𐎴𐎲𐎢𐎤𐎢𐎭𐎼[𐎨𐎼 𐏐 𐎠𐎷𐎡𐎹] 𐏐 𐏃𐎹 𐏐 𐎴𐎲𐎢𐎴𐎡𐎫𐏃𐎹 𐏐 𐎱𐎢𐏂 𐏐
a-d-m : n-b-u-ku-u-d-r-[c-r : a-mi-i-y] : h-y : n-b-u-n-i-t-h-y : p-u-ç :
adam : Nabukudracara : amiy : hya : Nabunaitahya : puça :
Line: 15 𐏃𐎢𐎺 𐏐 𐎲𐎠𐎲𐎡𐎽𐎢𐎶 [𐏐 𐏃𐎷𐎡]𐏂𐎡𐎹𐎶 𐏐 𐎠𐎤𐎢𐎴𐎢𐏁 𐏐 𐏑 𐎶𐎼𐎫𐎡𐎹 𐏐 𐎴𐎠/𐎶
h-u-v : b-a-b-i-ru-u-m [: h-mi-i]-ç-i-y-m : a-ku-u-n-u-š : 1 m-r-t-i-y : n-a-/m
hauv : Bābirum : hamiçiyam : akunauš : 1 martiya : nāma
Line: 16 𐏐 𐎱𐎠𐎼𐎿 𐏐 𐏃𐎢𐎺 𐏐 [𐎠](𐎯)[𐎢𐎽𐎢𐎪]𐎡𐎹 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐 𐎡𐎶𐎴𐎡/𐏁
: p-a-r-s : h-u-v : [a]-(du)-[u-ru-u-ji]-i-y : a-v-ϑ-a : a-ϑ-h : a-d-m : i-m-n-i-/š
: Pārsa : hauv : adurujiya : avaϑā : aϑaha : adam : Imaniš
Line: 17 𐏐 𐎠𐎷𐎡𐎹 𐏐 𐎢𐎺𐎩𐎡[𐎹 𐏐 𐎧𐏁𐎠𐎹]𐎰𐎡𐎹 𐏐 𐏃𐎢𐎺 𐏐 𐎢𐎺𐎩𐎶 𐏐 𐏃𐎷𐎡𐏂𐎡𐎹/𐎶
: a-mi-i-y : u-v-j-i-[y : x-š-a-y]-ϑ-i-y : h-u-v : u-v-j-m : h-mi-i-ç-i-y-/m
: amiy : Ūvjaiy : xšāyaϑiya : hauv : Ūvjam : hamiçiyam
Line: 18 𐏐 𐎠𐎤𐎢𐎴𐎢𐏁 𐏐 𐏑 𐎳𐎼𐎺𐎼[𐎫𐎡]𐏁 𐏐 𐎴𐎠𐎶 𐏐 𐎶𐎠𐎭 𐏐 𐏃𐎢𐎺 𐏐 𐎠𐎯𐎢𐎽𐎢𐎪𐎡𐎹
: a-ku-u-n-u-š : 1 f-r-v-r-[t-i]-š : n-a-m : m-a-d : h-u-v : a-du-u-ru-u-ji-i-y
: akunauš : 1 Fravartiš : nāma : Māda : hauv : adurujiya
Line: 19 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠[𐎭]𐎶 [𐏐 𐎧]𐏁[𐎰𐎼]𐎡𐎫 𐏐 𐎠𐎷𐎡𐎹 𐏐 𐎢𐎺𐎧𐏁𐎫𐎼𐏃𐎹 𐏐 𐎫𐎢𐎶𐎠𐎹/𐎠
: a-v-ϑ-a : a-ϑ-h : a-[d]-m [: x]-š-[ϑ-r]-i-t : a-mi-i-y : u-v-x-š-t-r-h-y : t-u-m-a-y-/a
: avaϑā : aϑaha : adam : Xšaϑrita : amiy : Uvaxštrahya : taumāyā
Line: 20 𐏐 𐏃𐎢𐎺 𐏐 𐎶𐎠𐎭𐎶 𐏐 [𐏃𐎷𐎡𐏂𐎡𐎹𐎶] 𐏐 𐎠𐎤𐎢𐎴𐎢𐏁 𐏐 𐏑 𐎨𐎡𐏂𐎫𐎧𐎶 𐏐 𐎴𐎠𐎶 𐏐 𐎠𐎿/𐎥𐎼𐎫𐎡𐎹
: h-u-v : m-a-d-m : [h-mi-i-ç-i-y-m] : a-ku-u-n-u-š : 1 c-i-ç-t-x-m : n-a-m : a-s-/g-r-t-i-y
: hauv : Mādam : hamiçiyam : akunauš : 1 Ciçataxma : nāma : Asagartaiy
Line: 21 𐏐 𐏃𐎢𐎺 (𐏐 𐎠𐎯)[𐎢]𐎽𐎢𐎪𐎡𐎹 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐 𐎧𐏁𐎠𐎹𐎰/𐎡𐎹
: h-u-v (: a-du)-[u]-ru-u-ji-i-y : a-v-ϑ-a : a-ϑ-h : a-d-m : x-š-a-y-ϑ-/i-y
: hauv : adurujiya : avaϑā : aϑaha : adam : xšāyaϑiya
Line: 22 𐏐 𐎠𐎷𐎡𐎹 𐏐 𐎠𐎿𐎥[𐎼𐎫𐎡𐎹 𐏐] 𐎢𐎺𐎧𐏁𐎫𐎼𐏃𐎹 𐏐 𐎫𐎢𐎶𐎠𐎹𐎠 𐏐 𐏃𐎢𐎺
: a-mi-i-y : a-s-g-[r-t-i-y :] u-v-x-š-t-r-h-y : t-u-m-a-y-a : h-u-v
: amiy : Asagartaiy : Uvaxštrahya : taumāyā : hauv
Line: 23 𐏐 𐎠𐎿𐎥𐎼𐎫𐎶 𐏐 𐏃𐎷𐎡𐏂𐎡[𐎹𐎶] 𐏐 𐎠𐎤𐎢𐎴𐎢𐏁 𐏐 𐏑 𐎳𐎼𐎠𐎭 𐏐 𐎴𐎠𐎶 𐏐
: a-s-g-r-t-m : h-mi-i-ç-i-[y-m] : a-ku-u-n-u-š : 1 f-r-a-d : n-a-m :
: Asagartam : hamiçiyam : akunauš : 1 Frāda : nāma :
Line: 24 𐎶𐎠𐎼𐎥𐎺 𐏐 𐏃𐎢𐎺 𐏐 𐎠[𐎯]𐎢[𐎽]𐎢𐎪𐎡𐎹 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐
m-a-r-g-v : h-u-v : a-[du]-u-[ru]-u-ji-i-y : a-v-ϑ-a : a-ϑ-h : a-d-m :
Mārgava : hauv : adurujiya : avaϑā : aϑaha : adam :
Line: 25 𐎧𐏁𐎠𐎹𐎰𐎡𐎹 𐏐 𐎠[𐎷𐎡𐎹 𐏐 𐎶𐎼]𐎥𐎢𐎺 𐏐 𐏃𐎢𐎺 𐏐 𐎶𐎼𐎦𐎢𐎶 𐏐 𐏃𐎷𐎡𐏂𐎡/𐎹𐎶
x-š-a-y-ϑ-i-y : a-[mi-i-y : m-r]-g-u-v : h-u-v : m-r-gu-u-m : h-mi-i-ç-i-/y-m
xšāyaϑiya : amiy : Margauv : hauv : Margum : hamiçiyam
Line: 26 𐏐 𐎠𐎤𐎢𐎴𐎢𐏁 [𐏐 𐏑 𐎺𐏃𐎹]𐏀𐎭𐎠𐎫 𐏐 𐎴𐎠𐎶 𐏐 𐎱𐎠𐎼𐎿 𐏐 𐏃𐎢𐎺 𐏐 𐎠/𐎯𐎢𐎽𐎢𐎪𐎡𐎹
: a-ku-u-n-u-š [: 1 v-h-y]-z-d-a-t : n-a-m : p-a-r-s : h-u-v : a-/du-u-ru-u-ji-i-y
: akunauš : 1 Vahyazdāta : nāma : Pārsa : hauv : adurujiya
Line: 27 𐏐 𐎠𐎺[𐎰𐎠 𐏐 𐎠𐎰𐏃] 𐏐 𐎠𐎭𐎶 𐏐 𐎲𐎼𐎮𐎡𐎹 𐏐 𐎠𐎷𐎡𐎹 𐏐 𐏃𐎹 𐏐 𐎤𐎢/𐎼𐎢𐏁
: a-v-[ϑ-a : a-ϑ-h] : a-d-m : b-r-di-i-y : a-mi-i-y : h-y : ku-u-/r-u-š
: avaϑā : aϑaha : adam : Bardiya : amiy : hya : Kūrauš
Line: 28 𐏐 𐎱𐎢𐏂 𐏐 𐏃[𐎢𐎺 𐏐 𐎱𐎠𐎼]𐎿𐎶 𐏐 𐏃𐎷𐎡𐏂𐎡𐎹𐎶 𐏐 𐎠𐎤𐎢𐎴𐎢𐏁 𐏑 𐎠𐎼/𐎧
: p-u-ç : h-[u-v : p-a-r]-s-m : h-mi-i-ç-i-y-m : a-ku-u-n-u-š 1 a-r-/x
: puça : hauv : Pārsam : hamiçiyam : akunauš 1 Arxa
Line: 29 𐏐 𐎴𐎠𐎶 𐏐 𐎠𐎼𐎷𐎡𐎴[𐎡𐎹 𐏐 𐏃𐎢𐎺 𐏐] 𐎠𐎯𐎢𐎽𐎢𐎪𐎡𐎹 𐏐 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐 𐎴𐎲/𐎢𐎤𐎢𐎭𐎼𐎨𐎼
: n-a-m : a-r-mi-i-n-[i-y : h-u-v :] a-du-u-ru-u-ji-i-y : a-v-ϑ-a : a-ϑ-h : a-d-m : n-b-/u-ku-u-d-r-c-r
: nāma : Arminiya : hauv : adurujiya : avaϑā : aϑaha : adam : Nabukudracara
Line: 30 𐏐 𐎠𐎷𐎡𐎹 [𐏐 𐏃𐎹 𐏐 𐎴𐎲𐎢]𐎴𐎡𐎫𐏃𐎹 𐏐 𐎱𐎢𐏂 𐏐 𐏃𐎢𐎺 𐏐 𐎲𐎠𐎲𐎡𐎽𐎢𐎶 𐏐 𐏃𐎷/𐎡𐏂𐎡𐎹𐎶
: a-mi-i-y [: h-y : n-b-u]-n-i-t-h-y : p-u-ç : h-u-v : b-a-b-i-ru-u-m : h-mi-/i-ç-i-y-m
: amiy : hya : Nabunaitahya : puça : hauv : Bābirum : hamiçiyam
Line: 31 𐏐 𐎠𐎤𐎢𐎴𐎢𐏁 !! 𐏐 𐎰𐎠[𐎫]𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶𐎡𐎹 𐏐
: a-ku-u-n-u-š !! : ϑ-a-[t]-i-y : d-a-r-y-v-u-š : x-š-a-y-ϑ-i-y : i-m-i-y :
: akunauš !! : ϑātiy : Dārayavauš : xšāyaϑiya : imaiy :
Line: 32 𐏒𐏒𐏒𐏒𐏑 𐏐 𐎧𐏁𐎠𐎹𐎰𐎡𐎹𐎠 𐏐 𐎫𐎹[𐎡𐎹 𐏐 𐎠𐎭]𐎶 𐏐 𐎠𐎥𐎼𐎲𐎠𐎹𐎶 𐏐 𐎠𐎫𐎼 𐏐 𐎡𐎶𐎠 𐏐 𐏃𐎶𐎼𐎴𐎠 !
2-2-2-2-1 : x-š-a-y-ϑ-i-y-a : t-y-[i-y : a-d]-m : a-g-r-b-a-y-m : a-t-r : i-m-a : h-m-r-n-a !
9 : xšāyaϑiyā : tyaiy : adam : agarbāyam : atar : imā : hamaranā !
Line: 33 ! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢[𐏁 𐏐 𐎧𐏁]𐎠𐎹𐎰𐎡𐎹 𐏐 𐎭𐏃𐎹𐎠𐎺 𐏐 𐎡𐎶𐎠 𐏐 𐎫𐎹𐎠 𐏐 𐏃𐎷𐎡𐏂𐎡𐎹/𐎠
! : ϑ-a-t-i-y : d-a-r-y-v-u-[š : x-š]-a-y-ϑ-i-y : d-h-y-a-v : i-m-a : t-y-a : h-mi-i-ç-i-y-/a
! : ϑātiy : Dārayavauš : xšāyaϑiya : dahyāva : imā : tyā : hamiçiyā
Line: 34 𐏐 𐎠𐎲𐎺 𐏐 𐎭𐎼𐎢𐎥𐎮𐎡[𐏁 𐏐 𐏃𐎷𐎡𐏂]𐎡𐎹𐎠 𐏐 𐎠𐎤𐎢𐎴𐎢𐏁 𐏐 𐎫𐎹 𐏐 𐎡𐎶𐎡𐎹 𐏐 𐎣𐎠𐎼𐎶 𐏐 𐎠𐎯𐎢𐎽/𐎢𐎪𐎡𐎹𐏁
: a-b-v : d-r-u-g-di-i-[š : h-mi-i-ç]-i-y-a : a-ku-u-n-u-š : t-y : i-m-i-y : k-a-r-m : a-du-u-ru-/u-ji-i-y-š
: abava : draugadiš : hamiçiyā : akunauš : tya : imaiy : kāram : adurujiyaša
Line: 35 𐏐 𐎱𐎿𐎠𐎺𐎮𐎡[𐏁 𐏐] 𐎠[𐎢𐎼𐎶𐏀]𐎭𐎠 𐏐 𐎶𐎴𐎠 𐏐 𐎭𐎿𐎫𐎹𐎠 𐏐 𐎠𐎤𐎢𐎴𐎢𐏁 𐏐 𐎹𐎰𐎠 𐏐 𐎶𐎠𐎶 𐏐 𐎣/𐎠𐎶
: p-s-a-v-di-i-[š :] a-[u-r-m-z]-d-a : m-n-a : d-s-t-y-a : a-ku-u-n-u-š : y-ϑ-a : m-a-m : k-/a-m
: pasāvadiš : Auramazdā : manā : dastayā : akunauš : yaϑā : mām : kāma
Line: 36 𐏐 𐎠𐎺𐎰𐎠𐎮𐎡[𐏁 𐏐 𐎠𐎤𐎢𐎴𐎺𐎶] !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡/𐎹
: a-v-ϑ-a-di-i-[š : a-ku-u-n-v-m] !! : ϑ-a-t-i-y : d-a-r-y-v-u-š : x-š-a-y-ϑ-i-/y
: avaϑādiš : akunavam !! : ϑātiy : Dārayavauš : xšāyaϑiya
Line: 37 𐏐 𐎬𐎢𐎺𐎶 𐏐 𐎣𐎠 𐏐 𐎧[𐏁𐎠𐎹𐎰𐎡𐎹 𐏐 𐏃]𐎹 𐏐 𐎠𐎱𐎼𐎶 𐏐 𐎠𐏃𐎹 𐏐 𐏃𐎨𐎠 𐏐 𐎭𐎼𐎢𐎥𐎠 𐏐 𐎭𐎼𐏁𐎶 𐏐
: tu-u-v-m : k-a : x-[š-a-y-ϑ-i-y : h]-y : a-p-r-m : a-h-y : h-c-a : d-r-u-g-a : d-r-š-m :
: tuvam : kā : xšāyaϑiya : hya : aparam : āhy : hacā : draugā : daršam :
Line: 38 𐎱𐎫𐎡𐎱𐎹𐎢𐎺𐎠 𐏐 𐎶𐎼𐎫[𐎡𐎹 𐏐 𐏃𐎹 𐏐 𐎭𐎼𐎢]𐎩𐎴 𐏐 𐎠𐏃𐎫𐎡𐎹 𐏐 𐎠𐎺𐎶 𐏐 𐎢𐎳𐎼𐏁𐎫𐎶 𐏐 𐎱𐎼𐎿𐎠 𐏐 𐎹/𐎮𐎡𐎹
p-t-i-p-y-u-v-a : m-r-t-[i-y : h-y : d-r-u]-j-n : a-h-t-i-y : a-v-m : u-f-r-š-t-m : p-r-s-a : y-/di-i-y
patipayauvā : martiya : hya : draujana : ahatiy : avam : ufraštam : parsā : yadiy
Line: 39 𐏐 𐎠𐎺𐎰𐎠 𐏐 𐎶𐎴[𐎡𐎹]𐎠[𐏃𐎹] 𐏐 𐎭𐏃𐎹𐎠𐎢𐏁𐎶𐎡𐎹 𐏐 𐎯𐎢𐎽𐎢𐎺𐎠 𐏐 𐎠𐏃𐎫𐎡/𐎹
: a-v-ϑ-a : m-n-[i-y]-a-[h-y] : d-h-y-a-u-š-m-i-y : du-u-ru-u-v-a : a-h-t-i-/y
: avaϑā : maniyāhay : dahyāušmaiy : duruvā : ahatiy
Line: 40 !! 𐏐 𐎰𐎠𐎫𐎡𐎹 𐏐 𐎭𐎠[𐎼𐎹]𐎺𐎢[𐏁] 𐏐 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐎫𐎹 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐
!! : ϑ-a-t-i-y : d-a-[r-y]-v-u-[š] : x-š-a-y-ϑ-i-y : i-m : t-y : a-d-m : a-ku-u-n-v-m :
!! : ϑātiy : Dārayavauš : xšāyaϑiya : ima : tya : adam : akunavam :
Line: 41 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 [𐏐 𐏃]𐎶[𐏃]𐎹𐎠𐎹𐎠 𐏐 𐎰𐎼𐎭 𐏐 𐎠𐎤𐎢𐎴𐎺𐎶 𐏐 𐎬𐎢𐎺𐎶 𐏐 𐎣𐎠 𐏐 𐏃𐎹
v-š-n-a : a-u-r-m-z-d-a-h [: h]-m-[h]-y-a-y-a : ϑ-r-d : a-ku-u-n-v-m : tu-u-v-m : k-a : h-y
vašnā : Auramazdāha : hamahyāyā : ϑarda : akunavam : tuvam : kā : hya
Line: 42 𐏐 𐎠𐎱𐎼𐎶 𐏐 𐎡𐎶𐎠𐎶 𐏐 𐎮𐎡𐎱𐎡[𐎶] 𐏐 𐎱𐎫𐎡𐎱𐎼𐎿𐎠𐏃𐎹 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫𐎶 𐏐 𐎺𐎼𐎴𐎺𐎫𐎠𐎶
: a-p-r-m : i-m-a-m : di-i-p-i-[m] : p-t-i-p-r-s-a-h-y : t-y : m-n-a : k-r-t-m : v-r-n-v-t-a-m
: aparam : imām : dipim : patiparsāhy : tya : manā : kartam : varnavatām
Line: 43 𐏐 𐎰𐎢𐎺𐎠𐎶 𐏐 𐎶𐎠𐎫𐎹 𐏐 𐎭𐎼[𐎢𐎥]𐎶 𐏐 𐎶𐎴𐎡𐎹𐎠𐏃𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠/𐎹𐎰𐎡𐎹
: ϑ-u-v-a-m : m-a-t-y : d-r-[u-g]-m : m-n-i-y-a-h-y !! : ϑ-a-t-i-y : d-a-r-y-v-u-š : x-š-a-/y-ϑ-i-y
: ϑuvām : mātya : draugam : maniyāhay !! : ϑātiy : Dārayavauš : xšāyaϑiya
Line: 44 𐏐 𐎠𐎢𐎼𐎶𐏀𐎭𐎠𐏃 𐏐 [𐎼]𐎥𐎶 𐏐 [𐎺]𐎼𐎮𐎡𐎹𐎡𐎹 𐏐 𐎹𐎰𐎠 𐏐 𐎡𐎶 𐏐 𐏃𐏁𐎡𐎹𐎶 𐏐 𐎴𐎡𐎹 𐏐 𐎯𐎢𐎽𐎢/𐎧𐎫𐎶
: a-u-r-m-z-d-a-h : [r]-g-m : [v]-r-di-i-y-i-y : y-ϑ-a : i-m : h-š-i-y-m : n-i-y : du-u-ru-u-/x-t-m
: Auramazdāha : ragam : vardaiyaiy : yaϑā : ima : hašiyam : naiy : duruxtam
Line: 45 𐏐 𐎠𐎭𐎶 𐏐 𐎠𐎤𐎢𐎴[𐎺𐎶 𐏐 𐏃𐎶]𐏃𐎹𐎠𐎹𐎠 𐏐 𐎰𐎼𐎭 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/𐎰𐎡𐎹
: a-d-m : a-ku-u-n-[v-m : h-m]-h-y-a-y-a : ϑ-r-d !! : ϑ-a-t-i-y : d-a-r-y-v-u-š : x-š-a-y-/ϑ-i-y
: adam : akunavam : hamahyāyā : ϑarda !! : ϑātiy : Dārayavauš : xšāyaϑiya
Line: 46 𐏐 𐎺𐏁𐎴𐎠 𐏐 𐎠𐎢𐎼[𐎶𐏀𐎭𐎠𐏃] 𐏐 𐎢𐎫𐎠𐎶𐎡𐎹 𐏐 𐎠𐎴𐎡𐎹𐏁𐎨𐎡𐎹 𐏐 𐎺𐎿𐎡𐎹 𐏐 𐎠𐎿𐎫𐎡𐎹 𐏐 𐎣𐎼𐎫/𐎶
: v-š-n-a : a-u-r-[m-z-d-a-h] : u-t-a-m-i-y : a-n-i-y-š-c-i-y : v-s-i-y : a-s-t-i-y : k-r-t-/m
: vašnā : Auramazdāha : utāmaiy : aniyašciy : vasiy : astiy : kartam
Line: 47 𐏐 𐎠𐎺 𐏐 𐎠𐏃𐎹𐎠𐎹𐎠 𐏐 𐎮[𐎡]𐎱[𐎡𐎹]𐎠 𐏐 𐎴𐎡𐎹 𐏐 𐎴𐎡𐎱𐎡𐏁𐎫𐎶 𐏐 𐎠𐎺𐏃𐎹𐎼𐎠𐎮𐎡𐎹 𐏐 𐎴𐎡𐎹 𐏐 𐎴/𐎡𐎱𐎡𐏁𐎫𐎶
: a-v : a-h-y-a-y-a : di-[i]-p-[i-y]-a : n-i-y : n-i-p-i-š-t-m : a-v-h-y-r-a-di-i-y : n-i-y : n-/i-p-i-š-t-m
: ava : ahyāyā : dipiyā : naiy : nipištam : avahyarādiy : naiy : nipištam
Line: 48 𐏐 𐎶𐎠𐎫𐎹 𐏐 [𐏃𐎹 𐏐] (𐎠𐎱)𐎼𐎶 𐏐 𐎡𐎶𐎠𐎶 𐏐 𐎮𐎡𐎱𐎡𐎶 𐏐 𐎱𐎫𐎡𐎱𐎼𐎿𐎠𐎫𐎡𐎹 𐏐 𐎠𐎺𐏃/𐎹𐎠
: m-a-t-y : [h-y :] (a-p)-r-m : i-m-a-m : di-i-p-i-m : p-t-i-p-r-s-a-t-i-y : a-v-h-/y-a
: mātya : hya : aparam : imām : dipim : patiparsātiy : avahyā
Line: 49 𐏐 𐎱𐎽𐎢𐎺 𐏐 𐎰𐎭𐎹𐎠[𐎫𐎡𐎹 𐏐 𐎫𐎹] 𐏐 𐎶𐎴𐎠 𐏐 𐎣𐎼𐎫𐎶 𐏐 𐎴𐎡𐏁[𐎡𐎶 𐏐] 𐎡𐎶 𐏐 𐎺𐎼𐎴𐎺𐎠𐎫𐎡𐎹 𐏐 𐎯/𐎢𐎽𐎢𐎧𐎫𐎶
: p-ru-u-v : ϑ-d-y-a-[t-i-y : t-y] : m-n-a : k-r-t-m : n-i-š-[i-m :] i-m : v-r-n-v-a-t-i-y : du-/u-ru-u-x-t-m
: paruv : ϑadayātaiy : tya : manā : kartam : naišim : ima : varnavātaiy : duruxtam
Line: 50 𐏐 𐎶𐎴𐎡𐎹𐎠[𐎫𐎡𐎹] !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎫𐎹𐎡𐎹
: m-n-i-y-a-[t-i-y] !! : ϑ-a-t-i-y : d-a-r-y-v-u-š : x-š-a-y-ϑ-i-y : t-y-i-y
: maniyātaiy !! : ϑātiy : Dārayavauš : xšāyaϑiya : tyaiy
Line: 51 𐏐 𐎱𐎽𐎢𐎺𐎠 𐏐 𐎧𐏁𐎠𐎹𐎰𐎡𐎹[𐎠 𐏐] 𐎹𐎠𐎫𐎠 𐏐 𐎠𐏃 𐏐 𐎠𐎺𐎡𐏁𐎠𐎶 𐏐 𐎠𐎺𐎠 𐏐 𐎴𐎡𐎹 𐏐 𐎠𐎿𐎫𐎡𐎹 𐏐 𐎣𐎼/𐎫𐎶
: p-ru-u-v-a : x-š-a-y-ϑ-i-y-[a :] y-a-t-a : a-h : a-v-i-š-a-m : a-v-a : n-i-y : a-s-t-i-y : k-r-/t-m
: paruvā : xšāyaϑiyā : yātā : āha : avaišām : avā : naiy : astiy : kartam
Line: 52 𐏐 𐎹𐎰𐎠 𐏐 𐎶𐎴𐎠 𐏐 𐎺[𐏁𐎴𐎠] 𐏐 𐎠𐎢𐎼𐎶𐏀𐎭𐎠𐏃 𐏐 𐏃𐎶𐏃𐎹𐎠𐎹𐎠 𐏐 𐎰𐎼𐎭 𐏐 𐎣𐎼𐎫𐎶 !! 𐏐 𐎰𐎠/𐎫𐎡𐎹
: y-ϑ-a : m-n-a : v-[š-n-a] : a-u-r-m-z-d-a-h : h-m-h-y-a-y-a : ϑ-r-d : k-r-t-m !! : ϑ-a-/t-i-y
: yaϑā : manā : vašnā : Auramazdāha : hamahyāyā : ϑarda : kartam !! : ϑātiy
Line: 53 𐏐 𐎭𐎠𐎼𐎹𐎺𐎢𐏁 𐏐 𐎧[𐏁𐎠]𐎹𐎰𐎡𐎹 𐏐 𐎵𐎢𐎼𐎶 𐏐 𐎰𐎢𐎺𐎠𐎶 𐏐 𐎺𐎼𐎴𐎺𐎫𐎠𐎶 𐏐 𐎫𐎹 𐏐 𐎶𐎴/𐎠
: d-a-r-y-v-u-š : x-[š-a]-y-ϑ-i-y : nu-u-r-m : ϑ-u-v-a-m : v-r-n-v-t-a-m : t-y : m-n-/a
: Dārayavauš : xšāyaϑiya : nūram : ϑuvām : varnavatām : tya : manā
Line: 54 𐏐 𐎣𐎼𐎫𐎶 𐏐 𐎠𐎺𐎰𐎠 𐏐 𐎣𐎠𐎼𐏃𐎹𐎠 𐏐 𐎰𐎠𐎮𐎡𐎹 𐏐 𐎶𐎠 𐏐 𐎠𐎱𐎥𐎢𐎭𐎹 𐏐 𐎹𐎮𐎡𐎹 𐏐 𐎡𐎶𐎠𐎶 𐏐
: k-r-t-m : a-v-ϑ-a : k-a-r-h-y-a : ϑ-a-di-i-y : m-a : a-p-g-u-d-y : y-di-i-y : i-m-a-m :
: kartam : avaϑā : kārahyā : ϑādiy : mā : apagaudaya : yadiy : imām :
Line: 55 𐏃𐎯𐎢𐎥𐎠𐎶 𐏐 𐎴𐎡𐎹 𐏐 𐎠𐎱𐎥[𐎢]𐎭[𐎹𐎠]𐏃𐎹 𐏐 𐎣𐎠𐎼𐏃𐎹𐎠 𐏐 𐎰𐎠𐏃𐎹 𐏐 𐎠𐎢𐎼𐎶𐏀𐎭𐎠 𐏐 𐎰𐎢𐎺𐎠𐎶 𐏐
h-du-u-g-a-m : n-i-y : a-p-g-[u]-d-[y-a]-h-y : k-a-r-h-y-a : ϑ-a-h-y : a-u-r-m-z-d-a : ϑ-u-v-a-m :
hadugām : naiy : apagaudayāhy : kārahyā : ϑāhy : Auramazdā : ϑuvām :
Line: 56 𐎭𐎢𐏁𐎫𐎠 𐏐 𐎲𐎡𐎹𐎠 𐏐 𐎢𐎫𐎠[𐎫]𐎡𐎹 𐏐 𐎫𐎢𐎶𐎠 𐏐 𐎺𐎿𐎡𐎹 𐏐 𐎲𐎡𐎹𐎠 𐏐 𐎢𐎫𐎠 𐏐 𐎭𐎼𐎥𐎶 𐏐 𐎪𐎡𐎺𐎠 !!
d-u-š-t-a : b-i-y-a : u-t-a-[t]-i-y : t-u-m-a : v-s-i-y : b-i-y-a : u-t-a : d-r-g-m : ji-i-v-a !!
dauštā : biyā : utātaiy : taumā : vasiy : biyā : utā : dargam : jīvā !!
Line: 57 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 [𐎧𐏁𐎠𐎹]𐎰𐎡𐎹 𐏐 𐎹𐎮𐎡𐎹 𐏐 𐎡𐎶𐎠𐎶 𐏐 𐏃𐎯𐎢𐎥𐎠𐎶 𐏐 𐎠𐎱𐎥𐎢𐎭𐎹𐎠/𐏃𐎹
: ϑ-a-t-i-y : d-a-r-y-v-u-š : [x-š-a-y]-ϑ-i-y : y-di-i-y : i-m-a-m : h-du-u-g-a-m : a-p-g-u-d-y-a-/h-y
: ϑātiy : Dārayavauš : xšāyaϑiya : yadiy : imām : hadugām : apagaudayāhy
Line: 58 𐏐 𐎴𐎡𐎹 𐏐 𐎰𐎠𐏃𐎹 𐏐 [𐎣]𐎠𐎼[𐏃𐎹]𐎠 𐏐 𐎠𐎢𐎼𐎶𐏀𐎭𐎠𐎫<𐎡>𐎹 𐏐 𐎩𐎫𐎠 𐏐 𐎲𐎡𐎹𐎠 𐏐 𐎢𐎫𐎠𐎫𐎡𐎹 𐏐 𐎫𐎢𐎶/𐎠
: n-i-y : ϑ-a-h-y : [k]-a-r-[h-y]-a : a-u-r-m-z-d-a-t-<i>-y : j-t-a : b-i-y-a : u-t-a-t-i-y : t-u-m-/a
: naiy : ϑāhy : kārahyā : Auramazdātay : jatā : biyā : utātaiy : taumā
Line: 59 𐏐 𐎶𐎠 𐏐 𐎲𐎡𐎹𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐎫𐎹 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐
: m-a : b-i-y-a !! : ϑ-a-t-i-y : d-a-r-y-v-u-š : x-š-a-y-ϑ-i-y : i-m : t-y : a-d-m : a-ku-u-n-v-m :
: mā : biyā !! : ϑātiy : Dārayavauš : xšāyaϑiya : ima : tya : adam : akunavam :
Line: 60 𐏃𐎶𐏃𐎹𐎠𐎹𐎠 𐏐 𐎰𐎼𐎭 𐏐 [𐎺𐏁]𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎠𐎤𐎢𐎴𐎺𐎶 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿/𐎫𐎠𐎶
h-m-h-y-a-y-a : ϑ-r-d : [v-š]-n-a : a-u-r-m-z-d-a-h : a-ku-u-n-v-m : a-u-r-m-z-d-a-m-i-y : u-p-s-/t-a-m
hamahyāyā : ϑarda : vašnā : Auramazdāha : akunavam : Auramazdāmaiy : upastām
Line: 61 𐏐 𐎠𐎲𐎼 𐏐 𐎢𐎫𐎠 𐏐 𐎠𐎴[𐎡𐎹𐎠𐏃 𐏐 𐎲]𐎥𐎠𐏃 𐏐 𐎫𐎹𐎡𐎹 𐏐 𐏃𐎫𐎡𐎹 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢/𐏁
: a-b-r : u-t-a : a-n-[i-y-a-h : b]-g-a-h : t-y-i-y : h-t-i-y !! : ϑ-a-t-i-y : d-a-r-y-v-u-/š
: abara : utā : aniyāha : bagāha : tyaiy : hatiy !! : ϑātiy : Dārayavauš
Line: 62 𐏐 𐎧𐏁𐎠𐎹𐎰𐎡𐎹 𐏐 𐎠𐎺𐏃[𐎹]𐎼𐎠𐎮𐎡𐎶𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎢𐎫𐎠 𐏐 𐎠𐎴𐎡/𐎹𐎠𐏃
: x-š-a-y-ϑ-i-y : a-v-h-[y]-r-a-di-i-m-i-y : a-u-r-m-z-d-a : u-p-s-t-a-m : a-b-r : u-t-a : a-n-i-/y-a-h
: xšāyaϑiya : avahyarādimaiy : Auramazdā : upastām : abara : utā : aniyāha
Line: 63 [𐏐] 𐎲𐎥𐎠𐏃 𐏐 𐎫𐎹𐎡[𐎹 𐏐 𐏃𐎫𐎡]𐎹 𐏐 𐎹𐎰𐎠 𐏐 𐎴𐎡𐎹 𐏐 𐎠𐎼𐎡𐎣 𐏐 𐎠𐏃𐎶 𐏐 𐎴𐎡𐎹 𐏐 𐎭𐎼𐎢𐎩𐎴 𐏐 𐎠𐏃𐎶 𐏐 𐎴/𐎡𐎹
[:] b-g-a-h : t-y-i-[y : h-t-i]-y : y-ϑ-a : n-i-y : a-r-i-k : a-h-m : n-i-y : d-r-u-j-n : a-h-m : n-/i-y
: bagāha : tyaiy : hatiy : yaϑā : naiy : arika : āham : naiy : draujana : āham : naiy
Line: 64 𐏐 𐏀𐎢𐎼𐎣𐎼 𐏐 𐎠𐏃𐎶 𐏐 𐎴𐎡𐎹 𐏐 𐎠𐎭𐎶 𐏐 𐎴𐎡𐎶𐎡𐎹 𐏐 𐎫𐎢𐎶𐎠 𐏐 𐎢𐎱𐎼𐎡𐎹 𐏐 𐎠𐎼𐏁𐎫𐎠𐎶 𐏐 𐎢𐎱𐎼𐎡𐎹/𐎠[𐎹]𐎶
: z-u-r-k-r : a-h-m : n-i-y : a-d-m : n-i-m-i-y : t-u-m-a : u-p-r-i-y : a-r-š-t-a-m : u-p-r-i-y-/a-[y]-m
: zurakara : āham : naiy : adam : naimaiy : taumā : upariy : arštām : upariyāyam
Line: 65 𐏐 𐎴𐎡𐎹 𐏐 𐏁𐎣𐎢𐎰𐎡𐎶 𐏐 𐎴𐎡𐎹 𐏐 𐎬(𐎢)𐎵𐎢𐎺𐎫𐎶 𐏐 𐏀𐎢𐎼 𐏐 𐎠𐎤𐎢𐎴𐎺𐎶 𐏐 𐎶𐎼𐎫𐎡𐎹 𐏐 𐏃𐎹 𐏐 𐏃𐎶𐎫/𐎧𐏁𐎫𐎠
: n-i-y : š-k-u-ϑ-i-m : n-i-y : tu-(u)-nu-u-v-t-m : z-u-r : a-ku-u-n-v-m : m-r-t-i-y : h-y : h-m-t-/x-š-t-a
: naiy : škauϑim : naiy : tunuvatam : zūra : akunavam : martiya : hya : hamataxšatā
Line: 66 𐏐 𐎶𐎴𐎠 𐏐 𐎻𐎰𐎡𐎹𐎠 𐏐 𐎠𐎺𐎶 𐏐 𐎢𐎲𐎼𐎫𐎶 𐏐 𐎠[𐎲]𐎼𐎶 𐏐 𐏃𐎹 𐏐 𐎻𐎡𐎹𐎴𐎠𐎰𐎹 𐏐 𐎠𐎺𐎶 𐏐 𐎢𐎳𐎼𐏁𐎫/𐎶
: m-n-a : vi-ϑ-i-y-a : a-v-m : u-b-r-t-m : a-[b]-r-m : h-y : vi-i-y-n-a-ϑ-y : a-v-m : u-f-r-š-t-/m
: manā : viϑiyā : avam : ubartam : abaram : hya : viyanāϑaya : avam : ufraštam
Line: 67 𐏐 𐎠𐎱𐎼𐎿𐎶 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎬𐎢𐎺𐎶 𐏐 (𐎣𐎠) 𐏐 𐎧𐏁𐎠𐎹𐎰𐎡𐎹 𐏐
: a-p-r-s-m !! : ϑ-a-t-i-y : d-a-r-y-v-u-š : x-š-a-y-ϑ-i-y : tu-u-v-m : (k-a) : x-š-a-y-ϑ-i-y :
: aparsam !! : ϑātiy : Dārayavauš : xšāyaϑiya : tuvam : kā : xšāyaϑiya :
Line: 68 𐏃𐎹 𐏐 𐎠𐎱𐎼𐎶 𐏐 𐎠𐏃𐎹 𐏐 𐎶𐎼𐎫𐎡[𐎹] 𐏐 𐏃[𐎹] 𐏐 𐎭𐎼𐎢𐎩𐎴 𐏐 𐎠𐏃𐎫𐎡𐎹 𐏐 𐏃𐎹𐎺𐎠 𐏐 [𐏀𐎢]𐎼𐎣𐎼 𐏐 𐎠𐏃𐎫/𐎡𐎹
h-y : a-p-r-m : a-h-y : m-r-t-i-[y] : h-[y] : d-r-u-j-n : a-h-t-i-y : h-y-v-a : [z-u]-r-k-r : a-h-t-/i-y
hya : aparam : āhy : martiya : hya : draujana : ahatiy : hyavā : zurakara : ahatiy
Line: 69 𐏐 𐎠𐎺𐎡𐎹 𐏐 𐎶𐎠 𐏐 𐎭𐎢𐏁𐎫𐎠 𐏐 [𐎲𐎡𐎹]𐎠 𐏐 𐎢𐎳𐎼𐏁𐎫𐎠𐎮𐎡𐏁 𐏐 𐎱𐎼𐎿𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼/𐎹𐎺𐎢𐏁
: a-v-i-y : m-a : d-u-š-t-a : [b-i-y]-a : u-f-r-š-t-a-di-i-š : p-r-s-a !! : ϑ-a-t-i-y : d-a-r-/y-v-u-š
: avaiy : mā : dauštā : biyā : ufraštādiš : parsā !! : ϑātiy : Dārayavauš
Line: 70 𐏐 𐎧𐏁𐎠𐎹𐎰𐎡𐎹 𐏐 𐎬𐎢𐎺𐎶 𐏐 𐎣𐎠 𐏐 𐏃𐎹 𐏐 𐎠𐎱𐎼𐎶 𐏐 𐎡𐎶𐎠𐎶 𐏐 𐎮𐎡𐎱𐎡𐎶 𐏐 𐎺𐎡𐎴𐎠𐏃𐎹 𐏐 𐎫𐎹/𐎠𐎶
: x-š-a-y-ϑ-i-y : tu-u-v-m : k-a : h-y : a-p-r-m : i-m-a-m : di-i-p-i-m : v-i-n-a-h-y : t-y-/a-m
: xšāyaϑiya : tuvam : kā : hya : aparam : imām : dipim : vaināhy : tyām
Line: 71 𐏐 𐎠𐎭𐎶 𐏐 𐎴𐎡𐎹𐎱𐎡𐎰𐎶 𐏐 𐎡𐎶𐎡𐎺𐎠 𐏐 𐎱𐎫𐎡𐎣𐎼𐎠 𐏐 𐎶𐎠𐎫𐎹 𐏐 𐎻𐎡𐎣𐎴𐎠𐏃𐎹 𐏐 𐎹𐎠𐎺𐎠 𐏐 𐎭/𐎰𐎿
: a-d-m : n-i-y-p-i-ϑ-m : i-m-i-v-a : p-t-i-k-r-a : m-a-t-y : vi-i-k-n-a-h-y : y-a-v-a : d-/ϑ-s
: adam : niyapaiϑam : imaivā : patikarā : mātya : vikanāhy : yāvā : daϑans?
Line: 72 𐏐 𐎠𐏃𐎹 𐏐 𐎠𐎺𐎰𐎠𐎮𐎡(𐏁) [𐏐] 𐎱𐎼𐎡𐎲𐎼𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎹/𐎮𐎡𐎹
: a-h-y : a-v-ϑ-a-di-i-(š) [:] p-r-i-b-r-a !! : ϑ-a-t-i-y : d-a-r-y-v-u-š : x-š-a-y-ϑ-i-y : y-/di-i-y
: āhy : avaϑādiš : paribarā !! : ϑātiy : Dārayavauš : xšāyaϑiya : yadiy
Line: 73 𐏐 𐎡𐎶𐎠𐎶 𐏐 𐎮𐎡𐎱𐎡𐎶 𐏐 𐎺𐎡𐎴𐎠𐏃[𐎹 𐏐] 𐎡𐎶𐎡𐎺𐎠 𐏐 𐎱𐎫𐎡𐎣𐎼𐎠 𐏐 𐎴𐎡𐎹𐎮𐎡𐏁 𐏐 𐎻𐎡𐎣𐎴𐎠𐏃𐎹 𐏐 𐎢𐎫𐎠/𐎫𐎡𐎹
: i-m-a-m : di-i-p-i-m : v-i-n-a-h-[y :] i-m-i-v-a : p-t-i-k-r-a : n-i-y-di-i-š : vi-i-k-n-a-h-y : u-t-a-/t-i-y
: imām : dipim : vaināhy : imaivā : patikarā : naiydiš : vikanāhy : utātaiy
Line: 74 𐏐 𐎹𐎠𐎺𐎠 𐏐 𐎫𐎢𐎶𐎠 [𐏐 𐎠𐏃𐎫𐎡𐎹] 𐏐 𐎱𐎼𐎡𐎲𐎼𐎠𐏃𐎮𐎡𐏁 𐏐 𐎠𐎢𐎼𐎶𐏀𐎭𐎠 𐏐 𐎰𐎢𐎺𐎠𐎶 𐏐 𐎭𐎢𐏁𐎫𐎠 𐏐 𐎲𐎡𐎹/𐎠
: y-a-v-a : t-u-m-a [: a-h-t-i-y] : p-r-i-b-r-a-h-di-i-š : a-u-r-m-z-d-a : ϑ-u-v-a-m : d-u-š-t-a : b-i-y-/a
: yāvā : taumā : ahatiy : paribarāhadiš : Auramazdā : ϑuvām : dauštā : biyā
Line: 75 𐏐 𐎢𐎫𐎠𐎫𐎡𐎹 𐏐 𐎫𐎢[𐎶]𐎠 𐏐 𐎺𐎿𐎡𐎹 𐏐 𐎲𐎡[𐎹]𐎠 𐏐 𐎢𐎫𐎠 𐏐 𐎭𐎼𐎥𐎶 𐏐 𐎪𐎡𐎺𐎠 𐏐 𐎢𐎫𐎠 𐏐 𐎫𐎹 𐏐 𐎤𐎢𐎴𐎺𐎠𐏃𐎹
: u-t-a-t-i-y : t-u-[m]-a : v-s-i-y : b-i-[y]-a : u-t-a : d-r-g-m : ji-i-v-a : u-t-a : t-y : ku-u-n-v-a-h-y
: utātaiy : taumā : vasiy : biyā : utā : dargam : jīvā : utā : tya : kunavāhy
Line: 76 𐏐 𐎠𐎺𐎫𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎢𐎨𐎠𐎼𐎶 𐏐 𐎤𐎢𐎴𐎢𐎬𐎢𐎺 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠/𐎹𐎰𐎡𐎹
: a-v-t-i-y : a-u-r-m-z-d-a : u-c-a-r-m : ku-u-n-u-tu-u-v !! : ϑ-a-t-i-y : d-a-r-y-v-u-š : x-š-a-/y-ϑ-i-y
: avataiy : Auramazdā : ucāram : kunautuv !! : ϑātiy : Dārayavauš : xšāyaϑiya
Line: 77 𐏐 𐎹𐎮𐎡𐎹 𐏐 𐎡𐎶[𐎠]𐎶 𐏐 𐎮𐎡𐎱𐎡𐎶 𐏐 𐎡𐎶𐎡𐎺𐎠 𐏐 𐎱𐎫𐎡𐎣𐎼𐎠 𐏐 𐎺𐎡𐎴𐎠𐏃𐎹 𐏐 𐎻𐎡𐎣𐎴𐎠𐏃𐎮𐎡𐏁 𐏐 𐎢𐎫/𐎠𐎫𐎡𐎹
: y-di-i-y : i-m-[a]-m : di-i-p-i-m : i-m-i-v-a : p-t-i-k-r-a : v-i-n-a-h-y : vi-i-k-n-a-h-di-i-š : u-t-/a-t-i-y
: yadiy : imām : dipim : imaivā : patikarā : vaināhy : vikanāhadiš : utātaiy
Line: 78 𐏐 𐎹𐎠𐎺𐎠 𐏐 𐎫𐎢[𐎶]𐎠 𐏐 𐎠𐏃𐎫𐎡[𐎹 𐏐 𐎴𐎡]𐎹𐎮𐎡𐏁 𐏐 𐎱𐎼𐎡𐎲𐎼𐎠𐏃𐎹 𐏐 𐎠𐎢𐎼𐎶𐏀𐎭𐎠𐎫𐎡𐎹 𐏐 𐎩𐎫𐎠 𐏐 𐎲/𐎡𐎹𐎠
: y-a-v-a : t-u-[m]-a : a-h-t-i-[y : n-i]-y-di-i-š : p-r-i-b-r-a-h-y : a-u-r-m-z-d-a-t-i-y : j-t-a : b-/i-y-a
: yāvā : taumā : ahatiy : naiydiš : paribarāhy : Auramazdātay : jatā : biyā
Line: 79 𐏐 𐎢𐎫𐎠𐎫𐎡𐎹 𐏐 𐎫𐎢𐎶[𐎠 𐏐] 𐎶𐎠 𐏐 𐎲(𐎡)[𐎹𐎠] 𐏐 𐎢𐎫𐎠 𐏐 𐎫𐎹 𐏐 𐎤𐎢𐎴𐎺𐎠𐏃𐎹 𐏐 𐎠𐎺𐎫𐎡𐎹 𐏐 𐎠𐎢𐎼𐎶𐏀𐎭/𐎠
: u-t-a-t-i-y : t-u-m-[a :] m-a : b-(i)-[y-a] : u-t-a : t-y : ku-u-n-v-a-h-y : a-v-t-i-y : a-u-r-m-z-d-/a
: utātaiy : taumā : mā : biyā : utā : tya : kunavāhy : avataiy : Auramazdā
Line: 80 𐏐 𐎴𐎡𐎣𐎬𐎢𐎺 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎡𐎶𐎡𐎹 𐏐 𐎶𐎼𐎫𐎡𐎹𐎠 𐏐 𐎫𐎹𐎡𐎹
: n-i-k-tu-u-v !! : ϑ-a-t-i-y : d-a-r-y-v-u-š : x-š-a-y-ϑ-i-y : i-m-i-y : m-r-t-i-y-a : t-y-i-y
: nikatuv !! : ϑātiy : Dārayavauš : xšāyaϑiya : imaiy : martiyā : tyaiy
Line: 81 𐏐 𐎠𐎭𐎣𐎡𐎹 𐏐 𐎠𐎺𐎭𐎠 𐏐 [𐎠]𐏃𐎫𐎠 𐏐 𐎹𐎠𐎫𐎠 𐏐 𐎠𐎭𐎶 𐏐 𐎥𐎢𐎶𐎠𐎫𐎶 𐏐 𐎫𐎹𐎶 𐏐 𐎶𐎦𐎢𐎶 𐏐 𐎠𐎺𐎠𐎩𐎴𐎶 𐏐
: a-d-k-i-y : a-v-d-a : [a]-h-t-a : y-a-t-a : a-d-m : g-u-m-a-t-m : t-y-m : m-gu-u-m : a-v-a-j-n-m :
: adakaiy : avadā : āhatā : yātā : adam : Gaumātam : tyam : magum : avājanam :
Line: 82 𐏃𐎹 𐏐 𐎲𐎼𐎮𐎡𐎹 𐏐 𐎠𐎥[𐎢](𐎲)𐎫𐎠 𐏐 𐎠𐎭𐎣𐎡𐎹 [𐏐] 𐎡𐎶𐎡𐎹 𐏐 𐎶𐎼𐎫𐎡𐎹𐎠 𐏐 𐏃𐎶𐎫𐎧𐏁𐎫𐎠 𐏐 𐎠𐎵𐎢𐏁𐎡𐎹𐎠 𐏐 𐎶𐎴/𐎠
h-y : b-r-di-i-y : a-g-[u]-(b)-t-a : a-d-k-i-y [:] i-m-i-y : m-r-t-i-y-a : h-m-t-x-š-t-a : a-nu-u-š-i-y-a : m-n-/a
hya : Bardiya : agaubatā : adakaiy : imaiy : martiyā : hamataxšatā : anušiyā : manā
Line: 83 𐏐 𐎻𐎡𐎭𐎳𐎼𐎴𐎠 𐏐 𐎴𐎠[𐎶] 𐏐 𐎺(𐏃)𐎹𐎿𐎱(𐎽𐎢𐎺)𐏃𐎹𐎠 𐏐 𐎱𐎢𐏂 𐏐 𐎱𐎠𐎼[𐎿] 𐏐 𐎢𐎫𐎠𐎴 𐏐 𐎴𐎠𐎶 𐏐 𐎰𐎢𐎧𐎼𐏃𐎹𐎠
: vi-i-d-f-r-n-a : n-a-[m] : v-(h)-y-s-p-(ru-u-v)-h-y-a : p-u-ç : p-a-r-[s] : u-t-a-n : n-a-m : ϑ-u-x-r-h-y-a
: Vidafarnā : nāma : Vāyaspārahyā : puça : Pārsa : Utāna : nāma : Θuxrahyā
Line: 84 𐏐 𐎱𐎢𐏂 𐏐 𐎱𐎠𐎼𐎿 𐏐 𐎥𐎢𐎲𐎽𐎢𐎺 𐏐 𐎴𐎠𐎶 𐏐 𐎶𐎼𐎯𐎢𐎴𐎡𐎹𐏃𐎹[𐎠 𐏐 𐎱𐎢𐏂] 𐏐 𐎱𐎠𐎼𐎿 𐏐 𐎻𐎡𐎭𐎼𐎴 𐏐 𐎴𐎠𐎶 𐏐 𐎲/𐎥𐎠𐎲𐎡𐎥𐎴𐏃[𐎹]𐎠
: p-u-ç : p-a-r-s : g-u-b-ru-u-v : n-a-m : m-r-du-u-n-i-y-h-y-[a : p-u-ç] : p-a-r-s : vi-i-d-r-n : n-a-m : b-/g-a-b-i-g-n-h-[y]-a
: puça : Pārsa : Gaubaruva : nāma : Marduniyahyā : puça : Pārsa : Vidarna : nāma : Bagābignahyā
Line: 85 [𐏐] 𐎱𐎢𐏂 𐏐 𐎱𐎠𐎼𐎿 𐏐 𐎲[𐎥𐎲]𐎢𐎧𐏁 𐏐 𐎴𐎠𐎶 𐏐 𐎭𐎠(𐎫𐎺)𐏃𐎹𐏃𐎹𐎠 𐏐 𐎱𐎢𐏂 𐏐 𐎱𐎠𐎼𐎿 𐏐
[:] p-u-ç : p-a-r-s : b-[g-b]-u-x-š : n-a-m : d-a-(t-v)-h-y-h-y-a : p-u-ç : p-a-r-s :
: puça : Pārsa : Bagabuxša : nāma : Dātuvahyahyā : puça : Pārsa :
Line: 86 𐎠𐎼𐎯𐎢(𐎶)𐎴𐎡𐏁 𐏐 (𐎴𐎠𐎶) [𐏐] 𐎺𐏃𐎢𐎣𐏃𐎹(𐎠) 𐏐 𐎱𐎢𐏂 𐏐 𐎱𐎠𐎼𐎿 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰/𐎡𐎹
a-r-du-u-(m)-n-i-š : (n-a-m) [:] v-h-u-k-h-y-(a) : p-u-ç : p-a-r-s !! : ϑ-a-t-i-y : d-a-r-y-v-u-š : x-š-a-y-ϑ-/i-y
Ardumaniš : nāma : Vahaukahyā : puça : Pārsa !! : ϑātiy : Dārayavauš : xšāyaϑiya
Line: 87 𐏐 𐎬𐎢𐎺𐎶 𐏐 𐎣(𐎠) 𐏐 𐎧𐏁𐎠𐎹[𐎰]𐎡𐎹 𐏐 𐏃𐎹 𐏐 𐎠𐎱𐎼𐎶 𐏐 𐎠𐏃𐎹 𐏐 𐎫𐎹𐎠𐎶 𐏐 𐎡𐎶𐎡𐏁𐎠𐎶 𐏐 𐎶𐎼𐎫𐎡𐎹𐎠𐎴𐎠/𐎶
: tu-u-v-m : k-(a) : x-š-a-y-[ϑ]-i-y : h-y : a-p-r-m : a-h-y : t-y-a-m : i-m-i-š-a-m : m-r-t-i-y-a-n-a-/m
: tuvam : kā : xšāyaϑiya : hya : aparam : āhy : tyām : imaišām : martiyānām
Line: 88 𐏐 𐎫𐎢𐎶𐎠𐎶 𐏐 [𐎢𐎲<𐎼>]𐎫𐎠𐎶 𐏐 𐎱𐎼𐎡𐎲𐎼𐎠 !! 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐 𐎠𐎢/𐎼𐎶𐏀𐎭𐎠𐏃
: t-u-m-a-m : [u-b-<r>]-t-a-m : p-r-i-b-r-a !! : ϑ-a-t-i-y : d-a-r-y-v-u-š : x-š-a-y-ϑ-i-y : v-š-n-a : a-u-/r-m-z-d-a-h
: taumām : ubartām : paribarā !! : ϑātiy : Dārayavauš : xšāyaϑiya : vašnā : Auramazdāha
Line: 89 𐏐 𐎡𐎶 𐏐 𐎮𐎡𐎱𐎡(𐎨)𐎡(𐏂𐎶 𐏐) 𐎫𐎹 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎱𐎫𐎡𐏁𐎶 𐏐 𐎠𐎼𐎡𐎹𐎠 𐏐 𐎠𐏃 𐏐 𐎢𐎫𐎠 𐏐 𐎱𐎺𐎿𐎫/𐎠𐎹[𐎠]
: i-m : di-i-p-i-(c)-i-(ç-m :) t-y : a-d-m : a-ku-u-n-v-m : p-t-i-š-m : a-r-i-y-a : a-h : u-t-a : p-v-s-t-/a-y-[a]
: ima : dipiciçam : tya : adam : akunavam : patišam : ariyā : āha : utā : pavastāyā
Line: 90 𐏐 𐎢𐎫𐎠 𐏐 𐎨𐎼𐎶𐎠 𐏐 𐎥𐎼[𐎳𐎫𐎶] 𐏐 (𐎠𐏃) 𐏐 [𐎱𐎫]𐎡𐏁𐎶[𐎨]𐎡𐎹 𐏐 [𐎴𐎠𐎶𐎴𐎠]𐎳𐎶 𐏐 𐎠𐎤𐎢𐎴𐎺𐎶 𐏐 𐎱[𐎫]𐎡𐏁[𐎶 𐏐 𐎢]𐎺𐎠𐎭𐎠/[𐎫𐎶]
: u-t-a : c-r-m-a : g-r-[f-t-m] : (a-h) : [p-t]-i-š-m-[c]-i-y : [n-a-m-n-a]-f-m : a-ku-u-n-v-m : p-[t]-i-š-[m : u]-v-a-d-a-/[t-m]
: utā : carmā : gṛftam? : āha : patišamaiy : nāmanāfam? : akunavam : patišam : Uvādātam?
Line: 91 𐏐 [𐎠𐎤𐎢𐎴]𐎺[𐎶] 𐏐 𐎢𐎫𐎠 𐏐 𐎴𐎡𐎹𐎱𐎡[𐎰]𐎡[𐎹 𐏐 𐎢]𐎫𐎠 𐏐 𐎱𐎫𐎡𐎹𐎳𐎼𐎰𐎡𐎹 𐏐 𐎱𐎡𐏁𐎡𐎹𐎠 𐏐 𐎶𐎠[𐎶] 𐏐 𐎱𐎿𐎠[𐎺] 𐏐 𐎡𐎶 𐏐 𐎮/𐎡𐎱𐎡(𐎨𐎡𐏂)𐎶
: [a-ku-u-n]-v-[m] : u-t-a : n-i-y-p-i-[ϑ]-i-[y : u]-t-a : p-t-i-y-f-r-ϑ-i-y : p-i-š-i-y-a : m-a-[m] : p-s-a-[v] : i-m : di-/i-p-i-(c-i-ç)-m
: akunavam : utā : niyapiϑiya : utā : patiyafraϑiya : paišiyā : mām : pasāva : ima : dipiciçam
Line: 92 𐏐 𐎳[𐎼]𐎠𐎿𐎫𐎠𐎹𐎶 𐏐 𐎻𐎡[𐎿]𐎱𐎭𐎠 𐏐 𐎠𐎫𐎼 𐏐 𐎭𐏃𐎹𐎠[𐎺] 𐏐 𐎣𐎠𐎼 𐏐 𐏃𐎶𐎠[𐎫]𐎧𐏁𐎫𐎠
: f-[r]-a-s-t-a-y-m : vi-i-[s]-p-d-a : a-t-r : d-h-y-a-[v] : k-a-r : h-m-a-[t]-x-š-t-a
: frāstāyam : vispadā : atar : dahyāva : kāra : hamātaxšatā
Line: 1 𐏐 𐎰𐎠𐎫[𐎡𐎹 𐏐 𐎭]𐎠𐎼𐎹𐎺𐎢𐏁 [𐏐] 𐎧𐏁𐎠𐎹𐎰𐎡𐎹 𐏐
: ϑ-a-t-[i-y : d]-a-r-y-v-u-š [:] x-š-a-y-ϑ-i-y :
: ϑātiy : Dārayavauš : xšāyaϑiya :
Line: 2 𐎡𐎶 𐏐 𐎫[𐎹 𐏐 𐎠𐎭]𐎶 𐏐 𐎠𐎤𐎢𐎴𐎺[𐎶 𐏐] 𐎯𐎢𐎻𐎡𐎫𐎡𐎹𐎠/𐎶𐎨
i-m : t-[y : a-d]-m : a-ku-u-n-v-[m :] du-u-vi-i-t-i-y-a-/m-c
ima : tya : adam : akunavam : duvitīyāmca
Line: 3 𐏐 𐏂(𐎡𐎫)[𐎡𐎹𐎠𐎶 𐏐] 𐎰𐎼𐎭𐎶 𐏐 𐎱𐎿[𐎠]𐎺 𐏐 𐎹𐎰𐎠 𐏐 𐎧𐏁𐎠𐎹/𐎰𐎡𐎹
: ç-(i-t)-[i-y-a-m :] ϑ-r-d-m : p-s-[a]-v : y-ϑ-a : x-š-a-y-/ϑ-i-y
: çitīyām : ϑardam : pasāva : yaϑā : xšāyaϑiya
Line: 4 𐏐 [𐎠𐎲𐎺𐎶 𐏐 𐎢]𐎺𐎩 𐏐 𐎴𐎠𐎶(𐎠) 𐏐 𐎭𐏃𐎹𐎠𐎢𐏁 𐏐 𐏃𐎢/𐎺
: [a-b-v-m : u]-v-j : n-a-m-(a) : d-h-y-a-u-š : h-u-/v
: abavam : Ūvja : nāmā : dahyāuš : hauv
Line: 5 𐏐 𐏃[𐎷𐎡𐏂𐎡𐎹]𐎠 𐏐 𐎠𐎲𐎺 𐏐 [𐏑 𐎶𐎼𐎫𐎡𐎹] 𐏐 (𐎠)𐎰𐎶𐎡𐎫 𐏐 𐎴𐎠𐎶 𐏐 𐎢/𐎺𐎪𐎡𐎹
: h-[mi-i-ç-i-y]-a : a-b-v : [1 m-r-t-i-y] : (a)-ϑ-m-i-t : n-a-m : u-/v-ji-i-y
: hamiçiyā : abava : 1martiya : Aϑamaita : nāma : Ūvjaiy
Line: 6 [𐏐 𐎠𐎺𐎶 𐏐 𐎶]𐎰𐎡𐏁𐎫𐎶 𐏐 𐎠[𐎤𐎢𐎴𐎺]𐎫𐎠 𐏐 𐎱𐎿𐎠𐎺 𐏐 𐎠𐎭/𐎶
[: a-v-m : m]-ϑ-i-š-t-m : a-[ku-u-n-v]-t-a : p-s-a-v : a-d-/m
: avam : maϑištam : akunavatā : pasāva : adam
Line: 7 𐏐 𐎣𐎠[𐎼𐎶 𐏐 𐎳𐎼𐎠𐎡𐏁]𐎹𐎶 𐏐 [𐏑 𐎶𐎼𐎫]𐎡𐎹 𐏐 𐎥𐎢𐎲𐎽𐎢𐎺 𐏐
: k-a-[r-m : f-r-a-i-š]-y-m : [1 m-r-t]-i-y : g-u-b-ru-u-v :
: kāram : frāišayam : 1martiya : Gaubaruva :
Line: 8 𐎴𐎠𐎶 𐏐 𐎱[𐎠𐎼𐎿 𐏐 𐎶]𐎴𐎠 𐏐 𐎲𐎭𐎣 𐏐 𐎠[𐎺𐎶𐏁]𐎠𐎶 𐏐 𐎶𐎰𐎡𐏁𐎫𐎶 𐏐 𐎠𐎤𐎢/𐎴𐎺𐎶
n-a-m : p-[a-r-s : m]-n-a : b-d-k : a-[v-m-š]-a-m : m-ϑ-i-š-t-m : a-ku-u-/n-v-m
nāma : Pārsa : manā : badaka : avamšām : maϑištam : akunavam
Line: 9 𐏐 𐎱[𐎿𐎠𐎺 𐏐] 𐎥𐎢𐎲𐎽𐎢𐎺 𐏐 [𐏃𐎭𐎠] 𐏐 𐎣𐎠𐎼𐎠 𐏐 𐎠𐏁𐎡𐎹𐎺 𐏐
: p-[s-a-v :] g-u-b-ru-u-v : [h-d-a] : k-a-r-a : a-š-i-y-v :
: pasāva : Gaubaruva : hadā : kārā : ašiyava :
Line: 10 𐎢𐎺𐎩𐎶 [𐏐 𐏃𐎶𐎼𐎴𐎶] 𐏐 𐎠𐎤𐎢𐎴𐎢𐏁 𐏐 𐏃[𐎭]𐎠 𐏐 𐎢𐎺𐎪𐎡𐎹𐎡𐎲𐎡𐏁 𐏐 𐎱𐎿/𐎠𐎺
u-v-j-m [: h-m-r-n-m] : a-ku-u-n-u-š : h-[d]-a : u-v-ji-i-y-i-b-i-š : p-s-/a-v
Ūvjam : hamaranam : akunauš : hadā : Ūvjiyaibiš : pasāva
Line: 11 𐏐 𐎥[𐎢𐎲𐎽]𐎢𐎺 𐏐 𐎢𐎺𐎪𐎡𐎹𐎠 𐏐 𐎠𐎩 𐏐 𐎢𐎫𐎠 𐏐 𐎻𐎡𐎹𐎶𐎼𐎭 𐏐
: g-[u-b-ru]-u-v : u-v-ji-i-y-a : a-j : u-t-a : vi-i-y-m-r-d :
: Gaubaruva : Ūvjiyā : aja : utā : viyamarda :
Line: 12 𐎢𐎫𐎠 𐏐 [𐎫𐎹𐎶𐏁𐎠]𐎶 𐏐 𐎶𐎰[𐎡𐏁𐎫𐎶 𐏐] 𐎠𐎥𐎼𐎲𐎠𐎹 𐏐 𐎠𐎴𐎹 𐏐 𐎠𐎲𐎡/𐎹
u-t-a : [t-y-m-š-a]-m : m-ϑ-[i-š-t-m :] a-g-r-b-a-y : a-n-y : a-b-i-/y
utā : tyamšām : maϑištam : agarbāya : anaya : abiy
Line: 13 𐏐 𐎶𐎠𐎶 [𐏐 𐎱𐎿𐎠𐎺𐏁𐎡]𐎶 𐏐 𐎠𐎭[𐎶] 𐏐 [𐎠𐎺𐎠]𐎩𐎴𐎶 𐏐 𐎱𐎿𐎠𐎺 𐏐 𐎭𐏃𐎹𐎠/𐎢𐏁
: m-a-m [: p-s-a-v-š-i]-m : a-d-[m] : [a-v-a]-j-n-m : p-s-a-v : d-h-y-a-/u-š
: mām : pasāvašim : adam : avājanam : pasāva : dahyāuš
Line: 14 𐏐 𐎶𐎴[𐎠 𐏐 𐎠𐎲𐎺] !! 𐏐 𐎰𐎠𐎫[𐎡𐎹 𐏐 𐎭𐎠]𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡/𐎹
: m-n-[a : a-b-v] !! : ϑ-a-t-[i-y : d-a]-r-y-v-u-š : x-š-a-y-ϑ-i-/y
: manā : abava !! : ϑātiy : Dārayavauš : xšāyaϑiya
Line: 15 𐏐 𐎠𐎺𐎡𐎹 𐏐 [𐎢]𐎺[𐎪]𐎡𐎹𐎠 𐏐 [𐎠𐎼𐎡𐎣𐎠 𐏐 𐎠𐏃 𐏐] 𐎢𐎫𐎠𐏁𐎠𐎶 𐏐 𐎠𐎢𐎼𐎶/𐏀𐎭𐎠
: a-v-i-y : [u]-v-[ji]-i-y-a : [a-r-i-k-a : a-h :] u-t-a-š-a-m : a-u-r-m-/z-d-a
: avaiy : Ūvjiyā : arikā : āha : utāšām : Auramazdā
Line: 16 𐏐 [𐎴𐎡]𐎹 𐏐 [𐎠𐎹]𐎮[𐎡]𐎹 𐏐 𐎠𐎢[𐎼𐎶𐏀𐎭𐎠]𐎶 𐏐 𐎠𐎹𐎭𐎡𐎹 𐏐 𐎺𐏁𐎴𐎠 𐏐 𐎠/𐎢𐎼𐎶𐏀[𐎭𐎠]𐏃
: [n-i]-y : [a-y]-di-[i]-y : a-u-[r-m-z-d-a]-m : a-y-d-i-y : v-š-n-a : a-/u-r-m-z-[d-a]-h
: naiy : ayadiya : Auramazdām : ayadaiy : vašnā : Auramazdāha
Line: 17 [𐏐 𐎹](𐎰𐎠) 𐏐 𐎶𐎠𐎶 [𐏐 𐎣𐎠𐎶 𐏐 𐎠𐎺]𐎰𐎠𐎮𐎡𐏁 𐏐 𐎠𐎤𐎢𐎴𐎺𐎶
[: y]-(ϑ-a) : m-a-m [: k-a-m : a-v]-ϑ-a-di-i-š : a-ku-u-n-v-m
: yaϑā : mām : kāma : avaϑādiš : akunavam
Line: 18 !! 𐏐 𐎰𐎠𐎫[𐎡𐎹 𐏐 𐎭𐎠𐎼]𐎹𐎺𐎢[𐏁 𐏐 𐎧𐏁𐎠𐎹]𐎰𐎡𐎹 𐏐 𐏃𐎹 𐏐 𐎠𐎢𐎼𐎶𐏀𐎭𐎠/𐎶
!! : ϑ-a-t-[i-y : d-a-r]-y-v-u-[š : x-š-a-y]-ϑ-i-y : h-y : a-u-r-m-z-d-a-/m
!! : ϑātiy : Dārayavauš : xšāyaϑiya : hya : Auramazdām
Line: 19 𐏐 𐎹𐎭[𐎠𐎫𐎡]𐎹 𐏐 𐎹𐎠[𐎴𐎶 𐏐 𐎠𐎺𐏃𐎹𐎠] 𐏐 𐎠𐏃𐎫𐎡𐎹 𐏐 𐎢𐎫𐎠 𐏐 𐎪𐎡𐎺𐏃/𐎹𐎠
: y-d-[a-t-i]-y : y-a-[n-m : a-v-h-y-a] : a-h-t-i-y : u-t-a : ji-i-v-h-/y-a
: yadātaiy : yānam : avahyā : ahatiy : utā : jīvahyā
Line: 20 [𐏐] 𐎢[𐎫𐎠 𐏐] 𐎶𐎼𐎫𐏃𐎹𐎠 !! [𐏐 𐎰𐎠𐎫𐎡]𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁/𐎠𐎹𐎰𐎡𐎹
[:] u-[t-a :] m-r-t-h-y-a !! [: ϑ-a-t-i]-y : d-a-r-y-v-u-š : x-š-/a-y-ϑ-i-y
: utā : martahyā !! : ϑātiy : Dārayavauš : xšāyaϑiya
Line: 21 𐏐 𐎱[𐎿𐎠𐎺 𐏐 𐏃𐎭]𐎠 𐏐 𐎣[𐎠𐎼𐎠 𐏐 𐎠]𐎭𐎶 𐏐 [𐎠𐏁]𐎡𐎹𐎺𐎶 𐏐 𐎠𐎲𐎡𐎹 𐏐 𐎿𐎣/𐎠𐎶
: p-[s-a-v : h-d]-a : k-[a-r-a : a]-d-m : [a-š]-i-y-v-m : a-b-i-y : s-k-/a-m
: pasāva : hadā : kārā : adam : ašiyavam : abiy : Sakām
Line: 22 𐏐 𐎱𐎿[𐎠]𐎺 [𐏐 𐎿[𐎣𐎠 𐏐 𐎫𐎹]𐎡(𐎹) [𐏐] 𐎧𐎢[𐎭𐎠]𐎶 𐏐 𐎫𐎡𐎥𐎼𐎠𐎶 𐏐 𐎲𐎼𐎫𐎡/𐎹
: p-s-[a]-v [: s-[k-a : t-y]-i-(y) [:] x-u-[d-a]-m : t-i-g-r-a-m : b-r-t-i-/y
: pasāva : Sakā : tyaiy : xaudām : tigrām : baratiy
Line: 23 𐏐 𐎡[𐎶𐎡𐎹 𐏐 𐎱𐎫𐎡𐏁 𐏐 𐎶𐎠𐎶 𐏐 𐎠]𐎡𐏁 [𐏐 𐎹](𐎮)𐎡𐎹 𐏐 𐎠𐎲𐎡𐎹 𐏐 𐎭𐎼𐎹 𐏐 𐎠/𐎺𐎠[𐎼𐎿𐎶
: i-[m-i-y : p-t-i-š : m-a-m : a]-i-š [: y]-(di)-i-y : a-b-i-y : d-r-y : a-/v-a-[r-s-m
: imaiy : patiš : mām : āiš : yadiy : abiy : draya : avārasam
Line: 24 𐏐 𐎭]𐎼𐎧[𐎫]𐎠 𐏐[ 𐎠𐎺 𐏐 𐏃𐎭𐎠 𐏐 𐎣𐎠𐎼]𐎠 𐏐 𐎻𐎡𐎿𐎠 𐏐 𐎻𐎡𐎹𐎫𐎼/𐎹𐎶
: d]-r-x-[t]-a :[ a-v : h-d-a : k-a-r]-a : vi-i-s-a : vi-i-y-t-r-/y-m
: draxtā: ava : hadā : kārā : visā : viyatarayam
Line: 25 [𐏐 𐎱𐎿𐎠𐎺] 𐏐 𐎠𐎺𐎡𐎹 [𐏐] 𐎿𐎣[𐎠 𐏐 𐎠𐎭𐎶] 𐏐 𐎠𐎩𐎴𐎶 𐏐 𐎠𐎴𐎡𐎹𐎶 𐏐 𐎠𐎥/𐎼𐎲𐎠𐎹
[: p-s-a-v] : a-v-i-y [:] s-k-[a : a-d-m] : a-j-n-m : a-n-i-y-m : a-g-/r-b-a-y
: pasāva : avaiy : Sakā : adam : ajanam : aniyam : agarbāya
Line: 26 [𐏐 𐏃𐎢𐎺 𐏐 𐎲]𐎿𐎫 [𐏐 𐎠𐎴𐎹𐎫𐎠] 𐏐 𐎠𐎲𐎡𐎹 𐏐 𐎶𐎠𐎶 𐏐 𐎢𐎫/𐎠𐏁[𐎠𐎶
[: h-u-v : b]-s-t [: a-n-y-t-a] : a-b-i-y : m-a-m : u-t-/a-š-[a-m
: hauv : basta : anayatā : abiy : mām : utāšām
Line: 27 𐏐 𐏃𐎹 𐏐] (𐎶𐎰)𐎡𐏁𐎫 [𐏐 𐎠𐏃 𐏐] 𐎿[𐎤]𐎢𐎧 𐏐 𐎴𐎠𐎶 𐏐 𐎠𐎺𐎶 𐏐 𐎠𐎥/𐎼𐎲𐎠[𐎹
: h-y :] (m-ϑ)-i-š-t [: a-h :] s-[ku]-u-x : n-a-m : a-v-m : a-g-/r-b-a-[y
: hya : maϑišta : āha : Skuxa : nāma : avam : agarbāya
Line: 28 𐏐 𐎲𐎿𐎫]𐎶 [𐏐] 𐎠𐎴𐎹 [𐏐 𐎠𐎲𐎡𐎹 𐏐 𐎶𐎠𐎶] 𐏐 𐎠𐎺𐎭𐎠 𐏐 𐎠𐎴𐎡𐎹𐎶 𐏐 𐎶𐎰/𐎡𐏁𐎫[𐎶]
: b-s-t]-m [:] a-n-y [: a-b-i-y : m-a-m] : a-v-d-a : a-n-i-y-m : m-ϑ-/i-š-t-[m]
: bastam : anaya : abiy : mām : avadā : aniyam : maϑištam
Line: 29 𐏐 𐎠𐎤𐎢𐎴𐎺𐎶 𐏐 𐎹[𐎰𐎠 𐏐] 𐎶𐎠𐎶 𐏐 [𐎣]𐎠𐎶 𐏐 𐎠𐏃 𐏐 𐎱𐎿𐎠𐎺 𐏐 𐎭/𐏃𐎹𐎠[𐎢𐏁
: a-ku-u-n-v-m : y-[ϑ-a :] m-a-m : [k]-a-m : a-h : p-s-a-v : d-/h-y-a-[u-š
: akunavam : yaϑā : mām : kāma : āha : pasāva : dahyāuš
Line: 30 𐏐 𐎶]𐎴𐎠 [𐏐 𐎠]𐎲𐎺 !! [𐏐 𐎰𐎠𐎫𐎡]𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/𐎰𐎡[𐎹
: m]-n-a [: a]-b-v !! [: ϑ-a-t-i]-y : d-a-r-y-v-u-š : x-š-a-y-/ϑ-i-[y
: manā : abava !! : ϑātiy : Dārayavauš : xšāyaϑiya
Line: 31 𐏐 𐎠𐎺𐎡𐎹 𐏐] 𐎿[𐎣]𐎠 𐏐 𐎠𐎼𐎡[𐎣𐎠 𐏐 𐎠]𐏃 [𐏐] 𐎢𐎫𐎠 𐏐 𐎴𐎡𐎹 𐏐 𐎠𐎢𐎼𐎶𐏀𐎭/𐎠[𐏁𐎠𐎶
: a-v-i-y :] s-[k]-a : a-r-i-[k-a : a]-h [:] u-t-a : n-i-y : a-u-r-m-z-d-/a-[š-a-m
: avaiy : Sakā : arikā : āha : utā : naiy : Auramazdāšām
Line: 32 𐏐 𐎠𐎹]𐎮𐎡𐎹 𐏐 𐎠𐎢𐎼𐎶[𐏀]𐎭[𐎠𐎶 𐏐] 𐎠𐎹𐎭𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶/𐏀𐎭𐎠[𐏃
: a-y]-di-i-y : a-u-r-m-[z]-d-[a-m :] a-y-d-i-y : v-š-n-a : a-u-r-m-/z-d-a-[h
: ayadiya : Auramazdām : ayadaiy : vašnā : Auramazdāha
Line: 33 𐏐 𐎹]𐎰𐎠 𐏐 𐎶𐎠𐎶 𐏐 𐎣𐎠𐎶 𐏐 [𐎠𐎺𐎰𐎠𐎮𐎡]𐏁 𐏐 𐎠𐎤𐎢𐎴𐎺𐎶 !! 𐏐 𐎰𐎠𐎫/𐎡𐎹
: y]-ϑ-a : m-a-m : k-a-m : [a-v-ϑ-a-di-i]-š : a-ku-u-n-v-m !! : ϑ-a-t-/i-y
: yaϑā : mām : kāma : avaϑādiš : akunavam !! : ϑātiy
Line: 34 [𐏐 𐎭𐎠]𐎼𐎹𐎺𐎢𐏁 [𐏐 𐎧]𐏁𐎠𐎹𐎰𐎡𐎹 [𐏐 𐏃𐎹] 𐏐 𐎠𐎢𐎼𐎶𐏀𐎭𐎠𐎶 𐏐 𐎹𐎭𐎠𐎫/𐎡𐎹
[: d-a]-r-y-v-u-š [: x]-š-a-y-ϑ-i-y [: h-y] : a-u-r-m-z-d-a-m : y-d-a-t-/i-y
: Dārayavauš : xšāyaϑiya : hya : Auramazdām : yadātaiy
Line: 35 𐏐 [𐎠𐎺𐏃𐎹]𐎠 𐏐 [𐎹𐎠𐎴]𐎶 𐏐 [𐎠𐏃𐎫𐎡𐎹 𐏐] 𐎢𐎫𐎠 𐏐 𐎪𐎡𐎺𐏃𐎹𐎠 𐏐 𐎢𐎫𐎠
: [a-v-h-y]-a : [y-a-n]-m : [a-h-t-i-y :] u-t-a : ji-i-v-h-y-a : u-t-a
: avahyā : yānam : ahatiy : utā : jīvahyā : utā
Line: 36 𐏐 𐎶[𐎼𐎫𐏃𐎹]𐎠
: m-[r-t-h-y]-a
: martahyā
Line: 1 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰!𐎡𐎹 𐏐 𐎺𐏀𐎼𐎣 𐏐 𐎧𐏁𐎠(𐎹)/𐎰𐎡𐎹
: a-d-m : d-a-r-y-v-u-š : x-š-a-y-ϑ-!-i-y : v-z-r-k : x-š-a-(y)-/ϑ-i-y
: adam : Dārayavauš : xšāyaϑiya : vazraka : xšāyaϑiya
Line: 2 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎱𐎠𐎼𐎿𐎡𐎹 𐏐 𐎧(𐏁)/𐎠𐎹𐎰𐎡𐎹
: x-š-a-y-ϑ-i-y-a-n-a-m : x-š-a-y-ϑ-i-y : p-a-r-s-i-y : x-(š)-/a-y-ϑ-i-y
: xšāyaϑiyānām : xšāyaϑiya : Pārsaiy : xšāyaϑiya
Line: 3 𐏐 𐎭𐏃𐎹𐎢𐎴𐎠𐎶 𐏐 𐎻𐏁𐎫𐎠𐎿𐎱!!𐏃𐎹!!!!𐎠 𐏐 𐎱𐎢(𐏂) 𐏐
: d-h-y-u-n-a-m : vi-š-t-a-s-p-!!-h-y-!!!!-a : p-u-(ç) :
: dahyūnām : Vištāspahyā : puça :
Line: 4 𐎠𐎼𐏁𐎠𐎶𐏃𐎹𐎠 𐏐 𐎴𐎱𐎠 𐏐 𐏃𐎧𐎠𐎶𐎴𐎡𐏁!𐎡𐎹 𐏐 !! 𐎰𐎠𐎫𐎡𐎹 𐏐 𐎭(𐎠)𐎼/𐎹𐎺𐎢𐏁
a-r-š-a-m-h-y-a : n-p-a : h-x-a-m-n-i-š-!-i-y : !! ϑ-a-t-i-y : d-(a)-r-/y-v-u-š
Aršāmahyā : napā : Haxāmanišiya : !! ϑātiy : Dārayavauš
Line: 5 𐏐 𐎧𐏁𐎠𐎹𐎰𐎡𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐎻𐏁𐎫𐎠𐎿𐎱 [𐏐] 𐎻/𐏁𐎫𐎠𐎿𐎱𐏃𐎹𐎠
: x-š-a-y-ϑ-i-y : m-n-a : p-i-t-a : vi-š-t-a-s-p [:] vi-/š-t-a-s-p-h-y-a
: xšāyaϑiya : manā : pitā : Vištāspa : Vištāspahyā
Line: 6 𐏐 𐎱𐎡𐎫𐎠 𐏐 𐎠𐎼𐏁𐎠𐎶 𐏐 𐎠𐎼𐏁𐎠𐎶𐏃𐎹𐎠 [𐏐] 𐎱𐎡/𐎫𐎠
: p-i-t-a : a-r-š-a-m : a-r-š-a-m-h-y-a [:] p-i-/t-a
: pitā : Aršāma : Aršāmahyā : pitā
Line: 7 𐏐 𐎠𐎼𐎡𐎹𐎠𐎼𐎶𐎴 𐏐 𐎠𐎼!𐎡(𐎹)𐎠𐎼𐎶𐎴𐏃𐎹𐎠 𐏐 𐎱𐎡!(𐎫)𐎠 𐏐
: a-r-i-y-a-r-m-n : a-r-!-i-(y)-a-r-m-n-h-y-a : p-i-!-(t)-a :
: Ariyāramna : Ariyāramnahyā : pitā :
Line: 8 𐎨𐎡𐏁𐎱𐎡𐏁 𐏐 𐎨𐎡𐏁𐎱𐎡𐏁 𐏐 𐎱𐎡𐎫𐎠 𐏐 𐏃!𐎧𐎠𐎶𐎴!𐎡𐏁 𐏐
c-i-š-p-i-š : c-i-š-p-i-š : p-i-t-a : h-!-x-a-m-n-!-i-š :
Cišpaiš : Cišpaiš : pitā : Haxāmaniš :
Line: 9 !! 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎠(𐎺)𐏃𐎹/𐎼!𐎠𐎮𐎡𐎹
!! ϑ-a-t-i-y : d-a-r-y-v-u-š : x-š-a-y-ϑ-i-y : a-(v)-h-y-/r-!-a-di-i-y
!! ϑātiy : Dārayavauš : xšāyaϑiya : avahyarādiy
Line: 10 𐏐 𐎺𐎹𐎶 𐏐 !! 𐏃𐎧𐎠𐎶𐎴𐎡𐏁𐎡𐎹𐎠 𐏐 𐎰[𐏃]𐎹𐎠/𐎶𐏃𐎹
: v-y-m : !! h-x-a-m-n-i-š-i-y-a : ϑ-[h]-y-a-/m-h-y
: vayam : !! Haxāmanišiyā : ϑahyāmahy
Line: 11 𐏐 𐏃𐎨𐎠 𐏐 𐎱𐎽𐎢!!!𐎻𐎡𐎹𐎫 𐏐 𐎠(𐎶)𐎠𐎫𐎠
: h-c-a : p-ru-u-!!!-vi-i-y-t : a-(m)-a-t-a
: hacā : paruviyata : āmātā
Line: 12 ! 𐏐 𐎠!𐎶𐏃𐎹 𐏐 𐏃𐎨𐎠 𐏐 𐎱𐎽𐎢𐎻𐎡𐎹𐎫 𐏐 𐏃𐎹𐎠 𐏐 𐎠𐎶𐎠/𐎧𐎶
! : a-!-m-h-y : h-c-a : p-ru-u-vi-i-y-t : h-y-a : a-m-a-/x-m
! : amahy : hacā : paruviyata : hyā : amāxam
Line: 13 𐏐 𐎫𐎢𐎶𐎠 𐏐 𐎧𐏁𐎠𐎹𐎰𐎡!!𐎹𐎠 𐏐 𐎠𐏃 !! 𐏐 𐎰𐎠/𐎫𐎡𐎹
: t-u-m-a : x-š-a-y-ϑ-i-!!-y-a : a-h !! : ϑ-a-/t-i-y
: taumā : xšāyaϑiyā : āha !! : ϑātiy
Line: 14 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐏒𐏒𐏒𐏒 𐏐 𐎶/𐎴!!𐎠
: d-a-r-y-v-u-š : x-š-a-y-ϑ-i-y : 2-2-2-2 : m-/n-!!-a
: Dārayavauš : xšāyaϑiya : 8 : manā
Line: 15 𐏐 !!! 𐎫𐎢𐎶𐎠𐎹𐎠 𐏐 𐎫𐎹𐎡𐎹 𐏐 𐎱𐎽𐎢𐎺/𐎶
: !!! t-u-m-a-y-a : t-y-i-y : p-ru-u-v-/m
: !!! taumāyā : tyaiy : paruvam
Line: 16 𐏐 !!!! 𐎧𐏁𐎠𐎹!!!!𐎰𐎡𐎹𐎠 𐏐 𐎠𐏃 𐏐 𐎠𐎭𐎶 𐏐 𐎴/𐎺𐎶
: !!!! x-š-a-y-!!!!-ϑ-i-y-a : a-h : a-d-m : n-/v-m
: !!!! xšāyaϑiyā : āha : adam : navama
Line: 17 𐏐 𐏒𐏒𐏒𐏒𐏑 𐏐 𐎯𐎢𐎻𐎡𐎫𐎠𐎱𐎼𐎴𐎶 𐏐 𐎺𐎹𐎶 𐏐 𐎧/𐏁𐎠𐎹𐎰(𐎡)𐎹𐎠
: 2-2-2-2-1 : du-u-vi-i-t-a-p-r-n-m : v-y-m : x-/š-a-y-ϑ-(i)-y-a
: 9 : duvitāparanam : vayam : xšāyaϑiyā
Line: 18 𐏐 𐎠𐎶𐏃𐎹 𐏐
: a-m-h-y :
: amahy :
Line: 1 𐏐 𐎡𐎹𐎶 𐏐 𐎥𐎢𐎶𐎠/𐎫
: i-y-m : g-u-m-a-/t
: iyam : Gaumāta
Line: 2 𐏐 𐏃𐎹 𐏐 𐎶𐎦𐎢𐏁 𐏐 𐎠/𐎯𐎢𐎽𐎢𐎪𐎡𐎹
: h-y : m-gu-u-š : a-/du-u-ru-u-ji-i-y
: hya : maguš : adurujiya
Line: 3 𐏐
:
:
Line: 4 𐎠𐎺𐎰𐎠 𐏐 𐎠𐎰𐏃 𐏐 𐎠𐎭𐎶 𐏐 𐎲/𐎼𐎮𐎡𐎹
a-v-ϑ-a : a-ϑ-h : a-d-m : b-/r-di-i-y
avaϑā : aϑaha : adam : Bardiya
Line: 5 𐏐 𐎠𐎷𐎡𐎹 𐏐 𐏃𐎹 𐏐 𐎤/𐎢𐎼𐎢𐏁
: a-mi-i-y : h-y : ku-/u-r-u-š
: amiy : hya : Kūrauš
Line: 6 𐏐 𐎱𐎢𐏂 𐏐 𐎠𐎭𐎶 𐏐 𐎧𐏁/𐎠𐎹𐎰𐎡𐎹
: p-u-ç : a-d-m : x-š-/a-y-ϑ-i-y
: puça : adam : xšāyaϑiya
Line: 7 𐏐 𐎠𐎷𐎡𐎹 𐏐
: a-mi-i-y :
: amiy :
Line: 1 𐏐 𐎡𐎹𐎶 𐏐 𐎠𐏂/𐎡𐎴
: i-y-m : a-ç-/i-n
: iyam : Āçina
Line: 2 𐏐 𐎠𐎯𐎢/𐎽𐎢𐎪𐎡𐎹
: a-du-u-/ru-u-ji-i-y
: adurujiya
Line: 3 𐏐
:
:
Line: 4 𐎠𐎺𐎰𐎠
a-v-ϑ-a
avaϑā
Line: 5 𐏐 𐎠𐎰𐏃 𐏐 𐎠/𐎭𐎶
: a-ϑ-h : a-/d-m
: aϑaha : adam
Line: 6 𐏐 𐎧/𐏁𐎠𐎹𐎰/𐎡𐎹
: x-/š-a-y-ϑ-/i-y
: xšāyaϑiya
Line: 7
Line: 8 𐏐 𐎠𐎷/𐎡𐎹
: a-mi-/i-y
: amiy
Line: 9 𐏐 𐎢/𐎺𐎩𐎡𐎹
: u-/v-j-i-y
: Ūvjaiy
Line: 10 𐏐
:
:
Line: 1 𐏐 𐎡𐎹𐎶 𐏐 𐎴𐎡𐎮𐎡𐎫𐎲𐎡𐎼 𐏐
: i-y-m : n-i-di-i-t-b-i-r :
: iyam : Naditabaira :
Line: 2 𐎠(𐎯)𐎢𐎽𐎢𐎪𐎡𐎹 𐏐 𐎠𐎺/𐎰𐎠
a-(du)-u-ru-u-ji-i-y : a-v-/ϑ-a
adurujiya : avaϑā
Line: 3 𐏐 𐎠𐎰𐏃 𐏐 𐎠𐎭𐎶 𐏐 𐎴𐎲/𐎢𐎤𐎢𐎭𐎼𐎨𐎼
: a-ϑ-h : a-d-m : n-b-/u-ku-u-d-r-c-r
: aϑaha : adam : Nabukudracara
Line: 4 𐏐 𐎠𐎷𐎡/𐎹
: a-mi-i-/y
: amiy
Line: 5 𐏐 𐏃𐎹 𐏐 (𐎴)𐎲𐎢𐎴𐎡𐎫/𐏃𐎹
: h-y : (n)-b-u-n-i-t-/h-y
: hya : Nabunaitahya
Line: 6 𐏐 𐎱𐎢(𐏂) 𐏐 𐎠𐎭𐎶 𐏐 𐎧/𐏁𐎠𐎹𐎰(𐎡𐎹)
: p-u-(ç) : a-d-m : x-/š-a-y-ϑ-(i-y)
: puça : adam : xšāyaϑiya
Line: 7 𐏐 𐎠𐎷𐎡𐎹 𐏐 𐎲/𐎠𐎲𐎡𐎼𐎢𐎺
: a-mi-i-y : b-/a-b-i-r-u-v
: amiy : Bābarauv
Line: 8 𐏐
:
:
Line: 1 𐏐 𐎡𐎹𐎶 𐏐 𐎳𐎼/𐎺𐎼𐎫𐎡𐏁
: i-y-m : f-r-/v-r-t-i-š
: iyam : Fravartiš
Line: 2 𐏐
:
:
Line: 3 𐎠𐎯𐎢𐎽𐎢/𐎪𐎡𐎹
a-du-u-ru-u-/ji-i-y
adurujiya
Line: 4 𐏐 𐎠𐎺/𐎰𐎠
: a-v-/ϑ-a
: avaϑā
Line: 5 𐏐 𐎠𐎰𐏃 𐏐 𐎠𐎭𐎶 𐏐
: a-ϑ-h : a-d-m :
: aϑaha : adam :
Line: 6 𐎧𐏁𐎰𐎼𐎡𐎫 𐏐 𐎠𐎷𐎡𐎹
x-š-ϑ-r-i-t : a-mi-i-y
Xšaϑrita : amiy
Line: 7 𐏐 𐎢𐎺𐎧𐏁𐎫𐎼𐏃𐎹
: u-v-x-š-t-r-h-y
: Uvaxštrahya
Line: 8 𐏐 𐎫𐎢𐎶𐎠𐎹𐎠 𐏐 𐎠𐎭𐎶
: t-u-m-a-y-a : a-d-m
: taumāyā : adam
Line: 9 𐏐 𐎧𐏁𐎠𐎹𐎰𐎡𐎹 𐏐 𐎠(𐎷)𐎡𐎹
: x-š-a-y-ϑ-i-y : a-(mi)-i-y
: xšāyaϑiya : amiy
Line: 10 𐏐 𐎶𐎠/𐎭𐎡𐎹
: m-a-/d-i-y
: Mādaiy
Line: 11 <𐏐>
<:>
:
Line: 1 𐏐 𐎡𐎹𐎶 𐏐 𐎶𐎼𐎫𐎡𐎹 𐏐 𐎠/𐎯𐎢𐎽(𐎢)𐎪𐎡𐎹
: i-y-m : m-r-t-i-y : a-/du-u-ru-(u)-ji-i-y
: iyam : martiya : adurujiya
Line: 2 𐏐 𐎠/𐎺𐎰𐎠
: a-/v-ϑ-a
: avaϑā
Line: 3 𐏐 (𐎠)𐎰𐏃 𐏐 𐎠/𐎭𐎶
: (a)-ϑ-h : a-/d-m
: aϑaha : adam
Line: 4 𐏐 𐎡𐎶𐎴𐎡𐏁 𐏐 𐎠𐎷/𐎡𐎹
: i-m-n-i-š : a-mi-/i-y
: Imaniš : amiy
Line: 5-7 𐏐 𐎢𐎺𐎩𐎡𐎹 𐏐 𐎧/𐏁𐎠𐎹𐎰𐎡/𐎹
: u-v-j-i-y : x-/š-a-y-ϑ-i-/y
: Ūvjaiy : xšāyaϑiya
Line: 1 𐏐 𐎡𐎹𐎶 𐏐 𐎨𐎡𐏂/𐎫𐎧𐎶
: i-y-m : c-i-ç-/t-x-m
: iyam : Ciçataxma
Line: 2 𐏐 𐎠𐎯/𐎢𐎽𐎢𐎪𐎡𐎹
: a-du-/u-ru-u-ji-i-y
: adurujiya
Line: 3
Line: 4 𐏐 𐎠𐎺𐎰𐎠 𐏐 𐎠/𐎰𐏃
: a-v-ϑ-a : a-/ϑ-h
: avaϑā : aϑaha
Line: 5 𐏐 𐎠𐎭𐎶 𐏐
: a-d-m :
: adam :
Line: 6 𐎧𐏁𐎠𐎹𐎰𐎡/𐎹
x-š-a-y-ϑ-i-/y
xšāyaϑiya
Line: 7 𐏐 𐎠𐎷𐎡/𐎹
: a-mi-i-/y
: amiy
Line: 8 𐏐 𐎠𐎿𐎥/𐎼𐎫𐎡𐎹
: a-s-g-/r-t-i-y
: Asagartaiy
Line: 9 𐏐 𐎢𐎺/𐎧𐏁𐎫𐎼𐏃𐎹
: u-v-/x-š-t-r-h-y
: Uvaxštrahya
Line: 10
Line: 11 𐏐 𐎫𐎢𐎶𐎠𐎹/𐎠
: t-u-m-a-y-/a
: taumāyā
Line: 12 𐏐
:
:
Line: 1 𐏐 (𐎡𐎹)𐎶 𐏐 𐎺𐏃𐎹/𐏀(𐎭)𐎠𐎫
: (i-y)-m : v-h-y-/z-(d)-a-t
: iyam : Vahyazdāta
Line: 2 𐏐 𐎠𐎯𐎢/𐎽𐎢𐎪𐎡𐎹
: a-du-u-/ru-u-ji-i-y
: adurujiya
Line: 3 𐏐 𐎠𐎺/𐎰(𐎠)
: a-v-/ϑ-(a)
: avaϑā
Line: 4 𐏐 𐎠𐎰𐏃 𐏐 𐎠𐎭/(𐎶)
: a-ϑ-h : a-d-/(m)
: aϑaha : adam
Line: 5 𐏐 𐎲𐎼𐎮𐎡𐎹 𐏐 𐎠/𐎷𐎡𐎹
: b-r-di-i-y : a-/mi-i-y
: Bardiya : amiy
Line: 6 𐏐 𐏃𐎹 𐏐 𐎤/𐎢𐎼𐎢𐏁
: h-y : ku-/u-r-u-š
: hya : Kūrauš
Line: 7 𐏐 𐎱𐎢𐏂
: p-u-ç
: puça
Line: 8 𐏐 𐎠𐎭𐎶 𐏐 𐎧𐏁𐎠/𐎹𐎰𐎡𐎹
: a-d-m : x-š-a-/y-ϑ-i-y
: adam : xšāyaϑiya
Line: 9 𐏐 𐎠𐎷𐎡𐎹
: a-mi-i-y
: amiy
Line: 10 <𐏐>
<:>
:
Line: 1 𐏐 𐎡𐎹𐎶 𐏐 𐎠𐎼𐎧
: i-y-m : a-r-x
: iyam : Arxa
Line: 2 𐏐 𐎠𐎯𐎢𐎽𐎢𐎪/𐎡𐎹
: a-du-u-ru-u-ji-/i-y
: adurujiya
Line: 3 𐏐 𐎠𐎺𐎰𐎠 𐏐
: a-v-ϑ-a :
: avaϑā :
Line: 4 𐎠𐎰𐏃 𐏐 𐎠𐎭𐎶 𐏐
a-ϑ-h : a-d-m :
aϑaha : adam :
Line: 5 𐎴𐎲𐎢𐎤𐎢𐎭𐎼/𐎨𐎼
n-b-u-ku-u-d-r-/c-r
Nabukudracara
Line: 6 𐏐 𐎠𐎷𐎡𐎹 𐏐
: a-mi-i-y :
: amiy :
Line: 7 𐏃𐎹 𐏐 𐎴𐎲𐎢𐎴/𐎡𐎫𐏃𐎹
h-y : n-b-u-n-/i-t-h-y
hya : Nabunaitahya
Line: 8 𐏐 𐎱𐎢/𐏂
: p-u-/ç
: puça
Line: 9 𐏐 𐎠𐎭𐎶 𐏐 𐎧𐏁𐎠/𐎹𐎰𐎡𐎹
: a-d-m : x-š-a-/y-ϑ-i-y
: adam : xšāyaϑiya
Line: 10 𐏐 𐎠𐎷𐎡𐎹
: a-mi-i-y
: amiy
Line: 11 𐏐 𐎲𐎠𐎲<𐎡>𐎼𐎢𐎺 𐏐
: b-a-b-<i>-r-u-v :
: Bābarauv :
Line: 1 𐏐 𐎡𐎹𐎶 𐏐 𐎳𐎼𐎠𐎭 𐏐
: i-y-m : f-r-a-d :
: iyam : Frāda :
Line: 2 𐎠𐎯𐎢𐎽𐎢𐎪𐎡/𐎹
a-du-u-ru-u-ji-i-/y
adurujiya
Line: 3 𐏐 𐎠𐎺𐎰𐎠 𐏐 𐎠𐎰𐏃
: a-v-ϑ-a : a-ϑ-h
: avaϑā : aϑaha
Line: 4 𐏐 𐎠𐎭𐎶 𐏐 𐎧𐏁𐎠𐎹𐎰/𐎡𐎹
: a-d-m : x-š-a-y-ϑ-/i-y
: adam : xšāyaϑiya
Line: 5 𐏐 𐎠𐎷𐎡𐎹 𐏐 𐎶𐎼𐎥/𐎢𐎺
: a-mi-i-y : m-r-g-/u-v
: amiy : Margauv
Line: 6 𐏐
:
:
Line: 1 𐏐 𐎡𐎹𐎶 𐏐 𐎿𐎤𐎢/𐎧
: i-y-m : s-ku-u-/x
: iyam : Skuxa
Line: 2 𐏐 𐏃𐎹 𐏐 𐎿𐎣 <𐏐>
: h-y : s-k <:>
: hya : Saka :
Line: 1 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐
d-a-r-y-v-u-š : x-š-a-y-ϑ-i-y :
Dārayavauš : xšāyaϑiya :
Line: 2 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠/𐎹𐎰𐎡𐎹𐎠𐎴𐎠𐎶
v-z-r-k : x-š-a-y-ϑ-i-y : x-š-a-/y-ϑ-i-y-a-n-a-m
vazraka : xšāyaϑiya : xšāyaϑiyānām
Line: 3 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y :
: xšāyaϑiya :
Line: 4 𐎭𐏃𐎹𐎢𐎴𐎠𐎶 𐏐 𐎻𐎡𐏁𐎫𐎠𐎿𐎱𐏃𐎹/𐎠
d-h-y-u-n-a-m : vi-i-š-t-a-s-p-h-y-/a
dahyūnām : Vištāspahyā
Line: 5 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐏃/𐎹
: p-u-ç : h-x-a-m-n-i-š-i-y : h-/y
: puça : Haxāmanišiya : hya
Line: 6 𐏐 𐎡𐎶𐎠𐎶 𐏐 𐎫𐎨𐎼𐎶 𐏐 𐎠𐎤𐎢𐎴𐎢𐏁
: i-m-a-m : t-c-r-m : a-ku-u-n-u-š
: imām : tacaram : akunauš
Line: 1 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹
d-a-r-y-v-u-š : XŠ : v-z-r-k : vi-i-š-t-a-s-p-h-y-a : p-u-ç : h-x-a-m-n-i-š-i-y
Dārayavauš : XŠ : vazraka : Vištāspahyā : puça : Haxāmanišiya
Line: 1 𐎠𐎼𐎭𐎿𐎫𐎠𐎴 𐏐 𐎠𐎰𐎥𐎡𐎴 𐏐 𐎭𐎠𐎼𐎹𐎺𐏃𐎢𐏁 𐏐 𐏋𐏃𐎹𐎠 𐏐 𐎻𐎡𐎰𐎡𐎹𐎠 𐏐 𐎣𐎼𐎫
a-r-d-s-t-a-n : a-ϑ-g-i-n : d-a-r-y-v-h-u-š : XŠ-h-y-a : vi-i-ϑ-i-y-a : k-r-t
ardastāna : aϑagaina : Dārayavahauš : XŠhyā : viϑiyā : karta
Line: 1 𐎠𐎢𐎼𐎶𐏀𐎭𐎠 𐏐 𐎺𐏀𐎼𐎣 𐏐 𐏃𐎹 𐏐 𐎶𐎰𐎡𐏁𐎫 𐏐 𐎲𐎥/𐎠𐎴𐎠𐎶
a-u-r-m-z-d-a : v-z-r-k : h-y : m-ϑ-i-š-t : b-g-/a-n-a-m
Auramazdā : vazraka : hya : maϑišta : bagānām
Line: 2 𐏐 𐏃𐎢𐎺 𐏐 𐎭𐎠𐎼𐎹𐎺𐎢𐎶 𐏐 𐎧𐏁𐎠𐎹𐎰𐎡/𐎹𐎶
: h-u-v : d-a-r-y-v-u-m : x-š-a-y-ϑ-i-/y-m
: hauv : Dārayavaum : xšāyaϑiyam
Line: 3 𐏐 𐎠𐎭𐎭𐎠 𐏐 𐏃𐎢𐏁𐎡𐎹 𐏐 𐎧𐏁𐏂𐎶 𐏐 𐎳𐎼𐎠𐎲/𐎼
: a-d-d-a : h-u-š-i-y : x-š-ç-m : f-r-a-b-/r
: adadā : haušaiy : xšaçam : frābara
Line: 4 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎭𐎠𐎼𐎹𐎺𐎢/𐏁
: v-š-n-a : a-u-r-m-z-d-a-h-a : d-a-r-y-v-u-/š
: vašnā : Auramazdāhā : Dārayavauš
Line: 5 𐏐 𐎧𐏁𐎠𐎹𐎰𐎡𐎹 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐
: x-š-a-y-ϑ-i-y : ϑ-a-t-i-y : d-a-r-y-v-u-š :
: xšāyaϑiya : ϑātiy : Dārayavauš :
Line: 6 𐎧𐏁𐎠𐎹𐎰𐎡𐎹 𐏐 𐎡𐎹𐎶 𐏐 𐎭𐏃𐎹𐎠𐎢𐏁 𐏐 𐎱𐎠𐎼/𐎿
x-š-a-y-ϑ-i-y : i-y-m : d-h-y-a-u-š : p-a-r-/s
xšāyaϑiya : iyam : dahyāuš : Pārsa
Line: 7 𐏐 𐎫𐎹𐎠𐎶 𐏐 𐎶𐎴𐎠 𐏐 𐎠𐎢𐎼𐎶𐏀𐎭𐎠 𐏐 𐎳𐎼𐎠𐎲/𐎼
: t-y-a-m : m-n-a : a-u-r-m-z-d-a : f-r-a-b-/r
: tyām : manā : Auramazdā : frābara
Line: 8 𐏐 𐏃𐎹𐎠 𐏐 𐎴𐎡𐎲𐎠 𐏐 𐎢𐎺𐎿𐎱𐎠 𐏐 𐎢𐎶𐎼𐎫𐎡/𐎹𐎠
: h-y-a : n-i-b-a : u-v-s-p-a : u-m-r-t-i-/y-a
: hyā : naibā : uvaspā : umartiyā
Line: 9 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎶𐎴𐎨/𐎠
: v-š-n-a : a-u-r-m-z-d-a-h-a : m-n-c-/a
: vašnā : Auramazdāhā : manacā
Line: 10 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁𐎠𐎹𐎰𐎡𐎹𐏃𐎹/𐎠
: d-a-r-y-v-h-u-š : x-š-a-y-ϑ-i-y-h-y-/a
: Dārayavahauš : xšāyaϑiyahyā
Line: 11 𐏐 𐏃𐎨𐎠 𐏐 𐎠𐎴𐎡𐎹𐎴𐎠 𐏐 𐎴𐎡𐎹 𐏐 𐎫𐎼𐎿𐎫/𐎡𐎹
: h-c-a : a-n-i-y-n-a : n-i-y : t-r-s-t-/i-y
: hacā : aniyanā : naiy : tarsatiy
Line: 12 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/𐎰𐎡𐎹
: ϑ-a-t-i-y : d-a-r-y-v-u-š : x-š-a-y-/ϑ-i-y
: ϑātiy : Dārayavauš : xšāyaϑiya
Line: 13 𐏐 𐎶𐎴𐎠 𐏐 𐎠𐎢𐎼𐎶𐏀𐎭𐎠 𐏐 𐎢𐎱𐎿𐎫𐎠𐎶 𐏐
: m-n-a : a-u-r-m-z-d-a : u-p-s-t-a-m :
: manā : Auramazdā : upastām :
Line: 14 𐎲𐎼𐎬𐎢𐎺 𐏐 𐏃𐎭𐎠 𐏐 𐎻𐎡𐎰𐎡𐎲𐎡𐏁 𐏐 𐎲𐎥𐎡/𐎲𐎡𐏁
b-r-tu-u-v : h-d-a : vi-i-ϑ-i-b-i-š : b-g-i-/b-i-š
baratuv : hadā : viϑaibiš : bagaibiš
Line: 15 𐏐 𐎢𐎫𐎠 𐏐 𐎡𐎶𐎠𐎶 𐏐 𐎭𐏃𐎹𐎠𐎢𐎶 𐏐 𐎠𐎢𐎼/𐎶𐏀𐎭𐎠
: u-t-a : i-m-a-m : d-h-y-a-u-m : a-u-r-/m-z-d-a
: utā : imām : dahyāum : Auramazdā
Line: 16 𐏐 𐎱𐎠𐎬𐎢𐎺 𐏐 𐏃𐎨𐎠 𐏐 𐏃𐎡𐎴𐎠𐎹/𐎠
: p-a-tu-u-v : h-c-a : h-i-n-a-y-/a
: pātuv : hacā : haināyā
Line: 17 𐏐 𐏃𐎨𐎠 𐏐 𐎯𐎢𐏁𐎡𐎹𐎠𐎼𐎠 𐏐 𐏃𐎨𐎠 𐏐 𐎭𐎼/𐎢𐎥𐎠
: h-c-a : du-u-š-i-y-a-r-a : h-c-a : d-r-/u-g-a
: hacā : dušiyārā : hacā : draugā
Line: 18 𐏐 𐎠𐎲𐎡𐎹 𐏐 𐎡𐎶𐎠𐎶 𐏐 𐎭𐏃𐎹𐎠𐎢𐎶 𐏐 𐎶𐎠
: a-b-i-y : i-m-a-m : d-h-y-a-u-m : m-a
: abiy : imām : dahyāum : mā
Line: 19 𐏐 𐎠𐎩𐎷𐎡𐎹𐎠 𐏐 𐎶𐎠 𐏐 𐏃[𐎡]𐎴𐎠 𐏐 𐎶𐎠 𐏐 𐎯𐎢𐏁/𐎡𐎹𐎠𐎼𐎶
: a-j-mi-i-y-a : m-a : h-[i]-n-a : m-a : du-u-š-/i-y-a-r-m
: ājamiyā : mā : hainā : mā : dušiyāram
Line: 20 𐏐 𐎶𐎠 𐏐 𐎭𐎼𐎢𐎥 𐏐 𐎠𐎡𐎫 𐏐 𐎠𐎭𐎶 𐏐
: m-a : d-r-u-g : a-i-t : a-d-m :
: mā : drauga : aita : adam :
Line: 21 𐎹𐎠𐎴𐎶 𐏐 𐎩𐎮𐎡𐎹𐎠𐎷𐎡𐎹 𐏐 𐎠𐎢𐎼𐎶𐏀𐎭/𐎠𐎶
y-a-n-m : j-di-i-y-a-mi-i-y : a-u-r-m-z-d-/a-m
yānam : jadiyāmiy : Auramazdām
Line: 22 𐏐 𐏃𐎭𐎠 𐏐 𐎻𐎡𐎰𐎡𐎲𐎡𐏁 𐏐 𐎲𐎥𐎡𐎲𐎡𐏁 𐏐 𐎠/𐎡[𐎫𐎶𐎡𐎹
: h-d-a : vi-i-ϑ-i-b-i-š : b-g-i-b-i-š : a-/i-[t-m-i-y
: hadā : viϑaibiš : bagaibiš : aitamaiy
Line: 23 𐏐] 𐎹[𐎠𐎴𐎶 𐏐 𐎠𐎢]𐎼𐎶𐏀𐎭𐎠 𐏐 𐎭𐎭𐎠𐎬/𐎢[𐎺
:] y-[a-n-m : a-u]-r-m-z-d-a : d-d-a-tu-/u-[v
: yānam : Auramazdā : dadātuv
Line: 24 𐏐 𐏃𐎭𐎠 𐏐 𐎻𐎡]𐎰[𐎡]𐎲𐎡𐏁 𐏐 𐎲𐎥𐎡𐎲𐎡𐏁 𐏐
: h-d-a : vi-i]-ϑ-[i]-b-i-š : b-g-i-b-i-š :
: hadā : viϑaibiš : bagaibiš :
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺𐏀/𐎼𐎣
a-d-m : d-a-r-y-v-u-š : x-š-a-y-ϑ-i-y : v-z-/r-k
adam : Dārayavauš : xšāyaϑiya : vazraka
Line: 2 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰𐎡𐎹𐎠𐎴𐎠/𐎶
: x-š-a-y-ϑ-i-y : x-š-a-y-ϑ-i-y-a-n-a-/m
: xšāyaϑiya : xšāyaϑiyānām
Line: 3 𐏐 𐎧𐏁𐎠𐎹𐎰<𐎡>𐎹 𐏐 𐎭𐏃𐎹𐎢𐎴𐎠𐎶 𐏐 𐎫𐎹𐎡/𐏁𐎠𐎶
: x-š-a-y-ϑ-<i>-y : d-h-y-u-n-a-m : t-y-i-/š-a-m
: xšāyaϑiya : dahyūnām : tyaišām
Line: 4 𐏐 𐎱𐎽𐎢𐎴𐎠𐎶 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐
: p-ru-u-n-a-m : vi-i-š-t-a-s-p-h-y-a :
: parūnām : Vištāspahyā :
Line: 5 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎭𐎠𐎼/𐎹𐎺𐎢𐏁
p-u-ç : h-x-a-m-n-i-š-i-y : ϑ-a-t-i-y : d-a-r-/y-v-u-š
puça : Haxāmanišiya : ϑātiy : Dārayavauš
Line: 6 𐏐 𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶/𐏀𐎭𐎠𐏃𐎠
: x-š-a-y-ϑ-i-y : v-š-n-a : a-u-r-m-/z-d-a-h-a
: xšāyaϑiya : vašnā : Auramazdāhā
Line: 7 𐏐 𐎡𐎶𐎠 𐏐 𐎭𐏃𐎹𐎠𐎺 𐏐 𐎫𐎹𐎠 𐏐 𐎠𐎭𐎶
: i-m-a : d-h-y-a-v : t-y-a : a-d-m
: imā : dahyāva : tyā : adam
Line: 8 𐏐 𐎠𐎭𐎼𐏁𐎡𐎹 𐏐 𐏃𐎭𐎠 𐏐 𐎠𐎴𐎠 𐏐 𐎱𐎠𐎼𐎿𐎠 𐏐 𐎣𐎠/𐎼𐎠
: a-d-r-š-i-y : h-d-a : a-n-a : p-a-r-s-a : k-a-/r-a
: adaršiy : hadā : anā : Pārsā : kārā
Line: 9 𐏐 𐎫𐎹 𐏐 𐏃𐎨𐎠𐎶 𐏐 𐎠𐎫𐎼𐎿 𐏐 𐎶𐎴𐎠 𐏐 𐎲𐎠𐎪/𐎡𐎶
: t-y : h-c-a-m : a-t-r-s : m-n-a : b-a-ji-/i-m
: tya : hacāma : atarsa : manā : bājim
Line: 10 𐏐 𐎠𐎲𐎼 𐏐 𐎢𐎺𐎩 𐏐 𐎶𐎠𐎭 𐏐 𐎲𐎠𐎲𐎡𐎽𐎢/𐏁
: a-b-r : u-v-j : m-a-d : b-a-b-i-ru-u-/š
: abara : Ūvja : Māda : Bābirauš
Line: 11 𐏐 𐎠𐎼𐎲𐎠𐎹 𐏐 𐎠𐎰𐎢𐎼𐎠 𐏐 𐎸𐎢𐎭𐎼𐎠𐎹/𐎠
: a-r-b-a-y : a-ϑ-u-r-a : mu-u-d-r-a-y-/a
: Arabāya : Aϑurā : Mudrāyā
Line: 12 𐏐 𐎠𐎼𐎷𐎡𐎴 𐏐 𐎣𐎫𐎱𐎬𐎢𐎣 𐏐 𐎿𐎱𐎼𐎭 𐏐 𐎹/𐎢𐎴𐎠
: a-r-mi-i-n : k-t-p-tu-u-k : s-p-r-d : y-/u-n-a
: Armina : Katpatuka : Sparda : Yaunā
Line: 13 𐏐 𐎫𐎹𐎡𐎹 𐏐 𐎢𐏁𐎣𐏃𐎹𐎠 𐏐 𐎢𐎫𐎠 𐏐 𐎫𐎹/𐎡𐎹
: t-y-i-y : u-š-k-h-y-a : u-t-a : t-y-/i-y
: tyaiy : uškahyā : utā : tyaiy
Line: 14 𐏐 𐎭𐎼𐎹𐏃𐎹𐎠 𐏐 𐎢𐎫𐎠 𐏐 𐎭𐏃𐎹𐎠𐎺 𐏐 𐎫/𐎹𐎠
: d-r-y-h-y-a : u-t-a : d-h-y-a-v : t-/y-a
: drayahyā : utā : dahyāva : tyā
Line: 15 𐏐 𐎱𐎼 𐏐 𐎭𐎼𐎹 𐏐 𐎠𐎿𐎥𐎼𐎫 𐏐 𐎱𐎼𐎰𐎺 𐏐 𐏀𐎼/𐎣
: p-r : d-r-y : a-s-g-r-t : p-r-ϑ-v : z-r-/k
: para : draya : Asagarta : Parϑava : Zraka
Line: 16 𐏐 𐏃𐎼𐎡𐎺 𐏐 𐎲𐎠𐎧𐎫𐎼𐎡𐏁 𐏐 𐎿𐎢𐎦𐎭 𐏐 𐎢𐎺/𐎠𐎼𐏀𐎷𐎡𐎹
: h-r-i-v : b-a-x-t-r-i-š : s-u-gu-d : u-v-/a-r-z-mi-i-y
: Haraiva : Bāxtriš : Suguda : Uvārazmīy
Line: 17 𐏐 𐎰𐎫𐎦𐎢𐏁 𐏐 𐏃𐎼𐎢𐎺𐎫𐎡𐏁 𐏐 𐏃/𐎡𐎯𐎢𐏁
: ϑ-t-gu-u-š : h-r-u-v-t-i-š : h-/i-du-u-š
: Θataguš : Harauvatiš : Hiduš
Line: 18 𐏐 𐎥𐎭𐎠𐎼 𐏐 𐎿𐎣𐎠 𐏐 𐎶𐎣 𐏐 𐎰𐎠𐎫𐎡𐎹
: g-d-a-r : s-k-a : m-k : ϑ-a-t-i-y
: Gadāra : Sakā : Maka : ϑātiy
Line: 19 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎹𐎮𐎡𐎹
: d-a-r-y-v-u-š : x-š-a-y-ϑ-i-y : y-di-i-y
: Dārayavauš : xšāyaϑiya : yadiy
Line: 20 𐏐 𐎠𐎺𐎰𐎠 𐏐 𐎶𐎴𐎡𐎹𐎠𐏃𐎹 𐏐 𐏃𐎨𐎠 𐏐 𐎠𐎴𐎡𐎹/𐎴𐎠
: a-v-ϑ-a : m-n-i-y-a-h-y : h-c-a : a-n-i-y-/n-a
: avaϑā : maniyāhay : hacā : aniyanā
Line: 21 𐏐 𐎶𐎠 𐏐 [𐎫]𐎼𐎿𐎶 𐏐 𐎡𐎶𐎠𐎶 𐏐 𐎱𐎠𐎼𐎿𐎶 𐏐 𐎣𐎠𐎼𐎶 𐏐 𐎱𐎠𐎮𐎡/𐎹
: m-a : [t]-r-s-m : i-m-a-m : p-a-r-s-m : k-a-r-m : p-a-di-i-/y
: mā : tarsam : imām : Pārsam : kāram : pādiy
Line: 22 𐏐 𐎹𐎮𐎡𐎹 𐏐 𐎣𐎠𐎼 𐏐 𐎱𐎠𐎼𐎿 𐏐 𐎱𐎠𐎫 𐏐 𐎠𐏃𐎫𐎡𐎹 𐏐 𐏃𐎹𐎠 𐏐
: y-di-i-y : k-a-r : p-a-r-s : p-a-t : a-h-t-i-y : h-y-a :
: yadiy : kāra : Pārsa : pāta : ahatiy : hyā :
Line: 23 𐎯𐎢𐎺𐎡𐏁[𐎫]𐎶 𐏐 𐏁𐎡𐎹𐎠𐎫𐎡𐏁 𐏐 𐎠𐎧𐏁𐎫𐎠 𐏐 𐏃𐎢𐎺𐎨𐎡/𐎹
du-u-v-i-š-[t]-m : š-i-y-a-t-i-š : a-x-š-t-a : h-u-v-c-i-/y
duvaištam : šiyātiš : axšatā : hauvciy
Line: 24 𐏐 𐎠𐎢𐎼𐎠 𐏐 𐎴𐎡𐎼𐎿𐎠𐎫𐎡𐎹 𐏐 𐎠𐎲𐎡𐎹 𐏐 𐎡𐎶𐎠𐎶 𐏐 𐎻𐎡𐎰𐎶
: a-u-r-a : n-i-r-s-a-t-i-y : a-b-i-y : i-m-a-m : vi-i-ϑ-m
: Aurā : nirasātiy : abiy : imām : viϑam
Line: 1 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹<𐎠>𐎴𐎠𐎶 𐏐 𐏋
d-a-r-y-v-u-š : XŠ : v-z-r-k : XŠ : XŠ-y-<a>-n-a-m : XŠ
Dārayavauš : XŠ : vazraka : XŠ : XŠyanām : XŠ
Line: 2 𐏐 𐎭𐏃𐎹𐎢𐎺𐎴𐎠𐎶 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂
: d-h-y-u-v-n-a-m : vi-i-š-t-a-s-p-h-y-a : p-u-ç
: dahyūvnām : Vištāspahyā : puça
Line: 3 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢/𐏁
: h-x-a-m-n-i-š-i-y : ϑ-a-t-i-y : d-a-r-y-v-u-/š
: Haxāmanišiya : ϑātiy : Dārayavauš
Line: 4 𐏐 𐏋 𐏐 𐎡𐎶 𐏐 𐎧𐏁𐏂𐎶 𐏐 𐎫𐎹 𐏐 𐎠𐎭𐎶 𐏐 𐎭𐎠𐎼𐎹/𐎠𐎷𐎡𐎹
: XŠ : i-m : x-š-ç-m : t-y : a-d-m : d-a-r-y-/a-mi-i-y
: XŠ : ima : xšaçam : tya : adam : dārayāmiy
Line: 5 𐏐 𐏃𐎨𐎠 𐏐 𐎿𐎣𐎡𐎲𐎡𐏁 𐏐 𐎫𐎹𐎡𐎹 𐏐 𐎱𐎼
: h-c-a : s-k-i-b-i-š : t-y-i-y : p-r
: hacā : Sakaibiš : tyaiy : para
Line: 6 𐏐 𐎿𐎢𐎥𐎭𐎶 𐏐 𐎠𐎶𐎫 𐏐 𐎹𐎠𐎫𐎠 𐏐 𐎠 𐏐 𐎤𐎢𐏁𐎠 𐏐
: s-u-g-d-m : a-m-t : y-a-t-a : a : ku-u-š-a :
: Sugdam : amata : yātā : ā : Kūšā :
Line: 7 𐏃𐎨𐎠 𐏐 𐏃𐎡𐎭𐎢𐎺 𐏐 𐎠𐎶𐎫 𐏐 𐎹𐎠𐎫𐎠 𐏐 𐎠 𐏐 𐎿𐎱/𐎼𐎭𐎠
h-c-a : h-i-d-u-v : a-m-t : y-a-t-a : a : s-p-/r-d-a
hacā : Hidauv : amata : yātā : ā : Spardā
Line: 8 𐏐 𐎫𐎹𐎶𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎳𐎼𐎠𐎲𐎼
: t-y-m-i-y : a-u-r-m-z-d-a : f-r-a-b-r
: tyamaiy : Auramazdā : frābara
Line: 9 𐏐 𐏃𐎹 𐏐 𐎶𐎰𐎡𐏁𐎫 𐏐 𐎲𐎥𐎠𐎴𐎠𐎶 𐏐 𐎶𐎠𐎶 𐏐 𐎠𐎢/𐎼𐎶𐏀𐎭𐎠
: h-y : m-ϑ-i-š-t : b-g-a-n-a-m : m-a-m : a-u-/r-m-z-d-a
: hya : maϑišta : bagānām : mām : Auramazdā
Line: 10 𐏐 𐎱𐎠𐎬𐎢𐎺 𐏐 𐎢𐎫𐎠𐎶𐎡𐎹 𐏐 𐎻𐎡𐎰𐎶
: p-a-tu-u-v : u-t-a-m-i-y : vi-i-ϑ-m
: pātuv : utāmaiy : viϑam
Line: 1 𐎶𐎹𐎢𐎧 𐏐 𐎣𐎠𐎿𐎣𐎡𐎴 𐏐 𐎭𐎠𐎼𐎹𐎺𐏃𐎢𐏁 𐏐 𐏋𐏃𐎹𐎠 𐏐 𐎻𐎡𐎰𐎡𐎹𐎠 𐏐 𐎣𐎼𐎫
m-y-u-x : k-a-s-k-i-n : d-a-r-y-v-h-u-š : XŠ-h-y-a : vi-i-ϑ-i-y-a : k-r-t
mayūxa : kāsakaina : Dārayavahauš : XŠhyā : viϑiyā : karta
Line: 1 𐎭𐎠𐎼𐎹𐎺𐎢[𐏁]
d-a-r-y-v-u-[š]
Dārayavauš
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶/𐎠𐎶
b-g : v-z-r-k : a-u-r-m-z-d-a : h-y : i-m-/a-m
baga : vazraka : Auramazdā : hya : imām
Line: 2 𐏐 𐎲𐎢𐎷𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶/𐎠𐎴𐎶
: b-u-mi-i-m : a-d-a : h-y : a-v-m : a-s-m-/a-n-m
: būmim : adā : hya : avam : asmānam
Line: 3 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐 𐏃/𐎹
: a-d-a : h-y : m-r-t-i-y-m : a-d-a : h-/y
: adā : hya : martiyam : adā : hya
Line: 4 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠
: š-i-y-a-t-i-m : a-d-a : m-r-t-i-y-h-y-a
: šiyātim : adā : martiyahyā
Line: 5 𐏐 𐏃𐎹 𐏐 𐎭𐎠𐎼𐎹𐎺𐎢𐎶 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎤/𐎢𐎴𐎢𐏁
: h-y : d-a-r-y-v-u-m : x-š-a-y-ϑ-i-y-m : a-ku-/u-n-u-š
: hya : Dārayavaum : xšāyaϑiyam : akunauš
Line: 6 𐏐 𐎠𐎡𐎺𐎶 𐏐 𐎱𐎽𐎢𐎺𐎴𐎠𐎶 𐏐 𐎧𐏁𐎠𐎹𐎰/𐎡𐎹𐎶
: a-i-v-m : p-ru-u-v-n-a-m : x-š-a-y-ϑ-/i-y-m
: aivam : parūvnām : xšāyaϑiyam
Line: 7 𐏐 𐎠𐎡𐎺𐎶 𐏐 𐎱𐎽𐎢𐎺𐎴𐎠𐎶 𐏐 𐎳𐎼𐎶𐎠𐎫𐎠/𐎼𐎶
: a-i-v-m : p-ru-u-v-n-a-m : f-r-m-a-t-a-/r-m
: aivam : parūvnām : framātāram
Line: 8 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺/𐏀𐎼𐎣
: a-d-m : d-a-r-y-v-u-š : x-š-a-y-ϑ-i-y : v-/z-r-k
: adam : Dārayavauš : xšāyaϑiya : vazraka
Line: 9 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶
: x-š-a-y-ϑ-i-y : x-š-a-y-ϑ-i-y-a-n-a-m
: xšāyaϑiya : xšāyaϑiyānām
Line: 10 𐏐 𐎧𐏁𐎠𐎹𐎰𐎡𐎹 𐏐 𐎭𐏃𐎹𐎢𐎴𐎠𐎶 𐏐 𐎻𐎡𐎿𐎱𐏀𐎴𐎠/𐎴𐎠𐎶
: x-š-a-y-ϑ-i-y : d-h-y-u-n-a-m : vi-i-s-p-z-n-a-/n-a-m
: xšāyaϑiya : dahyūnām : vispazanānām
Line: 11 𐏐 𐎧𐏁𐎠𐎹𐎰𐎡𐎹 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡/𐎹𐎠
: x-š-a-y-ϑ-i-y : a-h-y-a-y-a : b-u-mi-i-/y-a
: xšāyaϑiya : ahyāyā : būmiyā
Line: 12 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡<𐎹 𐏐> 𐎠𐎱𐎡𐎹 𐏐 𐎻𐎡𐏁𐎫𐎠𐎿/𐎱𐏃𐎹𐎠
: v-z-r-k-a-y-a : du-u-r-i-<y :> a-p-i-y : vi-i-š-t-a-s-/p-h-y-a
: vazrakāyā : dūraiy : apiy : Vištāspahyā
Line: 13 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎱𐎠𐎼𐎿 𐏐 𐎱/𐎠𐎼𐎿𐏃𐎹𐎠
: p-u-ç : h-x-a-m-n-i-š-i-y : p-a-r-s : p-/a-r-s-h-y-a
: puça : Haxāmanišiya : Pārsa : Pārsahyā
Line: 14 𐏐 𐎱𐎢𐏂 𐏐 𐎠𐎼𐎡𐎹 𐏐 𐎠𐎼𐎡𐎹 𐏐 𐎨𐎡/𐏂
: p-u-ç : a-r-i-y : a-r-i-y : c-i-/ç
: puça : Ariya : Ariya : ciça
Line: 15 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁[𐎠]𐎹/𐎰𐎡𐎹
: ϑ-a-t-i-y : d-a-r-y-v-u-š : x-š-[a]-y-/ϑ-i-y
: ϑātiy : Dārayavauš : xšāyaϑiya
Line: 16 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎡𐎶[𐎠 𐏐]
: v-š-n-a : a-u-r-m-z-d-a-h-a : i-m-[a :]
: vašnā : Auramazdāhā : imā :
Line: 17 𐎭𐏃𐎹𐎠𐎺 𐏐 𐎫𐎹𐎠 𐏐 𐎠𐎭𐎶 𐏐 𐎠𐎥𐎼𐎲𐎠𐎹[𐎶 𐏐]
d-h-y-a-v : t-y-a : a-d-m : a-g-r-b-a-y-[m :]
dahyāva : tyā : adam : agarbāyam :
Line: 18 𐎠𐎱𐎫𐎼𐎶 𐏐 𐏃𐎨𐎠 𐏐 𐎱𐎠𐎼𐎿𐎠 𐏐 𐎠𐎭𐎶𐏁𐎠[𐎶 𐏐]
a-p-t-r-m : h-c-a : p-a-r-s-a : a-d-m-š-a-[m :]
apataram : hacā : Pārsā : adamšām :
Line: 19 𐎱𐎫𐎡𐎹𐎧𐏁𐎹𐎡𐎹 𐏐 𐎶𐎴𐎠 𐏐 𐎲𐎠𐎪𐎡𐎶 𐏐 𐎠𐎲[𐎼]/𐏃
p-t-i-y-x-š-y-i-y : m-n-a : b-a-ji-i-m : a-b-[r]-/h
patiyaxšayaiy : manā : bājim : abaraha
Line: 20 𐏐 𐎫𐎹𐏁𐎠𐎶 𐏐 𐏃𐎨𐎠𐎶 𐏐 𐎠𐎰𐏃𐎹 𐏐 𐎠𐎺 𐏐 [𐎠]/𐎤𐎢𐎴𐎺
: t-y-š-a-m : h-c-a-m : a-ϑ-h-y : a-v : [a]-/ku-u-n-v
: tyašām : hacāma : aϑahya : ava : akunava
Line: 21 𐏐 𐎭𐎠𐎫𐎶 𐏐 𐎫𐎹 𐏐 𐎶𐎴𐎠 𐏐 𐎠𐎺𐎮𐎡[𐏁 𐏐]
: d-a-t-m : t-y : m-n-a : a-v-di-i-[š :]
: dātam : tya : manā : avadiš :
Line: 22 𐎠𐎭𐎠𐎼𐎡𐎹 𐏐 𐎶𐎠𐎭 𐏐 𐎢𐎺𐎩 𐏐 𐎱𐎼𐎰𐎺 𐏐 𐏃𐎼[𐎡]/𐎺
a-d-a-r-i-y : m-a-d : u-v-j : p-r-ϑ-v : h-r-[i]-/v
adāraiya : Māda : Ūvja : Parϑava : Haraiva
Line: 23 𐏐 𐎲𐎠𐎧𐎫𐎼𐎡𐏁 𐏐 𐎿𐎢𐎦𐎢𐎭 𐏐 𐎢𐎺𐎠𐎼𐏀[𐎷]/𐎡𐏁
: b-a-x-t-r-i-š : s-u-gu-u-d : u-v-a-r-z-[mi]-/i-š
: Bāxtriš : Suguda : Uvārazmiš
Line: 24 𐏐 𐏀𐎼𐎣 𐏐 𐏃𐎼𐎢𐎺𐎫𐎡𐏁 𐏐 𐎰𐎫𐎦𐎢𐏁 𐏐 𐎥/𐎭𐎠𐎼
: z-r-k : h-r-u-v-t-i-š : ϑ-t-gu-u-š : g-/d-a-r
: Zraka : Harauvatiš : Θataguš : Gadāra
Line: 25 𐏐 𐏃𐎡𐎯𐎢𐏁 𐏐 𐎿𐎣𐎠 𐏐 𐏃𐎢𐎶𐎺𐎼𐎥𐎠 𐏐 𐎿/𐎣𐎠
: h-i-du-u-š : s-k-a : h-u-m-v-r-g-a : s-/k-a
: Hiduš : Sakā : haumavargā : Sakā
Line: 26 𐏐 𐎫𐎡𐎥𐎼𐎧𐎢𐎭𐎠 𐏐 𐎲𐎠𐎲𐎡𐎽𐎢[𐏁 𐏐] 𐎠/𐎰𐎢𐎼𐎠
: t-i-g-r-x-u-d-a : b-a-b-i-ru-u-[š :] a-/ϑ-u-r-a
: tigraxaudā : Bābirauš : Aϑurā
Line: 27 𐏐 𐎠𐎼𐎲𐎠𐎹 𐏐 𐎸𐎢𐎭𐎼𐎠𐎹 𐏐 𐎠𐎼𐎷[𐎡𐎴]
: a-r-b-a-y : mu-u-d-r-a-y : a-r-mi-[i-n]
: Arabāya : Mudrāya : Armina
Line: 28 𐏐 𐎣𐎫𐎱𐎬𐎢𐎣 𐏐 𐎿𐎱𐎼𐎭 𐏐 𐎹𐎢𐎴 𐏐 𐎿𐎣𐎠 𐏐 𐎫𐎹𐎡[𐎹 𐏐 𐎱]/𐎼𐎭𐎼𐎹
: k-t-p-tu-u-k : s-p-r-d : y-u-n : s-k-a : t-y-i-[y : p]-/r-d-r-y
: Katpatuka : Sparda : Yauna : Sakā : tyaiy : paradraya
Line: 29 𐏐 𐎿𐎤𐎢𐎭𐎼 𐏐 𐎹𐎢𐎴𐎠 𐏐 𐎫𐎣𐎲𐎼𐎠 𐏐 𐎱𐎢𐎫[𐎠]𐎹/𐎠
: s-ku-u-d-r : y-u-n-a : t-k-b-r-a : p-u-t-[a]-y-/a
: Skudra : Yaunā : takabarā : Putāyā
Line: 30 𐏐 𐎤𐎢𐏁𐎡𐎹𐎠 𐏐 𐎶𐎨𐎡𐎹𐎠 𐏐 𐎣𐎼𐎣𐎠 𐏐 𐎰𐎠𐎫𐎡𐎹 𐏐 𐎭/𐎠𐎼𐎹𐎺𐎢𐏁
: ku-u-š-i-y-a : m-c-i-y-a : k-r-k-a : ϑ-a-t-i-y : d-/a-r-y-v-u-š
: Kūšiyā : Maciyā : Karkā : ϑātiy : Dārayavauš
Line: 31 𐏐 𐎧𐏁𐎠𐎹𐎰𐎡𐎹 𐏐 𐎠𐎢𐎼𐎶𐏀𐎭𐎠 [𐏐 𐎹]𐎰/𐎠
: x-š-a-y-ϑ-i-y : a-u-r-m-z-d-a [: y]-ϑ-/a
: xšāyaϑiya : Auramazdā : yaϑā
Line: 32 𐏐 𐎠𐎺𐎡𐎴 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎹𐎢[𐎭𐎫𐎡𐎶 𐏐]
: a-v-i-n : i-m-a-m : b-u-mi-i-m : y-u-[d-t-i-m :]
: avaina : imām : būmim : yaudatim :
Line: 33 𐎱𐎿𐎠𐎺𐎮𐎡𐎶 𐏐 𐎶𐎴𐎠 𐏐 𐎳𐎼𐎠𐎲𐎼 𐏐 𐎶𐎠𐎶 [𐏐 𐎧𐏁𐎠/𐎹𐎰𐎡𐎹𐎶
p-s-a-v-di-i-m : m-n-a : f-r-a-b-r : m-a-m [: x-š-a-/y-ϑ-i-y-m
pasāvadim : manā : frābara : mām : xšāyaϑiyam
Line: 34 𐏐 𐎠𐎤𐎢𐎴𐎢𐏁 𐏐 𐎠𐎭𐎶 𐏐 𐎧𐏁𐎠[𐎹𐎰]𐎡𐎹
: a-ku-u-n-u-š : a-d-m : x-š-a-[y-ϑ]-i-y
: akunauš : adam : xšāyaϑiya
Line: 35 𐏐 𐎠𐎷𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃[𐎠] 𐏐 𐎠/𐎭𐎶𐏁𐎡𐎶
: a-mi-i-y : v-š-n-a : a-u-r-m-z-d-a-h-[a] : a-/d-m-š-i-m
: amiy : vašnā : Auramazdāhā : adamšim
Line: 36 𐏐 𐎥𐎠𐎰𐎺𐎠 𐏐 𐎴𐎡𐎹𐏁𐎠𐎭𐎹𐎶 [𐏐 𐎫𐎹]𐏁𐎠/𐎶
: g-a-ϑ-v-a : n-i-y-š-a-d-y-m [: t-y]-š-a-/m
: gāϑavā : niyašādayam : tyašām
Line: 37 𐏐 𐎠𐎭𐎶 𐏐 𐎠𐎰𐏃𐎶 𐏐 𐎠𐎺 𐏐 𐎠𐎤𐎢𐎴𐎺 𐏐 𐎹[𐎰𐎠 𐏐] 𐎶𐎠𐎶 𐏐
: a-d-m : a-ϑ-h-m : a-v : a-ku-u-n-v : y-[ϑ-a :] m-a-m :
: adam : aϑaham : ava : akunava : yaϑā : mām :
Line: 38 𐎣𐎠𐎶 𐏐 𐎠𐏃 𐏐 𐎹𐎮𐎡𐎱𐎫𐎡𐎹 𐏐 𐎶𐎴𐎡𐎹[𐎠𐏃𐎡𐎹 𐏐 𐎫]/𐎹
k-a-m : a-h : y-di-i-p-t-i-y : m-n-i-y-[a-h-i-y : t]-/y
kāma : āha : yadipatiy : maniyāhaiy : tya
Line: 39 𐏐 𐎨𐎡𐎹𐎣𐎼𐎶 𐏐 [𐎠𐏃 𐏐 𐎠]𐎺𐎠 𐏐 𐎭𐏃𐎹𐎠𐎺
: c-i-y-k-r-m : [a-h : a]-v-a : d-h-y-a-v
: ciyakaram : āha : avā : dahyāva
Line: 40 𐏐 𐎫𐎹𐎠 𐏐 𐎭𐎠𐎼𐎹[𐎺]𐎢𐏁 𐏐 𐎧𐏁𐎠𐎹[𐎰]𐎡𐎹
: t-y-a : d-a-r-y-[v]-u-š : x-š-a-y-[ϑ]-i-y
: tyā : Dārayavauš : xšāyaϑiya
Line: 41 𐏐 𐎠𐎭𐎠𐎼𐎹 𐏐 𐎱𐎫𐎡𐎣𐎼𐎠 𐏐 𐎮𐎡𐎮𐎡𐎹 𐏐 𐎫𐎹𐎡[𐎹] 𐏐 𐎥/𐎠𐎰𐎢𐎶
: a-d-a-r-y : p-t-i-k-r-a : di-i-di-i-y : t-y-i-[y] : g-/a-ϑ-u-m
: adāraya : patikarā : dīdiy : tyaiy : gāϑum
Line: 42 𐏐 𐎲𐎼𐎫𐎡𐎹 𐏐 𐎠[𐎺]𐎭𐎠 𐏐 𐎧𐏁𐎴𐎠𐎿𐎠𐏃𐎹 𐏐
: b-r-t-i-y : a-[v]-d-a : x-š-n-a-s-a-h-y :
: baratiy : avadā : xšnāsāhy :
Line: 43 𐎠𐎭𐎫𐎡𐎹 𐏐 𐎠𐏀𐎭𐎠 𐏐 𐎲𐎺𐎠[𐎫]𐎡𐎹 𐏐 𐎱𐎠𐎼[𐎿]𐏃[𐎹𐎠 𐏐]
a-d-t-i-y : a-z-d-a : b-v-a-[t]-i-y : p-a-r-[s]-h-[y-a :]
adataiy : azdā : bavātiy : Pārsahyā :
Line: 44 𐎶𐎼𐎫𐎡𐎹𐏃𐎹𐎠 𐏐 𐎯𐎢𐎼𐎡𐎹 𐏐 𐎠𐎼𐏁𐎫[𐎡]𐏁 𐏐 𐎱/𐎼𐎠𐎥𐎶𐎫𐎠
m-r-t-i-y-h-y-a : du-u-r-i-y : a-r-š-t-[i]-š : p-/r-a-g-m-t-a
martiyahyā : dūraiy : arštiš : parāgmatā
Line: 45 𐏐 𐎠𐎭𐎫𐎡𐎹 𐏐 𐎠𐏀𐎭𐎠 𐏐 𐎲𐎺𐎠𐎫𐎡/𐎹
: a-d-t-i-y : a-z-d-a : b-v-a-t-i-/y
: adataiy : azdā : bavātiy
Line: 46 𐏐 𐎱𐎠𐎼𐎿 𐏐 𐎶𐎼𐎫𐎡𐎹 𐏐 𐎯𐎢𐎼𐎹𐎱𐎡𐎹 [𐏐 𐏃𐎨]𐎠 𐏐 𐎱𐎠/𐎼𐎿𐎠
: p-a-r-s : m-r-t-i-y : du-u-r-y-p-i-y [: h-c]-a : p-a-/r-s-a
: Pārsa : martiya : dūrayapiy : hacā : Pārsā
Line: 47 𐏐 𐎱𐎼𐎫𐎼𐎶 𐏐 𐎱𐎫𐎡𐎹𐎩𐎫𐎠 𐏐 𐎰𐎠𐎫𐎡𐎹 𐏐 𐎭𐎠/𐎼𐎹𐎺𐎢𐏁
: p-r-t-r-m : p-t-i-y-j-t-a : ϑ-a-t-i-y : d-a-/r-y-v-u-š
: partaram : patiyajatā : ϑātiy : Dārayavauš
Line: 48 𐏐 𐎧𐏁𐎠𐎹𐎰𐎡𐎹 𐏐 𐎠𐎡𐎫 𐏐 𐎫[𐎹 𐏐] 𐎣𐎼𐎫/𐎶
: x-š-a-y-ϑ-i-y : a-i-t : t-[y :] k-r-t-/m
: xšāyaϑiya : aita : tya : kartam
Line: 49 𐏐 𐎠𐎺 𐏐 𐎻𐎡𐎿𐎶 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎠𐎤/𐎢𐎴𐎺𐎶
: a-v : vi-i-s-m : v-š-n-a : a-u-r-m-z-d-a-h-a : a-ku-/u-n-v-m
: ava : visam : vašnā : Auramazdāhā : akunavam
Line: 50 𐏐 𐎠𐎢𐎼𐎶𐏀𐎭𐎠<𐎶>𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲/𐎼
: a-u-r-m-z-d-a-<m>-i-y : u-p-s-t-a-m : a-b-/r
: Auramazdāmaiy : upastām : abara
Line: 51 𐏐 𐎹𐎠𐎫𐎠 𐏐 𐎣𐎼𐎫𐎶 𐏐 𐎠𐎤𐎢𐎴[𐎺𐎶 𐏐 𐎶𐎠]𐎶 𐏐 𐎠/𐎢𐎼𐎶𐏀𐎭𐎠
: y-a-t-a : k-r-t-m : a-ku-u-n-[v-m : m-a]-m : a-/u-r-m-z-d-a
: yātā : kartam : akunavam : mām : Auramazdā
Line: 52 𐏐 𐎱𐎠𐎬𐎢𐎺 𐏐 𐏃𐎨𐎠 𐏐 𐎥[𐎿𐎫𐎠] 𐏐 𐎢𐎫𐎠𐎶/𐎡𐎹
: p-a-tu-u-v : h-c-a : g-[s-t-a] : u-t-a-m-/i-y
: pātuv : hacā : gastā : utāmaiy
Line: 53 𐏐 𐎻𐎡𐎰𐎶 𐏐 𐎢𐎫𐎠 𐏐 𐎡𐎶𐎠𐎶 𐏐 𐎭𐏃𐎹𐎠𐎢𐎶 𐏐 𐎠𐎡𐎫 𐏐 𐎠𐎭/𐎶
: vi-i-ϑ-m : u-t-a : i-m-a-m : d-h-y-a-u-m : a-i-t : a-d-/m
: viϑam : utā : imām : dahyāum : aita : adam
Line: 54 𐏐 𐎠𐎢𐎼𐎶𐏀𐎭𐎠𐎶 𐏐 𐎩𐎮𐎡𐎹𐎠𐎷𐎡𐎹 𐏐 𐎠𐎡𐎫𐎶/𐎡𐎹
: a-u-r-m-z-d-a-m : j-di-i-y-a-mi-i-y : a-i-t-m-/i-y
: Auramazdām : jadiyāmiy : aitamaiy
Line: 55 𐏐 𐎠𐎢𐎼𐎶𐏀𐎭𐎠 𐏐 𐎭𐎭𐎠𐎬𐎢𐎺 𐏐
: a-u-r-m-z-d-a : d-d-a-tu-u-v :
: Auramazdā : dadātuv :
Line: 56 𐎶𐎼𐎫𐎡𐎹𐎠 𐏐 𐏃𐎹𐎠 𐏐 𐎠𐎢𐎼𐎶𐏀𐎭𐎠𐏃/𐎠
m-r-t-i-y-a : h-y-a : a-u-r-m-z-d-a-h-/a
martiyā : hyā : Auramazdāhā
Line: 57 𐏐 𐎳𐎼𐎶𐎠𐎴𐎠 𐏐 𐏃𐎢𐎺𐎫𐎡𐎹 𐏐 𐎥𐎿/𐎫𐎠
: f-r-m-a-n-a : h-u-v-t-i-y : g-s-/t-a
: framānā : hauvtaiy : gastā
Line: 58 𐏐 𐎶𐎠 𐏐 𐎰𐎭𐎹 𐏐 𐎱𐎰𐎡𐎶 𐏐
: m-a : ϑ-d-y : p-ϑ-i-m :
: mā : ϑadaya : paϑim :
Line: 59 𐎫𐎹𐎠𐎶 𐏐 𐎼𐎠𐎿𐎫𐎠𐎶 𐏐 𐎶𐎠
t-y-a-m : r-a-s-t-a-m : m-a
tyām : rāstām : mā
Line: 60 𐏐 𐎠𐎺𐎼𐎭 𐏐 𐎶𐎠 𐏐 𐎿𐎫𐎲𐎺
: a-v-r-d : m-a : s-t-b-v
: avarada : mā : stabava
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎠𐎭𐎭𐎠 𐏐 𐎡/𐎶
b-g : v-z-r-k : a-u-r-m-z-d-a : h-y : a-d-d-a : i-/m
baga : vazraka : Auramazdā : hya : adadā : ima
Line: 2 𐏐 𐎳𐎼𐏁𐎶 𐏐 𐎫𐎹 𐏐 𐎺𐎡𐎴𐎫𐎡[𐎹] 𐏐 𐏃𐎹 𐏐 𐎠𐎭𐎭𐎠 𐏐 𐏁𐎡/𐎹𐎠𐎫𐎡𐎶
: f-r-š-m : t-y : v-i-n-t-i-[y] : h-y : a-d-d-a : š-i-/y-a-t-i-m
: frašam : tya : vainataiy : hya : adadā : šiyātim
Line: 3 𐏐 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎧𐎼𐎰𐎢𐎶 𐏐 𐎢𐎫/𐎠
: m-r-t-i-y-h-y-a : h-y : x-r-ϑ-u-m : u-t-/a
: martiyahyā : hya : xraϑum : utā
Line: 4 𐏐 𐎠𐎽𐎢𐎺𐎿𐎫𐎶 𐏐 𐎢𐎱𐎼𐎡𐎹 𐏐 𐎭𐎠𐎼𐎹𐎺𐎢𐎶 𐏐 𐎧𐏁𐎠/𐎹𐎰𐎡𐎹𐎶
: a-ru-u-v-s-t-m : u-p-r-i-y : d-a-r-y-v-u-m : x-š-a-/y-ϑ-i-y-m
: aruvastam : upariy : Dārayavaum : xšāyaϑiyam
Line: 5 𐏐 𐎴𐎡𐎹𐎿𐎹 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/!𐎰𐎡𐎹
: n-i-y-s-y : ϑ-a-t-i-y : d-a-r-y-v-u-š : x-š-a-y-/!-ϑ-i-y
: nīyasaya : ϑātiy : Dārayavauš : xšāyaϑiya
Line: 6 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎠𐎺𐎠𐎣𐎼𐎶 𐏐 𐎠/𐎷𐎡𐎹
: v-š-n-a : a-u-r-m-z-d-a-h-a : a-v-a-k-r-m : a-/mi-i-y
: vašnā : Auramazdāhā : avākaram : amiy
Line: 7 𐏐 𐎫𐎹 𐏐 𐎼𐎠𐎿𐎫𐎶 𐏐 𐎭𐎢[𐏁𐎫]𐎠 𐏐 𐎠𐎷𐎡𐎹 𐏐 𐎷𐎡𐎰 𐏐 𐎴/[𐎡]𐎹
: t-y : r-a-s-t-m : d-u-[š-t]-a : a-mi-i-y : mi-i-ϑ : n-/[i]-y
: tya : rāstam : dauštā : amiy : miϑa : naiy
Line: 8 𐏐 𐎭𐎢𐏁𐎫𐎠 𐏐 𐎠𐎷𐎡𐎹 𐏐 𐎴[𐎡𐎶]𐎠 𐏐 𐎣𐎠𐎶 𐏐 𐎫𐎹 𐏐 𐎿𐎣𐎢𐎰/𐎡𐏁
: d-u-š-t-a : a-mi-i-y : n-[i-m]-a : k-a-m : t-y : s-k-u-ϑ-/i-š
: dauštā : amiy : naimā : kāma : tya : skauϑaiš
Line: 9 𐏐 𐎬𐎢𐎵𐎢𐎺𐎫𐏃𐎹𐎠 𐏐 𐎼𐎠!𐎮𐎡𐎹 𐏐 𐎷𐎡𐎰 𐏐 𐎣𐎼𐎡𐎹𐎡𐏁
: tu-u-nu-u-v-t-h-y-a : r-a-!-di-i-y : mi-i-ϑ : k-r-i-y-i-š
: tunuvatahyā : rādiy : miϑa : kariyaiš
Line: 10 𐏐 𐎴𐎡𐎶𐎠 𐏐 𐎠𐎺 𐏐 𐎣𐎠𐎶 𐏐 𐎫𐎹 𐏐 𐎬[𐎢]𐎵𐎢𐎺𐎠 𐏐 𐎿𐎣𐎢𐎰𐎡𐏁 𐏐 𐎼/𐎠𐎮𐎡𐎹
: n-i-m-a : a-v : k-a-m : t-y : tu-[u]-nu-u-v-a : s-k-u-ϑ-i-š : r-/a-di-i-y
: naimā : ava : kāma : tya : tunuvā : skauϑaiš : rādiy
Line: 11 𐏐 𐎷𐎡𐎰 𐏐 𐎣𐎼𐎡𐎹𐎡𐏁 𐏐 𐎫𐎹 𐏐 𐎼𐎠𐎿𐎫𐎶 𐏐 𐎠𐎺 𐏐 𐎶𐎠𐎶 𐏐
: mi-i-ϑ : k-r-i-y-i-š : t-y : r-a-s-t-m : a-v : m-a-m :
: miϑa : kariyaiš : tya : rāstam : ava : mām :
Line: 12 𐎣𐎠𐎶 𐏐 𐎶𐎼𐎫𐎡𐎹𐎶 𐏐 𐎭𐎼𐎢𐎩𐎴𐎶 𐏐 𐎴𐎡𐎹 𐏐 𐎭𐎢𐏁𐎫[𐎠 ] 𐏐 𐎠𐎷/𐎡𐎹
k-a-m : m-r-t-i-y-m : d-r-u-j-n-m : n-i-y : d-u-š-t-[a ] : a-mi-/i-y
kāma : martiyam : draujanam : naiy : dauštā : amiy
Line: 13 𐏐 𐎴𐎡𐎹 𐏐 𐎶𐎴𐎢𐎻𐎡𐏁 𐏐 𐎠𐎷[𐎡𐎹 ] 𐏐 [𐎫𐎹]𐎠𐎶𐎡𐎹 𐏐 [𐎭]𐎼𐎫𐎴/𐎹𐎠
: n-i-y : m-n-u-vi-i-š : a-mi-[i-y ] : [t-y]-a-m-i-y : [d]-r-t-n-/y-a
: naiy : manauviš : amiy : tyāmaiy : dartanayā
Line: 14 𐏐 𐎲𐎺𐎫𐎡𐎹 𐏐 𐎭𐎼𐏁𐎶 𐏐 𐎭𐎠𐎼𐎹𐎠𐎷𐎡𐎹 𐏐 𐎶𐎴𐏃𐎠 𐏐
: b-v-t-i-y : d-r-š-m : d-a-r-y-a-mi-i-y : m-n-h-a :
: bavatiy : daršam : dārayāmiy : manahā :
Line: 15 𐎢𐎺𐎡𐎱𐏁𐎡𐎹𐏃𐎹𐎠 𐏐 𐎭𐎼𐏁[𐎶 𐏐] 𐎧𐏁𐎹𐎶𐎴 𐏐 𐎠[𐎷]𐎡𐎹 [𐏐]
u-v-i-p-š-i-y-h-y-a : d-r-š-[m :] x-š-y-m-n : a-[mi]-i-y [:]
uvaipašiyahyā : daršam : xšayamna : amiy :
Line: 16 𐎶𐎼𐎫𐎡𐎹 𐏐 𐏃𐎹 𐏐 𐏃𐎫𐎧𐏁𐎫𐎡𐎹 𐏐 𐎠𐎵𐎢𐎮𐎡𐎶 𐏐 [𐏃]𐎣𐎼𐎫!/𐏃𐎹𐎠
m-r-t-i-y : h-y : h-t-x-š-t-i-y : a-nu-u-di-i-m : [h]-k-r-t-!-/h-y-a
martiya : hya : hataxšataiy : anudim : hakartahyā
Line: 17 𐏐 𐎠𐎺𐎰𐎠𐎮𐎡𐎶 𐏐 𐎱𐎼𐎡𐎲𐎼𐎠𐎷𐎡𐎹 𐏐 𐏃𐎹 𐏐 𐎻!/𐎡𐎴𐎠𐎰𐎹𐎫𐎡𐎹
: a-v-ϑ-a-di-i-m : p-r-i-b-r-a-mi-i-y : h-y : vi-!-/i-n-a-ϑ-y-t-i-y
: avaϑādim : paribarāmiy : hya : vināiϑayatiy
Line: 18 𐏐 𐎠𐎵𐎢𐎮𐎡𐎶 𐏐 𐎻𐎡𐎴𐎿𐎫𐏃[𐎹𐎠] 𐏐 [𐎠𐎺]𐎰/𐎠
: a-nu-u-di-i-m : vi-i-n-s-t-h-[y-a] : [a-v]-ϑ-/a
: anudim : vinastahyā : avaϑā
Line: 19 𐏐 𐎱𐎼𐎿𐎠𐎷𐎡𐎹 𐏐 𐎴𐎡𐎶𐎠 𐏐 𐎣𐎠𐎶 𐏐 𐎫𐎹 𐏐 𐎶𐎼!𐎫𐎡𐎹
: p-r-s-a-mi-i-y : n-i-m-a : k-a-m : t-y : m-r-!-t-i-y
: parsāmiy : naimā : kāma : tya : martiya
Line: 20 𐏐 𐎻𐎡𐎴𐎠𐎰𐎹𐎡𐏁 𐏐 𐎴𐎡𐎱𐎫𐎡𐎶𐎠 𐏐 𐎠𐎺 𐏐 𐎣𐎠𐎶 𐏐 𐎹𐎮𐎡/𐎹
: vi-i-n-a-ϑ-y-i-š : n-i-p-t-i-m-a : a-v : k-a-m : y-di-i-/y
: vināϑayaiš : naipatimā : ava : kāma : yadiy
Line: 21 𐏐 𐎻𐎡𐎴𐎠𐎰𐎹𐎡𐏁 𐏐 𐎴𐎡𐎹 𐏐 𐎳𐎼𐎰𐎡𐎹𐎡𐏁 𐏐 𐎶𐎼𐎫𐎡𐎹 𐏐
: vi-i-n-a-ϑ-y-i-š : n-i-y : f-r-ϑ-i-y-i-š : m-r-t-i-y :
: vināϑayaiš : naiy : fraϑiyaiš : martiya :
Line: 22 𐎫𐎹 𐏐 𐎱𐎼!𐎡𐎹 𐏐 𐎶𐎼𐎫𐎡𐎹𐎶 𐏐 𐎰𐎠𐎫𐎡𐎹 𐏐 𐎠𐎺 𐏐 𐎶𐎠𐎶 𐏐
t-y : p-r-!-i-y : m-r-t-i-y-m : ϑ-a-t-i-y : a-v : m-a-m :
tya : pariy: martiyam : ϑātiy : ava : mām :
Line: 23 𐎴𐎡𐎹 𐏐 𐎺𐎼𐎴𐎺𐎫𐎡𐎹 𐏐 𐎹𐎠𐎫𐎠 𐏐 𐎢𐎼𐎭𐎴𐎠𐎶 𐏐 𐏃𐎯𐎢/𐎥𐎠𐎶
n-i-y : v-r-n-v-t-i-y : y-a-t-a : u-r-d-n-a-m : h-du-u-/g-a-m
naiy : varnavataiy : yātā : uradanām : hadugām
Line: 24 𐏐 𐎠𐎧𐏁𐎴𐎢𐎫𐎡𐎹 𐏐 𐎶𐎼𐎫𐎡𐎹 𐏐 𐎫𐎹 𐏐 𐎤𐎢𐎴𐎢/𐎫𐎡𐎹
: a-x-š-n-u-t-i-y : m-r-t-i-y : t-y : ku-u-n-u-/t-i-y
: āxšnautiy : martiya : tya : kunautiy
Line: 25 𐏐 𐎹𐎮!𐎡𐎺𐎠 𐏐 𐎠𐎲𐎼𐎫𐎡𐎹 𐏐 𐎠𐎵𐎢𐎺 𐏐 𐎫𐎢𐎶𐎴/𐎡𐏁𐎡𐎹
: y-di-!-i-v-a : a-b-r-t-i-y : a-nu-u-v : t-u-m-n-/i-š-i-y
: yadivā : ābaratiy : anuv : taumanišaiy
Line: 26 𐏐 𐎧𐏁𐎵𐎢𐎫 𐏐 !! 𐎠𐎷𐎡𐎹 𐏐 𐎢𐎫𐎠 𐏐 𐎶𐎠𐎶 𐏐 𐎺𐎿/𐎡𐎹
: x-š-nu-u-t : !! a-mi-i-y : u-t-a : m-a-m : v-s-/i-y
: xšnuta : !! amiy : utā : mām : vasiy
Line: 27 𐏐 𐎣𐎠𐎶 𐏐 𐎢𐎫𐎠 𐏐 𐎢[𐎧𐏁𐎴]𐎢𐏁 𐏐 𐎠𐎷𐎡𐎹 𐏐 𐎠𐎺𐎠𐎣𐎼𐎶/𐎨𐎶𐎡𐎹
: k-a-m : u-t-a : u-[x-š-n]-u-š : a-mi-i-y : a-v-a-k-r-m-/c-m-i-y
: kāma : utā : uxšnauš : amiy : avākaramcamaiy
Line: 28 𐏐 ! 𐎢𐏁𐎡𐎹 𐏐 𐎢[𐎫]𐎠 𐏐 𐎳𐎼𐎶𐎠𐎴𐎠 𐏐 𐎹𐎰𐎠𐎶𐎡/𐎹
: ! u-š-i-y : u-[t]-a : f-r-m-a-n-a : y-ϑ-a-m-i-/y
: ! ušīy : utā : framānā : yaϑāmaiy
Line: 29 𐏐 𐎫𐎹 𐏐 𐎣𐎼𐎫𐎶 𐏐 𐎺𐎡𐎴𐎠𐏃𐎹 𐏐 [𐎹]𐎮𐎡𐎺𐎠 𐏐 𐎠𐎧𐏁𐎴𐎺/𐎠𐏃𐎹
: t-y : k-r-t-m : v-i-n-a-h-y : [y]-di-i-v-a : a-x-š-n-v-/a-h-y
: tya : kartam : vaināhy : yadivā : āxšnavāhy
Line: 30 𐏐 𐎢𐎫𐎠 𐏐 𐎻𐎡𐎰!𐎡!𐎹𐎠 𐏐 !! 𐎢𐎫𐎠 𐏐 𐎿𐎱𐎠𐎰𐎶/𐎡!𐎭!𐎹𐎠
: u-t-a : vi-i-ϑ-!-i-!-y-a : !! u-t-a : s-p-a-ϑ-m-/i-!-d-!-y-a
: utā : viϑiyā : !! utā : spāϑmaidayā
Line: 31 𐏐 𐎠𐎡𐎫𐎶𐎡!𐎹 ! 𐏐 !!! 𐎠𐎽𐎢𐎺𐎿𐎫𐎶 𐏐
: a-i-t-m-i-!-y ! : !!! a-ru-u-v-s-t-m :
: aitamaiy ! : !!! aruvastam :
Line: 32 𐎢𐎱𐎼𐎡𐎹 𐏐 𐎶𐎴𐏁𐎨[𐎠] 𐏐 !! [𐎢𐏁]𐎡𐎨𐎠 𐏐 𐎡𐎶 𐏐 𐎱𐎫𐎡𐎶𐎡/𐎹
u-p-r-i-y : m-n-š-c-[a] : !! [u-š]-i-c-a : i-m : p-t-i-m-i-/y
upariy : manašcā : !! ušīcā : ima : patimaiy
Line: 33 𐏐 𐎠𐎽𐎢𐎺𐎿𐎫𐎶 𐏐 𐎫!𐎹!𐎶𐎡𐎹 𐏐 𐎫𐎵𐎢𐏁 𐏐 𐎫𐎠𐎺𐎹/𐎫[𐎡]!𐎹
: a-ru-u-v-s-t-m : t-!-y-!-m-i-y : t-nu-u-š : t-a-v-y-/t-[i]-!-y
: aruvastam : tyamaiy : tanūš : tāvayatiy
Line: 34 𐏐 𐏃𐎶𐎼𐎴𐎣𐎼 𐏐 𐎠[𐎷]!𐎡𐎹 𐏐 𐎢𐏁𐏃𐎶𐎼𐎴𐎣𐎼 𐏐 𐏃𐎣𐎼/𐎶𐎨𐎡!𐎹
: h-m-r-n-k-r : a-[mi]-!-i-y : u-š-h-m-r-n-k-r : h-k-r-/m-c-i-!-y
: hamaranakara : amiy : ušhamaranakara : hakaramciy
Line: 35 𐏐 𐎢𐏁𐎡𐎹𐎠 𐏐 𐎥𐎠[𐎰]!𐎺𐎠 𐏐 𐎺𐎡𐎴𐎠𐎫𐎡𐎹 𐏐 𐎹𐎨𐎡𐎹 𐏐
: u-š-i-y-a : g-a-[ϑ]-!-v-a : v-i-n-a-t-i-y : y-c-i-y :
: ušīyā : gāϑavā : vainātaiy : yaciy :
Line: 36 𐎺[𐎡]𐎴𐎠𐎷𐎡𐎹 𐏐 𐏃𐎷𐎡𐏂𐎡𐎹!𐎶 𐏐 𐎹𐎨𐎡𐎹 𐏐 𐎴𐎡𐎹 𐏐 𐎺𐎡𐎴𐎠/𐎷𐎡𐎹
v-[i]-n-a-mi-i-y : h-mi-i-ç-i-y-!-m : y-c-i-y : n-i-y : v-i-n-a-/mi-i-y
vaināmiy : hamiçiyam : yaciy : naiy : vaināmiy
Line: 37 𐏐 𐎢𐎫𐎠 𐏐 𐎢𐏁𐎡𐎲𐎡𐎹𐎠 𐏐 𐎢𐎫𐎠 𐏐 𐎳𐎼𐎶𐎠𐎴𐎠𐎹𐎠
: u-t-a : u-š-i-b-i-y-a : u-t-a : f-r-m-a-n-a-y-a
: utā : ušībiyā : utā : framānāyā
Line: 38 𐎠!𐎭𐎣𐎡𐎹 𐏐 𐎳𐎼𐎫𐎼 𐏐 𐎶𐎴𐎡𐎹𐎡𐎹 𐏐 𐎠𐎽𐎢𐎺𐎠𐎹𐎠 𐏐 𐎹/𐎮𐎡!𐎹
a-!-d-k-i-y : f-r-t-r : m-n-i-y-i-y : a-ru-u-v-a-y-a : y-/di-i-!-y
adakaiy : fratara : maniyaiy : aruvāyā : yadiy
Line: 39 𐏐 𐎺𐎡𐎴𐎠𐎷𐎡𐎹 𐏐 𐏃𐎷𐎡𐏂𐎡𐎹𐎶 𐏐 𐎹𐎰𐎠 𐏐 𐎹𐎮𐎡𐎹 𐏐
: v-i-n-a-mi-i-y : h-mi-i-ç-i-y-m : y-ϑ-a : y-di-i-y :
: vaināmiy : hamiçiyam : yaϑā : yadiy :
Line: 40 𐎴𐎡!𐎹 𐏐 𐎺𐎡𐎴𐎠𐎷𐎡𐎹 𐏐 𐎹𐎠𐎢𐎶𐎡𐎴𐎡𐏁 𐏐 𐎠𐎷𐎡𐎹 𐏐 𐎢/𐎫𐎠
n-i-!-y : v-i-n-a-mi-i-y : y-a-u-m-i-n-i-š : a-mi-i-y : u-/t-a
naiy : vaināmiy : yāumainiš : amiy : utā
Line: 41 ! 𐏐 𐎭𐎿𐎫𐎡𐎲𐎡𐎹𐎠 𐏐 𐎢𐎫𐎠 𐏐 𐎱𐎠𐎭𐎡𐎲𐎡𐎹𐎠 𐏐 𐎠𐎿𐎲𐎠/𐎼
! : d-s-t-i-b-i-y-a : u-t-a : p-a-d-i-b-i-y-a : a-s-b-a-/r
! : dastaibiyā : utā : pādaibiyā : asabāra
Line: 42 [𐏐] ! 𐎢𐎺𐎠𐎿𐎲𐎠𐎼 𐏐 𐎠𐎷𐎡𐎹 𐏐 𐎰𐎵𐎢𐎺𐎴𐎡𐎹 𐏐 𐎢𐎰/𐎵!𐎢𐎺𐎴𐎡𐎹
[:] ! u-v-a-s-b-a-r : a-mi-i-y : ϑ-nu-u-v-n-i-y : u-ϑ-/nu-!-u-v-n-i-y
: ! uvāsabāra : amiy : ϑanuvaniya : uϑanuvaniya
Line: 43 𐏐 𐎠𐎷𐎡𐎹 𐏐 𐎢𐎫𐎠 𐏐 𐎱𐎿𐎫𐎡𐏁 𐏐 𐎢𐎫𐎠
: a-mi-i-y : u-t-a : p-s-t-i-š : u-t-a
: amiy : utā : pastiš : utā
Line: 44 𐏐 𐎠𐎿𐎲𐎠𐎼 𐏐 𐎠𐎼𐏁𐎫[𐎡]𐎣 𐏐 𐎠𐎷𐎡𐎹 𐏐 𐎢𐎺𐎠𐎼𐏁𐎫𐎡𐎣 𐏐
: a-s-b-a-r : a-r-š-t-[i]-k : a-mi-i-y : u-v-a-r-š-t-i-k :
: asabāra : ārštika : amiy : uvārštika :
Line: 45 𐎢𐎫𐎠 𐏐 𐎱𐎿𐎫𐎡𐏁 𐏐 𐎢𐎫𐎠 𐏐 𐎠𐎿𐎲𐎠𐎼 𐏐 𐎢𐎫𐎠 𐏐 𐎢𐎺𐎴𐎼𐎠
u-t-a : p-s-t-i-š : u-t-a : a-s-b-a-r : u-t-a : u-v-n-r-a
utā : pastiš : utā : asabāra : utā : ūvnarā
Line: 46 𐏐 𐎫𐎹𐎠 𐏐 𐎠𐎢𐎼𐎶𐏀𐎭𐎠 𐏐 [𐎢𐎱]𐎼[𐎡𐎹 𐏐 𐎶𐎠]𐎶 𐏐 𐎴𐎡𐎹𐎿𐎹 𐏐 𐎢𐎫𐎠/𐎮𐎡𐏁
: t-y-a : a-u-r-m-z-d-a : [u-p]-r-[i-y : m-a]-m : n-i-y-s-y : u-t-a-/di-i-š
: tyā : Auramazdā : upariy : mām : nīyasaya : utādiš
Line: 47 𐏐 𐎠𐎫𐎠𐎺𐎹𐎶 𐏐 𐎲𐎼𐎫[𐎴𐎡]𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃/𐎠
: a-t-a-v-y-m : b-r-t-[n-i]-y : v-š-n-a : a-u-r-m-z-d-a-h-/a
: atāvayam : bartanaiy : vašnā : Auramazdāhā
Line: 48 𐏐 𐎫𐎹𐎶𐎹 𐏐 𐎣𐎼𐎫𐎶 𐏐 𐎡𐎶𐎡𐎲𐎡𐏁 𐏐 𐎢𐎺𐎴𐎼𐎲𐎡𐏁 𐏐 𐎠𐎤𐎢/𐎴𐎺𐎶
: t-y-m-y : k-r-t-m : i-m-i-b-i-š : u-v-n-r-b-i-š : a-ku-u-/n-v-m
: tyamaiy : kartam : imaibiš : ūvnaraibiš : akunavam
Line: 49 𐏐 𐎫𐎹𐎠 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎢𐎱𐎼𐎡𐎹 𐏐 𐎴𐎡𐎹𐎿𐎹
: t-y-a : m-a-m : a-u-r-m-z-d-a : u-p-r-i-y : n-i-y-s-y
: tyā : mām : Auramazdā : upariy : nīyasaya
Line: 50 𐏐 𐎶𐎼𐎡!𐎣𐎠 𐏐 𐎭𐎼𐏁𐎶 𐏐 𐎠𐏀𐎭𐎠 𐏐 𐎤𐎢𐏁𐎢𐎺𐎠 𐏐 [𐎨𐎡𐎹]𐎠𐎣𐎼𐎶
: m-r-i-!-k-a : d-r-š-m : a-z-d-a : ku-u-š-u-v-a : [c-i-y]-a-k-r-m
: marīkā : daršam : azdā : kušuvā : ciyākaram
Line: 51 𐏐 𐎠𐎷[𐎡]𐎹 𐏐 𐎨𐎡𐎹𐎠𐎣𐎼𐎶𐎨𐎶𐎡𐎹 𐏐 𐎢𐎺[𐎴𐎼𐎠 𐏐 𐎨]𐎡𐎹𐎠𐎣𐎼/𐎶𐎨𐎶𐎡𐎹
: a-mi-[i]-y : c-i-y-a-k-r-m-c-m-i-y : u-v-[n-r-a : c]-i-y-a-k-r-/m-c-m-i-y
: amiy : ciyākaramcamaiy : ūvnarā : ciyākaramcamaiy
Line: 52 𐏐 𐎱𐎼𐎡𐎹𐎴𐎶 𐏐 𐎶𐎠𐎫𐎡𐎹 𐏐 [𐎯𐎢𐎽𐎢𐎧]𐎫𐎶 𐏐
: p-r-i-y-n-m : m-a-t-i-y : [du-u-ru-u-x]-t-m :
: pariyanam : mātaiy : duruxtam :
Line: 53 𐎰𐎭𐎹 ! 𐏐 𐎫𐎹𐎫𐎡𐎹 𐏐 𐎥𐎢𐏁𐎠𐎹𐎠 𐏐 [𐎧𐏁𐎵𐎢𐎫𐎶] 𐏐 𐎠𐎺𐏁/𐎨𐎡𐎹
ϑ-d-y ! : t-y-t-i-y : g-u-š-a-y-a : [x-š-nu-u-t-m] : a-v-š-/c-i-y
ϑadaya ! : tyataiy : gaušāyā : xšnnutam : avašciy
Line: 54 𐏐 ! 𐎠𐎧𐏁𐎵𐎢𐎮𐎡𐎹 𐏐 𐎫𐎹 𐏐 𐎱𐎼𐎫[𐎶𐎫𐎡𐎹 𐏐 𐎠𐎿]𐎫𐎡/𐎹
: ! a-x-š-nu-u-di-i-y : t-y : p-r-t-[m-t-i-y : a-s]-t-i-/y
: ! āxšnudiy : tya : partamtaiy : astiy
Line: 55 𐏐 𐎶𐎼𐎡!𐎣𐎠 𐏐 𐎶𐎠𐎫𐎡𐎹 𐏐 𐎠𐎺𐏁[𐎨𐎡𐎹 𐏐 𐎯𐎢𐎽𐎢𐎧]𐎫/[𐎶]
: m-r-i-!-k-a : m-a-t-i-y : a-v-š-[c-i-y : du-u-ru-u-x]-t-/[m]
: marīkā : mātaiy : avašciy : duruxtam
Line: 56 𐏐 𐎤𐎢𐎴!𐎺𐎠𐎫𐎡𐎹 𐏐 𐎫𐎹 𐏐 [𐎶𐎴𐎠 𐏐 𐎣𐎼𐎫𐎶 𐏐 𐎠𐎿]𐎫𐎡𐎹
: ku-u-n-!-v-a-t-i-y : t-y : [m-n-a : k-r-t-m : a-s]-t-i-y
: kunavātaiy : tya : manā : kartam : astiy
Line: 57 𐏐 𐎠𐎺𐏁𐎨𐎡𐎹 𐏐 𐎮𐎡𐎮𐎡𐎹 𐏐 𐎹𐎨𐎡𐎹 [𐏐 𐎴𐎡𐎱𐎡𐏁𐎫𐎶] 𐏐 𐎶𐎠 𐏐
: a-v-š-c-i-y : di-i-di-i-y : y-c-i-y [: n-i-p-i-š-t-m] : m-a :
: avašciy : dīdiy : yaciy : nipištam : mā :
Line: 58 [𐎫]𐎡𐎹 𐏐 [𐎭]𐎠𐎫𐎠 𐏐 [+++++] 𐏐 𐎶𐎠 [𐏐 ++++++]𐎠𐎫𐎡𐎹/𐎠
[t]-i-y : [d]-a-t-a : [+++++] : m-a [: ++++++]-a-t-i-y-/a
taiy : dātā : ... : mā : ...ātiyā
Line: 59 𐏐 𐎠𐎹𐎠𐎢<𐎶>𐎡𐎴𐎡𐏁 𐏐 𐎲𐎺𐎠𐎫𐎡𐎹 [𐏐 𐎶𐎼𐎡𐎣𐎠 𐏐 𐎧𐏁𐎠𐎹]𐎰𐎡𐎹
: a-y-a-u-<m>-i-n-i-š : b-v-a-t-i-y [: m-r-i-k-a : x-š-a-y]-ϑ-i-y
: ayāumainiš : bavātiy : marīkā : xšāyaϑiya
Line: 60 𐏐 𐎶𐎠 𐏐 𐎼𐎧𐎰𐎬𐎢𐎺 𐏐 [+++++++++++++++]𐎡𐎴𐎠 𐏐
: m-a : r-x-ϑ-tu-u-v : [+++++++++++++++]-i-n-a :
: mā : raxϑatuv : ...inā :
Line: 1 𐎥𐎢𐎲𐎽𐎢𐎺 𐏐 𐎱𐎠𐎫𐎡𐏁𐎢𐎺𐎼𐎡𐏁 𐏐 𐎭𐎠𐎼/𐎹𐎺𐏃𐎢𐏁
g-u-b-ru-u-v : p-a-t-i-š-u-v-r-i-š : d-a-r-/y-v-h-u-š
Gaubaruva : Pātišuvariš : Dārayavahauš
Line: 2 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎠𐎼𐏁𐎫𐎡𐎲𐎼
: x-š-a-y-ϑ-i-y-h-y-a : a-r-š-t-i-b-r
: xšāyaϑiyahyā : arštibara
Line: 1 𐎠𐎿𐎱𐎨𐎴𐎠 𐏐 𐎺𐏂𐎲𐎼 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁/𐎠𐎹𐎰𐎡𐎹𐏃𐎹𐎠
a-s-p-c-n-a : v-ç-b-r : d-a-r-y-v-h-u-š : x-š-/a-y-ϑ-i-y-h-y-a
Aspacanā : vaçabara : Dārayavahauš : xšāyaϑiyahyā
Line: 2 𐏐 𐎡𐎿𐎢𐎺𐎠𐎶 𐏐 𐎭𐎠𐎼𐎹𐎫𐎡𐎹
: i-s-u-v-a-m : d-a-r-y-t-i-y
: isuvām : dārayatiy
Line: 1 𐎡𐎹𐎶 𐏐 𐎱𐎠𐎼𐎿
i-y-m : p-a-r-s
iyam : Pārsa
Line: 2 𐎡𐎹𐎶 𐏐 [𐎶𐎠𐎭]
i-y-m : [m-a-d]
iyam : Māda
Line: 3 𐎡𐎹𐎶 𐏐 𐎢𐎺𐎩
i-y-m : u-v-j
iyam : Ūvja
Line: 4 𐎡𐎹𐎶 𐏐 𐎱𐎼𐎰𐎺
i-y-m : p-r-ϑ-v
iyam : Parϑava
Line: 5 𐎡𐎹𐎶 𐏐 𐏃𐎼𐎡𐎺
i-y-m : h-r-i-v
iyam : Haraiva
Line: 6 𐎡𐎹𐎶 𐏐 𐎲(𐎠𐎧)[𐎫𐎼𐎡𐎹]
i-y-m : b-(a-x)-[t-r-i-y]
iyam : Bāxtriya
Line: 7
Line: 8 [𐎡𐎹]𐎶 [𐏐 𐎢𐎺𐎠](𐎼𐏀𐎷𐎡)[𐎹]
[i-y]-m [: u-v-a]-(r-z-mi-i)-[y]
iyam : Uvārazmiya
Line: 9 𐎡𐎹𐎶 𐏐 (𐏀𐎼)𐎣
i-y-m : (z-r)-k
iyam : Zraka
Line: 10 𐎡(𐎹)𐎶 𐏐 (𐏃𐎼)𐎢(𐎺𐎫)𐎡(𐎹)
i-(y)-m : (h-r)-u-(v-t)-i-(y)
iyam : Harauvatiya
Line: 11
Line: 12
Line: 13 𐎡(𐎹𐎶) [𐏐 𐏃𐎡𐎯𐎢𐎹]
i-(y-m) [: h-i-du-u-y]
iyam : Hiduya
Line: 14
Line: 15 𐎡𐎹𐎶 𐏐 𐎿𐎣𐎠 𐏐 𐎫𐎡𐎥𐎼𐎧[𐎢𐎭𐎠]
i-y-m : s-k-a : t-i-g-r-x-[u-d-a]
iyam : Sakā : tigraxaudā
Line: 16 [𐎡𐎹𐎶 𐏐 𐎲𐎠]𐎲𐎡𐎽𐎢𐏁
[i-y-m : b-a]-b-i-ru-u-š
iyam : Bābirauš
Line: 17 𐎡𐎹𐎶 𐏐 𐎠𐎰𐎢𐎼𐎡𐎹
i-y-m : a-ϑ-u-r-i-y
iyam : Aϑuriya
Line: 18
Line: 19
Line: 20 (𐎡𐎹)𐎶 𐏐 𐎠𐎼[𐎷𐎡𐎴𐎡𐎹]
(i-y)-m : a-r-[mi-i-n-i-y]
iyam : Arminiya
Line: 21
Line: 22 (𐎡𐎹)𐎶 𐏐 (𐎿𐎱𐎼)[𐎮𐎡𐎹]
(i-y)-m : (s-p-r)-[di-i-y]
iyam : Spardiya
Line: 23 [𐎡𐎹𐎶 𐏐 𐎹]𐎢𐎴
[i-y-m : y]-u-n
iyam : Yauna
Line: 24
Line: 25
Line: 26
Line: 27
Line: 28
Line: 29 𐎡𐎹𐎶 𐏐 𐎶𐎨𐎡𐎹𐎠
i-y-m : m-c-i-y-a
iyam : Maciyā
Line: 30 𐎡𐎹(𐎶) [𐏐] 𐎣(𐎼)[𐎣𐎠]
i-y-(m) [:] k-(r)-[k-a]
iyam : Karkā
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐏋 𐏋𐎹𐎠𐎴/𐎠𐎶
a-d-m : d-a-r-y-v-u-š : XŠ : v-z-r-k : XŠ XŠ-y-a-n-/a-m
adam : Dārayavauš : XŠ : vazraka : XŠ XŠyanām
Line: 2 𐏐 𐏋 𐏍𐎴𐎠𐎶 𐏐 𐎻𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐏃/𐎧𐎠𐎶𐎴𐎡𐏁𐎹
: XŠ DH-n-a-m : vi-š-t-a-s-p-h-y-a : p-u-ç : h-/x-a-m-n-i-š-y
: XŠ DHnām : Vištāspahyā : puça : Haxāmanišiya
Line: 3 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏋
: ϑ-a-t-i-y : d-a-r-y-v-u-š : XŠ
: ϑātiy : Dārayavauš : XŠ
Line: 4 𐏐 𐎺𐏁𐎴𐎠 𐏐 𐏊 𐏐 𐎠𐎭𐎶 𐏐 𐎠𐎺 𐏐 𐎠𐎤𐎢𐎴𐎺𐎶 𐏐 𐎫𐎹 𐏐
: v-š-n-a : AM-h : a-d-m : a-v : a-ku-u-n-v-m : t-y :
: vašnā : AMha : adam : ava : akunavam : tya :
Line: 5 𐎠[𐎤𐎢𐎴𐎺𐎶 𐏐 𐎻𐎡𐎿]𐏃𐎹𐎠 𐏐 𐎳𐎼𐏁𐎶 𐏐 𐎰𐎭𐎹𐎠𐎫𐎡𐎹
a-[ku-u-n-v-m : vi-i-s]-h-y-a : f-r-š-m : ϑ-d-y-a-t-i-y
akunavam : visahyā : frašam : ϑadayātaiy
Line: 1 𐎠𐎭𐎶 𐏐 𐎭𐎠𐎼𐎹𐎺𐎢/𐏁
a-d-m : d-a-r-y-v-u-/š
adam : Dārayavauš
Line: 2 𐏐 𐎧𐏁𐎠𐎹𐎰𐎡𐎹
: x-š-a-y-ϑ-i-y
: xšāyaϑiya
Line: 3 𐎺𐏀𐎼𐎣 𐏐 𐎧𐏁𐎠𐎹/𐎰𐎡𐎹
v-z-r-k : x-š-a-y-/ϑ-i-y
vazraka : xšāyaϑiya
Line: 4 𐏐 𐎧𐏁𐎠𐎹𐎰𐎡/𐎹𐎠𐎴𐎠𐎶
: x-š-a-y-ϑ-i-/y-a-n-a-m
: xšāyaϑiyānām
Line: 5 𐏐 𐎧𐏁𐎠𐎹/𐎰𐎡𐎹
: x-š-a-y-/ϑ-i-y
: xšāyaϑiya
Line: 6 𐏐 𐎭𐏃𐎹𐎢𐎴𐎠/𐎶
: d-h-y-u-n-a-/m
: dahyūnām
Line: 7 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y :
: xšāyaϑiya :
Line: 8 𐏃𐎽𐎢𐎺𐏃𐎹𐎠𐎹 𐏐
h-ru-u-v-h-y-a-y :
haruvahyāya :
Line: 9 𐎲𐎢𐎷𐎡𐎹𐎠 𐏐 𐎻𐏁𐎫/𐎠𐎿𐎱𐏃𐎹𐎠
b-u-mi-i-y-a : vi-š-t-/a-s-p-h-y-a
būmiyā : Vištāspahyā
Line: 10 𐏐 𐎱𐎢𐏂
: p-u-ç
: puça
Line: 11 𐏃𐎧𐎠𐎶𐎴𐎡𐏁𐎡𐎹
h-x-a-m-n-i-š-i-y
Haxāmanišiya
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏋 𐏐 𐎺𐏀𐎼𐎣 𐏋 𐏋𐎹𐎠𐎴𐎠𐎶 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂
a-d-m : d-a-r-y-v-u-š XŠ : v-z-r-k XŠ XŠ-y-a-n-a-m : vi-i-š-t-a-s-p-h-y-a : p-u-ç
adam : Dārayavauš XŠ : vazraka XŠ XŠyanām : Vištāspahyā : puça
Line: 1 [𐎠𐎭𐎶 𐎭𐎠𐎼𐎹𐎺𐎢𐏁 𐏋 𐎺𐏀]𐎼𐎣 𐏋 𐏋𐎹𐎠𐎴𐎠𐎶 𐏋 𐏍[𐎴𐎠𐎶 𐏋]
[a-d-m d-a-r-y-v-u-š XŠ v-z]-r-k XŠ XŠ-y-a-n-a-m XŠ DH-[n-a-m XŠ]
adam Dārayavauš XŠ vazraka XŠ XŠyanām XŠ DHnām XŠ
Line: 2 [𐎠𐏃𐎹𐎠𐎹𐎠 𐏏𐎹𐎠 𐏐 𐎻𐎡𐏁𐎫𐎠𐎿]𐎱𐏃𐎹𐎠 𐎱𐎢𐏂 𐏐 𐏃𐎧𐎠𐎶[𐎴𐎡𐏁𐎡𐎹 𐎰𐎠/[𐎫𐎡𐎹
[a-h-y-a-y-a BU-y-a : vi-i-š-t-a-s]-p-h-y-a p-u-ç : h-x-a-m-[n-i-š-i-y ϑ-a-/[t-i-y
ahyāyā BUyā : Vištāspahyā puça : Haxāmanišiya ϑātiy
Line: 3 𐎭𐎠𐎼𐎹𐎺𐎢𐏁 𐏋 𐎺]𐏁𐎴𐎠 [𐏊] 𐎡𐎶𐎶 𐏐 𐎭𐎨𐎼𐎶 [𐎠𐎤𐎢𐎴𐎺𐎶]
d-a-r-y-v-u-š XŠ v]-š-n-a [AM-h] i-m-m : d-c-r-m [a-ku-u-n-v-m]
Dārayavauš XŠ vašnā AMha imam : dacaram akunavam
Line: 1 [𐎲𐎥 𐏐 𐎺𐏀𐎼𐎣 𐏐 𐎠𐎢𐎼]𐎶𐏀𐎭𐎠 𐏐 𐏃𐎹 𐏐 𐎡𐎶𐎠/[𐎶
[b-g : v-z-r-k : a-u-r]-m-z-d-a : h-y : i-m-a-/[m
baga : vazraka : Auramazdā : hya : imām
Line: 2 𐏐 𐎲𐎢𐎷𐎡𐎶 𐏐 𐎠𐎭𐎭𐎠] 𐏐 𐏃𐎹 𐏐 𐎠𐎺𐎶 𐏐 𐎠𐎿/[𐎶𐎠𐎴𐎶
: b-u-mi-i-m : a-d-d-a] : h-y : a-v-m : a-s-/[m-a-n-m
: būmim : adadā : hya : avam : asmānam
Line: 3 𐏐 𐎠𐎭𐎭𐎠 𐏐 𐏃𐎹 𐏐 𐎶𐎼]𐎫𐎡𐎹𐎶 𐏐 𐎠𐎭/[𐎭𐎠
: a-d-d-a : h-y : m-r]-t-i-y-m : a-d-/[d-a
: adadā : hya : martiyam : adadā
Line: 4 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐] 𐎠𐎭𐎭𐎠 𐏐 𐎶𐎼𐎫/[𐎡𐎹𐏃𐎹𐎠
: h-y : š-i-y-a-t-i-m :] a-d-d-a : m-r-t-/[i-y-h-y-a
: hya : šiyātim : adadā : martiyahyā
Line: 5 𐏐 𐏃𐎹 𐏐 𐎭𐎠𐎼𐎹𐎺𐎢𐎶] 𐏐 𐏋𐎶 𐏐 𐎠𐎤/[𐎢𐎴𐎢𐏁
: h-y : d-a-r-y-v-u-m] : XŠ-m : a-ku-/[u-n-u-š
: hya : Dārayavaum : XŠm : akunauš
Line: 6 𐏐 𐎠𐎡𐎺𐎶 𐏐 𐎱𐎽𐎢𐎺𐎴𐎠]𐎶 𐏐 𐏋𐎶 𐏐 𐎠/[𐎡𐎺𐎶
: a-i-v-m : p-ru-u-v-n-a]-m : XŠ-m : a-/[i-v-m
: aivam : parūvnām : XŠm : aivam
Line: 7 𐏐 𐎱]𐎽[𐎢]𐎺𐎴[𐎠𐎶 𐏐 𐎳𐎼𐎶𐎠𐎫]𐎠𐎼𐎶 𐏐 𐎠/𐎭𐎶
: p]-ru-[u]-v-n-[a-m : f-r-m-a-t]-a-r-m : a-/d-m
: parūvnām : framātāram : adam
Line: 8 𐏐 𐎭𐎠𐎼𐎹𐎺[𐎢𐏁 𐏐 𐏋 𐏐 𐎺𐏀𐎼𐎣] 𐏐 𐏋 𐏐 𐏋𐎹/𐎠𐎴𐎠𐎶
: d-a-r-y-v-[u-š : XŠ : v-z-r-k] : XŠ : XŠ-y-/a-n-a-m
: Dārayavauš : XŠ : vazraka : XŠ : XŠyanām
Line: 9 [𐏐 𐏋 𐏐 𐎭𐏃𐎹𐎢𐎴𐎠𐎶 𐏐 𐎻𐎡𐎿]𐎱𐏀𐎴𐎠/𐎴𐎠𐎶
[: XŠ : d-h-y-u-n-a-m : vi-i-s]-p-z-n-a-/n-a-m
: XŠ : dahyūnām : vispazanānām
Line: 10 𐏐 𐏋 𐏐 𐎠𐏃𐎹[𐎠𐎹𐎠 𐏐 𐎲𐎢𐎷𐎡]𐎹𐎠 𐏐 𐎺𐏀/𐎼𐎣𐎠𐎹𐎠
: XŠ : a-h-y-[a-y-a : b-u-mi-i]-y-a : v-z-/r-k-a-y-a
: XŠ : ahyāyā : būmiyā : vazrakāyā
Line: 11 𐏐 [𐎯]𐎢𐎼𐎡[𐎹 𐏐 𐎠𐎱𐎡𐎹 𐏐 𐎻𐏁]𐎫𐎠𐎿/𐎱𐏃𐎹𐎠
: [du]-u-r-i-[y : a-p-i-y : vi-š]-t-a-s-/p-h-y-a
: dūraiy : apiy : Vištāspahyā
Line: 12 𐏐 𐎱𐎢𐏂 𐏐 𐏃[𐎧𐎠𐎶𐎴𐎡]𐏁𐎡[𐎹 𐏐] 𐎱𐎠𐎼/𐎿
: p-u-ç : h-[x-a-m-n-i]-š-i-[y :] p-a-r-/s
: puça : Haxāmanišiya : Pārsa
Line: 13 𐏐 𐎱𐎠𐎼𐎿𐏃𐎹𐎠 𐏐 𐎱[𐎢𐏂 𐏐] 𐎠𐎼𐎡𐎹 [𐏐] 𐎠𐎼𐎡/𐎹
: p-a-r-s-h-y-a : p-[u-ç :] a-r-i-y [:] a-r-i-/y
: Pārsahyā : puça : Ariya : Ariya
Line: 14 𐏐 𐎨𐎡𐏂 𐏐 𐎰𐎠[𐎫𐎡𐎹] 𐏐 𐎭𐎠𐎼𐎹𐎺[𐎢𐏁 𐏐 𐏋 𐏐]
: c-i-ç : ϑ-a-[t-i-y] : d-a-r-y-v-[u-š : XŠ :]
: ciça : ϑātiy : Dārayavauš : XŠ :
Line: 15 𐎺𐏁𐎴𐎠 𐏐 𐎠𐎢[𐎼𐎶𐏀𐎭]𐎠𐏃𐎠 𐏐 𐎡𐎶[𐎠 𐏐 𐎭𐏃𐎹]/𐎠𐎺
v-š-n-a : a-u-[r-m-z-d]-a-h-a : i-m-[a : d-h-y]-/a-v
vašnā : Auramazdāhā : imā : dahyāva
Line: 16 𐏐 𐎫𐎹𐎠 𐏐 [𐎠𐎭𐎶 𐏐 𐎠]𐎥𐎼𐎲𐎠𐎹[𐎶 𐏐 𐎠𐎱𐎫]/𐎼𐎶
: t-y-a : [a-d-m : a]-g-r-b-a-y-[m : a-p-t]-/r-m
: tyā : adam : agarbāyam : apataram
Line: 17 𐏐 𐏃𐎨[𐎠 𐏐 𐎱𐎠𐎼𐎿𐎠] 𐏐 𐎠𐎭𐎶[𐏁𐎠𐎶 𐏐 𐎱𐎫]/𐎡𐎹[𐎧𐏁𐎹𐎡𐎹
: h-c-[a : p-a-r-s-a] : a-d-m-[š-a-m : p-t]-/i-y-[x-š-y-i-y
: hacā : Pārsā : adamšām : patiyaxšayaiy
Line: 18 𐏐 𐎶𐎴𐎠 𐏐] 𐎲𐎠[𐎪𐎡𐎶 𐏐 𐎠𐎲𐎼 𐏐]
: m-n-a :] b-a-[ji-i-m : a-b-r :]
: manā : bājim : abara :
Line: 19 [𐎫𐎹𐏁𐎠𐎶 𐏐 𐏃𐎨𐎠𐎶 𐏐 𐎠𐎰𐏃𐎹 𐏐 𐎠𐎺 𐏐 𐎠𐎤𐎢]/[𐎴𐎺
[t-y-š-a-m : h-c-a-m : a-ϑ-h-y : a-v : a-ku-u]-/[n-v
tyašām : hacāma : aϑahya : ava : akunava
Line: 20 𐏐 𐎭𐎠𐎫𐎶 𐏐 𐎫𐎹 𐏐 𐎶𐎴𐎠 𐏐 𐎠𐎺𐎮𐎡𐏁 𐏐 𐎠]/[𐎭𐎠𐎼𐎹
: d-a-t-m : t-y : m-n-a : a-v-di-i-š : a]-/[d-a-r-y
: dātam : tya : manā : avadiš : adāraya
Line: 21 𐏐 𐎶𐎠𐎭 𐏐 𐎢𐎩 𐏐 𐎱𐎼𐎰𐎺 𐏐 𐏃𐎼𐎡𐎺 𐏐]
: m-a-d : u-j : p-r-ϑ-v : h-r-i-v :]
: Māda : Ūja : Parϑava : Haraiva :
Line: 22 [𐎲𐎠𐎧𐎫𐎼𐎡𐏁 𐏐 𐎿𐎢𐎦𐎢𐎭 𐏐 𐎢𐎺𐎠𐎼𐏀𐎷𐎡𐏁]
[b-a-x-t-r-i-š : s-u-gu-u-d : u-v-a-r-z-mi-i-š]
Bāxtriš : Suguda : Uvārazmiš
Line: 23 [𐏐 𐏀𐎼𐎣 𐏐 𐏃𐎼𐎢𐎺𐎫𐎡𐏁 𐏐 𐎰𐎫𐎦𐎢𐏁 𐏐 𐎶𐎨𐎡]/[𐎹𐎠
[: z-r-k : h-r-u-v-t-i-š : ϑ-t-gu-u-š : m-c-i]-/[y-a
: Zraka : Harauvatiš : Θataguš : Maciyā
Line: 24 𐏐 𐎥𐎭𐎠𐎼 𐏐 𐏃𐎡𐎯𐎢𐏁 𐏐 𐎿𐎣𐎠 𐏐 𐏃𐎢𐎶𐎺]/[𐎼𐎥𐎠
: g-d-a-r : h-i-du-u-š : s-k-a : h-u-m-v]-/[r-g-a
: Gadāra : Hiduš : Sakā : haumavargā
Line: 25 𐏐 𐎿𐎣𐎠 𐏐 𐎫𐎡𐎥𐎼𐎧𐎢𐎭𐎠 𐏐 𐎲𐎠𐎲𐎡𐎽]/[𐎢𐏁
: s-k-a : t-i-g-r-x-u-d-a : b-a-b-i-ru]-/[u-š
: Sakā : tigraxaudā : Bābirauš
Line: 26 𐏐 𐎠𐎰𐎢𐎼𐎠 𐏐 𐎠𐎼𐎲𐎠𐎹 𐏐 𐎸𐎢𐎭𐎼𐎠𐎹 𐏐]
: a-ϑ-u-r-a : a-r-b-a-y : mu-u-d-r-a-y :]
: Aϑurā : Arabāya : Mudrāya :
Line: 27 [𐎠𐎼𐎷𐎡𐎴 𐏐 𐎣𐎫𐎱𐎬𐎢𐎣 𐏐 𐎿𐎱𐎼𐎭 𐏐 𐎹𐎢𐎴]/[𐎠
[a-r-mi-i-n : k-t-p-tu-u-k : s-p-r-d : y-u-n]-/[a
Armina : Katpatuka : Sparda : Yaunā
Line: 28 𐏐 𐎫𐎹𐎡𐎹 𐏐 𐎭𐎼𐎹𐏃𐎹𐎠 𐏐 𐎢𐎫𐎠 𐏐 𐎫𐎹𐎡/[𐎹
: t-y-i-y : d-r-y-h-y-a : u-t-a : t-y-i-/[y
: tyaiy : drayahyā : utā : tyaiy
Line: 29 𐏐 𐎱𐎼𐎭𐎼𐎹 𐏐 𐎿𐎤𐎢𐎭𐎼 𐏐] (𐎹)𐎢𐎴𐎠 [𐏐 𐎫𐎹𐎡𐎹]
: p-r-d-r-y : s-ku-u-d-r :] (y)-u-n-a [: t-y-i-y]
: paradraya : Skudra : Yaunā : tyaiy
Line: 30 [𐎱𐎼𐎭𐎼𐎹 𐏐 𐎣𐎼𐎣𐎠 𐏐] (𐎰)𐎠𐎫𐎡[𐎹 𐏐 𐎭𐎠𐎼]/[𐎹𐎺𐎢𐏁
[p-r-d-r-y : k-r-k-a :] (ϑ)-a-t-i-[y : d-a-r]-/[y-v-u-š
paradraya : Karkā : ϑātiy : Dārayavauš
Line: 31 𐏐 𐏋 𐏐 𐎺𐎿𐎡𐎹 𐏐 𐎫]𐎹 𐏐 𐎯𐎢𐏁[𐎣𐎼𐎫]/[𐎶
: XŠ : v-s-i-y : t]-y : du-u-š-[k-r-t]-/[m
: XŠ : vasiy : tya : duškartam
Line: 32 𐏐 𐎠𐏃 𐏐 𐎠𐎺 𐏐 𐎴𐎡𐎲𐎶 𐏐 𐎠]𐎤𐎢𐎴𐎺𐎶 𐏐 𐎭/𐏃𐎹𐎠𐎺
: a-h : a-v : n-i-b-m : a]-ku-u-n-v-m : d-/h-y-a-v
: āha : ava : naibam : akunavam : dahyāva
Line: 33 [𐏐 𐎠𐎹𐎢𐎭 𐏐 𐎠𐎴𐎡𐎹] 𐏐 𐎠𐎴𐎡𐎹𐎶 𐏐
[: a-y-u-d : a-n-i-y] : a-n-i-y-m :
: ayauda : aniya : aniyam :
Line: 34 𐎠𐎩 𐏐 𐎠𐎺 𐏐 𐎠[𐎭𐎶 𐏐] 𐎠𐎤𐎢𐎴𐎺𐎶 [𐏐 𐎺𐏁𐎴]𐎠
a-j : a-v : a-[d-m :] a-ku-u-n-v-m [: v-š-n]-a
aja : ava : adam : akunavam : vašnā
Line: 35 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎹𐎰𐎠 𐏐 𐎠[𐎴𐎡𐎹 𐏐 𐎠]/𐎴𐎡𐎹𐎶
: a-u-r-m-z-d-a-h-a : y-ϑ-a : a-[n-i-y : a]-/n-i-y-m
: Auramazdāhā : yaϑā : aniya : aniyam
Line: 36 𐏐 𐎴𐎡𐎹 𐏐 𐎩𐎫𐎡𐎹 𐏐 𐎨𐎡[𐎴𐎠 𐏐 𐎥𐎠]/𐎰𐎺𐎠
: n-i-y : j-t-i-y : c-i-[n-a : g-a]-/ϑ-v-a
: naiy : jatiy : cinā : gāϑavā
Line: 37 𐏐 𐎣𐏁𐎨𐎡𐎹 𐏐 𐎠𐎿𐎫𐎡𐎹 𐏐 𐎭[𐎠𐎫𐎶 𐏐]
: k-š-c-i-y : a-s-t-i-y : d-[a-t-m :]
: kašciy : astiy : dātam :
Line: 38 𐎫𐎹 𐏐 𐎶𐎴𐎠 𐏐 𐏃𐎨𐎠 𐏐 𐎠𐎺𐎴𐎠 𐏐 𐎫𐎼[𐎿𐎫𐎡]/𐎹
t-y : m-n-a : h-c-a : a-v-n-a : t-r-[s-t-i]-/y
tya : manā : hacā : avanā : tarsatiy
Line: 39 𐏐 𐎹𐎰𐎠 𐏐 𐏃𐎹 𐏐 𐎫𐎢𐎻𐎡𐎹𐎠 𐏐 𐎫𐎹𐎶 𐏐 𐎿/𐎣𐎢𐎰𐎡𐎶
: y-ϑ-a : h-y : t-u-vi-i-y-a : t-y-m : s-/k-u-ϑ-i-m
: yaϑā : hya : tauvīyā : tyam : skauϑim
Line: 40 𐏐 𐎴𐎡𐎹 𐏐 𐎩𐎫𐎡𐎹 𐏐 𐎴𐎡[𐎹 𐏐] 𐎻𐎡/𐎶𐎼𐎭𐎫𐎡𐎹
: n-i-y : j-t-i-y : n-i-[y :] vi-i-/m-r-d-t-i-y
: naiy : jatiy : naiy : vimardatiy
Line: 41 𐏐 𐎰𐎠𐎫𐎡𐎹 [𐏐 𐎭𐎠𐎼𐎹𐎺𐎢𐏁 𐏐]
: ϑ-a-t-i-y [: d-a-r-y-v-u-š :]
: ϑātiy : Dārayavauš :
Line: 42 𐏋 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭[𐎠𐏃𐎠 𐏐 𐎭𐎿𐎫]𐎣/𐎼𐎫𐎶
XŠ : v-š-n-a : a-u-r-m-z-d-[a-h-a : d-s-t]-k-/r-t-m
XŠ : vašnā : Auramazdāhā : dastakartam
Line: 43 𐏐 𐎺𐎿𐎡𐎹 𐏐 𐎫𐎹 𐏐 [𐎱𐎽𐎢𐎺𐎶 𐏐 𐎴𐎡𐎹 𐏐]
: v-s-i-y : t-y : [p-ru-u-v-m : n-i-y :]
: vasiy : tya : paruvam : naiy :
Line: 44 𐎥𐎠𐎰𐎺𐎠 𐏐 𐎣𐎼𐎫𐎶 [𐏐 𐎠𐎺 𐏐 𐎠𐎭𐎶 𐏐 𐎥𐎠𐎰]/𐎺𐎠
g-a-ϑ-v-a : k-r-t-m [: a-v : a-d-m : g-a-ϑ]-/v-a
gāϑavā : kartam : ava : adam : gāϑavā
Line: 45 𐏐 𐎠𐎤𐎢𐎴𐎺𐎶 𐏐 [++++𐏐 𐎴𐎠𐎶 𐏐 𐎺𐎼𐎭]/𐎴𐎶
: a-ku-u-n-v-m : [++++: n-a-m : v-r-d]-/n-m
: akunavam : : nāma : vardanam
Line: 46 𐏐 𐎮𐎡𐎭𐎠 𐏐 𐏃[𐎴𐎫𐎠𐎹𐎠 𐏐 𐎠𐎺𐎥𐎶𐎫]/𐎠
: di-i-d-a : h-[n-t-a-y-a : a-v-g-m-t]-/a
: didā : hanatāyā : avagmatā
Line: 47 𐏐 𐎱𐎽𐎢𐎺𐎶 [𐏐 𐎠𐎣𐎼𐎫𐎠 𐏐 𐏃𐎨𐎠 𐏐 𐎠𐎺]/𐎭𐏁
: p-ru-u-v-m [: a-k-r-t-a : h-c-a : a-v]-/d-š
: paruvam : akartā : hacā : avadaša
Line: 48 𐏐 𐎠 𐏐 𐎱𐎿𐎠[𐎺 𐏐 𐎮𐎡𐎭𐎠𐎶 𐏐] 𐎠𐎴𐎡𐎹/[𐎠]𐎶
: a : p-s-a-[v : di-i-d-a-m :] a-n-i-y-/[a]-m
: ā : pasāva : didām : aniyām
Line: 49 𐏐 𐎠[𐎤𐎢𐎴𐎺𐎶 𐏐 𐎰𐎠𐎫𐎡𐎹 𐏐 𐎭]𐎠𐎼𐎹[𐎺𐎢]/[𐏁
: a-[ku-u-n-v-m : ϑ-a-t-i-y : d]-a-r-y-[v-u]-/[š
: akunavam : ϑātiy : Dārayavauš
Line: 50 𐏐 𐏋 𐏐 𐎶𐎠𐎶 𐏐 𐏈 𐏐 𐎱𐎠𐎬]𐎢𐎺 𐏐 𐏃𐎭𐎠 [𐏐 𐎲]/[𐎥𐎡𐎲𐎡𐏁
: XŠ : m-a-m : AM : p-a-tu]-u-v : h-d-a [: b]-/[g-i-b-i-š
: XŠ : mām : AM : pātuv : hadā : bagaibiš
Line: 51 𐏐 𐎢𐎫𐎶𐎡𐎹 𐏐] 𐎻𐎡𐎰𐎶 𐏐 𐎢/𐎫𐎠
: u-t-m-i-y :] vi-i-ϑ-m : u-/t-a
: utamaiy : viϑam : utā
Line: 52 [𐏐 𐎫𐎹𐎶𐎡𐎹 𐏐 𐎴𐎡]𐎱𐎡𐏁𐎫𐎶
[: t-y-m-i-y : n-i]-p-i-š-t-m
: tyamaiy : nipištam
Line: 1 [𐎲𐎥 𐏐 𐎺𐏀𐎼𐎣 𐏐] 𐎠𐎢𐎼𐎶𐏀[𐎭]𐎠 𐏐 𐏃𐎹 𐏐 𐎡𐎶[𐎠]𐎶 [𐏐 𐎲]𐎢𐎷𐎡𐎶 [𐏐 𐎠]/[𐎭𐎠
[b-g : v-z-r-k :] a-u-r-m-z-[d]-a : h-y : i-m-[a]-m [: b]-u-mi-i-m [: a]-/[d-a
baga : vazraka : Auramazdā : hya : imām : būmim : adā
Line: 2 𐏐 𐏃𐎹 𐏐 𐎠𐎺𐎶 𐏐] 𐎠𐎿𐎶𐎠𐎴[𐎶] 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭[𐎠]
: h-y : a-v-m :] a-s-m-a-n-[m] : a-d-a : h-y : m-r-t-i-y-m : a-d-[a]
: hya : avam : asmānam : adā : hya : martiyam : adā
Line: 3 [𐏐 𐏃𐎹 𐏐 𐏁𐎡]𐎹𐎠𐎫𐎡𐎶 𐏐 𐎠𐎭[𐎠 𐏐] 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎭𐎠𐎼/[𐎹𐎺𐎢𐎶
[: h-y : š-i]-y-a-t-i-m : a-d-[a :] m-r-t-i-y-h-y-a : h-y : d-a-r-/[y-v-u-m
: hya : šiyātim : adā : martiyahyā : hya : Dārayavaum
Line: 4 𐏐] 𐏋𐎹𐎶 𐏐 𐎠𐎤𐎢𐎴[𐎢𐏁 𐏐 𐎠]𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐏋/[𐎹𐎶
:] XŠ-y-m : a-ku-u-n-[u-š : a]-i-v-m : p-ru-u-n-a-m : XŠ-/[y-m
: XŠyam : akunauš : aivam : parūnām : XŠyam
Line: 5 𐏐 𐎠]𐎡𐎺𐎶 𐏐 𐎱𐎽𐎢𐎴𐎠𐎶 𐏐 [𐎳𐎼𐎶𐎠]𐎫𐎠𐎼𐎶 𐏐 𐎠𐎭𐎶 𐏐 𐎭𐎠𐎼/[𐎹𐎺𐎢𐏁]
: a]-i-v-m : p-ru-u-n-a-m : [f-r-m-a]-t-a-r-m : a-d-m : d-a-r-/[y-v-u-š]
: aivam : parūnām : framātāram : adam : Dārayavauš
Line: 6 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎴𐎠𐎶 𐏐 𐏋
: XŠ : v-z-r-k : XŠ : XŠ-y-a-n-a-m : XŠ : DH-n-a-m : XŠ
: XŠ : vazraka : XŠ : XŠyanām : XŠ : DHnām : XŠ
Line: 7 [𐏐 𐎠𐏃𐎹𐎠𐎹]𐎠 𐏐 𐏏𐎹𐎠 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶/[𐎴𐎡𐏁𐎡𐎹]
[: a-h-y-a-y]-a : BU-y-a : vi-i-š-t-a-s-p-h-y-a : p-u-ç : h-x-a-m-/[n-i-š-i-y]
: ahyāyā : BUyā : Vištāspahyā : puça : Haxāmanišiya
Line: 8 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎠𐎢𐎼𐎶𐏀𐎭𐎠 𐏐
: ϑ-a-t-i-y : d-a-r-y-v-u-š : XŠ : a-u-r-m-z-d-a :
: ϑātiy : Dārayavauš : XŠ : Auramazdā :
Line: 9 [𐏃𐎹 𐏐] 𐎶𐎰𐎡𐏁𐎫 𐏐 𐎲𐎥𐎠𐎴𐎠𐎶 𐏐 𐏃𐎢𐎺 𐏐 𐎶𐎠𐎶 𐏐 𐎠𐎭𐎠 𐏐 𐏃/[𐎢𐎺
[h-y :] m-ϑ-i-š-t : b-g-a-n-a-m : h-u-v : m-a-m : a-d-a : h-/[u-v
hya : maϑišta : bagānām : hauv : mām : adā : hauv
Line: 10 𐏐] 𐎶𐎠𐎶 𐏐 𐏋𐎹𐎶 𐏐 𐎠𐎤𐎢𐎴𐎢𐏁 𐏐 𐏃𐎢𐎶𐎡𐎹 𐏐 𐎡𐎶 𐏐 𐎧𐏁/[𐏂𐎶]
:] m-a-m : XŠ-y-m : a-ku-u-n-u-š : h-u-m-i-y : i-m : x-š-/[ç-m]
: mām : XŠyam : akunauš : haumaiy : ima : xšaçam
Line: 11 𐏐 𐎳𐎼𐎠𐎲𐎼 𐏐 𐎫𐎹 𐏐 𐎺𐏀𐎼𐎣𐎶 𐏐 𐎫𐎹 𐏐 𐎢𐎺𐎿𐎶 𐏐 𐎢𐎶/[𐎼𐎫𐎡]𐎹𐎶
: f-r-a-b-r : t-y : v-z-r-k-m : t-y : u-v-s-m : u-m-/[r-t-i]-y-m
: frābara : tya : vazrakam : tya : uvasam : umartiyam
Line: 12 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐏃𐎹 𐏐 𐎶[𐎴𐎠 𐏐] 𐎱𐎡𐎫𐎠
: v-š-n-a : a-u-r-m-z-d-a-h : h-y : m-[n-a :] p-i-t-a
: vašnā : Auramazdāha : hya : manā : pitā
Line: 13 [𐏐] 𐎻𐎡𐏁𐎫𐎠𐎿𐎱 𐏐 𐎢𐎫𐎠 𐏐 𐎠𐎼𐏁𐎠𐎶 𐏐 𐏃𐎹 𐏐 𐎶𐎴𐎠 [𐏐 𐎴𐎡]𐎹𐎠𐎣 𐏐
[:] vi-i-š-t-a-s-p : u-t-a : a-r-š-a-m : h-y : m-n-a [: n-i]-y-a-k :
: Vištāspa : utā : Aršāma : hya : manā : niyāka :
Line: 14 𐎠𐎺 𐏐 𐎢𐎲𐎠 𐏐 𐎠𐎪𐎡𐎺𐎫𐎶 𐏐 𐎹𐎮𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎶𐎠/𐎶
a-v : u-b-a : a-ji-i-v-t-m : y-di-i-y : a-u-r-m-z-d-a : m-a-/m
ava : ubā : ajīvatam : yadiy : Auramazdā : mām
Line: 15 𐏐 𐏋[𐎹]𐎶 𐏐 𐎠𐎤𐎢𐎴𐎢𐏁 𐏐 𐎠𐏃𐎹𐎠𐎹𐎠 𐏐 𐏏𐎹𐎠 𐏐 [𐎠]𐎢𐎼𐎶𐏀𐎭/[𐎠𐎶
: XŠ-[y]-m : a-ku-u-n-u-š : a-h-y-a-y-a : BU-y-a : [a]-u-r-m-z-d-/[a-m
: XŠyam : akunauš : ahyāyā : BUyā : Auramazdām
Line: 16 𐏐 𐎠𐎺]𐎰𐎠 𐏐 𐎣𐎠𐎶 𐏐 𐎠𐏃 𐏐 𐏃[𐎽]𐎢𐎺𐏃𐎹𐎠𐎹𐎠 𐏐 [𐏏𐎹]𐎠 𐏐 𐎶𐎼/[𐎫𐎡𐎹𐎶
: a-v]-ϑ-a : k-a-m : a-h : h-[ru]-u-v-h-y-a-y-a : [BU-y]-a : m-r-/[t-i-y-m
: avaϑā : kāma : āha : haruvahyāyā : BUyā : martiyam
Line: 17 𐏐] 𐎶𐎠𐎶 𐏐 𐎠𐎺𐎼[𐎴𐎺𐎫𐎠 𐏐 𐎶𐎠]𐎶 𐏐 𐏋𐎹𐎶 𐏐 𐎠[𐎤𐎢𐎴𐎢𐏁 𐏐]
:] m-a-m : a-v-r-[n-v-t-a : m-a]-m : XŠ-y-m : a-[ku-u-n-u-š :]
: mām : avarnavatā : mām : XŠyam : akunauš :
Line: 18 [𐏃𐎽𐎢𐎺𐏃𐎹𐎠]𐎹𐎠 𐏐 𐏏𐎹𐎠 [𐏐 𐎠𐎭𐎶 𐏐 𐎠𐎢𐎼𐎶𐏀]𐎭𐎠𐎶 [𐏐 𐎠𐎹𐎭𐎡𐎹 𐏐]
[h-ru-u-v-h-y-a]-y-a : BU-y-a [: a-d-m : a-u-r-m-z]-d-a-m [: a-y-d-i-y :]
haruvahyāyā : BUyā : adam : Auramazdām : ayadaiy :
Line: 19 [𐎠𐎢𐎼𐎶𐏀𐎭𐎠]𐎶𐎡𐎹 𐏐 [𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎫𐎹𐎶𐎡𐎹 𐏐 𐎳𐎼𐎶]/[𐎠𐎫𐎶
[a-u-r-m-z-d-a]-m-i-y : [u-p-s-t-a-m : a-b-r : t-y-m-i-y : f-r-m]-/[a-t-m
Auramazdāmaiy : upastām : abara : tyamaiy : framātam
Line: 20 𐏐 𐎨𐎼𐎫𐎴𐎡𐎹 𐏐 𐎠𐎺 𐏐 𐎢𐎨𐎠𐎼𐎶𐎡𐎹 𐏐 𐎠𐎤𐎢𐎴𐎢𐏁 𐏐 𐎫]/[𐎹
: c-r-t-n-i-y : a-v : u-c-a-r-m-i-y : a-ku-u-n-u-š : t]-/[y
: cartanaiy : ava : ucāramaiy : akunauš : tya
Line: 21 𐏐 𐎠𐎭𐎶 𐏐 𐎠]𐎤𐎢𐎴𐎺𐎶 𐏐 𐎻𐎡𐎿[𐎶 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐]
: a-d-m : a]-ku-u-n-v-m : vi-i-s-[m : v-š-n-a : a-u-r-m-z-d-a-h :]
: adam : akunavam : visam : vašnā : Auramazdāha :
Line: 22 [𐎠𐎤𐎢𐎴]𐎺𐎶 𐏐 𐎡𐎶 𐏐 𐏃[𐎮𐎡𐏁 𐏐 𐎫𐎹 𐏐 𐏂𐎢𐏁𐎠𐎹]𐎠 𐏐 𐎠𐎤𐎢[𐎴𐎺𐎶 𐏐]
[a-ku-u-n]-v-m : i-m : h-[di-i-š : t-y : ç-u-š-a-y]-a : a-ku-u-[n-v-m :]
akunavam : ima : hadiš : tya : Çūšāyā : akunavam :
Line: 23 [𐏃𐎨𐎠𐎨𐎡]𐎹 𐏐 𐎯𐎢𐎼𐎭𐏁 [𐏐 𐎠𐎼𐎩𐎴𐎶𐏁𐎡𐎹 𐏐 𐎠𐎲𐎼𐎡𐎹 𐏐] 𐎳[𐎼𐎺]/[𐎫
[h-c-a-c-i]-y : du-u-r-d-š [: a-r-j-n-m-š-i-y : a-b-r-i-y :] f-[r-v]-/[t
hacāciy : dūradaša : arjanamšaiy : abariya : fravata
Line: 24 𐏐] 𐏏 𐏐 𐎠𐎣𐎴𐎡𐎹 𐏐 𐎹𐎠𐎫𐎠 𐏐 𐎠[𐎰𐎥𐎶 𐏐 𐏏𐎹𐎠 𐏐 𐎠]𐎺𐎠𐎼𐎿𐎶 [𐏐]
:] BU : a-k-n-i-y : y-a-t-a : a-[ϑ-g-m : BU-y-a : a]-v-a-r-s-m [:]
: BU : akaniya : yātā : aϑagam : BUyā : avārasam :
Line: 25 [𐎹𐎰]𐎠 𐏐 𐎣𐎫𐎶 𐏐 𐎠𐎲𐎺 𐏐 𐎱𐎿𐎠𐎺 𐏐 [𐎰𐎡𐎣]𐎠 𐏐 𐎠[𐎺𐎴]𐎡𐎹 𐏐 𐎠𐎴𐎡𐎹[𐎠 𐏐]
[y-ϑ]-a : k-t-m : a-b-v : p-s-a-v : [ϑ-i-k]-a : a-[v-n]-i-y : a-n-i-y-[a :]
yaϑā : katam : abava : pasāva : ϑikā : avaniya : aniyā :
Line: 26 [𐏔]𐏔 𐏐 𐎠𐎼𐏁𐎴𐎡𐏁 𐏐 𐎲𐎼𐏁𐎴𐎠 𐏐 𐎠𐎴[𐎡𐎹]𐎠 𐏐 [𐏔 𐏐] 𐎠𐎼𐏁𐎴𐎡𐏁 𐏐 𐎲𐎼𐏁/𐎴𐎠
[20]-20 : a-r-š-n-i-š : b-r-š-n-a : a-n-[i-y]-a : [20 :] a-r-š-n-i-š : b-r-š-/n-a
40: arašaniš : baršnā : aniyā : 20: arašaniš : baršnā
Line: 27 𐏐 𐎢𐎱𐎼𐎡𐎹 𐏐 𐎠𐎺𐎠𐎶 𐏐 𐎰𐎡𐎣𐎠𐎶 𐏐 𐏃𐎮𐎡𐏁 𐏐 𐎳𐎼𐎠𐎿𐏃[𐎹]
: u-p-r-i-y : a-v-a-m : ϑ-i-k-a-m : h-di-i-š : f-r-a-s-h-[y]
: upariy : avām : ϑikām : hadiš : frāsahya
Line: 28 𐏐 𐎢𐎫𐎠 𐏐 𐎫𐎹 𐏐 𐏏 𐏐 𐎠𐎣𐎴𐎡𐎹 𐏐 𐎳𐎼𐎺𐎫 𐏐 𐎢𐎫𐎠 𐏐 𐎫𐎹 𐏐 𐎰𐎡𐎣𐎠 𐏐
: u-t-a : t-y : BU : a-k-n-i-y : f-r-v-t : u-t-a : t-y : ϑ-i-k-a :
: utā : tya : BU : akaniya : fravata : utā : tya : ϑikā :
Line: 29 𐎠𐎺𐎴𐎡𐎹 𐏐 𐎢𐎫𐎠 𐏐 𐎫𐎹 𐏐 𐎡𐏁𐎫𐎡𐏁 𐏐 𐎠𐎩𐎴𐎡𐎹 𐏐 𐎣𐎠𐎼 𐏐 𐏃𐎹 𐏐 𐎲𐎠/[𐎲]𐎡𐎽𐎢𐎻𐎡𐎹
a-v-n-i-y : u-t-a : t-y : i-š-t-i-š : a-j-n-i-y : k-a-r : h-y : b-a-/[b]-i-ru-u-vi-i-y
avaniya : utā : tya : ištiš : ajaniya : kāra : hya : Bābiruviya
Line: 30 𐏐 𐏃𐎢𐎺 𐏐 𐎠𐎤𐎢𐎴𐎢𐏁 𐏐 𐎰𐎼𐎷𐎡𐏁 𐏐 𐏃𐎹 𐏐 𐎴𐎢/𐎨𐎡𐎴
: h-u-v : a-ku-u-n-u-š : ϑ-r-mi-i-š : h-y : n-u-/c-i-n
: hauv : akunauš : ϑarmiš : hya : naucaina
Line: 31 𐏐 𐏃𐎢𐎺 𐏐 𐎾𐎲𐎴𐎠𐎴 𐏐 𐎴𐎠𐎶 𐏐 𐎣𐎢𐎳 𐏐 𐏃𐎨𐎠 𐏐 𐎠𐎺𐎴𐎠 𐏐 𐎠𐎲/[𐎼]𐎡𐎹
: h-u-v : l-b-n-a-n : n-a-m : k-u-f : h-c-a : a-v-n-a : a-b-/[r]-i-y
: hauv : Labanāna : nāma : kaufa : hacā : avanā : abariya
Line: 32 𐏐 𐎣𐎠𐎼 𐏐 𐏃𐎹 𐏐 𐎠𐎰𐎢𐎼𐎡𐎹 𐏐 𐏃𐎢𐎮𐎡𐎶 𐏐 𐎠𐎲𐎼 𐏐 𐎹𐎠𐎫𐎠 𐏐
: k-a-r : h-y : a-ϑ-u-r-i-y : h-u-di-i-m : a-b-r : y-a-t-a :
: kāra : hya : Aϑuriya : haudim : abara : yātā :
Line: 33 𐎲𐎠𐎲𐎡𐎼𐎢𐎺 𐏐 𐏃𐎨𐎠 [𐏐 𐎲𐎠𐎲]𐎡𐎼𐎢𐎺 𐏐 𐎣𐎼𐎣𐎠 𐏐 𐎢𐎫𐎠 𐏐 𐎹𐎢/𐎴[𐎠
b-a-b-i-r-u-v : h-c-a [: b-a-b]-i-r-u-v : k-r-k-a : u-t-a : y-u-/n-[a
Bābarauv : hacā : Bābarauv : Karkā : utā : Yaunā
Line: 34 𐏐 𐎠𐎲]𐎼 𐏐 𐎹𐎠𐎫[𐎠 𐏐 𐏂𐎢𐏁𐎠]𐎹𐎠 𐏐 𐎹𐎣𐎠 𐏐 𐏃𐎨𐎠 𐏐 𐎥𐎭𐎠𐎼𐎠
: a-b]-r : y-a-t-[a : ç-u-š-a]-y-a : y-k-a : h-c-a : g-d-a-r-a
: abara : yātā : Çūšāyā : yakā : hacā : Gadārā
Line: 35 𐏐 𐎠[𐎲𐎼]𐎡𐎹 𐏐 𐎢𐎫𐎠 [𐏐 𐏃𐎨𐎠 𐏐] 𐎣𐎼𐎶𐎠𐎴𐎠 𐏐 𐎭𐎼𐎴𐎡𐎹𐎶 𐏐 𐏃𐎨𐎠
: a-[b-r]-i-y : u-t-a [: h-c-a :] k-r-m-a-n-a : d-r-n-i-y-m : h-c-a
: abariya : utā : hacā : Karmānā : daraniyam : hacā
Line: 36 𐏐 𐎿[𐎱]𐎼𐎭𐎠 𐏐 𐎢𐎫𐎠 𐏐 𐏃𐎨𐎠 𐏐 𐎲𐎠𐎧𐎫𐎼𐎡𐎹𐎠 𐏐 𐎠𐎲𐎼𐎡𐎹 𐏐 𐎫𐎹
: s-[p]-r-d-a : u-t-a : h-c-a : b-a-x-t-r-i-y-a : a-b-r-i-y : t-y
: Spardā : utā : hacā : Bāxtriyā : abariya : tya
Line: 37 [𐏐 𐎡]𐎭[𐎠] 𐏐 𐎠𐎣𐎼𐎡𐎹 𐏐 𐎣𐎠𐎿𐎣 𐏐 𐏃𐎹 𐏐 𐎣𐎱𐎢𐎫𐎣 𐏐 𐎢𐎫𐎠 𐏐 𐎿𐎡𐎣𐎲/𐎽𐎢𐏁
[: i]-d-[a] : a-k-r-i-y : k-a-s-k : h-y : k-p-u-t-k : u-t-a : s-i-k-b-/ru-u-š
: idā : akariya : kāsaka : hya : kapautaka : utā : sikabruš
Line: 38 [𐏐] 𐏃𐎹 𐏐 𐎡𐎭𐎠 𐏐 𐎣𐎼𐎫 𐏐 𐏃𐎢𐎺 𐏐 𐏃𐎨𐎠 𐏐 𐎿𐎢𐎦𐎢𐎭𐎠 𐏐 𐎠𐎲/𐎼𐎡𐎹
[:] h-y : i-d-a : k-r-t : h-u-v : h-c-a : s-u-gu-u-d-a : a-b-/r-i-y
: hya : idā : karta : hauv : hacā : Sugudā : abariya
Line: 39 𐏐 𐎣𐎠𐎿𐎣 𐏐 𐏃𐎹 𐏐 𐎠𐎧𐏁𐎡𐎴 𐏐 𐏃𐎢𐎺 𐏐 𐏃𐎨𐎠 𐏐 𐎢𐎺𐎠𐎼𐏀/𐎷𐎡𐎹𐎠
: k-a-s-k : h-y : a-x-š-i-n : h-u-v : h-c-a : u-v-a-r-z-/mi-i-y-a
: kāsaka : hya : axšaina : hauv : hacā : Uvārazmiyā
Line: 40 𐏐 𐎠𐎲𐎼𐎡𐎹 𐏐 𐏃𐎹 𐏐 𐎡𐎭𐎠 𐏐 𐎣𐎼𐎫 𐏐 𐎠𐎼𐎭𐎫𐎶 𐏐 𐎢𐎫𐎠 𐏐 𐎠/𐎿𐎠
: a-b-r-i-y : h-y : i-d-a : k-r-t : a-r-d-t-m : u-t-a : a-/s-a
: abariya : hya : idā : karta : ardatam : utā : asā
Line: 41 𐏐 𐎭𐎠𐎽𐎢𐎺 𐏐 𐏃𐎨𐎠 𐏐 𐎸𐎢𐎭𐎼𐎠𐎹𐎠 𐏐 𐎠𐎲𐎼𐎡𐎹 𐏐 𐎠𐎼/𐎩𐎴𐎶
: d-a-ru-u-v : h-c-a : mu-u-d-r-a-y-a : a-b-r-i-y : a-r-/j-n-m
: dāruv : hacā : Mudrāyā : abariya : arjanam
Line: 42 𐏐 𐎫𐎹𐎴𐎠 𐏐 𐎮𐎡𐎭𐎠 [𐏐 𐎱]𐎡𐏁𐎫𐎠 𐏐 𐎠𐎺 𐏐 𐏃𐎨𐎠 𐏐 𐎹𐎢𐎴/𐎠
: t-y-n-a : di-i-d-a [: p]-i-š-t-a : a-v : h-c-a : y-u-n-/a
: tyanā : didā : pištā : ava : hacā : Yaunā
Line: 43 [𐏐 𐎠]𐎲𐎼𐎡𐎹 𐏐 𐎱𐎡𐎽𐎢𐏁 [𐏐 𐏃]𐎹 𐏐 𐎡𐎭𐎠 𐏐 𐎣𐎼𐎫 𐏐 𐏃𐎨𐎠 𐏐 𐎤𐎢𐏁/𐎠
[: a]-b-r-i-y : p-i-ru-u-š [: h]-y : i-d-a : k-r-t : h-c-a : ku-u-š-/a
: abariya : piruš : hya : idā : karta : hacā : Kūšā
Line: 44 𐏐 𐎢𐎫𐎠 𐏐 𐏃𐎨𐎠 𐏐 𐏃𐎡𐎭𐎢𐎺 𐏐 𐎢𐎫𐎠 𐏐 𐏃𐎨𐎠 𐏐 𐏃𐎼𐎢𐎺𐎫/𐎡𐎹𐎠
: u-t-a : h-c-a : h-i-d-u-v : u-t-a : h-c-a : h-r-u-v-t-/i-y-a
: utā : hacā : Hidauv : utā : hacā : Harauvatiyā
Line: 45 𐏐 𐎠𐎲𐎼𐎡𐎹 𐏐 𐎿𐎬𐎢𐎴𐎠 𐏐 𐎠𐎰𐎥𐎡𐎴𐎡𐎹 𐏐 𐎫𐎹 𐏐 𐎡𐎭/𐎠
: a-b-r-i-y : s-tu-u-n-a : a-ϑ-g-i-n-i-y : t-y : i-d-/a
: abariya : stūnā : aϑagainiya : tya : idā
Line: 46 𐏐 𐎣𐎼𐎫𐎠 𐏐 𐎠𐎲𐎡𐎼𐎠𐎯𐎢𐏁 𐏐 𐎴𐎠𐎶 𐏐 𐎠𐎺𐏃𐎴𐎶 𐏐 𐎢𐎩𐎡𐎹
: k-r-t-a : a-b-i-r-a-du-u-š : n-a-m : a-v-h-n-m : u-j-i-y
: kartā : Abirāduš : nāma : āvahanam : Ūjaiy
Line: 47 𐏐 𐏃𐎨𐎠 𐏐 𐎠𐎺𐎭𐏁 𐏐 𐎠𐎲𐎼𐎡𐎹 𐏐 𐎶𐎼𐎫𐎡𐎹𐎠 𐏐 𐎣𐎼𐎵𐎢𐎺𐎣𐎠 𐏐 𐎫/[𐎹𐎡𐎹]
: h-c-a : a-v-d-š : a-b-r-i-y : m-r-t-i-y-a : k-r-nu-u-v-k-a : t-/[y-i-y]
: hacā : avadaša : abariya : martiyā : karnuvakā : tyaiy
Line: 48 𐏐 𐎠𐎰𐎥𐎶 𐏐 𐎠𐎤𐎢𐎴𐎺𐎫𐎠 𐏐 𐎠𐎺𐎡𐎹 𐏐 𐎹𐎢𐎴𐎠 𐏐 𐎢𐎫𐎠
: a-ϑ-g-m : a-ku-u-n-v-t-a : a-v-i-y : y-u-n-a : u-t-a
: aϑagam : akunavatā : avaiy : Yaunā : utā
Line: 49 [𐏐 𐎿]𐎱𐎼𐎭𐎡[𐎹𐎠 𐏐 𐎶𐎼𐎫𐎡𐎹]𐎠 𐏐 𐎭[𐎠]𐎼𐎴𐎡𐎹𐎣𐎼𐎠 𐏐 𐎫𐎹𐎡𐎹 𐏐 𐎭𐎼𐎴/𐎡𐎹𐎶
[: s]-p-r-d-i-[y-a : m-r-t-i-y]-a : d-[a]-r-n-i-y-k-r-a : t-y-i-y : d-r-n-/i-y-m
: Spardiyā : martiyā : dāraniyakarā : tyaiy : daraniyam
Line: 50 [𐏐 𐎠𐎤𐎢𐎴𐎺𐏁 𐏐 𐎠𐎺𐎡𐎹 𐏐] 𐎶𐎠𐎭𐎠 [𐏐] 𐎢𐎫𐎠 𐏐 𐎸𐎢𐎭𐎼𐎠𐎹/𐎠
[: a-ku-u-n-v-š : a-v-i-y :] m-a-d-a [:] u-t-a : mu-u-d-r-a-y-/a
: akunavaša : avaiy : Mādā : utā : Mudrāyā
Line: 51 𐏐 𐎶𐎼𐎫𐎡𐎹[𐎠 𐏐 𐎫𐎹𐎡𐎹 𐏐 𐎭𐎠𐎽]𐎢𐎺 𐏐 𐎠𐎤𐎢𐎴𐎺𐏁 𐏐 𐎠𐎺𐎡𐎹 𐏐
: m-r-t-i-y-[a : t-y-i-y : d-a-ru]-u-v : a-ku-u-n-v-š : a-v-i-y :
: martiyā : tyaiy : dāruv : akunavaša : avaiy :
Line: 52 𐎿[𐎱𐎼𐎭𐎡]𐎹𐎠 𐏐 𐎢𐎫𐎠 [𐏐 𐎸]𐎢𐎭𐎼𐎠𐎹𐎠 𐏐 𐎶𐎼𐎫[𐎡𐎹𐎠] 𐏐 𐎫𐎹𐎡𐎹
s-[p-r-d-i]-y-a : u-t-a [: mu]-u-d-r-a-y-a : m-r-t-[i-y-a] : t-y-i-y
Spardiyā : utā : Mudrāyā : martiyā : tyaiy
Line: 53 [𐏐 𐎠𐎦𐎢𐎽𐎢𐎶 𐏐 𐎠𐎤]𐎢𐎴𐎺𐏁 𐏐 𐎠𐎺𐎡𐎹 𐏐 𐎲𐎠𐎲𐎡𐎽𐎢𐎻𐎡𐎹/𐎠
[: a-gu-u-ru-u-m : a-ku]-u-n-v-š : a-v-i-y : b-a-b-i-ru-u-vi-i-y-/a
: agurum : akunavaša : avaiy : Bābiruviyā
Line: 54 𐏐 𐎶𐎼𐎫𐎡[𐎹𐎠 𐏐 𐎫𐎹𐎡𐎹 𐏐] 𐎮𐎡𐎭𐎠𐎶 𐏐 𐎠𐎱𐎡𐎰 [𐏐] 𐎠𐎺𐎡𐎹 [𐏐 𐎶]𐎠𐎭/𐎠
: m-r-t-i-[y-a : t-y-i-y :] di-i-d-a-m : a-p-i-ϑ [:] a-v-i-y [: m]-a-d-/a
: martiyā : tyaiy : didām : apiϑa : avaiy : Mādā
Line: 55 𐏐 𐎢𐎫𐎠 𐏐 𐎸𐎢𐎭𐎼𐎠𐎹𐎠 𐏐 𐎰𐎠𐎫[𐎡]𐎹 𐏐 𐎭𐎠𐎼𐎹[𐎺𐎢𐏁 𐏐 𐏋 𐏐]
: u-t-a : mu-u-d-r-a-y-a : ϑ-a-t-[i]-y : d-a-r-y-[v-u-š : XŠ :]
: utā : Mudrāyā : ϑātiy : Dārayavauš : XŠ :
Line: 56 𐏂𐎢𐏁𐎠𐎹𐎠 𐏐 𐎱𐎽𐎢𐎺 𐏐 𐎳[𐎼]𐏁𐎶 𐏐 [𐎳𐎼𐎶]𐎠𐎫𐎶 𐏐 𐎱𐎽[𐎢𐎺 𐏐] 𐎳𐎼𐏁/[𐎶
ç-u-š-a-y-a : p-ru-u-v : f-[r]-š-m : [f-r-m]-a-t-m : p-ru-[u-v :] f-r-š-/[m
Çūšāyā : paruv : frašam : framātam : paruv : frašam
Line: 57 𐏐] 𐎣𐎼[𐎫𐎶 𐏐] 𐎶𐎠𐎶 𐏐 𐎠[𐎢]𐎼𐎶𐏀𐎭𐎠 𐏐 𐎱𐎠𐎬𐎢𐎺 [𐏐 𐎢]𐎫𐎠 [𐏐 𐎻]/[𐎡𐏁𐎫𐎠𐎿𐎱𐎶
:] k-r-[t-m :] m-a-m : a-[u]-r-m-z-d-a : p-a-tu-u-v [: u]-t-a [: vi]-/[i-š-t-a-s-p-m
: kartam : mām : Auramazdā : pātuv : utā : Vištāspam
Line: 58 𐏐 𐏃𐎹 𐏐] 𐎶𐎴𐎠 𐏐 𐎱𐎡𐎫𐎠 𐏐 𐎢𐎫𐎶[𐎡]𐎹 𐏐 𐏍𐎢𐎶
: h-y :] m-n-a : p-i-t-a : u-t-m-[i]-y : DH-u-m
: hya : manā : pitā : utamaiy : DHum
Line: 1 𐎠𐎭𐎶 𐏐 𐎭𐎠𐎼𐎹𐎺𐎢[𐏁 𐏋 𐎺𐏀𐎼𐎣 𐏋 𐏋𐎹𐎠𐎴𐎠𐎶 𐏋 𐏍𐎴𐎠𐎶 𐏋 𐎠𐏃]/𐎹𐎠𐎹𐎠
a-d-m : d-a-r-y-v-u-[š XŠ v-z-r-k XŠ XŠ-y-a-n-a-m XŠ DH-n-a-m XŠ a-h]-/y-a-y-a
adam : Dārayavauš XŠ vazraka XŠ XŠyanām XŠ DHnām XŠ ahyāyā
Line: 2 𐏏𐎹𐎠 𐏐 𐎻[𐎡𐏁𐎫𐎠𐎿𐎱𐏃𐎹𐎠 𐎱𐎢𐏂 𐏃𐎧𐎠𐎶𐎴𐎡𐏁𐎡𐎹 𐎰𐎠𐎫]/𐎡𐎹
BU-y-a : vi-[i-š-t-a-s-p-h-y-a p-u-ç h-x-a-m-n-i-š-i-y ϑ-a-t]-/i-y
BUyā : Vištāspahyā puça Haxāmanišiya ϑātiy
Line: 3 𐏐 𐎭𐎠𐎼𐎹𐎺[𐎢𐏁 𐏋 𐎻𐎡𐎰𐎡𐎹𐎠 𐎡𐎶𐎠 𐎿𐎬𐎢𐎴𐎠 𐎠𐎭𐎶 𐎠𐎤𐎢𐎴𐎺𐎶]
: d-a-r-y-v-[u-š XŠ vi-i-ϑ-i-y-a i-m-a s-tu-u-n-a a-d-m a-ku-u-n-v-m]
: Dārayavauš XŠ viϑiyā imā stūnā adam akunavam
Line: 1 𐎠𐎭[𐎶 𐏐 𐎭𐎠𐎼𐎹]𐎺𐎢𐏁 𐏋 [𐏐 𐎺𐏀𐎼𐎣 𐏐 𐏋 𐏋𐎹𐎠𐎴𐎠𐎶 𐏐 𐏋 𐏍𐎴𐎠𐎶 𐏋 𐎠]/𐏃𐎹𐎠[𐎹𐎠
a-d-[m : d-a-r-y]-v-u-š XŠ [: v-z-r-k : XŠ XŠ-y-a-n-a-m : XŠ DH-n-a-m XŠ a]-/h-y-a-[y-a
adam : Dārayavauš XŠ : vazraka : XŠ XŠyanām : XŠ DHnām XŠ ahyāyā
Line: 2 𐏏𐎹]𐎠 𐏐 𐎻𐎡𐏁𐎫𐎠[𐎿𐎱𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰]/𐎠𐎫𐎡𐎹
BU-y]-a : vi-i-š-t-a-[s-p-h-y-a : p-u-ç : h-x-a-m-n-i-š-i-y : ϑ]-/a-t-i-y
BUyā : Vištāspahyā : puça : Haxāmanišiya : ϑātiy
Line: 3 𐏐 𐎭𐎠𐎼𐎹𐎺𐎢𐏁 𐏋 𐏐 𐎹[𐎰𐎠 𐏐 𐏈 𐏐 𐎶𐎠𐎶 𐏐 𐏋𐎹𐎶 𐏐 𐎠𐎤𐎢𐎴𐎢𐏁 𐏐]
: d-a-r-y-v-u-š XŠ : y-[ϑ-a : AM : m-a-m : XŠ-y-m : a-ku-u-n-u-š :]
: Dārayavauš XŠ : yaϑā : AM : mām : XŠyam : akunauš :
Line: 4 𐎠𐏃𐎹𐎠𐎹𐎠 𐏏𐎹𐎠 𐏐 𐎺𐏁𐎴𐎠 [𐏐 𐏊 𐏐 𐎻𐎡𐎿𐎶 𐏐 𐎴𐎡𐎲𐎶 𐏐 𐎠𐎤𐎢𐎴𐎺𐎶]
a-h-y-a-y-a BU-y-a : v-š-n-a [: AM-h : vi-i-s-m : n-i-b-m : a-ku-u-n-v-m]
ahyāyā BUyā : vašnā : AMha : visam : naibam : akunavam
Line: 1 [𐎠𐎭𐎶 𐏐 𐎭]𐎠𐎼𐎹𐎺𐎢𐏁 𐏋 𐏐 𐎺𐏀𐎼𐎣 𐏋 𐏋𐎹𐎠𐎴𐎠[𐎶 𐏐 𐏋 𐎠𐏃𐎹𐎠𐎹𐎠 𐏏𐎹𐎠 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐]
[a-d-m : d]-a-r-y-v-u-š XŠ : v-z-r-k XŠ XŠ-y-a-n-a-[m : XŠ a-h-y-a-y-a BU-y-a : vi-i-š-t-a-s-p-h-y-a :]
adam : Dārayavauš XŠ : vazraka XŠ XŠyanām : XŠ ahyāyā BUyā : Vištāspahyā :
Line: 2 [𐎱𐎢𐏂] 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎭𐎠[𐎼𐎹𐎺𐎢𐏁 𐏋 𐏐 𐎻𐎡𐎿𐎶 𐏐 𐎫𐎹 𐏐 𐎠𐎭𐎶 𐏐 𐎠𐎤𐎢𐎴𐎺]/[𐎶
[p-u-ç] : h-x-a-m-n-i-š-i-y : ϑ-a-t-i-y : d-a-[r-y-v-u-š XŠ : vi-i-s-m : t-y : a-d-m : a-ku-u-n-v]-/[m
puça : Haxāmanišiya : ϑātiy : Dārayavauš XŠ : visam : tya : adam : akunavam
Line: 3 𐏐 𐎠𐎴]𐎡𐎹𐎰𐎠 𐏐 𐎴𐎡𐎹 𐏐 𐎠𐎤𐎢𐎴𐎺𐎶 𐏐 𐎹𐎰𐎠 [𐏐 𐏈𐎶 𐏐 𐎣𐎠𐎶 𐏐 𐎠𐏃 𐏐 𐎠𐎺𐎰𐎠 𐏐 𐎠𐎤𐎢𐎴𐎺]/[𐎶
: a-n]-i-y-ϑ-a : n-i-y : a-ku-u-n-v-m : y-ϑ-a [: AM-m : k-a-m : a-h : a-v-ϑ-a : a-ku-u-n-v]-/[m
: aniyaϑā : naiy : akunavam : yaϑā : AMm : kāma : āha : avaϑā : akunavam
Line: 4 𐏐 𐎶𐎠]𐎶 𐏐 𐏈 𐏐 𐎭𐎢𐏁𐎫𐎠 𐏐 𐎠𐏃 𐏐 𐎫𐎹 𐏐 𐎠𐎤𐎢[𐎴𐎺𐎶 𐏐 𐎠𐎺𐎶𐎡𐎹 𐏐 𐎻𐎡𐎿𐎶 𐏐 𐎢𐎨𐎠𐎼𐎶 𐏐 𐎠𐏃 𐏐 𐎰𐎠]/[𐎫𐎡𐎹
: m-a]-m : AM : d-u-š-t-a : a-h : t-y : a-ku-u-[n-v-m : a-v-m-i-y : vi-i-s-m : u-c-a-r-m : a-h : ϑ-a]-/[t-i-y
: mām : AM : dauštā : āha : tya : akunavam : avamaiy : visam : ucāram : āha : ϑātiy
Line: 5 𐏐 𐎭]𐎠𐎼𐎹𐎺𐎢𐏁 𐏋 𐏐 𐎺𐏁𐎴𐎠 𐏊𐎠 𐏐 𐏃𐎹 [𐏐 𐎡𐎶 𐏐 𐏃𐎮𐎡𐏁 𐏐 𐎺𐎡𐎴𐎠𐎫𐎡𐎹 𐏐 𐎫𐎹 𐏐 𐎶𐎴𐎠 𐏐 𐎣]/[𐎼𐎫𐎶
: d]-a-r-y-v-u-š XŠ : v-š-n-a AM-h-a : h-y [: i-m : h-di-i-š : v-i-n-a-t-i-y : t-y : m-n-a : k]-/[r-t-m
: Dārayavauš XŠ : vašnā AMhā : hya : ima : hadiš : vainātaiy : tya : manā : kartam
Line: 6 𐏐] 𐎻𐎡𐎿𐏃𐎹𐎠 𐏐 𐎳𐎼𐏁𐎶 𐏐 𐎰𐎭𐎹𐎠[𐎫𐎡𐎹 𐏐 𐎶𐎠𐎶 𐏐 𐏈 𐏐 𐎱𐎠𐎬𐎢𐎺 𐏐 𐎢𐎫𐎶𐎡𐎹 𐏐 𐏍𐎢𐎶]
:] vi-i-s-h-y-a : f-r-š-m : ϑ-d-y-a-[t-i-y : m-a-m : AM : p-a-tu-u-v : u-t-m-i-y : DH-u-m]
: visahyā : frašam : ϑadayātaiy : mām : AM : pātuv : utamaiy : DHum
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹/𐎠𐎴𐎠𐎶
a-d-m : d-a-r-y-v-u-š : XŠ : v-z-r-k : XŠ : XŠ-y-/a-n-a-m
adam : Dārayavauš : XŠ : vazraka : XŠ : XŠyanām
Line: 2 𐏐 𐏋 𐏐 𐏍𐎴𐎠𐎶 𐏐 𐎻𐏁𐎫𐎠𐎿𐎱𐏃𐎹𐎠 𐏐
: XŠ : DH-n-a-m : vi-š-t-a-s-p-h-y-a :
: XŠ : DHnām : Vištāspahyā :
Line: 3 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎭𐎠/𐎼𐎹𐎺𐎢𐏁
p-u-ç : h-x-a-m-n-i-š-i-y : ϑ-a-t-i-y : d-a-/r-y-v-u-š
puça : Haxāmanišiya : ϑātiy : Dārayavauš
Line: 4 𐏐 𐏋 𐏐 𐎶𐎴𐎠 𐏐 𐏈 𐏐 𐏊 𐏐 𐎠𐎭𐎶 𐏐 𐏈𐎶 𐏐
: XŠ : m-n-a : AM : AM-h : a-d-m : AM-m :
: XŠ : manā : AM : AMha : adam : AMm :
Line: 5 𐎠𐎹𐎭𐎡𐎹 𐏐 𐏈𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎲𐎼𐎬𐎢𐎺
a-y-d-i-y : AM-m-i-y : u-p-s-t-a-m : b-r-tu-u-v
ayadaiy : AMmaiy : upastām : baratuv
Line: 1 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧/𐏁𐎠𐎹𐎰𐎡𐎹
ϑ-a-t-i-y : d-a-r-y-v-u-š : x-/š-a-y-ϑ-i-y
ϑātiy : Dārayavauš : xšāyaϑiya
Line: 2 𐏐 𐎺𐏁𐎴𐎠 𐏐 𐎠𐎢𐎼/𐎶𐏀𐎭𐎠𐏃𐎠
: v-š-n-a : a-u-r-/m-z-d-a-h-a
: vašnā : Auramazdāhā
Line: 3 𐏐 𐎫𐎹 𐏐 𐎠𐎶𐎴𐎡𐎹𐎡/𐎹
: t-y : a-m-n-i-y-i-/y
: tya : amaniyaiy
Line: 4 𐏐 𐎤𐎢𐎴𐎺𐎠𐎴𐎡𐎹 𐏐 𐎠𐎺𐎶𐎡/𐎹
: ku-u-n-v-a-n-i-y : a-v-m-i-/y
: kunavānaiy : avamaiy
Line: 5 𐏐 𐎻𐎡𐎿𐎶 𐏐 𐎢𐎨𐎠𐎼𐎶 𐏐 𐎠𐏃 𐏐
: vi-i-s-m : u-c-a-r-m : a-h :
: visam : ucāram : āha :
Line: 1 [𐎠𐎭𐎶 𐏐] 𐎭𐎠𐎼𐎹𐎺𐎢𐏁 [𐏐 𐏋 𐏐] 𐎺𐏀𐎼𐎣 [𐏐 𐏋 𐏐 𐏋𐎹𐎠𐎴𐎠𐎶 𐏐]
[a-d-m :] d-a-r-y-v-u-š [: XŠ :] v-z-r-k [: XŠ : XŠ-y-a-n-a-m :]
adam : Dārayavauš : XŠ : vazraka : XŠ : XŠyanām :
Line: 2 [𐏋 𐏐 𐏍𐎴𐎠𐎶 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁]𐎡𐎹 [𐏐]
[XŠ : DH-n-a-m : vi-i-š-t-a-s-p-h-y-a : p-u-ç : h-x-a-m-n-i-š]-i-y [:]
XŠ : DHnām : Vištāspahyā : puça : Haxāmanišiya :
Line: 3 𐎰𐎠𐎫𐎡𐎹 [𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐏈𐎶𐎡𐎹 𐏐 𐎧𐏁𐏂𐎶 𐏐 𐎳𐎼𐎠𐎲𐎼 𐏐]
ϑ-a-t-i-y [: d-a-r-y-v-u-š : XŠ : AM-m-i-y : x-š-ç-m : f-r-a-b-r :]
ϑātiy : Dārayavauš : XŠ : AMmaiy : xšaçam : frābara :
Line: 4 [𐎫𐎹 𐏐 𐎺𐏀𐎼]𐎣𐎶 [𐏐 𐎫𐎹 𐏐 𐎢𐎶𐎼𐎫𐎡𐎹𐎶 𐏐 𐎶𐎠𐎶 𐏐 𐎧𐏁𐎠𐎹𐎰𐎡𐎹𐎶 𐏐]
[t-y : v-z-r]-k-m [: t-y : u-m-r-t-i-y-m : m-a-m : x-š-a-y-ϑ-i-y-m :]
tya : vazrakam : tya : umartiyam : mām : xšāyaϑiyam :
Line: 5 [𐎠𐏃𐎹𐎠𐎹𐎠 𐏐 𐎲𐎢]𐎷𐎡[𐎹𐎠 𐏐 𐎠𐎤𐎢𐎴𐎢𐏁 𐏐] 𐎺𐏁[𐎴𐎠 𐏐 𐏊𐎠 𐏐 𐎡𐎶𐎠 𐏐 𐎭𐏃]/[𐎹𐎠𐎺
[a-h-y-a-y-a : b-u]-mi-i-[y-a : a-ku-u-n-u-š :] v-š-[n-a : AM-h-a : i-m-a : d-h]-/[y-a-v
ahyāyā : būmiyā : akunauš : vašnā : AMhā : imā : dahyāva
Line: 6 𐏐 𐎫𐎹𐎡𐏁𐎠𐎶 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺𐎶 𐏐 𐎱𐎠𐎼𐎿 𐏐]
: t-y-i-š-a-m : a-d-m : x-š-a-y-ϑ-i-y : a-b-v-m : p-a-r-s :]
: tyaišām : adam : xšāyaϑiya : abavam : Pārsa :
Line: 7 [𐎢𐎩 𐏐 𐎲𐎠𐎲𐎡𐎽𐎢𐏁 𐏐 𐎠𐎰𐎢𐎼𐎠 𐏐 𐎠𐎼𐎲𐎠𐎹 𐏐 𐎸𐎢𐎭𐎼𐎠𐎹 𐏐 𐎿𐎱𐎼𐎭 𐏐]
[u-j : b-a-b-i-ru-u-š : a-ϑ-u-r-a : a-r-b-a-y : mu-u-d-r-a-y : s-p-r-d :]
Ūja : Bābirauš : Aϑurā : Arabāya : Mudrāya : Sparda :
Line: 8 [𐎹𐎢𐎴 𐏐 𐎶𐎠𐎭 𐏐 𐎠𐎼𐎷𐎡𐎴 𐏐 𐎣𐎫𐎱𐎬𐎢𐎣 𐏐 𐎱𐎼𐎰𐎺 𐏐 𐏀𐎼𐎣 𐏐]
[y-u-n : m-a-d : a-r-mi-i-n : k-t-p-tu-u-k : p-r-ϑ-v : z-r-k :]
Yauna : Māda : Armina : Katpatuka : Parϑava : Zraka :
Line: 9 [𐏃𐎼𐎡𐎺 𐏐 𐎢𐎺𐎠𐎼𐏀𐎷𐎡𐏁 𐏐 𐎲𐎠𐎧𐎫𐎼𐎡𐏁 𐏐 𐎿𐎢𐎦𐎢𐎭 𐏐 𐎥𐎭𐎠𐎼 𐏐]
[h-r-i-v : u-v-a-r-z-mi-i-š : b-a-x-t-r-i-š : s-u-gu-u-d : g-d-a-r :]
Haraiva : Uvārazmiš : Bāxtriš : Suguda : Gadāra :
Line: 10 [𐎰𐎫𐎦𐎢𐏁 𐏐 𐏃𐎼𐎢𐎺𐎫𐎡𐏁 𐏐 𐏃𐎡𐎯𐎢𐏁 𐏐 𐎿𐎤𐎢𐎭𐎼 𐏐 𐎹𐎢𐎴𐎠 𐏐 𐎫𐎣]/[𐎲𐎼
[ϑ-t-gu-u-š : h-r-u-v-t-i-š : h-i-du-u-š : s-ku-u-d-r : y-u-n-a : t-k]-/[b-r
Θataguš : Harauvatiš : Hiduš : Skudra : Yaunā : takabara
Line: 11 𐏐 .....]
: .....]
: .....
Line: 1 [𐎡𐎶𐎶 𐏐 𐎱𐎫𐎡𐎣𐎼𐎶 𐏐 𐎭𐎠𐎼𐎹𐎺𐎢𐏁 𐏐 𐏋 𐏐] 𐎴𐎡𐎹𐏁[𐎫𐎠𐎹 𐏐 𐎨𐎼𐎫𐎴𐎹 𐏐 +++]
[i-m-m : p-t-i-k-r-m : d-a-r-y-v-u-š : XŠ :] n-i-y-š-[t-a-y : c-r-t-n-y : +++]
imam : patikaram : Dārayavauš : XŠ : niyaštāya : cartanaiy : ...
Line: 2 [+++]𐎴 𐏐 𐎭𐎠𐎼𐎹𐎺𐎢𐎶 𐏐 𐏋[𐎹𐎶 𐏐 𐏈 𐏐 𐎱𐎠𐎬𐎢𐎺 𐏐 𐎢𐎫𐎠 𐏐 𐎫𐎹 𐏐 𐎣𐎼𐎫𐎶]
[+++]-n : d-a-r-y-v-u-m : XŠ-[y-m : AM : p-a-tu-u-v : u-t-a : t-y : k-r-t-m]
... ...n : Dārayavaum : XŠyam : AM : pātuv : utā : tya : kartam
Line: 1 [+++++++++++++++]𐎴𐏁/[𐎫𐎶
[+++++++++++++++]-n-š-/[t-m
... našatam
Line: 2 𐏐 𐎠𐎤𐎢𐎴𐎺𐎶 𐏐 𐎰𐎠𐎫𐎡𐎹] 𐏐 𐎭𐎠/[𐎼𐎹𐎺𐎢𐏁
: a-ku-u-n-v-m : ϑ-a-t-i-y] : d-a-/[r-y-v-u-š
: akunavam : ϑātiy : Dārayavauš
Line: 3 𐏐 𐏋 𐏐 𐎺𐏁𐎴𐎠 𐏐 𐏊 𐏐] 𐏂𐎢𐏁/[𐎠𐎹𐎠
: XŠ : v-š-n-a : AM-h :] ç-u-š-/[a-y-a
: XŠ : vašnā : AMha : Çūšāyā
Line: 4 𐏐 𐎡𐎭𐎠 𐏐 𐎳𐎼𐏁𐎶 𐏐 𐎠𐎤𐎢𐎴]𐎺𐎶
: i-d-a : f-r-š-m : a-ku-u-n]-v-m
: idā : frašam : akunavam
Line: 1 [𐎠𐎢𐎼𐎶𐏀𐎭]𐎠 [𐏐 𐎺𐏀𐎼𐎣 𐏐 𐏃𐎹 𐏐 𐎶𐎰𐎡𐏁𐎫 𐏐 𐎲𐎥𐎠𐎴𐎠𐎶 𐏐 𐏃𐎢𐎺 𐏐 𐎭𐎠]/[𐎼𐎹𐎺𐎢𐎶
[a-u-r-m-z-d]-a [: v-z-r-k : h-y : m-ϑ-i-š-t : b-g-a-n-a-m : h-u-v : d-a]-/[r-y-v-u-m
Auramazdā : vazraka : hya : maϑišta : bagānām : hauv : Dārayavaum
Line: 2 𐏐] 𐏋𐎹[𐎶 𐏐 𐎠𐎭𐎠 𐏐 𐏃𐎢𐏁𐎡𐎹 𐏐 𐎧𐏁𐏂𐎶 𐏐 𐎳𐎼𐎠𐎲𐎼 𐏐 𐎫𐎹 𐏐 𐎴𐎡]/[𐎲𐎶
:] XŠ-y-[m : a-d-a : h-u-š-i-y : x-š-ç-m : f-r-a-b-r : t-y : n-i]-/[b-m
: XŠyam : adā : haušaiy : xšaçam : frābara : tya : naibam
Line: 3 𐏐 𐎫𐎹 𐏐 𐎢]𐎼𐎰𐎼𐎶 [𐏐 𐎢𐎺𐎿𐎱𐎶 𐏐 𐎢𐎶𐎼𐎫𐎡𐎹𐎶]
: t-y : u]-r-ϑ-r-m [: u-v-s-p-m : u-m-r-t-i-y-m]
: tya : uraϑaram : uvaspam : umartiyam
Line: 1 [...] 𐎠 [...]
[...] a [...]
... ā ...
Line: 2 [... 𐏐 𐎭𐎠𐎼]𐎹𐎺𐎢𐏁 [𐏐 𐏋 𐏐 ... 𐏐] 𐎨𐏁[𐎶 𐏐 ...]
[... : d-a-r]-y-v-u-š [: XŠ : ... :] c-š-[m : ...]
... : Dārayavauš : XŠ : ... : cašam : ...
Line: 3 [..... 𐏐 𐎠]𐎭𐎠𐎴𐎠 𐏐 [.... ...] 𐎴𐎿𐎫𐎠 [...]
[..... : a]-d-a-n-a : [.... ...] n-s-t-a [...]
..... : adānā : .... ... nasatā ...
Line: 4 [....]𐎶 𐏐 𐎶𐎠 𐏐 𐎣[... ...] 𐏐 𐎶𐎠 𐏐 𐎹𐎠[...]
[....]-m : m-a : k-[... ...] : m-a : y-a-[...]
....m : mā : ka... ... : mā : yā...
Line: 1 [𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎳𐎼𐏁𐎶 𐏐] 𐎠𐏃/[𐎹𐎠𐎹𐎠
[b-g : v-z-r-k : a-u-r-m-z-d-a : h-y : f-r-š-m :] a-h-/[y-a-y-a
baga : vazraka : Auramazdā : hya : frašam : ahyāyā
Line: 2 𐏐 𐎲𐎢𐎷𐎡𐎹𐎠 𐏐 𐎤𐎢𐎴𐎢𐎫𐎡𐎹 𐏐 𐏃]𐎹 𐏐 𐎶𐎼𐎫/[𐎡𐎹𐎶
: b-u-mi-i-y-a : ku-u-n-u-t-i-y : h]-y : m-r-t-/[i-y-m
: būmiyā : kunautiy : hya : martiyam
Line: 3 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡𐎹𐎠] 𐏐 𐎤𐎴𐎢/[𐎫𐎡𐎹
: a-h-y-a-y-a : b-u-mi-i-y-a] : ku-n-u-/[t-i-y
: ahyāyā : būmiyā : kunautiy
Line: 4 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎤𐎢𐎴]𐎢𐎫𐎡𐎹 𐏐
: h-y : š-i-y-a-t-i-m : ku-u-n]-u-t-i-y :
: hya : šiyātim : kunautiy :
Line: 5 [𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎢𐎺𐎿𐎱𐎠 𐏐] 𐎢𐎼𐎰𐎠𐎨𐎠 𐏐
[m-r-t-i-y-h-y-a : h-y : u-v-s-p-a :] u-r-ϑ-a-c-a :
martiyahyā : hya : uvaspā : uraϑācā :
Line: 6 [𐎤𐎢𐎴𐎢𐎫𐎡𐎹 𐏐 𐎶𐎴𐎠 𐏐 𐏃𐎢𐎮𐎡𐏁 𐏐 𐎳𐎼𐎠𐎲]𐎼 𐏐 𐎶𐎠𐎶 𐏐 𐎠𐎢/[𐎼𐎶𐏀𐎭𐎠
[ku-u-n-u-t-i-y : m-n-a : h-u-di-i-š : f-r-a-b]-r : m-a-m : a-u-/[r-m-z-d-a
kunautiy : manā : haudiš : frābara : mām : Auramazdā
Line: 7 𐏐 𐎱𐎠𐎬𐎢𐎺 𐏐 𐎢𐎫𐎠 𐏐 𐎫𐎹𐎶𐎡𐎹 𐏐] 𐎣𐎼𐎫𐎶 𐏐
: p-a-tu-u-v : u-t-a : t-y-m-i-y :] k-r-t-m :
: pātuv : utā : tyamaiy : kartam :
Line: 1 [𐎲]𐎥 𐏐 𐎺𐏀𐎼[𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶𐎠]/𐎶
[b]-g : v-z-r-[k : a-u-r-m-z-d-a : h-y : i-m-a]-/m
baga : vazraka : Auramazdā : hya : imām
Line: 2 𐏐 𐎲𐎢𐎷𐎡𐎶 [𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿]/[𐎶]𐎠𐎴𐎶
: b-u-mi-i-m [: a-d-a : h-y : a-v-m : a-s]-/[m]-a-n-m
: būmim : adā : hya : avam : asmānam
Line: 3 𐏐 𐎠𐎭[𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠]/[𐎭𐎠
: a-d-[a : h-y : m-r-t-i-y-m : a]-/[d-a
: adā : hya : martiyam : adā
Line: 4 𐏐] 𐏃𐎹 [𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫]/[𐎡𐎹𐏃𐎹𐎠
:] h-y [: š-i-y-a-t-i-m : a-d-a : m-r-t]-/[i-y-h-y-a
: hya : šiyātim : adā : martiyahyā
Line: 5 𐏐 𐏃𐎹 𐏐 𐎭𐎠𐎼𐎹𐎺𐎢𐎶 𐏐 𐎧𐏁]/[𐎠𐎹𐎰𐎡𐎹𐎶
: h-y : d-a-r-y-v-u-m : x-š]-/[a-y-ϑ-i-y-m
: hya : Dārayavaum : xšāyaϑiyam
Line: 6 𐏐 𐎠𐎤𐎢𐎴𐎢𐏁 𐏐] 𐎰[𐎠𐎫𐎡]/[𐎹
: a-ku-u-n-u-š :] ϑ-[a-t-i]-/[y
: akunauš : ϑātiy
Line: 7 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎶𐎠𐎶 𐏐] 𐎠𐎢𐎼𐎶𐏀/[𐎭𐎠
: d-a-r-y-v-u-š : XŠ : m-a-m :] a-u-r-m-z-/[d-a
: Dārayavauš : XŠ : mām : Auramazdā
Line: 8 𐏐 𐎱𐎠𐎬𐎢𐎺 𐏐 𐏃𐎭𐎠 𐏐] 𐎲𐎥𐎡𐎲𐎡[𐏁]
: p-a-tu-u-v : h-d-a :] b-g-i-b-i-[š]
: pātuv : hadā : bagaibiš
Line: 9 [𐏐 𐎢𐎫𐎶𐎡𐎹 𐏐 𐎻𐎡𐎰𐎶 𐏐 𐎢]𐎫𐎠 𐏐 𐎰𐎢𐎺/[𐎠𐎶
[: u-t-m-i-y : vi-i-ϑ-m : u]-t-a : ϑ-u-v-/[a-m
: utamaiy : viϑam : utā : ϑuvām
Line: 10 𐏐 𐎣𐎠 𐏐 𐏋 𐏐 𐏃𐎹 𐏐 𐎠𐎱𐎼𐎶 𐏐 𐎠𐏃𐎹]
: k-a : XŠ : h-y : a-p-r-m : a-h-y]
: kā : XŠ : hya : aparam : āhy
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏋 𐏐 𐎺𐏀𐎼𐎣 𐏋 𐏋𐎹𐎠𐎴𐎠𐎶
a-d-m : d-a-r-y-v-u-š XŠ : v-z-r-k XŠ XŠ-y-a-n-a-m
adam : Dārayavauš XŠ : vazraka XŠ XŠyanām
Line: 2 𐏋 𐏍𐎹𐎢𐎴𐎠𐎶 𐏋 𐏐 𐎠𐏃𐎹𐎠𐎹𐎠 𐏏𐎹𐎠 𐏐 𐎻𐎡/𐏁𐎫𐎠𐎿𐎱𐏃𐎹𐎠
XŠ DH-y-u-n-a-m XŠ : a-h-y-a-y-a BU-y-a : vi-i-/š-t-a-s-p-h-y-a
XŠ DHyunām XŠ : ahyāyā BUyā : Vištāspahyā
Line: 3 𐏐 𐎱[𐎢𐏂 𐏐 𐏃]𐎧𐎠𐎶𐎴𐎡𐏁𐎡𐎹
: p-[u-ç : h]-x-a-m-n-i-š-i-y
: puça : Haxāmanišiya
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼(𐎶)[𐏀]𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲(𐎢𐎷)𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 (𐎠𐎭𐎠 𐏐 𐎶𐎼𐎫𐎡)[𐎹𐏃𐎹𐎠 𐏐 𐏃𐎹 𐏐 𐎭]𐎠𐎼𐎹𐎺𐎢𐎶 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎤𐎢𐎴𐎢𐏁 𐏐 𐎡𐎹𐎶 𐏐 𐎱𐎫𐎡𐎣𐎼 𐏐 𐎠𐎰𐎥𐎡𐎴 𐏐
b-g : v-z-r-k : a-u-r-(m)-[z]-d-a : h-y : i-m-a-m : b-(u-mi)-i-m : a-d-a : h-y : a-v-m : a-s-m-a-n-m : a-d-a : h-y : m-r-t-i-y-m : a-d-a : h-y : š-i-y-a-t-i-m : (a-d-a : m-r-t-i)-[y-h-y-a : h-y : d]-a-r-y-v-u-m : x-š-a-y-ϑ-i-y-m : a-ku-u-n-u-š : i-y-m : p-t-i-k-r : a-ϑ-g-i-n :
baga : vazraka : Auramazdā : hya : imām : būmim : adā : hya : avam : asmānam : adā : hya : martiyam : adā : hya : šiyātim : adā : martiyahyā : hya : Dārayavaum : xšāyaϑiyam : akunauš : iyam : patikara : aϑagaina :
Line: 2 𐎫𐎹𐎶 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎴𐎡𐎹𐏁{𐎠}𐎫𐎠𐎹 𐏐 𐎨𐎼𐎫𐎴𐎡𐎹 𐏐 𐎸𐎢𐎭𐎼𐎠𐎹𐎡𐎹 𐏐 𐎠𐎺𐏃𐎹𐎼𐎠𐎮𐎡𐎹 𐏐 𐏃𐎹𐏁𐎡𐎶 𐏐 𐎠𐎱𐎼𐎶 𐏐 𐎺𐎡𐎴𐎠𐎫𐎡𐎹 𐏐 𐎠𐎺𐏃𐎹(𐎠) [𐏐 𐎠𐏀𐎭𐎠 𐏐 𐎲𐎺𐎠]𐎫𐎡𐎹 𐏐 𐎫𐎹 𐏐 𐎱𐎠𐎼𐎿 𐏐 𐎶𐎼𐎫𐎡𐎹 𐏐 𐎸𐎢𐎭𐎼𐎠𐎹𐎶 𐏐 𐎠𐎭𐎠𐎼𐎡𐎹 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐
t-y-m : d-a-r-y-v-u-š : x-š-a-y-ϑ-i-y : n-i-y-š-{a}-t-a-y : c-r-t-n-i-y : mu-u-d-r-a-y-i-y : a-v-h-y-r-a-di-i-y : h-y-š-i-m : a-p-r-m : v-i-n-a-t-i-y : a-v-h-y-(a) [: a-z-d-a : b-v-a]-t-i-y : t-y : p-a-r-s : m-r-t-i-y : mu-u-d-r-a-y-m : a-d-a-r-i-y : a-d-m : d-a-r-y-v-u-š :
tyam : Dārayavauš : xšāyaϑiya : niyaštāya : cartanaiy : Mudrāyaiy : avahyarādiy : hayašim : aparam : vainātaiy : avahyā : azdā : bavātiy : tya : Pārsa : martiya : Mudrāyam : adāraiya : adam : Dārayavauš :
Line: 3 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰𐎡[𐎹𐎠𐎴𐎠𐎶] 𐏐 𐎧(𐏁𐎠𐎹𐎰𐎡)[𐎹 𐏐 𐎭𐏃𐎹𐎢𐎴𐎠𐎶] 𐏐 𐎧𐏁𐎠𐎹𐎰𐎡𐎹 𐏐 𐎠𐏃𐎹𐎠𐎹𐎠 𐏐 𐎲𐎢𐎶𐎡𐎹𐎠 𐏐 𐎺𐏀𐎼𐎣𐎠𐎹𐎠 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐
x-š-a-y-ϑ-i-y : v-z-r-k : x-š-a-y-ϑ-i-y : x-š-a-y-ϑ-i-[y-a-n-a-m] : x-(š-a-y-ϑ-i)-[y : d-h-y-u-n-a-m] : x-š-a-y-ϑ-i-y : a-h-y-a-y-a : b-u-m-i-y-a : v-z-r-k-a-y-a : vi-i-š-t-a-s-p-h-y-a :
xšāyaϑiya : vazraka : xšāyaϑiya : xšāyaϑiyānām : xšāyaϑiya : dahyūnām : xšāyaϑiya : ahyāyā : būmiyā : vazrakāyā : Vištāspahyā :
Line: 4 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎭𐎠(𐎼)[𐎹𐎺]𐎢𐏁 𐏐 𐎧𐏁𐎠[𐎹𐎰𐎡𐎹 𐏐 𐎶𐎠](𐎶) 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶 𐏐
p-u-ç : h-x-a-m-n-i-š-i-y : ϑ-a-t-i-y : d-a-(r)-[y-v]-u-š : x-š-a-[y-ϑ-i-y : m-a]-(m) : a-u-r-m-z-d-a : p-a-tu-u-v : u-t-a : t-y-m-i-y : k-r-t-m :
puça : Haxāmanišiya : ϑātiy : Dārayavauš : xšāyaϑiya : mām : Auramazdā : pātuv : utā : tyamaiy : kartam :
Line: 1 𐎭[𐎠]/𐎼[𐎹]/𐎺/𐎢[𐏁]
d-[a]-/r-[y]-/v-/u-[š]
Dārayavauš
Line: 1 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣
d-a-r-y-v-u-š : XŠ : v-z-r-k
Dārayavauš : XŠ : vazraka
Line: 2 𐏐 𐏋 [𐏐 𐏋𐎹𐎠]𐎴𐎠𐎶 [𐏐] 𐏋 [𐏐 𐎭𐏃𐎹]/𐎢𐎴[𐎠𐎶
: XŠ [: XŠ-y-a]-n-a-m [:] XŠ [: d-h-y]-/u-n-[a-m
: XŠ : XŠyanām : XŠ : dahyūnām
Line: 3 𐏐 𐏋 𐏐 𐎠𐏃𐎹𐎠]𐎹𐎠 𐏐
: XŠ : a-h-y-a]-y-a :
: XŠ : ahyāyā :
Line: 4 𐎲𐎢[𐎷𐎡𐎹𐎠 𐏐 𐎺𐏀𐎼𐎣𐎠]𐎹𐎠 𐏐
b-u-[mi-i-y-a : v-z-r-k-a]-y-a :
būmiyā : vazrakāyā :
Line: 5 𐎻𐎡[𐏁𐎫𐎠𐎿𐎱𐏃𐎹𐎠 𐏐] 𐎱𐎢/[𐏂]
vi-i-[š-t-a-s-p-h-y-a :] p-u-/[ç]
Vištāspahyā : puça
Line: 6 𐏐 𐏃𐎧[𐎠𐎶𐎴𐎡𐏁𐎡]𐎹
: h-x-[a-m-n-i-š-i]-y
: Haxāmanišiya
Line: 1 [𐎲𐎥 𐏐] 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢[𐎷]/[𐎡]𐎶
[b-g :] v-z-r-k : a-u-r-m-z-d-a : h-y : a-v-m : a-s-m-a-n-m : a-d-a : h-y : i-m-a-m : b-u-[mi]-/[i]-m
baga : vazraka : Auramazdā : hya : avam : asmānam : adā : hya : imām : būmim
Line: 2 𐏐 𐎠𐎭𐎠 𐏐 𐏃𐎹 [𐏐 𐎶𐎼]𐎫𐎡𐎹𐎶 𐏐 𐎠𐎭𐎠 𐏐 𐏃[𐎹 𐏐 𐏁]𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹/𐎠
: a-d-a : h-y [: m-r]-t-i-y-m : a-d-a : h-[y : š]-i-y-a-t-i-m : a-d-a : m-r-t-i-y-h-y-/a
: adā : hya : martiyam : adā : hya : šiyātim : adā : martiyahyā
Line: 3 𐏐 𐏃𐎹 𐏐 𐎭𐎠𐎼𐎹𐎺𐎢𐎶 𐏐 𐏋𐎹𐎶 𐏐 𐎠𐎤𐎢[𐎴𐎢]𐏁 𐏐 𐏃𐎹 𐏐 𐎭[𐎠]𐎼𐎹𐎺𐏃𐎢𐏁 𐏐 𐏋𐎹𐎠 𐏐 𐎧𐏁𐏂/𐎶
: h-y : d-a-r-y-v-u-m : XŠ-y-m : a-ku-u-[n-u]-š : h-y : d-[a]-r-y-v-h-u-š : XŠ-y-a : x-š-ç-/m
: hya : Dārayavaum : XŠyam : akunauš : hya : Dārayavahauš : XŠyā : xšaçam
Line: 4 𐏐 𐎳𐎼𐎠𐎲𐎼 𐏐 𐎫𐎹 𐏐 𐎺𐏀𐎼𐎣𐎶 𐏐 𐎫𐎹 𐏐 [𐎢𐎺𐎿𐎱𐎶 𐏐 𐎢]𐎶𐎼[𐎫𐎡]𐎹𐎶 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐
: f-r-a-b-r : t-y : v-z-r-k-m : t-y : [u-v-s-p-m : u]-m-r-[t-i]-y-m : a-d-m : d-a-r-y-v-u-š :
: frābara : tya : vazrakam : tya : uvaspam : umartiyam : adam : Dārayavauš :
Line: 5 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐎭𐏃𐎹𐎢𐎴𐎠𐎶 [𐏐 𐎻𐎡𐎿𐎱𐏀𐎴]𐎠𐎴𐎠𐎶 [𐏐 𐏋 𐏐 𐎠]𐏃𐎹𐎠𐎹/𐎠
XŠ : v-z-r-k : XŠ : XŠ-y-a-n-a-m : XŠ : d-h-y-u-n-a-m [: vi-i-s-p-z-n]-a-n-a-m [: XŠ : a]-h-y-a-y-/a
XŠ : vazraka : XŠ : XŠyanām : XŠ : dahyūnām : vispazanānām : XŠ : ahyāyā
Line: 6 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎻𐎡𐏁𐎫𐎠𐎿[𐎱𐏃𐎹𐎠 𐏐 𐎱]𐎢𐏂 𐏐 𐏃/𐎧𐎠𐎶𐎴𐎡𐏁𐎡𐎹
: b-u-mi-i-y-a : v-z-r-k-a-y-a : du-u-r-i-y : a-p-i-y : vi-i-š-t-a-s-[p-h-y-a : p]-u-ç : h-/x-a-m-n-i-š-i-y
: būmiyā : vazrakāyā : dūraiy : apiy : Vištāspahyā : puça : Haxāmanišiya
Line: 7 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎠𐎭[𐎶 𐏐 𐎱]𐎠𐎼𐎿 𐏐 𐎠𐎷𐎡[𐎹 𐏐 𐏃𐎨]𐎠 𐏐 𐎱𐎠/𐎼𐎿𐎠
: ϑ-a-t-i-y : d-a-r-y-v-u-š : XŠ : a-d-[m : p]-a-r-s : a-mi-i-[y : h-c]-a : p-a-/r-s-a
: ϑātiy : Dārayavauš : XŠ : adam : Pārsa : amiy : hacā : Pārsā
Line: 8 𐏐 𐎸𐎢𐎭𐎼𐎠𐎹𐎶 𐏐 𐎠𐎥𐎼𐎲𐎠[𐎹]𐎶 𐏐 𐎠𐎭𐎶 𐏐 𐎴𐎡[𐎹𐏁]𐎫𐎠𐎹𐎶 𐏐 𐎡𐎶𐎠𐎶 [𐏐 𐎹𐎢𐎻𐎡𐎹𐎠]/𐎶
: mu-u-d-r-a-y-m : a-g-r-b-a-[y]-m : a-d-m : n-i-[y-š]-t-a-y-m : i-m-a-m [: y-u-vi-i-y-a]-/m
: Mudrāyam : agarbāyam : adam : niyaštāyam : imām : yauviyām
Line: 9 𐏐 𐎣𐎫𐎴𐎡𐎹 𐏐 𐏃𐎨𐎠 𐏐 𐎱𐎡𐎼𐎠𐎺 𐏐 𐎴𐎠𐎶 𐏐 𐎼𐎢𐎫 𐏐 𐎫𐎹 𐏐 𐎸𐎢𐎭𐎼𐎠𐎹𐎡𐎹 𐏐 𐎭𐎵𐎢[𐎺𐎫𐎡𐎹 𐏐 𐎠𐎲]/𐎡𐎹
: k-t-n-i-y : h-c-a : p-i-r-a-v : n-a-m : r-u-t : t-y : mu-u-d-r-a-y-i-y : d-nu-u-[v-t-i-y : a-b]-/i-y
: katanaiy : hacā : Pirāva : nāma : rauta : tya : Mudrāyaiy : danuvatiy : abiy
Line: 10 [𐏐 𐎭]𐎼𐎹 𐏐 𐎫𐎹 𐏐 𐏃𐎨𐎠 𐏐 𐎱𐎠𐎼𐎿𐎠 𐏐 𐎠𐎡𐎫𐎡𐎹 𐏐 𐎱𐎿[𐎠𐎺 𐏐] 𐎡𐎹𐎶 𐏐 𐎹𐎢𐎻𐎡𐎹𐎠 [𐏐 𐎠𐎣𐎴𐎡𐎹 𐏐]
[: d]-r-y : t-y : h-c-a : p-a-r-s-a : a-i-t-i-y : p-s-[a-v :] i-y-m : y-u-vi-i-y-a [: a-k-n-i-y :]
: draya : tya : hacā : Pārsā : aitiy : pasāva : iyam : yauviyā : akaniya :
Line: 11 𐎠𐎺[𐎰𐎠 𐏐 𐎹𐎰𐎠 𐏐] 𐎠𐎭𐎶 𐏐 𐎴𐎡𐎹𐏁𐎫𐎠𐎹𐎶 𐏐 𐎢𐎫[𐎠 𐏐 𐎴𐎠𐎺 𐏐] 𐎠𐎹𐎫𐎠 𐏐 𐏃𐎨[𐎠 𐏐 𐎸𐎢𐎭𐎼𐎠]/𐎹𐎠
a-v-[ϑ-a : y-ϑ-a :] a-d-m : n-i-y-š-t-a-y-m : u-t-[a : n-a-v :] a-y-t-a : h-c-[a : mu-u-d-r-a]-/y-a
avaϑā : yaϑā : adam : niyaštāyam : utā : nāva : āyatā : hacā : Mudrāyā
Line: 12 𐏐 𐎫[𐎼 𐏐 𐎡𐎶𐎠]𐎶 𐏐 𐎹𐎢𐎻𐎡𐎹𐎠𐎶 𐏐 𐎠𐎲𐎡𐎹 𐏐 𐎱𐎠𐎼]𐎿𐎶 𐏐 𐎠𐎺𐎰]𐎠 𐏐 𐎹𐎰𐎠 𐏐 𐎶𐎠[𐎶 𐏐 𐎣𐎠𐎶 𐏐 𐎠𐏃]
: t-[r : i-m-a]-m : y-u-vi-i-y-a-m : a-b-i-y : p-a-r-]s-m : a-v-ϑ]-a : y-ϑ-a : m-a-[m : k-a-m : a-h]
: tara : imām : yauviyām : abiy : Pārsam : avaϑā : yaϑā : mām : kāma : āha
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠
b-g : v-z-r-k : a-u-r-m-z-d-a
baga : vazraka : Auramazdā
Line: 2 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐
: h-y : i-m-a-m : b-u-mi-i-m :
: hya : imām : būmim :
Line: 3 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠/𐎴𐎶
a-d-a : h-y : a-v-m : a-s-m-a-/n-m
adā : hya : avam : asmānam
Line: 4 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹/𐎶
: a-d-a : h-y : m-r-t-i-y-/m
: adā : hya : martiyam
Line: 5 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡/𐎶
: a-d-a : h-y : š-i-y-a-t-i-/m
: adā : hya : šiyātim
Line: 6 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠 𐏐
: a-d-a : m-r-t-i-y-h-y-a :
: adā : martiyahyā :
Line: 7 𐏃𐎹 𐏐 𐎭𐎠𐎼𐎹𐎺𐎢𐎶 𐏐 𐎧𐏁𐎠𐎹/𐎰𐎡𐎹𐎶
h-y : d-a-r-y-v-u-m : x-š-a-y-/ϑ-i-y-m
hya : Dārayavaum : xšāyaϑiyam
Line: 8 𐏐 𐎠𐎤𐎢𐎴𐎢𐏁 𐏐 𐎠𐎡𐎺/𐎶
: a-ku-u-n-u-š : a-i-v-/m
: akunauš : aivam
Line: 9 𐏐 𐎱𐎽𐎢𐎴𐎠𐎶 𐏐 𐎧𐏁𐎠𐎹𐎰/𐎡𐎹𐎶
: p-ru-u-n-a-m : x-š-a-y-ϑ-/i-y-m
: parūnām : xšāyaϑiyam
Line: 10 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶
: a-i-v-m : p-ru-u-n-a-m
: aivam : parūnām
Line: 11 𐏐 𐎳𐎼𐎶𐎠𐎫𐎠𐎼𐎶 𐏐 𐎠𐎭𐎶 𐏐
: f-r-m-a-t-a-r-m : a-d-m :
: framātāram : adam :
Line: 12 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡/𐎹
d-a-r-y-v-u-š : x-š-a-y-ϑ-i-/y
Dārayavauš : xšāyaϑiya
Line: 13 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐
: v-z-r-k : x-š-a-y-ϑ-i-y :
: vazraka : xšāyaϑiya :
Line: 14 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁/𐎠𐎹𐎰𐎡𐎹
x-š-a-y-ϑ-i-y-a-n-a-m : x-š-/a-y-ϑ-i-y
xšāyaϑiyānām : xšāyaϑiya
Line: 15 𐏐 𐎭𐏃𐎹𐎢𐎴𐎠𐎶 𐏐 𐎱𐎠/𐎽𐎢𐏀𐎴𐎠𐎴𐎠𐎶
: d-h-y-u-n-a-m : p-a-/ru-u-z-n-a-n-a-m
: dahyūnām : paruzanānām
Line: 16 𐏐 𐎧𐏁𐎠𐎹𐎰/𐎡𐎹
: x-š-a-y-ϑ-/i-y
: xšāyaϑiya
Line: 17 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡𐎹/𐎠
: a-h-y-a-y-a : b-u-mi-i-y-/a
: ahyāyā : būmiyā
Line: 18 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹
: v-z-r-k-a-y-a : du-u-r-i-y
: vazrakāyā : dūraiy
Line: 19 𐏐 𐎠𐎱𐎡𐎹 𐏐 𐎻𐎡𐏁𐎫𐎠𐎿𐎱𐏃𐎹/𐎠
: a-p-i-y : vi-i-š-t-a-s-p-h-y-/a
: apiy : Vištāspahyā
Line: 20 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹
: p-u-ç : h-x-a-m-n-i-š-i-y
: puça : Haxāmanišiya
Line: 1 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹<𐎠>𐎴𐎠𐎶 𐏐 𐏋 𐏐 𐎭𐏃𐎹/𐎢𐎺𐎴𐎠𐎶
d-a-r-y-v-u-š : XŠ : v-z-r-k : XŠ : XŠ-y-<a>-n-a-m : XŠ : d-h-y-/u-v-n-a-m
Dārayavauš : XŠ : vazraka : XŠ : XŠyanām : XŠ : dahyūvnām
Line: 2 𐏐 𐎻𐎡𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐
: vi-i-š-t-a-s-p-h-y-a : p-u-ç : h-x-a-m-n-i-š-i-y :
: Vištāspahyā : puça : Haxāmanišiya :
Line: 3 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎡𐎶 𐏐 𐎧𐏁𐏂𐎶 𐏐 𐎫𐎹 𐏐 𐎠𐎭/𐎶
ϑ-a-t-i-y : d-a-r-y-v-u-š : XŠ : i-m : x-š-ç-m : t-y : a-d-/m
ϑātiy : Dārayavauš : XŠ : ima : xšaçam : tya : adam
Line: 4 𐏐 𐎭𐎠𐎼𐎹𐎠𐎷𐎡𐎹 𐏐 𐏃𐎨𐎠 𐏐 𐎿𐎣𐎡𐎲𐎡𐏁 𐏐 𐎫𐎹𐎡𐎹 𐏐 𐎱/𐎼
: d-a-r-y-a-mi-i-y : h-c-a : s-k-i-b-i-š : t-y-i-y : p-/r
: dārayāmiy : hacā : Sakaibiš : tyaiy : para
Line: 5 𐏐 𐎿𐎢𐎥𐎭𐎶 𐏐 𐎠𐎶𐎫 𐏐 𐎹𐎠𐎫𐎠 𐏐 𐎠 𐏐 𐎤𐎢𐏁𐎠 𐏐 𐏃𐎨𐎠 𐏐 𐏃𐎡𐎭/𐎢𐎺
: s-u-g-d-m : a-m-t : y-a-t-a : a : ku-u-š-a : h-c-a : h-i-d-/u-v
: Sugdam : amata : yātā : ā : Kūšā : hacā : Hidauv
Line: 6 𐏐 𐎠𐎶𐎫 𐏐 𐎹𐎠𐎫𐎠 𐏐 𐎠 𐏐 𐎿𐎱𐎼𐎭𐎠 𐏐 𐎫𐎹𐎶𐎡𐎹 𐏐 𐎠𐎢𐎼𐎶/𐏀𐎭𐎠
: a-m-t : y-a-t-a : a : s-p-r-d-a : t-y-m-i-y : a-u-r-m-/z-d-a
: amata : yātā : ā : Spardā : tyamaiy : Auramazdā
Line: 7 𐏐 𐎳𐎼𐎠𐎲𐎼 𐏐 𐏃𐎹 𐏐 𐎶𐎰𐎡𐏁𐎫 𐏐 𐎲𐎥𐎠𐎴𐎠𐎶 𐏐 𐎶/𐎠𐎶
: f-r-a-b-r : h-y : m-ϑ-i-š-t : b-g-a-n-a-m : m-/a-m
: frābara : hya : maϑišta : bagānām : mām
Line: 8 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐎢𐎫𐎠𐎶𐎡𐎹 𐏐 𐎻𐎡𐎰𐎶
: a-u-r-m-z-d-a : p-a-tu-u-v : u-t-a-m-i-y : vi-i-ϑ-m
: Auramazdā : pātuv : utāmaiy : viϑam
Line: 1 [... 𐎧𐏁𐎠]𐎹𐎰𐎡𐎹 𐏐
[... x-š-a]-y-ϑ-i-y :
... xšāyaϑiya :
Line: 2 [... 𐎻𐎡𐏁𐎫]𐎠𐎿𐎱𐏃𐎹
[... vi-i-š-t]-a-s-p-h-y
... Vištāspahyā
Line: 3 [... 𐏃𐎧𐎠𐎶𐎴𐎡]𐏁𐎹 𐏐 𐏃[𐎹]
[... h-x-a-m-n-i]-š-y : h-[y]
... Haxāmanišiya : hya
Line: 4 [... 𐎠]𐎤𐎢𐎴𐎢𐏁
[... a]-ku-u-n-u-š
... akunauš
Line: 1 𐏒 𐏐 𐎣𐎼𐏁𐎠
2 : k-r-š-a
2 : karšā
Line: 2 𐎠𐎭𐎶 𐏐 𐎭𐎠𐎼/𐎹𐎺𐎢𐏁
a-d-m : d-a-r-/y-v-u-š
adam : Dārayavauš
Line: 3 𐏐 𐎧𐏁/𐎠𐎹𐎰𐎡𐎹
: x-š-/a-y-ϑ-i-y
: xšāyaϑiya
Line: 4 𐏐 𐎺/𐏀𐎼𐎣
: v-/z-r-k
: vazraka
Line: 5 𐏐 𐎻𐎡𐏁/𐎫𐎠𐎿𐎱𐏃𐎹𐎠
: vi-i-š-/t-a-s-p-h-y-a
: Vištāspahyā
Line: 6
Line: 7 𐏐 𐎱𐎢𐏂 𐏐 𐏃𐎧/𐎠𐎶𐎴𐎡𐏁𐎡𐎹
: p-u-ç : h-x-/a-m-n-i-š-i-y
: puça : Haxāmanišiya
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐎧/𐏁𐎠𐎹𐎰𐎡𐎹
a-d-m : d-a-r-y-v-u-š : x-/š-a-y-ϑ-i-y
adam : Dārayavauš : xšāyaϑiya
Line: 2 𐏐 𐎺𐏀𐎼𐎣 𐏐 𐎧/𐏁𐎠𐎹𐎰𐎡𐎹
: v-z-r-k : x-/š-a-y-ϑ-i-y
: vazraka : xšāyaϑiya
Line: 3 𐏐 𐎧𐏁𐎠𐎹𐎰/𐎡𐎹𐎠𐎴𐎠𐎶
: x-š-a-y-ϑ-/i-y-a-n-a-m
: xšāyaϑiyānām
Line: 4 𐏐 𐎧𐏁𐎠𐎹𐎰/𐎡𐎹
: x-š-a-y-ϑ-/i-y
: xšāyaϑiya
Line: 5 𐏐 𐎭𐏃𐎹𐎢𐎴𐎠𐎶 𐏐 𐎧𐏁/𐎠𐎹𐎰𐎡𐎹𐏐
: d-h-y-u-n-a-m : x-š-/a-y-ϑ-i-y:
: dahyūnām : xšāyaϑiya
Line: 6 𐎠𐏃𐎹𐎠𐎹𐎠
a-h-y-a-y-a
ahyāyā
Line: 7 𐏐 𐎲𐎢𐎷𐎡𐎹𐎠 𐏐 𐎻𐎡𐏁𐎫𐎠/𐎿𐎱𐏃𐎹𐎠
: b-u-mi-i-y-a : vi-i-š-t-a-/s-p-h-y-a
: būmiyā : Vištāspahyā
Line: 8 𐏐 𐎱𐎢𐏂 𐏐 𐏃𐎧𐎠/𐎶𐎴𐎡𐏁𐎡𐎹
: p-u-ç : h-x-a-/m-n-i-š-i-y
: puça : Haxāmanišiya
Line: 1 𐏑𐏕𐏔 𐎣𐎼𐏁𐎹𐎠
1-100-20 k-r-š-y-a
120 karšayā
Line: 2 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐎧/𐏁𐎠𐎹𐎰𐎡𐎹
a-d-m : d-a-r-y-v-u-š : x-/š-a-y-ϑ-i-y
adam : Dārayavauš : xšāyaϑiya
Line: 3 𐏐 𐎺𐏀𐎼𐎣 𐏐 𐎧/𐏁𐎠𐎹𐎰𐎡𐎹
: v-z-r-k : x-/š-a-y-ϑ-i-y
: vazraka : xšāyaϑiya
Line: 4 𐏐 𐎧𐏁𐎠𐎹𐎰/𐎡𐎹𐎠𐎴𐎠𐎶
: x-š-a-y-ϑ-/i-y-a-n-a-m
: xšāyaϑiyānām
Line: 5 𐏐 𐎧𐏁𐎠𐎹𐎰/𐎡𐎹
: x-š-a-y-ϑ-/i-y
: xšāyaϑiya
Line: 6 𐏐 𐎭𐏃𐎹𐎢𐎴𐎠𐎶 𐏐 𐎧/𐏁𐎠𐎹𐎰𐎡𐎹
: d-h-y-u-n-a-m : x-/š-a-y-ϑ-i-y
: dahyūnām : xšāyaϑiya
Line: 7 𐏐 𐎠𐏃𐎹𐎠𐎹/𐎠
: a-h-y-a-y-/a
: ahyāyā
Line: 8 𐏐 𐎲𐎢𐎷𐎡𐎹𐎠 𐏐 𐎻𐎡𐏁𐎫/𐎠𐎿𐎱𐏃𐎹𐎠
: b-u-mi-i-y-a : vi-i-š-t-/a-s-p-h-y-a
: būmiyā : Vištāspahyā
Line: 9 𐏐 𐎱𐎢𐏂 𐏐 𐏃𐎧/𐎠𐎶𐎴𐎡𐏁𐎡𐎹
: p-u-ç : h-x-/a-m-n-i-š-i-y
: puça : Haxāmanišiya
Line: 1 𐏔𐏔𐏔 𐎣𐎼𐏁𐎹𐎠
20-20-20 k-r-š-y-a
60 karšayā
Line: 2 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐
a-d-m : d-a-r-y-v-u-š :
adam : Dārayavauš :
Line: 3 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐
x-š-a-y-ϑ-i-y : v-z-r-k :
xšāyaϑiya : vazraka :
Line: 4 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰/𐎡𐎹𐎠𐎴𐎠𐎶
x-š-a-y-ϑ-i-y : x-š-a-y-ϑ-/i-y-a-n-a-m
xšāyaϑiya : xšāyaϑiyānām
Line: 5 𐏐 𐎧𐏁𐎠𐎹𐎰/𐎡𐎹
: x-š-a-y-ϑ-/i-y
: xšāyaϑiya
Line: 6 𐏐 𐎭𐏃𐎹𐎢𐎴𐎠𐎶 𐏐 𐎧𐏁/𐎠𐎹𐎰𐎡𐎹
: d-h-y-u-n-a-m : x-š-/a-y-ϑ-i-y
: dahyūnām : xšāyaϑiya
Line: 7 𐏐 𐎠𐏃𐎹𐎠𐎹𐎠
: a-h-y-a-y-a
: ahyāyā
Line: 8 𐏐 𐎲𐎢𐎷𐎡𐎹𐎠 𐏐 𐎻𐎡𐏁𐎫𐎠/𐎿𐎱𐏃𐎹𐎠
: b-u-mi-i-y-a : vi-i-š-t-a-/s-p-h-y-a
: būmiyā : Vištāspahyā
Line: 9 𐏐 𐎱𐎢𐏂 𐏐 𐏃𐎧/𐎠𐎶𐎴𐎡𐏁𐎡𐎹
: p-u-ç : h-x-/a-m-n-i-š-i-y
: puça : Haxāmanišiya
Line: 10
Line: 1 𐎣
k
ka?
Line: 2 ... 𐎠
... a
... ā?
Line: 6 {𐏐 𐎭𐏃𐎹𐎢𐎴𐎠𐎶 𐏐 𐎧}/𐏁𐎠[𐎹]{𐎰𐎡𐎹}
{: d-h-y-u-n-a-m : x-}/š-a-[y-]{ϑ-i-y}
: dahyūnām : xšāyaϑiya
Line: 7 {𐏐 𐎠𐏃𐎹𐎠𐎹}/𐎠
{: a-h-y-a-y-}/a
: ahyāyā
Line: 8 𐏐 𐎲[𐎢]{𐎷𐎡𐎹𐎠 𐏐 𐎻𐎡𐏁𐎫𐎠}/𐎿𐎱𐏃[𐎹]{𐎠}
: b-[u-]{mi-i-y-a : vi-i-š-t-a-}/s-p-h-[y-]{a}
: būmiyā : Vištāspahyā
Line: 9 {𐏐 𐎱𐎢𐏂 𐏐 𐏃𐎧𐎠}/𐎶𐎴𐎡𐏁𐎡𐎹
{: p-u-ç : h-x-a-}/m-n-i-š-i-y
: puça : Haxāmanišiya
Line: 1 𐎠𐎭𐎶 𐏐 𐎭𐎼𐎹𐎺𐎢𐏁 𐏋
a-d-m : d-r-y-v-u-š XŠ
adam : Darayavauš XŠ
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁
a-d-m : d-a-r-y-v-u-š
adam : Dārayavauš
Line: 1 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐏋
a-d-m : d-a-r-y-v-u-š : XŠ
adam : Dārayavauš : XŠ
Line: 1 [𐎠]𐎭𐎶 𐏐 𐎭𐎠𐎼𐎹𐎺𐎢[𐏁 𐏐 𐏋]
[a]-d-m : d-a-r-y-v-u-[š : XŠ]
adam : Dārayavauš : XŠ
Line: 1 [+++++]𐎶 𐏐 𐎭𐎠𐎼𐎹(𐎺)[+++++]
[+++++]-m : d-a-r-y-(v)-[+++++]
...m : Dārayava...
Line: 1 [+++++](𐎶) 𐏐 𐎭[𐎠][++++++]
[+++++]-(m) : d-[a]-[++++++]
...m : dā...
Line: 1 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣
d-a-r-y-v-u-š : x-š-a-y-ϑ-i-y : v-z-r-k
Dārayavauš : xšāyaϑiya : vazraka
Line: 1 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣
d-a-r-y-v-u-š : XŠ : v-z-r-k
Dārayavauš : XŠ : vazraka
Line: 1-3 𐎭𐎠/𐎼𐎹/𐎺𐎢/𐏁
d-a-/r-y-/v-u-/š
Dārayavauš
Line: 4 𐏐
:
:
Line: 1 𐎭𐎠𐎼𐎹𐎺𐎢𐏁 𐏐
d-a-r-y-v-u-š :
Dārayavauš :
Line: 2 𐏋 𐏐 𐎺𐏀𐎼𐎣 𐏐
XŠ : v-z-r-k :
XŠ : vazraka :
Line: 3 𐏋 𐏐 𐏋𐎹𐎠𐎴𐎠/𐎶
XŠ : XŠ-y-a-n-a-/m
XŠ : XŠyanām
Line: 1 𐎭𐎠𐎼𐎹𐎺𐏁
d-a-r-y-v-š
Dārayavaša
Line: 2 𐏁𐎹𐎼𐎹𐎭𐏁
š-y-r-y-d-š
šiyriyadaš?
Line: 1-6 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎭𐎠𐎼𐎹𐎺𐎢𐎶 𐏐 𐏋𐎶 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽𐎢𐎺𐎴𐎠𐎶 𐏐 𐏓
b-g : v-z-r-k : a-u-r-m-z-d-a : h-y : i-m-a-m : b-u-mi-i-m : a-d-a : h-y : a-v-m : a-s-m-a-n-m : a-d-a : h-y : m-r-t-i-y-m : a-d-a : h-y : š-i-y-a-t-i-m : a-d-a : m-r-t-i-y-h-y-a : h-y : d-a-r-y-v-u-m : XŠ-m : a-ku-u-n-u-š : a-i-v-m : p-ru-u-v-n-a-m : 10
baga : vazraka : Auramazdā : hya : imām : būmim : adā : hya : avam : asmānam : adā : hya : martiyam : adā : hya : šiyātim : adā : martiyahyā : hya : Dārayavaum : XŠm : akunauš : aivam : parūvnām : 10
Line: 7-10 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎠𐎴𐎠𐎶 𐏐 𐏋 𐏐 𐎱𐎠𐎼𐎿𐎡𐎹 𐏐 𐏋 𐏐 𐎭𐏃[𐎹𐎢𐎴𐎠𐎶 𐏐] 𐎻𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐎠𐎼𐏁𐎠𐎶𐏃𐎹𐎠 𐏐 𐎴𐎱𐎠 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹
: a-d-m : d-a-r-y-v-u-š : XŠ : v-z-r-k : XŠ : XŠ-a-n-a-m : XŠ : p-a-r-s-i-y : XŠ : d-h-[y-u-n-a-m :] vi-š-t-a-s-p-h-y-a : p-u-ç : a-r-š-a-m-h-y-a : n-p-a : h-x-a-m-n-i-š-i-y : ϑ-a-t-i-y
: adam : Dārayavauš : XŠ : vazraka : XŠ : XŠānām : XŠ : Pārsaiy : XŠ : dahyūnām : Vištāspahyā : puça : Aršāmahyā : napā : Haxāmanišiya : ϑātiy
Line: 11-16 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎠𐎺𐏃𐎹𐎼𐎠𐎮𐎡𐎹 𐏐 𐎺𐎹𐎶 𐏐 𐏃𐎧𐎠𐎶𐎴𐎡𐏁𐎡𐎹𐎠 𐏐 𐎰𐏃𐎹𐎠𐎶𐏃𐎹 𐏐 𐏃𐎨𐎠 𐏐 𐎱𐎽𐎢𐎻𐎡𐎹𐎫 𐏐 𐎠𐎶𐎠𐎫𐎠 𐏐 𐎠𐎶𐏃𐎹 𐏐 𐏒𐏒𐏒𐏒 𐏐 𐎶𐎴𐎠 𐏐 𐎫𐎢𐎶𐎠𐎹𐎠 𐏐 𐎫𐎹𐎡𐎹 𐏐 𐎱𐎽𐎢𐎺𐎶 𐏐 𐏋 𐏐 𐎠𐏃 𐏐 𐎠𐎭𐎶 𐏐 𐎴𐎺𐎶 𐏐 𐏒𐏒𐏒𐏒𐏑 𐏐 𐎯𐎢𐎻𐎡𐎫𐎠𐎱𐎼𐎴𐎶 𐏐 𐎺𐎹𐎶 𐏐
: d-a-r-y-v-u-š : XŠ : a-v-h-y-r-a-di-i-y : v-y-m : h-x-a-m-n-i-š-i-y-a : ϑ-h-y-a-m-h-y : h-c-a : p-ru-u-vi-i-y-t : a-m-a-t-a : a-m-h-y : 2-2-2-2 : m-n-a : t-u-m-a-y-a : t-y-i-y : p-ru-u-v-m : XŠ : a-h : a-d-m : n-v-m : 2-2-2-2-1 : du-u-vi-i-t-a-p-r-n-m : v-y-m :
: Dārayavauš : XŠ : avahyarādiy : vayam : Haxāmanišiyā : ϑahyāmahy : hacā : paruviyata : āmātā : amahy : 8 : manā : taumāyā : tyaiy : paruvam : XŠ : āha : adam : navama : 9 : duvitāparanam : vayam :
Line: 17 𐏐 𐏋 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎠𐎭𐎶
: XŠ : v-š-n-a : a-u-r-m-z-d-a-h : a-d-m
: XŠ : vašnā : Auramazdāha : adam
Line: 18 𐏐 𐎠𐎷𐎡𐎹 𐏐 𐏋 𐏐 𐎭𐏃𐎹𐎠𐎺 𐏐 𐏔𐏒𐏑 𐏐 𐎠𐎢𐎼𐎺𐏀𐎭/𐎠
: a-mi-i-y : XŠ : d-h-y-a-v : 20-2-1 : a-u-r-v-z-d-/a
: amiy : XŠ : dahyāva : 23 : Aura<m>azdā?
Line: 19 𐏐 𐎧𐏁𐏂𐎶 𐏐 𐎶𐎴𐎠 𐏐 𐎫𐎢𐎶𐎠𐎹𐎠 𐏐 𐎳𐎼𐎠𐎲𐎼
: x-š-ç-m : m-n-a : t-u-m-a-y-a : f-r-a-b-r
: xšaçam : manā : taumāyā : frābara
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎠/𐎭𐎠
b-g : v-z-r-k : a-u-r-m-z-d-a : h-y : i-m-a-m : b-u-mi-i-m : a-/d-a
baga : vazraka : Auramazdā : hya : imām : būmim : adā
Line: 2 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐
: h-y : a-v-m : a-s-m-a-n-m : a-d-a : h-y : m-r-t-i-y-m :
: hya : avam : asmānam : adā : hya : martiyam :
Line: 3 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠 𐏐 𐏃𐎹
a-d-a : h-y : š-i-y-a-t-i-m : a-d-a : m-r-t-i-y-h-y-a : h-y
adā : hya : šiyātim : adā : martiyahyā : hya
Line: 4 𐏐 𐎧𐏁𐎹𐎠𐎼𐏁𐎠𐎶 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐
: x-š-y-a-r-š-a-m : x-š-a-y-ϑ-i-y-m : a-ku-u-n-u-š : a-i-v-m :
: Xšayāršām : xšāyaϑiyam : akunauš : aivam :
Line: 5 𐎱𐎽𐎢𐎴𐎠𐎶 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎳𐎼𐎶/𐎠𐎫𐎠𐎼𐎶
p-ru-u-n-a-m : x-š-a-y-ϑ-i-y-m : a-i-v-m : p-ru-u-n-a-m : f-r-m-/a-t-a-r-m
parūnām : xšāyaϑiyam : aivam : parūnām : framātāram
Line: 6 𐏐 𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐
: a-d-m : x-š-y-a-r-š-a : x-š-a-y-ϑ-i-y : v-z-r-k :
: adam : Xšayāršā : xšāyaϑiya : vazraka :
Line: 7 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎭𐏃𐎹/𐎢𐎴𐎠𐎶
x-š-a-y-ϑ-i-y : x-š-a-y-ϑ-i-y-a-n-a-m : x-š-a-y-ϑ-i-y : d-h-y-/u-n-a-m
xšāyaϑiya : xšāyaϑiyānām : xšāyaϑiya : dahyūnām
Line: 8 𐏐 𐎱𐎽𐎢𐎺 𐏐 𐏀𐎴𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐏃𐎹𐎠𐎹/𐎠
: p-ru-u-v : z-n-a-n-a-m : x-š-a-y-ϑ-i-y : a-h-y-a-y-/a
: paruv : zanānām : xšāyaϑiya : ahyāyā
Line: 9 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎭𐎠/𐎼𐎹𐎺𐏃𐎢𐏁
: b-u-mi-i-y-a : v-z-r-k-a-y-a : du-u-r-i-y : a-p-i-y : d-a-/r-y-v-h-u-š
: būmiyā : vazrakāyā : dūraiy : apiy : Dārayavahauš
Line: 10 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎱𐎢𐏂 𐏐 𐏃{𐎠}𐎧𐎠𐎶𐎴𐎡𐏁/𐎡𐎹
: x-š-a-y-ϑ-i-y-h-y-a : p-u-ç : h-{a}-x-a-m-n-i-š-/i-y
: xšāyaϑiyahyā : puça : Haxāmanišiya
Line: 11 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐
: ϑ-a-t-i-y : x-š-y-a-r-š-a : x-š-a-y-ϑ-i-y : v-š-n-a :
: ϑātiy : Xšayāršā : xšāyaϑiya : vašnā :
Line: 12 𐎠𐎢𐎼𐎶𐏀𐎭𐎠𐏃𐎠 𐏐 𐎡𐎶𐎶 𐏐 𐎯𐎢𐎺𐎼𐎰𐎡𐎶 𐏐 𐎻𐎡𐎿𐎭𐏃𐎹𐎢𐎶
a-u-r-m-z-d-a-h-a : i-m-m : du-u-v-r-ϑ-i-m : vi-i-s-d-h-y-u-m
Auramazdāhā : imam : duvarϑim : visadahyum
Line: 13 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎺𐎿𐎡𐎹 𐏐 𐎠𐎴𐎡𐎹𐏁𐎨𐎡𐎹 𐏐 𐎴𐎡𐎲𐎶
: a-d-m : a-ku-u-n-v-m : v-s-i-y : a-n-i-y-š-c-i-y : n-i-b-m
: adam : akunavam : vasiy : aniyašciy : naibam
Line: 14 𐏐 𐎣𐎼𐎫𐎶 𐏐 𐎠𐎴𐎠 𐏐 𐎱𐎠𐎼𐎿𐎠 𐏐 𐎫𐎹 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐
: k-r-t-m : a-n-a : p-a-r-s-a : t-y : a-d-m : a-ku-u-n-v-m :
: kartam : anā : Pārsā : tya : adam : akunavam :
Line: 15 𐎢𐎫𐎶𐎡𐎹 𐏐 𐎫𐎹 𐏐 𐎱𐎡𐎫𐎠 𐏐 𐎠𐎤𐎢𐎴𐎢𐏁 𐏐 𐎫𐎹𐎱𐎫𐎡𐎹 𐏐 𐎣/𐎼𐎫𐎶
u-t-m-i-y : t-y : p-i-t-a : a-ku-u-n-u-š : t-y-p-t-i-y : k-/r-t-m
utamaiy : tya : pitā : akunauš : tyapatiy : kartam
Line: 16 𐏐 𐎺𐎡𐎴𐎫𐎡𐎹 𐏐 𐎴𐎡𐎲𐎶 𐏐 𐎠𐎺 𐏐 𐎻𐎡𐎿𐎶 𐏐 𐎺𐏁𐎴𐎠 𐏐 𐎠/𐎢𐎼𐎶𐏀𐎭𐎠𐏃𐎠
: v-i-n-t-i-y : n-i-b-m : a-v : vi-i-s-m : v-š-n-a : a-/u-r-m-z-d-a-h-a
: vainataiy : naibam : ava : visam : vašnā : Auramazdāhā
Line: 17 𐏐 𐎠𐎤𐎢𐎶𐎠 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐
: a-ku-u-m-a : ϑ-a-t-i-y : x-š-y-a-r-š-a :
: akumā : ϑātiy : Xšayāršā :
Line: 18 𐎧𐏁𐎠𐎹𐎰𐎡𐎹 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐎢𐎫𐎶𐎡/𐎹
x-š-a-y-ϑ-i-y : m-a-m : a-u-r-m-z-d-a : p-a-tu-u-v : u-t-m-i-/y
xšāyaϑiya : mām : Auramazdā : pātuv : utamaiy
Line: 19 𐏐 𐎧𐏁𐏂𐎶 𐏐 𐎢𐎫𐎠 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫𐎶 𐏐 𐎢𐎫𐎠 𐏐 𐎫𐎹𐎶𐎡/𐎹
: x-š-ç-m : u-t-a : t-y : m-n-a : k-r-t-m : u-t-a : t-y-m-i-/y
: xšaçam : utā : tya : manā : kartam : utā : tyamaiy
Line: 20 𐏐 𐎱𐎡𐏂 𐏐 𐎣𐎼𐎫𐎶 𐏐 𐎠𐎺𐏁𐎨𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺
: p-i-ç : k-r-t-m : a-v-š-c-i-y : a-u-r-m-z-d-a : p-a-tu-u-v
: piça : kartam : avašciy : Auramazdā : pātuv
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠
b-g : v-z-r-k : a-u-r-m-z-d-a
baga : vazraka : Auramazdā
Line: 2 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐
: h-y : i-m-a-m : b-u-mi-i-m :
: hya : imām : būmim :
Line: 3 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠/𐎴𐎶
a-d-a : h-y : a-v-m : a-s-m-a-/n-m
adā : hya : avam : asmānam
Line: 4 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹/𐎶
: a-d-a : h-y : m-r-t-i-y-/m
: adā : hya : martiyam
Line: 5 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡/𐎶
: a-d-a : h-y : š-i-y-a-t-i-/m
: adā : hya : šiyātim
Line: 6 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠 𐏐
: a-d-a : m-r-t-i-y-h-y-a :
: adā : martiyahyā :
Line: 7 𐏃𐎹 𐏐 𐎧𐏁𐎹𐎠𐎼𐏁𐎠𐎶 𐏐 𐎧𐏁𐎠/𐎹𐎰𐎡𐎹𐎶
h-y : x-š-y-a-r-š-a-m : x-š-a-/y-ϑ-i-y-m
hya : Xšayāršām : xšāyaϑiyam
Line: 8 𐏐 𐎠𐎤𐎢𐎴𐎢𐏁 𐏐 𐎠𐎡/𐎺𐎶
: a-ku-u-n-u-š : a-i-/v-m
: akunauš : aivam
Line: 9 𐏐 𐎱𐎽𐎢𐎴𐎠𐎶 𐏐 𐎧𐏁𐎠𐎹𐎰/𐎡𐎹𐎶
: p-ru-u-n-a-m : x-š-a-y-ϑ-/i-y-m
: parūnām : xšāyaϑiyam
Line: 10 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶
: a-i-v-m : p-ru-u-n-a-m
: aivam : parūnām
Line: 11 𐏐 𐎳𐎼𐎶𐎠𐎫𐎠𐎼𐎶 𐏐 𐎠𐎭𐎶 𐏐 𐎧/𐏁𐎹𐎠𐎼𐏁𐎠
: f-r-m-a-t-a-r-m : a-d-m : x-/š-y-a-r-š-a
: framātāram : adam : Xšayāršā
Line: 12 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y :
: xšāyaϑiya :
Line: 13 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐 𐎧𐏁/𐎠𐎹𐎰𐎡𐎹𐎠𐎴𐎠𐎶
v-z-r-k : x-š-a-y-ϑ-i-y : x-š-/a-y-ϑ-i-y-a-n-a-m
vazraka : xšāyaϑiya : xšāyaϑiyānām
Line: 14 𐏐 𐎧𐏁𐎠𐎹𐎰/𐎡𐎹
: x-š-a-y-ϑ-/i-y
: xšāyaϑiya
Line: 15 𐏐 𐎭𐏃𐎹𐎢𐎴𐎠𐎶 𐏐 𐎱𐎽𐎢𐎺/𐏀𐎴𐎠𐎴𐎠𐎶
: d-h-y-u-n-a-m : p-ru-u-v-/z-n-a-n-a-m
: dahyūnām : paruvzanānām
Line: 16 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y :
: xšāyaϑiya :
Line: 17 𐎠𐏃𐎡𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐
a-h-i-y-a-y-a : b-u-mi-i-y-a :
ahiyāyā : būmiyā :
Line: 18 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹 𐏐 𐎠/𐎱𐎡𐎹
v-z-r-k-a-y-a : du-u-r-i-y : a-/p-i-y
vazrakāyā : dūraiy : apiy
Line: 19 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁/𐎠𐎹𐎰𐎡𐎹𐏃𐎹𐎠
: d-a-r-y-v-h-u-š : x-š-/a-y-ϑ-i-y-h-y-a
: Dārayavahauš : xšāyaϑiyahyā
Line: 20 𐏐 𐎱𐎢𐏂 𐏐 𐏃𐎧/𐎠𐎶𐎴𐎡𐏁𐎡𐎹
: p-u-ç : h-x-/a-m-n-i-š-i-y
: puça : Haxāmanišiya
Line: 21 𐏐 𐎰𐎠𐎫𐎡𐎹 𐏐 𐎧/𐏁𐎹𐎠𐎼𐏁𐎠
: ϑ-a-t-i-y : x-/š-y-a-r-š-a
: ϑātiy : Xšayāršā
Line: 22 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y :
: xšāyaϑiya :
Line: 23 𐎺𐏀𐎼𐎣 𐏐 𐎫𐎹 𐏐 𐎶𐎴𐎠 𐏐 𐎣𐎼𐎫/𐎶
v-z-r-k : t-y : m-n-a : k-r-t-/m
vazraka : tya : manā : kartam
Line: 24 𐏐 𐎡𐎭𐎠 𐏐 𐎢𐎫𐎠 𐏐 𐎫𐎹𐎶𐎡𐎹
: i-d-a : u-t-a : t-y-m-i-y
: idā : utā : tyamaiy
Line: 25 𐏐 𐎠𐎱𐎫𐎼𐎶 𐏐 𐎣𐎼𐎫𐎶 𐏐 𐎠𐎺 𐏐 𐎻/𐎡𐎿𐎶
: a-p-t-r-m : k-r-t-m : a-v : vi-/i-s-m
: apataram : kartam : ava : visam
Line: 26 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠/𐏃
: v-š-n-a : a-u-r-m-z-d-a-/h
: vašnā : Auramazdāha
Line: 27 𐏐 𐎠𐎤𐎢𐎴𐎺𐎶 𐏐 𐎶𐎠𐎶 𐏐 𐎠𐎢𐎼/𐎶𐏀𐎭𐎠
: a-ku-u-n-v-m : m-a-m : a-u-r-/m-z-d-a
: akunavam : mām : Auramazdā
Line: 28 𐏐 𐎱𐎠𐎬𐎢𐎺 𐏐 𐏃𐎭𐎠 𐏐 𐎲/𐎥𐎡𐎲𐎡𐏁
: p-a-tu-u-v : h-d-a : b-/g-i-b-i-š
: pātuv : hadā : bagaibiš
Line: 29 𐏐 𐎢𐎫𐎠𐎶𐎡𐎹 𐏐 𐎧𐏁𐏂/𐎶
: u-t-a-m-i-y : x-š-ç-/m
: utāmaiy : xšaçam
Line: 30 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶
: u-t-a : t-y-m-i-y : k-r-t-m
: utā : tyamaiy : kartam
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐
b-g : v-z-r-k : a-u-r-m-z-d-a : h-y : i-m-a-m : b-u-mi-i-m :
baga : vazraka : Auramazdā : hya : imām : būmim :
Line: 2 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡/𐎹𐎶
a-d-a : h-y : a-v-m : a-s-m-a-n-m : a-d-a : h-y : m-r-t-i-/y-m
adā : hya : avam : asmānam : adā : hya : martiyam
Line: 3 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠
: a-d-a : h-y : š-i-y-a-t-i-m : a-d-a : m-r-t-i-y-h-y-a
: adā : hya : šiyātim : adā : martiyahyā
Line: 4 𐏐 𐏃𐎹 𐏐 𐎧𐏁𐎹𐎠𐎼𐏁𐎠𐎶 𐏐 𐏋𐎶 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱/𐎽𐎢𐎴𐎠𐎶
: h-y : x-š-y-a-r-š-a-m : XŠ-m : a-ku-u-n-u-š : a-i-v-m : p-/ru-u-n-a-m
: hya : Xšayāršām : XŠm : akunauš : aivam : parūnām
Line: 5 𐏐 𐏋𐎶 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎳𐎼𐎶𐎠𐎫𐎠𐎼𐎶
: XŠ-m : a-i-v-m : p-ru-u-n-a-m : f-r-m-a-t-a-r-m
: XŠm : aivam : parūnām : framātāram
Line: 6 𐏐 𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎠𐎴𐎠𐎶 𐏐 𐏋 𐏐
: a-d-m : x-š-y-a-r-š-a : XŠ : v-z-r-k : XŠ : XŠ-a-n-a-m : XŠ :
: adam : Xšayāršā : XŠ : vazraka : XŠ : XŠānām : XŠ :
Line: 7 𐎭𐏃𐎹𐎢𐎴𐎠𐎶 𐏐 𐎱𐎽𐎢𐎺 𐏐 𐏀𐎴𐎠𐎴𐎠𐎶 𐏐 𐏋 𐏐 𐎠𐏃𐎹𐎠𐎹𐎠 𐏐 𐎲/𐎢𐎷𐎡𐎹𐎠
d-h-y-u-n-a-m : p-ru-u-v : z-n-a-n-a-m : XŠ : a-h-y-a-y-a : b-/u-mi-i-y-a
dahyūnām : paruv : zanānām : XŠ : ahyāyā : būmiyā
Line: 8 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎭𐎠𐎼𐎹𐎺/𐏃𐎢𐏁
: v-z-r-k-a-y-a : du-u-r-i-y : a-p-i-y : d-a-r-y-v-/h-u-š
: vazrakāyā : dūraiy : apiy : Dārayavahauš
Line: 9 𐏐 𐏋𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎧/𐏁𐎹𐎠𐎼𐏁𐎠
: XŠ-h-y-a : p-u-ç : h-x-a-m-n-i-š-i-y : ϑ-a-t-i-y : x-/š-y-a-r-š-a
: XŠhyā : puça : Haxāmanišiya : ϑātiy : Xšayāršā
Line: 10 𐏐 𐏋 𐏐 𐎺𐏀𐎼𐎣 𐏐 𐎺𐏁𐎴𐎠 𐏐 𐎠𐎢𐎼𐏃𐎹 𐎶𐏀𐎭𐎠𐏃 𐏐 𐎡/𐎶
: XŠ : v-z-r-k : v-š-n-a : a-u-r-h-y m-z-d-a-h : i-/m
: XŠ : vazraka : vašnā : Aurahya mazdāha : ima
Line: 11 𐏐 𐏃𐎮𐎡𐏁 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎠𐎤𐎢𐎴𐎢𐏁 𐏐 𐏃𐎹 𐏐 𐎶𐎴𐎠 𐏐
: h-di-i-š : d-a-r-y-v-u-š : XŠ : a-ku-u-n-u-š : h-y : m-n-a :
: hadiš : Dārayavauš : XŠ : akunauš : hya : manā :
Line: 12 𐎱𐎡𐎫𐎠 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐏃𐎭𐎠 𐏐 𐎲𐎥/𐎡𐎲𐎡𐏁
p-i-t-a : m-a-m : a-u-r-m-z-d-a : p-a-tu-u-v : h-d-a : b-g-/i-b-i-š
pitā : mām : Auramazdā : pātuv : hadā : bagaibiš
Line: 13 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶 𐏐 𐎢𐎫𐎠 𐏐 𐎫𐎹𐎶𐎡𐎹 𐏐
: u-t-a : t-y-m-i-y : k-r-t-m : u-t-a : t-y-m-i-y :
: utā : tyamaiy : kartam : utā : tyamaiy :
Line: 14 𐎱𐎡𐏂 𐏐 𐎭𐎠𐎼𐎹𐎺𐏃𐎢𐏁 𐏐 𐏋𐏃𐎹𐎠 𐏐 𐎣𐎼𐎫𐎶 𐏐 𐎠𐎺𐏁𐎨𐎡𐎹
p-i-ç : d-a-r-y-v-h-u-š : XŠ-h-y-a : k-r-t-m : a-v-š-c-i-y
piça : Dārayavahauš : XŠhyā : kartam : avašciy
Line: 15 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐏃𐎭𐎠 𐏐 𐎲𐎥𐎡𐎲𐎡𐏁
: a-u-r-m-z-d-a : p-a-tu-u-v : h-d-a : b-g-i-b-i-š
: Auramazdā : pātuv : hadā : bagaibiš
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡/𐎶𐎠𐎶
b-g : v-z-r-k : a-u-r-m-z-d-a : h-y : i-/m-a-m
baga : vazraka : Auramazdā : hya : imām
Line: 2 𐏐 𐎲𐎢𐎷𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶
: b-u-mi-i-m : a-d-a : h-y : a-v-m
: būmim : adā : hya : avam
Line: 3 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹/𐎶
: a-s-m-a-n-m : a-d-a : h-y : m-r-t-i-y-/m
: asmānam : adā : hya : martiyam
Line: 4 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼/𐎫𐎡𐎹𐏃𐎹𐎠
: a-d-a : h-y : š-i-y-a-t-i-m : a-d-a : m-r-/t-i-y-h-y-a
: adā : hya : šiyātim : adā : martiyahyā
Line: 5 𐏐 𐏃𐎹 𐏐 𐎧𐏁𐎹𐎠𐎼𐏁𐎠𐎶 𐏐 𐎧/𐏁𐎠𐎹𐎰𐎡𐎹𐎶
: h-y : x-š-y-a-r-š-a-m : x-/š-a-y-ϑ-i-y-m
: hya : Xšayāršām : xšāyaϑiyam
Line: 6 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽/𐎢𐎴𐎠𐎶
: a-ku-u-n-u-š : a-i-v-m : p-ru-/u-n-a-m
: akunauš : aivam : parūnām
Line: 7 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎡𐎺𐎶 𐏐 𐎱𐎽𐎢/𐎴𐎠𐎶
: x-š-a-y-ϑ-i-y-m : a-i-v-m : p-ru-u-/n-a-m
: xšāyaϑiyam : aivam : parūnām
Line: 8 𐏐 𐎳𐎼𐎶𐎠𐎫𐎠𐎼𐎶 𐏐 𐎠𐎭𐎶 𐏐 𐎧𐏁𐎹𐎠𐎼𐏁/𐎠
: f-r-m-a-t-a-r-m : a-d-m : x-š-y-a-r-š-/a
: framātāram : adam : Xšayāršā
Line: 9 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y : v-z-r-k : x-š-a-y-ϑ-i-y :
: xšāyaϑiya : vazraka : xšāyaϑiya :
Line: 10 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎭𐏃𐎹/𐎢𐎴𐎠𐎶
x-š-a-y-ϑ-i-y-a-n-a-m : x-š-a-y-ϑ-i-y : d-h-y-/u-n-a-m
xšāyaϑiyānām : xšāyaϑiya : dahyūnām
Line: 11 𐏐 𐎱𐎽𐎢𐎺𐏀𐎴𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹
: p-ru-u-v-z-n-a-n-a-m : x-š-a-y-ϑ-i-y
: paruvzanānām : xšāyaϑiya
Line: 12 𐏐 𐎠𐏃𐎡𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣𐎠𐎹𐎠
: a-h-i-y-a-y-a : b-u-mi-i-y-a : v-z-r-k-a-y-a
: ahiyāyā : būmiyā : vazrakāyā
Line: 13 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁/𐎠𐎹𐎰𐎡𐎹𐏃𐎹𐎠
: du-u-r-i-y : a-p-i-y : d-a-r-y-v-h-u-š : x-š-/a-y-ϑ-i-y-h-y-a
: dūraiy : apiy : Dārayavahauš : xšāyaϑiyahyā
Line: 14 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐
: p-u-ç : h-x-a-m-n-i-š-i-y :
: puça : Haxāmanišiya :
Line: 15 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺/𐏀𐎼𐎣
ϑ-a-t-i-y : x-š-y-a-r-š-a : x-š-a-y-ϑ-i-y : v-/z-r-k
ϑātiy : Xšayāršā : xšāyaϑiya : vazraka
Line: 16 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎡𐎶 𐏐 𐏃𐎮/𐎡𐏁
: v-š-n-a : a-u-r-m-z-d-a-h : i-m : h-di-/i-š
: vašnā : Auramazdāha : ima : hadiš
Line: 17 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎶𐎠𐎶 𐏐 𐎠𐎢𐎼𐎶𐏀/𐎭𐎠
: a-d-m : a-ku-u-n-v-m : m-a-m : a-u-r-m-z-/d-a
: adam : akunavam : mām : Auramazdā
Line: 18 𐏐 𐎱𐎠𐎬𐎢𐎺 𐏐 𐏃𐎭𐎠 𐏐 𐎲𐎥𐎡𐎲𐎡𐏁 𐏐 𐎢𐎫𐎶/𐎡𐎹
: p-a-tu-u-v : h-d-a : b-g-i-b-i-š : u-t-m-/i-y
: pātuv : hadā : bagaibiš : utamaiy
Line: 19 𐏐 𐎧𐏁𐏂𐎶 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶
: x-š-ç-m : u-t-a : t-y-m-i-y : k-r-t-m
: xšaçam : utā : tyamaiy : kartam
Line: 1 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼/𐎣
x-š-y-a-r-š-a : x-š-a-y-ϑ-i-y : v-z-r-/k
Xšayāršā : xšāyaϑiya : vazraka
Line: 2 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰𐎡𐎹𐎠/𐎴𐎠𐎶
: x-š-a-y-ϑ-i-y : x-š-a-y-ϑ-i-y-a-/n-a-m
: xšāyaϑiya : xšāyaϑiyānām
Line: 3 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁𐎠𐎹𐎰/𐎡𐎹𐏃𐎹𐎠
: d-a-r-y-v-h-u-š : x-š-a-y-ϑ-/i-y-h-y-a
: Dārayavahauš : xšāyaϑiyahyā
Line: 4 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐
: p-u-ç : h-x-a-m-n-i-š-i-y :
: puça : Haxāmanišiya :
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶𐎠/𐎶
b-g : v-z-r-k : a-u-r-m-z-d-a : h-y : i-m-a-/m
baga : vazraka : Auramazdā : hya : imām
Line: 2 𐏐 𐎲𐎢𐎷𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶/𐎠𐎴𐎶
: b-u-mi-i-m : a-d-a : h-y : a-v-m : a-s-m-/a-n-m
: būmim : adā : hya : avam : asmānam
Line: 3 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐
: a-d-a : h-y : m-r-t-i-y-m : a-d-a :
: adā : hya : martiyam : adā :
Line: 4 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹/𐎠
h-y : š-i-y-a-t-i-m : a-d-a : m-r-t-i-y-h-y-/a
hya : šiyātim : adā : martiyahyā
Line: 5 𐏐 𐏃𐎹 𐏐 𐎧𐏁𐎹𐎠𐎼𐏁𐎠𐎶 𐏐 𐎧𐏁𐎠𐎹𐎰𐎡𐎹𐎶
: h-y : x-š-y-a-r-š-a-m : x-š-a-y-ϑ-i-y-m
: hya : Xšayāršām : xšāyaϑiyam
Line: 6 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎧𐏁/𐎠𐎹𐎰𐎡𐎹𐎶
: a-ku-u-n-u-š : a-i-v-m : p-ru-u-n-a-m : x-š-/a-y-ϑ-i-y-m
: akunauš : aivam : parūnām : xšāyaϑiyam
Line: 7 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎳𐎼𐎶/𐎠𐎫𐎠𐎼𐎶
: a-i-v-m : p-ru-u-n-a-m : f-r-m-/a-t-a-r-m
: aivam : parūnām : framātāram
Line: 8 𐏐 𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠/𐎹𐎰𐎡𐎹
: a-d-m : x-š-y-a-r-š-a : x-š-a-/y-ϑ-i-y
: adam : Xšayāršā : xšāyaϑiya
Line: 9 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠/𐎹𐎰𐎡𐎹𐎠𐎴𐎠𐎶
: v-z-r-k : x-š-a-y-ϑ-i-y : x-š-a-/y-ϑ-i-y-a-n-a-m
: vazraka : xšāyaϑiya : xšāyaϑiyānām
Line: 10 𐏐 𐎧𐏁𐎠𐎹𐎰𐎡𐎹 𐏐 𐎭𐏃𐎹𐎢/𐎴𐎠𐎶
: x-š-a-y-ϑ-i-y : d-h-y-u-/n-a-m
: xšāyaϑiya : dahyūnām
Line: 11 𐏐 𐎱𐎽𐎢𐎺 𐏐 𐏀𐎴𐎠𐎴𐎠𐎶 𐏐 𐎧𐏁𐎠𐎹𐎰/𐎡𐎹
: p-ru-u-v : z-n-a-n-a-m : x-š-a-y-ϑ-/i-y
: paruv : zanānām : xšāyaϑiya
Line: 12 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣/𐎠𐎹𐎠
: a-h-y-a-y-a : b-u-mi-i-y-a : v-z-r-k-/a-y-a
: ahyāyā : būmiyā : vazrakāyā
Line: 13 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎭𐎠𐎼𐎹𐎺𐏃/𐎢𐏁
: du-u-r-i-y : a-p-i-y : d-a-r-y-v-h-/u-š
: dūraiy : apiy : Dārayavahauš
Line: 14 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎱𐎢𐏂 𐏐 𐏃𐎧𐎠/𐎶𐎴𐎡𐏁𐎡𐎹
: x-š-a-y-ϑ-i-y-h-y-a : p-u-ç : h-x-a-/m-n-i-š-i-y
: xšāyaϑiyahyā : puça : Haxāmanišiya
Line: 15 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐
: ϑ-a-t-i-y : x-š-y-a-r-š-a :
: ϑātiy : Xšayāršā :
Line: 16 𐎧𐏁𐎠𐎹𐎰𐎡𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐎭𐎠𐎼𐎹/𐎺𐎢𐏁
x-š-a-y-ϑ-i-y : m-n-a : p-i-t-a : d-a-r-y-/v-u-š
xšāyaϑiya : manā : pitā : Dārayavauš
Line: 17 𐏐 𐎭𐎠𐎼𐎹𐎺𐏃𐎢𐏁 𐏐 𐎱𐎡𐎫𐎠 𐏐 𐎻𐎡𐏁/𐎫𐎠𐎿𐎱
: d-a-r-y-v-h-u-š : p-i-t-a : vi-i-š-/t-a-s-p
: Dārayavahauš : pitā : Vištāspa
Line: 18 𐏐 𐎴𐎠𐎶 𐏐 𐎠𐏃 𐏐 𐎻𐎡𐏁𐎫𐎠𐎿𐎱𐏃𐎹/𐎠
: n-a-m : a-h : vi-i-š-t-a-s-p-h-y-/a
: nāma : āha : Vištāspahyā
Line: 19 𐏐 𐎱𐎡𐎫𐎠 𐏐 𐎠𐎼𐏁𐎠𐎶 𐏐 𐎴𐎠𐎶 𐏐 𐎠𐏃 𐏐 𐎢/𐎫𐎠
: p-i-t-a : a-r-š-a-m : n-a-m : a-h : u-/t-a
: pitā : Aršāma : nāma : āha : utā
Line: 20 𐏐 𐎻𐎡𐏁𐎫𐎠𐎿𐎱 𐏐 𐎢𐎫𐎠 𐏐 𐎠𐎼𐏁𐎠𐎶 𐏐
: vi-i-š-t-a-s-p : u-t-a : a-r-š-a-m :
: Vištāspa : utā : Aršāma :
Line: 21 𐎢𐎲𐎠 𐏐 𐎠𐎪𐎡𐎺𐎫𐎶 𐏐 𐎠𐎨𐎡𐎹 𐏐 𐎠𐎢𐎼𐎶𐏀/𐎭𐎠𐎶
u-b-a : a-ji-i-v-t-m : a-c-i-y : a-u-r-m-z-/d-a-m
ubā : ajīvatam : aciy : Auramazdām
Line: 22 𐏐 𐎠𐎺𐎰𐎠 𐏐 𐎣𐎠𐎶 𐏐 𐎠𐏃 𐏐 𐎭𐎠𐎼𐎹𐎺/𐎢𐎶
: a-v-ϑ-a : k-a-m : a-h : d-a-r-y-v-/u-m
: avaϑā : kāma : āha : Dārayavaum
Line: 23 𐏐 𐏃𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐎠𐎺𐎶 𐏐 𐎧𐏁/𐎠𐎹𐎰𐎡𐎹𐎶
: h-y : m-n-a : p-i-t-a : a-v-m : x-š-/a-y-ϑ-i-y-m
: hya : manā : pitā : avam : xšāyaϑiyam
Line: 24 𐏐 𐎠𐎤𐎢𐎴𐎢𐏁 𐏐 𐎠𐏃𐎹𐎠𐎹𐎠 𐏐
: a-ku-u-n-u-š : a-h-y-a-y-a :
: akunauš : ahyāyā :
Line: 25 𐎲𐎢𐎷𐎡𐎹𐎠 𐏐 𐎹𐎰𐎠 𐏐 𐎭𐎠𐎼𐎹𐎺{𐏃}𐎢𐏁 𐏐 𐎧𐏁/𐎠𐎹𐎰𐎡𐎹
b-u-mi-i-y-a : y-ϑ-a : d-a-r-y-v-{h}-u-š : x-š-/a-y-ϑ-i-y
būmiyā : yaϑā : Dārayavahauš : xšāyaϑiya
Line: 26 𐏐 𐎠𐎲𐎺 𐏐 𐎺𐎿𐎡𐎹 𐏐 𐎫𐎹 𐏐 𐎳𐎼𐎰𐎼/𐎶
: a-b-v : v-s-i-y : t-y : f-r-ϑ-r-/m
: abava : vasiy : tya : fraϑaram
Line: 27 𐏐 𐎠𐎤𐎢𐎴𐎢𐏁 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠
: a-ku-u-n-u-š : ϑ-a-t-i-y : x-š-y-a-r-š-a
: akunauš : ϑātiy : Xšayāršā
Line: 28 𐏐 𐎧𐏁𐎠𐎹𐎰𐎡𐎹 𐏐 𐎭𐎠𐎼𐎹𐎺<𐏃>𐎢𐏁 𐏐 𐎱𐎢𐏂𐎠 𐏐
: x-š-a-y-ϑ-i-y : d-a-r-y-v-<h>-u-š : p-u-ç-a :
: xšāyaϑiya : Dārayavahauš : puçā :
Line: 29 𐎠𐎴𐎡𐎹𐎡𐎨𐎡𐎹 𐏐 𐎠𐏃𐎫𐎠 𐏐 𐎠𐎢𐎼𐎶𐏀𐎭𐎠𐎶
a-n-i-y-i-c-i-y : a-h-t-a : a-u-r-m-z-d-a-m
aniyaiciy : āhatā : Auramazdām
Line: 30 𐎠𐎺𐎰 𐏐 𐎣𐎠𐎶 𐏐 𐎠𐏃 𐏐 𐎭𐎠𐎼𐎹𐎺𐎢𐏁 𐏐 𐏃𐎹
a-v-ϑ : k-a-m : a-h : d-a-r-y-v-u-š : h-y
avaϑa : kāma : āha : Dārayavauš : hya
Line: 31 𐏐 𐎶𐎴𐎠 𐏐 𐎱𐎡𐎫𐎠 𐏐 𐎱𐎿𐎠 𐏐 𐎫𐎵𐎢𐎶 𐏐 𐎶𐎠𐎶
: m-n-a : p-i-t-a : p-s-a : t-nu-u-m : m-a-m
: manā : pitā : pasā : tanūm : mām
Line: 32 𐏐 𐎶𐎰𐎡𐏁𐎫𐎶 𐏐 𐎠𐎤𐎢𐎴𐎢𐏁 𐏐 𐎹𐎰𐎠𐎶𐎡𐎹
: m-ϑ-i-š-t-m : a-ku-u-n-u-š : y-ϑ-a-m-i-y
: maϑištam : akunauš : yaϑāmaiy
Line: 33 𐏐 𐎱𐎡𐎫𐎠 𐏐 𐎭𐎠𐎼𐎹𐎺𐎢𐏁 𐏐 𐎥𐎠𐎰𐎺𐎠 𐏐 𐎠/𐏁𐎡𐎹𐎺
: p-i-t-a : d-a-r-y-v-u-š : g-a-ϑ-v-a : a-/š-i-y-v
: pitā : Dārayavauš : gāϑavā : ašiyava
Line: 34 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐏃𐎠 𐏐 𐎠𐎭/𐎶
: v-š-n-a : a-u-r-m-z-d-h-a : a-d-/m
: vašnā : Auramazdahā : adam
Line: 35 𐏐 𐎧𐏁𐎠𐎹𐎰𐎡𐎹 𐏐 𐎠𐎲𐎺𐎶 𐏐 𐎱𐎡𐏂 𐏐 𐎥𐎠/𐎰𐎺𐎠
: x-š-a-y-ϑ-i-y : a-b-v-m : p-i-ç : g-a-/ϑ-v-a
: xšāyaϑiya : abavam : piça : gāϑavā
Line: 36 𐏐 𐎹𐎰𐎠 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎠/𐎲𐎺𐎶
: y-ϑ-a : a-d-m : x-š-a-y-ϑ-i-y : a-/b-v-m
: yaϑā : adam : xšāyaϑiya : abavam
Line: 37 𐏐 𐎺𐎿𐎡𐎹 𐏐 𐎫𐎹 𐏐 𐎳𐎼𐎰𐎼𐎶 𐏐 𐎠𐎤𐎢/𐎴𐎺𐎶
: v-s-i-y : t-y : f-r-ϑ-r-m : a-ku-u-/n-v-m
: vasiy : tya : fraϑaram : akunavam
Line: 38 𐏐 𐎫𐎹𐎶𐎡𐎹 𐏐 𐎱𐎡𐏂 𐏐 𐎣𐎼𐎫𐎶 𐏐 𐎠𐏃
: t-y-m-i-y : p-i-ç : k-r-t-m : a-h
: tyamaiy : piça : kartam : āha
Line: 39 𐏐 𐎠𐎺 𐏐 𐎠𐎭𐎶 𐏐 𐎠𐎱𐎹𐎡𐎹 𐏐 𐎢𐎫𐎠 𐏐 𐎠𐎴𐎡/𐎹
: a-v : a-d-m : a-p-y-i-y : u-t-a : a-n-i-/y
: ava : adam : apayaiy : utā : aniya
Line: 40 𐏐 𐎣𐎼𐎫𐎶 𐏐 𐎠𐎲𐎡𐎩𐎠𐎺𐎹𐎶 𐏐 𐎫𐎹𐎱𐎫𐎡/𐎹
: k-r-t-m : a-b-i-j-a-v-y-m : t-y-p-t-i-/y
: kartam : abījāvayam : tyapatiy
Line: 41 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐎢𐎫𐎶𐎡𐎹 𐏐 𐎫𐎹
: a-d-m : a-ku-u-n-v-m : u-t-m-i-y : t-y
: adam : akunavam : utamaiy : tya
Line: 42 𐏐 𐎱𐎡𐎫𐎠 𐏐 𐎠𐎤𐎢𐎴𐎢𐏁 𐏐 𐎠𐎺 𐏐 𐎻𐎡𐎿𐎶 𐏐
: p-i-t-a : a-ku-u-n-u-š : a-v : vi-i-s-m :
: pitā : akunauš : ava : visam :
Line: 43 𐎺𐏁𐎴𐎠 𐏐 𐎠𐎢𐎼𐎶𐏀𐎭𐏃𐎠 𐏐 𐎠𐎤𐎢𐎶𐎠 𐏐 𐎰/𐎠𐎫𐎡𐎹
v-š-n-a : a-u-r-m-z-d-h-a : a-ku-u-m-a : ϑ-/a-t-i-y
vašnā : Auramazdahā : akumā : ϑātiy
Line: 44 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐
: x-š-y-a-r-š-a : x-š-a-y-ϑ-i-y :
: Xšayāršā : xšāyaϑiya :
Line: 45 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐎢𐎫𐎶/𐎡𐎹
m-a-m : a-u-r-m-z-d-a : p-a-tu-u-v : u-t-m-/i-y
mām : Auramazdā : pātuv : utamaiy
Line: 46 𐏐 𐎧𐏁𐏂𐎶 𐏐 𐎢𐎫𐎠 𐏐 𐎫𐎹 𐏐 𐎶𐎴𐎠 𐏐 𐎣𐎼/𐎫𐎶
: x-š-ç-m : u-t-a : t-y : m-n-a : k-r-/t-m
: xšaçam : utā : tya : manā : kartam
Line: 47 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎱𐎡𐏂 𐏐 𐎣𐎼𐎫𐎶
: u-t-a : t-y-m-i-y : p-i-ç : k-r-t-m
: utā : tyamaiy : piça : kartam
Line: 48 𐏐 𐎠𐎺𐏁𐎨𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺
: a-v-š-c-i-y : a-u-r-m-z-d-a : p-a-tu-u-v
: avašciy : Auramazdā : pātuv
Line: 1 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐
ϑ-a-t-i-y : x-š-y-a-r-š-a :
ϑātiy : Xšayāršā :
Line: 2 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎺𐏁/𐎴𐎠
x-š-a-y-ϑ-i-y : v-z-r-k : v-š-/n-a
xšāyaϑiya : vazraka : vašnā
Line: 3 𐏐 𐎠𐎢𐎼𐎶𐏀𐎭𐎠𐏃 𐏐 𐎺𐎿𐎡/𐎹
: a-u-r-m-z-d-a-h : v-s-i-/y
: Auramazdāha : vasiy
Line: 4 𐏐 𐎫𐎹 𐏐 𐎴𐎡𐎲𐎶 𐏐 𐎠𐎤𐎢𐎴𐎢/𐏁
: t-y : n-i-b-m : a-ku-u-n-u-/š
: tya : naibam : akunauš
Line: 5 𐏐 𐎢𐎫𐎠 𐏐 𐎳𐎼𐎠𐎶𐎠𐎹𐎫𐎠 𐏐
: u-t-a : f-r-a-m-a-y-t-a :
: utā : frāmāyatā :
Line: 6 𐎭𐎠𐎼𐎹𐎺𐎢[𐏁] 𐏐 𐎧𐏁𐎠𐎹𐎰𐎡𐎹
d-a-r-y-v-u-[š] : x-š-a-y-ϑ-i-y
Dārayavauš : xšāyaϑiya
Line: 7 𐏐 𐏃𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐎺𐏁/𐎴𐎠[𐎱𐎡]𐎹
: h-y : m-n-a : p-i-t-a : v-š-/n-a-[p-i]-y
: hya : manā : pitā : vašnāpiy
Line: 8 𐏐 𐎠𐎢𐎼𐎶𐏀𐎭𐎠𐏃
: a-u-r-m-z-d-a-h
: Auramazdāha
Line: 9 𐏐 𐎠𐎭[𐎶] 𐏐 𐎠𐎲𐎡𐎹𐎩𐎠𐎺𐎹𐎶
: a-d-[m] : a-b-i-y-j-a-v-y-m
: adam : abiyajāvayam
Line: 10 𐏐 𐎠𐎲𐎡𐎹 𐏐 𐎠𐎺 𐏐 𐎣𐎼𐎫𐎶 𐏐
: a-b-i-y : a-v : k-r-t-m :
: abiy : ava : kartam :
Line: 11 𐎢𐎫𐎠 𐏐 𐎳𐎼𐎫𐎼𐎶 [𐏐] 𐎠𐎤𐎢𐎴/𐎺𐎶
u-t-a : f-r-t-r-m [:] a-ku-u-n-/v-m
utā : frataram : akunavam
Line: 12 [𐏐] 𐎶𐎠𐎶 𐏐 𐎠𐎢𐎼𐎶𐏀𐎭𐎠
[:] m-a-m : a-u-r-m-z-d-a
: mām : Auramazdā
Line: 13 𐏐 𐎱𐎠𐎬𐎢𐎺 [𐏐 𐏃𐎭]𐎠 𐏐 𐎲𐎥𐎡/𐎲𐎡𐏁
: p-a-tu-u-v [: h-d]-a : b-g-i-/b-i-š
: pātuv : hadā : bagaibiš
Line: 14 𐏐 𐎢𐎫𐎶𐎡𐎹 [𐏐] 𐎧𐏁𐏂𐎶
: u-t-m-i-y [:] x-š-ç-m
: utamaiy : xšaçam
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷/𐎡𐎶
b-g : v-z-r-k : a-u-r-m-z-d-a : h-y : i-m-a-m : b-u-mi-/i-m
baga : vazraka : Auramazdā : hya : imām : būmim
Line: 2 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹
: a-d-a : h-y : a-v-m : a-s-m-a-n-m : a-d-a : h-y
: adā : hya : avam : asmānam : adā : hya
Line: 3 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐
: m-r-t-i-y-m : a-d-a : h-y : š-i-y-a-t-i-m : a-d-a :
: martiyam : adā : hya : šiyātim : adā :
Line: 4 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎧𐏁𐎹𐎠𐎼𐏁𐎠𐎶 𐏐 𐎧𐏁𐎠𐎹𐎰𐎡/𐎹𐎶
m-r-t-i-y-h-y-a : h-y : x-š-y-a-r-š-a-m : x-š-a-y-ϑ-i-/y-m
martiyahyā : hya : Xšayāršām : xšāyaϑiyam
Line: 5 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎧𐏁𐎠𐎹𐎰/𐎡𐎹𐎶
: a-ku-u-n-u-š : a-i-v-m : p-ru-u-n-a-m : x-š-a-y-ϑ-/i-y-m
: akunauš : aivam : parūnām : xšāyaϑiyam
Line: 6 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎳𐎼𐎶𐎠𐎫𐎠𐎼𐎶 𐏐 𐎠𐎭/𐎶
: a-i-v-m : p-ru-u-n-a-m : f-r-m-a-t-a-r-m : a-d-/m
: aivam : parūnām : framātāram : adam
Line: 7 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹/𐎰𐎡𐎹
: x-š-y-a-r-š-a : x-š-a-y-ϑ-i-y : v-z-r-k : x-š-a-y-/ϑ-i-y
: Xšayāršā : xšāyaϑiya : vazraka : xšāyaϑiya
Line: 8 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎭𐏃𐎹/𐎢𐎴𐎠𐎶
: x-š-a-y-ϑ-i-y-a-n-a-m : x-š-a-y-ϑ-i-y : d-h-y-/u-n-a-m
: xšāyaϑiyānām : xšāyaϑiya : dahyūnām
Line: 9 𐏐 𐎱𐎽𐎢𐎺 𐏐 𐏀𐎴𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐏃/𐎹𐎠𐎹𐎠
: p-ru-u-v : z-n-a-n-a-m : x-š-a-y-ϑ-i-y : a-h-/y-a-y-a
: paruv : zanānām : xšāyaϑiya : ahyāyā
Line: 10 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹 𐏐 𐎠/𐎱𐎡𐎹
: b-u-mi-i-y-a : v-z-r-k-a-y-a : du-u-r-i-y : a-/p-i-y
: būmiyā : vazrakāyā : dūraiy : apiy
Line: 11 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎱𐎢𐏂
: d-a-r-y-v-h-u-š : x-š-a-y-ϑ-i-y-h-y-a : p-u-ç
: Dārayavahauš : xšāyaϑiyahyā : puça
Line: 12 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎱𐎠𐎼𐎿 𐏐 𐎱𐎠𐎼𐎿𐏃𐎹𐎠 𐏐 𐎱𐎢𐏂
: h-x-a-m-n-i-š-i-y : p-a-r-s : p-a-r-s-h-y-a : p-u-ç
: Haxāmanišiya : Pārsa : Pārsahyā : puça
Line: 13 𐏐 𐎠𐎼𐎡𐎹 𐏐 𐎠𐎼𐎡𐎹𐎨𐎡𐏂 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠
: a-r-i-y : a-r-i-y-c-i-ç : ϑ-a-t-i-y : x-š-y-a-r-š-a
: Ariya : Ariyaciça : ϑātiy : Xšayāršā
Line: 14 𐏐 𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐏃𐎠 𐏐 𐎡𐎶𐎠 𐏐
: x-š-a-y-ϑ-i-y : v-š-n-a : a-u-r-m-z-d-h-a : i-m-a :
: xšāyaϑiya : vašnā : Auramazdahā : imā :
Line: 15 𐎭𐏃𐎹𐎠𐎺 𐏐 𐎫𐎹𐎡𐏁𐎠𐎶 𐏐 𐎠𐎭𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐏃/𐎠𐎶
d-h-y-a-v : t-y-i-š-a-m : a-d-m : x-š-a-y-ϑ-i-y : a-h-/a-m
dahyāva : tyaišām : adam : xšāyaϑiya : āhām
Line: 16 𐏐 𐎠𐎱𐎫𐎼𐎶 𐏐 𐏃𐎨𐎠 𐏐 𐎱𐎠𐎼𐎿𐎠 𐏐 𐎠𐎭𐎶𐏁𐎠𐎶 𐏐
: a-p-t-r-m : h-c-a : p-a-r-s-a : a-d-m-š-a-m :
: apataram : hacā : Pārsā : adamšām :
Line: 17 𐎱𐎫𐎡𐎹𐎧𐏁𐎹𐎡𐎹 𐏐 𐎶𐎴𐎠 𐏐 𐎲𐎠𐎪𐎡𐎶 𐏐 𐎠𐎲𐎼𐏃 𐏐 𐎫/𐎹𐏁𐎠𐎶
p-t-i-y-x-š-y-i-y : m-n-a : b-a-ji-i-m : a-b-r-h : t-/y-š-a-m
patiyaxšayaiy : manā : bājim : abaraha : tyašām
Line: 18 𐏐 𐏃𐎨𐎠𐎶 𐏐 𐎠𐎰𐏃𐎡𐎹 𐏐 𐎠𐎺 𐏐 𐎠𐎤𐎢𐎴𐎺 𐏐 𐎭/𐎠𐎫𐎶
: h-c-a-m : a-ϑ-h-i-y : a-v : a-ku-u-n-v : d-/a-t-m
: hacāma : aϑahiya : ava : akunava : dātam
Line: 19 𐏐 𐎫𐎹 𐏐 𐎶𐎴𐎠 𐏐 𐎠𐎺𐎮𐎡𐏁 𐏐 𐎠𐎭𐎠𐎼𐎹 𐏐 𐎶𐎠𐎭
: t-y : m-n-a : a-v-di-i-š : a-d-a-r-y : m-a-d
: tya : manā : avadiš : adāraya : Māda
Line: 20 𐏐 𐎢𐎩 𐏐 𐏃𐎼𐎢𐎺𐎫𐎡𐏁 𐏐 𐎠𐎼𐎷𐎡𐎴 𐏐 𐏀𐎼𐎣 𐏐 𐎱𐎼𐎰𐎺
: u-j : h-r-u-v-t-i-š : a-r-mi-i-n : z-r-k : p-r-ϑ-v
: Ūja : Harauvatiš : Armina : Zraka : Parϑava
Line: 21 𐏐 𐏃𐎼𐎡𐎺 𐏐 𐎲𐎠𐎧𐎫𐎼𐎡𐏁 𐏐 𐎿𐎢𐎥𐎭 𐏐 𐎢𐎺𐎠𐎼𐏀𐎷𐎡/𐏁
: h-r-i-v : b-a-x-t-r-i-š : s-u-g-d : u-v-a-r-z-mi-i-/š
: Haraiva : Bāxtriš : Sugda : Uvārazmiš
Line: 22 𐏐 𐎲𐎠𐎲𐎡𐎽𐎢𐏁 𐏐 𐎠𐎰𐎢𐎼𐎠 𐏐 𐎰𐎫𐎦𐎢𐏁 𐏐 𐎿𐎱𐎼𐎭
: b-a-b-i-ru-u-š : a-ϑ-u-r-a : ϑ-t-gu-u-š : s-p-r-d
: Bābirauš : Aϑurā : Θataguš : Sparda
Line: 23 𐏐 𐎸𐎢𐎭𐎼𐎠𐎹 𐏐 𐎹𐎢𐎴𐎠 𐏐 𐎫𐎹<𐎡𐎹> 𐏐 𐎭𐎼𐎹𐏃𐎡𐎹𐎠 𐏐 𐎭𐎠/𐎼𐎹𐎫𐎡𐎹
: mu-u-d-r-a-y : y-u-n-a : t-y-<i-y> : d-r-y-h-i-y-a : d-a-/r-y-t-i-y
: Mudrāya : Yaunā : tyaiy : drayahyā : dārayatiy
Line: 24 𐏐 𐎢𐎫𐎠 𐏐 𐎫𐎹𐎡𐎹 𐏐 𐎱𐎼𐎭𐎼𐎹 𐏐 𐎭𐎠𐎼𐎹𐎫/𐎡𐎹
: u-t-a : t-y-i-y : p-r-d-r-y : d-a-r-y-t-/i-y
: utā : tyaiy : paradraya : dārayatiy
Line: 25 𐏐 𐎶𐎨𐎡𐎹𐎠 𐏐 𐎠𐎼𐎲𐎠𐎹 𐏐 𐎥𐎭𐎠𐎼 𐏐 𐏃𐎡𐎯𐎢𐏁 𐏐
: m-c-i-y-a : a-r-b-a-y : g-d-a-r : h-i-du-u-š :
: Maciyā : Arabāya : Gadāra : Hiduš :
Line: 26 𐎣𐎫𐎱𐎬𐎢𐎣 𐏐 𐎭𐏃𐎠 𐏐 𐎿𐎣𐎠 𐏐 𐏃𐎢𐎶𐎺𐎼𐎥𐎠 𐏐 𐎿𐎣𐎠
k-t-p-tu-u-k : d-h-a : s-k-a : h-u-m-v-r-g-a : s-k-a
Katpatuka : Dahā : Sakā : haumavargā : Sakā
Line: 27 𐏐 𐎫𐎡𐎥𐎼𐎧𐎢𐎭𐎠 𐏐 𐎿𐎤𐎢𐎭𐎼𐎠 𐏐 𐎠𐎣𐎢𐎳𐎨𐎡𐎹𐎠 𐏐
: t-i-g-r-x-u-d-a : s-ku-u-d-r-a : a-k-u-f-c-i-y-a :
: tigraxaudā : Skudrā : Ākaufaciyā :
Line: 28 𐎱𐎢𐎫𐎠𐎹𐎠 𐏐 𐎣𐎼𐎣𐎠 𐏐 𐎤𐎢𐏁𐎡𐎹𐎠 𐏐 𐎰𐎠𐎫𐎡𐎹 𐏐 𐎧𐏁/𐎹𐎠𐎼𐏁𐎠
p-u-t-a-y-a : k-r-k-a : ku-u-š-i-y-a : ϑ-a-t-i-y : x-š-/y-a-r-š-a
Putāyā : Karkā : Kūšiyā : ϑātiy : Xšayāršā
Line: 29 𐏐 𐎧𐏁𐎠𐎹𐎰𐎡𐎹 𐏐 𐎹𐎰𐎠 𐏐 𐎫𐎹 𐏐 𐎠𐎭𐎶 𐏐 𐎧/𐏁𐎠𐎹𐎰𐎡𐎹
: x-š-a-y-ϑ-i-y : y-ϑ-a : t-y : a-d-m : x-/š-a-y-ϑ-i-y
: xšāyaϑiya : yaϑā : tya : adam : xšāyaϑiya
Line: 30 𐏐 𐎠𐎲𐎺𐎶 𐏐 𐎠𐎿𐎫𐎡𐎹 𐏐 𐎠𐎫𐎼 𐏐 𐎠𐎡𐎫𐎠
: a-b-v-m : a-s-t-i-y : a-t-r : a-i-t-a
: abavam : astiy : atar : aitā
Line: 31 𐏐 𐎭𐏃𐎹𐎠𐎺 𐏐 𐎫𐎹𐎡𐎹 𐏐 𐎢𐎱𐎼𐎡𐎹 𐏐 𐎴𐎡𐎱𐎡𐏁𐎫𐎠 𐏐 𐎠/𐎹𐎢𐎭
: d-h-y-a-v : t-y-i-y : u-p-r-i-y : n-i-p-i-š-t-a : a-/y-u-d
: dahyāva : tyaiy : upariy : nipištā : ayauda
Line: 32 𐏐 𐎱𐎿𐎠𐎺𐎶𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎢𐎱𐎿𐎫𐎠𐎶 𐏐
: p-s-a-v-m-i-y : a-u-r-m-z-d-a : u-p-s-t-a-m :
: pasāvamaiy : Auramazdā : upastām :
Line: 33 𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐏃𐎠 𐏐 𐎠𐎺 𐏐 𐎭𐏃𐎹𐎠𐎺𐎶
a-b-r : v-š-n-a : a-u-r-m-z-d-h-a : a-v : d-h-y-a-v-m
abara : vašnā : Auramazdahā : ava : dahyāvam
Line: 34 𐏐 𐎠𐎭𐎶 𐏐 𐎠𐎩𐎴𐎶 𐏐 𐎢𐎫𐏁𐎡𐎶 𐏐 𐎥𐎠𐎰𐎺𐎠 𐏐 𐎴𐎡𐏁𐎠𐎭/𐎹𐎶
: a-d-m : a-j-n-m : u-t-š-i-m : g-a-ϑ-v-a : n-i-š-a-d-/y-m
: adam : ajanam : utašim : gāϑavā : nīšādayam
Line: 35 𐏐 𐎢𐎫𐎠 𐏐 𐎠𐎫𐎼 𐏐 𐎠𐎡𐎫𐎠 𐏐 𐎭𐏃𐎹𐎠𐎺 𐏐 𐎠𐏃 𐏐 𐎹𐎭/𐎠𐎫𐎹
: u-t-a : a-t-r : a-i-t-a : d-h-y-a-v : a-h : y-d-/a-t-y
: utā : atar : aitā : dahyāva : āha : yadātya
Line: 36 𐏐 𐎱𐎽𐎢𐎺𐎶 𐏐 𐎭𐎡𐎺𐎠 𐏐 𐎠𐎹𐎮𐎡𐎹 𐏐 𐎱𐎿𐎠𐎺 𐏐 𐎺/𐏁𐎴𐎠
: p-ru-u-v-m : d-i-v-a : a-y-di-i-y : p-s-a-v : v-/š-n-a
: paruvam : daivā : ayadiya : pasāva : vašnā
Line: 37 𐏐 𐎠𐎢𐎼𐎶𐏀𐎭𐏃𐎠 𐏐 𐎠𐎭𐎶 𐏐 𐎠𐎺𐎶 𐏐 𐎭𐎡𐎺𐎭𐎠𐎴/𐎶
: a-u-r-m-z-d-h-a : a-d-m : a-v-m : d-i-v-d-a-n-/m
: Auramazdahā : adam : avam : daivadānam
Line: 38 𐏐 𐎻𐎡𐎹𐎣𐎴𐎶 𐏐 𐎢𐎫𐎠 𐏐 𐎱𐎫𐎡𐎹𐏀𐎲𐎹𐎶 𐏐 𐎭𐎡𐎺𐎠 𐏐
: vi-i-y-k-n-m : u-t-a : p-t-i-y-z-b-y-m : d-i-v-a :
: viyakanam : utā : patiyazbayam : daivā :
Line: 39 𐎶𐎠 𐏐 𐎹𐎭𐎡𐎹𐎡𐏁 𐏐 𐎹𐎭𐎠𐎹𐎠 𐏐 𐎱𐎽𐎢𐎺𐎶 𐏐 𐎭𐎡𐎺𐎠 𐏐
m-a : y-d-i-y-i-š : y-d-a-y-a : p-ru-u-v-m : d-i-v-a :
mā : yadiyaiša : Yadāyā : paruvam : daivā :
Line: 40 𐎠𐎹𐎮𐎡𐎹 𐏐 𐎠𐎺𐎭𐎠 𐏐 𐎠𐎭𐎶 𐏐 𐎠𐎢𐎼𐎶𐏀𐎭𐎠𐎶 𐏐 𐎠𐎹𐎭/𐎡𐎹
a-y-di-i-y : a-v-d-a : a-d-m : a-u-r-m-z-d-a-m : a-y-d-/i-y
ayadiya : avadā : adam : Auramazdām : ayadaiy
Line: 41 𐏐 𐎠𐎼𐎫𐎠𐎨𐎠 𐏐 𐎲𐎼𐏀𐎶𐎴𐎡𐎹 𐏐 𐎢𐎫𐎠 𐏐 𐎠𐎴𐎡𐎹𐏁/𐎨<𐎡𐎹>
: a-r-t-a-c-a : b-r-z-m-n-i-y : u-t-a : a-n-i-y-š-/c-<i-y>
: artācā : brazmaniya : utā : aniyašciy
Line: 42 𐏐 𐎠𐏃 𐏐 𐎫𐎹 𐏐 𐎯𐎢𐏁𐎣𐎼𐎫𐎶 𐏐 𐎠𐎣𐎼𐎡𐎹 𐏐 𐎠𐎺 𐏐 𐎠𐎭/𐎶
: a-h : t-y : du-u-š-k-r-t-m : a-k-r-i-y : a-v : a-d-/m
: āha : tya : duškartam : akariya : ava : adam
Line: 43 𐏐 𐎴𐎡𐎲𐎶 𐏐 𐎠𐎤𐎢𐎴𐎺𐎶 𐏐 𐎠𐎡𐎫 𐏐 𐎫𐎹 𐏐 𐎠𐎭𐎶 𐏐 𐎠𐎤/𐎢𐎴𐎺𐎶
: n-i-b-m : a-ku-u-n-v-m : a-i-t : t-y : a-d-m : a-ku-/u-n-v-m
: naibam : akunavam : aita : tya : adam : akunavam
Line: 44 𐏐 𐎻𐎡𐎿𐎶 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐏃𐎠 𐏐 𐎠𐎤𐎢/𐎴𐎺𐎶
: vi-i-s-m : v-š-n-a : a-u-r-m-z-d-h-a : a-ku-u-/n-v-m
: visam : vašnā : Auramazdahā : akunavam
Line: 45 𐏐 𐎠𐎢𐎼𐎶𐏀𐎭𐎠𐎶𐎡𐎹 𐏐 𐎢𐎱𐎿𐎫𐎠𐎶 𐏐 𐎠𐎲𐎼 𐏐 𐎹/𐎠𐎫𐎠
: a-u-r-m-z-d-a-m-i-y : u-p-s-t-a-m : a-b-r : y-/a-t-a
: Auramazdāmaiy : upastām : abara : yātā
Line: 46 𐏐 𐎣𐎼𐎫𐎶 𐏐 𐎠𐎤𐎢𐎴𐎺𐎶 𐏐 𐎬𐎢𐎺 𐏐 𐎣𐎠 𐏐 𐏃𐎹 𐏐
: k-r-t-m : a-ku-u-n-v-m : tu-u-v : k-a : h-y :
: kartam : akunavam : tuva : kā : hya :
Line: 47 𐎠𐎱𐎼 𐏐 𐎹𐎮𐎡𐎶𐎴𐎡𐎹𐎠𐎡𐎹 𐏐 𐏁𐎡𐎹𐎠𐎫 𐏐 𐎠𐏃𐎴𐎡𐎹
a-p-r : y-di-i-m-n-i-y-a-i-y : š-i-y-a-t : a-h-n-i-y
apara : yadimaniyāiy : šiyāta : ahaniy
Line: 48 𐏐 𐎪𐎡𐎺 𐏐 𐎢𐎫𐎠 𐏐 𐎶𐎼𐎫 𐏐 𐎠𐎼𐎫𐎠𐎺𐎠 𐏐 𐎠𐏃𐎴𐎡𐎹 𐏐
: ji-i-v : u-t-a : m-r-t : a-r-t-a-v-a : a-h-n-i-y :
: jīva : utā : marta : artāvā : ahaniy :
Line: 49 𐎠𐎺𐎴𐎠 𐏐 𐎭𐎠𐎫𐎠 𐏐 𐎱𐎼𐎡𐎮𐎡𐎹 𐏐 𐎫𐎹 𐏐 𐎠𐎢𐎼𐎶𐏀𐎭/𐎠
a-v-n-a : d-a-t-a : p-r-i-di-i-y : t-y : a-u-r-m-z-d-/a
avanā : dātā : paraidiy : tya : Auramazdā
Line: 50 𐏐 𐎴𐎡𐎹𐏁𐎫𐎠𐎹 𐏐 𐎠𐎢𐎼𐎶𐏀𐎭𐎠𐎶 𐏐 𐎹𐎭𐎡𐏁𐎠 𐏐 𐎠/𐎼𐎫𐎠𐎨𐎠
: n-i-y-š-t-a-y : a-u-r-m-z-d-a-m : y-d-i-š-a : a-/r-t-a-c-a
: niyaštāya : Auramazdām : yadaišā : artācā
Line: 51 𐏐 𐎲𐎼𐏀𐎶𐎴𐎡𐎹 𐏐 𐎶𐎼𐎫𐎡𐎹 𐏐 𐏃𐎹 𐏐 𐎠𐎺𐎴/𐎠
: b-r-z-m-n-i-y : m-r-t-i-y : h-y : a-v-n-/a
: brazmaniya : martiya : hya : avanā
Line: 52 𐏐 𐎭𐎠𐎫𐎠 𐏐 𐎱𐎼𐎡𐎹𐎡𐎫<𐎡𐎹> 𐏐 𐎫𐎹 𐏐 𐎠𐎢𐎼𐎶𐏀𐎭𐎠 𐏐 𐎴/𐎡𐏁𐎫𐎠𐎹
: d-a-t-a : p-r-i-y-i-t-<i-y> : t-y : a-u-r-m-z-d-a : n-/i-š-t-a-y
: dātā : pariyaita : tya : Auramazdā : nīštāya
Line: 53 𐏐 𐎢𐎫𐎠 𐏐 𐎠𐎢𐎼𐎶𐏀𐎭𐎠𐎶 𐏐 𐎹𐎭𐎫𐎡𐎹 𐏐 𐎠/𐎼𐎫𐎠𐎨𐎠
: u-t-a : a-u-r-m-z-d-a-m : y-d-t-i-y : a-/r-t-a-c-a
: utā : Auramazdām : yadataiy : artācā
Line: 54 𐏐 𐎲𐎼𐏀𐎶𐎴𐎡𐎹 𐏐 𐏃𐎢𐎺 𐏐 𐎢𐎫𐎠 𐏐 𐎪𐎡𐎺 𐏐
: b-r-z-m-n-i-y : h-u-v : u-t-a : ji-i-v :
: brazmaniya : hauv : utā : jīva :
Line: 55 𐏁𐎡𐎹𐎠𐎫 𐏐 𐎲𐎺𐎫𐎡𐎹 𐏐 𐎢𐎫𐎠 𐏐 𐎶𐎼𐎫 𐏐 𐎠𐎼𐎫𐎠𐎺𐎠
š-i-y-a-t : b-v-t-i-y : u-t-a : m-r-t : a-r-t-a-v-a
šiyāta : bavatiy : utā : marta : artāvā
Line: 56 𐏐 𐎲𐎺𐎫𐎡𐎹 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰/𐎡𐎹
: b-v-t-i-y : ϑ-a-t-i-y : x-š-y-a-r-š-a : x-š-a-y-ϑ-/i-y
: bavatiy : ϑātiy : Xšayāršā : xšāyaϑiya
Line: 57 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐏃𐎨𐎠 𐏐 𐎥/𐎿𐎫𐎠
: m-a-m : a-u-r-m-z-d-a : p-a-tu-u-v : h-c-a : g-/s-t-a
: mām : Auramazdā : pātuv : hacā : gastā
Line: 58 𐏐 <𐎢>𐎫𐎶𐎡𐎹 𐏐 𐎻𐎡𐎰𐎶 𐏐 𐎢𐎫𐎠 𐏐 𐎡𐎶𐎠𐎶 𐏐 𐎭𐏃/𐎹𐎠𐎺𐎶
: <u>-t-m-i-y : vi-i-ϑ-m : u-t-a : i-m-a-m : d-h-/y-a-v-m
: utamaiy : viϑam : utā : imām : dahyāvam
Line: 59 𐏐 𐎠𐎡𐎫 𐏐 𐎠𐎭𐎶 𐏐 𐎠𐎢𐎼𐎶𐏀𐎭𐎠𐎶 𐏐 𐎩𐎮𐎡𐎹/𐎠𐎷𐎡𐎹
: a-i-t : a-d-m : a-u-r-m-z-d-a-m : j-di-i-y-/a-mi-i-y
: aita : adam : Auramazdām : jadiyāmiy
Line: 60 𐏐 𐎠𐎡𐎫𐎶𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎭𐎭𐎠𐎬𐎢𐎺
: a-i-t-m-i-y : a-u-r-m-z-d-a : d-d-a-tu-u-v
: aitamaiy : Auramazdā : dadātuv
Line: 1 [𐎶𐎹]𐎢𐎧 𐏐 𐎣[𐎠𐎿𐎣]𐎡𐎴 𐏐 𐎧𐏁𐎹𐎠[𐎼𐏁𐎠𐏃 𐏐 𐏋𐏃𐎹𐎠 𐏐 𐎻𐎡𐎰𐎡𐎹𐎠 𐏐 𐎣𐎼𐎫]
[m-y]-u-x : k-[a-s-k]-i-n : x-š-y-a-[r-š-a-h : XŠ-h-y-a : vi-i-ϑ-i-y-a : k-r-t]
mayūxa : kāsakaina : Xšayāršāha : XŠhyā : viϑiyā : karta
Line: 1 𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎹𐎢𐎴𐎠𐎶 𐏐 𐏋 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡[𐎹]𐎠 𐏐 𐎭𐎠𐎼𐎹𐎺𐏃𐎢𐏁 𐏐 𐏋𐎹𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐 𐏋 𐏐 𐎡𐎶𐎶 𐏐 𐎫𐎨𐎼𐎶 𐏐 𐎠𐎭𐎶 𐏐 𐎠𐎤𐎢𐎴𐎺𐎶
a-d-m : x-š-y-a-r-š-a : XŠ : v-z-r-k : XŠ : XŠ-y-a-n-a-m : XŠ : DH-y-u-n-a-m : XŠ : a-h-y-a-y-a : b-u-mi-i-[y]-a : d-a-r-y-v-h-u-š : XŠ-y-h-y-a : p-u-ç : h-x-a-m-n-i-š-i-y : ϑ-a-t-i-y : x-š-y-a-r-š-a : XŠ : i-m-m : t-c-r-m : a-d-m : a-ku-u-n-v-m
adam : Xšayāršā : XŠ : vazraka : XŠ : XŠyanām : XŠ : DHyunām : XŠ : ahyāyā : būmiyā : Dārayavahauš : XŠyahyā : puça : Haxāmanišiya : ϑātiy : Xšayāršā : XŠ : imam : tacaram : adam : akunavam
Line: 1 𐎧𐏁𐎹[𐎠]𐎼𐏁𐎠 𐏐 𐎭𐎠𐎼𐎹𐎺𐏃[𐎢𐏁 𐏐 𐏋]𐏃𐎹𐎠 𐏐 𐎱𐎢𐏂 𐏐 [𐏃𐎧]𐎠𐎶𐎴𐎡[𐏁𐎡]𐎹
x-š-y-[a]-r-š-a : d-a-r-y-v-h-[u-š : XŠ]-h-y-a : p-u-ç : [h-x]-a-m-n-i-[š-i]-y
Xšayāršā : Dārayavahauš : XŠhyā : puça : Haxāmanišiya
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎠𐎭𐎠 𐏐 𐎡𐎶𐎶
b-g : v-z-r-k : a-u-r-m-z-d-a : h-y : a-d-a : i-m-m
baga : vazraka : Auramazdā : hya : adā : imam
Line: 2 𐏐 𐎳𐎼[𐏁]𐎶 𐏐 𐎫𐎹 𐏐 𐎺𐎡𐎴𐎫<𐎡>𐎹 𐏐 𐏃𐎹 𐏐 𐎠𐎭𐎠 𐏐 𐏁𐎡𐎹𐎠/𐎫𐎡𐎶
: f-r-[š]-m : t-y : v-i-n-t-<i>-y : h-y : a-d-a : š-i-y-a-/t-i-m
: frašam : tya : vainataiy : hya : adā : šiyātim
Line: 3 𐏐 [𐎶𐎼]𐎫𐎡𐎹𐏃𐎹𐎠 𐏐 𐏃𐎹 𐏐 𐎧𐎼𐎬𐎢[𐎶] 𐏐 𐎢𐎫𐎠
: [m-r]-t-i-y-h-y-a : h-y : x-r-tu-u-[m] : u-t-a
: martiyahyā : hya : xratum : utā
Line: 4 𐏐 𐎠𐎽𐎢𐎺𐎿𐎫𐎶 𐏐 𐎢𐎱𐎼[𐎡𐎹] 𐏐 𐎧𐏁[𐎹𐎠𐎼𐏁]𐎠𐎶 𐏐 𐎧𐏁/𐎠𐎹𐎰𐎡𐎹𐎶
: a-ru-u-v-s-t-m : u-p-r-[i-y] : x-š-[y-a-r-š]-a-m : x-š-/a-y-ϑ-i-y-m
: aruvastam : upariy : Xšayāršām : xšāyaϑiyam
Line: 5 𐏐 𐎴[𐎡𐎹𐎿𐎹 𐏐 𐎰𐎠𐎫𐎡𐎹 𐏐 𐎧𐏁𐎹]𐎠𐎼𐏁𐎠
: n-[i-y-s-y : ϑ-a-t-i-y : x-š-y]-a-r-š-a
: nīyasaya : ϑātiy : Xšayāršā
Line: 6 𐏐 [𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠]𐏃𐎠 𐏐 𐎠[𐎭]𐎶
: [x-š-a-y-ϑ-i-y : v-š-n-a : a-u-r-m-z-d-a]-h-a : a-[d]-m
: xšāyaϑiya : vašnā : Auramazdāhā : adam
Line: 7 [𐏐 𐎠𐎺𐎠𐎣𐎼𐎶 𐏐 𐎠]𐏃𐎷𐎡𐎹 𐏐 𐎫𐎹 𐏐 𐎼[𐎠𐎿𐎫]𐎶 𐏐 𐎭𐎢𐏁/[𐎫𐎠
[: a-v-a-k-r-m : a]-h-mi-i-y : t-y : r-[a-s-t]-m : d-u-š-/[t-a
: avākaram : ahmiy : tya : rāstam : dauštā
Line: 8 𐏐 𐎠𐏃𐎷𐎡𐎹 𐏐 𐎷]𐎡𐎰 𐏐 𐎴𐎡𐎹 𐏐 𐎭𐎢𐏁[𐎫𐎠] 𐏐 𐎠𐏃𐎷[𐎡]/𐎹
: a-h-mi-i-y : mi]-i-ϑ : n-i-y : d-u-š-[t-a] : a-h-mi-[i]-/y
: ahmiy : miϑa : naiy : dauštā : ahmiy
Line: 9 𐏐 [𐎴𐎡𐎶𐎠 𐏐 𐎣]𐎠𐎶 𐏐 𐎫𐎹 𐏐 𐎿𐎣𐎢𐎰𐎡𐏁 𐏐 𐎬𐎢𐎵𐎢[𐎺]/𐎫[𐏃]𐎹[𐎠
: [n-i-m-a : k]-a-m : t-y : s-k-u-ϑ-i-š : tu-u-nu-u-[v]-/t-[h]-y-[a
: naimā : kāma : tya : skauϑaiš : tunuvatahyā
Line: 10 𐏐 𐎼]𐎠𐎮𐎡𐎹 𐏐 𐎷𐎡𐎰 𐏐 𐎣𐎼𐎡𐎹[𐎡𐏁 𐏐] 𐎴𐎡[𐎶𐎠]
: r]-a-di-i-y : mi-i-ϑ : k-r-i-y-[i-š :] n-i-[m-a]
: rādiy : miϑa : kariyaiš : naimā
Line: 11 𐏐 𐎠[𐎺 𐏐 𐎣𐎠𐎶] 𐏐 𐎫𐎹 𐏐 𐎬𐎢𐎵𐎢𐎺𐎠 𐏐 𐎿𐎣𐎢[𐎰𐎡𐏁 𐏐 𐎼]/𐎠𐎮[𐎡𐎹
: a-[v : k-a-m] : t-y : tu-u-nu-u-v-a : s-k-u-[ϑ-i-š : r]-/a-di-[i-y
: ava : kāma : tya : tunuvā : skauϑaiš : rādiy
Line: 12 𐏐] 𐎷𐎡𐎰 𐏐 𐎣𐎼𐎡𐎹𐎡𐏁 𐏐 𐎫𐎹 𐏐 𐎼𐎠[𐎿𐎫𐎶 𐏐 𐎠]/[𐎺]
:] mi-i-ϑ : k-r-i-y-i-š : t-y : r-a-[s-t-m : a]-/[v]
: miϑa : kariyaiš : tya : rāstam : ava
Line: 13 𐏐 [𐎶𐎠𐎶 𐏐] 𐎣𐎠𐎶 𐏐 𐎶𐎼𐎫𐎡𐎹𐎶 𐏐 𐎭𐎼𐎢𐎩𐎴[𐎶 𐏐 𐎴𐎡]/𐎹
: [m-a-m :] k-a-m : m-r-t-i-y-m : d-r-u-j-n-[m : n-i]-/y
: mām : kāma : martiyam : draujanam : naiy
Line: 14 𐏐 𐎭𐎢[𐏁𐎫]𐎠 𐏐 𐎠𐏃𐎷𐎡𐎹 𐏐 𐎴𐎡𐎹 𐏐 𐎶[𐎴𐎢𐎻𐎡𐏁 𐏐 𐎠]/𐏃𐎷𐎡𐎹
: d-u-[š-t]-a : a-h-mi-i-y : n-i-y : m-[n-u-vi-i-š : a]-/h-mi-i-y
: dauštā : ahmiy : naiy : manauviš : ahmiy
Line: 15 𐏐 𐎹𐎨𐎶𐎡𐎹 𐏐 𐎱𐎼𐎫𐎴𐎠𐎹𐎠 [𐏐 𐎲𐎺𐎫]𐎡[𐎹 𐏐]
: y-c-m-i-y : p-r-t-n-a-y-a [: b-v-t]-i-[y :]
: yacimaiy? : partāyā? : bavatiy :
Line: 16 𐎭𐎼𐏁𐎶 𐏐 𐎭𐎠𐎼𐎹𐎠𐎷𐎡𐎹 𐏐 𐎶𐎴𐏃𐎹[𐎠 𐏐 𐎢𐎺𐎡]𐎱𐏁𐎡/𐎹𐏃𐎹𐎠
d-r-š-m : d-a-r-y-a-mi-i-y : m-n-h-y-[a : u-v-i]-p-š-i-/y-h-y-a
daršam : dārayāmiy : manahyā : uvaipašiyahyā
Line: 17 [𐏐 𐎭𐎼]𐏁𐎶 𐏐 𐎧𐏁𐎹𐎶𐎴 𐏐 𐎠[𐏃𐎷𐎡𐎹 𐏐] 𐎶𐎼𐎫[𐎡]/𐎹
[: d-r]-š-m : x-š-y-m-n : a-[h-mi-i-y :] m-r-t-[i]-/y
: daršam : xšayamna : ahmiy : martiya
Line: 18 𐏐 𐏃𐎹 [𐏐 𐏃𐎫𐎧]𐏁𐎫𐎡𐎹 𐏐 𐎠𐎵𐎢[𐎺 𐏐 𐏃𐎣𐎼]𐎫𐏃𐎹[𐎠]
: h-y [: h-t-x]-š-t-i-y : a-nu-u-[v : h-k-r]-t-h-y-[a]
: hya : hataxšataiy : anuv : hakartahyā
Line: 19 𐏐 𐎠𐎺𐎰<𐎠>𐎮[𐎡𐎶 𐏐 𐎱𐎼]𐎡𐎲𐎼𐎠[𐎷𐎡𐎹 𐏐 𐏃𐎹 𐏐 𐎻]𐎡𐎴𐎠/𐎰𐎹𐎫𐎡𐎹
: a-v-ϑ-<a>-di-[i-m : p-r]-i-b-r-a-[mi-i-y : h-y : vi]-i-n-a-/ϑ-y-t-i-y
: avaϑādim : paribarāmiy : hya : vināiϑayatiy
Line: 20 [𐏐 𐎠𐎵𐎢𐎮𐎡𐎶 𐏐 𐎻𐎡𐎴𐎿𐎫𐏃𐎹𐎠] 𐏐 𐎱𐎼𐎿/𐎠𐎷𐎡𐎹
[: a-nu-u-di-i-m : vi-i-n-s-t-h-y-a] : p-r-s-/a-mi-i-y
: anudim : vinastahyā : parsāmiy
Line: 21 𐏐 𐎴[𐎡𐎶𐎠 𐏐 𐎣𐎠𐎶 𐏐 𐎫𐎹 𐏐 𐎶𐎼𐎫𐎡]𐎹 𐏐 𐎻𐎡/𐎴𐎠𐎰𐎹𐎡𐏁
: n-[i-m-a : k-a-m : t-y : m-r-t-i]-y : vi-i-/n-a-ϑ-y-i-š
: naimā : kāma : tya : martiya : vināϑayaiš
Line: 22 𐏐 𐎴[𐎡𐎱𐎫𐎡𐎶𐎠 𐏐 𐎠𐎺 𐏐 𐎣]𐎠𐎶 𐏐 𐎹𐎮𐎡/𐎹
: n-[i-p-t-i-m-a : a-v : k]-a-m : y-di-i-/y
: naipatimā : ava : kāma : yadiy
Line: 23 𐏐 𐎻𐎡𐎴𐎠𐎰𐎹[𐎡𐏁 𐏐 𐎴𐎡𐎹 𐏐 𐎳𐎼𐎰𐎡𐎹]𐎡𐏁 𐏐 𐎶𐎼/𐎫𐎡𐎹
: vi-i-n-a-ϑ-y-[i-š : n-i-y : f-r-ϑ-i-y]-i-š : m-r-/t-i-y
: vināϑayaiš : naiy : fraϑiyaiš : martiya
Line: 24 𐏐 𐏃𐎹 𐏐 𐎢𐎱[𐎼𐎡𐎹 𐏐 𐎶𐎼𐎫𐎡𐎹]𐎶 𐏐 𐎰𐎠𐎫𐎡𐎹
: h-y : u-p-[r-i-y : m-r-t-i-y]-m : ϑ-a-t-i-y
: hya : upariy : martiyam : ϑātiy
Line: 25 𐏐 𐎠𐎺 𐏐 𐎶𐎠𐎶 𐏐 𐎴[𐎡𐎹 𐏐 𐎺𐎼𐎴𐎺𐎫𐎡]𐎹 𐏐 𐎹𐎠𐎫𐎠 𐏐
: a-v : m-a-m : n-[i-y : v-r-n-v-t-i]-y : y-a-t-a :
: ava : mām : naiy : varnavataiy : yātā :
Line: 26 𐎢𐎲𐎠𐎴𐎠𐎶 𐏐 𐏃𐎯𐎢𐎥𐎠𐎶 𐏐 𐎠𐎧𐏁𐎵𐎢𐎷𐎡𐎹 𐏐 𐎶𐎼/𐎫𐎡𐎹
u-b-a-n-a-m : h-du-u-g-a-m : a-x-š-nu-u-mi-i-y : m-r-/t-i-y
ubānām : hadugām : āxšnumiy? : martiya
Line: 27 𐏐 𐎫𐎹 𐏐 𐎤𐎴𐎢𐎫𐎡𐎹 𐏐 𐎹𐎮𐎡𐎺𐎠 𐏐 𐎠𐎲𐎼𐎫𐎡/𐎹
: t-y : ku-n-u-t-i-y : y-di-i-v-a : a-b-r-t-i-/y
: tya : kunautiy : yadivā : ābaratiy
Line: 28 𐏐 𐎠𐎵𐎢𐎺 𐏐 𐎫𐎢𐎶𐎠 𐏐 𐎠𐎺𐎴𐎠𐏁𐎡𐎹 𐏐 𐎧𐏁𐎵𐎢𐎫
: a-nu-u-v : t-u-m-a : a-v-n-a-š-i-y : x-š-nu-u-t
: anuv : taumā : avanāšaiy : xšnuta
Line: 29 𐏐 𐎲𐎺𐎠𐎷𐎡𐎹 𐏐 𐎢𐎫<𐎠> 𐏐 𐎶𐎠𐎶 𐏐 𐎺𐎿𐎡𐎹 𐏐 𐎣𐎠𐎶 𐏐 𐎢𐎫𐎠
: b-v-a-mi-i-y : u-t-<a> : m-a-m : v-s-i-y : k-a-m : u-t-a
: bavāmiy : utā : mām : vasiy : kāma : utā
Line: 30 𐏐 𐎢𐎰𐎯𐎢𐏁 𐏐 𐎠𐏃𐎷𐎡𐎹 𐏐 𐎢𐎫𐎠 𐏐 𐎺𐎿𐎡𐎹 𐏐 𐎭𐎭𐎠𐎷/𐎡𐎹
: u-ϑ-du-u-š : a-h-mi-i-y : u-t-a : v-s-i-y : d-d-a-mi-/i-y
: uϑanduš? : ahmiy : utā : vasiy : dadāmiy
Line: 31 𐏐 𐎠𐎥𐎼𐎡𐎹𐎠𐎴𐎠𐎶 𐏐 𐎶<𐎼>𐎫𐎡𐎹𐎠𐎴𐎠𐎶 𐏐 𐎠𐎺𐎠/𐎣𐎼𐎶<𐎨𐎶𐎡>𐎹
: a-g-r-i-y-a-n-a-m : m-<r>-t-i-y-a-n-a-m : a-v-a-/k-r-m-<c-m-i>-y
: agriyānām : martiyānām : avākaramcamaiy
Line: 32 𐏐 𐎢𐏁𐎡𐎹𐎠 𐏐 𐎢𐎫𐎠 𐏐 𐎳𐎼𐎶𐎠𐎴𐎠 𐏐 𐎹𐎰𐎠𐎶/𐎡𐎹
: u-š-i-y-a : u-t-a : f-r-m-a-n-a : y-ϑ-a-m-/i-y
: ušīyā : utā : framānā : yaϑāmaiy
Line: 33 𐏐 𐎫𐎹 𐏐 𐎣𐎼𐎫𐎶 𐏐 𐎺𐎡𐎴𐎠𐏃𐎡𐎹 𐏐 𐎹𐎮𐎡𐎺𐎠 𐏐 𐎠/𐎧𐏁𐎴𐎺𐎠𐏃𐎡𐎹
: t-y : k-r-t-m : v-i-n-a-h-i-y : y-di-i-v-a : a-/x-š-n-v-a-h-i-y
: tya : kartam : vaināhiy : yadivā : āxšnavāhiy
Line: 34 𐏐 𐎢𐎫𐎠 𐏐 𐎻𐎡𐎰𐎡𐎹𐎠 𐏐 𐎢𐎫𐎠 𐏐 𐎿𐎱/𐎠𐎹𐎫𐎡𐎹𐎹𐎠
: u-t-a : vi-i-ϑ-i-y-a : u-t-a : s-p-/a-y-t-i-y-y-a
: utā : viϑiyā : utā : spāya(n)tiyāyā?
Line: 35 𐏐 𐎠𐎡𐎫𐎶𐎡𐎹 𐏐 𐎠𐎽𐎢𐎺𐎿𐎫𐎶 𐏐 𐎢𐎱𐎼/𐎡𐎹
: a-i-t-m-i-y : a-ru-u-v-s-t-m : u-p-r-/i-y
: aitamaiy : aruvastam : upariy
Line: 36 𐏐 𐎶𐎴𐎿𐎨𐎠 𐏐 𐎢𐏁𐎡𐎨𐎠 𐏐 𐎡𐎶𐎱𐎫𐎡𐎶𐎡𐎹 𐏐 𐎠𐎽/𐎢𐎺𐎿𐎫𐎶
: m-n-s-c-a : u-š-i-c-a : i-m-p-t-i-m-i-y : a-ru-/u-v-s-t-m
: manascā : ušīcā : imapatimaiy : aruvastam
Line: 37 𐏐 𐎫𐎹𐎶𐎡𐎹 𐏐 𐎫𐎵𐎢𐏁 𐏐 𐎫𐎠𐎺𐎹𐎫𐎡𐎹 𐏐 𐏃/𐎶𐎼𐎴𐎣𐎼
: t-y-m-i-y : t-nu-u-š : t-a-v-y-t-i-y : h-/m-r-n-k-r
: tyamaiy : tanūš : tāvayatiy : hamaranakara
Line: 38 𐏐 𐎠𐏃𐎷𐎡𐎹 𐏐 𐎢𐏁𐏃𐎶𐎼𐎴𐎣𐎼 𐏐 𐏃𐎣𐎼𐎶𐎶/𐎡𐎹
: a-h-mi-i-y : u-š-h-m-r-n-k-r : h-k-r-m-m-/i-y
: ahmiy : ušhamaranakara : hakarammaiy
Line: 39 𐏐 𐎢𐏁𐎡𐎹𐎠 𐏐 𐎥𐎠𐎰𐎺𐎠 𐏐 𐏃𐏁𐎫𐎫𐎹 𐏐 𐎹𐎨𐎡𐎹
: u-š-i-y-a : g-a-ϑ-v-a : h-š-t-t-y : y-c-i-y
: ušīyā : gāϑavā : hištantiy? : yaciy
Line: 40 𐏐 𐎺𐎡𐎴𐎠𐎷𐎡𐎹 𐏐 𐏃𐎷𐎡𐏂𐎡𐎹𐎶 𐏐 𐎹𐎨𐎡𐎹 𐏐 𐎴𐎡𐎹 𐏐
: v-i-n-a-mi-i-y : h-mi-i-ç-i-y-m : y-c-i-y : n-i-y :
: vaināmiy : hamiçiyam : yaciy : naiy :
Line: 41 𐎺𐎡𐎴𐎠𐎷𐎡𐎹 𐏐 𐎢𐎫𐎠 𐏐 [𐎢]𐏁𐎡𐎲𐎡𐎹𐎠 𐏐 𐎢𐎫𐎠 𐏐 𐎳𐎼/𐎶𐎠𐎴𐎠𐎹𐎠
v-i-n-a-mi-i-y : u-t-a : [u]-š-i-b-i-y-a : u-t-a : f-r-/m-a-n-a-y-a
vaināmiy : utā : ušībiyā : utā : framānāyā
Line: 42 𐏐 𐎠𐎭𐎣𐎡𐎹 𐏐 𐎳𐎼𐎰𐎼 𐏐 𐎶𐎴𐎡𐎹𐎡𐎹 𐏐 𐎠/𐎳𐎢𐎺𐎠𐎹𐎠
: a-d-k-i-y : f-r-ϑ-r : m-n-i-y-i-y : a-/f-u-v-a-y-a
: adakaiy : fraϑara : maniyaiy : afuvāyā
Line: 43 𐏐 𐎹𐎮𐎡𐎹 𐏐 𐎺𐎡𐎴𐎠𐎷𐎡𐎹 𐏐 𐏃𐎷𐎡𐏂𐎡𐎹/𐎶
: y-di-i-y : v-i-n-a-mi-i-y : h-mi-i-ç-i-y-/m
: yadiy : vaināmiy : hamiçiyam
Line: 44 𐏐 𐎹𐎰𐎠 𐏐 𐎹𐎮𐎡𐎹 𐏐 𐎴𐎡𐎹 𐏐 𐎺𐎡𐎴𐎠𐎷𐎡𐎹 𐏐 𐎹𐎠𐎢/𐎶<𐎡>𐎴𐎡𐏁
: y-ϑ-a : y-di-i-y : n-i-y : v-i-n-a-mi-i-y : y-a-u-/m-<i>-n-i-š
: yaϑā : yadiy : naiy : vaināmiy : yāumainiš
Line: 45 𐏐 𐎠𐏃𐎷𐎡𐎹 𐏐 𐎢𐎫𐎠 𐏐 𐎭𐎿𐎫𐎡𐎲𐎡𐎹𐎠 𐏐 𐎢𐎫/𐎠
: a-h-mi-i-y : u-t-a : d-s-t-i-b-i-y-a : u-t-/a
: ahmiy : utā : dastaibiyā : utā
Line: 46 𐏐 𐎱𐎠𐎭𐎡𐎲𐎡𐎹𐎠 𐏐 𐎠𐎿𐎲𐎠𐎼 𐏐 𐎢𐎺𐎿𐎲𐎠𐎼 𐏐 𐎠𐏃/𐎷𐎡𐎹
: p-a-d-i-b-i-y-a : a-s-b-a-r : u-v-s-b-a-r : a-h-/mi-i-y
: pādaibiyā : asabāra : uvasabāra : ahmiy
Line: 47 𐏐 𐎰𐎵𐎢𐎺𐎴𐎡𐎹 𐏐 𐎢𐎰𐎵𐎢𐎺𐎴𐎡𐎹 𐏐 𐎠𐏃𐎷𐎡/𐎹
: ϑ-nu-u-v-n-i-y : u-ϑ-nu-u-v-n-i-y : a-h-mi-i-/y
: ϑanuvaniya : uϑanuvaniya : ahmiy
Line: 48 𐏐 𐎢𐎫𐎠 𐏐 𐎱𐎿𐎫𐎡𐏁 𐏐 𐎢𐎫𐎠 𐏐 𐎠𐎿𐎲𐎠𐎼 𐏐 𐎠𐎼𐏁𐎫/𐎡𐎣
: u-t-a : p-s-t-i-š : u-t-a : a-s-b-a-r : a-r-š-t-/i-k
: utā : pastiš : utā : asabāra : ārštika
Line: 49 𐏐 𐎢𐎺𐎼𐏁𐎫𐎡𐎣 𐏐 𐎠𐏃𐎷𐎡𐎹 𐏐 𐎢𐎫𐎠 𐏐 𐎱𐎿𐎫𐎡/𐏁
: u-v-r-š-t-i-k : a-h-mi-i-y : u-t-a : p-s-t-i-/š
: uvraštika? : ahmiy : utā : pastiš
Line: 50 𐏐 𐎢𐎫𐎠 𐏐 𐎠𐎿𐎲<𐎠>𐎼 𐏐 𐎡𐎶𐎠 𐏐 𐎢𐎴𐎼𐎠 𐏐 𐎫𐎹𐎠 𐏐
: u-t-a : a-s-b-<a>-r : i-m-a : u-n-r-a : t-y-a :
: utā : asabāra : imā : ūnarā : tyā :
Line: 51 𐎠𐎢𐎼𐎶𐏀𐎭𐎠 𐏐 𐎢𐎱𐎼𐎡𐎹 𐏐 𐎶𐎠𐎶 𐏐 𐎴𐎡𐎹𐎿𐎹 𐏐
a-u-r-m-z-d-a : u-p-r-i-y : m-a-m : n-i-y-s-y :
Auramazdā : upariy : mām : nīyasaya :
Line: 52 𐎢𐎫𐎠𐎮𐎡𐏁 𐏐 𐎠𐎫𐎠𐎺𐎹𐎶 𐏐 𐎲(𐎼)𐎫𐎴𐎡𐎹 𐏐 𐎺𐏁𐎴𐎠
u-t-a-di-i-š : a-t-a-v-y-m : b-(r)-t-n-i-y : v-š-n-a
utādiš : atāvayam : bartanaiy : vašnā
Line: 53 𐏐 𐎠𐎢𐎼𐎶𐏀𐎭𐏃𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶 𐏐 𐎡𐎶𐎠𐎲/𐎡𐏁
: a-u-r-m-z-d-h-a : t-y-m-i-y : k-r-t-m : i-m-a-b-/i-š
: Auramazdahā : tyamaiy : kartam : imābiš
Line: 54 𐏐 𐎢𐎴𐎼𐎠𐎲𐎡𐏁 𐏐 𐎠𐎤𐎢𐎴𐎺𐎶 𐏐 𐎫𐎹 𐏐 𐎶𐎠𐎶 𐏐
: u-n-r-a-b-i-š : a-ku-u-n-v-m : t-y : m-a-m :
: ūnarābiš : akunavam : tya : mām :
Line: 55 𐎠𐎢𐎼𐎶𐏀𐎭𐎠 𐎢𐎱𐎼𐎡𐎹 𐏐 𐎴𐎡𐎹𐎿𐎹 𐏐 𐎶𐎠𐎶 𐏐 𐎠𐎢/𐎼𐎶𐏀𐎭𐎠
a-u-r-m-z-d-a u-p-r-i-y : n-i-y-s-y : m-a-m : a-u-/r-m-z-d-a
Auramazdā upariy : nīyasaya : mām : Auramazdā
Line: 56 𐏐 𐎱𐎠𐎬𐎢𐎺 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶
: p-a-tu-u-v : u-t-a : t-y-m-i-y : k-r-t-m
: pātuv : utā : tyamaiy : kartam
Line: 1 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎡𐎶𐎶 𐏐 𐎫𐎨𐎼𐎶 𐏐 𐎠𐎭𐎶 𐏐 𐎠𐎤𐎢𐎴𐎺𐎶
ϑ-a-t-i-y : x-š-y-a-r-š-a : x-š-a-y-ϑ-i-y : i-m-m : t-c-r-m : a-d-m : a-ku-u-n-v-m
ϑātiy : Xšayāršā : xšāyaϑiya : imam : tacaram : adam : akunavam
Line: 1 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎡𐎶 𐏐
ϑ-a-t-i-y : x-š-y-a-r-š-a : x-š-a-y-ϑ-i-y : v-š-n-a : a-u-r-m-z-d-a-h : i-m :
ϑātiy : Xšayāršā : xšāyaϑiya : vašnā : Auramazdāha : ima :
Line: 2 𐏃𐎮𐎡𐏁 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎠𐎤𐎢𐎴𐎢𐏁 𐏐 𐏃𐎹 𐏐 𐎶𐎴𐎠 𐏐 𐎱𐎡𐎫𐎠
h-di-i-š : d-a-r-y-v-u-š : x-š-a-y-ϑ-i-y : a-ku-u-n-u-š : h-y : m-n-a : p-i-t-a
hadiš : Dārayavauš : xšāyaϑiya : akunauš : hya : manā : pitā
Line: 1 [𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠]𐎹𐎰𐎡𐎹 𐏐 𐎧𐏁𐎠𐎹[𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹]/[𐎰𐎡𐎹
[a-d-m : x-š-y-a-r-š-a : x-š-a-y-ϑ-i-y : v-z-r-k : x-š-a]-y-ϑ-i-y : x-š-a-y-[ϑ-i-y-a-n-a-m : x-š-a-y]-/[ϑ-i-y
adam : Xšayāršā : xšāyaϑiya : vazraka : xšāyaϑiya : xšāyaϑiyānām : xšāyaϑiya
Line: 2 𐏐 𐎭𐏃𐎹𐎢𐎴𐎠𐎶 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁𐎠𐎹𐎰𐎡𐎹]𐏃𐎹𐎠 𐏐 𐎱𐎢𐏂 𐏐 𐏃[𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫]/[𐎡𐎹
: d-h-y-u-n-a-m : d-a-r-y-v-h-u-š : x-š-a-y-ϑ-i-y]-h-y-a : p-u-ç : h-[x-a-m-n-i-š-i-y : ϑ-a-t]-/[i-y
: dahyūnām : Dārayavahauš : xšāyaϑiyahyā : puça : Haxāmanišiya : ϑātiy
Line: 3 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎡𐎶 𐏐 𐏃𐎮𐎡𐏁 𐏐 𐎠𐎤𐎢𐎴]𐎠𐎶 𐏐 𐎱𐎿𐎠[𐎺 𐏐 𐎹𐎰𐎠 𐏐 𐎠𐎭𐎶 𐏐 𐎧𐏁𐎠𐎹]/[𐎰𐎡𐎹
: x-š-y-a-r-š-a : x-š-a-y-ϑ-i-y : i-m : h-di-i-š : a-ku-u-n]-a-m : p-s-a-[v : y-ϑ-a : a-d-m : x-š-a-y]-/[ϑ-i-y
: Xšayāršā : xšāyaϑiya : ima : hadiš : akunām : pasāva : yaϑā : adam : xšāyaϑiya
Line: 4 𐏐 𐎠𐎲𐎺𐎶 𐏐 𐎠𐎡𐎫 𐏐 𐎠𐎭𐎶 𐏐 𐎹𐎠𐎴𐎶 𐏐 𐎩𐎮𐎡𐎹𐎠𐎷𐎡]𐎹 𐏐 𐎠𐎢𐎼[𐎶𐏀𐎭𐎠𐎶 𐏐 𐎶𐎠𐎶 𐏐 𐎠𐎢]/[𐎼𐎶𐏀𐎭𐎠
: a-b-v-m : a-i-t : a-d-m : y-a-n-m : j-di-i-y-a-mi-i]-y : a-u-r-[m-z-d-a-m : m-a-m : a-u]-/[r-m-z-d-a
: abavam : aita : adam : yānam : jadiyāmiy : Auramazdām : mām : Auramazdā
Line: 5 𐏐 𐎱𐎠𐎬𐎢𐎺 𐏐 𐏃𐎭𐎠 𐏐 𐎲𐎥𐎡𐎲𐎡𐏁 𐏐 𐎢𐎫𐎶𐎡𐎹 𐏐] 𐎧𐏁𐏂[𐎶 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶]
: p-a-tu-u-v : h-d-a : b-g-i-b-i-š : u-t-m-i-y :] x-š-ç-[m : u-t-a : t-y-m-i-y : k-r-t-m]
: pātuv : hadā : bagaibiš : utamaiy : xšaçam : utā : tyamaiy : kartam
Line: 1{A916} 𐎰𐎠𐎫𐎡𐎹 𐏐 (𐎧)[𐏁𐎹]𐎠[𐎼𐏁]𐎠 𐏐 𐎧𐏁𐎠𐎹𐎰𐎡𐎹 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃 𐏐 𐎡𐎶𐎶 𐏐
ϑ-a-t-i-y : (x)-[š-y]-a-[r-š]-a : x-š-a-y-ϑ-i-y : v-š-n-a : a-u-r-m-z-d-a-h : i-m-m :
ϑātiy : Xšayāršā : xšāyaϑiya : vašnā : Auramazdāha : imam :
Line: 2{A916} 𐎯𐎢𐎺𐎼𐎰𐎡𐎶 𐏐 (𐎭𐎠𐎼)𐎹𐎺𐎢𐏁 𐏐 𐎧𐏁𐎠𐎹[𐎰]𐎡𐎹 𐏐 𐎠𐎤𐎢𐎴𐎢𐏁 𐏐 𐏃𐎹 𐏐 𐎶[𐎴𐎠] 𐏐 𐎱𐎡(𐎫)[𐎠]
du-u-v-r-ϑ-i-m : (d-a-r)-y-v-u-š : x-š-a-y-[ϑ]-i-y : a-ku-u-n-u-š : h-y : m-[n-a] : p-i-(t)-[a]
duvarϑim : Dārayavauš : xšāyaϑiya : akunauš : hya : manā : pitā
Line: 1{B915} [𐎰]𐎠𐎫𐎡𐎹 𐏐 (𐎧)𐏁𐎹𐎠𐎼[𐏁]𐎠 𐏐 (𐎧)[𐏁𐎠𐎹](𐎰)𐎡𐎹 𐏐 𐎺[𐏁𐎴𐎠] 𐏐 𐎠𐎢𐎼𐎶[𐏀]𐎭𐎠𐏃 𐏐 𐎡[𐎶𐎶 𐏐]
[ϑ]-a-t-i-y : (x)-š-y-a-r-[š]-a : (x)-[š-a-y]-(ϑ)-i-y : v-[š-n-a] : a-u-r-m-[z]-d-a-h : i-[m-m :]
ϑātiy : Xšayāršā : xšāyaϑiya : vašnā : Auramazdāha : imam :
Line: 2{B915} [𐎯𐎢𐎺𐎼𐎰𐎡𐎶] 𐏐 𐎭𐎠(𐎼𐎹𐎺)[𐎢𐏁 𐏐 𐎧𐏁𐎠𐎹𐎰𐎡𐎹 𐏐 𐎠𐎤𐎢𐎴𐎢]𐏁 𐏐 𐏃𐎹 𐏐 𐎶𐎴𐎠 𐏐 𐎱[𐎡𐎫𐎠]
[du-u-v-r-ϑ-i-m] : d-a-(r-y-v)-[u-š : x-š-a-y-ϑ-i-y : a-ku-u-n-u]-š : h-y : m-n-a : p-[i-t-a]
duvarϑim : Dārayavauš : xšāyaϑiya : akunauš : hya : manā : pitā
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐
b-g : v-z-r-k : a-u-r-m-z-d-a :
baga : vazraka : Auramazdā :
Line: 2 𐏃𐎹 𐏐 𐎶𐎰𐎡𐏁𐎫 𐏐 𐎲𐎥𐎠𐎴𐎠𐎶 𐏐
h-y : m-ϑ-i-š-t : b-g-a-n-a-m :
hya : maϑišta : bagānām :
Line: 3 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎠𐎭/𐎠
h-y : i-m-a-m : b-u-mi-i-m : a-d-/a
hya : imām : būmim : adā
Line: 4 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐
: h-y : a-v-m : a-s-m-a-n-m :
: hya : avam : asmānam :
Line: 5 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭/𐎠
a-d-a : h-y : m-r-t-i-y-m : a-d-/a
adā : hya : martiyam : adā
Line: 6 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠
: h-y : š-i-y-a-t-i-m : a-d-a
: hya : šiyātim : adā
Line: 7 𐏐 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎧𐏁/𐎹𐎠𐎼𐏁𐎠𐎶
: m-r-t-i-y-h-y-a : h-y : x-š-/y-a-r-š-a-m
: martiyahyā : hya : Xšayāršām
Line: 8 𐏐 𐎧𐏁𐎠𐎹𐎰𐎡𐎹𐎶 𐏐
: x-š-a-y-ϑ-i-y-m :
: xšāyaϑiyam :
Line: 9 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽𐎢𐎴/𐎠𐎶
a-ku-u-n-u-š : a-i-v-m : p-ru-u-n-/a-m
akunauš : aivam : parūnām
Line: 10 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎡𐎺𐎶
: x-š-a-y-ϑ-i-y-m : a-i-v-m
: xšāyaϑiyam : aivam
Line: 11 𐏐 𐎱𐎽𐎢𐎴𐎠𐎶 𐏐 𐎳𐎼𐎶𐎠𐎫𐎠𐎼𐎶
: p-ru-u-n-a-m : f-r-m-a-t-a-r-m
: parūnām : framātāram
Line: 12 𐏐 𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠/𐎹𐎰𐎡𐎹
: a-d-m : x-š-y-a-r-š-a : x-š-a-/y-ϑ-i-y
: adam : Xšayāršā : xšāyaϑiya
Line: 13 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡/𐎹
: v-z-r-k : x-š-a-y-ϑ-i-/y
: vazraka : xšāyaϑiya
Line: 14 𐏐 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁/𐎠𐎹𐎰𐎡𐎹
: x-š-a-y-ϑ-i-y-a-n-a-m : x-š-/a-y-ϑ-i-y
: xšāyaϑiyānām : xšāyaϑiya
Line: 15 𐏐 𐎭𐏃𐎹𐎢𐎴𐎠𐎶 𐏐 𐎱𐎼/𐎢𐏀𐎴𐎠𐎴𐎠𐎶
: d-h-y-u-n-a-m : p-r-/u-z-n-a-n-a-m
: dahyūnām : paruzanānām
Line: 16 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y :
: xšāyaϑiya :
Line: 17 𐎠𐏃𐎡𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐 𐎺/𐏀𐎼𐎣𐎠𐎹𐎠
a-h-i-y-a-y-a : b-u-mi-i-y-a : v-/z-r-k-a-y-a
ahiyāyā : būmiyā : vazrakāyā
Line: 18 𐏐 𐎯𐎢𐎼𐎡𐎹 𐏐 𐎠𐎱𐎡𐎹
: du-u-r-i-y : a-p-i-y
: dūraiy : apiy
Line: 19 𐏐 𐎭𐎠𐎼𐎹𐎺𐏃𐎢𐏁 𐏐 𐎧𐏁𐎠𐎹𐎰𐎡𐎹/𐏃𐎹𐎠
: d-a-r-y-v-h-u-š : x-š-a-y-ϑ-i-y-/h-y-a
: Dārayavahauš : xšāyaϑiyahyā
Line: 20 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹
: p-u-ç : h-x-a-m-n-i-š-i-y
: puça : Haxāmanišiya
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎶𐎰𐎡/𐏁𐎫
b-g : v-z-r-k : a-u-r-m-z-d-a : h-y : m-ϑ-i-/š-t
baga : vazraka : Auramazdā : hya : maϑišta
Line: 2 𐏐 𐎲𐎥𐎠𐎴𐎠𐎶 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷/𐎡𐎶
: b-g-a-n-a-m : h-y : i-m-a-m : b-u-mi-/i-m
: bagānām : hya : imām : būmim
Line: 3 𐏐 𐎠𐎭𐎠 𐏐 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐
: a-d-a : h-y : a-v-m : a-s-m-a-n-m :
: adā : hya : avam : asmānam :
Line: 4 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹𐎶 𐏐 𐎠𐎭𐎠 𐏐 𐏃𐎹 𐏐
a-d-a : h-y : m-r-t-i-y-m : a-d-a : h-y :
adā : hya : martiyam : adā : hya :
Line: 5 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹𐎠 𐏐
š-i-y-a-t-i-m : a-d-a : m-r-t-i-y-h-y-a :
šiyātim : adā : martiyahyā :
Line: 6 𐏃𐎹 𐏐 𐎧𐏁𐎹𐎠𐎼𐏁𐎠𐎶 𐏐 𐎧𐏁𐎠𐎹𐎰𐎡𐎹𐎶
h-y : x-š-y-a-r-š-a-m : x-š-a-y-ϑ-i-y-m
hya : Xšayāršām : xšāyaϑiyam
Line: 7 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎧/𐏁𐎠𐎹𐎰𐎡𐎹𐎶
: a-ku-u-n-u-š : a-i-v-m : p-ru-u-n-a-m : x-/š-a-y-ϑ-i-y-m
: akunauš : aivam : parūnām : xšāyaϑiyam
Line: 8 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐
: a-i-v-m : p-ru-u-n-a-m :
: aivam : parūnām :
Line: 9 𐎳𐎼𐎶𐎠𐎫𐎠𐎼𐎶 𐏐 𐎠𐎭𐎶 𐏐 𐎧𐏁𐎹𐎠𐎼𐏁𐎠 𐏐
f-r-m-a-t-a-r-m : a-d-m : x-š-y-a-r-š-a :
framātāram : adam : Xšayāršā :
Line: 10 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐
x-š-a-y-ϑ-i-y : v-z-r-k : x-š-a-y-ϑ-i-y :
xšāyaϑiya : vazraka : xšāyaϑiya :
Line: 11 𐎧𐏁𐎠𐎹𐎰𐎡𐎹𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎭/𐏃𐎹𐎢𐎴𐎠𐎶
x-š-a-y-ϑ-i-y-a-n-a-m : x-š-a-y-ϑ-i-y : d-/h-y-u-n-a-m
xšāyaϑiyānām : xšāyaϑiya : dahyūnām
Line: 12 𐏐 𐎱𐎽𐎢𐎺 𐏐 𐏀𐎴𐎠𐎴𐎠𐎶 𐏐 𐎧𐏁/𐎠𐎹𐎰𐎡𐎹
: p-ru-u-v : z-n-a-n-a-m : x-š-/a-y-ϑ-i-y
: paruv : zanānām : xšāyaϑiya
Line: 13 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐 𐎺/𐏀𐎼𐎣𐎠𐎹𐎠
: a-h-y-a-y-a : b-u-mi-i-y-a : v-/z-r-k-a-y-a
: ahyāyā : būmiyā : vazrakāyā
Line: 14 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎭𐎠𐎼𐎹/𐎺𐏃𐎢𐏁
: du-u-r-i-y : a-p-i-y : d-a-r-y-/v-h-u-š
: dūraiy : apiy : Dārayavahauš
Line: 15 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎱𐎢𐏂 𐏐 𐏃/𐎧𐎠𐎶𐎴𐎡𐏁𐎡𐎹
: x-š-a-y-ϑ-i-y-h-y-a : p-u-ç : h-/x-a-m-n-i-š-i-y
: xšāyaϑiyahyā : puça : Haxāmanišiya
Line: 16 𐏐 𐎰𐎠𐎫𐎡𐎹 𐏐 𐎧𐏁𐎹𐎠𐎼𐏁𐎠
: ϑ-a-t-i-y : x-š-y-a-r-š-a
: ϑātiy : Xšayāršā
Line: 17 𐏐 𐎧𐏁𐎠𐎹𐎰𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹/𐎰𐎡𐎹
: x-š-a-y-ϑ-i-y : d-a-r-y-v-u-š : x-š-a-y-/ϑ-i-y
: xšāyaϑiya : Dārayavauš : xšāyaϑiya
Line: 18 𐏐 𐏃𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐏃𐎢𐎺 𐏐 𐎺/𐏁𐎴𐎠
: h-y : m-n-a : p-i-t-a : h-u-v : v-/š-n-a
: hya : manā : pitā : hauv : vašnā
Line: 19 𐏐 𐎠𐎢𐎼𐎶𐏀𐎭𐎠𐏃 𐏐 𐎺𐎿𐎡𐎹 𐏐 𐎫𐎹 𐏐
: a-u-r-m-z-d-a-h : v-s-i-y : t-y :
: Auramazdāha : vasiy : tya :
Line: 20 𐎴𐎡𐎲𐎶 𐏐 𐎠𐎤𐎢𐎴𐎢𐏁 𐏐 𐎢𐎫𐎠 𐏐 𐎡𐎶 𐏐 𐎿𐎫/𐎠𐎴𐎶
n-i-b-m : a-ku-u-n-u-š : u-t-a : i-m : s-t-/a-n-m
naibam : akunauš : utā : ima : stānam
Line: 21 𐏐 𐏃𐎢𐎺 𐏐 𐎴𐎡𐎹𐏁𐎫𐎠𐎹 𐏐 𐎣𐎫𐎴𐎡𐎹
: h-u-v : n-i-y-š-t-a-y : k-t-n-i-y
: hauv : niyaštāya : katanaiy
Line: 22 𐏐 𐎹𐎴𐎡𐎹 𐏐 𐎮𐎡𐎱𐎡𐎶 𐏐 𐎴𐎡𐎹 𐏐 𐎴𐎡𐎱𐎡𐏁𐎫/𐎠𐎶
: y-n-i-y : di-i-p-i-m : n-i-y : n-i-p-i-š-t-/a-m
: yaniy : dipim : naiy : nipištām
Line: 23 𐏐 𐎠𐎤𐎢𐎴𐎢𐏁 𐏐 𐎱𐎿𐎠𐎺 𐏐 𐎠𐎭𐎶 𐏐 𐎴𐎡/𐎹𐏁𐎫𐎠𐎹𐎶
: a-ku-u-n-u-š : p-s-a-v : a-d-m : n-i-/y-š-t-a-y-m
: akunauš : pasāva : adam : niyaštāyam
Line: 24 𐏐 𐎡𐎶𐎠𐎶 𐏐 𐎮𐎡𐎱𐎡𐎶 𐏐 𐎴𐎡𐎱/𐎡𐏁𐎫𐎴𐎡𐎹
: i-m-a-m : di-i-p-i-m : n-i-p-/i-š-t-n-i-y
: imām : dipim : nipaištanaiy
Line: 25 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠/𐎬𐎢𐎺
: m-a-m : a-u-r-m-z-d-a : p-a-/tu-u-v
: mām : Auramazdā : pātuv
Line: 26 𐏐 𐏃𐎭𐎠 𐏐 𐎲[𐎥𐎡𐎲𐎡𐏁 𐏐 𐎢𐎫𐎠𐎶𐎡]/[𐎹
: h-d-a : b-[g-i-b-i-š : u-t-a-m-i]-/[y
: hadā : bagaibiš : utāmaiy
Line: 27 𐏐 𐎧𐏁𐏂𐎶 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶]
: x-š-ç-m : u-t-a : t-y-m-i-y : k-r-t-m]
: xšaçam : utā : tyamaiy : kartam
Line: 1 [𐎧𐏁𐎹𐎠𐎼]𐏁𐎠𐏃 𐏐 𐏋𐏃𐎹𐎠 𐏐 𐎻𐎡𐎰𐎡𐎹𐎠 𐏐 𐎣𐎼𐎫𐎶
[x-š-y-a-r]-š-a-h : XŠ-h-y-a : vi-i-ϑ-i-y-a : k-r-t-m
Xšayāršāha : XŠhyā : viϑiyā : kartam
Line: 1 𐎧𐏁𐎹𐎠𐎼𐏁𐎠
x-š-y-a-r-š-a
Xšayāršā
Line: 2 𐏐 𐏋 𐏐 𐎺𐏀𐎼𐎣
: XŠ : v-z-r-k
: XŠ : vazraka
Line: 1 𐎠𐎭𐎶 𐏐 𐎧𐏁[𐎹]/𐎠𐎼𐏁𐎠
a-d-m : x-š-[y]-/a-r-š-a
adam : Xšayāršā
Line: 2 𐏐 𐏋
: XŠ
: XŠ
Line: 1 [𐎠𐎭]𐎶 𐏐 𐎧𐏁𐎹𐎠𐎼𐏁𐎠 𐏐 𐏋
[a-d]-m : x-š-y-a-r-š-a : XŠ
adam : Xšayāršā : XŠ
Line: 2 [.....]
[.....]
.....
Line: 1 ...𐎶 𐏐 𐎧/...𐎼𐏁𐎠
...m : x-/...r-š-a
...m : xa/...ršā
Line: 2
Line: 3 ...𐎡𐏁𐎹𐎠
...i-š-y-a-
...išyā?
Line: 1 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣
x-š-y-a-r-š-a : XŠ : v-z-r-k
Xšayāršā : XŠ : vazraka
Line: 1 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣
x-š-y-a-r-š-a : XŠ : v-z-r-k
Xšayāršā : XŠ : vazraka
Line: 1 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣
x-š-y-a-r-š-a : XŠ : v-z-r-k
Xšayāršā : XŠ : vazraka
Line: 1 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣
x-š-y-a-r-š-a : XŠ : v-z-r-k
Xšayāršā : XŠ : vazraka
Line: 1 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣
x-š-y-a-r-š-a : XŠ : v-z-r-k
Xšayāršā : XŠ : vazraka
Line: 1 𐎧𐏁𐎹𐎠𐎼𐏁𐎠 𐏐 𐏋 𐏐 𐎺𐏀𐎼𐎣
x-š-y-a-r-š-a : XŠ : v-z-r-k
Xšayāršā : XŠ : vazraka
Line: 1 𐎧𐏁𐎹𐎠𐎼𐏁𐎠 [
x-š-y-a-r-š-a [
Xšayāršā
Line: 1 𐎠𐎭𐎶 𐏐 𐎧𐏁𐎹/𐎠𐎼𐏁𐎠
a-d-m : x-š-y-/a-r-š-a
adam : Xšayāršā
Line: 2 𐏐 𐏋
: XŠ
: XŠ
Line: 1 𐎧𐏁𐎹𐎠/𐎼𐏁𐎠
x-š-y-a-/r-š-a
Xšayāršā
Line: 2 𐏐
:
:
Line: 3 𐏋 𐏐
XŠ :
XŠ :
Line: 4 𐎺𐏀𐎼/𐎣
v-z-r-/k
vazraka
Line: 5 𐏐
:
:
Line: 1 [𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐]
[b-g : v-z-r-k : a-u-r-m-z-d-a : h-y :]
baga : vazraka : Auramazdā : hya :
Line: 2 [𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺]/[𐎶
[i-m-a-m : b-u-mi-i-m : a-d-a : h-y : a-v]-/[m
imām : būmim : adā : hya : avam
Line: 3 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡]/[𐎹𐎶
: a-s-m-a-n-m : a-d-a : h-y : m-r-t-i]-/[y-m
: asmānam : adā : hya : martiyam
Line: 4 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭]/[𐎠
: a-d-a : h-y : š-i-y-a-t-i-m : a-d]-/[a
: adā : hya : šiyātim : adā
Line: 5 𐏐 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎠𐎼𐎫𐎧𐏁𐏂]/[𐎠𐎶
: m-r-t-i-y-h-y-a : h-y : a-r-t-x-š-ç]-/[a-m
: martiyahyā : hya : Artaxšaçām
Line: 6 𐏐 𐎧𐏁𐎠𐎹𐎰𐎡𐎹𐎶 𐏐 𐎠𐎤𐎢𐎴𐎢𐏁 𐏐 𐎠]/[𐎡𐎺𐎶
: x-š-a-y-ϑ-i-y-m : a-ku-u-n-u-š : a]-/[i-v-m
: xšāyaϑiyam : akunauš : aivam
Line: 7 𐏐 𐎱𐎽𐎢𐎴𐎠𐎶 𐏐 𐎧𐏁𐎠𐎹𐎰𐎡𐎹𐎶 𐏐]
: p-ru-u-n-a-m : x-š-a-y-ϑ-i-y-m :]
: parūnām : xšāyaϑiyam :
Line: 8 [𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐 𐎳𐎼𐎶𐎠𐎫𐎠𐎼𐎶]
[a-i-v-m : p-ru-u-n-a-m : f-r-m-a-t-a-r-m]
aivam : parūnām : framātāram
Line: 9 [𐏐 𐎠𐎭𐎶 𐏐 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹𐎰𐎡𐎹]
[: a-d-m : a-r-t-x-š-ç-a : x-š-a-y-ϑ-i-y]
: adam : Artaxšaçā : xšāyaϑiya
Line: 10 [𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐 𐎧𐏁𐎠𐎹𐎰𐎡]/[𐎹𐎠𐎴𐎠𐎶
[: v-z-r-k : x-š-a-y-ϑ-i-y : x-š-a-y-ϑ-i]-/[y-a-n-a-m
: vazraka : xšāyaϑiya : xšāyaϑiyānām
Line: 11 𐏐 𐎧𐏁𐎠𐎹𐎰𐎡𐎹 𐏐 𐎭𐏃𐎹𐎢𐎴𐎠]/[𐎶
: x-š-a-y-ϑ-i-y : d-h-y-u-n-a]-/[m
: xšāyaϑiya : dahyūnām
Line: 12 𐏐 𐎱𐎽𐎢𐏀𐎴𐎠𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 ]
: p-ru-u-z-n-a-n-a-m : x-š-a-y-ϑ-i-y : ]
: paruzanānām : xšāyaϑiya :
Line: 13 𐎠𐏃[𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣]/𐎠𐎹𐎠
a-h-[y-a-y-a : b-u-mi-i-y-a : v-z-r-k]-/a-y-a
ahyāyā : būmiyā : vazrakāyā
Line: 14 [𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎧𐏁𐎹]/𐎠𐎼𐏁𐏃[𐎹𐎠
[: du-u-r-i-y : a-p-i-y : x-š-y]-/a-r-š-h-[y-a
: dūraiy : apiy : Xšayāršahyā
Line: 15 𐏐 𐎧𐏁𐎠𐎹𐎰𐎡𐎹𐏃𐎹𐎠 𐏐 𐎱𐎢]/𐏂
: x-š-a-y-ϑ-i-y-h-y-a : p-u]-/ç
: xšāyaϑiyahyā : puça
Line: 16 𐏐 𐎭𐎠[𐎼𐎹𐎺𐏃𐎢𐏁 𐏐 𐎴𐎱𐎠 𐏐 𐏃𐎧𐎠𐎶𐎴𐎡𐏁𐎡𐎹]
: d-a-[r-y-v-h-u-š : n-p-a : h-x-a-m-n-i-š-i-y]
: Dārayavahauš : napā : Haxāmanišiya
Line: 17 𐏐 𐎰𐎠𐎫𐎡[𐎹 𐏐 𐎠𐎼𐎫𐎧𐏁𐏂𐎠 𐏐 𐎧𐏁𐎠]/𐎹𐎰𐎡𐎹
: ϑ-a-t-i-[y : a-r-t-x-š-ç-a : x-š-a]-/y-ϑ-i-y
: ϑātiy : Artaxšaçā : xšāyaϑiya
Line: 18 𐏐 [𐎺𐏀𐎼𐎣 𐏐 𐎺𐏁𐎴𐎠 𐏐 𐎠𐎢]/𐎼𐎶𐏀𐎭𐏃[𐎠
: [v-z-r-k : v-š-n-a : a-u]-/r-m-z-d-h-[a
: vazraka : vašnā : Auramazdahā
Line: 19 𐏐 𐎡𐎶 𐏐 𐏃𐎮𐎡𐏁 𐏐 𐎧𐏁𐎹𐎠]/𐎼𐏁𐎠
: i-m : h-di-i-š : x-š-y-a]-/r-š-a
: ima : hadiš : Xšayāršā
Line: 20 𐏐 𐎧[𐏁𐎠𐎹𐎰𐎡𐎹 𐏐 𐏃𐎹 𐏐 𐎶𐎴𐎠 𐏐 𐎱𐎡]/𐎫𐎠
: x-[š-a-y-ϑ-i-y : h-y : m-n-a : p-i]-/t-a
: xšāyaϑiya : hya : manā : pitā
Line: 21 𐏐 𐎳[𐎼𐎫𐎼𐎶 𐏐 𐎱𐎿𐎠𐎺 𐏐 𐎠𐎭𐎶 𐏐 𐎠𐎤𐎢]/𐎴𐎺[𐎶
: f-[r-t-r-m : p-s-a-v : a-d-m : a-ku-u]-/n-v-[m
: frataram : pasāva : adam : akunavam
Line: 22 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬]/𐎢𐎺
: m-a-m : a-u-r-m-z-d-a : p-a-tu]-/u-v
: mām : Auramazdā : pātuv
Line: 23 𐏐 𐏃[𐎭𐎠 𐏐 𐎲𐎥𐎡𐎲𐎡𐏁 𐏐 𐎢𐎫𐎶𐎡𐎹 𐏐]
: h-[d-a : b-g-i-b-i-š : u-t-m-i-y :]
: hadā : bagaibiš : utamaiy :
Line: 24 [𐎧𐏁𐏂𐎶 𐏐 𐎢𐎫𐎠 𐏐 𐎫𐎹𐎶𐎡𐎹 𐏐 𐎣𐎼𐎫𐎶]
[x-š-ç-m : u-t-a : t-y-m-i-y : k-r-t-m]
xšaçam : utā : tyamaiy : kartam
Line: 1 𐎠𐎼𐎫𐎧𐏁𐏂𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎹𐎢𐎴𐎠𐎶 𐏐 𐎧𐏁𐎹𐎠𐎼𐏁𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐎧𐏁𐎹𐎠𐎼𐏁𐏃𐎹𐎠 𐏐 𐎭𐎠𐎼𐎹𐎺𐎢𐏁𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐏃𐎹 𐏐 𐎡𐎶𐎶 𐏐 𐎲𐎠𐎬𐎢𐎥𐎼 𐏐 𐎿𐎡𐎹𐎶𐎶 𐏐 𐎻𐎡𐎰𐎡𐎹𐎠 𐏐 𐎣𐎼𐎫
a-r-t-x-š-ç-a : XŠ : v-z-r-k : XŠ : XŠ-y-a-n-a-m : XŠ : DH-y-u-n-a-m : x-š-y-a-r-š-h-y-a : XŠ-h-y-a : p-u-ç : x-š-y-a-r-š-h-y-a : d-a-r-y-v-u-š-h-y-a : XŠ-h-y-a : p-u-ç : h-x-a-m-n-i-š-i-y : h-y : i-m-m : b-a-tu-u-g-r : s-i-y-m-m : vi-i-ϑ-i-y-a : k-r-t
Artaxšaçā : XŠ : vazraka : XŠ : XŠyanām : XŠ : DHyunām : Xšayāršahyā : XŠhyā : puça : Xšayāršahyā : Dārayavaušahyā : XŠhyā : puça : Haxāmanišiya : hya : imam : bātugara : siyamam : viϑiyā : karta
Line: 1 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹𐎰𐎡𐎹
a-r-t-x-š-ç-a : x-š-a-y-ϑ-i-y
Artaxšaçā : xšāyaϑiya
Line: 1 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹𐎰𐎡𐎹
a-r-t-x-š-ç-a : x-š-a-y-ϑ-i-y
Artaxšaçā : xšāyaϑiya
Line: 1 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹𐎰𐎡𐎹
a-r-t-x-š-ç-a : x-š-a-y-ϑ-i-y
Artaxšaçā : xšāyaϑiya
Line: 1 𐎠𐎼𐎫𐎧𐏁[𐏂] ......
a-r-t-x-š-[ç] ......
Artaxašaça ......
Line: 1 [𐎡𐎶𐎶 𐏐 𐎠𐎱𐎭𐎠]𐎴𐎶 𐏐 𐎿𐎬𐎢𐎴𐎠𐎹 [𐏐 𐎠]𐎰𐎥𐎡𐎴𐎶 𐏐
[i-m-m : a-p-d-a]-n-m : s-tu-u-n-a-y [: a]-ϑ-g-i-n-m :
imam : apadānam : stūnāya : aϑagainam :
Line: 2 𐎭𐎠𐎼[𐎹𐎺𐎢𐏁 𐏐 𐏋 𐏐 𐎺𐏀]𐎼𐎣 𐏐 𐎠𐎤𐎢𐎴𐎢𐏁 𐏐 𐎭𐎠𐎼𐎹/[𐎺𐎢𐎶
d-a-r-[y-v-u-š : XŠ : v-z]-r-k : a-ku-u-n-u-š : d-a-r-y-/[v-u-m
Dārayavauš : XŠ : vazraka : akunauš : Dārayavaum
Line: 3 𐏐 𐏋]𐎶 𐏐 𐏈 𐎱𐎠𐎬𐎢𐎺 𐏐 𐏃𐎭𐎠 𐏐 𐏎𐎡𐎲𐎡𐏁
: XŠ]-m : AM p-a-tu-u-v : h-d-a : BG-i-b-i-š
: XŠm : AM pātuv : hadā : BGibiš
Line: 1 [𐎠𐎭𐎶 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎹]𐎢𐎴𐎠𐎶 𐏋 𐏐 𐎠/[𐏃𐎹𐎠𐎹𐎠
[a-d-m : d-a-r-y-v-u-š : XŠ : v-z-r-k : XŠ : XŠ-y-a-n-a-m : XŠ : DH-y]-u-n-a-m XŠ : a-/[h-y-a-y-a
adam : Dārayavauš : XŠ : vazraka : XŠ : XŠyanām : XŠ : DHyunām XŠ : ahyāyā
Line: 2 𐏐 𐏏𐎹𐎠 𐏐 𐎠𐎼𐎫𐎧𐏁𐏂𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶]𐎴𐎡𐏁𐎡𐎹 𐏐
: BU-y-a : a-r-t-x-š-ç-h-y-a : XŠ-h-y-a : p-u-ç : h-x-a-m]-n-i-š-i-y :
: BUyā : Artaxšaçahyā : XŠhyā : puça : Haxāmanišiya :
Line: 3 [𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎡𐎶 𐏐 𐏃𐎮𐎡𐏁 𐏐 𐎠𐎼𐎫𐎧𐏁𐏂𐎠 𐏐 𐎱𐎼𐎴]𐎶 𐏐 𐎠𐎤𐎢𐎴𐎢𐏁 𐏐
[ϑ-a-t-i-y : d-a-r-y-v-u-š : XŠ : i-m : h-di-i-š : a-r-t-x-š-ç-a : p-r-n]-m : a-ku-u-n-u-š :
ϑātiy : Dārayavauš : XŠ : ima : hadiš : Artaxšaçā : paranam : akunauš :
Line: 4 [𐏃𐎹 𐏐 𐎶𐎴𐎠 𐏐 𐎱𐎡𐎫𐎠 𐏐 𐎡𐎶 𐏐 𐏃𐎮𐎡𐏁 𐏐 𐎱𐎿𐎠𐎺 𐏐 𐎺𐏁𐎴𐎠 𐏐 𐏊 𐏐 𐎠𐎭𐎶 𐏐 𐎠]𐎤𐎢𐎴𐎺𐎶
[h-y : m-n-a : p-i-t-a : i-m : h-di-i-š : p-s-a-v : v-š-n-a : AM-h : a-d-m : a]-ku-u-n-v-m
hya : manā : pitā : ima : hadiš : pasāva : vašnā : AMha : adam : akunavam
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹
b-g : v-z-r-k : a-u-r-m-z-d-a : h-y
baga : vazraka : Auramazdā : hya
Line: 2 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎠𐎭𐎠 𐏐 𐏃𐎹 𐏐 𐎠𐎺/𐎶
: i-m-a-m : b-u-mi-i-m : a-d-a : h-y : a-v-/m
: imām : būmim : adā : hya : avam
Line: 3 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡/𐎹𐎶
: a-s-m-a-n-m : a-d-a : h-y : m-r-t-i-/y-m
: asmānam : adā : hya : martiyam
Line: 4 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭/𐎠
: a-d-a : h-y : š-i-y-a-t-i-m : a-d-/a
: adā : hya : šiyātim : adā
Line: 5 𐏐 𐎶𐎼𐎫𐎡𐎹𐏃𐎹𐎠 𐏐 𐏃𐎹 𐏐 𐎭𐎠𐎼𐎹𐎺/𐎢𐎶
: m-r-t-i-y-h-y-a : h-y : d-a-r-y-v-/u-m
: martiyahyā : hya : Dārayavaum
Line: 6 𐏐 𐏋𐎶 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽/𐎢𐎴𐎠𐎶
: XŠ-m : a-ku-u-n-u-š : a-i-v-m : p-ru-/u-n-a-m
: XŠm : akunauš : aivam : parūnām
Line: 7 𐏐 𐏋𐎶 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶
: XŠ-m : a-i-v-m : p-ru-u-n-a-m
: XŠm : aivam : parūnām
Line: 8 𐏐 𐎳𐎼𐎶𐎠𐎫𐎠𐎼𐎶 𐏐 𐎠𐎭𐎶 𐏐 𐎭𐎠𐎼𐎹𐎺𐎢/𐏁
: f-r-m-a-t-a-r-m : a-d-m : d-a-r-y-v-u-/š
: framātāram : adam : Dārayavauš
Line: 9 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋
: XŠ : v-z-r-k : XŠ : XŠ-y-a-n-a-m : XŠ
: XŠ : vazraka : XŠ : XŠyanām : XŠ
Line: 10 𐏐 𐎭𐏃𐎹𐎢𐎴𐎠𐎶 𐏐 𐎱𐎽𐎢𐎺𐏀𐎴𐎠𐎴𐎠𐎶
: d-h-y-u-n-a-m : p-ru-u-v-z-n-a-n-a-m
: dahyūnām : paruvzanānām
Line: 11 𐏐 𐏋 𐏐 𐎠𐏃𐎹𐎠𐎹𐎠 𐏐 𐎲𐎢𐎷𐎡𐎹𐎠 𐏐 𐎺𐏀𐎼𐎣/𐎠𐎹𐎠
: XŠ : a-h-y-a-y-a : b-u-mi-i-y-a : v-z-r-k-/a-y-a
: XŠ : ahyāyā : būmiyā : vazrakāyā
Line: 12 𐏐 𐎯𐎢𐎼𐎡𐎹 𐏐 𐎠𐎱𐎡𐎹 𐏐 𐎠𐎼𐎫𐎧𐏁𐏂/𐎠
: du-u-r-i-y : a-p-i-y : a-r-t-x-š-ç-/a
: dūraiy : apiy : Artaxšaçā
Line: 13 𐏐 𐏋𐏃𐎹𐎠 𐏐 𐎱𐎢𐏂 𐏐 𐎠𐎼𐎫𐎧𐏁𐏂𐎠𐏃𐎹/𐎠
: XŠ-h-y-a : p-u-ç : a-r-t-x-š-ç-a-h-y-/a
: XŠhyā : puça : Artaxšaçāhyā
Line: 14 𐏐 𐎧𐏁𐎹𐎠𐎼𐏁𐎠𐏃𐎹𐎠 𐏐 𐏋𐏃𐎹𐎠 𐏐 𐎱𐎢/𐏂
: x-š-y-a-r-š-a-h-y-a : XŠ-h-y-a : p-u-/ç
: Xšayāršāhyā : XŠhyā : puça
Line: 15 𐏐 𐎧𐏁𐎹𐎠𐎼𐏁𐎠𐏃𐎹𐎠 𐏐 𐎭𐎠𐎼𐎹𐎺𐎢𐏁/𐏃𐎹𐎠
: x-š-y-a-r-š-a-h-y-a : d-a-r-y-v-u-š-/h-y-a
: Xšayāršāhyā : Dārayavaušahyā
Line: 16 𐏐 𐏋𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡/𐎹
: XŠ-h-y-a : p-u-ç : h-x-a-m-n-i-š-i-/y
: XŠhyā : puça : Haxāmanišiya
Line: 17 𐏐 𐎰𐎠𐎫𐎡𐎹 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎠𐎢/𐎼𐎶𐏀𐎭𐎠
: ϑ-a-t-i-y : d-a-r-y-v-u-š : XŠ : a-u-/r-m-z-d-a
: ϑātiy : Dārayavauš : XŠ : Auramazdā
Line: 18 𐏐 𐎡𐎶𐎠𐎶 𐏐 𐎭𐏃𐎹𐎠𐎢𐎶 𐏐 𐎶𐎴𐎠
: i-m-a-m : d-h-y-a-u-m : m-n-a
: imām : dahyāum : manā
Line: 19 𐏐 𐎳𐎼𐎠𐎲𐎼 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭/𐎠𐏃
: f-r-a-b-r : v-š-n-a : a-u-r-m-z-d-/a-h
: frābara : vašnā : Auramazdāha
Line: 20 𐏐 𐎠𐎭𐎶 𐏐 𐏋 𐏐 𐎠𐏃𐎹𐎠𐎹𐎠 𐏐 𐎲𐎢𐎷/𐎡𐎹𐎠
: a-d-m : XŠ : a-h-y-a-y-a : b-u-mi-/i-y-a
: adam : XŠ : ahyāyā : būmiyā
Line: 21 𐏐 𐎠𐎷𐎡𐎹 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱/𐎠𐎬𐎢𐎺
: a-mi-i-y : m-a-m : a-u-r-m-z-d-a : p-/a-tu-u-v
: amiy : mām : Auramazdā : pātuv
Line: 22 𐏐 𐎢𐎫𐎠𐎶𐎡𐎹 𐏐 𐎻𐎡𐎰𐎶 𐏐 𐎢𐎫𐎠
: u-t-a-m-i-y : vi-i-ϑ-m : u-t-a
: utāmaiy : viϑam : utā
Line: 23 𐏐 𐎧𐏁𐏂𐎶 𐏐 𐎫𐎹𐎶𐎡𐎹 𐏐 𐎳𐎼𐎠𐎲𐎼
: x-š-ç-m : t-y-m-i-y : f-r-a-b-r
: xšaçam : tyamaiy : frābara
Line: 1 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎹𐎢𐎴𐎠𐎶 𐏐 𐏋 𐏐 𐎠𐏃𐎹𐎠𐎹𐎠 𐏐 𐏏𐎹𐎠 𐏐 𐎭𐎠𐎼𐎹𐎺𐎢𐏁𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐎭/𐎠𐎼𐎹𐎺𐎢𐏁𐏃𐎹𐎠
ϑ-a-t-i-y : a-r-t-x-š-ç-a : XŠ : v-z-r-k : XŠ : XŠ-y-a-n-a-m : XŠ : DH-y-u-n-a-m : XŠ : a-h-y-a-y-a : BU-y-a : d-a-r-y-v-u-š-h-y-a : XŠ-h-y-a : p-u-ç : d-/a-r-y-v-u-š-h-y-a
ϑātiy : Artaxšaçā : XŠ : vazraka : XŠ : XŠyanām : XŠ : DHyunām : XŠ : ahyāyā : BUyā : Dārayavaušahyā : XŠhyā : puça : Dārayavaušahyā
Line: 2 𐏐 𐎠𐎼𐎫𐎧𐏁𐏂[𐎠]𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐎠𐎼𐎫𐎧𐏁𐏂𐎠𐏃𐎹𐎠 𐏐 𐎧𐏁𐎹𐎠𐎼𐎨𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐎧𐏁𐎹𐎠𐎼𐎨𐏃𐎹𐎠 𐏐 𐎭𐎠𐎼/𐎹𐎺𐎢𐏁𐏃[𐎹𐎠
: a-r-t-x-š-ç-[a]-h-y-a : XŠ-h-y-a : p-u-ç : a-r-t-x-š-ç-a-h-y-a : x-š-y-a-r-c-h-y-a : XŠ-h-y-a : p-u-ç : x-š-y-a-r-c-h-y-a : d-a-r-/y-v-u-š-h-[y-a
: Artaxšaçāhyā : XŠhyā : puça : Artaxšaçāhyā : Xšayārcahyā : XŠhyā : puça : Xšayārcahyā : Dārayavaušahyā
Line: 3 𐏐] 𐏋𐏃𐎹𐎠 𐏐 𐎱𐎢𐏂 𐏐 𐎭[𐎠𐎼]𐎹𐎺𐎢𐏁𐏃𐎹𐎠 𐏐 𐎻𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂 𐏐 𐏃𐎧𐎶𐎠𐎴𐏁𐎡𐎹 𐏐 𐎡𐎶𐎶 𐏐 𐎠𐎱𐎭𐎠𐎴 𐏐 𐎭𐎠𐎼𐎹𐎺𐎢𐏁 𐏐 𐎠𐎱𐎴𐎹𐎠𐎣𐎶 𐏐 𐎠[𐎤]/𐎢𐎴𐏁
:] XŠ-h-y-a : p-u-ç : d-[a-r]-y-v-u-š-h-y-a : vi-š-t-a-s-p-h-y-a : p-u-ç : h-x-m-a-n-š-i-y : i-m-m : a-p-d-a-n : d-a-r-y-v-u-š : a-p-n-y-a-k-m : a-[ku]-/u-n-š
: XŠhyā : puça : Dārayavaušahyā : Vištāspahyā : puça : Haxamānašiya : imam : apadāna : Dārayavauš : apanayākama : akunaš
Line: 4 𐏐 𐎠𐎲𐎹𐎱𐎼 𐏐 𐎢𐎱𐎠 𐏐 𐎠𐎼𐎫𐎧𐏁𐏂𐎠 𐏐 𐎴𐎹𐎣𐎶 𐏐 𐎠𐎰𐎺𐎠
: a-b-y-p-r : u-p-a : a-r-t-x-š-ç-a : n-y-k-m : a-ϑ-v-a
: abayapara : upā : Artaxšaçā : nc̣Čՙyākama : aϑavā?
Line: 5 [𐏐 𐎺]𐏁𐎴𐎠 𐏐 𐏈 [𐏐 𐎠𐎴𐏃]𐎫 𐏐 𐎢𐎫𐎠 𐏐 𐎷𐎰𐎼 𐏐 𐎠𐎭𐎶 𐏐 𐎴𐎿𐎫𐎠𐎹 𐏐 𐎠𐎱𐎭𐎠𐎴𐎠 𐏐 𐎡𐎶𐎶 𐏐 𐎠𐎤𐎢𐎴𐎡𐎹 𐏐 𐏈 𐏐 𐎠𐎴𐏃𐎫 𐏐 𐎢𐎫𐎠 𐏐 𐎷𐎰𐎼 𐏐 𐎶𐎠/[𐎶
[: v]-š-n-a : AM [: a-n-h]-t : u-t-a : mi-ϑ-r : a-d-m : n-s-t-a-y : a-p-d-a-n-a : i-m-m : a-ku-u-n-i-y : AM : a-n-h-t : u-t-a : mi-ϑ-r : m-a-/[m
: vašnā : AM : Anahata : utā : Miϑra : adam : niyastāyam? : apadāna : imam : akunaiy? : AM : Anahata : utā : Miϑra : mām
Line: 6 𐏐 𐎱𐎠𐎬𐎢]𐎺 [𐏐 𐏃𐎨𐎠] 𐏐 𐎻[𐎿𐎱]𐎠 𐏐 𐎥𐎿𐎫𐎠 𐏐 𐎢𐎫𐎠 𐏐 𐎡𐎶𐎶 𐏐 𐎫𐎹 𐏐 𐎠𐎤𐎢𐎴𐎠 𐏐 𐎶𐎠 𐏐 𐎹𐎠𐎬𐎢𐎶 𐏐 𐎶𐎠 𐏐 𐎣𐎹𐎠𐎭𐎠 𐏐 𐎻[++]𐎡𐎬[ +]
: p-a-tu-u]-v [: h-c-a] : vi-[s-p]-a : g-s-t-a : u-t-a : i-m-m : t-y : a-ku-u-n-a : m-a : y-a-tu-u-m : m-a : k-y-a-d-a : vi-[+-+]-i-tu-[ +]
: pātuv : hacā : vispā : gastā : utā : imam : tya : akunā : mā : yātum? : mā : kayādā : v...it...
Line: 1 𐎠𐎭𐎶 𐏐 𐎠𐎼𐎫𐎧𐏁𐏂𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏋𐎹𐎠𐎴𐎠<𐎶> 𐏐 𐏋 𐏐 𐎭𐎠𐎼𐎹𐎺𐎢𐏁 𐏐 𐏋𐏃𐎹𐎠 𐏐 𐎱𐎢𐏂
a-d-m : a-r-t-x-š-ç-a : XŠ : v-z-r-k : XŠ XŠ-y-a-n-a-<m> : XŠ : d-a-r-y-v-u-š : XŠ-h-y-a : p-u-ç
adam : Artaxšaçā : XŠ : vazraka : XŠ XŠyānām : XŠ : Dārayavauš : XŠhyā : puça
Line: 0.1 [𐎭𐎠𐎼𐎹𐎺𐎢𐏁𐏃𐎹]𐎠 𐏐 𐏋[𐏃𐎹𐎠 𐏐 𐎱𐎢𐏂 𐏐]
[d-a-r-y-v-u-š-h-y]-a : XŠ-[h-y-a : p-u-ç :]
Dārayavaušahyā : XŠhyā : puça :
Line: 0.2 [𐎭𐎠𐎼𐎹𐎺𐎢𐏁]𐏃𐎹𐎠 𐏐 𐎻[𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂]
[d-a-r-y-v-u-š]-h-y-a : vi-[š-t-a-s-p-h-y-a : p-u-ç]
Dārayavaušahyā : Vištāspahyā : puça
Line: 1 [𐏐 𐏃𐎧]𐎠𐎶𐎴𐎡𐏁𐎡[𐎹 𐏐 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐]
[: h-x]-a-m-n-i-š-i-[y : ϑ-a-t-i-y : a-r-t-x-š-ç-a :]
: Haxāmanišiya : ϑātiy : Artaxšaçā :
Line: 2 𐎧𐏁𐎠𐎹𐎰𐎡𐎹 𐏐 𐎺[𐏀𐎼𐎣 𐏐 𐎧𐏁𐎠𐎹𐎰𐎡𐎹 𐏐 𐎧]/𐏁𐎠𐎹𐎰𐎡𐎹𐎴𐎠𐎶
x-š-a-y-ϑ-i-y : v-[z-r-k : x-š-a-y-ϑ-i-y : x]-/š-a-y-ϑ-i-y-n-a-m
xšāyaϑiya : vazraka : xšāyaϑiya : xšāyaϑiyanām
Line: 3 𐏐 𐎧𐏁𐎠𐎹[𐎰𐎡𐎹 𐏐 𐎭𐏃𐎹𐎢𐎴]/𐎠𐎶
: x-š-a-y-[ϑ-i-y : d-h-y-u-n]-/a-m
: xšāyaϑiya : dahyūnām
Line: 4 𐏐 𐎧𐏁𐎠𐎹𐎰𐎡𐎹 𐏐 𐎠𐏃𐎹𐎠𐎹𐎠 [𐏐 𐎲𐎢𐎷𐎡𐎹𐎠 𐏐 𐎡]/𐎶𐎠𐎶
: x-š-a-y-ϑ-i-y : a-h-y-a-y-a [: b-u-mi-i-y-a : i]-/m-a-m
: xšāyaϑiya : ahyāyā : būmiyā : imām
Line: 5 𐏐 𐏃𐎮𐎡𐏁 𐏐 𐎢𐎫𐎠 𐏐 𐎡𐎶𐎠𐎶 [𐏐 𐎢𐎿𐎫]/𐎨𐎴𐎠𐎶
: h-di-i-š : u-t-a : i-m-a-m [: u-s-t]-/c-n-a-m
: hadiš : utā : imām : ustacanām
Line: 6 𐏐 𐎫𐎹 𐏐 𐎠𐎰𐎥𐎡𐎴𐎠𐎶 𐏐 𐎫[+++++]
: t-y : a-ϑ-g-i-n-a-m : t-[+++++]
: tya : aϑagainām : t...
Line: 7 [.................. 𐏐] 𐎠𐎢[𐎼𐎶𐏀𐎭𐎠 𐏐]
[.................... :] a-u-[r-m-z-d-a :]
..... : Auramazdā :
Line: 8 [.....]
[.....]
.....
Line: 1 𐎠𐎭𐎶 𐏐 𐎠𐎼𐎫𐎧𐏁𐏂𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎹𐎢𐎴𐎠𐎶 𐏐 𐏋 𐏐 𐎠𐏃𐎹𐎠𐎹𐎠 𐏐
a-d-m : a-r-t-x-š-ç-a : XŠ : v-z-r-k : XŠ : XŠ-y-a-n-a-m : XŠ : DH-y-u-n-a-m : XŠ : a-h-y-a-y-a :
adam : Artaxšaçā : XŠ : vazraka : XŠ : XŠyanām : XŠ : DHyunām : XŠ : ahyāyā :
Line: 2 𐏏𐎹𐎠 𐏐 𐎭𐎠𐎼𐎹𐎺𐎢𐏁 𐏐 𐏋𐎠𐏃𐎹𐎠 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐 𐏋 𐏐
BU-y-a : d-a-r-y-v-u-š : XŠ-a-h-y-a : p-u-ç : h-x-a-m-n-i-š-i-y : ϑ-a-t-i-y : a-r-t-x-š-ç-a : XŠ :
BUyā : Dārayavauš : XŠāhya : puça : Haxāmanišiya : ϑātiy : Artaxšaçā : XŠ :
Line: 3 𐎺𐏁𐎴𐎠 𐏐 𐏊𐎠 𐏐 𐎡𐎶𐎠𐎶 𐏐 𐏃𐎮𐎡𐏁 𐏐 𐎫𐎹 𐏐 𐎪𐎺𐎮𐎡𐎹 𐏐 𐎱𐎼𐎭𐎹𐎭𐎠𐎶 𐏐 𐎠𐎭𐎶 𐏐 𐎠𐎤𐎢𐎴𐎺𐎶 𐏐 𐏈 𐏐 𐎠𐎴𐏃/𐎡𐎫
v-š-n-a : AM-h-a : i-m-a-m : h-di-i-š : t-y : ji-v-di-i-y : p-r-d-y-d-a-m : a-d-m : a-ku-u-n-v-m : AM : a-n-h-/i-t
vašnā : AMhā : imām : hadiš : tya : jivadiy : paradayadām : adam : akunavam : AM : Anahita
Line: 4 [𐏐 𐎢]𐎫𐎠 𐏐 𐎷𐎫𐎼 𐏐 𐎶𐎠𐎶 𐏐 𐎱𐎠𐎬𐎢𐎺 𐏐 𐏃𐎨𐎠 𐏐 𐎻𐎡𐎿𐎱𐎠 𐏐 𐎥𐎿𐎫𐎠 𐏐 𐎢𐎫𐎶𐎡𐎹 𐏐 𐎣𐎼𐎫𐎶
[: u]-t-a : mi-t-r : m-a-m : p-a-tu-u-v : h-c-a : vi-i-s-p-a : g-s-t-a : u-t-m-i-y : k-r-t-m
: utā : Mitra : mām : pātuv : hacā : vispā : gastā : utamaiy : kartam
Line: 1 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐 𐏋 𐏐 𐎺𐏀𐎼𐎣 𐏐 𐏋 𐏐 𐏋[𐎹𐎠𐎴𐎠𐎶 𐏐 𐏋 𐏐 𐏍𐎹𐎢𐎴𐎠𐎶 𐏐 𐏋 𐏐 𐎠𐏃]/𐎹𐎠𐎹𐎠
ϑ-a-t-i-y : a-r-t-x-š-ç-a : XŠ : v-z-r-k : XŠ : XŠ-[y-a-n-a-m : XŠ : DH-y-u-n-a-m : XŠ : a-h]-/y-a-y-a
ϑātiy : Artaxšaçā : XŠ : vazraka : XŠ : XŠyanām : XŠ : DHyunām : XŠ : ahyāyā
Line: 2 𐏐 𐏏𐎹𐎠 𐏐 𐎭𐎠𐎼𐎹𐎺𐏁𐏃𐎹𐎠 𐏐 𐏋𐏃𐎹𐎠 [𐏐 𐎱𐎢𐏂 𐏐 𐎭𐎠𐎼𐎹𐎺𐏁𐏃𐎹𐎠 𐏐 𐎠𐎼𐎫𐎧𐏁𐎰𐎼]/𐏃𐎹𐎠
: BU-y-a : d-a-r-y-v-š-h-y-a : XŠ-h-y-a [: p-u-ç : d-a-r-y-v-š-h-y-a : a-r-t-x-š-ϑ-r]-/h-y-a
: BUyā : Dārayavašahyā : XŠhyā : puça : Dārayavašahyā : Artaxšaϑrahyā
Line: 3 𐏐 𐏋𐏃𐎹𐎠 𐏐 𐎱𐎢𐏂 𐏐 𐎠𐎼𐎫𐎧𐏁𐎰𐎼𐏃𐎹𐎠 𐏐 𐎧[𐏁𐎹𐎠𐎼𐏁𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐎧𐏁𐎹𐎠𐎼]/𐏁𐏃𐎹𐎠
: XŠ-h-y-a : p-u-ç : a-r-t-x-š-ϑ-r-h-y-a : x-[š-y-a-r-š-h-y-a : XŠ-h-y-a : p-u-ç : x-š-y-a-r]-/š-h-y-a
: XŠhyā : puça : Artaxšaϑrahyā : Xšayāršahyā : XŠhyā : puça : Xšayāršahyā
Line: 4 𐏐 𐎭𐎠𐎼𐎹𐎺𐏁𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 [𐏐 𐎭𐎠𐎼𐎹𐎺𐏁𐏃𐎹𐎠 𐏐 𐎻𐏁𐎫𐎠𐎿𐎱𐏃𐎹𐎠 𐏐 𐎱𐎢𐏂]
: d-a-r-y-v-š-h-y-a : XŠ-h-y-a : p-u-ç [: d-a-r-y-v-š-h-y-a : vi-š-t-a-s-p-h-y-a : p-u-ç]
: Dārayavašahyā : XŠhyā : puça : Dārayavašahyā : Vištāspahyā : puça
Line: 5 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎡𐎶𐎶 𐏐 𐎠𐎱𐎭𐎠𐎴 𐏐 𐎺𐏁[𐎴𐎠 𐏐 𐏈 𐏐 𐎠𐎴𐏃𐎫 𐏐 𐎢𐎫𐎠 𐏐 𐎷𐎫𐎼 𐏐 𐎠𐎭𐎶 𐏐 𐎠𐎤𐎢𐎴]/𐎠𐎶
: h-x-a-m-n-i-š-i-y : i-m-m : a-p-d-a-n : v-š-[n-a : AM : a-n-h-t : u-t-a : mi-t-r : a-d-m : a-ku-u-n]-/a-m
: Haxāmanišiya : imam : apadāna : vašnā : AM : Anahata : utā : Mitra : adam : akunām
Line: 6 𐏐 𐏈 𐏐 𐎠𐎴𐏃𐎫 𐏐 𐎢𐎫𐎠 𐏐 𐎷𐎫𐎼 𐏐 𐎶[𐎠𐎶 𐏐 𐎱𐎠𐎬𐎢𐎺 𐏐 𐏃𐎨𐎠 𐏐 𐎻𐎡𐎿𐎱𐎠 𐏐 𐎥𐎿𐎫𐎠 𐏐 𐎢𐎫]/𐎠
: AM : a-n-h-t : u-t-a : mi-t-r : m-[a-m : p-a-tu-u-v : h-c-a : vi-i-s-p-a : g-s-t-a : u-t]-/a
: AM : Anahata : utā : Mitra : mām : pātuv : hacā : vispā : gastā : utā
Line: 7 𐏐 𐎡𐎶𐎶 𐏐 𐎫𐎹 𐏐 𐎠𐎤𐎢𐎴𐎠 𐏐 𐎶𐎠 [𐏐 𐎻𐎡𐎩𐎴𐎠𐎫𐎡𐎹 𐏐 𐎶𐎠 𐏐 𐎻𐎡𐎴𐎠𐎰𐎹𐎠𐎫𐎡𐎹]
: i-m-m : t-y : a-ku-u-n-a : m-a [: vi-i-j-n-a-t-i-y : m-a : vi-i-n-a-ϑ-y-a-t-i-y]
: imam : tya : akunā : mā : vijanātiy : mā : vināϑayātiy
Line: 1 𐎠𐎱𐎭𐎠𐎴𐎶 𐏐 𐎿𐎬𐎢𐎴𐎠𐎹 𐏐 𐎠𐎰𐎥𐎡𐎴𐎶 𐏐 𐎠𐎼𐎫𐎧𐏁𐏂𐎠 𐏐 𐏋 𐏐 𐎺𐏀𐎼𐎣 𐏐 𐎠[𐎤𐎢𐎴]𐎢𐏁 𐏐 𐏃𐎹 𐏐 𐎭𐎠𐎼𐎹𐎺𐎢𐏁 𐏐 𐏋 𐏐 𐎱𐎢𐏂𐎠 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎷𐎡𐎫[𐎼 𐏐 𐎶𐎠𐎶 𐏐 𐎱𐎠𐎬𐎢𐎺]
a-p-d-a-n-m : s-tu-u-n-a-y : a-ϑ-g-i-n-m : a-r-t-x-š-ç-a : XŠ : v-z-r-k : a-[ku-u-n]-u-š : h-y : d-a-r-y-v-u-š : XŠ : p-u-ç-a : h-x-a-m-n-i-š-i-y : mi-i-t-[r : m-a-m : p-a-tu-u-v]
apadānam : stūnāya : aϑagainam : Artaxšaçā : XŠ : vazraka : akunauš : hya : Dārayavauš : XŠ : puçā : Haxāmanišiya : Mitra : mām : pātuv
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐 𐎶𐎰𐎡𐏁𐎫 𐏐
b-g : v-z-r-k : a-u-r-m-z-d-a : h-y : m-ϑ-i-š-t :
baga : vazraka : Auramazdā : hya : maϑišta :
Line: 2 𐎲𐎥𐎠𐎴𐎠𐎶 𐏐 𐏃𐎹 𐏐 𐎡𐎶𐎠𐎶 𐏐 𐎲𐎢𐎷𐎡𐎶 𐏐 𐎠𐎭𐎠 𐏐
b-g-a-n-a-m : h-y : i-m-a-m : b-u-mi-i-m : a-d-a :
bagānām : hya : imām : būmim : adā :
Line: 3 𐏃𐎹 𐏐 𐎠𐎺𐎶 𐏐 𐎠𐎿𐎶𐎠𐎴𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡𐎹/𐎶
h-y : a-v-m : a-s-m-a-n-m : a-d-a : h-y : m-r-t-i-y-/m
hya : avam : asmānam : adā : hya : martiyam
Line: 4 𐏐 𐎠𐎭𐎠 𐏐 𐏃𐎹 𐏐 𐏁𐎡𐎹𐎠𐎫𐎡𐎶 𐏐 𐎠𐎭𐎠 𐏐 𐎶𐎼𐎫𐎡𐎹𐏃𐎹/𐎠
: a-d-a : h-y : š-i-y-a-t-i-m : a-d-a : m-r-t-i-y-h-y-/a
: adā : hya : šiyātim : adā : martiyahyā
Line: 5 𐏐 𐏃𐎹 𐏐 𐎠𐎼𐎫𐎧𐏁𐏂𐎠𐎶 𐏐 𐏋𐎶 𐏐 𐎠𐎤𐎢𐎴𐎢𐏁 𐏐 𐎠𐎡/𐎺𐎶
: h-y : a-r-t-x-š-ç-a-m : XŠ-m : a-ku-u-n-u-š : a-i-/v-m
: hya : Artaxšaçām : XŠm : akunauš : aivam
Line: 6 𐏐 𐎱𐎽𐎢𐎴𐎠𐎶 𐏐 𐏋𐎶 𐏐 𐎠𐎡𐎺𐎶 𐏐 𐎱𐎽𐎢𐎴𐎠𐎶 𐏐
: p-ru-u-n-a-m : XŠ-m : a-i-v-m : p-ru-u-n-a-m :
: parūnām : XŠm : aivam : parūnām :
Line: 7 𐎳𐎼𐎶𐎠𐎫𐎠𐎼𐎶 𐏐 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐 𐏋 𐏐 𐎺/𐏀𐎼𐎣
f-r-m-a-t-a-r-m : ϑ-a-t-i-y : a-r-t-x-š-ç-a : XŠ : v-/z-r-k
framātāram : ϑātiy : Artaxšaçā : XŠ : vazraka
Line: 8 𐏐 𐏋 𐏐 𐏋𐎹𐎠𐎴𐎠𐎶 𐏐 𐏋 𐏐 𐏍𐎹𐎢𐎴𐎠𐎶 𐏐 𐏋
: XŠ : XŠ-y-a-n-a-m : XŠ : DH-y-u-n-a-m : XŠ
: XŠ : XŠyanām : XŠ : DHyunām : XŠ
Line: 9 𐏐 𐎠𐏃𐎹𐎠𐎹𐎠 𐏐 𐏏𐎹𐎠 𐏐 𐎠𐎭𐎶 𐏐 𐎭𐎠𐎼𐎹𐎺𐎢𐏁𐏃𐎹/𐎠
: a-h-y-a-y-a : BU-y-a : a-d-m : d-a-r-y-v-u-š-h-y-/a
: ahyāyā : BUyā : adam : Dārayavaušahyā
Line: 10 𐏐 𐏋𐏃𐎹𐎠 𐏐 𐎱𐎢𐏂 𐏐 𐎭𐎠𐎼𐎹𐎺𐎢𐏁𐏃𐎹𐎠 𐏐 𐎠𐎼𐎫𐎧/𐏁𐏂𐎠𐏃𐎹𐎠
: XŠ-h-y-a : p-u-ç : d-a-r-y-v-u-š-h-y-a : a-r-t-x-/š-ç-a-h-y-a
: XŠhyā : puça : Dārayavaušahyā : Artaxšaçāhyā
Line: 11 𐏐 𐏋𐏃𐎹𐎠 𐏐 𐎱𐎢𐏂 𐏐 𐎠𐎼𐎫𐎧𐏁𐏂𐎠𐏃𐎹/𐎠
: XŠ-h-y-a : p-u-ç : a-r-t-x-š-ç-a-h-y-/a
: XŠhyā : puça : Artaxšaçāhyā
Line: 12 𐏐 𐎧𐏁𐎹𐎠𐎼𐏁𐎠𐏃𐎹𐎠 𐏐 𐏋𐏃𐎹𐎠 𐏐 𐎱𐎢𐏂 𐏐 𐎧𐏁𐎹/𐎠𐎼𐏁𐎠𐏃𐎹𐎠
: x-š-y-a-r-š-a-h-y-a : XŠ-h-y-a : p-u-ç : x-š-y-/a-r-š-a-h-y-a
: Xšayāršāhyā : XŠhyā : puça : Xšayāršāhyā
Line: 13 𐏐 𐎭𐎠𐎼𐎹𐎺𐎢𐏁𐏃𐎹𐎠 𐏐 𐏋𐏃𐎹𐎠 𐏐 𐎱/𐎢𐏂
: d-a-r-y-v-u-š-h-y-a : XŠ-h-y-a : p-/u-ç
: Dārayavaušahyā : XŠhyā : puça
Line: 14 𐏐 𐎭𐎠𐎼𐎹𐎺𐎢𐏁𐏃𐎹𐎠 𐏐 𐎻𐎡𐏁𐎫𐎠𐎿𐎱𐏃𐎹𐎠 𐎴𐎠/𐎶
: d-a-r-y-v-u-š-h-y-a : vi-i-š-t-a-s-p-h-y-a n-a-/m
: Dārayavaušahyā : Vištāspahyā nāma
Line: 15 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡𐎹 𐏐 𐎰𐎠𐎫𐎡𐎹 𐏐 𐎠𐎼𐎫𐎧𐏁/𐏂𐎠
: p-u-ç : h-x-a-m-n-i-š-i-y : ϑ-a-t-i-y : a-r-t-x-š-/ç-a
: puça : Haxāmanišiya : ϑātiy : Artaxšaçā
Line: 16 𐏐 𐏋 𐏐 𐎺𐏁𐎴𐎠 𐏐 𐎠𐎢𐎼𐎶𐏀𐎭𐎠𐏃𐎠 𐏐 𐎠𐎭𐎶 𐏐 𐏋 𐏐 𐎠/𐏃𐎹𐎠𐎹𐎠
: XŠ : v-š-n-a : a-u-r-m-z-d-a-h-a : a-d-m : XŠ : a-/h-y-a-y-a
: XŠ : vašnā : Auramazdāhā : adam : XŠ : ahyāyā
Line: 17 𐏐 𐏏𐎹𐎠 𐏐 𐎺𐏀𐎼𐎣𐎠𐎹𐎠 𐏐 𐎯𐎢𐎼𐎡𐎹 𐏐 𐎠/𐎱𐎡𐎹
: BU-y-a : v-z-r-k-a-y-a : du-u-r-i-y : a-/p-i-y
: BUyā : vazrakāyā : dūraiy : apiy
Line: 18 𐏐 𐎠𐎷𐎡𐎹 𐏐 𐎠𐎢𐎼𐎶𐏀𐎭𐎠 𐏐 𐎧𐏁𐏂𐎶 𐏐 𐎶𐎴𐎠 𐏐 𐎳𐎼𐎠𐎲/𐎼
: a-mi-i-y : a-u-r-m-z-d-a : x-š-ç-m : m-n-a : f-r-a-b-/r
: amiy : Auramazdā : xšaçam : manā : frābara
Line: 19 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐 𐎱𐎠𐎬𐎢𐎺 𐏐 𐎢𐎫𐎠 𐏐 𐎧𐏁𐏂/𐎶
: m-a-m : a-u-r-m-z-d-a : p-a-tu-u-v : u-t-a : x-š-ç-/m
: mām : Auramazdā : pātuv : utā : xšaçam
Line: 20 𐏐 𐎫𐎹𐎶𐎡𐎹 𐏐 𐎳𐎼𐎠𐎲𐎼 𐏐 𐎢𐎫𐎠𐎶𐎡𐎹 𐏐 𐎻𐎡𐎰𐎶
: t-y-m-i-y : f-r-a-b-r : u-t-a-m-i-y : vi-i-ϑ-m
: tyamaiy : frābara : utāmaiy : viϑam
Line: 1 𐎡𐎹𐎶 𐏐 𐎱𐎠𐎼𐎿 𐏐
i-y-m : p-a-r-s :
iyam : Pārsa :
Line: 2 𐎡𐎹𐎶 𐏐 𐎶𐎠𐎭 𐏐
i-y-m : m-a-d :
iyam : Māda :
Line: 3 𐎡𐎹𐎶 𐏐 𐎢𐎺𐎩 𐏐
i-y-m : u-v-j :
iyam : Ūvja :
Line: 4 𐎡𐎹𐎶 𐏐 𐎱𐎼𐎰𐎺 𐏐
i-y-m : p-r-ϑ-v :
iyam : Parϑava :
Line: 5 𐎡𐎹𐎶 𐏐 𐏃𐎼𐎡𐎺 𐏐
i-y-m : h-r-i-v :
iyam : Haraiva :
Line: 6 𐎡𐎹𐎶 𐏐 𐎲𐎠𐎧𐎫𐎼𐎡𐎹 𐏐
i-y-m : b-a-x-t-r-i-y :
iyam : Bāxtriya :
Line: 7 𐎡𐎹𐎶 𐏐 𐎿𐎢𐎦𐎢𐎭 𐏐
i-y-m : s-u-gu-u-d :
iyam : Suguda :
Line: 8 [𐎡𐎹𐎶 𐏐 𐎢𐎺𐎠𐎼]𐏀𐎷𐎹 𐏐
[i-y-m : u-v-a-r]-z-mi-y :
iyam : Uvārazmiya :
Line: 9 𐎡𐎹𐎶 𐏐 𐏀𐎼𐎣𐎠 𐏐
i-y-m : z-r-k-a :
iyam : Zrakā :
Line: 10 𐎡𐎹𐎶 𐏐 𐏃𐎼𐎢𐎺𐎫𐎡𐎹 𐏐
i-y-m : h-r-u-v-t-i-y :
iyam : Harauvatiya :
Line: 11 [𐎡]𐎹𐎶 𐏐 𐎰𐎫𐎦𐎢𐎡𐎹 𐏐
[i]-y-m : ϑ-t-gu-u-i-y :
iyam : Θataguiya :
Line: 12 𐎡𐎹𐎶 𐏐 𐎥𐎭𐎠𐎼𐎹 𐏐
i-y-m : g-d-a-r-y :
iyam : Gadāraya :
Line: 13 𐎡𐎹𐎶 𐏐 𐏃𐎡𐎯𐎢𐎹 𐏐
i-y-m : h-i-du-u-y :
iyam : Hiduya :
Line: 14 𐎡𐎹𐎶 𐏐 𐎿𐎣𐎠 𐏐 𐏃𐎢𐎶𐎺𐎼𐎥𐎠 𐏐
i-y-m : s-k-a : h-u-m-v-r-g-<1>-a :
iyam : Sakā : haumavargā :
Line: 15 𐎡𐎹𐎶 𐏐 𐎿𐎣𐎠 𐏐 𐎫𐎡𐎥𐎼𐎧[𐎢𐎭]𐎠 𐏐
i-y-m : s-k-a : t-i-g-r-x-[u-d]-a :
iyam : Sakā : tigraxaudā :
Line: 16 𐎡𐎹𐎶 𐏐 𐎲𐎠𐎲𐎡𐎽𐎢𐏁 𐏐
i-y-m : b-a-b-i-ru-u-š :
iyam : Bābirauš :
Line: 17 𐎡𐎹𐎶 𐏐 𐎠𐎰𐎢𐎼𐎡𐎹 𐏐
i-y-m : a-ϑ-u-r-i-y :
iyam : Aϑuriya :
Line: 18 𐎡𐎹𐎶 𐏐 𐎠𐎼𐎲𐎠𐎹 𐏐
i-y-m : a-r-b-a-y :
iyam : Arabāya :
Line: 19 𐎡𐎹𐎶 𐏐 𐎸𐎢𐎭𐎼[𐎠]𐎹 𐏐
i-y-m : mu-u-d-r-[a]-y :
iyam : Mudrāya :
Line: 20 𐎡𐎹𐎶 𐏐 𐎠𐎼𐎷𐎡𐎴𐎡𐎹 𐏐
i-y-m : a-r-mi-i-n-i-y :
iyam : Arminiya :
Line: 21 𐎡𐎹𐎶 𐏐 𐎣𐎫𐎱𐎬𐎢𐎣 𐏐
i-y-m : k-t-p-tu-u-k :
iyam : Katpatuka :
Line: 22 𐎡𐎶𐎹 𐏐 𐎿𐎱𐎼𐎮𐎡𐎹 𐏐
i-<y-m> : s-p-r-di-i-y :
iyam : Spardiya :
Line: 23 𐎡𐎹𐎶 𐏐 𐎹𐎢𐎴𐎠 𐏐
i-y-m : y-u-n-a :
iyam : Yaunā :
Line: 24 𐎡𐎹𐎶 𐏐 𐎿𐎣𐎠 𐏐 𐎱𐎼𐎭𐎼𐎡𐎹 𐏐
i-y-m : s-k-a : p-r-d-r-i-y :
iyam : Sakā : paradraiya :
Line: 25 𐎡𐎹𐎶 𐏐 𐎿𐎤𐎢𐎭𐎼 𐏐
i-y-m : s-ku-u-d-r :
iyam : Skudra :
Line: 26 𐎡𐎹𐎶 𐏐 𐎹𐎢𐎴 𐏐 𐎫𐎣𐎲𐎼𐎠 𐏐
i-y-m : y-u-n : t-k-b-r-a :
iyam : Yauna : takabarā :
Line: 27 𐎡𐎹𐎶 𐏐 𐎱𐎢𐎫𐎠𐎹 𐏐
i-y-m : p-u-t-a-y :
iyam : Putāya :
Line: 28 𐎡𐎹𐎶 𐏐 𐎤𐎢𐏁𐎠𐎹 𐏐
i-y-m : ku-u-š-a-y :
iyam : Kūšāya :
Line: 29 𐎡𐎹(𐎶) 𐏐 𐎣𐎼𐎣 𐏐
i-y-(m) : k-r-k :
iyam : Karka :
Line: 30 [𐎡𐎹𐎶 𐏐 𐎶𐎨]𐎡𐎹 𐏐
[i-y-m : m-c]-i-y :
iyam : Maciya :
Line: 1 [𐎠𐎼]𐎫𐎧𐏁𐏂(𐎠)
[a-r]-t-x-š-ç-(a)
Artaxšaçā
Line: 1 𐎲𐎥 𐏐 𐎺𐏀𐎼𐎣 𐏐 𐎠𐎢𐎼𐎶𐏀𐎭𐎠 𐏐 𐏃𐎹 𐏐
b-g : v-z-r-k : a-u-r-m-z-d-a : h-y :
baga : vazraka : Auramazdā : hya :
Line: 2 𐎡𐎶𐎠𐎶 𐏐 𐎲𐎢𐎶𐎠𐎶 𐏐 𐎠𐎭𐎠 𐏐 𐏃𐎹 𐏐 𐎠/𐎺𐎶
i-m-a-m : b-u-m-a-m : a-d-a : h-y : a-/v-m
imām : būmām : adā : hya : avam
Line: 3 𐏐 𐎠𐎿𐎶𐎠𐎴𐎠𐎶 𐏐 𐎠𐎭𐎠 𐏐 𐏃𐎹 𐏐 𐎶𐎼𐎫𐎡/𐎹𐎶
: a-s-m-a-n-a-m : a-d-a : h-y : m-r-t-i-/y-m
: asmānām : adā : hya : martiyam
Line: 4 𐏐 𐎠𐎭𐎠 𐏐 𐏃𐎹 𐏐 𐏁𐎠𐎹𐎫𐎠𐎶 𐏐 𐎠𐎭𐎠 𐏐 𐎶𐎼𐎫/𐎡𐏃𐎹𐎠
: a-d-a : h-y : š-a-y-t-a-m : a-d-a : m-r-t-/i-h-y-a
: adā : hya : šāyatām : adā : martihyā
Line: 5 𐏐 𐏃𐎹 𐏐 𐎶𐎠𐎶 𐏐 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹/𐎰𐎡𐎹
: h-y : m-a-m : a-r-t-x-š-ç-a : x-š-a-y-/ϑ-i-y
: hya : mām : Artaxšaçā : xšāyaϑiya
Line: 6 𐏐 𐎠𐎤𐎢𐎴𐎢𐏁 𐏐 𐎠𐎡𐎺𐎶 𐏐 𐎱𐎽𐎢𐎺𐎴𐎠𐎶 𐏐
: a-ku-u-n-u-š : a-i-v-m : p-ru-u-v-n-a-m :
: akunauš : aivam : parūvnām :
Line: 7 𐎧𐏁𐎠𐎹𐎰𐎡𐎹𐎶 𐏐 𐎠𐎡𐎺𐎶 𐏐 𐎱𐎽𐎢𐎺𐎴𐎠𐎶
x-š-a-y-ϑ-i-y-m : a-i-v-m : p-ru-u-v-n-a-m
xšāyaϑiyam : aivam : parūvnām
Line: 8 𐏐 𐎳𐎼𐎶𐎫𐎠𐎼𐎶 𐏐 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐
: f-r-m-t-a-r-m : ϑ-a-t-i-y : a-r-t-x-š-ç-a :
: framatāram : ϑātiy : Artaxšaçā :
Line: 9 𐎧𐏁𐎠𐎹𐎰𐎡𐎹 𐏐 𐎺𐏀𐎼𐎣 𐏐 𐎧𐏁𐎠𐎹𐎰𐎡𐎹
x-š-a-y-ϑ-i-y : v-z-r-k : x-š-a-y-ϑ-i-y
xšāyaϑiya : vazraka : xšāyaϑiya
Line: 10 𐏐 𐎧𐏁𐎠𐎹𐎰𐎡𐎹𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐
: x-š-a-y-ϑ-i-y-n-a-m : x-š-a-y-ϑ-i-y :
: xšāyaϑiyanām : xšāyaϑiya :
Line: 11 𐏍𐎹𐎢𐎴𐎠𐎶 𐏐 𐎧𐏁𐎠𐎹𐎰𐎡𐎹 𐏐 𐎠𐏃𐎹𐎠𐎹𐎠 𐏐 𐏏𐎹𐎠 𐏐 𐎠𐎭/𐎶
DH-y-u-n-a-m : x-š-a-y-ϑ-i-y : a-h-y-a-y-a : BU-y-a : a-d-/m
DHyunām : xšāyaϑiya : ahyāyā : BUyā : adam
Line: 12 𐏐 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹/𐎰𐎡𐎹
: a-r-t-x-š-ç-a : x-š-a-y-/ϑ-i-y
: Artaxšaçā : xšāyaϑiya
Line: 13 𐏐 𐎱𐎢𐏂 𐏐 𐎠𐎼𐎫𐎧𐏁𐏂𐎠 𐎭𐎠𐎼𐎹𐎺𐎢/𐏁
: p-u-ç : a-r-t-x-š-ç-a d-a-r-y-v-u-/š
: puça : Artaxšaçā Dārayavauš
Line: 14 𐏐 𐎧𐏁𐎠𐎹𐎰𐎡𐎹 𐏐 𐎱𐎢𐏂 𐏐 𐎭𐎠𐎼𐎹𐎺𐎢𐏁 𐏐 𐎠/𐎼𐎫𐎧𐏁𐏂𐎠
: x-š-a-y-ϑ-i-y : p-u-ç : d-a-r-y-v-u-š : a-/r-t-x-š-ç-a
: xšāyaϑiya : puça : Dārayavauš : Artaxšaçā
Line: 15 𐏐 𐎧𐏁𐎠𐎹𐎰𐎡𐎹 𐏐 𐎱𐎢𐏂 𐏐 𐎠𐎼𐎫𐎧𐏁/𐏂𐎠
: x-š-a-y-ϑ-i-y : p-u-ç : a-r-t-x-š-/ç-a
: xšāyaϑiya : puça : Artaxšaçā
Line: 16 𐏐 𐎧𐏁𐎹𐎠𐎼𐏁𐎠 𐏐 𐎧𐏁𐎠𐎹𐎰𐎡𐎹 𐏐 𐎱𐎢𐏂 𐏐 𐎧/𐏁𐎹𐎠𐎼𐏁𐎠
: x-š-y-a-r-š-a : x-š-a-y-ϑ-i-y : p-u-ç : x-/š-y-a-r-š-a
: Xšayāršā : xšāyaϑiya : puça : Xšayāršā
Line: 17 𐏐 𐎭𐎠𐎼𐎹𐎺𐎢𐏁 𐏐 𐎧𐏁𐎠𐎹𐎰/𐎡𐎹
: d-a-r-y-v-u-š : x-š-a-y-ϑ-/i-y
: Dārayavauš : xšāyaϑiya
Line: 18 𐏐 𐎱𐎢𐏂 𐏐 𐎭𐎠𐎼𐎹𐎺𐎢𐏁 𐏐 𐎻𐏁𐎫𐎠𐎿𐎱/𐏃𐎹𐎠
: p-u-ç : d-a-r-y-v-u-š : vi-š-t-a-s-p-/h-y-a
: puça : Dārayavauš : Vištāspahyā
Line: 19 𐏐 𐎴𐎠𐎶 𐏐 𐎱𐎢𐏂 𐏐 𐎻𐏁𐎫𐎠𐎿𐎱𐏃𐎹𐎠 𐏐
: n-a-m : p-u-ç : vi-š-t-a-s-p-h-y-a :
: nāma : puça : Vištāspahyā :
Line: 20 𐎠𐎼𐏁𐎠𐎶 𐏐 𐎴𐎠𐎶 𐏐 𐎱𐎢𐏂 𐏐 𐏃𐎧𐎠𐎶𐎴𐎡𐏁𐎡/𐎹
a-r-š-a-m : n-a-m : p-u-ç : h-x-a-m-n-i-š-i-/y
Aršāma : nāma : puça : Haxāmanišiya
Line: 21 𐏐 𐎰𐎠𐎫𐎡𐎹 𐏐 𐎠𐎼𐎫𐎧𐏁𐏂𐎠 𐏐 𐎧𐏁𐎠𐎹𐎰𐎡/𐎹
: ϑ-a-t-i-y : a-r-t-x-š-ç-a : x-š-a-y-ϑ-i-/y
: ϑātiy : Artaxšaçā : xšāyaϑiya
Line: 22 𐏐 𐎡𐎶𐎶 𐏐 𐎢𐎿𐎫𐏁𐎴𐎠𐎶 𐏐 𐎠𐎰𐎥𐎴𐎠𐎶 𐏐 𐎶𐎠/𐎶
: i-m-m : u-s-t-š-n-a-m : a-ϑ-g-n-a-m : m-a-/m
: imam : ustašanām : aϑaganām : mām
Line: 23 𐏐 𐎢𐎱𐎠 𐏐 𐎶𐎠𐎶 𐏐 𐎣𐎼𐎫𐎠 𐏐 𐎰𐎠𐎫𐎡𐎹 𐏐 𐎠𐎼𐎫/𐎧𐏁𐏂𐎠
: u-p-a : m-a-m : k-r-t-a : ϑ-a-t-i-y : a-r-t-/x-š-ç-a
: upā : mām : kartā : ϑātiy : Artaxšaçā
Line: 24 𐏐 𐎧𐏁𐎠𐎹𐎰𐎡𐎹 𐏐 𐎶𐎠𐎶 𐏐 𐎠𐎢𐎼𐎶𐏀𐎭𐎠 𐏐
: x-š-a-y-ϑ-i-y : m-a-m : a-u-r-m-z-d-a :
: xšāyaϑiya : mām : Auramazdā :
Line: 25 𐎢𐎫𐎠 𐏐 𐎷𐎰𐎼 𐏐 𐎲𐎥 𐏐 𐎱𐎠𐎬𐎢𐎺 𐏐 𐎢𐎫𐎠 𐏐 𐎡𐎶𐎠/𐎶
u-t-a : mi-ϑ-r : b-g : p-a-tu-u-v : u-t-a : i-m-a-/m
utā : Miϑra : baga : pātuv : utā : imām
Line: 26 𐏐 𐏍𐎹𐎢𐎶 𐏐 𐎢𐎫𐎠 𐏐 𐎫𐎹 𐏐 𐎶𐎠𐎶 𐏐 𐎣𐎼𐎫𐎠 𐏐
: DH-y-u-m : u-t-a : t-y : m-a-m : k-r-t-a :
: DHyaum : utā : tya : mām : kartā :
Line: 1 𐎢𐎱𐎠
u-p-a
upā
Line: 2-4 𐎠𐎼𐎫/𐎧𐏁[𐏂]/[𐎠𐎶]
a-r-t-/x-š-[ç-]/[a-m]
Artaxšaçām
Line: 1 𐎠𐎭𐎶 𐏐 𐎠𐎼𐎫𐎧𐏁/𐏂𐎠
a-d-m : a-r-t-x-š-/ç-a
adam : Artaxšaçā
Line: 2 𐏐 𐏋 𐏐 𐎺𐏀𐎼𐎣
: XŠ : v-z-r-k
: XŠ : vazraka
Line: 1 𐎠𐎼𐎭𐎧𐎨𐏁𐎨 𐏐 𐏋 𐏐 𐎺𐏀𐎼𐎣
a-r-d-x-c-š-c : XŠ : v-z-r-k
Ardaxcašca : XŠ : vazraka
Line: 1 𐎠𐎼𐏁/𐎣
a-r-š-/k
Aršaka
Line: 2 𐏐 𐎴/𐎠𐎶
: n-/a-m
: nāma
Line: 3 𐏐
:
:
Line: 4 𐎠𐎰𐎡/𐎹𐎠𐎲
a-ϑ-i-/y-a-b-
Āϑiyāba
Line: 5
Line: 6 𐎢𐏁𐎴/𐏃𐎹[𐎠
u-š-n-/h-y-[a
ušnahyā
Line: 7 𐏐]
:]
:
Line: 8 [𐎱𐎢𐏂]
[p-u-ç]
puça
Line: 1 𐏃𐎭𐎧𐎹
h-d-x-y
Hadaxaya
Line: 2 [.........]
[.........]
.........
Line: 3 𐎰𐎭𐎰 𐏐 [...]
ϑ-d-ϑ : [...]
ϑadaϑa : ...
Line: 1 ...𐎱𐎠𐎬(𐎢)
...p-a-tu-(u)
pātu
Line: 2 ...(𐎡)𐎸𐎹 𐏐 (𐎢)
...(i)-mu-y : (u)
...imaiy : u
Line: 3 ...(𐎶 𐏐 𐎡)
...(m : i)
...m : i
Line: 1 𐎢(𐎫𐎼)
u-(t-r)
utara
Line: 1 (𐎴)
(n)
n
Line: 1 (𐎥)
(g)-
g
Line: 1 (𐎥)
(g)-
g
Line: 1 𐎠𐎼𐎡𐎹𐎠𐎼𐏁𐎠 𐏐 𐎠𐎼𐏁𐎠𐎶𐏃𐎹𐎠 𐏐 𐎱𐎢𐏂
a-r-i-y-a-r-š-a : a-r-š-a-m-h-y-a : p-u-ç
Ariyārša? : Aršāmahyā : puça
Copyright TITUS Project,
Frankfurt a/M, 3.11.2013.
No parts of this document may be republished in any form
without prior permission by the copyright holder.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
NE.jpg)
NW.jpg)
E.jpg)
W.jpg)
.jpg)
1.jpg)
2.jpg)
NW.jpg)
EW.jpg)
NE.jpg)
W.jpg)
NW.jpg)
E.jpg)
.jpg)
.jpg)
.jpg)
.jpg)